#मानपत्र | Explore Tumblr posts and blogs

airnews-arngbad · 2 months ago

Text

Regional Marathi Text Bulletin, Chhatrapati Sambhajinagar

Date – 07 October 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०७ ऑक्टोबर २०२४ सायंकाळी ६.१०

****

नक्षलवादाविरोधातली लढाई अंतिम टप्प्यात-मार्च २०२६ पर्यंत देश पूर्णपणे नक्षलमुक्त होणार- केंद्रीय गृहमंत्र्यांकडून विश्वास व्यक्त

अन्नपदार्थातली भेसळ रोखण्यासाठी देशभरात १०० प्रयोगशाळा सुरू करण्यात येणार

यंदाचं विष्णुदास भावे गौरव पदक ज्येष्ठ अभिनेत्री सुहास जोशी यांना जाहीर

आणि

युवकांनी सुशिक्षित होत असतांनाच सुसंस्कारित व्हावं-छत्रपती संभाजीनगरचे जिल्हाधिकारी दिलीप स्वामी यांचं आवाहन

****

नक्षलवादी कारवायांविरुद्धची लढाई अंतिम टप्प्यात असून सर्व घटकांकडून सहकार्य मिळाल्यास मार्च २०२६ पर्यंत देश पूर्णपणे नक्षलमुक्त होईल असा विश्वास केंद्रीय गृहमंत्री अमित शाह यांनी व्यक्त केला आहे. देशातल्या नक्षलप्रभावित राज्यांच्या मुख्यमंत्र्यांची बैठक शहा यांच्या अध्यक्षतेखाली आज नवी दिल्लीत झाली, त्यावेळी ते बोलत होते. नक्षलवादी मार्ग चोखाळणाऱ्या सर्वांनी शस्त्रांचा त्याग करून मुख्य प्रवाहात येण्याचं आवाहन त्यांनी केलं. या बैठकीला महाराष्ट्रासह आंध्र प्रदेश, बिहार, छत्तीसगड, झारखंड, तेलंगण, ओडीशा आणि मध्य प्रदेशचे मुख्यमंत्री उपस्थित होते.

केंद्र सरकारच्या प्रयत्नांमुळे या राज्यांमधल्या नक्षलवादी कारवायांमधे ७२ टक्के घट झाली असून नक्षलवादाचा बिमोड करण्यासाठी सरकार वचनबद्ध असल्याचं गृहमंत्रालयानं म्हटलं आहे. सरकारनं या भागात दळणवळण आणि संपर्क व्यवस्थेच्या विकासासाठी अनेक उपाययोजना केल्याचंही मंत्रालयानं नमूद केलं. या भागात १४ हजार किलोमीटर लांबीचे रस्ते बांधण्यात आले तसंच सहा हजार मोबाईल टॉवर्स उभारण्यात आल्याची माहिती या बैठकीत देण्यात आली.

चालू वर्षात २०२ नक्षलवादी सुरक्षा दलांबरो��रच्या चकमकींमधे मारले गेले तर ८१२ जणांना अटक झाली. या वर्षात ८१२ नक्षलवाद्यांनी शरणागती पत्करली असून नक्षलप्रभावित जिल्ह्यांची संख्या आता ३८ पर्यंत खाली आली असल्याची माहिती गृह मंत्रालयाने दिली आहे.

दरम्यान, मुख्यमंत्री एकनाथ शिंदे यांनी या बैठकीत बोलतांना, उत्तर गडचिरोली भाग हा सशस्त्र नक्षलवाद्यांपासून मुक्त झाल्याचं सांगितलं. नक्षलवाद्यांची पुरवठा साखळी तोडण्यात महाराष्ट्रानं मोठं यश मिळवलं असून, त्यामुळे या भागात भीती आणि दहशतीवर मात केल्याचं मुख्यमंत्र्यांनी नमूद केलं.

****

भारताने सदैव मालदिवसाठी चांगल्या शेजाऱ्याची भूमिका निभावली असून, या परस्पर सहकार्याला धोरणात्मक दिशा देण्यासाठी सर्वसमावेशक अशा आर्थिक आणि सागरी सुरक्षेला प्राधान्य असल्याचं, प्रतिपादन पंतप्रधान नरेंद्र मोदी यांनी केलं आहे. आज नवी दिल्ली इथं मालदिवचे राष्ट्राध्यक्ष मोहम्मद मोईजू यांच्याबरोबर प्रतिनिधीमंडळ स्तरावर चर्चा झाल्यानंतर ते बोलत होते. यावेळी उभय देशांम��्ये अनेक सामंजस्य करार करण्यात आले.

****

जम्मू काश्मीर विधानसभा निवडणुकीसाठी झालेल्या मतदानाची उद्या मोजणी होणार आहे. उद्या सकाळपासून केंद्रशासित प्रदेशातल्या वीस मतमोजणी केंद्रावर कडक सुरक्षा व्यवस्थेत मतमोजणीला सुरुवात होईल. हरियाणा विधानसभा निवडणुकीसाठी झालेल्या मतदानाची मतमोजणीही उद्या होणार आहे.

****

अन्नपदार्थातली भेसळ रोखण्याच्या दृष्टीनं तसंच गुणवत्ता राखण्याच्या दृष्टीनं केंद्रीय अन्नप्रक्रीया उद्योग मंत्रालयातर्फे देशभरात १०० प्रयोगशाळा सुरू करण्यात येणार आहेत. केंद्रीय अन्नप्रक्रिया आणि उद्योग मंत्री चिराग पासवान यांनी आज फिक्कीतर्फे घेण्यात आलेल्या कार्यक्रमात ही माहिती दिली. अन्नपदार्थांची नासाडी थांबवण्यासाठी रेडिएशन तंत्रज्ञानाचा वापर करण्यात येईल असं ते म्हणाले. भारतीय मानकांना भविष्यात जागतिक मानकं म्हणून मान्यता मिळावी, तसंच उद्योग जगतानं देशातल्या उत्पादनांच्या विविधतेचा पूर्ण वापर करण्याचं आवाहन पासवान यांनी केलं आहे.

