#hihintayin kita sa langit

[wuthering-heights-tournament]

[elnotfound]

Mahal ko :')

Maikling sulatin lamang 'to, nais ko lang sabihin sa'yo sa umagang ito, na katulad ng isang araw na napagmamasdan mo sa tuwing tumitingala ka sa alapaap sa mundong nilikha ng Maykapal, ay minsan na ring pumalya na hindi masilayan sa pang-araw-araw, asahan mo pa rin na ang aking nararamdaman o pag-ibig ay buong-buong mananatili sa iyo.

Mahal na mahal kita, marami man tayong napagdaraanan ngayon o ikaw na mayroong dinaramdam d'yan sa loob-loob mo, asahan mo na hindi ako bibitaw dahil hindi naman kasing babaw ng tubig sa tabo o baso ang nararamdaman ko sa iyo.

Huwag mo rin sanang sukuan ang pamilya, sarili at mga pangarap sa iyong buhay, dahil lahat nang nag-uumpisang mangarap ay dumaraan sa hirap, pighati at lungkot, kaya tibayan mo lang ang loob mo, Mahal ko! Alam kong balang-araw matutupad mo rin lahat ng pangarap mo sa buhay, maghintay ka lamang at habaan pa ang iyong pasensya at sana sa araw na iyon, kasama mo pa rin ako sa pagtupad naman ng mga pangarap natin sa isa't isa, alam kong malabo pa sa ngayon ngunit wala namang masama kung mangangarap tayo na kasing taas ng mga gusali o ng langit, 'di ba? Hihintayin ko 'yon!

Hangad ko ang kasiyahan mo sa pang-araw-araw, mahal na mahal kita, Mahal ko, laging ikaw.

[midnightsunshine24]

My missing piece

"Lahat ng kulang, napuno. Binuhay mo ang natutulog kong puso~" (abot langit by silent sanctuary) This song reminds me how I met you. I never thought that I will fall in love again. You showed me how true love is. You showed me how colorful the world is. You showed me how love is supposed to work. You gave all of that to me without wanting anything back. You love me unconditionally and I didn't notice that I fell in love to you. You light up a spark in this cold bloody heart of mine. You fill up my missing pieces that I thought that I will never find it again.

Love, hindi ako magsasawang mahalin at alagaan ka sa bawat sandali ng aking buhay. Aalayan ka lagi ng mga sulat bilang paalala sayo na minamahal kitang tunay. Nais ko ring samantalahin ang pagkakataong ito na pasalamatan ka. Una't higit sa lahat, salamat dahil inadd mo ko hwhahaha dahil dyan binago mo ang buhay ko. I know to myself na kaya kong mabuhay ng mag-isa pero mas pinarealize mo sa akin na mas masaya at mas makabuluhan ang buhay kapag may kasama lalo na sa hirap at ginhawa, lungkot at ligaya. Salamat love sa pagmamahal na binibigay mo sakin. Salamat sa oras at pag-alala sa akin. Salamat mga salitang binitiwan mo noong panahon na ako'y nag-aalinlangan. Salamat sa assurance na binigay mo at habang buhay ko ito panghahawakan. Salamat dahil meron akong ikaw.

Reese, gaya ng sabi mo takot ka na umibig dahil ayaw mong masaktan sa huli. Alam ko ang pakiramdam na ganyan dahil katulad mo, takot akong sumugal ulit. Pero iba ka, you're the only exception. Para sayo, susugal akong muli, iibig akong muli at iaalay ko ito sayo ng buong buo. Tandaan mo na palagi akong nandito sa tabi mo physically, emotionally and virtually. When you feel sad, remember that you have me. I may not be much but I will always be by your side. Gaya ng sabi ko, palagi kitang hihilingin. Hihintayin kita kahit gaano katagal. Magkalayo man ang ating tadhana, parati parin kitang hihintayin. Dahil sayo panatag ako, panatag ang puso ko. Natagpuan ko na ang tahanan ko. Alam kong marami pa akong pagkukulang at mga ugali na baka hindi mo magustuhan pero araw araw kong iimprove ang sarili ko. Gusto kong maging perpekto sa mga mata mo.

Love, I love your eyes and I really meant it. You are my one and only beloved sunshine.

