weirdnoury

[weirdnoury]

قبل ما أولد تسنيم كنت لازم آكلها كده واقعد اقشرها ولو ساعة عادي إنما دلوقت من قلة الوقت م��كن آكلها بالبذر وانا واقفه في المطبخ من غير أي تقشير 🥹

[weirdnoury]

العيال بتربينا..

فاطيما صحيت الصبح مقررة القرارات التاليه عشان تتنازل وتروح الحضانه

انها مش عايزة تسرح شعرها

انها من بين كوتشياتها كلها اختارت الأقذر💕

التيشيرت طلعته من سبت الغسيل والبنطلون مش محتاجه أقول انه بنطلون البيجامه !

وبسؤالي ليها ايه غايتها من اللوك المجربع دا قالتلي مش قادرة !انا معرفتش هيا مش قادرة ترد عليا ولا مش قادرة تروح الحضانه بس احتراما لجملتها القصيرة مناقشتهاش واول ما نزلنا عشان نروح المخروبه لقيتها بتعيط قولت ف نفسي يبقي اكيد البت فعلا مش قادرة بس وانا بتناقش معاها اكتشفت انها بتعيط عشان طاوعتها تنزل م البيت مبهدله ومزعقتلهاش!

حاليا هيا مُضربه عن الكلام والحركه إذ انها لا راضيه تطلع البيت تغير وننزل ولا راضيه تطلع وننام ولا راضيه نمشي وهيا مبهدلة بس طبعا دي طفله ولازم نحافظ ع ثباتنا الانفعالي ��قعدت ع الرصيف وطلعت اللانش بوكس بتاعها آكل أكلها لغايه ما تخلص اضراب 🩷

[weirdnoury]

اكتشفت إن العالم في مصر يخافوا مايختشوش بشكل بشع، البلطجة هي اللي سايقه والصوت العالي وقلة الأدب بقوا الأسلوب الرسمي للعالم وأصبحنا نعيش في اوسخ حقبة زمنية مرت علينا

[weirdnoury]

زمان من خمس سنين مثلا كنت بكلم واحدة صاحبتي إني عاوزه اسافر أي مكان حتى لو استراليا مثلاً وصاحبتي دي قالتلي لا بلاش استراليا كلها حيوانات وزواحف وبتاع وبلد مرعبة، المهم صاحبتي دي هتتجوز بعد شهر وهتسافر مع جوزها استراليا

[weirdnoury]

في وقت سابق مكنتش الشخص اللي يعمل حاجة مش على مزاجه أو كراهية مهما كانت العواقب وكنت لا أخاف لومة لائم.. النهاردة أنا تحت أمر كائن صغير مقفلش خمس شهور وبعمل كل الطلبات بكل الحب.. أنا كنت زمان مستحيل أصحى لحاجة مش ضرورية ولا اسهر لها متذنبه لكن اتغيرت وبقيت بعمل كل المهام وهي على قلبي زي العسل رغم الإرهاق والتعب وربنا يخلي السبب في ده وتكبر وتبقى فراولاية عسولة طول الوقت ♥️🍓

[weirdnoury]

بان كيك لسه متفطمش زي تسنيمو بالظبط

[weirdnoury]

في الأيام الصعبة وانا شحط

بفتكر الأيام الصعبة وانا عيّل

وبقول عديتهم وانت قليّل

مش هتعديهم دلوقت؟

[weirdnoury]

[weirdnoury]

التربية و رعاية طفل صعبة أوي يارب.. يارب تدخلني جنتك بعد الصبر ده

[weirdnoury]

اكتشفت مكان هادئ ممكن تقعد فيه مع نفسك أو مع أسرتك الصغيرة من غير ما حد يضايقك وهو المسرح الروماني

[weirdnoury]

"بره وجوه فرشتلك وانت مايل إيه يعدلك"

أنا بصراحة من الأشخاص اللي بيحبوا الشُكر ايوه الناس تشكرني لو عملتلهم حاجة حلوة والتطبيل وكده،، لكن أوقات ببقى مستنيه التقدير الحقيقي اللي كلنا بنبقى محتاجين نحس بيه عادي ولكن بعض الأشخاص نفوسهم مائلة زي المثل اللي كتبته فوق ومهما عملت لهم بيبقى كأنك معملتش حاجة وأتمنى تتعدلوا معايا بدل ما اعدلكم

[weirdnoury]

بس الولد ساب البلد والحل ده كان معتبر

[weirdnoury]

