#hugotpost

[trickramirez]

u.l.a.p.

Naghihintay 

Humihikbi't mata'y kay tamlay 

Paano ba maipababatid 

Ang pag-ibig na umusbong rito sa akin? 

Ipo-ipo'y patuloy na tinatangay 

Mga pag-asang nabuo sa akin sa paglipas ng mga araw 

Unti-unting ginugunaw ng bagyo 

Ang pagkakataon upang baka sakali'y humimbing sa piling mo 

Umaasa 

Kumakapit sa nadaramang walang kasiguraduhan 

Sa mga paru-parong kumikintab t'wing maglalaho na ang araw 

Sa tinig mong hatid sa tenga'y musika 

Sa mga alitaptap na dulot ay ningas sa paligid sa t'wing dilim ay kakagat na Sa'yo 

Sa'yo lamang 

Ipo-ipo'y nariyang muli 

Kinakain ang ligaya't pinapaltan ng pighati 

Bakit ganito giliw? 

Ikaw lamang ang nais ko ngunit ka'y hirap mong makamit 

Handa ka namang ipagtanggol 

Maging ang pag-ulan ng balisong ay aking susuungin para sa iyo 

Ngunit bakit ganito? 

Tila kay taas mo't 'di magagawang abutin ng nilalang na tulad ko? 

Umaasa 

Kumakapit sa apoy na iyong dulot rito sa kalamnan 

Sa mga kulay na dulot mo sa akin 

Sa mga bagong kinang na nabubuo sa t'wing ikaw sa aki'y ngingiti 

O, masasagip mo kaya? 

Ang tindi ng hampas ng alon ng pagnanais kong makasama ka'y magagawa mo rin bang sa aki'y ipadama? 

O baka ako lang? 

O baka ako lamang ang natatanging nag-iisip na may bukas tayong dalawa? 

'Wag mong iwang nakabinbin 

Iyan ang hiling habang nakatingala sa mga bituin 

Mata'y paulit-ulit na ipinipikit 

Pinipilit alalahanin ang mga panahong ka'y kinang 

Lubos ang kintab kung sa'n ako'y sayo't ikaw ay akin lamang 

Umaasa ang puso 

Umaasa sa iyo na 'di mo susunugin ang bawat parte nito 

Ngunit baka ako nga lang talaga 

Baka ako lamang ang paulit-ulit na bumubuo ng paraiso sa isipan 

Pugad na ako lang ang may alam 

Kung sa'n ang mga tauha'y 'di maaaring magtapo kahit na sa kakaunting oras 

Baka nga 

Baka umaasang lamang ang puso 

Umaasang may habambuhay tayo 

Kung sa'n malaya kang mahahagka't mahahawakan ang mga kamay mo 

Ngunit 'di na ko magtatagal 

Bibitiwan ang laso pagkat buong kaloob-looba'y pagal na 

Ito na ang wakas, pahimakas 

Sa isang istoryang wala na namang bukas 

____

(1) ALITAPTAP: Mga Kislap na Itinatak, Alas Dos y Media.

© JPR, 2020

[pogingturtle]

Tara! Samahan nyo ko? Hanapin natin kung saan ba tayo nagkulang at iniwan tayo ng ganun ganun na lang... :(

[notreallysenpai]

Alam mo naman na may iba, ba't papatulan mo pa? Let's learn to respect po.

Notreallysenpai

[hugotnitala]

Yung mas pinili mong saktan,

ung taong walang ibang ginawa

kundi ang mahalin ka.

[samjoytotheworld]

Hindi ko man sabihin...

Mahal kita.

Pero sa ngayon, hangga't hindi ko pa kayang sabihin sayo, hahayaan ko na lamang munang ibulong ito ng puso ko.

Hahayaan ko na lang munang maitago ito sa pagitan ng mga salitang inaawit ko para sayo.

Hahayaan ko na lang munang makiindayog muna ito sa mga melodiya ng duetong sabay nating binubuo.

Hahayaan ko na munang sabihin ng mga mata ko ang mga salitang hindi kayang mamutawi ng mga labi ko.

Hahayaan ko munang maramdaman mo ang katotohanan ng pag-ibig ko sa bawat pagbaluktot at sinkrunadong paggalaw ng ating mga bisig sa simponiyang isinisigaw ng ating mga puso.

Pero sa ngayon, hangga't hindi ko pa nasasabi sayo, hayaan nating pagyamanin ng panahon at ng mga binubuong karanasan at ala-ala ang pag-ibig natin sa isa't-isa.

Sana madama mo, hindi ko man sabihin, na minamahal kita.

