#मुंबईत पाऊस | Explore Tumblr posts and blogs

airnews-arngbad · 1 month ago

Text

Regional Marathi Text Bulletin, Chhatrapati Sambhajinagar

Date: 20 October 2024

Time: 7.10 to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: २० ऑक्टोबर २०२४ सकाळी ७.१० मि.

****

विधानसभा निवडणुकीसाठी महायुती आणि महाविकास आघाडीच्या मोर्चेबांधणीला वेग

सी-व्हिजिल ॲपवर राज्यभरातून तक्रारींचा ओघ-निवडणूक आयोगाकडून ९८ टक्क्यांहून अधिक तक्रारी निकाली

भाजपच्या राष्ट्रीय सचिव विजया रहाटकर यांची राष्ट्रीय महिला आयोगाच्या अध्यक्षपदी नियुक्ती

वसंतराव नाईक मराठवाडा कृषी विद्यापीठाच्‍या पाच पीक वाणांचा राष्ट्रीय राजपत्रात समावेश

आणि

राज्यात अनेक भागात परतीचा पाऊस, शेतीच्या तसंच इतर नुकसानीचे तातडीने पंचनामे करण्याचे मुख्यमंत्र्यांचे निर्देश

****

राज्यात विधानसभा निवडणुकीसाठी महायुती आणि महाविकास आघाडीच्या मोर्चेबांधणीला वेग आला आहे. महायुतीमध्ये केवळ ३०-३५ जागांवर सहमती व्हायची आहे. एक-दोन दिवसात हे जागा वाटप जाहीर होईल अशी माहिती मुख्यमंत्री एकनाथ शिंदे यांनी दिली. नवी दिल्लीत ते काल वार्ताहरांशी बोलत होते. भाजपाच्या उमेदवारांची यादी लवकरच जाहीर होईल, अशी माहिती उपमुख्यमंत्री देवेंद्र फडणवीस यांनी दिली. अंतिम झालेल्या जागांवरचे उमेदवार महायुतीतले पक्ष लवकरच जाहीर करतील, असंही ते म्हणाले. राज्यातल्या २८८ जागांपैकी भाजपाला दीडशे, शिवसेना ८७ ते ९० आणि राष्ट्रवादी काँग्रेस ५० जागांवर निवडणूक लढण्यासाठी इच्छुक आहे असं वृत्तसंस्थेच्या बातमीत म्हटलं आहे.

****

महाविकास आघाडीत कोणतेही मतभेद नसून, तिन्ही पक्ष एकत्र येऊन निवडणूक लढणार आहेत, ये��्या दोन दिवसांत जागावाटपाची चर्चा पूर्ण होईल, असं काँग्रेस प्रभारी रमेश चेन्निथला यांनी मुंबईत वार्ताहरांशी बोलताना सांगितलं. आगामी विधानसभा निवडणुकीत महाविकास आघाडी हाच आपला चेहरा आहे, एकजुटीने भाजपाशी लढू आणि सरकार स्थापन करू, असा विश्वासही त्यांनी व्यक्त केला.

त्याआधी चेन्निथला यांनी माजी मुख्यमंत्री उद्धव ठाकरे यांच्या निवासस्थानी जाऊन त्यांची भेट घेतली. तसंच ज्येष्ठ नेते शरद पवार यांची भेट घेऊन चर्चा केली. मुंबईत टिळक भवन इथं काँग्रेसची बैठक काल झाली. यात चेन्निथला यांच्यासह विधिमंडळ काँग्रेस पक्षाचे नेते बाळासाहेब थोरात, विरोधी पक्षनेते विजय वडेट्टीवार, विधान परिषदेतले काँग्रेसचे गटनेते सतेज पाटील उपस्थित होते. या बैठकीत निवडणुकीच्या अनुषंगाने सविस्तर चर्चा करण्यात आल्याचं काँग्रेसच्या प्रसिद्धीपत्रकात म्हटलं आहे.

****

माजी मंत्री आणि राष्ट्रवादी काँग्रेसचे नेते राजेंद्र शिंगणे यांनी काल राष्ट्रवादी काँग्रेस शरदचंद्र पवार पक्षात प्रवेश केला. पक्षाचे अध्यक्ष शरद पवार यांच्या उपस्थितीत प्रदेशाध्यक्ष जयंत पाटील यांनी त्यांचं पक्षात स्वागत केलं.

****

विधानसभा निवडणुकीसाठी वंचित बहुजन आघाडीनं १६ उमेदवारांची चौथी यादी जाहीर केली आहे. यात औरंगाबाद पश्चिम विधानसभा मतदारसंघातून अंजन साळवे, पैठण अरुण घोडके, सिल्लोड मनोहर जगताप, हदगाव दिलीप राठोड, भोकर रमेश राठोड, कळमनुरी दिलीप मस्के, गेवराई प्रियंका खेडकर, तर आष्टी विधानसभा मतदरासंघातून वेदांत भादवे यांना उमेदवारी देण्यात आली आहे.

