#टयकटर

[nepal123]

अवैध रुपमा माटो उत्खनन गर्ने ट्याक्टर र जेसिवी नियन्त्रणामा चितवन, १६ फागुन- अवैध रुपमा नदीजन्य पदार्थ उत्खनन गर्ने ट्याक्टर र जेसिवी प्रहरीले नियन्त्रणमा लिएको छ । जिल्ला प्रहरी कार्यालय चितवनको नदीजन्य पदार्थ उत्खनन नियन्त्रण तथा निरुत्साहित गर्ने अभियानअन्तर्गत पश्चिम चितवनमा उत्खनन गर्दै गरेका बेला प्रहरीले आठ वटा ट्याक्टर र तीन वटा जेसिवी नियन्त्रणमा लिएको चितवनका प्रहरी नायब उपरीक्षक दीपक श्रेष्ठले जानकारी दिनुभयो । भरतपुर–१८ को सिद्धी गणेश सामुदायिक वन क्षेत्रअन्तर्गत नारायणी नदी किनारमा गिटी–बालुवा उत्खनन गर्ने क्रममा आइतबार वडा प्रहरी कार्यालय नारायणगढबाट प्रहरी निरीक्षक निरञ्जन भट्टराईको कमाण्डमा खटी गएको प्रहरी टोलीले उक्त स्थानबाट वरपिपल कन्ट्रक्सनको तीन वटा जेसिवी र आठ वटा ट्याक्टर नियन्त्रणमा लिएको हो । यसरी नियन्त्रणमा लिइएकोमा बा २ क ८८६, ना १क २६०१ र नम्बर नखुलेको जेसिवी छ । यस्तै ना ३ त ४२५५, ना ३ त ७३९५, ना ६ त १३२��, ना ५ त ३६४, लु २ त ५७६९, ना ४ त ७४४२, ना ३ त ६५६८, ना १ त ९५��० नम्बरको ट्याक्टर नियन्त्रणमा लिएर कारबाहीका लागि जिल्ला विकास समिति चितवनमा पठाइएको प्रहरीले जनाएको छ ।

[nepal123]

संवेदनशील स्थानबाट ट्याक्टर व्यवसायीले अवैधरुपमा ढुङ्गा निकासी उदयपुर, १० फागुन- त्रियुगा नगरपालिका– २ ढिम्की तटमा रहेको ढिम्की शिवालय मन्दिर आसपासको क्षेत्र र बरुवा वन क्षेत्रको संवेदनशील स्थानबाट ट्याक्टर व्यवसायीले अवैधरुपमा ढुङ्गा निकासी गर्ने गरेका छन् । शिवालय मन्दिर र गाईघाट बजार कटान नियन्त्रण गर्न निर्माण गरिएको तटबन्ध समेत भत्काउँदै उक्त ठाउँमा रातिको समयमा ढुङ्गा निकासी गर्ने गरिएको स्थानीयवासी दुर्गा पराजुलीले जानकारी दिनुभयो । सो संवेदनशील क्षेत्रबाट गिट्टी, बालुवा र ढुङ्गा निकासी गर्न जिल्ला विकास समिति र त्रियुगा नगरपालिकाले प्रतिबन्ध लगाएको छ । सम्बन्धित निकायले अनुगमन र रेखदेख नगर्दा केही स्थानीयवासी ढुङ्गा तस्करसँग मिलेर अवैधरुपमा गिट्टी, बालुवा र ढुङ्गा निकासी गर्दैआएका छन् । तस्करले प्रतिट््याक्टर रु चार हजारदेखि रु चार हजार ५०० का दरले ढुङ्गा गिट्टी बिक्री गर्ने गरेका स्थानीयवासी नरेन्द्र कार्की बताउनुहुन्छ । विसं २०३०, २०३९ र २०४८ मा बरुवा नदी गाईघाट बजारतर्फ प्रवेश गर्दा सयौँं बिगाहा जग्गा बगरमा परिणत भएको थियो भने सयौँं परिवार विस्थापित भएका थिए । त्यसपछिका दिनमा ढिम्क क्षेत्रमा तटबन्ध निर्माण गरिनुका साथै उक्त क्षेत्रबाट ढुङ्गा गिट्टी र बालुवा निकासी गर्न प्रतिबन्ध लगाइएको हो ।

[nepal123]