-Joel

[gisud]

[chardawned]

ABS-CBN Film Restoration: Hihintayin Kita Sa Langit Restored Trailer (x)

[officialpavo]

hanggang kailan mananatili?

hindi ko na alam kung ga'no katagal na ang lumipas nang umupo ako rito sa mga hagdan sa harapan ng bahay natin. hindi ko na alam kung ga'no katagal na kitang hinihintay rito, ang alam ko lang ay naupo ako rito nang may araw pa, pinanood ko ang araw na lumubog, at ngayon, mga bituin nalang ang laman ng langit. ayos lang, hihintayin pa rin kita.

maya maya, dumating na rin ang kotse mo sa ating garahe. nanatili akong nakaupo at hinayaan kitang maglakad papunta sa'kin at maupo sa tabi ko. 'di kita kayang tignan, damang-dama ko na ang pagbabago, damang-dama ko na kung ano ang kasunod nito.

"love." pabulong mong tawag sa'kin. hindi ko alam kung matatawa ba ako o maluluha, baka pareho. hindi naman na kasi totoong mahal mo ako, pakiramdam ko nga'y baka hindi mo talaga ito naramdaman para sa'kin.

ibinaling ko ang ulo ko sa ibang direksyon, 'wag lang magtama ang mga mata natin. ngayon kasi siya umuwi, pagkatapos ng mahabang panahon, umuwi na rin ang nang-iwan sa'yo matapos ang limang taon. mahaba para sa'yo, maikli para sa'kin. kaya iba na ang bawat kilos at galaw mo, hindi mapakali ang 'yong diwa dahil alam mong nandito na siya ulit. kahit pinilit mo itong itago sa'kin, pansin ko pa rin.

alam ko na ang susunod dito, kaya ayaw kitang tignan. gusto ko nalang manatili rito. tumigil na sana ang oras para ang matitira nalang ay ikaw at ako sa minutong ito, kahit habang buhay na tayo manatili sa katahimikang ito, ayos lang sa'kin. basta't kasama kita, basta't hindi ko kailangang bitawan ang 'yong mga kamay.

"love, please, tignan mo naman ako." at nang ibalik ako sa katotohanan ng iyong boses, alam kong hindi na pwedeng hindi ko ito pansinin.

"so, hanggang dito nalang tayo 'no?" ang tanong ko nang tignan na kita. "dito na magtatapos ang kwento natin." ang mariin kong sabi. may maliit na boses mula sa'king puso na umaasang ipaglalaban mo ako, umaasang pipiliin mo ako. nadurog na ang lahat ng pag-asa ko sa mahina mong tugon.

"i'm sorry."

hindi ko na ata kayang masyadong malapit sa'yo, nanlalamig ang aking katawan. kaya tumayo nalang ako at nagbuntong hininga; malamig ang simoy ng hangin ngayong gabi. "don't say sorry. kasalanan ko naman ang lahat." muli kitang tinignan, hindi ka pa rin gumalaw sa pwesto mo. "mula naman noon, alam ko nang wala akong laban sa kanya. nagdasal ako na sana maging enough ako." nanghina ang boses ko sa may dulo, pero tinuloy ko pa rin. "nagmakaawa ako sa diyos na sana... sana balang-araw, matutunan mo rin akong mahalin." tunog nalang ng mahina mong hikbi ang pumupuno sa katahimikan ng gabing ito. "so don't blame yourself, kasi alam ko nung simula palang, i felt it. destined kayo para sa isa't isa. tanga lang talaga ako, akala ko kaya kong labanan ang tadhana."

wala ka nang sinabi nang naglakad ako paalis. hindi mo ako hinabol, hindi mo ako tinawag. naglakad ako nang naglakad hanggang sa ang mga paa ko'y tumatakbo na. malakas ang pagsinghap ko sa hangin, tumatakbo sa kung saan man habang ang mga luhang 'di ko mapigilan ay tumatakbo na rin pababa ng aking mga pisngi.

duwag ka.

tanga.

gago.

gusto kong bumalik at sabihin sa'yo na nagkakamali ka. na dapat ako 'yung pinili mo. na dapat ako 'yung mahal mo.

kasi hindi kita iiwanan katulad niya.

sa loob ng limang taon, hindi kita iniwan kahit kailan.

pero ang kwento niyo ay isinulat ng tadhana at tapos na ang parte ko sa istorya niyo. kailangan ko nang umalis.

nang hindi na nakayanan ng aking mga paa ang kahit isa pang hakbang, hinayaan ko ang mga tuhod kong lumagakpak sa sahig. nanatili ako ro'n na umiiyak, humihikbi na parang walang bukas. nanatili ako ro'n hanggang naubos na aking mga luha.

