#राष्ट्रवादी काँग्रेस | Explore Tumblr posts and blogs

airnews-arngbad · 3 days ago

Text

Regional Marathi Text Bulletin, Chhatrapati Sambhajinagar Date – 17 March 2025 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक १७ मार्च २०२५ सकाळी ७.१० मि.

• भारत शांततेचा संदेश देणारा देश असल्याचं पंतप्रधानांचं प्रतिपादन, पॉडकास्टर लेक्स फ्रिडमन यांच्याशी साधला संवाद • अंमली पदार्थ तस्करांची गय केली जाणार नाही - केंद्रीय गृहमंत्री अमित शहा यांचा इशारा • विधानपरिषदेच्या पोटनिवडणुकीसाठी भाजपचे तीन उमेदवार जाहीर, छत्रपती संभाजीनगर इथले संजय केणेकर यांचा समावेश आणि • विदर्भात बहुतांश ठिकाणी, तर मध्य महाराष्ट्र आणि मराठवाड्यात तुरळक ठिकाणी कमाल तापमानात लक्षणीय वाढ

भारत शांततेचा संदेश देणारा देश असल्याचं प्रतिपादन पंतप्रधान नरेंद्र मोदी यांनी केलं आहे. प्रसिद्ध पॉडकास्टर आणि कृत्रिम बुध्दिमत्ता संशोधक लेक्स फ्रिडमन यांनी घेतलेल्या मुलाखतीत ते बोलत होते. हा पॉडकास्ट काल जारी करण्यात आला. बुद्ध आणि गांधींच्या भूमीचा वारसा जपत, भारताचा शांततेचा आवाज जागतिक स्तरावर पोहोचतो, भारतीय नेहमी सद्भावना आणि शांततेसाठी ठाम भुमिका घेतात, असं पंतप्रधान म्हणाले, बाईट – पंतप्रधान नरेंद्र मोदी

आपण लोकांच्या सेवेसाठी राजकारणात आलो असून, जनतेचा विश्वास हाच आमच्या सरकारचा पाया असल्याचं पंतप्रधान म्हणाले. तीन तास चाललेल्या या चर्चेत, पंतप्रधानांनी त्यांचं बालपण, ‍हिमालयात व्यतीत केलेली सुरुवातीची वर्षं, सार्वजनिक जीवनातला त्यांचा प्रवास, भारत आणि इतर देशांचे संबंध, जागतिक शांतता, भारतातली राजकीय परिस्थिती यासह विविध मुद्द्यांवर भाष्य केलं. आपल्या आयुष्यातलं सर्वात प्रभावी संभाषणांपैकी एक, असं वर्णन फ्रिडमन यांनी यासंदर्भात केलं आहे.

अंमली पदार्थाचा धंदा करणाऱ्यांना कोणत्याही प्रकारची सहानुभूती दाखवली जाणार नाही, अस�� इशारा केंद्रीय गृहमंत्री अमित शहा यांनी दिला आहे. समाजमाध्यमावरच्या संदेशात काल त्यांनी, देशाला अंमली पदार्थमुक्त करण्यासाठी तपास संस्था चांगलं काम करत असल्याचं नमूद केलं. इम्फाळमधे नुकतंच ८८ कोटी रुपयांच्या मेथमफेटामाइन टॅब्लेट अमंली पदार्थ विरोधी पथकाने जप्त केल्या, तसंच आंतरराष्ट्रीय अंमली पदार्थ रॅकेटशी संबंधित असणाऱ्या चौघांना अटक केल्याच्या कारवाईचं शहा यांनी कौतुक केलं आणि अंमली पदार्थविरोधात कारवाई सुरूच राहील, असं सांगितलं. देशाला अंमली पदार्थमुक्त करण्याच्या प्रधानमंत्री नरेंद्र मोदी यांच्या संकल्पाचा त्यांनी यावेळी पुनरुच्चार केला.

नशामुक्त अभियानांतर्गत नवी मुंबईतल्या गुन्हे शाखेनं काल केलेल्या कारवाईत दिघा इथल्या एका व्यक्तीकडून ३८ लाख ७९ हजार रूपये किमंतीचा मुद्देमाल जप्त केला. कारवाईच्या वेळी मोठ्या प्रमाणात गांजा, मेफेड्रोनसारखे अंमली पदार्थ, तसंच गावठी दारू, देशी आणि विदेशी दारूचा साठा जप्त करण्यात आला. या आरोपीला न्यायालयानं येत्या १८ तारखेपर्यंत पोलीस कोठडी सुनावली आहे.

