#भारत-वेस्ट इंडिज मालिका

[airnews-arngbad]

Regional Marathi Text Bulletin, Aurangabad

Date – 02 August 2023

Time 7.10 AM to 7.25 AM

Language Marathi

आकाशवाणी औरंगाबाद

प्रादेशिक बातम्या

दिनांक ०२ ऑगस्ट २०२३ सकाळी ७.१० मि.

****

४१ वा लोकमान्य टिळक राष्ट्रीय पुरस्कार पंतप्रधान नरेंद्र मोदी यांना पुण्यात समारंभपूर्वक प्रदान

स्वातंत्र्यसेनानी लोकमान्य टिळक यांच्या पुण्यतिथीनिमित्त तसंच लोकशाहीर अण्णाभाऊ साठे यांच्या जयंतीनिमित्त त्यांना सर्वत्र अभिवादन

विधान सभेच्या विरोधी पक्षनेतेपदासाठी काँग्रेसकडून माजी मंत्री विजय वडेट्टीवार यांची शिफारस

विरोधी पक्षांनी दाखल केलेल्या अविश्वास प्रस्तावावर येत्या आठ तारखेपासून संसदेत चर्चा सुरू होणार

अमृत भारत स्थानक योजनेअंतर्गत उस्मानाबाद, लातूरसह सोलापूर विभागातल्या १५ रेल्वेस्थानकांचा विकास

आणि

वेस्ट इंडिज विरुद्धची एकदिवसीय क्रिकेट मालिका भारतानं दोन - एकनं जिंकली

****

४१ वा लोकमान्य टिळक राष्ट्रीय पुरस्कार काल पंतप्रधान नरेंद्र मोदी यांना पुण्यात समारंभपूर्वक प्रदान करण्यात आला. पुणेरी पगडी, लोकमान्य टिळक वापरत होते तसं उपरणं, मानपत्र, स्मृतिचिन्ह आणि एक लाख रुपये असं या पुरस्काराचं स्वरूप आहे. पुण्यात एस पी महाविद्यालयात हा कार्यक्रम झाला. यावेळी बोलताना पंतप्रधानांनी, आपण लोकमान्य टिळक राष्ट्रीय पुरस्कार देशवासियांना समर्पित करत असल्याचं, आणि पुरस्काराची रक्कम नमामि गंगा परियोजनेसाठी देत असल्याचं जाहीर केलं. लोकमान्य टिळक यांची पुण्यतिथी तसंच लोकशाहीर अण्णाभाऊ साठे यांच्या जयंतीनिमित्त पंतप्रधानांनी त्यांच्या कार्याचा गौरवपूर्ण उल्लेख करत, त्यांना अभिवादन केलं. थेट लोकमान्यांशी निगडित स्थानी, त्यांच्याशी निगडित संस्थेच��� पुरस्कार मिळणं, हे आपलं भाग्य असल्याची भावना पंतप्रधानांनी व्यक्त केली. ते म्हणाले...

‘‘मला पुण्याच्या या पावन भूमीवर येण्याची संधी मिळाली, हे माझे भाग्य आहे. ये पुण्यभूमी छत्रपती शिवाजी महाराज की धरती है. ये चापेकर बंधुओं की पवित्र धरती है. इस धरती से ज्योतिबा फुले, सावित्री बाई फुले की प्रेरणाएं और आदर्श जुडे हैं. साथियो आज पुणे में आप सब के बीच मुझे जो सम्मान मिला है. ये मेरे जीवन का एक अविस्मरणीय अनुभव है. जो जगह, जो संस्था सीधे तिलकजी से जुडी रही हो, उसके द्वारा लोकमान्य तिलक नेशनल अवार्ड मिलना, मेरे लिए सौभाग्य की बात है.’’

या समारंभाला राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, टिळक महाराष्ट्र विद्यापीठाचे कुलगुरु दीपक टिळक, राष्ट्रवादी काँग्रेस पक्षाचे अध्यक्ष शरद पवार, माजी केंद्रीय मंत्री सुशीलकुमार शिंदे यांच्यासह अनेक मान्यवर उपस्थित होते.

या पुरस्कारासाठी पंतप्रधान नरेंद्र मोदी यांची निवड केल्याबद्दल मुख्यमंत्री शिंदे यांनी टिळक स्मारक मंदिर ट्रस्टचे आभार मानले. लोकमान्य टिळकांप्रमाणेच, पंतप्रधानांनी गेल्या नऊ वर्षात केलेल्या कामांना देखील लोकमान्यता मिळाल्याचं त्यांनी नमूद केलं. शरद पवार यांनी यावेळी केलेल्या भाषणात, स्वातंत्र्य प्राप्तीसाठी लोकमान्य टिळकांनी केलेल्या कार्याचा गौरव केला.

तत्पूर्वी पंतप्रधानांनी काल सकाळी पुण्यात दाखल झाल्यावर, श्रीमंत दगडूशेठ हलवाई गणपतीची पूजा करून दर्शन घेतलं. पुण्यातल्या विविध विकासकामांचं लोकार्पण तसंच काही नवीन विकासकामांचं भूमिपूजनही त्यांच्या हस्ते झालं. यामध्ये पुणे मेट्रोच्या पूर्ण झालेल्या दुसऱ्या टप्प्याचं लोकार्पण, आणि पुणे महानगर पालिका, पुणे महानगर प्रदेश विकास प्राधिकरण आणि पिंपरी चिंचवड महानगरपालिका, यांनी प्रधानमंत्री आवास योजनेअंतर्गत बांधलेल्या दहा हजाराहून जास्त घरांचं हस्तांतरण, कचऱ्यातून ऊर्जा या प्रकल्पाचं उद्घाटन, या विकासकामांचा समावेश आहे. या वेळी लाभार्थ्यांना पंतप्रधानांच्या हस्ते प्रातिनिधिक स्वरुपात घरांची किल्ली सोपवण्यात आली.

****

थोर स्वातंत्र्यसेनानी लोकमान्य बाळ गंगाधर टिळक यांच्या पुण्यतिथीनिमित्त तसंच लोकशाहीर अण्णाभाऊ साठे यांच्या जयंतीनिमित्त काल त्यांना सर्वत्र अभिवादन करण्यात आलं.

