#माजी क्रिकेटपटू | Explore Tumblr posts and blogs

airnews-arngbad · 7 days ago

Text

आकाशवाणी छत्रपती संभाजीनगर

प्रादेशिक बातम्या

दिनांक ०२ फेब्रुवारी २०२५ दुपारी १.०० वा.

Regional Marathi Text Bulletin, Chhatrapati Sambhajinagar Date - 02 February 2025 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक ०२ फेब्रुवारी २०२५ दुपारी १.०० वा.

दिल्लीतील विधानसभा निवडणुकीच्या प्रचारासाठी आता फक्त दोन दिवस उरले आहेत. सर्व राजकीय पक्ष मतदारांना आकर्षित करण्यासाठी प्रयत्नशील आहेत. आम आदमी पार्टी, भारतीय जनता पार्टी आणि काँग्रेस पक्ष आपापल्या उमेदवारांना पाठिंबा मिळवण्यासाठी एकामागून प्रचारसभा घेत आहेत. भारतीय जनता पक्षाचे ज्येष्ठ नेते आणि पंतप्रधान नरेंद्र मोदी आज दुपारी आरके पुरम येथे एका जाहीर सभेला संबोधित करतील. पक्षाचे नेते आणि केंद्रीय मंत्री राजनाथ सिंह राजेंद्र नगर, चांदणी चौक आणि लक्ष्मी नगर येथील सभांना उपस्थित राहतील. आम आदमी पक्षाचे ज्येष्ठ नेते आणि पंजाबचे मुख्यमंत्री भगवंत मान पक्षाच्या उमेदवारांच्या समर्थनार्थ दिल्लीत एक प्रचारफेरी काढणार आहेत. पक्षाचे ज्येष्ठ नेते संजय सिंह हे दिल्लीतील अनेक भागात जाहीर सभांना संबोधित करणार आहेत. काँग्रेस अध्यक्ष मल्लिकार्जुन खर्गे मुस्तफाबाद परिसरात एका जाहीर सभेला संबोधित करतील. पक्षाचे ज्येष्ठ नेते राहुल गांधी आणि प्रियंका गांधी हेही राष्ट्रीय राजधानीत सभा घेणार आहेत. दरम्यान, ७० सदस्यांच्या दिल्ली विधानसभेच्या निवडणुकीसाठी बुधवारी मतदान होणार असून ८ तारखेला मतमोजणी होणार आहे. ****

नाशिक जिल्ह्यातल्या त्र्यंबकेश्वर इथून गुजरातमधील द्वारका इथं यात्रेकरूंना घेऊन जाणारी एक खाजगी बस आज डांग जिल्ह्यातल्या सापुतारा घाटातील खोल दरीत कोसळली. या अपघातात दोन महिला आणि तीन पुरुषांसह पाच जणांचा मृत्यू झाला, तर १७ जण गंभीर जखमी झाले आहेत. शिर्डी, त्र्यंबकेश्वर इथं दर्शन घेऊन काल रात्री नाशिक हुन बसने यात्रेकरू निघाले होते. चालकाचं नियंत्रण सुटल्यानं बस कठडा तोडून खोल दरीत कोसळली. या अपघातातील जखमींवर अहवा इथल्या शासकीय रुग्णालयात उपचार सुरु आहेत. बस मधले यात्रेकरू मध्यप्रदेशातील गुना, शिवपुरी आणि अशोकनगर जिल्ह्यातले आहेत, असं याबाबच्या वृत्तात म्हटलं आहे. **** कृषी उत्पन्न बाजार समित्यांमध्ये शेतकऱ्यांच्या मालाची विक्री अधिक पारदर्शक आणि शेतकऱ्यांच्या हिताची होण्यासाठी केंद्र शासनाच्या वतीनं ई-नाम योजना सुरु करण्यात आली आहे. या योजनेअंतर्गत बुलडाणा जिल्ह्यातल्या सात कृषी उत्पन्न बाजार समित्यांमध्ये शेतकऱ्यांना ई-लिलाव पद्धतीनं शेतमाल विक्री करण्याची सुविधा उपलब्ध झाली आहे. आतापर्यंत सुमारे ३० हजार शेतकऱ्यांनी ई-नाम प्रणालीवर नोंदणी केली आहे. २०२४ या वर्षाअखेर जवळजवळ ३५ लाख क्विंटल शेतमालाची विक्री झाली आहे. यातून सुमारे तेराशे कोटी रुपयांहून अधिक रकमेची उलाढाल झाली असून शेतकऱ्यांना आपल्या शेतमालाला योग्य भाव मिळण्यास मदत होत आहे. शेतकऱ्यांनी हमीभाव आणि बाजारभावासाठी नजीकच्या कृषी उत्पन्न बाजार समितीमध्ये ई-नाम प्रणालीवर नोंदणी करुन जास्त भाव देणाऱ्या व्यापाऱ्याकडे शेतमाल विक्री करावा, असं आवाहन सहकारी संस्थाचे जिल्हा उपनिबंधक नानासाहेब चव्हाण यांनी केलं आहे. **** मुंबई इथं काल पार पडलेल्या भारतीय क्रिकेट नियामक मंडळ -बीसीसीआयच्या नमन पुरस्कार सोहळ्यात प्रसिद्ध माजी क्रिकेटपटू सचिन तेंडुलकर यांना कर्नल सी.के. नायडू जीवनगौरव पुरस्काराने सन्मानित करण्यात आलं. दोन दशकांहून अधिक काळ भारतीय क्रिकेटमध्ये दिलेल्या अतुलनीय योगदानाबद्दल आयसीसीचे अध्यक्ष जय शाह यांनी सचिन यांना सन्मानित केलं. भारताचा गोलंदाज जसप्रीत बुमराह याला २०२४ मधल्या त्याच्या उत्कृष्ट कामगिरीसाठी सर्वोत्कृष्ट आंतरराष्ट्रीय क्रिकेटपटू म्हणून पॉली उम्रीगर पुरस्कार देण्यात आला. भारतीय महिला संघाची उपकर्णधार स्मृती मानधनानं चौथ्यांदा सर्वोत्कृष्ट आंतरराष्ट्रीय क्रिकेटपटूचा पुरस्कार जिंकला. बीसीसीआयनं यावेळी अंतरराष्ट्रीय क्रिकेटमधून नुकतीचं निवृत्ती घेतलेल्या आर. अश्विनचाही सत्कार केला. ****

