#जेतेपद | Explore Tumblr posts and blogs

airnews-arngbad · 1 month ago

Text

Regional Marathi Text Bulletin, Chhatrapati Sambhajinagar Date – 02 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक ०२ डिसेंबर २०२४ सकाळी ७.१० मि.

• भुवनेश्वर इथं पोलीस महासंचालक आणि पोलीस महानिरीक्षक परिषदेचा पंतप्रधानांच्या उपस्थितीत काल समारोप. • महायुती सरकारमध्ये खातेवाटपाची चर्चा लवकरच पूर्ण होईल, मुख्यमंत्री एकनाथ शिंदे यांची माहिती. • विधानसभा निवडणुकांमध्ये ईव्हीएममध्ये फेरफार झाल्याचा दावा करणाऱ्या बनावट चित्रफितप्रकरणी एकावर गुन्हा दाखल. • फेंगल चक्रीवादळामुळं राज्यात मराठवाड्यासह बहुतांश ठिकाणी किमान तापमानात घट. आणि • सय्यद मोदी बॅडमिंटन स्पर्धेत पी व्ही सिंधु आणि लक्ष्य सेननं पटकावलं विजेतेपद, महिला दुहेरीतही भारतीय खेळाडूंना जेतेपद.

पंतप्रधान नरेंद्र मोदी यांच्या उपस्थितीत काल भुवनेश्वर इथं पोलिस महासंचालक आणि पोलीस महानिरीक्षकांच्या ५९ व्या अखिल भारतीय परिषदेची सांगता झाली. सामाजिक आणि कौटुंबिक संबंधांमध्ये व्यत्यय आणणाऱ्या डिपफेकच्या संभाव्य गुन्ह्यांबद्दल तसंच डिजिटल फसवणूक, सायबर-गुन्हे आणि एआय तंत्रज्ञानामुळं निर्माण होणाऱ्या संभाव्य धोक्यांवर पंतप्रधानांनी चिंता व्यक्त केली. याचा सामना करण्यासाठी पंतप्रधानांनी पोलीस नेतृत्वाला कृत्रिम बुद्धिमत्ता आणि आकांक्षी भारत या भारताच्या दुहेरी एआय शक्तीचा उपयोग करून आव्हानाचं संधीत रूपांतरित करण्याचं आवाहन केलं. तसंच स्मार्ट पोलिसिंगचा मंत्र विस्तारून पोलिसांना व्यूहात्मक, सावध, अनुकूलक्षम, विश्वासार्ह आणि पारदर्शक बनण्याचं आवाहन केलं. शहरी पोलिसिंगमध्ये घेतलेल्या पुढाकारांचे कौतुक करून, प्रत्येक उपक्रम एकत्रित करून देशातील १०० शहरांमध्ये संपूर्णपणे लागू करावा असं त्यांनी सुचवलं. समारोप सत्रात पंतप्रधानांनी गुप्तचर विभागाच्या अधिकाऱ्यांना विशिष्ट सेवेसाठी राष्ट्रपती पोलीस पदकांनी सन्मानित केले.

महायुतीमध्ये स��कार स्थापन करण्याविषयी चर्चा सुरु आहे. लवकरच सर्व चर्चा मार्गी लागून जनतेसाठी काम करणारं सरकार स्थापन होईल, असं काळजीवाहू मुख्यमंत्री एकनाथ शिंदे यांनी म्हटलं आहे. शिंदे यांनी काल सातारा जिल्ह्यात दरे या आपल्या मूळ गावी माध्यमांशी संवाद साधला. सरकारमध्ये खातेवाटपावरून मतभेद नाहीत. तसंच मुख्यमंत्रीपदाविषयी आपली भूमिका यापूर्वीच स्पष्ट केल्याचं शिंदे म्हणाले. एक बैठक आमची अमितभाईंच्या बरोबर झालेली आहे. दुसरी एक बैठक आमची होईल तिघांची. आणि त्या बैठकीमध्ये खूप साधक-बाधक चर्चा होईल आणि त्यामधून योग्य तो निर्णय या महाराष्ट्राच्या हिताचा. या जनतेने आम्हाला भरभरून दिलेलं आहे. जनतेला असं वाटता कामा नये की आम्ही सत्ता दिली, एवढी मेजॉरिटी दिली. आता चांगलं सरकार स्थापन व्हावं ही जी अपेक्षा जनतेची आहे, ती आम्ही पूर्ण करणार. आणि जनतेबरोबर आम्ही उत्तरदायीत्व आहोत. त्यामुळे आता विरोधकांना काही काम राहिलं का?