****

यंदाचा केशवसृष्टी पुरस्कार मुंबईतल्या 'टीच' संस्थेचे संस्थापक अमन शर्मा यांना जाहीर झाला आहे. पुरस्कार निवड समितीच्या सदस्य आणि मुंबईच्या माजी महापौर डॉ. शुभा राऊळ यांनी आज वार्ताहर परिषदेत ही माहिती दिली. एक लाख रुपये, मानचिन्ह आणि मानपत्र असं या पुरस्काराचं स्वरूप आहे आहे. मूकबधीर मुलांचं उच्च शिक्षण, विविध क्षेत्रातलं कौशल्य शिक्षण आणि त्यांना उत्पन्नाच्या संधीं मिळवून देण्यासाठी ‘टीच’ संस्था काम करते. येत्या १३ तारखेला विलेपार्ले इथं आयोजित कार्��क्रमात त्यांना हा पुरस्कार दिला जाईल.

****

सांगलीच्या अखिल महाराष्ट्र नाट्य विद्यामं��िर समितीचा ५७ ना वा विष्णुदास भावे गौरव पदक पुरस्कार ज्येष्ठ अभिनेत्री सुहास जोशी यांना जाहीर झाला आहे. समितीचे अध्यक्ष डॉ. शरद कराळे यांनी आज पत्रकार परिषदेत ही माहिती दिली. गौरव पदक, पंचवीस हजार रुपये, स्मृतिचिन्ह, शाल आणि श्रीफळ असं या पुरस्काराचं स्वरुप आहे. येत्या ५ नोव्हेंबरला रंगभूमी दिनी, सांगली इथं हा पुरस्कार समारंभपूर्वक प्रदान करण्यात येणार आहे. या पुरस्काराबद्दल सुहास जोशी यांनी आकाशवाणीशी बोलतांना आपल्या भावना या शब्दांत व्यक्त केल्या –

हा विष्‍णूदास भावे पुरस्कार माझ्या दृष्टीने खूप खूप महत्वाचा आहे. कारण महाराष्‍ट्रातला एक महत्वाचा पुरस्कार तो आहे. आणि पन्नास वर्ष काम केल्याचं चीज झालं असं आज वाटतंय. आणि ज्या पद्धतीनं पन्नास वर्ष मी काम करत आलेय, त्याचा हा गौरव महाराष्‍ट्राने केलाय असं मला वाटतंय आणि खूप आनंद झाला.

****

माजी मंत्री हर्षवर्धन पाटील यांनी आज राष्ट्रवादी काँग्रेस शरदचंद्र पवार पक्षात प्रवेश केला. इंदापूर इथल्या कार्यकर्त्यांच्या आणि जनतेच्या आग्रहामुळेच हा निर्णय घेतल्याचं पाटील यांनी सांगितलं. हर्षवर्धन पाटील यांच्या कन्या अंकिता यांनीही भाजपाच्या सर्व पदांचा राजीनामा देऊन राष्ट्रवादी काँग्रेस शरदचंद्र पवार पक्षात प्रवेश केला आहे.

दरम्यान, आमदार बच्चु कडू यांच्या प्रहार जनशक्ती पक्षाचे मेळघाट विधानसभेचे आमदार राजकुमार पटेल हे शिवसेनेत प्रवेश करणार आहेत. येत्या १० ऑक्टोबरला मुख्यमंत्री एकनाथ शिंदे मेळघाट दौऱ्यावर येणार असून त्यांच्या उपस्थितीत आपण शिवसेनेत प्रवेश करणार असल्याची माहिती पटेल यांनी दिली.

****

मुंबईत नायगाव इथल्या बीडीडी चाळीचं काळात ‘शरद पवार नगर’ हे नाव बदलून ‘डॉ.बाबासाहेब आंबेडकर बीडीडी संकुल’ असं नामकरण करण्यात आलं आहे. ही चाळ डॉ.बाबासाहेब आंबेडकर यांच्या पदस्पर्शाने पावन झालेली असून, या चाळीमध्ये बाबासाहेबांचे अनुयायी मोठ्या प्रमाणावर राहतात. त्यांची आणि स्थानिक लोकप्रतिनिधींची मागणी मान्य करत हे नामकरण करण्याचा शासन निर्णय जारी करण्यात आला.

****

धाराशिव जिल्ह्यातल्या तुळजापूर इथं श्री तुळजाभवानी देवीची आज नवरात्र महोत्सवाच्या पाचव्या माळेला रथ अलंकार महापूजा बांधण्यात आली. भगवान सूर्यनारायण यांनी त्रिलोक भ्रमणासाठी आपला रथ श्री तुळजाभवानी मातेस दिला, अशी आख्यायिका यामागे सांगितली जाते. दरम्यान, उद्या सहाव्या माळेला देवीची मुरली अलंकार महापूजा बांधली जाणार आहे.

****

नंदुरबार जिल्ह्याच्या नवापूर तालुक्यात गेल्या काही दिवसांपासून सातत्याने भूकंपाचे धक्के बसत आहेत. दो�� ऑक्टोबर रोजी २ पूर्णांक ३ तीव्रतेचा, ४ ऑक्टोबर रोजी २ पूर्णांक २ तीव्रतेचा, तर ५ ऑक्टोबर रोजी १ पूर्णांक २ तीव्रतेच्या धक्क्याची नोंद झाली. भूकंपाचे हे धक्के अतिशय सौम्य असून, कोणत्याही प्रकारचं नुकसान झालेलं नाही. नवापूरच्या तहसीलदार कार्यालयाकडून जिल्हाधिकारी कार्यालयाला पाठवलेल्या पत्रात ही माहिती देण्यात आली आहे.