[llxx0715]

Wuthering Heights Watch List:

Streaming / Youtube:

WH (1939) - Prime

Studio One: Wuthering Heights (1950) - https://youtu.be/XbiaEgjgJX8

WH (1970) - https://www.youtube.com/watch?v=E1zMVqm_Z0w

WH (1978) - Pt1: https://www.youtube.com/watch?v=9TRagj927Wo | Pt2: https://www.youtube.com/watch?v=xrFn6Jj7Ym0

Hihintayin Kita sa Langit (1991) - Prime (Rent)

WH (1992) - Prime

WH (1998) - Prime

Sparkhouse (2002) Pt1: https://youtu.be/KnErTxnHPwM | Pt2: https://youtu.be/exqiETthq9M

Cime tempestose (2004): https://youtu.be/LuK6UP3M3vw

The Promise (2007) - Prime (Rent)

WH (2009) - https://www.youtube.com/playlist?list=PLFCE06FDBE6EB78F2 (Behind the Scenes: https://www.youtube.com/watch?v=1q1lFYmLUFA )

WH (2011) - Prime

Wuthering High (2015) - Prime / https://youtu.be/MLT_NnAuOcI

Here is what I’m gonna have to find/pirate/rent:

WH (1920)

Abismos de Pasión (1954)

WH (1958)

Ravina (1959)

WH (1962)

Ölmeyen Aşk (1966)

WH (1967)

Hurlevent (1985)

Heathcliff (1998)

Wuthering Heights (modern adaption, 2003)

[bondagedfeelings]

Sa Dating Tagpuan

Oh aking mahal, sa muling ika’y aking makita sa gitna ng naglalakihang alon,

Sasalubong sa’yo ang mga halik at yakap na matagal ko nang naipon.

Wala pa ring nagbago sa iyo; sa mga kilos at galaw, at ang panyolitong dala mo. 

At sana sa pagtatagpong ito, pag-ibig mo’y hindi magbago. 

Puwede bang sa pagkakataong ito’y hawakan mong maigi ang aking mga kamay, 

Habang sinusuyod ang dalampasigan, habang ika’y aking kapiling sa gitna ng dapit-hapon.

Maari bang sa sandaling ito, hayaan mong ako naman ang gagabay kung saan man tayo tutungo, 

Basta ipangako mong sasama ka, upang sa muling ika’’y aalis, dala ang palatandaang tinayo.

Kung sa susunod man na pag-alis mo ay hindi na muling matandaan ang daan patungo doon, 

Hayaan mong mga bituin ang magmistulang ilaw mo habang ika’y naglalakad sa dilim, 

Hayaan mong ang buwan ang maging palatandaan na ang pagmamahal na aking kinikimkim,

Ay kasing lawak ng bisig na handa ka muling tanggapin, na handa ka muling yakapin. 

At kung ikaw man ay nalulumbay, tandaan mo sana  ang mga pangako na  aking binitawan, 

Na sa susunod nating pagtatagpo, suot ko pa rin ang paborito kong bistida, at ang ipit ng buhok, 

Na hindi magbabago, kahit paglipasan man ng maraming panahon, at kahit na ang bawat pangako

Ay hindi na muling mabalikan sa bawat pag-alala mo ng bawat daan, hayaan mo kong hagkan kita. 

Para maipaalala sa’yo, na ako’y maghihintay sa ating dating tagpuan, doon malapit sa may dalampasigan

Sa gitna ng alon, at nag-aalab na puso; doon sa pagitan ng kasiguraduhan at ang aking pangako. 

Doon sa panatag at gitna ng delubyo, sa nag-sasalubong na kidlat at ulan sa madalim mong hapon;

Doon sa dulo ng bawat alaalang nakatago sa loob ng isip, diwa, at pusong naghihikahos. 

At kung hindi na muli matandaan ang mga salitang iyong binitawan noon, 

Bigyan mo ako ng pagkakataon na ika’y muling yakapin kahit saglit, kahit sa pagkakataon na ito, 

Kahit hindi mo na tanda ang pangalan ko, hayaan mong sambitin ng aking mga labi ng paulit-ulit,

Hanggang sa maalala mong muli, na baka sakaling matandaan mo, oh mahal ko. 