महिलांच्या १९ वर्षांखालील टी-२० विश्वचषकाचा अंतिम सामना आज भारत आणि दक्षिण आफ्रिका संघात सुरु आहे. मलेशियातल्या क्वालालंपूर इथं होत असलेल्या या सामन्यात नाणेफेक जिंकुन दक्षिण अफ्रिका संघानं प्रथम फलंदाजीचा निर्णय घेतला. शेवटचं वृत्त हाती आलं तेव्हा दक्षिण अफ्रिकन संघानं ��३ षटकात ५ खेळाडूंच्या बदल्यात ४५ धावा केल्या आहेत. **** भारत आणि इंग्लंड यांच्यातल्या टी-२० क्रिकेट मालिकेतला पाचवा आणि शेवटचा सामना आज संध्याकाळी मुंबईत खेळला जाणार आहे. या मालिकेत भारताने ३-१ अशी विजयी आघाडी घेतली आहे. दरम्यान, टी-२० मालिकेनंतर दोन्ही संघांमध्ये तीन एकदिवसीय सामने खेळवले जाणार आहेत. पहिला सामना पाच फेब्रुवारी, दुसरा नऊ फेब्रुवारी आणि तिसरा बारा फेब्रुवारी रोजी होणार आहे. ****

नेदरलँडमध्ये काल झालेल्या टाटा स्टील मास्टर्स बुद्धिबळ स्पर्धेत भारतीय ग्रँडमास्टर आर. प्रज्ञानंदाने सर्बियाच्या अलेक्सी श्र्नाचा पराभव केला तर विश्वविजेत्या डि. गुकेशला नेदरलँडच्या जॉर्डी व्हॅन फॉरेस्टने बरोबरीत रोखले. १२ व्या आणि शेवटच्या फेरीनंतर प्रज्ञानंदाने सलग तिसरा विजय मिळवत ८ पुर्णांक ५ गुण मिळवले. ११ व्या फेरीत गुकेश प्रज्ञानंद आणि उझबेकिस्तानच्या नोदिरबेक अब्दुसत्तारोव्ह यांच्यापेक्षा अर्ध्या गुणांनी आघाडीवर होता, पण आता त्याचा सामना अनिर्णित राहील्यानंतर तो प्रज्ञानंदाच्या बरोबरीत आला आहे. दुसरीकडे, अब्दुसत्तारोव्हला भारतीय ग्रँडमास्टर अर्जुन एरिगाईसीकडून पराभव पत्करावा लागला. ****

0 notes

bharatlivenewsmedia · 1 year ago

Text

माजी क्रिकेटपटू बिशन सिंग बेदी यांचे निधन

https://bharatlive.news/?p=175794 माजी क्रिकेटपटू बिशन सिंग बेदी यांचे निधन

पुढारी ऑनलाईन डेस्क : Bishan Singh Bedi ...

0 notes

kokannow · 5 years ago

Photo

या माजी क्रिकेटपटूला कोरोनाची लागण मुंबई : पाकिस्तानी क्रिकेट संघातील माजी क्रिकेटपटू तौफिक उमर याला कोरोनाची लागण झाली आहे. कोरोनाची लागण झालेला तौफिक हा पाकिस्तानमधील पहिला क्रिकेटपटू असल्याचं बोललं जात आहे.

#कोरोनाबाधित #क्रिकेट #माजी क्रिकेटपटू

0 notes

loksutra · 3 years ago

Text

अरुण लाल, 66, ज्याने 2 महिन्यांपूर्वी एका 28 वर्षांच्या मुलीशी लग्न केले होते, म्हणाले- माझे वय वाढत आहे, मी थकलो आहे; बंगाल रणजी प्रशिक्षकपद सोडा - अरुण लाल यांनी सोडले बंगाल रणजी संघाचे प्रशिक्षकपद, म्हणाले- मी थकलो आहे, म्हातारा होत आहे

अरुण लाल, 66, ज्याने 2 महिन्यांपूर्वी एका 28 वर्षांच्या मुलीशी लग्न केले होते, म्हणाले- माझे वय वाढत आहे, मी थकलो आहे; बंगाल रणजी प्रशिक्षकपद सोडा – अरुण लाल यांनी सोडले बंगाल रणजी संघाचे प्रशिक्षकपद, म्हणाले- मी थकलो आहे, म्हातारा होत आहे

भारताचे माजी क्रिकेटपटू अरुण लाल यांनी मंगळवारी म्हणजेच १२ जुलै २०२२ रोजी प्रकृती आणि वैयक्तिक कारणांमुळे बंगाल रणजी संघाच्या प्रशिक्षकपदाचा राजीनामा दिला. तथापि, इंडियन एक्स्प्रेसने गेल्या महिन्यातच लिहिले होते की क्रिकेट असोसिएशन ऑफ बंगाल (CAB) 2022 च्या रणजी ट्रॉफीच्या उपांत्य फेरीत मध्य प्रदेशविरुद्ध बंगालच्या पराभवानंतर अरुण लाल यांना त्यांच्या पदावरून हटवण्याचा विचार करत आहे. बंगाल क्रिकेट…

View On WordPress

#अरुण लाल #अरुण लाल बंगाल प्रशिक्षकाचा राजीनामा #अरुण लाल बंगालच्या प्रशिक्षकाचा राजीनामा #अरुण लाल यांचे लग्न #अरुण लाल यांनी राजीनामा दिला #अरुण लाल लग्न #क्रीडा बातम्या #बंगाल रणजी करंडक #बंगालचे प्रशिक्षक अरुण लाल #बुलबुल साहा #माजी भारतीय क्रिकेटपटू अरुण लाल

0 notes

darshaknews · 3 years ago

Text

झिम्बाब्वेच्या क्रिकेटपटूने एक दीर्घ लेख लिहिला, भारतीय स्पॉट फिक्सर ब्लॅकमेल कसे करायचे ते सांगितले

