#नका

[aayushyatildhade]

Dr.A.P.J Abdul Kalam success mantra "आयुष्यातील धडे'' या ब्लॉग वर तुमचे स्वागत आहे. तुमच्यासाठी एक महत्त्वाची इंस्परेशनल पोस्ट घेवून आले आहे.तुम्हाला नक्कीच आवडेल अशी अपेक्षा आहे.आवडल्यास मित्रांसोबत शेअर करायला विसरू नका. खर पाहता ही डोळ्यावरची झोप उडवून टाकणारी स्वप्नेच माणसाच्या आयुष्यात विकास घेवून आणतात असे मला वाटते.

[airnews-arngbad]

Regional Marathi Text Bulletin, Chhatrapati Sambhajinagar Date – 24 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २४ डिसेंबर २०२४ सकाळी ७.१० मि.

• शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधान नरेंद्र मोदी यांच्या हस्ते नियुक्तीपत्र प्रदान • देशातल्या नदी जोड प्रकल्पाचा उद्या पंतप्रधानांच्या हस्ते शुभारंभ-प्रधानमंत्री आवास योजनेत महाराष्ट्राला अतिरिक्त १३ लाख घरं • सोमनाथ सूर्यवंशी मृत्यू प्रकरणी दोषींवर कठोर कारवाईची लोकसभेतले विरोधी पक्षनेते राहुल गांधी यांची मागणी • संतोष देशमुख हत्या प्रकरणी राजकारण करु नये-सामाजिक न्यायमंत्री संजय शिरसाट यांचं आवाहन • प्रख्यात चित्रपट दिग्दर्शक श्याम बेनेगल यांचं निधन आणि • आयसीसी चँपियन्स करंडक स्पर्धेत भारताचे सामने युएईमध्ये घेण्याचा पाकिस्तानचा निर्णय

शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधान नरेंद्र मोदी यांनी काल झालेल्या रोजगार मेळाव्यात दूरदृश्य प्रणालीद्वारे नियुक्तीपत्र प्रदान केली. रोजगार मेळाव्यांमुळे युवकांचं सक्षमीकरण होत असून, त्यांची क्षमता आणि कौशल्याचा उपयोग करुन घेणं, ही सरकारची प्राथमिकता असल्याचं, पंतप्रधान म्हणाले. महारष्ट्रात नागपूर आणि पुणे इथं हे रोजगार मेळावे पार पडले. नागपूर इथं केंद्रीय मंत्री नितीन गडकरी यांच्या हस्ते २५७ जणांना तर पुण्यात केंद्रीय राज्यमंत्री मुरलीधर मोहोळ यांच्या हस्ते ५०० जणांना नियुक्तीपत्रं प्रदान करण्यात आली.

देशातल्या नदी जोड प्रकल्पाचा उद्या २५ तारखेला पंतप्रधानांच्या हस्ते शुभारंभ करण्यात येणार आहे. केंद्रीय कृषीमंत्री शिवराजसिंह चौहान यांनी काल पुण्यात ही माहिती दिली. गोखले राज्यशास्त्र आणि अर्थशास्त्र संस्थेत, कृषी आर्थिक संशोधन केंद्राच्या अमृत महोत्सवी वर्षानिमित्त घेण्यात आलेल्या कार्यक्रमात चौहान बोलत होते. कीटकनाशकांचा अनियंत्रित वापर कमी करून, नैसर्गिक शेतीवर भर देण्याचं आवाहन चौहान यांनी केलं. दरम्यान, प्रधानमंत्री आवास योजनेत महाराष्ट्राला या वर्षी अतिरिक्त १३ लाख घरं देण्यात येणार आहेत. शिवराजसिंह चौहान यांनी पुण्यात शेतकरी सन्मान दिनानिमित्त शेतकरी आणि ग्रामविकास लाभार्थी मेळाव्यात ही माहिती दिली. पुढील एका वर्षांत ही घर बांधून पूर्ण होणार असल्याचं चौहान यांनी सांगितलं. ते म्हणाले… “महाराष्ट्र सरकार को छह लाख सैंतीस हजार नवासी मकान पहले मिले। और आज तेरह लाख उनतीस हजार छह सौ अठहत्तर मकान देने का काम किया जा रहा है। तो कुल मिलाके एक ही साल में उन्नीस लाख छयासठ हजार सात सौ सढसट मकान महाराष्ट्र को मिल रहे है। आज तक इतनी बडी संख्या में कभी किसी प्रदेश को गरीबों के लिये इतने मकान नही मिले।’’ मुख्यमंत्री देवेंद्र फडणवीस यांच्यासह अनेक मान्यवर यावेळी उपस्थित होते. प्रधानमंत्री आवास योजनेअंतर्गत मिळालेली ही अतिरिक्त घरं म्हणजे महाराष्ट्रासाठी मोठी भेट असल्याची भावना मुख्यमंत्र्यांनी व्यक्त केली.