विधानसभा अध्यक्ष राहुल नार्वेकर यांनी विधानभवनात लोकमान्यांच्या अर्धाकृती पुतळ्याला पुष्पहार अर्पण करुन आदरांजली वाहिली. कौशल्य विकास मंत्री मंगलप्रभात लोढा आणि मुंबई भाजप अध्यक्ष आमदार आशिष शेलार यांनीही मुंबईत गिरगाव चौपाटी इथं लोकमान्यांच्या पुतळ्याला पुष्पहार अर्पण करून अभिवादन केलं.

साहित्यरत्न लोकशाहीर अण्णाभाऊ साठे यांच्या एकशे तिनाव्या जयंतीनिमित्त मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी, पुणे शहरातल्या सारसबाग इथल्या त्यांच्या पुतळ्यास पुष्पहार अर्पण करून अभिवादन केलं. शालेय शिक्षण मंत्री दीपक केसरकर यांनी मंत्रालयात अण्णाभाऊ साठे यांच्या प्रतिमेला पुष्पहार अर्पण करून अभिवादन केलं.

औरंगाबाद इथं अण्णाभाऊ साठे तसंच लोकमान्य टिळक यांच्या पुतळ्याला पुष्पहार अर्पण करून अभिवादन करण्यासाठी विविध पक्षसंघटना तसंच नागरिकांनी मोठी गर्दी केली होती.

****

औरंगाबाद इथल्या, एकशे तीन वर्षांची परंपरा लाभलेल्या बलवंत वाचनालयात लोकमान्य टिळक यांची पुण्यतिथी, लोकशाहीर अण्णाभाऊ साठे यांची जयंती आणि वाचनालयाचा एकशे तीनवा वर्धापनदिन यानिमित्त विशेष कार्यक्रम घेण्यात आला. वाचनालयातल्या अमूल्य ग्रंथसंपदेचा वाचकांनी लाभ घ्यावा, असं आवाहन या कार्यक्रमाचे आणि बलवंत वाचनालयाचे अध्यक्ष विपीनकुमार बाकलीवाल यांनी केलं.

****

काँग्रेस पक्षानं, विधान सभेच्या विरोधी पक्षनेतेपदासाठी माजी मंत्री विजय वडेट्टीवार यांची शिफारस केली आहे. अजित पवार गट सरकारमध्ये गेल्यानंतर विरोधी पक्षनेते पद संख्याबळानुसार काँग्रेसकडे गेलं. त्यानुसार या पदासाठी काँग्रेस पक्षानं काल वडेट्टीवार यांच्या नावाची घोषणा केली. या आधी २०१९ मध्ये वडेट्टीवार यांच्याकडे विरोधी पक्षनेतेपदाची जबाबदारी होती.

****

नागपूर - मुंबई समृद्धी महामार्गावर सोमवारी मध्यरात्री ठाणे जिल्ह्यात झालेल्या अपघातातल्या मृतांची संख्या २० झाली आहे. तर तीन जण जखमी आहेत. मुख्यमंत्री एकनाथ शिंदे यांनी काल संध्याकाळी घटनास्थळी भेट देऊन प��हणी केली. भविष्यात अशा प्रकारच्या घटना होऊ नयेत, याची काळजी घेण्याबाबत सूचना देण्यात आल्याचं मुख्यमंत्र्यांनी यावेळी सांगितलं. पुलावर गर्डर टाकण्याच्या वेळी क्रेन कोसळून हा अपघात झाला. अपघातातल्या मृतांच्या कुटूंबाला पंतप्रधान नरेंद्र मोदी यांनी प्रत्येकी दोन लाख रुपये तर राज्य सरकारने प्रत्येकी पाच लाख रुपये मदत जाहीर केली आहे. जखमींना पंतप्रधानांनी प्रत्येकी ५० हजार रुपये मदत जाहीर केली असून, मुख्यमंत्र्यांनी जखमींवर शासकीय खर्चाने उपचार करण्याची सूचना केली आहे.

****

मुख्यमंत्री वैद्यकीय सहाय्यता कक्षाद्वारे गेल्या तेरा महिन्यांत बारा हजारपेक्षा जास्त रुग्णांना ९८ कोटी ९८ लाखांची मदत वितरीत करण्यात आली आहे. या योजनेंतर्गत गरजू रुग्णांना गंभीर आणि महागड्या शस्त्रक्रियांसाठी थेट अर्थसहाय्य मिळत असल्यानं आणि संबंधित रुग्णांचे प्राण वाचत असल्यानं जास्तीत गरजू रुग्णांनी या योजनेचा लाभ घ्यावा, असं आवाहन मुख्यमंत्री वैद्यकीय सहाय्यता कक्षाच्या वतीनं करण्यात आलं आहे.

****

विरोधी पक्षांनी केंद्र सरकारविरुद्ध दाखल ��ेलेल्या अविश्वास प्रस्तावावर येत्या आठ तारखेपासून संसदेत चर्चा सुरू होणार असून, पंतप्रधान या प्रस्तावावर येत्या दहा तारखेला उत्तर देण्याची शक्यता आहे. बिजू जनता दलानं या अविश्वास प्रस्तावाला विरोध करण्याचा निर्णय घेतला आहे.

दरम्यान, मणिपूर हिंसेच्या मुद्द्यावरून संसदेच्या दोन्ही सदनांचं कामकाज कालही प्रभावित झालं. या गदारोळातच लोकसभेत राष्ट्रीय राजधानी क्षेत्र दिल्ली सुधारणा विधेयक २०२३ मांडण्यात आलं. या विधेयकामुळे दिल्ली सरकारच्या कामकाजासंबंधी कायदे करण्याचा अधिकार केंद्र सरकारला मिळणार आहे. या संदर्भातला अध्यादेश सरकारनं या आधीच आणला आहे. या विधेयकाला काँग्रेससह इतर विरोधी पक्षांनी विरोध केला, तर, बिजू जनता दलानं या विधेयकाला पाठिंबा देण्याचा निर्णय घेतला. बिजू जनता दलाच्या या निर्णयामुळे राज्यसभेत हे विधेयक पारित होण्यासाठी केंद्र सरकारला मदत होणार आहे.

दरम्यान, राज्यसभेनं काल दुपारच्या सत्रात बहु राज्य सहकारी संस्था सुधारणा विधेयक २०२३ पारित केलं. तर लोकसभेनं अनुसूचित जाती आदेश घटना दुरुस्ती विधेयक मंजूर केलं.

