airnews-arngbad

[airnews-arngbad]

Regional Marathi Text Bulletin, Chhatrapati Sambhajinagar Date – 23 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २३ डिसेंबर २०२४ सकाळी ७.१० मि.

• शासकीय कार्यालयं आणि विभागांमध्ये निवड झालेल्या ७१ हजारांहून ��धिक उमेदवारांना पंतप्रधानांच्या हस्ते आज नियुक्तीपत्रं • देशाच्या वनं आणि वृक्षाच्छादनात एक हजार ४४५ चौरस किलोमीटरनं वृद्धी • मतदार संघातल्या महत्त्वपूर्ण योजना आणि कामं मार्गी लावण्याची नवनियुक्त मंत्र्यांची मतदारांना ग्वाही • बीड जिल्ह्यात कायदा सुव्यवस्थेचे प्रश्न सोडवण्याला प्राधान्य-पोलिस अधीक्षक नवनीत काँवत आणि • १९ वर्षांखालील मुलींच्या आशिया चषक क्रिकेट स्पर्धेत बांग्लादेशला पराभूत करत भारत अजिंक्य

शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधान नरेंद्र मोदी आज दूरदृश्य प्रणालीद्वारे नियुक्तीपत्र प्रदान करणार आहेत. यावेळी ते उमेदवारांना संबोधितही करणार आहेत. रोजगार मेळावा हा पंतप्रधानांच्या रोजगार निर्मितीला सर्वोच्च प्राधान्य देण्याच्या वचनाची पूर्तता करण्याच्या दिशेनं एक पाऊल आहे. हा उपक्रम युवकांना राष्ट्रनिर्माणाबरोबरच आत्मनिर्भर होण्याची संधी उपलब्ध करून देईल, असं सरकारतर्फे कळवण्यात आलं आहे. हा रोजगार मेळावा देशभरात ४५ ठिकाणी आयोजित केला जाणार असून, यामाध्यमातून केंद्र सरकारच्या विविध मंत्रालये आणि विभागांमध्ये भरती केली जात आहे. देशभरातून निवडलेले नवे उमेदवार गृह मंत्रालय, टपाल कार्यालय, उच्च शिक्षण विभाग, आरोग्य आणि कुटुंब कल्याण मंत्रालय, वित्तीय सेवा विभाग यांसारखी विविध मंत्रालयं तसंच विभागांमध्ये नियुक्त होतील.

देशाच्या वनं आणि वृक्षाच्छादनात, एक हजार ४४५ चौरस किलोमीटरनं वृद्धी झाली आहे. वनं सर्वेक्षण विभागानं २०२३ मधे केलेल्या वन स्थिती पाहणीचा अहवाल, केंद्रीय पर्यावरण, वन आणि हवामान बदल मंत्री भूपेंद्र यादव यांनी प्रसिद्ध केला. सध्या एकूण आठ लाख २७ हजार ३५७ चौरस किलोमीटर क्षेत्र, वन आणि वृक्षाच्छादित असून, ते देशाच्या एकूण भूभागाच्या, २५ पूर्णाक एक दशांश टक्के इतकं असल्याचं या अहवालात म्हटलं आहे. छत्तीसगड, उत्तरप्रदेश, ओडीशा आणि राजस्थानात, वनक्षेत्र वेगानं वाढलं असून, मध्यप्रदेश, अरुणाचल प्रदेश आणि महाराष्ट्रात, अद्याप मोठी जंगलं टिकून आहेत. या आधीच्या पाहणीच्या तुलनेत, झाडा झुडुपांच्या स्वरूपातला कार्बन साठा देखील, आठ कोटी १५ लाख टनांनी वाढला असून, तो ७२८ कोटी ५५ लाख टनांच्या आसपास पोहोचला आहे.

राज्य विधानसभा निवड��ुकीत झालेला पराभव महाविकास आघाडीला पचला नाही, म्हणून त्यांनी ईव्हीएमवर प्रश्नचिन्ह उपस्थित केलं, अशी टीका राष्ट्रवादी काँग्रेसचे अध्यक्ष अजित पवार यांनी केली आहे. बारामती इथं काल त्यांचा सत्कार करण्यात आला, त्यावेळी ते बोलत होते. लोकसभेतल्या निकालाबद्दल महायुतीनं ईव्हीएमला दोष दिला नाही, अशी आठवण त्यांनी करून दिली. बारामतीच्या मतदारांनी एक लाखापेक्षा जास्त मतांच्या फरकानं आपल्याला निवडून दिलं, त्यामुळे आपल्यावरची जबाबदारी वाढली आहे, असं सांगून बारामतीच्या विकासासाठी आपण वचनबद्ध असल्याची ग्वाही अजित पवार यांनी दिली.

नागपूर इथं झालेल्या विधिमंडळाच्या हिवाळी अधिवेशनानंतर आपापल्या जिल्ह्यात पोहोचलेल्या नवनियुक्त मंत्र्यांनी आपल्या मतदार संघातल्या महत्त्वपूर्ण योजना आणि कामं मार्गी लावण्याची ग्वाही मतदारांना दिली. सर्व समाजात सलोखा निर्माण होण्यासाठी सदैव प्रयत्नशील राहणार असल्याचं, औरंगाबाद पश्चिमचे आमदार, सामाजिक न्याय मंत्री संजय शिरसाट यांनी म्हटलं आहे. ते काल छत्रपती संभाजीनगर इथं वार्ताहरांशी बोलत होते. बीड आणि परभणी इथं आपण जाणार असून, तिथं घडलेल्या दोन्ही घटनांचा बारकाईने अभ्यास करुन, सत्य परिस्थितीचा अहवाल मुख्यमंत्र्यांकडे सादर करणार असल्याचं शिरसाट यांनी सांगितलं. दरम्यान, औरंगाबाद पूर्व चे आमदार, बहुजन विकास, नवीकरणीय ऊर्जा आणि दुग्धविकास मंत्री अतुल सावे यांचं मंत्रिपदाची शपथ घेतल्यानंतर काल प्रथमच छत्रपती संभाजीनगर शहरात आगमन झालं. यावेळी पक्षाच्या वतीने त्यांचं जल्लोषात स्वागत करुन मिरवणूक काढण्यात आली. शहरातल्या क्रांती चौक इथं मिरवणुकीची सांगता होऊन, सावे यांची मिठाईने तुला करण्यात आली.

लातूर जिल्ह्यातल्या अहमदपूरचे आमदार सहकार मंत्री बाबासाहेब पाटील यांचं काल अहमदपूर तालुक्यातल्या सांगवी फाटा इथं जिल्हा प्रशासनाच्यावतीने स्वागत करण्यात आलं. पाटील यांनी अहमदपूर तालुक्यातल्या भक्तिस्थळ इथं राष्ट्रसंत शिवलिंग शिवाचार्य महाराज यांच्या समाधीचं दर्शन घेतलं, तसंच शहरातल्या महापुरुषांच्या पुतळ्याला अभिवादन केलं. राज्य मंत्रिमंडळामध्ये मिळालेली सहकार मंत्री पदाची जबाबदारी महत्त्वाची असून, या माध्यमातून सहकार चळवळीला गती देण्यासाठी प्रयत्न करणार असल्याचं पाटील यांनी सांगितलं.

नाशिक जिल्ह्यातल्या सिन्नरचे आमदार कृषी मंत्री माणिकराव कोकाटे यांचं काल नाशिकमध्ये भव्य स्वागत झालं. कांद्यासंदर्भात कायमस्वरूपी धोरण आखण्यासाठी प्रयत्न करणार असल्याचं आश्वासन त्यांनी यावेळी दिलं. मालेगाव बा��्यचे आमदार शालेय शिक्षण मंत्री दादा भुसे यांचं काल मालेगाव इथं स्वागत झालं. गरीबातल्या ��रीब मुलांना चांगलं आणि उत्तम शिक्षण देणं, हेचं आपलं ध्येय असल्याचं मनोगत भुसे यांनी यावेळी व्यक्त केलं.

ज्येष्‍ठ सामाजिक कार्यकर्ते पद्मभूषण अण्‍णा हजारे आणि पद्मश्री पोपटराव पवार यांच्यासारखे प्रेरणापुरुष आणि समाजपुरुष यांची उपस्थिती प्रेरणादायी असल्याचं, मुख्यमंत्री देवेंद्र फडणवीस यांनी म्हटलं आहे. काल अहिल्यानगर इथं एका खासगी समारंभात ते बोलत होते. यावेळी हिवरे बाजार ग्रामस्थांकडून फडणवीस यांना मानपत्र देण्यात आलं. ** जलसंपदा मंत्री राधाकृष्‍ण विखे पाटील यांनी काल अहिल्‍यानगर इथं अण्‍णा हजारे यांना भेटून त्यांचे आशीर्वाद घेतले. मुख्यमंत्र्यांनी जलसंपदा विभागाच्‍या अतिशय महत्त्वाच्‍या खात्‍याची जबाबदारी सोपवल्यामुळे कोकणात वाहून जाणारं पाणी गोदावरीच्‍या तुटीच्‍या खोऱ्यात आणण्‍याचं स्‍वप्‍न पूर्ण करण्‍याची संधी मिळाली असल्‍याचं, विखे पाटील यांनी सांगितलं. कृ‍ष्‍णा खोऱ्यातल्या पाणी प्रश्‍नाबाबतही निश्चित असं धोरण ठरवावं लागेल, असं त्यांनी नमूद केलं, बिगर सिंचनाचं वाढतं प्रमाण, शेतीच्‍या पाण्‍याचे निर्माण होणारे प्रश्‍न, पाण्‍याची उधळपट्टी आणि पाणी वितरण व्‍यवस्‍थेत सुधारणा, या कामांवर आता लक्ष केंद्रीत करावं लागेल, असं विखे पाटील म्हणाले.

बीड जिल्ह्यातले कायदा सुव्यवस्थेचे प्रश्न सोडवण्याला आपण प्राधान्य देणार असल्याचं, जिल्ह्यात नव्याने रुजू झालेले पोलिस अधिक्षक नवनित काँवत यांनी म्हटलं आहे. ते काल बीड इथं वार्ताहरांशी बोलत होते. मस्साजोग इथल्या हत्या प्रकरणात गुन्हा दाखल झालेला असून, यासंदर्भातला तपास पूर्ण करणार असल्याचं त्यांनी सांगितलं. पोलिसांना सर्व तपासांमध्ये पूर्ण यश मिळावं, तसंच जिल्ह्यातली कायदा आणि सुव्यवस्थेची परिस्थिती अबाधित रहावी, यासाठी नागरिकांनी सहकार्य करावं, असं आवाहन काँवत यांनी यावेळी केलं.

अहिल्यानगर जिल्ह्यात नेवासा तालुक्यातल्या तरवडी इथं सत्यशोधक दीनमित्रकार मुकुंदराव पाटील यांच्या १३९ व्या जयंती निमित्त राज्यस्तरीय पत्रकारिता-साहित्य पुरस्कार काल समारंभपूर्वक प्रदान करण्यात आले. यावेळी पुणे इथल्या पत्रकार राधेशाम जाधव यांना राज्यस्तरीय पत्रकारिता पुरस्काराने सन्मानित करण्यात आलं.

१९ वर्षांखालच्या मुलींच्या आशिया चषक क्रिकेट टी- ट्वेंटी स्पर्धेच्या अंतिम सामन्यात भारतानं बांग्लादेशला ४१ धावांनी पराभूत करत विजेतेपद पटकवलं. मलेशियातल्या क्वालालंपूर इथं काल झालेल्या या सामन्यात, भारतानं प्रथम फलंदाजी करत २० षटकांत सात बाद ११७ धावा केल्या. विजेतेपदासाठी ११८ धावांच्या लक्ष्याचा पाठलाग करताना, बांगलादेशचा संघ १८ षटकांत ७६ धावांवर सर्वबाद झाला.

