#आजवर | Explore Tumblr posts and blogs

airnews-arngbad · 5 months ago

Text

Regional Marathi Text Bulletin, Chhatrapati Sambhajinagar

Date – 22 June 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २३ जून २०२४ सायंकाळी ६.१०

****

राष्ट्रीय परीक्षा परिषदेच्या कार्यान्वयासंदर्भात उच्चस्तरीय समितीची स्थापना

सरकारच्या आश्वासनानंतर ओबीसी नेत्यांचं उपोषण तात्पुरतं स्थगित

अल्पसंख्याक आयुक्तालय स्थापन-छत्रपती संभाजीनगरात हज हाऊसमध्ये कार्यालय

आणि

टी-ट्वेंटी विश्वचषक क्रिकेट स्पर्धेच्या सुपर एट फेरीत आज भारत-बांगलादेश सामना

****

राष्ट्रीय परीक्षा परिषदेच्या कार्यान्वयासंदर्भात केंद्रीय शिक्षण मंत्रालयानं एका उच्चस्तरीय समितीची स्थापना केली आहे. परीक्षा प्रक्रियेतल्या सुधारणा, माहिती सुरक्षा नियमन प्रणाली, तसंच परीक्षा परिषदेची एकूण संरचना आणि कार्यान्वयन, याचा ही समिती आढावा घेईल, तसंच दोन महिन्यात मंत्रालयाला अहवाल सादर करेल, असं याबाबतच्या वृत्तात म्हटलं आहे. परिषदेकडून घेतल्या जाणाऱ्या परीक्षा, पारदर्शक आणि सुलभ पद्धतीनं घेण्यासंदर्भात ही समिती एक प्रणाली सुनिश्चित करेल.

****

स्पर्धा परीक्षांमधले गैरप्रकार आणि अनियमिततेला आळा घालण्यासाठीचा, सार्वजनिक परीक्षांमधील अयोग्य माध्यमांना प्रतिबंध कायदा २०२४ आजपासून लागू झाला. कार्मिक मंत्रालयानं राजपत्रात प्रसिद्ध केलेल्या अधिसूचनेद्वारे ही माहिती दिली. या कायद्यात गुन्हेगारांना जास्तीत जास्त दहा वर्ष तुरुंगवास आणि एक कोटी रुपयांपर्यंतच्या दंडाची तरतूद आहे.

दरम्यान, नेट परीक्षेतल्या गैरप्रकारासंदर्भात उत्तरप्रदेशातल्या कुशीनगर इथून एकाला ताब्यात घेतल्याचं वृत्त आहे.

****

ज्युनिअर रिसर्च फेलोशिप आणि व्याख्याते म्हणून निवड करण्यासाठी संयुक्तपणे घेतली जात असलेली सी एस आय आर युजीसी नेट परीक्षा राष्ट्रीय परीक्षा यंत्रणेनं पुढे ढकलली आहे. २५ जून ते २७ जून दरम्यान ही परीक्षा नियोजित होती. मात्र परीक्षा आयोजित करण्यासाठी पुरेशी व्यवस्था नसल्याचं सांगत अपरिहार्य कारणानं ही परीक्षा पुढे ढकलली असल्याचं एनटीएनं म्हटलं आहे.

****

व्यावसायिक अभ्यासक्रमांसाठी घेतलेल्या सामायिक प्रवेश प्रक्रिया-सीईटीबाबतचे नागरिकांचे आक्षेप वस्तुस्थितीला धरून नसल्याचं, सीईटी कक्षाचे आयुक्त दिलीप सरदेसाई यांनी म्हटलं आहे. सदर परीक्षा वेगवेगळ्या दिवशी प्रत्येकी दोन सत्रात घेण्यात आलेली आहे. त्यामुळे विविध सत्रांमधील समान गुण मिळालेल्या उमेदवारांना वेगवेगळे पर्सेंटाईल मिळाल्याचं सरदेसाई यांनी सांगितलं. ही प्रक्रिया संगणकाधारित असल्याने, पूर्णपणे पारदर्शक आणि मानवी हस्तक्षेपरहीत आहे. त्यामुळे विद्यार्थी तसंच पालकांनी अफवांवर विश्वास ठेवू नये, असं आवाहन आयुक्त सरदेसाई यांनी केलं आहे.

****

जालना जिल्ह्यातल्या वडीगोद्री इथं आंदोलन करणारे ओबीसी आंदोलक लक्ष्मण हाके आणि नवनाथ वाघमारे यांनी आज आपलं उपोषण स्थगित केलं. तत्पूर्वी राज्य सरकारच्या एका शिष्टमंडळाने आज वडीगोद्री इथं ओबीसी आंदोलक लक्ष्मण हाके आणि नवनाथ वाघमारे यांची भेट घेतली. या शिष्टमंडळात मंत्री छगन भुजबळ, धनंजय मुंडे, गिरीश महाजन, अतुल सावे, गुलाबराव पाटील, उदय सामंत, प्रकाश शेंडगे आणि गोपीचंद पडळकर यांच्यासह १२ जणांचा समावेश होता. मराठा समाजाला आरक्षण देताना ओबीसींच्या आरक्षणाला धक्का लागणार नाही, असं आश्वासन या शिष्टमंडळाने दिलं. त्यानंतर हाके यांनी उपोषण तात्पुरतं स्थगित केलं.

