#घेतील

[airnews-arngbad]

Regional Marathi Text Bulletin, Chhatrapati Sambhajinagar

Date – 22 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २२ डिसेंबर २०२४ सायंकाळी ६.१०

****

पंतप्रधान मोदी यांना कुवेतचा ‘ऑर्डर ऑफ मुबारक अल कबीर’ हा सर्वोच्च सन्मान प्रदान

संपूर्ण समाजात सलोखा निर्माण होण्यासाठी सदैव प्रयत्नशील राहणार -  सामाजिक न्याय मंत्री संजय शिरसाट

चांगलं आणि उत्तम शिक्षण देणं हे ध्येय : शालेय शिक्षण मंत्री दादा भुसे

आणि

१९ वर्षांखालील मुलींच्या आशिया चषक क्रिकेट टी-ट्वेंटी स्पर्धेचं भारताला विजेतेपद

****

पंतप्रधान नरेंद्र मोदी यांना कुवेतच्या सर्वोच्च राष्ट्रीय पुरस्कारानं सन्मानित करण्यात आलं आहे. कुवेतचे अमीर, हिज हायनेस शेख मशाल अल-अहमद अल-जाबेर अल-सबा यांनी आज पंतप्रधानांना कुवेतचा सर्वोच्च राष्ट्रीय पुरस्कार “ऑर्डर ऑफ मुबारक अल-कबीर” प्रदान केला. कुवेतचे पंतप्रधान हिज हायनेस शेख अहमद अल-अब्दुल्ला अल-अहमद अल-सबा देखील उपस्थित होते. पंतप्रधानांनी हा पुरस्कार भारत आणि कुवेत यांच्यातील दीर्घकालीन मैत्रीला, कुवेतमधील भारतीय समुदायाला आणि एक अब्ज चाळीस लाख भारतीय नागरिकांना अर्पण केला. ४३ वर्षांनंतर भारताच्या पंतप्रधानांच्या कुवेतच्या ऐतिहासिक भेटीवेळी प्रदान करण्यात आलेल्या या पुरस्काराला विशेष महत्त्व आहे. हा पुरस्कार १९७४ पासून प्रदान करण्यात येत असून तो निवडक जागतिक नेत्यांना देण्यात येतो. पंतप्रधान मोदी यांना प्राप्त झालेला हा विसावा आंतरराष्ट्रीय सन्मान असल्याचं परराष्ट्र मंत्रालयानं म्हटलं आहे.

****

दरम्यान, आपल्या दोन दिवसांच्या कुवेत दौऱ्यात काल मोदी यांनी एका विशेष कार्यक्रमात कुवेतमधील भारतीय जनसमुदायाला संबोधित केलं. कुवैतच्या वि��ासात आणि भारत-कुवैत संबंधांच्या मजबूतीकरणात भारतीयांची मोठी भूमिका राहिली असल्याचं त्यांनी म्हटलं. भारतीय समुदायाला प्रवासी भारतीय दिवस आणि पुढील महिन्यात आयोजित होणाऱ्या महाकुंभ मेळ्यात सहभागी होण्याचं आमंत्रणही पंतप्रधान मोदी यांनी यावेळी दिलं. पंतप्रधानांनी आपल्या या दौऱ्यात १०१ वर्षीय भारतीय परराष्ट्र सेवेतले माजी अधिकारी मंगल सैन हांडा यांची भेट घेतली. २६व्या अरेबियन गल्फ चषक फुटबॉल स्पर्धेच्या उद्घाटन सोहळ्यालाही पंतप्रधान मोदी प्रमुख पाहुणे म्हणून उपस्थित होते. याप्रसंगी त्यांनी कुवैतच्या नेत्यांसोबत अनौपचारिक चर्चा केली.

****

मुख्यमंत्री देवेंद्र फडणवीस आज अहिल्यानगर दौऱ्यावर आहेत. त्यांच्या आगमनाप्रसंगी ज्येष्ठ समाजसेवक अण्णा हजारे यांनी मुख्यमंत्र्यांची भेट घेऊन त्यांचं अभिनंदन केलं. हिवरे बाजार इथं एका खासगी कार्यक्रमाला मुख्यमंत्र्यांनी हजेरी लावली असता, हिवरे बाजार ग्रामस्थांच्या वतीनं मानपत्र देऊन मुख्यमत्र्यांचा सन्मान करण्यात आला.

****

संपूर्ण समाजात सलोखा निर्माण होण्यासाठी सदैव प्रयत्नशील राहणार असल्याचं, सामाजिक न्याय मंत्री संजय शिरसाट यांनी म्हटलं आहे. ते आज छत्रपती संभाजीनगर इथं वार्ताहरांशी बोलत होते. उद्या बीड आणि परभणी इथं आपण असून, तिथं घडलेल्या दोन्ही घटनांचा बारकाईनं अभ्यास करुन, सत्य परिस्थितीचा अहवाल मुख्यमंत्र्यांकडे सादर करणार असल्याचं शिरसाट यांनी सांगितलं.

दरम्यान, बहुजन विकास, नवीकरणीय ऊर्जा आणि दुग्धविकास मंत्री अतुल सावे यांचं आज मंत्रीपद मिळाल्यानंतर प्रथमच छत्रपती संभाजीनगर शहरात आगमन झालं. यावेळी भारतीय जनता पक्षाच्या वतीने त्यांचं जल्लोषात स्वागत करुन फेरी काढण्यात आली. शहरातल्या क्रांती चौक इथं फेरीची सांगता होऊन, सावे यांची मिठाईनं तुला करण्यात आली.

****

शिक्षण खात्यातील कामाचा सकारात्मक निकाल दिसेल, असं प्रतिपादन राज्याचे नुतन शालेय शिक्षण मंत्री दादा भुसे यांनी केलं आहे. मालेगाव बाह्यचे आमदार असलेल्या भुसे यांचं आज मालेगांव इथं आगमनानंतर भव्य स्वागत करण्यात आलं, त्यावेळी ते बोलत होते. राज्याचे शालेय शिक्षणमंत्रीपद अत्यंत आव्हानात्मक आहे मात्र, इथंही आपण प्रभावीपणे काम करताना दिसू, असे ते म्हणाले. उपमुख्यमंत्री एकनाथ शिंदे यांच्यासाठी शिक्षण खातं जिव्हाळ्याचं आहे. शालेय शिक्षण मंत्री तसंच अधिकारी ग्रामीण भागावर लक्ष केंद्रित करून काम करतील, असं त्यांनी नमूद केलं. गरिबातील गरीब मुलांना चांगलं आणि उत्तम शिक्षण देणं हे ध्येय असल्याचं भुसे म्हणाले. नाशिकच्या पालकमंत्रीपदाबाबत मुख्यमंत्री आणि उपमुख्यमंत्री आपल्या दृष्टीनं सकारात्मक निर्णय घेतील असा विश्वासही त्यांनी व्यक्त केला.

****

नाशिक जिल्ह्यासह अनेक भागात कांद्याचा प्रश्न चर्चेत असून कांद्यासंदर्भात निश्चीत धोरण ठरवण्यासाठी पाठपुरावा करण्यात येईल असं कृषी खात्याचे मंत्री विधिज्ञ माणिक कोकाटे यांनी म्हटलं आहे. मंत्रीपद स्वीकारल्यानंतर ते आज नाशिक इथं आले असता त्यांचं स्वागत करण्यात आलं. त्यानंतर पत्रकारांशी बोलताना त्यांनी ही माहिती दिली. कृषी खातं अत्यंत आव्हानात्मक असून कृषी मंत्री ही फार मोठी जबाबदारी आहे. वातावरणात होणारे बदल तसंच शेतीमालाच्या भावावर होणारा परिणाम, वीज आणि अन्य प्रश्नांवर आपण काम करणार असल्याचंही मंत्री कोकाटे यावेळी म्हणाले.