भारत आणि वेस्ट इंडिजच्या महिला क्रिकेट संघादरम्यान तीन एकदिवसीय क्रिकेट सामन्यांच्या मालिकेतल्या काल वडोदरा इथं झालेल्या पहिल्या सामन्यात भारताने २११ धावांनी विजय मिळवला. भारतीय महिलांनी प्रथम फलंदाजी करत निर्धारित षटकात ३१४ धावा केल्या. प्रत्यूत्तरादाखल वेस्ट इंडिजचा संघ १०३ धावांवर सर्वबाद झाला. या मालिकेतला दुसरा सामना उद्या वडोदरा इथं खेळला जाणार आहे.

भारत पुढल्या वर्षी कनिष्ठ गट नेमबाजी विश्वचषक स्पर्धेचं यजमानपद भूषवणार आहे. यात रायफल, पिस्तूल आणि शॉटगन प्रकारात स्पर्धा होतील. गेल्या दशकभरात भारतात आयोजित ही नववी मोठी नेमबाजी अजिंक्यपद स्पर्धा आहे. यापूर्वी भारतानं आंतरराष्ट्रीय नेमबाजी क्रीडा महासंघाच्या सहा स्पर्धा आयोजित केल्या आहेत.

पुण्यात ७० व्या सवाई गंधर्व भीमसेन संगीत महोत्सवाची काल सांगता झाली. काल अखेरच्या दिवशी पंडित संजीव अभ्यंकर यांचं गायन, तर प्रतिभावंत ज्येष्ठ गायिका स्वरयोगिनी प्रभा अत्रे यांना श्रद्धांजली देण्यासाठी त्यांच्या शिष्यवृंदाचं सहगायन सादर झालं. दिवंगत गायक भारतरत्न पंडित भीमसेन जोशी यांना गेल्या अनेक दशकांपासून साथसंगत करणारे ९७ वर्षांचे माऊली टाकळकर यांचं टाळवादन हा या महोत्सवात कौतुकाचा विषय ठरला.

राष्ट्रीय पुस्तक न्यासातर्फे पुण्याच्या फर्ग्युसन महाविद्यालयात पुणे पुस्तक महोत्सवाचाही काल समारोप झाला. या महोत्सवाच्या अनुषंगानं अनेक परिसंवाद, चर्चा आणि सांस्कृतिक कार्यक्रमही घेण्यात आले. अनेक विक्रमांचीही नोंद या महोत्सवाच्या पार्श्वभूमीवर झाली. भारतीय संविधानाच्या अमृत महोत्सवानिमित्त ९७ हजारांहून अधिक पुस्तकांचा वापर करून संविधानाची पुस्तकरूपी प्रतिकृती उभारण्यात आली होती. गेले आठ दिवस सुरू असलेल्या या महोत्सवाला रासिकांचा भरभरून प्रतिसाद मिळाला.

पालघर जिल्ह्यात वाडा तालुक्यामधल्या खानिवली ग्रामपंचायतीनं प्लास्टिक घनकचरा व्यवस्थापनासाठी एक नाविन्यपूर्ण उपक्रम सुरु केला आहे. त्यात, गावात कचरा स्वरुपात पडलेल्या, दुकानांमध्ये पडलेल्या प्लास्टिकच्या बाटल्या गोळा करून बॉटल श्रेडर मशीनमधे त्या क्रश केल्या जातात. त्यापासून तयार झालेले फ्लेक्स बाजारात विकून आर्थिक उत्पन्न मिळू शकणार आहे.

[airnews-arngbad]

आकाशवाणी छत्रपती संभाजीनगर – दिनांक 23.12.2024 रोजीचे सकाळी 07.10 वाजताचे मराठी बातमीपत्र

[airnews-arngbad]

آکاشوانی خبریں‘ تاریخ: 22.12.2024 وقت: رات 09:15

[airnews-arngbad]

Regional Marathi Text Bulletin, Chhatrapati Sambhajinagar

Date – 22 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २२ डिसेंबर २०२४ सायंकाळी ६.१०

****

पंतप्रधान मोदी यांना कुवेतचा ‘ऑर्डर ऑफ मुबारक अल कबीर’ हा सर्वोच्च सन्मान प्रदान

संपूर्ण समाजात सलोखा निर्माण होण्यासाठी सदैव प्रयत्नशील राहणार -  सामाजिक न्याय मंत्री संजय शिरसाट

चांगलं आणि उत्तम शिक्षण देणं हे ध्येय : शालेय शिक्षण मंत्री दादा भुसे

आणि

१९ वर्षांखालील मुलींच्या आशिया चषक क्रिकेट टी-ट्वेंटी स्पर्धेचं भारताला विजेतेपद

****

पंतप्रधान नरेंद्र मोदी यांना कुवेतच्या सर्वोच्च राष्ट्रीय पुरस्कारानं सन्मानित करण्यात आलं आहे. कुवेतचे अमीर, हिज हायनेस शेख मशाल अल-अहमद अल-जाबेर अल-सबा यांनी आज पंतप्रधानांना कुवेतचा सर्वोच्च राष्ट्रीय पुरस्कार “ऑर्डर ऑफ मुबारक अल-कबीर” प्रदान केला. कुवेतचे पंतप्रधान हिज हायनेस शेख अहमद अल-अब्दुल्ला अल-अहमद अल-सबा देखील उपस्थित होते. पंतप्रधानांनी हा पुरस्कार भारत आणि कुवेत यांच्यातील दीर्घकालीन मैत्रीला, कुवेतमधील भारतीय समुदायाला आणि एक अब्ज चाळीस लाख भारतीय नागरिकांना अर्पण केला. ४३ वर्षांनंतर भारताच्या पंतप्रधानांच्या कुवेतच्या ऐतिहासिक भेटीवेळी प्रदान करण्यात आलेल्या या पुरस्काराला विशेष महत्त्व आहे. हा पुरस्कार १९७४ पासून प्रदान करण्यात येत असून तो निवडक जागतिक नेत्यांना देण्यात येतो. पंतप्रधान मोदी यांना प्राप्त झालेला हा विसावा आंतरराष्ट्रीय सन्मान असल्याचं परराष्ट्र मंत्रालयानं म्हटलं आहे.

****

दरम्यान, आपल्या दोन दिवसांच्या कुवेत दौऱ्यात काल मोदी यांनी एका विशेष कार्यक्रमात कुवेतमधील भारतीय जनसमुदायाला संबोधित केलं. कुवैतच्या विकासात आणि भारत-कुवैत संबंधांच्या मजबूतीकरणात भारतीयांची मोठी भूमिका राहिली असल्याचं त्यांनी म्हटलं. भारतीय समुदायाला प्रवासी भारतीय दिवस आणि पुढील महिन्यात आयोजित होणाऱ्या महाकुंभ मेळ्यात सहभागी होण्याचं आमंत्रणही पंतप्रधान मोदी यांनी यावेळी दिलं. पंतप्रधानांनी आपल्या या दौऱ्यात १०१ वर्षीय भारतीय परराष्ट्र सेवेतले माजी अधिकारी मंगल सैन हांडा यांची ��ेट घेतली. २६व्या अरे���ियन गल्फ चषक फुटबॉल स्पर्धेच्या उद्घाटन सोहळ्यालाही पंतप्रधान मोदी प्रमुख पाहुणे म्हणून उपस्थित होते. याप्रसंगी त्यांनी कुवैतच्या नेत्यांसोबत अनौपचारिक चर्चा केली.

****

मुख्यमंत्री देवेंद्र फडणवीस आज अहिल्यानगर दौऱ्यावर आहेत. त्यांच्या आगमनाप्रसंगी ज्येष्ठ समाजसेवक अण्णा हजारे यांनी मुख्यमंत्र्यांची भेट घेऊन त्यांचं अभिनंदन केलं. हिवरे बाजार इथं एका खासगी कार्यक्रमाला मुख्यमंत्र्यांनी हजेरी लावली असता, हिवरे बाजार ग्रामस्थांच्या वतीनं मानपत्र देऊन मुख्यमत्र्यांचा सन्मान करण्यात आला.

****

संपूर्ण समाजात सलोखा निर्माण होण्यासाठी सदैव प्रयत्नशील राहणार असल्याचं, सामाजिक न्याय मंत्री संजय शिरसाट यांनी म्हटलं आहे. ते आज छत्रपती संभाजीनगर इथं वार्ताहरांशी बोलत होते. उद्या बीड आणि परभणी इथं आपण असून, तिथं घडलेल्या दोन्ही घटनांचा बारकाईनं अभ्यास करुन, सत्य परिस्थितीचा अहवाल मुख्यमंत्र्यांकडे सादर करणार असल्याचं शिरसाट यांनी सांगितलं.

दरम्यान, बहुजन विकास, नवीकरणीय ऊर्जा आणि दुग्धविकास मंत्री अतुल सावे यांचं आज मंत्रीपद मिळाल्यानंतर प्रथमच छत्रपती संभाजीनगर शहरात आगमन झालं. यावेळी भारतीय जनता पक्षाच्या वतीने त्यांचं जल्लोषात स्वागत करुन फेरी काढण्यात आली. शहरातल्या क्रांती चौक इथं फेरीची सांगता होऊन, सावे यांची मिठाईनं तुला करण्यात आली.

****

शिक्षण खात्यातील कामाचा सकारात्मक निकाल दिसेल, असं प्रतिपादन राज्याचे नुतन शालेय शिक्षण मंत्री दादा भुसे यांनी केलं आहे. मालेगाव बाह्यचे आमदार असलेल्या भुसे यांचं आज मालेगांव इथं आगमनानंतर भव्य स्वागत करण्यात आलं, त्यावेळी ते बोलत होते. राज्याचे शालेय शिक्षणमंत्रीपद अत्यंत आव्हानात्मक आहे मात्र, इथंही आपण प्रभावीपणे काम करताना दिसू, असे ते म्हणाले. उपमुख्यमंत्री एकनाथ शिंदे यांच्यासाठी शिक्षण खातं जिव्हाळ्याचं आहे. शालेय शिक्षण मंत्री तसंच अधिकारी ग्रामीण भागावर लक्ष केंद्रित करून काम करतील, असं त्यांनी नमूद केलं. गरिबातील गरीब मुलांना चांगलं आणि उत्तम शिक्षण देणं हे ध्येय असल्याचं भुसे म्हणाले. नाशिकच्या पालकमंत्रीपदाबाबत मुख्यमंत्री आणि उपमुख्यमंत्री आपल्या दृष्टीनं सकारात्मक निर्णय घेतील असा विश्वासही त्यांनी व्यक्त केला.

****

नाशिक जिल्ह्यासह अनेक भागात कांद्याचा प्रश्न चर्चेत असून कांद्यासंदर्भात निश्चीत धोरण ठरवण्यासाठी पाठपुरावा करण्यात येईल असं कृषी खात्याचे मंत्री विधिज्ञ माणिक कोकाटे यांनी म्हटलं आहे. मंत्रीपद स्वीकारल्यानंतर ते आज नाशिक इथं आले असता त्यांचं स्वागत करण्यात आलं. त्यानंतर पत्रकारांशी बोलताना त्यांनी ही माहिती दिली. कृषी खातं अत्यंत आव्हानात्मक असून कृषी मंत्री ही फार मोठी जबाबदारी आहे. वातावरणात होणारे बदल तसंच शेतीमालाच्या भावावर होणारा परिणाम, वीज आणि अन्य प्रश्नांवर आपण काम करणार असल्याचंही मंत्री कोकाटे यावेळी म्हणाले.

