#قیام پاکستان

[urduchronicle]

ٹوٹا ہوا تارا (1)

   ہندوستان کے شہر حصار میں 1932 میں پیدا ہونے والے الطاف حسن قریشی ہماری صحافتی ثقافت کے درخشندہ ستارے اور ملکی تاریخ کے ایسے شاہد ہیں جنہوں نے کم و بیش ساٹھ سالوں پہ محیط قومی سفرکے نشیب و فراز کو دیکھنے کے علاوہ سیاست کے اُن تمام مرکزی کرداروں کو قریب سے پرکھا جو شعوری یا لاشعوری طور پہ کبھی نوزائیدہ مملکت کی تعمیر و تخریب کے عوامل کا جُز رہے ۔خاص طور پرسقوط ڈھاکہ سے پہلے اور بعد کے حالات کی…

[urduclassic]

پاکستانیوں کا فلسطین سے رشتہ کیا؟

جس کے پاس کھونے کیلئے کچھ نہ ہو وہ اپنے طاقتور دشمن پر فتح پانے کیلئے موت کو اپنا ہتھیار بنا لیتا ہے۔ فلسطینیوں کی مزاحمتی تنظیم حماس کو بہت اچھی طرح پتہ تھا کہ اسرائیل پر ایک بڑے حملے کا نتیجہ غزہ کی تباہی کی صورت میں نکل سکتا ہے لیکن حماس نے دنیا کو صرف یہ بتانا تھا کہ اسرائیل ناقابل شکست نہیں اور مسئلہ فلسطین حل کئے بغیر مشرق وسطیٰ میں امن قائم نہیں ہو سکتا۔ اب آپ حماس کو دہشت گرد کہیں یا جنونیوں کا گروہ کہیں لیکن حماس نے دنیا کو بتا دیا ہے کہ کچھ عرب ممالک کے حکمران اسرائیل کے سہولت کار بن کر مشرق وسطیٰ میں امن قائم نہیں کرسکتے امن قائم کرنا ہے تو فلسطینیوں سے بھی بات کرنا پڑیگی۔ اس سوال پر بحث بے معنی ہے کہ اسرائیل اور امریکہ کی طاقتور انٹیلی جنس ایجنسیاں حماس کے اتنے بڑے حملے سے کیسے بے خبر رہیں؟ حماس کی تاریخ یہ بتاتی ہے کہ شیخ احمد یاسین نے تنظیم آزادی فلسطین (پی ایل او) کے سربراہ یاسر عرفات سے مایوسی کے بعد حماس قائم کی تھی۔

شیخ احمد یاسین کو 2004ء میں اسرائیل نے نماز فجر کے وقت میزائل حملے کے ذریعہ شہید کر دیا تھا لہٰذا حماس اور اسرائیل میں کسی بھی قسم کی مفاہمت کا کوئی امکان نہیں تھا۔ اگست 2021ء میں افغانستان سے امریکی فوج کے انخلا کے بعد یہ طے تھا کہ فلسطین اور کشمیر میں مزاحمت کی چنگاریاں دوبارہ بھڑکیں گی۔ فلسطین اور کشمیر کا آپس میں بہت گہرا تعلق ہے۔ یہ تعلق مجھے 2006ء میں لبنان کے شہر بیروت کے علاقے صابرہ اورشتیلا میں سمجھ آیا۔ یہ وہ علاقہ ہے جہاں اسرائیلی فوج نے 1982ء میں فلسطینی مہاجرین کا قتل عام کرایا تھا۔ 2006ء کی لبنان اسرائیل جنگ کے دوران میں کئی دن کیلئے بیروت میں موجود رہا۔ ایک دن میں نے اپنے ٹیکسی ڈرائیور کے سامنے مفتی امین الحسینی کا ذکر کیا تو وہ مجھے صابرہ شتیلا کے علاقے میں لے گیا جہاں شہداء کے ایک قبرستان میں مفتی امین الحسینی دفن ہیں۔ مفتی امین الحسینی فلسطینیوں کی تحریک مزاحمت کے بانیوں میں سےتھے۔ مفتی اعظم فلسطین کی حیثیت سے انہوں نے علامہ اقبال ؒ، قائد اعظم ؒ اور مولانا محمد علی جوہر ؒسمیت برصغیر کے کئی مسلمان رہنمائوں کو مسئلہ فلسطین کی اہمیت سے آشنا کیا۔

2006ء میں امریکی سی آئی اے نے ان کے بارے میں ایک خفیہ رپورٹ کو ڈی کلاسیفائی کیا جو 1951ء میں تیار کی گئی تھی۔ اس رپورٹ میں بتایا گیا کہ مفتی امین الحسینی نے فروری 1951ء میں پاکستان کے شہر کراچی میں کشمیر پر منعقد ہونے والی ایک کانفرنس میں شرکت کی جس کے بعد وہ آزاد کشمیر کے علاقے اوڑی گئے اور انہوں نے کشمیریوں کی تحریک آزادی کی حمایت کی۔ اسی دورے میں وہ جنوبی وزیرستان کے علاقے وانا گئے اور وہاں کے قبائلی عمائدین سے ملاقات کی۔ ایک قبائلی رہنما نے مفتی امین الحسینی کو ایک سٹین گن کا تحفہ دیا جو اس نے 1948ء میں مقبوضہ کشمیر میں ��ھارتی فوج سے چھینی تھی۔ مفتی صاحب نے وزیر قبائل سے درخواست کی کہ وہ پاکستان کے خلاف بھارتی سازشوں کا حصہ نہ بنیں۔ امریکی سی آئی اے کی رپورٹ کے مطابق پاکستان سے مفتی صاحب کابل گئے اور انہوں نے بیت المقدس کے امام کی حیثیت سے افغان حکومت سے اپیل کی کہ وہ ’’پشتونستان‘‘ کی سازش کا حصہ نہ بنیں۔

ان کے مزار پر فاتحہ خوانی کے بعد مجھے ایک بزرگ فلسطینی ملا اور اس نے کہا کہ وہ بہت سوچتا تھا کہ مفتی اعظم فلسطین کو اتنی دور پاکستان جانے کی کیا ضرورت تھی اور کشمیریوں کی اتنی فکر کیوں تھی لیکن آج ایک پاکستانی کو ان کی قبر پر دیکھ کر سمجھ آئی کہ پاکستانیوں کو فلسطینیوں کے لئے اتنی پریشانی کیوں لاحق رہتی ہے۔ ہمارے بزرگوں نے تحریک پاکستان کے ساتھ ساتھ فلسطین اور کشمیر کیلئے تحریکوں میں بھی دل وجان سے حصہ لیا اس لئے عام پاکستانی فلسطین اور کشمیر کے درد کو اپنا درد سمجھتے ہیں۔ علامہ اقبالؒ نے 3 جولائی 1937ء کو اپنے ایک تفصیلی بیان میں کہا تھا کہ عربوں کو چاہئے کہ اپنے قومی مسائل پر غوروفکر کرتے وقت اپنے بادشاہوں کے مشوروں پر اعتماد نہ کریں کیونکہ یہ بادشاہ اپنے ضمیروایمان کی روشنی میں فلسطین کے متعلق کسی صحیح فیصلے پر نہیں پہنچ سکتے۔ قائد اعظم ؒنے 15 ستمبر 1937ء کو مسلم لیگ کے سالانہ اجلاس منعقدہ لکھنؤمیں مسئلہ فلسطین پر تقریر کرتے ہوئے برطانیہ کو دغا باز قرار دیا۔

اس اجلاس میں ایک قرارداد کے ذریعہ تمام مسلم ممالک سے درخواست کی گئی کہ وہ بیت المقدس کو غیر مسلموں کے قبضے سے بچانے کیلئے مشترکہ حکمت عملی وضع کریں۔ پھر 23 مارچ 1940ء کو آل انڈیا مسلم لیگ کے سالانہ اجلاس منعقدہ لاہور میں بھی مسئلہ فلسطین پر ایک قرار داد منظور کی گئی۔ میں ان حقائق کو ان صاحبان کی توجہ کیلئے بیان کر رہا ہوں جو دعویٰ کیا کرتے تھے کہ قیام پاکستان تو دراصل انگریزوں کی سازش تھی اور قائد اعظم ؒنے 23 مارچ کی قرارداد انگریزوں سے تیار کرائی۔ ۔اگر قائداعظم ؒ انگریزوں کے ایجنٹ تھے تو انگریزوں کے دشمن مفتی امین الحسینی سے خط وکتابت کیوں کرتے تھے اور اسرائیل کے قیام کیلئے برطانوی سازشوں کی مخالفت کیوں کرتے رہے ؟ سچ تو یہ ہے کہ برطانوی سازشوں کے نتیجے میں قائم ہونے والی فلسطینی ریاست کو امریکہ کے بعد اگر کسی ملک کی سب سے زیادہ حمایت حاصل ہے تو وہ بھارت ہے۔ آج بھارت میں مسلمانوں کےساتھ وہی سلوک ہو رہا ہے جو اسرائیل نے فلسطینیوں کے ساتھ روا رکھا اور اس ظلم وستم کا ردعمل حماس کے حملے کی صورت میں سامنے آیا۔ علامہ اقبال ؒ نے فلسطینیوں کو بہت پہلے بتا دیا تھا کہ

تری دوا نہ جنیوا میں ہے نہ لندن میں فرنگ کی رگ جاں پنجہ یہود میں ہے

سنا ہے میں نے غلامی سے امتوں کی نجات خودی کی پرورش و لذت نمود میں ہے

فیض احمد فیض نے تو فلسطین کی تحریک آزادی میں اپنے قلم کے ذریعہ حصہ لیا اور 1980ء میں بیروت میں یہ اشعار کہے۔

جس زمیں پر بھی کھلا میرے لہو کا پرچم لہلہاتا ہے وہاں ارض فلسطیں کا علم

��یرے اعدا نے کیا ایک فلسطیں برباد میرے زخموں نے کیے کتنے فلسطیں آباد

ابن انشاء نے ’’دیوار گریہ‘‘ کے عنوان سے اپنی ایک نظم میں عرب بادشاہوں پر طنز کرتے ہوئے کہا تھا

وہ تو فوجوں کے اڈے بنایا کریں آپ رونق حرم کی بڑھایا کریں

ایک دیوار گریہ بنائیں کہیں جس پر مل کے یہ آنسو بہائیں کہیں

اور حبیب جالب بھی کسی سے پیچھے نہ رہے انہوں نے فلسطینی مجاہدین کو کعبے کے پاسبان قرار دیتے ہوئے ان کے مخالفین کے بارے میں کہا۔

ان سامراجیوں کی ہاں میں جو ہاں ملائے وہ بھی ہے اپنا دشمن، بچ کے نہ جانے پائے

حامد میر 

بشکریہ روزنامہ جنگ

[emergingpakistan]

پی ٹی آئی کا ووٹ بینک کہاں جائے گا؟

9 مئی کو ہونے والی ہنگاموں کے ملکی سیاست پر فوری اور اہم نتائج سامنے آئے۔ 9 مئی کو ہونے والے پُرتشدد واقعات چیئرمین پاکستان تحریکِ انصاف کے اسٹیبلشمنٹ کے ساتھ جاری تصادم کی ایک کڑی تھے جس کے نتیجے میں ملک بھر میں پی ٹی آئی کارکنان کے خلاف کریک ڈاؤن شروع ہوا۔ پھر یہ جماعت بھی ٹوٹ پھوٹ کا شکار ہونا شروع ہو گئی کیونکہ اس کے زیادہ تر رہنماؤں اور سابق اراکینِ پارلیمنٹ نے منظم عمل کے تحت پارٹی سے استعفے دینا شروع کر دیے اور یہ عمل اب بھی جاری ہے۔ تمام منحرف اراکین نے ایک ہی اسکرپٹ دہرائی جس میں انہوں نے فوجی تنصیبات پر حملے کی مذمت کی اور پارٹی کو اشتعال انگیزی کا ذمہ دار ٹھہراتے ہوئے پارٹی سے علحیدگی اختیار کی۔ حکمران اتحاد کی جانب سے چیئرمین پی ٹی آئی پر دباؤ بڑھ رہا ہے۔ وزرا نے خبردار کیا ہے کہ 9 مئی کے واقعات کے ’ماسٹر مائنڈ‘ ہونے کے الزام پر انہیں فوجی عدالت میں مقدمے کا بھی سامنا کرنا پڑ سکتا ہے جبکہ ان کی جماعت پر پابندی بھی لگائی جاسکتی ہے۔ مشکل حالات کا شکار چیئرمین پی ٹی آئی جو اب متعدد عدالتی مقدمات کا بھی سامنا کررہے ہیں، انہوں نے سختی سے ان الزامات کی تردید کی ہے۔

انہوں بڑے پیمانے پر ہونے والی گرفتاریوں اور جبری اقدمات کی مذمت کرتے ہوئے چیئرمین پی ٹی آئی نے یہ دعویٰ کیا کہ پارٹی رہنماؤں کو پارٹی چھوڑنے پر مجبور کیا جارہا ہے۔ اس کے باوجود اپنی سابقہ پوزیشن سے ڈرامائی انداز میں پیچھے ہٹتے ہوئے انہوں نے حکومت کو مذاکرات کی پیشکش کی ہے۔ تاہم، وزیراعظم شہباز شریف نے ان کی اس پیشکش کو ٹھکرا دیا اور ان لوگوں کے ساتھ بات چیت کے امکان کو مسترد کر دیا ہے جنہیں انہوں نے ’انتشار پسند اور اشتعال پسند‘ قرار دیا جو ’سیاستانوں کا لبادہ اوڑھتے ہیں لیکن ریاستی تنصیبات پر حملہ کرتے ہیں‘۔ پی ٹی آئی کی ٹوٹ پھوٹ نے سیاسی منظرنامے کو ایک نئی شکل دینا شروع کر دی ہے۔ اگرچہ سیاسی صف بندی ممکنہ طور پر اس وقت تک جاری رہے گی جب تک کہ انتخابات کا حتمی اعلان نہیں ہو جاتا، لیکن اس سے یہ سوال پیدا ہوتا ہے کہ انتخابی صورت حال کیا ہو گی۔ ایک اہم سوال یہ بھی ہے کہ پی ٹی آئی کا ووٹ بینک کہاں جائے گا؟ جہانگیر خان ترین کی جانب سے ایک ایسی پارٹی بنانے کی کوششیں جاری ہیں جو پی ٹی آئی چھوڑنے والے ’الیکٹ ایبلز‘ کو اپنی جانب متوجہ کرے اور ووٹرز کو ’تیسرا آپشن‘ مہیا کرے۔ 

تاہم جہانگیر ترین جیسے ایک ہوشیار سیاست دان اور متحرک کاروباری شخصیت کو اس طرح کا اہم کردار ادا کرنے کے لیے پہلے خود پر لگا نااہلی کا داغ ہٹانا ہو گا۔ یہ کہنا ابھی قبل از وقت ہو گا کہ وہ پارٹی کے قیام میں کس حد تک کامیاب ہوں گے جبکہ اس سے بھی زیادہ اہم بات یہ ہے کہ اگر انہوں نے پی ٹی آئی کے سابق ارکان کو شمولیت پر آمادہ کر لیا تو کیا وہ پی ٹی آئی کے ووٹرز کو بھی اپنے ساتھ لائیں گے۔ اس معاملے نے ملک کی انتخابی سیاست کو بہت زیادہ متحرک کر دیا ہے۔ پنجاب ایک ایسا میدانِ جنگ ہے جہاں سے جیتنے والی پارٹی ممکنہ طور پر وفاق میں حکومت بناتی ہے، اگر اس صوبے میں جماعتوں کے درمیان ووٹ بینک تقسیم ہو جاتا ہے تو مرکز میں کوئی بھی جماعت اکثریت حاصل نہیں کر پائے گی اور ایک ایسی پارلیمنٹ وجود میں آئے گی جس میں کسی بھی پارٹی کے پاس واضح اکثریت نہیں ہو گی۔ کیا پی ٹی آئی کے ووٹرز یہ جانتے ہوئے بھی ووٹ ڈالنے آئیں گے کہ ان کی جماعت تتربتر ہو چکی ہ�� اور ان کے لیڈر کے خلاف قانونی مقدمات ہیں اس لیڈر کا اقتدار میں واپس آنے کا بہت کم امکان ہے؟ خاص طور پر اب جب نوجوان ووٹرز رائے دہندگان کا ایک بڑا حصہ ہیں تو اس صورتحال کا مجموعی ووٹرز ٹرن آؤٹ پر گہرا اثر پڑے گا۔

