#तरकल

[nepal123]

भित्रियो कृत्रिम तरिकाले रानी मौरी विकास गर्ने प्रविधि २२ चैत, बाबियाचौर (म्याग्दी) । म्याग्दीमा कृत्रिम तरिकाले रानी मौरी विकास गर्ने प्रविधि भित्रिएको छ ।  जिल्ला कृषि विकास कार्यालय म्याग्दी र काठमाडौँको गोदावारीमा रहेको मौरीपालन विकास शाखाको सहयोगमा

[nepal123]

यसरी चलाउन सकिन्छ सुरक्षीत तरिकाले इन्टरनेट, जान्नुहोस् थप रहस्य विनोद भट्टराई सफ्टवेयर इन्जिनियर कम्प्युटर, ट्याब्लेट, मोबाइल, ल्यापटपमा इन्टरनेट चलाउँदा जतिवेला पनि भाइरसले आक्रमण गर्न सक्छ । यस्ता डिभाइस भाइरसयुक्त भएमा त्यसको असर तुरुन्तै देखिने तथा दीर्घकालीन पनि हुन सक्छ । भाइरसले डिभाइसमा भएका व्यक्तिगत विवरणदेखि वित्तीय जानकारीसम्म पनि चोरी गर्न सक्छन् । जसले गर्दा ठूलै नोक्सानी पनि बेहोर्नुपर्ने हुन्छ । डिभाइसमा हुने यस्तो खतरायुक्त भाइरसबाट जोगिनका लागि सुरक्षित तरिकाले इन्टरनेट चलाउने बानीको विकास गर्नुपर्छ । त्यसका लागि इन्टरनेट चलाउँदा अपनाउनुपर्ने सावधानी यस्ता छन्ः —सब��भन्दा पहिला आफूले व्यक्तिगत रूपमा चलाउने मोबाइल, ल्यापटप, कम्युटरजस्ता डिभाइस सुरक्षित राख्नुपर्छ । त्यसका लागि डिभाइसमा एन्टिभाइरस सफ्टवेयर राख्नुपर्छ । समय–समयमा अपडेट गर्नुपर्छ । —एन्टिभाइरसबाहेक पनि ब्राउजर र अपरेटिङ सिस्टमलाई पनि नियमित अपडेट गनुपर्छ । यति गरेमा धेरै समस्याबाट मुक्त भइन्छ । —इन्टरनेट चलाउँदा एकैपटक धेरै वेबसाइट ओपन गरिन्छ । त्यस्तो वेलामा कुनै वेबसाइटको लिंकमा शंका लागेको छ भने सो लिंकमा क्लिक गर्नु हुँदैन । —कुनै पनि लिंक क्लिक गर्नुभन्दा अगाडि आफ्नो आवश्यकताभित्र पर्छ कि पर्दैन, विचार पु¥याउनुपर्छ । कतिपय लिंक क्लिक गर्न विभिन्न प्रलोभन पनि देखाइरहेका हुन्छन् । त्यस्तो लिंक क्लिक गर्न भने बढी सावधान हुनुपर्छ । —शंकास्पद वेबसाइटको पहिचान गर्ने बानीको विकास गर्नुपर्छ । एउटा वेबसाइट ओपन गर्दा त्योसँगै अन्य वेबसाइट पनि विज्ञापनको स्वरूपमा आउन सक्छन् । त्यस्ता अन्य वेबसाइट ओपन नगर्नु नै बुद्धिमानी हुन्छ । —इमेल चलाउँदै गर्दा स्पाममा पहिचान नभएका व्यक्ति तथा संस्थाबाट आएको मेल ओपन गर्दै नगर्ने । चिनेकै व्यक्तिबाट आएको मेल पनि शंकास्पद लिंक तथा अट्याच गरिएका फाइलहरू खतरनाक हुन सक्छन् । त्यसैले विचार गरेर मात्र ओपन गर्नुपर्छ । —कम्प्युटरमा राखिने सफ्टवेयरहरू पनि विश्वासिलो र भरपर्दो स्रोतबाट डाउनलोड गर्नुपर्छ । सित्तैमा वा सस्तो मूल्यमा पाइयो भन्दैमा डाउनलोड गर्नु हुँदैन । मोबाइल पनि एन्ड्रोइड छ भने गुगलको स्टोर या अन्य भरपर्दो एपस्टोेरबाट मात्र डाउनलोड गर्नुपर्छ । —सामाजिक सञ्जालमा धेरै लिंक, गेम तथा एप आइरहेका हुन्छन् । त्यस्ता लिंकहरू विश्वासिलो स्रोतबाट आएको हो भने मात्र चलाउनुपर्छ । अन्यथा, त्यसले आफैँलाई समस्या पार्न सक्छ । —कम्प्युटरमा फायर वाल इन्स्टल गर्दा मात्र पनि ह्याकरबाट जोगिन सकिन्छ । —ब्राउजर सेटिङमा प्राइभेसी पोलिसी सेटिङ गर्ने विषयमा ध्यान दिनुपर्छ । आफ्नो सम्पूर्ण डिभाइसमा पासवर्ड बलियो राख्नुपर्छ । कतिपय चिनेकै व्यक्तिले पनि आफ्नो विवरण चोरी गर्न सक्छन् । सोबाट जोगिन पासवर्डले धेरै मद्दत गर्छ ।नयाँ पत्रिकाबाट