****

बीड जिल्ह्यातले कायदा सुव्यवस्थेचे प्रश्न सोडवण्याला आपण प्राधान्य देणार आहोत, असं जिल्ह्यात नव्याने रुजू झालेले पोलिस अधिक्षक नवनीत कॉवत यांनी नमूद केलं आहे. माध्यमांच्या प्रतिनिधींशी संवाद साधताना त्यांनी आज ही माहित दिली. मस्साजोग इथल्या खुनाच्या प्रकरणात गुन्हा दाखल झालेला असून या संदर्भातला तपास तसंच उर्वरित शिल्लक कामं आपण पूर्ण करणार आहोत. लवकरच या संदर्भातले निकाल आपल्याला दिसतील. पोलिसांना सर्व तपासांमध्ये पूर्ण यश मिळावं तसंच जिल्ह्यातली कायदा ��णि सुव्यवस्थेची परिस्थिती अबाधित रहावी, यासाठी नागरिकांनी सहकार्य करावं, असं आवाहन त्यांनी यावेळी केलं. त्यांनी काल रात्री पावणे अकरा वाजेच्या सुमारास पदभार स्वीकारला. शासनानं आपल्यावर खूप मोठी जबाबदारी दिली असून जिल्ह्यातली कायदा आणि सुव्यवस्थेची परिस्थिती हे आपल्यासमोर आव्हान असल्याचं ते म्हणाले. बीड जिल्ह्यातल्या अडचणींसंदर्भात नागरिक आपल्याला केंव्हाही भेटू शकतात, असंही पोलिस अधिक्षक कॉवत यावेळी म्हणाले.

****

आंतरराष्ट्रीय क्रिकेटमधून रविचंद्रन अश्विन यानं निवृत्ती जाहीर केल्यानंतर पंतप्रधान नरेंद्र मोदी यांनी त्याला भावनिक पत्र लिहून त्याच्या कामगिरीचं कौतुक केलं आहे. क्रिकेट आणि देशासाठी अश्विननं दिलेल्या अतुलनीय योगदानाबद्दल पंतप्रधानांनी त्याचे आभार मानले आहेत. आंतरराष्ट्रीय क्रिकेटमध्ये घेतलेले ७६५ बळी आणि कसोटीत सर्वाधिक मालिकावीर पुरस्कार या अश्विनच्या विक्रमाचा विशेष उल्लेख करताना मोदी यांनी त्याच्या गोलंदाजीतली विविधता आणि प्रतिस्पर्ध्यांवर वर्चस्व गाजवण्याच्या क्षमतेची प्रशंसा केली आहे. पंतप्रधान मोदी यांनी आपल्या या पत्रात अश्विनच्या १४ वर्षांच्या आंतरराष्ट्रीय कारकिर्दीतल्या महत्त्वाच्या क्षणांचा उल्लेख केला असून त्याची ही कारकिर्द भविष्यातल्या पिढ्यांना प्रेरणा देईल अशी आशा व्यक्त केली आहे.

****

पालघर जिल्ह्यातल्या वाडा तालुक्यातल्या खानिवली ग्रामपंचायतीनं आपलं गाव प्लास्टिक मुक्त व्हावं, गावातलं पर्यावरण अबाधित रहावं त्यासोबतच गावातल्या महिलांना रोजगाराच एक नवीन साधन उपलब्ध व्हावं या उद्देशानं आदर्श उपक्रम राबवला आहे. या गावात प्लास्टिक घनकचरा व्यवस्थापनासाठी एक नाविन्यपूर्ण उपक्रम सुरु केला आहे. यामुळे गाव प्लास्टिक मुक्त तर होतंच आहे त्यासोबतच गावातल्या महिलांना रोजगाराची एक नवी संधी देखील उपलब्ध झाली आहे.

खानिवली ग्रामपंचायतीनं मुंबईच्या रोटरी क्लबच्या माध्यमातून मिळालेल्या निधीतून गावात उभारलेल्या यंत्रणेतून प्लास्टिक कचऱ्यावर प्रक्रिया सुरू केली आहे. यामुळे परिसर प्रदूषण मुक्त होत आहे तसंच महिलांना रोजगार उपलब्ध झाला आहे.

****

राज्यात सरत्या वर्षाच्या शेवटापर्यंतच्या आठ दिवसांच्या कालावधीत बहुतांश भागात वातावरण काही अंशी ढगाळ असणार आहे तर काही ठिकाणी तुरळक पावसाचीही अंशत: शक्यता आहे. मात्र, देशाच्या उत्तरेकडील बहुतांश पर्वतीय भागात थंडीची तीव्र लाट येण्याची शक्यता भारतीय हवामान विभागानं वर्तवली आहे.

****

भारतानं १९ वर्षांखालील मुलींच्या आशिया चषक क्रिकेट टी-ट्वेंटी स्पर्धेत बांग्लादेशला पराभूत करत अजिंक्यपद पटकवलं आहे. मलेशियाच्या क्वालालंपूर इथं आज सकाळी झालेल्या अंतिम सामन्यात, बांग्लादेश संघानं नाणेफेक जिंकत प्रथम गोलंदाजी केली. भारतानं वीस षटकांत सात बाद ११७ धावा केल्या. प्रत्युत्तरात बांग्लादेशचा डाव एकोणीसाव्या षटकाचे तीन चेंडू शिल्लक असतांना ७६ धावांवर आटोपला. सामनावीरचा पुरस्कार भारताची सलामीवीर फलंदाज गोंगादी तृषा हिला देण्यात आला. अशिया खंडातील ��घाडीच्या सहा संघांचा समावेश असलेल्या या स्पर्धेत भारतानं आपले सर्व सामने जिंकण्याची किमया साधली.

****

स्वच्छ नवी मुंबई अर्ध मॅरेथॉन स्पर्धेत आज सहा हजारांहून अधिक नागरिकांनी सहभाग घेत स्वच्छतेचा संदेश दिला. नवी मुंबई महापालिकेचे आयुक्त डॉ.कैलास शिंदे तसंच राज्य पोलीस दलाच्या फोर्स वनचे प्रमुख कृष्णप्रकाश यांनीही या स्पर्धेत सहभाग घेऊन नागरिकांना प्रोत्साहन दिलं. दिडशेहून अधिक तृतीयपंथी नागरिक, पन्नासहून अधिक दिव्यांग, तसंच अंध व्यक्ती यांनीही विविध गटांत सहभाग नोंदवला. शाळकरी विद्यार्थी, युवक यात मोठ्या संख्येनं सहभागी झाले. अक्षय पडवळ, ओंकार बी. यांनी पुरुष गटातली तर सुजाता माने, कोमल खांडेकर यांनी महिला गटांतली विजेतेपदे पटकावली.

****

भारतीय महिला क्रिकेट संघानं वेस्टइंडीजविरुद्धच्या पहिल्या एकदिवसीय क्रिकेट सामन्यात ३१५ धावांचं मोठं आव्हान ठेवलं आहे.

****

[airnews-arngbad]

आकाशवाणी छत्रपती संभाजीनगर - दिनांक 22.12.2024 रोजीचे दुपारी 03.00 वाजताचे मुंबईचे प्रादेशिक बातमीपत्र

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक २२ डिसेंबर २०२४ दुपारी १.०० वा.

Regional Marathi Text Bulletin, Chhatrapati Sambhajinagar Date - 22 December 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक २२ डिसेंबर २०२४ दुपारी १.०० वा.

रोजगार मेळाव्या अंतर्गत पंतप्रधान उद्या केंद्र सरकारच्या विविध विभागांमध्ये नव्यानं नियुक्त केलेल्या उमेदवारांना ७१,००० हून अधिक नियुक्ती पत्रांचं वितरण करणार आहेत. यावेळी ते उमेदवारांना संबोधितही करणार आहेत. रोजगार मेळावा हा पंतप्रधानांच्या रोजगार निर्मितीला सर्वोच्च प्राधान्य देण्याच्या वचनाची पूर्तता करण्याच्या दिशेनं एक पाऊल आहे. हा उपक्रम युवकांना राष्ट्रनिर्माणाबरोबरच आत्मनिर्भर होण्याची संधी उपलब्ध करून देईल, असं सरकारतर्फे कळवण्यात आलं आहे. हा रोजगार मेळावा देशभरातील ४५ ठिकाणी आयोजित केला जाणार आहे. केंद्रीय सरकारच्या विविध मंत्रालये आणि विभागांसाठी भरती केली जात आहे. देशभरातून निवडलेले नवे उमेदवार गृह मंत्रालय, टपाल कार्यालय, उच्च शिक्षण विभाग, आरोग्य आणि कुटुंब कल्याण मंत्रालय, वित्तीय सेवा विभाग यांसारखी विविध मंत्रालये/विभागांमध्ये नियुक्त होतील.

भारत पाच ट्रिलियन-डॉलर अर्थव्यवस्थेचं उद्दिष्ट साध्य करताना महाराष्ट्रही देशात अग्रेसर राहील, असं राज्याच्या मंत्री आदिती तटकरे यांनी म्हटलं आहे. केंद्रीय अर्थमंत्री सीतारामन यांच्या अध्यक्षतेखाली काल जैसलमेर इथं केंद्रीय अर्थसंकल्पपूर्व बैठक झाली त्यावेळी तटकरे बोलत होत्या. यात २०२५-२६ च्या प्रस्तावित केंद्रीय अर्थसंकल्पातील निधी वाटप, दृष्टिक्षेपासह विविध मागण्यांवर राज्यांच्या अर्थमंत्र्यांमध्ये चर्चा झाली. तटकरे यांनी महाराष्ट्रातील कृषी, आरोग्य, पायाभूत सुविधांससह विविध विकास धोरणांबाबत शासनाच्या प्रस्तावांची रूपरेषाही यावेळी मांडली. राज्यात चालू गाळप हंगामात उपलब्ध सर्व ऊसाचं सर्वसाधारणपणे दीडशे दिवसांत गाळप होईल एवढी साखर कारखान्यांची स्थापित गाळप क्षमता वाढली असल्याची माहिती नांदेड प्रादेशिक साखर उपसंचालक कार्यालयानं दिली आहे. कार्यालयामार्फत ऊस गाळपासंदर्भात नियमित आढावा घेतला जाणार असून कोणत्याही शेतकऱ्याचा ऊस शिल्लक राहणार ��ाही असं नियोजन केलं जात असल्याचं कार्यालयानं कळवलं आहे. हिंगोली जिल्ह्यातील ऊस उत्पादक शेतकऱ्यांची आर्थिक पिळवणूक रोखण्याच्या उद्देशानं प्रत्येक कारखान्यासाठी एका तक्रार निवारण अधिकाऱ्यांची नियुक्ती करण्यात आल्याचंही कार्यालयानं म्हटलं आहे. ऊस तोडणीवेळी शेतकऱ्यांची अडवणूक होऊ नये यासाठी सर्व कारखान्यांनी दक्षता घेण्याच्या सूचना कार्यालयानं दिल्या आहेत.

मासेमारी करणाऱ्यांनाही किसान क्रेडीट कार्डचा लाभ घेता येणार आहे. मासेमारी करणारे मच्छिमार, मत्स्यकास्तकार यांना ही सुविधा उपलब्ध करुन देण्यासह प्रधानमंत्री मत्स्य किसान सह-समृद्धी योजनेअंतर्गत मत्स्य व्यावसायिक, मच्छिमार सहकारी संस्था आदींची नोंदणीही करण्यात येत आहे. १५ मार्च २०२५ पर्यंत याबाबतची मोहिम राबविण्यात येत आहे. यासाठी छत्रपती संभाजीनगरच्या दुग्ध व्यवसाय विकास विभाग इमारतीतल्या मत्स्यव्यवसाय सहाय्यक आयुक्त कार्यालयाशी संपर्क करण्याचं आवाहन करण्यात आलं आहे.