****

कृषी पायाभूत सुविधा निधीअंतर्गत महाराष्ट्राला सुमारे साडे आठ हजार कोटी रुपये निधी देण्यात आला आहे. केंद्रीय कृषीमंत्री नरेंद्रसिंह तोमर यांनी काल लोकसभेत ही माहिती दिली. या अतंर्गत प्राथमिक प्रक्रिया केंद्र, गोदामं, शीतगृह तसंच शीत वाहतुक यंत्रणा, वर्गीकरण केंद्र, आदी पायाभूत सुविधांसाठी कर्ज दिलं जातं.

दरम्यान, पंतप्रधान कृषी सिंचन योजनेअंतर्गत महाराष्ट्रासाठी दोन हजार २६५ कोटी रुपयांचा, तर २०२२-२३ या वर्षात पर ड्रॉप मोअर क्रॉप या योजनेअंतर्गत ३३४ कोटी रुपये निधी जारी करण्यात आल्याचं तोमर यांनी सांगितलं.

****

राज्यात काल महसूल दिन साजरा करण्यात आला. मुंबईत राज्यस्तरीय महसूल दिन आणि महसूल सप्ताहाचा शुभारंभ उपमुख्यमंत्री अजित पवार यांच्या हस्ते झाला. यावेळी त्यांनी सर्व विभागीय आयुक्त आणि जिल्हाधिकाऱ्यांशी दूरदृश्य प्रणालीच्या माध्यमातून संवाद साधला. महसूल सप्ताह महसूल विभागापुरता मर्यादित न ठेवता, सर्व विभागांना सहभागी करुन यशस्वी करावा आणि सप्ताहाच्या निमित्तानं सर्वसामान्य नागरिकांची कामं गतीने पूर्ण करावीत, असं आवाहन पवार यांनी यावेळी केलं.

महसूल विभाग अधिक लोकाभिमुख करण्याचा उद्देशानं महसूल सप्ताह साजरा करण्यात येत असल्याचं, महसूल मंत्री राधाकृष्ण विखे पाटील यांनी यावेळी सांगितलं.

नांदेड इथं यानिमित्त झालेल्या कार्यक्रमात उत्कृष्ट कार्याबद्दल महसूल विभागातल्या कर्मचाऱ्यांना पुरस्कार देण्यात आले, तसंच सहा अनुकंपाधारकांना, प्रातिनिधिक स्वरूपात नियुक्ती आदेश देण्यात आले. जिल्हा प्रशासनाच्या लोकाभिमुख सेवेचा मुख्य चेहरा म्हणून महसूल प्रशासनाकडेच पाहिलं जातं, असं प्रतिपादन नांदेडचे जिल्हाधिकारी अभिजित राऊत यांनी यावेळी केलं.

लातूर इथं महसूल विभागानं जि��्ह्यातल्या सगळ्या आजी आणि माजी सैनिक, हुतात्मा सैनिकांच्या वीरपत्नी, वीरमाता, वीरपिता आणि त्यांच्यावर अवलंबून असलेल्यांच्या अडचणी सोडवण्यासाठी, ‘सैनिक हो तुमच्यासाठी’, या उपक्रमाचं आयोजन केलं आहे. येत्या पाच तारखेला सकाळी अकरा वाजता तहसील कार्यालयांमध्ये हा कार्यक्रम होणार आहे.

****

केंद्र सरकारच्या अमृत भारत स्थानक योजनेअंतर्गत उस्मानाबाद आणि लातूरसह सोलापूर विभागातल्या एकूण १५ रेल्वेस्थानकांचा विकास करण्यात येणार आहे. येत्या सहा तारखेला पंतप्रधान नरेंद्र मोदी यांच्या हस्ते दूरदृश्य प्रणालीच्या माध्यमातून या विकासकामांचं उद्घाटन होणार आहे. उस्मानाबाद रेल्वे स्थानकाच्या पुनर्विकासाठी २१ कोटी रुपयांचा निधी मिळाला असल्याची माहिती आमदार राणा जगजीतसिंह पाटील यांनी दिली. दरम्यान ही स्थानकं कशा पद्धतीनं विकसित करावीत याबाबत रेल्वे विभागानं नागरिकांकडून सूचना मागवल्या आहेत. नागरिकांनी आपल्या सूचना उद्या तीन तारखेपर्यंत drm office2011@gmail.com या जी मेल आयडी वर पाठवाव्यात असं आवाहन रेल्वे विभागानं केलं आहे.

****

वेस्ट इंडिज विरुद्धची एकदिवसीय क्रिकेट मालिका भारतानं दोन - एकनं जिंकली आहे. या मालिकेतल्या काल त्रिनिदाद इथं झालेल्या शेवटच्या सामन्यात भारतानं वेस्ट इंडिजवर २०० धावांनी विजय मिळवला. प्रथम फलंदाजी करत भारतीय संघानं दिलेल्या ३५२ धावांच्या आव्हानाचा पाठलाग करताना वेस्ट इंडिजचा संघ ३६व्या षटकात सर्वबाद झाला. शार्दूल ठाकुरनं चार, मुकेश कुमारनं तीन, कुलदीप यादवनं दोन, तर जयदेव उनाडकटनं एक गडी बाद केला. दोन्ही संघादरम्यान उद्यापासून पाच टी -ट्वेंटी सामन्यांची मालिका खेळली जाणार आहे.  

****

भारतीय स्वातंत्र्याच्या अमृत महोत्सवी वर्षाच्या सांगतेनिमित्त देशभरात अमृत कलश यात्रा काढण्यात येणार आहे. ही यात्रा देशाच्या कानाकोपऱ्यातून सात हजार पाचशे कलशांमध्ये माती तसंच विविध रोपं घेऊन दिल्लीत पोहोचेल. राष्ट्रीय युद्ध स्मारकाजवळ कलशातली माती आणि झाडांचा उपयोग करत, ‘अमृत वाटिका’ निर्माण करण्यात येईल. या उपक्रमासाठी लातूर जिल्हा परिषदेनं एक मोबाईल ॲप तयार केलं असून, जास्तीत जास्त नागरिकांनी या ॲपचा वापर करावा, असं आवाहन जिल्हा परिषदेचे मुख्य कार्यकारी अधिकारी अनमोल सागर यांनी केलं आहे.

