#घेण्यावर

[airnews-arngbad]

Text - आकाशवाणी छत्रपती संभाजीनगर, दिनांक : 19.11.2024 रोजीचे सकाळी : 07.10 वाजताचे मराठी बातमीपत्र

ठळक बातम्या 

·      विधानसभा निवडणुकीसह नांदेड लोकसभा पोटनिवडणुकीचा प्रचार थांबला-उद्या मतदान

·      राज्यभरात नऊ कोटी ७० लाख २५ हजार ११९ मतदारांसाठी एक लाख ४२७ मतदान केंद्रं

·      ऑक्टोबरसाठी जीएसटी कर विवरणपत्रं भरण्यास २१ नोव्हेंबरपर्यंत मुदतवाढ

आणि

·      आचारसंहिता कालावधीत राज्यात सुमारे ८० हजार जणांवर प्रतिबंधात्मक कारवाई

****

सविस्तर बातम्या

विधानसभा निवडणुकीसह नांदेड लोकसभा पोटनिवडणुकीचा प्रचार काल थांबला. राज्यात विधानसभेच्या २८८, तसंच नांदेड लोकसभेच्या एका जागेसाठी उद्या मतदान होणार आहे. राज्यभरातल्या नऊ कोटी ७० लाख २५ हजार ११९ मतदारांसाठी, एक लाख ४२७ मतदान केंद्रं उभारण्यात आली आहेत. संवेदनशील मतदान केंद्रांवर केंद्रीय राखीव पोलीस दलाच्या तुकड्या तैनात करण्यात आल्या आहेत.

मतदानापूर्वीच्या या शांतता काळात, मतदारांवर प्रभाव पाडणाऱ्या, निवडणूक निकालावर परिणाम करणाऱ्या बाबी प्रदर्शित करण्यास निवडणूक आयोगाने माध्यमांना मनाई केली आहे. आता प्रचारसभा, मिरवणुका आयोजित केल्यास, आयोजक आणि सहभागी अशा दोघांना दोन वर्षापर्यंत तुरुंगवास अथवा दंड अथवा दोन्ही, अशा शिक्षेची तरतूद असल्याची माहिती, मुख्य निवडणूक अधिकारी कार्यालयानं दिली आहे. या कालावधीत जाहिराती प्रसारित करतानाही नियमांचं पालन करण्याचे निर्देश आयोगानं उमेदवारांना आणि जाहिराती प्रसारित करणाऱ्यांना दिले आहेत.

प्रशासनाकडून मतदान प्रक्रियेची संपूर्ण तयारी झाली असून, राज्यातल्या मतदारांनी मोठ्या ��ंख्येनं मतदान करण्याचं आवाहन मुख्य निवडणूक अधिकारी एस. चोक्कलिंगम यांनी केलं आहे.

****

मतदान केंद्रावर मतदारांची ओळख पटवण्यासाठी मतदार ओळखपत्रासह इतर १२ पुराव्यांपैकी कोणताही एक पुरावा ग्राह्य धरण्यात येणार आहे. यामध्ये वाहन चालवण्याचा परवाना, पॅन कार्ड, आधार कार्ड, पासपोर्ट, मनरेगा जॉब कार्ड, बँक किंवा टपाल खात्याचं छायाचित्र असलेलं पासबुक, आरोग्य विमा स्मार्ट कार्ड, राष्ट्रीय लोकसंख्या नोंदणी अंतर्गत भारताचे महानिबंधक यांनी दिलेलं स्मार्ट कार्ड, विशिष्ट दिव्यांगत्व ओळखपत्र, आदींचा समावेश आहे.

****

नांदेड लोकसभा मतदार संघातल्या मतदारांना उद्या दोन वेळा मतदान करायचं आहे. एकाच मतदान केंद्रावर पहिलं मतदान लोकसभा पोटनिवडणुकीसाठी, तर दुसरं मतदान विधानसभा निवडणुकीसाठी असेल. जिल्ह्यातल्या सहा विधानसभा मतदार संघातल्या मतदारांनी याची खबरदारी घेण्याचं आवाहन करत, जिल्हाधिकारी अभिजीत राऊत यांनी याबाबत सविस्तर माहिती दिली...

Byte…

****

छत्रपती संभाजीनगर जिल्ह्यातल्या सर्व नऊ मतदार संघातल्या मतदान केंद्रांवर आज दुपारपर्यंत मतदान साहित्य घेऊन मतदान पथकं पोहचणार असल्याची माहिती, जिल्हा निवडणूक अधिकारी तथा जिल्हाधिकारी दिलीप स्वामी यांनी दिली. काल छत्रपती संभाजीनगर इथं पत्रकार परिषदेत ते बोलत होते. एकूण १८ हजार १७८ मनुष्यबळ मतदान प्रक्रियेसाठी कार्यरत राहणार असून, त्यांच्या वाहतुकीसाठी सुमारे ११ हजार वाहनांची व्यवस्था करण्यात आल्याची माहिती स्वामी यांनी दिली...

Byte…

****

जालना जिल्ह्यात पाचही विधानसभा मतदार संघातल्या मतदान केंद्रावर जाणाऱ्या निवडणूक पथकांची तिसरी सरमिसळ प्रक्रिया, काल निवडणूक आयोगाच्या ऑनलाईन प्रणालीद्वारे पूर्ण करण्यात आली. या प्रक्रियेनुसार, कोणत्या मतदान केंद्रावर कोणतं पथक जाईल, हे आज संबंधित पथकांना कळवण्यात येणार आहे. त्यानंतर ही पथकं मतदानाचं संपूर्ण साहित्य घेवून मतदान केंद्राकडे रवाना होणार असल्याचं, जिल्हा निवडणूक अधिकारी श्रीकृष्ण पांचाळ यांनी सांगितलं.