राज्यात गेल्या २४ तासांत बहुतांश ठिकाणी किमान तापमान १५ अंशांच्या वर होतं. आजही हवामान कोरडं राहण्याचा अंदाज हवामान विभागानं व्यक्त केला आहे. राज्यात या सरत्या वर्षाच्या शेवटापर्यंतच्या आठ दिवसांच्या कालावधीत बहुतांश भागात वातावरण काही अंशी ढगाळ असणार आहे तर काही ठिकाणी तुरळक पावसाचीही अंशत: शक्यता आहे.मात्र,देशाच्या उत्तरेकडील बहुतांश पर्वतीय भागात थंडीची तीव्र लाट येण्याची शक्यता भारतीय हवामान विभागानं वर्तवली आहे. दरम्यान, सूर्याच्या उत्तरायणाला काल २१ डिसेंबरला प्रारंभ झाला. इथून पुढे हळूहळू दिवसाचा कालावधी वाढत जातो. सूर्य काल मकरवृत्तावर असल्यानं कालचा सेंबरचा दिवस हा सर्वात लहान म्हणजे अकरा तासांचा तर, रात्र तेरा तासांची होती. उत्तर गोलार्धात हिवाळा सुरू झाल्यानंतर दिवस लहान तर रात्र मोठी होते.

भारतानं, १९ वर्षांखालील मुलींच्या आशिया चषक क्रिकेट टी-ट्वेंटी स्पर्धेत बांग्लादेशला पराभूत करत चषक पटकावला आहे.मलेशियाच्या क्वालालंपूर इथं आज सकाळी झालेल्या या सामन्यात,बांग्लादेशनं नाणेफेक जिंकत प्रथम गोलंदाजी केली.भारतानं वीस षटकांत सात बाद ११७ धावा केल्या.प्रत्युत्तरात बांग्लादेशचा डाव एकोणीसाव्या षटकाचे तीन चेंडु शिल्लक असतांना सर्वबाद ७६ धावांवरच आटोपला.सामनावीरचा किताब भारताची सला��ीवीर फलंदाज गोंगादी तृषा , हिला देण्यात आला . अशिया खंडातील आघाडीच्या सहा संघांचा समावेश असलेल्या या स्पर्धेत भारतानं आपले सर्व सामने जिंकल्याची कामगिरी केली आहे.

भारत-वेस्टइंडीज,महिला संघांदरम्यान आईसीसी चैंपियनशिप क्रिकेट एकदिवसीय सामन्यांच्या मालिकेला आज प्रारंभ होत आहे.आजचा पहिला सामना गुजरातच्या बडोदा इथं आता थोड्याच वेळात दुपारी दीड वाजता सुरु होईल.

मुंबईत आयोजित ७९व्या पश्चिम भारतीय स्क्वॅश स्पर्धेत महिला एकेरीच्या अंतिम फेरीत अनाहत सिंह विरुध्द् आकांक्षा सालुंखे ‌असा दोन्ही भारतीच्याच खेळाडुंमध्ये सामना रंगणार आहे. आज दुपारी पावणेतीनला सामना सुरु होईल.

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक: २२ डिसेंबर २०२४ सकाळी ११.०० वाजता.

Regional Marathi Text Bulletin, Chhatrapati Sambhajinagar Date 22 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: २२ डिसेंबर २०२४ सकाळी ११.०० वाजता.

भारत आणि कुवेत हे देश एकमेकांच्या पाठीशी नेहमीच उभे राहिले असल्याचं प्रतिपादन पंतप्रधान नरेंद्र मोदी यांनी केलं आहे. मोदी यांच्या दोन दिवसीय कुवेत दौऱ्यात, काल पहिल्या दिवशी कुवेत शहरातील शेख साद अल-अब्दुल्ला क्रीडा संकुलात आयोजित 'हाला मोदी' कार्यक्रमात भारतीय प्रवासी नागरिकांना संबोधित करतांना ते बोलत होते. 'नवीन कुवेत'साठी आवश्यक कौशल्य, तंत्रज्ञान, नवकल्पना - मनुष्यबळ आपल्याकडे असून , भारताला विश्वबंधू म्हणून सादर करतांना आर्थिक समावेशन, महिलांच्या नेतृत्वाखालील विकास आणि डिजिटल संपर्क व्यवस्थेमधील देशाच्या प्रगतीवर मोदी यांनी यावेळी लक्ष वेधलं. गेल्या ४३ वर्षात भारताच्या पंतप्रधानांची कुवेतला झालेली ही पहिलीच भेट असून याद्वारे विविध क्षेत्रात उभय देशात मैत्री आणखी भक्कम होईल असंही मोदी यांनी या संदर्भातल्या आपल्या समाजमाध्यमांवरील संदेशात म्हटलं आहे. त्यांच्या दौऱ्याच्या आजच्या दुस-या दिवशी, कुवेतचे अमीर आणि युवराज यांच्यासोबतच्या स्वतंत्र उच्चस्तरीय बैठकांपूर्वी पंतप्रधानांना बायन पॅलेस इथं औपचारिक मानवंदना देण्यात येईल. त्यानंतर दोन्ही देशांमध्ये शिष्टमंडळ स्तरावर चर्चा होईल.

जणुकं उपचार- जीन थेरपीला जीएसटीतून सूट देण्यासह दंड आकारणी, बँका आणि गैर-बँकींग वित्त संस्थांच्या विलंबित भरणा शुल्कावर जीएसटी लावला जाणार नसल्याचं केंद्रीय अर्थमंत्री सीतारामन यांनी म्हटलं आहे. त्यांनी राजस्थानमधील जैसलमेर इथं वार्ताहरांशी बोलताना ही माहिती दिली.

भारत पाच ट्रिलियन-डॉलर अर्थव्यवस्थेचं उद्दिष्ट साध्य करताना महाराष्ट्रही देशात अग्रेसर राहील, असं राज्याच्या मंत्री आदिती तटकरे यांनी म्हटलं आहे. केंद्रीय अर्थमंत्री सीतारामन यांच्या अध्यक्षतेखाली काल जैसलमेर इथं केंद्रीय अर्थसंकल्पपूर्व बैठक झाली त्यावेळी तटकरे बोलत होत्या. यात २०२५-२६ च्या प्रस्तावित केंद्रीय अर्थसंकल्पातील निधी वाटप, दृष्टिक्षेपासह विविध मागण्यांवर राज्यांच्या अर्थमंत्र्यांमध्ये चर्चा झाली. तटकरे यांनी महाराष्ट्रातील कृषी, आरोग्य, पायाभूत सुविधांससह विविध विकास धोरणांबाबत शासनाच्या प्रस्तावांची रूपरेषाही यावेळी सादर केली.

द्राक्षापासून तयार होणाऱ्या मनुक्याल�� कृषी उत्पादनाचा दर्जा देत वस्तू आणि सेवा कर- जी.एस.टी.तून वगळण्याच्या महाराष्ट्राच्या मागणीला यश आलं आहे. राजस्थानातील जैसलमेर इथं काल झालेल्या जी.एस.टी. परिषदेच्या ५५व्या बैठकीत हळद-गूळासह मनुकाही करमुक्त करण्यास मान्यता देण्यात आली असल्याची माहिती मंत्री आदिती तटकरे यांनी दिली आहे. जीएसटी परिषदेनं पोषणयुक्त तांदळावरील कर दरात कपात करून पाच टक्के करण्याचा निर्णय घेतला असून पाकिटबंद-उत्पादन माहिती दर्शवलेल्या वस्तूंच्या व्याख्येत सुधारणा करण्याची शिफारसही केली आहे.

क्षयमुक्त भारत अभियान यशस्वी होण्यासाठी क्षयरोगींच्या समुपदेशनासह जनजागृतीही महत्वाची असल्याचं मत मंत्री गिरीश महाजन यांनी व्यक्त केलं. या अभियानाबाबत केंद्रीय आरोग्य मंत्री जगत प्रकाश नड्डा यांच्या अध्यक्षतेखाली काल दूरस्थ पद्धतीनं देशातील सर्व मुख्यमंत्री आणि आरोग्यमंत्र्यांची बैठक झाली. त्यावेळी महाजन बोलत होते.

भारतानं १९ वर्षांखालील मुलिंच्या आशिया चषक क्रिकेट टी-ट्वेंटी स्पर्धेच्या अंतिम लढतीत बांग्लादेशला ४१ धावांनी पराभूत करत विजेतेपद पटकवलं आहे. मलेशियातल्या क्वालालंपूर इथं आज सकाळी झालेल्या या सामन्यात, बांग्लादेशनं नाणेफेक जिंकत प्रथम गोलंदाजी केली.भारतानं वीस षटकांत सात बाद ११७ धावा केल्या.प्रत्युत्तरात बांग्लादेशचा डाव एकोणीसाव्या षटकाचे तीन चेंडु शिल्लक असतांना सर्वबाद ७६ धावांवरच आटोपला.

डॉ. पंजाबराव देशमुख कृषी विद्यापीठ अकोला इथं भारतीय कृषी अभियांत्रिकी संस्थेतर्फे कृषी अभियांत्रिकी विध्यार्थ्यांसाठी एक दिवसीय कार्यशाळा घेण्यात आली. प्रख्यात शास्त्रज्ञ डॉ. सरबजीत सिंग सूच यांनी यावेळी 'बायोगॅस तंत्रज्ञान: डिझाइन, विकास, अंमलबजावणी आणि स्थापनेसाठी सरकारी धोरणं' या विषयावर व्याख्यान दिलं. कार्यक्रमाच्या अध्यक्षस्थानी डॉ. सुरेंद्र काळबांडे, अधिष्ठाता, कृषी अभियांत्रिकी विद्धयाशाखा हे होते. त्यांनी उपस्थित विध्यार्थ्यांना नवीकरणीय ऊर्जा अभियांत्रिकी या क्षेत्रामध्ये असणा-या संधी, नवीकरणीय ऊर्जेच्या वापराची गरज या संदर्भात मार्गदर्शन केलं.

नाशिक शहरातील थंडी कमी झाली असली तरी आज पहाटे सर्व शहरावर धुकं दाटलं होतं. धुक्यातलं नाशिक विशेषतः गोदाघाट पाहण्यासाठी सकाळी नागरिकांनी रामकुंड परिसरात गर्दी केली होती. आज सकाळी १४ अंश सेल्सिअस अशी किमान तापमानाची नोंद झाली असल्याचं आमच्या वार्ताहरानं कळवलं आहे.

थेट गावातील लोकांपर्यंत योजना पोहचाव्यात यासाठी अहिल्यानगरचे जिल्हाधिकारी सिद्धाराम सालीमठ यांनी अकोले तालुक्यातील मवेसी या आदिवासी गावात मुक्काम करून ग्रामस्थांशी संवाद साधत त्यांच्या समस्या ज��णून घेतल्या. सध्या प्रशासनातर्फे सुशासन सप्ताहांतर्गत 'प्रशासन गांव की ओर' हे अभियान राबवलं जात आहे. कार्यक्रमस्थळी कृषी, पश��संवर्धन, महसूल, आरोग्य, आदिवासी विकास, वन विभाग, पंचायत समिती, महिला व बालविकास, समाजकल्याण, दिव्यांग कल्याण, विशेष सहाय्य, संजय गांधी निराधार अनुदान योजना आदी विभागांच्या योजनांची दालनं लावण्यात आली होती‌.

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक २२ डिसेंबर २०२४ सकाळी ७.१० मि.

Regional Marathi Text Bulletin, Chhatrapati Sambhajinagar Date – 22 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २२ डिसेंबर २०२४ सकाळी ७.१० मि.

