#كفاية يا مصر

[es-r-aa7]

دلوقتي الى كان بيقبض قبل الزياده 5000 مثلا وسعر الدولار في البنك 30 يعني كان مرتبه 166.5 دولار

دلوقتي بعد الزياده هيقبض 6200 وسعر الدولار في البنك 50 يعني مرتبه الحالي 124 دولار

مبروك الزياده ❤

[imazikaty]

الحاجة الوحيدة اللي استفدتها من فترة الجيش إني فهمت وتأكدت إن الطبيعي في مصر إن الناس حالتها المادية صعبة جدا.. والعكس هو الاستثناء.. رغم إني متربي في مكان عادي وطول عمري مفروض متحاوط بكل أنواع وأشكال الناس وكنت داخل الجيش وأنا فاهم طبعا إن نسبة مش قليلة من الشعب المصري عايشين في ظروف مادية قاسية.. بس اللي شفته وأنا جوه كان مفصل ومركز بشكل ماجاش في بالي قبلها.

الواحد ساعات بيحس إن البلد هي دوايره ودواير الناس اللي حواليه وبيقيس عليهم.. وبيطلع الكلام الخراوي بتاع هو يعني الجنيه يفرق مع مين الأيام دي؟.. اللي مابيعملش نص مليون في السنة يبقى فاشل.. إحنا في عصر إتاحة المعلومات والبتنجانات ويلا اتعلم برمجة.. وأصل البلد دي مليانة فلوس بس الناس حطاها تحت السراير.. وكل القرف اللي بيطلع من بني ادمين بيبيعوا نفسهم إنهم قارحين وفاهمين الشعب المصري وجايبين آخره.

في الجيش بتشوف بعينك إن نسبة الشباب اللي مش متعلمين خالص (العادة) حوالي تلت المجتمع.. يعني واحد من كل تلاتة مثلا.. بتفهم إن خريجين الجامعات هم الكتلة الأقل أصلا.. وإن حتى دول كتير منهم تعليمه ضعيف جدا ويادوب بيفك الخط حرفيا.. يعني لو الطبيعي في دايرتك إنك لما تتعرف على حد تسأله بتلقائية إنت خريج إيه وإنت واثق إنه هيقول لك أي كلية أو جامعة.. في الجيش العكس.. الطبيعي والمتوقع إن العسكري اللي بتتعرف عليه مش خريج جامعة أساسا.

لو قعدت تتكلم مع العساكر جوه وتسمع القصص.. هتتعرف على مستويات فقر وعيشة صعبة ممكن تبقى ماشفتوش ولا تخيلته قبل كده.. ودي مش حالات فردية زي الناس اللي بتتعاطف معاهم أحيانا وبتسميهم (أهالينا) أو رقيقي الحال) أو لو إنت شخص م**ص بتنفر منهم وتقول عليهم نصابين ومبوظين البلد عشان بيخلفوا كتير .. في الجيش أصلا ده العادي.. معظم العساكر عندهم نفس الحكايات ونفس الحياة.. لو القطر فاتهم مش هيبقى معاهم فلوس يسافروا بلدهم في الأجازات ولو الميس حصل فيه مشكلة هتبقى أزمة كبيرة إنهم ياكلوا من الكانتين تلات وجبات عشان يقدروا يكملوا اليوم.. يمكن 50% من الشباب جوه بيعيشوا طول مدة الخدمة بالمرتب اللي بياخدوه من الجيش.. سفر وأجازات وأكل وشرب بره ولبس وعلاج وكل حاجة لحد ما مدة التجنيد تخلص ويقدروا يشتغلوا أي حاجة تدخل لهم أي فلوس.. مافيش رفاهية ولا إمكانية إن حد يطلب من اهله يسندوه بمليم وهو مجند.. يمكن فيه عيال كتير بياخدوا من مرتب الجيش ويساعدوا أهاليهم كمان.