Na hihintayin kitang muli, at ika’y mag-tutungo doon; sa ating dating tagpuan, at sinumpaang pagtatagpo.

Sa hintayan ng langit, sa gitna ng tala at himpapawid, sa pag-lubog ng buwan at araw, sa gitna ng takipsilim at bukang liwayway, sa gitna ng mga salubong at paalam, sa gitna ng hanggang sa muli at sa susunod na habang-buhay. 

Ako’y maghihintay.

At kung hindi ka man dumating, babalik ako sa dating tagpuan. 

[trickramirez]

bulalakaw

LAGUNA, PHILIPPINES

JANUARY 20, 2019  

Second entry: CALLISTO: Celestial Texts, All 4 U

Suggested Song — Sugarol by Maris Racal

Humiling

Ako ay humiling

Sa mga bituin at buwan

Habang nakapikit

  Nakatikom ang bibig

Ang puso’y pumipintig

Pabilis ng pabilis

Hindi na namalayang nahuhulog paunti-unti

  Umaasang baka magkatagpo

Magkasalpukan

Mga mundo nating pawang magkalayo

… milya-milya ang pagitan

  Mayroong ninanais ang dibdib

May mithiin

Hirayamanawari …

  Maging bahagi ng iyong mundo

Madama ang init na nagmumula sa iyo

Mahawakan ka

Mayakap ng mahigpit at

Maging isa ating mga kaluluwa

  O, pano mo mababatid

Ang pagtingin sayo’ng palalim ng palalim?

Pano mo malalaman?

Gayong ako sayo’y kaibigan lang naman

  Nakatingala sa langit

Sa gitna ng gabi habang nakapikit

Humihiling na sana’y naririto ka

Aking katabi …

  May mga awiting nilalaman ang dibdib

Nagbabaka sakaling iyo sana itong madinig

Iyong mabatid

Hanggang ang mga mumunting himig na ito’y maging iyo na rin

  Gabi-gabing naghihintay

Minu-minutong nag-aabang

Na baka kahit sandali’y may bulalakaw na magdaan

Baka magalak sya’t mga pagsamo ko’y kanyang pagbigyan

  Pagkat ikaw ang nais ko

Ikaw lang ang laman

ng puso

Ang s’yang sigaw

At s’yang tinatangi nito

  Hihintayin kita

Kahit gaano pa katagal

Kahit gaano ka-kumplikado at

Gaano pa kahirap

  Pagkat bumabalik ako sa umpisa:

Sa mga paghanga sa iyo’t

Paru:paro sa aking sikmura

Ikaw lang, o ikaw lang

  Kaya sana nama’y dinggin

Ng mga bulalakaw sa gabi

Aking mga hiling

Ang hiling na sana’y iyong naririnig

[retrograde15]

210519

Siguro sapat na

ang dampi ng hangin sa gabi

sa tuwing nakatanaw ako

sa kalangitang puno ng mga bituin.

Napapapikit ang mga mata.

Ninanamnam ang katahimikang nadarama.

Unti-unting sisilay ang ngiti.

Bubuksan ang labi at magtatanong…

“Gaano mo ba ako kamahal?”

Magbibilang ng ilang segundo.

Hihintayin ang boses mo—

na tila ba dinuduyan ako habang

sinasambit ang mga katagang...

“Kung gaano kadami ang bituin

sa kalangitan, ganun kita kamahal…"

Unti-unting manunuot

ang lamig ng hangin sa balat,

Kakapain ang ispasyo sa tabi

at aasang may kamay na mahahawakan.

Hanggang sa papatak na ang mga luha.

Aasang may sasalo sa bawat pagbagsak

ng mga butil nito.

Sana nandiyan ka

at ang mga bisig mo—

mahigpit na niyayakap ako.

Maibsan man lamang ang sakit

na araw-araw kong dala-dala.

Segundo.

Minuto..

Oras—

— ay lilipas...

Nanamnamin ulit ang katahimikan.

Titingala na naman sa langit.

Hahayaan ang pusong hanapin ka.

Hanggang sa hihinto ang mga mata.

Sisilay muli ang ngiti sa mga labi.

Pagmamasdan ang kinang mo at

kakapain ang pusong kilalang-kilala ka…

Ramdam na ramdam pa rin kita

kahit nasa kabilang buhay ka na.