****

बीड जिल्ह्यातले कायदा सुव्यवस्थेचे प्रश्न सोडवण्याला आपण प्राधान्य देणार आहोत, असं जिल्ह्यात नव्याने रुजू झालेले पोलिस अधिक्षक नवनीत कॉवत यांनी नमूद केलं आहे. माध्यमांच्या प्रतिनिधींशी संवाद साधताना त्यांनी आज ही माहित दिली. मस्साजोग इथल्या खुनाच्या प्रकरणात गुन्हा दाखल झालेला असून या संदर्भातला तपास तसंच उर्वरित शिल्लक कामं आपण पूर्ण करणार आहोत. लवकरच या संदर्भातले निकाल आपल्याला दिसतील. पोलिसांना सर्व तपासांमध्ये पूर्ण यश मिळावं तसंच जिल्ह्यातली कायदा आणि सुव्यवस्थेची परिस्थिती अबाधित रहावी, यासाठी नागरिकांनी सहकार्य करावं, असं आवाहन त्यांनी यावेळी केलं. त्यांनी काल रात्री पावणे अकरा वाजेच्या सुमारास पदभार स्वीकारला. शासनानं आपल्यावर खूप मोठी जबाबदारी दिली असून जिल्ह्यातली कायदा आणि सुव्यवस्थेची परिस्थिती हे आपल्यासमोर आव्हान असल्याचं ते म्हणाले. बीड जिल्ह्यातल्या अडचणींसंदर्भात नागरिक आपल्याला केंव्हाही भेटू शकतात, असंही पोलिस अधिक्षक कॉवत यावेळी म्हणाले.

****

आंतरराष्ट्रीय क्रिकेटमधून रविचंद्रन अश्विन यानं निवृत्ती जाहीर केल्यानंतर पंतप्रधान नरेंद्र मोदी यांनी त्याला भावनिक पत्र लिहून त्याच्या कामगिरीचं कौतुक केलं आहे. क्रिकेट आणि देशासाठी अश्विननं दिलेल्या अतुलनीय योगदानाबद्दल पंतप्रधानांनी त्याचे आभार मानले आहेत. आंतरराष्ट्रीय क्रिकेटमध्ये घेतलेले ७६५ बळी आणि कसोटीत सर्वाधिक मालिकावीर पुरस्कार या अश्विनच्या विक्रमाचा विशेष उल्लेख करताना मोदी यांनी त्याच्या गोलंदाजीतली विविधता आणि प्रतिस्पर्ध्यांवर वर्चस्व गाजवण्याच्या क्षमतेची प्रशंसा केली आहे. पंतप्रधान मोदी यांनी आपल्या या पत्रात अश्विनच्या १४ वर्षांच्या आंतरराष्ट्रीय कारकिर्दीतल्या महत्त्वाच्या क्षणांचा उल्लेख केला असून त्याची ही कारकिर्द भविष्यातल्या पिढ्यांना प्रेरणा देईल अशी आशा व्यक्त केली आहे.

****

पालघर जिल्ह्यातल्या वाडा तालुक्यातल्या खानिवली ग्रामपंचायतीनं आपलं गाव प्लास्टिक मुक्त व्हावं, गावातलं पर्यावर�� अबाधित रहावं त्यासोबतच गावातल्या महिलांना रोजगाराच एक नवीन साधन उपलब्ध व्हावं या उद्देशानं आदर्श उपक्रम राबवला आहे. या गावात प्लास्टिक घनकचरा व्यवस्थापनासाठी एक नाविन्यपूर्ण उपक्रम सुरु केला आहे. यामुळे गाव प्लास्टिक मुक्त तर होतंच आहे त्यासोबतच गावातल्या महिलांना रोजगाराची एक नवी संधी देखील उपलब्ध झाली आहे.

खानिवली ग्रामपंचायतीनं मुंबईच्या रोटरी क्लबच्या माध्यमातून मिळालेल्या निधीतून गावात उभारलेल्या यंत्रणेतून प्लास्टिक कचऱ्यावर प्रक्रिया सुरू केली आहे. यामुळे परिसर प्रदूषण मुक्त होत आहे तसंच महिलांना रोजगार उपलब्ध झाला आहे.

****

राज्यात सरत्या वर्षाच्या शेवटापर्यंतच्या आठ दिवसांच्या कालावधीत बहुतांश भागात वातावरण काही अंशी ढगाळ असणार आहे तर काही ठिकाणी तुरळक पावसाचीही अंशत: शक्यता आहे. मात्र, देशाच्या उत्तरेकडील बहुतांश पर्वतीय भागात थंडीची तीव्र लाट येण्याची शक्यता भारतीय हवामान विभागानं वर्तवली आहे.

****

भारतानं १९ वर्षांखालील मुलींच्या आशिया चषक क्रिकेट टी-ट्वेंटी स्पर्धेत बांग्लादेशला पराभूत करत अजिंक्यपद पटकवलं आहे. मलेशियाच्या क्वालालंपूर इथं आज सकाळी झालेल्या अंतिम सामन्यात, बांग्लादेश संघानं नाणेफेक जिंकत प्रथम गोलंदाजी केली. भारतानं वीस षटकांत सात बाद ११७ धावा केल्या. प्रत्युत्तरात बांग्लादेशचा डाव एकोणीसाव्या षटकाचे तीन चेंडू शिल्लक असतांना ७६ धावांवर आटोपला. सामनावीरचा पुरस्कार भारताची सलामीवीर फलंदाज गोंगादी तृषा हिला देण्यात आला. अशिया खंडातील आघाडीच्या सहा संघांचा समावेश असलेल्या या स्पर्धेत भारतानं आपले सर्व सामने जिंकण्याची किमया साधली.

****

स्वच्छ नवी मुंबई अर्ध मॅरेथॉन स्पर्धेत आज सहा हजारांहून अधिक नागरिकांनी सहभाग घेत स्वच्छतेचा संदेश दिला. नवी मुंबई महापालिकेचे आयुक्त डॉ.कैलास शिंदे तसंच राज्य पोलीस दलाच्या फोर्स वनचे प्रमुख कृष्णप्रकाश यांनीही या स्पर्धेत सहभाग घेऊन नागरिकांना प्रोत्साहन दिलं. दिडशेहून अधिक तृतीयपंथी नागरिक, पन्नासहून अधिक दिव्यांग, तसंच अंध व्यक्ती यांनीही विविध गटांत सहभाग नोंदवला. शाळकरी विद्यार्थी, युवक यात मोठ्या संख्येनं सहभागी झाले. अक्षय पडवळ, ओंकार बी. यांनी पुरुष गटातली तर सुजाता माने, कोमल खांडेकर यांनी महिला गटांतली विजेतेपदे पटकावली.

****

भारतीय महिला क्रिकेट संघानं वेस्टइंडीजविरुद्धच्या पहिल्या एकदिवसीय क्रिकेट सामन्यात ३१५ धावांचं मोठं आव्हान ठेवलं आहे.

****

[ashokjagharkar]

ll वानप्रस्थ ll : ४०

'स्वयंसिद्ध अनाथाश्रम' चालविणाऱ्या ट्रस्टींची तांतडीने बोलावलेली ��ैठक अपेक्षेप्रमाणे वादळी झाली. ट्रस्टच्या अध्यक्ष���ंनी घडलेल्या घटनाक्रमाला वर्तमानपत्रांत प्रसिद्धी मिळूं नये याची शिताफीने काळजी घेतली असली तरी दबत्या आवाजांत चर्चा सुरु होती. त्यामुळे ट्रस्टशी संबधित बहुसंख्य सभासद बैठकीला आवर्जून उपस्थित होते. बैठकीच्या प्रारंभी अध्यक्ष विश्वनाथ वैद्य यांनी आदल्या दिवशी घडलेल्या दुर्दैवी घटनाक्रमाबद्दल माहिती देत दिलगिरी व्यक्त करुन चर्चेला सुरुवात केली. तिघीं परिचारिकांविरुद्ध झालेल्या पोलीसी कारवाईचा निषेध करण्यासारखं कांहीच नसल्याने, दैनंदिन कारभार सांभाळणाऱ्या ट्रस्टींना इतर ट्रस्टींनी केलेल्या प्रश्नांच्या भडीमाराला पटतील अशी उत्तरं देणं कठीण झालं होतं! विशेषत: मनोहर भोसलेसारख्या ट्रस्टच्या हितचिंतकाने विचारलेले प्रश्न संबंधितांना घायाळ करणारे होते! वातावरणातला तणाव वाढत जातांना पाहून, आपल्या अधिकारामधे कामकाजांत हस्तक्षेप करीत अध्यक्ष विश्वनाथ वैद्य यांनी बैठक बरखास्त झाल्याचं जाहीर करीत समारोप केला, "चर्चेदरम्यान उपस्थित झालेल्या अनेक गुंतागुंतीच्या प्रश्नांची उत्तरं ताबडतोब मिळणं शक्य नाहीं हे उघडच आहे! पण ट्रस्टचा अध्यक्ष या नात्याने मी सर्वांना आश्वासन देतो की घडल्या प्रकाराचा सखोल तपास करून, आजपासून बरोबर सात दिवसांनी याच वेळी, इथेच आयोजित केलेल्या बैठकीत संपूर्ण अहवाल सादर केला जाईल! त्यामधे आपल्या 'स्वयंसिद्ध अनाथाश्रमा'चं नांव कलंकित करणारे असे प्रकार पुन: घडूं नयेत यासाठी नियोजित उपायांचाही समावेश असेल!"