****

विधानसभा निवडणुकीसाठीची आदर्श आचारसंहिता लागू झाल्यापासून १५ ते १८ ऑक्टोबर या कालावधीत राज्यभरात सी-व्हिजिल ॲपवर एकूण ५७६ तक्रारी प्राप्त झाल्या आहेत, त्यापैकी ५६३ तक्रारी निवडणूक आयोगाकडून निकाली काढण्यात आल्या आहेत. याच काळात राज्य शासनाच्या विविध अंमलबजावणी यंत्रणांद्वारे करण्यात आलेल्या विविध कारवायांमध्ये कोट्यवधी रुपयांची मालमत्ता जप्त करण्यात आली आहे.

****

समाजवादी पार्टीचे अध्यक्ष खासदार अखिलेश यादव यांनी काल धुळे इथं माध्यमांशी संवाद साधला. धुळे आणि मालेगावची जागा समाजवादी पार्टी लढवेल हे नक्की असून, या दोन जागांसह एकूण १२ जागांची मागणी पक्षाने महाविकास आघाडीकडे केली असल्याचं, यादव यांनी सांगितलं. महाविकास आघाडीत जागा वाटपाची चर्चा यशस्वी होईल असा विश्‍वास त्यांनी व्यक्त केला. सरकारच्या लाडकी बहीण योजनेसह इतर योजनांवर त्यांनी टीका केली.

****

मराठा आरक्षण आंदोलनाचे नेते मनोज जरांगे पाटील यांनी आज आंतरवाली इथं म��ाठा समाजाची बैठक बोलावली आहे. विधानसभा निवडणूक लढवण्याबद्दल या बैठकीत निर्णय घेतला जाणार असल्याचं, जरांगे यांनी काल वार्ताहरांशी बोलताना सांगितलं.

****

श्रोते हो, विधानसभा निवडणुकीच्या निमित्तानं ‘आढावा विधानसभा मतदारसंघांचा’ हा कार्यक्रम दररोज संध्याकाळी ७ वाजून १० मिनिटांनी आकाशवाणीवरून प्रसारित केला जात आहे. या कार्यक्रमात आज नाशिक जिल्ह्यातल्या विधानसभा मतदारसंघांचा आढावा आपल्याला ऐकता येईल.

****

भाजपच्या राष्ट्रीय सचिव विजया रहाटकर यांची राष्ट्रीय महिला आयोगाच्या अध्यक्षपदी नियुक्ती करण्यात आली आहे. हे पद भूषवणाऱ्या त्या पहिल्याच मराठी महिला ठरल्या आहेत. या पदाला केंद्रीय राज्यमंत्री पदाचा दर्जा देण्यात आला आहे.‌ २००७ ते २०१० या कालावधीत छत्रपती संभाजीनगरच्या महापौर असलेल्या रहाटकर यांनी, राष्ट्रीय महिला आयोगाच्या अध्यक्षपदी नियुक्तीबद्दल केंद्र सरकारचे आभार मानले, या पदाची जबाबदारी समर्पण भावनेनं पार पाडणार असल्याची भावना आकाशवाणीशी बोलतांना त्यांनी व्यक्त केली.

“अनेक क्षेत्रांमध्ये जसं की शिक्षण आहे, आरोग्य आहे, महिलांचे सामाजिक स्थान आहे. यासारख्या वेगवेगळ्या मुद्यांच्या आधारे महिलांच्या क्षमता आणि संधींना अधिकाधिक गती पण त्यांचा सुध्दा प्रयत्न नक्कीच करायला हवा. महिलांच्या नेतृत्वाखाली विकास यात्रेला चालना आपण दिली पाहिजे याकरीता मी प्रयत्न केले पाहिजे असंही मला वाटतं. या पदाचं निर्वाहन जे आहे ते मी खूप जबाबदारीने करेन आणि समर्पण भावनेने करेल.”

****

ज्येष्ठ पत्रकार आणि लेखक अनुराधा औरंगाबादकर यांचं परवा रात्री पुण्यात दीर्घ आजारानं निधन झालं, त्या ८६ वर्षांच्या होत्या. १९७० च्या दशकात देशदूत वृत्तपत्रापासून पत्रकारितेला प्रारंभ केलेल्या अनुराधा औरंगाबादकर यांनी १९९८ पर्यंत साप्ताहिक गावकरीमध्ये कार्यरत राहून आपली वेगळी ओळख निर्माण केली होती. त्यांची विविध विषयांवरची ९० पुस्तकं प्रकाशित आहेत. त्यांच्या पार्थिव देहावर काल पुण्यात अंत्यसंस्कार करण्यात आले.

****

छत्तीसगडमधल्या नक्षलग्रस्त नारायणपूर जिल्ह्यात नक्षलवाद्यांनी केलेल्या भूसुरूंग स्फोटात, भारत तिबेट सीमा दलाच्या दोन सैनिक हुतात्मा झाले, तर नारायणपूर पोलीस ठाण्यातले दोन पोलीस जखमी झाले. मृत सैनिकांमध्ये सातारा जिल्ह्याचे कॉन्सटेबल अमर पन्वर तर आंध्र प्रदेशमधल्या कडप्पा जिल्ह्यातले कॉन्सटेबल के राजेश यांचा समावेश आहे.

