#बॅडमिंटन बातम्या

[airnews-arngbad]

Regional Marathi Text Bulletin, Chhatrapati Sambhajinagar Date - 08 November 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक ०८ नोव्हेंबर २०२४ दुपारी १.०० वा.

भ्रष्टाचार हा एक आजार असून तो मुळापासून उखडून टाकला पाहिजे, असं प्रतिपादन राष्ट्रपती द्रौपदी मुर्मू यांनी केलं. आज नवी दिल्ली इथं केंद्रीय दक्षता आयोगाच्या दक्षता जागरूकता सप्ताहानिमित्त आयोजित कार्यक्रमात राष्ट्रपती मुर्मू बोलत होत्या. विश्वास हा समाजाचा पाया असून भ्रष्टाचारामुळे समाजातील विश्वास कमी होतो, असंही त्या यावेळी बोलताना म्हणाल्या. भ्रष्टाचाराचा सामना करण्यासाठी थेट लाभ हस्तांतरण योजनेसारखे उपक्रम शासनातर्फे राबवले जात असल्याचं त्यांनी यावेळी सांगितलं.

नवी दिल्लीत आज पासून दुसऱ्या सैन्य परंपरा उत्सवाला सुरुवात होत आहे. भारताचे राष्ट्रीय सुरक्षा धोरण, परराष्ट्र नीती, लष्कराचा इतिहास आणि वारसा यांचा अभ्यास करणारे शिक्षणतज्ज्ञ आणि संशोधक या महोत्सवात सहभागी होणार आहेत. याचबरोबर लष्कराच्या शौर्य गाथा प्रकल्पाचा शुभारंभही यावेळी होणार आहे. शिक्षण आणि पर्यटनाच्या माध्यमातून देशाच्या लष्करी परंपरांचं संवर्धन आणि प्रसार करणे हा या महोत्सवाचा उद्देश आहे.

पंतप्रधान नरेंद्र मोदी यांच्या राज्यातल्या प्रचारसंभांना आजपासून सुरुवात झाली. आज पहिली सभा धुळ्यात मालेगाव रोड, महात्मा गांधी तत्वज्ञान केंद्राजवळ पांजरापोळ गोशाळा इथं सुरू झाली आहे. त्यानंतर दुपारी नाशिक इथं तपोवन परिसरात मोदी यांची सभा होणार आहे. या सभेच्या निमित्ताने प्रशासनाने ��य्यत तयारी केली असून, सुरक्षा व्यवस्था चोख आहे. तपोवनासह सुमारे ११ मार्गांवरील वाहतुकीवर निर्बंध घालण्यात आले आहेत. महायुतीततल्या घटक पक्षांचे वरिष्ठ नेते या सभांना उपस्थित राहणार आहेत.

दरम्यान, भाजपनेते, केंद्रीय गृहमंत्री अमित शहा यांची सांगली इथं सभा सुरू आहे. त्यानंतर ते सातारा जिल्ह्यात कराड इथं जाहीरसभा घेणार आहेत. शिवसेना नेते मुख्यमंत्री एकनाथ शिंदे यांच्या आज धाराशिव जिल्ह्यात तीन प्रचारसभा होणार आहेत. यात परंडा, धाराशिव आणि उमरगा इथले महायुतीचे उमेदवार अनुक्रमे डॉक्टर तानाजी सावंत, अजित पिंगळे आणि ज्ञानराज चौगुले यांच्या प्रचारासाठी या सभा होत आहेत.

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांची आज परभणी जिल्ह्यात सेलू इथं आणि हिंगोली जिल्ह्यात वसमत इथं प्रचार सभा होणार आहे. काँग्रेसचे प्रदेशाध्यक्ष नाना पटोले यांच्या आज लातूर इथं तीन सभा होणार आहेत. लातूर शहर मतदारसंघाचे उमेदवार आमदार अमित देशमुख आणि लातूर ग्रामीण मतदारसंघाचे उमेदवार धीरज देशमुख यांच्या प्रचारार्थ लातूर शहर तसंच निलंगा आणि गंजगोलाई इथं या सभा होणार आहेत.

आचारसंहिता काळात राज्यभरात सी-व्हिजिल ॲपवर कालपर्यंत एकूण तीन हजार एकशे अठ्ठावीस तक्रारी प्राप्त झाल्या असून, त्यापैकी तीन हजार एकशे बारा तक्रारी निवडणूक आयोगाकडून निकाली काढण्यात आल्या आहेत. मुख्य निवडणूक अधिकारी कार्यालयानं ही माहिती दिली. राज्य आणि केंद्र शासनाच्या विविध अंमलबजावणी यंत्रणांद्वारे करण्यात आलेल्या कारवाईत बेकायदा पैसे, दारू, अंमली पदार्थ आणि मौल्यवान धातू या स्वरूपात एकूण ३०४ कोटी ९४ लाख रुपयांची मालमत्ता जप्त करण्यात आल्याचं याबाबतच्या वृत्तात म्हटलं आहे.

रेल्वे प्रवाशांच्या सोयीसाठी भारतीय रेल्वेनं आजपासून १६४ विशेष गाड्या चालवण्याचा निर्णय घेतला आहे. यादृष्टीनं रेल्वेनं ४७६ गाड्यांचं नियोजन केलं आहे. रेल्वे विभागातर्फे आतापर्यंत चार हजार ५२१ रेल्वे गाड्या चालवण्यात आल्या असून ६५ लाख प्रवाशांनी याचा लाभ घेतल्याची माहिती रेल्वे मंत्रालयानं दिली आहे. या महिन्याच्या चार तारखेला एकाच दिवसात तीन कोटींपेक्षा जास्त प्रवाशांनी रेल्वे प्रवास केल्याचंही मंत्रालयानं सांगितलं.

नांदेड बिदर महामार्गावर एकुर्का रोडवर टेम्पो आणि कारच्या भिषण अपघातात एकाच कुटुंबातील चार जण ठार झाल्याची घटना काल दुपारी घडली. कारमधील सर्वजण ��पड्यांच्या खरेदीसाठी उदगीर इथं जात असताना समोरून येणाऱ्या भरधाव टेम्पोने कारला धडक दिली. यात आई, दोन विवाहीत मुली आणि नातीचा जागीच मृत्यू झाला. तर अन्य तिघे जण गंभीर जखमी झाले आहेत.

भारताचा उदयोन्मुख बुद्धिबळपटू अर्जून इरिगाईसी यानं फिडे जागतिक बुद्धिबळ क्रमवारीत दुसरे स्थान पटकावलं आहे. काल चेन्नई ग्रांड मास्टर्स स्पर्धेच्या तिसऱ्या फेरीअखेर त्यानंतर अॅलेक्सी सरानावर विजय मिळवला.

भारत आणि दक्षिण आफ्रिकेदरम्यान चार टी - ट्वेंटी क्रिकेट सामन्यांच्या मालिकेतला पहिला सामना आज डरबन इथं खेळला जाणार आहे. सूर्यकुमार यादवच्या नेतृत्वात ही मालिका होत आहे. भारतीय वेळेनुसार रात्री साडे आठ वाजता सामन्याला सुरुवात होईल.

कोरिया बॅडमिंटन मास्टर्स स्पर्धेच्या पुरुष एकेरीच्या उपांत्य फेरीत भारताच्या किरण जॉर्जने आपलं स्थान निश्चित केलं आहे. आज सकाळी उपांत्यपूर्व फेरीत त्याने जपानच्या खेळाडूचा २१-१४, २१-१६ असा पराभव केला. तत्पूर्वी, काल झालेल्या उपउपांत्यपूर्व फेरीत जॉर्जने तैवानच्या खेळाडूचा पराभव केला.

[loksutra]

सिंगापूर ओपन: भारतीय बॅडमिंटनपटू मिथुन मंजुनाथ अश्मिता चालिहा पलटवार, पीव्ही सिंधू आणि एचएस प्रणॉय यांनीही बाजी मारली

सिंगापूर ओपन: भारतीय बॅडमिंटनपटू मिथुन मंजुनाथ अश्मिता चालिहा पलटवार, पीव्ही सिंधू आणि एचएस प्रणॉय यांनीही बाजी मारली

भारताच्या मिथुन मंजुनाथ आणि अश्मिता चालिहा यांनी बुधवार, १३ जुलै २०२२ रोजी सिंगापूरमध्ये त्यांच्या अनुभवी प्रतिस्पर्ध्यांचा पराभव क���ून उलथापालथ केली. त्याच वेळी, दोन वेळा ऑलिम्पिक पदक विजेती पीव्ही सिंधूने सिंगापूर ओपन सुपर 500 बॅडमिंटन स्पर्धेच्या दुसऱ्या फेरीत प्रवेश केला. मिथुन मंजुनाथने देशबांधव आणि जागतिक चॅम्पियनशिपचा रौप्यपदक विजेता किदाम्बी श्रीकांतचा पराभव केला. एक तास चाललेल्या पुरुष…

[bharatlivenewsmedia]

World Badminton Championship जागतिक बॅडमिंटन चॅम्पियनशिप कधीपासून आहे, भारतातील कोणते खेळाडू सहभागी होत आहेत, काय आहे वेळापत्रक, जाणून घ्या

World Badminton Championship जागतिक बॅडमिंटन चॅम्पियनशिप कधीपासून आहे, भारतातील कोणते खेळाडू सहभागी होत आहेत, काय आहे वेळापत्रक, जाणून घ्या

World Badminton Championship जागतिक बॅडमिंटन चॅम्पियनशिप कधीपासून आहे, भारतातील कोणते खेळाडू सहभागी होत आहेत, काय आहे वेळापत्रक, जाणून घ्या जागतिक बॅडमिंटन चॅम्पियनशिप: वेळापत्रक काय आहे 22-23 ऑगस्ट: पहिली फेरी 24 ऑगस्ट – दुसरी फेरी 25 ऑगस्ट – तिसरी फेरी 26 ऑगस्ट – उपांत्यपूर्व फेरी 27 ऑगस्ट – उपांत्य फेरी 28 ऑगस्ट – अंतिम टोकियो- जपानमध्ये यावेळी जागतिक बॅडमिंटन चॅम्पियनशिप-2022 चे आयोजन…

[darshaknews]

लक्ष्य सेनने इतिहास रचला, ऑल इंग्लंड बॅडमिंटन चॅम्पियनशिपची उपांत्यपूर्व फेरी गाठली.

लक्ष्य सेनने इतिहास रचला, ऑल इंग्लंड बॅडमिंटन चॅम्पियनशिपची उपांत्यपूर्व फेरी गाठली.

ऑल इंग्लंड बॅडमिंटन चॅम्पियनशिप: जागतिक चॅम्पियनशिपचा कांस्यपदक विजेता भारतीय स्टार लक्ष्य सेनने गुरुवारी जागतिक क्रमवारीत तिसऱ्या क्रमांकाच्या अँड�� अँटोन्सेनचा सरळ गे��मध्ये पराभव करून ऑल इंग्लंड बॅडमिंटन चॅम्पियनशिपच्या पुरुष एकेरीच्या उपांत्यपूर्व फेरीत प्रवेश केला. या वर्षी जानेवारीमध्ये इंडिया ओपनचे विजेतेपद पटकावणाऱ्या आणि गेल्या आठवड्यात जर्मन ओपनचा उपविजेता ठरलेल्या अल्मोराच्या 20 वर्षीय…

[airnews-arngbad]

Regional Marathi Text Bulletin, Chhatrapati Sambhajinagar

Date - 17 October 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक १७ ऑक्टोबर २०२४ दुपारी १.०० वा.****

भाषा केवळ संवादाचं माध्यम नसून, सभ्यता आणि संस्कृतीचा आत्मा असल्याचं पंतप्रधान नरेंद्र मोदी यांनी म्हटलं आहे. अभिधम्म दिवस आणि पाली भाषेला अभिजात भाषेचा दर्जा मिळाल्यानिमि��्त नवी दिल्लीत, आंतरराष्ट्रीय बुद्धिस्ट महासंघ आणि सांस्कृतिक मंत्रालयाच्या सहकार्यानं घेण्यात आलेल्या समारंभात ते आज बोलत होते. पाली भाषेला अभिजात भाषेचा दर्जा हा भगवान बुद्धांच्या महान वारशाचा सन्मान असल्याचं पंतप्रधान म्हणाले. करुणा आणि सद्भावनेमुळेच आपण जगाला अधिक चांगलं बनवू शकतो, याची आठवण हा अभिधम्म दिवस आपल्याला करुन देतो, असं त्यांनी नमूद केलं. अभिधम्म दिवसाचं आणि पाली भाषेचं महत्त्व, तसंच बौद्ध धम्माचा समृद्ध वारसा जपण्यासाठी सरकारकडून सुरू असलेले प्रयत्न याविषयी त्यांनी भाष्य केलं. या कार्यक्रमात बौद्ध भिक्खूंचा सत्कार करण्यात आला.

****

हरियाणाच्या मुख्यमंत्रिपदी नायबसिंह चैनी यांचा आज सलग दुसऱ्यांदा शपथविधी होणार आहे. पंचकुलामधल्या शालिमार मैदानावर हा शपथविधी होणार असून, पंतप्रधान नरेंद्र मोदी या समारंभाला उपस्थित राहणार आहेत. चैनी यांनी काल राज्यपाल बंडारू दत्तात्रेय यांची भेट घेऊन सरकार स्थापनेचा दावा केला. चैनी यांच्या शपथविधीसाठी सुरक्षा व्यवस्था कडेकोट करण्यात आली आहे.

दरम्यान, राष्ट्रीय लोकशाही आघाडीच्या मुख्यमंत्र्यांची आणि उपमुख्यमंत्र्यांची परिषद आज चंडीगडमध्ये पंतप्रधानांच्या अध्यक्षतेखाली होणार आहे. राष्ट्रीय विकासाशी संबंधित मुद्या���वर परिषदेत चर्चा होणार आहे.

****

नागरिकत्व कायद्याचं कलम सहा ए संवैधानिक असल्याचा निर्वाळा सर्वोच्च न्यायालयानं दिला आहे. आसाममधल्या अवैध स्थलांतरितांना भारतीय नागरिकत्व देण्याशी संबंधित हे कलम आहे. सरन्यायाधीश धनंजय चंद्रचूड यांच्या अध्यक्षतेखालील पाच न्यायाधीशांच्या घटनापीठाने आसाम करार हा बेकायदेशीर स्थलांतराच्या समस्येवर राजकीय उपाय असल्याचं नमूद केलं.

दरम्यान, सरन्यायाधीश धनंजय चंद्रचूड यांनी पुढील सरन्यायाधीश म्हणून न्यायमूर्ती संजीव खन्ना यांच्या नावाचा प्रस्ताव मांडला आहे. न्यायमूर्ती खन्ना येत्या ११ नोव्हेंबरला सरन्यायाधीश म्हणून कार्यभार स्वीकारतील.

****

बिहारमधल्या सिवान आणि सारन जिल्ह्यात मद्य सेवनामुळे २५ जणांचा मृत्यू झाला. त्यांनी सेवन केलेलं मद्य विषारी असल्याचा प्राथमिक अंदाज पोलिसांनी वर्तवला असून, सारनमध्ये आठ आणि सिवानमध्ये दहा दारू विक्रेत्यांना ताब्यात घेण्यात आल्याचं सिवानचे पोलिस अधिक्षक अमितेश कुमार यांनी सांगितलं.

****

विमानात स्फोट घडवून आणण्याची धमकी दिल्या प्रकरणी एका अल्��वयीन आरोपीला मुंबई पोलिसांनी अटक केली आहे. १४ ऑक्टोबर रोजी आरोपीने समाजमाध्यमावरच्या बनावट खात्यावरुन चार विमानांमध्ये स्फोट होणार असल्याचं सांगितलं होतं. यात तीन आंतरराष्ट्रीय विमानं होती. धमकीमुळे दोन विमानांना उशीर झाला तर एक विमान रद्द करावं लागलं होतं.