• विधीमंडळाच्या हिवाळी अधिवेशनाचा समारोप - अधिवेशन यशस्वी झाल्याचा सरकारचा दावा • गेल्या दोन वर्षांत मराठवाड्यात सात प्रकल्प पूर्ण करून ३८ दशलक्ष घनमीटर पाणी साठा निर्माण केल्याची मुख्यमंत्र्यांची माहिती • राज्य मंत्रिमंडळाचं खातेवाटप जाहीर, गृह तसंच ऊर्जा खातं मुख्यमंत्र्यांकडे, अजित पवार यांना अर्थ तर एकनाथ शिंदे यांना नगरविकास, गृहनिर्माण आणि सार्वजनिक उपक्रम विभाग • मस्साजोग हत्या प्रकरणाच्या मुख्य सुत्रधारावर कारवाईची उपमुख्यमंत्री अजित पवार यांची ग्वाही आणि • तूळजापूरचा पहिला राज्यस्तरीय हिरकणी पुरस्कार सामाजिक कार्यकर्त्या ममता सिंधुताई सपकाळ यांना जाहीर

विधीमंडळाच्या हिवाळी अधिवेशनाचा काल समारोप झाला. आगामी अर्थसंकल्पीय अधिवेशन येत्या तीन मार्चपासून मुंबई इथं होणार होणार आहे. अधिवेशन कालावधीत विधानसभेत १३ विधेयकं संमत तर १५ विधेयकं पुनर्स्थापित करण्यात आली. तर विधानपरिषदेत चार विधेयकं संमत झाली, तर चार विधेयकं पुनर्स्थापित करण्यात आली. चार विधेयकं शिफारशीशिवाय विधानसभेकडे परत पाठवण्यात आली तसंच एक विधेयक संयुक्त समितीकडे पाठवण्यात आलं. दरम्यान, हिवाळी अधिवेशन यशस्वी झाल्याचं उपमुख्यमंत्री एकनाथ शिंदे यांनी म्हटलं आहे. ते काल नागपुरात पत्रकार परिषदेत बोलत होते. अधिवेशनाचा कालावधी कमी असला तरीही, ठरवलेलं कामकाज पूर्ण झाल्याचं त्यांनी नमूद केलं.

या अधिवेशनात सरकारने जनतेच्या तोंडाला पानं पुसल्याचा आरोप, प्रदेश काँग्रेस कमिटीचे अध्यक्ष नाना पटोले तसंच विधान परिषदेत विरोधी पक्षनेते अंबादास दानवे यांनी केला. ते काल नागपुरात पत्रकार परिषदेत बोलत होते. विदर्भ तसंच मराठवाड्याच्या जनतेला न्याय देण्यासाठी हिवाळी अधिवेशनात चर्चा होणं अपेक्षित होतं, मात्र अशी कोणतीच चर्चा झाली नसल्याचा आरोप पटोले यांनी केला. शेतकरी, कष्टकरी, तसंच उद्योगधंद्यांसाठी कोणताही निर्णय सरकारनं घेतला नसल्याची टीका अंबादास दानवे यांनी केली.

विरोधकांनी मांडलेल्या अंतिम आठवडा प्रस्तावाला मुख्यमंत्री देवेंद्र फडणवीस यांनी काल उत्तर दिलं. गेल्या दोन वर्षांत मराठवाड्यात सात प्रकल्प पूर्ण करून ३८ दशलक्ष घनमीटर पाणी साठा निर्माण केला. मराठवाड्यात ११ सिंचन प्रकल्पाला मान्यता दिली, कृष्णा मराठवाडा उपसा जलसिंचन ��ोजनेलाही निधी पुरवल्याचं सांगताना, पश्चिम वाहिनी नद्यांचं पाणी गोदावरी खोऱ्यात वळवण्यासंदर्भात कामकाजाचा त्यांनी आढावा घेतला. मराठवाडा वॉटर ग्रीड प्रकल्पाचा आराखडा नव्याने केंद्राकडे पाठवला असून, त्यासंदर्भात पाठपुरावा करून हा प्रकल्प पूर्ण करण्याची ग्वाही त्यांनी दिली. ते म्हणाले, संपूर्ण याचा आराखडा तयार करून केंद्र सरकारकडे आपण पाठवलेला आहे. आता केंद्र सरकारचा नवीन मिशन ज्यावेळेस त्या ठिकाणी तयार होईल, त्यावेळी पुन्हा एकदा आम्ही त्याचा पाठपुरा करू. आणि आता जे काही आपण जलजीवन मिशनचे अंतर्गत नेटवर्क तयार केलं, त्याच नेटवर्कचा उपयोग करून त्याला जे काही सोल नेटवर्क तयार करायचा ग्रेडच्या रूपानं तयार करण्याकरता केंद्र सरकारची मदत घेऊन ही मराठवाडा ग्रीड आपल्याला कशी पूर्ण करता येईल याचा देखील प्रयत्न आपण करू. उद्योग क्षेत्राबद्दल बोलतांना, गेल्या अडीच वर्षात मराठवाड्यात ३४ मोठे प्रकल्प आले, ७२ हजार ८३९ कोटी रुपयांची गुंतवणूक होऊन सुमारे दीड लाखावर प्रत्यक्ष तसंच अप्रत्यक्ष रोजगार निर्मिती झाल्याचं मुख्यमंत्र्यांनी सांगितलं. लातूर इथल्या रेल्वे बोगी कारखान्यातून वंदे भारत रेल्वेच्या डब्यांची निर्मिती होणार असल्याकडे त्यांनी लक्ष वेधलं. टोयोटा किर्लोस्कर प्रकल्प कर्नाटकातून ऑरिक सिटीत आला, त्यामुळे १३ हजार लोकांना थेट रोजगार मिळाल्याचं सांगत, छत्रपती संभाजीनगर आणि जालना ही दोन शहरं उद्योजकांचा आकर्षण बिंदू ठरत असल्याचं मुख्यमंत्र्यांनी नमूद केलं. ते म्हणाले… महाराष्ट्राज नेक्स्ट इंडस्ट्रियल मॅग्नेट इज छत्रपती संभाजीनगर अँड जालना. आज डीएमआयसीमध्ये आपण जो ऑरिक सिटी तयार केली, शेंद्रा बिडकीन या ज्या एमआयडीसी तयार केल्या, जागा शिल्लक नाही इतकी मागणी आहे. कारण समृद्धी महामार्गामुळे थेट पोर्ट कनेक्टिव्हिटी त्याला मिळालेली आहे आणि जालन्याला आपण ड्रायफ्रूट देखील करतो आहोत. याच्यामुळे अशी इकोसिस्टीम त्या ठिकाणी तयार झाली आहे की त्यातलं मराठवाड्याच्या विकासाकरता एक मोठं दालन या ठिकाणी उभं राहीलं.

दरम्यान, महाराष्ट्राला प्रगत, समृद्ध करण्यासाठी महायुती सरकार अहोरात्र काम करेल, अशी ग्वाही, उपमुख्यमंत्री एकनाथ शिंदे यांनी दिली. विधान परिषदेत नियम २५९ आणि २६० अन्वये झालेल्या चर्चेला उत्तर देताना ते काल बोलत होते. मराठवाडा आणि विदर्भात औद्योगिक विकास आणि सिंचनावर भर देणार असल्याचं शिंदे यांनी सांगितलं. राज्यात १२ जानेवारी पर्यंत सोयबीनची खरेदी सुरू ठेवणार असून, गरज पडली तर यात वाढ करण्यात येईल, अशी ग्वाही देखील शिंदे यांनी यावेळी दिली. राज्यात कापूस खरेदी ��ेंद्रातून आतापर्यंत ३८ लाख १० हजार क्विंटल कापूस खरेदी झाल्याचं त्यांनी सांगितलं.

राज्य मंत्रिमंडळाचं खातेवाटप काल जाहीर झालं. गृह तसंच ऊर्जा खातं मुख्यमंत्री देवेंद्र फडणवीस यांनी ���्वतःकडे ठेवलं असून, उपमुख्यमंत्री अजित पवार यांना अर्थ आणि उत्पादन शुल्क खातं तर उपमुख्यमंत्री एकनाथ शिंदे यांना नगरविकास, गृहनिर्माण आणि सार्वजनिक उपक्रम विभाग देण्यात आला आहे. जलसंपदा विभागाची जबाबदारी राधाकृष्ण विखे पाटील आणि गिरीश महाजन यांच्याकडे विभागून देण्यात आली आहे. महसूल - चंद्रशेखर बावनकुळे, वैद्यकीय शिक्षण - हसन मुश्रीफ, उच्च आणि तंत्रशिक्षण - चंद्रकांत पाटील, स्वच्छता आणि पाणीपुरवठा - गुलाबराव पाटील, महिला आणि बालकल्याण - अदिती तटकरे, कृषी - माणिकराव कोकाटे, सार्वजनिक आरोग्य आणि कुटुंब कल्याण - प्रकाश आबिटकर, ग्रामीण विकास - जयकुमार गोरे, शालेय शिक्षण - दादा भुसे, मृदा आणि जलसंधारण - संजय राठोड, उद्योग आणि मराठी भाषा - उदय सामंत, पर्यटन - शंभुराज देसाई, बंदरे आणि मत्स्यव्यवसाय - नितेश राणे, क्रीडा तसंच वक्फ - दत्ता भरणे तर शिवेंद्रसिंहराजे भोसले यांना सार्वजनिक बांधकाम खातं देण्यात आलं आहे. कौशल्य विकास, रोजगार, उद्योजकता आणि नाविन्यता - मंगलप्रभात लोढा, पणन आणि राजशिष्टाचार - जयकुमार रावल, आदिवासी विकास - अशोक उईके, पर्यटन, खनिकर्म आणि माजी सैनिक कल्याण मंत्रालय - शंभूराज देसाई, तर आशिष शेलार हे माहिती आणि तंत्रज्ञान, सांस्कृतिक खात्याचे मंत्री असतील. मराठवाड्यातल्या मंत्र्यांना मिळालेली खाती याप्रमाणे… पंकजा मुंडे यांच्याकडे पर्यावरण आणि पशू संवर्धन, धनंजय मुंडे यांना अन्न नागरी पुरवठा आणि ग्राहक संरक्षण, अतुल सावे यांच्याकडे बहुजन विकास, नवीकरणीय ऊर्जा आणि दुग्धविकास, संजय शिरसाट यांना सामाजिक न्याय, बाबासाहेब पाटील यांना सहकार खातं देण्यात आलं आहे. तर मेघना बोर्डीकर या महिला बालकल्याण, आरोग्य आणि कुटुंब कल्याण, ऊर्जा, आदी खात्यांच्या राज्यमंत्री म्हणून काम पाहतील.

मस्साजोग हत्या प्रकरणाच्या मुख्य सूत्रधाराला सोडलं जाणार नाही, अशी ग्वाही उपमुख्यमंत्री अजित पवार यांनी दिली आहे. पवार यांनी काल मस्साजोग इथं मृत सरपंच संतोष देशमुख यांच्या कुटुंबियांची भेट घेतली. या प्रकरणात जे जे दोषी आढळून येतील त्यांना फाशीची शिक्षा होईल, असं त्यांनी सांगितलं.

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनीही काल मस्साजोग इथं देशमुख कुटुंबियांची भेट घेत सांत्वन केलं. शरद पवार यांनी परभणी इथंही डॉ बाबासाहेब आंबेडकर यांच्या पुतळ्याला अभिवादन करून परिसराची पाहणी केली. परभणी इथं आंदोलनादरम्यान दगावलेले सोमनाथ सूर्यवंशी तसंच रिपब्लिकन सेनेचे नेते विजय वाकोडे यांच्या कुटुंबीयांची पवार यांनी भेट घेऊन, त्यांचं सांत्वन केलं.