****

धाराशिव जिल्ह्यात विधानसभा निवडणूक शांततेत पार पडावी तसंच निवडणुकीदरम्यान कोणताही अनुचित प्रकार घडू नये यासाठी पोलिस यंत्रणेकडून, पाच पोलिस उप अधीक्षक, १८ पोलिस निरीक्षक, १०४ सहायक ��िरीक्षक आणि पोलिस उपनिरीक्षक, एक हजार ६०४ पोलिस शिपाई यांच्यासह एक हजार ४५० होमगार्ड तसंच १०३ एनसीसीचे कॅडेट असा बंदोबस्त तैनात करण्यात आला आहे. या बरोबरच केंद्रीय पोलीस पथकातील ४ तुकड्या इथं दाखल झाल्या आहेत.

****

दरम्यान, काल प्रचाराच्या शेवटच्या दिवशी, पत्रकार परिषदा, जाहीर सभा आणि रोड शो सोबतच पदयात्रा आणि मतदारांच्या गृहभेटी घेण्यावर उमेदवारांचा कल दिसून आला.

काँग्रेस नेते राहुल गांधी, भाजपचे राष्ट्रीय सरचिटणीस विनोद तावडे, मुख्यमंत्री तथा शिवसेनेचे मुख्य नेते एकनाथ शिंदे, शिवसेना उद्धव बाळासाहेब ठाकरे पक्षाचे आमदार आदित्य ठाकरे यांच्यासह अनेक मान्यवरांनी काल पत्रकार परिषदा घेत, आपल्या भूमिका मांडल्‍या.

****

माजी गृहमंत्री आणि राष्ट्रवादी काँग्रेस शरदचंद्र पवार गटाचे नेते अनिल देशमुख यांच्या गाडीवर दगडफेक झाली, यात यात अनिल देशमुख जखमी झाले आहेत. नागपूर ग्रामीणच्या काटोलच्या जलालखेडा भागात ही घटना घडली. अनिल देशमुख यांचे पुत्र सलील देशमुख हे काटोल मधून महाविकास आघाडीचे उमेदवार आहेत. या घटनेचात तपास सुरू असल्याचं, पोलीस अधीक्षक हर्ष पोद्दार यांनी सांगितलं.

****

छत्रपती संभाजीनगर जिल्ह्यात गंगापूर मतदारसंघाचे अपक्ष उमेदवार सुरेश सोनावणे यांच्यावरही काही अज्ञातांनी लांजी गावाजवळ दगडफेक केली. त्यात ते किरकोळ जखमी झाले. पोलिस पुढील तपास करत आहेत.

****

या बातम्या आकाशवाणीच्या छत्रपती संभाजीनगर केंद्रावरून देत आहोत

****

चालू आर्थिक वर्षात ऑक्टोबरसाठी जीएसटी अर्थात वस्तू आणि सेवा कर विवरणपत्र तीन - बी भरण्याची मुदत महाराष्ट्र आणि झारखंड या राज्यांमध्ये एका दिवसानं म्हणजे २१ तारखेपर्यंत वाढवण्याचा निर्णय सरकारनं घेतला आहे. जीएसटी अंमलबजावणी समितीच्या मान्यतेनंतर हा निर्णय घेण्यात आला.

****

विधानसभा निवडणूक आचारसंहिता कालावधीत राज्यात सुमारे ८० हजार जणांवर प्रतिबंधात्मक कारवाई करण्यात आली. ५६ हजारांहून अधिक शस्र जमा केली असून, ६११ शस्र परवाने रद्द झाले आहेत. याच काळात ६६० कोटी रुपयांहून अधिक रकमेचा मुद्देमाल विविध ठिकाणच्या पथकांनी जप्त केला आहे. त्यात १५३ कोटी रुपयांहून अधिक रोकड, २८२ कोटी रुपयांहून अधिक रकमेचे मौल्यवान धातू यासह इतर गोष्टींचा समावेश आहे.

****

उद्या बुधवारी २० तारखेला सर्वांनी मतदान करण्याचं आवाहन अभिनेत्री शिवाली परब यांनी केलं आहे...

Byte…

****

छत्रपती संभाजीनगर महानगरपालिकेच्या वतीने, मनपा हद्दीमध्ये असलेल्या चार विधानसभा मतदारसंघात प्रत्येकी एक आदर्श मतदान केंद्र तयार करण्यात आलं आहे. या मतदान केंद्रात प्रतीक्षागृह, पाळणाघर, पिण्याचं पाणी, आरोग्य सुविधा, सेल्फी पॉईंट, यासाह सर्व सोयीसुविधा उपलब्ध असतील. स्वागत कक्षामध्ये मतदारांना यादीत नाव शोधण्यापासून बुथची माहिती सांगण्यासाठी नववी-दहावीच्या विद्यार्थ्यांना स्वयंसेवक म्हणून नेमण्यात आलं आहे. विद्यार्थ्यांना निवडणूक प्रक्रियेची माहिती व्हावी, हा या मागचा उद्देश आहे.

****

छत्रपती संभाजीनगर जिल्ह्यात आतापर्यंत चार हजार ७१ मतदारांनी गृहमतदान केलं असून, हे प्रमाण ७९ टक्के इतकं आहे. टपाली मतदान नऊ हजार ६९९ एवढं झालं असून, त्याचं प्रमाण ७३ टक्के असल्याचं, निवडणूक कार्यालयाकडून सांगण्यात आलं.