[18 October 2017 | Around 9 AM]

[notreallysenpai]

Dear xadnessworld,

It could be, bakit? Not all reasons are reasons to make a person stay. Perphaps may nakita siya'ng bago na mas mapapasaya pa siya or maybe it's because things weren't the way it used to be. Even though may reason nga yung tao, He/She could still have a lot of opportunities kaya nga may iba diyan may third party.

It's the work of the couple to make things work kasi sometimes dami nating expectations yung "kakasal na tayo tapos anak natin chu chu~" like we are minding the future kaya we are more prepared what would happened sa future than to focus kung ano ba dapat gawin sa ngayon.

Iba-iba kasi iniisip natin eii, kaya yun tuloy na pabayaan ang present kasi sobrang excited sa future, di na malayan na bored kasi di na alam anong gawin, nakahanap nang iba tapos dun hanggang mag break.

Don't give a person billions of reasons to stay, kasi once a step back; sa likod niya there is still that 100 opportunities to leave you. Daming tao na single and is ready to mingle, mind you that.

Let him see that you are the reason kung bakit siya mag stay.

- Love, Senpai

Paano kung nawala yung dahilan kung bakit mo ako minahal? Kasabay na rin ba non ang pagkawala mo?

[aracent356]

#HugotPost #SevenYearsAgo (at Doha)

[fredo-go]

"Ang saya pala pagpinaikot ang fidget spinner. Kaya pala masaya sya nung... Pinaikot nya ako." #FidgetSpinner #HugotPost

[thepessimistlover-blog]

pangako

KAPAG NANGAKO AT HINDI TINUPAD,

HINDI DAPAT PANGAKO TAWAG DOON

DAPAT “PAASA”

[trickramirez]

liwayway beams

Minsan, isang pagkakataon

Habang ang ulan ay sagad sa pagbuhos, natagpuan kita

Sa gitna ng mga alon ng pangamba’t pagkakaligaw, nahanap ka

Umangat sa karamihan

Nag-ningning sa dagat ng mga huwad at mapagsamantala

Ikaw, umiilaw

Gumabay sa mga gabing kay dilam at kay panglaw

  Nag-isa mga kaluluwa

Sa daan-daang gulo-gulo, ikaw ang naging kalma ng puso

Ikaw lamang,

Ang nagdulot ng melodiya sa tahimik kong mundo

Labis ang saya at tila sa mga ulap ay handa nang humimbing ng todo

  Ngunit habang may mga alpa at gitarang tumutugtog,

Sa kalagitnaa’y ninakaw ka

Naglaho’t ‘di na muling nasilayan pa

Hanggang sa,

Hanggang nagbalik muli ang mga diablo at katahimikan ang s’yang umugong

Nakakabingi,

At tila pagtulog na lamang ang naging susi;

Upang tumakas,

Upang lungkot sa isipa’y mawaglit

  Nagtiis, umiyak ng labis

Napagod; napagtanto, hanggang pagtingin ay napanis

  Pinatatag, binago;

Binago ng katahimikang noo’y namayani sa aking mundo

Naligaw, natagpuan

Ang indak na kay kulay, sa kaloob-looban ng dibdib ko nahanap

  Binago ang bawat kulay na natatanaw

Sinilaban bawat takip upang katawa’y mas masilayan

Mula puti’t asul ako’y naging itim at pula

Mula payapa, mundo ko’y napuno ng iba’t ibang musika

Madilim, mas uhaw

Kayang ipamalas buong kaluluwa

  Balat ang naging pansalag sa habagat

Balat rin ang magiging bala sa mga salitang dulot ay sugat …

  Ulan na nama’y bumubuhos

Sa bawat patak nito sa aki’y bagong ningning ang dulot

Kakaibang tugtog

Mas maingay, mas mapangahas at mas totoo

  Sumasayaw na muli sa indak na dulot ng dibdib

Kasama ang panibagong balat na handang ibalandra sa hangin

Mas matibay, hindi na kaya pang buwagin

Pagkat larong iyong ginawa’y nilalaro ko na rin

[rejeankarla]

Malabo. Parang tayo. 🤨 #hugotpost #RKSelfie (at Villa Lia's Hotspring resort)

[dyozajomz]

😐😁😄 #Hugot117 #HugotPost

[samjoytotheworld]

Muli

Unti-unti ay natututo akong muli.

Unti-unti ay muling gumagalaw at sumusunod ang aking mga paa sa tugtog at indayog ng mga awiting pag-ibig.

Muli, natututo akong sumayaw nang may kasama.