विधानपरिषदेच्या पाच जागांसाठी होणाऱ्या पोटनिवडणुकीसाठी भारतीय जनता पक्षाने काल तीन उमेदवारांची नावं जाहीर केली. यात छत्रपती संभाजीनगर इथले संजय केणेकर, नागपूरमधले संदीप जोशी आणि वर्ध्यातले दादाराव केचे यांचा समावेश आहे. राष्ट्रवादी काँग्रेस आणि शिवसेना प्रत्येकी एका जागेवर उमेदवार देणार आहे. या निवडणुकीसाठी २७ मार्च रोजी मतदान आणि मतमोजणी होणार आहे.

राज्यातली सद्भावना तळाशी नेण्याचं काम भाजप आणि मित्रपक्षांनी केलं असून, ती पुन्हा जागृत करण्यासाठी प्रयत्न सुरू असल्याचं काँग्रेसचे प्रदेशाध्यक्ष हर्षवर्धन सपकाळ यांनी म्हटलं आहे. ते काल रत्नागिरी इथं पत्रकार परिषदेत बोलत होते. औरंगजेब हा क्रूर शासक होता, त्याचं उदात्तीकरण करण्याचा प्रश्नच नाही; मात्र त्याला महाराष्ट्राच्या मातीत गाडलं असल्याची निशाणी म्हणजे त्याची कबर आहे. ती कबर उखडणं म्हणजे छत्रपती शिवाजी महाराजांच्या, मराठ्यांच्या शौर्याची निशाणी पुसून टाकण्यासारखं ठरेल, असं सपकाळ यावेळी म्हणाले.

मुंबईत होऊ घातलेल्या वेव्ह्ज अर्थात वर्ल्ड ऑडिओ व्हिज्युअल एंटरटेनमेंट समिटच्या निमित्तानं गेमिंग स्पर्धेचं आयोजन करण्यात आलं आहे. या स्पर्धेत सहभागी होणाऱ्या विद्यार्थ्यांना प्रत्यक्ष गेम विकसित करण्याचा अनुभव मिळणार असून, त्यांच्या कल्पकतेला चालना मिळेल. ही स्पर्धा इंडिया गेम डेव्हलपर कॉन्फरन्सच्या सह��ार्याने आयोजित केली आहे. या स्पर्धेसाठी नोंदणीसह अधिक माहिती वेव्ह्ज इंडिया डॉट ओआरजी या संकेतस्थळावर उपलब्ध आहे.

जगद्गुरु संत तुकाराम महाराज यांचं सदेह वैकुंठ गमन अर्थात तुकाराम बीज सोहळा काल पुणे जिल्ह्यात श्रीक्षेत्र देहू इथं साजरा झाला. या सोहळ्यासाठी राज्यभरातून भाविक मोठ्या संख्येनं देहू नगरीत दाखल झाले होते. दरम्यान, संत तुकाराम महाराज देहू संस्थानाच्या वतीनं उपमुख्यमंत्री एकनाथ शिंदे यांना ‘जगद्गुरू श्री संत तुकाराम महाराज पुरस्कार’ काल प्रदान करण्यात आला. वारीदरम्यान वारकऱ्यांच्या सेवा- सुविधांसाठी घेतलेल्या विशेष प्रयत्नांची आणि- निर्मल वारी, हरित वारी संकल्पनेत दिलेल्या योगदानाची दखल घेऊन त्यांना हा पुरस्कार दिला आहे. तुकाराम महाराज आणि संत ज्ञानेश्वरांनी धर्माबरोबरच लोकशिक्षण आणि प्रबोधनाचं मोठं कार्य केलं, असं मनोगत शिंदे यांनी पुरस्कार स्वीकारताना व्यक्त केलं. ते म्हणाले, बाईट – उपमुख्यमंत्री एकनाथ शिंदे

परभणी जिल्ह्यात तुकाराम बीज निमित्त नावकी, कातनेश्वरसह अनेक ठिकाणी विविध धार्मिक कार्यक्रम आणि प्रतिमा पूजन करण्यात आलं.