****

नांदेड जिल्ह्यात मुखेड तालुक्यातल्या सकनूर इथं दोन युवकांचा वीजेच्या धक्कयामुळे मृत्यू झाला, तर दोन जण गंभीर जखमी झाले. काल रात्रीच्या सुमारास हे चार मित्र सकनूर इथल्या पाझर तलावावर खेकडे पकडायला जात असताना तळ्यालगतच्या शेतपिकांचं रक्षण करण्यासाठी असलेल्या तारेच्या कुंपणातल्या वीज प्रवाहामुळे त्यांना वीजेचा धक्का लागून ��ी दुर्घटना घडली. संभाजी नागरवाड आणि शिवाजी सुरुमवाड अशी मृतांची नावं आहेत.

****

भाजप युवा मोर्चाचे हिंगोली जिल्हाध्यक्ष पप्पू चव्हाण यांच्यावर काल दोन हल्लेखोरांनी गोळीबार केला. हिंगोली जिल्हा परिषदेच्या आवारात काल दुपारी ही घटना घडली. चव्हाण यांच्या पाठीत एक गोळी लागल्याचं प्रत्यक्षदर्शींनी सांगितलं. त्यांना नांदेडच्या खाजग�� रुग्णालयात दाखल करण्यात आलं आहे.

****

बीड जिल्ह्यातल्या परळी वैजनाथ इथं आज संत रोहिदास चर्मोद्योग आणि चर्मकार विकास महामंडळातर्फे मार्गदर्शन महामेळावा आयोजित करण्यात आला आहे. चर्मकार समाजासाठी राबवल्या जाणाऱ्या विविध योजनांची माहिती देण्यासाठी या मेळाव्याचं आयोजन करण्यात आलं असून, बीड जिल्ह्यातल्या चर्मकार युवक युवतींनी या मेळाव्याचा लाभ घ्यावा, असं आवाहन या मंडळाच्या जिल्हा व्यवस्थापक संगिता पराते यांनी केलं आहे.

****

राष्ट्रीय समाज पक्ष महाराष्ट्रात लोकसभेच्या सर्वच्या सर्व ४८ जागा लढवणार आहे. पक्षाचे अध्यक्ष आमदार महादेव जानकर यांनी काल सिंधुदूर्ग जिल्ह्यात कुडाळ इथं ही माहिती दिली.

****

[darshaknews]

IND vs WI: विराट कोहली वेस्ट इंडिजविरुद्धच्या मालिकेत खेळू इच्छित नाही!

IND vs WI: विराट कोहली वेस्ट इंडिजविरुद्धच्या मालिकेत खेळू इच्छित नाही!

विराट कोहली आणि बीसीसीआय: भारतीय क्रिकेट संघ इंग्लंड दौऱ्यावर आहे. या दौऱ्यावर भारत यजमान इंग्लंडसोबत तीन सामन्यांची एकदिवसीय मालिका खेळणार असून त्यानंतर तीन सामन्यांची टी-20 मालिका खेळणार आहे. भारत-इंग्लंड टी-20 मालिकेतील पहिला सामना 7 जून रोजी साउथहॅम्प्टन येथे होणार आहे. इंग्लंडविरुद्धच्या या सामन्यात भारतीय संघाची कमान रोहित शर्माच्या हाती असेल. वास्तविक, एजबॅस्टन कसोटीपूर्वी भारतीय संघाचा…

[bharatlivenewsmedia]

भारत-वेस्ट इंडिज ट्वेन्टी-२० मालिका: विश्वचषकासाठी संघबांधणीला प्रारंभ!; आज पहिल्या ट्वेन्टी-२० सामन्यात भारताच्या युवा खेळाडूंना छाप पाडण्याची संधी

भारत-वेस्ट इंडिज ट्वेन्टी-२० मालिका: विश्वचषकासाठी संघबांधणीला प्रारंभ!; आज पहिल्या ट्वेन्टी-२० सामन्यात भारताच्या युवा खेळाडूंना छाप पाडण्याची संधी

भारत-वेस्ट इंडिज ट्वेन्टी-२० मालिका: विश्वचषकासाठी संघबांधणीला प्रारंभ!; आज पहिल्या ट्वेन्टी-२० सामन्यात भारताच्या युवा खेळाडूंना छाप पाडण्याची संधी आज पहिल्या ट्वेन्टी-२० सामन्यात भारताच्या युवा खेळाडूंना छाप पाडण्याची संधी आठ महिन्यांच्या कालावधीत ऑस्ट्रेलियात रंगणाऱ्या ट्वेन्टी-२० विश्वचषक क्रिकेट स्पर्धेच्या दृष्टीने संघबांधणीला प्रारंभ करण्याचे भारताचे लक्ष्य असून बुधवारपासून सुरू होणाऱ्या…

[loksutra]

विंडीजला 4-1 ने अडकवून मालिका जिंकली, चाहत्यांनी WI ला सांगितले - आणि भाऊ चवीनुसार आला!

विंडीजला 4-1 ने अडकवून मालिका जिंकली, चाहत्यांनी WI ला सांगितले – आणि भाऊ चवीनुसार आला!

फोर्ट लॉडरहिल, फ्लोरिडा, यूएसए येथे खेळल्या गेलेल्या पाचव्या T20 सामन्यात टीम इंडियाने वेस्ट इंडिजचा 88 धावांनी पराभव करत मालिका 4-1 ने जिंकली. या कामगिरीने संघाचे चाहते खूपच खूश दिसत आहेत. टीम इंडियाच्या विजयावर बनवलेले मजेदार मीम्स प्रतिमा क्रेडिट स्रोत: Twitter भारत आणि वेस्ट इंडिज यांच्यात पाच सामने T20 या मालिकेतील पाचवा सामना फोर्ट लॉडरहिल, फ्लोरिडा, यूएसए येथे खेळला गेला भारत वेस्ट…

[marathinewslive]

भारत विरुद्ध वेस्ट इंडिज 5 वी T20I लाइव्ह स्कोअर अपडेट्स: भारत वेस्ट इंडीज विरुद्ध बेंच स्ट्रेंथची कसोटी पाहतो | क्रिकेट बातम्या

भारत विरुद्ध वेस्ट इंडिज 5 वी T20I लाइव्ह स्कोअर अपडेट्स: भारत वेस्ट इंडीज विरुद्ध बेंच स्ट्रेंथची कसोटी पाहतो | क्रिकेट बातम्या