ईव्हीएमच्या मुद्यावर विरोधी पक्षांनी केलेल्या आरोपांवरही एकनाथ शिंदे यांनी आपली भूमिका मांडली. अपयश आल्यानंतर विरोधकांनी आता ईव्हीएमचा मुद्दा पुढं केला असल्याचं शिंदे म्हणाले. ई व्ही एम ची चर्चा चालू आहे. झारखंड मध्ये ते जिंकले आणि त्याच बरोबर लोकसभेमध्ये ते जिंकले, तेव्हा काही ई व्ही एम चांगलं होतं? आत्ता पण लोकसभेत त्यांचा एक माणूस जिंकलाय पोटनिवडणुकीमध्ये. त्यामुळे कर्नाटकमध्ये, तेलंगणामध्ये असेल, झारखंड मध्ये असेल, यामध्ये विरोधी पक्षाला देखील यश मिळालंय. त्यामुळे लाडक्या बहिणींचा मोठा सहभाग या विजयामध्ये आहे. आणि लाडक्‍या भावांना त्यांनी भरभरून प्रेम दिलंय. लाडक्या भावांनी आम्हाला प्रेम दिलंय. लाडक्या शेतकऱ्यांनी दिलंय. या सर्वांच्या एकजुटीच्या प्रेमामुळे, आशीर्वादामुळे हे सरकार एवढ्या मोठ्या प्रमाणावर मेजॉरिटीनं आलंय.

राज्यात नुकत्याच पार पडलेल्या विधानसभा निवडणुकांमध्ये इलेक्ट्रॉनिक मतदान यंत्रांमध्ये फेरफार झाल्याचा दावा करणारी एक ध्वनीचित्रफित समाजमाध्यमांवर फिरत आहे. या ध्वनिचित्रफितीमधल्या व्यक्तीविरोधात मुंबई पोलीसांच्या सायबर विभागानं गुन्हा दाखल केला आहे. याबाबत राज्याच्या मुख्य निवडणूक अधिकारी कार्यालयानं तक्रार दाखल केली होती. या तक्रारीच्या आधारे या व्यक्तिविरोधात गुन्हा दाखल केल्याची माहिती, मुख्य निवडणूक अधिकारी कार्यालयानं समाजमाध्यमावरच्या निवेदनातून दिली. गुन्हा दाखल झालेल्या व्यक्तीने आपल्या ध्वनीचित्रफितीत इलेक्ट्रॉनिक मतदार यंत्रामध्ये फेरफार करून ते हॅक केल्याचा दावा खोटा आणि तथ्यहीन असल्याचंही राज्याच्या मुख्य निवडणूक अधिकारी कार्यालयानं म्हटलं आहे. इलेक्ट्रॉनिक मतदार यंत्र हे स्वतंत्र यंत्र असून, त्याला कोणत्याही नेटवर्क, वाय - फाय किंवा ब्लूटूथला जोडता येत नाही, त्यामुळं या यंत्रासोबत छेडछाडीच�� कोणतीच शक्यता नाही. सर्वोच्च न्यायालयानंही अनेक वेळा या यंत्रांवर विश्वास व्यक्त केला असल्याचं निवडणूक कार्यालयानं म्हटलं आहे. दरम्यान, प्रत्येक मतदान केंद्रावर मतदारांची संख्या बाराशे वरुन जास्तीत जास्त १५०० पर्यंत वाढवण्याच्या निवडणूक आयोगाच्या निर्णयाला आव्हान देणाऱ्या जनहित याचिकेवर आज सर्वोच्च न्यायालयात सुनावणी होणार आहे.

राष्ट्रवादी कॉंग्रेस शरदचंद्र पवार पक्षाच्या नवनिर्वाचित आमदारांची बैठक काल मुंबईत पार पडली. या बैठकीत पक्षाच्या गटनेतेपदी आमदार जितेंद्र आव्हाड यांची, मुख्य प्रतोदपदी आमदार रोहित पाटील यांची, तर प्रतोदपदी उत्तम जानकर यांची निवड करण्यात आली. प्रदेशाध्यक्ष जयंत पाटील यांनी ही माहिती दिली. विधीमंडळ पक्षाचा नेता या बैठकीत ठरवण्यात आलेला नाही. अधिवेशन काळात विधीमंडळ पक्ष नेत्याची निवड करण्यात येईल, असं जयंत पाटील यांनी सांगितलं.

निवृत्तीवेतन आणि निवृत्तिवेतनधारक कल्याण विभागानं डिजिटल जीवन प्रमाणपत्र मोहीमेचा तिसरा टप्पा पूर्ण केला. या मोहिमेच्या अंमलबजावणीत महाराष्ट्रानं चांगली कामगिरी करत २० लाख डिजीटल जीवन प्रमाणपत्राचं उद्दिष्ट साध्य केल्याचं कार्मिक, सार्वजनिक तक्रार आणि निवृत्ती वेतन मंत्रालयानं प्रसिद्ध केलेल्या निवेदनात म्हटलं आहे.

दूध उत्पादकांना अनुदान देण्यासाठी राज्यसरकारकडून २६७ कोटी रुपयांचा निधी मिळाला आहे; त्यानंतर आता ऑक्टोबर अखेरपर्यंतचं अनुदान वितरित केलं जाणार असल्याची माहिती पुणे दुग्ध व्यवसाय विकास विभागाचे आयुक्त प्रशांत मोहोड यांनी दिली. यासाठी संबंधित संस्थांनी तातडीनं प्रस्ताव सादर करावेत असं ते म्हणाले.

देशात एड्सनं होणाऱ्या मृत्यूची संख्या ७९ टक्क्यांनी कमी झाली आहे, तर एचआयव्ही संसर्गात २०१० च्या तुलनेत २०२३ मध्ये ४४ टक्क्यांनी घट झाल्याचं केंद्रीय आरोग्यमंत्री जे पी नड्डा यांनी म्हटलं आहे. नड्डा यांच्या उपस्थितीत इंदोर इथं जागतिक एड्स दिनानिमित्त काल मुख्य कार्यक्रमाचं आयोजन क��ण्यात आलं होतं, त्याप्रसंगी ते बोलत होते.