छत्रपती संभाजीनगर जिल्ह्यातल्या पैठण इथं संत एकनाथ महाराज यांच्या नाथषष्ठी उत्सवात काल रांजण भरण्यास सुरुवात झाली. येत्या गुरुवारी नाथषष्ठी उत्सव साजरा होणार असून, मानाची दिंडी निघणार आहे, तर शुक्रवारी छबिना मिरवणूक काढण्यात येणार आहे.

मास्टर्स लीग स्पर्धेच्या अंतिम सामन्यात सचिन तेंडुलकरच्या नेतृत्वाखाली भारतीय मास्टर्स संघानं वेस्ट इंडीज मास्टर्स संघावर सहा गडी राखून विजय मिळवला. काल रायपूर इथं झालेल्या या सामन्यात वेस्ट इंडीज मास्टर्स संघानं प्रथम फलंदाजी करत २० षटकात सात बाद १४८ धावा केल्या. प्रत्यूत्तरादाखल आलेल्या भारतीय मास्टर्स संघानं हे लक्ष्य १८व्या षटकात चार गडी गमावत पूर्ण केलं.

परभणी इथलं वैद्यकीय महाविद्यालय आणि आरपी रुग्णालय यांच्या वतीने काल जागतिक महिला दिनी महिलांसाठी सर्व रोगनिदान तपासणी आणि उपचार शिबिर घेण्यात आलं. अतिरिक्त जिल्हा शल्यचकित्सक डॉ. सारिका बडे यांनी यावेळी मार्गदर्शन केलं. या शिबिरात जवळपास ४८० महिलांची तपासणी करण्यात आली.

छत्रपती संभाजीनगर जिल्ह्यात वडगाव कोल्हाटी इथं लघुदाब विद्युत वाहिनीवर आकडे टाकून वीजचोरी केल्याप्रकरणी ११ जणांवर गुन्हे दाखल करण्यात आले. महावितरणचे सहायक अभियंता गोविंद दुसंगे यांच्या फिर्यादीवरून ही कारवाई करण्यात आली.

छत्रपती संभाजीनगर इथल्या डॉ. बाबासाहेब आंबेडकर मराठवाडा विद्यापीठ��च्या नुकत्याच झालेल्या अर्थसंकल्पाच्या बैठकीत सिनेट सदस्यांनी अनेक विषय मांडले. धाराशिव जिल्ह्यातल्या श्री तुळजाभवानी मातेची कवड्याची माळ, कुंथलगिरिचा खवा, आणि जिल्ह्याचं पर्यटन यावर आधारित विविध कौशल्य विकासाचे अभ्यासक्रम आगामी शैक्षणिक वर्षापासून सुरू करण्याचा प्रयत्न असल्याची माहिती सिनेट सदस्य देविदास पाठक यांनी यावेळी दिली. त्याचबरोबर धाराशिव इथल्या विद्यापीठ उपकेंद्रात प्री - आय ए एस, आयपीएस स्पर्धा परीक्षा प्रशिक्षण केंद्र आणि फॉरेन लँग्वेज प्रशिक्षण सुरू करण्यासंदर्भातही प्रयत्न सुरु असल्याचं यावेळी सांगण्यात आलं. या अर्थसंकल्पात धाराशिव उपकेंद्रात क्रीडांगणासह मुलांच्या वस्तीगृहासाठी तरतूद करण्यात आली आहे.

दरम्यान, डॉ. बाबासाहेब आंबेडकर मराठवाडा विद्यापीठात उद्या मंगळवारी मेगा जॉब फेअर होणार आहे. विद्यापीठातल्या नायलेट इथं छत्रपती संभाजीनगर, पुणे आणि मुंबई इथल्या नामांकित कंपन्या या जॉब फेअर मध्ये सहभागी झाल्या आहेत.

तुळजापूर अंमली पदार्थ तस्करी प्रकरणाची विशेष तपास पथकामार्फत चौकशी करण्याची मागणी काँग्रेसचे धाराशिव जिल्हा अध्यक्ष धीरज पाटील यांनी केली. ते काल धाराशिव इथं वार्ताहरांशी बोलत होते. अंमली पदार्थाच्या विळख्यात जिल्ह्यातले ५०० तरुण गुरफटले असून, नऊ जणांचा बळी गेला, हे अंमली पदार्थ मुंबई, पुणे, सोलापूर आणि परंडा मार्गे तुळजापुरात पुरवठा करणारं मोठे रॅकेट असून, यामध्ये राजकीय पक्षाशी निगडीत सदस्यांचा सक्रिय सहभाग असल्याचा आरोप पाटील यांनी केला. या प्रकरणातल्या मुख्य सूत्रधाराला लवकरात लवकर पकडलं नाही, तर जनआंदोलन करण्याचा इशाराही त्यांनी दिला आहे.

