#komandadakı

[metbuat]

Pike "Barsa"dan narazıdır

Pike “Barsa”dan narazıdır

“Barselona”nın futbolçusu Jerar Pike klubun düşərgəsində özünü xoşbəxt hiss etmir.   Metbuat.org “Managing Barca”ya istinadən xəbər verir ki, 35 yaşlı müdafiəçi komandadakı mövqeyindən narazıdır. O, buna görə də həvəssiz məşq edir.  Qeyd edək ki, Pikenin “Barselona” ilə müqaviləsi 2024-cü ilin yayı başa çatır. O, bu mövsüm La Liqada 4 oyun keçirib. Metbuat.org

[aliibrahimovofficial]

Sahə və peşədən aslı olmayaraq mükəmməl iş ərsəyə gətirmək arzusundasansa, burda olmaqla, bu istiqamətdə artıq bir addım atmış olursan. Əsas olan məsuliyyətində olduğun istənilən peşə və sahədə ən yüksək nəticələrə nail olmaq üçün produktiv çalışmaqdır. Bunu vərdişə çevirdikdən sonra hər gün dəyişən və yenilənən iş həyatında peşəkar və mükəmməl işin yaradıcısı olaraq qala bilməkdir. Məktəb və ali təhsil ocaqlarında yiyələnmədiyin və ya təcrübədən keçirmədiyin bacarıqları artıq iş ortamında gündəlik rutin halına gətirmək, səni inkişafa aparacaq. Vəzifəndən və ya komandadakı rolundan aslı olmayaraq, özünü peşəkar kimi apar. İlk növbədə özün bunu icra etsən, ətrafdakıların da sənə və gördüyün işə münasibəti dəyişər. Yox əgər öz rolunu və gördüyün istənilən işi kiçiltsən, heç kəs əziyyətini qiymətləndirməz. Bundan əlavə geyim də, peşəkar görünüş yaradır ki, səndə özünə əminlik doğuracaq. Peşəkar görün ki, özünü peşəkar hiss edəsən. İşini bilən işçi olmaq əladır. Lakin bununla kifayətlənməməlisən. Dəyişən mühitə adaptasiya olub, yeni təşəbbüslərə can atan olmaqla, bir idarə üçün problem yaradan yox, həll yaradıcısı olacaqsan. İşində uğur qazanmaq istəyən, hər bir kəsin qızıl qaydası- özgüvənli olmaqdır. Bu da, bir anda baş vermir, təcrübə aldıqca, səhvlərdən öyrəndikcə, inkişaf etdikcə formalaşır. Fərgi dərhal danışıq tərzin, yerişin, oturuşun və davranışın göstərəcək. Artıq rəhbər pozisiyasındakı insanlar da sənə güvənə biləcəklərini, arxayın ola biləcəklərini hiss edəcəklər. İş yerinə sadəcə qazanc mənbəyi kimi yanaşma. Soyuq və həvəssiz münasibətin həm işinə həm də insanlara təsir edir və gözə dəyir. Özünü elə apar ki, sanki bu xidməti otaq sənindir və məsuliyyəti sənin üzərindədir. Özünə əmin olduqdan sonra istənilən məkanı “mənimsəyə” biləcəksən. İstənilən iş görüşü və ya digər səbəbdən fərqli məkana dəvət aldıqda bu xüsusiyyətin səni peşəkarcasında gözə çarpan edəcək. Ünsiyyət və şəbəkələşmə uğurlu işin təməlidir. Hansı sahədə işləməndən aslı olmayaraq, səni peşəkar edən ünsiyyət bacarıqlarındır. Verbal və qeyri-verbal ünsiyyət bacarıqlarını inkişaf etdirməklə, həm işçilər, əməkdaşlar və həmkarların ilə məhsuldar və peşəkar münasibətdə olacaqsan. İş yold https://www.instagram.com/p/CS6s4A0NfPf/?utm_medium=tumblr

[baratalizadeh-blog]