Nandito lang ako—

Tatanawin ka.

Aawitan ka.

Mamahalin ka.

Hanggang sa muling

pagsabay ng kampay ng mga kamay

at padyak ng mga paa—

Maglalakbay muli tayo nang magkasama...

Hindi man dito...

pero sa susunod na habang buhay—

—aasa akong may tayo pa.

~ Lavender Pen ~

[boastful-crimson]

i kinda like letters and i thought what if it’s something like this????

Mahal ko, Ang gabi ay maginhawa dahil sa mahinahong pag-ambon. Wala 'ni isang tala sa langit, sa buwan lamang ako nakatanghod. Kailan nga ba masisilayan ang iyong anyo? Hindi sa pagmamadali o paghihinala, ngunit hindi na sapat ang matatamis na salita ng ilang pahinang liham. Sa bawat oras, minuto, segundo, umaasang papalapit ka na. Ngunit malawak ang mga karagatan at malayo pa ang bukas. Nakakapagtaka, ang dilim ng gabi ay walang bahid ng kalungkutan at pangamba, kung kaya't dito na ako magpapaalam. Alalahanin mo ako bilang maliwanag na buwan sa gitna ng itim na langit at aalalahanin kita bilang hangin sa aking maginhawang gabi. Hihintayin kita sa panaginip, sa kaparangan, sa ulap, sa ilalim ng sikat ng araw. Ang ating pagtatagpo ay kapana-panabik! Kasabay ng paghuni ng mga ibon ay ang pagsipol ng hangin. Narito ka sa aking tabi at ako'y sinasalamin ng iyong mga mata. Maging ang mga lumilipad na alikabok ay nangingintab sa liwanag ng umaga. Ako ang magiging pinakamaligaya kung hahawakan mo ang aking kamay. At palagay akong luluha sa kaligtasan ng iyong mga braso.

[domagedpoet]

tagpuan

sumapit ang gabing na kay tahamik tahimik na parang aking mga bibig na walang makausap sa mga sandali na munting naghihintay na may lumapit nang ikay biglang dumating nagusap nagusap nang nagusap nang nagusap hanggat sa bago dumating ang pagsikat ng araw tila bang ang aking pusoy galak na sa wakas ikay natagpuan tila bang ang aking diway naganahan na sa wakas sa wakas nandirito tayo hindi nagkulang ang mga bituin na hindi tayo nagusap nang umabot narin na akoy onti onting di mawaring mailahad ang totoong nararamdman dahil lang ba ito sa aking pagka-ulila? Dahil lang ba ito sa pagsabik na may maramdaman muli? Dahil lang ba ito sa pagging mag-isa? Pero hindi Alam ko sa sarili ko na totoo ang aking nararamdaman Hintay. Hintay. Hihintayin ko nalang muna Nang sa dumating na ang pinakahihintay kong mangyari Pangalawa na pinakahihintay Nakita narin kita Ninikaw mo ang aking mga salita Salitang mga hindi maibuga Katawan koy nanghina Ngunit ang aking mga ngiti ay umabot sa langit Nang makita ka Makita ang iyong maliliit ngunit puno ng kulay na mga ngiti Makita ang mga mata mong nagsisigawan na kay nagbibigay liwanag sa dilim Walang maibigay kundi ngumiti Kiligin Kiligin Sa isang anghel na napapad sa aking harapan At dun ko nalaman, muli Na gusto talaga ng aking damdamin ang makilala Ang makasama Ang makasalamuha Ang makita Ang marinig Ang maramdaman Na isang tulad mo Mula noon hanggang ngayon Tila bang nakatatak na saking isipan Sa aking memorya ang mga ngitit mata na kay ganda Na kay sabik makita Harap-harapan Sabik na maramdaman ang iyong mga nagpapawis na mga kamay Maramdaman ang iyong malalambot na mga labi Maramdaman ang iyong matang magtitig sa akin Maramdaman ang iyong tunay na nararamdaman tungo sa akin O sinta Ibig kong itoy tumagal Labanan lahat ng hirap Kahit na tayoy magkalayo sa isat isa Ang damdamin koy sayong sayo Na hindi magbabago sa pagitan ng bilang bilang na mga isla Na hindi mababawasan sa pagitan ng hindi pagkikita Ang damdamin koy sayong sayo Sayo ako

kc

[specialsum1]