बैठकीच्या समारोपानंतर थोड्याच वेळांत जमलेल्या संबंधितांची गर्दी कांहीशा अस्वस्थ शांततेमधेच पांगली. बैठकीपूर्वी अध्यक्षांनी केलेल्या विनंतीनुसार मनोहर भोसले आपल्या सहकाऱ्यांसह त्यांची वाट पहात थांबले होते त्या खोलीत येऊन अध्यक्ष विश्वनाथ वैद्य यांनी भोसलेंचे दोन्ही हात आपल्या हातांत घेऊन प्रेमभराने दाबले आणि भारावलेल्या स्वरांत ते म्हणाले, "मनोहरपंत, तुम्ही विचारलेल्या टोकदार प्रश्नांनी नियामक मंडळाच्या सदस्यांची उडालेली भंबेरी पुरेशी बोलकी आहे! त्यांच्या अब्रूची लक्तरे चव्हाट्यावर येऊं नयेत म्हणूनच मी बैठक ताबडतोब स्थगित करण्याचा निर्णय घेतला!" अनंत आणि इतरांकडे वळून ते पुढे म्हणाले, "तुम्ही सर्वांनी मनोहरपंतांना ऐनवेळी साथ दे��न अनाथाश्रमाचा कारभार कालपासून सांभाळला त्याचं मोल शब्दांनी करण्यासारखं नाहीं. तथापि तुम्हां सर्वांना अधिक त्रास होऊं नये यासाठी मी अन्य कांही हितचिंतकांच्या मदतीने स्त्री-पुरुष स्वयंसेवकांची व्यवस्था केली आह��! काम समजावून दिल्यावर ते सगळी जबाबदारी अंगावर घेतील!" "वैद्यसाहेब, तुमची बैठक सुरु असतानाच आज काम करणाऱ्या स्वयंसेवकांची टीम आम्हांला आंत येऊन भेटली!" अनंत पुढे होत नमस्कार करून म्हणाला, "त्यांना काम समजावण्याला सुरवात झाली आहे! सगळी घडी सुरळीत बसेपर्यंत आमच्यापैकी एक-दोघं ऐनवेळी लागेल त्या मदतीसाठी इथे दिवसभर आळी-पाळीने हजर असतील! तुमच्या मागे कामांचा मोठा व्याप आहे;-- तरी तुम्ही इथली काळजी अजिबात करूं नका!" त्याला दुजोरा देत भोसले म्हणाले, "वैद्यसाहेब, स्वयंसेवकांची टीम दाखल झाली आहे. त्यामुळे आतां इथल्या कारभाराची काळजी सोडा आणि झाल्या घटनांच्या सखोल तपासाचा पाठपुरावा करा! कारण त्याच्या तपशीलावर माझ्याप्रमाणे इतर अनेकांचीही नजर असणार आहे!"

जवळजवळ २४ तासांच्या तणावानंतर फुरसतीचा मोकळा वेळ मिळाला तेव्हां शुभदाला घरांतली खोळंबलेली कामं आठवली. चहा झाल्यानंतर 'दमायला झालंय्' या सबबीखाली ती अनंत बरोबर रोजच्यासारखी फिरायला गेली नाही! अनंत एकटाच बाहेर पडल्यावर लगेच तिने फ्रिजमधून मेथीची जुडी बाहेर काढली आणि डायनिंग टेबलापाशी बसून निवडायला सुरुवात केली! हात आणि डोळे यांत्रिकपणे मेथीची पानं पारखून निवडत असले तरी तिच्या मनांत मात्र अनाथाश्रमातील आठवणींनी फेर धरला होता! त्यामधे ती एवढी गुंगून गेली की तासाभराने अनंत बंद दाराचं लॅच उघडून घरांत आल्याचं तिला समजलंही नाहीं. अनंतने तिची हरवल्यागत झालेली अवस्था उमजून कसलाही आवाज न करतां कीचनमधे येत हलक्या हाताने दोन छोट्या प्लेट डायनिंग टेबलवर मांडल्या आणि ट्यूूबलाइट लावली. त्यासरशी शुभदा एकदम भानावर आली आणि आपल्याकडे बघत, मिस्कील हंसत उभ्या असलेल्या अनंतकडे डोळे मोठे करुन पहात म्हणाली, "असे काय चोरासारखे घरांत शिरलात आवाज न करतां? आणि या दोन प्लेट कशासाठी मांडल्या आहेत?" "बायको दमली आहे, म्हणून तिच्या श्रमपरिहारासाठी बदाम-पिस्ता कुल्फी आणली आहे!" तिच्यासमोर खुर्ची ओढून घेऊन बसत अनंतने हातातलं पार्सल उघडलं आणि कुल्फी बाहेर काढीत विचारलं, "एक पुरेल? की माझीसुद्धां देऊं?" "काय वात्रटपणा हा! जसे कांही हो म्हटलं तर तुमची कुल्फीसुद्धां देणारच आहांत!!" शुभदा कृतक् कोपाने म्हणाली, "एवढी दानत होती, तर माझ्यासाठी दोन कां नाहीं आणल्या?" "नाहीं बुवा सुचलं आपल्याला!" कानाच्या पाळ्या पकडल्याचा नाटकी आविर्भाव करीत अनंत म्हणाला, "त्यासाठी बंद्याला माफी असावी!" त्यावर हंसत शुभदा कुल्फी खाऊं लागल्याचं पाहून अनंतने विचारलं, "शुभदा, खरं सांग! शरीराने घरी आली असलीस तरी मनाने तूं अजूनही अनाथाश्रमांतच रेंगाळते आहेस कां?"

२५ मे २०२३

[nagarchaufer]

‘ छाटले जरी पंख माझे ‘ , सुवर्णा कोतकर यांच्या माघारीनंतर संदीप कोतकर याची पोस्ट 

संदीप कोतकर हे निवडणुकीला उभे राहणार होते मात्र ऐनवेळी त्यांनी त्यांची पत्नी सुवर्णा कोतकर यांना निवडणुकीला अपक्ष उभे केले त्यामुळे सुवर्णा कोतकर निवडणूक लढवतील की माघार घेतील ? यावर देखील शहरात चर्चा सुरू होती. सुवर्णा कोतकर यांनी अचानकपणे तांत्रिक अडचणीचे कारण देत उमेदवारी अर्ज मागे घेतला पण अद्यापपर्यंत कुठल्याही पक्षाला त्यांनी पाठिंबा जाहीर केलेला नाही. सुवर्णा कोतकर यांचे पती आणि माजी…

[mhlivenews]

ठाकरेंनी अंबादास दानवेंना उमेदवारी दिली तर त्यांचा प्रचार करणार का? खैरे 'गुरुजी' म्हणतात...