5वी T20I लाइव्ह: लॉडरहिल, फ्लोरिडा येथे भारताचा सामना वेस्ट इंडिजचा आहे.© एएफपी IND vs WI, 5वी T20I लाइव्ह अपडेट्स: फ्लोरिडा येथील लॉडरहिल येथील सेंट्रल ब्रॉवर्ड रिजनल पार्क येथे पाचव्या आणि शेवटच्या T20 सामन्यात भारताचा सामना वेस्ट इंडिजशी होणार आहे. मालिका आधीच बॅगमध्ये असल्याने, भारत या महिन्याच्या अखेरीस सुरू होणाऱ्या आशिया चषकापूर्वी त्यांच्या बेंच स्ट्रेंथची चाचणी घेण्याचा प्रयत्न करेल. या…

[inshortsmarathi]

India vs West Indies- कोहलीचं शतक वाया, ४३ धावांनी विंडीजचा विजय भारत विरुद्ध वेस्ट इंडिज यांच्यातील तिसरा एकदिवसीय सामन्यात विंडीजने भारताचा 43 धावांनी पराभव केला. कर्णधार विराट कोहलीने झळकावलेलं शतक मात्र वाया गेलंय. ५ सामन्यांच्या या मालिकेत दोन्ही संघ बरोबरीत आहेत. भारताने नाणेफेक जिंकत प्रथम क्षेत्ररक्षणाचा निर्णय घेतला. तिसऱ्या एकदिवसीय सामन्यात विंडीजने ५० षटकात ९ बाद २८३ धावा केल्या. या सामन्यात भारताची सुरूवात चांगली झाली नाही. शिखर धवन (३५) तर रोहित शर्मा ८ धावांवर बाद झाला. विराट कोहलीने शतकी खेळी करत भारताचा कोसळणारा डाव सांभाळण्याचा प्रयत्न केला. विराटने १०७ धावांची खेळी केली. सामन्यात  विंडीज भारतावर मात  केली असली तरी मालिकेतील ‘होप’ जिवंत आहेत. विंडीजने मालिका १-१ अशी बरोबरीत आणली आहे.

[airnews-arngbad]

Regional Marathi Text Bulletin, Aurangabad

Date – 27 July 2023

Time 18.10 to 18.20

Language Marathi

आकाशवाणी औरंगाबाद

प्रादेशिक बातम्या

दिनांक – २७ जुलै २०२३ सायंकाळी ६.१०

****

विधिमंडळाच्या पावसाळी अधिवेशनाचं कामकाज ठरल्यानुसार ४ ऑगस्ट पर्यंत सुरू राहणार - विधानपरिषदेच्या उपसभापती डॉ.नीलम गोऱ्हे यांची माहिती.

मैत्री विधेयकाअंतर्गत उद्योगांसाठी एक खिडकी योजना पारदर्शक हवी -  विरोधीपक्ष नेते अंबादास दानवे यांची विधान परिषदेत मागणी.

आयएसआयएसच्या राज्यातल्या कारवायांप्रकरणी आणखी एकाला अटक.

आणि

भारत आणि वेस्ट इंडिज दरम्यान तीन एकदिवसीय क्रिकेट सामन्यांची मालिका आजपासून.

****

राज्य विधिमंडळाच्या पावसाळी अधिवेशनाचं कामकाज ठरल्यानुसार ४ ऑगस्ट पर्यंत सुरू राहणार असल्याचं विधानपरिषदेच्या उपसभापती डॉ. नीलम गोऱ्हे यांनी सांगितलं आहे. आज मुंबईत विधानभवनात कामकाज सल्लागार समितीची बैठक झाली. यावेळी उपसभापती गोऱ्हे बोलत होत्या. दरम्यान, मुंबईत आझाद मैदानात गिरणी कामगारांचं आंदोलन सुरू आहे. त्याबाबत विधिमंडळात बैठक आयोजित करण्यात यावी अशी सूचना डॉ. गोऱ्हे यांनी या बैठकीत केली.

****

राज्यात उद्योगधंद्यांच्या वाढीस चालना मिळावी यासाठी मैत्री विधेयकाअंतर्गत उद्योगांसाठी एक खिडकी योजना पारदर्शक असावी, अशी मागणी विधान परिषदेतले विरोधी पक्षनेते अंबादास दानवे यांनी आज केली. ते परिषद सभागृहात उद्योग विभागानं मांडलेल्या मैत्री विधेयकावर बोलत होते. इतर राज्यांप्रमाणे आपल्या राज्यात उद्योगांना जास्तीतजास्त सवलती देण्यात याव्यात, असं दानवे म्हणाले. अन्य राज्यांत उद्योगांना लागणाऱ्या परवानग्या २४ तासांत दिल्या जातात. आपल्या राज्यात उद्योजकांना यासाठी आठ महिन्यांपर्यंत थांबावं लागतं, अशी टीका त्यांनी केली. उद्योजकांना परवानग्या काढण्यासाठी अनेक अड��णींना सामोरं जावं लागतं, अधिकारी त्यांना फेऱ्या मारायला लावतात, असा आरोप त्यांनी केला. तेलंगणा, गुजरात, राजस्थान आदी राज्यांत कशाप्रकारे उद्योगांना पोषक वातावरण दिलं जातं, त्याचा आदर्श आपल्या राज्यानं घेण्याची आवश्यकता असल्याचं दानवे यांनी नमुद केलं. राज्यात उद्योगांना वीज अतिशय महागड्या दरानं दिली जाते. आपल्या राज्यातल्या मराठी उद्योजकांवर राज्यात अन्याय होत असल्यानं उद्योग अन्य राज्यात नेले जात असल्याची टीकाही दानवे यांनी केली.

****

राज्यात सर्पदंशावरच्या औषधांचा काळाबाजार होत असल्याचा आरोप काँग्रेसचे नेते बाळासाहेब थोरात यांनी विधानसभेत केला आहे. रायगडच्या पेण इथल्या उपजिल्हा रुग्णालयात सर्पदंशावरचं औषध उपलब्ध नसल्यामुळं बारा वर्षीय सारा ठाकूर या मुलीचा मृत्यू झाला, हा सरकारी अनास्थेचा बळी असल्याची टीका त्यांनी केली. स���्पदंशावरचं औषध उपजिल्हा रुग्णालयात ठेवणं सक्तीचं असतानाही, पेनच्या रूग्णालयात ते का उपलब्ध नव्हतं याची चौकशी करण्याची मागणीही त्यांनी यावेळी केली. तसंच यात बेजबाबदार आणि बेफिकीर आरोग्य अधिकाऱ्यांवर तातडीनं कारवाई झाल्याशिवाय सभागृहाचं कामकाज पुढं चालवू नये, अशी मागणी थोरात यांनी यावेळी केली.