✏ Bir şirkətin uğur yolunda ən böyük dəstəkçiləri komandadakı əməkdaşlardır. Əgər çalışan insanın diqqəti, dözümü və iradəsi varsa, qalanı boşdur! Interforce-un çalışanları bu keyfiyyətə tam anlamıyla uyğun gəlir ✌😊 Hər kəsə uğurlar! Biz də onların içində! PS: @qudret_yarmemmedov şəkildə yerin məlum! ☺ ---------------------------- #baratalizadeh #businessman #azerbaijan #leader #director #owner #interforce #tourism #company #wayofbarat #touragency #tourist #instalove #happy #tbt #instagood #baku #smile #friend #picoftheday #photooftheday #happy #beautiful #life #lifestyle #selfie #cute #love (at Interforce Tourism Company)

[listeliyi]

via Hava nəqliyyatı nazirinin başı üstündə “qara bulud”lar: Cahangir Əsgərov da gedir - Dosye http://ift.tt/eA8V8J Ölkənin hava nəqliyyatı “kralı”nın başı üzərində də “qara bulud”lar dolaşır. AZAL prezidenti Cahangir Əsgərovun 67 yaşı bu ilin iyulunda tamam olur. Baş pilotun təmtəraqlı şəkildə yola salınması gözlənilir. Nəqliyyat nazirinin dalınca növbə hava nəqliyyatı nazirinə çatıb. C.Əsgərovdan narazılıq heç də Z.Məmmədovdan az deyil. AZAL şefindən təkcə adi vətəndaşların yox, hökumət rəsmilərinin və deputatların da şikayət etməsinə rast gəlmək olar. Keçmiş nazirdən sıravi insanlar narazılıq edirdilərsə, baş pilotdan yuxarı səviyyədə etirazlar var. C.Əsgərovun gedişinin səbəbi AZAL-da qiymətlərin bahalığı deyil, iqtidarda iri fiqurları saymamasıdır. Yuxarılarda yüksək çinli məmurları vecinə almayan AZAL prezidenti özünü ölkənin prezidenti kimi aparır. Bu da istər-istəməz narazılıqla qarşılanır və ölkə rəhbərliyinə dosye təqdim olunur. Azərbaycanın ən odioz məmurlarından biri yenə də iqtidar mənsublarının hədəfindədir. Ölkənin baş pilotu, hakim elita içərisində birmənalı qarşılanmayan, kobud xarakterə malik olduğu deyilən AZAL prezidentinin xoşagəlməz avtoritetliyi yuxarı eşelonda qəbul edilmir. Necə deyərlər, “sirkə nə qədər tünd olsa öz qabını çatladar”. Cahangir Əsgərovun saymazyana siyasəti, hakimiyyətdə əksər məmurları vecinə almamağı haqqında damla-damla göl yaradır. Y��ni, prezident İlham Əliyevin masasına heç də sərnişinlərdən ya da sıravi iş adamlarından yox, hakim komandadakı ayrı-ayrı adamlardan dosye çatdırılır. C.Əsgərov da kadr islahatlarının davamı kimi siyahıda yer alıb. Onun yerinə gənc və xarici təhsilli şəxsin təyinatı gözlənir. Prezident komandanı tamamilə gəncləşdirmək siyasətini götürüb. AZAL şefi indiyə qədər müsbət bir hadisə ilə gündəmə gəlməyib. Milli Məclisdə tez-tez tənqid atəşinə tutulan baş pilotdan hamı xirtədəyə qədər narazıdır. Və hamı da prezidentə Cahangir Əsgərov barəsində şikayətlərini yazır. Bu sırada yüksək çinli məmurların da adı keçir. Məsələ təkcə monopoliya və qiymət bahalığı deyil, AZAL şefinin özünü ölkənin sahibi kimi aparması, tənqidləri qulaqardı etməsi, məmurları saymamasıdır. Bir zamanlar bu yolu gedən nəqliyyat naziri Ziya Məmmədovun qol-qanadı sındırıldı, vəzifəliləri də xərac oturtmuş millit təhlükəsizlik naziri Eldar Mahmudov da sıradan çıxarıldı, iş adamlarının dərisinə saman təpmiş vergilər naziri Fazil Məmmədov da cəzalandırıldı. İqtidarın siyasətində əndazəni aşmaq və qırmızı xətti keçmək bağışlanmaz xətadır və ağır cəzalandırma üsulları tətbiq olunur. İqtidar yetkililəri ən yuxarı səviyyədə narazılığı ifadə etməklə dövlət başçısının dosyeyə uyğun addım atacağına inanırlar.

[metbuat]

Hanı Qurban Qurbanovun “Qarabağ”da yetişdirdiyi futbolçu?