اس بات کا امکان نہایت کم ہے کہ پی ٹی آئی کے سپورٹرز پاکستان پیپلز پارٹی (پی پی پی) اور مسلم لیگ (ن) جیسی دو روایتی پارٹیوں کی حمایت کرنے پر آمادہ ہوں، حالانکہ پی پی پی نے جنوبی پنجاب میں منحرف ووٹرز کو اپنی جانب راغب کیا ہے۔ آخر ان دونوں جماعتوں کو مسترد کرنے کے بعد ہی پی ٹی آئی کو لوگوں نے سپورٹ کرنا شروع کیا۔ کیا جہانگیر ترین کی نئی جماعت انہیں اپنی جانب راغب کر پائے گی؟ یہ بات بھی مدنظر رکھنے کی ضرورت ہے کہ ماضی میں ووٹروں نے وفاداریاں تبدیل کرنے والے امیدواروں کو ووٹ دینے سے گریز کیا ہے۔ تو اگر پی ٹی آئی کا ووٹ تقسیم ہوتا ہے تو کیا اس سے روایتی جماعتوں میں سے کسی ایک کو فائدہ پہنچے گا؟ اس وقت بہت زیادہ غیر یقینی پائی جاتی ہے خاص طور پر ایسے حالات میں کہ جب حکومت کی جانب سے انتخابات کی تاریخ کا اعلان نہیں کیا گیا ہے۔ چونکہ پارلیمنٹ کی مدت 16 اگست کو ختم ہو رہی ہے اس لیے انتخابات میں تاخیر نہیں ہو سکتی، اس وجہ سے جب انتخابات کی تاریخ کا اعلان ہو گا تو انتخابی اعداد و شمار سیاسی صف بندیوں کا تعین کرنا شروع کر دیں گے اور انتخابی مقابلے کی نوعیت کے بارے میں تصویر واضح طور پر سامنے آئے گی۔

لیکن اس وقت کوئی بھی سیاسی جماعت اپنے پالیسی پروگرامز یا ملک کے مستقبل کے حوالے سے وژن طے کرنے میں دلچسپی نہیں رکھتی۔ ملک کو درپیش مسائل سے کیسے نمٹا جائے، اس حوالے سے کسی بھی سیاسی جماعت نے کوئی تجویز پیش نہیں کی ہے۔ سیاسی جماعتیں اقتدار کی کشمکش میں مصروف ہیں اور مستقبل کے لیے پالیسی منصوبے تیار کرنے کے بجائے اپنے سیاسی مخالفین کو زیر کرنے کی کوشش میں نظر آرہی ہیں۔ یہ غیریقینی کی صورتحال ہماری ملک کی سیاست کے لازمی جز کی طرح ہو چکی ہے۔ البتہ جو چیز یقینی ہے وہ ہے ہماری معیشت کا عدم استحکام۔ تمام معاشی اشاریے بدستور خراب ہوتے جا رہے ہیں جبکہ پی ڈی ایم کی حکومت میں ہماری معیشت تیزی سے زوال کی جانب جارہی ہے۔ حکومت کی طرف سے ڈیفالٹ کے امکانات رد کرنے کے باوجود ملک اب بھی اپنے قرضوں پر ڈیفالٹ کے دہانے پر کھڑا ہے۔ آئی ایم ایف کی جانب سے بیل آؤٹ ملنے کے امکان بھی مبہم ہیں۔ وزیراعظم نے حال ہی میں آئی ایم ایف کی منیجنگ ڈائریکٹر کرسٹالینا جارجیوا سے تعطل کا شکار پروگرام دوبارہ شروع کرنے کے حوالے سے بات کی۔

تاہم آئی ایم ایف نے تب تک اسٹاف لیول معاہدہ نہ کرنے کا کہا جب تک پاکستان اس مالی سال (جو 30 جون کو ختم ہو رہا ہے) کے اختتام تک اپنے کرنٹ اکاؤنٹ میں 6 بلین ڈالر کے خلا کو پُر کرنے کے لیے فنانسنگ کا بندوبست نہیں کر تا۔ ملک کے ذخائر تقریباً 4 ارب ڈالرز تک آگئے ہیں جو درآمدات پر عائد پابندیوں کے باوجود ایک ماہ سے بھی کم کی درآمدات کے لیے ہی پورے ہو سکتے ہیں۔ حکومت نے پاکستان میں ادائیگیوں کے توازن کے بدترین بحران کو ختم کرنے کے لیے درآمدی کنٹرولز لگانے جیسے وقتی اقدامات کے ذریعے معیشت کو سنبھالنے کی کوشش کی ہے۔ اس نے اقتصادی صورتحال پر منفی اثرات مرتب کیے ہیں۔ حالیہ مالی سال کے لیے سرکاری طور پر تخمینہ شدہ جی ڈی پی کی شرح نمو گزشتہ مالی سال کے 6 فیصد کے مقابلے میں 0.3 فیصد ہے۔ لیکن اس مایوس کن تعداد پر بھی سب کو یقین نہیں ہے۔ صنعتی شعبہ بھی 3 فیصد تک سکڑ گیا ہے جس کی وجہ سے بہت سے کاروبار بند ہو رہے ہیں، لوگوں کی ملازمتیں ختم ہو رہی ہیں اور اشیا کی قلت پیدا ہو رہی ہے۔ 

گزشتہ سال آنے والے تباہ کُن سیلاب کے نتیجے میں ملک میں زرعی شعبے پر شدید اثرات مرتب ہوئے اور پیداوار میں واضح کمی دیکھی گئی ہے۔ درآمدات پر پابندیوں اور خام مال کی قلت کے باعث ملک کی برآمدات میں بھی کمی واقع ہوئی ہے۔ دوسری جانب افراطِ زر بلند ترین شرح کو چھو رہی ہے جبکہ ڈالر کے مقابلے میں روپے کی قدر میں ریکارڈ کمی واقع ہوئی ہے۔ کہا جارہا ہے کہ انتخابات کو مدنظر رکھتے ہوئے حکومت اب ’ریلیف بجٹ‘ پیش کرنے جارہی ہے جس میں عوام کے مفاد میں اقدامات لیے جانے کی توقع کی جارہی ہے۔ اس سے ملک میں معاشی بحران کی صورتحال مزید پیچیدہ ہو گی۔ سیاست کو معیشت پر فوقیت دینے کی وجہ سے ہمارے ملک کی صورتحال زوال کی جانب جارہی ہے۔ ملک کا مستقبل سیاسی غیریقینی اور معاشی بحران کی صورتحال سے گھرا ہوا ہے جسے حل کرنے کے لیے ساختی اصلاحات اور فیصلہ کُن اقدامات کی ضرورت ہے۔ یہاں سوال یہ پیدا ہوتا ہے کہ کیا پاکستان کے پاس ایسی کوئی قیادت ہے جو ان تمام حالات کو سمجھتی ہو اور ملک کے مفادات کو اپنے مفادات پر ترجیح دینے کے قابل ہو۔

ملیحہ لودھی  

یہ مضمون 6 جون 2023ء کو ڈان اخبار میں شائع ہوا۔

بشکریہ ڈان نیوز

[faheemkhan882]

روزے اور قیام الیل کی فضیلت

#ڈاکٹر #ڈاکٹراسراراحمد

#اسراراحمد #اسرار #اسلام #پاکستان #فیسبک #انسٹاگرام #DrIsrarAhmad #drisrarofficial #DrIsrar #drisrarahmedofficial #islamic #islamabad #islamicquotes #islam #islamicpost #islamicreels #trend #trending #trendingreels #trendingnow #trendingpost #trending2023 #viral #viralreels #viralpost #viralvideo #viralshorts #viralpage #Pakistan #pakistani #facebookreels #FacebookLive #facebookpost #FacebookReelsContest #instagram #instagood #instadaily #instalike #instapic #instareels #reels #reelsfb #reelsvideo #reelsviral #reels2023 #reelit #reelsinstagram #red #PTI #Ramzan #ramadan

[dr-jan-baloch]

بلوچ قومی تحریک آزادی کو کچلنے کے لیے قابض ایران بلوچ سرزمین کو مزید حصوں میں تقسیم کرنے کا خواہاں ہے۔حیربیار مری

https://humgaam.net/?p=100829

لندن (ہمگام نیوز) فری بلوچستان موومنٹ کے صدر حیربیار مری نے اپنے بیان میں کہا ہے کہ جب سے ایران نے بلوچ سرزمین کے ایک حصے پر قبضہ کیا ہے تب سے لیکر آج تک قابض ایران مختلف سیاسی و انتظامی اصلاحات کے نام پر بلوچ سرزمین کو بانٹنے اور بلوچوں کو انکی سرزمین سے بیدخل کرنے کوششوں میں مصروف عمل ہے۔

بلوچ رہنما نے مزید کہا کہ یہ عمل کسی بھی ایرانی حکومت پر موقوف نہیں ہے بلکہ ایران کے اندر جو بھی برسرِ اقتدار آیا ہے بلوچ قومی طاقت اور سرزمین کو بانٹنے کا یہ عمل ہمیشہ انکی ترجیحات میں سرِ فہرست رہا ہے چاہے وہ نام نہاد جمہوری دور حکومت ہویا رضا شاہ پہلوی کا زمانہ ہو یا پھر حالیہ مذہبی شدت پسند رجیم ہو ۔بلوچ قومی آزادی کی تحریک اور بلوچ عوام کے اندر موجود وت واجہی اور آجوئی کی امنگوں کو کچلنے اورختم کرنے کے لئے تمام ایرانی حکمران طبقے کا ایک جیسا وطیرہ رہا ہے۔

حیربیار مری نے مزید کہا کہ بلوچ قومی قوت کو بانٹنے اور بلوچوں کو اپنی ہی سرزمین بلوچستان کے اندر اقلیت میں بدلنے اور روزافزوں جبر و استبداد سمیت قابض ایران کے ان تمام ریشہ دوانیوں کے باوجود بلوچ عوام کے دلوں میں اپنے وطن کی ایک ایک انچ کی آزادی اور واگزاری کا ولولہ زندہ و سلامت ہے۔

انہو ںنے کہا کہ قابضین کو ہمیشہ یہی خوف دامن گیر رہتا ہے کہ ایک نہ ایک دن مقبوضہ اقوام اپنی آزادی اور سرزمین کی واگزاری کے لئے ضرور اٹھیں گے، اسی لئے دنیا کی تاریخ میں قابضین نے ہمیشہ مقبوضہ اقوامِ پر طاقت کے بے دریغ استعمال، آبادیوں کی جبری نقل مکانی اور نئی آبادکاریوں سمیت نام نہاد انتظامی حد بندیوں کے ذریعے کوششیں کی ہیں کہ مقبوضہ اقوام کی اجتماعی طاقت کی اساس کو کمزور کیا جاسکے اور یہی چیز ایران بلوچ سرزمین پر اپنی قبضے کو مزید مستحکم کرنے اور دوام دینے کے لیئے کررہا ہے، لیکن بلوچ قوم اب ان تمام سیاسی و انتظامی چالبازیوں سے نہ صرف واقف ہیں بلکہ سیاسی طور پر ان مذموم مقاصد کے خلاف سینہ سپر ہوکر مزاحمت کررہی ہے۔

بلوچ نے کہا کہ آج ضرورت اس امر کی ہے کہ بلوچ اجتماعی طاقت کو ختم کرنے اور بلوچ سرزمین کو مختلف حصوں میں بانٹنے کی ایرانی و پاکستانی سازشوں کا شعوری و علمی بنیادوں پر مقابلہ کیا جائے۔ آج ہر بلوچ سیاسی کارکن پر فرض ہے کہ وہ اس بات کا کامل ادراک و شعور رکھے کہ پچھلے کئی سو سالوں کی قبضہ گیریت کے دوران کس طرح انتظامی بند و بست کے نام پر متحدہ بلوچستان کے سرزمین کے مختلف حصوں کو بانٹتے ہوئے ایک دوسرے سے جدا کیا گیا، اسکے علاوہ قابض ایران و پاکستان جس طرح بلوچ قومی معدنی و سمندری وسائل کو لوٹ رہے ہیں ان تمام استحصالی حربوں کا شماریات بمعہ کوائف و دستاویزات جمع ہوں۔

ان کا کہنا تھا کہ ایران عالمی برادری کی آنکھوں میں دھول جھونکنے اور بلوچ قومی تحریکِ آزادی کی جد و جہد کو کائونٹر کرنے کے لیئے بلوچستان کو مختلف انتظامی ٹکڑیوں میں بانٹنے کے ساتھ ساتھ اپنے دارالخلافہ کو بھی تہران سے بلوچستان کے ساحلی علاقے یعنی چاہبار شہر میں منتقل کرنے کا منصوبہ بندی کررہی ہے ۔ اس حوالے سے ایرانی حکومت کے ترجمان فاطمہ مہاجرانی کی ایک حالیہ پریس بریفنگ کے دوران اس بات کا دوبارہ اعادہ کرنا کہ درالخلافہ کو جنوب کی طرف منتقل کیا جائے گا اس سے یہ بات واضح ہوجاتی ہے کہ ایران اس منصوبے پہ عمل درآمد کرنے کے بہت ہی قریب ہے۔

فری بلوچستان موومنٹ کے سربراہ نے کہا کہ قابض ایرانی ریاست یہ چاہتی ہے کہ وہ غیر بلوچوں کی ایک بڑی تعداد کو بلوچستان کے ساحلی علاقوں میں منتقل کرکے بلوچوں کی آبادی کو مزید اقلیت میں بدل دیا جائے اور اس منصوبے کو معاشی طور پر قابل عمل بنانے کے واسط�� ایرانی حکومت نے تقریباً ستائیس اکنامکس زونز کی قیام کا منصوبہ بھی بنایا ہے جن میں سے تقریباً چودہ تجارتی زونز بلوچستان کے ساحلی پٹی پر بحرِ بلوچ کے دہانے پر قائم کرنے کی امکانات بھی زیر غور ہیں، لیکن بلوچ قوم ان تمام تر مذموم مقاصد اور ایجنڈوں کو ناکام بناکر ایران و پاکستان سے اپنی آزادی کی حصول کو یقینی بنائے گی۔

حیربیار مری نے مزید کہا کہ ہم چاہتے ہیں کہ ایرانی زیر قبضہ دیگر محکوم اقوام کرد، احواز اور ترکمن سمیت وہ تمام اقوام جو ایرانی قبضہ گیریت اور جبر کا شکار ہیں وہ بلوچوں کے ساتھ کم سے کم مشترکہ نقاط پرمل کر اپنے اپنے باہمی مفادات کی حصول کے لیے کام کریں تاکہ ایران کے خلاف ہمیں اپنے جد و جہد میں موثر کامیابی حاصل ہوسکے۔ اگر دیکھا جائے تو محکوم اقوام پر اپنے قبضے کو برقرار رکھنے کے لیئے کئی قبضہ گیر ممالک ایک ساتھ ایک ہی صفحے پر آتے ہوئے اپنی جابرانہ پالیسیاں مرتب کرتے ہیں تاکہ وہ اپنی تسلط کو مزید مستحکم کرسکیں تو ایسے میں خطے میں موجود مقبوضہ اقوام کے لیئے یہ ضروری ہے کہ وہ ایران کے قبضے خلاف اپنی طاقت کو ایک جگہ مرتکز کرکے اپنی جد و جہد کی فتح کو یقینی بنائیں۔