परभणी हिंसाचार प्रकरणादरम्यान मृत झालेले सोमनाथ सूर्यवंशी यांच्या नातेवाईकांची काल लोकसभेतले विरोधी पक्षनेते राहुल गांधी यांनी परभणीत इथं भेट घेऊन सांत्वन केलं. या प्रकरणी मुख्यमंत्र्यानी विधानसभेत केलेल्या विधानावर टीका करत, ज्या लोकांनी हे कृत्य केलं आहे, त्यांना कठोर शिक्षा मिळाली पाहिजे अशी मागणी राहुल गांधी यांनी केली. दरम्यान, आंबेडकरी चळवळीतील नेते विजय वाकोडे यांच्या कुटुंबियांची राहुल गांधी यांनी भेट घेऊन, त्यांचं सांत्वन केलं.

राज्याचे सामाजिक न्यायमंत्री संजय शिरसाट यांनी काल बीड जिल्ह्यात मस्साजोग इथं संतोष देशमुख यांच्या कुटुंबीयांची भेट घेऊन सांत्वन केलं. यावेळी माध्यमांशी बोलतांना, या हत्याकांडात सहभागी सर्वांवर कडक कारवाई करण्याची सरकारची भूमिका असल्याचं शिरसाट यांनी सांगितलं. ते म्हणाले… ‘‘संतोष देशमुखांच्या हत्येत राजकारण मध्ये आणू नका. आमची भूमिका स्पष्ट आहे की या संतोष देशमुखच्या हत्येत ज्यांचा ज्यांचा हात असेल, मग तो कोणीही असो, कोणत्याही पक्षाचा असो, त्याच्यावर कारवाई ही झाली पाहिजे. आणि ज्याचाही हात असेल, त्याला हे सरकार माफ करणार नाही असं मुख्यमंत्र्यांसहीत दोन्ही उपमुख्यमंत्री साहेबांनी सांगितलेलं आहे.’’ उद्योगमंत्री उदय सामंत तसंच राज���यमंत्री मेघना बोर्डीकर यांनीही काल देशमुख कुटुंबीयांची भेट घेतली. बोर्डीकर यांनी काल परभणी इथं सोमनाथ सूर्यवंशी तसंच विजय वाकोडे यांच्या कुटुंबीयांची भेट घेऊन त्यांचं सांत्वन केलं.

दरम्यान, संतोष देशमुख यांच्या मारेकऱ्यांना अटक करून फाशीची शिक्षा व्हावी या मागणीसाठी येत्या २८ डिसेंबर रोजी बीड इथं मोर्चा काढण्यात येणार आहे. या मोर्चाच्या नियोजनासाठी काल झालेल्या बैठकीत जिल्ह्यातील गुन्हेगारी, तसंच जातीयवाद मोडीत काढण्यासंदर्भात चर्चा झाल्याचं, आमच्या वार्ताहरानं कळवलं आहे.

पाचवी तसंच सातवीत अनुत्तीर्ण होणाऱ्या विद्यार्थ्यांना पुढच्या वर्गात टाकण्याचं धोरण केंद्र सरकारने रद्द केलं आहे. आता या विद्यार्थ्यांना मुख्य निकालानंतर दोन महिन्यात पुरवणी परीक्षा द्यावी लागेल, त्यातही अनुत्तीर्ण झाल्यास, पुढचं व��्ष त्याच वर्गाचा अभ्यास करावा लागणार आहे.

प्रख्यात चित्रपट दिग्दर्शक श्याम बेनेगल यांचं काल निधन झालं, ते ९० वर्षांचे होते. समांतर चित्रपटांसाठी ओळखले जाणारे बेनेगल यांनी, अंकूर, मंथन, भूमिका, मंडी, सुरज का सातवा घोडा, सरदारी बेगम, जुबैदा, नेताजी सुभाषचंद्र बोस, वेल डन अब्बा, वेलकम टू सज्जनपूर आदी चित्रपटांसह भारत एक खोज आणि यात्रा या दूरदर्शन मालिकांचंही दिग्दर्शन केलं होतं. पाच वेळा राष्ट्रीय चित्रपट पुरस्कार पटकावणारे बेनेगल यांना, पद्मश्री आणि पद्मभूषण या नागरी सन्मानांसह चित्रपट सृष्टीतल्या सर्वोच्च दादासाहेब फाळके पुरस्कारानंही सन्मानित करण्यात आलं होतं. बेनेगल यांच्या निधनाबद्दल राज्यपाल सी. पी. राधाकृष्णन यांनी दु:ख व्यक्त केलं आहे.