****

विधानसभा मतदारसंघांचा आढावा घेणारा ‘रणांगण विधानसभेचं’ हा कार्यक्रम आजपासून आकाशवाणीवर सुरू होत आहे. दररोज संध्याकाळी ७ वाजून १० मिनिटांनी प्रसारित होणारा हा कार्यक्रम आमच्या Youtube चॅनलवरुनही आपण ऐकू शकाल. आज या कार्यक्रमात जळगाव जिल्ह्यातल्या मतदारसंघांचा आढावा आपल्याला ऐकता येईल.

****

महाराष्ट्र राज्य माध्यमिक आणि उच्च माध्यमिक शिक्षण मंडळाच्या इयत्ता दहावी आणि बारावीच्या फेब्रुवारी मार्च २०२५ मध्ये घेण्यात येणाऱ्या परीक्षांचं वेळापत्रक अजून जाहीर झालं नसल्याचं मंडळानं स्पष्ट केलं आहे. या परीक्षांच्या तारखा प्रकाशित झाल्याची बातमी काही ठिकाणी प्रसारित झाल्याचं निदर्शनास आल्यामुळे मंडळानं हा खुलासा केला आहे.

****

डेन्मार्क खुल्या बॅडमिंटन स्पर्धेच्या महिला गटात उप-उपान्त्यपूर्व फेरीत भारताची बॅडमिंटनपटू पी व्ही सिंधूचा सामना आज चीनच्या हान यू हिच्याशी होणार आहे. पहिल्या सामन्यात प्रतिस्पर्ध्यानं सामना अर्ध्यावर सोडून दिल्यामुळे सिंधूला पुढे चाल मिळाली होती.

****

भारत आणि न्यूझीलंडदरम्यान पहिल्या कसोटी क्रिकेट सामन्याचा खेळ आज दुसऱ्या दिवशी सुरु झाला, मात्र काही वेळानंतर पावसामुळे खेळ पुन्हा थांबवावा लागला. भारताने नाणेफेक जिंकून प्रथम फलंदाजीचा निर्णय घेतला. पावसामुळे खेळ थांबला तेव्हा भारताच्या तीन बाद १३ धावा झाल्या आहेत.

****

बंगालच्या उपसागरात तयार झालेलं चक्रीवादळ आज सकाळी आंध्र प्रदेशच्या टाडा गावाजवळ पोहोचलं. दुपारपर्यंत आंध्र प्रदेशमध्ये या वादळाचं कमी दाबाच्या पट्ट्यात रूपांतर होण्याचा अंदाज आहे. हवामान विभागाने यलो अलर्ट जारी केला असून, अतिवृष्टीचा इशारा दिला आहे. तामिळनाडूजवळ चेन्नईपासून ३२० किलोमीटर वर समुद्रात कमी दाबाचं क्षेत्र तयार झालं असून, त्याचा परिणाम म्हणून तामिळनाडूमध्ये आज मुसळधार ते अति मुसळधार पावसाचा अंदाज हवामान विभागानं वर्तवला आहे.

राज्यात कोकण, मध्य महाराष्ट्र, मराठवाडा आणि विदर्भात पुढच्या तीन दिवसांत तुरळक ठिकाणी मेघगर्जनेसह पाऊस पडण्याची शक्यता हवामान विभागानं वर्तवली आहे. ���िदर्भात अनेक ठिकाणी सरासरीच्या तुलनेत अधिक तापमानाची नोंद झाली असून, मध्य महाराष्ट्रात तुरळक ठिकाणी तापमानात घट झाल्याची नोंद हवामान विभागानं केली आहे.

****

[airnews-arngbad]

आकाशवाणी छत्रपती संभाजीनगर, दिनांक: 28.09.2024   रोजीचे सकाळी : 07.10 वाजताचे मराठी बातमीपत्र

Regional Marathi Text Bulletin, Chhatrapati Sambhajinagar

Date: 28 September 2024

Time: 7.10 to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: २८ सप्टेंबर २०२४ सकाळी ७.१० मि.

****

ठळक बातम्या

मंकी पॉक��सचा प्रादुर्भाव रोखण्यासाठी केंद्रीय आरोग्य मंत्रालयाकडून मार्गदर्शक सूचना जारी 

विधानसभा निवडणुकीच्या तयारीसाठी केंद्रीय निवडणूक आयोगाच्या राजकीय तसंच प्रशासकीय आढावा बैठका

नांदेड जिल्ह्यात नेरली इथं दुषीत पाणी प्यायल्याने पंधरा मुलांसह दोनशे जणांना विषबाधा

जागतिक पर्यटन दिन विविध कार्यक्रमांनी साजरा -रत्नागिरी जिल्ह्यातल्या कर्दे गावाला कृषी पर्यटनासाठी सर्वोत्कृष्ट पुरस्कार जाहीर

आणि

मकाऊ खुल्या बॅडमिंटन स्पर्धेत त्रिशा जॉली आणि गायत्री गोपीचंद जोडीचा उपांत्य फेरीत प्रवेश

सविस्तर बातम्या

मंकी पॉक्स या आजाराचा प्रादुर्भाव रोखण्याच्या दृष्टीनं केंद्रीय आरोग्य आणि कुटुंबकल्याण मंत्रालयानं मार्गदर्शक सूचना जारी केल्या आहेत. विषाणूच्या प्रादुर्भाव-प्रसारावर लक्ष ठेवणे, उपचारांसाठी वैद्यकीय सुविधा तसंच विलगीकरणाच्या सोयी उपलब्ध करुन देणे, या बाबींकडे स्थानिक प्र���ासनाने लक्ष देण्याचे निर्देश मंत्रालयानं दिले आहेत.

दरम्यान, शासनानं यकृताच्या नॉन-अल्कोहोलिक फॅटी लिव्हर डिसीज या आजारावरील सुधारित मार्गदर्शक तत्त्वे आणि प्रशिक्षण पुस्तिका जारी केली आहे.

****

पंतप्रधान नरेंद्र मोदी यांच्या हस्ते पुण्यातल्या शिवाजीनगर ते स्वारगेट या भुयारी मेट्रो मार्गाचं उद्या दूरदृश्य प्रणालीद्वारे लोकार्पण होणार आहे. स्वारगेट ते कात्रज या भुयारी मार्गाचं भुमिपूजनही यावेळी होणार आहे.

दरम्यान, पंतप्रधान उद्या आकाशवाणीवरच्या मन की बात या कार्यक्रमातून देशवासियांशी संवाद साधणार आहेत.  आकाशवाणी आणि दूरदर्शनच्या सर्व वाहिन्यांवरुन सकाळी ११ वाजता हा कार्यक्रम प्रसारित होईल.

****

महाराष्ट्रातल्या आगामी विधानसभा निवडणुकीच्या तयारीचा आढावा घेण्यासाठी केंद्रीय निवडणूक आयोगाच्या पथकानं काल विविध राजकीय पक्षांसोबत तसंच ठाणे, पुणे, पालघर आणि मुंबईसह विविध जिल्ह्यांच्या प्रशासकीय अधिकाऱ्यांसोबत चर्चा केली. उर्वरित विभागांचा आढावा आज घेतला जाणार आहे.

भाजपा आमदार विधिज्ञ आशिष शेलार यांनी निवडणूक आयोगाकडे सूचना मांडल्या आहेत. मतदानाचा दिवस सलग सुट्ट्यांच्या दिवशीचा असू नये, प्रत्यक्षात बदली झालेल्या सर्व मतदारांना मतदानाचा हक्क मिळावा अशा सूचनांचं पत्र शेलार यांनी आयोगाकडे सादर केलं आहे.

****

माजी मंत्री तथा काँग्रेचे ज्येष्ठ नेते रोहिदास चुडामण पाटील यांचं काल धुळे इथं निधन झालं, ते ८४ वर्षांचे होते. विविध मंत्रिपद भुषवलेल्या रोहिदास पाटील यांनी काँग्रेस पक्षातही अनेक पदं भुषवली. त्यांच्या पार्थिव देहावर आज अंत्यसंस्कार होणार आहेत.

****

राजस्थानचे राज्यपाल हरिभाऊ बागडे यांचा अभिष्टचिंतन सोहळा छत्रपती संभाजीनगर इथं काल पार पडला. बागडे यांनी नुकतेच ऐंशीव्या वर्षात पदार्पण केलं, त्यानिमित्त केंद्रीय मंत्री नितीन गडकरी यांच्या अध्यक्षतेखाली हा कार्यक्रम घेण्यात आला. बागडे यांच्या जीवन प्रवासावर आधारित 'माझा प्रवास' या पुस्तकाचं प्रकाशन यावेळी करण्यात आलं.

****

जागतिक पर्यटन दिन काल साजरा झाला. ‘पर्यटन आणि शांतता’ ही यंदाच्या पर्यटन दिनाची संकल्पना आहे. या पार्श्वभूमीवर केंद्रीय पर्यटन मंत्रालयानं सर्वोत्कृष्ट पर्यटन गाव स्पर्धेचे निकाल काल जाहीर केले. विविध आठ श्रेणींमध्ये ३६ गावांना हे पुरस्कार जाहीर झाले आहेत. यामध्ये कृषी पर्यटनासाठीचा पुरस्कार रत्नागिरी जिल्ह्यात दापोली तालुक्यातल्या कर्दे गावाला जाहीर झाला आहे. गावाचे सरपंच सचिन तोडणकर यांनी आपल्या भावना या शब्दांत व्यक्त केल्या...

कर्दे गावाने फक्त कोकणची जी संस्कृती आहे, ग्रामीण जीवन आहे, ते प्रेझेंट केलं होतं आणि त्या प्रेझेंटेशनला नॅशनल लेव्हला मान्यता मिळाली. आणि निश्चितपणाने आम्हाला सगळ्या कोकणवासीयांना गौरव आहे.

****

छत्रपती संभाजीनगर जिल्ह्यात वेरूळ इथं पर्यटन विकास महामंडळाच्या राष्ट्रकूट पर्यटक निवासाचं लोकार्पण पर्यटनमंत्री गिरीश महाजन यांच्या हस्ते काल दूरदृश्यप्रणालीव्दारे झालं.

****

छत्रपती संभाजीनगर इथं ‘शाश्वत पर्यटन - एक सहयोग पूर्ण वाटचाल’ या विषयावर काल कार्यशाळा घेण्यात आली. यामध्ये भारतीय पुरातत्व विभागाचे अधीक्षक डॉ.शिवकुमार भगत, पत्र सूचना कार्यालयाच्या उपसंचालिका जयदेवी पुजारी स्वामी, जिल्हा माहिती अधिकारी डॉ.मिलिंद दुसाने, पर्यटन मंत्रालयाच्या सहाय्यक संचालिका मालती दत्त यांनी ग्रामीण पत्रकारांशी संवाद साधत पर्यटन वाढीसाठी सहायक बाबींवर चर्चा केली.

दरम्यान, वेरूळ लेणी इथं दोन दिवसीय मल्टीमीडिया चित्रप्रदर्शन भरवण्यात आलं आहे. हे प्रदर्शन आज सायंकाळी ६ वाजेपर्यंत, सर्वांसाठी खुलं आहे.

****

धाराशिव जिल्ह्यात तेर इथं काल हेरिटेज वॉक घेण्यात आला. यात सहभागी नागरीकांनी त्रिविक्रम मंदिर, उत्तरेश्वर मंदिर, तीर्थकुंड, चैत्यगृह यासह दिवंगत रामलिंगप्पा लामतुरे शासकीय पुराणवस्तू संग्रहालयाला भेट देऊन माहिती जाणून घेतली.

****

नांदेड जिल्ह्यात नेरली कुष्ठधाम इथं सार्वजनिक पाणीपुरवठ्याच्या टाकीतील दुषीत पाणी प्यायल्याने पंधरा मुलांसह दोनशेहून जास्त गावकऱ्यांना विषबाधा झाली असून सहा जणांची प्रकृती गंभीर असल्याचं आमच्या वार्ताहरानं कळवलं आहे. या रुग्णांना मध्यरात्री नांदेड शहरातील शासकीय रुग्णालयासह खाजगी रुग्णालयात दाखल करण्यात आलं. जिल्हाधिकारी अभिजीत राऊत यांनी घटनेची माहिती घेत आरोग्य यंत्रणांना आवश्यक त्या सूचना दिल्या आहेत.

****

कानपूर इथं सुरू असलेल्या भारत आणि बांगलादेशदरम्यान दुसऱ्या क्रिकेट कसोटी सामन्यात काल पहिला दिवसाचा खेळ पाऊस आणि पुरेशा प्रकाशाअभावी लवकर थांबवण्यात आला. बांगलादेशनं दिवसअखेर तीन बाद १०७ धावा केल्या आहेत.

****

मकाऊ खुल्या बॅडमिंटन महिला दुहेरीत त्रिशा जॉली आणि गायत्री गोपीचंद या जोडीने उपांत्य फेरीत प्रवेश केला आहे. काल झालेल्या सामन्यात त्रिशा आणि गायत्री जोडीने तैवानच्या जोडीचा २१-१२, २१-१७ असा पराभव केला. आज उपांत्य फेरीत या जोडीचा सामना तैवानच्या अन्य एका जोडीशी होईल.

दरम्यान, पुरुष एकेरीच्या उपांत्यपूर्व फेरीत किदाम्बी श्रीकांतचा पराभव झाला.

****

लातूर जिल्ह्यातील वाडी-तांड्याच्या ठिकाणी असलेल्या शाळांमध्ये प्रत्येक शनिवारी बोलीभाषेत शिक्षणासाठी विशेष वर्ग घेतले जाणार आहेत. जिल्हा परिषदेचे मुख्य कार्यकारी अधिकारी अनमोल सागर यांनी ही माहिती दिली. मुरुड इथं बंजारा बोलीभाषा-मराठी प्रमाणभाषा कृति पुस्तिकेच्या प्रकाशनप्रसंगी ते बोलत होते. विद्यार्थ्यांचा अध्ययन स्तर वाढवण्यासाठी त्यांच्या मातृभाषेतील शिक्षण उपयुक्त ठरत असल्याने, हा निर्णय घेतल्याचं सागर यांनी सांगितलं.

****

छत्रपती संभाजीनगर महानगरपालिकेने पुढील ३० वर्षांसाठी तयार केलेल्या जलनितीचा मसुदा छत्रपती संभाजीनगर एम सी डॉट ओआरजी या संकेत स्थळावर प्रसिध्द करण्यात आलेला आहे. या जलनिती बाबत आपले आक्षेप आणि सूचना लेखी स्वरुपात महापालिकेच्या पाणी पुरवठा विभागाचे कार्यकारी अभियंता यांच्या कार्यालयात ६० दिवसांच्या आत दाखल करण्याचं आवाहन करण्यात आलं आहे.

****

धाराशिव जिल्ह्यात परंडा तालुक्यातला सीना कोळेगाव सिंचन प्रकल्प पूर्ण क्षमतेनं भरला आहे. धरणाचे १७ दरवाजे ��घडून तीस हजार घनफूट प्रति सेकंद वेगानं पाण्याचा विसर्ग नदीपात्रात सुरू आहे

****

छत्रपती संभाजीनगर जिल्ह्यातल्या जायकवाडी धरणातून होणारा विसर्ग कमी करण्यात आला आहे. धरणाच्या १८ दरवाजातून सुमारे चौदा हजार ६७२ घनफूट प्रतिसेकंद वेगानं विसर्गसुरू आहे.