फेंगल चक्रीवादळाच्या प्रभावामुळं मध्य महाराष्ट्र आणि मराठवाड्यात किमान तापमानात ३ ते ५ अंश सेल्सिअसनी घट होणार असल्याची माहिती हवामान विभागानं दिली आहे. चक्रीवादळाच्या प्रभावामुळे पाच डिसेंबरपर्यंत राज्याच्या बहुतेक भागात हलका ते मध्यम स्वरुपाचा पाऊस पडण्याची शक्यता हवामान विभागानं व्यक्त केली आहे.

सय्यद मोदी आंतरराष्ट्रीय बॅडमिंटन स्पर्धेत भारतीय खेळाडूंनी काल पुरुष एकेरी, महिला एकेरी आणि महिला दुहेरी प्रकाराचं विजेतेपद पटकावलं. पुरुष एकेरीत लक्ष्य सेननं सिंगापूरच्या खेळाडूवर २१-६, २१-७ असा विज�� मिळवला. तर, दोन वेळची ऑलिम्पिक पदक विजेती बॅडमिंटनपटू पी व्ही सिंधूनं महिला एकेरीचं विजेतेपद पटकावलं. अंतिम सामन्यात सिंधुनं चीनच्या वू ल्यु यू हिचा २१-१४, २१-१६ असा पराभव केला. भारताच्या त्रिशा जॉली आणि गायत्री गोपीचंद जोडीनं महिला दुहेरीचं विजेतेपद पटकावलं. पुरुष दुहेरी आणि मिश्र दुहेरीत मात्र भारतीय जोडगोळीला दुसऱ्या क्रमांकावर समाधान मानावं लागलं.

दक्षिण आफ्रिकेतील डर्बनमध्ये ११ व्या कॉमन वेल्थ कराटे स्पर्धेत सोलापूरच्या कुमारी आर्या साईनाथ यादव हिनं रौप्य पदक पटकावलं. ३९ देशांचा समावेश असलेल्या स्पर्धेत आर्यानं ५३ किलो वजनीगटात रौप्य पदक पटकावलं. उपमुख्यमंत्री देवेंद्र फडणवीस यांनी आर्याचं अभिनंदन केलं आहे.

छत्रपती संभाजीनगर इथल्या डॉक्टर बाबासाहेब आंबेडकर मराठवाडा विद्यापीठाच्या केंद्रीय युवा महोत्सवा अंतर्गत सांस्कृतिक स्पर्धा घेण्यात येणार आहेत. २५ ते २८ डिसेंबर दरम्यान विद्यापीठ परिसरात या स्पर्धा घेण्यात येणार आहेत. सहा रंगमंचावरून एकूण ३६ कलाप्रकारांचं सादरीकरण या स्पर्धेत होणार आहे. स्पर्धेत सहभागी होण्यासाठी स्पर्धकांनी नियमांचं काटेकोर पालन करण्याचं आवाहन विद्यार्थी विकास मंडळ संचालक डॉ. कैलास अंभुरे यांनी केलं आहे.

छत्रपती संभाजीनगर इथल्या कांचन वाडी परिसरातील महाराष्ट्र राष्ट्रीय विधी विद्यापीठात काल विधी पदवीधर आणि पदव्युत्तर अभ्यासक्रमातील विद्यार्थ्यांना प्रवेश घेण्याकरता कॉमन लॉ ऍडमिशन टेस्ट -२०२५ घेण्यात आली. राष्ट्रीय पातळीवर घेतली जाणारी ही परिक्षा काल पार पडली. ४५० विद्यार्थ्यांनी पदवी अभ्यासक्रमासाठी तर १२१ विद्यार्थ्यांनी पदव्युत्तर अभ्यासक्रमासाठी परीक्षा दिली.

छत्रपती संभाजीनगर इथल्या डॉक्टर बाबासाहेब आंबेडकर मराठवाडा विद्यापीठाचे माजी कुलगुरू प्राचार्य शिवराज नाकाडे यांचं काल लातूर इथं निधन झालं. ते ९१ वर्षाचे होते. १९९४ ते १९९९ या काळात ते विद्यापीठात कुलगुरू म्हणून कार्यरत होते. त्यांच्या पार्थिव देहावर काल लातूर जिल्ह्यातील गंगापूर इथं अंत्यसंस्कार करण्यात आले.

छत्रपती संभाजीनगर शहरानजीकच्या सातारा परिसरातील खंडोबा अर्थात मार्तंड भैरव यात्रेला आजपासून प्रारंभ होत आहे. ८०० वर्षा पेक्षा अधिक काळाची या यात्रेची परंपरा असून या यात्रेत राज्यभरातून लोखा भक्त प्रतिवर्षी सहभागी होतात. येत्या सात ते नऊ डिसेंबर दरम्यान दर्शनाला होणारी गर्दी लक्षात घेऊन मंदिर देवस्थानांकडून चोख व्यवस्था करण्यात आली असल्याची माहिती देवस्थानचे सचिव साहेबराव पळसकर यांनी दिली आहे.