****

धाराशिव जिल्ह्यात उमरगा मतदारसंघात ८५ वर्षावरील ६१३ आणि १९४ दिव्यांग अशा एकूण ८०७ मतदारांनी नोंदणी केली होती. यापैकी ७६९ मतदारांनी गृह मतदानाचा हक्क बजावला.

****

परभणी विधानसभा मतदार संघाचे शिवसेना उद्धव बाळासाहेब ठाकरे पक्षाचे आमदार डॉ राहुल पाटील यांच्या प्रचाराचा शेवट काल ऑटो रिक्षा रॅली आणि दिव्यांगांच्या रिक्षा रॅलीने तर शिवसेना पक्षाचे उमेदवार आनंद भरोसे यांच्या प्रचाराचा समारोप चित्र रथाच्या रॅलीने करण्यात आला.

****

उस्मानाबाद विधानसभा मतदारसंघातले महायुतीचे उमेदवार अजित पिंगळे यांच्या प्रचाराची सांगता काल बाईक रॅलीनं करण्यात आली. या बाईक रॅलीचं नेतृत्व पिंगळे यांच्यासह तुळजापूर विधानसभा मतदारसंघातले महायुतीचे उमेदवार राणा जगजीतसिंह पाटील यांनी केलं.

****

औरंगाबाद पूर्व मतदार संघातले महायुतीचे उमेदवार अतुल सावे यांनी, तसंच औरंगाबाद मध्यचे महायुतीचे उमेदवार प्रदीप जैस्वाल यांनी वाहन रॅली काढून प्रचाराची सांगता केली. औरंगाबाद मध्यचे महाविकास आघाडीचे उमेदवार बाळासाहेब थोरात यांनी काल मतदारांना मोबाईलवरून ध्वनिमुद्रण ऐकवून प्रचार केला.

औरंगाबाद पश्चिम चे महायुतीचे उमेदवार संजय शिरसाठ तसंच महाविकास अघाडीचे याच मतदार संघातले उमेदवार राजू शिंदे यांनी जनसंवाद साधत आपल्या प्रचाराचा समारोप केला.

****

लातूर शहर मतदारसंघात काँग्रेसचे उमेदवार अमित देशमुख यांनी सिने अभिनेते रितेश देशमुख यांच्यासोबत शहरात एक सभा घेतली त्यानंतर गंजगोलाई परिसरात रोड शो केला. लातूर शहर मतदारसंघातल्या भाजपच��या उमेदवार डॉ. अर्चना पाटील चाकूरकर यांनी पदयात्रेने प्रचाराचा शेवट केला. लातूर शहरातले वंचित बहुजन आघाडीचे उमेदवार विनोद खटके यांनी सभा घेत मतदारांना साद घातली.

****

[nagarchaufer]

अभिषेक कळमकर यांच्यापर्यंत पोहचणं झालंय माध्यमांनाही अवघड , आत्ताच असं तर पुढं कसं ?

अभिषेक कळमकर यांच्यापर्यंत पोहचणं झालंय माध्यमांनाही अवघड , आत्ताच असं तर पुढं कसं ?

नगर शहर विधानसभा मतदारसंघात सध्या निवडणुकीचा प्रचार जोरदार सुरुवात सुरु असून विद्यमान आमदार संग्राम जगताप यांच्या विरोधात महाविकास आघाडीकडून माजी महापौर अभिषेक कळमकर हे निवडणुकीच्या रिंगणात आहेत. दोन्ही उमेदवारांकडून सध्या जोरदार प्रचाराला सुरुवात करण्यात आलेली असून प्रचार फेऱ्यांमध्ये सहभागी होऊन नागरिकांची भेट घेण्यावर दोन्ही उमेदवारांनी भर दिला आहे. अभिषेक कळमकर यांच्यापर्यंत पोहोचणे…

[bharatlivenewsmedia]

Pankaja Munde : पाथर्डीतून नाही तर परळीतून लढणार, पराभवाचा बदला घेण्यावर पंकजा मुंडे ठाम!

https://bharatlive.news/?p=85923 Pankaja Munde : पाथर्डीतून नाही तर परळीतून लढणार, पराभवाचा बदला घेण्यावर पंकजा ...

[darshaknews]

पहा: डेव्हिड वॉर्नरचे लक्ष चेंडूवर होते, येथे गिली प्रायव्हेट पार्टवर उडून गेली

पहा: डेव्हिड वॉर्नरचे लक्ष चेंडूवर होते, येथे गिली प्रायव्हेट पार्टवर उडून गेली

डेव्हिड वॉर्नर: ऑस्ट्रेलिया आणि श्रीलंका यांच्यात (AUS vs SL) गॉलमध्ये खेळल्या गेलेल्या पहिल्या कसोटीदरम्यान एक मजेदार घटना घडली. सामन्याच्या तिसऱ्या दिवशी लेग स्लीपमध्ये उभा असलेला ऑस्ट्रेलियन खेळाडू डेव्हिड वॉर्नर स्टंपचा बळी ठरला. त्याचे लक्ष पूर्णपणे झेल घेण्यावर होते आणि दुसरीकडे गिली त्याच्या प्रायव्हेट पार्टवर जाऊ लागली. तो हसतखेळत वेदना लपवताना दिसला. यादरम्यान सहकारी खेळाडूही त्याला…

[loksutra]

