#आपत्कालीन वापर

[airnews-arngbad]

Regional Marathi Text Bulletin, Chhatrapati Sambhajinagar

Date – 02 September 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०२ सप्टेंबर २०२४ सकाळी ७.१० मि.

****

मराठवाड्यासह राज्याच्या बहुतांश भागात पावसाचा जोर कायम, जायकवाडी धरणाचा पाणीसाठा ८७ टक्क्यांवर

मराठवाड्यातल्या सगळ्या जिल्ह्यांना आज यलो अलर्ट, नांदेड-बीड-हिंगोली जिल्ह्यात नदीकाठच्या गावांना सतकर्तेचा इशारा

राष्ट्रपती द्रौपदी मुर्मू आजपासून तीन दिवसांच्या महाराष्ट्र दौऱ्यावर

विधी आणि न्याय क्षेत्रात महिलांचा सहभाग वाढणं हे सृदृढ आणि बळकट न्यायव्यवस्थेचं द्योतक - उपमुख्यमंत्री देवेंद्र फडणवीस यांचं प्रतिपादन

आणि

पॅरिस पॅरालिम्पिक स्पर्धेत भारतीय खेळाडूंनी आतापर्यंत पटकावली सात पदकं, महिला बॅडमिंटन स्पर्धेत आज सुवर्णपदकाची संधी

****

मराठवाडा, विदर्भासह राज्यात अनेक अनेक ठिकाणी मुसळधार पाऊस सुरु आहे. छत्रपती संभाजीनगर शहरासह जिल्ह्यात रात्रीपासून जोरदार पाऊस पडत आहे. जिल्ह्यातलं जायकवाडी धरण ८५ टक्के भरलं असून, धरणाच्या पाणलोट क्षेत्रात पाऊस सुरु असल्यानं आवक वाढणार आहे. धरणातून गोदावरी नदीपात्रात पाणी सोडण्यात येणार असल्यानं, नदीकाठावरील गावातल्या नागरीकांनी खबरदारी घेण्याचं आवाहन पाटबंधारे विभागानं केलं आहे. वैजापूर आणि गंगापूरसाठी नांदुर मधमेश्वर कालव्यातून पाणी सोडण्यात आलं.

परभणी जिल्ह्यात ��ुसळधार पावसामुळै ओढे, नाले ओसांडून वाहत आहेत. मुद्गल बंधाऱ्याचे दोन दरवाजे उघडण्यात आले आहेत. झिरोफाटा - पूर्णा दरम्यान माटेगाव पुलावरून पाणी आल्यानं नांदेड - परभणी मार्ग बंद झाला असून, मलासोंना - दैठणा ओढ्यावरील पुलावर पाणी आल्यानं आठ गावांचा संपर्क तुटला आहे. दैठणा गावात अतिवृष्टमुळे घर कोसळलं, तर जिंतूर तालुक्यातले ओढे ओसंडून वाहत असल्याने शेतात पाणी शिरलं आहे. गंगाखेड तालुक्यातला मासोळी प्रकल्प पूर्ण भरला असून, उपविभागीय अधिकारी जीवराज डापकर यांनी नागरीकांना सतर्कतेचा इशारा दिला आहे.

हिंगोली जिल्ह्यात काल सलग दुस-या दिवशीही जोरदार पाऊस झाल्यानं जनजीवन विस्कळीत झालं आहे. वादळी वाऱ्यासह पाऊस झाल्यानं कयाधू नदीसह अन्य नदी- नाल्यांना पूर आणि अनेक भागांत घरांमध्ये पाणी शिरलं आहे. विशेषत: हिंगोली शहरातल्या काही व्यापारी पेठांमध्ये पाणी साचल्यानं मोठ्या प्रमाणात नुकसान झालं. जिल्ह्यातल्या सिद्धेश्वर धरणाचे १४ दरवाजे उघडून २७ हजार घनफूट प्रतिसेकंद वेगानं पाणी पूर्णा नदी पात्रात सोडण्यात येत आहे. त्यामुळं पूर्णा नदीला मोठा पूर येण्याची शक्यता असून, नदी काठच्या गावांना सावधानतेचा इशारा देण्यात आला आहे.

बीड शहरासह जिल्ह्यात काल दिवसभर पावसाने सर्वदुर हजेरी लावली असून नदी, नाले वाहू लागले आहेत. बिंदुसरा जलप्रकल्पाचा तलाव पूर्णपणे भरला असून, काल याठिकाणी शेतकरी आणि स्थानिकांच्या उपस्थितीत आमदार संदीप क्षीरसागर यांच्या हस्ते जलपूजन करण्यात आलं. जिल्ह्यातले १४३ मध्यम आणि ३६ लघू प्रकल्प तुडुंब भरले आहेत. बिंदुसरा प्रकल्पाच्या सांडव्यावरून मोठ्या प्रमाणात पाण्याचा विसर्ग होत असल्यानं, नदीकाठच्या परिसरात राहणाऱ्या नागरिकांना प्रशासनाने सावधांतेचा इशारा दिला आहे. परळी-बीड महामार्गावरील पांगरी इथला पर्यायी पूल पाण्याखाली गेल्यानं, या मार्गावरुन जाणाऱ्या वाहनधारकांना पर्यायी मार्गाचा वापर करण्याचं आवाहन करण्यात आलं आहे.

जिल्ह्यात पावसाचा जोर वाढला असून, आपत्कालीन स्थितीत त्वरित मदतीसाठी जिल्हा प्रशासनाने दक्ष राहण्याचं आवाहन खासदार बजरंग सोनवणे यांनी केलं आहे. जलाशय आणि नदीकाठच्या गावातल्या नागरिकांनी सावध राहण्याची सूचना पालकमंत्री धनंजय मुंडे यांनी केली आहे.

नांदेड जिल्ह्यातही मुसळधार पाऊस सुरू आहे. जिल्ह्यातल्या गोदावरी, मांजरा, पैनगंगा, आसना, लेंडी, सीता या प्रमुख नद्यांना पूर आला आहे. जिल्ह्यात बचावकार्यासाठी स्थानिक पथकांसह राष्ट्रीय आपत्ती निवारण दलाच्या दोन तुकड्याही तैनात करण्यात आल्या आहेत. ��ुसळधार पावसामुळे शेतीपिकांचं मोठं नुकसान झालं, अनेक घरांची पडझड झाली, तर १२ जनावरे दगावल्याचं वृत्त आहे. नागरिकांनी आवश्यक असेल तरच घराबाहेर पडावं, असं आवाहन जिल्हाधिकारी अभिजीत राऊत यांनी केलं आहे. सध्या सुरु असलेला पाऊस थांबताच अतिवृष्टीमुळे झालेल्या नुकसानीचे पंचनामे करण्यात येतील, असंही त्यांनी सांगितलं आहे.

जालना शहरासह जिल्ह्यातही जोरदार पाऊस सुरु आहे. मंठा तालुक्यातल्या पाटोदा, मंठा, सावंगी, पेवा, तळतोंडी, माळतोंडी, देवठाणा या गावांना पुराचा फटका बसला आहे. पांगरी खुर्द गावातला पाझर तलाव पूर्ण भरल्यानं नागरीकांना सुरक्षित स्थळी हलवण्यात आलं आहे. घनसावंगी तालुक्यातल्या तीर्थपुरी, रामसगाव, शेवता, बानेगाव, लिंगसेवाडी, सौंदलगाव, मंगरूळ याठिकाणी जोरदार पाऊस झाला. त्यामुळे या भागातले नदी-नाले दुथडी भरून वाहत आहेत.

धाराशिव जिल्ह्यात काल दिवसभर पावसाची संततधार सुरु होती. या पावसामुळे सोयाबीन पिकाचं नुकसान होण्याची शक्यता वर्तवली जात आहे. जिल्ह्यातले ४० सिंचन प्रकल्प पूर्ण भरले आहेत. मात्र उमरगा, लोहारा तालुक्यात अद्याप एकही मध्यम प्रकल्प भरलेला नाही.

लातूर शहरासह जिल्ह्यातह पावसाचा जोर वाढला आहे. शेती पिकांसाठी हा उपयुक्त मानला जात आहे. नागरीकांनी विशेषत: शेतकर्यांनी मुसळधार पावसाच्या पार्श्वभूमीवर योग्य ती काळजी घेण्याचं आवाहन जिल्हा प्रशासनाने केलं आहे.

****

येत्या दोन दिवसात राज्यात बहुतांश ठिकाणी पावसाची शक्यता असून, तुरळक ठिकाणी मेघगर्जना आणि विजांच्या कडकडाटासह जोरदार पऊस पडेल असा हवामान विभागाचा अंदाज आहे. मराठवाड्यातल्या सर्व जिल्ह्यांना आज यलो अलर्ट जारी करण्यात आला आहे.

****

राष्ट्रपती द्रौपदी मुर्मू आजपासून तीन दिवसांच्या महाराष्ट्राच्या दौऱ्यावर येत आहेत. आज कोल्हापूर मधल्या वारणानगर इथं वारणा महिला सहकारी समूहाच्या सुवर्ण महोत्सवी समारंभाला त्या उपस्थित राहतील. उद्या पुण्यात सिम्बायोसिस आंतरराष्ट्रीय विद्यापीठाच्या २१ व्या दीक्षांत समारंभाला, तसंच मुंबईत महाराष्ट्र विधान परिषदेच्या शताब्दी वर्षाच्या समारंभाला त्या उपस्थित राहतील. तर चार तारखेला लातूर जिल्ह्यात उदगीर इथं बुद्ध विहाराचं उद्घाटन राष्ट्रपतींच्या हस्ते होणार आहे. उदगीरमध्ये महाराष्ट्र सरकारच्या ‘शासन आपल्या द���री’ आणि ‘मुख्यमंत्री माझी लाडकी बहिण योजने’च्या लाभार्थींच्या मेळाव्याला देखील त्या संबोधित करतील.

****

विधी आणि न्याय क्षेत्रात महिलांचा सहभाग वाढणं ही सकारात्मक बाब असून, भारतीय न्याय व्यवस्था अधिक सृदृढ आणि बळकट असल्याचं ते द्योतक आहे, असं उपमुख्यमंत्री देवेंद्र फडणवीस यांनी म्हटलं आहे. छत्रपती संभाजीनगर इथल्या महाराष्ट्र राष्ट्रीय विधी विद्यापिठाच्या मुलींच्या वसतीगृहाचं उद्घाटन काल फडणवीस यांच्या हस्ते झालं, त्यावेळी ते बोलत होते. उत्तम न्याय व्यवस्थेमुळे गुंतवणूक प्रक्रिया ही कायदेशीररित्या होण्याचा विश्वास असल्यामुळे आपल्या देशात येण्यास गुंतवणूकदार उत्सूक असतात, त्याचंच फलित म्हणून आपण जगातली सर्वोत्कृष्ट अर्थव्यवस्था होण्याकडे वाटचाल करत असल्याचं फडणवीस यावेळी म्हणाले. न्यायदानाची प्रक्रिया ही अधिकाधिक तंत्रस्नेही आणि लोकाभिमुख करण्यात आपण योग्यदिशेनं पावले टाकत असल्याचं त्यांनी सांगितलं.

****

कोकणात सिंधुदुर्ग जिल्ह्याच्या मालवण इथं राजकोट किल्ल्यावर छत्रपती शिवाजी महाराजांचा पुतळा पडण्याच्या घटनेच्या निषेधार्थ महाविकास आघाडीनं काल मुंबईत आंदोलन केलं. शिवसेना उद्धव बाळासाहेब ठाकरे पक्षाचे प्रमुख उद्धव ठाकरे, राष्ट्रवादी काँग्रेस शरदचंद्र पवार पक्षाचे अध्यक्ष खासदार शरद पवार, काँग्रेस प्रदेशाध्यक्ष नाना पटोले यांच्यासह महाविकास आघाडीच्या इतर नेत्यांनी हुतात्मा चौकात जमून सरकारचा निषेध केला. नांदेडमध्येही विधानपरिषदेचे विरोधी पक्षनेते अंबादास दानवे यांच्या नेतृत्वात आंदोलन करण्यात आलं.

****

विरोधकांच्या पायाखालची वाळू सरकली असून, त्यांना पराभव दिसत आहे, अशी टीका मुख्यमंत्री एकनाथ शिंदे यांनी केली आहे. ते काल मुंबईत वार्ताहरांशी बोलत होते. तर छत्रपती संभाजीनगर इथं वार्ताहरांशी बोलताना, उपमुख्यमंत्री देवेंद्र फडणवीस यांनी, महाविकास आघाडीचं आंदोलन पूर्णपणे राजकीय असल्याची टीका केली.

दरम्यान, महाविकास आघाडीच्या आंदोलनाला प्रत्युत्तर म्हणून भाजपानेही काल राज्यात ठिकठिकाणी आंदोलन केलं.

