#सामन्याला

[airnews-arngbad]

Regional Marathi Text Bulletin, Chhatrapati Sambhajinagar Date - 08 November 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक ०८ नोव्हेंबर २०२४ दुपारी १.०० वा.

भ्रष्टाचार हा एक आजार असून तो मुळापासून उखडून टाकला पाहिजे, असं प्रतिपादन राष्ट्रपती द्रौपदी मुर्मू यांनी केलं. आज नवी दिल्ली इथं केंद्रीय दक्षता आयोगाच्या दक्षता जागरूकता सप्ताहानिमित्त आयोजित कार्यक्रमात राष्ट्रपती मुर्मू बोलत होत्या. विश्वास हा समाजाचा पाया असून भ्रष्टाचारामुळे समाजातील विश्वास कमी होतो, असंही त्या यावेळी बोलताना म्हणाल्या. भ्रष्टाचाराचा सामना करण्यासाठी थेट लाभ हस्तांतरण योजनेसारखे उपक्रम शासनातर्फे राबवले जात असल्याचं त्यांनी यावेळी सांगितलं.

नवी दिल्लीत आज पासून दुसऱ्या सैन्य परंपरा उत्सवाला सुरुवात होत आहे. भारताचे राष्ट्रीय सुरक्षा धोरण, परराष्ट्र नीती, लष्कराचा इतिहास आणि वारसा यांचा अभ्यास करणारे शिक्षणतज्ज्ञ आणि संशोधक या महोत्सवात सहभागी होणार आहेत. याचबरोबर लष्कराच्या शौर्य गाथा प्रकल्पाचा शुभारंभही यावेळी होणार आहे. शिक्षण आणि पर्यटनाच्या माध्यमातून देशाच्या लष्करी परंपरांचं संवर्धन आणि प्रसार करणे हा या महोत्सवाचा उद्देश आहे.

पंतप्रधान नरेंद्र मोदी यांच्या राज्यातल्या प्रचारसंभांना आजपासून सुरुवात झाली. आज पहिली सभा धुळ्यात मालेगाव रोड, महात्मा गांधी तत्वज्ञान केंद्राजवळ पांजरापोळ गोशाळा इथं सुरू झाली आहे. त्यानंतर दुपारी नाशिक इथं तपोवन परिसरात मोदी यांची सभा होणार आहे. या सभेच्या निमित्ताने प्रशासनाने जय्यत तयारी केली असून, सुरक्षा व्यवस्था चोख आहे. तपोवनासह सुमारे ११ मार्गांवरील वाहतुकीवर निर्बंध घालण्यात आले आहेत. महायुतीततल्या घटक पक्षांचे वरिष्ठ नेते या सभांना उपस्थित राहणार आहेत.

दरम्यान, भाजपनेते, केंद्रीय गृहमंत्री अमित शहा यांची सांगली इथं सभा सुरू आहे. त्यानंतर ते सातारा जिल्ह्यात कराड इथं जाहीरसभा घेणार आहेत. शिवसेना नेते मुख्यमंत्री एकनाथ शिंदे यांच्या आज धाराशिव जिल्ह्यात तीन प्रचारसभा होणार आहेत. यात परंडा, धाराशिव आणि उमरगा इथले महायुतीचे उमेदवार अनुक्रमे डॉक्टर तानाजी सावंत, अजित पिंगळे आणि ज्ञानराज चौगुले यांच्या प्रचारासाठी या सभा होत आहेत.

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांची आज परभणी जिल्ह्यात सेलू इथं आणि हिंगोली जिल्ह्यात वसमत इथं प्रचार सभा होणार आहे. काँग्रेसचे प्रदेशाध्यक्ष नाना पटोले यांच्या आज लातूर इथं तीन सभा होणार आहेत. लातूर शहर मतदारसंघाचे उमेदवार आमदार अमित देशमुख आणि लातूर ग्रामीण मतदारसंघाचे उमेदवार धीरज देशमुख यांच्या प्रचारार्थ लातूर शहर तसंच निलंगा आणि गंजगोलाई इथं या सभा होणार आहेत.