من بعدما خلفت وأنا قلبي أصبح رقيق جداً ومش بقدر اتحمل اشوف اي مشهد عنف أو طفل يبكي أو أي حاجة خارجة عن المألوف أو مشاهد محرمة و واضح إن الأمومة وضعت في قلبي شئ من كل صفة جميلة، انا مبقتش جميلة.. أنا تجملت بالأمومة ومن أجل طفلتي بقيت حد تاني وأتمنى ابقى مثال حسن في حياتها و ابقى قدوة حسنة وتفتخر بيا واتعلم و اتثقف اكتر عشانها وعشان اعرف اجاريها واخليها متعلمة واشطر مني

[weirdnoury]

النهاردة انا حزينة وغاضبة جدا من موقف عبثي جدا

أول ما تسنيمو اتولدت ابوها راح مركز الصحة وهو لسه صاحي من النوم جعان ومش مركز وزعلان عشان هيسميها سدرة ودخل كتب سدرة وطلع قعد في العربية حزين وهو بياكل سندوتشات فول وفلافل قفلت على مخه اكتر واكتر و��جع لموظف الصحة سجل تسنيم بدل سدرة.. يقوم موظف الصحة مديله بطاقة صحية للذكور مش الإناث رغم أنها في ورق المستشفى مسجلة أنثى وشهادة الميلاد أنثى، واتسجلت في البطاقة ذكر ولما جاب البطاقة قالي عشان يريح دماغه أصل ملقوش بتاعة البنات كانت خلصانه إدوني دي، وانا من التعب وقلة التركيز مفتحتهاش واكتشفت وانا بطعمها النهاردة في المستشفى انها مكتوبة ذكر. هشد في شعري ولا اقطع في هدومي من تكبير دماغ الرجالة

[weirdnoury]

[weirdnoury]

النهاردة تالت يوم بعد وفاة يسر صديقتي.. ولحد الآن مش مستوعبة إيه اللي حصل....... نقط كتير وسكوت كتير، لولا وجود تسنيم بنتي معايا كنت انهرت بس مفيش رفاهية ده دلوقتي.. الحقيقة يسر مكانتش صديقة مقربة لكنها كانت صديقة كويسة هادية ولطيفة وبتضحك على طول ومش بتزعل حد وكمان كانت شاطرة أوي وبتكمل الماچستير، بس فجأة هجم السرطان، ابشع مرض في الوجود وحول كل حاجة، يسر من التعب آخر ٦ شهور مثلا مكانتش بتقدر ترد على حد غير قليل والحقيقة الحمدلله انها مكانتش بترد عليا.. كان زماني متعلقه بيها اكتر واكتر، يسر قبل ما تموت بيومين وانا حاسة وعارفه أنها هتموت وصحيت على رسالة من هبه صاحبتي مكتوب فيها "يسر!" عرفت وقتها أنها ماتت، كنا اوقات بنقضي السكاشن سوا وبنقعد في ورشة الكلية سوا، مرة كان معاها صورة باباها وكان في الصورة بنت قاعده على رجله قولتلها دي انتي قالت لا بابا مكانش ليا صور معاه وكانت زعلانه اوي، ياعيني عاشت عمرها يتيمة و آخر عمرها ��اشته في ألم ومرض ربنا يجعله شفيعاً لها.. مش مقطع في قلبي قد بنتها نيللي، طفلة مكملتش اربع سنين لا تعرف يعني ايه سرطان ولا تعرف يعني ايه موت ولا تعرف أي حاجة.. متعرفش غير عاوزه ماما.. الله يصبرك يا نيللي ويعوضك خير مع إن مفيش عوض بعد الأم.. شعور وحش اوي لما تبقى الحياة والعمر بيشرق معاك وحد تاني في نفس ظروفك و سنك لكن شمسه تقرر تغرب وتغيب... تغيب للأبد.. الله ييسر امرك يا يسر ربنا يجعلك في الجنة يا حبيبتي وترتاحي.. الدنيا دي وحشة اوي بس كان فيها ناس بتحبك اوي و ناس محتاجالك.. كنتي قبل ما تموتي بيومين بتطلبي الرحمة من ربنا يارب تقبل دعائها.. فهي الآن في ذمتك و حبل جوارك، عاملها يارب بلطفك وكرمك وليس بقوتك وجبروتك يا أرحم الراحمين

[weirdnoury]

بصراحة أنا بقيت نادراً ما بحاول محاولات مش عارفه نتيجتها، مش كسل عموماً بس أنا كبرت على الفشل والمحايلات خلاص