saraellaithy

[saraellaithy]

ومنخليش فرحتنا بالكتاب الجديد تنسينا القديم 😁

ومن فات قديمه تاه برضه 😎

مجموعتي القصصية #خضار_الروح أول فرحتي

هي أي نعم سنة ما نزلت عملت حادثة ورقدت طول المعرض ومعرفتش أنزل غير يوم واحد بالعافية لما وئام عصام و Äýat Ëlshërêf جم من أسيوط مخصوص يسندوني لحد المعرض ومعاهم Dina Alghiny و Nada A Ali

واليوم ده كان غريب الأطوار في بعض تفاصيله، ولحد دلوقتي مش قادرة أحدد هو كان أجمل يوم في حياتي ولا يوم شقلب لي حياتي رأساً ع عقب ومش ناوي يعدلها تاني أبداً

فربنا يستر والسنة دي تعدي ع خير 🥹 وأتمنى إن في ذكرى اليوم ده أكون قدرت أحدد 😅

المهم إن مجموعتي لا زالت موجودة بالمعرض للسنة الثالثة على التوالي مع الملتقى للنشر والتوزيع تجدونها في قاعة 1 جناح B56

#إنجازاتي

#سارة_الليثي

[saraellaithy]

قاد الإمام محمد عبده حركة تجديدية تاريخية، لم تكن في صورة ثورة مسلحة على الاحتلال العسكري، بل تمثّلت في ثورة فكرية ومعرفية ضد احتلال العقل بالأوهام والخرافات والتقاليد البالية، فقد جدد المعرفة الدينية وفتح باب الاجتهاد، ولم يقتصر في منهجه على تأسيس الجانب النظري فقط، بل انتقل إلى تطبيق منهجه بالفعل على أرض الواقع من خلال المؤسسات الدينية المهمة في زمانه مثل المحاكم الشرعية والجامع الأزهر الذي كان ولا يزال أهم جامعة ومدرسة إسلامية في العالم؛ فعمل على تحديث المعارف الدينية هناك وإصلاح أساليب التدريس، منتقداً أسلوب الحفظ والاستظهار ومؤكداً على أهمية الفهم والتفكير.

من كتابي #الإمام_محمد_عبده_مجدد_العصر

تجدونه بإذن الله في #معرض_القاهرة_الدولي_للكتاب_2025 في الفترة من 23 يناير وحتى 5 فبراير 2025

في جناح #دار_المصري_للنشر_والتوزيع قاعة 2 جناح C33

#اقتباسات

#سارة_الليثي

[saraellaithy]

إهداء إلى ميس أماني مدرسة الفلسفة في ثانوي اللي مشفتهاش من يوم ما أتخرجت من الثانوية العامة أيام ما كانت ثانوية مش بكالوريا 😂

إن شاء الله لما أرجع أسيوط بعد المعرض أبقى أروح المدرسة اللي معتبتهاش طول السنين اللي فاتت دي وأهديها الكتاب فعلاً 😍

عشان تعرفوا بس إني مش نرجسية ع طول الخط يعني 😎

من كتابي #الإمام_محمد_عبده_مجدد_العصر

تجدونه بإذن الله في #معرض_القاهرة_الدولي_للكتاب_2025 في الفترة من 23 يناير وحتى 5 فبراير 2025

في جناح #دار_المصري_للنشر_والتوزيع قاعة 2 جناح C33

#إنجازاتي

#سارة_الليثي

[saraellaithy]

إهداء فلسفي نرجسي 😇

من كتابي #الإمام_محمد_عبده_مجدد_العصر

تجدونه بإذن الله في #معرض_القاهرة_الدولي_للكتاب_2025 في الفترة من 23 يناير وحتى 5 فبراير 2025 في جناح #دار_المصري_للنشر_والتوزيع قاعة 2 جناح C33

#إنجازاتي

#سارة_الليثي

[saraellaithy]

