#xoşbəxt

[shahinelected]

Oxuyub bitirdiyim növbəti kitab, Qurban Səid qələminin əsəri olan Əli və Nino kitabıdır!

Bu əsəri oxuduqca, keçmişdəki həmin o Qızıl dövrü müvəqqəti olsa belə, yaşamış oldum! Əli Xan Şirvanşir ilə Prinses Nino Kipiani sevgisi o qədər güclü olur ki, heç bir kimsə onların qarşısında uzun müddət tabb gətirə bilmirlər! Əsərdə Əlinin öz həyat yoldaşına "Prinses Nino" deyə müraciət etməsi, öz Xanımı ilə Şəhzadə kimi davranması, həmçinin Ninoun öz ərinə "Əli Xan" deyə müraciət etməsi və onunla Xanlara layiq bir şəkildə davranması, keçmişdə Sevginin necə dəyərli və əhəmiyyətli olduğunu və Qızıl dövrün məhz həmin dövrlər olduğunu oxucuya sübut etmiş olur! Təəssüf ki, indi bir çox ailədə Qadınlar "çay niyə soyuqdur? Xörək niyə soyuqdur?" bəhanəsi ilə öz ərləri tərəfindən döyülür, haqları əzilir, fiziki, mənəvi, psixoloji zərərlərə məruz qalır və ömürlük psixoloji travma ilə yaşamaq məcburiyyətində qalırlar! Bir çox hallarda, Kişilər öz həyat yoldaşlarını başqa Qadın ilə aldadırlar, amma həmin Kişilərin Qadınları bir Kişiyə Salam verdiyinə görə amansızcasına öldürülür və ya döyülür! Kişi olmaq o demək deyil ki, sən istədiyin Qızla, Qadınla istədiyin kimi əylənə bilərsən, həyat yoldaşına xəyanət edə bilərsən, amma o bunu edə bilməz, çünki o bir Qadındır! Həmçinin bu gün ailə quran Qadınlara, ərlərinin "Arvad" deyə müraciət etməsi belə çirkindir! Çünki, "Arvad" sözü, Ərəb sözüdür və mənası "Ayıb yer" deməkdir! Necə ola bilər ki, bir Kişi, öz Xanımını, ayıb yeri olaraq görsün?! Halbuki, heç Ərəblər özləri belə, öz Xanımlarına "Arvad" deyə müraciət etmirlər, onlar öz Xanımlarına "Zövcə" deyirlər! "Zövcə" bizim dildə "Həyat Yoldaşı" mənasına gəlir! Təəssüf ki, biz bir xalq olaraq, "İnkişaf" adı altında, digər xalqların t��hqirlərini mənimsəyərək, onları "Mentalitetimizə" daxil elədik və Qadınları əzmək, onları alçaltmaq üçün rəsmiləşdirdik! Elə bizim "Mentalitet" də Qadınları əzmək, alçaltmaq üçün qanunlar toplusudur! Belə ki, Kişiyə hər şeyə şərait yaradan "Mentalitet", Qadınlara əşya və ya heyvan kimi münasibət edilməsini tələb edir!

Əli və Nino əsəri isə Xalqımızı keçmiş Sevgi və Ailə münasibəti ilə aydınladır!

#shahinelected #əlivənino #kitab #kitabqurdu #azərbaycan #sevgi #ailə #münasibət #xoşbəxt

[iyidebananeee]

Amk 17 yaşlı sinif yoldaşım məni toyuna çağırıb. Gülüm yoxsa ağlayım bilmədimm

[petr1chorr]

Eyni anda həm çox xoşbəxt hiss edib, həm də çox bərbad hiss etməyi necə bacarıram ağlım almır.

[korressamm]

Xoşbəxt edə bilməyəcəksənsə zəhər də eləmə.

[suuada]

İnsanlara nifrət etmirəm, amma onlar ətrafımda olmayanda özümü daha xoşbəxt hiss edirəm. 🦦

[sevdalidur]

kitab sərgisi qədər xoşbəxt edən ikinci şey çətin tapıla

[shikhaliyevv]

Mən uşaq olanda elə bilirdim,

Adam yıxılanda ağlayır ancaq.