****

क्रांतीज्योती सावित्रीबाई फुले यांच्या विषयी बदनामीकारक मजकूर प्रसारित करणाऱ्या विरुद्ध कडक कारवाई करणार असून या प्रकरणी कोणाचीही गय केली जाणार नाही, अशी माहिती उपमुख्यमंत्री देवेंद्र फडणवीस यांनी आज विधानसभेत दिली. सदस्य डॉ. जितेंद्र आव्हाड यांनी विचारलेल्या तारांकित प्रश्नाला ते उत्तर देत होते. ज्या ट्विटर हॅंडलवरुन हा बदनामीकारक मजकूर प्रसारित झाला, त्याच्या चालकाची माहिती मिळण्यासंदर्भात ट्विटर इंडियाशी तीन वेळा पत्रव्यवहार करण्यात आला असून संबंधिताची माहिती मिळताच त्याला अटक करण्यात येईल, असं फडणवीस म्हणाले.

****

राष्ट्रीय अन्वेषण संस्था- एनआयएनं दहशतवादी संघटना आयएसआयएसच्या राज्यातल्या कारवायांप्रकरणी आज आणखी एकाला अटक केली आहे. या प्रकरणी राज्यातून अटक करण्यात आलेल्यांची संख्या आता पाच झाली आहे. प्रतिबंधित दहशतवादी संघटनेच्या हिंसक कारवायांना प्रोत्साहन दिल्या प्रकरणी ही अटक करण्यात आली आहे. पुण्यातल्या कोंढवा इथं छापा टाकून डॉ. अदनान अली सरकार या ४३ वर्षीय आरोपीला त्याच्या निवासस्थानी अटक करण्यात आली आहे. त्याच्या घराच्या झडतीदरम्यान इलेक्ट्रॉनिक गॅझेट्स आणि आयएसआयएसशी संबंधित अनेक दस्तऐवज यांसारखी अनेक अपराधी सामग्री जप्त करण्यात आली आहे. त्यावरुन त्याचे या दहशतवादी संघटनेशी असलेले संबंध आणि तरुणांना फसवून भरती करत दहशतवादी संघटनेच्या हिंसक कार्यक्र��ाला चालना देण्यातली त्याची भूमिका स्पष्ट झाल्याचं संस्थेनं म्हटलं आहे. हा आरोपी आयएसआयएसच्या कटाचा भाग म्हणून देशाच्या सरकारच्या विरोधात युद्ध पुकारात होता, असंही एनआयएतर्फे स्पष्ट करण्यात आलं आहे.

****

राज्याच्या विविध भागात मुसळधार पाऊस होत आहे. अनेक ठिकाणी नदी, तलावांच्या पाण्याच्या पातळीत वाढ झाली आहे. हवामान विभागानं पुढचे दोन दिवस नांदेड तसंच ठाणे, पालघर, सिंधुदुर्ग, कोल्हापूर, गडचिरोली, भंडारा, गोंदिया या जिल्ह्यांसाठी नारंगी बावटा फडकवला आहे. रायगड, रत्नागिरी, पुणे आणि सातारा या जिल्ह्यांसाठी हवामान विभागानं लाल बावटा फडकवला आहे. त्यामुळं या भागात अती मुसळधार पावसाच्या पार्श्वभूमीवर सावधानतेचा इशारा देण्यात आला आहे. गडचिरोली जिल्हृयाच्या सर्व भागात आज दुपारीही मुसळधार पाऊस कोसळला. सिरोंचा तालुक्यातल्या प्राणहिता आणि गोदावरी नद्यांच्या पाण्याच्या पातळीत वाढ होणार आहे. त्यामुळं जिल्हाधिकारी संजय मीणा यांनी सिरोंचा तालुक्यातल्या सर्व शैक्षणिक संस्थांना उद्या आणि परवा सुटी जाहीर केली आहे.

****

भारतीय डाळिंबाच्या दाण्यामध्ये फळ माशीचा प्रादुर्भाव झाल्यामुळं २०१८ पासून अमेरिकेनं इथल्या डाळिंबाच्या निर्यातीवर बंदी आणली होती. त्यानंतर केंद्र सरकार आणि प्लांट कॉरंटाईन इंडिया यांनी अमेरिकेच्या कृषी विभागाशी चर्चा करून २०२२ पासून ही निर्यात बंदी उठली आहे. ती उठल्यानंतर आज प्रथमच प्रायोगिक तत्त्वावर डाळिंबाची ४५० खोकी म्हणजे १५० किलो डाळिंब विमानानं अमेरिकेतल्या न्यूयॉर्क इथं पाठवण्यात आलं. कृषी आणि प्रक्रिया केलेले अन्न उत्पादने निर्यात विकास प्राधिकरणाच्या सरव्यवस्थापक विनिता सुधांशू यांनी या गाडीला हिरवा झेंडा दाखवला. या निर्यातीनंतर अमेरिकेतली डाळिंबाची मोठी बाजारपेठ भारतासाठी खुली होईल असा विश्वास त्यांनी यावेळी व्यक्त केला.

****

राज्यात १४ हजार कृषी समृद्धी केंद्रांतून शेतकऱ्यांना सर्व सुविधा मिळणार असल्याचं भारताय जनता पक्षाचे प्रदेशाध्यक्ष चंद्रशेखर बावनकुळे यांनी म्हटलं आहे. पंतप्रधान नरेंद्र मोदी यांच्या हस्ते राजस्थानातील सीकर इथं झालेल्या कृषी केंद्रांच्या लोकार्पण सोहळ्याचे थेट प्रक्षेपण आज नाशिक कांदा-बटाटा भवनमध्ये करण्यात आलं. यानिमित्तानं नाशिकमध्ये बावनकुळे यांच्या उपस्थितीत कृषी केंद्राचा शुभारंभ करण्यात आला त्यावेळी ते बोलत होते. शेतकऱ्यांची विविध कारणांनी होणारी फसवणूक टाळण्यासाठी हे केंद्र सर्वोत्तम पर्याय ठरणार असल्याचंही ते यावेळी म्हणाले.