****

[airnews-arngbad]

Regional Marathi Text Bulletin, Chhatrapati Sambhajinagar

Date – 27 September 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – २७ सप्टेंबर २०२४ सायंकाळी ६.१०

****

मंकी पॉक्सचा प्रादुर्भाव रोखण्यासाठी केंद्रीय आरोग्य मंत्रालयाकडून मार्गदर्शक सूचना जारी

विधानसभा निवडणुकीच्या तयारीसाठी केंद्रीय निवडणूक आयोगाच्या राजकीय तसंच प्रशासकीय आढावा बैठका

राजस्थानचे राज्यपाल हरिभाऊ बागडे यांचा छत्रपती संभाजीनगर इथं अभिष्टचिंतन सोहळा

जागतिक पर्यटन दिन विविध कार्यक्रमांनी साजरा-रत्नागिरी जिल्ह्यातल्या कर्दे गावाला कृषी पर्यटनासाठी सर्वोत्कृष्ट पुरस्कार जाहीर

आणि

मकाऊ खुल्या बॅडमिंटन स्पर्धेत त्रिशा जॉली आणि गायत्री गोपीचंद जोडीचा उपांत्य फेरीत प्रवेश

****

मंकी पॉक्स या आजाराचा प्रादुर्भाव रोखण्याच्या दृष्टीनं केंद्रीय आरोग्य आणि कुटुंबकल्याण मंत्रालयानं मार्गदर्शक सूचना जारी केल्या आहेत. विषाणूच्या प्रादुर्भाव-प्रसारावर लक्ष ठेवणे, उपचारांसाठी वैद्यकीय सुविधा तसंच विलगीकरणाच्या सोयी उपलब्ध करुन देणे, या बाबींकडे स्थानिक प्रशासनाने लक्ष देण्याचे निर्देश मंत्रालयानं दिले आहेत.

****

शासनानं आज यकृताच्या ��ॉन-अल्कोहोलिक फॅटी लिव्हर डिसीज-एनएएफएलडी या आजारावरील सुधारित मार्गदर्शक तत्त्वे आणि प्रशिक्षण पुस्तिका जारी केली. हा आजार झालेला रुग्ण ओळखण्यासाठी ही मार्गदर्शक तत्त्वे आणि प्रशिक्षण नियमावली उपयुक्त असल्याचं आरोग्य आणि कुटुंब कल्याण सचिव अपूर्व चंद्रा यांनी सांगितलं.

****

पंतप्रधान नरेंद्र मोदी यांच्या हस्ते परवा रविवारी २९ सप्टेंबरला पुण्यातल्या शिवाजीनगर ते स्वारगेट या भुयारी मेट्रो मार्गाचं दूरदृश्य प्रणालीद्वारे लोकार्पण होणार आहे. स्वारगेट ते कात्रज या भुयारी मार्गाचं भुमिपूजनही यावेळी होणार आहे. केंद्रीय राज्यमंत्री मुरलीधर मोहोळ यांनी ही माहिती दिली.

दरम्यान, पंतप्रधान परवा रविवारी आकाशवाणीवरच्या मन की बात या कार्यक्रमातून देशवासियांशी संवाद साधणार आहेत. या कार्यक्रमाच्या तिसऱ्या आवृत्तीचा हा चौथा भाग आहे. आकाशवाणी आणि दूरदर्शनच्या सर्व वाहिन्यांवरुन सकाळी ११ वाजता हा कार्यक्रम प्रसारित होईल.

****

महाराष्ट्रातल्या आगामी विधानसभा निवडणुकीच्या तयारीचा आढावा घेण्यासाठी केंद्रीय निवडणूक आयोगाच्या पथकानं आज विविध राजकीय पक्षांसोबत चर्चा केली. कोकण तसंच पुणे विभागीय आयुक्त, ठाणे, पुणे, पालघर आणि मुंबई तसंच मुंबई उपनगरचे पोलिस आयुक्त तसंच अधीक्षक, तसंच ठाणे, नवी मुंबई, पुणे आणि पिंपरी चिंचवडच्या महापालिका प्रशासनाशी या पथकानं चर्चा करून आढावा घेतला. उर्वरित विभागांचा आढावा उद्या घेतला जाणार आहे.

हे पथक दोन दिवसांच्या दौऱ्यात निवडणूक आयोगाचे अधिकारी, राजकीय पक्षांचे प्रतिनिधी, मुख्य निवडणूक अधिकारी, मुख्य सचिव यांच्यासह राज्यातल्या विविध अधिकाऱ्यांची विधानसभा निवडणुकीच्या तयारीच्या अनुषंगाने आढावा बैठक घेणार आहेत.

भाजपा आमदार विधिज्ञ आशिष शेलार यांनी निवडणूक आयोगाकडे सूचना मांडल्या आहेत. मतदानाचा दिवस सलग सुट्ट्यांच्या दिवशीचा असू नये, प्रत्यक्षात बदली झालेल्या सर्व मतदारांना मतदानाचा हक्क मिळावा अशा सूचनांचं पत्र शेलार यांनी आयोगाकडे सादर केलं आहे.

****

शासनाच्या विविध योजनांची माहिती सर्वसामान्यांना देण्यासाठी सुरू करण्यात आलेल्या मुख्यमंत्री योजनादूत उपक्रमात सहभागी होण्यासाठीची मुदत ३० सप्टेंबरपर्यंत वाढवण्यात आली आहे. इच्छुक उमेदवारांनी या तारखेपर्यंत www.mahayojanadoot.org या संकेतस्थळावर अर्ज करावा, असं आवाहन शासनानं केलं आहे.

****

देशात एक पेड माँ के नाम या मोहिमेअंतर्गत ऐंशी कोटीं रोपांची लागवड करण्याचं उद्दीष्ट पूर्ण केलं असल्याचं पर्यावरण मंत्रालयानं सांगितलं आहे. ३० सप्टेंबर या अंतिम मुदतीच्या आधी हे लक्ष्य गाठले असल्याचं मंत्रालयानं नमूद केलं. यात उत्तर प्रदेश सरकारने सर्वाधिक २६ कोटी रोपांची लागवड केली आहे.

****

माजी मंत्री तथा काँग्रेचे ज्येष्ठ नेते रोहिदास चुडामण पाटील यांचं आज धुळे इथं निधन झालं, ते ८४ वर्षांचे होते. पाटबंधारे आणि अन्य खात्याचं मंत्रिपद भूषवलेल्या रोहिदास पाटील यांनी आपल्या कारकिर्दीत अक्कलपाडा आणि अन्य प्रकल्प पूर्णत्वास नेले. काँग्रेस पक्षातही अनेक पदं त्यांनी भूषवली. त्यांच्या पार्थिव देहावर उद्या अंत्यसंस्कार होणार आहेत. उपमुख्यमंत्री अजित पवार, काँग्रेस प्रदेशाध्यक्ष नाना पटोले यांनी रोहिदास पाटील यांच्या निधनाबद्दल दु:ख व्यक्त केलं आहे.

****

राजस्थानचे राज्यपाल हरिभाऊ बागडे यांचा अभिष्टचिंतन सोहळा छत्रपती संभाजीनगर इथं आज पार पडला. बागडे यांनी नुकतेच ऐंशीव्या वर्षात पदार्पण केलं, त्यानिमित्त केंद्रीय मंत्री नितीन गडकरी यांच्या अध्यक्षतेखाली हा कार्यक्रम घेण्यात आला. यावेळी गृहनिर्माण, इतर मागास आणि बहुजन कल्याण मंत्री अतुल सावे, माजी केंद्रीय राज्य मंत्री डॉ. भागवत कराड, आमदार विक्रम काळे, यांच्यासह आदी मान्यवर उपस्थित होते. बागडे यांनी समर्पित भावनेनं राष्ट्र निर्मितीसाठी केलेलं कार्य सर्वांसाठी दिशादर्शक असल्याचे गौरवोद्‌गार ��डकरी यांनी काढले. बागडे यांच्या जीवन प्रवासावर आधारित 'माझा प्रवास' या पुस्तकाचं प्रकाशन यावेळी करण्यात आलं.

****

जागतिक पर्यटन दिन आज साजरा होत आहे. ‘पर्यटन आणि शांतता’ ही यंदाच्या पर्यटन दिनाची संकल्पना आहे. यानिमित्त नवी दिल्ली पर्यटन मंत्रालयातर्फे घेण्यात आलेल्या विशेष कार्यक्रमाचं उद्घाटन उपराष्ट्रपती जगदीप धनखड यांच्या हस्ते करण्यात आलं.

पर्यटन मंत्रालयाच्या महासंचालक मुग्धा सिन्हा यांनी या निमित्तानं आकाशवाणीला विशेष मुलाखत दिली, जागतिक पातळीवर शांती आणि समृद्धीसाठी ग्रामीण पर्यटन तसंच महिला आणि युवा सक्षमीकरणावर भर देणाऱ्या पर्यटनाची आवश्यकता, मुग्धा सिन्हा यांनी व्यक्त केली.

****

केंद्रीय पर्यटन मंत्रालयानं सर्वोत्कृष्ट पर्यटन गाव स्पर्धेचे निकाल आज जाहीर केले. विविध आठ श्रेणींमध्ये ३६ गावांना हे पुरस्कार जाहीर झाले आहेत. यामध्ये कृषी पर्यटनासाठीचा पुरस्कार रत्नागिरी जिल्ह्यात दापोली तालुक्यातल्या कर्दे गावाला जाहीर झाला आहे. तर आध्यात्मिक आणि आरोग्य क्षेत्राचा पुरस्कार गोव्यात फोंडा तालुक्यातल्या बांदोरा गावानं पटकावला आहे.

****

छत्रपती संभाजीनगर जिल्ह्यात वेरूळ इथं पर्यटन विकास महामंडळाच्या राष्ट्रकूट पर्यटक निवासाचं लोकार्पण पर्यटनमंत्री गिरीश महाजन यांच्या हस्ते आज दूरदृश्यप्रणालीव्दारे झाले. हेलीपॅड तसंच जागतिक दर्जाचे अभ्यागत केंद्र याठिकाणी उभारण्यात आलं आहे.

****

जागतिक पर्यटन दिना निमित्त छत्रपती संभाजीनगर इथं ‘शाश्वत पर्यटन - एक सहयोग पूर्ण वाटचाल’ या विषयावर कार्यशाळा घेण्यात आली. यामध्ये भारतीय पुरातत्व विभागाचे अधीक्षक डॉ.शिवकुमार भगत, पत्र सूचना कार्यालयाच्या उपसंचालिका जयदेवी पुजारी स्वामी, जिल्हा माहिती अधिकारी डॉ.मिलिंद दुसाने, पर्यटन मंत्रालयाच्या सहाय्यक संचालिका मालती दत्त यांनी ग्रामीण पत्रकारांशी संवाद साधत पर्यटन वाढीसाठी सहायक बाबींवर चर्चा केली.

दरम्यान, जागतिक पर्यटन दिनानिमित्त वेरूळ लेणी इथं दोन दिवसीय मल्टीमीडिया चित्रप्रदर्शन भरवण्यात आलं आहे. डॉ. भगत यांच्या हस्ते या प्रदर्शनाचं उद्‌घाटन झालं. या प्रदर्शनात देशभरातील प्रमुख पर्यटन स्थळांच्या छायाचित्रांबरोबरच संक्षिप्त स्वरुपातील माहिती चित्रफितींद्वारे देण्यात येत आहे. हे प्रदर्शन उद्या सायंकाळी ६ वाजेपर्यंत, सर्वांसाठी खुलं आहे.

****

कानपूर इथं सुरू असलेल्या भारत आणि बांगलादेशदरम्यान दुसऱ्या क्रिकेट कसोटी सामन्यात आज पहिला दिवसाचा खेळ पाऊस आणि पुरेशा प्रकाशाअभावी लवकर थांबवण्यात आला. बांगलादेशनं दिवसअखेर तीन बाद १०७ धावा केल्या आहेत.

****

मकाऊ खुल्या बॅडमिंटन महिला दुहेरीत त्रिशा जॉली आणि गायत्री गोपीचंद या जोडीने उपांत्य फेरीत प्रवेश केला. आज झालेल्या सामन्यात त्रिशा आणि गायत्री जोडीने तैवानच्या जोडीचा २१-१२, २१-१७ असा पराभव केला. उद्या उपांत्य फेरीत यांचा सामना तैवानच्या अन्य एका जोडीशी होईल. दरम्यान, पुरुष एकेरीच्या उपांत्यपूर्व फेरीत किदाम्बी श्रीकांतचा पराभव झाला.

****

छत्रपती संभाजीनगर महानगरपालिकेने पुढील ३० वर्षांसाठी शहराची स्वतंत्र जलनिती तयार केली आहे. या जलनीतीचं मुख्यमंत्री एकनाथ शिंदे यांच्या हस्ते नुकतंच प्रकाशन करण्यात आलं आहे. या जलनितीचा मसुदा छत्रपती संभाजीनगर महानगरपालिकेच्या छत्रपती संभाजीनगर एम सी डॉट ओआरजी या संकेत स्थळावर प्रसिध्द करण्यात आलेला आहे. या जलनिती बाबत आपले आक्षेप आणि सूचना लेखी स्वरुपात महापालिकेच्या पाणी पुरवठा विभागाचे कार्यकारी अभियंता यांच्या कार्यालयात ६० दिवसांच्या आत दाखल करण्याचं आवाहन करण्यात आलं आहे.

****

धाराशिव जिल्ह्यात परंडा तालुक्यातला सीना कोळेगाव सिंचन प्रकल्प पूर्ण क्षमतेनं भरला आहे. कालपासून धरणाचे १७ दरवाजे उघडून तीस हजार घनफूट प्रति सेकंद वेगानं पाण्याचा विसर्ग नदीपात्रात सुरू आहे. नदीकाठच्या गावांना सतर्कतेचा इशारा देण्यात आला आहे.

****

हिंगोली नगरपरिषदेच्या वतीनं सफाई मित्र सुरक्षा आरोग्य तपासणी शिबिर घेण्यात आलं. मुख्य अधिकारी अरविंद मुंडे यांच्या मार्गदर्शनाखाली घेण्यात आलेल्या या शिबिरात १६० सफाई कर्मचाऱ्यांच्या आरोग्याची तपासणी करण्यात आली.

****

स्वच्छता ही सेवा अभियानांतर्गत आज परभणी महानगरपालिकेच्या वतीनं शहरात जनजागृतीपर पथनाट्य सादर करण्यात आलं. या पथनाट्यातून कचरा वर्गीकरण, आपला कचरा आपली जबाबदारी याबाबत जनजागृती करण्यात आली.

****

[airnews-arngbad]

Regional Marathi Text Bulletin, Chhatrapati Sambhajinagar

Date: 02 September - 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०२ सप्टेंबर २०२४ दुपारी १.०० वा.

****

राष्ट्रपती द्रौपदी मुर्मू यांचं आज तीन दिवसांच्या महाराष्ट्राच्या दौऱ्यावर आगमन झालं. आज कोल्हापूर जिल्ह्यात इथं राज्यपाल सी पी राधाकृष्णन यांनी त्यांचं स्वागत केलं. कोल्हापूर इथं वारणानगर इथं वारणा महिला सहकारी समूहाच्या सुवर्ण महोत्सवी समारंभाला त्या उपस्थित राहतील. उद्या पुण्यात सिम्बायोसिस आंतरराष्ट्रीय विद्यापीठाच्या २१ व्या दीक्षांत समारंभाला, तसंच मु���बईत महाराष्ट्र विधान परिषदेच्या शताब्दी वर्षाच्या समारंभाला त्या उपस्थित राहतील. तर चार तारखेला लातूर जिल्ह्यात उदगीर इथं बुद्ध विहाराचं उद्घाटन राष्ट्रपतींच्या हस्ते होणार आहे.  उदगीरमध्ये महाराष्ट्र सरकारच्या ‘शासन आपल्या दारी’ आणि ‘मुख्यमंत्री माझी लाडकी बहिण योजने’च्या लाभार्थींच्या मेळाव्याला देखील त्या संबोधित करतील.

****

मराठवाड्याच्या बहुतांश भागात पावसाची संततधार आजही सुरू आहे. छत्रपती संभाजीनगर शहरासह परिसरात आज पहाटे जोरदार पाऊस झाला. जिल्ह्यातलं जायकवाडी धरण ८७ टक्के भरलं असून, धरणातून गोदावरी नदीपात्रात कोणत्याही क्षणी पाणी सोडण्यात येण्याची शक्यता आहे. त्यामुळे नदीकाठालगतच्या नागरिकांनी खबरदारी घेण्याचं आवाहन पाटबंधारे विभागानं केलं आहे.