Bago | Spoken Word Poetry (Original Composition)

Bago ang lahat

Nais Ko lamang malaman mo

Na mahal pa rin kita

Mahal na mahal kita

 Bago pa man may likidong pumatak mula sa mata ko na medyo maalat

Nais ko lamang malaman mo

Na hanggang ngayon, hinihintay pa rin kita

At iingatan kita hanggang sa makaalala ka

 Mahal na mahal kita

 May espesyal na lugar ka pa rin sa puso ko

Kahit sobrang sakit na

Mahal pa rin kita

Kahit tinalikuran mo ako para sa kanya

 Pinipilit mo kasing maging kayo

Kinalimutan mo na tayo

Sabi mo nais mo lamang lumaya

Bakit ka nagpagapos sa kanya?

 Bumigay sa kanyang mga pang-aakit

Ngunit sya’y likas na mapanakit

At pumuno sa’yo ng mga maling hangarin

Inimpluwensyahan ka ng mga masamang gawain

Na nagdudulot upang mga pasakit ay danasin

 Lahat ng pagbabawal

Ay simbolo ng pagmamahal

Oo, hindi ko pinagbibigyan lahat ng gusto mo

Pero binibigay Ko lahat ng kailangan mo

Kabutihan mo lamang ang hangad

Pagmamahal Ko ay sagad

 Pero nagsawa ka

At sya ang pinili mo

Dahil ba hindi Ako nagbabago?

 Mas ninais mong magmukhang timang

Sa kaaasam ng mga bagay na kumikinang

At nagpalutang-lutang na parang hibang

Na mas pinili mong makalimot

Gano’n ba Ako kanakakabagot?

 Nababasa ko ang lahat ng tweet at posts mo

Hindi ka na masaya

Sabi Ko naman kasi sa’yo

Bakit sya pa ang pinili mo

Eh ayaw naman nya sa’yo

 Hindi mo ba alam?

Madamot kaya sya

Gusto ka nyang angkinin

Balak ka nyang sarilinin at paasahin hanggang sa mag-isa ka na lang

At wala nang natitira sa’yo

Kundi ang napakalaking puwang dyan sa puso mo

Na lalamunin ang buong ikaw

Nang di ka na makagalaw

Upang gustuhin mo na lang umayaw at tuluyang bumitaw

 Simula’t sapul

Narito na Ako

Pero sya pa rin ang pinili mo

Dahil ba bago sya sa paningin mo

At mas nagmumukha kang “cool”?

 Pinilit mong makawala

At nagpagala-gala

Pero wala kang kawala

Sa pag-ibig Ko kahit hirap kang maniwala

 Pinilit mong abutin ang rurok

Dinig na dinig ko ang iyong pagtangis nang bumagsak kang pabulusok

Di mo ba naisip na baka masyado kang naging mapusok

At nakalimutan mong kung wala Ako ika’y marupok

 Sa pagnanais ng mga pansamantalang bagay

At pagpilit na bigyang kulay

Ay lalong nawalan ng tingkad ang ‘yong buhay

 Kahit anong gawin mo’y di sapat

‘Pagkat binigay Ko na ang lahat

Binigyan kita ng Kalayaan

Na inabuso mo

Tapos Ako pa rin ang sinisisi mo

 Puso mo ngayo’y puno na ng sakit

Sa kaiisip ng bawat sagot sa lahat ng bakit

 Bakit ka napapagod?

Basta-basta ka na lang kasing sumusugod

Bakit ka nalulunod?