म. टा. प्रतिनिधी, छत्रपती संभाजीनगर: छत्रपती संभाजीनगर मतदारसंघातून मी उमेदवारी मागितली नाही, तर जनतेचीच तशी मागणी आहे. जनताच म्हणते तुम्ही उभे राहा. उमेदवारीबद्दल पक्षप्रमुख उद्धव ठाकरे घेतील तो निर्णय मला मान्य आहे, अशी प्रतिक्रिया माजी खासदार चंद्रकांत खैरे यांनी व्यक्त केली.आमदार संजय शिरसाट यांच्या दाव्यानंतर खैरे यांनी वरील प्रतिक्रिया द���ली आहे. ते म्हणाले, ‘गेल्या वेळी लोकसभा निवडणुकीत…

[knowledgenews1]

Shivsena MLA Disqualification : सर्व बाजूने विचार केला तर शिवसेनेचे ते १६ आमदार अपात्र आहेत. झिरवळांचं मोठं विधान

सर्व बाजूने विचार केला तर शिवसेनेचे ते १६ आमदार अपात्र ठरतील” असं मोठं वक्तव्य विधानसभेचे उपाध्यक्ष नरहरी झिरवळ यांनी केलं आहे. अपात्रतेची निर्णय प्रक्रिया सुरू झाल्यावर नरहरी झिरवळ यांच्या या वक्तव्याला महत्त्व प्राप्त झालं आहे. दरम्यान, १६ आमदारांच्या अपात्रतेचा निर्णय विधानसभा अध्यक्ष घेतील असा निर्णय सुप्रीम कोर्टाने दिल्यावर विधानसभा अध्यक्ष राहुल नार्वेकर यांनी या प्रकरणावर व्यवस्थित अभ्यास…

[bharatlivenewsmedia]

Ajit Pawar : दोन ते तीन दिवसांत अजित पवार फायनल निर्णय घेतील, मुख्यमंत्र्यांच्या विश्वासू आमदाराचं भाकित

https://bharatlive.news/?p=95884 Ajit Pawar : दोन ते तीन दिवसांत अजित पवार फायनल निर्णय घेतील, मुख्यमंत्र्यांच्या ...

[kaluwalapankaj]

परिवर्तन

परिवर्तन

विश्वविजयाचा प्रचंड व दुर्दम्य संकल्प मनाशी बांधून तो तरूण राजपुत्र आपल्या सैन्यासह निघाला होता.स्वत:चे साहस,धैर्य,चातुर्य,कल्पकता,उदंड उत्साह या गुणांबरोबरच जीवास जीव देणारे सैन्य व आईचा आशीर्वाद घेऊन निघालेल्या राजपुत्राने देशामागून देश,लधायांमागून लढाया,युद्धामागून युद्धे जिंकली ती आपल्या प्रखर इच्छाशक्तीच्या जोरावर.

ही प्रचंड व अखंड घोडदौड सतत चालू होती. नुकतीच एक अवघड मोहीम जिंकून आल्यावर हा तरूण राजपुत्र बागेतून नयनरम्यं वनश्री पाहत फिरत होता. वनश्रीचे दर्शन घेत असतानाच राजपुत्राच्या समोर केसांचे ��ंपूर्ण मुंडण केलेला,हाती लांब सोटा व अंगावर करड्या रंगाचे वस्त्र परिधान केलेला तेजस्वी पुरूष उभा राहिल��. त्याच्या चेहर्‍यावरिल तेज पाहून राजपुत्र प्रभावित झाला.मंद स्मित करीत तो तेजस्वी पुरूष राजपुत्राला म्हणाला,”राजपुत्रा ! कुठे निघालास ? मी येऊ तुजबरोबर ?”  

त्याबरोबर राजपुत्राने त्या तेजस्वी पुरूषाकडे एक कटाक्ष टाकला. राजपुत्र त्या व्यक्तीच्या व्यक्तिमत्वाने आधीच प्रभावित झाला होता. आता त्याच्या वाणीतील सामर्थ्य पाहून त्याच्या मनात एकदम पूज्यबुद्धी उत्पन्न झाली व त्याने आपल्याबरोबर येण्यास आनंदाने संमती दिली. थोड्या अंतरावर गेल्यावर त्या तेजस्वी पुरूषाने राजपुत्रास विचारले, “राजपुत्रा,तू कोणत्या उद्देशाने या मोहिमा आखत आहेस ?”

त्यावर तो राजपुत्र उत्तरला, “महाराज,मी जग जिंकण्याच्या उद्देशाने,जगास आपले अंकित करण्याच्या मनोदयाने या मोहिमांवर आलो आहे.”

राजपुत्राच्या बोलण्यावर सौम्यं शब्दांत तो भिक्षू म्हणाला, “म्हणजे  राजपुत्रा, तू जगास आपले दास बनविण्याच्या उद्देशाने आपली मातृभूमी सोडून इतक्या लांब आला आहेस तर !”

“होय ! आपल्या बाहुबलाच्या-तलवारीच्या जोरावर हे जग जिंकून त्यास आपले मांडलिक बनविणे ही माझी महत्वाकांक्षा आहे. माझ्या महत्वाकांक्षेलाच मी मूर्त स्वरूपात उतरवीत आहे.”

“पण राजपुत्रा, जरा तू आपल्या अवलंबिलेल्या या मार्गाबाबत कधी सारासार विचार केला आहेस ?  स्वत:ची अवास्तव व अवाजवी उच्चाकांक्षा पूर्ण करण्यासाठी तू किती निरपराधी, निष्पाप जीवांच्या प्राणाशी खेळ करतोयस. हा रक्तपात, ही हानी केवळ एका नश्वर संपत्तीसाठी अन केवळ सुखोपभोगासाठी ? तुला आपली अविचारी व राक्षसी महत्वाकांक्षा पूर्ण करण्यासाठी हा रक्तपात करण्याचा अधिकार कुणी दिला ? ही अराजकसदृश परिस्थिती, शांततेच्या जागी हे भीतीचे साम्राज्यं स्थापण्याचा तुला अधिकारच काय ?”

भिक्षूच्या स्पष्टवक्तेपणाचे त्यास आश्चर्य वाटले. “यात अधिकाराचा प्रश्नच काय ? दुर्बलांबर सबलांची सत्ता प्रस्थापित होणे हा तर सृष्टीचा अलिखित नियमच आहे. या नियमास अनुसरूनच माझे वर्तन आहे. जगावर राज्यं प्रस्थापित करायचे तर तलवारीला पर्याय नाही.

“पण तुला ही शक्ती. हे बाहुबल,हे राज्यपद बहाल करण्यात आले आहे ते त्यांचे रक्षण करण्यासाठी. त्यांचे स्वातंत्र्यं हिरावून त्यांना गुलाम बनविण��यासाठी नव्हे. तुझ्या हाती ही तलवार आहे ती दुष्टांचे निर्दालन व सज्जनांचे संरक्षण करण्यासाठी.पण याचा वापर होतो आहे तो रक्तपात करण्यासाठी,अराजकता माजवण्यासाठी,विषमता प्रस्थापित करण्यासाठी,दुसर्‍यांना गुलाम बनवण्यासाठी.अशा शस्त्रांचा,अशा अस्त्रांचा उपयोगच काय ? अशी शस्त्रे मोडीतीच निघायला हवीत. या शस्त्रांच्या दहशतीने मानवी मनाला फार थोड्या काळाकरिता ताब्यात धरून ठेवता येते,त्यावर हुकूमत गाजवता येते. अशी हुकूमत क्षणार्धात नाहीशी होते,कोलमडून पडते. तू आपल्या तलवारीच्या जोरावर आतापर्यंत भयंकर नरसंहार करून सर्वत्र धावपळीचे,दहशतीचे साम्राज्यं उभे केले आहेस. तसे पाहता मानवी मन हे संवेदनक्षम. या दहशतीऐवजी लोकांना गरज असते प्रेमाची, प्रेमाने वागनविण्याची,समजून घेण्याची. सततच्या लढायांमुळे पाहा हा आजूबाजूचा मुलूख कसा उजाड,वैरण झाला आहे. येथल्या माणसांवरच काय, पण पशू-पक्षी,झाडापनांवरदेखील दहशतीची छाया पसरली आहे. माणसाला गरज असते ती शांत वातावरणाची. शांततेच्या काळात प्रत्येक जण आपापल्या नित्यक्रमात गर्क असतो.त्याचा परिणाम राष्ट्राच्याच नव्हे तर विश्वाच्याही उत्थानात होतो. तर त्याउलट त्यांना दास बनविल्याने समाजात विषमता निर्माण होते. मनुष्याचे माणूस म्हणून जगण्याचे सर्व हक्कं नाकारण्यात येतात. तुझ्यात आणि सामान्यं दासात फरक तो काय ? तुला व त्याला दोन हात, दोन पाय, दोन डोळे ,दोन कान, त्याला व तुला एकच डोके,भूक लागणारे पोट. मग त्याला तू तुझ्यापेक्षा हीन म्हणून का वागवावे ? निसर्गाने मानवाला विचार करण्याची शक्ती प्रदान केली आहे. त्याचा उपयोग तू दासाच्या दृष्टीने विचार करण्यासाठी केलास ?”