****

युवकांनी शिक्षण घेऊन सुशिक्षित होत असतांनाच सुसंस्कारितही व्हावं, असं आवाहन छत्रपती संभाजीनगरचे जिल्हाधिकारी दिलीप स्वामी यांनी केलं आहे. छत्रपती संभाजीनगर जिल्हा प्रशासनाच्या वतीने ‘युवा संवाद’ या उपक्रमास आजपासून सुरुवात झाली, त्यावेळी ते बोलत होते. व्यक्तिमत्व चांगलं असणे म्हणजे त्याचा बौद्धिक विकास झालेला असणे होय, आधुनिकतेच्या नावाखाली आपण आपल्या संस्कारापासून दूर जात आहोत, याकडे स्वामी यांनी लक्ष वेधलं. युवासंवाद या कार्यक्रमात विविध विषयांवर तज्ज्ञांनी मार्गदर्शन केलं.

दरम्यान, निवडणुकीचं कामकाज करतांना सर्व विभागांचा समन्वय आवश्यक असल्याचं, जिल्हाधिकारी तथा जिल्हा निवडणूक अधिकारी दिलीप स्वामी यांनी म्हटलं आहे. आगामी विधानसभा निवडणुकीच्या पार्श्वभूमीवर आज छत्रपती संभाजीनगर जिल्हाधिकारी कार्यालयात सर्व नोडल अधिकाऱ्यांचं प्रशिक्षण पार पडलं, त्यावेळी ते बोलत होते. मतदार जनजागृती करुन नैतिक मतदानाचं महत्त्व मतदारांना पटवून देण्याचं आवाहन जिल्हाधिकाऱ्यांनी केलं.

****

छत्रपती संभाजीनगर इथं बौद्ध लेणी परिसरातल्या प्रस्तावित कारवाईच्या विरोधात आज शहरातून मोर्चा काढण्यात आला. विभागीय आयुक्त कार्यालयापर्यंत काढलेल्या या मोर्चात बौद्ध धर्मगुरु, वकील संघाचे सदस्य, आणि सर्वसामान्य नागरिक मोठ्या संख्येने सहभागी झाले होते. बौध्द लेणीला जागतिक तीर्थस्थळ म्हणून दर्जा द्यावा, यासह अन्य मागण्या मोर्चकऱ्यांनी केल्या.

दरम्यान, मातंग समाजाच्या वतीने आज छत्रपती संभाजीनगर इथं आरक्षण क्रांती पदयात्रा काढण्यात आली. विभागीय आयुक्त कार्यालयापर्यंत गेलेल्या या पदयात्रेत मोठ्या संख्येने समाज बांधव सहभागी झाले होते.

****

उमेद अर्थात महाराष्ट्र राज्य ग्रामीण जीवनोन्नती अभियानास ग्रामविकास आणि पंचायत राज विभागामधील शासनाचा एक नियमित विभाग म्हणून मान्यता देणे, त्या अंतर्गत कार्यरत कंत्राटी अधिकारी आणि कर्मचाऱ्यांना कायमस्वरूपी सेवेत समाविष्ट करून घेणे यासह अन्य मागण्यांसाठी नांदेड इथं आज उमेद अंतर्गत कार्यरत महिला आणि कर्मचाऱ्यांनी आंदोलन केलं. मागण्या मान्य न केल्यास तीव्र आंदोलन करण्याचा इशारा संघटनेचे जिल्हाध्यक्ष इरवंत सूर्यकर यांनी दिला आहे.

दरम्यान, बीड इथंही जिल्हा परिषद कार्यालयासमोर उमेद- महिला आणि कर्मचारी संघटनेच्या वतीने बेमुदत काम बंद आंदोलन सुरू करण्यात आलं आहे.

****

मुख्यमंत्री तीर्थ दर्शन योजनेंतर्गत नांदेड जिल्ह्यातल्या ज्येष्ठ नागरिकां��ा घेऊन, येत्या १२ ऑक्टोबर रोजी पहिली रे��्वे अयोध्येला जाणार आहे. तरी या योजनेतील पात्र लाभार्थ्यांनी अयोध्या धाम इथं जाण्यासाठी तयार रहावं, असं आवाहन समाज कल्याण विभागाचे सहायक आयुक्त शिवानंद मिनगिरे यांनी केलं आहे.

****

0 notes

sharpbharat · 2 years ago

Text

jamshedpur rural- शहीद गणेश हांसदा के परिवार संग अखिल भारतीय पूर्व सैनिक सेवा परिषद ने मनाया सेना दिवस

बहरागोड़ा: बहरागोड़ा के कोसाफलिया गांव निवासी गलवान के वीर शहीद गणेश हांसदा के गांव ��ें शहीद स्मारक स्थल परिसर में रविवार को अखिल भारतीय पूर्व सैनिक सेवा परिषद जमशेदपुर के भूतपूर्व सैनिकों ने सेना दिवस मनाया. गलवान के बीर शहीद गणेश हांसदा की मा़ं कापरा हांसदा ने केक काटा. इसके पश्चात उन्हें एवं उनके परिवार को मानपत्र के साथ अंग वस्त्र प्रदान किया गया. पूर्व सैनिकों ने ग्रामीणों के बीच मिठाई का…