आचारसंहिता काळात राज्यभरात सी-व्हिजिल ॲपवर कालपर्यंत एकूण तीन हजार एकशे अठ्ठावीस तक्रारी प्राप्त झाल्या असून, त्यापैकी तीन हजार एकशे बारा तक्रारी निवडणूक आयोगाकडून निकाली काढण्यात आल्या आहेत. मुख्य निवडणूक अधिकारी कार्यालयानं ही माहिती दिली. राज्य आणि केंद्र शासनाच्या विविध अंमलबजावणी यंत्रणांद्वारे करण्यात आलेल्या कारवाईत बेकायदा पैसे, दारू, अंमली पदार्थ आणि मौल्यवान धातू या स्वरूपात एकूण ३०४ कोटी ९४ लाख रुपयांची मालमत्ता जप्त करण्यात आल्याचं याबाबतच्या वृत्तात म्हटलं आहे.

रेल्वे प्रवाशांच्या सोयीसाठी भारतीय रेल्वेनं आजपासून १६४ विशेष गाड्या चालवण्याचा निर्णय घेतला आहे. यादृष्टीनं रेल्वेनं ४७६ गाड्यांचं नियोजन केलं आहे. रेल्वे विभागातर्फे आतापर्यंत चार हजार ५२१ रेल्वे गाड्या चालवण्यात आल्या असून ६५ लाख प्रवाशांनी याचा लाभ घेतल्याची माहिती रेल्वे मंत्रालयानं दिली आहे. या महिन्याच्या चार तारखेला एकाच दिवसात तीन कोटींपेक्षा जास्त प्रवाशांनी रेल्वे प्रवास केल्याचंही मंत्रालयानं सांगितलं.

नांदेड बिदर महामार्गावर एकुर्का रोडवर टेम्पो आणि कारच्या भिषण अपघातात एकाच कुटुंबातील चार जण ठार झाल्याची घटना काल दुपारी घडली. कारमधील सर्वजण कपड्यांच्या खरेदीसाठी उदगीर इथं जात असताना समोरून येणाऱ्या भरधाव टेम्पोने कारला धडक दिली. यात आई, दोन विवाही�� मुली आणि नातीचा जागीच मृत्यू झाला. तर अन्य तिघे जण गंभीर जखमी झाले आहेत.

भारताचा उदयोन्मुख बुद्धिबळपटू अर्जून इरिगाईसी यानं फिडे जागतिक बुद्धिबळ क्रमवारीत दुसरे स्थान पटकावलं आहे. काल चेन्नई ग्रांड मास्टर्स स्पर्धेच्या तिसऱ्या फेरीअखेर त्यानंतर अॅलेक्सी सरानावर विजय मिळवला.

भारत आणि दक्षिण आफ्रिकेदरम्यान चार टी - ट्वेंटी क्रिकेट सामन्यांच्या मालिकेतला पहिला सामना आज डरबन इथं खेळला जाणार आहे. सूर्यकुमार यादवच्या नेतृत्वात ही मालिका होत आहे. भारतीय वेळेनुसार रात्री साडे आठ वाजता सामन्याला सुरुवात होईल.

कोरिया बॅडमिंटन मास्टर्स स्पर्धेच्या पुरुष एकेरीच्या उपांत्य फेरीत भारताच्या किरण जॉर्जने आपलं स्थान निश्चित केलं आहे. आज सकाळी उपांत्यपूर्व फेरीत त्याने जपानच्या खेळाडूचा २१-१४, २१-१६ असा पराभव केला. तत्पूर्वी, काल झालेल्या उपउपांत्यपूर्व फेरीत जॉर्जने तैवानच्या खेळाडूचा पराभव केला.

[bharatlivenewsmedia]

भारत-पाकिस्तान क्रिकेट सामन्याला मनसेचा विरोध; देशपांडे म्हणाले, बाळासाहेबांना…

https://bharatlive.news/?p=108213 भारत-पाकिस्तान क्रिकेट सामन्याला मनसेचा विरोध; देशपांडे म्हणाले, ...