****

अमरावती जिल्ह्याच्या अचलपूर तालुक्यातल्या वडगावच्या आदिवासी एकलव्य मॉडेल रेसिडेन्सी शाळेत आज सकाळी २६ विद्यार्थ्यांना अल्पोपहारातून विषबाधा झाली. या शाळेत ४०० विद्यार्थी शिक्षण घेतात. सकाळी अल्पोपहार झाल्यानंतर या विद्यार्थ्यांना मळमळ, उलट्या आणि अतिसाराचा त्रास होऊ लागला. त्यामुळं त्यांना तात्काळ अचलपूर इथल्या उपजिल्हा रुग्णालयात उपचारासाठी दाखल करण्यात आलं आहे. डॉक्टरांनी दिलेल्या माहितीनुसार या सर्व विद्यार्थ्यांची प्रकृती स्थिर आहे.

****

भारत आणि वेस्ट इंडिज दरम्यान तीन एकदिवसीय क्रिकेट सामन्यांच्या मालिकेला आजपासून सुरुवात होत आहे. पहिला सामना आज बार्बाडोस इथं खेळला जाणार असून, भारतीय वेळेनुसार संध्याकाळी सात वाजता सामन्याला सुरुवात होईल. या मालिकेतला दुसरा सामना याच मैदानावर शनिवारी होणार आहे. मालिकेतला तिसरा आणि शेवटचा सामना येत्या एक ऑगस्ट रोजी त्रिनीदाद इथं होईल.

****

उस्मानाबाद इथं आज ‘बेटी बचाव बेटी पढाव’ या कार्यक्रमांतर्गत जिल्हा रुग्णालय आणि शासकीय वैद्यकीय महाविद्यालयातर्फे गर्भधारणापूर्व आणि प्रसुतीपूर्व लिंगनिदान कार्यशाळा घेण्यात आली. जिल्हा विधी सेवा प्राधिकरणाचे सचिव तसंच वरिष्ठस्तर न्यायाधीश वसंत यादव यांनी यावेळी गर्भलिंग निदान किंवा स्त्री भ्रूणाचे गर्भपात होत असेल तर याबाबत जिल्हा विधी सेवा प्राधिकरण इथं संपर्क करुन माहिती देण्याचं आवाहन केलं. जिल्हा डाँक्टर संघटना आणि औषध प्रशासन अधिकाऱ्यांनी या संदर्भात कठोर पावलं उचलून कायद्याची कडक अंमलबजावणी करावी असंही ते म्हणाले.

****

राष्ट्रीय शैक्षणिक धोरणाच्या प्रभावी अंमलबजावणीसाठी औरंगाबाद इथल्या केंद्रीय विद्यालयात विविध शैक्षणिक उपक्रम राबवले जात असल्याचं विद्यालयाचे प्राचार्य अनिल यादव यांनी आज औरंगाबाद इथं पत्रकार परिषदेत सांगितलं. केंद्रीय विद्यालयात पी एम श्री, विद्या प्रवेश, बालवाटिका, निपूण भारत, परख, कौशल्य विकास, पी एम इ विद्या आणि विद्यांजली पोर्टल या शैक्षणिक उपक्रमांचा समावेश आहे.

****

[darshaknews]

विश्वचषकापूर्वी बेंच स्ट्रेंथ मजबूत करण्याचा प्रयत्न करत शेवटच्या टी-२० सामन्यात अनेक बदल पाहायला मिळतील

विश्वचषकापूर्वी बेंच स्ट्रेंथ मजबूत करण्याचा प्रयत्न करत शेवटच्या टी-२० सामन्यात अनेक बदल पाहायला मिळतील

भारत विरुद्ध वेस्ट इंडिज तिसरा T20 कोलकाता: तीन सामन्यांच्या T20 मालिकेत 2-0 अशी आघाडी घेत असलेला भारतीय संघ आज मालिकेतील तिसऱ्या आणि शेवटच्या सामन्यात बेंच स्ट्रेंथ आजमावून संघात अनेक प्रयोग करू शकतो. विराट कोहली आणि ऋषभ पंत यांना १० दिवसांची विश्रांती देण्यात आली आहे. अशा स्थितीत भारताला आज श्रेयस अय्यर आणि रुतुराज गायकवाड यांना प्लेइंग इलेव्हनमध्ये स्थान मिळू शकते. वास्तविक, ऑस्ट्रेलियात…

[darshaknews]

तिसऱ्या सामन्याच्या प्लेइंग इलेव्हनमध्ये भारत बदल करणार, या खेळाडूंना संधी मिळू शकते

तिसऱ्या सामन्याच्या प्लेइंग इलेव्हनमध्ये भारत बदल करणार, या खेळाडूंना संधी मिळू शकते

भारत विरुद्ध वेस्ट इंडिज तिसरा T20 कोलकाता: टीम इंडिया आणि वेस्ट इंडिज यांच्यातील टी-20 मालिकेतील शेवटचा सामना रविवारी कोलकाता येथे होणार आहे. या सामन्यात भारतीय संघ आ��ली बेंच स्ट्रेंथ आजमावेल. माजी कर्णधार विराट कोहली आणि ऋषभ पंत यांना ब्रेक देण्यात आला आहे. अशा परिस्थितीत ऋतुराज गायकवाड आणि श्रेयस अय्यर प्लेइंग इलेव्हनचा भाग बनू शकतात. भारताने शुक्रवारी वेस्ट इंडिजचा दुसऱ्या T20 सामन्यात 8…

[darshaknews]

भुवनेश्वरकडून पकडल्यावर रोहितने असा राग व्यक्त केला, व्हिडिओ व्हायरल होत आहे

भुवनेश्वरकडून पकडल्यावर रोहितने असा राग व्यक्त केला, व्हिडिओ व्हायरल होत आहे

भारत विरुद्ध वेस्ट इंडिज भुवनेश्वर कुमार रोहित शर्मा: टीम इंडियाने टी-20 मालिकेतील दुसऱ्या सामन्यात वेस्ट इंडिजचा 8 धावांनी पराभव केला. या विजयासह भारताने मालिकेतही अभेद्य आघाडी घेतली आहे. प्रथम फलंदाजी करताना भारताने 20 षटकांत 186 धावा केल्या. प्रत्युत्तरात वेस्ट इंडिजचे खेळाडू केवळ 178 धावाच करू शकले. वेस्ट इंडिजच्या डावात भुवनेश्वर कुमारने एक झेल सोडला आहे. हा झेल सोडल्यानंतर कर्णधार रोहित…

[darshaknews]