दरम्यान, बोगस कुणबी प्रमाणपत्र वाटणाऱ्यांवर कारवाईचं आश्वासन सरकारनं दिल्यामुळे आंदोलन स्थगित केल्याचं, हाके यांनी सांगितलं आहे.

छगन भुजबळ यांनी यावेळी बोलतांना, आमच्या ताटातले आम्हाला राहू द्या. मराठा समाजाला वेगळे आरक्षण द्या, या मागणीचा पुनरुच्चार केला.

सरकार कोणावरही अन्याय करणार नाही, असं मंत्री धनंजय मुंडे यावेळी म्हणाले. तर ओबीसी आरक्षणाचं संरक्षण झालं पाहिजं, असं मत आमदार गोपीचंद पडळकर यांनी व्यक्त केलं.

****

हाके यांच्या या आंदोलनाला रिपब्लिकन पक्षाचा सुरुवाती पासूनच पाठिंबा असल्याचं केंद्रीय सामाजिक न्याय राज्यमंत्री रामदास आठवले यांनी आज जाहीर केलं आहे. ते आज मुंबईत बोलत होते. ओबीसी आणि मराठा समाजातील नेत्यांनी सामंजस्या��ी भूमिका घ्यावी, असं आवाहन आठवले यांनी यावेळी केलं आहे.

दरम्यान, ओबीसी समाजाच्या वतीनं छत्रपती संभाजीनगरनजिक झाल्टा फाटा परिसरात रास्ता रोको आंदोलन केलं. यामुळे या मार्गावरची वाहतुक काही काळ विस्कळीत झाली होती.

****

मराठा आरक्षण आणि सगेसोयरे कायद्याची अंमलबजावणी या दोन मागण्यांबाबत राज्य शासनावर आमचा विश्वास असून, १३ जुलै पर्यंत आम्ही वाट पाहणार, अशी प्रतिक्रिया मराठा आरक्षण आंदोलनाचे नेते मनोज जरांगे पाटील यांनी दिली आहे. ते आज छत्रपती संभाजीनगर इथं माध्यमांशी बोलत होते. मराठा सामाजाला आजवर दिलेल्या कुणबी नोंदी रद्द होऊ देणार नाही, असंही जरांगे म्हणाले.

****

लोकशाही मार्गाने प्रत्येकाने आंदोलन करावे मात्र आंदोलनात हिंसा नसावी अशी अपेक्षा विधान परिषदेचे विरोधी पक्ष नेते अंबादास दानवे यांनी व्यक्त केली आहे. आज ते छत्रपती संभाजीनगर इथं पत्रकार परिषदेत बोलत होते. मराठा समाजाला पूर्वी ही कुणबी प्रणामपत्र दिलं जात होतं, यात या राज्य सरकारने नवीन काहीही केलं नाही अशी टिप्पणीही दानवे यांनी केली. राजकीय नेत्यांनी भूमिका घेतांना जातीय सलोखा कायम राहिल यांची खबरदारी घ्यावी, असं दानवे यांनी नमूद केलं.

****

खासगी उपसा सिंचनासाठीच्या वाढीव दरांना स्थगिती देण्याची प्रक्रिया अंतिम टप्प्यात असून, लवकरच ती पूर्ण होणार असल्याचं, उपमुख्यमंत्री देवेंद्र फडणवीस यांनी सांगितलं आहे. ते मुंबईत पत्रकारांशी बोलत होते. २९ मार्च २०२२ रोजी महाविकास आघाडी सरकारच्या कार्यका��ात जलसंपत्ती नियमन प्राधिकरणाने काढलेल्या आदेशामुळे खासगी उपसा सिंचनाला प्रवाही उपसा सिंचनाचे दर लागू झाल्याचं फडणवीस यांनी सांगितलं. काँग्रेस पक्षानं काल अटल सेतुला भेगा पडल्याच्या अफवा पसरवल्यानंतर या पाणीपट्टीसंदर्भातही संभ्रम पसरवत असल्याची टीका फडणवीस यांनी केली.

****

राज्य शासनाने अल्पसंख्याक आयुक्तालयांची स्थापना केली असून अल्पसंख्याक विभागाचे उपसचिव मोईन ताशिलदार यांच्याकडे आयुक्त पदाचा अतिरिक्त कार्यभार सोपवण्यात आला आहे. छत्रपती संभाजीनगर इथल्या हज हाऊसमध्ये हे आयुक्त कार्यालय असणार आहे. कार्यालयाचा कारभार चालवण्यासाठी ६० अधिकारी-कर्मचारी यांची भरती प्रक्रिया पूर्ण करण्यात आली आहे. या वर्षी २ फेब्रुवारीला हज हाऊसच्या लोकार्पण सोहळ्यात अल्पसंख्याक विकास मंत्री अब्दुल सत्तार यांनी हे आयुक्तालय स्थापनेची घोषणा केली होती.