[dpr-lahore-division]

بہ تسلیمات نظامت اعلیٰ تعلقات عامہ پنجاب لاہور، فون نمبر:99201390

ڈاکٹر محمد عمران اسلم/پی آر او ٹو سی ایم

ہینڈ آؤٹ نمبر05

وزیر اعلیٰ پنجاب مریم نواز شریف کے دورہ چین کے ثمرات،پنجاب میں 700ملین ڈالر کی چینی سرمایہ کاری

وزیرِ اعلیٰ مریم نواز سے چین کے اعلی سطح وفد کی ملاقات،چینگ ڈو جنرل کوآرڈینیٹر برائے آئی سی ٹی ہب مس اسکارلٹ اور ڈپٹی سی ای او ہواوے مسٹر یو رے شامل

چینگ ڈو حکو مت کے تعاون سے ای ٹیکسی سروس کا جلد آغاز، نوازشریف آئی ٹی سٹی میں چینی کمپنی کمپیوٹنگ سنٹر بھی قائم کرے گی

نوازشریف آئی ٹی سٹی میں ڈیٹا او رکلاؤڈ سنٹر قائم کرنے پر اتفاق، حکومت پنجاب ڈیٹا اور کلاؤڈ سنٹر قائم کرنے کے لئے ا راضی اور بلڈنگ فراہم کرے گی

پاکستان میں پہلا ای کامرس پلیٹ فارم قائم کرنے پر اتفاق،چینی کمپنی پاکستانی نوجوانوں کو آن لائن ورلڈ وائڈ ٹریڈنگ کیلئے ٹریننگ بھی دے گی

لاہور میں چینی اشتراک کار سے سمارٹ کنٹرو ل روم، سمارٹ ٹریفک کنٹرول، سمارٹ ٹرانسپورٹ، سمارٹ سینی ٹیشن سنٹر قائم ہوگا

فیز ٹو میں نوجوانوں کوآرٹیفیشل انٹیلی جنس ٹیکنالوجی سے متعارف کرانے کیلئے اے آئی انڈسٹری سنٹر بھی قائم ہوگا

چینی حکومت پنجاب میں پلیٹ فارم سروس کیپسٹی بلڈنگ کیلئے بھی معاونت کریگی، فیز تھری میں انڈسٹریز کے قیام کیلئے لوکل انوسٹمنٹ میں معاونت کا جائزہ

چین کے تعاون سے پنجاب کو سب سے بڑا آرٹیفشل انٹیلی جنس سنٹر بنانا چاہتے ہیں،پنجاب بہت جلد خطے میں آئی ٹی ہب بنے گا:مریم نوازشریف

لاہور3جنوری:……وزیر اعلیٰ پنجاب مریم نواز شریف کے دورہ چین کے فوری ثمرات آنا شروع ہو گئے۔وزیرِ اعلیٰ مریم نواز شریف سے چین کے اعلی سطح وفد نے پنجاب ہاؤس اسلام آباد میں ملاقات کی۔جس میں چینگ ڈو جنرل کوآرڈینیٹر برائے آئی سی ٹی ہب مس اسکارلٹ اور ڈپٹی سی ای او ہواوے مسٹر یو رے شامل تھے۔چینگ ڈونے 700ملین ڈالر کی انوسٹمنٹ پر رضامند ی کا اظہار کیا۔وزیراعلی مریم نوازشریف نے اصولی منظوری دے دی۔ چینگ ڈو حکو مت کے تعاون سے ای- ٹیکسی سروس کا جلد آغاز ہو گا۔لاہور نوازشریف آئی ٹی سٹی میں چینی کمپنی کمپیوٹنگ سنٹر بھی قائم کرے گی۔ ملاقات میں نوازشریف آئی ٹی سٹی میں ڈیٹا او رکلاؤڈ سنٹر قائم کرنے پر اتفاق کیا گیا۔ حکومت پنجاب ڈیٹا اور کلاؤڈ سنٹر قائم کرنے کیلئے ا راضی اور بلڈنگ فراہم کرے گی۔ملاقات میں پاکستان میں پہلا ای کامرس پلیٹ فارم قائم کرنے پر اتفاق کیا گیا۔چینی کمپنی پاکستانی نوجوانوں کو آن لائن ورلڈ وائڈ ٹریڈنگ کے لئے ٹریننگ بھی دے گی۔ لاہور میں چینی اشتراک کار سے سمارٹ کنٹرو ل روم، سمارٹ ٹریفک کنٹرول، سمارٹ ٹرانسپورٹ، سمارٹ سینی ٹیشن سنٹر قائم ہوگا۔ وزیراعلی مریم نوازشریف، وزیر ٹرانسپورٹ بلال اکبر اور وفد کو دورہ چین میں جدید ترین ڈیجیٹل سنٹرز کے بارے میں بریفنگ دی گئی تھی۔فیز ٹو میں نوجوانوں کو آرٹیفیشل انٹیلی جنس ٹیکنالوجی سے متعارف کرانے کیلئے اے آئی انڈسٹری سنٹر بھی قائم ہوگا۔ چینی حکومت پنجاب میں پلیٹ فارم سروس کیپسٹی بلڈنگ کیلئے بھی معاونت کرے گی۔ فیز تھری میں انڈسٹریز کے قیام کے لئے لوکل انوسٹمنٹ میں معاونت کا جائزہ لیا گیا۔پاکستانی نوجوانوں کوٹیکنالوجی کے جدید تقاضوں سے متعارف کرانے کیلئے بھی اشتراک کار کیا جائے گا۔وزیراعلی مریم نواز شریف نے کہا کہ چین کے تعاون سے پنجاب کو سب سے بڑا آرٹیفشل انٹیلی جنس سنٹر بنانا چاہتے ہیں -پنجاب بہت جلد خطے میں آئی ٹی ہب بنے گا -اپنے ��چوں کو آئی ٹی میں میں سب سے برتر دیکھنا چاہتے ہیں۔

٭٭٭٭٭

[topurdunews]

صدر وزیراعظم کا پاکستان سے کرپشن  کے خاتمے کا عزم

(24  نیوز)صدر پاکستان آصف علی زرداری اور وزیر اعظم نے  کرپشن کے خلاف عالمی دن پر  کرپشن کے خاتمے کے لیے حکومت کے عزم کو دہرایا اور تمام شہریوں پر زور دیا کہ وہ شفاف اور جوابدہ معاشرے کے قیام کے لیے اپنا کردار ادا کریں۔ صدر مملکت آصف علی زرداری نے کرپشن کے خلاف عالمی دن پر پیغام میں کہا  کہ کرپشن کے خاتمہ کےلئے سخت احتسابی اقدامات کے نفا�� اور طرز حکمرانی میں شفافیت کو فروغ دینے کی ضرورت ہے،کرپشن…

[risingpakistan]

ایک خواب جو تعبیر پا گیا

ادیب بھائی سے برسوں پرانا تعلق ہے، وہ ہمارا فخر ہیں۔ ان جیسی دردمندی ہر کسی میں نہیں ہوتی۔ ان کے جذبے اور لگن نے آج SIUT کو جو مقام دیا ہے وہ برسوں کی انتھک محنت کا نتیجہ ہے۔ ابھی حال ہی میں انھوں نے ریجنٹ پلازہ ہوٹل خرید کر وہاں SIUT کا اسپتال قائم کیا ہے۔ میں نہ صرف ان کی مزید کامیابی کی دعا گو ہوں بلکہ یہ خواہش بھی رکھتی ہوں کہ آنے والے وقت میں پاکستان میں بہت سے ادیب رضوی پیدا ہوں۔ پاکستان میں یورولوجی اور نیفرالوجی کے شعبے میں اگر کسی شخصیت نے اپنی بے لوث خدمات اور انسانی ہمدردی کے ذریعے انقلابی تبدیلی لائی ہے تو وہ ہیں ڈاکٹر ادیب رضوی۔ ڈاکٹر ادیب رضوی جو کہ سندھ انسٹی ٹیوٹ آف یورولوجی اینڈ ٹرانسپلانٹیشن (SIUT) کے بانی ہیں انھوں نے اپنی زندگی غریبوں اور ضرورت مندوں کی خدمت میں گزاری ہے۔ ان کی رہنمائی کی بدولت SIUT نہ صرف پاکستان بلکہ دنیا بھر میں ایک مثال کے طور پر جانا جاتا ہے۔ ڈاکٹر ادیب رضوی نے ڈاؤ میڈیکل کالج کراچی سے میڈیکل کی ڈگری حاصل کرنے کے بعد یورولوجی اور نیفرالوجی کی اعلیٰ تعلیم برطانیہ اور امریکا میں حاصل کی۔ ڈاکٹر رضوی نے جدید ترین طریقوں کو سیکھا، جو بعد میں انھوں نے پاکستان میں استعمال کیے۔

ان کی تعلیم نے انھیں نہ صرف جدید طبی علم سے آراستہ کیا بلکہ انھیں دنیا بھر میں صحت کے نظام کے بارے میں بھی آگاہی فراہم کی۔ اسی وقت انھوں نے یہ محسوس کیا کہ پاکستان میں صحت کے شعبے میں بہتری لانے کے لیے ایک نیا اور منفرد طریقہ کار اپنانا ہو گا، جو ذمے داری حکومت کو نبھانی چاہیے تھی وہ ڈاکٹر ادیب رضوی نے اپنے سر لے لی۔ 1980 کی دہائی میں پاکستان کو صحت کے شعبے میں سنگین مشکلات کا سامنا تھا۔ یورولوجی اور نیفرالوجی کے ماہرین کی کمی تھی اور جدید علاج کی سہولتیں بہت کم تھیں۔ ڈاکٹر ادیب رضوی نے اس صورتحال کو دیکھتے ہوئے ایک ایسا ادارہ قائم کرنے کا عہد کیا جس میں عام آدمی کو معیاری اور سستی طبی خدمات فراہم کی جاسکیں۔ دسمبر 1985 میں ڈاکٹر ادیب رضوی اور ان کی ٹیم نے گردے کی پیوند کاری کا پہلا کامیاب آپریشن کیا جس پر پورے ملک میں نہ صرف خوشی کی لہر دوڑ گئی تھی بلکہ ہر طرف اس کا ذکر تھا۔ یہ ایک بہت بڑی کامیابی تھی۔ ڈاکٹر ادیب اور ان کی ٹیم نے SIUT کو ایشیا کا سب سے بڑا اسپتال بنا دیا جہاں مریضوں کا مفت علاج ہوتا ہے۔ 

1989 میں سندھ انسٹی ٹیوٹ آف یورولوجی اینڈ ٹرانسپلانٹیشن (SIUT) کا قیام ڈاکٹر ادیب رضوی کی نگرانی میں عمل میں لایا گیا شروع میں یہ ادارہ صرف گردوں کی ڈائیلاسس اور ٹرانسپلانٹیشن کی خدمات فراہم کرتا تھا، لیکن جلد ہی اس کا دائرہ کار بڑھا اور SIUT ایک عالمی سطح کی طبی سہولت بن گیا۔ ڈاکٹر رضوی کا بنیادی مقصد یہ تھا کہ وہ صحت کی سہولیات ان لوگوں تک پہنچائیں جو مالی طور پر کمزور ہیں اور جو مہنگے نجی اسپتالوں میں علاج نہیں کرا سکتے۔ ڈاکٹر ادیب رضوی کو گردوں کی ٹرانسپلانٹیشن کے میدان میں ایک رہنما سمجھا جاتا ہے۔ پاکستان میں گردوں کی ٹرانسپلانٹیشن بہت کم ہوتی تھی اور جو مریض اس عمل کے لیے بیرون ملک جاتے تھے، ان کے لیے یہ علاج بہت مہنگا پڑتا تھا۔ ڈاکٹر رضوی نے زندہ عطیہ کنندگان سے گردوں کی ٹرانسپلانٹیشن کے تصور کو متعارف کرایا، جس سے پاکستان میں گردوں کی منتقلی کے عمل کو ممکن بنایا گیا۔ انھوں نے (kidney paired donation) کا تصور بھی متعارف کرایا۔ کڈنی پیئرڈ ڈونیشن ایک طریقہ ہے جس کے ذریعے ایسے افراد کو گردے کی پیوندکاری (ٹرانسپلانٹ) فراہم کی جاتی ہے جنھیں اپنے متعلقہ عطیہ دہندگان سے گردہ نہیں مل پاتا کیونکہ دونوں کا جسمانی طور پر میچ نہیں ہوتا۔

اس طریقے میں، دو یا زیادہ افراد جو گردہ دینے کے لیے رضامند ہیں، مگر ان کا گردہ ایک دوسرے کے مریضوں کے ساتھ میل نہیں کھاتا، ایک دوسرے کے ساتھ تبادلہ کرتے ہیں۔ اس طرح، ہر مریض کو ایک ایسا گردہ مل جاتا ہے جو اس کے جسم کے لیے موزوں ہوتا ہے۔ ان کے کام نے نہ صرف پاکستان میں گردوں کی ٹرانسپلانٹیشن کے عمل کو فروغ دیا بلکہ عالمی سطح پر بھی اس کی اہمیت کو اجاگر کیا۔ ڈاکٹر رضوی کی زندگی کا مقصد صرف علاج کرنا نہیں بلکہ صحت کے شعبے میں عوامی آگاہی بھی پیدا کرنا تھا۔ انھوں نے اعضاء کا عطیہ، خون کا عطیہ اور صحت کے بنیادی مسائل پر عوامی سطح پر مہم چلائی۔ ان کی کوششوں سے لوگوں میں گردوں کی بیماریوں، ان کے علاج اور پیشگی احتیاطی تدابیر کے بارے میں آگاہی پیدا ہوئی۔ ڈاکٹر رضوی نے پاکستان میں گردوں کی بیماری کی روک تھام کے لیے مختلف اقدامات کیے۔ انھوں نے خاص طور پر ذیابیطس اور ہائی بلڈ پریشر جیسے عوامل پر توجہ مرکوز کی، جو گردوں کی بیماری کا سبب بن سکتے ہیں۔ انھوں نے عوامی سطح پر ان بیماریوں کے بارے میں آگاہی پیدا کرنے کے لیے مہم چلائی، تاکہ لوگ صحت مند طرز زندگی اپنا سکیں۔

آج SIUT ایک بین الاقوامی سطح کا طبی ادارہ بن چکا ہے، جو کہ گردوں کی بیماری، یورولوجی اور دیگر شعبوں میں دنیا بھر میں تسلیم کیا جاتا ہے۔ SIUT میں نہ صرف گردوں کا ڈائیلاسس اور ٹرانسپلانٹیشن کی سہولت فراہم کی جاتی ہے بلکہ یہ ادارہ یورولوجی سرجری، ریڈیالوجی جیسے مختلف شعبوں میں بھی خدمات فراہم کرتا ہے۔SIUT کا سب سے بڑا کمال یہ ہے کہ یہ ادارہ اپنے مریضوں کو مفت علاج فراہم کرتا ہے۔ ان کے نیٹ ورک سے پورے پاکستان کے غریب اور ضرورت مند مریض ��ائدہ اٹھا رہے ہیں۔ اس ادارے کا مقصد صرف علاج کرنا نہیں بلکہ صحت کے شعبے میں بہتری لانے کے لیے تحقیق اور تعلیم کو فروغ دینا بھی ہے۔ ڈاکٹر ادیب رضوی کی خدمات کو عالمی سطح پر سراہا گیا ہے۔ انھیں ستارہ امتیاز جیسے اعلیٰ اعزازات مل چکے ہیں اور وہ عالمی صحت کی تنظیم ورلڈ ہیلتھ آرگنائزیشن (WHO) سے بھی ایوارڈز حاصل کر چکے ہیں۔ ان کی خدمات اور کامیابیاں نہ صرف پاکستان بلکہ دنیا بھر میں تسلیم کی گئی ہیں۔ ڈاکٹر رضوی نے ہمیشہ اس بات پر زور دیا کہ صحت کا حق ہر انسان کو حاصل ہونا چاہیے اور اس حق کو پورا کرنے کے لیے حکومت کو زیادہ سرمایہ کاری کرنی ہو گی۔ ان کا ماننا ہے کہ SIUT کا ماڈل پاکستان کے دوسرے حصوں میں بھی اپنانا چاہیے تاکہ پورے ملک میں معیاری اور سستی صحت کی خدمات فراہم کی جا سکیں۔