Sanırdım dünyanı mənim atamın,

Çeçələ barmağı saxlayır ancaq.

Mən uşaq olanda elə bilirdim,

Seçdiyim hər maşın mənim olacaq.

Mən axı bilmirdim dünyanın özü,

Böyükkən özümə qənim olacaq.

Mən uşaq olanda uşaqlığımdan,

Tezcə sıxılardım, tezcə bezərdim.

İstərdim, tezcənə böyüyüb mən də,

Böyük adamlartək rahat gazərdim.

Mən uşaq olanda elə bilirdim,

Hər nağıl xoşbəxt bir son ilə bitir.

İndi böyümüşəm, mənim nağılım,

Hardasa beş, ya da on ilə bitir.

[dadaszdkh]

Elə bir yerdəyəm ki, sanki artıq heç kimsə məni incidə bilməz amma kimsə də xoşbəxt edə bilməzmiş kimi.

[esger1i]

Yaralar sarılsa da boşluqlar qapanmır. İnsan əvvəlki kimi olmağa çalışsa da ola bilmir. Hər nə qədər cəhd etsə də alınmır. Sağalsa da, izlər keçmir. Bəzi şeyləri unutmaq istəsə də unuda bilmir. Zamanla keçər deyirsən, sadəcə zaman keçir. Və ciddən zaman çox tez keçir. Sənə dünənmiş kimi gələn o xoş və pis anlar əslində uzun zaman öncə olmuşdur. Və bunu başa düşdüyün an zamanın nə tez keçdiyini düşünüb bir o qədər də pis olursan. Beynində yığılıb qalan xatirələr səni gecələr yatmağa qoymur. Keçmişdə yaşadığın o xoşbəxt anların yadına düşər, ya da etdiyin səhvlərin göz önündə canlanar. Bəzi şeyləri unutmaq istəsən də, bir yerdən xatırladır. Bəzən bir musiqi, bəzən bir qoxu, bəzən isə yuxuda gördüyün bir anı səni nələrisə unutmağa icazə vermir. Lakin insan zamanla öyrənir yaralarla, acılarla yaşamağı, onlardan qaçmağın, onları göz ardı etmənin bir çözüm olmayacağını öyrənir. Bir müddət sonra yadırğamaq yerinə qəbullanır və öyrəşir. Məncə, gerçək acı insanla bərabər ölməsi lazım olan şeydi. Qollarda, başda bir az belə olsun güc saxlamayan, ayaqda taqət qoymayan, yastıqda başını bir yandan o biri yana çevirmə cəsarətini yox edən şey imiş. Dözmək çox çətindi. Acılar həyat boyunca keçmir, acılar da insanlar kimi yaşayır və insanla bərabər ölür. Ümid edirəm, Tanrı, öz canına qıyacaq qədər acı çəkənləri sonrakı həyatda da yandıracaq qədər cani deyildir.

[masmaavi]

Meşənin yaşıllığı, çayın şırıltısı, havanın təmizliyi, yay axşamlarında xoşbəxt edənlər silsiləsindən

[iyidebananeee]

Saçım nə vaxt uzanacaqqqq😔

[petr1chorr]

Mənim çəkim uyğun gəlmir yaşıma,

Hansı yara sağalmır ki? Qaşıma!

Bu ayrılıq həsrət deyil, əcəldi,

İndi mənçün darıxırsan? Əcəbdi!

Yaman solub ovsunlayan baxışın,

Şəkil-şəkil qocalırsan? Nə yaxşı!

Mənsiz ömrün yorğun-yorğun əsnədi,

Elə bildin yaşayarsan? Bəs nədi?

Sınıxmısan, sən ki belə deyildin,

Kömək etmir qürurun da? Nə bildin?

Adam-adam dolur bütün çuxurlar,

Sən də çuxur axtarırsan? Uğurlar!

Ümid yoxsa bitəcək bu intizar...

Bu yoxluğun adı nədi? İntihar!

Hər ömürün çürümək var sonunda,

Sən istədin xoşbəxt olum? Olum da!

Əvvəl-axır gələcəyəm, rahat ol,

Məndən əvvəl sən gedirsən? Yaxşı yol!