View On WordPress

0 notes

best-quotes-top · 5 years ago

Text

3 पहिल्या दर प्रेरणादायी कोट - रायन लिली

Arno राफेल Minkkinen, Tv मॉर्गन-रिचर्ड्स, रायन लिली, #Ryan_Lilly, #भयानक, #success, सर्वोत्तम, मानपत्र, प्रीमियम, प्रोत्साहन, प्रेरणा, quotes, top, अग्रगण्य, प्रेरणा, उत्तम, पंतप्रधान - https://www.youtube.com/channel/UCfq7BcmuuSkO9dao_g2ROlw

#प्रोत्साहन #अग्रगण्य #भयानक #Tvमॉर्गन-रिचर्ड्स #finest #प्रीमियम #सर्वोत्तम #पंतप्रधान #प्रेरणा #success #शीर्ष #ArnoराफेलMinkkinen #quotes #inspiration #मानपत्र #रायनलिली #Marathi

0 notes

nashikfast · 2 years ago

Text

‘कवी डॉ.यशवंत मनोहर’ यांचा ‘महात्मा फुले समता’ पुरस्काराने होण��र गौरव

‘कवी डॉ.यशवंत मनोहर’ यांचा ‘महात्मा फुले समता’ पुरस्काराने होणार गौरव

मुंबई : अखिल भारतीय महात्मा फुले समता परिषदेच्या वतीने महात्मा फुले पुण्यतिथीच्या दिवशी अखिल भारतीय महात्मा फुले समता परिषदेचे राष्ट्रीय अध्यक्ष छगन भुजबळ यांच्या मार्गदर्शनाखाली दिला जाणारा ‘समता पुरस्कार’ यावर्षी ज्येष्ठ कवी, समीक्षक डॉ.यशवंत मनोहर यांना देण्यात येणार आहे. या पुरस्करामध्ये रुपये एक लक्ष, फुले पगडी, मानपत्र शाल आणि स्मृतीचिन्ह यांचा समावेश आहे. सदर पुरस्कार दि.२८ नोव्हेंबर…

View On WordPress

0 notes

kokannow · 2 years ago

Text

मधुभाई यांना यशवंतराव चव्हाण स्मृती पुरस्कार

मुंबई : कोंकण मराठी साहित्य परिषद चे संस्थापक पद्मश्री मधु मंगेश कर्णिक यांना यशवंतराव चव्हाण पुरस्कार जाहीर झाला आहे..शुक्रवारी २५ नोव्हेंबर २०२२ रोजी सायंकाळी यशवंतराव चव्हाण केंद्र मुंबई नरिमन पाईंट येथे सायंकाळी ५.०० वाजता हा पुरस्कार प्रदान करण्यात येणार आहे..दोन लाख रुपये रोख मानपत्र शाल श्रीफळ असे पुरस्काराचे स्वरूप आहे प्रतिष्ठान चे अध्यक्ष शरद पवार यांचे हस्ते हा पुरस्कार देण्यात येणार…

View On WordPress

#sindhudurg #कोकण नाऊ #बातम्या #ब्युरो न्यूज #मुंबई #सिंधुदुर्ग

0 notes

darshanpolicetime1 · 2 years ago

Text

आतांबर शिरढोणकर आणि संध्या रमेश माने यांना तमाशासम्राज्ञी विठाबाई नारायणगांवकर जीवन गौरव पुरस्कार जाहीर

मुंबई, दि. 20 : सांस्कृतिक कार्य विभागामार्फत तमाशासम्राज्ञी विठाबाई नारायणगांवकर जीवन गौरव पुरस्कार जाहीर करण्यात आले आहेत. सन 2019-20 आणि सन 2020-21 या वर्षाचा हा पुरस्कार अनुक्रमे आतांबर शिरढोणकर आणि संध्या रमेश माने यांना जाहीर करण्यात आला आहे. 5 लाख रुपये रोख, मानचिन्ह आणि मानपत्र असे या पुरस्काराचे स्वरुप आहे. ००००

View On WordPress

0 notes

mhlivenews · 2 years ago

Text

View On WordPress

0 notes

darshaknews · 3 years ago

Text

Pragat Arts College | प्राचार्य नुरील भोसले यांना राज्यस्तरीय ‘कलानंद’ पुरस्कार

#Pragat Arts College | प्राचार्य नुरील भोसले यांना राज्यस्तरीय ‘कलानंद’ पुरस्कार #Ahmednagar #Arts #Mumbai #Awards

Pragat Arts College | अहमदनगर (दि २६ एप्रिल २०२२) प्रतिनिधी – प्रगत कला महाविद्यालयाचे प्राचार्य नुरील प्रभात भोसले यांच्या व्यक्तीचित्र कलाकृतीस प्रफुल्ला डहाणुकर आर्ट फाऊंडेशनचा कलानंद 2022 हा पुरस्कार प्रमुख पाहुणे शरयु दोषी यांच्या उपस्थिती प्रदान करण्यात आला. रोख 20 हजार रुपये,मानपत्र असे पुरस्काराचे स्वरुप आहे.या कलाकृतीमध्ये पेन्सिल माध्यमात व्यक्तीचे रेखांकन वास्तववादी प्रकारात करण्यात…