सडकबाट एक सय मिटर तल खसेर ट्याक्टर दुर्घटना हुँदा एकजनाको मृत्यु रुकुम, २९ माघ- रुकुममा आज बिहान ट्र्याक्टर दुर्घटना हुँदा एक जनाको मृत्यु भएको छ । मृत्यु हुनेमा रा १ त १०८२ नं को ट्र्याक्टरका चालक दाङ धनौली गाविसका ४४ वर्षीय सुकराम चौधरी रहेको प्रहरीेले जनाएको छ । मुसिकोट नगरपालिका–५ सोलवाङबाट सिमेन्ट लिएर राडी बजार जाँदै गरेको ट्र्याक्टर मग्मा–५ बास्तालामा दुर्घटनाग्रस्त भएको प्रहरी निरीक्षक थमनबहादुर रजालीले जानकारी दिनुभयो । ट्र्याक्टर सडकबाट एक सय मिटर तल खसेको र ७० बोरा सिमेन्ट पूर्णरुपमा क्षति भएको उहाँले बताउनुभयो । चौधरीको शव परीक्षणका लागि जिल्ला अस्पताल ल्याइएको छ ।

[nepal123]

ट्याक्टर दुर्घटनामा एकको मृत्यु, तीन घाइते पाँचथर, १४ माघ– पाँचथरको रानीटार– ६ स्थित चियाबारीमा आज बिहान भएको ट््याक्टर दुर्घटनामा परी एक जनाको मृत्यु भएको छ भने अन्य तीनजना गम्भिर घाइते भएका छन् । मृत्यु हुनेमा रानीटार– ६ का ५२ वर्षीय भिमबहादुर गुरुङ रहेका छन् । उपचारका क्रममा उनको फिदिमस्थित पाथिभरा अस्पतालमा मृत्यु भएको जिल्ला प्रहरी कार्यालय पाँचथरका प्रहरी नायब उपरीक्षक नकुल पोख्रेलले जानकारी दिनुभयो । दुर्घटनामा परी घाइते भएकामध्ये रानीटार– ६ का सूर्यमान गुरुङ र फिदिमनगरपालिका– ३ का जयकुमार राईको झापाको विर्तामोडस्थित बिएण्डसी हस्पिटलमा तथा फिदिम नगरपालिका– ३ कामानबहादुर राईको जिल्ला अस्पताल पाँचथरमा उपचार भइरहेको जिल्ला प्रहरी कार्यालय पाँचथरले जनाएको छ । मे १ त ३६९० नं ट््याक्टर गोलिया काठ लिएर फिदिमतिर आउने क्रममा अनियन्त्रित भई सडकबाट पल्टिएको थियो ।

[nepal123]

ट््याक्टर दुर्घटना एकको मृत्यु भोटेओडार (लमजुङ), १२ माघ । लमजुङको भोटेओडारस्थित पैरेमा ट््याक्टर दुर्घटना हुँदा एकजनाको मृत्यु भएको छ । भोटेओडारदेखि सुन्दरबजारतर्फ जाँदै गरेको ग १ त ३०२३ नं को ट््याक्टर दिउँसो २ः४५ बजे दुर्घटनामा भएको हो । दुर्घटनामा परी सहचालक तनहुँको रुपाकोट– २ मानेचौक निवासी २७ वर्षीय पूर्णबहादुर तामाङको घटनास्थलमै मृत्यु भएको प्रहरीले जनाएको छ । ओरालोमा ब्रेक फेल भएका कारण दुर्घटना भएको हुनसक्ने जिल्ला ट्राफिक प्रहरी कार्यालयका प्रमुख कृष्णबहादुर क्षेत्रीले बताउनुभयो । उहाँकाअनुसार दुर्घटनामा परी घाइते भएका चालक वर्ष २७ का सुरज गायकको स्थानीय कर्मदा अस्पतालमा उपचार गरिएको र उनको अवस्था सामान्ये छ । रा

[nepal123]