[marathinewslive]

शिखर धवनचा इशान किशन, शुभमन गिल सोबतचा डान्स तुम्हाला तुडवेल. पहा | क्रिकेट बातम्या

शिखर धवनचा इशान किशन, शुभमन गिल सोबतचा डान्स तुम्हाला तुडवेल. पहा | क्रिकेट बातम्या

झिम्बाब्वेविरुद्धच्या आगामी तीन एकदिवसीय सामन्यांच्या मालिकेपूर्वी, टीम इंडिया हरारे येथे विजय मिळविण्यासाठी सज्ज झाली आहे. वेस्ट इंडिजविरुद्धच्या पांढऱ्या चेंडूंच्या मालिकेवर हक्क सांगितल्यानंतर टीम इंडिया हरारेमध्ये पोहोचल्यामुळे आत्मविश्वासाने बहरला आहे. झिम्बाब्वे विरुद्धच्या पहिल्या एकदिवसीय सामन्याला अवघा एक दिवस बाकी असताना भारताने धडाकेबाज फलंदाजी केली शिखर धवन सहकारी सहकाऱ्यांसोबत…

[darshaknews]

समरस्लॅममध्ये रोमन रेन्स विरुद्ध ब्रॉक लेसनर मॅच बुक करणे ही WWE ची सर्वात मोठी चूक का आहे?

समरस्लॅममध्ये रोमन रेन्स विरुद्ध ब्रॉक लेसनर मॅच बुक करणे ही WWE ची सर्वात मोठी चूक का आहे?

WWE समरस्लॅम 2022 साठी कोणतीही कसर सोडू इच्छित नाही. या कारणास्तव, त्याने समरस्लॅम 2022 साठी रोमन रेन्स विरुद्ध ब्रॉक लेसनर सामना जाहीर केला आहे. हा सामना अधिक मनोरंजक बनवण्यासाठी त्याने हा शेवटचा मॅन स्टँडिंग सामना बनवला आहे. त्यानंतर अनेक चाहते या सामन्याला चुकीचे बुकिंग म्हणत आहेत. अशा परिस्थितीत, या लेखात आम्ही कोक करतो की WWE ने हा सामना बुक करून मोठी चूक का केली आहे. रोमन रेन्सचा चॅम्पियन…

[granddreamerkingdom]

महिला वर्ल्डकप २०२२, भारत विरुद्ध पाकिस्तान लाईव्ह अपडेट- टीम इंडिया विजयाच्या उंबरठ्यावर

महिला वर्ल्डकप २०२२, भारत विरुद्ध पाकिस्तान लाईव्ह अपडेट- टीम इंडिया विजयाच्या उंबरठ्यावर

माउंट माउंगानुई: आयसीसी महिला वर्ल्डकपमध्ये भारत आणि पाकिस्तान (India vs Pakistan Cricket Match)यांच्यातील सामन्याला सुरूवात झाली आहे. या सामन्यात भारतीय संघाने टॉस जिंकून प्रथम फलंदाजी करण्याचा निर्णय घेतला आहे. जाणून घ्या या सामन्याचे लाईव्ह अडपेट महाराष्ट्र टाईम्�� सोबत…भारत विरुद्ध पाकिस्तान लाईव्ह अपडेट (India vs Pakistan Cricket Match) >> >> भारताला विजयासाठी एका विकेटची गरज >> राजेश्वरी…

[kokannow]

दिल्लीच्या बॅटिंगला सुरुवात

पृथ्वी शॉ-शिखर धवन सलामी जोडी मैदानात​ मुंबई : आयपीएलच्या १४ व्या हंगामातील ७ वा  सामना राजस्थान रॉयल्स  विरुद्ध दिल्ली कॅपिट्ल्स  यांच्यात खेळवण्यात येत आहे. या सामन्याला सुरुवात झाली आहे. मुंबईतील वानखेडे स्टेडियमवर ही मॅच खेळवण्यात येत आहे. राजस्थानने टॉस जिंकून दिल्लीला फलंदाजीसाठी आमंत्रित केलं आहे. त्यामुळे रिषभ पंतची दिल्ली प्रथम बॅटिंग करत आहे. उभय संघांनी या मोसमातील पहिला सामना खेळला…

[rajnetanewscom]

MI vs RCB Live Score, IPL 2021 | मुंबईला चौथा धक्का, हार्दिक पांड्या आऊट

MI vs RCB Live Score, IPL 2021 | मुंबईला चौथा धक्का, हार्दिक पांड्या आऊट

चेन्नई : आयपीएलच्या 14 व्या मोसमातील (IPL 2021) पहिला सामन्याला सुरुवात झाली आहे. हा सलामीचा सामना मुंबई इंडियन्स (Mumbai Indins) विरुद्ध रॉयल चॅलेंजर्स बंगळुरु (Royal Challengers Banglore) यांच्यात खेळवण्यात येत आहे. बंगळुरने टॉस जिंकून रोहित शर्माच्या मुंबई इंडियन्सला बॅटिंगसाठी भाग पाडले आहे. हा सामना चेन्नईतील एम ए चिदंबरम स्टेडियममध्ये (MA Chidambaram Stadium) खेळण्यात येत आहे. मुंबईला चौथा…

[airnews-arngbad]

Regional Marathi Text Bulletin, Chhatrapati Sambhajinagar

Date - 01 November 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०१ नोव्हेंबर २०२४ दुपारी १.०० वा.