द कपिल शर्मा शो जूनमध्ये बंद होणार नाही, टीमच्या दौऱ्याचा शोवर परिणाम होणार नाही

द कपिल शर्मा शो जूनमध्ये बंद होणार नाही, टीमच्या दौऱ्याचा शोवर परिणाम होणार नाही

कपिल शर्मा शो बंद होणार नाही: अलीकडेच कपिल शर्माच्या शोमध्ये ही बातमी वेगाने पसरू लागलीबंद हवा जाईल. या अफवा दोन प्रकारे उडल्या. एक म्हणजे कपिल शर्माने विवेक अग्निहोत्रीच्या ‘द काश्मीर फाइल्स’ या चित्रपटाचे प्रमोशन केले नाही आणि त्यानंतर कपिलच्या शोच्या विरोधात एक विभाग उभा राहिला होता. जो स्वतः शो ऑफ एअर घेण्यावर वाकलेला होता. दुसरी ऑफ एअर अफवा तेव्हा उठली जेव्हा कपिल अमेरिकेच्या दौऱ्यावर जाणार…

[rebel-bulletin]

लोकसभेत कृषी कायदे परत घेण्याचा ठराव मंजूर, चर्चेच्या मागणीवरून गदारोळ

लोकसभेत कृषी कायदे परत घेण्याचा ठराव मंजूर, चर्चेच्या मागणीवरून गदारोळ

नवी दिल्ली : संसदेचे हिवाळी अधिवेशन सुरू होताच कृषीमंत्री नरेंद्र सिंह तोमर यांनी लोकसभेत कृषी कायदे परत घेण्याचा प्रस्ताव सादर केला. त्याला मंजुरी देखील मिळाली. यानंतर विरोध��ांनी कायदा परत घेण्यावर चर्चेची मागणी केली. त्यावरून संसदेत मोठा गदारोळ उड��ला. लोकसभा अध्यक्ष ओम बिर्ला यांनी चर्चा सुरू करण्याची तयारी दर्शवली. परंतु, त्यासाठी शांत व्हावे असे आवाहन केले. परंतु, विरोधकांची घोषणाबाजी सुरूच…

[amhikastkar]

शेतकरी नियोजन पीक : केळी

कापूस व इतर पिकाखालील रिकाम्या क्षेत्रात यंदा टप्प्याटप्प्याने केळीची लागवड केली आहे. लागवड १२ जून ते २० जून यादरम्यान करण्यात आली. जमीन काळी कसदार पाण्याची निचरा होणारी आहे. त्या दृष्टीने सर्व बाबींचे नियोजन केले आहे. योग्य व्यवस्थापनातून निर्यातक्षम केळी उत्पादन घेण्यावर भर असतो. शेतकरी :  कमलेश महाजनगाव : ऐनपूर, ता. रावेर, जि. जळगावएकूण क्षेत्र : २० एकर��ेळी क्षेत्र : १२ एकर (एकूण झाडे १७…

[sakriynews]

दहावीच्या परीक्षा न घेण्यावर राज्यसरकार ठाम......!

दहावीच्या परीक्षा न घेण्यावर राज्यसरकार ठाम……!

मुंबई दि.२३ – महाराष्ट्राच्या शालेय शिक्षण मंत्री वर्षा गायकवाड यांनी आज पार पडलेल्या बारावीच्या परीक्षेसंदर्भातील उच्चस्तरीय बैठकीत सहभाग घेतला. ही बैठक सीबीएसईतर्फे बारावीची परीक्षा घ्यावी की न घ्यावी, किंवा कशी घ्यावी याबाबत चर्चा करण्यासाठी बैठक होती. या बैठकीत महाराष्ट्र राज्य म्हणून आम्ही सहभाग घेतला. बैठकीत काही पर्यायांवर चर्चा झाली त्याबद्दल मुख्यमंत्री आणि मंत्रिमंडळ बैठकीत बारावीच्या…

[kokannow]

गलगलेंची भन्नाट कल्पना 

मुंबई : महाराष्ट्रातील करोनाची स्थिती दिवसेंदिवस गंभीर रूप धारण करत आहे. रुग्णसंख्या झपाट्याने वाढते आहे. प्रत्येकजण घाबरला आहे. स्वतःची आणि आपल्या जवळच्या व्यक्तींची काळजी घेण्यावर आपला जास्त भर असतो. पण त्यासोबतच आपण या समाजाचंदेखील देणं लागतो. करोनाच्या या भयावह परिस्थितीत समाजाप्रती आपला खारीचा वाटा उचलण्याचं आवाहन अभिनेते भरत जाधव यांनी केलं आहे.​    ​सोशल मीडियावर एक पोस्ट शेअर करत त्यांनी…

[airnews-arngbad]

Regional Marathi Text Bulletin, Chhatrapati Sambhajinagar

Date – 18 November 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १८ नोव्हेंबर २०२४ सायंकाळी ६.१०

****

विधानसभा निवडणुकीसह नांदेड लोकसभा पोटनिवडणुकीचा प्रचार थांबला-परवा मतदान

राज्यभरात नऊ कोटी ७० लाख २५ हजार ११९ मतदारांसाठी एक लाख ४२७ मतदान केंद्रं

जाहीर सभा, रोड शो, आणि मतदारांच्या गृहभेटींसह पत्रकार परिषदा घेण्यावर नेत्यांचा कल

आणि

ऑक्टोबरसाठी जीएसटी कर विवरणपत्रं भरण्यास २१ तारखेपर्यंत मुदतवाढ

****

विधानसभा निवडणुकीसह नांदेड लोकसभा पोटनिवडणुकीचा प्रचार आज थांबला. राज्यात विधानसभेच्या २८८ तसंच नांदेड लोकसभेच्या एका जागेसाठी परवा बुधवारी २० नोव्हेंबरला मतदान होणार आहे. राज्यभरातल्या नऊ कोटी ७० लाख २५ हजार ११९ मतदारांसाठी, एक लाख ४२७ मतदान केंद्रं उभारण्यात आली आहेत. संवेदनशील मतदान केंद्रांवर केंद्रीय राखीव पोलीस दलाच्या तुकड्या तैनात करण्यात आल्या आहेत. गडचिरोली जिल्ह्यातल्या संवेदनशील आणि अतिसंवेदनशील मतदान केंद्रांवर वायुसेनेच्या हेलिकॉप्टरच्या मदतीनं मतदान पथकं रवाना होत आहेत.