आयसीसी चँपियन्स करंडक स्पर्धेतील भारत-पाकिस्तान सामने, संयुक्त अरब अमिरात-युएईमध्ये होणार आहेत. सुरक्षाविषयक कारणांमुळे भारताने पाकिस्तानमध्ये खेळण्यास नकार दिला होता, आंतरराष्ट्रीय क्रिकेट परिषद-आयसीसीने भारताचा हा निर्णय मान्य केल्यामुळे पाकिस्ताननं हे सामने युएईमध्ये खेळवण्याचा निर्णय घेतला. या स्पर्धेचं वेळापत्रक निश्चित करण्याचा आयसीसीचा मार्ग आता मोकळा झाला आहे.

बीड जिल्ह्याच्या धारूर तालुक्यात देव दहिफळ इथं काल कुस्त्यांची दंगल पार पडली. महाराष्ट्र केसरी सिकंदर शेख आणि पंजाब केसरी भोला ठाकूर यांची रोमहर्षक लढत या दंगलीचं मुख्य आकर्षण ठरली. या लढतीत सिकंदरनं भोलाला अवघ्या साडेतीन मिनिटात आसमान दाखवलं. पाच लाख रुपये पारितोषिकासह युवा केसरीचा बहुमान सिकंदरनं पटकावला. पैलवान सूरज शेख यानं मानाची चांदीची गदा पटकावली. स्पर्धेतल्या सर्व विजयी उमेदवारांना प्रत्येकी एक लाख रुपये बक्षीस देण्यात आलं.

राष्ट्रीय शैक्षणिक धोरणाअंतर्गत 'वन नेशन-वन स्टुडन्ट आयडी' - अपार योजना राबवण्यात येत आहे. त्यानुसार हिंगोली जिल्ह्यात आतापर्यंत सुमारे ७५ टक्क्यांहून अधिक विद्यार्थ्यांच्या नोंदणीचे काम पूर्ण झालं आहे. याबाबत आमचे वार्ताहर रमेश कदम यांनी अधिक माहिती दिली.. ‘‘हिंगोली जिल्ह्यात आतापर्यंत ७५.६३% विद्यार्थ्यांच्या नोंदणीचे काम पूर्ण झाले आहे. पहिली ते बारावी पर्यंत शिक्षण घेणाऱ्या विद्यार्थ्यांना “ऑटोमोटेड परमनंट अकॅडमी अकाउंट रजिस्ट्री आयडी” अर्थात ‘अपारकार्ड’ दिले जाणार आहे. अपारकार्ड ही विद्यार्थ्यांसाठी नवीन ओळख देणारी प्रणाली आहे. ज्यामध्ये विद्यार्थ्यांना १२ अंकी क्रमांक असलेले कार्ड दिले जाणार आहे. अपारकार्ड प्रणाली एज्यूलॉकर सारखी असून त्यात नोंदणी करणाऱ्या विद्यार्थ्यांची शैक्षणिक माहिती एकत्रित उपलब्ध असणार आहे.’’ आकाशवाणी बातम्यांसाठी रमेश कदम हिंगोली.

माजी पंतप्रधान भारतरत्न अटल बिहारी वाजपेयी यांच्या जयंती दिनी धाराशिवच्या लोकसेवा समितीच्या वतीनं दिले जाणारे "लोकसेवा पुरस्कार" जाहीर झाले आहेत. यात बीडच्या पसायदान सेवा प्रकल्पाचे गोवर्धन दराडे, जालन्याच्या प्रेरणादायी शिक्षण संकुलाचे रामकिसन सोळंके आणि धाराशिवच्या मीराताई मोटे यांचा समावेश आहे. धाराशिव इथं प्रमोद महाजन सभागृहात उद्या सकाळी ११ वाजता हे पुरस्कार समारंभपूर्वक प्रदान केले जातील.

लातूर इथं पहिल्या दोन दिवसीय अभिजात शॉर्ट फिल्म फेस्टिव्हलचं काल उद्घाटन झालं. ज्येष्ठ चित्रपट समीक्षक संतोष पाठारे यांनी यावेळी बोलतांना, मराठवाडयात सिनेमा संस्कृती रुजण्यासाठी अशा लघुपट महोत्सवांची गरज व्यक्त केली. या फेस्टिव्हलला रसिकांचा उत्स्फूर्त प्रतिसाद मिळत आहे.

लहान बाळांची आधार नोंदणी करण्याचं काम शासनाकडून रेलटेल कार्पोरेशन ऑफ इंडिया या संस्थेला देण्यात आलं आहे. छत्रपती संभाजीनगर जिल्ह्यातील पालकांनी, सर्व अंगणवाडी मधून बालकाची आधार नोंदणी तात्काळ करून घेण्याचं आवाहन महिला आणि बालकल्याण विभागाच्या उपमुख्य कार्यकारी अधिकारी सुवर्णा जाधव यांनी केलं आहे.