सहचालकले चलाउन खाजेपछि कालिकोटमा ट्याक्टर दुर्घटना, दुईजनाको मृत्यु कालीकोट, २५ पुस- जिल्लाको भर्ता गाविसमा गएराति ट्र्याक्टर दुर्घटनामा परी दुईजनाको घटनास्थलमा मृत्यु भएको छ । मृत्यु हुनेमा ट्र्याक्टर सहचालक मान्म गाविस–२ निवासी १८ वर्षीया प्रेम नेपाली र मान्म–४ निवासी २१ वर्षीया देवी विक रहेका छन् । लु१त ५७२२ नंको ट्र्याक्टर सडकमा रोकिराखेको अवस्थामा सहचालकले चलाउन खाजेपछि भर्ता गाविसको हुल्म बजारमा दुर्घटना हुँदा दुईको मृत्यु भएको जिल्ला प्रहरी कार्यालय, कालीकोटले जनाएको छ । अनुसन्धानका लागि गाडी साहु देवमणि आचार्यलाई प्रहरीले नियन्त्रणमा लिइएको बताइएको छ ।

[nepal123]

जुम्लामा ट्याक्टर दुर्घटनामा परी एकजनाकाे मृत्यु जुम्ला, ५ पुस- डोल्पाबाट जुम्ला आउँदै गरे���ो भे १ त ६८४२ नंको ट््याक्टर आज बिहान दुर्घटना हुँदा ३३ वर्षीय लङ्कबहादुर रोकायाको घटनास्थलमै मृत्यु भएको छ । दुर्घटना जुम्ला गोठीचौर गाविसस्थित कालो साँघु भन्ने स्थानमा भएको हो । मृतक डोल्पा रिमी गाविस– ५ झ्याकोट गाउँ निवासी रहेको स्थानीय व्यापारी प्रेमबहादुर बोहोराले जानकारी दिनुभयो । बोहोराका अनुसार रोकायाका छवर्षीय छोरा निर्दोष बेपत्ता छन् । रोकाया १४ क्विन्टल जटामसीको ट्र्याक्टरमा बोकेर डोल्पा चाँैरीकोटबाट जुम्लाका लागि बिहानै ३ः०० बजे हिँडेको उनकै मीतभाइ नरबहादुर रोकायाले डोल्पाबाट जानकारी दिनुभयो । जिल्ला प्रहरी कार्यालय जुम्लाले दुर्घटनाग्रस्त ट्र्याक्टर सडकभन्दा एक सय मि तल खस्दा बाबु लङ्कको शव भेटिए पनि छोरा निर्दोष जवा नदीमा बेपत्ता भएको हुन सक्ने अनुमान गरिएको बताएको छ । दुर्घटनामा रिमी– ८ डोल्पाकै १७ वर्षीय मीरा बुढा गम्भीर घाइते भएको र उनलाई उपाचारार्थ कर्णाली स्वास्थ्य विज्ञान प्रतिष्ठान जुम्लामा ल्याइँदै गरेको प्रहरीले जनाएको छ । प्रहरीका अनुसार बेपत्ता बालकको खोजी भइरहेको छ । ट्र्याक्टर चालक फरार रहेकाले घटना कसरी भएको हो भन्न थाहा हुन नसकेको जनाइएको छ । बिदाका सम��मा जडीबुटी लिएर तल झर्न खोजेका रोकाया महादेव निमावि थापागाउँ डोल्पामा निमावि कार्यरत शिक्षक थिए ।

[nepal123]

ट्याक्टर दुर्घटनामा परि मुसिकोटका दिपकको मृत्यु सल्यान, ३ पुस- ट्रयाक्टर दुर्घटना हँुदा यहाँ मुसीकोटका दीपक परियारको मृत्यु भएको छ । राप्ती राजमार्गको दाङ– सल्यान सडक खण्डको धनवाङ १ अरिंगाले फेदीमा भे १ त ५२९२ नंको ट्रयाक्टर दुर्घटना हुँदा मुसीकोट नगरपालिका १, रातामाटा निवासी २० वर्षीय परियारको मृत्यु भएको हो । शनिबार राखित दुर्घटना भए पनि आइतबार बिहान मात्र च्यापिएको अवस्थामा शव निकालिएको जिल्ला प्रहरी कार्यालय सल्यानले जनाएको छ । ट्रयाक्टर दुर्घटनाको कारण खुल्न नसकेको र अनुसन्धान भइरहेको प्रहरीले जनाएको छ । दुर्घटनापछि ट्रयाक्टर चालकलाई ��लाका प्रहरी कार्र्यालय तुल्सीपुरले नियन्त्रणमा लिएको छ ।

[nepal123]