[nepal123]

सजिलो तरिकाले यसरी घरमै बनाउनुस् स्वादिलो फिस एण्ड चिप्स सामग्री : बासा माछा ३ सय ग्राम, मैदा ५५ ग्राम, कर्नफ्लोर ५५ ग्राम, नुन–मरिच स्वादअनुसार, बेकिङ पाउडर १ चम्चा, पानी ७५ मिलिलिटर, पोटाटो चिप्स २ सय ग्राम, सलादका लागि काँक्रो, गाजर, बन्दा, लेमन ओयली सस २५ मिलिलिटर । विधि :  एउटा ठूलो भाँडामा दुई चम्चा मैदा, एक चम्चा कर्नफ्लोर, बेकिङ पाउडर, नुन–मरिच हालेर मज्जाले फिट्ने । त्यसमा पानी हालेर अझ नरम बनाउने । त्यो मिक्स्चरमा माछालाई डुबाई एक घन्टाजति फ्रिजमा राख्ने । एक घन्टापछि माछालाई फ्रिजबाट निकालेर फ्राई गरी ब्राउन र क्रिस्पी बनाउने । यो खाना ब्रिटिस खानामा एक पर्छ । नारी म्यागेजिनबाट ।

[nepal123]

घरै सजिलाे तरिकाले गर्नुहोस् फेसियल, पैसा बचाउनुहोस् ! टिनएजरका लागि  यो उमेरमा कुनै पनि केमिकल प्रयोग गर्नु हुँदैन । यो उमेरमा हर्बल तथा फ्रुटले ट्रिटमेन्ट गर्नुपर्छ । यसका लागि अदुवा, बेसार, पुदिनाको पात, काँक्रा तथा महको प्याकले लाभ पुर्‍याउँछ । सुख्खा छाला सुख्खा छालालाई  घरमै निर्मित मोइस्चराइजर प्रयोग गरी ठीक पार्न सकिन्छ । काँचो दूधमा बदाम भिजाएर राख्ने । भोलिपल्ट बदामको बोक्रा निकालेर पेस्ट बनाई आइसक्युबमा जमाउने । जमेपछि कपडामा हालेर अनुहारमा क्लक वाइज र एन्टी क्लक वाइज मसाज गर्ने । २० मिनेटपछि चिसो पानीले अनुहार धोएर मोइस्चराइजर लगाउने । यसबाट अनुहारमा चम��� आउँछ । तैलीय छाला तैलीय छालामा डन्डिफोर बढी आउँछ । डन्डिफोर नियन्त्रण गर्न तातोपानीले अनुहार धुनुपर्छ । चिल्लो छालामा फिटकिरी पाउडरलाई कम्प्याक लगाएजस्तै लगाउने । यसलाई जति समयसम्म राखे पनि हुन्छ । पछि मनतातो पानीले अनुहार धुने । जस्तोसुकै चिल्लो छाला पनि यो विधिमार्फत नियन्त्रणमा आउँछ । पछि मेवाको प्याक २ मिनेटजति लगाएर पखाली ओइल कन्ट्रोल क्रिम लगाउने । चमकका लागि गाजर, अंगुर र बन्दाको पेस्ट बनाउने । यो पेस्ट हप्ताको २–३ पटक लगाउनुपर्छ । यो पेस्ट कपासमा भिजाएर सर्कल गरी २० मिनेटजति मसाज गर्दा त्यसले टोनिङको  काम गर्छ र छालाको चमक पनि बढाउँछ । साठी  वर्षपछि  यो उमेरमा छाला परिपक्व हुन्छ तसर्थ यो उमेरमा सतर्कतापूर्वक छालाको हेरचाह गर्नुपर्छ । यो उमेरका महिलाहरूको छाला खुकुलो हुँदै जाने भएकाले अण्डाको पहेंलो भाग, पाउरोटीको बीचको भाग, पाउडर दूध, बेसार तथा महको पेस्ट फेसमा लगाउने । सुकेपछि बिस्तारै पानीले भिजाएर पुछ्ने । पुछेको मिलेन भने चाउरी अझ बढ्नसक्छ । नारी म्यागजिनबाट ।