“नाही महाराज,तशी गरजच कधी मला पडली नाही.”

“राजपुत्रा! तू केवळ तुझेच सुख पाहिलेस.यामुळे माणसामाणसातील दरी वाढत जाते. एकमेकांना दुसर्‍याच्या सुखाचा हेवा वाटून वासना निर्माण होते. वासना निर्माण झाली की, ती भागविण्यासाठी, ती तृष्णा शमविण्यासाठी चढाओढ लागते अन सर्व दु:खास,रक्तपातास कारणीभूत अशी वर्चस्वाची भावना निर्माण होते. ही भावना वाढीस लागली की, सबल-निर्बल, गरिब-श्रीमंत असा झगडा सुरू होतो. या झगड्यात कुणीच सुखी होत नाही. मात्र जीवनास एक अनिश्चितता,दहशत प्राप्त होते. समोर असलेली व्यक्ती ही माझ्याच दर्जाची आहे.माणूस म्हणून तिचेही जगण्याचे,वावरण्याचे काही हक्��ं आहेत. तिलाही ते मिळावेत यासाठी जेव्हा प्रयत्न केला जातो ��ेव्हा सार्वत्रिक बंधुभाव निर्माण होतो व हा बंधुभाव अनिश्चितता व दहशत संपविण्यासाठी उपयोगी पडतो. म्हणून हे राजपुत्रा, तू आपले नश्वर आणि क्षणिक वैभव वाढविण्यासाठी व्यर्थ रक्तपात चालविला आहेस तोही व्यर्थच आहे. हे जीवन आधीच यातनांची खाण आहे. त्यात तू आणखी भर टाकतो आहेस.तू आपल्या शरीराचे चोचले पुरविण्यासाठी जो जग जिंकण्याचा निरर्थक खटाटोप चालविला आहेस तो अस्थायी आहे. तो कधी ना कधी नाश पावणारच ! परंतु या प्रलयात अनेकांच्या जीवनाची मात्र राखरांगोळी होणार आहे. या जगात शाश्वत, चिरंजीवी असे काही नाही. तेव्हा तू विश्वविजयाच्या गृष्टीने जो रक्तपात चालविला आहेस तो फोल आहे. जगाला तलवारीची गरज नाही,तर प्रेमाची गरज आहे. प्रेमाने प्राणिमात्रांना जिंकता येते,आपलेसे करता येते. ज्या गोष्टी दहशतीने करता येत नाहीत त्या प्रेमाचे दोन गोड शब्द बोलण्याने साध्यं होतात. तर याउलट सततच्या युद्धपरिस्थितीमुळे राज्येच्या राज्ये, साम्राज्ये नाश पावतात, सुंदर नगरे,शेते उजाड होतात. परिणामी लोक अन्नं, वस्त्रं, निवारा या आपल्या मूलभूत गरजांना पारखे होतात. युद्धाची झळ दोन्ही बाजूंना सारखी सोसावी लागते. अपमानास्पद स्थिती प्राप्त झाल्यामुळे वैमनस्यं वाढीस लागते. याची परिणिती विनाशात होते. तेव्हा काही कारण नसताना या विनाशाला निमंत्रण देण्याचे कारणच काय ?”

बुद्धांच्या मुखांतून बाहेर पडत असलेले ते ओजस्वी शब्द जगज्जेतेपदाची स्वप्ने पाहात असलेला सिकंदर एकाग्रपणे ऐकत होता, आपल्या अंत:करणात साठवत होता. थोड्या वेळाने भरल्या अंत:करणाने बुद्धांच्या चरणांजवळ झुकून तो म्हणाला,”महाराज, मी चुकलो. तारूण्याच्या या उत्साहात माझ्या हातून अनेक चुका घडल्या. माझ्या या कृत्यांतील फोलपणा माझ्या ध्यानात आला आहे.”

राजपुत्राचे हे पश्चातापदग्ध बोलणे ऐकून बुद्ध त्यास म्हणाले,”राजपुत्रा,आपल्या हातून घडलेल्या वाईट कर्मांवर पश्चाताप करणाराच खरा माणूस असतो. तर आपल्या वाईट कृत्यांवर खूश होणारा,त्यातून आनंद मिळवणारा मानूस राक्षस असतो. माणूसपणाची साक्ष तू दिली आहेस. तेव्हा आपल्या राज्यात परत जा व लोककल्याणकारी कामे कर. तेव्हाच तू लोकांच्या हृदयावर राज्यं करशील. लोक आदराने तुझे आदराने नाव घेतील.”

बुद्धांच्या तत्वज्ञानाने ,शिकवणुकीने मनाचा खोल वेध घेतलेला तो राजपुत्र उठला व आपल्या सैन्यासह , नव्या मनुसह स्वत:वर स्वत:वर विजय मिळविण्याच्या आकंक्षेने स्वदेशी रवाना झाला.

                                                 ©  :- पंकज कालुवाला    

[darshanpolicetime1]

डॉ. कांता नलावडे साहित्य क्षेत्रातही भरारी घेतील - सांस्कृतिक कार्य मंत्री सुधीर मुनगंटीवार

डॉ. कांता नलावडे साहित्य क्षेत्रातही भरारी घेतील – सांस्कृतिक कार्य मंत्री सुधीर मुनगंटीवार

मुंबई, दि.26 : भाजपच्या विविध राष्ट्रीय पदांवर आणि नंतर आमदार असताना आपल्या भाषणातून, आपल्या कार्यातून लोकांमध्ये ओळख निर्माण करणाऱ्या डॉ. कांता नलावडे या येणाऱ्या काळात साहित्य क्षेत्रातही भरारी घेतील, असा विश्वास सांस्कृतिक कार्य मंत्री सुधीर मुनगंटीवार यांनी व्यक्त केला. राजकारण क्षणभंगुर तर साहित्य शाश्वत असते, असेही ते म्हणाले. माजी आमदार डॉ. कांताताई नलावडे यांच्या “भरारी” कवितासंग्रहाचे…

[kokannow]

सावरकर व जाती निर्मूलन- डॉ मिलिंद कुलकर्णी यांचे व्याख्यान.

सावरकर व जाती निर्मूलन- डॉ मिलिंद कुलकर्णी यांचे व्याख्यान.

कणकवली : १६ नोव्हेंबर १९३० या ऐतिहासिक दिवशी रत्नागिरी येथे स्वातंत्र्यवीर सावरकर यांनी सर्व जातींचे एकत्र सहभोजन आयोजित केले. त्यांनी केलेल्या जाती निर्मूलनाच्या प्रयत्नाबाबत डॉ मिलिंद कुलकर्णी उद्या १६ नोव्हेंबर २०२२ ला सायंकाळी ७ ते ८ या वेळेत बोलतील. हे व्याख्यान अनादि मी अनंत मी , सिंधुदुर्ग या मंचाने आयोजित केले असून शुभांगी पवार, डॉ सतीश पवार व सरिता पवार भाग घेतील. कार्यक्रमाचे थेट…

[airnews-arngbad]

Regional Marathi Text Bulletin, Chhatrapati Sambhajinagar

Date – 14 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १४ डिसेंबर २०२४ सायंकाळी ६.१०

****

राज्य विधीमंडळाच्या हिवाळी अधिवेशनाच्या पूर्वसंध्येला नागपुरात मंत्रिमंडळाचा विस्तार.

‘एक देश-एक निवडणूक’शी संबंधित दोन विधेयकं सोमवारी लोकसभेत सादर होणार. 

अविष्कार 2024 च्या विद्यापीठस्तरीय फेरीत पावणे दोनशे प्रकल्पांचं सादरीकरण.