****

महाराष्ट्रासह ओडिशात नक्षल चळव��ीत काम करणाऱ्या एका जोडप्याने काल गडचिरोली पोलिसांसमोर आत्मसमर्पण केलं. असिन राजाराम कुमार ऊर्फ सुशांत आणि अंजू सुळ्या जाळे उर्फ जनिता अशी त्यांची नावे आहेत. त्यांच्यावर आठ लाख रुपयांचं बक्षीस होतं.

****

हरियाणात करनाल इथल्या राष्ट्रीय गहू आणि बार्ली संशोधन संस्थेनं, केंद्र सरकारतर्फे मंजूर झालेल्या, गव्हाच्या १३ नवीन वाणांच्या बियाणांचं वितरण सुरु केलं आहे. गव्हाची ही नवीन वाणं अधिक उत्पादन देण्याबरोबरच रोग प्रतिबंधक आहेत. बार्ली DWRV 137 या वाणाचा देखील यामध्ये समावेश करण्यात आला असून, याचा उपयोग जनावरांच्या चाऱ्यासाठीही करता येणार आहे.

****

वसंतराव नाईक मराठवाडा कृषी विद्यापीठाच्‍या पाच पिकांच्‍या वाणाचा समावेश राष्ट्रीय राजपत्रात करण्‍यात आला आहे. कृषी आणि शेतकरी कल्‍याण मंत्रालयाने याबाबतची अधिसूचना प्रसिद्ध केली असून, या पाच वाणात विद्यापीठ विकसित हरभऱ्याचा परभणी चना-१६, सोयाबीनचा एम ए यू एस-७३१, देशी कपाशीचा पी ए ८३३, अमेरिकन कपाशीचा एन एच ६७७ आणि तीळाचा टी एल टी -१० या वाणांचा समावेश आहे. देशाच्‍या राजपत्रात समावेश झाल्‍यामुळे या वाणांचा प्रचार आणि प्रसार मोठया प्रमाणावर होण्‍यास मदत होवून शेतकऱ्यांची आर्थिक उन्नत्ती साधता येईल, असा विश्वास, विद्यापीठाचे कुलगुरू डॉ. इन्‍द्र मणि यांनी व्यक्त केला.

****

राज्यात कालही अनेक भागात पाऊस झाला. बीड जिल्ह्यात अनेक ठिकाणी जोरदार पाऊस पडला, बीड तालुक्यातल्या चऱ्हाटा या गावात ढगफुटी सदृश्य पाऊस झाल्याचं वृत्त आहे. दरम्यान, परळी तालुक्यात सेलू इथं एक बैल काल वीज कोसळून ठार झाला.

छत्रपती संभाजीनगर इथं काल पावसाने हजेरी लावली. रात्रभर पावसाची संततधार सुरु होती. जिल्ह्यात कन्नड आणि हतनूर परिसरात ही पाऊस झाल्याचं आमच्या प्रतिनिधीनं कळवलं आहे.

खडकपूर्णा धरणातून विसर्ग सुरू झाल्यानं, परभणीच्या जिंतूर तालुक्यातील येलदरी धरणाचे दहा दरवाजे उघडून पूर्णा नदीपात्रात २३ हजार ७०० घनफूट प्रतिसेकंद वेगाने विसर्ग केला जात आहे. नदीकाठच्या गावांनी सतर्क राहण्याचं आवाहन येलदरी धरणाच्या पूर नियंत्रण कक्षाकडून करण्यात आलं आहे.

नाशिक जिल्ह्यात अनेक भागात काल मुसळधार पाऊस झाला. चांदवड तालुक्यात दोन पाझर तलावांचं नुकसान झालं तर, एक बंधारा क्षमतेपेक्षा जास्त भरल्याचं आमच्या वार्ताहरानं कळवलं आहे.

****

दरम्यान, राज्याच्या विविध भागात मागील काही दिवसांमध्ये परतीच्या पाव��ामुळे झालेल्या शेतीच्या तसंच इतर नुकसानीचे तातडीने पंचनामे करण्यात यावेत, त्याचबरोबर नुकसानग्रस्तांना भरपाई देण्यात यावी, असे निर्देश मुख्यमंत्री एकनाथ शिंदे यांनी संबंधित जिल्हाधिकाऱ्यांना दिले आहेत.

****

बंगळुरू इथं भारत आणि न्यूझीलंड यांच्यात सुरु असलेली पहिली कसोटी जिंकण्यासाठी न्यूझीलंडला १०७ धावांची आवश्यकता आहे. काल चौथ्या दिवशी भारताचा दुसरा डाव ४६२ धावांवर आटोपला. या डावात सर्फराज खान १५०, ऋषभ पंत ९९, विराट कोहली ७० तर कर्णधार रोहित शर्माने ५२ धावा केल्या. काल दुसऱ्या डावात फलंदाजीला मैदानात उतरलेल्या न्यूझीलंडच्या सलामीवीरांना एकही धाव काढता आली नाही. पहिल्या षटकाचे चार चेंडू टाकलेले असतांनाच अपुऱ्या प्रकाशामुळे खेळ थांबवण्यात आला.