ब्रेंडन टेलर स्पॉट फिक्सिंग प्रकरण: आंतरराष्ट्रीय क्रिकेटमधून नुकतीच निवृत्ती घेतलेला झिम्बाब्वेचा क्रिकेटपटू ब्रेंडन टेलर याने स्पॉट फिक्सिंगबाबत मोठे रहस्य उघड केले आहे. त्याने ट्विटरवर एक लांब आणि रुंद पोस्ट लिहिली आहे, ज्यामध्ये एका भारतीय व्यावसायिकाने त्याला 2019 मध्ये स्पॉट-फिक्सिंगसाठी खूप ब्लॅकमेल केले आहे. त्यांनी हे देखील सांगितले की, त्यांनी हे संपूर्ण प्रकरण ICC लाचलुचपत प्रतिबंधक…

View On WordPress

0 notes

headlinemarathi · 4 years ago

Photo

माजी क्रिकेटपटू वसीम जाफरवर संघ निवडीत मुस्लिम खेळाडूंना प्राधान्य दिल्याचा आरोप वसीम जाफरने या सर्व आरोपांचे खंडन केले | #WasimJaffer #communalapproach #Uttarakhandselection http://www.headlinemarathi.com/sports-news-marathi/wasim-jaffer-rejects-allegation-of-communal-approach-in-uttarakhand-selection/?feed_id=47693&_unique_id=60280b6789bde

0 notes

airnews-arngbad · 2 months ago

Text

Regional Marathi Text Bulletin, Chhatrapati Sambhajinagar

Date – 05 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०५ डिसेंबर २०२४ सायंकाळी ६.१०

****

राज्याचे २१ वे मुख्यमंत्री म्हणून देवेंद्र फडणवीस यांचं शपथग्रहण-एकनाथ शिंदे आणि अजित पवार यांना उपमुख्यमंत्रिपदाची शपथ

पंतप्रधान नरेंद्र मोदी यांच्यासह अनेक मान्यवरांच्या उपस्थितीत शपथग्रहण सोहळा साजरा

भारतरत्न डॉ. बाबासाहेब आंबेडकर यांच्या अडुसष्टाव्या महापरिनिर्वाण दिनासाठी मुंबई महापालिका सज्ज

आणि

फिडे जागतिक बुद्धीबळ स्पर्धेत भारताचा डी. गुकेश आणि चीनच्या डिंग लेरेन यांच्यातली आठवी फेरीही अनिर्णित

****

राज्याचे २१ वे मुख्यमंत्री म्हणून देवेंद्र फडणवीस यांनी आज शपथ घेतली. पंतप्रधान नरेंद्र मोदी यांच्या उपस्थितीत मुंबईत आझाद मैदानावर झालेल्या या शपथग्रहण सोहळ्यात राज्यपाल सी पी राधाकृष्णन यांनी त्यांना पद आणि गोपनीयतेची शपथ दिली..

बाईट – देवेंद्र फडणवीस

यावेळी माजी मुख्यमंत्री एकनाथ शिंदे यांनी उपमुख्यमंत्री म्हणून शपथ घेतली. देवेंद्र फडणवीस यांच्यापाठोपाठ उपमुख्यमंत्रिपदाची शपथ घेणारे ते दुसरे माजी मुख्यमंत्री ठरले.

बाईट – एकनाथ शिंदे

माजी उपमुख्यमंत्री अजित पवार यांनीही आज उपमुख्यमंत्री पदाची शपथ घेतली, ते सहाव्यांदा राज्याच्या उपमुख्यमंत्रिपदावर विराजमान झाले आहेत.

बाईट – अजित पवार

या सोहळ्याला केंद्रीय मंत्रिमंडळातले मान्यवर सदस्य अमित शहा, जे पी नड्डा, राजनाथसिंह, नितीन गडकरी, अश्विनी वैष्णव, पियुष गोयल, निर्मला सीतारामन, शिवराजसिंह चौहान, ज्योतिरादित्य शिंदे, रक्षा खडसे, मुरलीधर मोहोळ, रामदास आठवले, उत्तरप्रदेशचे मुख्यमंत्री योगी आदित्यनाथ, बिहारचे मुख्यमंत्री नीतीशकुमार, गुजराथचे मुख्यमंत्री भुपेंद्र पटेल, मध्यप्रदेशचे मुख्यमंत्री मोहन यादव, छत्तीसगडचे मुख्यमंत्री विष्णुदेव साय, आसामचे मुख्यमंत्री हेमंत बिस्वशर्मा, उत्तराखंडचे मुख्यमंत्री पुष्करसिंह धामी, गोव्याचे मुख्यमंत्री प्रमोद सावंत, आंध्रप्रदेशचे मुख्यमंत्री चंद्रबाबू नायडू तसंच उपमुख्यमंत्री पवन कल्याण, यांच्यासह अनेक राज्यांचे मुख्यमंत्री, विविध राजकीय पक्षांचे नेते, अंबानी कुटुंबीयांसह अनेक उद्योजक, अभिनेत्री माधुरी दीक्षितसह सिनेसृष्टीतले कलावंत, आणि क्रिकेटपटू भारतरत्न सचिन तेंडुलकर यांच्यासह अनेक क्षेत्रातले मान्यवर या शपथग्रहण सोहळ्याला उपस्थित होते. प्रसिद्ध गायक संगीतकार अजय अतुल यांच्या गायनासह विविध सांस्कृतिक कार्यक्रम यावेळी सादर झाले.

****

भारतीय वि��ान विधेयक २०२४ वर आज राज्यसभेत पुन्हा चर्चा सुरू झाली. लोकसभेने हे विधेयक आधीच मंजूर केले आहे. हे विधेयक केंद्र सरकारला कोणत्याही विमानाचा आराखडा, उत्पादन, देखभाल, विक्री, निर्यात किंवा आयात यांचे नियमन करण्याचे आणि विमानाच्या कार्यान्वयनाच्या सुरक्षेचे नियम निर्धारित करण्याचा अधिकार देते. विमान वाहतूक क्षेत्रात बरीच प्रगती झाल्याचं भारतीय जनता पक्षाचे शंभू शरण यांनी यासंदर्भातल्या चर्चेत सहभागी होताना सांगितलं. गेल्या दहा वर्षांत देशांतर्गत हवाई प्रवाशांची संख्या दुपटीने वाढली असल्याचं शरण यांनी नमूद केलं.