शेतकऱ्यांच्या पिकांना संरक्षित दर मिळावा यासाठी धाराशिव जिल्ह्यात विशेष ग्रामसभांचं आयोजन करून ठराव घेण्याचा संकल्प आमदार राणा जगजितसिंह पाटील यांनी केला आहे. एक जानेवारी रोजी या विशेष ग्रामसभा घेऊन राज्य सरकारकडे हा प्रस्ताव ठेवणार असल्याचं पाटील यांनी सांगितलं.

प्रशासकीय कामकाजात ‘सुशासन’ संकल्पना प्रत्यक्षात आणण्यासाठी सर्वांनी संवेदनशीलपणे काम करावं, असं आवाहन लातूरच्या जिल्हाध��कारी वर्षा ठाकूर-घुगे यांनी केलं आहे. सुशासन दिनानिमित्त काल ��िल्हास्तरीय कार्यशाळेच्या उद्घाटनप्रसंगी त्या बोलत होत्या. शासकीय अधिकारी तसंच कर्मचाऱ्यांनी नियोजनबद्ध काम करण्याची गरज जिल्हाधिकाऱ्यांनी व्यक्त केली.

अजमेर इथल्या ऊर्ससाठी दक्षिण मध्य रेल्वे कडून नांदेड अजमेर नांदेड, हैदराबाद अजमेर हैदराबाद आणि काचीगुडा अजमेर काचीगुडा या तीन विशेष गाड्या चालवण्यात येणार आहेत. प्रवाशांनी याची नोंद घेण्याचं आवाहन करण्यात आलं आहे.

[kaizengastrocare]

फिशर साठी उपचार करताना, केवळ लेसर शस्त्रक्रिया हा सर्वोत्तम पर्याय आहे ही कल्पना एक सामान्य गैरसमज आहे. डॉ. सम्राट जानकर या विडिओ मध्ये फिशरसाठी सर्वोत्तम उपचार कसे ठरवायचे ते स्पष्ट करतात. फिशरसाठी उपचाराची निवड रुग्णाच्या वैयक्तिक घटकांवर आधारित असावी. लेसर शस्त्रक्रिया काही विशिष्ट प्रकरणांमध्ये प्रभावी ठरू शकते, परंतु ती नेहमीच आवश्यक नसते आणि प्रत्येकासाठी सर्वात योग्य पर्याय असू शकत नाही. लेसर शस्त्रक्रिया हा नेहमीच सर्वोत्तम पर्याय असतो या मिथ्याला बळी पडू नका. अधिक माहितीसाठी विडिओ पूर्ण बघा व आपापल्या मित्र परिवारासोबत शेअर कराhttps://www.kaizengastrocare.com/

[ashokjagharkar]

ll वानप्रस्थ ll : ४७

"उद्यां सकाळी त्यांना इथून घेऊन जाणार म्हणजे?" भोसलेंच्या त्या धारदार प्रश्नाने शिरीष क्षणभर चमकला;--पण लगेच ऊसळून म्हणाला, "काका, आम्ही दोघांनी माॅम-डॅडचं हे वागणं गपगुमान चालवून घ्यावं अशी तुमची अपेक्षा आहे कां? त्या दोघांना इथे एकट्याने राहुं देण्यांत केवढा मोठा धोका आहे हे तुम्ही आज स्वत: पाहिलं आहे ना? म्हणून आम्ही त्यांना आमच्यासोबत राहण्यासाठी उद्यां इथून घेऊन जायचं ठरवलं आहे!" "त्यांच्या मनाविरुद्ध? त्यांना हा फ्लॅट सोडून इतरत्र कुठेही जाण्याची इच्छा नाही हे तुम्हां दोघांना पुरतं माहीत आहे. तरीही तुम्ही 'त्यांनी हा फ्लॅट सोडून तुमच्यासोबत रहावं' हा दुराग्रह चालूं ठेवला, म्हणूनच तुमच्या आईने आज सकाळी आत्महत्येचा प्रयत्न केला याची तुम्हांला जाणीव आहे?" भोसलेंनी सरळ मुद्द्यालाच हात घातल्याने गिरीश आणि शिरीष चांगलेच अस्वस्थ झाले. काय उत्तर द्यावं हे न सुचून दोघे एकमेकांकडे बघत राहिले! कांही क्षणांनी गिरीश तावातावाने म्हणाला, "नाहीं,नाहीं;-- हे साफ खोटं आहे! माझी खात्री आहे की गेल्या कांही महिन्यांतील सततच्या गंभीर आजारपणाला कंटाळून आलेेल्या नैराश्यापोटी माॅमने हे केलं असणार!" "म्हणजे भाऊसाहेबांनी आत्ता थोड्या वेळापूर्वी पोलीस चौकीमधे नोंदवलेलं स्टेटमेंट खोटं आहे असं तुम्हांला म्हणायचं आहे कां?" पोलीसांचं नांव ऐकून दोघेही एकदम गांगरले! गिरीशने चांचरत विचारलं, "पोलीसांकडे जाण्याची काय गरज होती?" "भरवस्तीमधे खळबळजनक घटना लपून रहात नाहींत!" अनंतने पुढे येत खुलासा केला, "पोलीसांना कुणी कळवलं माहीत नाहीं;-- पण दुपारीं पोलीस चौकीतून घडल्या प्रकाराबाबत विचारणा करणारा फोन आला होता, म्हणून थोड्या वेळापूर्वी भाऊसाहेब आणि भोसलेकाका पोलीस चौकीत जबाब नोंदवून आले आहेत! तुम्ही दोघे आलांत तेव��हां आम्ही भाऊसाहेबांचे सगळे मित्र त्याबाबतच बोलत होतो!"