****

नांदेड जिल्ह्यात आगामी विधानसभा निवडणुकीत कायदा आणि सुव्यवस्था राखण्यावर प्रशासकिय यंत्रणांनी भर द्यावा, असे निर्देश नांदेडचे जिल्हाधिकारी तथा जिल्हा निवडणूक निर्णय अधिकारी अभिजीत राऊत यांनी दिले आहेत.

****

0 notes

bharatlivenewsmedia · 1 year ago

Text

मुंबईत वीकेंडला मुसळधार पाऊस?

https://bharatlive.news/?p=171890 मुंबईत वीकेंडला मुसळधार पाऊस?

मुंबई; पुढारी वृत्तसेवा : अरबी समुद्रात ...

0 notes

marathinewslive · 2 years ago

Text

महाराष्ट्रात मुसळधार पाऊस, मुख्यमंत्री एकनाथ शिंदे यांनी पीडितांना मदत करण्याचे आदेश दिले आहेत

राज्यभरात बुधवारी अनेक जिल्ह्यांमध्ये मुसळधार पाऊस झाला. पुणे, सातारा, रायगड, नाशिक, अहमदनगर या जिल्ह्यांच्या काही भागात झालेल्या ढगफुटीसदृश्य पावसामुळे नागरिकांचे अतोनात नुकसान झाले. या नुकसानग्रस्त नागरिकांना तातडीची मदत पुरवण्याचे निर्देश मुख्यमंत्री एकनाथ शिंदे यांनी दिले आहेत. दरम्यान, पुढील पाच दिवस पावसाचा जोर कायम राहणार असल्याचा अंदाज हवामान विभागाने व्यक्त केला आहे. राज्यातील १४…

View On WordPress

#cm eknath shinde on rainfall #eknath shinde #अतिवृष्टी #एकनाथ शिंदे #ठाण्यात पाऊस #पाऊस #पाऊसग्रस्तांना मदत #पावसाळी हंगाम #पुण्यात पाऊस #महाराष्ट्रात मुसळधार पाऊस #मुंबईत पाऊस

0 notes

loksutra · 2 years ago

Text

मुंबईसह महाराष्ट्राच्या अनेक भागात मुसळधार पाऊस, विदर्भात यलो अलर्ट

हवामान खात्याच्या अंदाजानुसार पुढील तीन दिवस मुंबई आणि परिसरात मुसळधार पाऊस पडण्याची शक्यता आहे. त्याचप्रमाणे महाराष्ट्रात विदर्भा��ाठी यलो अलर्ट जारी करण्यात आला आहे. मुंबईत पुढील तीन दिवस पाऊस, विदर्भात यलो अलर्ट प्रतिमा क्रेडिट स्रोत: Twitter महाराष्ट्रात काही दिवसांच्या विश्रांतीनंतर पुन्हा एकदा पावसाने दमदार पुनरागमन केले आहे. मुंबई आणि आसपासच्या भागांसाठी हवामान विभाग एक अलर्ट जारी केला…

View On WordPress

#महाराष्ट्राचा पाऊस #महाराष्ट्रात पाऊस #मुंबईत पाऊस #मुंबईत पावसाचा इशारा #विदर्भ

0 notes

amhikastkar · 4 years ago

Text

[Hindi] होलीचा दिवस दिल्ली, मुंबई, कोलकाता आणि चेन्नईमध्ये कॅसेंआगावा हवामान / [Hindi] दिल्ली, मुंबई, कोलकाता आणि चेन्नई येथे होळीवर हवामान

देशातील बहुतेक शहरांमध्ये मार्चच्या कालावधीत वाढत्या तापमानात बेतहासा वाढ दिसून येते. सर्दीची विदाई आधी गर्भवती जोपर्यंत ट्रेलर झाली ती मार्चच्या लोकांच्या दिवसांमध्ये ती लोक द्राव करीत होती. तथापि मार्चच्या आरंभपासून उष्णतेच्या तापमाना दरम्यान मध्यभागी होणा प्री्या प्री मनासूनच्या वर्षामध्ये काही आराम दिलेले नाही. वाढत्या पारे वर ब्रेक लागा आणि बेतहाशा आणि बेमौसम गर्भवती लोकांना काही आराम…