****

पॅरिस पॅरालिम्पिक स्पर्धेत भारतीय खेळाडूंची आगेकूच कायम आहे. निषाद कुमार यानं उंच उडी स्पर्धेत रौप्य पदक पटकावलं, तर महिलांच्या दोनशे मीटर स्पर्धेत प्रीती पालनं कांस्य पदक जिंकलं. या पदकामुळं भारताची पदकसंख्या सात झाली आहे. आज महिला बॅडमिंटन स्पर्धेत तुलसीमती मुरुगसेन सुवर्णपदकासाठी, तर मनीषा रामदास कांस्यपदकासाठी खेळणार आहे.

****

बैल पोळा आज साजरा होत आहे. बळीराजाच्या कष्टात मोलाची साथ देणा-या बैलांप्रती या दिवशी कृतज्ञता व्यक्त केली जाते. आज ग्रामीण भागात अनेक ठिकाणी बैलांना सजवून त्यांचं पुजन करण्यात येतं.

****

धाराशिव जिल्ह्यातल्या परंडा इथले भाजपचे विधानपरिषदेचे माजी आमदार सुजितसिंह ठाकूर यांची राष्ट्रकुल संसदीय मंडळामार्फत “उत्कृष्ट भाषण” या पुरस्कारासाठी, तर मराठवाडा पदवीधर मतदारसंघाचे आमदार सतीश चव्हाण यांची ‘उत्कृष्ट संसदपटू’ पुरस्कारासाठी निवड झाली आहे. उद्या मुंबईत राष्ट्रपतींच्या हस्ते या पुरस्कारांचं वितरण होणार आहे.

****

राज्या��ह देशभरात पडणाऱ्या पावसामुळे काही रेल्वे गाड्या रद्द, तर काही रेल्वे गाड्यांचे मार्ग बदलण्यात आले आहेत. काल लिंगमपल्ली इथून मुंबईकडे येणारी देवगिरी एक्सप्रेस रद्द करण्यात आली होती, परिणामी आज मुंबईहून लिंगमपल्लीला येणारी ही गाडी रद्द झाली आहे. त्याचबरोबर आज मुंबई - सिकंदराबाद देवगिरी एक्स्प्रेस, नांदेड - संबलपुर एक्स्प्रेस, तिरुपती-आदिलाबाद कृष्णा  एक्स्प्रेस, काकीनाडा - साईनगर शिर्डी तर उद्या तीन तारखेला आदिलाबाद-तिरुपती कृष्णा  एक्स्प्रेस, शिर्डी - काकीनाडा एक्स्प्रेस रद्द करण्यात आल्या आहेत.

आज नरसापूर इथून सुटणारी नरसापूर- नगरसोल या गाडीचे खम्माम ते काझीपेट दरम्यानचे सर्व थांबे रद्द करण्यात आले असून, ही गाडी विजयवाड्याहून गुंटूर, पागीडीपल्ली मार्गाने सिकंदराबादला जाणार आहे.

****

[bharatlivenewsmedia]

Corona Vaccine: भारत बायोटेकच्या इंट्रानासल लसीसाठी सीडीएससीओची मान्यता

Corona Vaccine: भारत बायोटेकच्या इंट्रानासल लसीसाठी सीडीएससीओची मान्यता

Corona Vaccine: भारत बायोटेकच्या इंट्रानासल लसीसाठी सीडीएससीओची मान्यता भारत बायोटेकची COVID-19 इंट्रानासल लस ‘Incovac’ (BBV154) ला केंद्रीय औषध मानक नियंत्रण संस्था (CDSCO) ने आपत्कालीन वापरासाठी मान्यता दिली आहे. बूस्टर डोस म्हणून त्याचा वापर 18 वर्षे आणि त्याहून अधिक वयाच्या लोकांसाठी संस्थेद्वारे परवानगी आहे. कंपनीने सोमवारी याची घोषणा केली.  इनोवॅक ही जगातील पहिली इंट्रानासल लस आहे जिला…

[digimakacademy]

देशात कोव्हिड १९ लशीच्या आपत्कालीन वापराला मंजुरी? आज बैठक

देशात कोव्हिड १९ लशीच्या आपत्कालीन वापराला मंजुरी? आज बैठक

नवी दिल्ली : भारतात कोव्हिड १९ विरुद्ध लढण्यासाठी लशीला आपत्कालीन वापराची मंजुरी दिली जाऊ शकते. यासाठीच सरकारद्वारे गठीत तज्ज्ञांच्या समितीची आज महत्त्वाची बैठक होणार आहे. या बैठकीत तीन भारतीय लशींच्या आपत्कालीन वापरावर विचार-विनिमय केला जाणार आहे. या बैठकीत सीरम इन्स्टीट्युट ऑफ इंडिया, भारत बायोटेक आणि फायजर यांच्याकडून दाखल करण्यात आलेल्या करोना लशीच्या आपत्कालीन वापराच्या निवेदनावर पुन्हा एक��ा…

[kalatmaks-blog]

काळाची गरज मोबाईल -आज मोबाईल हि काळाची गरज बनलेली आहे. जगातील आपण कोणतीही माहिती आपण इंटरनेटद्वारे समजू शकतो,मोबाईलचा शोध लागला नव्हता त्यावेळी आपण लेखी पत्र पाठवत होतो पण काळानुसार त्यामध्ये खूप नवनवीन बदल झाले, ज्यावेळी मोबाईलचा शोध लागला त्यावेळी फक्त कि पॅड असलेला मोबाईल होता त्यावरून फक्त मोबाईलवर बोलणे ,ऐकणे व फोटो काढणे अशा गोष्टी करता येत असत. मग यामध्ये खूप क्रांतिकारी बदल होत गेले. सुरुवातीला मोबाईल चा ज्यावेळी शोध लागला त्यावेळी मोबाइल खूप मोठा व वापरण्यास अवघड होता असे म्हटले जाते लोकांना त्याचा उपयोग व्हावा यासाठी त्याचा आकार बदलून लहान करत बदल केला. आता मोबाईल मध्ये खूप बदल झाला आहे,आता मोबाईल चा आकार लहान व कोठेही सहज घेऊन जात येईल असा सोपा झाला आहे. मोबाईल ला सेल असेही म्हणतात आता मोबाईल मध्ये इतका बदल झाला आहे कि आपल्याबरोबर बोलणारी व्यक्ती आता बोलताना समोर मोबाईलवर प्रत्यक्ष दिसते त्यामुळे वस्तुस्थिती काय आहे , ती व्यक्ती कोणत्या परिस्थितीत आहे हे पण समजते. अजूनही बरेच शोध लागत आहेत. हि गोष्ट आपल्यासाठी प्रगतीपथावर नेणारी आहे.

मोबाईल हा कितीही गरजेचं असला तरी लहान मुलांना पण याची खूप सवय लागली असे दिसून येत आहे. अगदी लहान मुले मोबाईलच्या आहारी जात आहेत. अगदी वयाच्या दीड वर्षांपासून लहान मुले मोबाईलमधील चित्रे , गाणी गेम्स अशा गोष्टी स्वतः पाहू शकतात .हा जरी कीतीही कौतुकाचा विषय असला तरी मुलांना हि सवय आरोग्याच्या दृष्टीने घटक ठरेल. मुले मोबाईलवरून नजर काढत नाहीत. रंगीबेरंगी चित्रांमुळे त्यांना आनंद होतो. एकदा एका घरातील एक मुलगा मोबाईल चार्जिंग ला लावलेला असताना गेम खेळत होता.आणि थोड्या वेळाने मोबाईल ���्या आत स्फोट झाला आणि त्याला हाताला भाजून गंभीर परिस्थिती निर्माण झाली.अशावेळी पालक घाबरून जाणारच. त्यामुळे या गोष्टी काळजीपूर्वक हाताळायला पाहिजेत हे नक्की.

आमच्या शेजारी एक आज्जी आजोबा रहातात. आजोबाना बँकेत पैसे काढायला जायचे होते पण आता ते नीट चालू शकत नव्हते त्यामुळे काय करावे या विचारात ते बसले होते,तेव्हढ्यात त्यांची एक नातं आली आणि तिने आजोबाना घरात बसून बँकेचे काम मोबाईलवर कसे करतात ते दाखवले आणि पूर्ण माहिती भरून a.t.m. मशिनमधून ते पैसे त्यांना घरी आणून दिले.त्यांना बाहेर जावे लागले नाही आणि मोबाइल मुळे घरात बसून कामही झाले. मोबाईलवर अशी कामे करता येतात असे समजल्यामुळे त्यांनी ते समजून घेऊन शिकण्यास सुरुवात केली

अति प्रमाणात मोबाईलचा वापरवापर केल्यामुळे त्यावरील चमकदार प्रकाशामुळे डोळे कोरडे होणे ,चक्कर येणे ,डोळ्यातून सतत पाणी येणे असे त्रास होऊ शकतात झोपेवर परिणाम होऊन निद्रानाश होणे असे हि त्रास होताना दिसतात. मोबाईल जास्त वापरल्यामुळे मेंदूतील आजार ,विस्मरण होणे असेही समस्या निर्माण होतात

गाडी चालवताना मोबाईल वर बोलणे खूप धोक्याचे आहे. यामुळे लक्ष विचलित होऊन अपघात होण्याची शक्यता नाकारता येत नाही,गाडी चालवताना घरी आली माणसे वाट पहात आहेत हे ध्यानात घेऊन मोबाईलचा योग्य वेळी वापर करावा.

मोबाईलमुळे अलीकडे माणसाच्या झोपेवर अनिष्ट परिणाम होताना दिसत आहेत. मोबाईल च्या अति वापरामुळे झोप कमी होत आहे. रात्री उशिरापर्यंत मोबाईल खूप वेळ बघत राहिल्याने झोप लागत नाही त्यामुळे सकाळी उठताना अंगात जडपणा ,आळस थकवा येतो. उत्साह वाटत नाही या गोष्टी लक्षात घेऊन मोबाईलचा जपून वापर करावा.

जेव्हा काही आपत्कालीन घटना घडतात त्यावेळी मोबाईलमुळे त्या लगेच सर्वांपर्यंत पोहोचतात. उदा. रस्त्यावर जर एखादा अपघात झाला तर मोबाईलवरून रुग्णवाहिका बोलवणे ,रुग्णाला दवाखान्यात भरती करणे, त्यांच्या नातेवाईकांना याबद्दल माहिती देणे या आणि अशा बऱ्या गोष्टींसाठी मोबाईलचा उपयोग होतो. योग्य ती मदत वेळेवर मिळाल्यामुळे रुग्णाचे प्राण वाचु शकतात. असे चांगल्या आणि योग्य योग्य वेळी मोबाईल फार उपयोगाचा ठरतो आहे.आता तंत्रज्ञान इतके प्रगत होत आहे कि आपण कल्पना हि करू शकत नाही इतके बदल होत असतात .त्यामुळे कोणत्या गोष्टींचा वापर किती आणि कसा करावयाचा ,त्याचे चांगले आणि वाईट परिणाम कोणते हे लक्षात घेऊनच आपण पुढे जाऊया.

[darshanpolicetime1]

पुराच्या पाण्याचा निचरा लवकर होण्यासाठी मुंबईच्या धर्तीवर पंपिंग स्टेशन सुरु करण्याबाबत नियोजन करा

पुराच्या पाण्याचा निचरा लवकर होण्यासाठी मुंबईच्या धर्तीवर पंपिंग स्टेशन सुरु करण्याबाबत नियोजन करा

पूर परिस्थितीत कोल्हापूर जिल्ह्यात चांगले काम; जिल्ह्यात आपत्कालीन सूचनांसाठी पब्लिक ॲड्रेस सिस्टिमचा प्रभावी वापर   कोल्हापूर दि. 10 :  यंदाच्या पावसाळ्यात संभाव्य पूर परिस्थती उद्भवल्यास याचा समर्थपणे मुकाबला करण्यासाठी यंत्रणांनी सूक्ष्म नियोजन करावे.  शहरी व ग्रामीण भागातील नागरी वस्तीमधील पुराच्या पाण्याचा निचरा लवकरात लवकर होण्यासाठी मुंबईच्या धर्तीवर पंपिंग स्टेशन सुरु करता येतील याचा…

[citytimestv]

कोरोनावर गुणकारी झायडसच्या विराफिन इंजेक्शनला मंजुरी

कोरोनावर गुणकारी झायडसच्या विराफिन इंजेक्शनला मंजुरी

कोरोनाविरुद्धच्या लढाईत गुणकारी ठरलेल्या झायडस कॅडिला कंपनीच्या विराफिन या औषधाच्या आपत्कालीन वापरास औषधी नियामक डीसीजीआयने शुक्रवारी मंजुरी दिली. या औषधामुळे कोरोनातून रुग्ण लवकर बरे होऊ शकतील. भारतात या औषधाचा वापर गेल्या १० वर्षांपासून होत असला तरी कोरोना रुग्णांवर उपचारांसाठी हे औषध नव्याने तयार करण्यात आले आहे. या औषधाच्या वापरानंतर ७ दिवसांत ९१.१५ टक्के रुग्णांची आरटीपीसीआर चाचणी निगेटिव्ह…

[indianrootz]

आपत्कालीन पिक परिस्थितीत कोणत्या उपाययोजना केल्या पाहिजेत ? नक्की वाचा. (भाग-1)

जागतिक हवामान बदलामुळे अलीकडच्या काळात महाराष्ट्रातील सर्वच हवामान विभागात शेतीवर अतिपाऊस व अवेळी पडणारा पाऊस यामुळे अनिष्ट परिणाम झाले आहेत. त्यावर सध्याच्या आपत्कालीन परिस्थिती योग्य नियोजन व तंत्रज्ञानाच वापर करून पीक उत्पादनावरील अनिष्ठ परिणाम टाळता येतील.