ڈاکٹر ادیب رضوی کی زندگی کا مقصد صرف ایک طبی ادارہ قائم کرنا نہیں تھا، بلکہ وہ چاہتے تھے کہ وہ سماجی تبدیلی کا باعث بنیں، جہاں صحت کی خدمات ہر شخص کو اس کی مالی حیثیت سے قطع نظر دستیاب ہوں۔ ان کی بے لوث خدمات اور انسان دوستی نے SIUT کو ایک عالمی معیار کے صحت کی سہولت میں تبدیل کر دیا ہے۔ ڈاکٹر رضوی کی قیادت میں SIUT نے نہ صرف پاکستان میں بلکہ عالمی سطح پر گردوں کی بیماریوں کے علاج میں انقلاب برپا کیا۔ ان کی خدمات کا شمار نہ صرف طب کے شعبے میں بلکہ سماجی بہبود کے حوالے سے بھی ایک عظیم کارنامہ ہے۔ ڈاکٹر ادیب رضوی کا یہ کہنا کہ ان کا سب سے بڑا انعام مریضوں کی دعائیں اور ان کی خوشی ہے، ان کی یہ سوچ ان کے کے انسان دوست نقطہ نظر کی عکاسی کرتا ہے۔ آج SIUT اس بات کا گواہ ہے کہ ڈاکٹر رضوی اور ان کی ٹیم کی محنت، لگن اور انسان دوستی واقعی لوگوں کی زندگیوں میں تبدیلی لائی ہے۔ ڈاکٹر ادیب رضوی اور ان کی ٹیم نے جو اکیلے کر دکھایا وہ ان کی انسانیت سے محبت کا منہ بولتا ثبوت ہے، جو کام ہماری حکومت نہیں کرسکی وہ اکیلے اس ایک انسان نے کر دکھایا۔ ان کی ڈاکٹروں کی ٹیم کی بھی جتنی تعریف کی جائے وہ کم ہے۔

پاکستان اور بیرون ملک پاکستانی دل کھول کر اور آنکھ بند کرکے SIUT کو عطیات دیتے ہیں کیونکہ ان کو یقین کامل ہوتا ہے کہ ان کی پائی پائی مریضوں کے کام آئے گی۔ دعا گو ہوں کے ادیب بھائی طویل عمر پائیں اور وہ یوں ہی انسانیت کی خدمت کرتے رہیں۔

زاہدہ حنا

بشکریہ ایکسپریس نیوز

[emergingkarachi]

کراچی میں نئی بسوں کی آمد؟

بہت دیر کی مہرباں آتے آتے ۔ میں نے اپنی صحافت کا آغاز ہی بلدیاتی رپورٹنگ سے کیا تھا۔ اُس زمانے میں شام کے اخبارات شہری مسائل پر زیادہ توجہ دیتے تھے چاہے وہ پانی کا مسئلہ ہو، ٹرانسپورٹ کے مسائل ہوں یا شہر کا ’’ماسٹر پلان‘‘۔ کرائمز کی خبریں اس وقت بھی سُرخیاں بنتی تھیں مگر اُن کی نوعیت ذرا مختلف ہوتی تھی۔ مجھے میرے پہلے ایڈیٹر نے ’’ٹرانسپورٹ‘‘ کی خبریں لانے کی ذمہ داری سونپی، ساتھ میں کرائمز اور کورٹ رپورٹنگ۔ اب چونکہ خود بھی بسوں اور منی بسوں میں سفر کرتے تھے تو مسائل سے بھی آگاہ تھے۔ یہ غالباً 1984ء کی بات ہے۔ جاپان کی ایک ٹیم شہر میں ان مسائل کا جائزہ لینے آئی اور اُس نے ایک مفصل رپورٹ حکومت سندھ کو دی جس میں شہر میں سرکلر ریلوے کی بہتری کیساتھ کوئی پانچ ہزار بڑے سائز کی بسیں بشمول ڈبل ڈیکر لانے کا مشورہ دیا اور پرانی بسوں اور منی بسوں کو بند کرنے کا کیونکہ ان کی فٹنس نہ ہونے کی وجہ سے شدید آلودگی پھیل رہی تھی۔ یہ وہ زمانہ تھا جب غالباً ٹرام یا تو ختم ہو گئی تھی یا اُسے بند کرنے کی تیاری ہو رہی تھی۔ اُس وقت کراچی ٹرانسپورٹ اتحاد کے سربراہ چوہدری اسماعیل ہوتے تھے جن کے ماتحت کئی پرائیویٹ بسیں چلتی تھیں اور اُن کی گہری نظر تھی۔ اِن مسائل پر وہ اکثر کہتے تھے ’’ شہر جس تیزی سے پھیل رہا ہے ہم نے اس لحاظ سے ٹرانسپورٹ کا مسئلہ حل نہ کیا تو بات ہاتھوں سے نکل جائے گی‘‘۔

کوئی چالیس سال بعد مجھے یہ نوید سُنائی جا رہی ہے کہ اب انشا ءالله کئی سو نئی بسیں اور ڈبل ڈیکر بسیں بھی آرہی ہیں۔ مگر مجھے خدشہ ہے کے اِن ٹوٹی ہوئی سڑکوں پر یہ بسیں کیسے چلیں گی مگر خیر اب یہ بسیں آ رہی ہیں لہٰذا ان کا ’’خیر مقدم‘‘ کرنا چاہئے۔ میں نے حیدر آباد اور کراچی میں ڈبل ڈیکر بسوں میں سفر کیا ہے پھر نجانے یہ کیوں بند کر دی گئیں۔ ایک مضبوط کراچی ٹرانسپورٹ کارپوریشن کے تحت بڑی بڑی بسیں چلا کرتی تھیں جن کے شہر کے مختلف علاقوں میں ٹرمینل ہوتے تھے۔ اس کے اندر جس طرح لوٹ مار کی گئی اُس کی کئی خبریں میں نے ہیڈ لائن میں دی ہیں اور اچانک یہ بند ہو گئیں کیوں اور کیسے؟ پھر وہ بسیں کہاں گئیں ٹرمینلز کی زمینوں کا کیا بنا۔ ایسا ہی کچھ حال سرکلر ریلوے کا ہوا ورنہ تو یہ ایک بہترین سروس تھی، اب کوئی دو دہائیوں سے اس کی بحالی کی فائلوں پر ہی نجانے کتنے کروڑ خرچ ہو گئے۔ اس سارے نظام کو بہتر اور مربوط کیا جاتا تو نہ آج کراچی کی سڑکوں پر آئے دن ٹریفک جام ہوتا نہ ہی شہر دنیا میں آلودگی کے حوالے سے پہلے پانچ شہروں میں ہوتا۔

قیام پاکستان کے بعد بننے والا ’’کراچی ماسٹر پلان‘‘ اُٹھا لیں اور دیکھیں شہر کو کیسے بنانا تھا اور کیسا بنا دیا۔ ماسٹر پلان بار بار نہیں بنتے مگر یہاں تو کیونکہ صرف لوٹ مار کرنا تھی تو نئے پلان تیار کئے گئے۔ میں نے دنیا کے کسی شہر میں اتنے بے ڈھنگے فلائی اوور اور انڈر پاس نہیں دیکھے جتنے اس معاشی حب میں ہیں۔ عروس البلاد کراچی کی ایک دکھ بھری کہانی ہے اور یہ شہر ہر لحاظ سے اتنا تقسیم کر دیا گیا ہے کہ اسکی دوبارہ بحالی ایک کٹھن مرحلہ ہے۔ تاہم خوشی ہے کہ وزیر اطلاعات نے رنگ برنگی اے سی بسیں لانے کا وعدہ کیا ہے جن کا کرایہ بھی مناسب اور بکنگ آن لائن۔ یہ سب کراچی ماس ٹرانسزٹ کا حصہ تھا جو کوئی 30 سال پہلے بنایا گیا تھا۔ اُمید ہے یہ کام تیزی سے ہو گا کیونکہ جو حال پچھلے پانچ سال سے کراچی یونیورسٹی روڈ کا ہے اور وہ بھی ایم اے جناح روڈ تک، اللہ کی پناہ۔ شہر کی صرف دو سڑکیں ایم اے جناح روڈ اور شاہراہ فیصل، چلتی رہیں تو شہر چلتا رہتا ہے۔ حیرت اس بات کی ہے کہ چند سال پہلے ہی جیل روڈ سے لے کر صفورہ گوٹھ تک جہاں جامعہ کراچی بھی واقع ہے ایک شاندار سڑک کوئی ایک سال میں مکمل کی گئی، بہترین اسٹریٹ لائٹس لگائی گئیں جس پر ایک ڈیڑھ ارب روپے لاگت آئی اور پھر... یوں ہوا کہ اس سڑک کو توڑ دیا گیا۔ اب اس کا حساب کون دے گا۔ 

اگر ایک بہتر سڑک بن ہی گئی تھی تو چند سال تو چلنے دیتے۔ ہمیں تو بڑے پروجیکٹ بنانے اور چلانے بھی نہیں آتے صرف ’’تختیاں‘‘ لگوا لو باقی خیر ہے۔ دوسرا بسوں کا جال ہو یا پلوں کی تعمیر یہ کام دہائیوں کو سامنے رکھتے ہوئے کئے جاتے ہیں اس شہر کا کھیل ہی نرالا ہے یہاں پلان تین سال کا ہوتا ہے مکمل 13 سال میں ہوتا ہے۔ میں نے کئی بار شرجیل میمن صاحب کو بھی اور خود وزیر اعلیٰ سید مراد علی شاہ صاحب کو بھی کہا کہ سڑکوں کا کوئی بڑا پروجیکٹ ہو، کوئی فلائی اوور یا انڈر پاس تو سب سے پہلے سائیڈ کی سڑکوں کو اور متبادل راستوں کو بہتر کیا جاتا ہے اور سڑکوں کی تعمیر یا مرمت سے پہلے متعلقہ اداروں سے پوچھا جاتا ہے کہ کوئی لائن و غیرہ تو نہیں ڈالنی؟ یہاں 80 فیصد واقعات میں واٹر بورڈ، سوئی گیس اور کے الیکٹرک والے انتظار کرتے ہیں کہ کب سڑک بنے اور کب ہم توڑ پھوڑ شروع کریں۔ اب دیکھتے ہیں ان نئی بسو ں کا مستقبل کیا ہوتا ہے کیونکہ 70 فیصد سڑکوں کا جو حال ہے ان بسوں میں جلد فٹنس کے مسائل پیدا ہونگے۔ مگر محکمہ ٹرانسپورٹ ذرا اس کی وضاحت تو کرے کہ چند سال پہلے جو نئی سی این جی بسیں آئی تھیں وہ کہاں ہیں کیوں نہیں چل رہیں اور ان پر لاگت کتنی آئی تھی۔ 

اگر یہ اچھا منصوبہ تھا تو جاری کیوں نہ رکھا گیا اور ناقص تھا تو ذمہ داروں کو سزا کیوں نہ ملی۔’’خدارا‘‘، اس شہر کو سنجیدگی سے لیں۔ ریڈ لائن، اورنج لائن، گرین لائن اور بلیو لائن شروع کرنی ہے تو اس کام میں غیر معمولی تاخیر نہیں ہونی چاہئے مگر اس سب کیلئے ٹریک بنانے ہیں تو پہلے سائیڈ ٹریک بہتر کریں ورنہ ایک عذاب ہو گا، یہاں کے شہریوں کیلئے بدترین ٹریفک جام کی صورت میں۔ سرکلر ریلولے بحال نہیں ہو سکتی اس پر پیسہ ضائع نہ کریں۔ اس کی وجہ سرکار بہتر جانتی ہے۔ جب بھی میں یا کوئی شہر کے مسائل کے حل کے اصل مسئلے پر آتا ہے تو اُسے سیاسی رنگ دے دیا جاتا ہے۔ کنٹونمنٹ بورڈ اور ڈیفنس والے بھی خوش نہیں ہوتے ایک ’’میٹرو پولیٹن سٹی‘‘، ایک میئر کے انڈر ہوتی ہے۔ اُس کی اپنی لوکل پولیس اور اتھارٹی ہوتی ہے۔ کیا وقت تھا جب ہم زمانہ طالب علمی میں نارتھ ناظم آباد کے حسین ڈسلوا ٹائون کی پہاڑیوں پر جایا کرتے تھے، ہاکس بے ہو یا سی ویو پانی اتنا آلودہ نہ تھا، بو نہیں مٹی کی خوشبو آتی تھی۔ جرم و سیاست کا ایسا ملاپ نہ تھا۔ اس شہر نے ہم کو عبدالستار ایدھی بھی دیئے ہیں اور ادیب رضوی بھی۔ اس شہر نے سب کے پیٹ بھرے ہیں اور کچھ نہیں تو اس کو پانی، سڑکیں اور اچھی بسیں ہی دے دو۔ دُعا ہے نئی بسیں آئیں تو پھر غائب نہ ہو جائیں، نا معلوم افراد کے ہاتھوں۔

مظہر عباس

بشکریہ روزنامہ جنگ

[googlynewstv]

ہر صورت متوازی آئینی عدالتوں کا قیام یقینی بنائیں گے: بلاول بھٹو

  بلاول بھٹو کا ملک میں ہر صورت متوازی آئینی عدالتوں کے قیام کو یقینی بنانے کا اعلان کر دیا۔ چیئرمین پیپلز پارٹی بلاول بھٹو کا کہنا ہے کہ برابری کی نمائندہ آئینی عدالت کا مطالبہ ہر صورت ماننا پڑے گا، پاکستان پیپلز پارٹی کے مسودے پر تمام جماعتوں کو اکٹھا کرنے کی کوشش میں ناکامی پر حکومت کی دو تہائی اکثریت کے ساتھ اس فریضے کو سرانجام دیا جائے گا۔ حیدرآباد میں پیپلز پارٹی کے جلسے سے خطاب کرتے ہوئے…

[apnabannu]

’حکومت سوشل میڈیا پر کنٹرول بڑھانا چاہتی ہے‘: پاکستان میں سائبر کرائم کی روک تھام کے لیے نئی ایجنسی کا قیام

http://dlvr.it/T6PMr0

[rising-gwadar]

پاکستان چین کا 5 نئی اقتصادی راہداریوں کے لیے کوششیں تیز، ورکنگ گروپ بنانے پر اتفاق_

ان رہداریوں کو 5 ایز فریم ورک سے منسلک کیا جائے گا_ وفاقی وزیر منصوبہ بندی احسن اقبال اور چینی سفیر کا ملاقات میں اتفاق

یہ اتفاق وفاقی وزیر برائے منصوبہ بندی، ترقی اور خصوصی اقدامات پروفیسر احسن اقبال اور چین کے سفیر جیانگ زیڈونگ کے درمیان وزارت منصوبہ بندی میں ایک گھنٹے سے زائد جاری رہنے والی ملاقات میں کیا گیا_