आणि

बॉर्डर गावसकर कसोटी क्रिकेट मालिकेत तिसऱ्या सामन्याचा पहिला दिवस पावसामुळे वाया.

****

राज्य विधीमंडळाच्या हिवाळी अधिवेशनाच्या पूर्वसंध्येला मंत्रिमंडळाचा विस्तार होणार असून, महायुतीतल्या तीनही पक्षांचे नवनिर्वाचित आमदार यावेळी मंत्रिपदाची शपथ घेतील. नागपूर इथं राजभवनात उद्या रविवारी सायंकाळी चार वाजता हा शपथग्रहण समारोह होणार आहे. राजभवनातून ही माहिती देण्यात आली.

दरम्यान, मंत्र्यांची यादी भाजपच्या केंद्रीय नेतृत्वाकडे पाठवण्यात आली असून तिथून मंजुरी मिळाल्यानंतर संबंधित आमदारांना सूचित केलं जाईल, अशी माहिती मुख्यमंत्री देवेंद्र फडणवीस यांनी माध्यमांना दिली. गेल्या आठवड्यात ५ डिसेंबर रोजी मुंबईत एका भव्य समारंभात देवेंद्र फडणवीस यांनी मुख्यमंत्री पदाची तर एकनाथ शिंदे आणि अजित पवार यांनी उपमुख्यमंत्रीपदाची शपथ घेत नवं सरकार स्थापन केलं आहे.

****

‘एक देश-एक निवडणूक’शी संबंधित दोन विधेयकं लोकसभेत सोमवारी सादर केली जाणार आहेत. केंद्रीय कायदा मंत्री अर्जुनराम मेघवाल संविधान सुधारणा विधेयक आणि केंद्रशासित प्रदेश कायदा सुधारणा विधेयक लोकसभेत मांडतील. ‘एक देश - एक निवडणूक’ या संकल्पनेची पडताळणी करण्यासाठी स्थापन करण्यात आलेल्या उच्चस्तरीय समितीच्या शिफारसी नुकत्याच सरकारने स्वीकारल्या असून देशभरात एकाचवेळी निवडणूका घेण्याचा मार्ग मोकळा झाला  आहे. माजी राष्ट्रपती रामनाथ कोविंद यांच्या अध्यक्षतेखालील समितीने विविध राजकीय पक्षांसह तज्ञांशी याबाबत विस्तृत चर्चा केली. या अंतर्गत निवडणूक प्रक्रिया दोन टप्प्यात राबवली जाईल. पहिल्या टप्प्यात लोकसभेची निवडणूक आणि सर्व राज्यांच्या विधानसभा निवडणुका घेतल्या जातील. तसंच या निवडणुका झाल्यानंतर शंभर दिवसांच्या आत दुसऱ्या टप्प्यात  स्थानिक स्वराज्य  संस्थांच्या निवडणुका घेतल्या जातील.

****

राज्यघटना स्वीकृतीच्या अमृत महोत्सवानिमित्त लोकसभेत कालपासून संविधानावर विशेष चर्चा सुरू आहे. पंतप्रधान नरेंद्र मोदी हे सध्या या चर्चेला उत्तर देत आहेत. 

संविधान निर्माताओं की जो भावना थी, उसको जिने में पिछले पचहत्तर साल भारत का नागरिक हर कसोटी पर खरा उतरा हैं। और इसलिए भारत का नागरिक सर्वाधिक अभिनंदन का अधिकारी है।

दरम्यान, आज चर्चासत्राची सुरुवात संसदीय कामकाज मंत्री किरेन रिजेजू यांनी केली. डॉ. बाबासाहेब आंबेडकर यांच्या संविधान निर्मितीतील योगदानाचं त्यांनी यावेळी कौतूक केलं. देशाने स्वातंत्र्यानंतर प्रत्येक नागरिकाला समान अधिकार दिले आहेत. अल्पसंख्याकांसोबत कोणताही भेदभाव केला जात नाही आणि त्यांना कायदेशीर संरक्षण असल्याचं रिजिजू म्हणाले. देशातील सहा अल्पसंख्याक समुदायांच्या कल्याणासाठी अनेक योजना राबविल्या जात असल्याचंही त्यांनी म्हटलं आहे.

द्रविड मुन्नेत्र कळघमचे सदस्य ए. राजा यांनी चर्चेत भाग घेत लोकशाही, कायद्याचं पालन आणि धर्मनिरपेक्षता तसंच समानतेचं पालन होत नसल्याची टीका केली. सत्तारूढ पक्षाच्या सदस्यांनी या टीकेचा निषेध करून द्रमुकने माफी मागावी अशी मागणी केली.

तेलगुदेशम पार्टीचे लहु श्री कृष्ण देवरायलु यांनी, संविधान निर्मितीच्या वेळेस डॉ. बाबासाहेब आंबेडकर यांच्यासोबत तीनशे एकोणनव्वद सदस्य होते, याकडे लक्ष वेधलं. भाजपचे तेजस्वी सूर्या यांनी, १९७४ मध्ये संविधानात सांगितलेल्या कोणत्याही उचित प्रक्रियेचं पालन न करता कच्चातीवू बेट श्रीलंकेला दिल्याचा मुद्दा उपस्थित करत, काँग्रेसवर टीका केली.

कॉंग्रेस नेते राहुल गांधी यांनी सत्तारूढ पक्षावर संविधान कमकुवत करण्याचा आरोप केला. त्यांनी बेरोजगारी, अग्निवीर योजना, शेतकरी आणि महिलांवरील कथित अत्याचारांच्या मुद्द्यावर प्रश्न उपस्थित केले. विद्यमान सरकारच्या काळात राजकीय, सामाजिक आणि आर्थिक समानता नष्ट झाल्याचा आरोप केला.

****

भारतीय रिझर्व्ह बँकेनं तारणमुक्त कृषी कर्जाची मर्यादा एक लाख साठ हजारांवरून दोन लाख रुपयांपर्यंत वाढवण्याची घोषणा केली आहे. या निर्णयाची अंमलबजावणी येत्या एक जानेवारीपासून होणार आहे. शेतकऱ्यांना अधिक चांगली वित्तीय सुविधा पुरवणं हा यामागील उद्देश आहे, असं कृषी आणि शेतकरी कल्याण मंत्रालयानं दिलेल्या एका निवेदनात सांगितलं आहे.

****

मुंबई विद्यापीठात दुहेरी पदवी, सह पदवी आणि ट्विनिंग पदवी शिक्षणासाठी विद्या परिषदेनं मंजुरी दिली आहे. यानुसार विद्यार्थ्यांना दोन महाविद्यालयं किंवा उच्च शिक्षण संस्थांमध्ये एकत्र प्रवेश घेता येणार आहे. यामुळे शिक्षण प्रणालीमध्ये मोठा बदल होणार असून सर्वोत्कृष्ट शैक्षणिक पद्धतीच्या सामायीकीकरणाला प्रोत्साहन मिळेस, असं मुंबई विद्यापीठाचे कुलगुरू रवींद्र कुलकर्णी यांनी सांगितलं. त्याचप्रमाणे विद्यापीठ अनुदान आयोगाच्या मार्गदर्शक सूचनांनुसार विद्यापीठात प्रोफेसर ऑफ प्रॅक्टिसच्या पदांच्या नियुक्तीलाही विद्या परिषदेनं मान्यता दिली आहे.