हवामान विदर्भात बहुतांश ठिकाणी, तर मध्य महाराष्ट्र आणि मराठवाड्यात तुरळक ठिकाणी कमाल तापमानात लक्षणीय वाढ झाली आहे. विदर्भात काल काही ठिकाणी उष्णतेची लाट होती. राज्यात काल सर्वात जास्त कमाल तापमान चंद्रपूर इथं ४२ अंश सेल्सिअस नोंदवलं गेलं. परभणी इथं ३९, तर छत्रपती संभाजीनगर आणि धाराशिव इथं काल सरासरी ३८ अंश सेल्सिअस तापमानाची नोंद झाली. विदर्भात आजही उष्णतेची लाट कायम राहण्याचा अंदाज पुणे वेधशाळेनं वर्तवला आहे.

0 notes

nagarchaufer · 3 months ago

Text

वाल्मिकची तब्बल ‘ इतकी ‘ बँक खाती सील, लवकरच हाती येण्याची शक्यता कारण..

बीड जिल्ह्यातील केज तालुक्यातील मस्साजोग येथील सरपंच संतोष देशमुख यांच्या हत्येनंतर संपूर्ण महाराष्ट्रातील राजकारण ढवळून निघालेले आहे. बीड येथे सर्वपक्षीय सर्वधर्मीय सर्वजातीय मूक मोर्चाचे आयोजन करण्यात आलेले होते.संतोष देशमुख यांची मोठी मुलगी वैभवी , भाऊ धनंजय यांच्यासोबत मराठा आरक्षण आंदोलक मनोज जरांगे पाटील , खासदार बजरंग सोनवणे, राष्ट्रवादी काँग्रेस शरद पवार गटाचे नेते जितेंद्र आव्हाड…

0 notes

news-34 · 7 months ago

Text

#chandrapur #politics

0 notes

6nikhilum6 · 7 months ago

Text

Pimpri : बदलापूर घटनेच्या निषेधार्थ पिंपरीत भर पावसात आंदोलन

एमपीसी न्यूज – बदलापूरमध्ये तीन वर्षांच्या चिमुकल्या मुलींवर लैंगिक अत्याचार झाल्याचा धक्कादायक घटनेच्या निषेधार्थ महाविकास आघाडीच्या वतीने आज (शनिवारी) राज्यभरात मूक आंदोलन ( Pimpri) करण्यात येत आहे. पिंपरीतही भर पावसात काळ्या फिती बांधून आंदोलन करण्यात आले. पिंपरीतील डॉ. बाबासाहेब आंबेडकर चौकात झालेल्या आंदोलनात राष्ट्रवादी काँग्रेस शरदचंद्र पवार पक्षाचे शहराध्यक्ष तुषार कामठे, काँग्रेसचे…

0 notes

sugar-news-india · 8 months ago

Text

#breaking news

0 notes

sugar-news · 8 months ago

Text

#breaking news

0 notes

punerichalval · 10 months ago

Text

मावळमध्ये कोणाचा मुलगा पडला? मुलीलाही निवडून आणता आलं नाही म्हणणाऱ्य�� अजित पवारांना बजरंग सोनवणेंचे प्रत्युत्तर

मुंबई– बीड लोकसभा मतदारसंघाची निवडणूक रंगात आली आहे. बीडमध्ये भाजपच्या उमेदवार पंकजा मुंडे विरुद्ध राष्ट्रवादी काँग्रेस शरदचंद्र पवार पक्षाचे बजरंग सोनावणे यांच्यामध्ये लढत होत आहे. उपमुख्यमंत्री अजित पवार यांनी पंकजा मुंडे यांच्यासाठीच्या प्रचारसभेत सोनवणे यांना एकप्रकारे दम भरला होता. याला सोनवणे यांनी प्रत्युत्तर दिलं आहे. सोनवणे यांना आपली मुलगी ग्रामपंचायत-नगरपालिकेसाठी निवडून आणता आली नाही,…

View On WordPress

0 notes

adbanaoapp-india · 11 months ago

Text

महाराष्ट्र देणार का मोदींना साथ? की महाविकास आघाडी घडवणार नवा इतिहास? | Loksabha Election 2024

लोकसभा निवडणूक प्रचारासाठी २०२४ साठी आजच फ्री डाउनलोड करा AdBanao अँप आणि मिळवा सर्व पक्षाचं प्रचार पोस्ट्स | Maharashtra Loksabha Election 2024 महाराष्ट्र देणार का मोदींना साथ? की महाविकास आघाडी घडवणार नवा इतिहास?