View On WordPress

0 notes

nandedlive · 2 years ago

Text

येत्या चार दिवसात राज्यात विजांच्या कडकडाटासह पावसाचा इशारा

मुंबई : राज्यात काही भाग वगळता पावसाचा जोर कमी झाला आहे. मुंबईसह, ठाणे, परिसरात आज पावसाने हजेरी लावली. गेल्या काही दिवसांपासून मुंबईत पावसाने उघडीप दिल्याने उष्णतेत वाढ झाली होती. मात्र, रात्री पाऊसाच्या सरी कोसळल्याने वातावरणात गारवा निर्माण झाला आहे. तर इकडे मराठवाड्यातील लातूर जिल्ह्यात दोन दिवसाच्या उघडीपीनंतर अनेक ठिकाणी पावसाने हजेरी लावली. औसा आणि निलंगा तालुक्यातील अनेक भागात जोरदार पाऊस झाला आहे. अनेक ठिकाणी जमीन खरवडून गेल्यामुळे शेतक-यांचे मोठे नुकसान झाले. दरम्यान, येत्या चार दिवसांत राज्याच्या विविध भागात विजांच्या कडकडाटासह पाऊस पडण्याची शक्यता आहे. अशी माहिती भारतीय हवामान विभागाने दिली आहे. कोकण आणि मध्य महाराष्ट्रासह घाट परिसरात, काही भागात मुसळधार पावसाची शक्यता आहे. आठवड्याभरापासून मुंबईत पावसाने दडी मा��ल्याने अतिशय उष्ण आणि दमट वातावरणात तयार झाले होते. मात्र, रात्री पावसाने हजेरी लावण्याचे मुंबईकरांना उकाड्यापासून दिलासा मिळाला आहे. दरम्यान, येत्या २ ते ३ दिवसात मुंबईत आणखी पावसाची शक्यता असल्याचा अंदाज हवामान विभागाने सांगितला आहे. मुसळधार पावसाची शक्यता हवामान विभागाने दिलेल्या माहितीनुसार, येत्या चार दिवसांत राज्याच्या अंतर्गत भागात विजांच्या कडकडाटासह पावसाची शक्यता आहे. तसेच तिस-या दिवसापासून कोकण आणि मध्य महाराष्ट्रातील घाट परिसरातील काही भागात मुसळधार पावसाची शक्यता आहे. पुन्हा पाऊस सक्रिय होणार राज्यातील अनेक भागात आषाढी एकादशीपासूनच पावसाने चांगलाच जोर धरला होता. मात्र, काही भागात पावसाने उघडीप दिल्याने शेती काम करण्यास मुभा मिळाली. यादरम्यान शेतक-यांनी आपले खुरपणी, वखरणी, खते टाकणे अशी कामे उकरुन घेतली आहे. राज्यात आता पुन्हा पाऊस सक्रिय होणार असून, येत्या चार दिवसांत पावसाचा जोर वाढण्याची शक्यता आहे. Read the full article

0 notes

mhlivenews · 2 years ago

Text

राज्यात पूरस्थिती नियंत्रणासाठी एनडीआरएफ आणि एसडीआरएफची १४ पथके तैनात

मुंबई,दि.26 : राज्यात अनेक ठिकाणी मध्यम स्वरूपाचा पाऊस सुरू असून पूर परिस्थितीबाबत उपाययोजना म्हणून प्रशासनातर्फे एनडीआरएफ व एसडीआरएफच्या १४ तुकड्या तैनात केल्या आहेत. राष्ट्रीय आपत्ती प्रतिसाद दलाची मुंबईत (कांजूरमार्ग-१, घाटकोपर-१) -२, पालघर -१, रायगड- महाड- २, ठाणे-२, रत्नागिरी-चिपळूण-२, कोल्हापूर-२, सातारा-१, एनडीआरएफ अशी एकूण १२ पथके तैनात आहेत. नांदेड-१, गडचिरोली-१ अशा एकूण दोन राज्य आपत्ती…

View On WordPress

0 notes

darshanpolicetime1 · 2 years ago

Text

राज्यात पूरस्थिती नियंत्रणासाठी एनडीआरएफ आणि एसडीआरएफची १४ पथके तैनात

View On WordPress

0 notes

nashikfast · 2 years ago

Text

पावसाचा दणका ! तिसऱ्या दिवशीही मुसळधार पाऊस

मुंबई : मुंबईत सोमवारपासून मुसळधार पाऊस पडेल, असा अंदाज हवामान विभागाने वर्तवला होता. त्यानुसार सलग तिसऱ्या दिवशी मुसळधार पाऊस पडत आहे. गेल्या २४ तासात मुंबई शहर विभागापेक्षा उपनगरात सर्वाधिक पाऊस पडला आहे. आज ४० ते ६० किलोमीटर वेगाने वारे वाहू शकतात, असा इशारा हवामान विभागाने दिला आहे. मुंबई शहर व उपनगरातील वाहतूक सुरळीत सुरु आहे. गेल्या २४ तासात मुंबई शहर विभागात ८२, पूर्व उपनगरात १०९ तर…

View On WordPress

0 notes

airnews-arngbad · 2 months ago

Text

Regional Marathi Text Bulletin, Chhatrapati Sambhajinagar

Date 14 October 2024

Time 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: १४ ऑक्टोबर २०२४ सकाळी ११.०० वाजता.****