View On WordPress

#AHMEDNAGAR #AhmednagarCorporation #ahmednagarnews #Awards #PragatArtsCollege

0 notes

parthd · 3 years ago

Text

बालपणा पासूनच अनेक चित्र-विचित्र चित्रपटांमध्ये आपण सापांना बघत आलोय,तसेच अनेक भाकडकथा, पुराण कथा, कादंबऱ्या एवढेच काय तर धर्मग्रंथाही आपण सापांविषयी बरेच काही ऐकत आलोय. वैदिक काळापासूनच सापांना धर्मशास्त्रात श्रेष्ठ स्थान प्राप्त असायचे, कारण साप हा शिवजींचा अलंकार होय, पण एवढेच काय तर श्री विष्णू यांचे तर ते प्रिय आसन होय. जेव्हा साक्षात भगवंताने सापांना एवढे जवळचे स्थान दिले, त्याअर्थी मानवाने सर्पपूजा करणे हे सहाजिकच होते. परंतु आजची सद्यस्थिती बघता हेच दिसून येते की मानवाच्या मनात सापाविषयी शत्रूत्व वृत्तींनी चांगले घर केले आहे आणि यामूळेच आज जर कुठही साप आढळला तर, तो जणू काय फक्त आपल्याला चाण्यासाठीच आलाय या समजुतीने माणसं त्याला मारायला धावतात. मग अशा प्रसंगी साप सुद्धा आपल्या विषाचा उपयोग स्वसंरक्षणार्थ करतो आणि याच कारणास्तव आज जास्तीत जास्त सर्पदंश हे सर्पहत्येच्या केलेल्या प्रयत्नांमुळे होतात. ही संकट टळावी म्हणूनच मागील तीस वर्षापासून सर्पमित्र वनिता बोराडे सतत कार्यान्वित आहेत. आज कुठेही साप निघाला तर तिथल्या लोकांना सर्पमित्र वनिता बोराडे यांचा आधार असतो. त्यांच्या या कौशल्यामुळेच आज त्यांनी 51000 पेक्षा जास्त सापांना जीवदान दिले आहे सोबतच सर्पदंश टाळून लोकांचाही जीव वाचवला आहे. त्यांनी केलेल्या सापाविषयीच्या जनजागृतीमुळेच आज "साप हा माणसाचा शत्रू नसून मित्र आहे" ही धारणा लोकांच्या मनात रूढ झाली सोबतच सर्पदंश आणि सर्पहत्येचे प्रमाण नगण्य होत गेले आहे. फक्त सापच नव्हे तर इतर प्राणीमात्रांविषयी लोकांच्या मनात अशीच भावना जागृत व्हावे हे त्यांचे ब्रिद आता त्यांच्या सोयरे वनचरे फाउंडेशन या संस्थेशी जोडल्या गेलेल्या प्रत्येकाचे स्वप्न बनत आहे. सोयरे वनचरे फाउंडेशनच्या सहाय्याने वनिताने युवकांची फळी निर्माण केली आहे आणि या द्वारे आज विविध उपक्रम ते गावोगावी राबवत आहेत. ��ोयरे वनचरे मल्टीपर्पज फाउंडेशन, बोथा. स्थापना : 31 Dec 2018 वने, वन्यजीव संरक्षण आणि पर्यावरण संरक्षण,संशोधन करणारी ही फाउंडेशन असून पूर्ण वेळ यासाठी समर्पित भावनेने जगाला पर्यावरण हेच प्राणसंजीवन हे ब्रिज घेऊन सतत सक्रियपणे सकारात्मक, सूचनात्मक दृष्टिकोनातून सर्वांना सोबत घेऊन विश्वकल्याण व मानव कल्याणासाठी सोयरे वनचरे फाऊंडेशन ही बहुउद्देशीय संस्था कार्यरत आहे. संस्थेचे प्रमुख कार्य :- • वने,वन्यजीव, निसर्ग व पर्यावरणाचे नैसर्गिक संतुलन रहावे यासाठी जैवविविधतेचे व नैसर्गिक साधन संपत्तीचे संरक्षण करून जतन करणे. • लोकसहभागातून वन्यजीव व पर्यावरण संरक्षण व संवर्धनासाठी जनजागरणाचे उपक्रम राबवून प्रभावी मूलभूत विकासाचे काम करणे. • प्राण्यांची व लोकांचे हेच सुरक्षित करण्यासाठी आपत्कालीन परिस्थितीत मदत आणि पूर्ण पुनर्वसन करणे. • अवर्षण, दुष्काळ, महामारी, महापूर, वादळे आणि वनवा अशा नैसर्गिक संकट समयी सर्वतोपरी मदत भावनेने सेवाकार्य करणे. •शिक्षण प्रशिक्षण कार्यक्रम कार्यशाळांचे आयोजन करून राबवणे • आदर्श वन्यजीव रक्षक व पर्यावरण सेवकांची संघटन तयार करून घेणे त्यांच्यामार्फत समाजात वन्यजीवांचे महत्त्व पटवून देत अज्ञान व अंधश्रद्ध दूर करणे. • वृक्ष संवर्धन उपक्रम राबवणे सरकारी विभाग संलग्न राहून उपक्रम राबवणे. • उत्कृष्ट काम करणाऱ्या व्यक्ती, संस्था व विभाग यांना त्यांच्या कार्यात बक्षीसं, प्रमाणपत्र, मानपत्र व सन्मान देऊन, सत्कार करून संस्थेमार्फत त्यांचा गौरव करणे. • साप, वन्यजीव व पर्यावरण क्षेत्रात अभ्यासपूर्ण संशोधन करून नवनवीन उपक्रम राबविणे. • कृती आराखडा आराखडा तयार करून प्रबोधनात्मक अभ्यासक्रम तयार करणे. शालेय स्तरावरून ते विद्यार्थ्यांपर्यंत पोहचवणे. • त्यासाठी ग्रंथ व शैक्षणिक साहित्य निर्माण करणे. • वैज्ञानिक दृष्टिकोन तयार करण्यासाठी शास्त्रीय आराखडा तयार करून कृती पूर्ण विकास उपक्रम यशस्वी करणे. ◇ सोयरे वनचरे फाउंडेशन ही एक वन्यजीव संरक्षण क्षेत्रात अग्रेसर असणारी नोंदणीकृत धर्मादाय संस्था आहे. प्राणीरक्षकांना पायाभूत सुविधा व अधिष्ठान मिळवून देण्यासाठी कार्यरत आहे. वन्यप्राणी व मानव यांना जीवनदान देण्याचे महत्त्वाचे कार्य सर्परक्षक व प्राणीमित्र करीत आहेत. त्यांना अधिकृत पाठबळ देण्याचे काम संस्था करीत आहे. या अनुषंगाने संस्था आपला कार्य विस्तार करीत असून सामाजिक,राजकीय, सांस्कृतिक क्षेत्रात आता विविध आघाडी��वर संघटितपणे काम करण्यासाठी सर्प मित्रांचे एकत्रित संघटन महाराष्ट्र सेना सर्प मित्र आघाडी या राजकीय पक्षाशी संलग्न होऊन आपले राजकीय ध्येय-धोरणे राबवित आहे.