तुम्ही ही करा AdBanao सोबत आपल्या पार्टीचा प्रचार…

गेल्या ५ वर्षात देशामधील सर्वात जास्त राजकीय घडामोडी घडल्या त्या महाराष्ट्रातच…

२०१९ साली भाजप-शिवसेना युतीला पूर्ण बहुमत मिळून सुद्धा सरकार बनवता आले नाही कारण, २०१९मधील शिवसेनेचे अध्यक्ष उद्धव साहेब ठाकरे यांनी भाजपची साथ सोडत महाविकास आघाडी स्थापन करून शिवसेना, राष्ट्रवादी आणि काँग्रेस पक्षासोबत युती करत एक नवीन समीकरण बनवले.आणि उद्धवजी ठाकरे हे महाराष्ट्राचे मुख्यमंत्री होणार हे जवळ पास निश्चित झाले असताना;

भारतीय जनता पार्टी आणि राष्ट्रवादी काँग्रेसचे मुख्य नेते अजित दादा पवार यांनी सरकार स्थापन करून शपथा देखील घेतल्या.

पहाटे घडलेले हे सरकार ६ दिवसाच्या आतच कोसळले.

आपल्या महाराष्ट्राचा अभिमान आणि निवडणुकीसाठी कार्यकर्ते आणि नेत्यांसाठी पहिली पसंद

AdBanao घेऊन आले आहे,

👉लोकसभेसाठी सर्व पक्षांसाठी इलेक्शन विशेष पोस्टर्स

👉इलेक्शन विशेष व्हिडिओज

👉 पार्टी स्पेशल ऍनिमेटेड व्हिडिओज

👉इलेक्शन विशेष प्रोफाईल पिक्चर

👉तुमचा फोटो वापरून प्रचार करण्यासाठी विशेष फ्रेम्स

👉व्हाट्सॲप स्टिकर्स

👉ट्रेंडिंग रील्स

👉पार्टी फ्रेम्स

👉आणि यासोबत मिळवा इलेक्शनसाठी खूप काही.

३५ लाख पेक्षा जास्त बिझनेस आणि ३६५ दिवसाच्या फेस्टिवल इमेजेस आणि व्हिडिओजसाठी AdBanao ॲप आहे पहिली चॉईस.

तर या लोकसभेच्या निवडणूक प्रचारासाठी आणि आपल्या पार्टीच्या एकदम जबरदस्त पोस्टर्स साठी आताच फ्री डाउनलोड करा.

AdBanao ॲप.

Read the full on our Website

#election #loksabha election #maharashtra #posters #digitalmarketing #adbanaoapp #branding #adbanao #postermaker #social media branding

0 notes

mdhulap · 1 year ago

Link

अजित पवार गट हाच मूळ राष्ट्रवादी काँग्रेस पक्ष असल्याचा विधानसभा अध्यक्षांचा निकाल ! Ajit Pawar group is the original NCP party

0 notes

airnews-arngbad · 4 days ago

Text

Regional Marathi Text Bulletin, Chhatrapati Sambhajinagar

Date – 16 March 2025

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १६ मार्च २०२५ सायंकाळी ६.१०

****

अंमली पदार्थाचा धंदा करणाऱ्यांना कोणत्याही प्रकारची सहानुभूती दाखवली जाणार नाही - केंद्रीय गृहमंत्री अमित शहा यांचा इशारा

फिट इंडिया महोत्सवाचं केंद्रीय क्रीडा आणि युवक कल्याण मंत्री मनसुख मांडवीय यांच्या हस्ते उद्घाटन

विधानपरिषदेच्या पोटनिवडणुकीसाठी भाजपचे तीन उमेदवार जाहीर, छत्रपती संभाजीनगर इथले संजय केणेकर यांचा समावेश

आणि

श्रीक्षेत्र देहू इथं तुकाराम बीज सोहळा साजरा, ‘जगद्गुरू श्री संत तुकाराम महाराज पुरस्कार’ उपमुख्यमंत्री एकनाथ शिंदे यांना प्रदान

