#سےنکل | Explore Tumblr posts and blogs

urduintl · 10 months ago

Text

اردو انٹرنیشنل (مانیٹرنگ ڈیسک) چیئرمین پاکستان پیپلز پارٹی بلاول بھٹو نے میثاق مفاہمت کی حمایت کرتے ہوئے عدالتی اور الیکشن اصلاحات کا مطالبہ کردیا ہے۔

ذرائع کے مطابق قومی اسمبلی کے اجلاس میں خطاب کرتے ہوئے بلاول بھٹو نے کہا کہ میں محمود اچکزئی کے گھر پر چھاپے کی مذمت کرتا ہوں۔

بلاول بھٹو کا کہنا تھا کہ اس معاملے کی ��جہ سے صدارتی الیکشن کو بلاوجہ متنازع کیا جارہا ہے، بلاول بھٹو نے محمود اچکزئی کے گھر پر مبینہ چھاپے کے خلاف کارروائی کرنے کی اپیل بھی کردی۔

بعد ازاں سابق وزیر خارجہ نے کہا کہ میں اپنے خاندان کی تیسری نسل کا نمائندہ ہوں جو اس ایوان میں دوسری بار منتخب ہوا ہوں، اس عمارت کا جو بنیادی پتھر ہے وہ ذوالفقار علی بھٹو نے لگایا تھا، یہ قومی اسمبلی کسی ایک کی نہیں سب کی ہے، قومی اسمبلی کا ایوان ہم سب کا ہے، قومی اسمبلی کو مضبوط بنانا عوام کو مضبوط بنانا ہے، جب ہم قومی اسمبلی کو کمزور کرتے سہیں تو وفاق، جمہوریت کو کمزور کرتے ہیں، ہمیں اس نظام کو کمزور نہیں مضبوط کرنے کی کوشش کرنی چاہے، تمام ارکان سے درخواست ہے کہ ایسےفیصلے کریں جس سےقومی اسمبلی مضبوط ہو۔

بلاول بھٹو کا کہنا تھا کہ ہم اس جمہوری ادارے کو طاقتور بنائیں گے، ایسے فیصلے لیں گے جس سے نوجوانوں کا مستقبل بہتر ہو، آئندہ آنے والے ہمیں دعائیں دیں کہ انہوں نے قومی اسمبلی کے لیے اچھے فیصلے کیے، ایسا نہ ہو آئندہ آنے والے ہمیں گالیاں دیں کہ قومی اسمبلی کےساتھ کیا کیا۔

چیئرمین پیپلز پارٹی نے کہا کہ یہ ایوان تمام اداروں کی ماں ہے، عوام ہماری طرف دیکھ رہے ہیں کہ ہم انہیں مشکلات سے نکالیں گے۔

بلاول بھٹو نے درخواست کی کہ احتجاج کے نام پر ایک دوسرے کو گالیاں نہ دی جائیں اور قومی اسمبلی میں تمام تقریریں سرکاری ٹی وی پر لائیو دکھائی جائیں۔

انہوں نے بتایا کہ ہمارے کارکنوں اور امیدواروں پر حملے کیے گئے ہیں، ہمیں ایسا نظام بنانا چاہیے کہ کارکنوں کو جان قربان نہ کرنی پڑے۔

بلاول بھٹو نے اپنی بات جاری رکھتے ہوئے ایوان میں کہا کہ اس ایوان میں کسی ایک جماعت کے پاس مینڈیٹ نہیں ہے، عوام نےایسا مینڈیٹ دیا کہ تمام جماعتوں کو مل بیٹھ کر فیصلے کرنے ہوں گے، عوام نے الیکشن مین بتایا کہ وہ ہماری آپس کی لڑائی سے تنگ آگئے ہیں، اب ہمیں آپس میں بات کرنی ہوگی، عوام نے ہمیں گالیاں دینے نہیں بلکہ مسائل کے حل کے لیے ووٹ دیا ہے۔

سابق وزیر خارجہ کا کہنا تھا کہ سیاست کا ضابطہ اخلاق بنالیں گے تو 90 فیصد مسائل ختم ہوجائیں گے۔

انہوں نے کہا کہ اگر آپ شہباز شریف کو وزیراعظم نہیں مانتے تو ان کی پالیسی پر آپ تنقید نہیں کرسکتے ہیں، وزیراعظم نے جو نکات کل اٹھائے ان پر عمل کرکے بحران سےنکل سکتے ہیں، ہم آپ کو دعوت دے رہے ہیں کہ پاکستان اور عوام کو معاشی مشکل سے نکالیں۔

بلاول بھٹو نے بتایا کہ ملک میں مہنگائی بڑھ رہی ہے مگر آمدن میں اضافہ نہیں ہورہا ہے، ،ملک میں مہنگائی، غربت اور بے روزگاری کا سونامی ہے، ہم سالانہ ایک ہزار 500 ارب امیروں کو سبسڈی میں دے دیتے ہیں، غیر ضروری وزارتیں اور امیروں کو سبسڈی دینا بند کرنا ہوگی، امیروں سے سبسڈی کو ختم کرکے غریب عوام کو ریلیف دینا ہوگا۔

ان کا کہنا تھا کہ میثاق معیشت پر کوئی ایک جماعت فیصلے نہیں کرسکتی ہے، شہباز شریف موقع دے رہے ہیں کہ آئیں مل کر عوام کو معاشی بحران سے نکالیں، وزیراعظم کی پالیسی میں آپ کا مؤقف شامل ہوگا تو بہتر پالیسی بن سکے گی۔

سابق وزیر خارجہ نے اظہار خیال کرتے ہوئے بتایا کہ ہمیں عدالتی اور الیکشن سے متعلق اصلاحات کرنے ہوں گے، عدالتی، الیکشن ریفارمز پر اپوزیشن بھی ہمارا ساتھ دے، اگر ہم نے مل کر یہ اصلاحات کرلیں گے تو کوئی جمہوریت کو کمزور نہیں کرسکتا، ہم چاہتے ہیں کہ ایسا الیکشن ہو جہاں وزیراعظم کے مینڈیٹ پر کوئی شکوک نہ ہو، ہم چاہتے ہیں شہباز شریف جیتیں یا قیدی نمبر 804 الیکشن جیتے لیکن کوئی انگلی نہ اٹھاسکے۔

بلاول بھٹو نے مزید کہا کہ میں ملک کا وزیرخارجہ ہوں، جانتا ہوں سائفر کیا ہوتا ہے، اس سائفر کی ہر کاپی کاؤنٹ ہوتی ہے صرف ایک کاپی ہم گن نہیں سکے وہ وزیر اعظم کے آفس میں تھی، خان صاحب نے خود مانا کہ انہوں نے ایک خفیہ دستاویز کھو دیا ہے۔

انہوں نے کہا کہ یہ جلسے میں ایسے لہرانے کی بات نہیں تھی، یہ آڈیو لیک کی بھی بات نہیں ہے، میرے نزدیک مسئلہ یہاں شروع ہوتا کہ جب خان صاحب کو گرفتار کیا جاتا ہے تو اگلے دن گرفتاری کے بعد وہ سائفر ایک غیر ملکی جریدے میں چھپ جاتا ہے تو اگر آپ عوام کو بے وقوف سجھتے ہیں تو آپ غلط ہیں، ہم جانتے ہیں کہ جان بوجھ کے کسی نے اس سائفر کو سیاست کے لیے انٹرنیشنل جریدے میں چھپوایا تاکہ کیسز کو متنازع بنایا جائے، جب آپ خفیہ دستاویز کو پبلک کرتے ہیں تو قومی سلامتی داؤ پر لگتی ہے۔

ان کا کہنا تھا کہ اگر کوئی آئین کی خلاف وزری کرتا ہے تو اس کے سزا دلوانی چاہیے، اگر یہ ہم سے جمہوریت کی بات کریں گے تو میں کہوں گا کہ آپ ہوتے کون ہیں یہ بات کرنے والے، میں اس شخص کا نواسا ہوں جس نے تختہ دار پر ہوتے ہوئے بھی اصولوں کا سودا نہیں کیا، یہ جو لوگ یہاں ہیں جو احتجاج کر رہے ہیں، جن کو 6 مہینے سے جمہوریت یاد آرہی ہے تو اگر انہیں لیکچر دینا ہے تو ایک دوسرے کو دیں ہمیں نا دیں، یہ سمجھتے ہیں کہ یہ سب پر جھوٹا الزام لگائیں اور ہم جواب نا دیں، لیکن میں ان کے جھوٹ کاپردہ فاش کروں گا۔

بلاول بھٹو نے بتایا کہ میں اس قسم کی حرکتوں سے خود مایوس نہیں ہوتا مگر پاکستانی عوام اس قسم کی حرکتوں کو پسند نہیں کرتے، اگر یہ کوئی غیر جمہوری کام کریں گے تو میں ان کے خلاف کھڑا ہوجاؤں گا، یہ ہمارا فرض ہے کہ سب سے پہلے اپنا فرض ادا کریں نا کہ دوسروں پر تنقید شروع کردیں۔