पहिला राज्यस्तरीय हिरकणी पुरस्कार समाजसेविका ममता सिंधुताई सपकाळ यांना जाहीर झाला आहे. तुळजापूर इथल्या हिरकणी पुरस्कार संयोजक स��ितीनं काल ही घोषणा केली. येत्या १२ जानेवारीला मान्यवरांच्या हस्ते तुळजापूर इथं हा पुरस्कार ममता सपकाळ यांना सन्मानपूर्वक प्रदान करण्यात येईल.

निवडणुकीदरम्यान नागरिकांच्या सहभागासाठी केलेल्या उल्लेखनीय कामगिरीसाठी भारतीय माहिती सेवेतले अधिकारी संतोष अजमेरा यांना २०२४ चा आंतरराष्ट्रीय निवडणूक पुरस्कारानं सन्मानित करण्यात आलं आहे. डोमिनिकन रिपब्लिक इथं हा पुरस्कार सोहळा नुकताच पार पडला.

१९ वर्षाखालील महिलांच्या टी ट्वेंटी आशिया चषक क्रिकेट स्पर्धेचा अंतिम सामना भारत बांग्लादेश दरम्यान सुरु झाला आहे. बांग्लादेशच्या संघाने नाणेफेक जिंकून प्रथम क्षेत्ररक्षणाचा निर्णय घेतला.

नांदेड जिल्ह्यातल्या बिलोली पंचायत समितीला आयएसओ मानांकन प्राप्त झालं आहे. जिल्ह्यात नांदेड, लोहा, मुदखेड आणि देगलूर पाठोपाठ आयएसओ मानांकन मिळवणारी बिलोली ही पाचवी पंचायत समिती ठरली आहे. जिल्हा परिषदेच्या मुख्य कार्यकारी अधिकारी मीनल करनवाल यांच्या हस्ते काल समितीला आयएसओ मानांकन प्रमाणपत्र प्रदान करण्यात आलं.

परभणी इथल्या अप्रिय घटनेच्या निषेधार्थ काल आंबेडकरी संघटनांच्या वतीने पुकारण्यात आलेल्या जालना बंदला संमिश्र प्रतिसाद मिळाला. शहरातून काढण्यात आलेल्या रॅलीत आमदार अर्जुन खोतकर यांच्यासह आंबेडकरी अनुयायांनी मोठ्या संख्येनं सहभाग घेतला.

केंद्रीय गृहमंत्री अमित शहा यांनी डॉ. बाबासाहेब आंबेडकर यांच्यासंदर्भात केलेल्या वक्तव्याच्या निषेधार्थ हिंगोली आणि कळमनुरी इथं शिवसेना उद्धव बाळासाहेब ठाकरे पक्षाच्यावतीनं निदर्शन करण्यात आली. डॉ. आंबेडकर यांच्या पुतळ्याजवळ केलेल्या आंदोलनात शहा यांच्या राजीनाम्याची मागणी झाली.

छत्रपती संभाजीनगर महानगरपालिकेच्या वतीने काल ध्यान दिनाचं औचित्य साधून ध्यानधारणेविषयी जागृतीपर कार्यक्रम घेण्यात आला. योग अभ्यासक अनंत पंडित यांनी ध्यानसाधनेमुळे एकाग्रता वाढून तणाव कमी होतो असं सांगत, ध्यानाचं महत्त्व विशद केलं. या वेळी उपस्थित विद्यार्थी-शिक्षक-पालक यांनी ध्यानधारणेची प्रात्यक्षिकं केली.

रोटरी इंटरनॅशलच्या वतीने छत्रपती संभाजीनगर शहरात महाएक्सपो प्रदर्शन भरवण्यात आलं आहे. यात विविध स्टॉल्ससह देहदान चळवळीची माहिती देणारं दालनंही आहे.

[airnews-arngbad]

Regional Marathi Text Bulletin, Chhatrapati Sambhajinagar

Date – 21 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २१ डिसेंबर २०२४ सायंकाळी ६.१०

****

विधीमंडळाच्या हिवाळी अधिवेशनाचा समारोप-अधिवेशन यशस्वी झाल्याचा सरकारचा दावा

मस्साजोग हत्या प्रकरणाच्या मुख्य सुत्रधारावर कारवाईची उपमुख्यमंत्री अजित पवार यांची ग्वाही

तूळजापूरचा पहिला राज्यस्तरीय हिरकणी पुरस्कार सामाजिक कार्यकर्त्या ममता सिंधुताई सपकाळ यांना जाहीर

आणि

१९ वर्षाखालील महिलांच्य��� टी ट्वेंटी आशिया चषक क्रिकेट स्पर्धेत भारतीय संघाची अंतिम फेरीत धडक

****

विधीमंडळाच्या हिवाळी अधिवेशनाचा आज स��ारोप झाला. आगामी अर्थसंकल्पीय अधिवेशन येत्या तीन मार्चपासून मुंबई इथं होणार होणार आहे. दरम्यान, नियोजित सर्व कामं पूर्ण झाल्यानं, हिवाळी अधिवेशन यशस्वी झाल्याचं उपमुख्यमंत्री एकनाथ शिंदे यांनी सांगितलं. ते पत्रकार परिषदेत बोलत होते. मुख्यमंत्री देवेंद्र फडणवीस यावेळी उपस्थित होते. अधिवेशनाचा कालावधी कमी असला तरीही, ठरवलेलं कामकाज पूर्ण झाल्याचं, शिंदे यांनी नमूद केलं. ते म्हणाले –

कमी कालावधी असला तरीसुद्धा सरकारने ठरवलेलं कामकाज वेगाने केलेलं कामकाज पूर्ण झालं. सतरा विधेयकं मंजूर झाली. या विधेयकांमध्ये अनेक महत्वाची विधेयकं जसं कारागृह सुधारणा, प्राचीन स्मारके आणि इतरही महत्वाची विधेयकं देखील मंजूर झालेली आहेत. पुरवणी मागण्या मंजूर झाल्या पस्तीस हजार सातशे अठ्ठ्याऐंशी कोटींच्या. ज्या योजना आमच्या सरकारने जाहीर केल्या होत्या, लाडकी बहीण योजना असेल, अन्नपूर्णा योजना असेल, बळीराजाला सवलत असेल, इतरही काही योजना आहेत, ह्या सुरू ठेवण्या��ाठी जी आर्थिक तरतूद लागते, ती तरतूद देखील पुरवणी मागण्यांमध्ये मंजूर केली.

महाराष्ट्राला प्रगत, समृद्ध करण्यासाठी महायुती सरकार अहोरात्र काम करेल अशी ग्वाही उपमुख्यमंत्री एकनाथ शिंदे यांची विधान परिषदेत दिली. विधानपरिषदेत मांडण्यात आलेल्या नियम २५९ आणि २६० अन्वये झालेल्या चर्चेला उत्तर देताना उपमुख्यमंत्री शिंदे बोलत होते. मराठवाडा आणि विदर्भातील औद्योगिक विकास आणि सिंचनावर भर देणार असल्याचं शिंदे यावेळी म्हणाले. मुंबई इथले इंदूमिलमधील डॉ.बाबासाहेब आंबेडकर यांचे स्मारक ६ डिसेंबर २०२५ पर्यंत पूर्ण करणार असल्याचंही उपमुख्यमंत्र्यांनी यावेळी सांगितले.

राज्यात १२ जानेवारी पर्यंत सोयबीनची खरेदी सुरू ठेवणार असून गरज पडली तर यात वाढ करण्यात येईल, अशी ग्वाहीही उपमुख्यमंत्र्यांनी यावेळी दिली. राज्यात कापूस खरेदी केंद्रातून आतापर्यंत ३८ लाख १० हजार क्विंटल कापसाची खरेदी झाली असल्याचे शिंदे यांनी यावेळी सांगितलं.

****

विरोधकांनी मांडलेल्या अंतिम आठवडा प्रस्तावाला मुख्यमंत्री देवेंद्र फडणवीस यांनी उत्तर दिलं. गेल्या दोन वर्षांत मराठवाड्यात सात प्रकल्प पूर्ण करून ३८ दशलक्ष घनमीटर पाणी साठा निर्माण केला. मराठवाड्यात ११ सिंचन प्रकल्पाला मान्यता दिली, कृष्णा मराठवाडा उपसा जलसिंचन योजनेलाही निधी पुरवल्याचं सांगताना, पश्चिम वाहिनी नद्यांचं पाणी गोदावरी खोऱ्यात वळवण्यासंदर्भात कामकाजाचा त्यांनी आढावा घेतला. मराठवाडा वॉटर ग्रीड प्रकल्पाचा आराखडा नव्याने केंद्राकडे पाठवला असून, त्यासंदर्भात पाठपुरावा करून हा प्रकल्प पूर्ण करण्याची ग्वाही त्यांनी दिली. ते म्हणाले –

संपूर्ण याचा आराखडा तयार करून केंद्र सरकारकडे आपण पाठवलेला आहे. आता केंद्र सरकारचं नवीन मिशन ज्यावेळेस त्या ठिकाणी तयार होईल, त्यावेळी पुन्हा एकदा आम्ही त्याचा पाठपुरावा करू. आणि आता जे काही आपण जलजीवन मिशनचे अंतर्गत नेटवर्क तयार केलं, त्याच नेटवर्कचा उपयोग करून त्याला जे काही जोड नेटवर्क तयार करायचा ग्रेडच्या रूपानं तयार करण्याकरता केंद्र सरकारची मदत घेऊन ही मराठवाडा ग्रीड आपल्याला कशी पूर्ण करता येईल याचा देखील प्रयत्न आपण करू.

उद्योग क्षेत्राबद्दल बोलतांना, गेल्या अडीच वर्षात मराठवाड्यात ३४ मोठे प्रकल्प आले, ७२ हजार ८३९ कोटी रुपयांची गुंतवणूक होऊन सुमारे दीड लाखांवर प्रत्यक्ष तसंच अप्रत्यक्ष रोजगार निर्मिती झाल्याचं मुख्यमंत्र्यांनी सांगितलं. टोयोटा किर्लोस्कर प्रकल्प कर्नाटकातून ऑरिक सिटीत आला, त्यामुळे १३ हजार लोकांना थेट रोजगार मिळाल्याचं सांगत, छत्रपती संभाजीनगर आणि जालना ही दोन शहरं महाराष्ट्रात उद्योजकांचा आकर्षण बिंदू ठरत असल्याचं मुख्यमंत्र्यांनी नमूद केलं. ते म्हणाले –

महाराष्ट्राज्‌ नेक्स्ट इंडस्ट्रियल मॅग्नेट इज छत्रपती संभाजीनगर अँड जालना. आज डीएमआयसीमध्ये आपण जो ऑरिक सिटी तयार केली, शेंद्रा बिडकीन या ज्या एमआयडीसी तयार केल्या, जागा शिल्लक उरली नाही इतकी मागणी आहे. कारण समृद्धी महामार्गामुळे थेट पोर्ट कनेक्टिव्हिटी त्याला मिळालेली आहे आणि जालन्याला आपण ड्रायफ्रूट देखील करतो आहोत. याच्यामुळे अशी इकोसिस्टीम त्या ठिकाणी तयार झाली आहे की त्यातनं मराठवाड्याच्या विकासाकरता एक मोठं दालन या ठिकाणी उभं राहीलं.

लातूर इथल्या रेल्वे बोगी कारखान्यातून वंदे भारत रेल्वेच्या डब्यांची निर्मिती होणार असल्याकडे मुख्यमंत्र्यांनी लक्ष वेधलं –

मागच्या लक्षकाळात लातूरला कोर्स फॅक्टरी आपण तयार केली. वंदे भारत ट्रेन ही लातूरच्या कोच फॅक्टरीमध्ये तयार होणार आहे. त्याची घोषणा देखील आपल्या मंत्री महोदयांनी या ठिकाणी केलेली आहे. आणि म्हणून मोठ्या प्रमाणात या ठिकाणी हे काम आपण करतो आहोत.