[nepal123]

जलवायुमैत्री तरिकाले अर्गानिक खेती, गाउँको मुहार नै फेरियो बनेपा, १९ मङ्सिर- काभ्रेपलाञ्चोकको विभिन्न गाविसका ग्रामीण भेग जलवायुमैत्री गाउँमा परिवर्तन हुन थालेका छन् । त्यस्ता गाउँबाट कृषकले आधुनिक प्राविधिक ज्ञान हासिल गर्नाका साथै धमाधम अर्गानिक खेतीको अभ्यास गरिरहेको रवि ओपीका राजकुमार थापाले जानकारी दिनुभयो । उहाँले भन्नुभयो –“अहिले हामीले काउली, लसुन, सागलगायतका खेतीमा रासायनिक विषादी विस्थापन गरी झोल मल र वनस्पतिबाट तयार पारिएको विषादीको प्रयोग बढाएका छाँै । दुई वर्षदेखि रविओपी गाविसमा सञ्चालन भएको सो कार्यक्रमले रासायनिक मललाई विस्थापन गरी प्राङ्गारिक मलको प्रयोग बढाएको र खेरजाने गाईको गहुँत पनि सदुपयोग भएको छ । ” जलवायुमैत्री गाउँ परियोजनामार्फत ‘घर बगैँचा कार्यक्रम’ जिल्लाको महादेवस्थान, नयाँगाउँ देउपुर, रविओपी, पात्लेखेत र पाँचखाल नगरपालिका– १० र ११ मा सुरु भएपछि कृषकमा नयाँ उत्साह देखिएको छ । ‘‘हामीलाई पहिले यो विषयमा कुनै जानकारी थिएन तर अहिले प्राविधिक ज्ञानले खेती गर्न सहज भएको छ,’’ कृषक थापाले भन्नुभयो । जिल्लामा एकसय ८९ कृषकले अर्गानिकखेती गरेका छन् । घरको आसपासमा गाईवस्तुपालन, तरकारीखेती, फलफूलखेती वा मत्यपालन गरी कृषकले लाभ उठाउने प्रक्रियालाई यहाँ ‘घर–बगैँचा कार्यक्रम’ नामाकरण गरिएको हो । जलवायुमैत्री गाउँ परियोजनाका संयोजक रोशन सुवेदीले यो कार्यक्रम पोषण सुरक्षाका हिसाबले पनि राम्रो हुने उल्लेख गर्दै खानेपानीको समस्या भएको ठाउँमा हात धुँदा वा नुहाउँदा समेत खेरगएको पानीको सदुपयोग गरेर तरकारीखेती गरिएको बताउनुभयो । जलवायु परिवर्तन अनुकुलनखेतीका लागि अनुसन्धानमूलक कार्य गर्दै आएको वातावरण तथा ��ृषि, नीति अनुसन्धान प्रसार एवम् विकास केन्द्र (सिप्रेड) र एकिकृत पर्वतीय विकासका लागि अन्तर्राष्ट्रिय केन्द्र (इसिमोड) को संयुक्त परियोजनाले यो कार्यक्रमलाई सहयोग गर्दै आएको छ । रासस