****

रेल्वे तिकिटांचं आरक्षण आता १२० दिवसांऐवजी ६० दिवस आधी करता येणार आहे. भारतीय रेल्वे विभागानं आजपासून, म्हणजेच १ नोव्हेंबरपासून हा बदल लागू केला आहे. काल ३१ ऑक्टोबरपर्यंत आरक्षित केलेल्या तिकिटांमध्ये मात्र कुठलाही बदल करण्यात येणार नाही. विदेशी पर्यटकांना रेल्वे तिकिटं ३६५ दिवस आधी, अर्थात १ वर्ष आधी आरक्षित करावी लागतात. यातही  कोणताच बदल करण्यात आलेला नाही. या नवीन आरक्षण प्रणालीमुळे रेल्वे तिकिटांचा काळाबाजार आणि संग्रह कमी होईल, प्रवाशांसाठी अधिक तिकिटं उपलब्ध राहतील आणि तिकिटं रद्द होण्याचं प्रमाण कमी होण्यासही मदत होईल, असं रेल्वे विभागानं म्हटलं आहे.

****

ज्येष्ठ अर्थतज्ज्ञ आणि पंतप्रधानांचे माजी आर्थिक सल्��ागार, पद्मश्री विवेक देबरॉय यांचं आज सकाळी निधन झालं. ते ६९ वर्षांचे होते. पुण्यातल्या गोखले इन्स्टिट्यूट ऑफ पॉलिटिक्स अँड इकॉनॉमिक्सच्या कुलगुरू पदावरून अजित रानडे यांना हटवण्याच्या निर्णयाला मुंबई उच्च न्यायालयानं स्थगिती दिल्यानंतर, देबरॉय यांनी सप्टेंबर महिन्यात कुलपतीपदाचा राजीनामा दिला होता.

पंतप्रधान नरेंद्र मोदी यांनी देबरॉय यांच्या योगदानाबद्दल कृतज्ञता व्यक्त केली आहे. ‘देबरॉय हे ज्ञानी व्यक्तिमत्व होतं. अर्थकारण, इतिहास, संस्कृती, अध्यात्म अशा विविध विषयांचा त्यांचा गाढा अभ्यास होता. सामान्य माणसाला केंद्रस्थानी ठेवून देशाची ध्येयधोरणं ठरवण्यात ते पारंगत होते, असं पंतप्रधानांनी आपल्या शोकसंदेशात म्हटलं आहे.

****

कर्नाटक, केरळ, छत्तीसगढ, हरयाणा आणि मध्‍यप्रदेश या राज्यांचा आज स्थापना दिन. पंतप्रधान नरेंद्र मोदी यांनी या चारही राज्यातल्या नागरिकांना सामाजिक माध्यमांवरील संदेशाद्वारे शुभेच्छा दिल्या आहेत.

****

१९ किलो वजनाच्या व्यावसायिक गॅस सिलिंडरच्या दरात आज ६२ रुपयांची वाढ झाली आहे. आजपासून हे नवे दर लागू झाले आहेत. विमानाचं इंधन, म्हणजेच ATF च्या किमतीत ३ हजार रुपये प्रति किलो याप्रमाणे वाढ झाली आहे. घरगुती गॅस सिलिंडरच्या दरात मात्र कोणतीही वाढ किंवा कपात झालेली नाही.

****

शिवसेना शिंदे गटाचे मुंबईतले माहीमचे उमेदवार सदा सरवणकर यांनी, आपण निवडणूक लढवण्यावर ठाम असून कदापि माघार घेणार नाही, असं आज पुन्हा म्हटलं आहे. ते आज पत्रकारांशी बोलत होते. महाराष्ट्र नवनिर्माण सेनेचे अध्यक्ष राज ठाकरे यांचे पुत्र अमित ठाकरे यांनी माहीम मतदारसंघातून उमेदवारी अर्ज भरला असून, भारतीय जनता पक्षानं त्यांना पाठिंबा दिला आहे. यासंदर्भात वर्षा या शासकीय निवासस्थानी जाऊन मुख्यमंत्री एकनाथ शिंदे यांची भेट घेण्याचा आपण प्रयत्न केला, मात्र त्यांची  भेट होऊ शकली नाही, असं सरवणकर यांनी सांगितलं.