0 notes

6nikhilum6 · 3 months ago

Text

Pune : दुर्गा स्पोर्ट्स अकादमीने पटकावले पीडीएफए थर्ड डिव्हिजनचे जेतेपद

Pune : दुर्गा स्पोर्ट्स अकादमीने पटकावले पीडीएफए थर्ड डिव्हिजनचे जेतेपद – MPC…

0 notes

sattakaran · 1 year ago

Text

आम्ही Hardik ला कॅप्टन करतोय! MIनं रोहित शर्माला सांगितलं; अशी होती हिटमॅनची रिऍक्शन

0 notes

punerichalval · 1 year ago

Text

Cr वर्ल्ड कपमध्ये हार्दिक पांड्या, अक्षर पटेल यांना मिळणार संधी?; पाचव्या स्थानासाठी चाचपणी

वर्ल्ड कपमध्ये हार्दिक पांड्या, अक्षर पटेल यांना मिळणार संधी......

आयसीसी स्पर्धेत भारतीय संघाची कामगिरी गेल्या दहा वर्षात हवी तशी झालेली नाही. दहा वर्षात एकही जेतेपद आपल्या झोळीत टाकता आले नाही. त्यामुळे कागदावर भारतीय संघ कितीही मोठा दिसत असला तरी प्रत्यक्षात जेतेपदाच्या लढाईत एकदमच मागे राहिल्याचे दिसत आहे. त्यामुळे गेल्या दहा वर्षांचा दुष्काळ संपवण्याचे मोठे आव्हान आता रोहित सेनेवर असणार आहे. पण आव्हान पेलण्यासाठी संघाची बांधणी करणे एकदमच कठीण होऊन बसले…

View On WordPress

0 notes

bharatlivenewsmedia · 2 years ago

Text

ऋतुराज गायकवाडच्या शतकानंतरही महाराष्ट्राचा पराभव, सौराष्ट्रला विजय हझारे ट्रॉफीचे जेतेपद

ऋतुराज गायकवाडच्या शतकानंतरही महाराष्ट्राचा पराभव, सौराष्ट्रला विजय हझारे ट्रॉफीचे जेतेपद Ruturaj Gaikwad : ऋतुराज गायकवाडने धडाकेबाज फटकेबाजी करत शतक झळकावले. महाराष्ट्राने त्याच्या शतकाच्या जोरावर विजय हझारे ट्रॉफीच्या अंतिम फेरीत २४८ धावांचा डोंगरही रचला. पण ऋतुराच्या शतकानंतरही महाराष्ट्राला यावेळी पराभवाचा सामना करावा लागला. कारण सौराष्ट्र्च्या संघाने यावेळी दमदार फलंदाजी करत महाराष्ट्राचे…

View On WordPress

#ऋतुराज #क्रीडा #क्रीडा बातम्या #खेळ बातम्या #खेळ समाचार #गायकवाडच्या #जेतेपद #ट्रॉफीचे #पराभव #भारत लाईव्ह न्यूज मीडिया #मराठी खेळ बातमी #महाराष्ट्राचा #विजय #विश्व #शतकानंतरही #सौराष्ट्रला #स्पोर्ट्स बातम्या #हझारे

0 notes

marathinewslive · 4 years ago

Text

माजी हॉकी संघाचा कर्णधार अजित पालला 1975 विश्वचषक जिंकण्याचा सुवर्ण क्षण आठवला

सरकार पेट्रोल आणि डिझेलसाठी किती पैसे देत आहे? संसदेत सत्य सांगावे लागले बाटला हाऊस एन्काऊंटर: दिल्लीच्या साकेत कोर्टाचा निकाल, फाशी देण्यापूर्वी 11 लाखांचा दंड अरीझ खानला आम्ही जास्त आवाज काढत नाही, आतमध्ये व्यस्त आहोत, यूपीतील सर्व जागा एकट्याने लढतील – मायावती फ्रान्स आणि इस्राईल ही भारताची प्र��णघातक शस्त्रे बनली! रशिया आणि अमेरिकेतू�� खरेदी कमी केली लखनौमध्ये सीएम योगी आणि अखिलेश यांची…

View On WordPress

#1975 वर्ल्ड कप हॉकीचे जेतेपद #कॅप्टन अजित पाल #क्रिकेट हिंदी बातम्या #हॉकी इंडिया