आतापर्यंत एका बाजूला बसून सगळं संभाषण ऐकत असलेले एक ज्येष्ठ मित्र पुढे येऊन गिरीश आणि शिरीषना उद्देशून म्हणाले, "मी वसंत बागवे. वयोमानानुसार मी आतां निवृत्ती पत्करली असली तरी ४० वर्षांपेक्षाही अधिक माझा वकिली पेशाचा अनुभव आहे. सकाळी एकत्र फिरायला जातांना होणारं संभाषण आणि साप्ताहिक गप्पांनिमित्त गांठी-भेटींव्यतिरिक्त माझा भाऊसाहेबांचा वैयक्तिक दोस्ताना नाही! तथापि आज सकाळी त्यांचं आयुष्य हादरवून टाकणाऱ्या घटनेनंतर वाटणाऱ्या सहानुभूतीपोटीं, एक हितचिंतक म्हणून मी तुमच्या घरीं आलो! मात्र इथे आल्यापासून मी जे ऐकलं आणि पाहिलं त्यावरून मी तुम्हां दोघां भावांना एक सल्ला देईन की आई-बाबांना त्यांच्या मनाविरुद्ध जबरदस्तीने इथून घेऊन जाण्याचा विचारही मनांत आणूं नका! अन्यथा पोलीस चौकीत भाऊसाहेबांनी नोंदवलेल्या जबाबाचं तक्रारीत रूपांतर करायला अजिबात वेळ लागणार नाहीं!" त्या अनाहूत वकिली सल्ल्यामुळे परिस्थितीचं गांभीर्य दोघांच्याही चट्कन लक्षांत आलं. नमतं घेऊन हात जोडीत गिरीश म्हणाला, "माॅम आणि डॅडबद्दल वाटणाऱ्या काळजीमुळेच आम्ही त्यांना आमच्यासोबत घेऊन जाण्याचा विचार केला होता! त्यांच्याबाबतीत कुठलीही जबरदस्ती करण्याचा प्रश्नच नाहीं!" "तसं असेल तर उत्तमच आहे!" भोसले म्हणाले, "प्राप्त परिस्थितीतून मार्ग काढण्यासाठी अनेक पर्याय आहेत! तुम्ही आई-बाबांच्या नजरेतून त्यांचा विचार करा. भाऊसाहेबांचे हितचिंतक मित्र या नात्याने आम्हीही त्याबाबत विचार करुं आणि मग सगळे एकत्र भेंटूनच काय ते ठरवूं" "तथापि त्यापूर्वी तुमच्या आई-बाबांनी सध्याच्या मानसिक तलावातून पूर्णत: बाहेर येणं आवश्यक आहे!" मनोरमा म्हणाली, "त्यासाठी तुम्ही दोघांनीही त्यांना कुठल्याही प्रकारे मनस्ताप होईल असं न वागण्या-बोलण्याची काळजी घेतली पाहिजे!"