إحنا بلد فقيرة جدا جدا.. معظم الناس عايشين بالعافية.. ومافيش أي مساحة لقرش زيادة يتحط على مصاريفهم.. لأن مافيش أي فرصة لقرش زيادة يقدروا يكسبوه.. التعليم في عموم مصر تعبان.. التأهيل مش موجود.. الفرص معدومة.. احتمالية الهروب من الجحيم وتغيير الواقع محتاجة توفيق إلهي إعجازي.. نسبة كبيرة أوي مننا الخمستاشر قرش زيادة في العيش يفرقوا معاهم.. الجنيه زيادة في المواصلات يعجزهم.. العشرة جنيه زيادة في علبة دوا تموتهم.. معظمنا مش متعلم كفاية إنه يلاقي لنفسه سكة يزود بيها دخله ويحسن حياته.. دماغنا مش مهيأة أساسا لطريقة تفكير أبعد من فكرة النجاة قصيرة الأجل.. ناكل ونشرب ونسد الاحتياجات الأساسية للي مسؤولين مننا يوم ورا يوم.. أي كلام أو نظريات أو نصايح مابتراعيش الحاجات دي اللي بيقولها حاجة من الاتنين.. يا مايعرفش يا م***.. وساعات بيبقوا الاتنين سوا

[lily-in-sun]

يا رب خرجني من الخرابة دي في اقرب وقت ع خير يعني كفاية اوي في مصر ٢٥ سنة مش معقول ال متبقي من عمري هيضيع كمان

[lucid-dreamer-0]

الحكمة أحيانًا بتجيلك في اوقات واماكن غير متوقعة، يعني مثلاً مرة الفيسلوف زكي نجيب محمود وهو بيتمشى في الغيط وقف قدام اعواد الذرة واكتشف حاجة غريبة اوي، النبات بيتغذى من عناصر الأرض، والحيوان بيتغذى على النبات، والإنسان بيتغذى من الحيوان وبينتج علم وفكر وفلسفة .. فضل يفكر في المنظر ده كتير لحد ما بدأ يقتنع بكونسبت وحدة الوجود اللي عند المتصوفة اللي بيقول إن كل المخلوقات أصلها واحد وهو الله الوحيد اللي وجوده مطلق غني عن المسببات.

ودي كانت أيام بدايات عمنا زكي في الفلسفة، وزي ما حكينا الكتاب اللي فات حال المجتمع كان عامل إزاي في مصر ومدى أهمية ظهور مفكرين زي الطهطاوي والأفغاني ومحمد عبده وقاسم أمين، فلو تتبعنا مراحل نضج عمنا زكي نجيب محمود هنلاقيها بتمثل نفس المراحل اللي مر بيها مثقفين عصره واللي خلتهم في الآخر أساطير الفكر والثقافة في مصر.

1- أول مرحلة هي مرحلة التصوف واتباع الوجدان والحدس، والتصوف ساعتها مكنش في انقى صوره، بالعكس كان مبني على الخرافة والجهل والشعوذة وتفريغ الدين من محتواه، وده كان الاتجاه اللي كانت دول الاستعمار بتشجعه للاعتماد على الأضرحة وتقديس الأولياء عشان تلهي الناس ووصل لذروته في مصر في أوائل القرن العشرين.

2- المرحلة التانية وهي الهوس بالثقافة الغربية، وده لما راح يدرس في لندن عشان يحصل على الدكتوراة في الفلسفة ورجع بعدها يقيس كل حاجة بمقياس العقل فتخلى عن معظم أفكاره ونظرياته المبنية على الحدس والعاطفة ومشي في فلسفته بمبدأين: ديكارت الفرنسي وبيكون الانجليزي، خد من الأول مبدأ الشك والسببية ومن التاني مبدأ إن صدق الفكرة لا يقام على صاحبها مهما كان. وده هنشوف تأثيره بعد كده في كتاب المعقول واللامعقول في تراثنا الفكري لزكي نجيب محمود.

3- المرحلة التالتة وهي الأصالة والمعاصرة، ودي أهم فترة عشان ساعتها عمنا زكي كان استاذ في جامعة الكويت وعنده وقت فراغ كتير بدأ فيه يراجع التراث الفكري الاسلامي حتة حتة ويقارنه بالفكر المعاصر وينادي بالجمع بين الاتنين، وبعدها طلع بالثلاثية الجولد بتاعته (تجديد الفكر العربي - المعقول واللامعقول في تراثنا الفكري - هذا العصر وثقافته) واللي هتكلم عن كل كتاب فيهم لوحده ان شاء الله.