****

अंमली पदार्थाचा धंदा करणाऱ्यांना कोणत्याही प्रकारची सहानुभूती दाखवली जाणार नाही, असा इशारा केंद्रीय गृहमंत्री अमित शहा यांनी दिला आहे. समाज माध्यमावरच्या संदेशात आज त्यांनी, देशाला अंमली पदार्थमुक्त करण्यासाठी तपास संस्था चांगलं काम करत असल्याचं नमूद केलं. इम्फाळमधे नुकतेच ८८ कोटी रुपयांच्या मेथमफेटामाइन टॅब्लेट अमंली पदार्थ विरोधी पथकाने जप्त केल्या, तसंच आंतरराष्ट्रीय अंमली पदार्थ रॅकेटशी संबंधित असणाऱ्या चौघांना अटक केली. गृहमंत्री शहा यांनी या कारवाईचं कौतुक केलं आणि अंमली पदार्थविरोधात कारवाई सुरूच राहील, असं सांगितलं. देशाला अमली पदार्थमुक्त करण्याच्या प्रधानमंत्री नरेंद्र मोदी यांच्या संकल्पाचा त्यांनी यावेळी पुनरुच्चार केला.

****

नशामुक्त अभियानांतर्गत नवी मुंबईतल्या गुन्हे शाखेनं आज केलेल्या कारवाईत दिघा इथल्या एका व्यक्तीकडून ३८ लाख ७९ हजार १३५ रूपये किमंतीचा मुद्देमाल जप्त केला. कारवाईच्या वेळी मोठ्या प्रमाणात गांजा, मेफेड्रोनसारखे अंमली पदार्थ, तसंच गावठी दारू, देशी आणि विदेशी दारूचा साठा जप्त करण्यात आला. या आरोपीला न्यायालयानं येत्या १८ तारखेपर्यंत पोलीस कोठडी सुनावली आहे.

****

केंद्रीय क्रीडा आणि युवक कल्याण मंत्री डॉक्टर मनसुख मांडवीय यांच्या हस्ते आज नवी दिल्लीत फिट इंडिया महोत्सवाचं उद्घाटन झालं. निरोगी आणि लठ्ठपणा मुक्त राष्ट्राच्या दृष्टिकोनातून सक्रिय जीवनशैलीला प्रोत्साहन देणं, हे या महोत्सवाचं उद्दिष्ट आहे. कार्यक्रमादरम्यान येत्या वीस तारखेपासून नवी दिल्लीत सुरू होत असलेल्या खेलो इंडियाच्या बोधचिन्ह आणि गीताचं अनावरणही करण्यात आलं. मांडवीय यांनी यावेळी देशातल्या तरुणाईला मार्गदर्शन केलं. ते म्हणाले -

बाईट – डॉ.मनसुख मांडवीय, केंद्रीय मंत्री

****

विधानपरिषदेच्या पाच जागांसाठी होणाऱ्या पोटनिवडणुकीकरता भाजपनं तीन उमेदवारांची नावं जाहीर केली आहेत. यात छत्रपती संभाजीनगर इथले संजय केणेकर, नागपूरमधले संदीप जोशी आणि वर्ध्यातले दादाराव केचे यांचा समावेश आहे. राष्ट्रवादी काँग्रेस आणि शिवसेना प्रत्येकी एका जागेवर उमेदवार देणार आहे. ही निवडणूक २७ मार्च रोजी होणार आहे आणि त्याचदिवशी संध्याकाळी पाच वाजता मतमोजणी होईल.

****

आज देशभर राष्ट्रीय लसीकरण दिन साजरा होत आहे. १९९५ साली याच दिवशी प्रथमत: देशातून पोलिओ निर्मूलनासाठी तोंडाद्वारे लस द्यायला सुरुवात झाली होती. देशातल्या प्रत्येक बालकाचं रोगसंसर्गापासून संरक्षण करण्याच्या हेतूनं लसीकरण आवश्यक असल्याचं आरोग्य मंत्रालयानं समाज माध्यमावरच्या संदेशात म्हटलं आहे.

निरोगी आयुष्याचे करुया रक्षण, लसीकरणाने मिळेल संरक्षण, या जागृती संदेशाद्वारे राज्याच्या सार्वजनिक ��रोग्य आणि कुटंबकल्याण, पाणीपुरवठा राज्यमंत्री मेघना साकोरे बोर्डीकर यांनी समाजमाध्यमांवर माहिती सामाईक केली आहे.

