#شكراً يا كوكبنا

[es-r-aa7]

الصبح دكتورة

وبعد الضهر مريضة

واهي ماشية :""))

وبكدة يكون secondary bacterial infection حصل بنجاح .. ندعي بقى نخف قبل رمضان عشان العملية مش مستحملة 😅😭

[es-r-aa7]

عزيزي العالم

أصدقني القول وصارحني ما الذي تخبّئه جعبتك لنا؟ أتدري؟ السنةُ فعلياً انتهت، ولا أخفيك، لم تكن سنةً حنونة..، لكننا واجهناها بنضج أكبر من ذي قبل.. أجل هذا ما كسبناه، قِلادات كثيرة تقلّدناها على صعيد الجهد والنضج، لكن على صعيد الفرح لم نُحرِز الكثير..، أترانا نُفلح في حِرفة السعادة السنة القادمة؟ حققنا بعض أهداف السنة، لكنّ هدفَ السعادة يظلّ يتأجل.. ، نحمله من سنة إلى أخرى، ربما علينا ألّا نحملَه بل أن نتركه يتمشّى برفقتنا ونحاوره ونفهمَ عمقه ومرادَه..🤎

الحمدلله اني بانجو من غير بانجو 💖💖

[es-r-aa7]

في مُحاولات للإزهَار💗😁👧🏻🦋

بس هو يوم تلات حضرتك 😩😩🥹🤦🏻‍♀️

[es-r-aa7]

وقالوا: يكتم الإنسان غضبه في قلبه..ويظنّ أنه اختفى..فيظهر فجأة في الوقت الخطأ وللأسباب الخطأ وللناس الخطأ..

إنها رذيلة عدم خوض المعارك في وقتها.

[es-r-aa7]

[es-r-aa7]

تعبانة بقالي شوية حلوين ، ولسة راجعة البيت ف قولت اعمل قهوة ونحاول مرة اخري.. طعم القهوة غريب فشخ

أسماء اختي وهي بتقولي بابا عايزني اسلق له بيضة معايا اعمل دا ازاي بقى ! انا كنت بحط واحدة ف الكنكة واخلص 🙂🙂🙂

يعني انا حاسة التذوق لسة شغالة والطعم دا عشان اختي بتسلق البيضة ف الكنكة بتاعتي 🙂🙂🙂

يا رب انت الحنين ع عبادك ي رب😭

[es-r-aa7]

مساء الخير

ياما ناس واخدة كورسات soft skills بس قليلة الرباية :))

[es-r-aa7]

من يومين الsmart watch عملت alarm جامد كدة وادت notifications فيها وفي الموبايل ان معدل ضربات قلبي سريع عن العادي من بداية اليوم وع مدار شهرين heart rate unnormal واللي هو خضتني ي بسيوني .. وحياة ابوكي ي شيخة تعملي الحركات دي تاني مرة اما تلاقيني داخلة ف syncope غير كدة تخرسي خالص عشان انا اصلاً مش ناقصة توتر لان كل اللي احنا فيه دا بسبب ال stress life style:)

[es-r-aa7]

كل شئ حرفياً بقى متوقع من قبل دماغي ..

مين كان يصدق اني أعيش واشوف حكومة المانيا بتنهار ، وقريب هتحصلها فرنسا ل ومجدش جديد .. و كوريا الجنوبية بعد ما شهدت تقدم أقتصادي تكون الشئون الداخلية ليها مليانة عك ( لو عملنا zoom in ) .. وان حلقة black mirror والشخصية الكارتونية waldo اللي حرفياً ترمب ف نفسه ونفس الحالة السيكولوجية اللي بتحصل .. يعني بجد بجد مش عارفة العبث دا هيرودينا فين !

وقت الثورة السورية انا غمضت عيني عن الاحداث تماماً - كنت لسة متعافتش من اللي حصل عندنا ومازلت لم اتعافى بشكل كامل عموماً - ف اما جيت دلوقتي القي نظرة سريعة لقيت الموضوع مكلكع و في حوارات و حكومات وسياسات وصوابع كتير فشخ ف الموضوع من اوله .. وقررت اتعلم الدرس وهو اني بفرح بمواقف و اثني على قرارات صائبة وليس اشخاص.. لا مزيد من الشيك ع بياض ان الشخص دا فل الفل ي جماعة ..

عموماً يعني .. محتاجة اظبط اورادي تاني عشان حاسة اني هروح ف الشلاحات مع اي unexpected event والله 😂🤷🏻‍♀️🥹

[es-r-aa7]

الميم بتاع ابعتولي فلوس عشان اعرف اجي الشغل اصبح حقيقة يا ولاد 🤭

انا اجازة لحد م المرتب ينزل عشان مفيش فلوس حقيقي لمواصلات الشغل حتى 😅

شكراً ي حكومة يا بنت ….

[es-r-aa7]

كنت راكبة انا واخواتي مع كابتن كريم .. الكلام جاب بعضه وجبنا سيرة الاسرة والاطفال وانه لسة عندة اول بيبي ٩ شهور وموضوع انه يسافر بعيد عنه دا صعب .. ف راح قال لمحمود ان كنت هقولك ربنا يرزقك بس كفاية عليك كدة 😂😂😂😂😂😂🤡

* محمود*

اقسم بالله م ولادي 😂😂😂😂😂😂😂

ملحوظة :

محمود مولود على ايدي وبقيت ف نظر الناس بنته خلاص 😂😂😂🤡👧🏻

[es-r-aa7]

الكوباية التالتة هتبقى شاي ! .. اصلاً عادي :-|

[es-r-aa7]

في لحظات هدوء ف دماغي - لحظات نادرة- بقيت متيقنة ان كل واحد فينا حياته عبارة عن واحد صحيح .. مقسمة لبسط ومقام ، مينفعش نحكم على اي حد مهما كان من رؤيتنا للبسط - اللي باين - بس ، لازم نبص على مقامه بردو .. يعني لو هو عنده ٤ ف البسط وانا عندي ٢ ف مقامي اكتر منه بالتبعية هيكون هو ٦ وانا ٨ .. لو كل واحد خلاه ف بسطه ومقامه هنروح ف حتة تانية والله :))

[es-r-aa7]

شوفت فيديو خطير، عبثي هزلي، يلخص الرجالة

ببساطة واحد من اللي دخلوا قصر اللي ما يتسمى، راح دخل اوضة ولقى صورة واحدة ست حلوة ، وقف شوية وكان متردد يرميها ، بعدين قال والله حلوة حرام، بس والله مو مشكلة ، كل البنات حلوين وراح رماها

اكتشفت إن طبيعة الراجل واحدة، من الزقازيق لـ تكساس، ومحتاجين العالم كله يصمت دقيقتين ويشرح لنا الكائنات ديه بتفكر إزاي ! 😅😅

[es-r-aa7]

Morning coffee ☕️

[es-r-aa7]

بقالي شوية حلوين بحاول ازود الكتلة العضلية ف حياتي - بيزيد معاها دهون كدة كدة - وبحاول اقنع زمايلي ف الشغل اني والله بدأت اتخن لحد ما واحدة بدأت تاخدني ع قد عقلي وتقولي ايوك فعلاً.

النهاردة اول مرة اشوف مديرتي من ٥ ايام فاتو وكنت لسة بدأت البس لبس خريفي اول جملة قالتها وهي بتحضني الناس كلها تشتي تتخن وانتي تشتي وتخسي 🙂🙂🙂🙂

اخس !! يعني ايه الكلام دا 😅