سابق وزیر نے اپنی بات جاری رکھتے ہوئے کہا کہ 9 مئی کے حوالے سے علی امین گنڈاپور نے انکوائری کا مطالبہ کیا ہے کہ اس انکوائری کے مطابق ملزمان کو سزا اور بے قصور کو رہا کردینا چاہیے، تو یہ مجھے یقین دہانی کروائیں کہ ہم جو جوڈیشل کمیشن بنوائیں گے تو اس کا فیصلہ ماننا پڑے گا، یہ نہیں ہوسکتا کہ کوئی شہدا کے میموریل پر حملہ کرے اور ہم اسے بھول جائیں،ہم وزیر اعظم سے ��رخواست کرتے ہیں کہ ایک جوڈیشل کمیشن بنائیں، چیف جسٹس قاضی فائز عیسی سے آپ درخواست کریں کے وہ اس کمیشن کے سربراہ بن کے مئی 9 کے بارے میں تحقیقات کروائیں اور ملزمان کو سزا دلوائیں۔

اس دوران سنی اتحاد کونسل کے اراکین نے بلاول کی تقریر پر احتجاج اور شورشرابہ شروع کردیا، بلاول بھٹو نے کہا کہ میری باتیں حذف کردیں، مجھے ایسی باتیں نہیں کرنی چاہیے تھیں۔

اِس پر اسپیکر ایاز صادق کا کہنا تھا کہ یہ بلاول بھٹو زرداری کا بڑا پن ہے، بعدازاں نومنتخب وزیراعظم شہباز شریف اور بلاول بھٹو زرداری ایوان سے روانہ ہوگئے۔

#urdu news #pakistan

0 notes

nohailkhan · 5 years ago

Link

قرآنِ مکنون: سورة المنافقون کی باطنی تشریح

تاریخ اشاعت:

28-04-2020

کیٹیگری:

مضامین

0شئیر

2وئیوز

کافرین اور منافقین میں فرق:

کافرین کا طبقہ:

سورة المنافقون مدینہ منورہ میں نازل ہوئی ہے۔ حضورؐکے زمانے میں ابتدائی طورپردوطرح کے ہی لوگ تھے۔ 1۔ ایک وہ طبقہ تھا کہ جوانکاری رہا، جنہوں نے دینِ اسلام اورنبی پاکؐ کوجھٹلایا تووہ لوگ کفار کہلاتے ہیں۔ 2۔ دوسرا طبقہ وہ تھا کہ جودینِ اسلام میں داخل ہوگیا۔ ہم یہاں پرایک بہت اہم باریک نکتہ بیان کرنا چاہتے ہیں کیونکہ علمائےکرام نے اُس نکتے کے حوالے سے عوام الناس کوغلط اطلاع دی ہے مثلاًیہ کہ بہت سارے یہودی جوکہ اسلام اورنبی کریمؐ کے مخالف تھے۔ وہ لوگ بھیس بدل کرآتے اورکہتے کہ ہم اسلام قبول کرنا چاہتے ہیں اوروہ بظاہراسلام قبول کرلیتے، کلمہ بھی پڑھ لیتےاورکہتے کہ ہم مسلمان ہیں اورموٴمن ہوگئے ہیں لیکن یہ اُن کی نیت نہیں تھی۔ وہ توجاسوسی کیلئے آتے تھے اورنیت کرکےآتے تھےکہ ہم نےایمان نہیں لانا اوراسلام قبول نہیں کرنا ہےلیکن ہم نے محمد الرسول اللہ اور آپؐ کےرفقاء کویہ تاثردینا ہےکہ جیسےہم نےاسلام قبول کرلیا ہے۔ اس طبقے کوعلمائےکرام نےمنافق کہا ہے۔ لیکن وہ منافق نہیں تھے بلکہ کافرتھے۔ مسلمانوں کےسامنے آکرکہیں کہ ہم مسلمان ہیں اور تمہارے ساتھ ہیں اورجب وہ اپنےکافردوستوں کے پاس جائیں اورکہیں کہ دیکھا ہم نےاُن کوکیسا دھوکہ دیا تو یہ منافقت کہاں ہے بلکہ یہ تودھوکہ ہے۔ اِن کومنافق نہیں کہا جاسکتا کیونکہ یہ کافرہیں۔

منافقین کا طبقہ:

1۔ ایک منافقوں میں طبقہ وہ تھا کہ جوایمان لایا اورجب مشکلات پڑیں تووہ اندرسےٹوٹ گیا۔ جب امتحانوں میں پڑا توپھراُس کا جواندرتھا وہ اتنا مضبوط نہیں تھا۔ اُس نے کہا کہ وہ ایسے ہی ٹھیک ہے۔ جب امتحان میں پڑنے کےبعد اُن لوگوں نے اپنا ذہن بدلا ہے اُس کے بعد اللہ تعالی نے اُن کے دلوں پر مہرلگادی۔ ایک گروہ منافقین کا وہ ہےجوایمان لائے لیکن پھرامتحانوں میں زلیل وخوار ہو گئے، اندرونی طورپرانہوں نےاپنی ذمہ داریاں بدل لیں اور وہ امتحانوں میں کامیاب نہیں ہوئے کیونکہ اُس وقت جومسلمان ہوتا جاتا تھا توسارے قبیلے اُس کا سماجی بائیکاٹ کردیتے تھے، لوگوں سے میل جول ختم ہوجاتا، کاروبارختم ہوجاتا اورجولوگوں کی قبائل کےاندرعزت تھی وہ عزت خاک میں مل جاتی۔ اب یہ جوبہت سارے مسائل تھےاِن تمام مسائل کوبرداشت کرنا اوراُس کے باوجود بھی اسلام پر ثابت قدم رہنا یہ ایک کڑا امتحان تھا۔ جواِس میں کامیاب رہتے تھے اللہ تعالی اُن کومضبوطیِ ایمان عطا فرماتا تھا۔ جن لوگوں کے اِن معاملات میں پاوٴں اُکھڑجاتے تھے اوراُن کا ارادہ متزلزل ہوجاتا تھا توپھروہ لوگ منافقوں کےزمرے میں آئےکہ پہلےاُنہوں نے اسلام قبول کرلیا تھا اوراچھی نیت کے ساتھ کیا تھا یعنی کوئی دھوکہ دینے کیلئے نہیں آئے تھے لیکن بعد میں جو مشکلات پیش آئیں وہ اُس کےمتحمل نہیں ہوسکے۔ جیسےہمارے ساتھ مشکلات ہیں توجب ہم کہتےہیں کہ ہم سرکارگوھرشاہی کے ماننےوالے ہیں توبلاوجہ ہرمسلمان ہم سےکترانے لگتا ہے، ہمارا سماجی بائیکاٹ کردیتا ہے، ہم سے کوئی لین دین نہیں کرنا چاہتا لیکن ہم جوکچھ بھی قرآن و حدیث کی روشنی میں بیان کریں اُس کے باوجود بھی وہ محفلوں میں آکرگالیاں دیتا ہے۔ اسی طرح کا ماحول وہاں تھا کہ جب کوئی دینِ اسلام قبول کرلیتا تھا توپھریہ مسائل پیش آتے۔ ہرانسان کا ایک سماجی دائرہ ہوتا ہے جس میں اُٹھتا اور بیٹھتا ہے اوراُس کےدوست ہوتےہیں اورپھرایک وقت آتا ہےکہ جب وہ نیا دین اختیارکرلیتا ہے توجو اُس کا سماجی دائرہ ہے وہ اُس کواپناتا نہیں ہے توپھروہاں سے اجتماعی طورپرظلم وستم شروع ہوجاتا ہے۔ یہی حال وہاں ہوتا تھا کہ جواِس کےمتحمل ہوجاتے تھے، جواِس کوبرداشت کرلیتے تھے اور جن کواپنے دوستوں اورسماجی دائرے سے زیادہ اپنا ایمان زیادہ پیارا تھا تواللہ تعالی اُن کوثابت قدمی عطا فرماتا۔ ایک تویہ لوگ تھے جومشکلات کا سامنا نہ کرسکے اورپھسل گئے۔ یہ منافقین کا طبقہ ہوگیا۔ 2۔ منافقین کا دوسرا طبقہ اصل منافقین کا ہے۔ یہ جولفظ نفاق ہے یہ نفق سے نکلا ہے۔ اگرآپ دبئی وغیرہ سے سرنگ (زمین دوزراستہ) سے گزرے ہیں توسرنگ کےباہرنفق لکھا ہوتا ہے۔عربی زبان میں نفق سرنگ کوبولتے ہیں کہ ایک طرف سے داخل ہواوردوسری طرف سےنکل جائے۔ منافق اُسے کہتے ہیں کہ جس کے دل میں سُرنگ ہو کہ وہ نور آئے اور نیچے سے نکل جائے۔ نفق یہ ہوتا ہے کہ جسطرح کسی کے دل کی سرجری اور بائی پاس ہوتا ہے توپاوٴں سے نس کا حصہ کاٹ کے وہ دل میں لگادیتے ہیں۔ اسی طریقے سے شیطان اِن لوگوں کے اوپرنارکا ایک ایسا خرطوم اُس کے دل کو باندھ کربٹھا دیتا ہے کہ جوبھی نورآرہا ہے وہ اُس سے ہٹ کرضائع ہوجاتا ہے۔ یہ وہ لوگ ہیں جن کے دل کے گرد جوایک لاکھ اسی ہزارزنارہوتے ہیں وہ زائل نہیں ہوسکتے۔ اب یہ ہوا کہ حضورؐ کے دورمیں ظاہری طور پرتوبہت سارے لوگوں نے دینِ اسلام قبول کرلیا تواب ایک مرحلہ طےہوگیا کہ اُنہوں نے کلمہ پڑھا اورحلقہ بگوشِ اسلام ہوگئے، مسلمان بن گئے اوراسلام میں داخل ہوگئے۔ ابھی تو انہوں نے حضورؐ کی صحبت اختیارکرنی تھی اورحضورؐکی صحبت میں رہ کرحضورؐکی محبت سیکھنا تھی اورنبی پاکؐ کی صحبت میں بیٹھ کرابھی توانہوں نے تزکیہ نفس کرنا تھا اورحضورؐ کی نظروں سے ابھی توانہوں نے اپنے قلوب کوبیدارکرنا تھا لیکن ابھی وہ مرحلہ نہیں آیا تھا۔ سیدنا سرکار گوھر شاہی نے فرمایا کہ