****

महाराष्ट्र विशेष जनसुरक्षा विधेयक दोन्ही सभागृहांच्या एकवीस सदस्यांच्या संयुक्त समितीकडे पाठवण्यात आलं. चंद्रशेखर बावनकुळे हे या समितीचे अध्यक्ष असतील.

****

मस्साजोग हत्या प्रकरणाच्या मुख्य सूत्रधाराला सोडलं जाणार नाही, अशी ग्वाही उपमुख्यमंत्री अजित पवार यांनी दिली आहे. पवार यांनी आज मस्साजोग इथं मृत सरपंच संतोष देशमुख यांच्या कुटुंबियांची भेट घेतली. या प्रकरणात जे जे दोषी आढळून येतील त्यांना फाशीची शिक्षा दिली जाईल अशी ग्वाही पवार यांनी पीडित देशमुख कुटुंबीयांना दिली.

****

दरम्यान, राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी मस्साजोग गावात देशमुख कुटुंबियांची भेट घेत सांत्वन केलं. या हत्येमागे सूत्रधार कोण, हे मुळात जाऊन शोधणं गरजेचे आहे, असं म�� पवार यांनी व्यक्त केलं. शरद पवार यांनी परभणी इथं डॉ बाबासाहेब आंबेडकर यांच्या पुतळ्याला अभिवादन करून परिसराची पाहणी केली. या आंदोलनादरम्यान दगावलेले सोमनाथ सूर्यवंशी तसंच रिपब्लिकन सेनेचे नेते विजय वाकोडे यांच्या कुटुंबीयांची पवार यांनी भेट घेऊन, त्यांचं सांत्वन केलं.

****

पहिला राज्यस्तरीय हिरकणी पुरस्कार समाजसेविका ममता सिंधुताई सपकाळ यांना जाहीर करण्यात आला आहे. तुळजापूर इथल्या हिरकणी पुरस्कार संयोजक समितीनं आज ही घोषणा केली. येत्या १२ जानेवारीला मान्यवरांच्या हस्ते तुळजापूर इथं हा पुरस्कार सपकाळ यांना सन्मानपूर्वक प्रदान करण्यात येणार आहे.

****

निवडणुकीदरम्यान नागरिकांच्या सहभागासाठी केलेल्या उल्लेखनीय कामगिरीसाठी भारतीय माहिती सेवा अधिकारी संतोष अजमेरा यांना २०२४ चा आंतरराष्ट्रीय निवडणूक पुरस्कारानं सन्मानित करण्यात आलं आहे. डोमिनिकन रिपब्लिक इथं हा पुरस्कार सोहळा नुकताच पार पडला.

****

१९ वर्षाखालील महिलांच्या टी ट्वेंटी आशिया चषक क्रिकेट स्पर्धेत भारतीय संघानं अंतिम फेरीत धडक मारली आहे. काल झालेल्या उपांत्य फेरीच्या सामन्यात भारताने श्रीलंकेचा चार खेळाडू राखून पराभव केला. मलेशियात क्वालालांपूर इथं उद्या होणाऱ्या अंतिम सामन्यात भारताची बांगलादेश संघासोबत लढत होईल.

****

नांदेड जिल्ह्यातल्या बिलोली पंचायत समितीला आयएसओ मानांकन प्राप्त झाले आहे. बिलोली पंचायत समिती आयएसओ मानांकन मिळवणारी जिल्ह्यातील पाचवी पंचायत समिती ठरली आहे. यापूर्वी नांदेड, लोहा, मुदखेड आणि देगलूर पंचायत समितीला आयएसओ मानांकन प्राप्त झाले आहे. मुख्य कार्यकारी अधिकारी मीनल करनवाल यांच्या हस्ते समितीला आयएसओ मानांकन प्रमाणपत्र देण्यात आले.

****

परभणी इथल्या अप्रिय घटनेच्या निषेधार्थ आज आंबेडकरी संघटनांच्यावतीने पुकारण्यात आलेल्या जालना बंदला उत्स्फूर्त प्रतिसाद मिळाला. शहरातल्या मुख्य बाजारपेठेतली बहुतांश दुकानं दिवसभर बंद राहिली. यानिमित्त शहरातून काढण्यात आलेल्या रॅलीत आमदार अर्जुन खोतकर यांच्यासह आंबेडकरी अनुयायांनी मोठ्या संख्येनं सहभाग घेतला. बंदमुळे शहरातल्या मुख्य चौकांमध्ये पोलीस बंदोबस्त तैनात करण्यात आला होता.

****

केंद्रीय गृहमंत्री अमित शहा यांनी डॉ. बाबासाहेब आंबेडकर यांच्यासंदर्भात केलेल्या वक्तव्याच्या निषेधार्थ हिंगोली जिल्हा शिवसेना उध्दव बाळासाहेब ठाकरे पक्षाच्यावतीनं निदर्शन करण्यात आली. हिंगोली आणि कळमनुरी इथं डॉ. आंबेडकर यांच्या पुतळ्याजवळ शिवसेना पदाधिकाऱ्यांच्या वतीने घोषणा देत शहा यांच्या राजीनाम्याची मागणी केली.

****

छत्रपती संभाजीनगर महानगर पालिकेच्या वतीने आज ध्यान दिनाचं औचित्य साधून ध्यानधारणेविषयी जागृतीपर कार्यक्रम घेण्यात आला. योग अभ्यासक अनंत पंडित यांनी ध्यानसाधनेमुळे एकाग्रता वाढून तणाव कमी होतो असं सांगत, ध्यानाचं महत्त्व विशद केलं. या वेळी उपस्थित विद्यार्थी-शिक्षक-पालक यांनी ध्यानधारणेची प्रात्यक्षिकं केली.

****

रोटरी इंटरनॅशलच्या वतीने छत्रपती संभाजीनगर शहरात महाएक्सपो प्रदर्शन भरवण्यात आलं आहे. या प्रदर्शनात विविध स्टॉल्ससह देहदान चळवळीचं महत्त्व विशद करण्यासाठी स्वतंत्र स्टॉल रोटरीच्या वतीने उभारण्यात आला आहे. प्रदर्शनातून मिळणारी रक्कम जिल्हा परिषदेच्या शाळेत शिकणाऱ्या १५ हजार विद्यार्थींनीच्या आरोग्य तपासणी साठी तसंच ४० गावांमध्ये स्मशानभूमी उभारण्यासाठी उपयोगात आणली जाणार आहे.

****

[airnews-arngbad]

آکاشوانی خبریں‘ تاریخ: 21.12.2024 ‘ وقت: دوپہر 01:50

[airnews-arngbad]

आकाशवाणी छत्रपती संभाजीनगर - दिनांक 21.12.2024 मुंबई जिल्हा वार्तापत्र

[airnews-arngbad]

आकाशवाणी छत्रपती संभाजीनगर – दिनांक 21.12.2024 रोजीचे दुपारी 01.30 वाजताचे राष्ट्रीय मराठी बातमीपत्र

[airnews-arngbad]

Regional Marathi Text Bulletin, Chhatrapati Sambhajinagar Date - 21 December 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक २१ डिसेंबर २०२४ दुपारी १.०० वा.

पंतप्रधान नरेंद्र मोदी आज सकाळी दोन दिवसांच्या कुवेत दौऱ्यावर रवाना झाले. ४३ वर्षांतील भारतीय पंतप्रधानांची ही पहिलीच कुवेत भेट आहे. दोन्ही देश केवळ मजबूत व्यापार आणि ऊर्जेबाबतच भागीदार नाहीत तर पश्चिम आशिया क्षेत्रातील शांतता, सुरक्षा, स्थैर्य आणि समृद्धी तसंच समान हितसंबंधातही भागीदार आहेत असं पंतप्रधानांनी म्हटलं आहे.

संसद भवनात झालेल्या निदर्शनादरम्यान काँग्रेस नेते राहुल गांधी यांच्यावर कथित हल्ला आणि भारतीय जनता पक्षाच्या दोन खासदारांना दुखापत झाल्याच्या प्रकरणाचा तपास दिल्ली पोलिसांनी गुन्हे शाखेकडे वर्ग केला आहे. भाजपच्या तक्रारीवरून राहुल गांधींविरोधात गुन्हा दाखल करण्यात आला होता. भाजप खासदार अनुराग सिंह ठाकूर यांच्यासह खासदार बन्सुरी स्वराज आणि हेमांग जोशी यांनी गुरुवारी संसद मार्ग पोलिस ठाण्यात राहुल गांधींविरोधात तक्रार दाखल केली होती. दरम्यान, राष्ट्रीय महिला आयोगानेही नागालँडच्या महिला खासदार फांगनॉन कोन्याक यांच्यासोबत काँग्रेस नेते राहुल गांधी यांनी केलेल्या कथित गैरवर्तनाची स्वत:हून दखल घेतली आहे.

जयपूर गॅस टँकर दुर्घटनेतील मृतांची संख्या १४ वर पोहोचली आहे. या दुर्घटनेतील २७ जखमींवर एका रुग्णालयात उपचार सुरू आहेत. जखमींपैकी काहींची प्रकृती चिंताजनक असून सहा जण सध्या कृत्रिम जीवरक्षक प्रणाली- व्हेंटीलेटरवर आहेत. जयपूरचे जिल्हाधिकारी जितेंद्र कुमार सोनी यांनी या घटनेच्या चौकशीसाठी संयुक्त तपास समिती स्थापन केली आहे. काल सकाळी जयपूर-अजमेर महामार्गावर हा अपघात झाल�� होता.

राज्याचे उपमुख्यमंत्री एकनाथ शिंदे यांनी आज नागपूरच्या दीक्षाभूमी इथं डॉक्टर बाबासाहेब आंबेडकर यांच्या स्मारकाचं दर्शन घेतलं. दीक्षाभूमी आणि मुंबईची चैत्यभूमी आमच्यासाठी महत्वाचं स्थान आहे, इथं आल्यानंतर ऊर्जा आणि प्रेरणा मिळते असं त्यांनी यावेळी म्हटलं. बाबासाहेबांचा आदर्श डोळ्यासमोर ठेवून आम्ही देशाचा कारभार चालवत आहोत, राज्य शासनाच्या वतीनं तालुकानिहाय संविधान भवन बांधण्यात येत असल्याचं त्यांनी सांगितलं.

परभणी इथल्या अप्रिय घटनेच्या निषेधार्थ आज आंबेडकरी संघटनांच्या वतीनं पुकारण्यात आलेल्या जालना बंदला संमिश्र प्रतिसाद मिळत आहे. शहराल्या मुख्य बाजारातली बहुतांश व्यापारी प्रतिष्ठानं बंद असून सर्वत्र पोलिस बंदोबस्त तैनात करण्यात आला आहे. दरम्यान, बीड जिल्ह्यातल्या मस्साजोग गावचे सरपंच संतोष देशमुख यांच्या हत्येनंतर आज राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी मस्साजोग गावात देशमुख कुटुंबियांची भेट घेत सांत्वन केलं. यावेळी पक्षाचे नेते राजेश टोपे उपस्थित होते.

दरम्यान, बीडच्या पोलिस अधिक्षकपदी नवनीत कॉवत यांची नियुक्ती करण्यात आली आहे. कॉवत सध्या छत्रपती संभाजीनगर इथं उपायुक्त असुन त्यांची पोलिस अधिक्षक म्हणून ही पहिलीच नियुक्ती आहे. ते २०१७ च्या बॅचचे आयपीएस अधिकारी आहेत. अधिक्षक अविनाश बारगळ यांच्या बदलीची घोषणा काल सभागृहात करण्यात आली होती. त्यानंतर बीडला पोलिस अधिक्षक म्हणून शासनाने नवनीत कावत यांची या पदावर नियुक्ती केली आहे.