****

छत्रपती संभाजीनगर इथं आज कॉन्फेडरेशन ऑफ इंडियन इंडस्ट्री - सी आय आय या संघटनेच्या मराठवाडा विभागाच्या कार्यालयाचं उद्घाटन टाटा केमिकल्सचे व्यवस्थापकीय संचालक तथा सी आय आयचे राष्ट्रीय उपाध्यक्ष आर मु��ुंदन यांच्या हस्ते झालं. सीआयआयचे उपाध्यक्ष ऋषी कुमार बागला आणि मराठवाड्याचे अध्यक्ष सुनील किर्दक यावेळी उपस्थित होते. मराठवाड्यातली पाणी समस्या, रोजगार निर्मिती आणि कौशल्य विकासासह पर्यावरण संवर्धनासाठी काम करण्याचा मानस, मुकुंदन यांनी यावेळी व्यक्त केला.

****

माजी केंद्रीय राज्यमंत्री सूर्यकांता पाटील यांनी आज भाजपच्या पक्ष सदस्यत्वाचा राजीनामा दिला. पक्षात दहा वर्षे काम करण्याची संधी मिळाली, याबाबत पक्ष नेतृत्वाचे त्यांनी आभार मानले आहेत.

****

महाराष्ट्र ऑलिम्पिक संघटना आणि महाराष्ट्र क्रीडा संचलनालयाच्या वतीनं उद्या २३ जून रोजी जागतिक ऑलिम्पिक दिन साजरा केला जाणार आहे. महाराष्ट्राचं नाव उज्वल करणाऱ्या ऑलिम्पियन आणि आंतरराष्ट्रीय खेळाडूंचा सन्मान, ऑलिम्पिक दौड, हॉकी स्पर्धा अशा विविध कार्यक्रमांनी हा दिवस साजरा केला जाणार आहे. शासनाच्या वतीने सर्व जिल्ह्यांना ऑलिम्पिक दिन साजरा करण्याचं आवाहन करण्यात आलं आहे.

****

टी-ट्वेंटी विश्वचषक क्रिकेट स्पर्धेत आज भारत आणि बांगलादेश यांच्यात सुपर आठ फेरीतील सामना होणार आहे. अँटीग्वा इथं रात्री आठ वाजेपासून हा सामना खेळवला जाणार आहे. भारतानं सुपर आठ फेरीतील अफगाणिस्तानविरूध्दचा आपला पहिला सामना जिंकला असून बांगलादेशला ऑस्ट्रेलियाकडून पराभव स्वीकारावा लागला आहे.

या स्पर्धेत आज सकाळी झालेल्या सामन्यात वेस्ट इंडीजनं अमेरिकेचा नऊ गडी राखून पराभव केला. उद्या ऑस्ट्रेलिया आणि अफगाणिस्तान यांच्यात सामना होणार आहे.

****

छत्रपती संभाजनगर महानगरपालिकेच्या वतीनं आज संत कबीर यांची जयंती साजरी करण्यात आली. मनपा मुख्यालयात जनसंपर्क अधिकारी तौसिफ अहमद यांच्या हस्ते संत कबीर यांच्या प्रतिमेस पुष्पहार अर्पण करून अभिवादन करण्यात आलं.

****

सिंधुदुर्ग जिल्ह्यातल्या कुडाळ इथल्या बॅरिस्टर नाथ पै शिक्षण संस्थेत १९६५ आणि १९७१ च्या युद्धात पराक्रम गाजवलेल्या टी-५५ या रणगाड्याच्या शौर्य स्मारकाचं आज उद्‌घाटन झालं.

****

0 notes

news-34 · 7 months ago

Text

#chandrapur #politics

0 notes

gajananjogdand45 · 8 months ago

Link

https://marmikmaharashtra.com/on-international-womens-day-the-marathi-movie-raja-yee-ga-will-be-announced-with-ruchira-jadhav-playing-the-lead-role/

#https://marmikmaharashtra.com/on-international-womens-day-the-marathi-movie-raja-yee-ga-will-be-announced-with-ruchira-jadhav-playing-the-le

0 notes

political-chat-01 · 9 months ago

Text

राष्ट्रीय स्वयंसेवक संघ, पश्चिम महाराष्ट्र प्रांताचे पूर्व कार्यवाह, हवामानशास्त्रज्ञ आणि मार्गदर्शक, माझ्या थोरल्या बंधूंसमान असलेले प्रा. मदनगोपाल वार्ष्णेयजी, यांच्या आजवर केलेल्या कार्यावर आधारित 'रजनीगंधा' या पुस्तकाच्या प्रकाशन समारंभात उपस्थित होतो. या पुस्तकाचे प्रकाशन, पूर्व सरकार्यवाह सुरेश जोशी जी, कार्यवाह डॉ. प्रवीण दबडगाव, प्रांत संघचालक नाना जाधव, डॉ. सौ. टिळक, मदनगोपाल वार्ष्णेय, डॉ. आदित्य शर्मा, विवेकचे संपादक आणि या पुस्तकाचे प्रकाशक अमोल पेडणेकर यांच्या हस्ते पुण्यात पार पडले. अत्यंत अनुभवसंपन्न व्यक्तीने लिहिलेले हे पुस्तक वाचनीय आणि संग्राह्य आहे.