****

शासनमान्य हमीभाव खरेदी केंद्रावर सोयाबीन विक्रीसाठी आणण्यापूर्वी शेतकऱ्यांनी ते व्यवस्थित वाळवावं, त्यातलं आर्द्रतेचं प्रमाण १२ टक्क्यांपेक्षा कमी असल्याची, तसंच ते सोयाबीन एफ-ए-क्यू दर्जाचं असल्याची खात्री करावी, असं आवाहन नांदेड जिल्हा म���र्केटिंग फेडरेशनने केलं आहे. विक्रीकरिता आणलेलं सोयाबीन जास्त आर्द्रतेमुळे परत नेण्याची वेळ येऊ नये, यासाठी सोयाबीनचे नमुने खरेदी केंद्रावर आणून त्यातील आर्द्रता तपासावी, असं त्यांनी म्हटलं आहे.

****

छत्रपती संभाजीनगर इथल्या डॉ.बाबासाहेब आंबेडकर मराठवाडा विद्यापीठाला राष्ट्रीय अधिस्वीकृती आणि अधिमान्यता परिषद-नॅकच्या वतीनं काल अपेक्षित गुणनिकष पूर्ण केल्याबद्दल 'ए-प्लस' मानांकन जाहीर करण्यात आलं आहे. मराठवाड्यात बहुजन समाजासाठी शिक्षणाची दारे खुले करून देणाऱ्या भारतरत्न डॉ. बाबासाहेब आंबेडकर यांच्या विचारांचा वसा आणि वारसा घेऊन विद्यापीठ पुढे जात असून, आगामी काळात देखील विद्यापीठाचा शैक्षणिक दर्जा उंचावण्याचा प्रयत्न करू अशी भावना, कुलगुरू डॉ. विजय फुलारी यांनी व्यक्त केली आहे.

****

भारत आणि न्यूझीलंड यांच्यातल्या तीन कसोटी क्रिकेट सामन्यांच्या मालिकेतला तिसरा आणि अंतिम सामना आजपासून मुंबईत वानखेडे स्टेडीयमवर खेळला जात आहे. सकाळी साडे नऊ वाजता या सामन्याला सुरुवात झाली. शेवटचं वृत्त हाती आलं तोपर्यंत न्युझीलंडच्या तीन बाद १२५ धावा झाल्या आहेत. न्यूझीलंडने या मालिकेतले दोन सामने जिंकून दोन-शून्य अशी विजयी आघाडी घेतली आहे.

****

प्रादेशिक हवामान विभागाच्या अंदाजानुसार आज मराठवाड्यात तुरळक ठिकाणी हलक्या ते मध्यम स्वरूपाच्या पावसाची शक्यता वर्तवण्यात आली आहे. त्यानंतर हवामान कोरडं राहील, असा अंदाजही हवामान विभागानं वर्तवला आहे.

दरम्यान, रत्नागिरी जिल्ह्यात काल सायंकाळी, तर सांगलीत आज सकाळी जोरदार पाऊस झाला. सांगली जिल्ह्यातल्या मिरज, तासगाव, कवठे महांकाळ, आटपाडी आणि पलूस तालुक्यांमध्ये अनेक ठिकाणी आज सकाळी मेघगर्जनेसह जोरदार पाऊस झाला. या पावसाचा द्राक्ष पिकाला मोठा फटका बसला आहे.

****

[bharatlivenewsmedia]

France Vs Morocco: मोरोक्को आणखी एक धक्का देण्यास सज्ज, पण फ्रान्सच्या वादळासमोर कसं टिकणार?

France Vs Morocco: मोरोक्को आणखी एक धक्का देण्यास सज्ज, पण फ्रान्सच्या वादळासमोर कसं टिकणार?