لكن في العموم الفلسفة اللي خرج بيها عمو زكي من تجربته واللي تهمنا بشدة، هي فكرة الاصالة والمعاصرة، واللي شاف بيها ضرورة الاخذ بعلم العصر مع عدم اهمال التراث، بل بالعكس تنقيته عشان نشوف ايه ينفع وايه لأ (وده اللي عمله في الكتاب التاني من الثلاثية)، لانه كان شايف اننا من غير تراثنا بلا هوية وبلا أمة. والجمع بين الاصالة والمعاصرة كانت ومازالت نظرية عصيّة التطبيق في مجتمعنا وعشان كده كان شايف إننا لازم نقضي على تلات معوقات ضرورين:

1- ان يكون صاحب السلطة هو صاحب الثقافة ويفرض رأيه على غيره بدون حوار، يعني الدولة متتبعش رأي فكري معين وتجبر الباقي عليه زي ما شوفنا بالخصوص ايام الدولة الاموية والعباسية.

2- تقديس السلف والنصوص القديمة واعطاءها سلطة لم تستمع بيها حتى في عصرها، خصوصاً إنه كان شايف إن معظم كتبهم اجابات لأسئلة مبقتش عندنا وعفا عنها الزمن ومكنش عندهم مشاكلنا عشان يبقى عندهم حلول ليها.

3- تقديم الخرافة على العقل والايمان بقدرة الانسان على صنع المعجزات والكرامات، الحتة دي كانت بتحرق المثقفين ساعتها أوي عشان مكنوش عارفين يتفاهموا مع الناس اللي مش شايفين اهمية للعلم أصلا ولا شايفين ضرورة إن يكون فيه سبب للنتيجة، عشان الحاجات بتحصل كدهو ببركة مولانا فلان وسيدنا علان وخلاص.

وبالقراءة والتعمق اكتر في سير مفكرين زمان هتلاقي إنهم تقريباً كانوا بيواجهوا نفس مشاكلنا وبيعانوا من نفس آثار الخرافة والجهل اللي بنعاني منها، وحلولهم وإن كانت ناقصها حاجات كتير، فمازالت مجدية كثوابت وأصول الواحد يعتمد عليها وهو بينضف دماغه وبيوسع ثقافته، وهنا -عكسهم- بتكلم عن الإصلاح الذاتي بغض النظر إن نيتهم كانت الإصلاح المجتمعي، عشان بصراحة معنديش أمل فيه ولا شايف إن فيه منه رجا، كفاية علينا نمشي بمبدأ يا أيها الذين آمنوا عليكم انفسكم لا يضركم من ضل إذا اهتديتهم.

(حتى الراجل في الغلاف اهو باين عليه بيقول لمجتمعه: حلوّا عن دماغ امي!)

[mona--el-tahan]

تخيلوا يا رجالة المعلمة

الشرموطة الشاذة الفاجرة الموجودة الآن .. خايفة جدا .. من الكبير .. كبير رجالة المعلمة السابق .. و اعتقد خايفة من شخص آخر قصير القامة .. او ربما هو نفس الشخص .

و اعتقد إنها بتدبر لهم مكايد الليلة .. مع خول جااى يعرص عليها .. و يقف معاها .. ضدهم.

او أكيد غبائها و جهلها .. جعلها تتناسى .. أنى فزت الليلة بالفعل 💪 .. فى المعركة التى سأخوضها بعد دقائق .. و أرادت .. أن تشفى غليلها .. و حقدها .. و قهرتها .. من قائد فريق عملى السابق

ماذا فعلت ؟!

وسوستلى .. و كررت و عادت .. أن أنا آصريت .. على إختيار .. قائد فريق عملى السابق .. إلى أطاح به .. فرعون مصر الحالى .. ـ طبقا لإدعائها ـ .. أنا إخترته .. يبقى رئيس فريق عملى .. بعد أن أبدأ .. العمل الفعلى.. و انا صاحية .. و لذلك حيجعلونى الليلة .. اخوض معركة جديدة حاسمة .. لو فزت فيها يكون لى ما أردت

و اقترحت عليا .. بعد ما فكرتنى بفيلم x men حلقة العنقاء .. أنى أستعين أيضا .. بالbig boss .. الى كان على كرسى متحرك

و بعديها بقى بشوية .. اخبرتنى تلك الشاذة .. أنى ساقف أمام الآل��ة الليلة .. و لابد أول طلب لى .. يبقى ترك جامعة عين شمس

و أخبرتنى أيضا .. أن قائد فريق عملى السابق .. هو أستاذ ليس بشر .. من جامعة عين شمس .. و يجب أن أتمسك به .. معى .. بمفرده .. يمثل شخصه .. و لا يمثل الجامعة.. و إذا رفض ذلك .. و هو وضع شرط وجود الجامعة .. أنا أغضب .. و أتبرم .. و أعلن رفضى للشغل 🤣