[nepal123]

सीमाङ्कनको समाधान तानाशाही तरिकाले हुँदैन : वैद्य काठमाडौँ, १५ मङ्सिर । सरकारद्वारा मङ्गलबार संसद् सचिवालयमा दर्ता गरिएको नेपालको संविधान संशोधन विधेयकमा राखिएको सीमाङ्कनलगायत विषयप्रति नेकपा(क्रान्तिकारी माओवादी)ले आपत्ति प्र��ट गरेको छ । पार्टी अध्यक्ष मोहन वैद्यले आज विज्ञप्ति जारी गर्दै सीमाङ्कनलगायत विषयको समाधान तानाशाही तरिकाले नभई अग्रगामी तथा परिवर्तनशील राजनीतिक शक्ति र सम्बन्धित जिल्ला तथा प्रदेशका नागरिकको राय सुझाव र सहमति अनुसार गर्नुपर्ने बताउनुभएको छ । सीमाङ्कनलगायत विषयको विरोधमा नागरिकले राखेका उचित माग तथा उनीहरुद्वारा आयोजित प्रदर्शन र हडतालका कार्यक्रम��्रति आफ्नो पार्टीको समर्थन रहेको अध्यक्ष वैद्यद्वारा जारी गरिएको विज्ञप्तिमा उल्लेख छ । संविधान नागरिकको इच्छा र भावना विपरीत भएकाले त्यसको विकल्पमा सङ्घीय जनगणतान्त्रिक संविधान बनाउनुपर्ने सो पार्टीले माग गरेको छ ।

[nepal123]

तानाशाही तरिकाले होइन, सिमांकनमा सहमति अनिवार्य : क्रान्तिकारी माओवादी काठमाडौं । सरकारद्वारा गत मंगलवार संसद सचिवालयमा दर्ता गरिएको नेपालको संविधान संशोधन विधेयकमा राखिएका सिमाङ्कन लगायतका विषयवारे पार्टीको धारणा सार्वजनिक गर्दै नेकपा (क्रान्तिकारी माओवादी)का अध्यक्ष मोहन वैद्य‘किरण’ले सिमांकनलगायतका विषय सहमतिबाट नभई तानाशाही तरिकाले गर्न खोजेको भन्दै आफ्नो पार्टीको गम्भीर ध्यानाकर्षण भएको जनाएका छन् । संशोधन विधेयकमा राखिएका सिमाङ्कन लगायतका विषयमा सार्वजनिक तीन बुँदे पार्टीको दृष्टिकोण तथा अभिमतमा भनिएको छ, “१. हाम्रो पार्टीले सो संविधान आमूल परिवर्तन तथा मुक्तिकामी जनताको इच्छा तथा भावना विपरीत भएकाले त्यसको विरोध गरी विकल्पमा संघीय जनगणतान्त्रिक संविधान वनाउनुपर्ने प्रस्ताव सार्वजनिक गरेको कुरा स्पष्ट नै छ र अहिले पनि हाम्रो धारणा त्यही नै रहेको छ । २. सिमाङ्कन लगायतका विषयको विरोधमा जनताद्वारा राखिएका जायज माग र आयोजित प्रदर्शन तथा हड्तालको कार्यक्रमप्रति पार्टी दृढतापूर्वक समर्थन र ऐक्यबद्धता जाहेर गर्दछ । ३. सिमाङ्कन लगायतका विषयको समाधान तानाशाही तरिकाले नभई अग्रगामी तथा परिवर्तनशील राजनीतिक शक्तिहरु र सम्वन्धित जिल्ला तथा प्रदेशका जनताको राय सुझाव र सहमति अनिवार्य हुने कुरामा पनि पार्टी आफ्नो दृढ अभिमत रहेको धारणा व्यक्त गर्दछ ।”

[nepal123]