0 notes

gitaacharaninmarathi · 10 months ago

Text

1. प्रारंभ अहंकारापासून

कुरुक्षेत्राच्या रणभूमीवर भगवान श्रीकृष्णाच्या आणि अर्जुनाच्या दरम्यान झालेल्या संवादावर आधारित 700 श्लोकांनी भगवद्गीतेची रचना झाली आहे. युद्धाला प्रारंभ होत असतानाच अर्जुनाच्या मनात ही भावना उत्पन्न झाली की या युद्धात त्याचे अनेक मित्र आणि नातेवाईक मारले जातील. हे युद्ध कसे वाईट आहे हे तो विविध मुद्द्��ांच्या आधारे पटवून द्यायचा प्रयत्न करतो.

अर्जुनाच्या मनात निर्माण झालेला हा संभ्रम वस्तुत: ‘मी कर्ता आहे- अहम कर्ता’ या विचारातून आला आहे आणि हा खरे तर अहंकार आहे. हाच अहंकार आपल्याला सतत सांगत राहतो की आपण कुणीतरी वेगळे आहोत, मात्र वास्तव हे वेगळेच असते. अनेकदा स्��त:बद्दलच्या अवास्तव अभिमानाला अहंकार म्हटले जाते मात्र अहंकाराची अनेक रुपे आहेत.

हा संपूर्ण संवाद हा प्रत्यक्ष किंवा अप्रत्यक्ष स्वरुपात अहंकारावर आधारित आहे आणि त्यापासून मुक्ती मिळवण्याचे विविध मार्ग आणि उपाय श्रीकृष्ण सुचवितो.

कुरुक्षेत्र युद्धाचा रुपक म्हणून जर आपण विचार केला तर असे लक्षात येईल की आपण सगळे आपल्या दैनंदिन आयुष्यात, कुटुंबात, कामाच्या ठिकाणी, प्रकृती, संपत्ती, नाती इत्यादींच्या संदर्भात अर्जुनासारख्या स्थितीला सामोरे जात असतो. अहंकार समजून घेईपर्यंत आणि आपण जोपर्यंत जिवंत आहोत तोपर्यंत हे संभ्रम कायम राहतात.

आपल्याला काय कळते आणि आपण काय करतो याबद्दल नव्हे तर आपण कोण आहोत, काय आहोत यासंदर्भात श्रीमदभगवद्गीता मार्गदर्शन करते. नुसते पुस्तकातील धडे वाचून आपल्याला जशी सायकल चालवता येणार नाही किंवा पोहोता येणार नाही तसेच कितीही तत्त्वज्ञान वाचले तरीही जोपर्यंत आपण आयुष्याकडे डोळसपणे बघत नाही तोपर्यंत या तत्त्वज्ञानाचा काहीही लाभ होऊ शकत नाही. गीतेतील मार्गदर्शक तत्त्वे आपल्याला अंतिम गंतव्यापर्यंत - अहंकारमुक्त ‘स्व’पर्यंत- पोहोचण्यास मदत करू शकतात.

भगवान श्रीकृष्ण ने अर्जुनाला गीतेचा उपदेश केला तेव्हापासून आजवर काळ प्रचंड प्रमाणात बदलला असे वरवर पाहता सहजच वाटू शकते. मागील काही शतकांमध्ये विज्ञानात झालेल्या प्रगतीने अनेक बदल निश्चितपणे घडवून आणले आहेत. प्रत्यक्षात उत्क्रांतीच्या अंगाने विचार केल्यास माणूस या काळात काहीही उत्क्रांत झालेला नाही. आपल्या आतील दुविधेची स्थिती तशीच कायम आहे. बाह्य स्वरुप (झाडे) कदाचित वेगळे भासू शकते, मात्र आपण आतून (मुळे) अजूनही तसेच आहोत.

#bhagavad gita #gita #bhagwad gita #spirituality #gita in marathi #Gita Acharan

0 notes

mhlivenews · 10 months ago

Text

सुपर आरएसएस बना; जिजाऊसृष्टीवरुन पुरुषोत्तम खेडेकर यांचे मराठा समाजाला आवाहन

म. टा. वृत्तसेवा, बुलढाणा : आजवर जे घडले ते होऊन गेले. जुने उगाळत बसण्यापेक्षा नव्याने चिंतन करण्याची गरज आहे. राष्ट्रीय स्वयंसेवक संघाला नावे ठेवण्यापेक्षा सुपर आरएसएस बना. पुनरुज्जीवित होऊन कामे करा, असे आवाहन मराठा सेवा संघाचे संस्थापक पुरुषोत्तम खेडेकर यांनी केले.राजमाता जिजाऊ जन्मोत्सवानिमित्त शुक्रवारी सिंदखेडराजात जिजाऊसृष्टी परिसरात आयोजित विशेष कार्यक्रमातील शिवधर्म पीठावरून मार्गदर्शन…

View On WordPress

#buldhana news #jijau srishti #Maratha Community #purushottam khedekar #rss #राष्ट्रीय स्वयंसेवक संघ #सिंदखेडराजा विकास आराखडा