****

युवकांच्या कल्पनाशक्तीला वाव देणाऱ्या आविष्कार २०२४ या महोत्सवाची विभागीय फेरी आज डॉ बाबासाहेब मराठवाडा विद्यापीठात सुरू आहे. कोल्हापूर इथल्या डी वाय पाटील विद्यापीठाचे संशोधन-संचालक तथा अधिष्ठाता डॉक्टर सी. डी. लोखंडे यांच्या हस्ते या महोत्सवाचं आज सकाळी उद्‌घाटन झालं. विविध क्षेत्रात संशोधनाला व्यापक संधी आहेत, मात्र त्यातून उद्योजकीय संकल्पना विकसित होण्याची गरज, डॉक्टर लोखंडे यांनी यावेळी व्यक्त केली. विद्यापीठाचे कुलगुरू डॉक्टर विजय फुलारी यांनी यावेळी बोलतांना, नवनवीन संकल्पनांसाठी अविष्कार हे एक व्यासपीठ असून, ग्रामीण भागातून आलेल्या विद्यार्थ्यांसाठी ही एक सुवर्णसंधी असल्याचं सांगितलं. या आविष्कार महोत्सवासाठी चार जिल्ह्यांतून विद्यापीठस्तरीय संघ निवडण्यात आले, यामध्ये छत्रपती संभाजीनगर जिल्ह्यातून -१२५, जालना-२५, बीड-४५, तर धाराशिव जिल्ह्यातून -६२ असे २४८ संशोधक विद्यार्थी सहभागी झाले. मानव्य विद्या, भाषा, ललित कला, वाणिज्य, विधी, विज्ञान, कृषी, पशुसंवर्धन, अभियांत्रिकी, तंत्रज्ञान, औषधनिर्माण आदी शाखेतून १७५ प्रकल्प या फेरीत सादर झाले आहेत.

****

मुंबई इथं डॉ. होमी भाभा विद्यापीठात झालेल्या, "नॅशनल कॉन्फरन्स ऑन डेटा सायन्स फॉर क्लायमेट रेसिलेन्स" या राष्ट्रीय परिषदेत, वसंतराव नाईक मराठवाडा कृषी विद्यापीठानं उल्लेखनीय यश संपादन केलं आहे. या परिषदेत कृषी अभियांत्रिकी आणि तंत्रज्ञान महाविद्यालयातील, विशाल दशरथराव काळबांडे यांनी सादर केलेल्या शोध निबंधाला, प्रथम क्रमांकाने गौरवण्यात आलं. तसंच तनुजा वाघ, किंजल मोरे, सुजय किंगे, नयन लोनगाडगे, प्रियंका बोरसे, सक्षम पंडितकर, आणि काजल कुमारी या विद्यार्थ्यांनीही उच्च दर्जाचे संशोधन शोधनिबंध सादर केले. या सर्व विद्यार्थ्यांचा कुलगुरू डॉ. इन्द्र मणि यांच्याहस्ते गौरव करण्यात आला.

****

छत्रपती संभाजीनगर इथल्या सरस्वती भुवन विज्ञान महाविद्यालयाच्या संगणकशास्त्र विभागात कार्यरत प्राध्यापक डॉ.योगेश दिलीपराव राजेंद्र त्यांच्या संशोधनासाठी पेटंट मिळालं आहे. डॉ राजेंद्र यांनी रुग्ण, वयोवृध्द, बालक, तसंच पाळीव प्राण्यांच्या दैनंदिन वागणुकीवर लक्ष ठेवून त्यांना त्याप्रमाणे मदत करण्यासाठी तसंच त्यांची काळजी घेण्यासाठीचं एक उपकरण विकसित केलं आहे. या महत्त्वपूर्ण संशोधनात प्रा.डॉ.सोनाली भगवानराव कुलकर्णी आणि प्रा.डॉ.अमरसिंह भीमराव यांनी त्यांना सहकार्य केलं आहे. या यशाबद्दल सर्व संशोधकांचा सत्कार करण्यात आला.

****

दत्तजयंती आज ठिकठिकाणी विविध कार्यक्रमांच्या माध्यमातून साजरी होत आहेत. माहूर इथल्या दत्तशिखरासह औदुंबर, गाणगापूर, नृसिंहवाडी, या प्रमुख स्थानांसह विविध दत्त मंदिरात पहाटेपासून भाविकांची रीघ लागली आहे. यासह काकड आरती, मंगलआरती, अभिषेक, महापूजा, नैवेद्य, महाआरती, महाप्रसादासह विविध धार्मिक कार्यक्रम होत आहेत.

****

जालना-सिंदखेडराजा मार्गावर आयशर ट्रक आणि बसची समोरासमोर धडक होऊन दोन प्रवाशांचा मृत्यू झाला, तर १८ ते २० प्रवासी जखमी झाले. जखमींमधील काहींची प्रकृती चिंताजनक आहे. नाशिक-नांदगाव डेपोची ही बस जालन्याहून सिंदखेडराजाकडे जात असताना, नाव्हा शिवारात आज दुपारच्या सुमारास ही दुर्घटना घडली. जालना पोलिसांनी तत्काळ घटनास्थळी मदतकार्य करत जखमींना उपचारासाठी तातडीनं जिल्हा सामान्य रुग्णालयात हलवलं आहे.

****

क्रिकेट

बॉर्डर गावसकर कसोटी क्रिकेट मालिकेतल्या तिसऱ्या सामन्यात आज पहिल्या दिवशी खेळ होऊ शकला नाही. ऑस्ट्रेलियात ब्रिस्बेन इथं सुरू झालेल्या या सामन्यात भारतानं नाणेफेक जिंकत प्रथम क्षेत्ररक्षणाचा निर्णय घेत, यजमान संघाला फलंदाजीसाठी पाचारण केलं. ऑस्ट्रेलियाच्या बिनबाद २८ धावा झाल्या असतांनाच पाऊस आल्यानं, खेळ थांबवावा लागला, तो दिवसभरात पुन्हा सुरू होऊ शकला नाही. मालिकेत दोन्ही संघ एक एक सामना जिंकून बरोबरीत आहेत.

****

[ashokjagharkar]

ll वानप्रस्थ ll : १६

पहांटे जाग आल्यावर अनंतने उशीखालचे घड्याळ उचलून बघितलं तर ठीक ५-३० वाजले होते. खरं तर झोंपायला मध्यरात्र उलटून गेल्याने 'सकाळी वेळेवर हमखास जाग नाहीं आली तर?' या शंकेपोटीं अनंंतने पर्याय म्हणून ६ वाजतांचा गजर लावून ठेवला होता! पण पहांटे ५-३० वाजतां नेमकी जाग आल्याने अंगीं बाणलेल्या संवयीचा परीणाम जाणवून तो स्वत:च कांहीसा चकीत झाला होता! 'गजर बंद करावा की राहूं द्यावा, म्हणजे शुभदाला ६ वाजतां उठायला आपसूक मदत होईल?' या संभ्रमांत कांही क्षण गेल्यावर त्याने गजर बंद न करण्याचा निर्णय घेतला व हलकेच पांघरूणाची घडी करून ठेवल्यावर तो मुखमार्जनासाठी बाथरूमकडे वळला. अनंत बाथरूम मधून बाहेर आला तोंवर शुभदाने उठून उशा आणि पांघरूणं आवरलीही होती. त्याने कांही विचारण्याआधीच शुभदा थट्टेच्या स्वर��ंत म्हणाली, "तुम्ही जागे होऊन, तुमची खुडबुड एकदां सुरु झाली की मला कशी बरं झोंप लागणार?" आणि कीचनकडे निघालेल्या अनंतला इशाऱ्याने थांबवीत ती पुढे म्हणाली," आपण दोघेही वेळेवर उठलो आहोत;- तरी कसला गजर लावला असेल तर आतां तो बंद करून ठेवा! नाहींतर मी नेमकी बाथरूममधे असतांना ठणाणा वाजत राहील!"

त्यानंतर १५-२० मिनिटांनी डायनिंग टेबलापाशी बसून गरमागरम चहाचे घुटके घेतां घेतां अनंतने विचारलं, "पमाताईला आपण किती वाजेपर्यंत पोहोंचूं असं सांगीतलं आहेस? उशीर झाला तर ती बिचारी वाट बघत बसेल!" " आम्ही ९ वाजेपर्यंत येतो असं सांगीतलंय् -पण आपल्याला काल झोपायला किती वाजले असतील याची त्यांना कल्पना आहे;--त्यामुळे थोडा उशीर झाला तरी समजून घेतील पमाताई! मात्र काल रात्री सगळा पसारा आवरण्यापासून त्यांना थांबवायचं बरं सुचलं ना!" "हो;-नाहींतर आपल्याला घरी परतायलाच पहांट झाली असती! दिवसभर नेटाने उभं राहून सगळ्यांना हवं-नको बघतांना पार दमली असणार पमाताई! पण तोंडातून ब्र काढील तर शप्पथ! माझ्यापेक्षां ५ वर्षांनी मोठी आहे ती;- पण उत्साह मला लाजवील असा! त्यामुळे आतां निदान ५-६ तासांची विश्रांती झाल्यावर, नव्या दमाने तुम्ही कालचा पसारा आज दिवसभर आवरीत बसलात तरी त्रास जाणवणार नाही!" "काल पावसानेही उसंत घेतल्यामुळे अपेक्षित ती सगळी मंडळी येऊं शकली ते मात्र फार छान झालं! त्यांत दिवाळी पाडवा आणि भाऊबीज एकाच दिवशी असल्याने जणूं डबल धमाकाच! खाण्यापिण्याचा रामरगाडा दिवसभर सुरु होता,--पण त्यामुळे घर कसं सतत हंसतं-निनादतं राहिलं! जणूं ३ वर्षांनी घराला पुन: एकदां घरपण आलं! मला फक्त एक खटकलं;-- वरवर हंसरा चेहरा ठेवून वावरत असल्या तरी मीनाताई अंतर्यामीं उदासच होत्या!"