حضورپاکؐ کوتین طرح کا علم حاصل ہوا۔ ایک عام کیلئے، ایک خاص کیلئے اورایک صرف اُن ک��لئے۔ عام علم دوہوگئے جن میں ایک ظاہری علم اورایک باطنی علم یعنی دل والا علم۔ جنہوں نے ظاہری علم کےساتھ ساتھ باطنی علم بھی حاصل کیا وہ صحابی یا رسول اللہ کہلائےاورولیوں سے بھی اعلیٰ مقام حاصل کرکے چلےگئے۔ جنہوں نےحضورپاکؐ کےدورمیں ظاہری علم کے اوپرہی قناعت کی وہی منافق ہوئے۔

یہ منافق وہ ہیں کہ جن کے اندردل والا علم سرائیت نہیں کرتا ہے۔

سورة المنافقون میں منافقین کی نشانیاں:

إِذَا جَاءَكَ الْمُنَافِقُونَ یا رسول اللہ! جب یہ منافقین تیرے پاس آتے ہیں۔ قَالُوا توکہتے ہیں نَشْهَدُ کہ ہم شہادت دیتے ہیں۔ إِنَّكَ لَرَسُولُ اللَّـهِ کہ آپ اللہ کے رسول ہیں۔ اب اللہ فرماتا ہے کہ وَاللَّـهُ يَعْلَمُ إِنَّكَ لَرَسُولُهُ اور اللہ کومعلوم ہے کہ آپ اُس کے رسول ہیں۔ وَاللَّـهُ يَشْهَدُ اوراللہ شہادت دیتا ہے إِنَّ الْمُنَافِقِينَ لَكَاذِبُونَ کہ یہ جو منافقین آکرکہہ رہے ہیں کہ آپ اللہ کےرسول ہیں یہ سارے کے سارے کاذب ہیں یعنی جھوٹ بول رہے ہیں۔ جھوٹ کیا بول رہے ہیں کیونکہ بات توانہوں نے حضورؐ کے حوالے سے صحیح کہی کہ وہ اللہ کے رسول ہیں لیکن یہ سچ بولنا بھی اللہ کے نزدیک کذب ہوگیا۔ کذب اس لئے ہوگیا کیونکہ صرف زبان کہہ رہی ہے لیکن اندردل تسلیم نہیں کررہے۔ جسطرح ہمارے اوپرلوگ بہتان لگاتے ہیں کہ یہ قادیانی ہیں لیکن ہم کہتے ہیں کہ لآ اِلَهَ اِلّا اللّهُ مُحَمَّدٌ رَسُوُل اللّهِ ہم قادیانیوں اوراحمدیوں پرلعنت بھیجتے ہیں کیونکہ جوختمِ نبوت کا منکرہے وہ کافرہے۔ لیکن ہماری ان باتوں کے باوجود بھی لوگ ہمیں کافراورقادیانی کہتے ہیں۔ یہ دل کی بیماری ہے۔ اب اللہ تعالی یہ فرمارہا ہے کہ منافقین آپ کے پاس آکرکہتےہیں کہ ہم شہادت دےرہےہیں کہ آپ اللہ کے رسول ہیں اورال��ہ تعالی فرماتا ہے کہ ہم کومعلوم ہےکہ آپ اللہ کےرسول ہیں لیکن اللہ اِس بات کی شہادت دیتا ہے کہ یہ جومنافقین کہہ رہے ہیں آپ اللہ کےرسول ہیں یہ جھوٹ بول رہے ہیں کیونکہ انکی صرف زبان کہہ رہی ہے اِنکا دل نہیں کہہ رہا۔ جسطرح محمد یونس الگوھر نے واقعہ غیبت سے پہلےہی سرکارگوھرشاہی کےمرتبہ مہدی کا علم اُٹھا رکھا تھا اورغیبت آنے سے فرق یہ پڑا کہ اُس پرچارِ مہدی کی تحریک اورشدّت میں صرف اضافہ ہوا۔ جولوگ پہلے ہماری اِس تحریک کوجھٹلاتے رہے، جھوٹ بولتے رہے اوربہت بڑے بہتان لگاتے رہے لیکن جب آج اُنہوں نے دیکھا کہ یہ گزشتہ بیس سال سے لگے ہوئے ہیں اوراب پوری دنیا میں یہ پھیل گئے ہیں اوریہ مشن عروج اورترقی پرجارہا ہے تواب وہ بھی لوگوں کوبیوقوف بنانے کیلئے کہتے ہیں کہ ہم بھی مانتے ہیں کہ سرکارگوھرشاہی امام مہدی ہیں۔ اوراُس کےجواب میں ہم کہتے ہیں کہ ہاں ہمیں معلوم ہے کہ سرکارگوھرشاہی منجانب اللہ امام مہدی ہیں لیکن یہ جوانجمن والے ہیں یہ کاذبین ہیں۔ قرآن نے منافقوں کی ایک اورنشانی بیان کی ہے کہ اتَّخَذُوا أَيْمَانَهُمْ جُنَّةً کہ یہ جوقسمیں کھاتے ہیں اِن قسموں کواپنی ڈھال بنا رکھا ہے۔ آپ دیکھیں گےکہ بات بات پرلوگ قسمیں کھاتے ہیں کہ اللہ کی قسم، حضورپاکؐ کےگنبدِ خضرا کی قسم اوربارباریقین دلانے کیلئے قسمیں کھاتے ہیں۔ اسی لئے دینِ اسلام میں قسم کھانا معیوب سمجھا جاتا ہے۔ ایک حدیث شریف میں آیا ہےکہ جوزی��دہ قسمیں کھاتا ہے وہ جھوٹا ہوتا ہے۔ ہربات میں قسم کھانا اورمنافق اپنے موٴمن ہونے کے بارے میں قسمیں کھاکرصحابہ کرامؓ کویقین دلاتے ہیں۔ فَصَدُّوا عَن سَبِيلِ اللَّـهِ کہ درحقیقت یہ اللہ کے راستے سے لوگوں کو روک رہے ہیں۔ اللہ تعالی نے فرمایا کہ إِنَّهُمْ سَاءَ مَا كَانُوا يَعْمَلُونَ کہ جوکچھ یہ کررہے ہیں بہت ہی برُا کر رہے ہیں۔

منافقین کے مختلف واقعات:

کراچی پاکستان میں سیدنا امام مہدی گوھرشاہی کوامام مہدی کہہ کرمُکرجانا:

تاریخ کے اوراق اُٹھا کرآپ دیکھیں توآپ کومعلوم ہوگا کہ غیبت سے پہلے جوسرکارگوھرشاہی کے ماننے والوں میں ایک ذاکرین کی بڑی تعداد تھی وہ کُھلے عام ببانگِ دہل یہ کہتے تھے کہ سرکار گوھر شاہی امام مہدی ہیں۔ اسی طرح کراچی میں ایک شخص بہادرعلی تھا جوسڑک پرہزاروں کے ہجوم میں کھڑے ہوکرلاوٴڈ سپیکرپرکہا کہ وہ سرکارگوھرشاہی کوامام مہدی مانتا ہے۔ جب غیبت کے بعد ہم (یونس الگوھر) اُن کے پاس کراچی گئے اورکہا کہ پرچارِمہدی کی تحریک میں ہمارا ساتھ دو تو اُس نے کہا کہ وہ سرکارگوھرشاہی کوامام مہدی نہیں مانتے۔ ہم (یونس الگوھر) نے اُس کویاد دلایا کہ کراچی میں ایک بہت بڑا مجمع ہوا اور جلوس نکلا ہوا تھا جس میں ہزاروں لوگ اور پولیس والے کھڑے ہوئےتھے توآپ کواُس وقت ڈرنہیں لگا تھا اورآپ نے ببانگِ دہل کہا تھا کہ میں سرکار گوھر شاہی کوامام مہدی مانتا ہوں توآج کیا وجہ ہوئی کہ آپ اپنے ہی اُس دعوے کے خلاف بات کررہے ہیں۔ اُنہوں نے کہا کہ اُس وقت وہ غلطی پرتھے۔

پرچارِامام مہدی کرنے پرپتھراوٴ:

پاکستان میں 2004 میں جب ہم گجرات میں تھے تووہاں انجمن سرفروشانِ اسلام کے لوگوں نے پولیس والوں کوبلالیا اورکہا کہ یہ گوھرشاہی کوامام مہدی مانتے ہیں توپولیس ہمارے لوگوں کواُٹھا کرلے گئی اوروہ پولیس اسٹیشن چلے گئے لیکن ایم ایف آئی کا کوئی بندہ نہیں ڈرا، وہ وہاں پرگئے توانجمن سرفروشانِ اسلام کے لوگوں نے وہاں کاغذ پرلکھ کر دیا کہ انجمن سرفروشانِ اسلام سرکار گوھر شاہی کوامام مہدی نہیں مانتی اورایم ایف آئی کے لوگوں نے لکھ کردیا کہ ہماری گردنیں اُتاردو لیکن ہم سرکار گوھر شاہی کےوفادارہیں، ہم سرکارگوھرشاہی کو امام مہدی مانتے ہیں اورمانتے رہیں گے چاہے تم ہمیں ماردو۔ پھراُس کے بعد فیصل آباد میں انجمن سرفروشانِ اسلام نے مسجدوں میں اعلان کروادیا کہ یہ ایم ایف آئی والے گستاخِ رسول ہیں اور یہ گوھر شاہی کوامام مہدی کہتے ہیں۔ ڈھائی سو، تین سوافراد جن میں مرد، عورتیں اورچھوٹے بچے بھی تھے وہ سرکارگوھرشاہی کی تصاویر والے بینر بنا کر کھڑے ہوئے ہیں اوروہاں سے مولویوں کا پتھراوٴ ہو رہا ہے لیکن کسی کوبھی پتھرنہیں لگا اورپتھراوٴ کے بیچ میں ہیں۔ اب وہ لوگ اگرآج کہیں کہ ہم سرکارگوھرشاہی کوامام مہدی مانتے ہیں تو سوچوہے کھاکر بلی حج کوچلی والی بات ہوگئی۔ جو روحانیت کی بات تو کرتا ہو، جو ذکرِقلب کی بات توکرتا ہولیکن سرکارگوھرشاہی کی عظمت کی بات اُس کوبرداشت نہ ہوتی اوراُس کے تَن بدن میں آگ لگ جائے تواُس سے بڑا منافق اورمردود کون ہوگا! ذکرِقلب اورباطنی تعلیم سے تو پریشانی نہیں لیکن سرکارگوھرشاہی کے نام سے تمہیں کیا پریشانی ہے، سرکارگوھرشاہی نے تمہارا کیا بگاڑا ہے اورپھراُس کے بعد محمد یونس الگوھر کے کتنے دشمن بن گئے اور گالیاں دیتے ہیں، صرف اس لئے کہ میں (یونس الگوھر) سیدنا گوھرشاہی کی عظمت کا پرچارکرتا ہوں اور میری زندگی کا مرکز و محور سرکار گوھر شاہی ک�� ذات ہے، ورنہ ہم نے کسی کا کیا بگاڑا ہے! انجمن سرفروشانِ اسلام میں کم سے کم ساڑھے ستانوے فیصد زکوٰة کے مطابق منافق ہوئے۔ یہ طریقت کی زکوٰة ہے کہ اگر سوماننے والے ہیں توساڑھے ستانوے فیصد اُن میں سے منافق ہونگے تو جو ڈھائی فیصد لوگ باقی رہ گئے ہیں وہ سارے میرے (یونس الگوھر) کے پاس آکرلگ گئے۔

سیدنا امام مہدی گوھرشاہی کی ذات سے بغض رکھنا:

1996 میں سرکارگوھرشاہی نے نشترپارک کراچی پاکستان میں خطاب فرمایا اورکُھلے عام فرمایا کہ اب تھوڑی امام مہدی کے بارے میں بھی بات کرلیتے ہیں اورفرمایا کہ امام مہدی کے بارے میں بھی بہت شوراُٹھا ہوا ہے۔ اس بات کوچوبیس سال ہوگئے ہیں۔ پھر سرکار گوھر شاہی نے فرمایا کہ ڈاکٹر اسرار احمد نے اپنے علم کی روشنی میں کہا ہے کہ امام مہدیؑ کا ظہور ہونے والا ہے۔ اُس کے بعد سرکار گوھر شاہی نے شیخ ناظم کا نام لیا اورفرمایا کہ لندن میں ایک شیخ ناظم ہوتے ہیں اُن کوعلمِ استخارہ پرعبور حاصل ہے، اُن کوسرکارگوھرشاہی نے ولی نہیں کہا لیکن آج پاکستان میں بہت سارے انجمن والے ذاکرین شیخ ناظم کوولیِ کامل کہہ رہے ہیں۔ پھر تمہارے مرشد تو گوھر شاہی نہیں ہیں کیونکہ تم توسرکارگوھرشاہی کے خلاف بول رہے ہو۔ یہ گمراہ ترین لوگ ہیں جن کو سرکار گوھر شاہی سے مطلب نہیں تواب اِن کو یہ لگ رہا ہے کہ اِس موضوع کواُٹھاوٴ، اپنا یوٹیوب چینل بناوٴاوراچھے سارے اِن کودیکھنے والے بن جائیں تاکہ اِن کا روٹی پانی چلتا رہے۔ اُس تقریرمیں سرکار گوھر شاہی نے فرمایا کہ شیخ ناظم نے دس ہزارامریکن کو مسلمان بنایا، یہ تونہیں فرمایا کہ موٴمن بنایا اوریہ تو نہیں فرمایا کہ مُرید بنایا۔ اگرسرکارگوھرشاہی اُسکو ولی تسلیم کرتے ہیں توپھریہ فرمائیں گے کہ دس ہزارامریکن کواُس نے مرید کیا لیکن آپ نے فرمایا کہ اُس نے دس ہزارامریکن کومسلمان بنایا۔ شیخ ناظم کوانجمن والے کہتے ہیں کہ وہ ولیِ کامل ہے۔ انجمن سرفروشانِ اسلام میں جوذاکرین نے پرچار کیا ہے وہ شیخ ناظم، واصف علی واصف اور پیرکاکی تاڑصفدرحسین کا پرچارکیا ہے لیکن جب سرکار گوھر شاہی کا نام آتا ہے توانجمن والوں کوسانپ سونگھ جاتا ہے۔ وہ ذکرِقلب کے فضائل بیان کرتے ہیں، رسول اللہ کی نعتیں بھی پڑھتیں ہیں اور غوث پاک کے بھی دیوانے ہیں لیکن اِن کواگر بغض ہے تووہ سرکارگوھرشاہی کی ذات سے ہے۔ اب یہ لوگ منافق نہیں ہیں توکون ہیں! سرکار گوھر شاہی نے فرمایا کہ شیخ ناظم جن کوعلمِ استخارہ پرعبورحاصل ہے اُنہوں نے بھی اپنے علم کی روشنی میں کہا کہ امام مہدی کا ظہورہونے والا ہے۔ اُس کے بعد اپنے مخصوص اندازمیں آوازِ گوھر شاہی اور اپنے مخصوص اندازمیں صوتِ مبارک چہکی اور فرمایا کہ وہ توکہتے ہیں کہ ظہورہونے والا ہے لیکن ہم کہتے ہیں کہ امام مہدی کا ظہور ہوچکا ہے اور وہ تمہارے ہی پاکستان میں ایک دینی جماعت کے رہبرہیں اورولیوں کواُن کا چہرہ دکھا دیا گیا ہے کہ یہ تمہارا امام مہدی ہے۔ اب اللہ تعالی اُن کیلئے بندوبست کررہا ہے کہ پوری دنیا میں اُن کومتعارف کرائے، یہ 1996 کی بات ہے۔ اب جوسرکارگوھرشاہی نے فرمایا کہ پاکستان میں ایک دینی جماعت کے رہبرہیں تووہ دینی جماعت کونسی تھی! کیا انجمن سرفروشانِ اسلام کے لوگ یہ سوچ رہے تھے کہ وہ ہماری جماعت تو ہو ہی نہیں سکتی تووہ سرکارکوئی اور جماعت کا ذکرکررہے ہیں۔ یہ وہ جگہ ہے جہاں پرمنافقین نے سیدنا گوھر شاہی کی راہ میں روڑے اٹکائے اوریہ اپنے ایمانوں سے ہاتھ دھو بیٹھے۔