0 notes

blogkatta · 1 year ago

Text

पूर्वेकडचा प्रवास… १

नवीन लेख : कामानिमित्त आणि भटकंतीच्या सोलो ट्रिप साठी सिंगापूरला निघाले तेव्हा उत्सुकता, हुरहुर, प्रवास कसा होईल याची थोडी काळजी, नुकताच सर्जरीतून पार पडलेल्या लेकाची काळजी सगळ्या संमिश्र भावना मनात होत्या… आजवर आपण एकटीने अनेक प्रवास केलेले आहेत. वयाच्या सतराव्या वर्षापासून इंजिनिअरिंगसाठी होस्टेलला, नंतर नोकरीसाठी, अगदी भारताबाहेरही एकटीने केलेले सगळे प्रवास हे कायम पश्चिम दिशेला होते… परंतु पूर्वेला […] https://sahajach.wordpress.com/2023/10/26/%e0%a4%aa%e0%a5%82%e0%a4%b0%e0%a5%8d%e0%a4%b5%e0%a5%87%e0%a4%95%e0%a4%a1%e0%a4%9a%e0%a4%be-%e0%a4%aa%e0%a5%8d%e0%a4%b0%e0%a4%b5%e0%a4%be%e0%a4%b8-%e0%a5%a7/?utm_source=dlvr.it&utm_medium=tumblr @ सहजच

0 notes

bharatlivenewsmedia · 2 years ago

Text

ऋतुराज गायकवाडचा तहलका; सलग तिसऱ्या शतकासह केला आजवर कोणीही न केलेले विक्रम

ऋतुराज गायकवाडचा तहलका; सलग तिसऱ्या शतकासह केला आजवर कोणीही न केलेले विक्रम Ruturaj Gaikwad: सध्या तुफान फॉर्ममध्ये असलेल्या ऋतुराज गायकवाडने विजय हजारे ट्रॉफीच्या फायनलमध्ये शतकी खेळी केली. या शतकासह त्याने अनेक विक्रम स्वत:च्या नावावर केलेत. Ruturaj Gaikwad: सध्या तुफान फॉर्ममध्ये असलेल्या ऋतुराज गायकवाडने विजय हजारे ट्रॉफीच्या फायनलमध्ये शतकी खेळी केली. या शतकासह त्याने अनेक विक्रम स्वत:च्या…

View On WordPress

0 notes

nashikfast · 1 year ago

Text

विवेक विचार

. *–II ● विवेक विचार ● II–** अखंडित, सातत्यपूर्ण संकल्पाचा २३१० वा दिवस* आपल्या राष्ट्राची नौका शतकानुशतके प्रवास करीत आहे. आपल्या अमोल संस्कृतीचे देणे देऊन जगाला समृद्ध करीत आहे. जीवन सागरापासून या राष्ट्रीय नौकेने आजवर अनेक शतके वाटचाल केली आहे आणि लक्षावधी जीवांना सर्व दुःखे ओलांडून पैलतीरावर पोहचविले आहे. आज त्या नौकेला छिद्र पडले आहे. ती छिन्न झाली आहे. हे आपल्या चुकीने घडले की अन्य…

View On WordPress

0 notes

marathicelebscom · 1 year ago

Text

आयएफएफएमतर्फे अभिनेत्री भूमी पेडणेकरचा 'डिसरप्टर ऑफ द इयर' म्हणून गौरव!

इंडियन फिल्म फेस्टिवल ऑफ मेलबर्नतर्फे (आयएफएफएम) बॉलिवूड अभिनेत्री भूमी पेडणेकरला ह्या वर्षीचा प्रतिष्ठेचा डिसरप्टर ऑफ द इयर पुरस्कार देऊन गौरवण्यात आले आहे. भूमी पेडणेकर या तरुण आणि अ��ाट प्रतिभेच्या बॉलिवूड अभिनेत्रीने नेहमीच तिच्या प्रभावी अभिनयाने आणि प्रत्येक व्यक्तिरेखेतील अस्सलतेने प्रेक्षकांना मोहित केले आहे. कोणत्याही प्रकारच्या भूमिकेतील अविश्वसनीय कामगिरी आणि आजवर केलेल्या प्रत्येक…

View On WordPress

#Badhaai Do #Bhumi Pednekar #Bhumi Pednekar Bags IFFM Disrupter Of The Year Award #Bollywood #Bollywood Actors #Bollywood Celebs #Dum Laga Ke Haisha #IFFM #IFFM Melbourne #आयएफएफएमतर्फे अभिनेत्री भूमी पेडणेकरचा &039;डिसरप्टर ऑफ द इयर&039; म्हणून गौरव!#भ��मी पेडणेकर

1 note · View note

airnews-arngbad · 5 months ago

Text

Regional Marathi Text Bulletin, Chhatrapati Sambhajinagar

Date: 16 June 2024

Time: 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: १६ जून २०२४ सकाळी ७.१० मि.