खाली पिके व त्यानुसार करायच्या उपाययोजना दिल्या आहेत.

१) रब्बी ज्वारी

ज्वारी पिवळसर होणे

उपाय – १. पावसाचे साचलेला…

[bharatiyamedia-blog]

1 July 2019 Present Affairs In Marathi (Chalu Ghadamodi)

http://tinyurl.com/yyz2vsds चालू घडामोडी (1 जुलै 2019) रणगाडाविरोधी क्षेपणास्त्रासाठी रशियाशी 200 कोटींचा करार : भारतीय हवाई दलाची क्षमता वाढवण्याच्या दृष्टीने भारताने रशियासोबत आणखी एक महत्वाचा करार केला आहे. रणगाडाविरोधी क्षेपणास्त्रासाठी भारताने रशियासोबत 200 कोटी रुपयांचा करार केला आहे. तर त्यानुसार, आणीबाणीच्या परिस्थितीसाठी आपल्या एमआय-35 या लढाऊ हेलिकॉप्टरसाठी रशियाकडून ही रणगाडाविरोधी क्षेपणास्त्रे (स्ट्रम अटाका) खरेदी केली जाणार आहेत. तसेच 14 फेब्रुवारीला झालेल्या पुलवामा हल्लानंतर सरकारकडून तिन्ही सैन्य दालांना आपत्कालीन अधिकार देण्यात आले होते. यानुसार, तिन्ही सैन्य दले आपल्या गरजेनुसार 300 कोटी रुपयांची शस्त्रास्त्रे तत्काळ प्रभावाने खरेदी करुशकतात. भारताकडून याच आपत्कालीन नियमांचा वापर करुन रशियासोबत स्ट्रम अटाका क्षेपणास्त्रांचा करार करण्यात आला आहे. भारताला येत्या तीन महिन्यांत या क्षेपणास्त्रांचा पुरवठा सुरु होणार आहे. स्ट्रम अटाका हे क्षेपणास्त्र एसआय-35हेलिकॉप्टरमध्ये लावल्यानंतर शत्रूचे रणगाडे आणि इतर शस्त्रांपासून वाचण्याची क्षमता वाढणार आहे. तर एमआय-35 भारतीय हवाई दलाचे थेट हल्ला करणारे हेलिकॉप्टर आहे. भारत रशियाकडून इंग्ला-एस एअर डिफेन्स क्षेपणास्त्रही तत्काळ खरेदी करणार आहे. स्विस ब��कांतील निधीत भारत 74 व्या क्रमांकावर : स्वित्झर्लंडमधील मध्यवर्ती स्विस नॅशनल बँकेने जारी केलेल्या आकडेवारीनुसार तेथे गुंतवण्यात आलेल्या पैशाचा विचार करता भारताचा 74 वा क्रमांक लागला असून ब्रिटन पहिल्या क्रमांकावर आहे. भारताचे स्थान एक अंकाने घसरले आहे. तसेच काळा पैसा ठेवणाऱ्यांसाठी स्वित्झर्लंड हे नंदनवनच मानले जाते.अर्थात ही आकडेवारी अधिकृत असल्याने यात काळ्या पैशाचा अचूक अंदाज येत नाही. शिवाय या आकडेवारीत अनिवासी भारतीय, भारतीय यांनी त्यांच्या परदेशातील संस्थांच्या नावाने ठेवलेला पैसा समाविष्ट नाही. तर 2018 मध्ये जगातून स्विस बँकांत ठेवण्यात आलेला निधी 99 लाख कोटींनी कमी झाला असून ही घसरण four टक्के आहे. भारतीय संस्था व व्यक्ती यांनी स्विस बँकात ठेवलेला निधी 6 टक्क्य़ांनी कमी होऊन 2018 मध्ये 6757 कोटी रूपयांवर आला आहे. गेल्या दोन दशकातील ही नीचांकी पातळी आहे. स्विस बँकेत अनेक देशातील संस्था व नागरिकांचा काळा पैसा ठेवलेला आहे. गेल्या वर्षी भारताचा 73 वा क्रमांक लागला होता. वर्षभरापूर्वी भारताचा 88 वा क्रमांक होता पण त्यानंतर तो 73 पर्यंत आला. ‘जीएसटी’मध्ये नवीन सुधारणांची आज घोषणा : वस्तू व सेवा कराच्या (जीएसटी) अंमलबजावणीस दोन वर्षे पूर्ण होत असताना अर्थ मंत्रालयाने या अप्रत्यक्ष कर पद्धतीत काही सुधारणा करण्याचे ठरवले आहे. नवीन विवरणपत्र पद्धत,रोख खतावणी पद्धतीत सुसूत्रता, एकच कर परतावा वितरण प्रणाली यांचा त्यात समावेश असून याबाबतची घोषणा आज केली जाणार आहे. केंद्रीय अर्थ व कंपनी कामकाज राज्यम���त्री अनुराग ठाकूर हे आज विविध खात्यांचे सचिव व अधिकारी यांची बैठक घेणार असून जीएसटी द्विवर्षपूर्ती निमित्त आयोजित कार्यक्रमाचे अध्यक्षस्थानही भूषवणार आहेत. तर भारतीय अर्थव्यवस्थेत वस्तू व सेवा कर म्हणजे जीएसटी पद्धतीमुळे आमूलाग्र बदल झाले असून बहुस्तरीय करपद्धत, गुंतागुंतीची अप्रत्यक्ष कररचना यांची जागा साध्या, पारदर्शक, तंत्रज्ञानस्नेही करप्रणालीने घेतली आहे. तसेच अर्थ मंत्रालयाने म्हटले आहे की, 1 जुलै पासून प्रायोगिक तत्त्वावर नवीन करविवरणपत्र प्रणाली राबवली जाणार आहे व ती 1 ऑक्टोबरपासून अनिवार्य करण्यात येईल. मोहम्मद शमी ठरला पहिला भारतीय गोलंदाज : आतापर्यंत भारताच्या गोलंदाजांना जे जमले नव्हते ते भारताचा वेगवान गोलंदाज मोहमम्द शमीने यंदाच्या विश्व��षकात करून दाखवले आहे. इंग्लंडविरुद्धच्या सामन्यात तर शमीने पाच फलंदाजांना बाद करण्याचा पराक्रम केला. पण विश्वचषकात पाच बळी मिळवारा तो सहावा गोलंदाज ठरला. तसेच या सामन्यात शमीने पाच बळी मिळवत शमीने इतिहास रचला आहे. विश्वचषकात एकाच डावात पाच बळी घेणारा शमी भारताचा सहावा गोलंदाज ठरला आहे. यापूर्वी आशिष नेहरा, व्यंकटेश प्रसाद, युवराज सिंह, रॉबिन सिंह, कपिल देव यांनी विश्वचषकात पाच बळी मिळवले होते. तर विश्वचषकातील सामन्यात पाच बळी मिळवणारा शमीला हा सहावा गोलंदाज ठरला असला तरी सलग तीन सामन्यांमध्ये चारपेक्षा जास्त बळी एकाही भारतीय गोलंदाजाला मिळवता आलेले नाही. त्यामुळे सलग तीन सामन्यांमध्ये चारपेक्षा जास्त बळी मिळवणारा शमी हा पहिला भारतीय गोलंदाज ठरला आहे. त्याचबरोबर क्रिकेट विश्वातही असा पराक्रम करणारा तो पहिला वेगवान गोलंदाज ठरला आहे. कारण यापूर्वी हा विक्रम पाकिस्तानच्या शाहिद आफ्रिदीच्या नावावर होता. दिनविशेष : 1 जुलै – महाराष्ट्र कृषिदिन 1 जुलै – भारतीय वैद्य दिन मानवी शरीराचे सर्वप्रथम छायाचित्र घेण्यात अमेरिकन डॉक्टरांना 1 जुलै 1934 मध्ये यश आले. 1 जुलै 1947 मध्ये फिलिपाइन्सच्या वायूदलाची स्थापना झाली. सोमालिया व घाना हे देश 1 जुलै 1960 मध्ये स्वतंत्र झाले. रवांडा व बुरुंडी हे देश 1 जुलै 1962 मध्ये स्वतंत्र झाले. 1 जुलै 2002 मध्ये आंतरराष्ट्रीय गुन्हे न्यायालयाची स्थापना झाली. चालू घडामोडी PDF स्वरुपात मिळविण्यासाठी येथे क्लिक करा Source link

[airnews-arngbad]

Regional Marathi Text Bulletin, Chhatrapati Sambhajinagar

Date – 13 August 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – १३ ऑगस्ट २०२४ सायंकाळी ६.१०

****

नैसर्गिक आपत्ती प्रतिबंधासाठी दोन हजार ७६६ कोटी रुपयांच्या कामांना मंजुरी

विदर्भासह मराठवाड्यात दुग्धविकास प्रकल्पाचा दुसरा टप्पा राबवण्याचा राज्य शासनाचा निर्णय

जुन्या पेन्शनच्या मागणीसाठी राज्य सरकारी अधिकारी-कर्मचाऱ्यांचा संपाचा इशारा

आणि

सांस्कृतिक कार्य विभागाच्या पुरस्कारांची घोषणा-ज्येष्ठ गायिका अनुराधा पौडवाल यांना गानसम्राज्ञी लता मंगेशकर पुरस्कार जाहीर

****

नैसर्गिक आपत्ती प्रतिबंधासाठी दोन हजार ७६६ कोटी रुपयांच्या सुमारे दोन हजार कामांना मुख्यमंत्री एकनाथ शिंदे यांनी मंजुरी दिली आहे. आज झालेल्या राज्य आपत्ती व्यवस्थापन प्राधिकरणाच्या बैठकीत मुख्यमंत्र्यांनी ही माहिती दिली. यात दरड प्रतिबंधक, पूर संरक्षण भिंत, लहान पुलांची उभारणी, नाला खोलीकरण, भूजल पुनर्भरण, तलाव दुरुस्ती, वनीकरण आदी कामांचा समावेश आहे. या कामात अत्याधुनिक तंत्रज्ञानाचा वापर करण्याचे निर्देश मुख्यमंत्र्यांनी दिले. मंत्रालयातल्या तसंच प्रत्येक जिल्ह्यातल्या आपत्ती प्रतिसाद केंद्राचे अद्ययावतीकरण करण्यात येणार असून त्यासाठी १०० कोटी रुपयांचा निधी उपलब्ध करून देणार असल्याचं शिंदे यांनी सांगितलं. यावेळी आपत्ती विषयक विविध आराखड्यांना मंजुरी देण्यात आली.

****

पशुपालन आणि दुग्धव्यवसायाला चालना देण्यासाठी विदर्भ आणि मराठवाड्यातल्या सर्व १९ जिल्ह्यात दुग्ध विकास प्रकल्पाचा दुसरा टप्पा राबवण्याचा निर्णय राज्य शासनानं घेतला आहे. आज झालेल्या मंत्रिमंडळ बैठकीत हा निर्णय घेण्यात आला. या प्रकल्पासाठी १४९ कोटी २६ लाख रुपयांच्या निधीला मान्यता देण्यात आल्याची माहिती पशुसंवर्धन, दुग्ध व्यवसाय विकास ��ंत्री राधाकृष्ण विखे पाटील यांनी दिली. राष्ट्रीय दुग्ध विकास मंडळ आणि मदर डेअरी यांच्या सहकार्याने हा प्रकल्प राबवला जाणार आहे.

****

यंत्रमागांना अतिरिक्त वीजदर सवलतीसाठी नोंदणीची अट शिथील करण्याचा निर्णय आज मंत्रिमंडळ बैठकीत घेण्यात आला. २७ ते २०१ अश्वशक्ती भाराच्या यंत्रमागांना प्रती युनिट ७५ पैसे तसंच २७ अश्वशक्तीपेक्षा कमी भाराच्या यंत्रमागांना प्रती युनिट १ रुपया अतिरिक्त वीज दर सवलत लागू करताना असलेली नोंदणीची अट शिथिल करण्यात येणार आहे.

राज्यात सहा हजार किलोमीटर लांबीच्या रस्त्यांच्या काँक्रीटीकरणासाठी ३६ हजार ९६४ कोटी खर्चास या बैठकीत मान्यता देण्यात आली. शासकीय तसंच खासगी वैद्यकीय महाविद्यालयाच्या निवृत्त प्राध्यापकांना ठोक मानधन देण्याचा निर्णय आजच्या बैठकीत घेण्यात आला.

****

राज्यातील ३९० मेगावॅट क्षमतेच्या सौर ऊर्जा प्रकल्पांच्या कर्जासाठी के    एफ डब्ल्यू कंपनीशी स्थिर व्याजदराने करार करण्याचा निर्णय राज्य मंत्रिमंडळाने घेतला आहे. यासाठी एक हजार ४९४ कोटी ४६ लाख रूपये किंमतीच्या खर्चास मान्यता देण्यात आली. हे प्रकल्प यवतमाळ, वाशिम आणि चंद्रपूर जिल्ह्यात उभारण्यात येणार आहेत.