मतदानापूर्वीच्या या शांतता काळात, मतदारांवर प्रभाव पाडणाऱ्या, निवडणूक निकालावर परिणाम करणाऱ्या बाबी प्रदर्शित करण्यास निवडणूक आयोगाने माध्यमांना मनाई केली आहे. दृकश्राव्य माध्यमांनी अशा बातम्या प्रदर्शित करु नयेत. तसेच राजकीय जाहिराती, कार्यक्रम, सार्वजनिक सभा, मिरवणुका आयोजित करण्यास बंदी घालण्यात आली असल्याची माहिती मुख्य निवडणूक अधिकारी कार्यालयामार्फत देण्यात आली आहे. प्रशासनाकडून मतदान प्रक्रियेची संपूर्ण तयारी झाली असून, राज्यातल्या मतदारांनी मोठ्या संख्येनं मतदान करण्याचं आवाहन मुख्य निवडणूक अधिकारी एस. चोक्कलिंगम यांनी केलं आहे.

****

मतदान केंद्रावर मतदाराची ओळख पटविण्यासाठी मतदार छायाचित्रासह इतर १२ पुराव्यांपैकी कोणताही एक पुरावा ग्राह्य धरण्यात यावा अशा निवडणूक आयोगाच्या सूचना आहेत. यामध्ये वाहन चालवण्याचा परवाना, पॅन कार्ड, आधार कार्ड, पासपोर्ट, मनरेगा जॉब कार्ड, बँक किंवा टपाल खात्याचे छायाचित्र असलेले पासबुक, आरोग्य विमा स्मार्ट कार्ड, राष्ट्रीय लोकसंख्या नोंदणी अंतर्गत भारताचे महानिबंधक यांनी दिले स्मार्ट कार्ड, विशिष्ट दिव्यांगत्व ओळखपत्र, आदीचा समावेश आहे.

****

नांदेड लोकसभा मतदार संघातल्या मतदारांना परवा दोन वेळा मतदान करायचं आहे. एकाच मतदान केंद्रावर पहिलं मतदान लोकसभा पोटनिवडणुकीसाठी तर दुसरं मतदान विधानसभा निवडणुकीसाठी असेल. जिल्ह्यातल्या सहा विधानसभा मतदार संघातल्या मतदारांनी याची खबरदारी घेण्याचं आवाहन करत, जिल्हाधिकारी अभिजीत राऊत यांनी याबाबत सविस्तर माहिती दिली.

नांदेड उत्तर, नांदेड दक्षिण, भोकर, नायगाव, देगलूर आणि मुखेड या विधानसभा क्षेत्रांमध्ये दोन ई व्ही एम चे सेट राहतील. एक लोकसभेसाठी असेल, ती पांढऱ्या रंगाची मतपत्रिका असेल त्यावर पांढऱ्या रंगाचे स्टीकर असतील. आणि एक असेल तो विधानसभेकरीता ज्यावरती गुलाबी रंगाचे स्टीकरर्स असतील आणि मतपत्रिकासुद्धा गुलाबी रंगाची असेल. आणि आपण एकाच मतदान केंद्रावर जाणार. त्याठिकाणी आपली ओळख पटवून दिल्यानंतर आपण पहिले लोकसभेचं मतदान कराल. त्यानंतर विधानसभेचं मतदान कराल. अशा प्रकारे दिनांक २० नोव्हेंबरला नांदेड लोकसभा क्षेत्रातले जे मतदार आहेत, त्यांना ही एक अनोखी संधी आलेली आहे की आपल्याला एकाच वेळी दोन मतं द्यायची आहेत.

****

छत्रपती संभाजीनगर जिल्ह्यातल्या सर्व नऊ मतदार संघातल्या मतदान केंद्रांवर उद्या दुपारपर्यंत मतदान साहित्य घेऊन मतदान पथकं पोहचणार असल्याची माहिती, जिल्हा निवडणूक अधिकारी तथा जिल्हाधिकारी दिलीप स्वामी यांनी दिली. आज छत्रपती संभाजीनगर इथं पत्रकार परिषदेत ते बोलत होते. एकूण १८ हजार १७८ मनुष्य बळ मतदान प्रक्रियेसाठी कार्यरत राहणार असून, त्यांच्या वाहतुकीसाठी सुमारे ११ हजार वाहनांची व्यवस्था करण्यात आल्याची माहिती स्वामी यांनी दिली.

आपल्या जिल्ह्याभरात एकूण ३ हजार २७३ मतदार केंद्रावर मतदान प्रक्रिया पार पाडली जाणार आहे. याची संख्या लक्षात घेता बॅलेट युनिट जे लागणार होते ते ७ हजार ४३० बॅलेट युनिट लागणार होते, त्यामध्ये २० टक्के आपण राखीव धरतो. कंट्रोल युनिट ३ हजार ९१७ लागणार आहे. त्या पैकी २० टक्के आपण राखीव ठवलेल आहे आणि व्ही व्ही पॅड ४ हजार २४३, ३० टक्के राखीव धरून कुठल्या यंत्रणेच्या बाबतीत यंत्राच्या बाबतीत आपल्याकडे कुटल्याही काळजीचा विषय आपल्या जिल्ह्यात नाही.