****

चित्रपट क्षेत्राच्या वाढीसाठी केंद्र सरकार वचनबद्ध-मुंबई आंतरराष्ट्रीय चित्रपट महोत्सवाच्या उद्‌घाटनात सोहळा केंद्रीय माहिती आणि प्रसारण राज्यमंत्री डॉ. एल. मुरुगन यांची ग्वाही

** व्ही. शांताराम जीवनगौरव पुरस्कार निर्माते सुब्बय्या नल्लमुत्थू यांना प्रदान

साहित्य अकादमीच्या बाल साहित्य पुरस्कारासाठी भारत सासणे यांची तर युवा पुरस्कारासाठी तुळजापूर इथले साहित्यक देविदास सौदागर यांची निवड

बोगस अथवा चढ्या दरानं बियाणे विक्री करणाऱ्यांवर कठोर कारवाई-कृषिमंत्र्यांचा इशारा

आणि

उन्हाळी सुट्यांनंतर शाळांमध्ये पुन्हा बालकांचा किलबिलाट

चित्रपट क्षेत्राच्या वाढीसाठी केंद्र सरकार वचनबद्ध असल्याची ग्वाही, केंद्रीय माहिती आणि प्रसारण राज्यमंत्री डॉ. एल. मुरुगन यांनी दिली आहे. 'मिफ' अर्थात मुंबई आंतरराष्ट्रीय चित्रपट महोत्सवाचं उद्‌घाटन डॉ मुरुगन यांच्या हस्ते काल झालं, त्यावेळी ते बोलत होते. भारताला आशय निर्मितीचं जगातलं केंद्र म्हणून उभं करण्याचं सरकारचं धोरण असून, माहितीपट, लघुपट, तसंच ॲनिमेशन निर्मात्यांनी भारतात यावं, भारतात चित्रीकरण करावं असं आवाहन त्यांनी केलं. या महोत्सवात काल प्रतिष्ठेचा व्ही. शांताराम जीवनगौरव पुरस्कार विख्यात वन्यजीव चित्रपट निर्माते सुब्बय्या नल्लमुत्थू यांना प्रदान करण्यात आला. राज्यमंत्री मुरुगन, राज्याचे सांस्कृतिक कार्यमंत्री सुधीर मुनगंटीवार, ज्येष्ठ निर्माते किरण शांताराम, अभिनेता रणदीप हुडा आदी मान्यवरांच्या हस्ते सुब्बय्या यांना हा पुरस्कार देऊन गौरवण्यात आलं. महोत्सवाच्या उद्‌घाटन सत्रात 'बिली अँड मॉली: ॲन ऑटर लव्ह स्टोरी हा चित्रपट दाखवण्यात आला. यंदा प्रथमच या महोत्सवात मुंबईसह पुणे, दिल्ली, कोलकाता आणि चेन्नई इथं ५९ हून अधिक देशातल्या ६१ भाषांमधल्या ३१४ चित्रपटांचं चित्रपटांचं प्रदर्शन केलं जात आहे.

****

अखिल भारतीय मराठी नाट्य परिषदे’चे जीवनगौरव पुरस्कार ज्येष्ठ कलावंत रोहिणी हट्टंगडी आणि अशोक सराफ यांना काल परिषदेचे विश्वस्त शरद पवार यांच्या हस्ते काल मुंबईत प्रदान करण्यात आला. नाटयसंमेलनाध्यक्ष डॉ. जब्बार पटेल, नाट्य परिषदेचे विश्वस्त उदय सामंत, यांच्यासह अनेक मान्यवर यावेळी उपस्थित होते.

****

साहित्य अकादमीचे २०२४ या वर्षासाठीचे बाल साहित्य पुरस्कार तसंच युवा पुरस्कार काल जाहीर झाले. मराठीत भारत सासणे यांच्या 'समशेर आणि भूत बंगला' या कादंबरीला बालसाहित्य पुरस्कार जाहीर झाला आहे. तर युवा पुरस्कारात तुळजापूर इथले साहित्यक देविदास सौदागर लिखित 'उसवण' या कादंबरीची निवड करण्यात आली आहे. पन्नास हजार रुपये आणि सन्मानचिन्ह असं दोन्ही पुरस्काराचं स्वरूप आहे.

दरम्यान, सौदागर यांनी, उसवण कादंबरीच्या माध्यमातून कष्टकरी कुटुंबाचं जगणं मांडलं आहे. ग्रामीण भागातल्या वास्तवाची पुरस्काराच्या रुपाने दखल घेतल्याचा आनंद असल्याची प्रतिक्रिया सौदागर यांनी आकाशवाणीशी बोलतांना दिली...

“पुरस्कार मिळाल्याबद्दल आनंद वाटत आहे आणि एकूण राष्ट्रपती झाल्यासारख वाटत आहे आजवर जे लिखाण केलं जे काय आपलं लग्न मांडलं त्याची नोंद घेतली असं वाटत आहे पुरस्कार देणार आहे आपलं एकूण जगण्याचे लग्नाची नोंद घेतली असे वाटते”

****

विद्यार्थ्यांनी उच्चशिक्षण संस्थांमध्ये घेतलेला प्रवेश तीस सप्टेंबरपर्यंत रद्द केल्यास किंवा अन्य संस्थेत प्रवेश घेतल्यास विद्यार्थ्यांना पूर्ण शुल्काचा परतावा देणं संबंधित संस्थेला बंधनकारक राहणार आहे. सरकारी उच्चशिक्षणसंस्था, आयोगानं मान्यता दिलेल्या संस्था, तसंच अभिमत विद्यापीठं या सगळ्यांना हे धोरण लागू होणार आहे.