تعليقى👇👇

شوفى يا شرموطة يا بت الشرموطة .. يا شاذة يا بنت الشاذة .. متواجدة الليلة .. يا تربية بيوت الدعارة .. يا الى .. لو اتهبدتى .. و اتنططى .. لن أوافق ان اى شرموطة شاذة فاجرة وسخة من عينتك .. تتواجد معايا

أنا فزت الليلة💪

و لا أنتى .. يا شرموطة شاذة .. و لا أى شاذة أخرى .. من كوكب الأرض .. أو غيره .. تتجرأ .. تخوض معركة من معاركى .. أو توقف قدامى .. فى معركة .. أنا كنت فعصتك تحت جزمتى .. يا شاذة فاجرة بجحة

و حياة أمك الى انجبتك فى الحرام .. فى بيت دعارة

ما ح أشتغل .. و أنا صاحية .. و أبدأ شغل فعلى .. إلا لو ترأس فريق عملى .. رئيس فريق عملى السابق

و لو كان هناك أى رأى .. فى هذا الموضوع .. لأى شرموطة شاذة فى بريطانيا العرة .. أو مصر .. او بقية كوكب الأرض .. أو فرعون مصر الحالى .. الى أنتم مغميين عنيه .. يبقوا يستعينوا بيكم .. هؤلاء الآلهة .. تشتغلوا انتم .. لأنى لن أشتغل

و أنا كفاية عليا فوزى فى معركتى .. كل ليلة .. وقهرتكم و حارقتكم نتيجة لذلك

اصبرى يا شرموطة يا وسخة يا شاذة يا تربية بيوت الدعارة .. لما تتقهرى .. من فوزى الليلة💪

و لمى نفسك يا روح أمك .. واوعى تنسى نفسك و حجمك أمامى .. أنا المصرية الخارقة 💪 .. و لسانك النجس الزفر الشاذ هذا .. لا يأتى مرة أخرى .. على ذكر .. أساتذتى و معلمينى .. من قائد فريق عملى السابق .. و قائد المتحولون بتاع فيلم x men

إنتى جاية عندى الليلة .. مجرد خيال مآتة .. فردة جزمة قديمة .. و اقل من الجزمة .. يا شرموطة شاذة

[5005-2]

كنت بخلص شغل و واحد من المناديب جيه و بقالي كتير بشوفه و اول مرة اتكلم معاه مندوب و اتفاجئت انه فلسطيني عشان بيتكلم مصري أحسن مننا فا بقوله انت مولود هنا قالي لا انا نزلت بعد الحرب بقالي خمس شهور في مصر و تعبت اوي العيشة هنا صعبة اوي و عمال يشتكي من البلد شوه مصر اكتر ما هي مشوهة افتكرت هنيدي و هو عمال يقوله خلاص يا علي كفاية يا علي عرفت يا علي😂

[marmarika-world]

يا أهل مصر

كفاية جيبسون بورد

و كفاية سبوتات

و السلام عليكم ورحمة الله وبركاته

[zawzana1]

كفاية hidden gems يا مصر.

[weirdnoury]

بقالي 3 شهور بدور على شوز حلو ومش معدي 2500 ومش لاقيه واتمنى كفاية يا مصر كده كفاية رجلي ورمت

[sam-amr]

تعالى يا زعورب يا من لا تاريخ له ولا اثر له مش كفاية انك كذاب وكمان سارق بجح

إن اقدم مثال أثري موجود في العالم عن المشربية هو في مصر تحديداً في بيت الرزاز المبني سنه ١٤٨٠

وثاني اقدم مثال هو في مصر أيضا في بيت الكريتلية المبني سنه ١٥٤٠م

وثالث اقدم مثال هو في مصر أيضاً تحديداً بيت السحيمي المبني سنه ١٦٤٨م

والغريب انه بعد تلك الأدلة الأثرية يأتي شخص وينسب المشربية لبلدان اخرى

[aaaalsafar]

تقول جوزي امه ماتت و هو عنده سنة و عمته ربته لحد ما شد حيله شوية و بقا عنده خمس،سنين و ماتت هي كمان