सारं कांही निमूटपणे ऐकत बसलेले भाऊसाहेब कसल्यातरी विचारांत हरवल्यागत झाले होते. त्यांची ती विमनस्क अवस्था आणि त्यांच्यासाठी जमलेला मित्रांचा मोठा गोतावळा बघून 'आपण इथून शक्यतों लौकर काढता पाय घेतला पाहिजे' याची जाणीव गिरीश आणि शिरीष यांना झाली. भोसलेंना एका बाजूला बोलावून गिरीश नम्रपणे म्हणाला, "काका, आम्ही आलो तेव्हां इथे काय परिस्थिती असेल या विचाराने प्रचंड हादरलेलो होतो;- पण तुम्ही ही एवढी सीरियस सिच्युएशन ज्याप्रकारे हॅन्डल केली आहे त्याला तोड नाहीं! तुम्ही आणि तुमचे एवढे सगळे मित्र डॅडच्या सोबत असतांना आम्हांला आतांं काळजी करायचं कारणच नाहीं!" "खरंच काका, आज माॅम आणि डॅडसाठी तुम्ही जे केलं त्याची परतफेड आम्ही करूंच शकणार नाहीं! तथापि शारीरिक कष्टांच्या जोडीने तुम्ही निदान आर्थिक झीज तरी सोसूं नये अशी आमची प्रामाणिक इच्छा आहे!" म्हणत शिरीषने आपल्या खिशातून नोटांचं बंडल काढलं आणि ते बळेंच भोसलेंच्या हातांत ठेवीत तो पुढे म्हणाला, "घरुन निघतांना हाताशी आले ते वीस हजार रुपये तूर्तास खर्चासाठी ठेवा;-- अधिक लागतील ते नक्की सांगा!" "डॅड आतां कांहीच बोलायच्या अवस्थेमधे नाहींयेत. त्यामुळे काकू म्हणाल्या तसा त्यांना कुठलाही मनस्ताप होऊं नये म्हणून आम्ही आत्ता त्यांच्याशी कांहीच बोलणार नाहीं! पण उद्यां फोनवर वेळ ठरवून आपण पुन: भेटुयां, तेव्हां बघूं!!" सर्वांकडे वळून आभार मानण्यासाठी दोघांनी मूकपणे हात जोडले आणि दार उघडून ते चट्कन बाहेर पडले! ते दोघेही निघून गेल्यावर इतका वेळ जाणवणारा वातावरणातील ताण एकदम निवळल्यागत झाला आणि हलक्या आवाजांत एकमेकांशी गप्पा सुरु झाल्या! सर्वांना ऐकूं जाईल अशा स्वरांत मनोरमा भोसलेंना उद्देशून म्हणाली, "अहो, आतापर्यंत कुणाला चहा-काॅफी विचारायचंही सुचलं नाही! पण आतां मात्र मी आणि शुभदा चट्कन चहा-काॅफीचं बघतो! तुम्ही चहा किती, काॅफी किती आणि त्यांत बिनसाखरेचे किती हे सर्वांना विचारून सांगाल कां?" ते ऐकून झोंपेतून खडबडून जाग यावी तसे भाऊसाहेब भानावर आले आणि घाईघाईने म्हणाले, "नाहीं,नाहीं वहिनी! तुम्ही दुपारपासून खुप धांवपळ केलेली आहे;-- तरी आतां आणखी कांही करायचं नाहीं! मनोहर मी तुम्हांला एका घरपोच सेवा देणाऱ्या गृहस्थांचा नंबर देतो. त्यांना फोन करून चहा-काॅफी-सरबत जे हवं ते मागवून घ्या! सोबत कांहीतरी खाण्यासाठीही मागवून घ्या! इतका वेळ झाला तरी कुणालाच भूक कशी नाहीं लागली?"

१३ जुलै २०२३

[satsahebjis-world]

भक्ती मार्गात अडथळा काल आणतो, छोट्याशा दुःखामुळे भक्ती मार्ग सोडू नका |S...

[vishnulonare]

भक्ती मार्गात अडथळा काल आणतो, छोट्याशा दुःखामुळे भक्ती मार्ग सोडू नका |S...

अवश्य ऐका शॉर्ट सत्संग: भक्ति मार्गात अडथळा काल आणतो, छोटयाशा दुखामुळे भक्ति मार्ग सोडू नका |Sant Rampal Ji Marathi Satsang.

[sanjay-ronghe-things]

चिडीचूप

आता थंडी पण नाहीतरी का सारेच चिडीचूप ।बोलायला विषय हवामग सारेच बोलतील खूप । चला करू काही तरीलावू या थोडा धूप ।आरसा आणा हो कोणीबघु त्यात आपले रूप । सुंदरतेचा हव्यास भारीचेहऱ्यावर लावा थोडे तूप ।चूप नका बसू कोणीमग दिसतात किती विद्रूप ।Sanjay Ronghe

[alpesamedia]

तुमच्या ब्रँडसाठी खास २०२५ कस्टमाइज्ड कॅलेंडर तयार करा! 🗓️✨ प्रत्येक पानावर तुमचा लोगो, सेवा आणि ब्रँडची खास झलक - तुमचा ब्रँड आता कायम लक्षात राहील! 💼👏

📢 आता ऑर्डर करा! 🕒 वेळ मर्यादित आहे, संधी गमावू नका! 🚀 . 📞 𝐂𝐚𝐥𝐥 𝐍𝐨𝐰: + 91 8989 22 0909 🌐 𝐕𝐢𝐬𝐢𝐭 𝐔𝐬: www.alpesamedia.com

#कस्टमाइज्डकॅलेंडर#२०२५कॅलेंडर#ब्रँडप्रोमोशन#अलपेसामीडिया#आपलाब्रँड#डिजिटलमीडिया#बिझनेसवाढीचा_नवा_मार्ग#मार्केटिंगटूल्स