जिल्ह्यातल्या सर्वच तालुक्यात जोरदार पाऊस सुरू असल्यानं, अनेक रस्त्यांवरचे पूल पाण्याखाली गेले आहेत, काही गावांमध्ये पुराचं पाणी वसाहतींमध्ये शिरल्याचं वृत्त आहे.

**

बीड जिल्ह्यात सर्वदूर जोरदार पाऊस सुरू आहे. त्यामुळे मांजरा पाणीसाठा सुमारे पन्नास टक्के इतका झाल्याचं वृत्त आहे. बीड शहरातील बिंदुसरा नदीच्या काठावरील परिसराती नागरीकांनी सद्यस्थितीत सतर्कता बाळगण्याचं आवाहन आमदार संदीप क्षीरसागर यांनी केलं आहे. क्षीरसागर यांनी आज अधिकाऱ्यांसोबत पूरस्थितीची पाहणी केली, तेव्हा ते बोलत होते, शहरातला चांदणी चौक ते जुना बाजारवेस पर्यंतचा जुना पुल रहदारीसाठी बंद करण्यात आला आहे.

गेल्या २४ तासात बीड जिल्ह्यामध्ये ९२ मिलिमीटर पावसाची नोंद झाली आहे. तर दहा तालुक्यातल्या ६१ महसुली मंडळामध्ये अतिवृष्टी झाल्याची नोंद प्रशासनाकडे झाली आहे. अतिवृष्टीने खरीप पिकांचे नुकसान झालं आहे.

**

जालना जिल्ह्यातही पावसाची संततधार सुरू असून, या पावसामुळे खरीप पिकांचं पंचेचाळीस पूर्णांक वीस टक्के नुकसान झाल्याचा प्राथमिक अहवाल आहे.

**

परभणी जिल्ह्यात करापरा नदीला पूर आल्यामुळे जिंतूर तालुक्यातल्या अनेक गावांना पुराचा वेढा पडला असून, परभणी-जिंतूर महामार्गावरील वाहतूक बंद झाली आहे. जिल्ह्यातल्या दिग्रस बंधाऱ्याचे चार दरवाजे उघडण्यात आले असून, सिद्धेश्वर धरणातूनही मोठया प्रमाणात पाणी सोडलं जात आहे. नदीपात्रालगत राहणाऱ्या नागरिकांनी सावध राहावं, पूर परिस्थितीत आवश्यक काळजी घ्यावी, असं आवाहन जिल्हा प्रशासनांनी केलं आहे.

**

हिंगोली जिल्ह्यात कयाधू नदीने रौद्ररूप धारण केलं आहे. दहा ते पंधरा गावांतल्या शेतांमध्ये पुराचं पाणी शिरलं असून, त्यामुळे काही मजूर अडकले आहेत. डोंगरगाव पूल इथले सात जण पुराच्या विळख्यात अडकले होते, त्यातल्या पाच जणांना सुरक्षित बाहेर काढण्यात आलं आहे.

**

नांदेड इथल्या विष्णुपुरी धरणात मोठ्या प्रमाणात पाण्याची आवक होत आहे. या धरणाच्या १२ दरवाजातून सध्या १ लाख ६९ हजार ८३ घनफूट प्रतिसेकंद वेगाने गोदावरी नदीपात्रात विसर्ग सुरू आहे.

****

बैल पोळा आज साजरा होत आहे. आज ग्रामीण भागात अनेक ठिकाणी बैलांना सजवून त्यांचं पूजन करून त्यांना कृतज्ञतापूर्वक पुरणपोळीचा घास भरवला जातो. सायंकाळी बैलांची मिरवणूक काढण्याचाही प्रघात आहे.

****

अंबाजोगाई इथल्या यशवंतराव चव्हाण स्��ृती समितीच्या वतीनं दिला जाणारा यंदाचा भगवानराव लोमटे स्मृती राज्य पुरस्कार ज्येष्ठ नाटककार, दिग्दर्शक पद्मश्री सतीश आळेकर यांना जाहीर झाला आहे. येत्या २१ सप्टेंबरला अंबाजोगाई इथं हा पुरस्कार प्रदान करण्यात येणार आहे.

****

धाराशिव जिल्ह्यातल्या रांजणी इथल्या नॅचरल शुगर अॅण्ड अलाईड इंडस्ट्रीज लिमिटेड या खाजगी साखर कारखान्याला, पुण्याच्या वेस्ट इंडियन शुगर मीलस् असोसिएशनचा ‘‘संशोधन, विकास आणि नाविण्यपूर्ण उपक्रम’’ या क्षेत्रातील उत्कृष्ट कार्याबद्दल पुरस्कार प्रदान करण्यात आला. केंद्रीय नव आणि अपारंपारिक उर्जा विभागाच्या वरिष्ठ शास्त्रज्ञ डॉ. संगिता कस्तुरे यांच्या हस्ते कारखान्याचे संस्थापक अध्यक्ष कृषिरत्न बी.बी.ठोंबरे यांनी हा पुरस्कार स्वीकारला.

****

पॅरिस पॅराऑलिंपिक स्पर्धेत भारताची बॅडमिंटनपटू थुलासिमथी मुरुगेसन हिनं महिलांच्या एसयू पाच बॅडमिंटन प्रकारात अंतिम फेरी गाठली आहे. अंतिम फेरीत तिची लढत चीनच्या यँग क्युझियाशी होईल. दुसरीकडे, उपान्त्य फेरीतल्या पराभवानंतर मनिषा रामदास कांस्य पदकासाठी डेन्मार्कच्या कॅथरिन रोसेनग्रीनशी लढत देईल.

तीरंदाजीमध्ये राकेश कुमार याचं कांस्य पदक केवळ एका गुणानं हुकलं. कांस्य पदकासाठीच्या सामन्यात चीनच्या हे झिहाओनं त्याचा १४७-१४६ असा पराभव केला.

****

[airnews-arngbad]

Regional Marathi Text Bulletin, Chhatrapati Sambhajinagar

Date – 02 September 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०२ सप्टेंबर २०२४ सकाळी ७.१० मि.

****

मराठवाड्यासह राज्याच्या बहुतांश भागात पावसाचा जोर कायम, जायकवाडी धरणाचा पाणीसाठा ८७ टक्क्यांवर

मराठवाड्यातल्या सगळ्या जिल्ह्यांना आज यलो अलर्ट, नांदेड-बीड-हिंगोली जिल्ह्यात नदीकाठच्या गावांना सतकर्तेचा इशारा

राष्ट्रपती द्रौपदी मुर्मू आजपासून तीन दिवसांच्या महाराष्ट्र दौऱ्यावर

विधी आणि न्याय क्षेत्रात महिलांचा सहभाग वाढणं हे सृदृढ आणि बळकट न्यायव्यवस्थेचं द्योतक - उपमुख्यमंत्री देवेंद्र फडणवीस यांचं प्रतिपादन

आणि

पॅरिस पॅरालिम्पिक स्पर्धेत भारतीय खेळाडूंनी आतापर्यंत पटकावली सात पदकं, महिला बॅडमिंटन स्पर्धेत आज सुवर्णपदकाची संधी

****

मराठवाडा, विदर्भासह राज्यात अनेक अनेक ठिकाणी मुसळधार पाऊस सुरु आहे. छत्रपती स���भाजीनगर शहरासह जिल्ह्यात रात्रीपासून जोरदार पाऊस पडत आहे. जिल्ह्यातलं जायकवाडी धरण ८५ टक्के भरलं असून, धरणाच्या पाणलोट क्षेत्रात पाऊस सुरु असल्यानं आवक वाढणार आहे. धरणातून गोदावरी नदीपात्रात पाणी सोडण्यात येणार असल्यानं, नदीकाठावरील गावातल्या नागरीकांनी खबरदारी घेण्याचं आवाहन पाटबंधारे विभागानं केलं आहे. वैजापूर आणि गंगापूरसाठी नांदुर मधमेश्वर कालव्यातून पाणी सोडण्यात आलं.

परभणी जिल्ह्यात मुसळधार पावसामुळै ओढे, नाले ओसांडून वाहत आहेत. मुद्गल बंधाऱ्याचे दोन दरवाजे उघडण्यात आले आहेत. झिरोफाटा - पूर्णा दरम्यान माटेगाव पुलावरून पाणी आल्यानं नांदेड - परभणी मार्ग बंद झाला असून, मलासोंना - दैठणा ओढ्यावरील पुलावर पाणी आल्यानं आठ गावांचा संपर्क तुटला आहे. दैठणा गावात अतिवृष्टमुळे घर कोसळलं, तर जिंतूर तालुक्यातले ओढे ओसंडून वाहत असल्याने शेतात पाणी शिरलं आहे. गंगाखेड तालुक्यातला मासोळी प्रकल्प पूर्ण भरला असून, उपविभागीय अधिकारी जीवराज डापकर यांनी नागरीकांना सतर्कतेचा इशारा दिला आहे.

हिंगोली जिल्ह्यात काल सलग दुस-या दिवशीही जोरदार पाऊस झाल्यानं जनजीवन विस्कळीत झालं आहे. वादळी वाऱ्या��ह पाऊस झाल्यानं कयाधू नदीसह अन्य नदी- नाल्यांना पूर आणि अनेक भागांत घरांमध्ये पाणी शिरलं आहे. विशेषत: हिंगोली शहरातल्या काही व्यापारी पेठांमध्ये पाणी साचल्यानं मोठ्या प्रमाणात नुकसान झालं. जिल्ह्यातल्या सिद्धेश्वर धरणाचे १४ दरवाजे उघडून २७ हजार घनफूट प्रतिसेकंद वेगानं पाणी पूर्णा नदी पात्रात सोडण्यात येत आहे. त्यामुळं पूर्णा नदीला मोठा पूर येण्याची शक्यता असून, नदी काठच्या गावांना सावधानतेचा इशारा देण्यात आला आहे.

बीड शहरासह जिल्ह्यात काल दिवसभर पावसाने सर्वदुर हजेरी लावली असून नदी, नाले वाहू लागले आहेत. बिंदुसरा जलप्रकल्पाचा तलाव पूर्णपणे भरला असून, काल याठिकाणी शेतकरी आणि स्थानिकांच्या उपस्थितीत आमदार संदीप क्षीरसागर यांच्या हस्ते जलपूजन करण्यात आलं. जिल्ह्यातले १४३ मध्यम आणि ३६ लघू प्रकल्प तुडुंब भरले आहेत. बिंदुसरा प्रकल्पाच्या सांडव्यावरून मोठ्या प्रमाणात पाण्याचा विसर्ग होत असल्यानं, नदीकाठच्या परिसरात राहणाऱ्या नागरिकांना प्रशासनाने सावधांतेचा इशारा दिला आहे. परळी-बीड महामार्गावरील पांगरी इथला पर्यायी पूल पाण्याखाली गेल्यानं, या मार्गावरुन जाणाऱ्या वाहनधारकांना पर्यायी मार्गाचा वापर करण्याचं आवाहन करण्यात आलं आहे.

जिल्ह्यात पावसाचा जोर वाढला असून, आपत्कालीन स्थितीत त्वरित मदतीसाठी जिल्हा प्रशासनाने दक्ष राहण्याचं आवाहन खासदार बजरंग सोनवणे यांनी केलं आहे. जलाशय आणि नदीकाठच्या गावातल्या नागरिकांनी सावध राहण्याची सूचना पालकमंत्री धनंजय मुंडे यांनी केली आहे.

नांदेड जिल्ह्यातही मुसळधार पाऊस सुरू आहे. जिल्ह्यातल्या गोदावरी, मांजरा, पैनगंगा, आसना, लेंडी, सीता या प्रमुख नद्यांना पूर आला आहे. जिल्ह्यात बचावकार्यासाठी स्थानिक पथकांसह राष्ट्रीय आपत्ती निवारण दलाच्या दोन तुकड्याही तैनात करण्यात आल्या आहेत. मुसळधार पावसामुळे शेतीपिकांचं मोठं नुकसान झालं, अनेक घरांची पडझड झाली, तर १२ जनावरे दगावल्याचं वृत्त आहे. नागरिकांनी आवश्यक असेल तरच घराबाहेर पडावं, असं आवाहन जिल्हाधिकारी अभिजीत राऊत यांनी केलं आहे. सध्या सुरु असलेला पाऊस थांबताच अतिवृष्टीमुळे झालेल्या नुकसानीचे पंचनामे करण्यात येतील, असंही त्यांनी सांगितलं आहे.

जालना शहरासह जिल्ह्यातही जोरदार पाऊस सुरु आहे. मंठा तालुक्यातल्या पाटोदा, मंठा, सावंगी, पेवा, तळतोंडी, माळतोंडी, देवठाणा या गावांना पुराचा फटका बसला आहे. पांगरी खुर्द गावातला पाझर तलाव पूर्ण भरल्यानं नागरीकांना सुरक्षित स्थळी हलवण्यात आलं आहे. घनसावंगी तालुक्यातल्या तीर्थपुरी, रामसगाव, शेवता, बानेगाव, लिंगसेवाडी, सौंदलगाव, मंगरूळ याठिकाणी जोरदार पाऊस झाला. त्यामुळे या भागातले नदी-नाले दुथडी भरून वाहत आहेत.

धाराशिव जिल्ह्यात काल दिवसभर पावसाची संततधार सुरु होती. या पावसामुळे सोयाबीन पिकाचं नुकसान होण्याची शक्यता वर्तवली जात आहे. जिल्ह्यातले ४० सिंचन प्रकल्प पूर्ण भरले आहेत. मात्र उमरगा, लोहारा तालुक्यात अद्याप एकही मध्यम प्रकल्प भरलेला नाही.

लातूर शहरासह जिल्ह्यातह पावसाचा जोर वाढला आहे. शेती पिकांसाठी हा उपयुक्त मानला जात आहे. नागरीकांनी विशेषत: शेतकर्यांनी मुसळधार पावसाच्या पार्श्वभूमीवर योग्य ती काळजी घेण्याचं आवाहन जिल्हा प्रशासनाने केलं आहे.

****

येत्या दोन दिवसात राज्यात बहुतांश ठिकाणी पावसाची शक्यता असून, तुरळक ठिकाणी मेघगर्जना आणि विजांच्या कडकडाटासह जोरदार पऊस पडेल असा हवामान विभागाचा अंदाज आहे. मराठवाड्यातल्या सर्व जिल्ह्यांना आज यलो अलर्ट जारी करण्यात आला आहे.

****

राष्ट्रपती द्रौपदी मुर्मू आजपासून तीन दिवसांच्या महाराष्ट्राच्या दौऱ्यावर येत आहेत. आज कोल्हापूर मधल्या वारणानगर इथं वारणा महिला सहकारी समूहाच्या सुवर्ण महोत्सवी समारंभाला त्या उपस्थित राहतील. उद्या पुण्यात सिम्बायोसिस आंतरराष्ट्रीय विद्यापीठाच्या २१ व्या दीक्षांत समारंभाला, तसंच मुंबईत महाराष्ट्र विधान परिषदेच्या शताब्दी वर्षाच्या समारंभाला त्या उपस्थित राहतील. तर चार तारखेला लातूर जिल्ह्यात उदगीर इथं बुद्ध विहाराचं उद्घाटन राष्ट्रपतींच्या हस्ते होणार आहे. उदगीरमध्ये महाराष्ट्र सरकारच्या ‘शासन आपल्या दारी’ आणि ‘मुख्यमंत्री माझी लाडकी बहिण योजने’च्या लाभार्थींच्या मेळाव्याला देखील त्या संबोधित करतील.