0 notes

bharatlivenewsmedia · 2 years ago

Text

साम्ययोग : सर्वहारांचा नेता

साम्ययोग : सर्वहारांचा नेता विनोबांनी साम्यवादाची दखल घेताना विस्तृत भूमिका घेऊन तिला नवा आयाम जोडल्याचे दिसते. – अतुल सुलाखे ‘‘ येथील कम्युनिस्ट बंधूंनी मला मानपत्र देऊन भूदान यज्ञाच्या यशाबद्दल शुभकामना व्यक्त केली, ही आनंदाची गोष्ट आहे. मानपत्रात त्यांनी म्हटले आहे – ‘��ा आंदोलनाने एका म��त्त्वाच्या प��रश्नाला चालना मिळाली आहे आणि आम जनतेत भूमीचा हा संदेश पोहोचत आहे.’ त्यांनी पुढे असेही म्हटले…

View On WordPress

0 notes

airnews-arngbad · 6 months ago

Text

Regional Marathi Text Bulletin, Chhatrapati Sambhajinagar

Date – 12 June 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक १२ जून २०२४ सकाळी ७.१० मि.

****

राज्यात खरीप हंगामाचं नियोजन करण्याचे मुख्यमंत्र्यांचे प्रशासनाला निर्देश

उच्च शिक्षण संस्थांमध्ये वर्षातून दोन वेळा प्रवेश प्रक्रिया राबवण्यास यूजीसीची परवानगी

ज्येष्ठ संगीतकार प्यारेलाल शर्मा यांना पद्म भूषण पुरस्कार सन्मानपूर्वक प्रदान

आषाढी यात्रेसाठी एसटीकडून पाच हजार विशेष बस सोडण्याचं नियोजन

आणि

मराठवाड्यात अतिवृष्टी-लातूर जिल्ह्यात नदीकाठालगत धोक्याचा इशारा

****

राज्यात यंदा चांगल्या पावसाची शक्यता लक्षात घेत, शेतकऱ्यांना बियाणे, खतांची टंचाई जाणवणार नाही, याची दक्षता घेऊन, खरीप हंगामाचं नियोजन करण्याचे निर्देश, मुख्यमंत्री एकनाथ शिंदे यांनी दिले आहेत. मुंबईत काल खरीप हंगामपूर्व आढावा बैठकीत ते बोलत होते. बियाण्यांचा काळाबाजार आणि बनावट बियाण्यांची विक्री रोखण्यासाठी कृषी विभागानं धडक कारवाई करावी, पाणीटंचाई असलेल्या भागांना टँकरद्वारे पाणीपुरवठा करावा, चारा छावण्या उभारण्याला जिल्हा प्रशासनानं प्राधान्य द्यावं, तसंच आपत्तीकाळात सर्व विभागांनी समन्वयातून काम करावं, आदी सूचनाही मुख्यमंत्र्यांनी केल्या.

दरम्यान, केंद्रीय कृषी मूल्य आयोगाच्या काल मुंबईत झालेल्या बैठकीला मुख्यमंत्र्यांनी संबोधित केलं. कांदा निर्यात, सोयाबीन तसंच कपाशीच्या किमान हमी भावाकडे लक्ष देण्याची, तसंच तेलाची आयात कमी करून देशांतर्गत तेलाचं उत्पादन वाढवण्याची आवश्यकताही मुख्यमंत्र्यांनी यावेळी व्यक्त केली.

****

काँग्रेस प्रदेशाध्यक्ष नाना पटोले यांच्या नेतृत्वाखालील शिष्टमंडळानं काल राज्यपाल रमेश बैस यांची भेट घेऊन दुष्काळ तसंच राज्यातल्या विविध प्रश्नांवर चर्चा केली. महायुती सरकारवर भ्रष्टाचाराचे आरोप करत, राज्यात राष्ट्रपती राजवट लागू करावी अशी मागणी राज्यपालांकडे केल्याचं पटोले यांनी सांगितलं.

****

बनावट कागदपत्रांच्या आधारे मुंबईत लोकसभा निवडणुकीसाठी मतदान करणाऱ्या चार बांग्लादेशी नागरिकांना दहशतवाद विरोधी पथक -एटीएसनं अटक केली. या चार जणांविरोधात गुन्हा दाखल करण्यात आला असून, त्यांना बनावट कागदपत्रं मिळवून देणाऱ्या व्यक्तीचा शोध सुरू असल्याचं, याबाबतच्या वृत्तात म्हटलं आहे.

****

महाराष्ट्र राज्य विधानपरिषदेच्या शिक्षक आणि पदवीधर मतदारसंघाच्या निवडणुकीसाठी उमेदवारी अर्ज मागे घेण्याचा आज अखेरचा दिवस आहे. मुंबई पदवीधर, कोकण विभाग पदवीधर, नाशिक विभाग शिक्षक तसंच मुंबई शिक्षक मतदारसंघ अशा चार जागांकरता होणाऱ्या या निवडणुकीसाठी, ८८ उमेदवारांचे अर्ज वैध ठरले आहेत. येत्या २६ जून रोजी मतदान होणार असून, एक जुलैला मतमोजणी होणार आहे.