देशभरात १५७ विमानतळ कार्यरत असल्याची माहिती, नागरी विमान वाहतूक मंत्री किंजरापू राम मोहन नायडू यांनी दिली. लोकसभेत ते आज पुरवणी प्रश्नाला उत्तर देताना बोलत होते. केंद्र सरकारने देशभरात विमानतळाचं जाळं विस्तारलं असून, देशांतर्गत हवाई वाहतुकीने एकाच दिवसात पाच लाखांहून अधिक प्रवाशांचा टप्पा गाठला असल्याचं, नायडू यांनी सांगितलं.

****

अदानी लाचखोरी प्रकरणी आज संसदेच्या परिसरात विरोधी पक्षांनी जोरदार निदर्शने केली. विरोधी पक्ष नेता काँग्रेस खासदार राहुल गांधी यांच्यासह राजद, डीएमके आदी प्रमुख विरोधी पक्षांनी निदर्शनं केली या प्रकरणाची संसदेच्या संयुक्त समितीतर्फे चौकशी करण्याची मागणी यावेळी विरोधकांनी केली.

परदेशातून देशहितावर होत असलेल्या हल्ल्यांचा मुद्दा भाजपा खासदार सुधांशु त्रिवेदी यांनी राज्यसभेत शून्य प्रहरात उपस्थित केला. त्यावर सभापती जगदीप धनखड यांनी हा गंभीर मुद्दा असल्याचं सांगत त्यावर अधिक वेळ चर्चा करण्याची सूचना केली. त्यावर विरोधी पक्षाच्या खासदारांनी जोरदार आक्षेप घेतला. त्यानंतर झालेल्या गोंधळात राज्यसभेचं कामकाज १२ वाजेपर्यंत तहकूब करण्यात आलं. त्यानंतर पुन्हा कामकाजाला सुरुवात झाली.

****

भारतीय रिझर्व्ह बँकेचं वित्त धोरण उद्या जाहीर होणार आहे. बँकेनं फेब्रुवारी २०२३ पासून रेपो दरात कोणताही बदल केलेला नसून, तो सहा पूर्णांक पाच टक्क्यांवर स्थिर राखला आहे. दरम्यान, रिझर्व्ह बँकेनं युपीआय लाइटची मर्यादा ५०० रुपयांवरुन एक हजार रुपये केली आहे. मात्र, एकंदर मर्यादा पाच हजार असल्याचं बँकेनं जारी केलेल्या अधिसूचनेत म्हटलं आहे. या नवीन मर्यादा तत्काळ प्रभावाने लागू करण्यात आल्या आहेत.

****

भारतीय अंतराळ संशोधन संस्था इस्रोने आज श्रीहरिकोटा इथं सती�� धवन अंतराळ केंद्रात PROBA तीन अंतराळयान घेऊन जाणारे PSLV C एकोणसाठचे यशस्वी प्रक्षेपण केले. PROBA 3 हे युरोपियन स्पेस एजन्सीचे इन ऑर्बिट प्रात्यक्षिक मिशन ��हे. हे मिशन अचूक उपग्रह स्थिती, निर्मिती उडाणे, अधिग्रहण आणि समीपता ऑपरेशन्ससाठी नवीन तंत्रज्ञान प्रदर्शित करेल.

****

भारतरत्न डॉ. बाबासाहेब आंबेडकर यांच्या अडुसष्टाव्या महापरिनिर्वाण दिनानिमित्त राज्यभरातून येणाऱ्या अनुयायांसाठी मुंबईत चैत्यभूमीवर महापालिकेने पायाभूत सुविधा केल्या आहेत. पालिकेकडून नियंत्रण कक्ष, रुग्णवाहिका, आरोग्य सेवा, पिण्याच्या पाण्याची व्यवस्था, शौचालये आदी सोयी-सुविधा उपलब्ध करून देण्यात आल्या आहेत. चैत्यभूमी परिसरात लावलेल्या एलईडी स्क्रीनवर थेट प्रक्षेपण केलं जाणार आहे.

दरम्यान, छत्रपती संभाजीनगर इथं डॉ बाबासाहेब आंबेडकर मराठवाडा विद्यापीठ प्रवेशद्वार परिसरात असलेल्या बाबासाहेबांच्या पुतळ्याला नागरिकांनी अभिवादन करण्याचं आवाहन महापालिकेकडून करण्यात आलं आहे.

****

छाया-प्रकाश फाऊंडेशनचे यंदाचे पुरस्कार जाहीर झाले आहेत. अभिनेते भरत दाभोळकर, ज्येष्ठ पत्रकार कुमार केतकर, अभिनेते किशोर कदम आणि युवा चित्रकार सिद्धार्थ शिंगाडे यांना यंदा या पुरस्कारानं गौरवण्यात येणार आहे. येत्या २१ डिसेंबरला सोलापुरात मॅगसेसे पुरस्कार विजेत्या सामाजिक कार्यकर्त्या अरुणा रॉय यांच्या हस्ते पुरस्कार प्रदान सोहळा होणार आहे. एक लाख रूपये रोख आणि मानपत्र असं पुरस्कारांचं स्वरूप आहे. याच कार्यक्रमात दोन शिक्षकांचा गौरव आणि २९ गुणवान विद्यार्थ्यांना ८ लाख रुपये इतक्या रकमेची शिष्यवृत्ती देण्यात येणार आहे, अशी माहिती फाऊंडेशनचे अध्यक्ष आणि दिल्ली हायकोर्टाचे निवृत्त मुख्य न्यायमूर्ती अजित शहा यांनी दिली.

****

सिंगापूर इथं सुरु असलेल्या, यंदाच्या फिडे जागतिक बुद्धीबळ स्पर्धेत, भारताच्या डी. गुकेश आणि चीनच्या डिंग लेरेन यांच्यातली आठवी फेरीही अनिर्णित राहिली. दोघांनाही प्रत्येकी ४ गुण मिळाले असून त्यांच्यातील अनिर्णित राहिलेली ही सलग पाचवी फेरी आहे. त्यांनी आतापर्यंत एक एक गेम जिंकला असून त्यांचे ६ गेम अनिर्णित राहिले आहेत. या स्पर्धेचं अजिंक्यपद जिंकण्यासाठी दोघांनाही प्रत्येकी ३ पूर्णांक ५ दशांश गुणांची आवश्यकता आहे.