منافقین کا نئے بھیس میں لوگوں کوگمراہ کرنا:

1994 میں جب روزنامہ جنگ لندن سے RAGS انٹرنیشنل کے ذریعے خبرشائع ہوئی کہ چاند میں سرکارگوھرشاہی کا چہرہ نمایاں ہوگیا ہے۔ پھرسرکارگوھرشاہی کے نام سے بقلم خود یہ خبراخب��ر میں آتی ہے اورعارف میمن اوروصی محمد قریشی سے پاکستان میں صحافی پوچھتے ہیں کہ چاند میں چہرے کے بارے میں وضاحت کریں تووہ وہاں سے مُکرجاتے ہیں توکیا ابھی آپ موٴمن ہیں! سیدنا گوھرشاہی کے قولِ مبارک سے انحراف کرتے ہیں اورجھٹلادیتے ہیں لیکن پھربھی آپ موٴمن کے موٴمن ہیں؟ پرچارِمہدی کی تحریک جاری رہی، کراچی پہنچ گیا اورہمارے پپوبھائی کی والدہ صغرہ باجی وہاں پرآئیں اورانہوں نے میری(یونس الگوھر) تقریر کھڑے ہوکرسنی اورپھربہت ہی بدتمیزی کے ساتھ کہنے لگیں کہ تم آج گوھرشاہی کا اتنی محبت اورعقیدت سے نام لے رہے ہوتوجب وہ لال باغ سے آئے تھے ہم نے پناہ دی تھی، ہم نے کپڑے پہنائے تھے جس کے اوپرندیم نے اُن سے کہا کہ آپ ایسی بات کرکے سرکارگوھرشاہی کی بارگاہ میں گستاخی نہ کریں تواُس کے جواب میں اُنہوں نے کہا کہ میں تم کواب دیکھتی ہوں اورباہرجاکراُنہوں نے کہا کہ یہ جومحمد یونس الگوھرہے یہ گوھر شاہی کے امام مہدی ہونے کا پرچارنہیں کررہا بلکہ یہ توکہہ رہا ہے کہ میں خود امام مہدی ہوں۔ پھر اُنہوں نے پوری تنظیم میں یہ خبرپہنچا دی کہ محمد یونس تواپنے امام مہدی ہونے کا پرچارکررہا ہے۔ یہ تحریک آپ کے سامنے جوآج پہنچی ہے آپ کواندازہ ہی نہیں ہے کہ اِس میں کتنی آنکھوں کا خون ملا ہوا ہے،کتنی آنکھوں کی بینائی اِس کی نظرہوچکی ہےاورکتنے دلوں کا خون اِس کی نظر ہوچکا ہے اورکتنے بدبخت منافقوں کوآج تک ہم نے صرف اورصرف مشن کی خاطر برداشت کررکھا ہے جس کوعام حالات میں آپ پانچ منٹ برداشت نہ کریں۔ منافق یہی کہتے کہ آج جب بیس سال گزرنے کے بعد دیکھتے ہیں کہ اب توہزاروں اورلاکھوں لوگوں کا مجمع جمع ہوکرسرکارگوھرشاہی کے امام مہدی ہونے کی حقیقت کومان گیا ہے توآج وہ پھرپیسہ چمکانے کیلئے آگئے ہیں کہ ہم کو دیکھو ہم خاندان والے ہیں اورکہتے ہیں کہ وہ بھی سرکارگوھرشاہی کوامام مہدی مانتے ہیں۔ صرف اورصرف لوگوں کومزید گمراہ کرنے کیلئے آج سارے کےسارے منافقین ایک نئے بھیس کے ساتھ لوگوں کے سامنے آرہے ہیں۔

تصدیقِ قلب نہ ہونے کی کسوٹی کیا ہے؟

جب منافقین نبی پاکؐ کے پاس آکرکہتے کہ ہم گواہی دیتے ہیں کہ آپ اللہ کے رسول ہیں تواللہ تعال�� نے فرمادیا کہ اللہ تعالی کومعلوم ہے کہ آپ اللہ کےرسول ہیں لیکن یہ منافقین کاذب ہیں۔ اللہ تعالی اِس حقیقت سے اپنے حبیبِ مکرمؐ کوآگاہ فرمارہا ہے کہ اے حبیبؐ! یہ منافق جب تیری خدمت میں حاضر ہوتے ہیں توبڑے جوش وخروش سے آپ کی رسالت کی گواہی دیتے ہیں۔ اے حبیبؐ! اللہ تعالی جانتا ہے کہ آپ واقعی اُس کے رسول ہیں لیکن اللہ تعالی اِس بات کی بھی شہادت دیتا ہے کہ یہ منافقین جھوٹے ہیں۔ زبان سے یہ جوکچھ کہہ رہے ہیں اِن کے دل اِس کی تصدیق نہیں کرتے۔ اسی طرح بہت سارے لوگ ہیں جوزبان سے کہہ دیتے ہیں کہ ہم بھی سرکارگوھرشاہی کوامام مہدی مانتے ہیں لیکن اب کسوٹی کیا ہے کہ یہ نہیں مانتے! کسوٹی یہ ہے کہ جب غیبت کے بعد باطنی طورپرسرکار گوھر شاہی سے ملاقاتیں ہوئیں اُس میں سرکار نے سمجھایا اوربہت آسانی پیدا فرمائی۔ سرکار گوھر شاہی فرماتے ہیں کہ

عالمِ غیب میں ہمارا اپنا جہان ہے جس کا نام ریاض الجنتہ ہے۔ امام مہدیؑ کی مرضی کہ وہ ایک بندے کو وہاں لے جائیں یا کڑوڑوں کو۔

ہمارے ذہن میں یہ بات سوال بن کرکے اُٹھتی کہ آپ نے امام مہدی کا لفظ کیوں استعمال کیا ہے آپ نے اپنی ذات کی طرف اشارہ کیوں نہیں کیا کیونکہ وہ جہان توآپ کا ہے۔ ہم نے سرکارکی بارگاہ میں دوبارہ سے جملہ پیش کیا کہ سرکار یہ جوجملہ ہے اس میں یہاں امام مہدی ہے یا آپ کا نام ہے تو پھر فرمایا کہ نہیں امام مہدی لے کرجائیں گے۔ پھرجب غَیبت ہوگئی تواُس کے بات ہمیں مشکل پیش آئی تو ہم نے سرکارگوھرشاہی کی بارگاہ میں عرض کیا کہ سرکارہمیں اب بتادیں کہ اس کا کیا مطلب ہے کیونکہ وہ جہان امام مہدی کا تونہیں ہے وہ آپ کا ہے توآپ نے یہاں امام مہدی کیوں فرمادیا توفرمایا کہ اِس کا مطلب یہ ہے کہ جومجھے امام مہدی دل سےمانے گا اُسی کے دل میں یہ بات بھی پیدا ہوگی کہ ہم ریاض الجنة والے کے اوپرایمان لاتے ہیں۔ جومنافق ہوگا وہ کہے گا کہ یہ سب باتیں جو بنائی ہوئی ہیں، راریاض کا ذکرہے، یاگوھرکا ذکر ہے، ضم کی تعلیم ہے اورعالمِ غیب کے جوقصے ہیں یہ سارے کےسارے قصے یونس الگوھرکے اپنے من گھڑت بنائے ہوئے ہیں، سرکارنےتواِن کے بارے میں کبھی فرمایا ہی نہیں ہے۔ وہ منافقین ایسی باتیں کرکے اپنے نفاق کومزید آگے بڑھائیں گے۔ پھرہم نے دیکھا کہ جن کے دلوں میں سیدنا امام مہدی سرکارگوھرشاہی کا نورداخل ہوگیا، جن کے دلوں میں اللہ ھوکا ذکرصرائیت کرگیا اورجن کے دلوں میں اللہ نے اپنا نام ثبت کردیا اُن کا اگلا مرحلہ یہی تھا کہ وہ اُس ریاض الجنة والے پربھی ایمان لائیں۔ قرآن مجید میں بھی ہے کہ