****

जालना जिल्ह्यात पाचही विधानसभा मतदार संघातल्या मतदान केंद्रावर जाणाऱ्या निवडणूक पथकांची तिसरी सरमिसळ प्रक्रिया आज निवडणूक आयोगाच्या ऑनलाईन प्रणालीद्वारे पूर्ण करण्यात आली. या प्रक्रियेनुसार, कोणत्या मतदान केंद्रावर कोणते पथक जाईल, हे मतदानाच्या एक दिवसापूर्वी म्हणजे उद्या संबंधित पथकांना कळवण्यात येणार आहे. त्यानंतर ही पथकं मतदानाचं संपूर्ण साहित्य घेवून मतदान केंद्राकडे रवाना होणार असल्याचं जिल्हा निवडणूक अधिकारी डॉ. श्रीकृष्ण पांचाळ यांनी सांगितलं.

****

दरम्यान, आज प्रचाराच्या शेवटच्या दिवशी, पत्रकार परिषदा, जाहीर सभा आणि रोड शो सोबतच पदयात्रा आणि मतदारांच्या गृहभेटी घेण्यावर उमेदवारांचा कल दिसून आला.

काँग्रेस नेते राहुल गांधी यांनी आज मुंबईत पत्रकार परिषद घेतली. राज्यातले अनेक उद्योग, तसंच धारावी विकास कंत्राटावरून त्यांनी, केंद्र आणि राज्य सरकारवर टीका केली.

दरम्यान, उद्योजक गौतम अदानी यांचा उदय खऱ्या अर्थानं काँग्रेसच्या नेतृत्वातील युपीए सरकारच्या काळातच झाला असल्याचा दावा भाजपचे राष्ट्रीय सरचिटणीस विनोद तावडे यांनी केला आहे. राहुल गांधी यांच्या आरोपांचं खंडन करण्यासाठी घेतलेल्या पत्रकार परिषदेत ते बोलत होते. महायुतीच्या काळात एकही प्रकल्प महारा��्ट्राबाहेर गेला नसल्याचं सांगत यासंदर्भात राहुल गांधी यांनी जाहीर चर्चेला यावं असं आव्हानही तावडे यांनी दिलं.

****

काँग्रेसचे नेते आमदार बाळासाहेब थोरात यांनी अहिल्यानगर जिल्ह्यात संगमनेर इथं आपल्या निवासस्थानी पत्रकार परिषद घेतली, यावेळी त्यांनी महागाई, बेरोजगारी, तसंच शेतीमालाला हमीभाव आदी मुद्यावरून टीका केली.

****

मुख्यमंत्री तथा शिवसेनेचे मुख्य नेते एकनाथ शिंदे यांनीही आज मुंबईत पत्रकार परिषद घेत, आपल्या सरकारच्या कार्यकाळात राबवलेल्या विविध योजनांचा आढावा घेतला.

****

महाविकास आघाडीच्या उमेदवारांसाठी काँग्रेस अध्यक्ष मल्लिकार्जून खर्गे यांची वसई येथे प्रचार सभा झाली. तर भाजपाचे राष्ट्रीय अध्यक्ष जे. पी. नड्डा यांनी नवी मुंबईत बेलापूर विधानसभा मतदारसंघातील महायुतीच्या उमेदवार मंदा म���हात्रे यांच्या प्रचारासाठी नेरूळ इथल्या रामलीला मैदानावर सभा घेतली.

****

अनेक ठिकाणी पक्षांच्या प्रमुख नेत्यांनी सांगता सभा घेऊन आपल्या तसंच पक्षाच्या उमेदवारांच्या निवडणूक प्रचाराचा समारोप केला. धुळे शहर विधानसभा मतदारसंघातील महायुतीचे भाजप उमेदवार अनुप अग्रवाल यांच्या जाहीर प्रचाराची सांगता आज महिला बाईक रॅली काढून करण्यात आली.

****

चालू आर्थिक वर्षात ऑक्टोबरसाठी जीएसटी अर्थात वस्तू आणि सेवा कर विवरणपत्र ३ बी भरण्याची मुदत महाराष्ट्र आणि झारखंड या राज्यांमधे एका दिवसानं म्हणजे २१ तारखेपर्यंत वाढवण्याचा निर्णय सरकारनं घेतला आहे. जीएसटी अंमलबजावणी समितीच्या मान्यतेनंतर सरकारनं हा निर्णय घेतला आहे.

****

छत्रपती संभाजी नगर महानगरपालिकेच्या वतीने, मनपा हद्दीमध्ये असलेल्या चार विधानसभा मतदार संघात प्रत्येकी एक आदर्श मतदान केंद्र तयार होत आहे. या मतदान केंद्रात मतदारांना सर्व सोयीसुविधा उपलब्ध असणार आहेत. प्रतीक्षागृह, महिलांसाठी प्रतीक्षागृहात बसण्याची वेगळी व्यवस्था, बालकांसाठी पाळणाघर तसंच विविध खेळणी, पिण्याचे पाणी, प्रत्येक बूथ पर्यंत जाण्यासाठी रेड कार्पेट, आरोग्य सुविधा, सेल्फी पॉईंट, स्वागत कक्षामध्ये मतदारांना यादीत नाव शोधण्यापासून बुथची माहिती सांगण्यासाठी नववी-दहावीच्या विद्यार्थ्यांना स्वयंसेवक म्हणून नेमण्यात आलं आहे. विद्यार्थ्यांना निवडणूक प्रक्रियेची माहिती व्हावी, हा या मागचा उद्देश आहे.