چین کے سفیر جیانگ زیڈونگ نے پروفیسر احسن اقبال کو چوتھی بار وزیر منصوبہ بندی کا عہدہ سنبھالنے پر مبارکباد دی_

واضح رہے کہ ان پانچ نئے اقتصادی راہداریوں پر ایک ورکنگ گروپ تشکیل دیا جاہے گا ان راہداریوں ملازمتوں کی تخلیق کی راہداری، اختراع کی راہداری، گرین انرجی کی راہداری، اور جامع علاقائی ترقی شامل ہیں_

ملاقات میں اتفاق کیا گیا کہ چین کی وزارت منصوبہ بندی اور قومی ترقی اور اصلاحاتی کمیشن (این ڈی آر سی) اور وزرات منصوبہ بندی اقتصادی راہدریوں پر الگ الگ Concept Paper مرتب کریں گے، جو مستقبل میں ہر شعبے کے لیے ایک واضح روڈ میپ فراہم کریں گے_

جبکہ بعدآزں یہ Concept Paper جے سی سی میں پیش کی جاہیں گی_

یاد رہے کہ وزارت منصوبہ بندی نے پہلے ہی 5Es فریم ورک پر عمل درآمد شروع کر دیا ہے جس میں ایکسپورٹ، انرجی، ایکویٹی، ای پاکستان اور ماحولیات شامل ہیں_

وزیر اعظم شہباز شریف کے وژن کے تحت ہر شعبے میں پاکستان کی خوشحالی کو آگے بڑھانے کے لیے یہ فریم ورک پانچ نئے اقتصادی راہداریوں کے ساتھ منسلک کیا جائے گا_

ملاقات میں وفاقی وزیر نے روزگار کے مواقع پیدا کرنے کے ذریعے پاکستان کی برآمدی صلاحیتوں کو تیز کرنے کی اہمیت کو اجاگر کرتے ہوئے پاکستان کے اندر خصوصی اقتصادی زونز (SEZs) کی کامیابی کو زیادہ سے زیادہ کرنے کے لیے ایک حکمت عملی کا خاکہ پیش کیا_

انہوں نے ایک "ون پلس فور" ماڈل تجویز کیا، جس کے تحت پاکستان میں ہر SEZ کو چین کے ایک صوبے کے ساتھ شراکت داری کی جائے گی، SEZs کے اندر خصوصی کلسٹرز تیار کرنے کے لیے ایک صنعتی گروپ، تکنیکی مہارت فراہم کرنے کے لیے چین سے ایک SEZ، اور ایک سرکاری کمپنی کے ساتھ شراکت داری کی جائے گی_

جبکہ انہوں نے اس بات پر زور دیا کہ زور اشتراکی فریم ورک پاکستان میں SEZs کے قیام اور ترقی کو تیز کرے گا، ان کی مسابقت اور سرمایہ کاروں کے لیے کشش میں اضافہ کرے گا_

اس موقع پر چین کے سفیر کے سی پیک کے فیز ٹو پر عمل دررامد تیز کرنے پر پاکستان کی کاوشوں کو سراہا_

انہوں نے خصوصی طور پر وفاقی وزیر کی سی پیک کے منصوبوں پر دلچسبیبی لینے اور منصوبوں کو تیز کرنے پر کوششوں کو سراہا_

جبکہ وفاقی وزیر کو خصوصی طور پر مسٹر سی پیک کے لقب سے مخاطب کرتے ہوے کہا چینی قیادت اپکی کاوشوں کو قدر کی نگاہ سے دیکھتی ہے_

مزید براں، پروفیسر احسن اقبال نے اس بات پر زور دیا کہ SEZs کی کامیابی کا انحصار ان کی مخصوص صنعتوں کے کلسٹر بننے، پیمانے کی معیشتوں کو فروغ دینے، اور جدت اور ترقی کے لیے سازگار ایک متحرک ماحولیاتی نظام کی تشکیل پر ہے_

ملاقات میں بات گوادر پورٹ اور M-8 موٹروے جیسے اہم بنیادی ڈھانچے کے منصوبوں پر خصوصی زور دینے کے ساتھ علاقائی روابط بڑھانے پر بھی توجہ مرکوز کی گئی، جو تجارتی روابط کو مضبوط کریں گے اور علاقائی انضمام کو آسان بنائیں گے_

ملاقات میں وفاقی وزیر نے چینی سفیر کو یقین دلایا کہ حکومت چینی حکام کی سیکورٹی کے کیے بھر پور اقدامات اٹھا رہئ ہے_

[shiningpakistan]

نواز شریف کہاں ہیں؟

نواز شریف نے اپنی آخری سیاسی اننگ بغیر کھیلے ہی ختم کر دی۔ ایک ایسا شخص جو چار دہائیوں تک وطن عزیز کی سیاست پر چھایا رہا۔ ان کی سیاست کا یوں اختتام کسی نے سوچا بھی نہ تھا۔ اگرچہ وہ آمریت کی نرسری میں پلے لیکن اس کے باوجود انہوں نے ایک مزاحمتی سیاست دان کا روپ اختیار کیا جس کی وجہ سے انہوں نے بے مثال مقبولیت حاصل کی۔ انہوں نے'' میں ڈکٹیشن نہیں لوں گا '' کا نعرہ لگایا اور قوم کی آنکھوں کا تارا بن گئے۔ ان کا سیاسی کیریئر ہر قسم کے اتار چڑھاؤ سے عبارت ہے۔ انہوں نے ایٹمی دھماکے کر کے خود کو محسن پاکستان کے طور پر پیش کیا تو دوسری طرف اٹل بہاری واجپائی کو لاہور میں بلایا اور جب دوبارہ موقع ملا تو نریندر مودی کو اپنی گھریلو تقریبات میں مدعو کیا اور وہ بھی سفارتی پروٹوکول کو بالائے طاق رکھتے ہوئے لاہور آئے اور شریف فیملی کے ساتھ وقت گزارا۔ ان کی زندگی ایک طرح سے مختلف تضادات سے عبارت تھی۔ وہ اینٹی اسٹیبلشمنٹ ہونے کا دعویٰ کرتے تھے لیکن ہمیشہ اسٹیبلشمنٹ کی مدد سے ہی اپنے اقتدار کو طول دیا۔ عوامی طاقت اور مقتدرہ کی اشیرباد سے وہ جب بھی اقتدار میں آئے ان کے اقتدار کا خاتمہ غیر فطری انداز میں ہوا۔ وہ اپنی نوعیت کے واحد حکمراں ہیں جو بذات خود اپنی کوئی بھی آئینی مدت پوری نہ کر سکے۔

اس کے ساتھ ساتھ یہ بھی ایک حقیقت ہے کہ وہ پاکستان کے واحد حکمراں تھے جو وطن عزیز کے چاروں صوبوں میں یکساں مقبول تھے۔ انہوں نے اپنے عروج کے دنوں میں ملک کے تمام علاقوں میں بھرپور عوامی جلسے کیے۔ ہر صوبے کے سیاست دانوں کے ساتھ قریبی روابط رکھے۔ انہوں نے پاکستان کی ترقی میں بھی اپنا نمایاں کردار ادا کیا۔ ذوالفقار علی بھٹو کے تشکیل دیے ہوئے ایٹمی پروگرام کو پایہ تکمیل تک پہنچایا۔ آصف علی زرداری کے شروع کیے ہوئے سی پیک کو عملی شکل دی۔ پاکستان میں انفراسٹرکچر کا جال بچھایا لیکن پانامہ کا ڈنگ لگنے کے بعد ان کے اقتدار کو وہ زوال آیا کہ جو عروج کی طرح بے مثال تھا۔ جلاوطنی میاں نواز شریف کے لیے کوئی نئی بات نہ تھی۔ انہوں نے مشرف کے ساتھ معاہدہ کر کے خود ساختہ جلاوطنی اختیار کیے رکھی تاہم 2018 کے بعد کی جلاوطنی اس لحاظ سے منفرد تھی کہ لندن میں قیام کے دوران عوام کا ہجوم انکے گھر کے باہر رہتا جسکے باعث وہ لندن میں بھی محصور ہی رہے۔ اس دوران پاکستان کی سیاست میں کئی اتار چڑھاؤ آئے۔عمران خان کا جادو سر چڑھ کر بولتا رہا یہاں تک کہ ''رجیم چینج'' کے ذریعے عمران خان کی حکومت ختم کر دی گئی۔ 

یہی وہ وقت تھا جب ایک طرف عمران خان کا عروج شروع ہوا اور میاں نواز شریف کا بتدریج زوال۔ پی ڈی ایم نے میاں شہباز شریف کی سربراہی میں جو حکومت قائم کی اس نے نہ صرف مسلم لیگ کو نقصان پہنچایا بلکہ میاں نواز شریف جیسے مدبر سیاستدان کی شہرت کو بھی داغدار کر دیا۔ نوبت یہاں تک آن پہنچی کہ وہ نواز شریف جو مقتدرہ سے لڑائی کر کے عوام کی آنکھوں کا تارا تھا، ''ووٹ کو عزت دو'' کے نعرے نے کراچی سے لے کر خیبر تک بیداری کی ایک لہر پیدا کر دی تھی، ان کو اپنے اس نظریے سے بھی پیچھے ہٹنا پڑا اور ووٹ کو عزت دو کے نعرے پر بھی خاموشی اختیار کرنا پڑی۔ انہوں نے ایک طرف مقتدرہ سے ہاتھ ملایا تو دوسری طرف عوام نے بھی انہیں اپنے دل سے اتار دیا۔ 2024 کے انتخابات ایک کھلی کتاب کی مانند ہیں۔ اس میں تحریک انصاف کی مشکیں کسی گئیں۔عمران خان کو پابند سلاسل کیا گیا۔ اس کی جماعت کا انتخابی نشان چھین لیا گیا اور مسلم لیگ کو کھلی چھٹی دی گئی۔

میاں نواز شریف شاید نوشتہ دیوار پڑھ چکے تھے اس لیے انہوں نے ان انتخابات میں وہ روایتی سرگرمی نہ دکھائی جو ان کا خاصہ تھی اور جن جلسوں سے خطاب کیا وہ بھی بے رغبتی کے عالم میں تھا جس کے نتائج انہیں آٹھ فروری کو دیکھنا پڑے۔ لیکن اس سارے اہتمام کے باوجود عمران خان کا جادو ایک مرتبہ پھر نصف النہار پہنچ گیا۔ اور اس وقت زمینی حقائق یہ ہیں کہ ملک پر چار دہائیوں سے حکومت کرنے والا شخص ایک گھر میں بند ہے تو دوسری طرف قیدی نمبر 804 پورے ملک پر حکومت کر رہا ہے۔ کمشنر راولپنڈی لیاقت چٹھہ کے الزامات نے انتخابات کی رہی سہی ساکھ بھی خاک میں ملا دی ہے۔ مسلم لیگ ن کو جس انداز میں فتح دلوائی گئی اور نشستیں جس طرح گھٹائی اور بڑھائی گئیں اسنے انتخابات کی شفافیت کو تو مشکوک بنایا ہی ہے میاں نواز شریف اور مسلم لیگ کی شناخت کو بھی گہری زک پہنچائی ہے۔ اس حالیہ فتح سے تو بہتر تھا کہ میاں نواز شریف لندن میں ہی قیام پذیر رہتے کم از کم ان کا بھرم ہی برقرار رہتا۔ میری دانست میں میاں نواز شریف اس خطے کے سب سے تجربہ کار رہنما ہیں۔

اپنی سیاست کا اس انداز میں اختتام کرنے کے بجائے خواجہ سعد رفیق کی طرح دل بڑا کر کے اپنی شکست تسلیم کرنی چاہیے اور جنہیں عوام نے مین��یٹ دیا ہے انکا حق تسلیم کرنا چاہیے۔ انہیں چپ کا روزہ توڑ کر تحمل اور بردباری سے فیصلے کرنے چاہئیں۔ انتقام کی سیاست کو دفن کر کے سیاست اور اقتدار سے بالاتر ہو کر ملک و قوم کی خدمت کرنی چاہیے۔ ہماری قوم کو بھی اپنے رہنماؤں کو باعزت طریقے سے رخصت کرنے کی روایت ڈالنی چاہیے۔ جس انداز میں نواز شریف کو خدا حافظ کہا جا رہا ہے وہ ہرگز مناسب نہیں۔

پیر فاروق بہاو الحق شاہ 

بشکریہ روزنامہ جنگ

[emergingpakistan]

پاکستان کا مستقبل امریکا یا چین؟

پاکستان اور چین کے درمیان سی پیک منصوبے کو 10 سال مکمل ہو گئے ہیں۔ پاک چین اقتصادی راہداری بلاشبہ دونوں ممالک کی دوستی اور دوطرفہ تعلقات کی بہترین مثال ہے۔ چین نے ایسے وقت میں پاکستان میں سرمایہ کاری کا فیصلہ کیا جب پاکستان دہشت گردی اور شدید بدامنی سے دوچار تھا اور کوئی بھی ملک پاکستان میں سرمایہ کاری کرنے کو تیار نہیں تھا۔ چین کی جانب سے پاکستان میں ابتدائی 46 ارب ڈالر کی سرمایہ کاری 62 ارب ڈالر تک ہو چکی ہے۔ پاک چین اقتصادی راہداری منصوبے کے تحت اب تک 27 ارب ڈالر کے منصوبے مکمل ہو چکے ہیں۔ سی پیک منصوبوں سے اب تک براہ راست 2 لاکھ پاکستانیوں کو روزگار کے مواقع ملے اور چین کی مدد اور سرمایہ کاری سے 6 ہزار میگاواٹ بجلی نیشنل گرڈ کا حصہ بنی۔ سی پیک کو پاکستان کے مستقبل کے لیے اہم ترین منصوبہ ہے، لیکن منصوبے کے ابتدائی مرحلے میں انفرا اسٹرکچر اور توانائی کے پروجیکٹس کے بعد سی پیک کے دیگر منصوبے سست روی کا شکار ہیں۔ سی پیک کے دوسرے مرحلے میں ملک کے چاروں صوبوں میں خصوصی اکنامک زونز کا قیام تھا جس کے بعد انڈسٹری اور دیگر پیداواری شعبوں میں چینی سرمایہ کاری میں بتدریج اضافہ کرنا تھا لیکن اب تک خصوصی اکنامک زونز قائم کرنے کے منصوبے مکمل نہیں کیے جا سکے۔

سی پیک منصوبوں میں سست روی کی ایک وجہ عالمی کورونا بحرا ن میں چین کی زیرو کووڈ پالیسی اور دوسری وجہ امریکا اور مغربی ممالک کا سی پیک منصوبوں پر دباؤ بھی ہو سکتا ہے۔ سی پیک منصوبوں کی ترجیحات اور رفتار پر تو تحفظات ہو سکتے ہیں لیکن اس بات سے کوئی انکار نہیں کر سکتا کہ بدلتے ہوئے عالمی حالات کے پیش نظر پاکستان کے پاس چینی سرمایہ کاری کے علاوہ دوسرا کوئی آپشن موجود نہیں۔ پاکستان کا معاشی مستقبل اور موجودہ معاشی مسائل کا حل اب سی پیک کے منصوبوں اور چینی سرمایہ کاری سے ہی وابستہ ہیں۔ گزشتہ ہفتے وزیر مملکت حنا ربانی کھر اور وزیراعظم شہباز شریف کی گفتگو پر مبنی لیک ہونے والے حساس ڈاکومنٹس سے بھی اندازہ ہوتا ہے کہ پاکستان کو اب چین یا امریکا میں سے کسی ایک کو اسٹرٹیجک پارٹنر چننا ہو گا۔ بدلتے ہوئے عالمی حالات خصوصا مشرقی وسطی میں ہونے والی تبدیلیوں کے بعد اب چین عالمی سیاست کا محور بنتا نظر آرہا ہے۔