दरम्यान, या निवडणुकीत मतदानाच�� वेळ वाढवण्याबाबतची काही संघटनांची मागणी मान्य करत, निवडणूक आयोगानं ही वेळ आता सकाळी सात ते संध्याकाळी सहा वाजेपर्यंत केली आहे.

****

विद्यापीठ अनुदान आयोग- यूजीसीने उच्च शिक्षण संस्थांना वर्षातून दोन वेळा प्रवेश प्रक्रिया राबवण्याची परवानगी देण्याचा निर्णय घेतला आहे. आगामी शैक्षणिक वर्षापासून हा निर्णय अंमलात येणार आहे. सध्या एका वर्षात एकाच शैक्षणिक सत्रात प्रवेश घेता येतो. परीक्षांचा निकाल उशीरा लागलेल्या तसंच वैयक्तिक कारणांमुळे पहिल्या सत्रात प्रवेश न घेऊ शकणाऱ्या विद्यार्थ्यांना या नव्या निर्णयामुळे, लाभ होणार आहे.

****

वैद्यकीय आणि दंतवैद्यकीय अभ्यासक्रमाच्या प्रवेशासाठी घेण्यात आलेली नीट ही परीक्षा प्रक्रिया रद्द करण्याची मागणी करणारी याचिका सर्वोच्च न्यायालयात दाखल झाली आहे. न्यायालयाच्या सुटीकालीन पीठानं त्यावर राष्ट्रीय चाचणी संस्थेला नोटीस बजावली असून पुढची सुनावणी येत्या आठ जुलैला ठेवली आहे. मात्र परीक्षेनंतरच्या समुपदेशन प्रक्रियेला स्थगिती द्यायला न्यायालयानं नकार दिला.

****

ज्येष्ठ संगीतकार प्यारेलाल रामप्रसाद शर्मा यांना पद्म भूषण पुरस्कार काल प्रदान करण्यात आला. मुंबईत वांद्रे इथल्या त्यांच्या निवासस्थानी राज्याचे मुख्य सचिव डॉ. नितिन करीर तसंच अपर मुख्य सचिव मनीषा पाटणकर-म्हैसकर यांनी प्यारेलाल यांना हा पुरस्कार प्रदान करत, शाल, श्रीफळ आणि मानपत्र देऊन सत्कार करून त्यांचं अभिनंदन केलं.

****

आषाढी यात्रेसाठी श्री श्रेत्र पंढरपुरला जाणाऱ्या भाविक प्रवाशांसाठी एसटीने यात्राकाळात पाच हजार विशेष बस सोडण्याचं नियोजन केलं आहे. राज्यातल्या कोणत्याही गावातून ४० अथवा त्या पेक्षा जास्त भाविक प्रवाशांनी एकत्रित मागणी केल्यास त्यांना थेट पंढरपूरला जाण्यासाठी त्यांच्या गावातून एसटी बस उपलब्ध करून देण्यात येणार आहे. त्यासाठी भाविक प्रवाशांनी आपल्या जवळच्या आगारात संपर्क साधावा असं आवाहन एसटी महामंडळातर्फे करण्यात आलं आहे.

****

मराठवाड्याच्या अनेक महसूल मंडळात सोमवारी अतिवृष्टीची नोंद झाली.

लातूर जिल्ह्यातल्या दहापैकी सहा तालुक्यात अतिवृष्टी झाली. यात लातूर, औसा, निलंगा, चाकूर, रेणापूर आणि शिरूर अनंतपाळ या तालुक्यांचा समावेश आहे. एकाच दिवसात जिल्ह्यात ६३ पूर्णांक सात मिलीमीटर पाऊस झाला. घरणी नदीवरील पर्यायी पूल वाहून गेल्यानं, शिरुर अनंतपाळ ते उदगीर हा राज्यमार्ग पूर्णपणे बंद झाला आहे. या न��ीवरच्या पुलाचं काम सुरू असल्यानं, हा पर्यायी पूल उभारण्यात आला होता. या ठिकाणी वाहतुकीसाठी दुसरा मजबूत पर्यायी पूल तयार करून देण्याची मागणी होत आहे. प्रशासनाने घरणी नदीकाठच्या ग्र��मस्थांना सतर्कतेचा इशारा दिला आहे.

जिल्ह्यात रेणा नदीच्या पाणी पातळीत वाढ होऊन, रेणापूर, जवळगा आणि खरोळा बंधारे पूर्ण भरले आहेत. त्यामुळे रेणा नदी काठावरच्या गावांमध्ये पूर परिस्थिती निर्माण होण्याची शक्यता आहे. अशा परिस्थितीत रेणा नदी काठावरच्या गावातल्या शेतकरी आणि नदीकाठी वस्ती करून राहिलेल्या नागरिकांना सावधानतेचा इशारा देण्यात आला आहे.

धाराशिव जिल्ह्यातही आठ महसूल मंडळात अतिवृष्टीची नोंद झाली. या पावसामुळे जिल्ह्यातल्या तेरणा नदीसह इतर नद्या वाहत्या झाल्या असून, यामुळे जिल्ह्यावरचं पिण्याच्या पाण्याचं संकट काही प्रमाणात कमी होणार आहे. या पावसामुळे खरिपाच्या पेरण्यांना सुरुवात होणार असल्याचं आमच्या वार्ताहरानं कळवलं आहे.