0 notes

nandedlive · 2 years ago

Text

सिंधूने जेतेपदासह रचला इतिहास ; चीनवर दणदणीत विजय

मुंबई : भारताची अव्वल बॅडमिंटन खेळाडू पी. व्ही. सिंधूने सिंगापूर खुल्या बॅडमिंटन स्पर्धेचे जेतेपद पटकावत इतिहास रचला आहे. या स्पर्धेचे जेतेपद पटकावणारी सिंधू ही एकमेव भारतीय खेळाडू ठरली आहे. या स्पर्धेच्या अंतिम फेरीत सिंधूने चीनच्या वँग झी ही हिचा तीन गेम्समध्ये २१-९, ११-२१, २१-१५ असा पराभव केला. सिंधू आणि वँग यांच्यातील हा सामना चांगलाच रंगला. या सामन्यात सिंधूने झोकात सुरुवात केली होती. पहिल्या गेममध्ये सिंधूने एका पाठोपाठ एक गुण पटकावले आणि वँगला निष्प्रभ करून सोडले होते. कारण सिंधूच्या फटक्यांचे कोणतेच उत्तर यावेळी वँगकडे नसल्याचे पाहायला मिळत होते. त्यामुळे सिंधूने हा पहिला गेम २१-९ असा सहजपणे जिंकला. त्यानंतर सिंधू हा सामना सहजपणे जिंकेल, असे वाटत होते. कारण पहिल्या गेममध्ये तिने दमदार खेळ केला होता. पण चीनच्या वँगने हार मानली नाही. दुस-या गेममध्ये तिने जोरदार पुनरागमन करत सिंधूला कडवी झुंज देण्याचा प्रयत्न केला. सिंधूने यावेळी थोडाफार प्रतिकार करण्याचा प्रयत्न केला खरा, पण तिला यावेळी जास्त गुण पटकावता आले नाहीत. त्यामुळे दुस-या गेममध्ये वँगने २१-११ विजय साकारला. वँगच्या या विजयामुळे हा सामना १-१ असा बरोबरीत आला होता. त्यामुळे आता तिसरा गेम कोण जिंकणार, याकडे सर्वांचे लक्ष लागले होते. तिसरा गेम हा दोन्ही खेळाडूंसाठी निर्णायक ठरणार होता. कारण जो तिसरा गेम जिंकेल त्याला सामन्यासह जेतेपद पटकावता येणार होते. त्यामुळे तिस-या गेममध्ये दोन्ही खेळाडूंनी दमदार खेळ केला. तिस-या गेममध्ये सिंधूने सर्वस्व पणाला लावल्याचे पाहायला मिळाले. कारण हे जेतेपद जिंकण्याचे स्वप्न तिच्या देहबोलीत दिसत होते. सिंधूने यावेळी जोरदार फटके मारले आणि चीनच्या वँगला पुन्हा एकदा निष्प्रभ केले. तिस-या गेममध्ये सिंधूने २१-१५ अशी बाजी मारली आणि हा गेम जिंकत जेतेपद आपल्या नावावर केले. आतापर्यंत एकाही भारतीय खेळाडूला या स्पर्धेचे जेतेपद पटकावता आले नव्हते. Read the full article

0 notes

aimsstudycenter · 2 years ago

Text

#Wimbledon2022 #Wimbledon #WimbledonFinal #wimbledon22 #currentaffairs #gk #current affairs #gkquiz #generalknowledge #marathi #test

0 notes

darshaknews · 3 years ago

Text

सर्वाधिक ग्रँडस्लॅम जिंकण्यासाठी फेडरर, नदाल आणि जोकोविच यांच्यातील शर्यत वर्षानुवर्षे कशी चालली?

सर्वाधिक ग्रँडस्लॅम जिंकण्याची शर्यत: अमेरिकन टेनिसपटू पीट सॅम्प्रासने 2002 मध्ये 14 वे ग्रँड स्लॅम जेतेपद पटकावले तेव्हा त्याच्या विक्रमाच्या जवळपास कोणीही नव्हते. येत्या दोन दशकांत एक नव्हे तर तीन खेळाडू हा विक्रम मोडतील, असे क्वचितच कोणी वाटले असेल. प्रथम रॉजर फेडररने त्याचा विक्रम मोडला, नंतर नदाल आला आणि शेवटच्या सामन्यात जोकोविचने पीट सॅम्प्रासलाही मागे टाकले. गेल्या दोन दशकांत टेनिस जगतात…

View On WordPress

#ग्रँड स्लॅम विजेतेपदांच्या शर्यतीची टाइमलाइन #नोव्हाक जोकोविच ग्रँड स्लॅम टाइमलाइन #नोव्हाक जोकोविचची ग्रँड स्लॅम विजेतेपदांची टाइमलाइन #फेडरर जोकोविच आणि नदाल यांच्यात ग्रँड स्लॅम स्पर्धा #फेडरर नदाल आणि जोकोविचची शर्यत #राफेल नदाल सर्वाधिक ग्रँडस्लॅम विजेते टाइमलाइन #राफेल नदालचा २२ ग्रँडस्लॅमपर्यंतचा प्रवास #राफेल नदालचा २२ ग्रॅन स्लॅमपर्यंतचा प्रवास #राफेल नदालच्या ग्रँड स्लॅम विजेतेपदांची टाइमलाइन #रॉजर फेडरर ग्रँड स्लॅम टाइमलाइन #रॉजर फेडररच्या ग्रँड स्लॅम विजेतेपदांची टाइमलाइन

0 notes

loksutra · 3 years ago

Text

IPL: गेल्या 7 वर्षात 3 संघांनी विजेतेपद पटकावले, त्यांना IPL 2022 मध्ये विजयाची आस होती; टिळक वर्मानेही मोडला इशान किशनचा विक्रम - आयपीएल: गेल्या ७ वर्षांत जेतेपद पटकावणारे ३ संघ, आयपीएल २०२२ मध्ये विजयासाठी आसुसलेले; टिळक वर्माने इशान किशनचा विक्रमही मोडला

