weirdnoury

[weirdnoury]

رجعت للغيط تاني من أجل أن أكون بخير فبقيت اعيش وسط لؤم الفلاحين

[weirdnoury]

قد كنت أرجو في حياتي زهرة والآن قلبي بالحقول مليء 🌸❤️

و أصبحنا عائلة مكونة من ثلاثة أفراد

أب و أم و إبنة جميلة..

فيارب آلف بين قلوبِنا، وأصلِح ذاتَ بيننا، واهدِنا سُبل السلام، ونجِنا من الظلماتِ إلى النور، وجنّبنا الفواحِش، وبارِك لنا في أسماعنا، وأبصارنا، وقلوبنا، وأزواجنا، وذرياتنا، وتُب علينا إنك أنتَ التواب الرحيم♥️

[weirdnoury]

أنا عقلي كبير أوقات و أوقات بيصغر أوي لما ألاقيني فاكره خناقة من سنين.. خناقة باصالها من سني وعقلي بتوع دلوقت وبقول أنا ليه كنت طيبة معاهم ومردتش عليهم بكذا وكذا وعرفتهم مقامهم لكن في الحقيقة ��نا في السنين اللي فاتت مكنتش الإنسانة اللي عليها دلوقت بك�� بساطة ولا كان وقتها هيجي في بالي ادافع عن نفسي قدامهم بكذا وكذا ومش عارفه ليه حقيقة هاممني لحد الآن أقولهم إني كنت احسن منهم، عموماً هي مش مسابقة وملهاش لازمه وانا ليا دلوقت حياتي اللي مستنياني ومستنيه ابصلها هي و آخد بالي منها هي

[weirdnoury]

🌿🩷

[weirdnoury]

قلبي ضايع مين يلاقيه لي

باين لي نسيته حدى أهلي

ينفع أحبك من غير قلبي؟

[weirdnoury]

توتا جالها أحلى ارنوب كروشيه عليه اسمها 💜

من براند

@neoma_s_

هتلاقوهم على انستجرام

[weirdnoury]

بحب الرمان لدرجة إني عملت سلطة بتنجان وحطيت عليها رمان وعملت كريب وحطيت عليه رمان ولو محدش وقفلي دلوقت همسك البت توتا احط عليها رمان و آكلها

[weirdnoury]

أوقات بحس إن في ناس محظوظين إن مجاش اللي يعرفهم مقامهم بس

[weirdnoury]

انا بحب تسنيمة اوي بس الأمومة دي صعبة اوي، ممكن مثلاً احبها وتعيش معايا بس حد تاني ياخد باله منها وأنا هبقى بلعب معاها و ادلعها وكده بس

[weirdnoury]

قبل ما اخلف لما كنت بحلم أوقات كتير كنت بعرف اصحى من الحلم أو ببقى عارفه إنه حلم لكن من ساعة ما توتا جت نورت الدنيا و أنا أي ساعة بنامها ببقى عاوزه انامها نوم عميق عشان اصحى فايقة أو جسمي بيبقى مجهد فبتقتل فيها مش بنام بس وهنا تيجي مرحلة إني بعيش الحلم أوييي وده مزعج فشخ يعني تخيل أنا النهاردة حلمت إن في زلزال طبعاً كنت قايمه مقتنعه إن ده حقيقة و إن جسمي والسرير كانوا بيتهزوا و دخلت على فيسبوك اتأكد هو في زلزال فعلاً ولا إيه ملقتش حد كاتب حاجة، الأمومة بوظت دماغي :"

[weirdnoury]

حصل معايا موقف النهاردة بجد الناس يا هتقول عليا بألف يا لسه شايفه فيلم رعب قلت اقتبس منه لكنه للأسف حقيقي ومش عارفه افسره إلى الآن

كنت تعبانه جداً من السهر مع تسنيم و نيمتها على سرير و روحت اترميت على سرير جنبها من غير ما اسمي أو اذكر الله وأنا لسه بين الصحيان والنوم حسيت برجل صغيرة عند رجلي وبتلمسها قلت يمكن في هدوم على السرير أو كده وجيت ازقها لقيتها بتزقني اتخضيت لدرجة إني مقدرتش ابص اشوف في ايه وفجأة حد من ورايا رفع جسمي شوية وكأن حاجة اتسحبت من تحتي ونزلني تاني وانا من الرعب والصدمة لا قدرت افتح عيني ولا قدرت انطق وبقيت عماله اقول في سري اعوذ بالله من الشيطان الرجيم لحد ما نمت

يارب أنا مش قد أي لعب من ده يارب

[weirdnoury]

أمضي، لعلي أنجو

[weirdnoury]

أحاسيس دبلانة أكنه فصل الخريف

لا بيأثر ذم ولا بيأثر مديح

والمسكنات مبتوقفش النزيف

[weirdnoury]

أصبح للجسد روحاً و للعين قرة❤️

Two months of Tasneem🩷🍓

[weirdnoury]

التقدمية والتحضر ده عند الست الوالدة إنما هنا الناس بتدبح وتاكل بعضها يابن الغبية

[weirdnoury]

عياط توتي بيتلف أعصابي وبيخليني مش عارفه أراضيها ازاي وهي بتقعد تعيط كتير وترفرف بإيدها شبه العصفور الصغير اللي تايه من العش بتاعه فقررت ألبسها الغوايش اللي جدتها جابتهم لها من عند السيد البدوي عشان كل ما تقعد ترفرف بإيدها يعملوا صوت وتتلهى، المهم انهم جم واسعين و وقعوا كلهم في الأرض مع أول عياط منها بس المهم الشياكة يا حاجة نعمة الله

[weirdnoury]

بيقتلوا بالسلاح ومِن غيرُه

وبيسجنوا بالسلاح ومِن غيره

والمَلِك عيّل صُغير بيبتسم للدمّ،

وإيديه في مناخيره