****

आगामी विधानसभा निवडणुका एकत्रितपणे लढवत, प्रत्येक जागेवर सक्षम उमेदवार देणार असल्याचं महाविकास आघाडीकडून सांगण्यात आलं आहे. काल मुंबईत पत्रकार परिषद घेऊन लोकसभा न��वडणूक निकालाचं विश्लेषण तसंच विधानसभा निवडणुकीबाबत माहिती देण्यात आली. या पत्रकार परिषदेला राष्ट्रवादी काँग्रेस शरदचंद्र पवार पक्षाचे अध्यक्ष शरद पवार, शिवसेना उद्धव बाळासाहेब ठाकरे पक्षाचे प्रमुख उद्धव ठाकरे, काँग्रेसचे ज्येष्ठ नेते पृथ्वीराज चव्हाण यांच्यासह अनेक मान्यवर उपस्थित होते.

****

राज्यात बी- बियाणांची चढ्या भावानं विक्री किंवा बोगस बियाण्यांची विक्री करणाऱ्या कृषी निविष्ठा दुक��नदारांवर कठोर कारवाईचा इशारा कृषिमंत्री धनंजय मुंडे यांनी दिला आहे. राज्यातले सर्व विभागीय आयुक्त, कृषी आयुक्त, जिल्हाधिकारी, पोलीस अधीक्षक, कृषी अधिकारी यांची आढावा बैठक मुंडे यांनी काल घेतली, त्यावेळी ते बोलत होते. प्रत्येक जिल्ह्यात अतिरिक्त तीन भरारी पथकं नेमावीत तसंच या भरारी पथकांनी दररोज कमीत कमी २५ दुकानांवर धडक भेटी देऊन तपासण्या कराव्यात, कोणताही गैरप्रकार आढळल्यास जागच्या जागीच गुन्हा दाखल करून परवाना निलंबनाची कारवाई करावी, असे निर्देश मुंडे यांनी दिले आहेत. प्रत्येक जिल्हाधिकाऱ्यांनी जून अखेर पर्यंत पीक कर्जाचं उद्दिष्ट ७५ टक्के मर्यादेत पूर्ण करण्याच्या सूचना मुंडे यांनी दिल्या.

****

उन्हाळी सुट्टीनंतर राज्य शिक्षण मंडळाच्या शाळा काल पुन्हा एकदा मुलांच्या किलबिलाटाने भरून गेल्या. छत्रपती संभाजीनगर तालुक्यात गाडीवाट इथं आदर्श प्राथमिक शाळेत जिल्हाधिकारी दिलीप स्वामी यांच्या उपस्थित शाळा प्रवेशोत्सव सोहळा पार पडला. इयत्ता पहिलीच्या वर्गात प्रवेश घेतलेल्या विद्यार्थ्यांची सजावट केलेल्या वाहनातून मिरवणूक काढण्यात आली. महापालिकेच्या मराठी तसंच उर्दू अशा एकूण ५६ शाळांमध्येही काल प्रवेशोत्सव साजरा झाला. महापालिका आयुक्त तथा प्रशासक जी श्रीकांत यांच्या उपस्थितीत विद्यार्थ्यांचं वाजत गाजत मिरवणूक काढून स्वागत करण्यात आलं.

****

परभणी शहरातल्या अनेक शाळांमध्ये विद्यार्थ्यांच गुलाबाची फुलं देऊन स्वागत करण्यात आलं.

हिंगोली जिल्ह्यातही पहिल्या दिवशी विद्यार्थ्यांचं पुष्प देऊन अनेक शाळांमध्ये स्वागत करण्यात आलं, तसंच विद्यार्थ्यांना पुस्तकांचं वाटपही करण्यात आलं.

****

जालना शहरासह जिल्ह्यात ग्रामीण भागातल्या शाळांमध्ये पहिल्या दिवशी विद्यार्थ्यांना सर्व शिक्षा अभियानांतर्गत पाठ्यपुस्तकांचं वाटप करण्यात आलं. विद्यार्थ्यांना माध्यान्ह भोजनात मिष्टान्नाचं वाटप करण्यात आलं.

****

लातूर जिल्ह्यात जिल्हाधिकारी वर्षा ठाकूर-घुगे यांच्या संकल्पनेतून ‘शाळेतील पहिलं पाऊल, वृक्ष लावून’ हा उपक्रम राबवण्यात आला. जिल्ह्यातील शाळांमध्ये काल जवळपास १६ हजार विद्यार्थ्यांनी इयत्ता पहिलीत प्रवेश घेतला, त्यांच्या हातून वृक्षारोपण करण्यात आल्याचं, प्रशासनाकडून सांगण्यात आलं आहे.

****

शाळेच्या पहिल्या दिवशी विद्यार्थ्यांना प्रत्येकी दोन गणवेश दिले जाणार होते. मात्र शाळा सुरू झाल्या, तरीही अनेक विद्यार्थी गणवेशापासून वंचित असल्याची टीका, विधान परिषदेचे विरोधी पक्षनेते अंबादास दानवे यांनी केली आहे. ते काल छत्रपती संभाजीनगर इथं माध्यमांशी बोलत होते.

