உலகக்கோப்பையில் மேக்ஸ்வெல்லின் ஆட்டம் தான் உலகெங்கும் வைரலாகி உள்ளது! இவ்வளவு நாள் இல்லாமல் இப்போது மட்டும் எப்படி அவர் அசுரத்தனமாக ஆடமுடிந்தது? இந்தக் கேள்விக்கு பின் நிற்பதே நம் பாரத தர்மம்! சென்னை மேடவாக்கத்தில் வசித்து வரும் மேகநாதன் என்பவரைத் தெரியுமா? மேக்ஸ்வெல்லிற்கு மாமா தாத்தா முறை உறவினர்! ஆம்! அவரது மனைவி நம் தமிழ்நாட்டை சேர்ந்தவர் என்பது உங்களுக்குத் தெரியும்! அவர் மனைவியின் தாத்தா..
இருக்கிறார் அல்லவா அந்தத் தாத்தாவின் தங்கைக் கணவர் தான் இந்த மேகநாதன்! சிறந்த ஜோதிட வல்லுநர், பஞ்சாங்கம் குறிப்பதில் கில்லி! நடப்பதை முன்பே கணிப்பார் சரியாகச் சொல்லி! மூன்று வேதங்களும் படித்தவர்! அப்படிப்பில் 5 தங்கப்ப தக்கங்களும் வென்றவர்! கமலஹாசன் விஸ்வரூபம் எடுக்கும் போதே எங்கள் வீட்டு மாப்பிள்ளை மேக்ஸ்வெல் அதை எதிர்காலத்தில் எடுப்பார்! நீங்கள் எடுக்கவேண்டாம் என்று அன்போடு எச்சரித்தாராம்!
ஆனால் கமல் அதை கேட்கவில்லை! மேகநாதரின் வாக்கை மீறி எடுத்து அந்த படம் வெளிவரும் முன்பே பல வித சிக்கல்களில் சிக்கினார்! அதற்கு காரணம் மேகநாதரின் பேச்சை மீறியதுதான்! தசாவதாரம் படம் எடுக்கும் போதே இதையும் மேக்ஸ்வெல் எடுப்பார் என கமலை அவர் எச்சரித்து இருப்பார்! ஆனால் அப்போது மேக்ஸ்வெல் மனைவியான வினி 10th படித்துக் கொண்டிருந்ததால் பாவம் கமல் என்று விட்டுவிட்டார்! வினி மேக்ஸ் திருமணம்..
முடிவான பின்பு மேக்ஸ்வெல்லின் ஜாதகத்தை கணித்தவரும் இவரே! கணித்த அன்று அசந்து போய்விட்டாராம்! சோபகிருது ஆண்டில் இந்தியாவில் மேக்ஸ்வெல் ஒரு உலக சாதனை படைப்பார் என அதில் தெரிந்தது! அது என்ன நாள் என்று பார்த்தார் ஐப்பசி 21 தசமியன்று! ஆஹா தசமியன்று எடுக்கும் தசாவதாரம் 10 விஸ்வரூபத்துக்கு சமம்! அப்படி எடுப்பவர் தன் எதிரிகளுக்கு உத்தமவில்லன் ஆகலாம்! இந்தியப் பேரரசன் விக்ரம்(மாதித்தன்) போல அவன்..
வெற்றிகளைக் குவிப்பான் என்று கொட்டை எழுத்தில் போட்டு இருந்தது! அன்று மகம் நட்சத்திரம் அது சிம்ம ராசிக்கு உகந்தது! ஆப்கன் அணியின் நட்சத்திரம் சிம்மம்! முதல் பேட்டிங் எடுத்தபோது அமிர்த யோகம் எனவே ஜாத்ரான் செஞ்சுரி அடித்தார்! இது இரவு 8:30 வரை நீடிக்க ஆப்கன் தொடர்ந்து முன்னிலையில் இருந்தது! இந்நேரத்தில் ‘வருண மித்திர’ நோன்பு இருந்தால் நல்லதென்று மேக்சுக்கு சொல்லப்பட்டது! அதாவது நீர் அருந்தாமல்..