پاکستان کو اب امریکا اور مغرب کو خوش رکھنے کی پالیسی ترک کر کے چین کے ساتھ حقیقی اسٹرٹیجک شراکت داری قائم کرنا ہو گی چاہے اس کے لیے پاکستان کو امریکا کے ساتھ تعلقات کی قربانی ہی کیوں نہ دینی پڑے۔ چین کی طرف سے گوادر تا کاشغر 58 ارب ڈالر ریل منصوبے کی پیشکش کے بعد پاکستان کے پاس بہترین موقع ہے کہ وہ اس منصوبے سے نہ صرف پاک چین تعلقات کو اسٹرٹیجک سمت دے سکتا ہے بلکہ اس منصوبے کی بدولت پاکستان چین کو بذریعہ ریل گوادر تک رسائی دیکر اپنے لیے بھی بے پناہ معاشی فوائد حاصل کر سکتا ہے۔ پاکستان نے تاحال سی پیک کے سب سے مہنگے اور 1860 کلومیٹر طویل منصوبے کی پیشکش پر کوئی ردعمل نہیں دیا۔ سوال یہ ہے کیا پاکستان کے فیصلہ ساز امریکا کو ناراض کر کے چین کے ساتھ دوطرفہ تعلقات کو طویل مدتی اسٹرٹیجک پارٹنر شپ میں تبدیل کرنے کا فیصلہ کریں گے یا دونوں عالمی طاقتوں کو بیک وقت خوش رکھنے کی جزوقتی پالیسی پر عمل پیرا رہیں گے؟

یہ بات کسی سے ڈھکی چھپی نہیں کہ پاکستان میں اشرافیہ کے کچھ ایسے عناصر موجود ہیں جن کے مفادات براہ راست امریکا اور مغربی ممالک سے وابستہ ہیں۔ اشرافیہ سے تعلق رکھنے والے ان افراد کے بچے امریکا اور مغربی ممالک کے تعلیمی اداروں میں پڑھتے ہیں۔ ان افراد کی اکثریت کے پاس امریکا اور مغربی ممالک کی دہری شہریت ہے۔ ان کی عمر بھر کی جمع پونجی اور سرمایہ کاری امریکا اور مغربی ممالک میں ہے۔ امریکا اور مغربی ممالک ہی اشرافیہ کے ان افراد کا ریٹائرمنٹ پلان ہیں۔ یہ لوگ کبھی نہیں چاہیں گے کہ پاکستان امریکا کے ساتھ تعلقات کو قربان کر کے چین کے ساتھ طویل مدتی اسٹرٹیجک شراکت داری قائم کرے ان کوخوف ہے کہیں روس، ایران اور چین کی طرح پاکستان بھی براہ راست امریکی پابندیوں کی زد میں نہ آجائے، کیونکہ اگر ایسا ہوا تو اشرافیہ سے تعلق رکھنے والے ان افراد کے ریٹائرمنٹ پلان برباد ہو جائیں گے۔

اس میں کوئی شک نہیں کہ بہترین خارجہ پالیسی کا مطلب تمام ممالک کے ساتھ برابری کی بنیاد پر دوستانہ تعلقات اور معاشی ترقی کے نئے امکانات اور مواقع پیدا کرنا ہے۔ لیکن ماضی میں روس اور امریکا کی سرد جنگ کے تجربے کی روشنی میں یہ کہنا مشکل نہیں کہ موجودہ عالمی حالات میں پاکستان کے لیے امریکا اور چین کو بیک وقت ساتھ لے کر چلنا ناممکن نظر آتا ہے۔ جلد یا بدیر پاکستان کو امریکا یا چین میں سے کسی ایک کے ساتھ تعلقات کی قربانی کا فیصلہ کرنا ہو گا تو کیوں نہ پاکستان مشرقی وسطیٰ میں چین کے بڑھتے کردار اور اثرورسوخ کو مدنظر رکھتے ہوئے چین کے ساتھ طویل مدتی شراکت داری قائم کرنے کا فیصلہ کرے یہ فیصلہ پاکستان کے لیے مشکل ضرور ہو گا لیکن عالمی حالات یہی بتا رہے ہیں کہ پاکستان کا مستقبل اب چین کے مستقبل سے وابستہ ہے۔

ڈاکٹر مسرت امین    

بشکریہ ایکسپریس نیوز

[urduchronicle]

پاکستان نے افغانستان کے ساتھ 5 سرحدی کراسنگز میں سے 4 بند کر دیں، افغان میڈیا

افغان میڈیا نے رپورٹ کیا ہے کہ پاکستان نے افڈانستان کے ساتھ  5 سرحدی کراسنگ میں چار کراسنگز بند کردی ہیں اور ایسا پہلی بار ہوا ہے۔ افغان میڈیا ہاؤس طلوع نیوز کی رپورٹ کے مطابق طورخم، اسپن بولدک، غلام خان، ڈنڈ پتن اور انگور اڈا افغانستان اور پاکستان کے درمیان مشترکہ کراسنگ ہیں۔ افغانستان-پاکستان جوائنٹ چیمبر آف کامرس کے سربراہ خان جان الکوزے نے کہا: “پاکستان کے قیام کی تاریخ کے بعد سے یہ ایک…

[dr-jan-baloch]

بلوچستان: چارٹر آف لبریشن کی ضرورت و اہمیت

حفیظ حسن آبادی

اس سے پہلے کہ چارٹر آف لبریشن کی ضرورت و اہمیت پر بات کی جائے لازم ہے کہ مختصراً اسکے بنیادی مقاصد پر ایک سرسری نظر دؤڑاکر ایک خلاصہ پیش کریں تاکہ قارئین شعوری طور پر اس بحث کا حصہ بنیں اور ہم کسی کج بحثی سے بچ سکیں کیونکہ ابھی تک ایسے محسوس ہورہا ہے اکثر مبصر سُنی سُنائی باتوں کو لیکر رائے قائم کرنے کی سعی میں لگے ہیں جو کہ ایک جاندار رویہ نہیں ہے اورخاصکر ایسے حالات میں جب بلوچ قوم بے پناہ قربانیاں دے رہی ہےتو بجا طور پر اندھی تقلید اور سیاسی بے راہ روی کی کوئی گنجائش نہیں ہربلوچ کو ہر معاملے میں شعوری طور بحث کا حصہ بنکر اپنےقومی مفادات کے تحفظ کو یقینی بنانے اپنا کردار ادا کرنا چایئے۔

چارٹر آف لبریشن کا خلاصہ

:حصہ اول بنیادی حقوق

بلوچ قوم کی سرزمین بلوچستان اُسکے مرضی کیخلاف استعماری سیاست کی نذر ہوکر تقسیم در تقسیم کا شکار ہوئی ہے اور بلوچ ایک سوچے سمجھے منصوبے کے تحت غلام کیا گیا ہے ۔اگر یہ بات درست اور پوری دنیا مانتی ہے تو بلوچ قوم کو یہ حق حاصل ہے کہ وہ اپنی قومی یگانگت کے لئے جد و جہد کرکے خود دنیا کے دیگر بے شمار گم شدہ قوموں کی صف میں شامل ہونے بچانے اپنی آزاد ریاست کے قیام کیلئے دنیا کے مروجہ قوانین کے مطابق جد و جہد کرے۔جوبلوچستان آزاد کی جائیگی وہاں مردو عورتوں کو برابری حاصل ہوگی او ر یہ ’’مساوات معاشرے کے تمام حلقوں میں سماجی، معاشی، تعلیمی، معاشرتی، ثقافتی اور سیاسی شعبوں میں یکساں ہوگی‘‘ ۔ کوئی کسی سے نسلی یا کسی اور بنیاد پر اعلیٰ و ادنیٰ تصور نہیں ہوگا بلکہ ہر کے قدر و منزلت کا تعین اُسکا معاشرے میں مثبت عمل زاتی محنت و مشقت اور اُس سے معاشرے میں موجود مثبت تاثر اور نتیجے سے ہوگا ۔خیالات پر پہرے نہیں لگیں گے کسی بھی بحث کی گنجائش موجود ہے۔مذہبی آزادی کوریاست یقینی بنائے گی۔ مذہب کوریاست سے الگ کیا گیا ہے تاکہ دنیا کے پیش رفتہ اقوام و مما لک کی طرح لوگ زیادہ آزادی سے بلا خوف و خطر اپنے مذہبی عبادات و دیگر رسومات ادا کرسکیں ۔ اور مذہب کے مقدس نام کو کوئی اپنے گروہی و ذاتی مفادات کیلئے استعمال نہ کر سکے جس طرح پاکستان و ایران میں ہوا ہے جو دنیا میں اُنکے تنہائی اور مذہب کے بدنامی کا سبب بنا ہے۔اس ریاست میں بلاامتیاز سب کے زندہ رہنے کے حق کی گارنٹی ریاست کی پہلی ترجیع ہوگی

حصہ دوئم

جد و جہد کے جامع طریقے : یہ چونکہ قومی آزادی کی تحریک ہے اس لئے اسکے تقاضوں کے عین مطابق معاشرے کے تمام طبقوں کی شمولیت کو خیر مقدم کیا جائیگا اسمیں شامل ہونے کوئی نسلی،جنسی ، لسانی ،نظریاتی و مذہبی بندش نہیں ۔ اور دنیا کے مروجہ قوانین و انسانیت دوستی کے تقاضوں کے مطابق اگر کوئی بین القوامی قوت بھی مدد کی پیشکش کرے گا تو اُسے قبول کیا جائیگا تاکہ بلوچ قوم کم از کم نقصان سے اپنی آزاد ریاست بنانے کے خواب کو شرمندہ تعبیر کر سکے۔ یہان دو چیزیں بہت لازم ہیں جو اس پوری تحریک کی بنیاد ہیں پہلہ یہ کہ یہ جد وجہد پوری طرح بین القوامی قوانین کے عین مطابق آگے لے جایا جائیگا دوسرا اس جہد میں شامل کوئی بھی قوت پاکستان یا ایران کے پارلیمانی سیاست کا حصہ نہیں بنے گا اور اسکے اس عمل کوچارٹر آف لبریشن ا ور اس جہد کے روح کے منافی سمجھا جائیگ۔ انسانی حقوق کےادارے طلباء تنظیمیں ٹریڈ یونینز غرض جد و جہد کے وہ تمام حربے استعمال کئے جاسکتے ہیں جو دنیا میں اپنی حفاظت کیلئے اپنائے گئے ہیں ۔

حصہ سوئم

سیاسی نظام کا جواز : اس پوری جد وجہدکا مقصد بلوچ قوم کو اپنے تقدیر کا مالک بنانا ہ��جس کے لیئے لازم ہے کہ آزادی کے بعد لوگ اپنی حق رائے دہی میں مکمل آزاد ہوں ۔ملک میں ایسے انتخابات کرائے جائیں جن کی نگرانی اقوام متحدہ و دیگر بین القوامی غیر جانبدار ادارے و میڈیا کریں ۔ایسے شفاف طریقے سے آئے بغیر کسی بھی پارلیمنٹ کو ملک کے اختیارات ہاتھ میں رکھنے کا قانونی حق نہیں ۔لہذا اب پاکستان اور ایران کی زیر نگرانی میں منتخب نمائندوں کے فیصلوں کی کوئی قانونی حیثیت نہیں کیونکہ وہ قابض ریاست کے مفادات کی نگرانی کیلئے چُنے گئے ہیںگویا آزادی، انسانی حقوق، سماجی انصاف، یکساں مواقع کی فراہمی، اور معاشی قابلیت کے اصولوں پر چلنے والا ایک جمہوری سیاسی نظام ہی آزاد بلوچستان میں رائج کیا جائیگا۔

حصہ چہارم

بامعنی جمہوریت اور امن : ایک بامعنی جمہوریت کو یقینی بنانے لازم ہے کہ معاشرے کو ایک جمہوری ماحول فراہم ہو۔ آزاد میڈیا اور صحافت، خود مختار اور آزاد عدلیہ، آزاد اسمبلیاں اور ایسوسی ایشنز، معاشی مواقع میں برابری، موزوں تعلیم اور کثیر الجماعتی سیاست کو یقینی بنا کر ایک بامعنی جمہوری نظام نافذ ہوگی تاکہ معاشرہ، تہذیب، سیاست، قانون، اخلاقیات، زبان، معیشت اور ماحولیات ایک معاندانہ نوآبادیاتی قوّت کے شکنجے سے آزادی کے بعد اطمنان سے ترقی کرسکیں اور جمہوریت کے وہ تمام تقاضے پورے ہوں جنکے لئے قوم آج قربانیاں دے رہی ہے۔اس ضمن میں آزادی حاصل کرنے کے فوراً بعد قابض ریاستوں کے تحویل میں موجو د قیدیوں کی رہائی کو ممکن بنایا جائیگا ،بلوچستان کے تمام گمشدگاں کی بازیابی اور انکے خلاف جرائم میں ملوث عناصر و ریاستوں کو بین القوامی عدالت انصاف کے کٹہرے لانے یو این او کے زیر نگرانی کمیٹی بنائی جائیگی ۔

نئی آزاد ریاست کی تشکیل میں پہلے قدم کے طور پر بلوچستان سے قابض قوتوں کوغیر مشروط پر نکل جانے کا کہا جائیگا بعد میں بین القوامی قوتوں کی ثالثی میں سرحدوں کی حد بندی و حفاظت جیسے دیگر معاملات طے کئے جائیں گے۔نوزائیدہ ریاست میں سیاسی اور قانونی اداروں کے قیام کیلئے بین القوامی مدد کو خوش آمدید کہا جائیگا اور بلوچستان تمام بین القوامی میڈیا،انسانی حقوق کے تنظیموں اور امدادی ایجنسیوں کیلئے کھلا ہوگا اُنھیں کہیں بھی کوئی امر مانع نہیں ہوگا۔ آزادی کی مزاحمتی تحریکوں اور مسلح تصادم کے حوالے سے قابض ریاستوں کے متعلق چوتھے جنیوا کنونشن کی مکمل پابندی کی جائیگی۔

حصہ پنجم

آئینی قانون اور انصاف : عوامی جمہوریہِ بلوچستان ایک جدید سیکولر اور جمہوری آئین تیار کر کے اسے اپنائے گی جہاں اقتدار پر ناجائزقبضے کے تمام رستے مسدود کئے جائیں گے ۔ہرشہری کے آزادی اور انصاف کے فراہمی کو آسان و شفاف کیا جائیگا ہرشخص کو اپنے اوپر لگائے الزام کی صفائی میں دلائل و ثبوت پیش کرنے کا مکمل موقع دیا جائیگا اور وہ شخص اُس وقت تک مجرم نہیں کہلائے گا جب تک عدالت نے ثبوتوں کی بنیاد پر اُس کے خلاف ایسا فیصلہ نہیں دیا ہے ۔

کوئی کسی کی نجی زندگی ومعاملات میں دخل اندازی نہیں کرسکتا کوئی کسی کےجائیداد پر قبضہ نہیں کرسکتاکیونکہ قانون کی نظر میں سب برابر ہوں گے کوئی کسی سے کسی لحاظ سےبھی برتر و بہتر نہیں مانا جائیگا اور قانون سب کو یکساں تحفظ فراہم کرے گی۔سولی پر چڑھا کر سزائے موت، تشدد یا کسی بھی دیگر قسم کے غیر انسانی اقدام کے ذریعے ظالمانہ انداز میں کسی فرد کو زندگی سے محروم کر نےکوانسانیت کی روح، بلوچ اخلاقی ضابطےاوراقدار کےسخت منافی تصور کیا جائیگا۔ہےاور وہ جمہوریہِ بلوچستان میں قطعی طور پر ممنوع ہوں گے۔