****

येत्या बुधवारी २० तारखेला सर्वांनी मतदान करण्याचं आवाहन अभिनेते संजय नार्वेकर यांनी केलं आहे.

बाईट – अभिनेते संजय नार्वेकर

****

निवडणूक विभागाच्या पथकानं आज सकाळी नाशिक शहरातील रेडीसन ब्ल्यू या हॉटेलमध्ये टाकलेल्या छाप्यात कोट्यवधी रूपयांची रोकड जप्त केली आहे. अद्यापही रोकड मोजण्याचं काम सुरू असून नोटा मोजण्यासाठी दोन मशिन्सचा वापर केला जात असल्याचं याबाबतच्या बातमीत म्हटलं आहे.

****

छत्रपती संभाजीनगर जिल्ह्यात आजपर्यंत चार हजार ७१ मतदारांनी गृहमतदान केलं असून हे प्रमाण ७९ टक्के एवढं आहे. टपाली मतदान नऊ हजार ६९९ एवढं झालं असून, त्याचं प्रमाण ७३ टक्के असल्याचं, निवडणूक कार्यालयाकडून सांगण्यात आलं आहे.

****

परभणी विधानसभा मतदार संघाचे शिवसेना उद्धव बाळासाहेब ठाकरे पक्षाचे आमदार डॉ राहुल पाटील यांच्या प्रचाराचा शेवट आज ऑटो रिक्षा रॅली आणि दिव्यांगांच्या रिक्षा रॅली करून तर शिवसेना पक्षाचे उमेदवार आनंद भरोसे यांच्या प्रचाराचा समारोप चित्र रथाच्या रॅलीने करण्यात आला.

****

परभणी जिल्हा परिषदेच्या मुख्य कार्यकारी अधिकारी नतिशा माथुर यांनी आज टपाली मतदान सुविधेच्या माध्यमातून परभणी येथील तहसील कार्यालयातील टपाली मतदान सुविधा केंद्रात मतदान करत आपला मतदानाचा हक्क बजावला.

****

[nagarchaufer]

संग्राम जगताप यांच्या प्रचारात अल्पवयीन मुलांना जुंपलं , आमदारसाहेब हे शोभत का ? 

नगर शहर विधानसभा मतदारसंघात सध्या निवडणुकीचा प्रचार जोरदार सुरुवात सुरु असून विद्यमान आमदार संग्राम जगताप यांच्या विरोधात महाविकास आघाडीकडून माजी महापौर अभिषेक कळमकर हे निवडणुकीच्या रिंगणात आहेत. दोन्ही उमेदवारांकडून सध्या जोरदार प्रचाराला सुरुवात करण्यात आलेली असून प्रचार फेऱ्यांमध्ये सहभागी होऊन नागरिकांची भेट घेण्यावर दोन्ही उमेदवारांनी भर दिला आहे. दहा वर्ष आमदार राहिल्यानंतर देखील आमदार…

[bharatlivenewsmedia]

“मी हा निर्णय घेतला अन् आता…”, लग्न न करता मुलं दत्तक घेण्यावर सुष्मिता सेनने केले भाष्य

“मी हा निर्णय घेतला अन् आता…”, लग्न न करता मुलं दत्तक घेण्यावर सुष्मिता सेनने केले भाष्य

“मी हा निर्णय घेतला अन् आता…”, लग्न न करता मुलं दत्तक घेण्यावर सुष्मिता सेनने केले भाष्य बॉलिवूड अभिनेत्री सुष्मिता सेन ही नेहमीच विविध कारणांमुळे चर्चेत असते. विश्वसुंदरीचा किताब पटकवल्यानंतर सुष्मिताने अभिनय क्षेत्रात स्वत:ची वेगळी ओळख निर्माण केली. सुष्मिता सेन ही अद्याप अविवाहित आहे. गेल्या अनेक वर्षांपासून ती सिंगल मदर म्हणून दोन मुलींचे संगोपन करत आहे. नुकतंच आंतरराष्ट्रीय महिला…

[harshal-barve]

ब्लॉग 1 : क्रिकेट

चेन्नई विरुद्ध बंगळूरू मॅचमधील धोनीची बॅटींग सगळ्या क्रिकेट विश्वाला बोटे तोंडात घालायला लावणारी होती. त्याने विराटच्या संघाच्या खिशातली मॅच जवळजवळ काढून घेतली होती. विराटच्या चेहऱ्यावर मॅच हातातून निसटत असल्याची नाराजी प्रकर्षाने जाणवू लागली होती. याआधीही रसेल ने केलेल्या अशक्य आणि अवर्णनीय बॅटींग ने एक सामना त्यांच्या हातातून बघता बघता निसटण्याची जखम पुन्हा ताजी होण्याचीच ही लक्षणे होती.  परंतु हा सामना दोन महान व्यक्तींच्या स्वभावाचे काही वेगळे पैलू आणि त्यांची कणखर वृत्ती नक्कीच दाखवून देत होता.