Yazının başlığına bu sual cümləsini qəsdən çıxartmışam. Avrokuboklardakı uğurlu oyunlarından sonra “Qarabağ” barədə sosial şəbəkədə nə isə yazanda, mütləq bir nəfər gəlib başlıqdakı bu sualı verir. Guya özünün ağıllı sanır. Amma dünyanın ən axmaq sualını verdiyinin fərqində də deyil. Hesab edin ki, Joze Mourinyodan soruşurlar: “Hanı sənin “Real”da, “Çelsi”də, “Roma”da yetişdirdiyin futbolçular? Və portuqal mütəxəssis də gözünün döyür bu axmaq sualın qarşısında. Baş məşqçinin bir öhdəliyi var Deyəsən, təkcə azərbaycanlılar elə bilir ki, komandanın baş məşqçisi həm də uşaq futboluna nəzarət etməlidir. Yox, dünyanın heç bir komandasında belə tendensiya yoxdur. Baş məşqçinin bir öhdəliyi var – əsas komandanın uğurlu çıxışını təmin etmək. Joze Mourinyo müqavilə bağlayanda, rəhbərlik “bizə futbolçu yetişdirməlisən” tələbini qoymur onun qarşısında. Əksinə, Joze onların qarşısına siyahı qoyur. Sərəncamında görmək istədiyi futbolçuların siyahısını. Bu məsələdə Qurban Qurbanova kimsə irad tuta bilməz. Heç onu da iddia edə bilmərik ki, Qurban Qurbanov “Qarabağ”da söz sahibi olduğu üçün uşaq futboluna da müdaxilə etməlidir. Qurbanov əsas komandada söz sahibidir, üstəlik, onun “Qarabağ”da hər şeyə nəzarət etmək üçün vaxtının bu qədər çox olduğunu düşünürsünüz? Ümumiyyətlə, “Qarabağ”da hər şeyə Qurban Qurbanov nəzarət edəcəksə, digərlərinin vəzifəsi nədir? Qurban Qurbanovun kölgəsində gizlənmək? Komandadakı digər problemlərə görə də Qurban Qurbanov tənqid olunmalı, bunlar da xımır-xımır yeyib yatmalıdırlar? Gözəl ailəsinin uzunmüddətli plan qurmaması   Hə, mövzumuz uşaq futboludur. Uşaq futbolu ilə bağlı ilk yazıdan sonra mövzunu “Neftçi” ilə davam etdirməli idim. Komandaların tarixini nəzərə alaraq. Amma “Qarabağ”ın, xüsusən də Qurban Qurbanovun bu yöndən tənqid olunduğunu nəzərə alıb “köhlən atlar”dan başlamağa qərar verdim. Öncə onu deyim ki, “Qarabağ”da uşaq futbolu bərbad durumdadır. Amma buna görə komanda rəhbərliyini tənqid etməkdə nə qədər haqlıyıqsa, Qurban Qurbanovu tənqid etməkdə bir o qədər haqsızıq. Səbəbini də izah etdim yuxarıda. “Azərsun” rəhbərliyinin “Qarabağ”la bağlı planı lap əvvəldən uzunmüddətli olmayıb. Azərbaycanın qida sənayesində ən böyük monopolistlərdən biri olan “Azərsun” rəhbərliyi “sosial öhdəlik” kimi yanaşırdı “Qarabağ”a himayəçiliyə. Yəni peşəkar yanaşma yox idi. Amma onların bəxti gətirdi ki, Qurban Qurbanov  kimi mütəxəssis tapdılar. Onun, məhz onun sayəsində bu gün “Azərsun” “sosial öhdəlik”dən də xilas olub. “Qarabağ” özü-özünü dolandırır. Gözəl ailəsinin “Qarabağ”la bağlı uzunmüddətli planının olmamağı uşaq futboluna yanaşmada da özünün göstərir. Onlara yüksək məvacib niyə verilir ki? Uşaq futbolunda infrastrukturun qurulmasına qəpik də xərclənməyib. Yerli uşaq məşqçilərin yetişməsi, təcrübə qazanması üçün heç bir layihə gerçəkləşdirilməyib. “Qarabağ”ın populyarlığı imkan verirdi ki, ölkənin futbol ənənələri olan hər bir rayonunda məktəb açmaq mümkün