حصہ ششم

حق تلفی کے خلاف اور مساوی مواقع کے حق میں : آزاد اور جمہوری بلوچستان کرپشن کے خلاف ایک مضبوط اور بلا سمجھوتہ نقطہِ نظر رکھے گا اور اس کو ہر سطح پر جڑ سے اکھاڑ پھینکنے کیلئے ہر کوشش کرے گا۔

اس مقصد کے حصول کیلئے کسی قومی یا مقامی حکومت کے سول ملازمین کا تقرر کھلے مقابلہ کے ذریعے میرٹ کے بنیاد پر کیا جائے گا۔ مزید یہ کہ، سول ملازمین کو لازمی طور پر غیر سیاسی اور غیر جانبدار رہنا ہو گا۔ یہ چیز مختلف منتخب حکومتوں کے ساتھ غیر جانبداری کے ساتھ اور منصفانہ ذہن کے ساتھ کام کرنے کیلئے بجا ہے۔

بلوچستان میں تمام نسلی اور مذہبی اقلیّتوں کو اپنے عقائد پر عمل پیرا ہونے اور اپنی زبانوں اور روایات کو برقرار رکھنے اور ان کا تحفظ کرنے کیلئے آبادی کے باقی حصوں کی طرح بالکل ایک ہی پیمانے پر ایک جیسے حقوق حاصل ہوں گے۔ خاندانی تعلقات، اقرباء پروری یا طرف داری کے بجائے انفرادی میرٹ کے اصول پرسختی سےکاربندرہنے کو ممکن بنایا جائیگا۔

سولہ سال کی عمر تک تعلیم لازمی اور مفت ہو گی۔ طلباء کی جسمانی اور ذہنی نشوو نما و انکے عزت نفس کی خیالداری ریاست کی پہلی ترجیحات میں شامل ہوگی

حصہ ہفتم

مابعدِ حصولِ آزادی : عوامی جمہوریہِ بلوچستان ایک سول، کھلی رواداری اور جمہوری معاشرہ ہو گا،جہاں ریاست جمہوری اور نجی آزادیوں کا تحفظ کرے گی بشمول آزادانہ ، کثیر جماعتی انتخابات، احتجاج کرنے کا حق، اظہارِ خیال اور صحافت کی آزادی، جیسا کہ یو این کے انسانی حقوق پر عالمی اعلامیہ اور سول اور سیاسی حقوق پر بین الاقوامی معاہدہ میں ان کا احاطہ کیا گیا ہے۔ایک ایسا سیاسی نظام رائج کیا جائیگا جہاں ایک فرد ایک ووٹ کے اصول پر کئے گئے آزاد اور منصفانہ انتخابات کو یقینی بنایا جائیگا۔

بلوچستان کی قومی اسمبلی (بلوچستان ئے مزنین دیوان) بلوچ قوم کا اعلیٰ ترین جمہوری ادارہ ہو گا جو بلوچستان کے لوگوں کے جمہوری حقوق کو یقینی بنائے گا اور ان کا تحفظ کرے گا۔ یہ کسی قسم کے مطلق العنّان سیاسی نظام کے خلاف قلعے کا کردار ادا کرے گا۔ تمام ریاستی اہلکار اپنے اقدامات کیلئے بلوچستان قومی اسمبلی (بلوچستان ئے مزنین دیوان) کو اوربالآخر بلوچستان کے لوگوں کو جواب دہ ہوں گے۔

بلوچستان کی قومی فوج ، سرمچاروں کےمسلح بلوچ آزادی پسند تنظیموں مختلف گروہوں میں سے تیار کی جائے گی۔ بلوچستان کی قومی فوج منتخب شدہ سول سیاسی اتھارٹی کا ایک ماتحت ریاستی عضو ہو گا – بلوچستان کی قومی فوج کے دائرہِ کار اور منشور کی تعریف قومی اسمبلی، بلوچستان کے آئین اور بین الاقوامی قوانین کے تحت ہوگا ۔ یہ فوج بلوچستان کی ریاست، عدلیہ، سول معاشرے اور میڈیا کی قریبی جانچ پڑتال کے تحت اور ان کو جواب دہ ہوگی۔اس فوج کا اوّلین فریضہ بلوچستان کی علاقائی سرحدوں کا تحفظ ہو گا۔ بلوچستان کی مسلح افواج کے اراکین کیلئے ملازمت میں رہتے ہوئے سیاسی، تجارتی یا کسی قسم کی دیگر ملازمت سے متعلقہ سرگرمیوں میں حصہ لینے پر پابندی ہو گی۔

جرائم کے رو ک تھام کیلئے بغیر لائسنس کے نجی اسلحہ اور کسی قسم کی نجی فوج رکھنا غیر قانونی ہو گا۔اور قبائلی رنجشوں کو ختم کرنے ریاست خصوصی توجہ دے گی تاکہ لوگ آپس کی دشمنیوں میں الجھ کر معاشرے کی تعمیر وترقی کی رفتار کو متاثر نہ کرسکیں۔

حصہ ھشتم

خود مختار ریاستِ بلوچستان : بلوچ جدوجہد آزادی کااصل مقصد بلوچ وطن کے منقسم علاقوں کو دوبارہ بلوچ وطن میں متحد کرکے ایک کامل بلوچ قومی ریاست کی آزاد حیثیت کو تسلم کرانا ہے۔

بیرونی جارحیت سے تحفظ، داخلی امن و امان کی برقرار ی، انصاف کی فراہمی، فلاحی خدمات کی فراہمی اور بیرونی تعلقات میں توازن ،از سرنو تمام شعبہ ہائ زندگی میں بنیادی ڈھانچوں کی تشکیل ریاست کی زمہ داری ہوگی ۔

بلوچستان کے تمام شہری بلوچستان کے کسی بھی حصّہ میں سفر کرنے، کسی کاروباری سرگرمی یا کام کے قیام کیلئے آزاد ہیں۔

بلوچستان میں موجود تمام قدرتی وسائل بلوچستان کے لوگوں کی ملکیت ہیں۔ ان وسائل کا نظم و نسق اور اختیار ریاستِ بلوچستان کے پاس ہو گا۔ ان کا استعمال بلوچستان میں رہنے والے لوگوں کی فلاح کیلئے ہو گا ۔ کسی دوسرے ملک یا قوم کو اپنے ذاتی فائدہ اور مفاد کیلئے ان وسائل کے استحصال کا حق نہیں ہوگا۔

بلوچستان سے نکالے گئے تمام قدرتی وسائل کی بلوچستان اور تمام دیگر اقوام کے مابین تجارت بین الاقوامی اور مقامی منڈی کی قیمتوں کے تحت ہو گی۔

حکومتِ بلوچستان سوشل سیکیورٹی کا ایک جامع نظام اور ایک فلاحی ریاست کا نظام متعارف کروانے کی ذمہ دار ہے۔جسکے تحت ریاست بچے ،بزرگ شہری ، معذور افراد ،کمزور اور بلانمائندہ گروہوں کےمعاشی ،سیاسی و سماجی تحفظ کا زمہ دارہوگا۔

بلوچستان کی آزاد ریاست اُن سابقہ قابض قوتوں سے معاوضہ کا تقاضا کرے گی جنہوں نے بلوچستان کو لوٹا ہے اور اس کے قدرتی وسائل کو چھینا ہے۔

ریاست بلوچستان ان لوگوں کے اوّلین اہلِ کنبہ کی معاونت کیلئے ایک فنڈ قائم کرے گی جنہوں نے ہماری مادر وطن کی آزادی کی قیمت اپنی جان دے کر ادا کی

حصہ نہم

سماج، معیشت اور ماحول : بلوچ زبانیں بلوچی اور براہوی بلوچستان کی قومی زبانیں ہوں گی۔ انگریزی ثانوی سرکاری زبان اور بین الاقوامی میدان میں رابطہ کاری کا ذریعہ ہو گا۔

بلوچستان ایک مخلوط معیشت کا کردار ادا کرے گا جہاں معیشت کے نجی، سرکاری اور رضاکار شعبہ جات ملک میں مروجہ قوانین کے اندر رہ کر فعال ہو ں گے۔

"ما چکیں بلوچانی" بلوچ جدوجہد آزادی کا ترانہ ہے۔ آزاد بلوچستان کے قومی ترانہ کو بلوچستان کی پہلی آئین ساز اسمبلی یا بلوچستان کی قومی اسمبلی منتخب اور منظور کرے گی۔

بلوچ جدوجہد آزادی کا جھنڈا جو کہ بڑھتی ہوئی تعداد میں اپنایا جاتا رہا ہے تین حصّوں پر مشتمل ہے۔ مرفاع کے برابر میں ایک ستارے کے ساتھ ایک نیلے رنگ کا تکونا امتیازی نشان خصوصی علامت (یا چارج ) کے طور پر ہے ۔ تکونے امتیازی نشان سے لے کر پھریرے تک ، دو افقی پٹّیاں پھیلی ہوئی ہیں۔ اوپر والی افقی پٹّی سرخ ہے اور نیچے والی افقی پٹّی سبزآزادی تک یہی جھنڈا ہوگا ۔آزاد بلوچستان کے قومی جھنڈے کا فیصلہ اور منظوری بلوچستان کی پہلی آئین ساز اسمبلی یا بلوچستان کی قومی اسمبلی کرے گی۔

ہماری آزادی کی بحالی کیلئے اپنی جانیں قربان کرنے والے ہماری آزادی کی جدوجہد کے جانثاروں کی قومی یاد منانے کا منتخب شدہ حتمی تاریخ 13 نومبر کو ہوگی۔ 1839 میں اس دن میر محراب خان اور ان کے کئی سپاہیوں نے سلطنتِ برطانیہ کی حملہ آور فوج کے خلاف بلوچستان کا دفاع کرتے ہوئے اپنی جانیں قربان کی تھیں۔

آزادی حاصل کرنے کےفوراً بعد بلوچستان میں سے تمام جوہری سرگرمیوں کے خاتمے اور جڑ سے اکھاڑ پھینکنے کیلئے فوری اقدام کیا جائے گا۔ بلوچستان میں، جوہری تجربات بلوچ عوام کی خواہشات کے برخلاف اور ان کی اجازت کے بغیر کئے گئے تھے۔ بلوچستان کے عوام اور ان علاقوں کی ماحولیات پران تجربات کے اثرات پر اقوامِ متحدہ سےایک غیر جانبدارانہ تفتیش وتحقیق کی درخواست کی جائے ��ی۔ وہ علاقےجو کہ تابکاری کے زہر یلے اثرات سے آلودہ ہوئے ہیں ان کو صاف کیا جائے گا اور ماحول کو پہنچنے والے نقصان اور ان علاقوں میں رہنے والے لوگوں پر شعاعوں کے اثرات کا تعین کرنے کیلئے ایک غیر جانبدار سائنسی تحقیق کی جائے گی۔ بلوچ عوام کے خلاف اس جُرم کی ذمہ دار ریاست کو جواب دہ ٹھہرایا جائے گا اور بین الاقوامی نظامِ انصاف کے ذریعے انصاف ومعاوضہ کا تقاضا کیا جائے گا۔

حصّہ دھم

عبوری آئین : اس منشور کے نافذ ہو جانے کے بعد بلوچستان کے عبوری آئین کا مسودہ تیار کرنے کیلئے ماہرین کی ایک کمیٹی تشکیل دی جائے گی۔اس آئین میں بلوچ عوام کے وہ حقوق اور ذمہ داریاں شامل ہوں گی جن کا تصوّر اس منشور میں پیش کیا گیا ہے۔عبوری آئین ایک جدید جمہوری ریاست کے ترقی پسند عوامل اور بلوچستان کی انوکھی تاریخ، تہذیب، حالات اور ضروریات کو یکجا کرے گا۔

-----------------------------------------------------------------

یہ تھا چارٹر آف لبریشن کا مختصر خلاصہ جسے پڑھکر صاحب نظر لوگوں کے زہن میں یقیناً چند فطری اور اہم سوال اُٹھتے ہوں گے کہ ان باتوں میں سے کس بات سےاعتراض کرنے والوں کو اعتراض ہے ؟ اس میں شامل کونسا نکتہ ایساہے جو اس جد و جہدکے روکے منافی ہے؟ ۔اس میں کو نسی ایسی بات موجود ہے جو بلوچ نفسیات ،سیاسی ،سماجی و اقتصادی تقاضوں سے مطابقت نہ رکھتا ہو۔کیا یہ وہی مطالبات و خواہشات نہیں ہیں جو قوم نے بارہا دہرائے ہیں جنہیں اس چارٹر کمیٹی نے صرف یکجا ہ و ترتیب دینے کی کوشش کی ہے ؟ ۔

دلچسپ بات یہ ہے کہ جن جماعتوں یا لیڈروں کی طرف سے شعوری یا لاشعوری طور پر اس دستاویز کے خلاف ایک مہم چلائی جارہی ہے وہ بھی اس کے کسی ایک نکتہ سے بھی عدم اتفاق کا اظہار نہیں کرسکتے ۔ اور ہم یہ بات وثوق کے کیساتھ کہتے ہیں وہ جہاں بھی جائیں گے نئے بلوچستان بارے ان نکات سے ہٹ کر کچھ بھی نہیں کہہ سکیں گے۔

تاہم اس دؤراں کچھ باتیں اس تواتر سے دہرائی گئیں کہ ہمیں اس سے پہلے بہت کچھ لکھنے کے باوجود پھر سے لکھنے کی ضرورت محسوس ہوئی ۔ بات کیا جاتا ہے کہ اس چارٹر نے قوم میں انتشار پیدا کیا ہے ؟ ہمیں یقین ہے کہ ایسا کہنے والوں کی اکثریت نے دوسروں کے سنے سُنائی باتوں کے زیر اثر ایسا تاثر قائم کیا ہے اگر وہ خوداِسے پڑھتے یقیناً ایسی بےمنطقی بات نہیں کرتے ۔مذکورہ دستاویز میں بلوچ قوم کی غلامی، اس سے نجات کی راہیں اور اسکے بعد اسکے تعمیر کے خدوخال ہیں۔ ایک دستاویز جسکی روح یہی ہے کہ بکھرے بلوچستان کو مشترکہ قوت سے یکجاہ کیا جائے اس سے انتشار کیسے پھیلایاجاسکتا ہے ۔یہ الگ بات ہے کہ اگر انتشار پہلے سے ہمارے زہنوں میں موجود ہو تو وہ کسی نہ کسی بہانے خود کا اظہار کربیٹھتی ہے۔ یہ ایک ایسا دستاویز ہے جو دنیا کے کسی بھی کونے میں کسی بھی فورم میں بلا امتیاز کہ آپ کس پارٹی یا تنظیم سے ہیں بلوچ وطن کے تعمیر میں تمہاری وکالت کرتا ہے وہ کیسے تمہیں انتشار کی طرف لے جائیگا ؟

کچھ دوست کہتے ہیں اس کی ترتیب سے پہلے سب کو بلا کر سب سے مشورہ لینا چائیے تھا بعد میں اس کو بنانا تھا ۔بظاہر یہ ایک معصومانہ خواہش معلوم ہوتا ہے لیکن جاننے والے جانتے ہیں کہ پاکستانی کمیٹی در کمیٹی اور معاملات سردخانوں میں ڈالنے کی ہماری کمزوری ہماری روحوں کے اندر بھی جاگزیں ہوچکی ہے ۔اور جو چیز ہمیں نہیں کرنا ہوتا ہے اسکے لئے ایسی راہیں بتاتے ہیں جن سے ہمیں سو فیصد یقین ہوتا ہے کہ اس ڈگر پر چل کر ضرور الجھا جائیگااور بات ہماری بد نیتی کے بجائے مدمقابل کے نااہلی پر ٹکے گی اور دنیا ہمارے رویے کے بجائے پیش کرنے والے کی نالائقی پر نالاں ہوگا۔