मुंबईत प्रवेश करणाऱ्या पाचही टोल नाक्यांवर हलक्या मोटर वाहनांना संपूर्ण टोल माफीकरण्याचानिर्णयराज्यसरकारनेघेतलाआहे. मुख्यमंत्रीएकनाथशिंदेयांच्याअध्यक्षतेखालीमुंबईतहोतअसलेल्यामंत्रिमंडळाच्याबैठकीतहानिर्णयघेण्यातआला. आज रात्री बारा वाजल्यापासून यानिर्णयाची अंमलबजावणीहोणारआहे. याबैठकीतमाजी राज्यमंत्री आणि राष्ट्रवादी काँग्रेसचे नेते बाबा सिद्दिकी यांच्या निधनाबद्दल शोक व्यक्त करण्यात आला.

दरम्यान, बाबा सिद्दिकी यांच्या हत्येप्रकरणी अटकेत असलेल्या दोघांपैकी धर्मराज कश्यप हा आरोपी अल्पवयीन नसल्याचं चाचणीतून सिद्धझालंआहे. त्यामुळेत्यालादेखील२१ ऑक्टोबर पर्यंत पोलीस कोठडीदेण्यातआलीआहे.

****

राज्यात रबी हंगामातल्या पिकांचं सरासरी क्षेत्र सुमारे ५४ लाख हेक्टर असून, गेल्या वर्षीच्या रबी हंगामापेक्षा यावर्षी सुमारे अडीच लाख हेक्टरनं अधिक म्हणजे६१ लाख हेक्टरवर रब्बीचा पेरा होईल, असा अंदाज कृषी आयुक्तालयातलेउपसंचालक धनंजय कोंढाळकर यांनी व्यक्त केला आहे. राज्यात यावर्षी साडे १२लाख क्विंटल बियाणं पुरवठ्याचं नियोजन असून, गरजेपेक्षा दोन लाख क्विंटलअतिरिक्त बियाणं उपलब्ध करुन देण्यात आलं आहे. आतापर्यंत ५४ हजार ७४०क्विंटल बियाणांचा पुरवठा करण्यात आला आहे, अशी माहिती कोंढाळकर यांनीदिली.

****

केंद्रसरकारनेजम्मूकाश्मीरमधलीराष्ट्रपतीराजवटउठवलीअसून, आतातिथेनवीनसरकारस्थापनेचामार्गमोकळाझालाआहे. केंद्रसरकारनेयासंदर्भातअधिसूचनाजारीकेलीआहे. नॅशनलकॉन्फरन्सचेउपाध्यक्षओमरअब्दुल्लायांनीजम्मू - काश्मीरमध्येनवीनसरकारस्थापनेचादावाकेलाआहे.

****

परतावा मिळवण्यासाठी ग्राहकांना त्यांच्या पसंतीचे पर्यायउपलब्ध करून द्यावेत, असे निर्देश, केंद्रीय ग्राहक संरक्षणप्र��धिकरणानं ओला या परिवहन कंपनीला दिले आहेत.परताव्याचे पैसे थेट बँक खात्यात जमा करण्याची किंवाकुपनद्वारे परतावा मिळवण्याची सुविधा ग्राहकांना उपलब्धकरून द्यावी, असं प्राधिकरणानं तक्रार निवारणप्रक्रियेदरम्यान सांगितलं आहे. व्यवहारात पारदर्शकता यावीया उद्देशानं, बुकिंग करून ओला द्वारे प्रवास करणाऱ्यांनापावती देण्याचे निर्देशही प्राधिकरणानं दिले आहेत.

****

केंद्रसरकारच्याअंमलीपदार्थआणिनशामुक्तभारतअभियानाअंतर्गतदिल्लीपोलिसांचाविशेषकक्षआणिगुजरातपोलिसांनीकेलेल्यासंयुक्तकारवाईत, गुजरातमधून५१८किलोकोकेनजप्तकेलंआहे. अंकलेश्वरइथल्याएकाऔषधकंपनीतूनजप्तकेलेल्यायाकोकेनचीअंदाजेकिंमतसुमारेपाचहजारकोटीरुपयेआहे.

****

बुलढाणा इथल्या जिल्हा सामान्य रुग्णालयातअमृतऔषधालयाचंलोकार्पणकेंद्रीयआरोग्यआणिकुटुंबकल्याणराज्यमंत्रीप्रतापरावजाधवयांच्याहस्तेझालं. राज्यातलंहेसातवंअमृतऔषधालयआहे. गरीब आणि गरजू लोकांना सवलतीच्या दरात उत्तम दर्जाची आणि नामांकित कंपनीची औषधंयाठिकाणीउपलब्धहोणारआहेत.