****

भारत आणि ऑस्ट्रेलियादरम्यान सुरु असलेल्या बॉर्डर-गावस्कर चषक कसोटी क्रिकेट मालिकेतला दुसरा सामना उद्यापासून ॲडलेड इथं खेळला जाणार आहे. पहिला सामना जिंकून भारत मालिकेत एक - शून्यनं आघाडीवर आहे.

****

छत्रपती संभाजी नगर महानगरपालिकेचे ०४ ��िद्यार्थी युरोप खंडातील एस्टोनिया या शहरात होणाऱ्या जागतिक रोबोटिक स्पर्धेकरिता रवाना झाले आहेत. मनपा पदाधिकाऱ्यांनी या चमूला शुभेच्छा दिल्या.

****

जालना शहर महानगरपालिकेच्या अधिकृत परवानगीशिवाय शहरात बेकायदेशीररित्या होर्डिंग आणि फलक लावणाऱ्या २२ अस्थापनांवर महापालिका प्रशासनानं गुन्हे दाखल केले आहेत. तसेच महापालिकेच्या पथकानं अनेक ठिकाणचे अनधिकृत फलकही जप्त केले आहेत. शहरातल्या आस्थापनांसह नागरिकांनी महापालिकेची रितसर परवानगी घेऊनच होर्डिंग लावावेत अन्यथा बेकायदेशीर लावलेले होर्डिंग, बॅनर जप्त करून संबंधितांवर गुन्हा दाखल करण्यात येईलं, असं महापालिकेचे आयुक्त संतोष खांडेकर यांनी सांगितलं.

****

धुळे जिल्ह्यातील साक्री तालुक्यात दातर्ती गावात बिबट्याने केलेल्या हल्ल्यात एका शेतातील १५ शेळ्या मारल्या गेल्या असून ३ जखमी झाल्या आहेत. दादाजी त्र्यंबक यांच्या शेतातील या शेळ्यांवर बिबट्याने काल मध्यरात्री हल्ला केल्याचे आमच्या वार्ताहरानं सांगितलं. परिसरामध्ये बिबटचा वावर असल्याने रात्री अपरात्री शेतांमध्ये जाताना शेतकऱ्यांनी एकटे दुकटे जाऊ नये. शेतात वास्तव्य असणाऱ्या शेतकऱ्यांनी स्वतःच्या सुरक्षिततेसाठी सजग राहावे तसंच शेतातल्या जनावरांची सुरक्षा वाढवावी असे निर्देश साक्रीचे वनक्षेत्र अधिकारी व्ही.के. खैरनार यांनी दिले आहेत.

****

0 notes

bharatlivenewsmedia · 2 years ago

Text

भारताचा माजी क्रिकेटपटू बनला बांगलादेश संघाचा प्रशिक्षक

भारताचा माजी क्रिकेटपटू बनला बांगलादेश संघाचा प्रशिक्षक नवी दिल्ली – भारतीय संघाचा माजी आंतरराष्ट्रीय क्रिकेटपटू श्रीधरन श्रीराम याच्याशी बांगलादेश क्रिकेट मंडळाने करार केला आहे. या करारानूसार यंदाच्या मोसमापासून तो बांगलादेशच्या प्रमुख आंतरराष्ट्रीय संघाचा प्रशिक्षक म्हणून काम करणार आहे. गेल्या दोन मोसमांत बांगलादेश संघाला सातत्याने अपयशाचा सामना करावा लागत आहे. त्यातच त्यांना वेस्ट इंडीज व…

View On WordPress

#आताची बातमी #क्रिकेटपटू #ट्रेंडिंग बातमी #न्यूज अपडेट मराठी #प्रशिक्षक #फ्रेश बातमी #बनला #बांगलादेश #बातम्या #भारत देशातील बातम्या #भारत लाईव्ह न्यूज मीडिया #भारताचा #मराठी भाषेतील बातम्या #मराठी समाचार #महाराष्ट्राची बातमी #माजी #रेगुलर अपडेट #वायरल बातमी #संघाचा

0 notes

kokannow · 4 years ago

Text

भारताचा माजी क्रिकेटपटू इरफान पठाण कोरोना पॉझिटिव्ह

नवी दिल्ली – भारताचा माजी अष्टपैलू क्रिकेटपटू इरफान पठाण याला कोरोनाची लागण झाली आहे. इरफानने सोमवारी ट्विट करून याबाबत माहिती दिली. ‘कोणतीही लक्षणे नसताना माझी कोरोना चाचणी पॉझिटिव्ह आली आहे. मी स्वत:ला घरीच आयसोलेट केले आहे. माझ्याशी संपर्क साधलेल्यांनी चाचणी करावी. मी सर्वांना विनंती करतो की मास्क घाला आणि सोशल डिस्टन्सिंगचे पालन करा. स्वत:ची काळजी घ्या आणि सुरक्षित राहा’, असे इरफानने ��्हटले…

View On WordPress

0 notes

loksutra · 3 years ago

Text

बेट राष्ट्रात इंधनाच्या संकटाच्या वेळी, विश्वचषक विजेते श्रीलंकेचा फलंदाज रोशन महानामा पेट्रोल पंपावर चहा आणि बन देतात

1948 मध्ये युनायटेड किंग्डमपासून स्वातंत्र्य मिळाल्यानंतर श्रीलंका सर्वात वाईट आर्थिक मंदीतून जात आहे. गेल्या वर्षाच्या अखेरीपासून देशात अन्न, औषधे आणि इंधन यासारख्या जीवनावश्यक वस्तूंची तीव्र टंचाई जाणवत आहे. महागाईनेही विक्रमी उच्चांक गाठला आहे. या सगळ्यामध्ये श्रीलंका क्रिकेट संघाचा माजी सलामीवीर रोशन महानामा पेट्रोल पंपावर चहा पिताना दिसला. रोशन महानामा हा १९९६ मध्ये विश्वचषक जिंकणाऱ्या…