France Vs Morocco: मोरोक्को आणखी एक धक्का देण्यास सज्ज, पण फ्रान्सच्या वादळासमोर कसं टिकणार? France Vs Morocco Semi Final Preview: मोरोक्को आणि फ्रान्स यांच्यात सेमी फायनलचा सामना होणार आहे. हा सामना आज रात्री उशीरा १२:३० वाजता अल बायत स्टेडियमवर रंगणार आहे. मोरोक्कोचा संघ पहिल्यांदाच सेमी फायनल खेळणार आहे. मोरोक्कोवर १९१२ ते १९५६ दरम्यान फ्रान्सचे राज्य होते. त्यामुळे या सामन्याला सांस्कृतिक…

[marathinewslive]

भारत विरुद्ध वेस्ट इंडीज: दुसऱ्या T20I ला दोन तास उशीर, हे कारण आहे | क्रिकेट बातम्या

भारत विरुद्ध वेस्ट इंडीज: दुसऱ्या T20I ला दोन तास उशीर, हे कारण आहे | क्रिकेट बातम्या

भारत आणि वेस्ट इंडिज यांच्यातील दुसऱ्या T20 सामन्याला लॉजिस्टिक समस्यांमुळे विलंब झाला आहे. सोमवारी भारतीय वेळेनुसार रात्री 8 वाजता सुरू होणारा सामना आता भारतीय वेळेनुसार रात्री 10 वाजता सुरू होईल. “सीडब्ल्यूआयच्या नियंत्रणाबाहेरच्या परिस्थितीमुळे, त्रिनिदादहून सेंट किट्समध्ये महत्त्वपूर्ण संघाचे सामान येण्यास लक्षणीय विलंब झाला आहे. परिणामी, आजचा दुसरा गोल्डमेडल T20 चषक सामना दुपारी 12:30 वाजता…

[darshaknews]

IPL 2022: RCB चे '23 एप्रिल' पासून खास कनेक्शन, हे आकडे अतिशय धक्कादायक आहेत.

IPL 2022: RCB चे ’23 एप्रिल’ पासून खास कनेक्शन, हे आकडे अतिशय धक्कादायक आहेत.

रॉयल चॅलेंजर्स बंगलोर (RCB) आणि सनरायझर्स हैदराबाद (SRH) यांच्यात खेळल्या गेलेल्या IPL 2022 च्या 36 व्या सामन्यात विराट कोहली गोल्डन डकवर आऊट झाला. त्याचवेळी आरसीबीच्या उर्वरित फलंदाजांनीही निराशाजनक कामगिरी केल्याने संघ अवघ्या 68 धावांवर आटोपला. या सामन्यात रॉयल चॅलेंजर्स बंगळुरूला (आरसीबी) लाजिरवाण्या सामन्याला सामोरे जावे लागले. हा सामना 23 एप्रिल रोजी खेळला गेला आणि या दिवशी RCB ने त्यांची…

[headlinemarathi]

खुशखबर! टीम इंडियाच्या ‘या’ सामन्यापासून प्रेक्षकांनाही स्टेडियममध्ये प्रवेश एका सामन्याला प्रेक्षकांना स्टेडियममध्ये प्रवेश मिळणार | #IndvsAus #BoxingDay #AllowMaximum25kSpectators http://www.headlinemarathi.com/sports-news-marathi/team-india-vs-australia-boxing-day-test-mcg-to-allow-maximum-25k-spectators/?feed_id=15611&_unique_id=5f9a379076a73

[granddreamerkingdom]

गेल्या ४० वर्षात कधीच भारताचा पराभव झाला नाही; रोहित शर्माला कायम ठेवायचाय हा विक्रम

गेल्या ४० वर्षात कधीच भारताचा पराभव झाला नाही; रोहित शर्माला कायम ठेवायचाय हा विक्रम

नवी दिल्ली: भारत आणि श्रीलंका यांच्यात मोहाली येथे ४ मार्चपासून पहिली कसोटी मॅच होणार आहे. ही कसोटी विराट कोहलीच्या करिअरमधील १००वी कसोटी आहे. त्यामुळे या सामन्याला ऐतिहासिक स्वरुप आले आहे. त्याच बरोबर या लढतीपासून रोहित शर्मा कसोटी संघाचे नेतृत्व करेल. नुकतीच त्याची कसोटी संघाच्या कर्णधारपदी नियुक्ती केली होती. वनडे आणि टी-२० मालिके प्रमाणेच आता पहिल्या कसोटी मालिकेत विजयाने सुरूवात करावी अशी…

[kokannow]

सावंतवाडीचा सुपुत्र आज दुबईत मैदान गाजवणार !!! आयपीएलच्या आजच्या कोलकाता आणि मुंबई या सामन्यात सावंतवाडीचा सुपुत्र निखिल नाईकला संधी मिळालीय. काही वेळात सामन्याला सुरुवात होणार असून निखिल त्यावेळी मैदानावर क्षेत्ररक्षण करताना दिसेल.