****

देशात पहिलं आंतरराष्ट्रीय दर्जाचं ‘अहिल्या भवन’ मुंबईत मानखुर्द इथं उभारणार असल्याची घोषणा जिल्ह्याचे पालकमंत्री मंगल प्रभात लोढा यांनी केली आहे. ३५ हजार ५०० चौरस मीटर परिसरात हे भवन उभारलं आहे. यामध्ये महिला आणि बालहक्क आयोग, बालकल्य��ण समिती, बाल न्याय मंडळ, महिला आर्थिक विकास महामंडळ आदी २० कार्यालयं असणार आहेत.

****

कोलकत्यातील डॉक्टर महिलेवर झालेल्या अत्याचार आणि हत्येच्या घटनेच्या निषेधार्थ निवासी डॉक्टरांचा देशव्यापी संप सुरू आहे. मुंबईतल्या विविध रुग्णालयांतील निवासी डॉक्टरांनीही आंदोलन सुरू केलं आहे. दरम्यान, राष्ट्रीय मानवाधिकार आयोगानं पश्चिम बंगालचे मुख्य सचिव आणि पोलीस महासंचालकांना या प्रकरणी नोटीस बजावत दोन आठवड्यांत अहवाल सादर करण्यास सांगितलं आहे.

दरम्यान, छत्रपती संभाजीनगर इथं शासकीय वैद्यकीय महाविद्यालय आणि रुग्णालयातील निवासी डॉक्टरांनी काल रात्री मेणबत्ती मोर्चा काढून निषेध नोंदवला. आज आपत्कालीन सेवा वगळता घाटीतले निवासी डॉक्टरही संपात सहभागी झाले होते.

****

मराठा आरक्षण आंदोलन कर्ते मनोज जरांगे पाटील यांची आज नाशिकमध्ये शांतता रॅली झाली. यावेळी केलेल्या भाषणात जरांगे यांनी राज्याचे अन्न आणि नागरी पुरवठा मंत्री छगन भुजबळ यांच्यावर कडाडून त्यांनी टीका केली.

****

राज्यातील सरकारी अधिकारी आणि कर्मचारी येत्या २९ तारखेपासून बेमुदत संपावर जाणार आहेत. जुनी पेन्शन योजना ��ागू करण्यासाठी नेमलेल्या समितीचा अहवाल स्वीकारून ही सरकार त्यावर अंतिम निर्णय घेत नसल्याच्या निषेधार्थ हे आंदोलन पुकारत असल्याचं राजपत्रित अधिकारी महासंघाकडून सांगण्यात आलं आहे. यासंदर्भात मुख्यमंत्री एकनाथ शिंदे यांना एक निवेदनही सादर करण्यात आलं आहे.

****

देशाचा ७८ वा स्वातंत्र्य दिन परवा साजरा होत आहे. यानिमित्तानं नवी दिल्ली इथं मुख्य सोहळ्यात सहभागी होण्यासाठी जालना जिल्ह्याच्या बदनापूर तालुक्यातल्या ढासला ग्रामपंचायतीचे सरपंच राम पाटील आणि त्यांच्या पत्नी वर्षाराणी पाटील यांना, तसंच परतूर तालुक्यातील रमेश भापकर आणि त्यांच्या पत्नी पूजा भापकर या दाम्पत्यांना निमंत्रण मिळालं आहे. राम पाटील यांनी आपल्या भावना या शब्दांत व्यक्त केल्या –

मला जवळपास १४ वर्ष याठिकाणी होत आहेत, मी तिथं जास्तीत जास्त शासनाच्या योजना असतील, वैयक्तिक लाभाच्या योजना असतील, सार्वजनिक लाभाच्या योजना असतील, प्रत्येक योजनेचा लाभ दिला. किंवा प्रत्येक लाभ घेण्याचा प्रयत्न केला. त्यामुळे माझ्या कामाची दखल घेत माझी याठिकाणी निवड करण्यात आली.

****

महाराष्ट्र राज्य माध्यमिक आणि उच्च माध्यमिक शिक्षण मंडळामार्फत यावर्षीच्या इयत्ता दहावी आणि बारावी परीक्षेसाठी विद्यार्थ्यांना खासगीरित्या प्रवेश घेण्यासाठी आजपासून ऑनलाईन सुविधा उपलब्ध करून देण्यात आली आहे. विद्यार्थ्यांनी ३० सप्टेंबरपर्यंत नावनोंदणी करून आवश्यक कागदपत्रांच्या प्रती नमूद केलेल्या शाळेत, कनिष्ठ महाविद्यालयात जमा कराव्या असं मंडळानं प्रसिध्दी पत्रकाद्वारे कळवलं आहे.

****

राज्य शासनाच्या सांस्कृतिक कार्य विभागामार्फत देण्यात येणाऱ्या या वर्षीच्या विविध पुरस्कारांची घोषणा करण्यात आली आहे. ज्येष्ठ गायिका अनुराधा पौडवाल यांना गानसम्राज्ञी लता मंगेशकर पुरस्कार जाहीर झाला आहे. आरती अंकलीकर-टिकेकर यांना भारतरत्न पंडीत भीमसेन जोशी शास्त्रीय संगीत जीवन गौरव पुरस्कार जाहीर झाला आहे. प्रकाश बुध्दीसागर यांना, नटवर्य प्रभाकर पणशीकर रंगभूमी जीवन गौरव पुरस्कार, शुभदा दादरकर यांना, संगीताचार्य अण्णासाहेब किर्लोस्कर संगीत रंगभूमी जीवनगौरव पुरस्कार, संजय महाराज पाचपोर यांना ज्ञानोबा तुकाराम पुरस्कार, शशिकला झुंबर सुक्रे तसंच जनार्दन वायदंडे यांना तमाशासम्राज्ञी विठाबाई नारायणगांवकर जीवनगौरव पुरस्कार यासह विविध १२ गटांत सांस्कृतिक पुरस्कार जाहीर करण्यात आले आहेत. यंदा जीवनगौरव पुरस्कारांची रक्कम दुप्पट करण्यात आली असून त्याचं स्वरूप दहा लाख रुपये सन्मानचिन्ह आणि मानपत्र असं आहे. राज्य सांस्कृतिक पुरस्काराची रक्कम तिप्पट करण्यात आली असून, आता या पुरस्काराचं स्वरूप ��ीन लाख रुपये, मानपत्र आणि मानचिन्ह असं आहे.

****

हर घर तिरंगा अभियानांतर्गत आज लातूर इथं जिल्हाधिकारी वर्षा ठाकूर-घुगे यांच्या हस्ते जिल्हाधिकारी कार्यालयावर ध्वज फडकावून या उपक्रमाला सुरुवात झाली. जिल्ह्यातल्या शासकीय, निमशासकीय कार्यालयांवर आज तिरंगा ध्वज फडकवण्यात आला.

हिंगोली इथं नगर परिषदेचे मुख्यधिकारी अरविंद मुंडे यांच्या प्रमुख उपस्थितीत ‘तिरंगा यात्रा’ काढण्यात आली. विविध कार्यालयातले अधिकारी-कर्मचारी या रॅलीत सहभागी झाले. यावेळी विद्यार्थ्यांना तिरंगा ध्वजाचं वितरणही करण्यात आलं.

****

या मोहिमेत धाराशिव जिल्ह्यात ग्रामीण भागात ८० हजार तर शहरी भागात एक लाख तिरंगा ध्वज वितरित केले जाणार आहेत. यासाठी कनगरा इथल्या महाराष्ट्र जीवनोन्नती अभियान अर्थात उमेद अभियानाशी संलग्नित एनपीके महिला बचत गटाच्या माध्यमातून तिरंगा ध्वजाची निर्मिती करण्यात येत आहे. या महिला बचत गटाला जिल्हा प्रशासनाने ८० हजार ध्वज निर्मितीचं उद्दिष्ट दिलं असून, जवळपास १०० महिलांना तिरंगा ध्वज निर्मितीचं काम मिळालं आहे. या महिलांनी आपल्या भावना या शब्दांत व्यक्त केल्या –

लक्ष्‍मी बनसोडे

गेल्या तीन वर्षापासून आम्ही ध्वज निर्मितीचं काम करतो. सात रूपये प्रमाणे आम्ही एक ध्वज तयार करतो. आणि आम्हाला दिवसाचे चारशे ते पाचशे रूपये रोजगार मिळतो. म्हणजे चांगलाच हातभार आमच्या संसाराला लागतो.

नाझिया शेख

आमच्या उत्पादक गटामध्ये सध्या तिरंगा ध्वजची निर्मिती होत आहे. या वर्षी आमच्या एन पी के गटाला ५० हजारांची ऑर्डर धाराशिव जिल्ह्यासाठी मिळालेली आहे. त्या ऑर्डरमध्ये आम्हाला तीन ते साडेतीन लाखाचा निव्वळ नफा मिळण्याची शक्यता आहे. त्यात काम करतांना आम्ही पण देशासाठी काम करत आहोत याचा आम्हाला खूप अभिमान आहे. यासाठी आमच्या गटातील महिला खूप खूश आहेत आणि आमचं खूप उत्साहात तिरंगा ध्वज निर्मितीचं काम चालू आहे.

****

माजी मुख्यमंत्री विलासराव देशमुख यांचा १२ वा स्मृतीदिन उद्या पाळण्यात येत आहे. यानिमित्तानं लातूर मेडिकल असोसिएशन, डेंटल असोसिएशन, निमा असोसिएशन, होमिओपॅथी असोसिएशन तसेच विलासराव देशमुख फाउंडेशन यांच्या संयुक्त विद्यमाने महाआरोग्य शिबिराचं आयोजन करण्यात आलं आहे. जवळपास ३०० रुग्णालयांच्या माध्यमातून हे महाआरोग्य शिबीर पार पडणार असल्याचं, आज एका पत्रकार परिषदेत सांगण्यात आलं.

****

परभणी शहरापासून जवळच असलेल्या सुकापुर वाडी गावाला रस्ता नसल्यानं इथल्या नागरिकांनी आज जिल्हा परिषदेच्या मुख्य कार्यकारी अधिकारी रश्मी खांडेकर यांच्या दालनात विद्यार्थ्यांसह शाळा भरवली. मागण्या मान्य होत नाहीत त��पर्यंत इथून हलणार नसल्याचा पवित्रा या सर्वांनी घेतल्यानं, काही काळ गोंधळ निर्माण झाल्याचं, आमच्या वार्ताहरानं कळवलं आहे.

****

जालना स्थानिक गुन्हे शाखेच्या पथकानं ५० लाख ८२ हजार रुपये किमतीचा गुटख्यासह एकूण ७० लाख ८२ हजार रुपयांचा मुद्देमाल जप्त केला आहे. बीडहून निघालेला हा ट���रक जालना-अंबड मार्गावरील लालवाडी शिवारातून जालन्याकडे येत असताना पोलिसांनी ही कारवाई करत, ट्रक चालकाविरुध्द गुन्हा दाखल केला.

****

[airnews-arngbad]

Regional Marathi Text Bulletin, Chhatrapati Sambhajinagar

Date: 10 May 2024

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक १० मे २०२४ दुपारी १.०० वा.

****

अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर यांच्या हत्या प्रकरणी पुण्यातल्या विशेष न्यायालयानं आरोपी सचिन अंदुरे आणि शरद कळसकर यांना आजीवन जन्मठेपेची शिक्षा सुनावली आहे. अन्य एक आरोपी डॉ. वीरेंद्र तावडे याच्यावर हत्या आणि कट रचल्याचा आरोप होता, मात्र पुराव्याअभावी, त्याच्यासह संजीव पुनाळेकर आणि विक्रम भावे यांची निर्दोष मुक्तता करण्यात आली आहे. २० ऑगस्ट २०१३ रोजी पुण्यात डॉ दाभोलकर यांची महर्षी विठ्ठल रामजी शिंदे पुलावर गोळ्या झाडून हत्या करण्यात आली होती.

****

लोकसभा निवडणुकीच्या चौथ्या टप्प्याचा प्रचार उद्या संपत आहे. त्यामुळे सर्वच राजकीय पक्षांच्या प्रचारानं जोर धरला आहे. या टप्प्यात राज्यातल्या औरंगाबाद, जालना, बीड, नंदुरबार, जळगाव, रावेर, मावळ, पुणे, शिरूर, अहमदनगर आणि शिर्डी या मतदारसंघांमध्ये, येत्या १३ मे रोजी मतदान होणार आहे.

भाजपचे ज्येष्ठ नेते पंतप्रधान नरेंद्र मोदी यांनी आज नंदुरबार इथं महायुतीच्या उमेदवार हिना गावित यांच्या प्राचारार्थ सभा घेतली.

****

मुख्यमंत्री एकनाथ शिंदे आज छत्रपती संभाजीनगर इथं महायुतीच्या घटक पक्षाच्या मेळाव्याला उपस्थित राहणार आहेत.