எச்சிலைக் கூட விழுங்காது விரதமிருப்பதே அது! ஏற்கனவே ஆப்கன் பவுலிங் பார்த்து வாய் உலர்ந்து போன மேக்ஸ்வெல் ஒரு கட்டத்தில் எச்சிலை விழுங்கிவிட அவருக்கு ராகுவின் வசிப்பிடமான பின்னங் காலிலுள்ள தசைகள் இழுக்க ஆரம்பித்தன! மேக்ஸ் மைதானத்தில் சுருண்டு விழ, என்ன செய்வது? என்று தத்தளித்த ஆஸி அணியின் பிஸியோ மேகநாதரை தொடர்பு கொள்ள அவர் சொன்னது தான் தசாவதார ஆட்டமுறை! 10 அவதாரங்களையும் நினைவு..
கொள்ளும் படி கிரிக்கெட் ஷாட்டுகளை அடித்தால் இமாலய வெற்றி பெறலாம்! அதற்கு முன்பு பூமி மாதாவை நெடுஞ்சாண் கிடையாக விழுந்து வணங்கவேண்டும் என்றார்! அதனால் தான் நேற்று மேக்ஸ் கிரவுண்டில் விழுந்தார்! நன்கு கவனித்து பார்த்தால் கூர்ம அவதாரத்தை நினைவூட்டும் குப்புறப் படுக்கும் ஸ்டைல் , நீச்சலடி மச்சவதார ஸ்டைல், ரிவர்ஸ் ஸ்கூப்பில் வராக அவதார ஸ்டைல், ஒரு கால் தூக்கி வாமன அவதார ஸ்டைல், தனித்து ஒருவனாக..
இராம அவதார ஸ்டைல், கம்மின்ஸோடு இணைந்ததால் பலராம அவதாரம், இரு கைகளை விரித்து கிருஷ்ண அவதார ஸ்டைல் என மேக்ஸ் ஆடியிருக்கும் ஆட்டமுறை மேகநாதர் சொல்லித்தந்தது! இரவு 8:40 முதல் சிம்மத்திற்கு விஷ காலம் அதுவரை அமிர்த காலமாக இருந்தது விஷமாக மேக்ஸ் தசாவதார ஆட்டம் ஆடி விஸ்வரூபம் எடுத்தார்! இடையில் அவர் வலி மிகுந்து கதறியபோது மேகநாதர் லக்ஷ்மண சக்கர உச்சாடனம் செய்தாராம்!
இது லக்ஷ்மணனின் உயிர் காத்த சஞ்சீவ மலை மூலிகை தந்தபோது ஓதிய மந்திரம்! அதன்பின் சிலிர்த்தெழுந்து மேக்ஸ்வெல் ஆடியது எல்லாம் வரலாறு! ஆறும் நான்கும் பத்து, தசாவதாரமும் பத்து எனவே தான் பந்துகள் ஃபோர், சிக்ஸ் எனப் பறந்தனவாம்! அவர் மனைவி பெயரில் இராமன் இருப்பதால் அவரது ஆசியும் மேக்ஸ்வெல்லுக்கு கிடைக்க இராம தசமி பூஜையும், மேக்ஸ்வெல்லின் விருச்சிக ராசி நாதனானஅங்காரகனுக்கு ‘செவ்வாய் சத்ரு சம்ஹார’,
யாகமும் மேகநாதர் விசேடமாக ஒரு கோவிலில் இருந்து அமிர்த யோக வேளையில் செய்தாராம்! எதையும் நாள், நக்ஷத்திரம் பார்த்து, விரதமிருந்து, மந்திர உச்சாடனங்கள் செய்து, நெஞ்சில் பய பக்தியோடு விளையாடினால் தோல்வியே சூழந்தாலும் வெற்றி நிச்சயம் என்பது இதில் விளங்குகிறது அல்லவா! ஆம் இப்படி நாம் ஆடினால் தசாவதாரம், விஸ்வரூபம் மட்டுமல்ல THUG LIFE கூட எடுத்து உலகம் புகழ வாழலாம்! இதற்கு மேக்ஸ்வெல் ஒருவரே சாக்ஷி!