धोनी: 

लिडिंग फ्रॉम द फ्रंट चे उत्तम उदाहरण. चेहऱ्यावर कधीही नैराश्य न दाखवणारा हा महान खेळाडू. याचे वैशिष्ठ्य म्हणजे क्रिकेट विश्वातील प्रत्येक जण याची तारीफ करतो. सर्वात महत्त्वाचे म्हणजे याच्याबद्दल कोणालाही जेलसी वाटत नाही. अन्यथा या कलियुगात कोणीही सतत यशस्वी होताना दिसले तर त्यामागच्या परिश्रमांचा आणि स्वतःच्या लायकीचा विचार न  करता त्याच्याबद्दल जळफळाट करून वाट्टेल ते बोलायला बरेच जण पुढे सरसावतात. पण या महान खेळाडू बद्दल आजपर्यंत फक्त गौरवोद्गारच ऐकायला मिळत आलेत. त्याचा साधेपणा, प्रत्येकाकडून ��ोग्यतेप्रमाणे परफॉर्मन्स काढून त्याचा परफेक्ट वापर करण्याची कला आणि सर्वात महत्वाचे म्हणजे परिवाराला तो देत असलेला क्वालीटी वेळ त्याला उच्च स्थानावर नेऊन ठेवतात. त्याचे देशप्रेम ही सर्वांनाच प्रभावाने जाणवते.

विराट कोहली:

महान आणि अशक्य कोटीचा कंसीस्टंट बॅट्समन. याच्या बॅटमधून धावांचा रतीब गेली काही वर्षे निघतोय. आणि हा आहे भारतीय क्रिकेट टीम मधला सर्वात फीट खेळाडू. एवढ्या लहान वयात कप्तानपदाची जबाबदारी स्विकारून आपला खेळ अधिकच उंचीवर नेऊन ठेवण्याची कठीण कला याच्याकडे आहे. धोनीच्या छायेत तो छान तयारही होतोय. जगातले अनेक रथी महारथी यासाठी भारतीय क्रिकेट संघाला नशीबवान समजतात. विराटचे वैशिष्ट्य म्हणजे तो एक अतिशय अग्रेसीव कप्तान आहे. पण त्याला धोनीकडून शिकण्यासारखे अजून खूप काही आहे. 

या दोन्ही कप्तानांचा सर्वात प्रशंसनीय विचार म्हणजे ते फॉरेन प्लेयरपेक्षा भारतीय प्लेयर्सकडून महत्वाची कामगिरी करून घेण्यावर भर देतात. एक खूप छान रिस्क काल विराटने घेतले. त्याने शेवटची ओव्हर फॉरेन प्लेयर ऐवजी भारताच्या बॉलरकडून करवून घेतली. एक प्रकारे भारतीय युवा गोलंदाजाला महत्वाच्या क्षणी धोनीला बॉलिंग करण्याची यापेक्षा अधिक चॅलेंजिंग संधी कधी मिळणार? Hats off to विराट, Hats off to धोनी  आणि Hats off to भारतीय क्रिकेट ✓

हा क्रिकेट वरील ब्लॉग कसा वाटला ते जरूर कळवा.

हर्षल श्रीराम बर्वे.

२२ एप्रिल २०१९

[inshortsmarathi]

राष्ट्रवादीने संजय शिंदेंना उमेदवारी देऊन बळीचा बकरा बनवले- रोहन देशमुख

राष्ट्रवादीने संजय शिंदेंना उमेदवारी देऊन बळीचा बकरा बनवले- रोहन देशमुख

सहकारमंत्री सुभाष देशमुख यांचे पुत्र रोहन देशमुख यांना माढा मतदारसंघात कार्यकर्त्यांच्या वैयक्तिक भेटीगाठी घेण्यावर जोर द्यायला सुरुवात केली आहे. माढ्यामधून राष्ट्रवादी काँग्रेसने संजय शिंदे यांना उमेदवारी दिली आहे. तसेच, भाजपमध्ये प्रवेश करणाऱ्या रणजितसिंह मोहिते पाटील यांना तिकीट नाकारून, रोहन देशमुख यांना उमेदवारी मिळणार असल्याची चर्चा सुरू झाली आहे.

रोहन देशमुख यांनी पंढरपूर दौऱ्यावेळी…

[thanevarta-blog]

जनमत चाचणी अथवा मतदानोत्तर चाचणी घेण्यावर राज्य निवडणूक आयोगाचे प्रतिबंध महापालिका निवडणुकांनंतर लगेचच काही ठिकाणी जिल्हा परिषद अथवा पंचायत समितीच्या सार्वत्रिक निवडणुकांच्या मतदारांवर कुठल्याही प्रकाराचा प्रभाव पडू नये या पार्श्वभूमीवर महानगरपालिका निवडणुकांची जाहिर प्रचार बंदी झाल्यानंतर प्रसार माध्यमांनी जनमत चाचणी अथवा मतदानोत्तर चाचणी घेण्यावर राज्य निवडणूक आयोगाने प्रतिबंध घातला आहे.

[kokannow]

जेईई-नीट परीक्षा पुढे ढकला; काँग्रेसचे उद्या राज्यव्यापी आंदोलन !: बाळासाहेब थोरात

जेईई-नीट परीक्षा पुढे ढकला; काँग्रेसचे उद्या राज्यव्यापी आंदोलन !: बाळासाहेब थोरात

मुंबई :कोरोनाचे संकट अजूनही गंभीर असताना केंद्रातील मोदी सरकार जेईई व नीट परीक्षा घेण्यावर ठाम आहे. लाखो विद्यार्थी व पालकांना त्यांच्या आरोग्याची व सुरक्षेची चिंता सतावत असताना मोदी सरकार मात्र अशा गंभीर परिस्थितीतही परीक्षा घेण्याचा हट्ट सोडायला तयार नाही. मोदी सरकारच्या या आडमुठ्या, हटवादी भुमिकेला विरोध करत परीक्षा पुढे ढकलण्यात याव्यात या मागणीसाठी उद्या शुक्रवारी राज्यव्यापी आंदोलन केले…