Dahil hindi ka marunong sumunod

 Sa sobrang tigas ng ulo mo

Sa maling alon ka nagpatianod

Pero di pa rin Ako mapapagod

Maghihintay pa rin sa pagbabalik mo

Umaaasa pa ring matatauhan ka at sa wakas ay muling tatawagan Ako

 Hinabol mo s’ya kapalit ng puso mo

Pero tinubos kita kapalit ng langit

Nang mapawi lahat ng pait at sakit

 Nais mong mabuo

Pero hindi yan ang misyon mo

‘Yan ay gawain Ko

Kaya sana wag ka nang lalayo

Narito ako

Pagbuksan mo

 Tumigil ka na sa paghahanap

Ika’y aking mahahagilap

 Bumitaw ka man

Kakapit ako

Lumayo ka man

Lalapit ako

 At sa pagtawag mo

Tutugon Ako na mas mabilis pa sa alas kwatro at tatakbo papalapit sa’yo

Yayakapin ka nang mahigpit na mahigpit

Hanggang sa tuluyan ka nang bumigay at kumapit

 Maraming nawala sa’yo

Oo, tama ka, hindi ko na balak ibalik yun sa’yo

Dahil hindi Ako nagbago

At hinding-hindi Ako magbabago

Araw-araw ang pag-ibig Ko’y bago

Titiyaking di ka na mabibigo

At sisiguraduhin kong patuloy na lalago

 Wag mo nang ipagpilitang hindi kita naiiintindihan

Dahil Ako ang di mo maunawaan

Lahat ng Aking paninita

Ay larawan lamang ng Aking wagas na pagsinta

 Tama na ang kaproproblema sa lahat ng sagot

Ako ang gamot at sagot

Gaano man kalaki yang sinasabi mong problema

Higit Ako kahit pagsama-samahin mo pa sila

 Buksan ang iyong mga mata

Kung may dapat ka mang bitiwan

Bitiwan ang mga hadlang sa tunay mong kaligayahan

Ang makasakit at masaktan ay di maiiwasan

Tigilan mo na ang kalilista ng bawat pagkakamali mo at ng iba sa’yo

Yan ay ikalulunod mo

Walang perpekto sa mundo

Hindi perpekto ang mundong kinahuhumalingan mo

 Panalo ka

Yan ang ipakita mo sa mundo

Tigilan mo na ang pagmumukhang talunan at bigo

Ang kabiguan ay hindi kabaligtaran ng tagumpay

Kundi parte lamang nito

 Wag mo sanang kakalimutan kung sino ka

At kung anong meron ka

Anak kita

Mayro’n kang Ama

 Sumuko ka man

Hindi ka tatalikuran

Sasamahan ka saanman

 Wag ka na sanang makuntento sa pekeng pag-ibig na alay nya

Tatalikuran at iiwan ka ng mundo

Pero sasamahan at hihintayin kita

Bitiwan at talikuran mo man Ako

 Wag mo nang alalahanin ang wasak mong puso

Araw-araw kitang bibigyan ng bago

Buhay mo’y tuluyang isuko

Ako na ang bahala sa’yo

 Bawat kabiguan at panalo

Ay bahagi ng Aking perpektong plano

 Bumagsak ka man

Hindi ka lalagapak

Bibigyan ka ng pakpak

 Handa kang saluhin ng Aking mga kamay

Na ikaw mismo ang bumitaw at nagpako

Sa Akin matatagpuan ang tunay na buhay

Yan ang Aking pangako

 Pag-ibig Ko’y di mapaparam

Balutin ka man ng agam-agam

Gaano ka man kabaon

Ika’y ibabangon

 Wag ka sanang makuntento

Sa pag-ibig na hindi totoo

Heto Ako

Tunay na pag-ibig at di kailanman magbabago

[herwordlessness]

hi, do you have a list of the adaptations you're planning on watching?

you betcha! Wuthering Heights (1939 film)Yoshishige Yoshida’s 1988 Japanese adaptation Wuthering Heights (1970 film)Hihintayin kita sa langit (1991 Filipino adaptation)Wuthering Heights (1998 TV film)Wuthering Heights - (2003 MTV AU) Wuthering Heights - (1978 BBC miniseries)Hurlevent (1985 French adaptation) Abismos de Pasion (1953 Spanish adaptation)Dil Diya Dard Liya (1966 Indian adaptation)

[ndsthoughts]

Mr. Zion Jacob Chelsea, my blessing. Dumating ka sa panahong hindi ko inaasahan, kahit ilang beses na kitang pinaglaban, nirerespeto ko ang iyong paglisan. Dahil kung ang pag-lisan mo ang iyong kaligtasan, hihilingin na lang na tayo’y magkita rin. Di man bukas, pero sa langit din.