दरम्यान, महिला आर्थिक विकास महामंडळाच्या बचत गटांकडून शालेय गणवेश शिऊन घेण्याच्या निर्णयाची प्रभावी अंमलबजावणी सुरू झाली असल्याचं, राज्याच्या महिला आणि बालविकास मंत्री आदिती तटकरे यांनी सांगितलं आहे. राज्यातल्या अनेक शाळांमधून गणवेश वाटपाला प्रारंभ झाला असल्याचं, तटकरे यांनी सांगितलं.

****

मराठा ��माजाच्या मागण्यांसंदर्भात सरकार अनुकूल असल्याचं, उद्योगमंत्री उदय सामंत यांनी म्हटलं आहे. काल छत्रपती संभाजीनगर इथं मराठा आरक्षण आंदोलनकर्ते मनोज जरांगे पाटील यांची रुग्णालयात भेट घेतल्यानंतर ते बोलत होते. नवनिर्वाचित खासदार संदिपान भुमरे, आमदार संजय शिरसाट यावेळी उपस्थित होते.

****

टी-ट्वेंटी विश्वचषक क्रिकेट स्पर्धेत काल भारत-कॅनडा संघांदरम्यानचा सामना पावसामुळे रद्द झाला.आणि उभय संघांना प्रत्येकी एक गुण प्रदान करण्यात आला. कालच्या दुसऱ्या सामन्यात इंग्लंडने नामिबियाचा डकवर्थ लुईस नियमाच्या आधारे ४१ धावांनी पराभव केला. स्कॉटलंड आणि ऑस्ट्रेलिया संघात सध्या सामना सुरू आहे. स्कॉटलंडच्या दोन बाद १०७ धावा झाल्या आहेत.

****

लातूर जिल्ह्याच्या हेर विधानसभा मतदारसंघाचे दोन वेळचे आमदार टी.पी.कांबळे यांचं काल ह्रदयविकारानं निधन झालं. ते ८२ वर्षांचे होते. भारतीय जनता पक्षातर्फे आणि अनुसूचित जाती प्रवर्गासाठी राखीव हेर मतदारसंघातून ते निवडून आले होते. त्यांच्या पार्थिव देहावर आज लक्कड जवळगा इथं अंत्यसंस्कार होणार आहेत.

****

महेश नवमी काल साजरी करण्यात आली. छत्रपती संभाजीनगर इथं वाद्यांच्या गजरात सजीव देखाव्यांची मिरवणूक काढण्यात आली. जिल्हा माहेश्वरी सभेतर्फे हर घर पौधा निसर्गसंवर्धन उपक्रमाचा प्रारंभ या निमित्तानं करण्यात आला.

बीड शहरातूनही मिरवणूक काढण्यात आली, आबालवृद्धांचा यात लक्षणीय सहभाग होता.

हिंगोली इथं महेश नवमी आणि जागतिक रक्तदान दिनाच्या अनुषंगाने माहेश्वरी युवा संघटनेच्या वतीने रक्तदान शिबीर घेण्यात आलं. या शिबिरात १११ तरुणांनी स्वयंस्फूर्तीने रक्तदान केलं.

****

तुळजापूर इथं तुळजाभवानी मंदिर प्रशासकीय कार्यालयासमोर हिंदुत्वनिष्ठ आणि समविचारी संघटनांनी आज घंटानाद आंदोलन केलं. तुळजाभवानी मंदिरातील गैरव्यवहार प्रकरणी गुन्हे दाखल करण्याचे आदेश मुंबई उच्च न्यायालयाच्या औरंगाबाद खंडपीठाने दिले आहेत, मात्र महिनाभराचा कालावधी उलटूनही याबाबत काहीही कारवाई न झाल्यानं हे आंदोलन केल्याचं वृत्तसंस्थेच्या बातमीत म्हटलं आहे.

****

छत्रपती संभाजीनगर इथं काल ‘श्री शिवराज्याभिषेक - नव्या युगाचा प्रारंभ’ या केदार फाळके लिखित पुस्तकाचं प्रकाशन झालं. छत्रपती शिवाजी महाराजांनी भारतीय समाजाचे स्वत्व रक्षण करून हिंदवी स्वराज्याची निर्मिती केली असं प्रतिपादन फाळके यांनी यावेळी बोलतांना केलं.

****

नांदेड जिल्‍हा परिषद गट-क संवर्गातील आरोग्य परिचारिका आणि कंत्राटी ग्रामसेवक या संवर्गातील रिक्त पदं भरण्यासाठी आजपासून पाच दिवस तीन सत्रात ऑनलाईन परीक्षा घेण्यात येणार आहे. या परीक्षा केंद्र परिसरात जिल्हादंडाधिकारी अभिजीत राऊत यांनी प्रतिबंधात्मक आदेश लागू केले आहेत.

****

मराठवाड्यात आज आणि उद्या वादळी वाऱ्यासह पाऊस पडण्याची शक्यता हवामान खात्यानं व्यक्त केली आहे. नांदेड वगळता, विभागात सर्व जिल्ह्यासाठी यलो अलर्ट जारी करण्यात आला आहे.

****

0 notes