IPL: गेल्या 7 वर्षात 3 संघांनी विजेतेपद पटकावले, त्यांना IPL 2022 मध्ये विजयाची आस होती; टिळक वर्मानेही मोडला इशान किशनचा विक्रम – आयपीएल: गेल्या ७ वर्षांत जेतेपद पटकावणारे ३ संघ, आयपीएल २०२२ मध्ये विजयासाठी आसुसलेले; टिळक वर्माने इशान किशनचा विक्रमही मोडला

इंडियन प्रीमियर लीग (IPL) 2022 मध्ये 10 सामने झाले आहेत. प्रत्येक संघाने सनरायझर्स हैदराबादसाठी २-२ सामने खेळले आहेत. दहा सामन्यांनंतर पहिल्या सत्रातील चॅम्पियन राजस्थान रॉयल्स अव्वल स्थानावर आहे. राजस्थान रॉयल्स, कोलकाता नाईट रायडर्स आणि गुजरात टायटन्स यांचे 2-2 सामन्यात 4-4 गुण आहेत. चेन्नई सुपर किंग्ज, मुंबई इंडियन्स आणि सनरायझर्स हैदराबादचे खाते अद्याप उघडलेले नाही. विशेष म्हणजे हे तेच संघ…

View On WordPress

0 notes

kokannow · 3 years ago

Text

बीबीएस प्रीमिअर लीगमध्ये भगवती बाव अजिंक्य

सचिन स्पोर्ट्स उपविजेता कुडाळ : बाव येथे संपन्न झालेल्या बीबीएस प्रीमिअर लीगमध्ये ‘भगवती बाव संघ’ विजयी ठरला. ही स्पर्धा १ एप्रिल ते ३ एप्रिल या कालावधीत खेळविण्यात आली. भगवती बाव संघाने ‘सचिन स्पोर्ट्स’ गाळववाडी-बावचा दणदणीत पराभव करून या ��्पर्धेचे जेतेपद पटकाविले. या स्पर्धेच्या अंतिम सामन्यात प्रथम फलंदाजी करताना सचिन स्पोर्ट्सने ७७ धावा केल्या. याला प्रत्युत्तर म्हणून भगवती बाव संघाने…

View On WordPress

#कुडाळ.#कोकण नाऊ #रोहन नाईक

0 notes

airnews-arngbad · 1 month ago

Text

Regional Marathi Text Bulletin, Chhatrapati Sambhajinagar

Date – 01 December 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०१ डिसेंबर २०२४ सायंकाळी ६.१०

****

भुवनेश्वर इथं सुरू असलेल्या पोलीस महासंचालक आणि पोलीस महानिरीक्षक परिषदेचा पंतप्रधानांच्या उपस्थितीत समारोप

महायुती सरकारमध्ये खातेवाटपाची चर्चा लवकरच पूर्ण होईल, मुख्यमंत्री एकनाथ शिंदे यांची माहिती

विधानसभा निवडणुकांमध्ये ईव्हीएममध्ये फेरफार झाल्याचा दावा करणाऱ्या बनावट चित्रफितप्रकरणी एकावर गुन्हा दाखल

फेंगल चक्रीवादळामुळं राज्यात मराठवाड्यासह बहुतांश ठिकाणी किमान तापमानात घट

आणि

सय्यद मोदी बॅडमिंटन स्पर्धेत पी व्ही सिंधुने पटकावलं महिला एकेरीचं विजेतेपद, महिला दुहेरीतही भारतीय खेळाडूंना जेतेपद

****

पंतप्रधान नरेंद्र मोदी यांनी भुवनेश्वर इथं आयोजित पोलीस आणि गुप्तवार्ता संघटनांच्या वरिष्ठ अधिकाऱ्यांसमवेत पोलिसदल आणि सुरक्षेसंबंधीच्या विविध बाबींवर विचार मांडले तसंच काही सूचना केल्या. पंतप्रधान मोदी तीन दिवसीय अखिल भारतीय महासंचालक आणि पोलीस महानिरीक्षकांच्या परिषदेत आज सलग दुसऱ्या दिवशीही सहभागी झाले होते. या परिषदेत राष्ट्रीय सुरक्षेसंबंधी आव्हानांवर उहापोह करण्यात आला. भारताच्या विकासात अडथळा आणणाऱ्या बाबी, सीमेपलीकडून होणारा दहशतवाद आणि तस्करी, देशांतर्गत नक्षलवादाचे आव्हान या विषयांवर या परिषदेत चर्चा करण्यात आली. देशभरातील २०० पेक्षा अधिक अधिकाऱ्यांची या परिषदेला उपस्थिती होती.

****

महायुतीमध्ये सरकार स्थापन करण्याविषयी चर्चा सुरु आहे. लवकरच सर्व चर्चा मार्गी लागून जनतेसाठी काम करणारं सरकार स्थापन होईल, असं काळजीवाहू मुख्यमंत्री एकनाथ शिंदे यांनी म्हटलं आहे. शिंदे यांनी आज सातारा जिल्ह्यात दरे या आपल्या मूळ गावी माध्यमांशी संवाद साधला. सरकारमध्ये खातेवाटपावरून मतभेद नाहीत. तसंच मुख्यमंत्रीपदाविषयी आपली भूमिका गेल्या आठवड्यातच स्पष्ट केल्याचं शिंदे म्हणाले.