Muli, nais kong pumikit habang nakahawak sa kamay ng taong alam kong hindi ako bibitiwan at iiwanan, tumigil man ang musika.

Dahan-dahan ay muli kong nararamdaman ang pagnanais kong magtampisaw sa ulan habang ang taong mahal ko ay aking hagkan-hagkan.

Dahan-dahan ay muli kong natututunan ang magbukas ng puso, at magpatuloy ng pag-ibig dito.

Ngayon, nais kong ipasaalang-alang muli ang yapak ng aking mga paa sa nakahawak sa aking mga kamay habang sumasayaw.

Ngayon, natututo akong magmahal muli.

[07 October 2017 | 10:39 PM]

[trickramirez]

kabilang bahaghari

Minsa’y natuwa ang mga kerubin

Isang diamante ang s’yang sa aki’y inihain

Nagdulot ng iba’t-ibang kulay

Mundo’y naging maliwanag, araw ay mas sumikat

Ligaya gabi-gabi ang naghari sa kaibuturan

  Sinamahan sa bawat bagyo

Ipo-ipo’t unos man, sa atin ay walang makakatalo

Masyadong makintab ang bawat piraso

Walang papantay kahit na sino

  Tawanan, hagalpakan at mga madaling araw na akala’y walang wakas

Ngunit naghari muli ang tubig at bawat kulay nati’y kumupas

  Hinati sa dalawa

Hindi na nagawang kumapit, sinta

Nagsugat dalawang mga palad

At tanging pagbitaw na lamang ang s’yang sa atin ay magsasalba

  Lungkot ang dulot

Rosas ng pagsinta’y nalalagasan ng mga talulot

Bumabaha gabi-gabi

Sa unan kung saan mga ulo natin ay dating magkatabi

  Nasaan ka na?

Sinuyod ang mga ulap at hamog araw-araw

Nag-baka sakaling nawa’y naroroon ka

Hinihintay ako at sa palad mo’y may mga bulalakaw

  Sa kabilang bahaghari, naroroon ka kaya?

Mga init ng yakap ng pangungulila’y nadarama mo rin kaya?

May bagyo rin ba ng pagnananais na makita ako sa iyong kama?

Iniisip mo rin kaya ako sa t’wing dilim sa kalangita’y kakagat na?

  Sa kabilang bahaghari, may pagkakataon pa rin ba?

May halaga pa rin kaya ang mga pangakong binitawan noong una?

Maaalala mo pa rin kaya ang mga awiting sinulat ko sa iyo sa ilalim ng Luna?

Magagawa mo pa rin bang umindayog kasabay ko sa kaparehong musika?

  Sa kabilang bahaghari, sa wakas, matutuloy na kaya?

Ang pinutol ng balaraw na nakaraa’y mapagdudugtong-dugtong ba nating dalawa?

Ang mga tululot ng rosas na nalagas, magbabalik kaya?

Magbabalik ka ba sa akin, sinta?

  Pagkat hihintayin kita

Hinihintay kita rito

Kung saan may awitan at indakang walang patid

Iindayog tayong muli at walang makakapigil

  Sa kabilang bahaghari

Kung saan may ikaw at ako sa huli

Istorya nating nagwakas noong una

Dito magaganap at mas kikintab

[definitely-k]

At dumating na nga ang araw Araw na hindi ko inaasam asam na dumating Ang araw kung saan nararamdaman kong unti unti Unti unti nang nagbabago Ang pagkakaibigang ating binuo Hindi ko alam kung ako lang ba ito o ano Pero batid kong hindi na tayo katulad ng dati Hindi ko maiwasang itanong sa sarili, Kasalanan ko ba kung bakit nagkaganito? Kasalanan ko nga ba? Siguro nga ay oo Kasalanan nga ang mahulog sa taong ito Sa taong dapat ay kaibigan lamang At oo, inaamin kong Nagkamali ako, dahil simula't sapul Alam kong walang patutunguhan ang mahulog sa isang taong katulad mo. Subalit hindi ko inaasahang ganito pala Ganito pala ang kahihinatnan nito Kung alam ko lang sana Sana itinigil ko na ang kahibangang ito Kung alam ko lang na ito ang ikasisira ng ating pagkakaibigan Sana iniwasan ko na umpisa palang Pasensya ka na Sa damdaming hindi ko napigilan Sa pagbabaka sakaling meron Pero wala naman talaga. Huwag kang magalala Susubukan kong ito na ang huli Huling beses na aasa akong magkakaroon ng tayo Gagawin ko ang lahat Masakit, oo pero para sayo at sakin na rin Gagawin ko. Huwag kang magalala.