****

विधी आणि न्याय क्षेत्रात महिलांचा सहभाग वाढणं ही सकारात्मक बाब असून, भारतीय न्याय व्यवस्था अधिक सृदृढ आणि बळकट असल्याचं ते द्योतक आहे, असं उपमुख्यमंत्री देवेंद्र फडणवीस यांनी म्हटलं आहे. छत्रपती संभाजीनगर इथल्या महाराष्ट्र राष्ट्रीय विधी विद्यापिठाच्या मुलींच्या वसतीगृहाचं उद्घाटन काल फडणवीस यांच्या हस्ते झालं, त्यावेळी ते बोलत होते. उत्तम न्याय व्यवस्थेमुळे गुंतवणूक प्रक्रिया ही कायदेशीररित्या होण्याचा विश्वास असल्यामुळे आपल्या देशात येण्यास गुंतवणूकदार उत्सूक असतात, त्याचंच फलित म्हणून आपण जगातली सर्वोत्कृष्ट अर्थव्यवस्था होण्याकडे वाटचाल करत असल्याचं फडणवीस यावेळी म्हणाले. न्यायदानाची प्रक्रिया ही अधिकाधिक तंत्रस्नेही आणि लोकाभिमुख करण्यात आपण योग्यदिशेनं पावले टाकत असल्याचं त्यांनी सांगितलं.

****

कोकणात सिंधुदुर्ग जिल्ह्याच्या मालवण इथं राजकोट किल्ल्यावर छत्रपती शिवाजी महाराजांचा पुतळा पडण्याच्या घटनेच्या निषेधार्थ महाविकास आघाडीनं काल मुंबईत आंदोलन केलं. शिवसेना उद्धव बाळासाहेब ठाकरे पक्षाचे प्रमुख उद्धव ठाकरे, राष्ट्रवादी काँग्रेस शरदचंद्र पवार पक्षाचे अध्यक्ष खासदार शरद पवार, काँग्रेस प्रदेशाध्यक्ष नाना पटोले यांच्यासह महाविकास आघाडीच्या इतर नेत्यांनी हुतात्मा चौकात जमून सरकारचा निषेध केला. नांदेडमध्येही विधानपरिषदेचे विरोधी पक्षनेते अंबादास दानवे यांच्या नेतृत्वात आंदोलन करण्यात आलं.

****

विरोधकांच्या पायाखालची वाळू सरकली असून, त्यांना पराभव दिसत आहे, अशी टीका मुख्यमंत्री एकनाथ शिंदे यांनी केली आहे. ते काल मुंबईत वार्ताहरांशी बोलत होते. तर छत्रपती संभाजीनगर इथं वार्ताहरांशी बोलताना, उपमुख्यमंत्री देवेंद्र फडणवीस यांनी, महाविकास आघाडीचं आंदोलन पूर्णपणे राजकीय असल्याची टीका केली.

दरम्यान, महाविकास आघाडीच्या आंदोलनाला प्रत्युत्तर म्हणून भाजपानेही काल राज्यात ठिकठिकाणी आंदोलन केलं.

****

पॅरिस पॅरालिम्पिक स्पर्धेत भारतीय खेळाडूंची आगेकूच कायम आहे. निषाद कुमार यानं उंच उडी स्पर्धेत रौप्य पदक पटकावलं, तर महिलांच्या दोनशे मीटर स्पर्धेत प्रीती पालनं कांस्य पदक जिंकल���. या पदकामुळं भारताची पदकसंख्या सात झाली आहे. आज महिला बॅडमिंटन स्पर्धेत तुलसीमती मुरुगसेन सुवर्णपदकासाठी, तर मनीषा रामदास कांस्यपदकासाठी खेळणार आहे.

****

बैल पोळा आज साजरा होत आहे. बळीराजाच्या कष्टात मोलाची साथ देणा-या बैलांप्रती या दिवशी कृतज्ञता व्यक्त केली जाते. आज ग्रामीण भागात अनेक ठिकाणी बैलांना सजवून त्यांचं पुजन करण्यात येतं.

****

धाराशिव जिल्ह्यातल्या परंडा इथले भाजपचे विधानपरिषदेचे माजी आमदार सुजितसिंह ठाकूर यांची राष्ट्रकुल संसदीय मंडळामार्फत “उत्कृष्ट भाषण” या पुरस्कारासाठी, तर मराठवाडा पदवीधर मतदारसंघाचे आमदार सतीश चव्हाण यांची ‘उत्कृष्ट संसदपटू’ पुरस्कारासाठी निवड झाली आहे. उद्या मुंबईत राष्ट्रपतींच्या हस्ते या पुरस्कारांचं वितरण होणार आहे.

****

राज्यासह देशभरात पडणाऱ्या पावसामुळे काही रेल्वे गाड्या रद्द, तर काही रेल्वे गाड्यांचे मार्ग बदलण्यात आले आहेत. काल लिंगमपल्ली इथून मुंबईकडे येणारी देवगिरी एक्सप्रेस रद्द करण्यात आली होती, परिणामी आज मुंबईहून लिंगमपल्लीला येणारी ही गाडी रद्द झाली आहे. त्याचबरोबर आज मुंबई - सिकंदराबाद देवगिरी एक्स्प्रेस, नांदेड - संबलपुर एक्स्प्रेस, तिरुपती-आदिलाबाद कृष्णा  एक्स्प्रेस, काकीनाडा - साईनगर शिर्डी तर उद्या तीन तारखेला आदिलाबाद-तिरुपती कृष्णा  एक्स्प्रेस, शिर्डी - काकीनाडा एक्स्प्रेस रद्द करण्यात आल्या आहेत.

आज नरसापूर इथून सुटणारी नरसापूर- नगरसोल या गाडीचे खम्माम ते काझीपेट दरम्यानचे सर्व थांबे रद्द करण्यात आले असून, ही गाडी विजयवाड्याहून गुंटूर, पागीडीपल्ली मार्गाने सिकंदराबादला जाणार आहे.

****

[airnews-arngbad]

Regional Marathi Text Bulletin, Chhatrapati Sambhajinagar

Date – 01 August 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०१ ऑगस्ट २०२४ सकाळी ७.१० मि.

****

छत्रपती संभाजीनगर इथं टोयोटा किर्लोस्करचा प्रकल्प उभारण्यासंदर्भात राज्य सरकारसोबत सामंजस्य करार

मराठवाड्यातल्या सिंचन योजनांसाठी निधीची कमतरता पडू दिली जाणार नसल्याची उपमुख्यमंत्री देवेंद्र फडणवीस यांची ग्वाही

राज्यातल्या साखर कारखान्यांना आर्थिक मदत देण्यासाठी राष्ट्रीय सहकार विकास महामंडळाकडून सुमारे सोळाशे कोटी रुपये हस्तांतरित

लोकसेवा आयोगाकडून पूजा खेडकरची उमेदवारी रद्द - यापुढे परीक्षा देण्यास अपात्र घोषीत

छत्रपती संभाजीनगर इथं आजपासून “एक तास शहरासाठी” महास्वच्छता अभियान

आणि

पॅरिस ऑलिंपिक स्पर्धेत मुष्टीयुद्ध, बॅडमिंटन तसंच नेमबाजीत भारतीय खेळाडूंची आगेकूच

****

टोयोटा किर्लोस्करच्या छत्रपती संभाजीनगर इथल्या प्रकल्पामुळे मराठवाड्याला मोठा फायदा होण्यासह, एकूणच राज्य आणि देशातल्या मोटार वाहन निर्मिती उद्योगात देखील एक क्रांती येईल, असा विश्वास, मुख्यमंत्री एकनाथ शिंदे यांनी वर्तवला आहे. काल मुंबईत राज्य शासनाचा उद्योग विभाग आणि टोयोटा किर्लोस्कर यांच्यात हा सामंजस्य करार करण्यात आला, त्यावेळी ते बोलत होते. छत्रपती संभाजीनगर इथल्या ऑरिक सिटीमध्ये इलेक्ट्रिक आणि हायब्रीड कार्सची निर्मिती करण्याबाबतच्या या नियोजित प्रकल्पासाठी, २० हजार कोटी रुपयांची गुंतवणूक केली जाणार असून, आठ हजार थेट आणि आठ हजार अप्रत्यक्ष, असे सुमारे १६ हजार रोजगार निर्माण होणार आहेत.

****

महाराष्ट्र औद्योगिक विकास महामंडळाच्या वतीनं उभारल्या जाणार्या डिफेन्स क्लस्टर उद्योग समूहात, शिर्डी औद्यगिक वसाहतीची निवड झाली असून, त्यासाठी सवलतीच्या दरात जागा देण्याचा निर्णय ��रकारनं घेतला आहे. उद्योगमंत्री उदय सामंत यांनी काल ही माहिती दिली. या औद्योगिक नगरीच्या रस्ते आणि वीज विकासासाठी १०० कोटी रुपयांच्या निधीलाही मान्यता देण्यात आली आहे.

****

मराठवाड्यातल्या सिंचनाच्या योजनांसाठी निधीची कमतरता पडू देणार दिली जाणार नसून, जे प्रकल्प हाती घेतले आहेत त्यासाठी मान्यता आणि प्रशासकीय बाबी तातडीने पूर्ण करण्याचे निर्देश उपमुख्यमंत्री देवेंद्र फडणवीस यांनी दिले आहेत. काल मुंबईत मराठवाड्यातल्या सिंचन प्रकल्पाबाबत आढावा बैठकीत ते बोलत होते. इतर मागास आणि बहुजन कल्याण मंत्री अतुल सावे, आमदार संजय शिरसाट यावेळी उपस्थित होते. 

दरम्यान, छत्रपती संभाजीनगर शहरातल्या नवीन पाणीपुरवठा योजनेसंदर्भातली आढावा बैठकही काल फडणवीस यांच्या अध्यक्षतेखाली झाली. या पाणीपुरवठा योजनेची कामं गतीने पूर्ण होण्यासाठी महानगरपालिकेच्या हिश्श्याच्या निधीसाठी राज्य शासन मदत करेल, अशी ग्वाही त्यांनी यावेळी दिली.

****

राज्य सरकारनं जाहीर केलेल्या टंचाई स्थितीतील सवलती आणि उपाययोजनांच्या अंमलबजावणीची सद्यस्थिती तसंच पर्जन्यमान यासह विविध योजनांचा विधानपरिषदेच्या उपसभापती डॉ. नीलम गोऱ्हे यांनी काल छत्रपती संभाजीनगर इथं आढावा घेतला. मुख्यमंत्री- माझी लाडकी बहीण योजनेसह शासनाच्या महिला तसंच सर्वच घटकांसाठीच्या कल्याणकारी योजनांची प्रभावी अंमलबजावणी करुन पात्र लाभार्थ्यांना तत्परतेने लाभ देण्याचे निर्देश गोऱ्हे यांनी यंत्रणेला यावेळी दिले.

****

राज्यातल्या साखर कारखान्यांना आर्थिक मदत देण्यासाठी केंद्र सरकारच्या राष्ट्रीय सहकार विकास महामंडळानं एक हजार ९०० कोटी रुपये मंजूर केले आहेत. राज्यातल्या १३ सहकारी साखर कारखान्यांना त्याचं लाभ होणार आहे. त्यातले सुमारे सोळाशे कोटी महामंडळानं काल राज्य सरकारला हस्तांतरित केले.

****

केंद्रीय लोकसेवा आयोग- यूपीएससीनं पूजा खेडकरची उमेदवारी रद्द केली असून, आता ती प्रशिक्षणार्थी अधिकारी राहणार नाही, याशिवाय भविष्यातही यूपीएससीची कोणतीही परिक्षा देऊ शकणार नाही. दरम्यान, पूजा खेडकरच्या अटकपूर्व जामीन अर्जावर काल दिल्लीच्या एका न्यायालयात सुनावणी झाली. आपली दिव्यांग प्रमाणपत्रं खरी असून, आपल्याला सत्तेचाळीस टक्के दिव्यांगत्व असल्याचा दावा तीनं या याचिकेत केला आहे. न्यायालय याबाबतचा आज निर्णय सुनावणार आहे.

****

राज्याचे नवनियुक्त राज्यपाल सी. पी. राधाकृष्णन यांना काल मुंबई उच्च न्यायालयाचे मुख्य न्यायाधीश देवेंद्र कुमार उपाध्याय यांनी पदाची शपथ दिली. काल सायंकाळी मुंबईत राजभवनात झालेल्या या शपथविधी समारंभाला मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांच्यासह अनेक मान्यवर उपस्थित होते.

दरम्यान, महाराष्ट्र विधानसभेचे माजी अध्यक्ष हरिभाऊ बागडे यांनी काल राजस्थानचे राज्यपाल म्हणून शपथ घेतली. जयपूर इथं राजभवनात हा शपथविधी सोहळा पार पडला.

****

यंदाच्या अर्थसंकल्पात आर्थिक वाढ, रोजगार, कल्याण, भांडवली गुंतवणूक, आणि वित्तीय बळकटीकरण यासारख्या प्राधान्याच्या बाबींमध्ये समतोल साधला असल्याचं केंद्रीय अर्थमंत्री निर्मला सीतारामन यांनी म्हटलं आहे. राज्यसभेत काल अर्थसंकल्पावरच्या चर्चेला उत्तर देताना त्या बोलत होत्या. अर्थसंकल्पात कृषि क्षेत्रासाठी असलेल्या निधीत कपात केल्याचा आरोप त्यांनी फेटाळून लावला.

****

लातूर- मुंबई या रेल्वेगाडीला कळंब रोड तर नांदेड- पनवेल या गाडीला ढोकी इथं थांबा द्यावा, तसंच सोलापूर- तुळजापूर- धाराशिव रेल्वे मार्गाकरता ८० टक्के भूसंपादन पूर्ण करूनच रेल्वे मार्गाची निविदा काढण्यात यावी, अशा मागण्या खासदार ओमप्रकाश राजेनिंबाळकर यांनी काल लोकसभेत केल्या.

कोरोना महामारीमध्ये ज्येष्ठ नागरिक, दिव्यांग, पत्रकार याच्यासाठी असणाऱ्या रेल्वेच्या सवलती पूर्ववत सुरू कराव्यात आणि लातूर- मुंबई, बिदर- मुंबई या रेल्वे गाडयांना अतिरिक्त जनरल डबे जोडावेत, या मागण्याही राजेनिंबाळकर यांनी सदनात मांडल्या.

****

छत्रपती संभाजीनगर महानगरपालिका आणि स्मार्ट सिटीकडून “एक तास शहरासाठी” हे शहरव्यापी महास्वच्छता अभियान आजपासून येत्या पंधरा तारखेपर्यंत राबवण्यात येणार आहे. आज सकाळी आठ वाजता क्रांती चौकापासून या अभियानाची सुरुवात होईल. आयुक्त तथा प्रशासक जी. श्रीकांत यांच्या संकल्पनेतून हे अनोखं अभियान राबवण्यात येत आहे. यासाठी समाजातल्या विविध घटकांनी सहभाग नोंदवण्याची तयारी दर्शवली असून प्रत्येक नागरिकाला या मोहिमेत सामील करण्याचं उद्दिष्ट आहे.

****

पॅरिस ऑलिम्पिकमध्ये काल भारतीय खेळाडूंनी आगेकूच सुरु ठेवली. बॅडमिंटनपटू पी. व्ही. सिंधू हिनं महिला एकेरीत पुढच्या फेरीत प्रवेश केला. तिनं एस्टोनियाच्या क्रिस्टीन कूबा हिच्यावर २१- ५, २१-१० अशी सहज मात केली. तर पुरुष एकेरीत लक्ष्य सेनने इंडोनेशियाचा जोनातन क्रिस्टी याचा २१-१८, २१- १२ असा पराभव केला.

पुरुषांच्या ५० मीटर रायफल थ्री पोझिशन प्रकारात स्वप्निल कुसळे यानं सातवं स्थान मिळवत पुढच्या फेरीत धडक मारली, तर ऐश्वर्य प्रताप सिंह तोमर अकराव्या स्थानावर राहिल्याने स्पर्धेतलं त्याचं आव्हान संपुष्टात आलं.

मुष्टियोद्धा लोव्हलीना बोर्गोहेन हिनं नॉर्वेच्या प्रतिस्पर्ध्यावर मात करून उपांत्यपूर्व फेरी गाठली. तिरंदाजीत दीपिका कुमारी हिनंही पुढच्या फेरीतलं स्थान निश्चित केलं आहे.