ट्याक्टर दुर्घटनामा चालकको मृत्यु, अर्का एकजना घाईते सल्यान, १ पुस ट्याक्टरको दुर्घटना हुँदा यहाँ एक जनाको मृत्यु भएको छ । मृत्यु हुनेमा सुर्खेत राकम– ७ का ट्याक्टर चालक २३ वर्षिय प्रेम नेपाली रहेका छन् । देवस्थल गाविसबाट बामे जाँदै गरेका भे १ त ५७८३ नं ट्याक्टर बामे – ६ पोखरा नजिकै गएराति दुर्घटना हुँदा उनको मृत्यु भएको इलाका प्रहरी कार्यालय सल्लीबजारले जनाएको छ । ट्याक्टर सडकबाट झन्डै ४० मिटर तल खसेको छ । ट्याक्टर��ा सवार बामे– ९ की ३५ वर्षीया मनकुमारी पुन गम्भीर घाइते भएकी छन् । घाइते पुनको थप उपचारका लागि नेपालगञ्ज पठाइएको प्रहरीले जनाएको छ ।

[nepal123]

ट्याक्टर पल्टिँदा बाटोमा हिँडिरहेका बटुवाको चेपीएर मृत्यु नवलपरासी, २९ मङ्सिर । नवलपरासीमा गएराति भएको सवारी दुर्घटनामा परी एकजनाको मृत्यु भएको छ । दुर्घटनामा परी स्थानीयवासी ६२ वर्षीय लेखबहादुर गाहाको मृत्यु भएको इलाका प्रहरी कार्यालय कावासोतीले जनाएको छ । नवलपरासी देवचुली नपा–१५ सालघारीस्थित भित्री सडकखण्डमा दलदलेबाट सालघारीतर्फ जाँदै गरेको लु ३ त ४७५ नंको ट्याक्टर पल्ँिटदा सडक छेउमा रहेका उनको मृत्यु भएको हो ।

[nepal123]

ट्याक्टर दुर्घटना हुँदा चालकको मृत्यु मोरङ, २३ मङ्सिर- मोरङको विराटनगर–५ स्थित भित्री सडकखण्डमा आज बिहान ट्याक्टर दुर्घटना हुँदा चालकको मृत्यु भएको छ । को१त ६४९२ नम्बरको ट्याक्टर आफैँ अनियन्त्रित भई दुर्घटना हुँदा त्यसका चालक सुनसरी रामगञ्च बेलगछिया–८ बस्ने ३० वर्षीय उमेश उराउको मृत्यु भएको हो । दुर्घटनामा परेर गम्भीर घाइते भएका उराउको कोसी अञ्चल अस्पताल विराटनगरमा उपचारका क्रममा बिहान ८ बजे मृत्यु भएको जिल्ला ट्राफिक प्रहरी कार्यालय मोरङका प्रमुख प्रहरी निरीक्षक धनप्रसाद शिवाकोटीले जानकारी दिनुभयो ।

[nepal123]

ट्याक्टर पल्टिँदा थिचिएर चालकको मृत्यु लहान, १५ मङ्सिर- सिरहाको मिर्चैया नगरपालिका–९ रामपुरमा गएराति ट्र्याक्टरले किच्दा चालककोे मृत्यु भएको छ । खेत जोत्ने क्रममा ज १ त २४०६ नम्बरको ट्याक्टर अचानक पल्टिँदा सोही ट्र्याक्टरले किचेर यसका चालक मिर्चैया नगरपालिका–९ निवासी ३२ वर्षीय सेमा यादवको मृत्यु भएको हो । ट्र्याक्टरले किचेर गम्भीर घाइते भएका चालक यादवलाई उपचारार्थ लैजाँदै गर्दा उहाँको बाटोमै मृत्यु भएको इलाका प्रहरी कार्यालय मिर्चैयाले जनाएको छ । रासस

[nepal123]