[mhlivenews]

विजयी संघ होणार मालामाल

विजयी संघ होणार मालामाल

मुंबई -अक्षय घुगे  मागील दोन वर्षांपासून सुरु असलेल्या वर्ल्ड टेस्ट चॅम्पियनशिपचा अंतिम सामना काही दिवसांवर येऊन ठेपला आहे. आयसीसी क्रमवारीत (ICC Ranking) अव्वल स्थानावर असणाऱ्य़ा न्यूझीलंड आणि भारत (New Zealand vs India) यांच्यात इंग्लंडमध्ये 18 जूनपासून सामन्याला सुरुवात होणार आहे. संपूर्ण क्रिकेट जगत वाट पाहत असलेल्या या सामन्यातील विजयी संघाला कोट्यावधींच्या बक्षिसासह आकर्षक आणि मानाची ट्रॉफी…

[airnews-arngbad]

Regional Marathi Text Bulletin, Chhatrapati Sambhajinagar

Date 01 November 2024

Time 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: ०१ नोव्हेंबर २०२४ सकाळी ११.०० वाजता.

****

दिवाळीचा सण देशभर उत्साहात आणि आनंदात साजरा होत आहे. राष्ट्रपती द्रौपदी मुर्मू, उपराष्ट्रपती जगदीप धनखड आणि पंतप्रधान नरेंद्र मोदी यांनीदेखील देशवासीयांना दिवाळीच्या शुभेच्छा दिल्या आहेत. आज अश्विन अमावस्येला संध्याकाळी घरोघरी पारंपरिक पद्धतीनं लक्ष्मीपूजन केलं जाईल. या लक्ष्मीपूजनासाठी कमळासह विविध प्रकारची फुलं, नैवेद्यासाठी नाना तऱ्हेची पक्वान्नं, पूजेसाठी फडे-केरसुण्या, लक्ष्मीला अर्पण करण्याची शुभचिन्हं आणि सौभाग्यालंकार, तसंच विविध पूजा साहित्याची दुकानं सजली आहेत. रोषणाईच्या विविध प्रकारच्या माळा आणि दिवे, तसंच कृत्रिम फुलांची तोरणं खरेदी करण्याकडे नागरिकांचा ओघ दिसून येत आहे.

****

राज्य विधानसभा निवडणुकीच्या रणधुमाळीत विविध राजकीय पक्षांनी आपापल्या उमेदवारांसाठी प्रचाराची मोर्चेबांधणी केली आहे. महायुतीच्या उमेदवारांच्या प्रचारासाठी पंतप्रधान नरेंद्र मोदी राज्यात विविध ठिकाणी प्रचारसभा घेणार असून, त्यातली पहिली सभा येत्या ८ नोव्हेंबरला धुळ्यात होत आहे. कॉँग्रेस नेते राहुल गांधीदेखील ६ नोव्हेंबर रोजी महाविकास आघाडीच्या प्रचारासाठी राज्यात येणार आहेत. ते नागपूर आणि मुंबईमध्ये आयोजित कार्यक्रमांना हजेरी लावतील, असं कॉँग्रेस पक्षातर्फे सांगण्यात आलं आहे.

****

मध्य रेल्वेतर्फे सरदार वल्लभभाई पटेल यांच्या जयंती निमित्त २८ ऑक्टोबरपासून ते ३ नोव्हेंबरपर्यंत दक्षता जागरूकता सप्ताह पाळण्यात येत आहे. "राष्ट्राच्या समृद्धीसाठी अखंडतेची संस्कृती" ही या सप्ताहाची संकल्पना आहे. या सप्ताहात चर्चासत्र, ‘मस्त कलंदर’ हा लघुपट, ‘सुबोध’ या विशेष वृत्त बुलेटिनचे अनावरण, तसंच वादविवाद, निबंध, रेखाचित्रे, घोषवाक्य, स्किट्स आणि लघुपट  यासारख्या स्पर्धा घेण्यात आल्या.