الَّذِينَ يُؤْمِنُونَ بِالْغَيْبِ سورة البقرة آیت نمبر 3

اب امام مہدیؑ کی تعلیم پرایمان لاوٴ گے اور اُنکے غیب پرایمان نہ لاوٴ، یہ کیسے ممکن ہے! جب تم اللہ تعالی پرایمان لائے تواللہ نے بھی اپنے غیب کے بارے میں فرمایا کہ ایمان لاوٴ يُؤْمِنُونَ بِالْغَيْبِ ۔ ایسا تونہیں ہوسکتا کہ تم موٴمن بن جاوٴاوراللہ کے غیب پر ایمان نہ لاوٴاورموٴمن رہو۔ یہ جودینِ الہی کی تعلیم ہے اور یہ ریاض الجنة کے حقائق یہ دونوں ساتھ ساتھ امام مہدی کے پیروکارکے دل میں ہونگے ۔ اگر ایک بھی کم ہے تو امام مہدی کے ماننے والا نہیں ہے۔ ایسا توہوسکتا ہے کہ کوئی سرکار گوھر شاہی کوامام مہدی ماننے کا اقرارکرلے لیکن عالمِ غیب کے اسرارکونہ مانے لیکن یہ نہیں ہوسکتا کہ کوئی عالمِ غیب کے اسرارپرایمان لے آئے اورامام مہدی کونہ مانے۔ اِس حقیقت کوچھپایا تو نہیں جاسکتا کیونکہ امام مہدیؑ کا تعلق عالمِ غیب سے ہے اسی لئے تواللہ تعالی نے قرآن مجید میں فرمایا کہ

فَانتَظِرُوا إِنِّي مَعَكُم مِّنَ الْمُنتَظِرِينَ سورة یونس آیت نمبر 20 ترجمہ: میں بھی انتظارکررہا ہوں تم بھی انتظارکرو۔

منافقین فوراً قسمیں کھائیں گے۔ جھوٹا شخص جانتا ہے کہ لوگ اُس کی بات نہیں مانیں گے تواپنے آپ کوسچا ظاہرکرنے کیلئے وہ ضرورت اوربلاضرورت قسمیں کھاتا ہے۔ یہی حالت اِن منافقین کی بھی تھی کہ ہربات پرقسمیں اُٹھاتے اوراپنے آپ کو پکےّ اورسچے موٴمن ثابت کرنے میں لگے رہتے۔ اللہ تعالی فرماتا ہے کہ اُنہوں نے اپنی قسموں کوڈھال بنایا ہوا ہے اوراِس کی آڑمیں وہ طرح طرح کے فوائد حاصل کرنا چاہتے ہیں۔ ایک تویہ کہ مسلمان اِن کے ساتھ وہی سلوک رکھیں جواہلِ ایمان کے ساتھ روا رکھا جاتا ہے۔ جیسے بہت سے لوگ ہیں جن کواندرسے محمد یونس الگوھرسے شدید نفرت ہے اوراندرسے اُنہیں سرکارگوھرشاہی سے کوئی سروکارنہیں لیکن سرکارگوھرشاہی کے ماننے والوں کی ہمدردیاں حاصل کرنے کیلئے اوراُن کوبیوقوف بنانے کیلئے ایک دودن بعد اورایک دو ہفتے بعد اورایک دومہینے بعد کوئی سرکارگوھرشاہی کی تصویرِمبارک اپنی پوسٹ پرلگادیں گے کہ سرکار گوھر شاہی امام مہدی ہیں تاکہ لوگوں کو یہ گمان پیدا ہوکہ یہ توسرکارگوھرشاہی کوماننے والا ہے۔ فیس بُک پرتم سرکارگوھرشاہی کی تصویرِمبارک لگا کرلکھ دو کہ سرکارامام مہدی ہیں توکیا اِس سے یہ پتہ چل جائے گا کہ تم سرکارگوھرشاہی کے ماننے والے ہواورتمہارے دل میں ایمان اورنور آگیا ہے کیونکہ یہ کام تومنافق بھی کرسکتا ہے اوریہ کام توکوئی بھی کرسکتا ہے۔ آپ کے نزدیک نجانے کیسے یہ معیاربن گیا ہے کہ جس نے سرکارگوھرشاہی کی تصویریں لگارکھی ہیں وہ موٴمن ہی ہوگا۔ منافق بھی تواللہ اوررسول کا نام لیتے ہیں توکیا منافق سرکارگوھرشاہی کی تصویریں اپنی آئی ڈی پرنہیں لگا سکتے اورکیا تم کوگمراہ کرنے کیلئے اوردھوکہ دینے کیلئے منافق ایسا نہیں کرسکتے ہیں؟

منافق ایسا کرسکتے ہیں۔ منافق وہ ہیں کہ بظاہردین میں لگے رہیں گے لیکن اِن کا جواندرہے وہ اِن کوصدق کی طرف نہیں آنے دے گا۔

ایک مطلب “صدق” کا ہوتا ہے سچا لیکن صدق جولفظ ہے یہ سریانی زبان سے آیا ہے۔ سریانی زبان میں صدق کا معنی تصدیق ہے۔ حدیث میں ہے کہ

اقرار باللسان وتصدیق با لقلب ترجمہ: زبان اقرارکرے اوردل اس کی تصدیق کرے۔

جوکچھ تمہاری زبان نے کہا ہے وہ تمہارا دل اُس کی تصدیق کرے گا توتم موٴمن بنوگے۔ وہ تصدیق تب ہوگی جب زبان کہے قُلْ هُوَ اللَّـهُ أَحَدٌ کہ کہہ دے اللہ ایک ہے اوردل کہے اللہ اللہ۔ زبان دلیل کے ساتھ منوارہی ہے کہ اللہ اللہ اوردل بغیردلیل کے مان رہا ہے کہ اللہ ہی اللہ ۔ قرآن میں منافقت کیلئے اوربھی فرمایا گیا ہے کہ اِس منافقت کی وجہ سے اللہ تعالی نے اِن کے دلوں پرمہرلگادی۔ فَطُبِعَ عَلَىٰ قُلُوبِهِمْ کہ اِن کے دلوں پراللہ تعالی نے مہرلگادی۔ جب اللہ تعالی نے دلوں پر مہر لگادی تو یہ ہوا فَهُمْ لَا يَفْقَهُونَ کہ جب دلوں پرمہرلگ جائے گی توپھراُس کےبعد بات سمجھ نہیں آئے گی۔ آپ اُن کوبتاتے رہیں کہ حضورپاکؐ نے مولیٰ علی کویہ تعلیم دی کہ غمض عینک یا علی وسمک فی قلبک لا الہ اللہ محمد الرسول اللہ کہ اے علی اپنی آنکھوں کو بند کر لے اور سن اپنے قلب میں لا الہ الا اللہ محمد الرسول اللہ ۔ قرآنِ مجید میں یہ آیا اورحدیث میں یہ آیا کہ زبان بھی اللہ اللہ کرے اوردل بھی اللہ اللہ کرے لیکن سب کچھ آپ بیان کردیں اوراُس کے بعد حال یہ ہوگا کہ رات بھر وہ یوسف اور زلیخا کا قصہ سنتے رہے اورصبح اٹھے توپتہ چلا کہ کہہ رہے ہیں کہ زلیخا مرد تھی یا عورت تھی۔ عبداللہ ابنِ ابی جومنافقوں کا سردارتھا صورت کے اعتبارسے بہت خوبصورت تھے اور نگاہیں اُن کے چہروں پرجم کررہ جاتی تھیں اوراِن کے ساتھ ساتھ پرلےدرجے کے باتونی اورچرب زبان تھے۔ اِنکی گفتگوسُن کرانسان عش عش کراُٹھتا تھا۔ اللہ تعالی فرماتا ہے کہ اگراِن کے جسموں کو دیکھے توبہت دلکش معلوم ہوتے ہیں ۔ اِن کی گفتگوسُنی جائے توجازبیت اوراثرہوتا ہے لیکن یا رسول اللہ! اگراِن کی حقیقت پرنظرڈالیں توپتہ چلے کہ جمالی خربوزے ہیں یعنی باہرسےخوبصورت اوراندر سے پھیکے۔ اسلامی کمالات تو کُجا اِن میں توانسانی خوبیوں کا نام ونشان تک نہیں ہے۔ قرآنِ مجید نے اِن کو خُشُبٌ اور مُّسَنَّدَةٌ سے تشبیح دے کراِن کی لہوئیت کوعیاں کردیا۔ خُشُبٌ کا معنی لکڑی ہے تو یہ منافقوں کے بارے میں جوچند آیات آئی ہیں اِس کا ذکرآیا ہے۔ یہاں پرخصوصی طورپریہ کہ وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا ت��سْمَعْ لِقَوْلِهِمْ یا رسول اللہ! ان کے جو جسم ہیں اورخوبصورتی ہے اورِان کی باتیں کرنے کا جواندازہے وہ دیکھ کر آپ تعجب میں ہوجاتے ہونگے کہ اتنے حسین وجمیل اور اتنی اثرانگیزباتیں کرنے والے ہیں تویقیناً یہ موٴمن ہی ہونگے لیک اگراِن کے اندرجھانکا جائے تو اِن کے دل بیمار ہیں۔ اِن کے دلوں میں نورنہیں ہےاوریہ منافق ہیں۔