दोहोरो कर असुली भैरहेको भन्दै ट्याक्टर व्यवसायी आन्दोलित इटहरी, १२ मङ्सिर- मोरङ जिविसले खोलाजन्यवस्तु उत्खनन तथा निकासीमा दोहोरो मूल्य अभिवृद्धि कर असुल गरिरहेका भन्दै सुनसरी र मोरङका ट्याक्टर व्यवसायी आन्दोलनमा उत्रिएका छन् । जिविसले दुई स्थानमा जाँच चौकी राखेर ट्याक्टर, ट्रकलगायत ठूला सवारीसाधनसँग एउटै वस्तुको मूल्य अभिवृद्धि कर दुईपटक लिएको बिरोधमा ती व्यवसायी आन्दोलित भएका हुन् । उत्खनन गर्दा र निकासी गर्दा पनि दुईपटक मूल्य अभिवृद्धि कर लिएको कोसी ट्याक्टर सङ्घका अध्यक्ष शिवराज दाहालले गुनासो गर्दै ढाट क्षेत्रमा सयौँ ट्याक्टर रोकेर साङ्क्ेतिक आन्दोलन थालिएको बताउनुभयो । मोरङको सुन्दरदुलारी नगरपालिकाको बलियामा ढाँट राखेर खोलाबाट ढुङ्गागिट्टी र बालुवा निकासी तथा उत्खननमा ८४ घनमिटरको हिसावले कर लिनुपर्नेमा ट्याक्टर वा ट्रकको बाहिरी भाग नापेर एक सय पाँच घनमिटरको हिसावले बढी कर लिने गरेको पनि उहाँको आरोप छ । अर्का ट्याक्टर व्यवसायी नवराज पौडेलले जाँच चौकीमा बस्ने कर्मचारीले रु एक सय ७७ कोे रसिद काटेर रु दुई सय असुल गर्ने र रसिद चाहिँ रु एक सय ७७ को मात्र दिने दिएर आफूहरुलाई हैरान पार्ने गरेको छ भन्नुभयो । एउटा ट्याक्टरबाट रु ८४ एक स्थानमा मूल्य अभिवृद्धि कर लिनुपर्नेमा रु एकसय पाँच लिइ अर्को स्थानमा निकासी करमा पनि मूल्य अभिवृद्धि करको नाममा रु एक सय पाँच लिएर रु एक सय २७ बढी कर असुल गरिरहेकोतर्फ सम्बन्धित निकायले ध्यान दिनुपर्ने अध्यक्ष दाहालले जोड दिनुभयो । मोरङ जिविसले खोलाजन्य वस्तु उत्खनन र निकासीको ठेक्का लगाइसकेको तर सुनसरी जिविसले भने ठेक्का नलगाएका कारण नि��्माण कार्यमा प्रतिकूल असर परिरहेको छ भन्दै अर्का व्यवसायी गणेश गौतमले निकासी कर अवैध भएको बताउनुभयो । सुनसरीको बूढी, बगुवा र बाघ, सेउती सर्दू, पटनाली खोला लगायतबाट खोलाजन्य वस्तुको उत्खनन र ओसारपसार हुँदै छ भने मोरङको गछिया, लोहान्द्रा, चिसाङ खोला लगायतत्यसता वस्तु उत्खनन र निकासी हुने हुँदै आएको छ । यी दुवै जिल्लाका खोलामध्ये सुनसरी जिल्लाको खोलाबाट असोजदेखि नै उत्खनन र निकासीको ठेक्का लगाई सक्नुपर्नेमा वन कार्यालय र जिल्ला विकास समितिबीचको रस्साकस्सीका कारण ठेक्का लगाउन ढिलाइ भएको सुनसरी जिविसले जनाएको छ । रासस

[nepal123]

कास्कीको लेखनाथमा ट्याक्टर दुर्घटना, एकजनाको मृत्यु पोखरा, ५ मंसिर- कास्कीको लेखनाथ नगरपालिका वडा नं १६ को लामगादीस्थित ठूलोपाखामा आज दिउँसो भएको ट्याक्टर दुर्घटनामा परि चालक रामनारायण यादवको मृत्यु भएको छ । पुडीबाट गिटी लिएर लामगादीतर्फ जाँदै गरेको ग १ त ३७ ५३ नम्बरको ट्याक्टर ओभरलोडका कारण सडक छेउबाट करिब दुई सय मिटर तल सेती नदिमा खस्दा रौतहट घर भएका चालक रामनारायण यादवको घटनास्थलमै मृत्यु भएको हो । लेखनाथ नगरपालिका वडा नं १ निवासी निर्माण ब्यवसायी कर्णबहादुर सुनारको ट्याक्टर बाटोबाट तल खसि सेती नदिको पानीमा डुबेको छ । मृतक यादवको शव नदि किनारामा रहेको र ट्याक्टरको एक वटा पाँग्रो फुत्किएर बाहिर देखिएको घटनास्थलमा पुगी उद्रकार्यमा संलग्न गगनगौडा अस्थायी ट्राफिक पोष्टका प्रहरी साहायक निरिक्षक रुद्रवहादुर मल्लले जानकारी दिए ।