كان ابوه في الفترة دي متجوز بعد مامته ف راح قعد مع ابوه و مرات ابوه

مرات ابوه كان عندها ولد و بنت من جوزها الاولاني و خلفت اربعه كمان من ابوه

كانت بتعاملهم كلهم كويس و بحنيه الا جوزي كانت قاسية عليه اوي

لدرجة انه حتى الاكل ولادها ياكلوا فراخ و لحمة و هو تحطله شوية عدس و لا بصارة و لا رز و طبيخ و خلاص

كان شاطر اوي في المدرسة و بيطلع من الاوائل

لما وصل لاولى اعدادي فضلت تزن انه كفاية تعليم و يشتغل مع ابوه عشان يصرف على اخواته

و ابوه للاسف كانت شخصيته ضعيفه جدا و هي اللي مسيطرة على كل حاجة

ساب المدرسة و اشتغل نجار مع ابوه عشان يصرف على تعليم اخواته و الاتنين اللي مش اخواته اللي هما في سنه و اكبر منه

و كبر جوزي لحد ما بقا عنده عشرين سنة على نفس الوضع

جه ابوه مات

اول حاجة حصلت انها طردته من البيت و كلت عليه ميراثه من ابوه

جوزي قعد كام شهر متبهدل شوية عند عمه شوية عند صاحبه لحد ما ربنا كرمه بعقد عمل في دولة عربية

قعد هناك 15 سنة متواصل منزلش مصر ملوش حد ينزله

ربنا كرمه اخر كرم و فتح له ابواب الرزق من حيث لا يدري و لا يعلم

جوزي بقا مليونير اللهم بارك يارب

ف نزل مصر بعد 15 سنة غربة

اول حاجة عملها بنى جامع على روح امه و ابوه الله يرحمهم

راح لبيت ابوه يزور اخواته لقى حالهم لا يسر عدو و لا حبيب

البيت كان مبني من الطين و دور واحد

بناه بالمسلح و عمل دور لكل واحد من اخواته و اللي مش اخواته يتجوزوا فيه

البنات جوزهم و جهزهم من الالف للياء

و الرجالة اللي متجوز فيهم ساعده ماديا بالفلوس و اللي مش متجوز اداله فلوس يتجوز بيها

و اللي عايز يسافر منهم سفره البلد اللي كان فيها يشتغل

و بعد ما عمل كل ده جه اتقدم لي و هو اكبر مني ب 10 سنين و اهلي رفضوه عشان مش متعلم

بس انا صممت جدا اني اتجوزه لاني مش هلاقي في طيبته و لا حنيته دي ابدا

و اتجوزنا الحمد لله و اول حاجة عملها بعد جوازنا

خدني على بيت ابوه ازور اخواته و مرات ابوه !

مرات ابوه المرض هد حيلها و كانت مقعدة

اول ما دخلنا لقيته بيسلم عليها و يبوس راسها و بيقولها ازيك يا امي و دي مراتي فلانه بيعرفها بيا

و اداها ظرف فيه فلوس و مشينا

فبقيت هتجنن منه

ايه اللي انت عملته ده !

مش دي مرات ابوك اللي عملت و سوت و البلد كلها شاهدة على قسوتها عليك ؟

قالي اللي عملته هي عند ربنا و اللي بعمله انا كمان عند ربنا

ابويا موصيني عليها و ما اتعودتش اقسى على حد ضعيف

مهما كانت قاسية عليا كتر خيرها انها ربتني و راعتني و انا مش ابنها لحد ما بقا عندي عشرين سنة.

و مشيت حياتنا على كده كل اسبوع لازم نزورهم و جوزي متكفل بيها و بولادها من الالف للياء

و ربنا مبارك في الخير و الرزق والله العظيم

الست دي حالتها اتدهورت و تعبت اوي و جالها مرض الموت

جوزي وداها انضف مستشفى خاصة في القاهرة

و هي في العناية المركزة و جوزي برا هو واخواته الدكتور خرج نادى على جوزي و قاله الحاجة عايزاك جوا

دخل لها لقاها بتبكي و بتقوله كان نفسي اوي تاخد حقك مني في الدنيا بدل ما تاخده مني في الاخرة

انت طلعت اكرم مني و رديت لي الاساءة بالاحسان بس انا عارفة انك من جواك مش مسامحني

و بقت ماسكة ايده عايزة تبوسها عشان يسامحها

جوزي قالها والله العظيم مسامحك سامحيني انتي لو قصرت في حقك طول سنين الغربة

قالت له عم��ك ما كنت مقصر و لا قاسي و وصته على ولادها و قالت له متاخدهمش بذنبي ملهمش حد غيرك بعد ربنا