शिवसेना उद्धव बाळासाहेब ठाकरे पक्षाचे प्रमुख उद्धव ठाकरे आज जालना आणि छत्रपती संभाजीनगर इथं सभा घेणार आहेत. दुपारी जालना इथं महाविकास आघाडीचे उमेदवार डॉ. कल्याण काळे यांच्या प्राचारार्थ ठाकरे यांची सभा होईल. त्यानंतर संध्याकाळी सहा वाजेच्या सुमारास छत्रपती संभाजीनगर इथं महाविकास आघाडीचे उमेदवार चंद्रकांत खैरे यांच्या प्रचारासाठी, मराठवाडा सांस्कृतिक मंडळाच्या मैदानावर त्यांची सभा होणार आहे.

****

लोकसभा निवडणुकीत मतदानाचा टक्का वाढवा यासाठी स्वीप अंतर्गत अनोखे उपक्रम राबवण्यात येत आहेत. ठाणे लोकसभा मतदारसंघात मतदान यंत्राचे मुखवटे अर्थात शुभंकर तयार करण्यात आले आहेत. हे चार शुभंकर संपूर्ण महापालिका क्षेत्रात फिरुन मतदानाविषयी जनजागृती करत आहेत. नाशिक महानगरपालिका आणि क्रेडाई संस्थेने मतदार जागृतीसाठी चित्रकला स्पर्धेचं आयोजन केलं होतं.

****

शिर्डी लोकसभा मतदारसंघात ६५० नागरीकांनी गृह मतदानाद्वारे मतदानाचा हक्क बजावला. यामध्ये ५५४ ज्येष्ठ नागरीक, तर ९६ दिव्यांग मतदारांचा समावेश आहे.

****

वैशाख शुद्ध तृतीया अर्थात अक्षय्य तृतीयेचा सण आज साजरा होत आहे. भगवान परशूराम आणि महात्मा बसवेश्वर जयंतीही आज साजरी होत असून, यानिमित्तानं शोभायात्रा, वाहनफेऱ्यांसह विविध कार्यक्रमांचं आयोजन करण्यात आलं आहे.

नांदेड इथल्या शहर आ��ि जिल्हा काँग्रेस कमिटी कार्यालयात आज महात्मा बसवेश्वर यांची जयंती साजरी करण्यात आली.

छत्रपती संभाजीनगर इथं स्वामी विवेकानंद उद्यानात महात्मा बसवेश्वर जयंतीनिमित्त जिल्हा महोत्सव समितीच्या वतीने मुख्य कार्यक्रम घेण्यात आला. तर भगवान परशुराम जयंतीनिमित्त औरंगपुरा इथं भगवान परशुराम यांच्या प्रतिमेचं पूजन करण्यात आलं.

****

नांदेड शहरातल्या शिवाजीनगर परिसरात आयकर विभागाने आज पहाटे छापे मारले. खाजगी फायनान्स कंपनी, गोल्ड लोन देणाऱ्या कंपन्या आयकर विभागाच्या रडारवर आहेत. शहरातल्या कोकाटे कॉम्प्लेक्स, अलिभाई टॉवर इथल्या कंपन्यांची कार्यालयं आणि शिवाजीनगर इथल्या निवासस्थानांवरही आयकर विभागाकडून कारवाई केली जात आहे. नाशिक आयकर विभागातील जवळपास १०० अधिकारी या कारवाईत समाविष्ट असल्याचं आमच्या वार्ताहरानं कळवलं आहे.

****

परभणी जिल्ह्यात आगामी पावसाळ्यात प्रशासनानं आपत्कालीन परिस्थितीत सतर्क राहण्याचं आवाहन जिल्हाधिकारी रघुनाथ गावडे यांनी केलं आहे. ते काल मान्सूनपूर्व आपत्ती व्यवस्थापन समितीच्या आढावा बैठकीत बोलत होते. जिल्ह्यात नदी काठावर ११८ गावं आहेत. या गावांना संभाव्य महापुराबाबत सतर्क करणं तसंच क्षेत्रीय अधिकाऱ्यांना वेळोवेळी संदेश देण्याची जबाबदारी संबंधित गावातील समितीवर सोपवण्यात यावी अशा सूचना त्यांनी यावेळी दिल्या.

****

हिंगोली जिल्ह्याच्या औंढा तालुक्यातल्या हिवरा जाटू इथला मंडळ अधिकारी उत्तम डाखुरे २० हजार रुपयांची लाच घेताना काल पकडण्यात आलं. सातबारा उताऱ्यावरील फेरफार नोंद कायम ठेवण्यासाठी त्यानं ही लाच मागितली होती.

****

महावितरणने राज्यातल्या तीन कोटी वीजग्राहकांसाठी घरबसल्या एका क्लिकवर सर्व सेवा उपलब्ध करून दिल्या आहेत. कृत्रिम बुद्धिमत्तेचा वापर करून वीजग्राहकांच्या संवादपर मदतीसाठी, ऊर्जा चॅट बॉट, महावितरणच्या संकेतस्थळ आणि मोबाईल ऍपवर उपलब्ध करून देण्यात आलं आहे. नोंदणीकृत मोबाईल क्रमांकावरून या सेवेचा ग्राहकांना लाभ घेता येईल.

****

राज्यात एक मार्चपासून उष्माघाताच्या २०२ रूग्णांची नोंद झाली असून, एकाही मृत्यूची नोंद झालेली नाही. सर्व जिल्ह्यांमध्ये उष्माघाताच्या रूग्णांवर उपचार करण्याची सुविधा पुरवण्यात आली असल्याचं, आरोग्य विभागाचे सहसंचालक डॉक्टर राधाकिशन पवार यांनी सांगितलं. उष्माघाताचे सर्वाधिक २३ रूग्ण नाशिक जिल्ह्यात आढळले आहेत.

****

[airnews-arngbad]

Regional Marathi Text Bulletin, Aurangabad

Date – 13 October 2023

Time 18.10 to 18.20

Language Marathi

आकाशवाणी औरंगाबाद

प्रादेशिक बातम्या

दिनांक – १३ ऑक्टोबर २०२३ सायंकाळी ६.१०

****

आमदार अपात्रतेच्या मुद्यावर निर्णयासाठी मंगळवारपर्यंत कालमर्यादा निश्चित करण्याचे सर्वोच्च न्यायालयाचे विधानसभाध्यक्षांना निर्देश

आगामी लोकसभा निवडणुकीत महाराष्ट्र नवनिर्माण सेना राज्यातल्या २१ जागा लढवणार - राज ठाकरे यांची घोषणा

शिक्षणाच्या सार्वत्रीकरणासोबतच शिक्षणाची गुणवत्ता राखण्याची गरज केंद्रीय परिवहन मंत्री नितीन गडकरी यांच्याकडून व्यक्त

आणि

विश्वचषक क्रिकेट स्पर्धेत बांग्लादेशचं न्यूझीलंडसमोर विजयासाठी २४६ धावांचं आव्हान

****

शिवसेना आणि राष्ट्रवादी काँग्रेसच्या आमदार अपात्रतेच्या मुद्यावर निर्णय घेण्यासाठी विधानसभा अध्यक्षांनी मंगळवारपर्यंत कालमर्यादा निश्चित करावी, अन्यथा न्यायालयाला कालमर्यादा निश्चित करुन द���यावी लागेल असं सर्वोच्च न्यायालयानं म्हटलं आहे. या याचिकांवर सुनावणीला विधानसभा अध्यक्ष उशीर करत असल्याच्या शिवसेनेच्या याचिकेवर सर्वोच्च न्यायालयात आज सुनावणी झाली. तेव्हा न्यायालयानं हे निर्देश दिले. आगामी निवडणुकांपूर्वी या याचिकांवर निर्णय व्हावा, अन्यथा विधानसभा अध्यक्षांपुढील कार्यवाही निरर्थक ठरेल, असंही न्यायालयानं म्हटल्याचं वृत्तसंस्थेच्या बातमीत म्हटलं आहे.

दरम्यान, मराठा आरक्षणासंदर्भात सर्वोच्च न्यायालयाच्या निकालाविरोधातली क्युरेटिव्ह याचिका योग्य वेळी सूचिबद्ध केली जाईल, असं सर्वोच्च न्यायालयानं सांगितलं आहे. ज्येष्ठ वकील मनिंदर सिंग यांनी तातडीच्या सुनावणीसाठी सरन्यायाधीश डी.वाय. चंद्रचूड यांच्यासमोर या प्रकरणाचा उल्लेख केला. तेव्हा सरन्यायाधीशांनी, क्युरेटिव्ह याचिकेवर प्रक्रिया सुरू असून, ती सुनावणीसाठी योग्यवेळी सूचीबद्ध करू, असंही वृत्तसंस्थेच्या बातमीत म्हटलं आहे.

****

आगामी लोकसभा निवडणुकीत महाराष्ट्र नवनिर्माण सेना राज्यातल्या २१ जागा लढवणार असून, यापैकी मुंबईतल्या सर्व सहा जागांवर उमेदवार उभे करणार असल्याचं मनसे अध्यक्ष राज ठाकरे यांनी जाहीर केलं आहे. राज्यातल्या पथकरासंदर्भात सार्वजनिक बांधकाममंत्री दादा भुसे यांची भेट घेतल्यानंतर ते प्रसारमाध्यमांशी बोलत होते. पुढचे १५ दिवस राज्यांत पथकर नाक्यांवर कॅमेरे बसवून गाड्यांची मोजणी केली जाईल. कराच्या रक्कम आणि आकारणीबाबतचा तपशील प्रत्येक नाक्यावर मोठ्या डिजिटल फलकावर लावणं सक्तीचं असेल. टोल भरणा करताना रांगेत पिवळ्या रेषेच्या अलिकडे थांबावं लागल्यास वाहनांना टोल भरावा लागणार नाही, इत्यादी मागण्या राज्य सरकारनं मान्य केल्याचं राज ठाकरे यांनी सांगितलं.

****

शिक्षणाच्या सार्वत्रीकरणासोबतच शिक्षणाची गुणवत्ता राखण्याची गरज केंद्रीय परिवहन मंत्री नीतीन गडकरी यांनी व्यक्त केली आहे. छत्रपती संभाजीनगर इथल्या महात्मा गांधी मिशन अभिमत विद्यापीठाचा दुसरा दीक्षांत समारंभ आज गडकरी यांच्या उपस्थितीत झाला, त्यावेळी ते बोलत होते. स्वदेशी, स्वातंत्र्य, स्वावलंबित्व यातून आर्थिक संपन्नता साधण्याचा सल्ला गडकरी यांनी यावेळी विद्यार्थ्यांना दिला. ते म्हणाले -

या समाजातून विषमता, सामाजिक विषमता, आर्थिक विषमता नष्ट झाली पाहिजे. माणूस हा त्याच्या जातीने मोठा नाही त्याच्या गुणाने मोठा आहे. तर व्यक्तिगत आचरणातून आपल्या सगळ्यांना या विचारातून अनुकरण करण्याची गरज आहे. या समाजातल्या दलित, पिडीत आणि शोषित माणसाला सामाजिक, आर्थिक आणि शैक्षणिक दृष्टीने खऱ्या अर्थाने समाजाच्या मुख्य प्रवाहात प्रतिष्ठा मिळेल तो आपल्यासाठी सोन्याचा दिवस राहील. शिक्षणाचं सार्वत्रिकरण झालं पाहिजे. पण शिक्षणाची गुणवत्ताही मेंटनेन झाली पाहिजे. स्वदेश, स्वालंबन आणि स्वातंत्र्य या मुलभूत आधारावर इकॉनॉमिक डेव्हलपमेंट - आर्थिक विकास करण्यात येईल. याचं मॉडेल गांधीजींच्या स्पिरीटमधून आ��ं आहे. 

या कार्यक्रमाला विद्यापीठाचे कुलपती अंकुशराव कदम, कुलगुरू डॉ विकास सपकाळ, कुलसचिव डॉ आशिष गाडेकर यांच्यासह विविध मान्यवर उपस्थित होते. महाकवी वामनदादा कर्डक यांना यावेळी मरणोत्तर डिलीट पदवी प्रदान करण्यात आली, कर्डक यांच्या कुटुंबियांनी ही पदवी स्वीकारली. ८६७ विद्यार्थ्यांना पदवी प्रदान करण्यात आली तर दहा विद्यार्थ्यांना सुवर्णपदकांनी सन्मानित करण्यात आलं.

****

‘आंतरराष्ट्रीय आपत्ती धोके निवारण दिवस’ आज जगभरात पाळण्यात आला. मुंबईत मंत्रालयात मदत आणि पुनर्वसन मंत्री अनिल पाटील यांनी उपस्थित अधिकारी आणि कर्मचाऱ्यांना आपत्ती सौम्यीकरणाच्या विविध उपक्रमात सहभागी होण्याची शपथ दिली.