****

नागपूरच्या सिव्हिल लाईन्स इथं मदर डेअरी प्रकल्पाच्या दुसऱ्या टप्याचं भूमीपूजन आज केंद्रीय मंत्री नितीन गडकरी यांच्या हस्ते झालं. सुमारे ५५० कोटींच्या या प्रकल्पाद्वारे विदर्भातल्या दुग्ध उत्पादकांकडून दूध संकलित करून विविध दुग्ध उत्पादनांची निर्मिती नागपूरात होणार आहे. मदर डेअरीने आता पशुवैद्यकीय तज्ञांच्या मदतीने स्थानिक गोपालकांच्या गाईंच्या चांगल्या वाणांसाठी पुढाकार घेणं आवश्यक असल्याचं गडकरी म्हणाले. डेअरी मार्फत पशुवैद्यकीय तज्ञ एम्ब्रो ट्रान्सफर तसंच इन विट्रो फर्टीलायझेशन - आयव्हीएफ सारखे आधुनिक तंत्रज्ञान शेतकऱ्यापर्यंत तसंच दुग्ध उत्पादकांपर्यंत पोहोचतील अशा रीतीने प्रयत्न करावे, यामधून सुमारे १२ ते १५ लिटर प्रतिदिन दूध देणाऱ्या गाई जर विकसित केल्या तर महाराष्ट्राला हरियाणा किंवा पंजाब इथल्या गाई आणण्याची गरज पडणार नाही, असं गडकरी म्हणाले.

****

पंतप्रधान नरेंद्र मोदी यांनी प्रसिध्द पॉडकास्ट आणि कृत्रिम बुध्दिमत्ता संशोधक लेक्स फ्रिडमन यांच्याशी ‍ज्ञानवर्धक संवाद साधला. तीन तास चाललेल्या या चर्चेत, पंतप्रधानांनी त्यांचं बालपण, ‍हिमालयात व्यतीत केलेली सुरुवातीची वर्षं, सार्वजनिक जीवनातला त्यांचा प्रवास यासह विविध मुद्यांवर भाष्य केलं. आपल्या आयुष्यातलं सर्वात प्रभावी संभाषणांपैकी एक, असं वर्णन फ्रिडमन यांनी यासंदर्भात केलं आहे. हा पॉडकास्ट आज जारी करण्यात आला.

दरम्यान, पंतप्रधान मोदी येत्या ३० मार्च रोजी आकाशवाणी वर ‘मन-की-बात’ कार्यक्रमातून संवाद साधणार आहेत. या कार्यक्रम मालिकेचा हा १२० वा भाग असेल.

****

जगद्गुरु संत तुकाराम महाराज यांचं सदेह वैकुंठ गमन अर्थात तुकाराम बीज सोहळा आज पुणे जिल्ह्यात श्रीक्षेत्र देहू इथं साजरा होत आहे. यंदाचा हा त्रिशतकोत्तर अमृतमहोत्सवी बीज सोहळा आहे. या सोहळ्यासाठी राज्यभरातून भाविक मोठ्या संख्येनं दाखल झाले असून, प्रशासनानं चोख बंदोबस्त केला आहे. देहू मध्ये अखंड हरिनाम सप्ताह आणि इतर धार्मिक कार्यक्रमांचं आयोजन करण्यात आलं आहे.

दरम्यान, संत तुकाराम महाराज देहू संस्थानाच्या वतीनं उपमुख्यमंत्री एकनाथ शिंदे यांना ‘जगद्गुरू श्री संत तुकाराम महाराज पुरस्कार’ आज प्रदान करण्यात आला. वारीदरम्यान वारकऱ्यांच्या सेवा- सुविधांसाठी घेतलेल्या विशेष प्रयत्नांची आणि- निर्मल वारी, हरित वारी संकल्पनेत दिलेल्या योगदानाची दखल घेऊन त्यांना हा पुरस्कार दिला आहे. तुकाराम महाराजांनी चारशे वर्षांपूर्वी मराठी भाषेत तत्त्वज्ञान सांगितलं, असं नमूद करत, तुकाराम महाराज आणि संत ज्ञानेश्वरांनी धर्माबरोबरच लोकशिक्षण आणि प्रबोधनाचं मोठं कार्य केलं, असं मनोगत शिंदे यांनी पुरस्कार स्वीकरताना व्यक्त केलं –