و لما تروح تزور ابوك و امك ابقا زورني و اقرالي الفاتحة

و ماتت الست و جوزي عملها جامع صدقة على روحها

و كل اسبوع بيروح يزور امه و ابوه و يزورها معاهم و يدعيلهم التلاته بالرحمة و المغفرة

قسوة القلب مرض ربنا يعافينا منه و الطيبة و لين القلب اكبر نعمة من عند ربنا

الكلام ده لكل حد قلبه قاسي على أهله..

انا بحب جوزي و كل يوم بيكبر في نظري بسبب اللي عمله و اللي لسا بيعمله مع اخواته ربنا يبارك لي فيه و ما يحرمني منه ابدا ..

اذا اتممت القراءه علق بالصلاة على النبي

واضغط متابعة ومشاركة لصفحتي ليصلك كل جديد

[lucid-dreamer-0]

النهارده وانا مروح قولت للسواق رايح كذا يا 'باشا' (كاجوالي والله) فقام واقفلي وبعد ما ركبت قالي لما انت تقولي يباشا تبقى سبتلي إيه حلو أقولهولك؟ قولتله لا ده انت باشا وأحلى باشا كمان كفاية وشك السمح ده يراجل يا عسل.

وبعدين لاقيته بيحكيلي قصته عن إزاي وليه مكملش تعليمه، بالنسبالي ملهاش علاقة والله خالص بس ده استكمالا للحساسية المفرطة عند الناس اللي مكملتش تعليمها اللي اكتشفت الpeak بتاعها في الجيش، والدافع الغريب اللي بيحسوا بيه عشان يبررولك هما ليه معهمش غير ابتدائية عشان يحسسوك انهم يستاهلوا احترامك ومعاملتك الكويسة.

وبيني وبينك الموضوع بيضايقني سيكا، واللي هو والله يعم الناس سواء بتعرف تفك الخط او لأ انت تستاهل الاحترام والمعاملة الكويسة والدردشة وكل حاجة حلوه، وده بيخليني اتساءل هو شاف إيه عشان يحس بعكس كده؟

فاكر مرة كنت سمعت واحد في الجامعة بيبرر النظرة الدونية للأميين في إنهم عمرهم ما قروا كتاب! وبغض النظر عن انت عندك كام مليون واحد بيعرف يقرا وعمره ما قرا كتاب، سألته بعد ما أثار فضولي نظرته لعدد الكتب اللي قراها الشخص كمقياس لمعرفته، وقالي إنه قرأ اكتر من 50 كتاب، فحسيت بالحاجة لإني ا-humble him شوية فقولتله: على فكرة عدد الكتب مش مقياس، عندك أنا مثلا قريت بالميت كتب قد اللي انت قريتها في حياتك كلها 10 مرات ودي أول مرة في حياتي أكتشف إن ممكن حد زيك يبقى كمل تعليمه وقاري كتب قد كده وفي نفس الوقت لسه أمي!

وطبعاً أنا هنا بتكلم عن جهل أصحاب النظرة الدونية لغير المتعلمين، فما بالك بقى باللي شايفين إن طب بس هما اللي يتقالهم دكاتره وخريجي اسنان/ علوم/علاج طبيعي مش دكاتره حقيقين، او بتوع هندسة اصعب كلية في مصر والامثلة المضحكة للنظرات الدونية الغير مبررة للآخرين رغم إننا كلنا عارفين إن كله في الميزو فمفيش داعي نسوقها على بعض.

[mona--el-tahan]

فى احد بيهزر و بيكلمنى عن جامعة عين شمس الان😜😜

ردى👇👇👇

كفاية على جامعة عين شمس .. التسجيلات والفيديوهات الى فابركها ليا شراميطها الشاذة و خولاتها

يعنى .. بقية شراميطها الشاذة .. و خولا تها الى ظهروا على الساحة مؤخرا .. و طمعانين فيا حاليا .. والى عايزين يستفيدوا من قوتى .. انا مش موافقة