आपत्कालीन परिस्थितीत आपदग्रस्तांना तत्काळ मदत मिळण्यासाठी प्रशासनानं अत्याधुनिक तंत्रज्ञानाचा वापर करावा. तसंच विद्यार्थ्यांना शालेय स्तरापासूनच आपत्कालीन परिस्थितीत घ्यावयाच्या खबरदारीचं प्रशिक्षण देण्यात यावं, असं पाटील यावेळी म्हणाले. आपत्कालीन परिस्थितीत केलेल्या उत्कृष्ट कार्याबद्दल राज्य मंत्रालय नियंत्रण कक्षातील अधिकारी तसंच कर्मचाऱ्यांचा यावेळी मान्यवरांच्या हस्ते सत्कार करण्यात आला.

बीड जिल्हाधिकारी कार्यालय आणि जिल्हा नियोजन सभागृहात आज 'आपत्ती धोके निवारण दिवस' साजरा करण्यात आला. जिल्हाधिकारी दीपा मुधोळ-मुंडे यांनी सर्व उपस्थित अधिकाऱ्यांना यावेळी आपत्ती धोके निवारण दिनाची प्रतिज्ञा दिली. यावेळी निवासी उपजिल्हाधिकारी शिवकुमार स्वामी, जिल्हा आपत्ती व्यवस्थापन अधिकारी राजदीप बनसोड यांच्यासह वेगवेगळ्या विभागाचे विभागप्रमुख उपस्थित होते.

जागतिक 'आपत्ती धोके निवारण दिनानिमित्त नांदेड जिल्हाधिकारी कार्यालयात व्यवस्थापन प्राधिकरणाच्यावतीनं महानगरपालिका अग्निशमन दलामार्फत प्रात्यक्षिकं सादर करण्यात आली. यावेळी आगीपासून बचाव करण्याबाबत माहिती देण्यात आली. तसंच उंच इमारतींवरून सुरक्षित सुटकेचं प्रात्यक्षिकही दाखवण्यात आलं.      

****

विश्वचषक क्रिकेट स्पर्धेमध्ये आज चेन्नई इथं न्यूझीलंड आणि बांग्लादेश दरम्यान सामना सुरू आहे. न्यूझीलंडने नाणेफेक जिंकत गोलंदाजी करण्याचा निर्णय घेतला. बांग्लादेशनं पन्नास षटकात नऊ गडी बाद २४५ धावा केल्या. न्यूझीलंडसमोर विजयासाठी २४६ धावांचं आव्हान ठेवलं आहे. उद्या अहमदाबाद इथंल्या नरेंद्र मोदी स्टेडीयमवर भारत आणि पाकिस्तान यांच्यात सामना होणार आहे.

****

‘मेरी माटी, मेरा देश-माझी माती, माझा देश’ अभियान अंतर्गत लातूर जिल्ह्यातील १० पंचायत समित्यांमधून आलेल्या कलशांचं आज जिल्हाधिकारी कार्यालयात उद्योगमंत्री उदय सामंत तसंच क्रीडा आणि युवक कल्याण मंत्री संजय बनसोड यांच्या हस्ते पूजन करण्यात आलं. आमदार विक्रम काळे, जिल्हाधिकारी वर्��ा ठाकूर-घुगे, जिल्हा परिषदेचे मुख्य कार्यकारी अधिकारी अनमोल सागर, यांच्यासह अनेक मान्यवर यावेळी उपस्थित होते. जिल्ह्यातल्या मातीचे १२ अमृत कलश मुंबईला रवाना होणार आहेत.

'मेरी माटी मेरा देश' उपक्रमांतर्गत धुळे शहराच्या विविध भागातून संकलित करण्यात आलेल्या मातीचा अमृत कलश आज महापालिकेमार्फत जिल्हाधिकारी अभिनव गोयल यांच्याकडे सुपूर्द करण्यात आला.

****

मुस्लिम आरक्षणासाठी छत्रपती संभाजीनगर इथून आज पायी मोर्चा मुंबईकडे निघाला. विविध शहरं आणि गावातून जाणारा हा मोर्चा मंत्रालयावर धडकणार असल्याचं, या मोर्चेकऱ्यांचे नेते जावेद कुरेशी यांनी सांगितलं.

****

कंत्राटी भरती विरोधात सुशिक्षित बेरोजगारांनी आज बीड जिल्हाधिकारी कार्यालयासमोर निदर्शनं केली. खाजगीकरण, कंत्राटीकरण विरोधी कृती समितीच्यावतीनं काढलेल्या या मोर्चात विद्यार्थी मोठ्या संख्येनं सहभागी झाले होते.

****

हिंगोली जिल्हा रुग्णालयात आज शून्य ते १८ वर्षे वयोगटातल्या संशयित १३० हृदयरोग विद्यार्थ्यांची टूडी इको तपासणी करण्यात आली. यापैकी तीस विद्यार्थ्यांना शस्त्रक्रियेसाठी संदर्भित करण्यात आलं. संशयित विद्यार्थ्यांनी जिल्हा रुग्णालयात वेळोवेळी तपासणी करून घेण्याचं आवाहन जिल्हा शल्य चिकित्सक डॉ. नितीन तडस यांनी यावेळी केलं.

****

धाराशिव जिल्हा परिषद शाळेतील विद्यार्थ्यांसाठी मुख्य कार्यकारी अधिकारी राहुल गुप्ता यांच्या अध्यक्षतेखाली स्पोकन इंग्लीश या उपक्रमाची सुरुवात करण्यात आली. या शाळेतील मुलांना फक्त पंचवीस तासांमध्ये इंग्रजी बोलण्याचा सराव आणि कौशल्य याचं प्रशिक्षण देण्यात येणार आहे. विद्यार्थ्यांमध्ये इंग्रजीत संभाषणाचा आत्मविश्वास निर्माण या अनुषंगाने हा उपक्रम घेण्यात आला. अशा विविध उत्कृष्ट उपक्रमांसाठी जिल्हा पातळीवर तीन शाळांना आणि तालुका पातळीवरील एका शाळेला दर महा ओपन लिंक्स फाउंडेशनकडून बक्षिसं देण्यात येणार आहेत.

****

प्रधानमंत्री विश्वकर्मा योजनेत बीड आणि छत्रपती संभाजीनगर जिल्ह्यांचा समावेश करण्यात यावा अशी मागणी बीड जिल्हा लोहार - गाडी लोहार समाज विकास संघटनेनं केली आहे. या मागणीचं निवेदन संघटनेच्या पदाधिकाऱ्यांनी जिल्हाधिकारी दीपा मुधोळ-मुंडे यांना सादर केलं.

****

[airnews-arngbad]

Regional Marathi Text Bulletin, Aurangabad

Date – 13 October 2023

Time 18.10 to 18.20

Language Marathi

आकाशवाणी औरंगाबाद

प्रादेशिक बातम्या

दिनांक – १३ ऑक्टोबर २०२३ सायंकाळी ६.१०

****

आमदार अपात्रतेच्या मुद्यावर निर्णयासाठी मंगळवारपर्यंत कालमर्यादा निश्चित करण्याचे सर्वोच्च न्यायालयाचे विधानसभाध्यक्षांना निर्देश

आगामी लोकसभा निवडणुकीत महाराष्ट्र नवनिर्माण सेना राज्यातल्या २१ जागा लढवणार - राज ठाकरे यांची घोषणा

शिक्षणाच्या सार्वत्रीकरणासोबतच शिक्षणाची गुणवत्ता राखण्याची गरज केंद्रीय परिवहन मंत्री नितीन गडकरी यांच्याकडून व्यक्त

आणि

विश्वचषक क्रिकेट स्पर्धेत बांग्लादेशचं न्यूझीलंडसमोर विजयासाठी २४६ धावांचं आव्हान

****

शिवसेना आणि राष्ट्रवादी काँग्रेसच्या आमदार अपात्रतेच्या मुद्यावर निर्णय घेण्यासाठी विधानसभा अध्यक्षांनी मंगळवारपर्यंत कालमर्यादा निश्चित करावी, अन्यथा न्यायालयाला कालमर्यादा निश्चित करुन द्यावी लागेल असं सर्वोच्च न्यायालयानं म्हटलं आहे. या याचिकांवर सुनावणीला विधानसभा अध्यक्ष उशीर करत असल्याच्या शिवसेनेच्या याचिकेवर सर्वोच्च न्यायालयात आज सुनावणी झाली. तेव्हा न्यायालयानं हे निर्देश दिले. आगामी निवडणुकांपूर्वी या याचिकांवर निर्णय व्हावा, अन्यथा विधानसभा अध्यक्षांपुढील कार्यवाही निरर्थक ठरेल, असंही न्यायालयानं म्हटल्याचं वृत्तसंस्थेच्या बातमीत म्हटलं आहे.

दरम्यान, मराठा आरक्षणासंदर्भात सर्वोच्च न्यायालयाच्या निकालाविरोधातली क्युरेटिव्ह याचिका योग्य वेळी सूचिबद्ध केली जाईल, असं सर्वोच्च न्यायालयानं सांगितलं आहे. ज्येष्ठ वकील मनिंदर सिंग यांनी तातडीच्या सुनावणीसाठी सरन्यायाधीश डी.वाय. चंद्रचूड यांच्यासमोर या प्रकरणाचा उल्लेख केला. तेव्हा सरन्यायाधीशांनी, क्युरेटिव्ह याचिकेवर प्रक्रिया सुरू असून, ती सुनावणीसाठी योग्यवेळी सूचीबद्ध करू, असंही वृत्तसंस्थेच्या बातमीत म्हटलं आहे.

****

आगामी लोकसभा निवडणुकीत महाराष्ट्र नवनिर्माण सेना राज्यातल्या २१ जागा लढवणार असून, यापैकी मुंबईतल्या सर्व सहा जागांवर उमेदवार उभे करणार असल्याचं मनसे अध्यक्ष राज ठाकरे यांनी जाहीर केलं आहे. राज्यातल्या पथकरासंदर्भात सार्वजनिक बांधकाममंत्री दादा भुसे यांची भेट घेतल्यानंतर ते प्रसारमाध्यमांशी बोलत होते. पुढचे १५ दिवस राज्यांत पथकर नाक्यांवर कॅमेरे बसवून गाड्यांची मोजणी केली जाईल. कराच्या रक्कम आणि आकारणीबाबतचा तपशील प्रत्येक ��ाक्यावर मोठ्या डिजिटल फलकावर लावणं सक्तीचं असेल. टोल भरणा करताना रांगेत पिवळ्या रेषेच्या अलिकडे थांबावं लागल्यास वाहनांना टोल भरावा लागणार नाही, इत्यादी मागण्या राज्य सरकारनं मान्य केल्याचं राज ठाकरे यांनी सांगितलं.

****

शिक्षणाच्या सार्वत्रीकरणासोबतच शिक्षणाची गुणवत्ता राखण्याची गरज केंद्रीय परिवहन मंत्री नीतीन गडकरी यांनी व्यक्त केली आहे. छत्रपती संभाजीनगर इथल्या महात्मा गांधी मिशन अभिमत विद्यापीठाचा दुसरा दीक्षांत समारंभ आज गडकरी यांच्या उपस्थितीत झाला, त्यावेळी ते बोलत होते. स्वदेशी, स्वातंत्र्य, स्वावलंबित्व यातून आर्थिक संपन्नता साधण्याचा सल्ला गडकरी यांनी यावेळी विद्यार्थ्यांना दिला. ते म्हणाले -

या समाजातून विषमता, सामाजिक विषमता, आर्थिक विषमता नष्ट झाली पाहिजे. माणूस हा त्याच्या जातीने मोठा नाही त्याच्या गुणाने मोठा आहे. तर व्यक्तिगत आचरणातून आपल्या सगळ्यांना या विचारातून अनुकरण करण्याची गरज आहे. या समाजातल्या दलित, पिडीत आणि शोषित माणसाला सामाजिक, आर्थिक आणि शैक्षणिक दृष्टीने खऱ्या अर्थाने समाजाच्या मुख्य प्रवाहात प्रतिष्ठा मिळेल तो आपल्यासाठी सोन्याचा दिवस राहील. शिक्षणाचं सार्वत्रिकरण झालं पाहिजे. पण शिक्षणाची गुणवत्ताही मेंटनेन झाली पाहिजे. स्वदेश, स्वालंबन आणि स्वातंत्र्य या मुलभूत आधारावर इकॉनॉमिक डेव्हलपमेंट - आर्थिक विकास करण्यात येईल. याचं मॉडेल गांधीजींच्या स्पिरीटमधून आलं आहे. 

या कार्यक्रमाला विद्यापीठाचे कुलपती अंकुशराव कदम, कुलगुरू डॉ विकास सपकाळ, कुलसचिव डॉ आशिष गाडेकर यांच्यासह विविध मान्यवर उपस्थित होते. महाकवी वामनदादा कर्डक यांना यावेळी मरणोत्तर डिलीट पदवी प्रदान करण्यात आली, कर्डक यांच्या कुटुंबियांनी ही पदवी स्वीकारली. ८६७ विद्यार्थ्यांना पदवी प्रदान करण्यात आली तर दहा विद्यार्थ्यांना सुवर्णपदकांनी सन्मानित करण्यात आलं.

****

‘आंतरराष्ट्रीय आपत्ती धोके निवारण दिवस’ आज जगभरात पाळण्यात आला. मुंबईत मंत्रालयात मदत आणि पुनर्वसन मंत्री अनिल पाटील यांनी उपस्थित अधिकारी आणि कर्मचाऱ्यांना आपत्ती सौम्यीकरणाच्या विविध उपक्रमात सहभागी होण्याची शपथ दिली.