سیدنا امام مہدی گوھر شاہی سے اللہ کی توقعات:

امام مہدیؑ کی جوذاتِ والا ہے اللہ تعالی نے جتنی توقعات امام مہدیؑ سے رکھی ہوئی ہیں آپ ہمیں تاریخ کے ورق جھنجھوڑکراورکھنگال کربتائیں کہ کسی نبی، مرسل اورکسی ہستی سے اِس کے عشرے عشیربھی توقعات اللہ نے رکھی ہوں۔ امام مہدیؑ نہ نبی ہیں، نہ مُرسل ہیں اورنہ ولی ہیں اور توقعات ایسی رکھی ہیں جوایک لاکھ چوبیس ہزارپیغمروں سے بھی مجموعی طورپرنہیں رکھی گئیں۔ مجموعی طورپرایک لاکھ چوبیس ہزارپیغمبر، جمیعت المرسلین، جمیعت الانبیاء، جمیعت الاولیاء، جمیعت الفقراء اورپوری مجموعی طورپر سب کو اکٹھا کردیں سب سے اتنی توقع نہیں کی جتنی اکیلے مہدیؑ سے اللہ تعالی نے توقعات رکھ لی ہیں۔ پھرحدیث میں یہ بھی آگیا ہے کہ

محمد الرسول اللہ نے جس طریقے سے دینِ اسلام کوقائم فرمایا تھا اسی طریقے سے منہاج النبوة پر، حضورؐ کے عمل اور سنت پرامام مہدیؑ ازسرِنو دین کوزندہ کریں گے۔

حضورؐ نے داڑھیوں اوراماموں کوزندہ نہیں کیا بلکہ محمد الرسول اللہ نے لوگوں کے دلوں کوزندہ کیا تھا۔ یہ طریقہ منہاج النبوة ہے اور یہ حضورؐ کی ذات پراورسنت پرعمل پیرا ہوتے ہوئے دین کی خدمت کا طریقہ ہے۔ سرکارگوھرشاہی نے فرمایا ہے کہ وضو کے مسائل سیکھنے ہیں توعالم کے پاس چلے جاوٴ، نماز کیسے پڑھنی ہے اوراُس کے ارکان کیسے ادا کرنے ہیں مولوی سے سیکھ لو۔ دل کی درستگی، فسادِ قلب کے علاج اور اصلاحِ باطن کیلئے دورِ گوھر شاہی پرآجاوٴ۔ باقی وہ کام گوھر شاہی نہیں کرتے جوکتابوں میں لکھے ہوئے ہیں اور عام آدمی بھی کرسکتا ہے۔ سیدنا گوھر شاہی کے پاس تم اُس کام کیلئے آوٴ جوکام کہیں سے نہ ہوتا ہو۔ سلطان باھو نے کہا کہ عیسٰیؑ مردے زندہ کردیتے تھے جوکچھ عرصے بعد پھر مرجاتے تھے تو سلطان باھونے کہا کہ یہ کوئی بڑی کرامت تھوڑی ہے کہ مُردوں کوزندہ کیا کیونکہ کچھ عرصے کے بعد وہ پھرمرگئے۔ اُنہوں نے کہا کہ کرامت تو یہ ہے کہ حضورپاکؐ کی اُمت کے جوخاص ولی ہیں اگروہ کسی مُردہ قلب کوزندہ کردیں توپھراُس کوکبھی موت نہیں آتی۔ پھرغوث پاکؓ نے کہا کہ ہمارا انڈہ ایک ہزارانڈوں کے برابر ہے تو یہ بھی عظمت کی ایک نشانی ہے۔ پھرسرکارگوھرشاہی نے فرمایا کہ صحیح انڈے میں سے چوزہ نکالنے کوہم کرامت نہیں سمجھتے۔ علامہ اقبال نے پیر جماعت علی شاہ کو کہا کہ اِس قوم کے انڈے گند�� ہیں پھینک دو اِن کو گلیوں میں پیرجماعت علی شاہ نارووال پاکستان میں ایک بہت اچھے بزرگ گزرے ہیں جن کوعلامہ اقبال نے کہا کہ اِس قوم کے انڈے گندے ہیں یعنی اِس قوم کے دلوں کے اندرمرض آگیا ہے دلوں کے اندر بیماری آگئی ہے تواِن کواُٹھا کرپھینک دو کیونکہ اِن کی اصلاح نہیں ہوسکتی۔ سیدنا امام مہدی گوھرشاہی نے فرمایا کہ صحیح انڈے میں سے چوزہ توہرکوئی نکال لیتا ہے توہم اِس کوکرامت ہی نہیں سمجھتے۔ سلطان باھو نے کہا کہ مُردہ دل کونظرڈال کے زندہ کردیتے ہیں اورامام مہدیؑ نے فرمایا کہ صحیح انڈے میں سے چوزہ نکال دیا توکونسی بڑی کرامت ہوئی۔ اُنہوں نے فرمایا کہ کرامت تو یہ کہ وہ انڈہ سڑگیا ہواور ��ندگی ختم ہوگئی ہو تواُس میں سے پھرتندرست چوزہ نکال کردکھا تو اُس کو ہم کرامت کہیں گے۔ اِس کوکرامت اس لئے کہا کہ اگرتم ولی ہوتوتمہیں نظرِکیمیا عطا ہوگئی اورتم نے دل پرنظر ڈالی تودل زندہ ہوگیا۔ فرض کیا کہ جس نے نظرڈالی ہے وہ سلطان حق باھو، خواجہ غریب نواز اور بابا فرید ہیں توانہوں نے لوگوں کے دل اللہ اللہ سے جاری کردئیے۔ پھرایک دل ایسا آگیا کہ دل میں بیماری تھی مرض تھا اورایک دل ایسا آگیا جس کے اوپرلطیفہ قلب نہیں تھا صرف گوشت کا لوتھڑا تھا تواب اسکا مرض کیسے دورہوگا! اِس کا مرض دورکرنے کا جوعلم تھا وہ اللہ تعالی نے آدم صفی اللہ کودیا تھا۔ اب آدم صفی اللہ تک پہنچنے کیلئے پورا ایک چینل ہے کہ ۔ آپ نے حضورؐ کودرخواست دینی ہے، ۔ حضورؐ نے اللہ سے منظوری لینی ہے، ۔ اللہ سے منظوری لینے کے بعد پھرآدم صفی اللہ تک پہنچنا ہے ۔ اورپھرآدم صفی اللہ خصوصی طورپراُس مرض کودورکرنے کیلئے یا توخود تشریف لائیں یا پھرمرشد اگرقابل ہے تواُن سے روحانی طورپردم ملائے اورپھریہ کرے یعنی یہ ایک خاص کام ہے۔ اس کیلئے اتنا سب کچھ کرنا پڑتا ہے۔ مرشد کوبھی سب کے ترلے منت کرنے پڑتے ہیں تو پھرعام ولی جوہوتے ہیں جیسا کہ سلطان حق باھو، بابا فرید اورخواجہ غریب نوازہیں توجب انہوں نے دیکھا کہ دل میں مرض ہے تو یہ بھگا دیتے ہیں۔ جیسا کہ کراچی پاکستان میں ہمارے علاقے میں ایک مدرسہ بنا اوراُدھرایک بندہ تھا جس کے دل میں مرض تھا توجب بھی سرکارگوھرشاہی اُس پرکرم کرنے کا سوچتے تووہ اُس سے ایک یا دو گھنٹے پہلے سرکارکے خلاف کوئی بات بول دیتا کیونکہ اُس کے دل میں مرض تھا۔ دل کے مرض کا ولی کے پاس علاج نہیں ہے تواِس دل کی تعلیم آدم صفی اللہ کودی تھی اور تم براہِ راست آدم صفی اللہ سے بات بھی نہیں کرسکتے کیونکہ پہلے حضورپاکؐ کے پاس جانا پڑے گا۔ اگرمرشد حضورپاکؐ کے پاس چلا گیا تواگرحضورپاکؐ مرشد سے پوچھیں کہ جس کا مرض دورکرنا ہے اِس کا میری شریعت اوراُمت میں کیا کردارہے کہ اِس کی کتنی شریعت صحیح ہے، کتنا نمازی اورپرہیزگارہےاوراِسکی اپنی کتنی دلچسپی ہے کیونکہ ایسے ہی کہانی آگے نہیں بڑھے گی۔ جو ولی ایسے بندے کے مرض کیلئے فائل آگے بڑھاتے تھے جس نے ساری زندگی اِنکی خدمت میں گزاردی ہو۔ اُس کیلئے یہ بات آگے بڑھاتے تھے کہ اِسکے دل کا مرض دورکریں۔ اس لئے فرمایا کہ صحیح انڈے میں سے چوزہ نکالنا کرامت نہیں ہے۔ گندہ انڈہ اُس دل کوکہتے ہیں کہ جس کے اندرمرض ہواوردل کا مرض وہ ہے کہ جیسے تم قرآن پڑھو گے تومرض بڑھے گا، نمازیں پڑھو گے تومرض بڑھے گا اوراللہ اللہ کرے گا تومرض بڑھتا چلا جائے گا۔ قرآں مجید میں اِن لوگوں کیلئے ہی اللہ تعالی نے فرمایا ہے کہ