يا كبار العالم والكون .. انا غير موافقة للابد ان تستفيد .. حامعة عين شمس فى دولة مصر .. من قوتى الخارقة .. او يحققوا اى مكاسب .. تعود بالنفع عليهم .. او على جامعة عين شمس .. باستخدام قوتى.. او تكون تلك المنافع .. نتائج لانتصاراتى .. فى أى معارك

واتمنى اقدم استقالتى .. من جامعة عين شمس .. امس قبل اليوم .. لكن كبار العالم و الكون .. مانعين عنى فلوسى و مستحقاتى .. الى تعيشنى العمر كله دون ان احتاج الى اى عمل .. فلا يكون لى مصدر دخل غير انى اشتغل فيها .. علشان بيعرصوا على القيادات الشاذات و الخولات الى بيديرو�� جامعة عين شمس .. من اجل ان يستطيعون حاليا .. تقديم مبررات .. لتقاريرهم الكاذبة عنى .. و الى استغفلوا بها الكبار فى جامعة عين شمس و غيرها

واوعوا .. احد ينسى .. انا جئت بمرتبى و درجتى من جامعة المنوفية .. يعنى جامعة عين شمس .. ليس لها اى فضل عليا .. لا فى تعيينى .. ولا درجتى .. ولا مرتبى

اعبد واكرر👇👇

انا ارفض للابد .. ان تستفيد من وراء قواى جامعة عين شمس .. او يتم استغلالى فى اى معارك و انا نائمة.. لا حول لى ولا قوة .. تعود باى فائدة .. على جامعة عين شمس نفسها .. او .. على اى خول او شاذة من القيادات فى جامعة عين شمس .. او اى جماعات فيها

و اتبرأ من استغلال قوتى .. و انا نائمة .. لا حول لى ولا قوة فى ذلك .. بأن تجعلنى شىراميط الجامعة الشاذة وخولاتها .. اردد وراهم اكاذيب بعكس ذلك .. و انا نائمة .. لكى يستغفلوا حمار و يوهموه .. بانى اتعاون معاهم .. وهذا كذب

انا مش بتاعة تسامح

[danceandrant]

لا لا انت عمرك ما كنتي ولا هتكوني مشكلة. انتي جميل ♥️

بس لاجل الفضول ممكن تفهميني وين المشكلة اذا تكرمت؟ 😂

في دبي مثلا خلوا ناس تعيد عشان ما وقفوش ورا اتوبيس المدرسة و حاولوا يتخطوه. ييجوا يشوفوا مصر و هي بتسابق عربية الاسعاف 😂

الامتحان معايره صعبة شوية لكنه مش مستحيل و حاسة إني اقدر انجح عادي بس هي بتبقى اخطاء صغيرة جدا في الحياة العادية ممكن متكنش ازمة خالص بس في الامتحان تسقط. النهاردة سقطت عشان مهدتش كفاية وانا داخلة على شارع رئيسي و الممتحنة افتكرت إني مش هقف مع اني كنت هقف و ابص قبل ما ادخل والله بس عشان مهدتش كفاية أداها إيحاء إني مش هقف فهي داست الفرامل و بمجرد ما هي تدخلت خلاص سقطت. المرة اللي قبلها سقطت عشان عصلجت و أنا بغير الgear فالعربية بطأت شوية فالعربية اللي ورايا بطأت، بالسلامة سقطت، المرة اللي قبل قبلها كنت بركن و مبصتش في المراية، ديه كانت غلطة جامدة آه فسقطت و هكذا كل مرة باندهش بقدرتي على الفشل ماشاء الله😂

شكرا على ذوقك يا أنون، أنت اللي قمر❤️

[marmarika-world]

انا معرفش البنت دي بس بدعم البنت دي واللي شايف بوستي غلط طظ وياكل خرة ايه عينتو نفسكم قضاة؟ مصر كلها بتنهش في لحم البنت ايه ايه مساعير.... ايه السعار والجنون دة مشفتش كدة فحياتي دموية وافتراء ووحشية وقسوة وجحود كل الدعم للغلبانة دي ويغور اي حد بيفضح يناوي يتسبب في انتحارها كفاية سواد بقي وركزو فنفسكم...