टेबल टेनिसमध्ये महिला एकेरीत श्रीजा अकुला आणि मनिका बत्र�� यांचा उपान्त्यपूर्व फेरीत पराभव झाला. यासोबतच या स्पर्धेतलं भारताचं टेबल टेनिस एकेरीतलं आव्हान संपुष्टात आलं आहे.

****

मुख्यमंत्री-माझी लाडकी बहीण योजनेला हिंगोली जिल्ह्यात ग्रामीण तसंच शहरी भागातल्या महिलांचा उत्स्फूर्त प्रतिसाद मिळत आहे. जिल्ह्यात आतापर्यंत एक लाख ६८ हजार ४४३ अर्ज प्राप्त झाले आहेत. प्रत्येक गावात आणि शहरी भागात अर्ज स्वीकृती केंद्र सुरु करण्यात आल्याने महिलांना या योजनेसाठी अर्ज करणं सुलभ झाल्याचं, आमच्या वार्ताहरानं कळवलं आहे.

धाराशिव जिल्हयात या योजनेअंतर्गत आतापर्यंत एक लाख ९४ हजार महिलांचे अर्ज आले असून, एक लाख ११ हजार अर्जांना मान्यता देण्यात आली आहे. जिल्ह्यातल्या पात्र महिलांनी या योजनेच्या लाभासाठी अर्ज करण्याचं आवाहन, जिल्हाधिकारी डॉ सचिन ओंबासे यांनी केलं आहे.

****

हिंगोली जिल्ह्यात नर्सी नामदेव इथं काल कामिका एकादशीनिमित्त परतवारीच्या वारकऱ्यांनी संत शिरोमणी नामदेव महाराज यांच्या समाधीचं दर्शन घेतलं. नामदेव महाराजांच्या वस्त्र समाधीला आमदार तान्हाजी मुटकुळे यांच्या हस्ते मानाचा आहेर अर्पण करण्यात आला. विठुनामाचा गजर करत शेकडो पायी दिंड्यांमधून आलेल्या भाविकांमुळे नर्सी नामदेव नगरी प्रति पंढरपूर भासत असल्याचं आमच्या वार्ताहरानं कळवलं आहे.

****

छत्रपती संभाजीनगर इथल्या शासकीय वैद्यकीय महाविद्यालय आणि रुग्णालय - घाटीतल्या कंत्राटी कामगारांना सेवेत सामावून घेण्याच्या मागणीसह इतर मागण्यांसाठी आयटक संलंग्नित महाराष्ट्र कामगार कर्मचारी संघटनेतर्फे काल आंदोलन करण्यात आलं. संघटनेचे सचिव विधीज्ञ अभय टाकसाळ यांच्या नेतृत्वात अनेक कार्यकर्ते या आंदोलनात सहभागी झाले होते.

****

राज्यात आजपासून महिनाभर विद्यार्थी गुणवत्ता विकास महाअभियानाचं आयोजन करण्यात आलं आहे. नांदेड जिल्ह्यात सर्व अधिकारी आणि सर्व शाळांनी यात आपला सहभाग नोंदवावा, अशी सूचना जिल्हा परिषदेच्या मुख्य कार्यकारी अधिकारी मीनल करणवाल यांनी केल्या आहेत.

****

आजपासून राज्यात महसूल सप्ताहाचं आयोजन करण्यात आलं आहे. या सप्ताहादरम्यान धाराशिव जिल्ह्यात विविध घटकातल्या नागरिकांसाठी असलेल्या योजनांची माहिती देण्यासाठी शिबीरं तसंच उपक्रम राबवण्यात येणार आहे. महसूल अदालती आयोजित करण्यात येणार आहेत. महसूल विभागात कार्यरत अधिकारी तसंच कर्मचाऱ्यांना पुरस्कार देऊन सन्मानितही केलं जाणार आहे.

****

धाराशिव जिल्ह्यात नळदुर्ग इथं पोलिसांनी उमरग्याहून सोलापुरकडे जाणाऱ्या स्कार्पिओ गाडीतून सुमारे एक कोटी रुपयांचा गांजा जप्त केला. याप्रकरणी एकाला ताब्यात घेण्यात आलं आहे.

****

बीड इथल्या मातोश्री शासकीय ई.बी.सी. वसतीगृहात २०२४-२५ या शैक्षणिक वर्षासाठी प्रवेश घेऊ इच्छिणा-या विद्यार्थ्यांनी येत्या चौदा ऑगस्टपर्यंत अर्ज सादर करावेत, असं आवाहन या वसतीगृहाच्या प्रमुखांनी केलं आहे.

****

[airnews-arngbad]

Regional Marathi Text Bulletin, Chhatrapati Sambhajinagar

Date – 31 July 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ३१ जूलै २०२४ सायंकाळी ०६.१०

****

टोयोटा किर्लोस्करच्या छत्रपती संभाजीनगर इथल्या प्रकल्पामुळे वाहन निर्मिती उद्योगात क्रांती-सामंजस्य करारावर स्वाक्षरीवेळी मुख्यमंत्र्यांकडून विश्वास व्यक्त

लोकसेवा आयोगाकडून पूजा खेडकरची उमेदवारी रद्द-यापुढे परीक्षा देण्यास अपात्र घोषीत

कामिका एकादशीनिमित्त विठुनामाच्या गजराने नरसी नगरी दुमदुमली

आणि

पॅरिस ऑलिंपिक स्पर्धेत मुष्टीयुद्ध, बॅडमिंटन तसंच नेमबाजीत भारतीय खेळाडूंची आगेकूच

****

टोयोटा किर्लोस्करच्या छत्रपती संभाजीनगर इथल्या प्रकल्पामुळे मराठवाड्याला मोठा फायदा होण्यासह एकूणच राज्य आणि देशातल्या मोटार वाहन निर्मिती उद्योगात देखील एक क्रांती येईल, असा विश्वास मुख्यमंत्री एकनाथ शिंदे यांनी वर्तवला आहे. आज मुंबईत राज्य शासनाचा उद्योग विभाग आणि टोयोटा किर्लोस्कर यांच्यात हा सामंजस्य करार करण्यात आला. यावेळी मुख्यमंत्र�� बोलत होते.

छत्रपती संभाजीनगर इथल्या ऑरिक सिटीमध्ये इलेक्ट्रिक आणि हायब्रीड कार्सची निर्मिती करण्याबाबतच्या या नियोजित प्रकल्पासाठी २० हजार कोटी रुपयांची गुंतवणूक केली जाणार असून ८ हजार थेट आणि ८ हजार अप्रत्यक्ष, असे सुमारे १६ हजार रोजगार निर्माण होणार आहेत.

****

जपाननं ��हाराष्ट्राच्या उद्योग तसंच पायाभूत सुविधा क्षेत्रात गुंतवणूक वाढवावी, असं आवाहन मुख्यमंत्री शिंदे यांनी केलं आहे. जपानचे नवनियुक्त कॉन्सुलेट जनरल यागी कोजी यांनी आज मुख्यमंत्र्यांची वर्षा निवासस्थानी सदिच्छा भेट घेतली, त्यावेळी ते बोलत होते. जपानी कंपन्यांसाठी पुणे जिल्ह्यातल्या सुपे इथे विशेष इंडस्ट्रीयल पार्क विकसित करण्यात येणार असून भविष्यात देखील राज्यात गुंतवणूक करू इच्छिणाऱ्या कंपन्यांना सर्व प्रकारचं सहकार्य करण्यात येईल, अशी ग्वाही मुख्यमंत्र्यांनी दिली.

****

महाराष्ट्र औद्योगिक विकास महामंडळाच्या वतीनं उभारल्या जाणार असलेल्या डिफेन्स क्लस्टर उद्योग समूहात शिर्डी एमआयडीसीची निवड झाली असून यासाठी सवलतीच्या दरात जागा देण्याचा निर्णय उद्योगमंत्री उदय सामंत यांनी आज जाहीर केला. या औद्योगिक नगरीच्या रस्ते आणि वीज विकासासाठी १०० कोटी रुपयांच्या निधीलाही मान्यता देण्यात आली. या निर्णयांमुळे शिर्डीची आता औद्योगिक नगरी म्हणूनही नवी ओळख होईल, असा विश्वास अहमदनगर जिल्ह्याचे पालकमंत्री राधाकृष्ण विखे पाटील यांनी व्यक्त केला आहे.

****

राज्यात गडचिरोली जिल्ह्यातील देसाईगंज, अहमदनगर जिल्ह्यात लिंगदेव-अकोले, नाशिक जिल्ह्यातील कळवण-सुरगाणा आणि जांबुटके तसंच अमरावती जिल्ह्यातील वरुड इथं‘एमआयडीसी’ उभारण्यासाठी परिपूर्ण प्रस्ताव तातडीने सादर करावेत, असे निर्देश उपमुख्यमंत्री अजित पवार यांनी प्रशासकीय यंत्रणेला दिले आहेत. पुणे जिल्ह्याच्या जुन्नर तालुक्यात डुंबरवाडी इथं अन्न प्रक्रिया उद्योगक्षेत्र उभारण्यासाठी राज्य शासन सकारात्मक असल्याचंही पवार यांनी सांगितलं.

****

केंद्रीय लोकसेवा आयोग- यूपीएससी-नं पूजा खेडकरची उमेदवारी रद्द केली असून आता पूजा खेडकर प्रशिक्षणार्थी अधिकारी राहणार नाही. याशिवाय ती भविष्यातही यूपीएससीची कोणतीही परीक्षा देऊ शकणार नाही. दरम्यान, पूजा खेडकरच्या अटकपूर्व जामीन अर्जावर आज दिल्लीच्या एका न्यायालयात सुनावणी झाली. आपली दिव्यांग प्रमाणपत्रं खरी असून आपल्याला सत्तेचाळीस टक्के दिव्यांगत्व असल्याचा दावा खेडकरनं आपल्या या याचिकेत केला आहे. न्यायालय याबाबतचा आपला निर्णय उद्या दुपारी देणार आहे.

****

केंद्रीय नागरी उड्डयन मंत्री के.आर. नायडू यांनी आज लोकसभेत, भारतीय वायुयान विधेयक २०२४, सादर केलं. या विधेयकामुळे केंद्र सरकारला, कोणतंही विमान किंवा विमान प्रकाराची रचना, निर्मिती, देखभाल, ताबा, उपयोग, संचालन, विक्री, आयात किंवा निर्यात, यांचं नियमन करण्याचा अधिकार मिळेल. विमान संचालनाची सुरक्षा सुनिश्चित करण्यासाठी नियम बनवण्याचे अधिकारही सरकारला या विधेयकामुळे प्राप्त होतील. कोणत्याही हवाई घटनेच्या किंवा दुर्घटनेच्या चौकशीसाठीचे नियम बनवण्याचे अधिकार केंद्र सरकारला देणं, हा या विधेयकाचा उद्देश आहे.

****

आयुर्विमा आणि आरोग्य विमा योजनेवरचा वस्तू आणि सेवा कर अर्थात जीएसटी रद्द करण्याचा विनंती केंद्रीय मंत्री नीतिन गडकरी यांनी केंद्रीय अर्थमंत्री निर्मला सीतारामन यांना पत्र लिहून केली आहे. नागपूरच्या आयुर्विमा महामंडळ कर्मचारी संघटनेकडून मिळालेल्या निवेदनानंतर त्यांनी हे पत्र लिहिलं आहे.

****

महाराष्ट्राचे नवनियुक्त राज्यपाल सी. पी. राधाकृष्णन यांचा शपथविधी समारंभ आज संध्याकाळी साडेसहा वाजता राजभवनात होणार आहे. दरम्यान, महाराष्ट्र विधानसभेचे माजी अध्यक्ष हरिभाऊ बागडे यांनी आज राजस्थानचे राज्यपाल म्हणून शपथ घेतली. जयपूर इथं राजभवनात हा शपथविधी सोहळा पार पडला.

****

खरीप २०२४ हंगामात प्रधानमंत्री पीक विमा योजनेत सहभागी होण्याचा आज अखेरचा दिवस आहे.

आज सकाळी ११ वाजेपर्यंत राज्यात एक कोटी त्रेसष्ट लाख साठ हजार पेक्षा अधिक पीकविमा अर्ज दाखल करण्यात आले आहेत. उर्वरित पात्र शेतकऱ्यांनी आपला विमा तात्काळ भरून घ्यावा असं आवाहन राज्याचे कृषीमंत्री धनंजय मुंडे यांनी केलं आहे.

दरम्यान, राज्यातील सुमारे त्रेपन्न लाख त्र्याऐंशी हजार सोयाबीन उत्पादकांना दोन हजार सहाशे बारा कोटी तर सुमारे तीस लाख कापूस उत्पादक शेतकऱ्यांना दीड हजार कोटी रुपये लाभाचे वितरण थेट त्यांच्या संलग्न बँक खात्यांमध्ये करण्यात येत असल्याचं, याबाबतच्या वृत्तात म्हटलं आहे.

****

हिंगोली जिल्ह्यातल्या नर्सी नामदेव इथे आज कामिका एकादशीनिमित्त परतवारीच्या वारकऱ्यांनी संत शिरोमणी नामद���व महाराज यांच्या समाधीचं दर्शन घेतलं. नामदेव महाराजांच्या वस्त्र समाधीला आमदार तान्हाजी मुटकुळे यांच्या हस्ते मानाचा आहेर अर्पण करण्यात आलं. विठुनामाचा गजर करत शेकडो पायी दिंड्यांमधून आलेल्या भाविकांमुळे नर्सी नामदेव नगरी प्रति पंढरपूर भासत असल्याचं आमच्या वार्ताहरानं कळवलं आहे.

****

नवी मुंबईत उरण इथल्या यशश्री शिंदे हत्या प्रकरणी आरोपी दाऊद शेख याला पनवेलच्या न्यायदंडाधिकाऱ्यांनी ७ ऑगस्टपर्यंत पोलीस कोठडी दिली आहे. त्याच्यावर अत्याचाराचा गुन्हाही नोंदवण्यात आला आहे. मुख्यमंत्री एकनाथ शिंदे यांनी या प्रकरणाची जलदगती न्यायालयात सुनावणी करण्याचे आदेश दिले आहेत.

****

पॅरिस ऑलिंपिक स्पर्धेत भारतीय खेळाडूंनी आपापल्या खेळात आगेकूच करत पुढच्या फेऱ्या गाठल्या आहेत. मुष्टीयोद्धा लव्हलीना बोर्गोहेन उपान्त्यपूर्व फेरीत पोहोचली. तिनं आज नॉर्वेच्या सुन्नीवा हॉफ्स्टेडचा पराभव केला.

भारतीय बॅडमिंटन खेळाडू पी. व्ही. सिंधू हिनं एस्टोनियाच्या क्रिस्टीन कूबा हिच्यावर २१-५, २१-१० अशी सहज मात करत, पुढच्या फेरीत प्रवेश केला.

पुरुष एकेरीत लक्ष्य सेननंही इंडोनेशियाचा जोनातन क्रिस्टी याचा २१-१८, २१-१२ असा पराभव करत पुढची फेरी गाठली.

पुरुषांच्या ५० मीटर रायफल थ्री पोझिशन प्रकारात स्वप्निल कुसळे यानंही पात्रता फेरीत सातवं स्थान मिळवत अंतिम फेरीत प्रवेश केला, तर ऐश्वर्य प्रताप सिंह तोमर अकराव्या स्थानावर राहिल्याने स्पर्धेतलं त्याचं आव्हान संपुष्टात आलं.

****

५६ व्या आंतरराष्ट्रीय रसायनशास्त्र ऑलिम्पियाडमध्ये एक सुवर्ण, दोन रौप्य आणि एक कांस्य अशी चार पदकं जिंकणाऱ्या भारतीय विद्यार्थ्यांचा आज मुंबईत होमी भाभा विज्ञान शिक्षण केंद्रात सत्कार करण्यात आला. या विद्यार्थ्यांमध्ये जळगावच्या देवेश पंकज भैया आणि मुंबईच्या अविनाश बन्सल आणि कश्यप खंडेलवाल या विद्यार्थ्यांचा समावेश आहे.