प्रधानमन्त्री निरङ्कुश तरिकाले चल्न खोजेको रामचन्द्र पौडेलको आरोप बनेपा, २४ कात्तिक । नेपाली काँग्रेसका वरिष्ठ नेता रामचन्द्र पौडेलले प्रधानमन्त्री पुष्पकमल दाहाल निरङ्कुश तरिकाले चल्न खोजेको आरोप लगाउनुभएको छ । नेपाली काँग्रेस बनेपा नगर समितिले आज बनेपामा आयोजना गरेको काँग्रेस नगर सभापतिको प्रथम राष्ट्रिय सम्मेलनमा उहाँले नेपाली काँग्रेसको आड र भरोसामा निर्माण भएको सरकारले नेपाली काँग्रेसको सल्लाह बिना काम गरेको छ भन्नुभयो । नेता पौडेलले भन्नुभयो–“सरकार सञ्चालनका लागि आचारसंहिताको निर्माण गर्नुपर्दथ्यो र कम्तीमा एउटा कार्यक्रम बनाएर अघि जानुपथ्र्यो, तर नेतृत्वले ध्यान दिन सकेन । ” नेतृत्वप्रति आक्रामकरुपमा प्रस्तुत हुनुभएका नेता पौडेलले स���कारले जनतालाई उत्साहित बनाउने काम गर्न नसकेको उल्लेख गर्दै सरकारले जनतालाई उत्साहित बनाउने काम गर्न अझै बाँकी रहेको तर्क गर्नुभयो । “म धेरै ठाउँमा एक्लै बोलिरहेको छु, म एक्लो वृहस्पति भएँ कि भन्ने चिन्ता पनि छ,” उहाँले पार्टी नेतृत्वको आलोचना गर्दै भन्नुभयो । नेता पौडेलले नेपाली काँग्रेस गाउँ र नगरस्तरका कार्यकर्ताबाट नै सञ्चालन हुने जिकिर गर्दै पार्टी सभापति शेरबहादुर देउवाबाट काँग्रेस चल्न नसक्ने बताउनुभयो । पार्टी नेतृत्वमा कल्पनाशीलता चाहिन्छ, तर हाम्रो पार्टी नेतृत्वमा त्यस्तो देखिएन, उहाँको भनाइ थियो । स्थानीय तहको पुनःसंरचनामा जनताको भावनालाई समेट्न नखोजेको आरोप लगाउँदै नेता पौडेलले पुनःसंरचना आयोगले सङख्याको कुरा उठाएर बिथोलेको बताउनुभयो । पुनःसंरचनाको विषयमा स्थानीय विकास अधिकारीले पार्टीसँग सल्लाह गरेर मात्रै आयोगमा सिफारिस गरेको जिकिर गर्दै उहाँले पूर्वाधार नभएको क्षेत्रमा लगानी गर्नेगरी पुनःसंरचना गर्ने विषय आफूहरुलाई अमान्य हुने बताउनुभयो । शान्ति तथा पुनःनिर्माण मन्त्री सीतादेवी यादवले पुनःनिर्माणको कामले पूर्णता नपाएकाले र पीडितको घाउ न��को नभएकाले स्थायी शान्ति स्थापना हुन नसक्ने उल्लेख गर्दै भत्केको संरचनाको काम ३५ प्रतिशत मात्रै भएको बताउनुभयो । नेपाली काँग्रेसका केन्द्रीय सदस्य एनपी साउदले स्थानीय चुनावमा एमालेको, सरकारमा माओवादीको र संविधान संशोधनमा मधेसीको छाँया भए काँग्रेसको प्रभावकारितामा प्रश्न उठ्ने बताउनुभयो । नेपाली काँग्रेस बनेपा नगरसमितिका अध्यक्ष राम जोशीको अध्यक्षतामा भएको कार्यक्रममा सांसद कञ्चनचन्द्र वादे श्रेष्ठ, नेकाका पूर्व सभापति शिव हुमागाईँ, नेकाका सभापति मधु आचार्य लगायतले काँग्रेसको प्रभावकारीतामा जोड दिएका थिए । दुई दिनसम्म चल्ने सो नगर सभापति सम्मेलनमा देशभरका २१७ नगरबाट सभापति सहभागी छन् ।