[aayushyatildhade]

मार्ग यशाचा - सक्सेस मंत्रा Dr.A.P.J Abdul Kalam success mantra

आयुष्यातील धडे'' या ब्लॉग वर तुमचे स्वागत आहे. तुमच्यासाठी एक महत्त्वाची इंस्परेशनल पोस्ट घेवून आले आहे.तुम्हाला नक्कीच आवडेल अशी अपेक्षा आहे.आवडल्यास मित्रांसोबत शेअर करायला विसरू नका. खर पाहता ही डोळ्यावरची झोप उडवून टाकणारी स्वप्नेच माणसाच्या आयुष्यात विकास घेवून आणतात असे मला वाटते.

read more

[airnews-arngbad]

Regional Marathi Text Bulletin, Chhatrapati Sambhajinagar

Date – 20 December 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक २० डिसेंबर २०२४ सकाळी ७.१० मि.

****

राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापतींनी फेटाळला.

मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल-मुख्यमंत्र्यांची ग्वाही.

विधान परिषदेच्या सभापतिपदी प्राध्यापक राम शिंदे यांची बिनविरोध निवड.

२०२४-२५ च्या पुरवणी मागण्यांना विधानसभेत मंजुरी.

आणि

चॅम्पियन्स ट्रॉफी क्रिकेट स्पर्धेत भारत-पाकिस्तान सामने तटस्थ ठिकाणी घेणार असल्याचं आयसीसीकडून स्पष्ट.

****

उपराष्ट्रपती तथा राज्यसभेचे सभापती जगदीप धनखड यांच्या विरोधातला अविश्वास प्रस्ताव उपसभापती हरिवंश यांनी फेटाळून लावला. सभापतींची प्रतिष्ठा डागाळण्याच्या उद्देशाने अत्यंत घाईगडबडीत आणलेल्या या प्रस्तावात त्रुटी असल्याचं उपसभापतींनी सांगितलं. घटनात्मक संस्थांवर चिखलफेक करणं, हाच या प्रस्तावाचा उद्देश असल्याचं निरीक्षण त्यांनी नोंदवलं आहे.

****

दरम्यान, केंद्रीय गृहमंत्री ��मित शहा यांच्या बाबासाहेब आंबेडकर यांच्याबद्दलच्या वक्तव्यावरुन विरोधकांनी केलेल्या गदारोळामुळे संसदेच्या कामकाजात कालही व्यत्यय आला. लोकसभेचं कामकाज प्रथम दुपारी दोन वाजेपर्यंत आणि नंतर दिवसभरासाठी स्थगित झालं.

राज्यसभेतही कामकाज सुरु झाल्यावर विरोधकांनी या मुद्यावर दिलेला स्थगन प्रस्ताव सभापती जगदीप धनखड यांनी फेटाळला. त्यामुळे विरोधकांनी केलेल्या गदारोळामुळे सभागृहाचं कामकाज दोन वाजेपर्यंत तहकूब झालं. त्यानंतर कामकाज सुरू झाल्यावर सत्ताधारी पक्षाच्या खासदार फागनोक कोन्याक यांनी खासदार राहुल गांधी यांच्या सदनाबाहेरच्या आक्षेपार्ह वर्तनाबाबत सभापतींकडे तक्रार केली.

दरम्यान, संसद भवन परिसरात सत्ताधारी आणि विरोधकांच्या वतीनं काल आंदोलन करण्यात आलं. डॉ. बाबासाहेब आंबडेकर यांचा काँग्रेसकडून होत असलेल्या अपमानाविरोधात भाजपाच्या खासदारांनी आंदोलन केलं, तर बाबासाहेबांबद्दल केंद्रीय गृहमंत्री अमित शहा यांनी केलेल्या वक्तव्याच्या निषेधार्थ इंडिया आघाडीच्या वतीनं मोर्चा काढण्यात आला. यावेळी भाजपचे प्रताप सारंगी आणि मुकेश राजपूत धक्का लागून पडल्याने जखमी झाले. आपल्याला राहुल गांधी यांचा धक्का लागल्याचा आरोप सारंगी यांनी केला. संसदीय कामकाज मंत्री किरेन रिजीजू यांनी याचा निषेध करत, राहुल गांधी यांनी या वर्तनाबद्दल माफी मागावी, असं म्हटलं आहे.

या धक्काबुक्कीत आपल्यालाही इजा झाल्याचं कांग्रेस अध्यक्ष मल्लिकार्जुन खरगे यांनी सांगितलं. या प्रकाराची सविस्तर चौकशी करण्याची मागणी त्यांनी उपराष्ट्रपती जगदीप धनखड यांच्याकडे केली.