• Orxan Bahadırsoy

[korressamm]

Oyandığımız zaman daha yaxşı anlayırıq yuxuda daha xoşbəxt olduğumuzu.

[justincasesituation13]

Biraz günümü yazmaq istəyirəm.

Səhər 5-də alarmsız, beynimdə dönüb dolaşan ssenarilərlə birlikdə oyandım. Normalda 6-da durub, 7-də işə gedirdim ama alarmı söndürüb, bu gün biraz gec getməyə qərar verdim ki, yatım. Yata bilmədim, 09:30-a qədər 4,5 saat beynimdə onu düşündüm, hələ arada bloklandığım WhatsApp-a onsuzda görməyəcək deyə sözlərimi yazmışam (hansı ara yazdığım yadımda deyil). Ssenarilər qurdum, nə hiss etdiklərimi düşündüm, birinci ona nifrət elədim, sonra darıxdım, arada Allah'a dua etmək istədim, aramız yaxşı olmadığı üçün etmək içimdən gəlmədi, bacarmadım. 4.5 saat beynim işlədi sadəcə.

Səhər əlimə nə keçdisə, heç geyimimə fikir vermədən geyinib, çıxdım evdən. Yolda düşünürdüm ki, "niyə baxımsız insan oldum?" sonra da "Əşi" dedim keçdim. Saat 10:30 olardı ki, Koroğluda avtobusların olduğu yerdə bir görmə əngəlli vətəndaşın avtobusları qarışdırdığını gördüm. Gedib yaxınlaşdım, "üzrlü sayın, kömək lazımdı sizə?" dedim. Axtardığı avtobusu, yeri dedi, kömək etdim. Kömək edərkən əslində nə qədər xoşbəxt olduğumun fərqinə vardım. Çünki biz xoşbəxtliyi nə qədər uzaqda axtarsaq da, əslində nə qədər sadə şeylərlə belə xoşbəxt oluna biləcəyini təkrar xatırladım.

Ruhsuzlaşmışam, heçnəyə həvəsim yoxdu. İnsanlarla uzun uzun söhbətlər edə bilmirəm, amma yaşayırıq. Əlimizdəkilərin, sahib olduğumuz dəyərlərin qədrini bilmədən yaşayırıq.

[mavibirbulud]

Normalda məni xoşbəxt edən şeyləri başqalarına etməyi çox sevirəm. Məsələn aylar sonraya rəfiqəmlə görüş planlaşdırmışıq və gedərkən ona kiçik təbrik hədiyyəsi olaraq çiçək almağı düşündüm əslində bəlkə də onun üçün adi bir şey olardı bilmirəm amma mən xoşbəxt olardım. Onun həri hazırlıqları haqqında bayaq görüntülü söhbət etdik və mənə baxıb sakitcə dedi ki "bir şeyim deyim amma qəbul et bu fikri tamammı?Sənə çiçək almaq istəyirəm, istəyirəm ki illər sonra ilk çiçəyini kim aldı deyə soruşsalar səndən, mən gəlim ağlına" dedi. Adi vaxtlar hədiyyələşmədiyimiz üçün elə dedi. Dostlar sizin üçün mənasız bir postdu bilirəm amma qəlbim sızıldadı. Başa sala bilmərəm

[benvafaa]

Hər zaman hisslərimi ifadə etməkdə çətinlik çəkən biri olmuşam. Sevdiyim insanlara fərq etmir əks cins yaxud həmcinsim heç vaxt onlara sevgimi, istəyimi doğru-düzgün deyə bilməmişəm. Həmişə də hissiz, zalım, soyuq qəlbli olaraq anılmışam. Amma kaş ki içimidə yansıdan bir ayna olsaydı. Onlar üçün qəlbimdə nə gözəl yerlərin ayrıldığını, necə gözəl arzular, dualar etdiyimi, onları görəndə nə qədər xoşbəxt olduğumu görə bilərdilər. Mən onsuzda əvvəlindən belə idim. Düşünmürəm ki, gələcək həyatımda bu düzələcək amma ümid edirəm ətrafımdakı insanlar onları nə qədər sevdiyimi hiss edə bilərlər.