[nepal123]

होल्याण्ड एग्रिकल्चरको टयाक्टर सोरुम सातदोवाटोमा काठमाडौं । तराइ, पहाड, हिमाल, न्यू–हल्याण्डको कमाल भन्ने नाराका साथ विश्व विजेता न्यू हल्याण्ड एग्रिकल्चरले केस ब्राण्डका विभिन्न मोडलका नयाँ टयाक्टर नेपाली बजारमा भित्र्याएको छ । बुटवललाई आधार क्षेत्र बनाएर ट्रयाक्टरको कारोबार सुरु गरेको भुसाल ग्रुपले बुधबार ललितपुर सातदोवाटोमा भुसाल ट्रयाक्टर सप्लायर्सको सोरुम सहित कर्पोरेट अफिस समेत स्थापना गरेको छ । नयाँ मोडल र नयाँ प्रविधियुक्त ३० देखि ९० हर्स पावरका टयांक्टर ढुवानी र जोत्नका लागि निकै उपयोगी रहेको कम्पनीको दाबी छ । नयाँ प्रविधिको डिजल कम खपत केस ब्राण्डका टयाक्टर नेपाली किसानलाई लक्षित गरी निर्माण गरिएको नेपालस्थित आधिकारिक विक्रेता भूसाल टयाक्टर सप्लायर्सका सञ्चालक बालकृष्ण भुसालले बताए । टर्कीको प्रविधिमा निर्माण गरिएका टयाक्टर नेपाली किसानले मन पराउने पनि उनको भनाइ छ । बुटवलबाट सुरु भएको केस ब्राण्डका विभिन्न मोडलका टयाक्टरको बुकिङ सुरु भइसकेको र देशैभरीबाट माग आइरहेकोले न्यू हल्याण्डको नेपाली बजारलाई ३० प्रतिशत पुरयाउने लक्ष्य प्राप्तिमा कुनै कठिनाइ नहुने पनि उनले बताए । तीन वर्षे वारेन्टी र सातवर्षे निशुल्क सर्भिसिङको व्यवस्थाका कारण पनि यसप्रति उपभोक्ता आकर्षित हुने कम्पनीको विश्वास रहेको छ । पार्टसको विक्री वितरण भने रामकृष्ण ट्रेड सेन्टरमार्फत हुने कम्पनीले जानकारी दिएको छ । भूसाल टयाक्टर सप्लायर्सले २४० जनालाई प्रत्यक्ष रोजगारी दिएको छ । न्यु होल्याण्डले विश्वभरका ५५ वटा देशमा  २६ प्रतिशत बजार हिस्सा ओगटेको भन्दै उनले नेपालमा पनि सबैभन्दा धेरै हिस्सा ओगटेको दाबी गरे । कुल २२ वटा कम्पनीका करिब ५ हजार टयाक्टर खपत हुने गरेको हल्याण्डका मात्रै १ हजार संख्याको हाराहारीमा रहेको उनले बताएका छन् । हाल पूर्व मेचीदेखि पश्चिम महकालीसम्म २२ सवडिलर र ३ स्थानमा आफ्नै आउटलेटहरु खोलेर बिक्री गर्दै आएको कम्पनीले केही महिनाभित्र��मा बीरगंज, नारायणगढ, गुल्मी, पाल्पा, डडेलधुरा र सुकेबजारलगायतका क्षेत्रमा थप डिलर विस्तार गर्ने भएको छ पाल्पा, डडेलधुरा र सुकेबजारलगायतका क्षेत्रमा थप डिलर विस्तार गर्ने भएको छ ।

[nepal123]

नवलपरासीमा ट्याक्टर दुर्घटना, एकको मृत्यु  

५ पुस, नवलपरासी । नवलपरासीमा भएको ट्याक्टर दुर्घटनामा परी एक किशोरीको मृत्यु भएको छ । दाउन्नेदेवि गाविस वडा नम्बर ७ को भित्री सडकखण्डमा शनिबार राति ट्याक्टर दुर्घटना हुँदा बर्दघाट पाँच निवासी १६ वर्षकी अञ्जु चौधरीको मृत्यु भएको हो । अन्य चार जना घाइते छन् । (more…)