****

विविध राज्यं, तसंच केंद्रशासित प्रदेशात कार्यरत केंद्रीय सशस्त्र पोलीस दल आणि केंद्रीय पोलीस संघटनांच्या ४६३ कर्मचाऱ्यांना काल केंद्रीय गृहमंत्री दक्षता पदकं प्रदान करण्यात आली. तपास, विशेष मोहीम, फॉरेन्सिक सायन्स या क्षेत्रात सर्वोत्तम कार्य केल्याबद्दल हे पुरस्कार दिले जातात. यावर्षी १ फेब्रुवारीपासून केंद्रीय गृहमंत्री दक्षता पुरस्कार देण्याची सुरुवात झाली आहे. दरवर्षी सरदार वल्लभभाई पटेल यांच्या जयंतीदिवशी, म्हणजेच ३१ ऑक्टोबर रोजी या पुरस्कारांची घोषणा केली जाईल, असं गृहमंत्रालयानं म्हटलं आहे.

****

नांदेड विधानसभा मतदार संघातल्या नऊपैकी तीन विधानसभा क्षेत्रातून काल २१ अर्ज मागे घेण्यात आले. अर्ज मागे घेणाऱ्यांमध्ये एकापेक्षा अधिक अर्ज दाखल करणारे उमेदवार, तसंच अपक्ष उमेदवारांचा समावेश आहे. भोकरमध्ये सर्वाधिक १७ अपक्ष उमेदवारांनी, तर नायगाव आणि लोहा विधानसभा मतदारसंघात प्रत्येकी दोन उमेदवारांनी अर्ज मागे घेतले आहेत. ४ नोव्हेंबर अर्ज मागे घेण्याची अंतिम मुदत आहे.

दरम्यान, नांदेड जिल्ह्यात निवडणूक प्रशिक्षणादरम्यान गैरहजर असलेल्या २०१ कर्मचाऱ्यांपैकी खुलासा सादर न करणाऱ्या ८२ जणांवर तात्काळ गुन्हे नोंदवण्याची प्रक्रिया सुरू करण्याचे आदेश नांदेड दक्षिणचे निवडणूक निर्णय अधिकारी तथा उपविभागीय अधिकारी डॉ. सचिन खल्लाळ यांनी दिले आहेत. आजपर्यंत २४ मतदान केंद्राध्यक्ष, ३२ प्रथम मतदान अधिकारी आणि ६३ इतर मतदान अधिकाऱ्यांनी खुलासा सादर केला आहे.

****

कोल्हापूर उत्तर विधानसभा मतदारसंघातल्या काँग्रेसच्या आमदार जयश्री चंद्रकांत जा��व आणि उद्योजक सत्यजित जाधव यांनी काल मुंबईत मुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. आमदार जाधव यांची शिवसेनेच्या उपनेतेपदी निवड करण्यात आली आहे.

****

ठाणे जिल्ह्यातील १८ विधानसभा मतदारसंघात काल दुपारी साडे तीन वाजेपर्यंत ३४८ तक्रारी प्राप्त झाल्या. यापैकी ३२४ दखलपात्र तक्रारींमधून ३०६ तक्रारींचं १०० मिनिटांच्या आत निराकरण करण्यात आलं असून, उर्वरित तक्रारींचंही निराकरण करण्याच्या दृष्टीनं आवश्यक कार्यवाही सुरू आहे.

निवडणुकीदरम्यान काही अनियमितता किंवा आचारसंहिता भंगाच्या घटना आढळून आल्यास नागरिकांना “सी व्हिजिल” या ॲप्लिकेशनच्या माध्मातून संदेश, फोटो, व्हिडिओद्वारे ऑनलाईन तक्रार दाखल करता येणार आहे. या ॲपवर तक्रार प्राप्त झाल्यापासून १०० मिनिटांच्या आत तक्रारीचं निवारण केलं जातं.

****

भारत आणि न्यूझीलंड यांच्यातल्या तीन कसोटी क्रिकेट सामन्यांच्या मालिकेतला तिसरा आणि अंतिम सामना आजपासून मुंबईत वानखेडे स्टेडियमवर खेळला जात आहे. सकाळी साडे नऊ वाजता या सामन्याला सुरुवात झाली. शेवटचं वृत्त हाती आलं, तोपर्यंत न्यूझीलंडच्या २ बाद ५९ धावा झाल्या आहेत. न्यूझीलंडने या मालिकेतले दोन सामने जिंकून दोन-शून्य अशी विजयी आघाडी घेतली आहे.

****s