****

आरक्षण हे केवळ शिष्यवृत्ती, फ्रीशीप, शासकीय नोकरी मिळवण्याचं एक माध्यम नसून, राज्यघटनेचा गाभाअसल्याचंमतवंचितबहुजनआघाडीचेअध्यक्षप्रकाशआंबेडकरयांनीव्यक्तकेलंआहे. अकोलाइथंकालधम्मचक्र प्रवर्तन दिनाच्या दुसऱ्या दिवशी भरणाऱ्या धम्म मेळाव्यामध्येतेबोलतहोते. आरक्षणामुळे या देशात बंधुभाव, समतेची भावना आणि सन्मानाने जगण्याची संधी निर्माण झाली असल्याचं, त्यांनीनमूदकेलं. वंचित बहुजन आघाडी सत्तेवर आल्यास हमीभाव कायदा आणेल ज्यामुळे शेतकऱ्यांच्या शेतमालाला योग्य भाव मिळेल असंही आंबेडकरयांनीयावेळी सांगितलं.

****

राज्यात राष्ट्रीय पोषण अभियानांतर्गत नांदेड जिल्हयाने चारहजार १६४अंगणवाड्यांमधून नाविन्यपूर्ण उपक्रम राबवून, तब्बल ७४लाख ४५हजार ३४५नोंदी घेत राज्यात दुसरा क्रमांक मिळवला आहे.पोषण माह अभियानात उत्कृष्ट कामगिरी केलेल्या जिल्ह्यांचा कालमुंबईतगौरवकरण्या��आला. यावेळी कंधारचे बाल विकास प्रकल्प अधिकारी एल. एम. राजुरेयांनी हा पुरस्कार स्विकारला.

****

राज्य शासनाने संत सेवालाल महाराज बंजारा लमाण तांडा समृद्धी योजना सुरू केली असून, या योजनेचा पहिला हप्ता वाशीम जिल्ह्यासाठी ५ कोटी ६० लाख रुपये प्राप्तझालाआहे. जिल्ह्यातल्या एकूण ५५ गावांतल्या तांड्यांवाहानिधीवितरीतहोणारआहे.

****

र��ज्यात अनेक भागात परतीचा पाऊस सुरु असून, काही धरणांमधून पुन्हा पाण्याचा विसर्ग सुरु करण्यात आला आहे.

हिंगोलीजिल्ह्यातसिद्धेश्वर जलाशयाच्या पाणीपातळीत वाढ होतअसल्यानं, धरणाचे चार दरवाजे उघडून पाच हजार ५०घनफूटप्रतिसेकंदवेगानं पाणीनदीपात्रातसोडण्यातयेतआहे. त्यामुळेजलसंपदाविभागानेनदीकाठच्यागावांनासावधानतेचाइशारादिलाआहे.

छत्रपतीसंभाजीनगरजिल्ह्यातपैठणइथल्याजायकवाडीधरणाच्याचारदरवाजातूनदोनहजार९६घनफूटप्रतिसेकंदवेगानंपाण्याचाविसर्गसुरुआहे. धरणपूर्णभरलंअसून, सध्यातीनहजार७२घनफूटप्रतिसेकंदवेगानंपाण्याचीआवकहोतआहे. धुळे जिल्ह्यात परतीच्या पावसाने जोरदार हजेरी लावली. या पावसामुळे पुन्हा एकदा नद्या नाले दुथडी भरून वाहत आहेत.

****

0 notes

bharatlivenewsmedia · 1 year ago

Text

Mumbai Rain मुंबईत पाऊस सुरूच, काही ठिकाणी पाणी साचल्याने रस्ते वाहतुकीवर परिणाम; लोकल गाड्यांचा वेग कमी

https://bharatlive.news/?p=108481 Mumbai Rain मुंबईत पाऊस सुरूच, काही ठिकाणी पाणी साचल्याने रस्ते वाहतुकीवर ...

0 notes

loksutra · 2 years ago

Text

Maharashtra Rain: मुंबई, पुणे, सातारा, पालघरमध्ये मुसळधार पाऊस पडणार, हवामान खात्याचा अंदाज; महाराष्ट्रात आतापर्यंत ९९ जणांचा मृत्यू झाला आहे

हवामान खात्याने महाराष्ट्रातील अनेक जिल्ह्यांना सतर्कतेचा इशारा दिला आहे IMD ने पालघर, पुणे आणि सातारा जिल्ह्यांसाठी ऑरेंज अलर्ट जारी केला आहे. मुंबई, ठाणे, रायगड, रत्नागिरी, सिंधुदुर्ग, नाशिक, कोल्हापूर, अकोला, अमरावती, बुलढाणा, चंद्रपूर, गडचिरोली, गोंदिया, नागपूर, वर्धा, वाशीम आणि यवतमाळ जिल्ह्यांसाठी यलो अलर्ट जारी करण्यात आला आहे. महाराष्ट्रातील अनेक जिल्ह्यांमध्ये आठवडाभर मुसळधार…

View On WordPress

#IMD पावसाचा इशारा #महाराष्ट्रात पाऊस #महाराष्ट्रात पाऊस पूर #मुंबईचा पाऊस #मुंबईत पाऊस