View On WordPress

#1996 विश्वचषक जिंकणारा श्रीलंकेचा संघ #आंतरराष्ट्रीय क्रिकेटपटू #चहा #चहा बन सर्व्ह करताना महानामा #पेट्रोल पंप #महान चहा बनवते #माजी क्रिकेटपटू रोशन महानामा #रोशन महानामा #श्रीलंकेची सर्वात वाईट स्थिती #श्रीलंकेचे आर्थिक संकट #श्रीलंकेचे संकट #श्रीलंकेत आर्थिक संकट #श्रीलंकेतील राजकीय संकट

0 notes

darshaknews · 3 years ago

Text

वीरेंद्र सेहवाग झाला दिनेश कार्तिकचा चाहता, कौतुकात शेअर केला एक मजेदार मीम

भारत विरुद्ध दक्षिण आफ्रिका: दक्षिण आफ्रिकेविरुद्धच्या मालिकेत स्टार फलंदाज दिनेश कार्तिकने दमदार पुनरागमन केले आहे. कार्तिकने 16 वर्षांच्या टी-20 कारकिर्दीतील पहिले अर्धशतक झळकावले आहे. पण कार्तिकची ही खेळी इतकी शानदार होती की, माजी भारतीय क्रिकेटपटू वीरेंद्र सेहवाग आणि सुरेश रैनाही त्याचे चाहते झाले. सेहवाग आणि रैनाने दक्षिण आफ्रिकेविरुद्धच्या चौथ्या T20 आंतरराष्ट्रीय सामन्यात यष्टीरक्षक फलंदाज…

View On WordPress

#IND वि SA #INDvSA #टीम इंडिया #दक्षिण आफ्रिका #दिनेश कार्तिक #भारत विरुद्ध दक्षिण आफ्रिका #वीरेंद्र सेहवाग #सुरेश रैना

0 notes

marathinewslive · 4 years ago

Text

डॅनी मॉरिसन: न्यूझीलंडचा एक उत्कृष्ट वेगवान गोलंदाज | वाढदिवसाच्या हार्दिक शुभेच्छाः या क्रिकेटपटू-भाष्यकाराने मैदानावर अँकर उंचावून हेडलाइट केले

डिजिटल डेस्क (भोपाळ). 1966 मध्ये जन्मलेला न्यूझीलंडचा माजी क्रिकेटपटू डॅनी मॉरिसन आज (3 फेब्रुवारी) आपला 55 वा वाढदिवस साजरा करीत आहे. क्रिकेटरमधून लोकप्रिय भाष्यकार बनल्यानंतर, मैदानावरच्या त्यांच्या कृत्यांमुळे तो सर्वाधिक चर्चेत राहतो. २०१ny च्या आयपीएलमध्ये डॅनीने अँकर करिश्मा कोटकला निवडले होते. टीव्ही शो एक्स्ट्रा इननिंग दरम्यान दोघे जमीनीवर थेट कमेंट्री करत होते. मग तिने करिश्माला मांडीवर…

View On WordPress

#dainikbhaskarhindi ब्रेकिंग न्यूज #dainikbhaskarhindiMedia #क्रिकेट #क्रीडा बातम्या #खेळ #डॅनियल काईल मॉरिसन हा न्यूझीलंडचा क्रिकेट भाष्य करणारा आणि माजी क्रिकेटपटू आहे #डॅनी मॉरिसन #डॅनी मॉरिसन करिश्मा कोटक #ताजी बातमी #ताज्या हिंदी बातम्या #दैनिक भास्कर हिंदी #दैनिक भास्करकिंदीची बातमी #दैनिकभास्कर हिंदी #दैनिकभास्करिंधि #भास्करकिंदी बातमी #हिंदी बातम्या #हिंदी बातम्या आज #हिंदी बातम्या थेट #हिंदी मध्ये बातमी

0 notes

airnews-arngbad · 4 months ago

Text

Regional Marathi Text Bulletin, Chhatrapati Sambhajinagar

Date – 03 October 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०३ ऑक्टोबर २०२४ सायंकाळी ६.१०

****

आदिशक्तीच्या साडेतीन शक्तीपीठांसह सर्वत्र घटस्थापनेनं शारदीय नवरात्रोत्सवाला प्रारंभ.

अल्पवयीन आरोपींची वयोमर्यादा १८ वरून १४ वर्ष करण्याचा विचार-उपमुख्यमंत्री अजित पवार.

आर्थिक गैरव्यवहार प्रकरणी माजी क्रिकेटपटू मोहम्मद अझहरुद्दीन यांना ईडीचं समन्स जारी.

आणि

महिलांच्या आयसीसी टी-ट्वेंटी विश्वकरंडक स्पर्धेला आजपासून शारजा इथं सुरुवात.

****

शारदीय नवरात्रोत्सवाला आजपासून प्रारंभ झाला. राज्यात आदिशक्तीच्या साडे तीन शक्तीपीठांसह देवीच्या सर्वच मंदिरांमध्ये पारंपरिक पद्धतीनं घटस्थापना करण्यात आली.

धाराशिव जिल्ह्यात तुळजापूर इथल्या तुळजाभवानी मातेच्या मंदिरात मंदिर समितीचे अध्यक्ष तथा धाराशिवचे जिल्हाधिकारी डॉ. सचिन ओंबासे यांच्या हस्ते सपत्नीक विधिवत घटस्थापना करण्यात आली. त्यापूर्वी घटाची कल्लोळतीर्थापासून वाजत गाजत मिरवणूक करण्यात आली. यावेळी आमदार राणा जगजितसिंह पाटील यांच्यासह भाविक मोठ्या संख्येने उपस्थित होते. नऊ दिवस चालणाऱ्या या शारदीय नवरात्र महोत्सवात देवीच्या विविध अलंकार महापूजा मांडण्यात येतात.