विराटच्या खेळीने कर्णधार रोहित खूश, कौतुकात ही मोठी गोष्ट बोलली

विराटच्या खेळीने कर्णधार रोहित खूश, कौतुकात ही मोठी गोष्ट बोलली

IND vs WI 2रा T20: टीम इंडियाने भारत-वेस्ट इंडिज T20 चे पहिले दोन सामने जिंकून मालिका जिंकली आहे. मालिकेतील दुसऱ्या सामन्यात विराट कोहलीने गरजेच्या वेळी शानदार खेळी करत टीम इंडियाला कठीण परिस्थितीतून बाहेर काढले. संघाचे सलामीवीर स्वस्तात पॅव्हेलियनमध्ये परतल्यानंतर कोहलीने भारतीय डावाची धुरा सांभाळली आणि 41 चेंडूत 52 धावा केल्या. सामन्यानंतर कर्णधार रोहित शर्माने त्याच्या खेळीचे कौतुक केले. रोहित…

[darshaknews]

विराट कोहली खेळणार नाही तिसरा T20 सामना, बायो बबलपासून दूर जा, कारण जाणून घ्या

विराट कोहली खेळणार नाही तिसरा T20 सामना, बायो बबलपासून दूर जा, कारण जाणून घ्या

IND vs WI 3रा T20: विराट कोहली भारत-वेस्ट इंडीज (Ind vs WI) दरम्यान सुरू असलेल्या तीन सामन्यांच्या T20 मालिकेतील शेवटच्या सामन्यात (3रा T20) दिसणार नाही. त्याला आज सकाळी टीमच्या बायो बबलमधून काढून टाकण्यात आले आहे. शनिवारी सकाळीच त्यांनी कोलकाताहून प्रस्थान केले आहे. 24 फेब्रुवारीपासून सुरू होणाऱ्या श्रीलंकेविरुद्धच्या टी-20 मालिकेतूनही तो गायब असेल. कोहली आता श्रीलंकेविरुद्धच्या कसोटी मालिकेतून…

[darshaknews]

पूरन-पॉवेलच्या झंझावाती खेळीवर पाणी फेरले, टीम इंडियाने टी-20 आंतरराष्ट्रीय सामन्यात विजयाचे शतक ठोकले.

पूरन-पॉवेलच्या झंझावाती खेळीवर पाणी फेरले, टीम इंडियाने टी-20 आंतरराष्ट्रीय सामन्यात विजयाचे शतक ठोकले.

भारत विरुद्ध वेस्ट इंडिज दुसरा टी-२०: कोलकात्याच्या ईडन गार्डन्सवर खेळल्या गेलेल्या टी-20 मालिकेतील दुसऱ्या सामन्यात वेस्ट इंडिजला पुन्हा पराभवाला सामोरे जावे लागले. भारताने प्रथम खेळून 20 षटकांत 5 गड्यांच्या मोबदल्यात 186 धावा केल्या होत्या. प्रत्युत्तरात वेस्ट इंडिजचा संघ निर्धारित षटकांत तीन गड्यांच्या मोबदल्यात 178 धावाच करू शकला. टी-20 इंटरनॅशनलमध्ये टीम इंडियाचा हा 100 वा विजय आहे. वेस्ट…

[darshaknews]

IND vs WI 1st T20I: पदार्पणातच 'प्लेअर ऑफ द मॅच' म्हणून रवी बिश्नोई 6वा भारतीय

IND vs WI 1st T20I: पदार्पणातच ‘प्लेअर ऑफ द मॅच’ म्हणून रवी बिश्नोई 6वा भारतीय

IND vs WI T20 मालिका: भारत आणि वेस्ट इंडिज यांच्यातील तीन सामन्यांच्या टी-20 मालिकेतील पहिला सामना बुधवारी ईडन गार्डन्सवर खेळवण्यात आला. या सामन्यात भारताने 6 गडी राखून विजय मिळवत मालिकेत 1-0 अशी आघाडी घेतली. रवी बिश्नोई या सामन्याचा ‘प्लेअर ऑफ द मॅच’ ठरला. त्याचा हा पहिलाच आंतरराष्ट्रीय सामना होता. या दमदार कामगिरीसह रवी बिश्नोई आंतरराष्ट्रीय पदार्पणात ‘मॅन ऑफ द मॅच’ ठरणारा सहावा भारतीय ठरला…

[darshaknews]

पहा: 'मैं बोल रहा हूँ ले रिव्ह्यू', कोहलीच्या म्हणण्याशी रोहित सहमत, मग हे घडले

पहा: ‘मैं बोल रहा हूँ ले रिव्ह्यू’, कोहलीच्या म्हणण्याशी रोहित सहमत, मग हे घडले

IND vs WI 1ली T20: भारत आणि वेस्ट इंडिज यांच्यात बुधवारी झालेल्या पहिल्या T20 सामन्यात एक मजेदार घटना घडली. वेस्ट इंडिजच्या डावाच्या आठव्या षटकात विराट कोहली आणि रोहित शर्मा यांच्यात रिव्ह्यूच्या निर्णयाबाबत चर्चा सुरू होती आणि हे संपूर्ण संभाषण स्टंप माईकमध्ये अगदी स्पष्टपणे टिपले गेले. वास्तविक, आठव्या षटकात रवी बिश्नोईचा एक चेंडू रोस्टन चेसच्या लेग साइडमधून बाहेर आला आणि ऋषभ पंतच्या हातात…

[darshaknews]

T20 क्रमवारीत भारताला अव्वल स्थानावर येण्याची संधी, वेस्ट इंडिजला 3-0 ने बाहेर काढावे लागेल

T20 क्रमवारीत भारताला अव्वल स्थानावर येण्याची संधी, वेस्ट इंडिजला 3-0 ने बाहेर काढावे लागेल

IND vs WI 1ली T20: भारत आणि वेस्ट इंडिज (IND vs WI) यांच्यातील तीन सामन्यांच्या T20 मालिकेत टीम इंडियाला मोठी संधी आहे. भारतीय संघाने एकदिवसीय मालिकेप्रमाणे टी-20 मालिकेत विंडीजचा क्लीन स्वीप केल्यास तो टी-20 आंतरराष्ट्रीय क्रमवारीत अव्वल स्थानावर पोहोचू शकतो. सध्या भारतीय संघ २६७ रेटिंग गुणांसह दुसऱ्या स्थानावर आहे. टीम इंडिया इंग्लंडपेक्षा फक्त 2 रेटिंग गुणांनी मागे आहेटी-20 आंतरराष्ट्रीय…