Sobrang rough ng daan papunta sa kasiyahan natin, na every time na magiging masaya tayo, laging may kapalit. Laging pinaghihiwalay. Kahit sabihin natin na suportado yung pamilya natin pareho, dadating pa rin sa point na ihihiwalay ka sakin dahil sa sakit mo. Nakatali ka ngayon sa pamilya mo, ni wala tayong magawa kasi gusto ko lang din naman is gumaling ka. Hindi ko inaasahan na posible pala ang mga kwento na napapanuod ko noon sa maala-ala mo kaya. O sa kmjs. Posible pala talaga. At ito na nga yun, itong kwento na natin yon. Na kahit ilang beses kitang ipaglaban, ilalayo ka pa rin sakin. Sobrang hirap lang sa part ko kasi pangalawang chance mo na ‘to, dahil ganito rin ang nangyari noon, natakot ka kaya di ka lumaban. Ngayon, natakot ka na naman. Naiisip ko na baka nga di ako kalaban-laban. At hindi mo na rin kayang lumaban. Iniisip ko nun, kung mahal mo ko, bakit hindi mo kayang lumaban? Pero naisip ko rin na kung mahal kita, bakit kita pipigilan? Alam kong ayaw mo lang din akong masaktan– kaya kahit ang mga salitang ayaw kong marinig na manggaling sayo, na ayaw kong pakawalan mo ko, hinayaan ko na lang pakawalan mo ako dahil sabi mo, di mo deserve lahat ng pagmamahal na ginagawa ko. Hindi ko rin naman inaasahan na sasabihin mo rin yun kagaya ng mga lalaking minahal ko rin. “Di namin deserve yung pagmamahal na binibigay mo ela. May taong mas deserve yan.” Akala ko ikaw na yun. Kasama ka pala dun. Sino ba talaga deserving ng pagmamahal na binibigay ko? Masyado bang sobra kaya ako iniiwan? Masyado bang kulang, kaya di ako pinapanindigan? Ang daming tanong, pero ayoko na hanapin ang kasagutan. Na alam kong ni kahit sino man, walang makakasagot. Hanggang kailan ko ba hahanapin o hihintayin yung taong mananatili dahil sa pagmamahal na nabibigay ko? Hindi ko alam kung ako ba ang may kulang, o talagang wala naman talaga para sa akin? Nakakapanghina, sobrang nakakapanghina. Hindi ko alam kung saan magsisimula, dahil ang gusto ko lang naman ay yung makakabuti para sa ‘yo. Sobrang sakit na akala ko ikaw na yung taong mananatili sakin, dahil tinanggap mo ako ng buong-buo.

Hindi ko na alam kung paano pa kita matutulungan dahil sabi mo ika’y aking iwasan, gagawin ko lahat ng aking makakaya. Dahil kung ang aking pag-iwas ang iyong kagustuhan, paki-siguraduhin lang na ang kapalit nito ay ang iyong pag-galing. Gagaling sa lahat ng sakit, at ako’y mananahimik na. Pangako, huling beses na ito na mababasa mo lahat ng mga salitang manggagaling sa akin. At kung tayo’y magkita man, ako’y ngingiti pa rin, dahil minsan sa aking buhay, nasubukan kong lumaban na walang hinihintay na kapalit, nasubukan kong magmahal ng walang hinihintay na balik, nasubukan kong sumagal nang walang kasiguraduhan. Lahat ng ito ay magagamit ko sa susunod kong yugto.

At kung makita man kita na hawak na ng iba, ako’y ngingiti pa rin, dahil hindi man ako ang iyong binalikan, ako’y mapalad pa rin. Dahil sinubukan mong lumaban, sinubukan mong magpagaling, sinubukan mong sumugal. Hindi nga lang sa akin– pero sa taong gagawin lahat para sayo.

Nakakalungkot na hanggang ngayon, hindi mo ako pinagbigyan ipakita sayo yung mga bagay na kaya ko pang gawin. Wala pa ako sa kalahati eh, meron pa akong mapapatunayan, pero pinahinto mo na ako kaagad. Maiintindihan ko. Ganun kita kamahal. At minsan lang ako magmamahal ng ganito. At para sa aking sarili, maipapangako ko, sarili ko muna. Sobra sobra na lahat ng sakit, ayoko na rin gumamit ng kahit sino mang tao para maging okay, sarili ko muna. Paalam aking zion, hindi hanggang sa muli, kundi hanggang sa langit din.

[ayinisms]

Now Showing: Not the movie remake of "Hihintayin Kita sa Langit" but the netflix Batanes original "Hihintayin Kita sa... Van" (last shot na daw kay gutom na 😂) (at Alapad Hills and Rock Formation) https://www.instagram.com/p/B0LLr6uASQD/?igshid=1nrxp4mndhvao