एक बैठक आमची अमितभाईंच्या बरोबर झालेली आहे. दुसरी एक बैठक आमची होईल तिघांची. आणि त्या बैठकीमध्ये खूप साधक-बाधक चर्चा होईल आणि त्यामधून योग्य तो निर्णय या महाराष्ट्राच्या हिताचा. या जनतेने आम्हाला भरभरून दिलेलं आहे. जनतेला असं वाटता कामा नये की आम्ही सत्ता दिली, एवढी मेजॉरिटी दिली. आता चांगलं सरकार स्थापन व्हावं ही जी अपेक्षा जनतेची आहे, ती आम्ही पूर्ण करणार. आणि जनतेबरोबर आम्ही उत्तरदायीत्व आहोत. त्यामुळे आता विरोधकांना काही काम राहिलं का?

****

ईव्हीएमच्या मुद्यावर विरोधी पक्षांनी केलेल्या आरोपांवरही एकनाथ शिंदे यांनी आपली भूमिका मांडली. अपयश आल्यानंतर आता ईव्हीएमचा मुद्दा पुढे केल्याचं शिंदे म्हणाले.

ई व्ही एम ची चर्चा चालू आहे. झारखंड मध्ये ते जिंकले आणि त्याच बरोबर लोकसभेमध्ये ते जिंकले, तेव्हा काही ई व्ही एम चांगलं होतं? आत्ता पण लोकसभेत त्यांचा एक माणूस जिंकलाय पोटनिवडणुकीमध्ये. त्यामुळे कर्नाटकमध्ये, तेलंगणामध्ये असेल, झारखंड मध्ये असेल, यामध्ये विरोधी पक्षाला देखील यश मिळालंय. त्यामुळे लाडक्या बहिणींचा मोठा सहभाग या विजयामध्ये आहे. आणि लाडक्‍या भावांना त्यांनी भरभरून प्रेम दिलंय. लाडक्या भावांनी आम्हाला प्रेम दिलंय. लाडक्या शेतकऱ्यांनी दिलंय. या सर्वांच्या एकजुटीच्या प्रेमामुळे, आशीर्वादामुळे हे सरकार एवढ्या मोठ्या प्रमाणावर मेजॉरिटीनं आलंय.

****

गुन्हा दाखल झालेल्या व्यक्तीने आपल्या ध्वनीचित्रफितीत इलेक्ट्रॉनिक मतदार यंत्रामध्ये फेरफार करून ते हॅक केल्याचा केलेला दावा खोटा आणि तथ्यहीन असल्याचंही राज्याच्या मुख्य निवडणूक अधिकारी कार्यालयानं म्हटलं आहे. इलेक्ट्रॉनिक मतदार यंत्र हे स्वतंत्र यंत्र असून, त्याला कोणत्याही नेटवर्क, वाय-फाय किंवा ब्लूटूथला जोडता येत नाही, त्यामुळं या यंत्रासोबत छेडछाडीची कोणतीच शक्यता नाही. सर्वोच्च न्यायालयानंही अनेक वेळा या यंत्रांवर विश्वास व्यक्त केला असल्याचं निवडणूक कार्यालयानं म्हटलं आहे.

****

सोलापूर जिल्ह्यात माळशिरसमधल्या मारकडवाडी गावानं केलेली फेरमतदानाची मागणी निवडणूक आयोगानं फेटाळली आहे. मतदान यंत्र आणि व्हीव्हीपॅटवर होणारं मतदान योग्य आहे की नाही, याची मॉकपोलव्दारे चाचणी देान्ही बाजूच्या उमेवारांच्या उपस्थितीत झाली. त्यावरचे आक्षेप त्याचवेळी नोंदवायचे होते, असं आयोगानं म्हटलं आहे. निकाल लागून दोन आठवडे झाल्यामुळे फेरमतदानही घेता येणार नाही, असा खुलासाही त्यांनी केला आहे.

****

तेलंगणात, मुलुगु जिल्ह्यात आज सकाळी पोलिसांसोबत झालेल्या चकमकीत किमान सात नक्षलवादी ठार झाले. या नक्षल्यांमध्ये राज्य समितीचा सचिव आणि इतर दोन राज्य समिती सदस्यांचा समावेश आहे. पोलिसांचे खबरे असल्याचं सांगून त्यांनी दोन आदिवासींना ठार मारल्यानंतर काही वेळातच ही चकमक झाली.

****

सरकारनं केलेल्या उपाययोजनांमुळं २०१०च्या तुलनेत २०२३ मध्ये एड्स संक्रमणांचं प्रमाण ४४ टक्क्यांनी कमी झालं आहे, तर एड्स रुग्णांच्या मृत्यूमध्ये ७९ टक्क्यांनी घट झाल्याची माहिती केंद्रीय आरोग्यमंत्री जगत प्रकाश नड्डा यांनी दिली. नड्डा यांच्या उपस्थितीत इंदोर इथं मुख्य कार्यक्रमाचं आयोजन करण्यात आलं होतं, त्यावेळी ते बोलत होते. २०३० पर्यंत एचआईवी निर्मुलनाचे उद्दिष्ट साध्य करण्यासाठी सरकारकडून विविध उपक्रमांचे आयोजन करण्यात येत आहे, असं त्यांनी सांगितलं.