बाईट – उपमुख्यमंत्री एकनाथ शिंदे

****

राज्यातली सद्भावना तळाशी नेण्याचं काम भाजप आणि मित्रपक्षांनी केलं असून, ती पुन्हा जागृत करण्यासाठी प्रयत्न सुरू असल्याचं काँग्रेसचे प्रदेशाध्यक्ष हर्षवर्धन सपकाळ यांनी केलं आहे. ते आज रत्नागिरी इथं पत्रकार परिषदेत बोलत होते. पक्षाच्या राज्यभराच्या या दौऱ्यात आढावा बैठका आणि कार्यकर्त्यांशी संवादाच्या माध्यमातून पक्ष पुनर्बांधणी केली जाणार असल्याचं त्यांनी सांगितलं.

औरंगजेब हा क्रूर शासक होता, त्याचं उदात्तीकरण करण्याचा प्रश्नच नाही; मात्र त्याला महाराष्ट्राच्या मातीत गाडलं असल्याची निशाणी म्हणजे त्याची कबर आहे. ती कबर उखडणं म्हणजे छत्रपती शिवाजी महाराजांच्या, मराठ्यांच्या शौर्याची निशाणी पुसून टाकण्यासारखं ठरेल, असं सपकाळ यावेळी म्हणाले.

कोकणात सापडलेली खनिजं आणि नैसर्गिक साधनसंपत्ती ��द्योगपतींना देण्याचा सरकारचा मानस आहे, यासाठी इथलं सामाजिक स्वास्थ्य बिघडवण्याचं कारस्थान सत्ताधाऱ्यांकडूनच केलं जात असल्याचा आरोपही त्यांनी केला.

****

छत्रपती संभाजीनगर इथल्या डॉ. बाबासाहेब आंबेडकर मराठवाडा विद्यापीठात येत्या मंगळवारी १८ तारखेला मेगा जॉब फेअर होणार आहे. सेंट्रल ट्रेनिंग आणि प्लेसमेंट सेल, राष्ट्रीय इलेक्ट्रॉनिक आणि माहिती तंत्रज्ञान संस्था यांच्या संयुक्त विद्यमाने हा मेळावा आयोजित केला असल्याचं, संयोजक डॉ. गिरीश काळे यांनी सांगितलं. विद्यापीठातल्या नायलेट इथं छत्रपती संभाजीनगर, पुणे आणि मुंबई इथल्या नामांकित कंपन्या या जॉब फेअर मध्ये सहभागी झाल्या असून, विविध पदविका, पदवी तसंच पदव्योत्तर शिक्षण घेतलेल्या विद्यार्थ्यांकरता नोकरीच्या संधी उपलब्ध करून देण्यात आल्या आहेत.

****

बीड जिल्ह्यात आष्टी तालुक्यात पिंपरी घुमरी इथं ट्रक चालक म्हणून कामावर असलेल्या तरुणाची अमानुषपणे हत्या केल्याची घटना घडली. मारहाण करणाऱ्या संबंधीत मालकाने मयत तरूणाच्या आई-वडिलांना फोन करून बोलावून घेतल्यानंतर हा प्रकार उघडकीस आला. या प्रकरणी दहा जणांविरुद्ध आष्टी पोलीस ठाण्यात खूनाचा गुन्हा दाखल करण्यात आला आहे.

****

दक्षिण मध्य रेल्वेच्या नांदेड विभागाअंतर्गत पीट लाईन क्रमांक-दोनच्या विस्तारीकरणाच्या कामासाठी आजपासून ३१ मार्चपर्यंत पंधरा दिवसांसासाठी मंजुरी देण्यात आली आहे. या कामामुळे काही रेल्वे ठराविक तारखांना रद्द राहणार आहेत. यामध्ये परभणी-नांदेड एक्स्प्रेस ही १९ ते २३ तसंच २६, २७, २९ आणि ३० मार्च रोजी, तर नांदेड-औरंगाबाद एक्स्प्रेस २१ आणि २८ मार्च रोजी रद्द करण्यात आली आहे. आवश्यक पायाभूत सुविधांच्या सुधारणेसाठी सहकार्य करण्याचं आवाहन दक्षिण मध्य रेल्वेच्या नांदेड विभागानं केलं आहे.

****

0 notes