من وأنا صغيرة كنت عارفة إن شغفي في الكتابة وإني هكتب كتب كنت لسة معرفش الكتابة الأدبية الإبداعية ومجالات كتابة القصة والرواية وما إلى ذلك بس لما كنت بتفرج على المسلسلات التاريخية الدينية القديمة زي مسلسلات الأئمة الأربعة كدة كان الحماس بياخدني وإني عايزة أقلدهم وأعمل كتب زيهم بعد ما كنت بتفرج على المسلسل كنت بدخل أوضتي وأقفل على نفسي وأطلع كشكول كدة وأقعد أجمع فيه الأحاديث وأصنفها في موضوعات متشابهة قال يعني بقى ايه الأحاديث لسة مستني��ني أجمعها وأصححها وأصنفها وكدة 😂 ولما كبرت شوية بقيت كل موضوع يستهويني أجمع عنه داتا وأصنفها زي الأبحاث كدة ولسة لحد النهاردة عندي ورق وكشاكيل (مكنش عندي لاب ساعتها) مجمعة فيه المواضيع دي سواء في السيرة النبوية أو عن شخصيات تاريخية معينة أو في علم النفس والفلسفة أو في مجالات المرأة من صحة وجمال وعلاقات زوجية فأنا قبل ما أفكر إني ممكن أكتب قصة وأدب وأصدر مجموعات قصصية كان هدفي الأول إني أكتب كتب (وده اللي حببني في البحث العلمي ومخليني أعمل ماجستير مش عارفة هيخلص امتى :[ ) والنهاردة حلم الطفولة بيتحقق وبيصدر أول كتاب ليا عن #الإمام_محمد_عبده وإن شاء الله مش هيكون الأخير (ربنا يدينا ويديكم طولة العمر) هو أنا حاسة إن الموضوع كان محتاج شخصية وقورة شوية ومش ماشي مع المسخرة اللي أنا فيها طول الوقت دي بس زي ما قلت عن نفسي قبل كدة في خاطرة ما: "أنا كل حاجة وعكسها... أنا ألف حاجة في بعضها" شكراً لدار المصري وصاحبها يوسف ناصف على تحقيق الحلم ^_^ وشكراً لمصمم الغلاف الرائع اللي معرفوش شخصياً بس تصميماته كلها اللي بشوفها لكتب الدار تحفة أ. عبد الرحمن خلف وأتمنى الفترة دي تعدي ع خير وميحصليش أي مصايب كما هو معتاد في كل فترة معرض بلييييييييييز وأعرف أفرح بالكتاب من غير مصايب :D كتاب #الإمام_محمد_عبده_مجدد_العصر تجدونه بإذن الله في جناح #دار_المصري_للنشر_والتوزيع في #معرض_القاهرة_الدولي_للكتاب_2025 قاعة 2 جناح C33

#صفحات_من_حياتي #إنجازاتي

#سارة_الليثي

[saraellaithy]

ولا زال الاحتفال بعيد ميلادي قائماً بعد مرور شهر وفي كل شهر عادي يعني 😇 

وهفضل أحتفل بعيد ميلادي حتى تحترق النجوم وحتى تفنى العوالم وحتى تتصادم الكواكب، وتذبل الشموس وحتى ينطفئ القمر، وتجف البِحار والأنهار

وبستقبل الهدايا برضه عادي يعني 😎

#صفحات_من_حياتي #سارة_الليثي

[saraellaithy]

وده الإثبات وبالدليل القاطع إني كنت عيلة تايهة وراحوا جابوني من الحضانة، حتى بالأمارة شايلة شنطة الحضانة ع ضهري أهي 😁😂#Happy_New_year_2025

[saraellaithy]

قراءة لقصتي التيه في نادي أدب ديروط

[saraellaithy]

مشاركتي في مسابقة القصة القصيرة  ٢٠٢٤ م دورة الأديب الكبير مجدي شلبي لمركز عماد قطري للإبداع والتنمية بقصة جرح يتجدد

[saraellaithy]

قراءة لقصتي دموع الأمل في المؤتمر العام لأدباء مصر 2024