****

हवामान विभागानं आज तामिळनाडूसाठीही रेड अलर्ट जारी केला आहे. यासोबतच दक्षिण कर्नाटक, आंध्र प्रदेशातील किनारी भागात पावसाची शक्यता व्यक्त केली आहे. यामुळे मध्य महाराष्ट्र आणि मराठवाड्यात किमान तापमानात ३ ते ५ अंश सेल्सिअसनी घट होणार असल्याची माहिती हवामान विभागानं दिली आहे.

दरम्यान, बंगालच्या उपसागरात तयार झालेलं फेंगल चक्रिवादळाचा प्रभाव पुढील पाच ते सहा तासात कमी होण्याची शक्यता हवामान खात्यानं वर्तवली आहे. काल रात्री तामिळनाडू आणि पुद्दुचेरी किनारपट्टीवर कराईकल आणि महाबलीपुरम दरम्यान या चक्रीवादळानं धडक दि��ी. त्यामुळे तामिळनाडू आणि पुदुच्चेरी इथं जोरदार पाऊस झाला. याचा परिणाम बस, रेल्वे आणि विमान सेवांसह सार्वजनिक वाहतुकीवर परिणाम झाला होता. ही वाहतूक आता हळूहळू पूर्वपदावर येत आहे.

****

दोन वेळची ऑलिम्पिक पदक विजेती बॅडमिंटनपटू पी व्ही सिंधूनं सय्यद मोदी आंतरराष्ट्रीय बॅडमिंटन स्पर्धेत महिला एकेरीचं विजेतेपद पटकावलं. तिनं आज लखनऊमध्ये झालेल्या अंतिम सामन्यात चीनच्या वू ल्यु यू हिचा २१-१४, २१-१६ असा पराभव केला. त्यापूर्वी भारताच्या त्रिशा जॉली आणि गायत्री गोपीचंद जोडीनं महिला दुहेरीचं विजेतेपद पटकावलं. त्यांनी चीनच्या जोडीचा २१-१८, २१-११ असा पराभव केला. पुरुष एकेरीच्या अंतिम सामन्यात लक्ष्य सेनचा मुकाबला सिंगापूरच्या खेळाडूशी होत आहे.

****

नंदुरबार जिल्हा परिषदेला प्राप्त झालेल्या ३३ रुग्णवाहीकेचे आज जिल्हा परिषदेच्या अध्यक्षा डॉ सुप्रिया गावित यांच्या हस्ते वितरण करण्यात आलं. याव्यतिरीक्त शासनाकडून नर्मदा नदी काठाव��ील अतिदुर्गम भागातील गावांसाठी बोट अँम्ब्युलन्स आणि अजून नवीन २२ रुग्णावाहीकांची मागणी केली असल्याचं गावित यांनी सांगितलं.

****

जातीपातींना शास्त्रात स्थान नाही, तरीही जातीभेद सुरूच आहेत, अशी खंत राष्ट्रीय स्वयंसेवक संघाचे सरसंघचालक मोहन भागवत यांनी व्यक्त केली. ते आज नागपूर इथं एका कार्यक्रमात बोलत होते. आपली संस्कृती एका भाषेपुरती आणि जातीपुरती मर्यादित नाही, ती सर्वांची आहे, मात्र गेल्या दीडशे वर्षात संकुचित वृत्ती वाढत आहे, असं भागवत म्हणाले. फक्त आपल्यापुरतं पाहायची वृत्ती योग्य नाही, असंही त्यांनी सांगितलं.

****

हिंगोली जिल्ह्याला इसापूर धरणातून रब्बी हंगामासाठी तीन पाणीपाळ्या तर उन्हाळी हंगामात चार पाणीपाळ्या देण्याच्या नियोजनास पाटबंधारे विभागानं मान्यता दिली. उर्ध्व पेनगंगा प्रकल्पांतर्गत इसापूर डावा कालवा तसंच इसापूर उजवा कालवा आणि त्याअंतर्गत असलेल्या वितरण व्यवस्थेद्वारे प्रत्येक पाणीपाळीच्या कालवा संचलनाच्या प्रस्तावीत कार्यक्रमानुसार प्राप्त मागणीनुसार सिंचनासाठी पाणी सोडण्यात येईल, असं विभागानं कळवलं आहे.

****

छत्रपती संभाजीनगर येथील डॉक्टर बाबासाहेब आंबेडकर मराठवाडा विद्यापीठाच्या केंद्रीय युवा महोत्सवा अंतर्गत सांस्कृतिक स्पर्धा घेण्यात येणार आहेत. २५ ते २८ डिसेंबर दरम्यान विद्यापीठ परिसरात या स्पर्धा घेण्यात येणार आहेत. एकूण ३६ कलाप्रकारांचे सहा रंगमंचावरून सादरीकरण होणार आहे. स्पर्धेत सहभागी होण्यासाठी स्पर्धकांनी नियमांचं काटेकोर पालन करण्याचं आवाहन विद्यार्थी विकास मंडळ संचालक डॉ. कैलास अंभुरे यांनी केलं आहे.

****

0 notes