فِي قُلُوبِهِم مَّرَضٌ فَزَادَهُمُ اللَّـهُ مَرَضًا سورة البقرة آیت نمبر 10 ترجمہ: ان کے دلوں میں ایک بیماری ہے جسے اللہ نے اور زیادہ بڑھا دیا ہے۔

جب اللہ اللہ کرنے سے مرض بڑھے گا تو پھرتم اِسے ذکرِقلب میں کیسے لگاوٴگے۔ اس لئے اِن کو بھگا دیتے تھے۔ اب جوامام مہدیؑ نے فرمایا کہ ہمارے نزدیک کرامت یہ ہے کہ مرض والا گندہ انڈہ ہے تواُس کے اندرسے چوزہ نکال کے دکھا توامام مہدیؑ کیلئے یہ کام اتنا آسان کیوں ہے؟ امام مہدیؑ کیلئے آسان اِس لئے ہے کہ امام مہدیؑ کیلئے قرآن نے کہا کہ

وَكُلَّ شَيْءٍ أَحْصَيْنَاهُ فِي إِمَامٍ مُّبِينٍ سورة یس آیت نمبر 12 ترجمہ: ہم نے ساری خصلتیں اور ساری کی ساری عظمتیں جمع کرکے ایک وجود میں ��کھ دی ہیں اُس کا نام مہدیؑ ہے۔

سارے مرسلین، انبیاء، اولیاء، فقراء، محسنین، مقربین، صالحین کی اورساری کی ساری عظمتیں ایک قدمین شریفین میں رکھ دیں اور سیدنا امام مہدی گوھرشاہی کی نظرکردیں۔

سیدنا امام مہدی گوھرشاہی کے وجودِ مبارک کا راز:

جس طرح امام مہدی کیلئے حضورپاکؐ کی ارضی ارواح کواُن کے جسم میں ہی روک لیا گیا تھا کہ جب امام مہدیؑ نے آنا ہوا تووہ حضورپاکؐ کی ارضی ارواح نکلیں گی تواُس سے نیا جسم بنے گا اور وہ جسمِ مہدی ہوگا۔ قرآن مجید میں آیا ہے ہے کہ

وَلَلْآخِرَةُ خَيْرٌ لَّكَ مِنَ الْأُولَیٰ سورة الضحی آیت نمبر4 ترجمہ: اورآپ کیلئے دوسرا دورپہلے دورسے بہترہوگا۔

اُس جسم کا آنا ہی وَلَلْآخِرَةُ خَيْرٌ لَّكَ مِنَ الْأُولَیٰ ہے کہ یہ تمہارا دوسرا دورہے۔ ارضی ارواح حضور پاکؐ کی تھی توامام مہدی توعالمِ غیب سے آئے ہیں۔ اب سوال یہ ہے کہ حضورپاکؐ کی ارضی ارواح امام مہدیؑ کودی جائیں گی تواُنکی اپنی کدھرہیں! اُنکی اپنی ہے ہی نہیں کیونکہ وہ توعالمِ غیب سے آئے ہیں اوروہاں ارضی ارواح نہیں ہوتی ہیں۔ جہاں سے امام مہدیؑ آئے ہیں اُدھرلطائف بھی نہیں ہوتے۔ جسم کوبنانے کیلئے حضورپاکؐ کی ارضی ارواح دی گئی ہیں جوکہ سب سے بہترین اورافضل واعلٰی ہیں۔ اسی طرح لطائف بھی نہیں ہوتے تویہ جوامام مہدیؑ کے وجود میں لطیفہ قلب ہے یہ اُنکا نہیں ہے توپھریہ لطیفہ قلب آدم صفی اللہ کا ہے۔ سیدنا گوھرشاہی کے وجودِ مبارک میں لطیفہ قلب اُن کا اپنا نہیں ہے کیونکہ جہاں سے وہ آئے ہیں وہاں لطائف ہوتے ہی نہیں ہیں۔ سیدنا گوھرشاہی کے سینہ مبارک میں جولطیفہ قلب ہے وہ پہلے خلیفہ آدم صفی اللہ کا ہے اورآخری خلیفہ کے جسم میں دھڑک رہا ہے۔ پہلا خلیفہ اورآخری خلیفہ مل گئے۔ اسی لئے ہمارے ہندو بھائی کہتے ہیں کہ جوکالکی اوتار ہوگا وہ وشنوکا اوتارہوگا۔ وہ شنکربھگوان کا اوتارہوگا توشنکربھگوان تو آدم صفی اللہ کو ہی کہتے ہیں۔ اب آجاوٴمرض والو! توجس نے مرض کا علاج کرنا ہے وہ سیدنا گوھرشاہی کے جسمِ مبارک میں طاقت موجود ہے۔ اب کسی کے آگے مِنّت کرنے کی حاجت نہیں ہے۔ یہ کرامت ہے کہ گندے انڈے میں سے چوزہ نکال کردکھاوٴتوکرامت مانیں گے کیونکہ پیچھے طاقت اِس قلب کی موجود ہے۔ یہی وجہ ہے کہ آج سیدنا گوھرشاہی کا بچہ بچہ اسمِ ذات کوتقسیم کررہا ہے۔ جس کا جی چاہتا ہے کہ ہمیں ذکردینے کی اجازت دوتوہم اُسے اجازت دے دیتے ہیں کیونکہ جہاں سے ذکرِقلب شروع ہوا وہ چیز سینہٴِ گوھرشاہی میں موجود ہے۔ اسی لئے کہیں جانے کی حاجت ہی نہیں ہے۔ قلب ہویا نہ ہو ایک اشارہٴِ گوھرشاہی پورے کے پورے وجودِ طریقت وباطن کو دوبارہ سینے میں لے آتا ہے۔ یہ کہنے کوکہا ہے کہ یہ کرامت ہے تویہ کرامت ولیوں کیلئے ہوگی کہ اگراُنہوں نے گندے انڈے میں سے بچہ نکال لیا۔ اگر”تم” یہ کرکے دکھاوٴ تو سرکارگوھرشاہی نے فرمایا کہ یہ کرامت ہوگی لیکن یہ اپنے لئے نہیں فرمایا کیونکہ یہ تمہارے بس کی بات نہیں تھی اورتم نے کردی تو اس لئے کرامت ہے۔ اگردیگراولیاء گندے انڈے میں سے بچہ نکال دیں گے توکرامت ہوگی۔ یہ اپنے لئے نہیں فرمایا کہ ہم کریں گے تو کرامت ہوگی کیونکہ اپنے لئے نہیں ہے۔ اگرہندووٴں کو یہ کہا جائے کہ مندرجانا چھوڑدو کیونکہ یہ گوھرشاہی بھگوان شنکرہے، اسی کے قدموں میں ماتھا ٹیک دے، اِس سے بڑا کوئی حق نہیں ہوسکتا۔ اسی کی تصویریں اُٹھا کرمندرمیں لگاوٴ، اسی تصویرکوپوجو اوراسی کے قدموں میں اپنے ماتھے ٹیک دوکیونکہ یہ چلتا پھرتا بھگوان ہے، یہ چلتا پھرتا شیولنگم ہے اوریہ چلتا پھرتا شنکر ہے۔ یہ شیوسینا ہے جودلوں کی تقسیم کررہی ہے، دلوں میں عشقِ الہی بانٹ رہی ہے اور بھگوان کی نسبت، اللہ کی نسبت لوگوں کودے رہی ہے۔ یہ جوسینا ہے یہ جوامام مہدی کی فوج ہے جودلوں کی ��اقت اور دلوں کا ہتھیارلوگوں کودے رہی ہے درحقیقت یہ شیوسینا ہے۔ شنکربھگوان کی فوج جودلوں کا ہتھیار بانٹ رہی ہے۔

مندرجہ بالا متن نمائندہ گوھر شاہی سیدی یونس الگوھر سے 24 اپریل 2020 کو یو ٹیوب لائیو سیشن میں قرآن مکنون کی خصوصی تشریح سے ماخوذ کیا گیا ہے ۔

#وجودِ گوھر شاہی

0 notes