बीड जिल्ह्यात चार महसुली मंडळात अतिवृष्टीची नोंद झाली. यात घाटनांदूर मंडळामध्ये ६६ मिलीमीटर, अंबाजोगाई मंडळात ७१, परळी वैद्यनाथ तालुक्यात धर्मापुरी मंडळात ८१ मिलीमीटर, तर धारूर तालुक्याच्या मोहखेड मंडळात सर्वाधिक ९१ मिलीमीटर पाऊस झाला.

दरम्यान, नैऋत्य मोसमी पाऊस संपूर्ण मराठवाड्यात सक्रिय झाला आहे. आज आणि उद्या मराठवाड्यात अनेक ठिकाणी जोरदार वारे आणि विजांच्या कडकडाटासह मध्यम स्वरूपाचा पाऊस होण्याची शक्यता हवामान विभागानं वर्तवली आहे.

****

डॉक्टर बाबासाहेब आंबेडकर मराठवाडा विद्यापीठाचा ६४ वा दीक्षांत समारंभ उद्या गुरुवारी होणार आहे. विद्यापीठाचे कुलसचिव डॉक्टर प्रशांत अमृतकर यांनी काल छत्रपती संभाजीनगर इथं पत्रकार परिषदेत ही माहिती दिली. सकाळी अकरा वाजता समारंभाला सुरूवात होईल, विद्यापीठाच्या अधिकृत संकेतस्थळांवरुन या समारंभाचं थेट प्रसारण करण्यात येणार आहे.

****

राज्य वस्तू आणि सेवा कर विभागानं केलेल्या जिल्ह्यांच्या विभागीय पुनर्रचनेमुळे धाराशिव जिल्ह्यातल्या व्यापारी आणि उद्योजकांची गैरसोय होणार असून, हा जिल्हा परत सोलापूर विभागीय कार्यालयाला जोडावा, अशी मागणी केली जात आहे. जिल्हा व्यापारी आणि कर सल्लागार संघटनेच्यावतीनं काल संबंधित कार्यालयात या मागणीचं निवेदन देण्यात आलं.

****

दक्षिण कोरिया आणि मुंबईच्या काही निर्यातदारांनी काल जालना जिल्ह्यात बदनापूर मोसंबी केंद्रास भेट देऊन पाहणी केली. केंद्राचे प्रमुख शास्त्रज्ज्ञ डॉ. संजय पाटील यांनी या फळासंबंधी सर्व माहिती दिली. जालना जिल्ह्यात मोसंबीला भौगोलिक मानांकन मिळालं आहे.

****

टी - ट्वेंटी क्रिकेट विश्वचषक स्पर्धेत आज भारताचा सामना अमेरिकेसोबत होणार आहे. न्यूयॉर्क इथं होणारा हा सामना भरतीय वेळेनुसार रात्री आठ वाजता सुरु होईल. गुणता��िकेत अ गटात भारत पहिल्या तर अमेरिका दुसऱ्या स्थानावर आहे.

सध्या नामिबिया आणि ऑस्ट्रेलिया दरम्यान सामना सुरु आहे. काल या स्पर्धेत पाकिस्ताननं कॅनडाचा सात गडी राखून पराभव केला.

****

छत्रपती संभाजीनगर शहरात आकाशवाणी चौकात गॅस सिलिंडरची वाहतुक करणाऱ्या ट्रकने धडक दिल्यानं रस्ता ओलांडणाऱ्या एका महिलेचा मृत्यू झाला. काल रात्री ही दुर्घटना घडली. या घटनेत संबंधित महिलेचे पती गंभीर जखमी झाले आहेत. सदर ट्रक पोलिसांनी ताब्यात घेतला आहे.

****

जालन्याचे जिल्हाधिकारी डॉ. श्रीकृष्ण पांचाळ यांनी काल बियाणं, खतं तसंच औषधी विक्रेत्यांच्या दुकानाना भेट देऊन तपासणी केली. सिंधी काळेगाव इथले शेतकरी विष्णुपंत गिराप यांच्या शेतात भेट देऊन पांचाळ यांनी शेतकऱ्यांशी संवाद साधला, शेतकऱ्यांना कुठल्याही प्रकारे त्रास होणार नाही यांची कृषी विभागाने दक्षता घ्यावी, अशी सूचना त्यांनी केली.

****

परभणी जिल्ह्यातल्या, अल्पसंख्यांक समाजातल्या उच्च शिक्षण घेणाऱ्या मुलींसाठी गंगाखेड आणि सेलू इथल्या वसतीगृहांची प्रवेश प्रक्रिया सुरू झाली आहे. चालू शैक्षणिक वर्षासाठी गंगाखेड इथं येत्या २४ तारखेपर्यंत तर सेलू इथं प्रवेशासाठी येत्या १५ जुलैपर्यंत अर्ज करता येणार आहेत.

****

विवाहित जोडप्यापैकी एक जण दिव्यांग असलेल्या पंधरा जोडप्यांना हिंगोली जिल्हा परिषदेच्या समाज कल्याण विभागाकडून प्रोत्साहनपर अर्थसहाय्य योजनेअंतर्गत प्रत्येकी पन्नास हजार रुपयांचं वाटप करण्यात आलं. दिव्यांग व्यक्तीसोबत विवाह करण्यासाठी सुदृढ व्यक्तींनी पुढे यावं आणि त्यांना सामाजिक समानता मिळावी, हा या योजनेचा हेतू आहे.

****

दक्षिण मध्य रेल्वेनं नांदेड- हडपसर-नांदेड विशेष गाडीच्या तीन फेऱ्या रद्द केल्या आहेत. यात नांदेड - हडपसर विशेष गाडी आज तसंच येत्या १९ आणि २६ या तारखांना, तर, हडपसर ते नांदेड विशेष गाडी उद्या तसंच येत्या २० आणि २७ या तारखांना रद्द करण्यात आली आहे.

****

0 notes