****

नांदेड जिल्ह्यात माहूर इथंही रेणुका देवीच्या नवरात्रोत्‍सवाला आज घटस्थापनेनं प्रारंभ झाला. नागरिकांनी आज पहिल्या माळेला देवीच्या दर्शनासाठी मोठी गर्दी केल्याचं दिसून आलं. महसूल मंत्री राधाकृष्ण विखे पाटील यांनी आज रेणुकामातेचं दर्शन घेतलं. नवरात्रोत्सव कालावधीत भाविकांच्या वाहतुक सेवेसाठी एसटीच्या ११० बस उपलब्ध राहणार आहेत. तसंच ३ आरोग्य पथकंही नियुक्त करण्यात आली आहेत

****

कोल्हापूर इथं करवीर निवासिनी अंबाबाई देवीची पूजा श्रीसूक्तवर्णित श्रीमहालक्ष्मी रुपात बांधण्यात आली. मंदिरात सकाळी अभिषेक पूजा झाल्यानंतर घटस्थापना झाली. यानंतर तोफेची सलामी देण्यात आली. पश्चिम महाराष्ट्र देवस्थान समितीचे सचिव शिवराज नाईकवाडे यांच्या हस्ते शासकीय अभिषेक पूजा करण्यात आली.

****

नाशिक जिल्ह्यात वणी इथं सप्तशृंगी देवीची प्रधान आणि जिल्हा सत्र न्यायाधीश श्रीचंद जगमलानी यांच्या हस्ते सकाळी महापूजा करण्यात आली. त्यापूर्वी देवीच्या अलंकाराची भव्य मिरवणूक काढण्यात आली. त्यानंतर गडावर महापूजा करून घटस्थापना करण्यात आली.

****

अंबाजोगाई इथं श्री योगेश्वरी देवीची बीडचे जिल्हाधिकारी अविनाश पाठक यांनी आज सकाळी सपत्निक महापूजा केली. वर्णीपूजेनंतर घटस्थापनेनं देवीच्या नवरात्राला प्रारंभ झाला. १२ ऑक्टोबरपर्यंत चालणाऱ्या या उत्सवात दररोज भजन, कीर्तन, प्रवचन, आदी उपक्रम राबवले जाणार आहेत.

****

खान्देश कुलस्वामिनी असलेल्या धुळ्याच्या एकविरा देवीची आज नवरात्राच्या पहिल्या दिवशी खासदार डॉ. शोभा दिनेश बच्छाव यांच्याहस्ते पूजा आरती करण्यात आली, भाविकांनी देवीच्या दर्शनासाठी मोठी गर्दी केली आहे.

****

छत्रपती संभाजीनगर इथं कर्णपुरा परिसरातील तुळजाभवनी मंदीरात, सिडको इथल्या रेणुका माता मंदीरात तसच हर्सुल इथल्या हरसिध्दी माता मंदीरासह शहरातील विविध मंदीरात घटस्थापना करण्यात आली आहे. कर्णपुरा मंदीरात विधान परिषदेचे विरोधी पक्ष नेते अंबादास दानवे यांच्या हस्ते आज घटस्थापनेनंतर आरती करण्यात आली.

****

नागपूर जिह्यातल्या कोराडी इथल्या श्री महालक्ष्मी जगदंबेच्या आश्विन नवरात्र उत्सवाला आज मोठ्या आनंदात सुरुवात झाली. काँग्रेस पक्षाच्या प्रदेश समितीचे अध्यक्ष नाना पटोले यांनी आज श्री महालक्ष्मी जगदंबेचे दर्शन घेतलं.

****

धम्मचक्र प्रवर्तन दिनाच्या अनुषंगाने नागपूर इथं दीक्षाभूमीवर येणाऱ्या लाखो बौद्ध अनुयायांच्या सोयीसाठी आवश्यक सुविधांची तयारी लवकरात लवकर पूर्ण करा, असे निर्देश नागपूर महानगर पालिका आयुक्त तथा प्रशासक डॉ. अभिजीत चौधरी यांनी दिले आहेत. धम्मचक्र प्रवर्तन दिनाच्या अनुषंगाने दीक्षाभूमीवरील सुविधांचा चौधरी यांनी आज आढावा घेतला, त्यावेळी ते बोलत होते. यावेळी अधिकारी कर्मचारी उपस्थित होते.

****

बुलढाणा जिल्ह्यात खामगांव तालुक्यातल्या घाटपुरी इथं श्री महर्षी वेद व्यास प्रतिष्ठान, आळंदी अंतर्गत जय जगदंबा वेद विद्यालयाच्या नवीन वास्तूचं मुख्यमंत्री एकनाथ शिंदे यांच्या हस्ते आज भूमिपूजन करण्यात आलं. यावेळी संस्थांनच्या वतीने मुख्यमंत्र्यांचा स्मृतिचिन्ह देवून सत्कार करण्यात आला. याप्रसंगी मुख्यमंत्र्यांनी वारकऱ्यांशी संवाद साधला. या भूमिपूजन कार्यक्रमास केंद्रीय आरोग्य आणि कुटुंब कल्याण तथा आयुष राज्यमंत्री प्रतापराव जाधव, अयोध्येच्या श्रीराम जन्मभूमी तिर्थक्षेत्राचे कोषाध्यक्ष स्वामी गोविंददेव गिरी महाराज, आमदार आकाश फुंडकर, आमदार संजय गायकवाड, यांच्यासह अनेक मान्यवर उपस्थित होते.

****

अल्पवयीन आरोपींची वयोमर्यादा १८ वरून १४ वर्ष करण्याचा विचार असल्याचं, राज्याचे उपमुख्यमंत्री अजित पवार यांनी म्हटलं आहे. य��संदर्भात मुख्यमंत्री एकनाथ शिंदे, तसंच केंद्रीय गृहमंत्री अमित शा�� यांच्याशी चर्चा करणार असल्याचं त्यांनी सांगितलं. अधिकारी वर्गाकडूनही अशी मागणी केली जात असल्याचं पवार यांनी सांगितलं.

****

राज्य शासनाने युवकांच्या विकासासाठी कौशल्य विद्यापीठ स्थापन केलं, ही अत्यंत अभिमानाची बाब असून राज्याच्या कौशल्य विकास विभागाने नाविन्यपूर्ण उपक्रमाद्वारे देशात आपली वेगळी ओळख निर्माण केली, असे कौतुकोद्गार केंद्रीय कौशल्य विकास आणि उद्योजकता राज्यमंत्री जयंत चौधरी यांनी काढले आहेत. मुंबईच्या एल्फिन्स्टन तांत्रिक विद्यालय इथं आय. टी. आय मुंबईचे नामकरण भारतरत्न डॉ. बाबासाहेब आंबेडकर शासकीय औद्योगिक प्रशिक्षण संस्था, मुंबई असं करण्यात आलं, त्यावेळी ते बोलत होते. महाराष्ट्र हे देशातील एकमेव कौशल्य विद्यापीठ आहे, ज्यामध्ये कौशल्ययुक्त शिक्षण देऊन प्रत्यक्ष रोजगार देण्यावर भर दिला जात आहे, असं चौधरी म्हणाले.