كل واحد يركز ف قفاه دة..... في عيال شفت كومنتات ليها بتطلب فلوس مقابل الفيديو

..... احط اصناف البشر

متوقعين ايه من بنت زي دي بعد الفضيحة دي كلها يا حتنحرف رسمي ياحتنتحر ملهاش حل تاني

حتواجه المجتمع وتنزل من بيتها ازاي متوقعين تبقي سوية نفسيا تاني..... دمرتو البنت وفضحتو شرفها.... ازاي طيب ابوها واخوها واهلها ياكفرة يبصو فعين الناس ازاي.... ارحموها يا غجر ارحموها يرحمكم الله انسانة واقفة لوحدها بتدافع عن شرفها قدام ١٠٠ مليون انتو مبتصدقو مصيبة روح يابني انت وهي شوف امك واختك الاول

مأساه و الصفح بتنزلها فيديوهات دلوقتي و في الكومنتات الشباب المتدين بطبعه بيتفاخر انه شاف الفيديو و الي بيتفاخر ان معاه فيديو اطول من التاني و فعلا بيطلبوا فلوس علشان يبعتوه و حاجة في منتهى الوساخة و التدني … الواحد خلاص مش قادر يستحمل السواد الي محاوطه من كل جهه و كأننا عايشين في بلاعة.....

الراحمون يرحمهم الله...

[saraellaithy]

الكتاب هو دراسة أكاديمية في الأساس، ويتناول القضايا التي كان يثور النقاش والمعارك الصحفية حولها في الصحف ذات الاتجاه الإسلامي والصحف الأخرى في الفترة ما بين الحربين العالميتين

ومن الواضح إن النقاشات والمعارك هي هي منذ حينها للآن

الصراع على السنة والقرآن وإن كفاية القرآن والأحاديث مش مهمة ولا الأحاديث هي اللي بتفسر القرآن ونفس الخناقة اللي شغالة لحد النهاردة بالظبط

خناقة مصر عربية ولا فرعونية

العلمانية حلوة ولا وحشة

نعلم المرأة ولا منعلمهاش وكفاية عليها المطبخ؟ طب تشتغل ولا عمل المرأة فتنة؟ ونفس الكلام بحذافيره اللي بيتقال لحد النهاردة

خلافة ولا مفيش خلافة؟ المثير في الأمر أن اللي بيدافعوا عن الخلافة كانوا قيصريين أكتر من قيصر نفسه، يعني أتاتورك جاب درفها وقال خلاص ملكوش خلافة عندي؛ فقعدوا يتباحثوا حول شرعية الأمر ونروح نجيب خليفة منين؟ وهم أصلاً دول محتلة والأجانب اللي حاكمينهم معرفش كانوا بيدوروا ع خليفة لإيه بالظبط يعني؟

فهي نفس الخناقات اللي احنا عايشين فيها للنهاردة ومبنوصلش فيها لأي حاجة، بس الناس فاكرة انها فتن جديدة وانهم بيحاولوا يزعزعوا الدين والنفوس ومش قادرين يستوعبوا ان المواضيع دي كلها موجودة من زمن الزمن من يوم ما ظهر الإسلام أصلاً، ولا الدين اتزعزع ولا حاجة من ثوابته اتشالت ولا حد هيقدر يعمل حاجة، بس أهو كل واحد بيبعبع برأيه وخلاص

"إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ"

ا��خناقة الوحيدة اللي لفتت إنتباهي لإنها معدتش موجودة دلوقتي هي الخناقة ع ترجمة القرآن، وإن في ناس كانت بتحرمه وشايفة إن ده تحريف، واللي عايز يسلم لازم هو اللي يتعلم العربية عشان يفهم القرآن، اللي هو يعني يا صلاة النبي الناس الأجانب المفروض يسلموا عمياني كدة من غير ما يعرفوا حاجة عن الدين ده أصلاً ولا كتابه لمجرد إنكم عايزين تحتفظوا بالقرآن نسخة عربية بس لوحدكم، وهم المفروض يصدقوا عمياني كدة إن ده دين الحق وإنه دين صحيح من غير ما يقروا ولا يعرفوا حاجة عن مصدره لمجرد ان انتم بتقولوا لهم كدة يعني؟!

المهم يعني أنا كنت بقرأ الكتاب أصلاً ع أمل إني أخد حاجة منه في دراسة الماجستير بتاعتي والحمد لله قريته كله ما يزيد عن 400 صفحة ومخدتش منه غير فقرة 😫

#صحافة_الاتجاه_الإسلامي_في_مصر_فيما_بين_الحربين_العالميتين للدكتور #جمال_عبد_الحي_عمر_النجار

#جولة_في_الكتب #كتب_إعلامية

#سارة_الليثي