****

मुख्यमंत्री-माझी लाडकी बहीण योजनेला हिंगोली जिल्ह्यात ग्रामीण तसंच शहरी भागातील महिलांचा उत्स्फूर्त प्रतिसाद मिळत आहे. जिल्ह्यात आतापर्यंत एक लाख अडुसष्ट हजार चारशे त्रेचाळीस अर्ज प्राप्त झाले आहेत. प्रत्येक गावात आणि शहरी भागात अर्ज स्वीकृती केंद्र सुरु करण्यात आल्याने महिलांना या योजनेसाठी अर्ज करणं सुलभ झाल्याचं, आमच्या वार्ताहरानं कळवलं आहे.

****

छत्रपती संभाजीनगर इथल्या शासकीय वैद्यकीय महाविद्यालय रुग्णालय घाटीतल्या कंत्राटी कामगारांना सेवेत सामावून घेण्याच्या मागणीसह इतर मागण्यांसाठी आयटक संलंग्नित महाराष्ट्र कामगार कर्मचारी संघटनेतर्फे आंदोलन करण्यात आलं. संघटनेचे सचिव विधीज्ञ अभय टाकसाळ यांच्या नेतृत्वात अनेक कार्यकर्ते या आंदोलनात सहभागी झाले.

****

छत्रपती संभाजीनगर इथं उद्यापासून १५ ऑगस्टपर्यंत शहरव्यापी महास्वच्छता अभियान राबवण्यात येणार आहे. महापालिका आयुक्त तथा प्रशासक जी श्रीकांत यांच्या संकल्पनेतून हे अभियान राबवण्यात येणार आहे. या अभियानात समाजातील विविध घटकांचाही सहभाग असणार आहे.

****

[airnews-arngbad]

Regional Marathi Text Bulletin, Chhatrapati Sambhajinagar

Date: 29 June 2024

Time: 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: २९ जून २०२४ दुपारी १.०० वा.

****

अंधेरी इथल्या प्रादेशिक परिवहन कार्यालयाचा १२५ कोटी रुपयांचा घोटाळा समोर आला असून, या संपूर्ण  प्रकरणाची चौकशी करून दोषींवर कारवाई करण्याची मागणी विधानसभेत विरोधी पक्षनेते विजय वडेट्टीवार यांनी केली आहे. आज विधानसभेत लक्षवेधी सूचनेच्या माध्यमातून मांडलेल्या मुद्यावर ते बोलत होते. हा प्रश्न अतिशय गंभीर असून सरकारने त्यावर योग्य उपाययोजना करावी, अशी सूचना विधानसभा अध्यक्षांनी यावेळी केली.

नीट परीक्षेत झालेला घोटाळा, बनावट विद्यार्थी इत्यादी विषय देखील वडेट्टीवार आणि काँग्रेसचे नाना प���ोले यांनी आज सभागृहात मांडले आणि असे प्रकार टाळण्यासाठी सरकारने भूमिका स्पष्ट करावी, अशी मागणी केली. याला उत्तर देताना उपमुख्यमंत्री अजित पवार यांनी, यासंदर्भात केंद्र सरकारने केलेल्या कायद्याच्या आधारे पुढील कारवाई करू, असं आश्वासन दिलं.

कामगारांना दिल्या जाणाऱ्या जेवणावरून उपस्थित केलेल्या मुद्द्याला उत्तर देताना कामगार मंत्र्यांनी दिलेल्या उत्तरात आक्षेपार्ह भाषा वापरल्याचा आरोप करून विरोधकांनी विधानसभेत गदारोळ केला. सभागृहाचे दस्तऐवज तपासून त्यात काही असंसदीय आढळून आल्यास तो भाग वगळला जाईल, असं विधानसभा अध्यक्षांनी सांगितलं. मात्र, या प्रकारचा निषेध म्हणून विरोधकांनी सभात्याग केला.

****

जनतेला विश्वासात घेऊन आणि स्थानिक शेतकऱ्यांशी संवाद साधूनच राज्यातल्या प्रस्तावित शक्तीपीठ महामार्गाची पुढची प्रक्रिया केली जाईल, अशी ग्वाही सार्वजनिक बांधकाम उपक्रम मंत्री दादा भुसे यांनी आज विधानपरिषदेत दिली. या महामार्गाला शेतकऱ्यांचा विरोध असल्याचं सांगत हा महामार्ग रद्द करावा अशी मागणी काँग्रेसचे सतेज पाटील यांनी आज लक्षवेधीच्या माध्यमातून उपस्थीत केली, त्याला उत्तर देताना मंत्री बोलत होते.

दरम्यान, राज्य सरकारच्या अर्थसंकल्पाविरोधात महाविकास आघाडीच्या नेत्यांनी आज विधानभवनाच्या पायऱ्यावर निदर्शनं केली.

****

विधानपरिषदेच्या जागांसाठी आपल्या लेटरहेड सोबत खोडसाळपणा करून कोणीतरी भाजप उमेदवारांची यादी बनवली असल्याचं, भाजप प्रदेशाध्यक्ष चंद्रशेखर बावनकुळे यांनी सांगितलं. ते आज नागपूर इथं वार्ताहरांशी बोलत होते. भाजप केंद्रीय संसदीय मंडळाने ठरवलेली नावं विधान परिषदेच्या जागांसाठी पाठवले जातील, असं त्यांनी स्पष्��� केलं. 

****

पंतप्रधान नरेंद्र मोदी उद्या रविवारी आकाशवाणीवरच्या मन की बात या कार्यक्रमातून देशवासियांशी संवाद साधणार आहेत. या मालिकेच्या तिसऱ्या आवृत्तीचा हा पहिला भाग असेल. आकाशवाणी आणि दूरदर्शनच्या सर्व वाहिन्यांवरून सकाळी ११ वाजता हा कार्यक्रम प्रसारित होईल.

****

नाशिक जिल्ह्यात कश्यपी धरणातून गंगापूर धरणासाठी विसर्ग करण्यास प्रकल्पग्रस्तांनी केलेल्या विरोध मावळला असून, आजपासून पुन्हा ५०० घनफूट प्रतिसेकंद वेगानं गंगापूर धरणासाठी विसर्ग सुरू करण्यात आला आहे.  गंगापूर धरणामध्ये कश्यपी धरणातून पाणी सोडण्यास कश्यपी इथल्या ग्रामस्थांनी, त्यांच्या मागण्या मान्य न झाल्यास विरोध केला होता. यासंदर्भात काल जिल्हाधिकारी जलज शर्मा यांनी ग्रामस्थांची बैठक घेतल्यानंतर ग्रामस्थांनी पाणी सोडण्यास सहमती दर्शवली.

****

लातूर जिल्हा कारागृहातल्या बंदीजनांना पुनर्वसनाची संधी उपलब्ध करून देण्यासाठी उपहारगृह आणि लाँड्री सुरू करण्यात येत आहे. जिल्हा नियोजन समितीच्या सहयोगातून उभारण्यात आलेल्या या उपाहारगृह तसंच लाँड्रीचं जिल्हाधिकारी वर्षा ठाकूर घुगे यांच्या हस्ते काल उद्घाटन करण्यात आलं.

****

धाराशिव जिल्ह्यात मतदार यादीचा विशेष संक्षिप्त पुनरीक्षण कार्यक्रम २५ जून पासून सुरू झाला असून, २४ जुलै पर्यंत नागरिकांनी मतदार यादीत आपलं नाव असल्याची खात्री करून घ्यावी, असं आवाहन जिल्हाधिकारी तथा जिल्हा निवडणूक निर्णय अधिकारी डॉक्टर सचिन ओंबासे यांनी केलं आहे. ते काल धाराशिव इथं पत्रकार परिषदेत बोलत होते. २० ऑगस्ट रोजी अंतिम मतदार यादी प्रसिद्ध केली जाणार आहे.

****

दक्षिण मध्य रेल्वेनं काही रेल्वेगाड्यांना येत्या सप्टेंबरपर्यंत मुदतवाढ दिली आहे. यामध्ये हैदराबाद-जयपूर, नांदेड-एरोड आणि जालना-छपरा या गाड्यांचा समावेश आहे.

दरम्यान, जालना-छपरा या गाडीच्या मार्गात येत्या चोवीस जुलैपर्यंत तात्पुरता बदल केल्याचंही दक्षिण मध्य रेल्वेनं कळवलं आहे.

****

युएस खुल्या बॅडमिंटन स्पर्धेत महिला एकेरीत भारताच्या मालविका बनसोड हिनं उपान्त्य फेरीत प्रवेश केला आहे. उपान्त्यपूर्व फेरीत मालविकाने स्कॉटलंडच्या खेळाडुचा १० - २१, २१ - १५, २१ - १० असा पराभव केला.

पुरुष एकेरीत उपान्त्यपूर्व फेरीत भारताच्या प्रियांशू राजावतला चीनच्या खेळाडुकडून पराभव पत्करावा लागला.

****

टी - ट्वेंटी क्रिकेट विश्वचषक स्पर्धेचा अंतिम सामना आज भारत आणि दक्षिण आफ्रिकेदरम्यान होणार आहे. बार्बाडोस इथं होणारा हा सामना भारतीय वेळेनुसार रात्री आठ वाजता सुरु होईल.

****

[airnews-arngbad]

Regional Marathi Text Bulletin, Chhatrapati Sambhajinagar

Date: 14 June 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक १४ जून २०२४ दुपारी १.०० वा.

****

येत्या २१ जून रोजी साजरा होणाऱ्या आंतरराष्ट्रीय योग दिनाची तयारी जगभरात मोठ्या उत्साहात सुरु आहे. यासंदर्भात जनजागृती करण्याच्या उद्देशानं पंतप्रधान नरेंद्र मोदी यांनी आज समाज माध्यमावर संदेश प्रसारित केला आहे. आंतरराष्ट्रीय योग दिवस साजरा करण्याचं यंदाचं हे दहावं वर्ष आहे.

****

कुवेतमध्ये इमारतीला लागलेल्या आगीत मृत्यू झालेल्या ४५ भारतीयांचे मृतदेह आज विशेष विमानानं भारतात आणण्यात आले. मृतांमध्ये केरळमधले २० नागरीक असल्यामुळे हे विमान आधी कोचीमध्ये उतरवण्यात आलं असून, लवकरच ते दिल्लीला रवाना होणार आहे. कुवेतच्या दक्षिण भागात परवा एका बहुमजली इमारतीला लागलेल्या आगीत ४९ जणांचा मृत्यू झाला तर ५० हून अधिक जण जखमी झाले.

****

भारतीय न्याय संहिता, भारतीय नागरी संरक्षण संहिता आणि भारतीय साक्ष अधिनियम हे तीन नवीन फौजदारी कायदे एक जुलै २०२४ पासून लागू होत आहेत. या नवीन कायद्यांबद्दल “एनसीआरबी संकलन ऑफ क्रिमिनल लॉज” या ॲपवरुन अधिक माहिती जाणून घेता येईल. गूगल प्ले स्टोअर किंवा ॲप स्टोअरवरून हे ॲप डाऊनलोड करता येईल. नवीन फौजदारी कायद्यांची संपूर्ण माहिती एकाच ठिकाणी देणारं हे ॲप सर्वसमावेशक मार्गदर्शक म्हणून काम करत आहे.

****

थोर समाजसुधारक महात्मा फुले आणि क्रांतिज्योती सावित्रीबाई फुले यांचं पुण्यात भिडेवाडा इथं राष्ट्रीय स्मारक उभारण्याच्या दृष्टीने आवश्यक ती प्रक्रिया करुन गतीने निविदा प्रक्रिया राबवण्याचे निर्देश उपमुख्यमंत्री अजित पवार यांनी दिले आहेत. ते आज पुण्यात यासंदर्भातल्या बैठकीत बोलत होते. अन्न आणि नागरी पुरवठा मंत्री ��गन भुजबळ यावेळी उपस्थित होते. या स्मारकात महात्मा फुले आणि सावित्रीबाई फुले यांचा पुतळा, त्यांचा जीवनपट दर्शविणारे चित्र, दृकश्राव���य स्वरुपात त्यांच्या कार्याची माहिती, यासोबतच महिलांच्या कौशल्य विकासासाठी प्रशिक्षण संस्था अशी व्यवस्था करण्यात यावी, असे निर्देश पवार यांनी यावेळी दिले.

****

राज्य उत्पादन शुल्क विभागाने नवी मुंबईत तळोजा इथं काल एक कोटी रुपये किमतीचा अंमली पदार्थांचा साठा जप्त केला. याप्रकरणी दोन जणांना अटक करुन गुन्हा दाखल करण्यात आला आहे. या गुन्ह्यामध्ये आंतरराज्यीय टोळी असण्याची शक्यता व्यक्त करण्यात येत आहे.

****

जागतिक रक्तदान दिनानिमित्त आज धुळे इथं व्यापारी महासंघातर्फे महा रक्तदान शिबिर घेण्यात आलं. तीनशेहून अधिक बाटल्या रक्त संकलन करण्याचा संकल्प धुळे व्यापारी महासंघाचा असून सकाळपासूनच मोठ्या संख्येनं नागरीकांनी रक्तदान केल्याचं आमच्या वार्ताहरानं कळवलं आहे.

****

नांदेड महापालिकेचे आयुक्त तथा पुण्याचे विभागीय आयुक्त तसंच मुख्यमंत्र्यांचे सल्लागार म्हणून काम पाहिलेले नांदेडचे डॉ. दीपक म्हैसकर य���ंची पर्यावरण, वन आणि हवामान बदल मंत्रालयाने राज्यस्तरीय पर्यावरण प्रभाव मूल्यांकन प्राधिकरणाचे अध्यक्ष म्हणून नियुक्ती केली आहे. यामध्ये सुधाकर नांगनुरे हे सदस्य म्हणून काम पाहणार आहेत. अध्यक्षपदाची ही नियुक्ती तीन वर्षाच्या कार्यकाळासाठी करण्यात आली आहे.

****

दक्षिण सोलापूरमध्ये झालेल्या मुसळधार पावसामुळे कासेगावच्या ओढ्याला आलेल्या पुरात तिघे जण वाहून गेले होते, त्यापैकी दोन जण वाचले. तर बेपत्ता असलेल्या ज्ञानेश्वरकदम यांचा मृतदेह आज सकाळी सापडला. कदम यांच्या शोधार्थ दोन दिवस मोहिम राबवण्यात आली होती.

****

पावसाळ्याचं आगमन होत असताना हिवताप, डेंग्यू यासारखे डासांपासून आजार होत असतात, त्यामुळे नागरिकांनी दर आठवड्यातून एक दिवस कोरडा दिवस पाळण्याचं आवाहन नांदेडचे जिल्हा आरोग्य अधिकारी डॉ. बालाजी शिंदे यांनी केलं आहे. जिल्हा आरोग्य विभागाच्या वतीने दरवर्षी जून महिन्यात हिवताप प्रतिरोध महिना राबवण्यात येतो. नागरीकांनी डासांचा प्रादूर्भाव रोखण्यासाठी विविध उपाययोजना करुन काळजी घेण्याचं आवाहन त्यांनी केलं आहे.

****

सिंगापूर राष्ट्रीय जलतरण अजिंक्यपद स्पर्धेत भारताच्या लिकिथ एसपी आणि धिनिधी देसिंघु यांनी अनुक्रमे पुरूष आणि महिलांच्या गटात दोन कांस्यपदक मिळवली आहेत. लिकिथ ने १०० मीटर ब्रेस्टस्ट्रोकमध्ये तर धिनिधी देसिंघु ने महिलांच्या २०० मीटर फ्री स्टाईलमध्ये पदक मिळवलं.

****

ऑस्ट्रेलिया खुल्या बॅडमिंटन स्पर्धेत भारताच्या आकर्षी कश्यपचा महिला एकेरीच्या उपांत्यपूर्व फेरीत पराभव झाला. आज झालेल्या सामन्यात तैवानच्या पाई यू पो हिनं आकर्षीचा २१ - १७, २१ - १२ असा पराभव केला. पुरुष एकेरीत एच. एस. प्रणोय आणि समीर वर्मा यांचे उपान्त्यपूर्व फेरीतले सामने सध्या सुरु आहेत.