आपत्कालीन परिस्थितीत आपदग्रस्तांना तत्काळ मदत मिळण्यासाठी प्रशासनानं अत्याधुनिक तंत्रज्ञानाचा वापर करावा. तसंच विद्यार्थ्यांना शालेय स्तरापासूनच आपत्कालीन परिस्थितीत घ्यावयाच्या खबरदारीचं प्रशिक्षण देण्यात यावं, असं पाटील यावेळी म्हणाले. आपत्कालीन परिस्थितीत केलेल्या उत्कृष्ट कार्याबद्दल राज्य मंत्रालय नियंत्रण कक्षातील अधिकारी तसंच कर्मचाऱ्यांचा यावेळी मान्यवरांच्या हस्ते सत्कार करण्यात आला.

बीड जिल्हाधिकारी कार्यालय आणि जिल्हा नियोजन सभागृहात आज 'आपत्ती धोके निवारण दिवस' साजरा करण्यात आला. जिल्हाधिकारी दीपा मुधोळ-मुंडे यांनी सर्व उपस्थित अधिकाऱ्यांना यावेळी आपत्ती धोके निवारण दिनाची प्रतिज्ञा दिली. यावेळी निवासी उपजिल्हाधिकारी शिवकुमार स्वामी, जिल्हा आपत्ती व्यवस्थापन अधिकारी राजदीप बनसोड यांच्यासह वेगवेगळ्या विभागाचे विभागप्रमुख उपस्थित होते.

जागतिक 'आपत्ती धोके निवारण दिनानिमित्त नांदेड जिल्हाधिकारी कार्यालयात व्यवस्थापन प्राधिकरणाच्यावतीनं महानगरपालिका अग्निशमन दलामार्फत प्रात्यक्षिकं सादर करण्यात आली. यावेळी आगीपासून बचाव करण्याबाबत माहिती देण्यात आली. तसंच उंच इमारतींवरून सुरक्षित सुटकेचं प्रात्यक्षिकही दाखवण्यात आलं.      

****

विश्वचषक क्रिकेट स्पर्धेमध्ये आज चेन्नई इथं न्यूझीलंड आणि बांग्लादेश दरम्यान सामना सुरू आहे. न्यूझीलंडने नाणेफेक जिंकत गोलंदाजी करण्याचा निर्णय घेतला. बांग्लादेशनं पन्नास षटकात नऊ गडी बाद २४५ धावा केल्या. न्यूझीलंडसमोर विजयासाठी २४६ धावांचं आव्हान ठेवलं आहे. उद्या अहमदाबाद इथंल्या नरेंद्र मोदी स्टेडीयमवर भारत आणि पाकिस्तान यांच्यात सामना होणार आहे.

****

‘मेरी माटी, मेरा देश-माझी माती, माझा देश’ अभियान अंतर्गत लातूर जिल्ह्यातील १० पंचायत समित्यांमधून आलेल्या कलशांचं आज जिल्हाधिकारी कार्यालयात उद्योगमंत्री उदय सामंत तसंच क्रीडा आणि युवक कल्याण मंत्री संजय बनसोड यांच्या हस्ते पूजन करण्यात आलं. आमदार विक्रम काळे, जिल्हाधिकारी वर्षा ठाकूर-घुगे, जिल्हा परिषदेचे मुख्य कार्यकारी अधिकारी अनमोल सागर, यांच्यासह अनेक मान्यवर यावेळी उपस्थित होते. जिल्ह्यातल्या मातीचे १२ अमृत कलश मुंबईला रवाना होणार आहेत.

'मेरी माटी मेरा देश' उपक्रमांतर्गत धुळे शहराच्या विविध भागातून संकलित करण्यात आलेल्या मातीचा अमृत कलश आज महापालिकेमार्फत जिल्हाधिकारी अभिनव गोयल यांच्याकडे सुपूर्द करण्यात आला.

****

मुस्लिम आरक्षणासाठी छत्रपती संभाजीनगर इथून आज पायी मोर्चा मुंबईकडे निघाला. विविध शहरं आणि गावातून जाणारा हा मोर्चा मंत्रालयावर धडकणार असल्याचं, या मोर्चेकऱ्यांचे नेते जावेद कुरेशी यांनी सांगितलं.

****

कंत्राटी भरती विरोधात सुशिक्षित बेरोजगारांनी आज बीड जिल्हाधिकारी कार्यालयासमोर निदर्शनं केली. खाजगीकरण, कंत्राटीकरण विरोधी कृती समितीच्यावतीनं काढलेल्या या मोर्चात विद्यार्थी मोठ्या संख्येनं सहभागी झाले होते.

****

हिंगोली जिल्हा रुग्णालयात आज शून्य ते १८ वर्षे वयोगटातल्या संशयित १३० हृदयरोग विद्यार्थ्यांची टूडी इको तपासणी करण्यात आली. यापैकी तीस विद्यार्थ्यांना शस्त्रक्रियेसाठी संदर्भित करण्यात आलं. संशयित विद्यार्थ्यांनी जिल्हा रुग्णालयात वेळोवेळी तपासणी करून घेण्याचं आवाहन जिल्हा शल्य चिकित्सक डॉ. नितीन तडस यांनी यावेळी केलं.

****

धाराशिव जिल्हा परिषद शाळेतील विद्यार्थ्यांसाठी मुख्य कार्यकारी अधिकारी राहुल गुप्ता यांच्या अध्यक्षतेखाली स्पोकन इंग्लीश या उपक्रमाची सुरुवात करण्यात आली. या शाळेतील मुलांना फक्त पंचवीस तासांमध्ये इंग्रजी बोलण्याचा सराव आणि कौशल्य याचं प्रशिक्षण देण्यात येणार आहे. विद्यार्थ्यांमध्ये इंग्रजीत संभाषणाचा आत्मविश्वास निर्माण या अनुषंगाने हा उपक्रम घेण्यात आला. अशा विविध उत्कृष्ट उपक्रमांसाठी जिल्हा पातळीवर तीन शाळांना आणि तालुका पातळीवरील एका शाळेला दर महा ओपन लिंक्स फाउंडेशनकडून बक्षिसं देण्यात येणार आहेत.

****

प्रधानमंत्री विश्वकर्मा योजनेत बीड आणि छत्रपती संभाजीनगर जिल्ह्यांचा समावेश करण्यात यावा अशी मागणी बीड जिल्हा लोहार - गाडी लोहार समाज विकास संघटनेनं केली आहे. या मागणीचं निवेदन संघटनेच्या पदाधिकाऱ्यांनी जिल्हाधिकारी दीपा मुधोळ-मुंडे यांना सादर केलं.

****

[airnews-arngbad]

Regional Marathi Text Bulletin, Aurangabad

Date : 12 June 2023

Time 01.00 to 01.05 PM

Language Marathi

आकाशवाणी औरंगाबाद

प्रादेशिक बातम्या

दिनांक : १२ जून २०२३ दुपारी १.०० वा.

****

विकसनशील आणि अविकसित देशांसाठी विकास हा महत्वाचा मुद्दा असून, विकासाबाबत आपले प्रयत्न सर्वसमावेशक आणि निष्पक्ष असायला हवेत, असं पंतप्रधान नरेंद्र मोदी यांनी म्हटलं आहे. उत्तर प्रदेशातल्या वाराणसी इथं सुरु असलेल्या जी-20 विकास मंत्र्यांच्या बैठकीत आज पंतप्रधानांनी दूरदृश्य संवाद प्रणालीच्या माध्यमातून संबोधित केलं, त्यावेळी ते बोलत होते. जी - 20 देशांना विकासाचं एक मॉडेल देताना पंतप्रधानांनी, भारताने शंभरहून अधिक महत्त्वाकांक्षी जिल्ह्यांमध्ये लोकांचं जीवन सुधारण्यासाठी प्रयत्न केले असल्याचं सांगितलं. स्त्री-पुरुष समानता आणि महिला सक्षमीकरणाचं महत्त्व अधोरेखित करताना, पंतप्रधानांनी, भारत केवळ महिला सक्षमीकरणापुरता मर्यादित नाही, तर महिलांच्या नेतृत्वाखालील विकासासाठी विस्तारित असल्याचं सांगितलं. परराष्ट्र व्यवहार मंत्री एस जयशंकर या बठैकीचं अध्यक्षस्थान भूषवत आहेत.

***

जी - 20 परिषदेच्या पुण्यातल्या डिजिटल अर्थव्यवस्था विषयक कार्यगटाच्या तिसऱ्या बैठकीतल्या प्रदर्शनाचं उद्घाटन आज केंद्रीय इलेक्ट्रॉनिक्स आणि माहिती तंत्रज्ञान राज्यमंत्री राजीव चंद्रशेखर यांच्या हस्ते झालं. त्यांनी परदेशी पाहुण्यांसोबत या प्रदर्शनाची पाहणी केली.

दरम्यान, डिजिटल अर्थव्यवस्था कार्यगटाची तिसरी बैठक आजपासून पुण्यात सुरू झाली. डिजिटल सार्वजनिक पायाभूत सुविधा, डिजिटल अर्थव्यवस्थेतील सुरक्षितता आणि डिजिटल क्षेत्रातील कौशल्य, या तीन प्रमुख मुद्द्यांवर या बैठकीत चर्चा अपेक्षित आहे.

***

आषाढी वारीसाठी जळगाव जिल्ह्यातल्या मुक्ताईनगर इथून निघालेली संत मुक्ताबाईंची पालखी जालना जिल्ह्यातून मार्गक्रमण करत आहे. काल काजळा फाटा इथं मुक्कामी असलेली ही पालखी आज अंबड इथं जाणार आहे.

दरम्यान, डायल १०८ या महाराष्ट्र आपत्कालीन वैद्यकीय सेवेनं आषाढी वारीसाठी जिल्हानिहाय ७५ रुग्णवाहिका तैनात ठेवल्या आहेत. प्रस्थानापासून पंढरपूर��र्यंत डायल १०८ या सुविधेचा वापर वारकऱ्यांना करता येईल.

***

राष्ट्रवादी काँग्रेसचे अध्यक्ष शरद पवार यांना ��ामाजिक माध्यमावरुन धमकी देणाऱ्या सागर बर्वे या तरुणाला पुण्यातून अटक करण्यात आली आहे. त्याला आज न्यायालयात हजर केलं असता, न्यायालयानं उद्यापर्यंत पोलिस कोठडी सुनावली आहे. या धमकी प्रकरणी मुंबई गुन्हे शाखेनं गुन्हा दाखल केला आहे.  

***

हिंदुहृदयसम्राट बाळासाहेब ठाकरे महाराष्ट्र समृद्धी महामार्गावर नाशिक जिल्ह्यात सिन्नर तालुक्यात कारच्या भीषण अपघातात चार जणांचा मृत्यू झाला, तर चार जण गंभीर जखमी झाले. काल मध्यरात्री हा अपघात झाला. इनोव्हा कार मधले प्रवासी नातेवाईकांना हज यात्रेसाठी मुंबई इथं सोडून शिर्डीकडे परत जात असताना सिन्नर तालुक्यातल्या खापराळे शिवारात चालकाचं नियंत्रण सुटल्यानं कार महामार्गाच्या मध्यभागी असलेल्या संरक्षण भिंतीवर आदळल्यानं हा अपघात झाला. जखमींवर शिर्डी इथल्या रुग्णालयात उपचार सुरु आहेत.

***

धुळे जिल्ह्यातल्या बेरोजगार युवक - युवतींना रोजगार मिळावा म्हणून आमदार कुणाल पाटील यांनी आयोजित केलेल्या रोजगार मेळाव्याला मोठा प्रतिसाद मिळाला. या मेळाव्यात सहा हजार २७० युवक युवतींची निवड होवून त्यांना विविध कंपन्यांमध्ये रोजगाराची संधी मिळाल्याचं आमच्या वार्ताहरानं कळवलं आहे.

***

नंदुरबार जिल्ह्यातल्या पावसाळ्यात संपर्क तुटणाऱ्या साठहून अधिक गावांना तब्बल चार महिन्याचं रेशन प्रशासनाकडून पुरवण्यात आलं आहे. नंदुरबार जिल्ह्यातल्या नर्मदा घाटीसह अतिदुर्गम भागातल्या साठहून अधिक गावांचा संपर्क तुटतो, त्यामुळे या गावातल्या नागरीकांना धान्याची ने आण करणं कठीण जातं, त्यामुळे प्रशासनाकडून हे धान्य पुरवण्यात आल्याचं आमच्या वार्ताहरानं कळवलं आहे. 

***

देशातल्या गुजरात किनारपट्टी भागाच्या जवळ पोहोचलेलं बिपरजॉय चक्रीवादळ तीव्र होण्याचा अंदाज आहे. या पार्श्वभूमीवर पंतप्रधान नरेंद्र मोदी आज दुपारी बैठक घेणार आहेत. या बैठकीत ते वादळाच्या परिस्थितीचा आढावा घेतील.