"साहजिकच आहे ते!ती कितीही नाहीं म्हणाली तरी दिवसभर तिला सतत शेजारच्या सबनीस पती-पत्नींची आठवण येतच असणार ग! इतक्या वर्षांचा त्यांंचा शेजार, पण यंदा जानेवारीत कसा अकस्मात् संपला! कोविडचं निमित्त होऊन नवरा आणि बायको दोघेही तडकाफडकी ८ दिवसांच्या अंतराने मरण पावले! मागील दिवाळीत नांदत्या असलेल्या त्या घरांत, यंदा पणती लावायलाही कुणी नाही!" "असं मरण कुणाच्याच वांट्याला ये॓ऊं नये, परमेश्वरा! कर्ते-धर्��े दोन्ही मुलगे परदेशांत स्थायिक झालेले! त्यामुळे अंत्यसंस्कारांसह सगळे विधी सोसायटीतील लोकांनीच पार पाडले! आतां यंदा ख्रिसमसच्या सुमारास दोन्ही मुलगे घरादाराची उस्तवार करण्यासाठी येणार आहेत असं काल मीनाताईंच्या बोलण्यांत आलं!" "या कोविड काळानं नको-नको ते सगळे अनुभव प्रत्येकाच्या पदरांत टाकले आहेत, शुभदा! त्यांतून शिकण्यासारखं एकच की आजचा दिवस आपला म्हणत आनंदाने जगायचा!" अनंत निष्कर्ष काढीत म्हणाला," मी आतां पटकन थोडा योगपाठ करतो म्हणजे मला जरा फ्रेश वाटेल. त्यानंतर लगेेच आंघोळी आटपून शक्यतों लवकर बाहेर पडुंया! ब्रेकफास्टसाठी गरम पॅटिस जातां-जातां आपल्या नेहमीच्या बेकरीतून घ्यायचे आहेत ते ध्यानांत ठेव! -- म्हणज�� मी विसरलो तर मला आठवण कर!!"

२७ ऑक्टोबर २०२२

[mhlivenews]

डॉ. कांता नलावडे साहित्य क्षेत्रातही भरारी घेतील - सांस्कृतिक कार्य मंत्री सुधीर मुनगंटीवार

डॉ. कांता नलावडे साहित्य क्षेत्रातही भरारी घेतील – सांस्कृतिक कार्य मंत्री सुधीर मुनगंटीवार

मुंबई, दि.26 : भाजपच्या विविध राष्ट्रीय पदांवर आणि नंतर आमदार असताना आपल्या भाषणातून, आपल्या कार्यातून लोकांमध्ये ओळख निर्माण करणाऱ्या डॉ. कांता नलावडे या येणाऱ्या काळात साहित्य क्षेत्रातही भरारी घेतील, असा विश्वास सांस्कृतिक कार्य मंत्री सुधीर मुनगंटीवार यांनी व्यक्त केला. राजकारण क्षणभंगुर तर साहित्य शाश्वत असते, असेही ते म्हणाले. माजी आमदार डॉ. कांताताई नलावडे यांच्या “भरारी” कवितासंग्रहाचे…

[bharatlivenewsmedia]

तुमच्या बजेटची काळजी घेतील 'हे' शानदार स्मार्टफोन्स, किंमत ७ हजारांपेक्षा कमी

तुमच्या बजेटची काळजी घेतील ‘हे’ शानदार स्मार्टफोन्स, किंमत ७ हजारांपेक्षा कमी

तुमच्या बजेटची काळजी घेतील ‘हे’ शानदार स्मार्टफोन्स, किंमत ७ हजारांपेक्षा कमी Cheapest Smartphones: सध्या स्मार्टफोन यूजर्स बजेट फोन मोठ्या प्रमाणत खरेदी करत असून स्वस्तात मस्त या स्मार्टफोन्सची खूप चर्चा देखील आहे. आज आम्ही तुम्हाला अशाच काही स्वस्त स्मार्टफोन्सबद्दल सविस्तर सांगणार आहो. जर तुम्ही फीचर फोनमधून स्मार्टफोनमध्ये अपग्रेड करण्याचा विचार करत असाल तर, बाजारा�� एकापेक्षा एक उत्तम…

[marathinewslive]

दसरा मेळावा वाद : “शिवाजी पार्कमध्ये घुसखोरी केली तर…”; मंत्री अब्दुल सत्तारांचा शिवसैनिकांना इशारा

दसरा मेळावा वाद : “शिवाजी पार्कमध्ये घुसखोरी केली तर…”; मंत्री अब्दुल सत्तारांचा शिवसैनिकांना इशारा

राज्यात दसरा मेळाव्यावरून राजकारण तापू लागलं आहे. मुंबई मनपाने अद्यापही शिवसेनेला दसरा मेळाव्यासाठी परवानगी दिलेली नाही. अशात हा वाद आता मुंबई उच्च न्यायालयात पोहोचला आहे. मात्र, तत्पूर्वी दसरा मेळाव्याला परवानगी मिळाली नाही, तर शिवसैनिक शिवाजी पार्कमध्ये घुसून दसरा मेळावा घेतील, अशी धमकी शिवसैनिकांकडून देण्यात येत होती. यावरून मंत्री अब्दुल सत्तार यांनी शिवसैनिकांना इशारा दिला आहे. हेही वाचा –…

[nashikfast]

एकनाथ शिंदे महाराष्ट्राचे नवे मुख्यमंत्री

एकनाथ शिंदे महाराष्ट्राचे नवे मुख्यमंत्री

मुंबई :  उद्धव ठाकरे यांनी राजीनामा दिल्यावर राज्याला एक पर्यायी सरकार देण्याची गरज होती. ती आम्ही देत आहे. एकनाथ शिंदे हेच राज्याचे नवे मुख्यमंत्री असतील, अशी घोषणा भाजपा नेते देवेंद्र फडवणीस यांनी केली आहे. आज सायंकाळी साडेसात वाजता एकनाथ शिंदे म्हणून शपथ घेतील. आणखी काही लोक आमच्या संपर्कात आहेत, अशी माहितीही फडवणीस यांनी दिली आहे. देवेंद्र फडवणीस म्हणाले, एकनाथ शिंदे यांनी…

[darshanpolicetime1]

मांजरा नदीकाठ आज वृक्ष दिंडीच्या वारकऱ्यांनी घोषणानीं दणाणून सोडला

मांजरा नदीकाठ आज वृक्ष दिंडीच्या वारकऱ्यांनी घोषणानीं दणाणून सोडला

चौदा गावात वाजत गाजत झाली लागवड ज्या गावात वृक्ष लागवड तिथे यात्रेचे स्वरूप ; लोकांमध्ये मोठा उत्साह ज्या महाविद्यालयांनी वृक्ष लागवड केली आहे, ते महाविद्यालय संगोपनाची पण वेळोवेळी दखल घेतील विद्यार्थी हे वृक्ष लागवडीचे समाजातील दुत म्हणून काम करतील लातूर,(जिमाका)दि.24:- वृक्ष लागवड करणे ही काळाची गरज आहे, हाही नागरिकांना प्रत्यय आलेला आहे, वृक्ष लागावडीसाठी प्रयत्न केल्यापेक्षा जास्तीचा…