****

हैदराबाद मुक्तीसंग्रामाचे नेते माजी खासदार व्यंकटेश भगवानराव खेडगीकर उर्फ स्वामी रामानंद तीर्थ यांची एकशे एकवीसावी जयंती आज साजरी होत आहे. यानिमित्तानं मराठवाड्यात स्वामीजींना अभिवादन करून त्यांच्या कार्याला उजाळा देण्यात आला. मुख्यमंत्री एकनाथ शिंदे यांनी स्वामीजींना ट्विट संदेशातून आदरांजली अर्पण केली. हैद्राबाद मुक्तीसाठी सर्वस्व पणाला लावणारे सेनापती तसंच आध्यात्मिकता आणि राजकारण यांचा विलक्षण संयोग साधणारे लोकप्रिय नेतृत्व, शिक्षणतज्ज्ञ स्वामी रामानंद तीर्थ यांच्या मौलिक जीवनप्रवासास विनम्र अभिवादन, असं मुख्यमंत्र्यांनी या संदेशात म्हटलं आहे.

****

काँग्रेस नेते लोकसभेतील विरोधी पक्ष नेते खासदार राहुल गांधी उद्यापासून दोन दिवसांच्या कोल्हापूर दौऱ्यावर येत आहेत. कसबा बावडा इथल्या भगवा चौकात छत्रपती शिवाजी महाराज यांच्या पूर्णाकृती पुतळ्याचं अनावरण गांधी यांच्या हस्ते होणार असून शनिवारी होणाऱ्या संविधान सन्मान संमेलनाला ते उपस्थित राहणार आहेत, विधान परिषदेतील काँग्रेसचे गटनेते आमदार सतेज पाटील यांनी ही माहिती दिली.

****

हैदराबाद क्रिकेट असोसिएशनमध्ये अध्यक्षपदाच्या कार्यकाळात आर्थिक गैरव्यवहार केल्या प्रकरणी सक्तवसुली संचालनालयाने माजी क्रिकेटपटू मोहम्मद अझहरुद्दीन यांच्या विरोधात समन्स जारी केलं आहे. हैदराबादच्या उप्पल इथल्या राजीव गांधी क्रिकेट मैदानासाठी डिझेल जनरेटर, अग्निशामक यंत्रणा आणि छत यांच्या खरेदीत २० कोटी रुपयांचा कथित गैरव्यवहार केल्याच्या प्रकरणावरुन हे समन्स जारी करण्यात आलं आहे.

****

महिलांच्या आयसीसी टी-ट्वेंटी विश्व करंडक स्पर्धेला आजपासून शारजा इथं सुरुवात होत आहे. बांग्लादेश आणि प्रथमच खेळणारा स्��ॉटलंड यांच्या उद्घाटनाचा सामना होत आहे. भारताचा पहिला सामना उद्या न्यूझीलंडसोबत होणार आहे. येत्या २० तारखेपर्यंत चालणाऱ्या या स्पर्धेत दहा संघ उतरले आहेत. ऑस्ट्रेलियाच्या महिलांनी या स्पर्धेत मागील तीनही वेळा विजेतेपद मिळवलं असून, भारतीय संघाला अद्याप एकदाही विजेतेपद मिळालेलं नाही. मुख्य स्पर्धेपूर्वी झालेल्या सराव सामन्यांमध्ये भारतीय महिलांनी दक्षिण आफ्रिका आणि वेस्ट इंडीज यांना पराभूत केलं.

****

धाराशिव जिल्ह्यातल्या परंडा इथले शिवसेनेचे माजी आमदार ज्ञानेश्वर पाटील यांच्या पार्थिव देहावर आज दुपारी परांडा इथं अंत्यसंस्कार करण्यात आले. यावेळी खासदार ओमप्रकाश राजे निंबाळकर, माजी खासदार रवींद्र गायकवाड, आमदार विक्रम काळे, धाराशिवचे आमदार कैलास पाटील यांच्यासह सर्वपक्षीय राजकीय लोकप्रतिनिधी तसेच भूम परंडा वाशी परिसरातील हजारो नागरिक उपस्थित होते.

****

छत्रपती संभाजीनगर इथं लायन्स इंटरनॅशनल क्लबच्या वतीने येत्या ८ ऑक्टोबरपर्यंत शहरात लायन्स सेवा सप्ताह साजरा करण्यात येत आहे. आज शहरातल्या उल्लकानगरी इथं स्वच्छता अभियान आणि रक्तदान शिबिर घेण्यात आलं. याप्रसंगी महानगरपालिकेच्या स्वच्छता कर्मचाऱ्यांना सन्मानचिन्ह देऊन गौरवण्यात आलं. यंदाच्या वर्षी १५ समाजोपयोगी उपक्रम राबवून सेवा सप्ताह साजरा करण्यात येणार आहे, अशी माहिती लायन्स क्लबचे अध्यक्ष नंदकिशोर मालपाणी यांनी दिली आहे

****

परभणी इथं विविध तपासणी केलेल्या ४ हजार ज्येष्ठ नागरिकांना विविध प्रकारच्या १७ हजार सहाय्यक साधनांचं उद्या मोफत वाटप करण्यात येणार आहे. एकाच मतदार संघात सर्वाधीक लाभार्थी असणारा हा देशातील पहिलाच उपक्रम असल्याची माहिती परभणीचे आमदार डॉ.राहुल पाटील यांनी दिली आहे. काठी, कोपर काठी, अल्युमिनीयम कुबड्या, तीन पायाची काठी, चार पायाची काठी, श्रवणयंत्र, घडीचे वॉकर, नंबरचा चष्मा, चाकांची खुर्ची आदी साहित्याच्या समावेश.

****

0 notes