0 notes

snehalshelote · 2 years ago

Link

0 notes

nandedlive · 2 years ago

Text

राज्यात पावसाचा धुमाकूळ, अनेक भागांत रेड अलर्ट

मुंबई : राज्यभर पावसाचा जोर चांगलाच वाढला आहे. सतत पडणा-या पावसामुळे राज्यातील अनेक नद्यांच्या आणि धरणांच्या पाणीपातळीत वाढ झाली आहे. दरम्यान, पालघर, पुणे शहर, गडचिरोली या ठिकाणी पुढचे दोन दिवस अतिवृष्टीचा इशारा देण्यात आला असून रेड अलर्ट जारी करण्यात आला आहे. अतिवृष्टीच्या पार्श्वभूमीवर राज्याच्या विविध जिल्ह्यांमध्ये ‘एनडीआरएफ’च्या १३ आणि ‘एसडीआरएफ’ची दोन पथके तैनात आहेत. तसेच गेल्या १२ दिवसांत अतिवृष्टीमुळे राज्यात ८४ नागरिकांचा तर १८० जनावरांचा मृत्यू झाला आहे. मध्ये रेल्वेचे वेळापत्रक कोलमडले मध्य रेल्वेची वाहतूक पंधरा ते वीस मिनिटं उशिराने सुरु आहे. मुसळधार पावसामुळे मुंबईच्या मध्य उपनगरातील सखल भागात पाणी साचण्यास सुरुवात झाली आहे. त्यामुळे मुंबई लोकलचा वेग मंदावला आहे. चंद्रपूर येथील रहमतनगर भागात इरई नदीचे पाणी शिरायला सुरुवात चंद्रपूर शहरातल्या रहमत नगर भागात इरई नदीचे पाणी शिरायला सुरुवात झालीय. जवळपास ६० ते ७० घरात नदीचे पाणी शिरले असून लोकांनी सुरक्षित स्थळी आश्रय घेतलाय. इरई धरणाचे सर्व म्हणजे ७ दारे १ मीटरने उघडल्याने इरई नदीच्या पाणी पातळीत सातत्याने वाढ होत आहे. नदीचे पाणी सातत्याने वाढत राहिल्यास चंद्रपूर शहरातल्या आणखी काही भागात पाणी शिरण्याची शक्यता आहे. पालघर जिल्ह्यात मुसळधार पावसाला सुरुवात पालघर जिल्ह्यात मुसळधार पावसाला सुरुवात झाली असून सर्व तालुक्यांमध्ये मुसळधार पाऊस बरसायला लागला आहे. तर अनेक ठिकाणचे रस्ते बंद होण्याची शक्यता निर्माण झालीय. वसईमध्ये घरावर दरड कोसळली वसईमध्ये घरावर दरड कोसळली असून या मध्ये एकाच कुटुंबातील चौघेजण फसले. त्यातील दोघा ��णांना सुखरूप बाहेर काढण्यात आले असून दोन जण आत फसले असल्याची माहिती मिळालीय. पुणे शहरासाठी पुढील दोन दिवस रेड अलर्ट मागील तीन ते चार दिवसांपासून पुणे शहर आणि धरण क्षेत्राच्या परिसरात मुसळधार पाऊस सुरू आहे त्यामुळे खडकवासला धरणात क्षमतेच्या १०० टक्के पाणीसाठा झाला आहे. आणखी पावसाचा अंदाज लक्षात घेऊन मध्यरात्रीपासून पाण्याचा विसर्ग करण्यात आला. सुरुवातीला सुमारे १००० क्युसेक पाणी सोडण्यात येत होते. पालघरमध्ये दोन दिवस अतिवृष्टी, रेड अलर्ट जारी भारतीय हवामान विभाग आणि प्रादेशिक हवामान विभाग, मुंबईकडून देण्यात आलेल्या अंदाजानुसार दिनांक १२ आणि १४ जुलै दरम्यान पालघर जिल्ह्यात जोरदार ते अति जोरदार (अतिवृष्टी ) पाऊस पडण्याचा इशारा देण्यात आला असून रेड अलर्ट जारी करण्यात आला आहे. मुंबईला ‘ऑरेंज अलर्ट’ मुंबईसह उपनगरांत पावसानं दमदार हजेरी लावली आहे. दक्षिण मुंबईत मुसधळार पावसाला सुरुवात झाली आहे. तसेच, अनेक सखल भागांत पाणी साचण्यासही सुरुवात झाली आहे. पाणी साचत असलेल्या भागात वाहतूक संथ गतीनं सुरु आहे. माहीम, दादर, परळ, भायखळा भागांत जोरदार पाऊस कोसळत आहे. मुंबईला पुढील दोन दिवस हवामान विभागाकडून पावसाचा ‘ऑरेंज अलर्ट’ जारी करण्यात आला आहे. आज दुपारी १ वाजेपर्यंत मुंबई, कल्याण, ठाणे आणि नवी मुंबईत मुसळधार पाऊस पडण्याची शक्यता आहे, असे भारतीय हवामानशास्त्र विभागने म्हटले आहे. Read the full article

0 notes