दरम्यान, हे चक्रीवादळ १४ तारखेच्या सकाळपासून ते सौराष्ट्र आणि कच्छची किनारपट्टी ओलांडून मांडवी आणि पाकिस्तानातल्या कराचीच्या किनाऱ्याच्या दरम्यानच्या भागात पोहोचेपर्यंत आणखी तीव्र होण्याचा अंदाज आहे. यामुळे सौराष्ट्र आणि कच्छच्या किनारपट्टीच्या भागात यलो अलर्ट जारी करण्यात आला आहे. या अनुषंगानं केंद्रीय गृह सचिव अजय भल्ला यांनी देखील केंद्र शासन आणि गुजरात सरकारच्या तयारीचा आढावा घेतला.

                                   ***

दरम्यान, नैऋत्य मोसमी पाऊस काल राज्यात दाखल झाला. दक्षिण कोकणातला काही भाग, दक्षिण मध्य महाराष्ट्राचा काही भाग, संपूर्ण गोवा, तसंच कर्नाटक, तामिळनाडू आणि आंध्र प्रदेशाचा‌काही भाग काल मान्सूननं व्यापला. येत्या दोन दिवसात कोकण, मध्य - महाराष्ट्र, मराठवाडा आणि विदर्भात तुरळक ठिकाणी मेघगर्जनेसह पावसाची शक्यता हवामान विभागानं वर्तवली आहे.

//************//

[airnews-arngbad]

संक्षिप्त बातमीपत्र १६ सप्टेंबर २०२२ सकाळी ११.०० वाजता ****

उझबेकिस्तानमध्ये समरकंद इथं होत असलेल्या शांघाय सहकार्य संघटनेच्या शिखर परिषदेत पंतप्रधान नरेंद्र मोदी आज सहभागी होणार आहेत. या शिखर परिषदेच्या पार्श्वभूमीवर पंतप्रधान मोदी विविध देशांच्या प्रमुख नेत्यांशी परस्पर संबंधांच्या मुद्द्यांवर चर्चा करणार आहेत. या शिखर परिषदेनंतर ��शिया, उझबेकिस्तान आणि इराण बरोबर होणाऱ्या द्विपक्षीय बैठकीतही ते सहभागी होणार आहेत.

****

देशातील सार्वजनिक वाहतूक व्यवस्था दिवसेंदिवस खर्चिक होत असून ती सुरळीत आणि सुसूत्र करण्यासाठी पर्यायी वाहतुकीचा विचार करणं अत्यावश्यक आहे, असं केंद्रीय भूपृष्ठ वाहतूक मंत्री नितीन गडकरी यांनी म्हटलं आहे. नवी दिल्ली इथं एका कार्यक्रमात ते काल बोलत होते. वैयक्तिक वाहनांचा वापर कमी करून सार्वजनिक वाहतूक व्यवस्थेचा जास्तीतजास्त वापर करण्यासाठी नागरिकांना उद्युक्त केलं पाहिजे, असं गडकरी म्हणाले. 

****

राज्यातले शेतकरी आणि पशुपालकांना लम्पी रोगाविषयी संपर्क साधण्यासाठी मंत्रालयात समन्वय कक्षाची स्थापना करण्यात आली आहे. ०२२ - २२ ८४ ५१ ३२ या क्रमांकावर पशुपालकांनी संपर्क साधण्याचं आवाहन पशुसंवर्धन विभागाचे प्रधान सचिव जे पी गुप्ता यांनी केलं आहे.

****

२०२२-२३ या शैक्षणिक वर्षात विविध अभ्यासक्रमांच्या केंद्रीभूत प्रवेश प्रक्रियेसाठी उमेदवारांना लागणारी विविध प्रमाणपत्रं प्रवेश प्रक्रियेच्या अंतिम दिनांकापर्यंत सादर करण्यास मुदतवाढ देण्याचा निर्णय घेतला असल्याची माहिती उच्च आणि तंत्रशिक्षण मंत्री चंद्रकांत पाटील यांनी दिली. विद्यार्थ्यांना प्रमाणपत्र प्राप्त करुन घेताना विविध अडचणींना सामोरे जावं लागतं, ही बाब लक्षात घेऊन हा निर्णय घेण्यात आला.

****

मुंबईत भेसळयुक्त दुधाची विक्री करणाऱ्यांवर आर्थिक गुन्हे शाखेनं छापे टाकत काल एक हजार १० लीटर भेसळयुक्त दुध जप्त केलं. याप्रकरणी सहा जणांना अटक करण्यात आली आहे.

****

मुंबईच्या पूर्व आणि पश्चिम उपनगरात जोरदार पाऊस सुरु आहे. त्यामुळे वाहतुकीवर परिणाम झाला आहे. उपनगरीय रेल्वे सेवा सुरळीत असल्याची माहिती पालिकेच्या आपत्कालीन व्यवस्थापन विभागाने दिली आहे. मुंबईला पाणी पुरवठा करणारे सातही तलाव भरले आहेत.

//*********//

[bharatlivenewsmedia]

गच्चीचा दरवाजा कुलूपबंद ठेवू नका!

गच्चीचा दरवाजा कुलूपबंद ठेवू नका!

गच्चीचा दरवाजा कुलूपबंद ठेवू नका! ताडदेव आगीनंतर समितीची महत्त्वपूर्ण शिफारस मुंबई : बहुतांशी गृहनिर्माण संस्था सुरक्षिततेच्या कारणास्तव इमरातींच्या गच्चीचा दरवाजा बंद ठेवतात. मात्र हा दरवाजा कुलूपबंद ठेवू येऊ नये, असे पालिका प्रशासनाने सूचित केले आहे. आपत्कालीन प्रसंगी गच्चीचा वापर करता येऊ शकतो, आपत्कालीन परिस्थितीत रहिवाशांना गच्चीवर पोहोचणे सहज शक्य होईल व आगीपासून स्वत:चे संरक्षण करता येईल.…

[airnews-arngbad]

Regional Marathi Text Bulletin, Aurangabad Date – 02 February 2022 Time 1.00 to 1.05pm Language Marathi आकाशवाणी औरंगाबाद प्रादेशिक बातम्या दिनांक – ०२ फेब्रुवारी २०२२ दुपारी १.०० वा. ****

नवा अर्थसंकल्प गरीब, मध्यमवर्गीय आणि तरुणांवर केंद्रीत असून त्यांच्या मूलभूत गरजांची पूर्तता करणं या अर्थसंकल्पाचं उद्दिष्ट असल्याचं, पंतप्रधान नरेंद्र मोदी यांनी म्हटलं आहे. आत्मनिर्भर भारत अर्थसंकल्प या विषयावर ते आज जनतेशी संवाद साधत होते. नव्या संधींचा, नव्या संकल्प पूर्तीचा हा काळ असून, भारत आत्मनिर्भर बनावा आणि याचा पाया एक आधुनिक भारत असावा, असं ते म्हणाले. हर घर नल से जल, प्रधानमंत्री आवास योजना, शिक्षण, कृषी, संरक्षण यासारख्या क्षेत्रांसाठी अर्थसंकल्पात असलेल्या तरतुदींविषयी त्यांनी यावेळी माहिती दिली. सरकारनं आकांक्षित जिल्हा अभियान सुरु केलं असून, अशा जिल्ह्यांमध्ये शिक्षण, आरोग्य, वीज पुरवठा, पाणी पुरवठा, रस्ते विकास अशा विविध क्षेत्रात काम करण्यात येत असून, या कामाची संयुक्त राष्ट्रसंघाने प्रशंसा केल्याचं पंतप्रधानांनी सांगितलं. कृषी क्षेत्राला तंत्रज्ञानावर आधारित बनवण्यासाठी अर्थसंकल्पात अनेक योजना प्रस्तावित असल्य��चं ते म्हणाले. स्टार्ट अप, पीएम किसान सन्मान निधी, डिजिटल शिक्षण, बँकिंग प्रणाली, इंटरनेट सुविधा, फाईव्ह जी सेवा अशा विविध क्षेत्रासाठी अर्थसंकल्पात भरीव तरतूद करण्यात आल्याचं पंतप्रधानांनी सांगितलं.  

****

देशात क��विड प्रतिबंधात्मक लसीकरण मोहिमेनं १६७ कोटी मात्रांचा टप्पा पार केला आहे. काल ५७ लाख ४२ हजार ६५९ नागरीकांचं लसीकरण झालं. देशात आतापर्यंत या लसीच्या १६७ कोटी २९ लाख ४२ हजार ७०७ मात्रा देण्यात आल्या आहेत.

****

फायजर आणि बायोटेक या औषध निर्माण कंपन्यांनी पाच वर्षांपेक्षा कमी वयाच्या मुलांसाठी कोविड-19 लसीचा आपत्कालीन वापर करण्याकरता परवानगी मागितली आहे. सहा महिने ते चार वर्ष वयोगटातल्या मुलांना कोरोनाच्या वर्तमान आणि संभाव्य भविष्यातल्या प्रकारांपासून संरक्षण प्राप्त करण्यासाठी लसीच्या तीन मात्रा आवश्यक असतील, असं फायझरनं एका निवेदनात म्हटलं आहे. अशी मंजुरी मिळाल्यास, फाइझर-बायोटेक लस ही पाच वर्षांखालील बालकांसाठी उपलब्ध असलेली पहिली COVID-19 लस असेल.

****

केंद्र सरकारने आपल्या कर्मचाऱ्यांसाठी बायोमेट्रिक हजेरीतून सूट देण्याचा कालावधी या महिन्याच्या १५ तारखेपर्यंत वाढवला आहे. तसेच उप-सचिव स्तराच्या खालील ५० टक्के कर्मचाऱ्यांसाठी घरून काम करण्याचा कालावधीही, १५ फेब्रुवारीपर्यंत वाढवला आहे. दिव्यांग व्यक्ती आणि गरोदर महिला कर्मचाऱ्यांना कार्यालयात येण्यापासून सूट दिली जाईल. कार्यालयात उपस्थित राहणारे केंद्र सरकारचे अधिकारी आणि कर्मचारी यांनी वेगवेगळ्या वेळांचं पालन करावं लागेल, असं याबाबतच्या आदेशात म्हटलं आहे.

****

राज्यातल्या प्रत्येक कामगारांना तसंच गरजवंतांना तातडीची वैद्यकीय मदत मिळावी, यासाठी प्रत्येक जिल्ह्यात कर्मचारी राज्य विमा महामंडळ-ई.एस.आय.सी.चं किमान ३० खाटांचं रुग्णालय उभारण्यात येणार आहे. कामगार मंत्री तथा कमर्चारी राज्य विमा महामंडळाचे अध्यक्ष हसन मुश्रीफ यांनी काल ही माहिती दिली. कर्मचारी राज्य विमा महामंडळच्या प्रादेशिक मंडळाची काल बैठक झाली, त्यावेळी ते बोलत होते. दहा किलोमीटरनंतर एक या महामंडळाची अट काढण्यात येणार असून आता लोकसंख्या तसंच आवश्यकतेनुसार रुग्णालय उभारण्यात येणार असल्याचं मुश्रीफ यांनी सांगितलं. कोविड काळात ई.एस.आय.सी.च्या रुग्णालयांनी केलेल्या कामाचं त्यांनी कौतुक केलं.

****

महाराष्ट्र कृषी औद्योगिक विकास महामंडळांतर्गत खतांचं उत्पादन वाढवण्याबाबत सकारात्मक विचार करण्यात यावा, असे निर्देश कृषी मंत्री दादा भूसे यांनी दिले आहेत. ते काल यासंदर्भातल्या बैठकीत बोलत होते. शेतकऱ्यांना चालू हंगामासह खरीप २०२२ हंगामात अडचण येणार नाही यासाठी खतांचा पुरवठा सुरळीत होईल, असं नियोजन करावं, अशी सूचना त्यांनी संबंधित अधिकाऱ्यांना दिली आहे.

****

उदगीर शहराला पाणी��ुरवठा करणारी अमृत पाणीपुरवठा योजना त्वरित कार्यान्वित करण्यात यावी यासाठी पुढील एक महिन्यात या योजनेचे काम पूर्ण करण्याचे निर्देश राज्याचे पाणीपुरवठा राज्यमंत्री संजय बनसोडे यांनी दिले आहेत. लातूर इथं काल या योजनेच्या प्रलंबित कामांचा आढावा घेण्यात आला, त्यावेळी ते बोलत होते. या अमृत योजनेतून पुढील काळात आणखी चार हजार घरांना नळ जोडण्या देण्यात येतील, असं त्यांनी सांगितलं.

****

परभणी इथले सुफी संत हजरत सय्यद शाह तुराबुल हक साहेब यांच्या उर्सला यावर्षी कोविड संसर्गामुळे परवानगी दिलेली नाही, असं जिल्हाधिकारी आंचल गोयल यांनी स्पष्ट केलं आहे. काल या उर्सनिमित्त संदलला सुरुवात करण्यात आली, त्यावेळी त्या बोलत होत्या. या दर्ग्याचे धार्मिक आणि पारंपारिक अत्यावश्यक कार्यक्रम मोजक्याच लोकांच्या उपस्थितीत पार पाडले जातील, असंही त्यांनी सांगितलं.

****