کیا یہ دوست نہیں جانتے کہ بلوچستان میں نواب اکبر خان بگٹی جیسا زیرک مدبر اور مدلل لیڈر شاہد صدیوں میں پیدا ہو جب آپ نے بھی کوئی بڑا فیصلہ کرنے سے پہلے اِسی مذکورہ بالا فارمولے کے تحت سب کو بلایا قومی ضرورتوں اور وقت کے تقاضوں سے آگاہ کرتے ہوئے سنگل پارٹی بنانے کا تجویز رکھا اور اسکے لئے سب سے پہلے اپنی جماعت کےتحلیل و ضم ہونے کا پیش کش کیا لیکن جواب میں کسی نے کہاکہ لیڈر کون ہوگا؟ تو کسی نے کہا اسکی کوئی ضرورت نہیں آپ جو فیصلہ کریں گے ہم آپکے ساتھ ہیں اگر آپ پر ایک گولی چلے گی تو ہم دس گولیاں چلائیں گےلیکن یہی لوگ جب باہر نکلے توسب نے کہا نواب بگٹی پھنس گیا ہے اس لئے ہمارا سہارا لیکر اسلام آباد کو بلیک میل کرنا چاہتا ہے ۔بعد میں اپنے تماشائی بننے والی کردار اور غائبانہ نماز جنازہ کا ڈرامہ بازیوں سےاپنی بد نیتی ،منافقت و سیاسی مفت خوری کی خواہش ثابت کرگئے۔ سنگل پارٹی بنانے سے بہانہ بناکر بھاگنے والے شروع ہی سے ساتھ نہیں تھے بلکہ اُنکا مقصد صرف اور صرف نواب بگٹی و دیگر کی قربانیوں کو کیش کرنا تھا اس سے زیادہ کچھ نہیں۔یا دوسرے لفظوں میں اُنھوں نے اس بلوچی دیوان میں صرف اس لئے شرکت کی کہ لڑے بھی بگٹی ہارے بھی بگٹی لیکن اگر جیتے تو ہم کسی نہ کسی طرح شریک رہیں ۔

ایک بہت ہی حاجزانہ سوال ہے اگر نواب صاحب انکے جھوٹے وعدوں اور بعد میں دیکھیں گے جیسے باتوں کیلئے رُکتے تو آج بلوچ قومی تحریک آزادی اتنی منزل طے کرچکی ہوتی ؟یقیناً نہیں! ویسے بھی پوری دنیا میں ایسے کاموں کا طریقہ کار یہی ہوتاہے کہ جس کا آئیڈیا ہوتا ہے وہ اُسے ترتیب دے کر پیش کرتا ہے جس پر بعد میں بحث مباحثہ ہوتا ہے اُسمیں کمی بیشی کی جاتی ہے ۔ہاں اگر ایسا دستاویز تیار ہوتا اور کسی کو اسمیں اضافہ یا کٹوتی کا اجازت نہیں ہوتا تب اُنھیں یہ سب کچھ کہنے کا حق تھا جو اب کہہ رہے ہیں۔کچھ لوگ تو اس حد تک زیادتی کرکے کہتے ہیں کہ منشور اُسکے بنانے والوں نےمقدس کتاب بنایا ہے ۔بات بالکل ایسی نہیں بات صرف اتنی ہے کہ جو چارٹر اس کمیٹی نے بنائی ہے اگر آپ اس سے متفق ہیں تو چلو اِسی کو روڈ میپ مان کر اسی کی روسے جدوجہد کو آگے بڑھائیں گے اگر آپ سمجھتے ہیں کہ آپ بلوچستان کو اس منشور سے ہٹ کر کسی دوسرے شکل میں دیکھنا اور چلانا چاہتے ہیں وہ روڈ میپ ہمیں دے دیں ہم آپ کے روڈ میپ کو بھی دیکھیں گے ویسے بھی اسمیں دو نکات کے علاوہ باقی سب کچھ تبدیل کیا جاسکتا ہے اگرچارٹر بنانے والے اس دستاویز کو مقدس کتا ب کہتے یا سمجھتے تو وہ کسی کو اسمیں ردوبدل کی اجازت نہیں دیتے ۔

کچھ دوست کہتے ہیں بس یہ دستاویز متنازعہ ہوگیا اسکو چھوڑیں ، ہے نا جہالت کا شاھکار جملہ جب کوئی چیز قوم کے سامنے پہلی بار یکم مارچ کو پیش ہوا وہ ایک دوسال پہلے کیسے متنازعہ ہوا ؟ اُنکا ایسا کہنا خود اُنکے اپنے سابقہ دلیل کی منافی کرتا ہے کہ اِسے قوم سے منظور کرانے کی ضرورت تھی لو یہ دستاویز آپکی فرمائش پر قوم کے سامنے پیش خدمت ہے قوم باشعور ہے وہ خود اِسے پڑھے ،اپنی رائے قائم کرے اور ہم سب کی راہنمائی بھی کرے ۔اس منشور کا بلوچ قوم کے سامنے پیش کرنا اور انھیں مکمل بحث کا حصہ بنانے کی کوشش ایک ایسی نیک خواہش ہے کہ کوئی بھی لیڈر قوم کے پیچھے چھپ کر اپنی انا کی تسکین یا سماج میں جوابدہی سے بچنے اپنے کسی غیر سیاسی عمل کو عوامی و قومی نہ کہہ سکے۔اس سے پہلے اس پر اعتراض کرنے والوں کے سیاسی رویے کااحاطہ کریں پہلے یہ بات ضرور کہیں گےکہ چارٹر کےمخالفین کو ریشہ دوانیوں کا موقع چارٹر کمیٹی کے دو غیرضروری و غلط اقدامات نے دئیے۔ ان دو غلطیوں سے چارٹر مخالفین نے جہاں تک ممکن ہوا فاہدہ اُٹھایا اور ایک جاندار و سیاسی بحث کے بجائے کج بحثی میں ایک بیزاری کی کیفیت پیدا کی جو کسی حد تک مجموعی مایوسی کا سبب بھی بنا ۔ چارٹر کمیٹی کی پہلی غلطی یہ تھی کہ اُنھوں نے اِسے مختلف لوگوں کو پیش کیا جبکہ چارٹر کو کسی کو پیش کرنے کی ہرگز ضرورت نہیں تھی خاصکر خان قلات اور اختر مینگل کو تو قطعناً پیش نہیں کرنا چائیے تھا ۔ خان قلات کو اس لئے نہیں کہ آپ ایک فرد ہیں اوراس کے لئے یہ دلیل دی جائے کہ وہ آزادی کی بات کرتا ہے تو سوال پیدا ہوتا ہے کہ بہت سے دیگر لوگ بھی ہیں جو آزادی کی بات کرتے ہیں جب آپ اُنکو یہ دستاویزپیش نہیں کرتے تو یہاں یہ رعایت کیوں ؟ ۔اختر مینگل کو اس لئے پیش نہیں کرنا چائیے تھا کیونکہ اُنھیں و چارٹر پیش کرنا ایک مصنوعی دباؤ کا نتیجہ تھا چارٹر گروپ کو دباؤ میں آئے بغیر اس جماعت بارے اپنے رویے کو ٹھیک ایسے رکھنا تھا جیسے دیگر تمام پاکستانی پارلیمانی سیاست کرنے والے جماعتوں کے بارے میں رکھتا ہے یہ پریشر گروپ پہلے اختر سے اتحاد کیلئے دباؤ بڑھا رہا تھا اب دیکھا کہ اختر کی براہ راست حمایت نا ممکن ہے تو یہ جاوید مینگل اور مہران مری کیساتھ اتحاد پر زور دے کر تمام صفوں میں بدنظمی پھیلانے مصروف ہے۔ اس پریشر گروپ کا مقصد اور کچھ نہیں صرف یہی ہے کہ اصل آزادی پسند لوگوں کے درمیان اُنکا کوئی ضرور موجود ہو تاکہ بہ وقت ضرورت حسب سابق تحریک کو اسلام آباد کی جھولی میں ڈالا جاسکے ۔ چارٹر کو انھیں پیش کرنے کے بجائے براہ راست شائع کرکے عوام کے سامنے ایسے پیش کرنا تھا جیسے اب کیا جاچکا اور اُس وقت بھی یہی دعوت دی جاتی کہ آپ جو بھی تجویز دیں گے اُنھیں چارٹر کمیٹی دیکھے گی بلکہ یہ کہ وہ آن دی ریکارڈ اپنے تجاویز میڈیا کے زریعے بھی شائع کرواسکتے ہیں۔ دوسری غلطی پہلے والے سے کئی زیادہ سنگین تھی کہ اِسے لیڈروں کو پیش کرنے کے بعد عوام کے سامنے لانے میں تاخیر ہوئی۔ جس سے جن بد نیت لوگوں کو آپ کے ساتھ آنا نہیں تھا اُنھوں نے عوام کے پیچھے چھپتے ہوئے اسکے خلاف تاویلیں تلاش کی کہ پوری قوم کا معاملہ ہے لہذا قوم کے سامنے پیش کرنے سے پہلے ہم کیسے اسکے بارے میں رائے دے سکتے ہیں جبکہ اُنکے قوم دوستی کا یہ عالم تھا کہ اُنھوں نےعام آدمی تو در کنار اُنکے سینئر تریں و تجربہ کار تریں مرکزی ممبران تک کو نہیں دکھایا گیا تھا۔ ڈیڑھ برس پہلے اُس وقت میری عیرت کی انتہا نہ رہی جب میں نےچند بی آر پی اور بی این پی مینگل کے سینئر دوستوں سے چارٹر بارے فیڈ بیک کا کہا تو جواب میں سب نے یہی کہا کہ اُنھیں ابھی تک چارٹر پارٹی کی طرف سے نہیں ملاہے گو کہ اُس وقت ان جماعتوں کی قیادت کو یہ چارٹر ایک سال پہلے پیش کیا جاچکاتھا۔ اگر یہ دستاویز صرف اُن لیڈروں تک محدود رہی ہے اور اُنھوں نے اپنے سینئر ممبراں تک کو اعتماد میں لینے کی ضرورت محسوس نہیں کی ہے تو ایسے لوگ کس بنیاد پر پوری قوم کی نمائندگی کا دعویٰ کرکے کسی دستاویز کے متنازعہ یا غیر متنازعہ ہونے کا کہہ سکتے ہیں۔

اگر ان سینئر دوستوں کو وقت پر چارٹر دیا جاتا اور اس پر تمام تر تعصبات سے پاک واقعی سیاسی بحث مباحثہ ہوتا اور اُس بحث مباحثہ کے نتیجے میں ایک رائے قائم کی جاتی تو یقیناً آج ایسے قدم اُٹھانے کی ضرورت محسوس نہیں ہوتی جس سے کسی جمہوری پارٹی میں ڈکٹیٹر شپ قائم ہونے کے تاثر سے پارٹی کی ساق کو ہمیشہ کیلئے نقصان پہنچتا ۔

اِسے ہماری اجتماعی بد نصیبی کہیئے کہ ہمارے اکثر دوست ابھی تک قبائلیت کے سوچ کی گرفت سے آزاد نہیں ہو سکے ہیں بات جمہوری سیاست کی کرتے ہیں لیکن مزاج و اقدامات شہنشاؤں جیسے ہیں ۔ بات گروہی سیاست سے نکلنے کی کرتے ہیں لیکن خود گروپوں سے نکل نہیں پاتے دوسروں کو سیاسی رویہ اپنا کر ہر بات اداروں کے تابع کرکے فیصلوں میں توازن لانے کی کہتے ہیں لیکن اپنے تمام فیصلے ذاتی ہوتے ہیں نہ کسی کو خاطر میں لاتے ہیں نہ کسی سے تبادلہ خیال کرتے ہیں، سب کو رائے دینے اور تعمیری تنقید کا کہتے ہیں لیکن ہر بات اور تنقید اُس وقت ناقابل برداشت ہوتی ہے جب بات اُنکے کوتائیوں کی طرف مڑ جائے ،بات اتحاد و اتفاق کی کرتے ہیں لیکن عملی طور پر ہر اُس عمل کی طرفداری کرتے ہیں جس سے راستے کبھی ملنے نہ پائیں ۔

حرف آخر: بلوچ قوم نے بڑی مشکلوں سے یہ توجہ حاصل کیا ہے اس وقت اس کارواں کو اس پڑاؤ سے آگے لیجانا ہے لیکن تحریک کے’’ اجزائے ترکیبی‘‘ اُسکی موجودہ ضرورتوں کو پورا کرنے سے قاصر ہیں یہی وجہ ہے کہ کچھ غیر اہم ،غیر ضروری و مکمل طور پر سیاسی طالع آزما ؤں کی خاطر اصل قوتیں آپس میں گتھم گھتا ہیں اور ایک دوسرے پر سنگ باری کی جارہی ہے جسے کچھ لوگ صفائی کا عمل کہتے ہیں اور وہ ایک حد تک بجا بھی ہیں لیکن یہ صفائی کا عمل اگر حد سے زیادہ لمبا ہوگیا تو صفائی کے ساتھ چمڑی بھی اُترجائیگا ۔اسمیں طالع آزماؤں کا کچھ نہیں بگڑے گا اگر نقصان ہوگا تو سب سے پہلے قوم کا اس قومی تحریک کیساتھ ہوگا۔ آج بلوچ قومی تحریک کو حقیقی طور پر اداروں کی ضرورت ہے جو اُسکے ہر شعبے کو جدید سائنسی تقاضوں کے مطابق پیشہ ورانہ طور پر چلائیں اب اسکا پھیلاؤ بہت وسیع ہو چکا اِسے اس طرح’’ شوقیہ فنکاروں ‘‘سے چلایا نہیں جاسکتا پالیسی ساز اداروں اور موثر پروپگنڈہ مشنری کی ضرورت ہے۔چارٹر آف لبریشن تاحال واحد ایسا دستاویز ہے جس کو بنیاد بناکر تمام اصل آزادی پسند قوتیں اپنی اپنی صف بندیاں کرکےایک دوسرے کیساتھ مشترکہ جد وجہد کی راہیں تلاش کرسکتی ہیں ۔ اس دستاویز کو کسی ایک فرد سے منسوب کرکے ’’بغض معاویہ ‘‘ کا رویہ اختیار کرنے کے بجائے وسیع النظری سے اسکا مطالعہ کرکے اِسے مکمل کیا جائے اگر کہیں کسی کو کوئی کمزوری یاخامی نظر آتی ہے ۔

بحث سمیٹتے ہوئے ایک بہت ہی تلخ حقیقت دوستوں کو بتاتا چلوں کہ دنیا آج بھی بلوچ کیساتھ ہمدردی ضرور رکھتا ہے لیکن اُسکےآزاد ریاست بنانے کے خواہشوں کی تکمیل کیلئے ابھی تک تذبذب کا شکار ہے ۔بلوچ کو اُسے قائل کرنے واقعی ایک چارٹر کی ضرورت ہے تاکہ اُسے فیصلہ کرنے میں آسانی ہو کہ ہم جس بلوچستان کے بنانے کی حمایت کریں گے اُسکے چلانے والے کون لوگ ہوں گے اور انکے سیاسی ،معاشی و سماجی خیالات کیسے ہیں اور وہ خود اپنے تصورات سے کس حد تک مخلص ہیں اگر ہماری حالت یہی رہی کہ ایک جگہ پانچ آدمی ہوکر چھ جماعتوں میں تقسیم ہوں تو دنیا کی کوئی طاقت ہماری بد اعمالیوں کی سزا سے ہمیں نہیں بچا سکتا۔ (ختم شُد)