राज्यात ४२ मंत्री आहेत, पण त्यातील मुख्यमंत्री वगळता उर्वरित मंत्री अजूनही बिनखात्याचेच आहेत, अशी टीका शिवसेना उद्धव बाळासाहेब ठाकरे पक्षाचे गटनेते भास्कर जाधव यांनी केली आहे. कालपासून सुरू असलेल्या अंतिम आठवडा प्रस्तावावरील चर्चेत आज ते बोलत होते. विदर्भात गेल्या अकरा महिन्यात २ हजार ३३५ शेतकऱ्यांनी आत्महत्या केल्या आहेत, गेल्या तीन वर्षांत सात हजार आत्महत्या झाल्या. शेतमालाला योग्य आणि हमी भाव सरकार देत नाही, कृषी विमा योजनेत हजारो कोटींचा भ्रष्टाचार झाल्याची तक्रार सत्ताधारी सदस्यच करीत आहे, ही गंभीर परिस्थिती असून याची उत्तरं सरकारनं द्यावीत अशी मागणी त्यांनी यावेळी केली.

मुंबईच्या छत्रपती शिवाजी महाराज आंतरराष्ट्रीय विमानतळावर ११ कोटी ३२ लाख रुपयांचा गांजा जप्त करण्यात आला. सीमाशुल्क अधिकाऱ्यांनी काल रात्री उशिरा ही कारवाई केली. या प्रकरणी बँकॉकहून येणाऱ्या एका व्यक्तीला ताब्यात घेण्यात आलं आहे.

शिक्षकांना शैक्षणिक कामांतून मुक्‍त करा, अशी आग्रही मागणी नागपूर हिवाळी अधिवेशनात नागपूर विभाग शिक्षक मतदार संघाचे आमदार सुधाकर अडबाले यांनी विशेष उल्लेखाद्वारे केली आहे. सतत चालणाऱ्या मतदार नोंदणी आणि इतर सर्वेक्षण प्रक्रियेत शिक्षकांना गुंतवून अशैक्षणिक कामे दिली जात असल्‍यानं राज्‍यातील शिक्षकांत तीव्र अ���ंतोष असल्याचं त्यांनी यावेळी नमुद केलं.

आज पहिला जागतिक ध्यान दिवस सर्वत्र साजरा केला जात आहे. लोकांना शांती आणि कल्याणाच्या भावनेनं जीवन जगण्याची प्रेरणा देण्याच्या उद्देशानं हा ���िवस साजरा करण्याचं ठरवण्यात आलं आहे. संयुक्त महासभेनं या संदर्भात भारतानं सहप्रायोजित केलेला ठराव नुकताच एकमतानं मंजूर केला होता. आज या निमित्तानं न्यूयॉर्क इथल्या संयुक्त राष्ट्रांच्या मुख्यालयात भारताच्या स्थायी मिशनचे प्रतिनिधी पार्वतनेनी हरीश यांनी एका कार्यक्रमाचं आयोजन केलं. लक्षावधी लोक उपस्थित असलेल्या या कार्यक्रमात, प्रसिद्ध अध्यात्मिक गुरू श्री श्री रविशंकर यांनी ध्यान अभ्यासाचं नेतृत्व केलं.

[airnews-arngbad]

आकाशवाणी छत्रपती संभाजीनगर - दिनांक 21.12.2024 रोजीचे दुपारी 01.00 वाजताचे मराठी बातमीपत्र

[airnews-arngbad]

Regional Marathi Text Bulletin, Chhatrapati Sambhajinagar Date 21 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: २१ डिसेंबर २०२४ सकाळी ११.०० वाजता.

भारतानं मलेरियाची प्रकरणं आणि संबंधित मृत्यूदर कमी करण्यात लक्षणीय प्रगती केली असल्याचं जागतिक आरोग्य संघटनेच्या २०२४ च्या जागतिक मलेरिया अहवालात नमुद करण्यात आलं आहे. दुर्गम भागात मलेरिया प्रभावीपणे कमी करण्यासाठी काम करणाऱ्या भारतातील सामुदायिक आरोग्य कर्मचाऱ्यांचं, विशेषत: महिलांचं जागतिक आरोग्य संघटनेनं कौतूक केलं आहे. या अहवालानुसार, देशभरात मलेरियामुळे होणाऱ्या मृत्यूदरात ६८ टक्क्यांनी लक्षणीय घट झाली आहे.

भारतीय रिझर्व्ह बँकेनं मणप्पूरम् फायनान्स कंपनीला २० लाख रुपयांचा दंड ठोठावला आहे. ग्राहकांच्या माहितीच्या काही विशिष्ट तरतूदींमध्ये तफावत आढळून आल्यामुळं दंडाची कारवाई करण्यात आली. गेल्या वर्षी मार्च महिन्यात मणप्पूरम् फायनान्सची तपासणी केल्यानंतर रिझर्व्ह बँकेकडून कारणे दाखवा नोटीस पाठवण्यात आली होती. कंपनीनं काही विशिष्ट ग्राहकांना एकापेक्षा जास्त ओळख क्रमांक दिले होते तसंच त्यांच्या पॅन क्रमांकाची पडताळणी झालेली नव्हती, असं आरबीआयनं सांगितलं आहे.

काँग्रेसचे नेते खासदार राहुल गांधी यांच्या भारत जोडो यात्रेत सहभागी विविध संघटना राज्याच्या आणि लोकशाहीच्या विरोधात काम करणाऱ्या होत्या, असा आरोप मुख्यमंत्री फडणवीस यांनी राज्यपालांच्या अभिभाषणावरच्या चर्चेदरम्यान केला आहे. त्या संघटनांची आणि त्यांच्या प्रमुखांची यादी द्यावी, असे आव्हान प्रदेश काँग्रेसचे अध्यक्ष नाना पटोले यांनी मुख्यमंत्री फडणवीस यांना पत्र लिहून दिले आहे.

पीडीत महिलेच्या तक्रारीकडं दुर्लक्ष करणाऱ्या प्रशासकीय अधिकाऱ्यांवर, राज्य महिला आयोगाकडून कारवाई केली जाईल, असा इशारा महिला आयोगाच्या अध्यक्षा रुपाली चाकणकर यांनी काल दिला. कोल्हापूर जिल्हाधिकारी कार्यालयात झालेल्या जनसुनावणी कार्यक्रमात त्या बोलत होत्या. त्या सध्या राज्यव्यापी दौऱ्यावर असून काल कोल्हापूरात जिल्हाधिकारी कार्यालयात त्यांनी महिलांविषयक तक्रारींची स्थानिक अधिकाऱ्यांसोबत जनसुनावणी घेतली, यावेळी त्यांनी सर्व तक्रारींची व्यक्तीशः दखल घेत संबंधित विभागाच्या अधिकाऱ्यांना या तक्रारींचं निवारण करून पीडीत महिलेला न्याय देण्याचे आदेश दिले. दरम्यान, आयोगापुढं तक्रारी मांडण्यासाठी महिलांनी गर्दी केली होती. यावेळी प्रभारी जिल्हाधिकाऱ्यासंह, पोलिस अधीक्षक, मुख्य कार्यकारी अधिकारी, महापालिका उपायुक्त यांच्यासह अन्य अधिकारी उपस्थित होते.

“प्रशासन गांव की ओर” या मोहीमेच्या पहिल्याच दिवशी काल नागरिकांच्या साडे दहा लाखांवर तक्रारींचं निवारण करण्यात आलं. नागरिकांच्या समस्या सोडवण्यासाठी थेट त्यांच्या गावात जाऊन सेवा देण्यासाठी ‘प्रशासन गांव की ओर’ ही पाच दिवसांची मोहीम काल सुरू करण्यात आली. याअंतर्गत तालुका आणि पंचायत मुख्यालयांच्या ठिकाणी १८ हजारांपेक्षा जास्त शिबिरं आयोजित करण्यात आल्याची माहिती कार्मिक, नागरिक तक्रार आणि निवृत्तीवेतन मंत्रालयानं दिली.

वेगवेगळ्या गंभीर गुन्ह्यांमध्ये सहभागी असलेल्या आणि शासनानं बक्षीस जाहीर केलेल्या दोन जहाल नक्षलवाद्यांनी काल गडचिरोली पोलिस आणि केंद्रीय राखीव दलापुढे आत्मसमर्पण केलं. रामसू पोयाम आणि रमेश कुंजाम अशी आत्मसमर्पण केलेल्या नक्षलवाद्यांची नावं आहेत. रामसू पोयामावर चकमक, खुन, दरोडा आदी संबंधित १२ गुन्हे दाखल असून त्याच्यावर शासनानं सहा लाख रुपयांचं बक्षीस जाहीर केलं होतं. रमेश कुंजाम २०१९ पासून नक्षली कारवायात सहभागी असून त्याच्यावरही शासनानं दोन लाख रुपयांचं बक्षीस ठेवलं होतं. आत्मसमर्पण योजना सुरु झाल्यापासून आतापर्यंत ६८० नक्षलवाद्यांनी पोलिसांपुढे आत्मसमर्पण केलं आहे.

लातूर इथं दोन दिवसीय लघु चित्रपट महोत्सवाचं आयोजन करण्यात आलं आहे. २३ आणि २४ डिसेंबर रोजी होणाऱ्या या स्पर्धात्मक महोत्सवात लघुचित्रपट, माहितीपट, ॲनिमेशन आणि व्हिडिओ गीतं आदी प्रकारांचा समावेश आहे. ��भिजात फिल्म सोसायटी आणि दयानंद शिक्षण संस्थेच्या संयुक्त विद्यमाने आयोजित हा महोत्सव सर्वांसाठी नि:शुल्क आहे.

रेल्वे मार्गाच्या कामामुळे धर्माबाद-मनमाड मराठवाडा एक्सप्रेस उद्या २२, २३, २६, २७, २९ आणि ३० डिसेंबरला धर्माबाद ते नांदेड दरम्यान अंशतः रद्द करण्यात आली आहे. तर काही गाड्या उशीरानं धावणार आहेत. दक्षिण मध्य रेल्वेच्या नांदेड जनसंपर्क कार्यालयानं ही माहिती दिली.

१९ वर्षाखालील महिलांच्या टी-ट्वेंटी आशिया चषक क्रिकेट स्पर्धेत भारतीय संघानं अंतिम फेरीत धडक मारली आहे. काल झालेल्या उपांत्य फेरीच्या सामन्यात भारतानं श्रीलंकेचा चार खेळाडू राखून पराभव केला. मलेशियात क्वालालांपूर इथं उद्या होणाऱ्या अंतिम सामन्यात भारताची बांगलादेश संघासोबत लढत होणार आहे.

राज्यात थंडीचा जोर कायम असून मालेगाव इथं आज सर्वात कमी १२ पुर्णांक चार अंश सेल्सियस इतकं तापमा�� नोंदवलं गेलं. त्यानंतर अहिल्यानगर इथं १२ पुर्णांक सात, जालना इथं १३ पुर्णांक पाच, परभणी इथं १६ पुर्णांक एक आणि नांदेड इथं १७ पुर्णांक दोन इतक्या तापमानाची नोंद झाल्याचं हवामान विभागानं म्हटलं आहे.

[airnews-arngbad]

आकाशवाणी छत्रपती संभाजीनगर – दिनांक 21.12.2024 रोजीचे सकाळी 11.00 वाजताचे मराठी बातमीपत्र

[airnews-arngbad]

آکاشوانی چھترپتی سمبھاجی نگر‘علاقائی اُردو خبریں: بتاریخ: 21 دسمبر 2024‘ وقت: صبح 09:00 تا 09:10