****

टी - ट्वेंटी क्रिकेट विश्वचषक स्पर्धेत आज झालेल्या सामन्यात इंग्लंडनं ओमानचा आठ गडी राखून पराभव केला. ओमाननं दिलेलं ४७ धावांचं लक्ष्य इंग्लंडच्या संघानं अवघे तीन षटकं आणि एका चेंडुत पूर्ण केलं. तर अन्य एका सामन्यात अफगाणिस्ताननं पापुआ न्यू गीनीचा सात गडी राखून पराभव केला.

****

[airnews-arngbad]

Regional Marathi Text Bulletin, Chatrapati Sambhajinagar

Date: 07 June 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०७ जून २०२४ दुपारी १.०० वा.

****

राष्ट्रीय लोकशाही आघाडी - एनडीएच्या नेतेपदी नरेंद्र मोदी यांची एकमताने निवड करण्यात आली. नवी दिल्लीत सुरु असलेल्या एनडीएच्या संसदीय मंडळाच्या बैठकीत, भाजप नेते राजनाथ सिंह यांनी नरेंद्र मोदी यांना नेतेपदी निवड करण्यासाठी प्रस्ताव मांडला, त्याला सर्व घटक पक्षांनी समर्थन दिलं. भाजपच्या वरीष्ठ नेत्यांसह आघाडीतले तेलगु देसम पक्षा��े अध्यक्ष चंद्राबाबु नायडू, संयुक्त जनता दलाचे नितीश कुमार, शिवसेनेचे मुख्य नेते एकनाथ शिंदे, राष्ट्रवादी काँग्रेसचे अध्यक्ष अजित पवार, आदी घटक पक्षांचे नेते तसंच नवनिर्वाचित खासदार या बैठकीला उपस्थित आहेत. त्याचबरोबर भाजपशासित राज्यांचे मुख्यमंत्री, इतर पदाधिकारी देखील यावेळी हजर आहेत. आजचा दिवस ऐतिहासिक असून, शिवसेना - भाजप युती अतुट असल्याचं मुख्यमंत्री एकनाथ शिंदे यावेळी म्हणाले.

आंध्र प्रदेशातही एनडीएचं सरकार स्थापन होणार असल्याचं भाजप अध्यक्ष जे पी नड्डा यांनी यावेळी सांगितलं.

****

भारतीय रिझर्व्ह बॅंकेनं व्याजदरात कोणताही बदल केला नसून, रेपो दर सहा पूर्णांक पाच टक्के इतका कायम ठेवला आहे. मुंबईत बँकेच्या द्वैमासिक पतधोरण आढावा बैठकीनंतर गव्हर्नर शक्तिकांत दास यांनी वार्ताहर परिषदेत ही माहिती दिली. २०२४-२५ या आर्थिक वर्षासाठी सकल राष्ट्रीय उत्पन्नाचा दर सात पूर्णांक दोन टक्के राहील, तर महागाईचा दर साडे चार टक्के राहील, असा अंदाज दास यांनी व्यक्त केला.

****

कोकण पदवीधर मतदारसंघाच्या निवडणुकीत राष्ट्रवादी काँग्रेस- शरदचंद्र पवार पक्षाचे उमेदवार नगरसेवक अमीत सरैया यांनी आज उमेदवारी अर्ज दाखल केला. पक्षाचे राष्ट्रीय सरचिटणीस जितेंद्र आव्हाड यावेळी उपस्थित होते. या मतदारसंघातून संजय मोरे आणि विद्यमान आमदार निरंजन डावखरे हे निवडणुकीच्या रिंगणात आहेत. पदवीधर आणि शिक्षक मतदारसंघाच्या निवडणुकीत अर्ज दाखल करण्याची मुदत आज संपत आहे.

****

रशियात सेंट पिटर्सबर्ग विधानसभा आणि महाराष्ट्र विधिमंडळ यांच्यात काल सामंजस्य करारावर स्वाक्षऱ्या करण्यात आल्या. रशियन फेडरेशनच्या निमंत्रणानुसार, महाराष्ट्र विधानमंडळाचं उच्चस्तरीय शिष्टमंडळ सेंट पिटर्सबर्गच्या अभ्यास दौऱ्यावर आहे. दोन्ही विधानमंडळांमध्ये वैचारिक आदान-प्रदान, दोन्हीकडील सन्माननीय सदस्यांच्या अभ्यास-भेटी, संगीत-कला-साहित्य क्षेत्रातल्या मान्यवरांच्या कार्यक्रमांचं आयोजन या सामंजस्य करारामुळे आता अधिक चांगल्याप्रकारे करता येऊ शकेल, असा विश्वास विधानसभा अध्यक्ष राहुल नार्वेकर यांनी यावेळी व्यक्त केला. महिला सशक्तीकरण, अत्याधुनिक आपत्ती व्यवस्थापन यंत्रणा आणि विद्यार्थी विनिमय कार्यक्रम या बाबींना सामंजस्य करारामुळे चालना मिळेल अशी अपेक्षा विधानपरिषदेच्या उपसभापती डॉ. नीलम गोर्हे यांनी व्यक्त केला.

****

राज्यात नॅनो डीएपी, नॅनो युरीया, मेटाल्डीहाईड किटकनाशकाची तिप्पट दराने खरेदी सुरू असल्याची माहिती प्राप्त झाली असून, हा ��ृषी आयुक्तालयाचा मोठा घोटाळा असल्याचा आरोप, विधानसभेचे विरोधी पक्षनेते विजय वडेट्टीवार यांनी केला आहे. ते काल नागपूर इथं बोलत होते. या प्रकरणाची सखोल चौकशी करून संबंधितांवर कारवाई करण्यात यावी, अशी मागणी त्यांनी केली आहे.

****

छत्रपती संभाजीनगर महानगरपालिकेच्या वतीनं राबवण्यात येत असलेल्या अतिसार नियंत्रण पंधरवाड्याचं उद्घाटन काल महानगरपालिकेच्या सहाय्यक आरोग्य अधिकारी डॉक्टर अर्चना राणे यांच्या हस्ते झालं. २१ जून पर्यंत राबवण्यात येत असलेल्या या मोहिमेत आशाताई घरोघरी जाऊन स्वच्छतेबाबत तसंच अतिसाराबाबत समुपदेशन करत आहेत.

****

परभणी जिल्ह्यात मानवत तालुक्यातल्या पोहंडूळ इथं ग्रामविकास अधिकार्याला १० हजार रुपयांची लाच घेताना काल पकडण्यात आलं. डी पी डी सी निधी अंतर्गत केलेल्या विकास कामाच्या रकमेस बँक खात्यात जमा करण्यासाठी फॉर्मवर सही देण्यासाठी त्यानं ही लाच मागितली होती.

****

नांदेड रेल्वे विभागातल्या कामांमुळे धर्माबाद-मनमाड-धर्माबाद मराठवाडा एक्सप्रेस अंशतः रद्द करण्यात आली आहे. आजपासून ते ११ जूनपर्यंत धर्माबाद - मनमाड ही गाडी जालना ते मनमाड दरम्यान, आणि मनमाड - धर्माबाद ही गाडी मनमाड ते छत्रपती संभाजीनगर दरम्यान रद्द करण्यात आली आहे. तसंच नांदेड निझामुद्दीन एक्सप्रेस चिकलठाणा इथून ७० मिनिटे उशिरा सुटणार असल्याची माहिती दक्षिण मध्य रेल्वेच्या नांदेड विभागानं दिली आहे.

****

इंडोनेशिया खुल्या बॅडमिंटन स्पर्धेत पुरुष एकेरीत भारताच्या लक्ष्य सेनचा आज उपान्त्य-पूर्व फेरीतला सामना डेन्मार्कच्या आंद्रेस ॲन्टोन्सेन बरोबर होणार आहे. काल झालेल्या सामन्यात लक्ष्य सेननं जपानच्या केन्टा निशिमोटो याचा २१ - नऊ, १२ - १५ असा पराभव केला होता.

****

हवामान

येत्या दोन दिवसांत मराठवाड्यात तुरळक ठिकाणी मुसळधार पाऊस पडेल असा हवामान विभागाचा अंदाज आहे. नांदेड जिल्ह्यासाठी आठ जूनपर्यंत पावसाचा येलो अलर्ट जारी करण्यात आला आहे.

****

[airnews-arngbad]

Regional Marathi Text Bulletin, Chhatrapati Sambhajinagar

Date: 31 May 2024

Time: 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: ३१ मे २०२४ दुपारी १.०० वा.

****

लोकसभा निवडणुकीच्या सातव्या आणि शेवटच्या टप्प्यात सात राज्यं आणि एका केंद्रशासित प्रदेशातल्या ५७ लोकसभा मतदारसंघात उद्या मतदान होणार आहे. यामध्ये पंजाब आणि उत्तर प्रदेशातल्या प्रत्येकी १३, पश्चिम बंगाल नऊ, बिहार आठ, ओडिशा सहा, हिमाचल प्रदेश चार, झारखंड तीन, तर चंदीगढमधल्या एका जागेचा समावेश आहे.

दरम्यान, लोकसभा निवडणुकीच्या सर्व टप्प्यांची मतमोजणी येत्या चार जून रोजी होईल. आंध्रप्रदेश आणि ओडिशातल्या विधानसभा निवडणुकांची आणि देशभरातल्या विविध राज्यात झालेल्या विधानसभा पोटनिवडणुकांची मतमोजणी देखील चार जून रोजी, तर अरुणाचल प्रदेश आणि सिक्कीम विधानसभा निवडणुकीची मतमोजणी दोन जून रोजी होणार आहे.

****

विमा नियामक आणि विकास प्राधिकरण अर्थात इर्डानं काल अनेक महत्वपूर्ण निर्णय घेतले. कॅशलेश अर्थात रोख विरहीत उपचारांबाबत तातडीनं निर्णय घेण्याचे, त्याचबरोबर डिस्चार्जचं पत्र मिळाल्यानंतर, मंजूरीवर तीन तासांत निर्णय घेण्याचे निर्देश इर्डानं विमा कंपन्यांना देत विमाधारकांना दिलासा दिला आहे. विमा क्षेत्राशी संबंधित एक मास्टर परिपत्र जारी करण्यात आलं असून, यात सर्व नियमांना एकाच ठिकाणी आणण्यात आलं आहे. विमाधारकाचा मृत्यू झाल्यास विमा कंपन्यांनी लवकरात लवकर कागदपत्रांची कार्यवाही आटोपून विमाधारकाचा दावा निकाली काढावा, असे निर्देशही इर्डानं दिले आहेत.

****

राज्यातल्या मोठे, मध्यम आणि लघू अशा एकूण दोन हजार ९९७ प्रकल्पात सध्या केवळ २२ पूर्णांक शून्य सहा टक्के इतका पाणीसाठा आहे. गेल्या वर्षीच्या तुलनेत यावर्षी राज्यातल्या एकूण पाणीसाठ्यात लक्षणीय घट झाली असून, अनेक भागात भीषण पाणीटंचाई जाणवत आहे. छत्रपती संभाजीनगर विभागातल्या ४४ मोठ्या प्रकल्पात आठ पूर्णांक ९२ टक्के, ८१ मध्यम प्रकल्पात ११ पूर्णांक ४९ टक्के, तर ७९५ लघू प्रकल्पात सहा पूर्णांक ७६ टक्के इतकाच पाणीसाठा असल्याची माहिती जलसंपदा विभागानं दिली आहे.

****

पुण्यश्लोक अहिल्याबाई होळकर यांची आज जयंती आहे. यानिमित्त राज्यात सर्वत्र अनेक कार्यक्रमांचं आयोजन करण्यात आलं आहे. मुंबईत मंत्रालयात सामान्य प्रशासन विभागाच्या अपर मुख्य सचिव सुजाता सौनिक यांनी अहिल्यादेवी होळकर यांच्या प्रतिमेला पुष्पहार अर्पण करून अभिवादन केलं.

पुण्यश्लोक अहिल्यादेवी होळकर सोलापूर विद्यापीठामध्ये यानिमित्त विविध स्पर्धा घेण्यात आल्या. काल पारंपरिक गजीनृत्याचं, तसंच ‘मी अहिल्या बोलतेय’, या नाट्यप्रयोगाचं सादरीकरण झालं.

****

छत्रपती संभाजीनगर इथं काल महात्मा गांधी राष्ट्रीय ग्रामिण रोजगार हमी योजनेअंतर्गत बांबू आणि फळबाग लागवड कार्यक्रमाची विभागीय आढावा बैठक पार पडली. बांबू लागवड ही पर्यावरण आणि आर्थिकदृष्ट्या फायदेशीर आहे, त्यामुळे शेतकऱ्यांना शाश्वत आर्थिक लाभ होईलच शिवाय पर्यावरणाचं रक्षण होईल, असं मत मान्यवरांनी यावेळी सांगितलं.

****

आषाढी यात्रेसाठी येणार्‍या वारकर्‍यांना सर्व सोयी सुविधा उपलब्ध करून देण्यास संबंधित प्रशासकीय यंत्रणांनी प्राधान्य द्यावं आणि सर्व यंत्रणांनी परस्परात योग्य समन्वय ठेवून दिलेली जबाबदारी चोखपणे पार पाडावी, अशा सूचना सोलापूरचे जिल्हाधिकारी कुमार आशीर्वाद यांनी दिल्या. आषाढी ��ात्रेच्या पार्श्वभूमीवर त्यांनी काल अधिकारी वर्गासह पालखी तळांची आणि पालखी मार्गाची पाहणी केली, त्यावेळी ते बोलत होते. आषाढी एकादशी सोहळा येत्या १७ जुलै रोजी साजरा होणार आहे.

****

जळगाव जिल्ह्याच्या भुसावळ इथल्या दुहेरी हत्या प्रकरणातल्या सहा संशयितांना धुळे पोलिसांनी पाठलाग करून पकडलं. त्यांच्याकडून इनोव्हा कार, दहा मोबाईल हँडसेट आणि ५४ हजाराची रोख रक्कम जप्त करण्यात आली. २९ मे रोजी भुसावळ शहरातले भाजपचे माजी नगरसेवक संतोष बारसे आणि सामाजिक कार्यकर्ते सुनील राखुंडे यांच्यावर, जुना सातारा भागात हल्लेखोरांनी गोळीबार केला होता. या आरोपींविरोधात गुन्हा दाखल करण्यात आला आहे. 

****

नंदुरबार जिल्हा परिषदेतल्या कथित अपंग विभाग गैरव्यवहार प्रकरणी ७२ जणांवर कारवाई करत जिल्हा परिषदेच्या मुख्य कार्यकारी अधिकारी सावनकुमार यांनी त्यांच्या सेवा समाप्तीचे आदेश दिले आहेत. २०१७ मध्ये जिल्हा परिषदेमध्ये नियमबाह्य पद्धतीने या विभागासाठी भरती करण्यात आली होती. २०१८ मध्ये ते उघड झाल्यानंतर अधिवेशनात या प्रकरणाच्या चौकशीसाठी विशेष तपास पथकाची स्थापना करण्यात आली होती.

****

सिंगापूर खुल्या बॅडमिंटन स्पर्धेत महिला दुहेरीत भारताच्या त्रिशा जॉली आणि गायत्री गोपीचंद यांनी उपान्त्य फेरीत प्रवेश केला आहे. आज झालेल्या उपान्त्य पूर्व फेरीच्या सामन्यात त्यांनी कोरियाच्या किम सो युंग आणि काँग ही युंग या जोडीचा १८-२१, २१-१९, २४-२२ असा पराभव केला.

दरम्यान, या स्पर्धेतलं महिला आणि पुरुष एकेरीतलं भारताचं आव्हान संपुष्टात आलं. काल झालेल्या उप-उपांत्यपूर्व फेरीत पी व्ही सिंधू आणि एच एस. प्रणॉय यांना पराभवाचा सामना करावा लागला.

****