மகம், பூரம், உத்திரம்; வார நட்சத்திர பலன்கள் - (டிசம்பர் 21 முதல் 27ம் தேதி வரை)
மகம், பூரம், உத்திரம்; வார நட்சத்திர பலன்கள் – (டிசம்பர் 21 முதல் 27ம் தேதி வரை)
– ‘சொல்வாக்கு ஜோதிடர்’ ஜெயம் சரவணன்
மகம் –
நினைத்த காரியத்தை நினைத்தபடியே செய்து முடிப்பீர்கள்.
தேவையான உதவிகள் தானாக தேடி வரும். பொருளாதாரப் பிரச்சினைகள் தீரும். பணவரவு எதிர்பார்த்தபடியே இருக்கும். உறவினர்களிடையே ஏற்பட்ட மன வருத்தங்களை பேசித் தீர்க்கும் வாய்ப்புகள் உண்டு.
தொழிலில் நல்ல வளர்ச்சி முன்னேற்றம் ஏற்படும். புதிய தொழில் வாய்ப்புகள் கிடைக்கும். வியாபாரிகள் தங்கள் வியாபாரத்தில்…
இந்த எட்டு நட்சத்திரத்துல உங்க நட்சத்திரமும் இருக்கா? அப்போ நீங்க தான் அதிர்ஷ்டசாலி
இந்த எட்டு நட்சத்திரத்துல உங்க நட்சத்திரமும் இருக்கா? அப்போ நீங்க தான் அதிர்ஷ்டசாலி #Astrology #Star #ut #uthoroscope #tamilnews #universaltamil
ஜோதிட த்தின் படி மொத்தம் 27 நட்சத்திரங்கள் உள்ளது, ஆனால் இந்த அனைத்து நட்சத்திரங்களும் நல்ல நட்சத்திரங்கள் என்று கூறமுடியாது. ஏனெனில் இதில் சில நட்சத்திரங்கள் துரதிர்ஷ்டமான நட்சத்திரங்களாக இருக்கிறது, அதேபோல சில நட்சத்திரங்கள் இயற்கையாகவே அதிர்ஷ்டம் அதிகமுள்ள நட்சத்திரமாக கருதப்படுகிறது. இந்த பதிவில் எந்தெந்த நட்சத்திரங்களில் பிறந்தவர்கள் புத்திசாலிகளாகவும், அதிர்ஷ்டசாலிகளாகவும் இருப்பார்கள்…
மகம், பூரம், உத்திரம்; வார நட்சத்திர பலன்கள் - (டிசம்பர் 28 முதல் - ஜனவரி 3ம் தேதி வரை)
மகம், பூரம், உத்திரம்; வார நட்சத்திர பலன்கள் – (டிசம்பர் 28 முதல் – ஜனவரி 3ம் தேதி வரை)
– ‘சொல்வாக்கு ஜோதிடர்’ ஜெயம் சரவணன்
வாசகர்கள் அனைவருக்கும் எனது இனிய ஆங்கில புத்தாண்டு நல்வாழ்த்துகள். உங்களுடைய நல்ல எண்ணங்கள் முருகப்பெருமான் அருளால் நிறைவேறட்டும்.
மகம் –
எடுத்துக்கொண்ட முயற்சிகளில் வெற்றி பெறும் வாரம். தேவைகள் ப��ர்த்தியாகும். குடும்ப தேவைகள் பூர்த்தியாகும். குடும்பத்தில் ஒற்றுமை நிலவும். ஆரோக்கிய பாதிப்புகள் முற்றிலுமாக விலகும்.
கடன் பிரச்சினை தீர்வதற்கு வழிவகைகள்…