olsun. Elə təkcə aran Qarabağın rayonlarında bu işi kiçik büdcə ilə reallaşdırmaq olardı. Ancaq bu yöndə heç bir addım atılmadı. “Qarabağ”ın Bakıdakı məktəblərində (məktəb ha!) futbolun sirlərini uşaqlar harada öyrənirlər? Keyfiyyətsiz süni örtüklü meydançalarda. Onlara futbolun sirlərini kimlər aşılayır? Demək olar ki, hamısı Türkiyədən dəvət edilmiş naşı mütəxəssislər. Onlar haqqında dəfələrlə narazılıqlar yayılıb mətbuatda, sosial şəbəkələrdə. O mütəxəssislər hansı bacarıqlarına görə dəvət olunublar Azərbaycana? Onlara yüksək məvacib niyə verilir ki, bu vaxta qədər bircə gənc futbolçu da verə bilməyiblər Qurban Qurbanovun sərəncamına? İş görülürsə, nəticəsi də olmalıdır axı Niyə “Qarabğ”ın Avropada qazandığı vəsait, UEFA-nın uşaq futbolu üçün ayırdığı maliyyə belə naşı mütəxəssislərə xərclənməlidir?  Kim dəvət edib onları bura? Qurban Qurbanov? Bəlkə diqqətinizi  başqa adlara yönəldəsiniz? Yadınıza düşmürsə, mən çəkə bilərəm: Tahir Gözəl, bütün jurnalsitlərin “dostu” Əmrah Çəlikəl… Nə işin sahibidirlər, nəyə cavabdehdirlər, vəzifələri nədir? “Qarabağ” avrokuboklarda qələbə qazanandan sonra pafoslu açıqlama verməkdir işləri? Türkiyədən naşı mütəxəssisləri onlardan başqa kim gətirə bilər “Qarabağ”a? Elə mütəxəssislərin gətirilməsi, sadəcə gözdən pərdə asmağa hesablanıb. Yəni “iş görürük” görüntüsü yaradırlar. Amma iş görülürsə, onun nəticəsi də olmalıdır axı.  Hara yoxa çıxır o uşaqlar? Heç kim deyə bilməz ki, Qurban Qurbanovun sistemində futbolçu inkişaf etmir. Reynaldo, Vaci, Kadi gözümüzün qarşısında adi futbolçudan ulduza çevriliblər axı bu sistemdə. Yaxşı, “Qarabağ”ın uşaq futbolundan 15 il ərzində kimi verdilər Qurban Qurbanova ki, o da inkişaf etdirə bilmədi onu? Yoxdur beləsi. Amma ən azı Bakıda “Qarabağ”ın formasını əyninə geyib guya bu komandanın məktəbində futbolun sirlərini öyrənən uşaqlar var axı. Hara yoxa çıxır onlar? Hansı məqsədlə onlar üçün pul xərclənir, Türkiyədən ağlasığmaz məvacibə məşqçi gətirilir, əgər sabah o uşaqlar futbol təsərrüfatından yoxa çıxacaqlarsa? Azərbaycanda uşaq futbolunda problem, demək olar ki, eynidir bütün komandalar üçün – infrastrukturun yoxluğu, kadr çatışmazlığı, yeyinti, qeyri-peşəkar idarəetmə.  Və “Qarabağ”da da hakəza. Öz pulumuzdan qəpik-quruşu övladlarımıza verin Əsas komandada bütün səlahiyyətləri Qurban Qurbanova verdiyiniz üçün sizə təşəkkür edirəm, amma bağışlayın, gələcəyimizə yatırım etmədiyiniz üçün də qınayıram sizi. Axı gələcəyimizə edəcəyiniz o yatırım da bizim – bu xalqın vəsaitidir. Əhli-Azərbaycan “Azərsun”un keyfiyyətsiz qida məhsullarını baha qiymətə almağa məcbur edilir bu ölkədə. Öz pulumuzdan qəpik-quruşu övladlarımıza verin, Gözəl ailəsi. Onsuz da sabah o uşaqlar da sizə işləyəcəklər, əgər Azərbaycanda uzun müddət qalacaqsınızsa. Amma görünən odur ki, buna özünüz də əmin deyilsiniz. “Qarabağ”da uzunmüddətli strategiyanızın olmadığına görə gəlmişəm bu qənaətə. Natiq Muxtarlı - aut.az Read the full article