या प्रकरणी, भाजपनं राहुल गांधी यांच्याविरोधात तर काँग्रेसनं भाजप खासदारांच्या विरोधात पोलिसांत तक्रार दाखल केली आहे.

दरम्यान, सत्ताधारी आणि विरोधकांच्या समर्थकांनी काल राज्यात मुंबई, छत्रपती संभाजीनगर, हिंगोलीसह अनेक ठिकाणी आंदोलनं केली.

दरम्यान, कोणताही राजकीय पक्ष किंवा खासदारांना संसद भवनाच्या कोणत्याही प्रवेशद्वारासमोर आंदोलन करता येणार नाही, असे स्पष्ट निर्देश लोकसभा अध्यक्ष ओम बिर्ला यांनी दिले आहेत.

****

मागच्या सरकारनं सुरू केलेल्या सर्व योजना आपलं सरकार सुरू ठेवणार असून, मुख्यमंत्री लाडकी बहीण योजनेत डिसेंबरचा हप्ता हिवाळी अधिवेशन संपताच, बहिणींच्या खात्यात जमा केला जाईल, असं मुख्यमंत्री देवेंद्र फडणवीस यांनी सांगितलं आहे. गेल्या अधिवेशनात राज्यपालांच्या अभिभाषणाच्या धन्यवाद प्रस्तावावरच्या चर्चेला मुख्यमंत्र्यांनी काल विधानसभेत उत्तर दिलं, त्यावेळी ते म्हणाले.

आज यानिमित्त या सभागृहाला आश्वस्त करू इच्छितो की, कोणतीही शंका मनात ठेवू नका. ही जी आश्वासनं आम्ही दिलेली आहेत, ज्या ज्या योजना आम्ही सुरू केलेल्या आहेत, एकही योजना आम्ही बंद ह��ऊ देणार नाही. ज्��ा लाडक्या बहिणींनी महायुतीवर प्रेम दाखवलं, हे अधिवेशन संपल्याबरोबर डिसेंबर महिन्याचा हप्ता त्यांच्या खात्यामध्ये आम्ही टाकतो आहोत.

लाडकी बहीण योजनेतल्या अपात्र लाभार्थ्यांना काढून टाकण्याचं सुतोवाचही त्यांनी केलं. नऊ लाख कृषीपंप आज आपल्याकडे उपलब्ध आहेत. मागेल त्याला सौरपंप आपण देणार असून, तीन महिन्यात सौरपंपाची जोडणी देण्याचं आश्वासन मुख्यमंत्र्यांनी दिलं.

इलेक्ट्रॉनिक मतदान यंत्राबाबत विरोधकांचे सर्व आरोप खोडून काढतांना, सध्या ईव्हीएमसोबत कार्यरत असलेली व्हीव्हीपॅट यंत्रणा म्हणजे मतपत्रिकेवर मतदान घेतल्यासारखंच असल्याचं फडणवीस यांनी नमूद केलं. विविध पक्षांच्या नेत्यांनी मतदानाच्या टक्क्याबाबत, टपाली मतदानाबाबत, तसंच इतरही अनेक मुद्यांवर घेतलेल्या आक्षेपांचं मुख्यमंत्र्यांनी सविस्तर उदाहरणं देत निरसन केलं. जनतेनं दिलेला कौल विरोधकांनी स्वीकारावा, असं आवाहनही त्यांनी केलं.

****

विधान परिषदेत उपमुख्यमंत्री एकनाथ शिंदे यांनी या चर्चेला उत्तर दिलं. महाराष्ट्राला सर्व आघाड्यांवर पहिल्या क्रमांकाचं राज्य करतानाच, विकसित भारताला विकसित महाराष्ट्राची भक्कम जोड द्यायची असून, आम्ही तिप्पट वेगाने महाराष्ट्राला विकासमार्गावर नेऊ, अशी ग्वाही शिंदे यांनी दिली. जनतेच्या विश्वासामुळे आमची जबाबदारी वाढली आहे. आता अधिक गतिमान आणि लोकाभिमुख कारभाराचं वचन देत असल्याचं, त्यांनी नमूद केलं.

****

परभणी आणि बीड जिल्ह्यात झालेल्या घटना या पुरोगामी महाराष्ट्राला तसंच संताच्या भूमीला कलंक लावणाऱ्या आहेत, अशी टीका, महाराष्ट्र प्रदेश काँग्रेस कमिटीचे अध्यक्ष नाना पटोले यांनी केली आहे. ते काल परभणी आणि बीड जिल्ह्यातल्या घटनेबाबत विधानसभेत बोलत होते. सोमनाथ सूर्यवंशी यांच्या मृत्यू प्रकरणी जबाबदार पोलिसांवर अद्याप कठोर कारवाई का केली नाही असा प्रश्न त्यांनी विचारला.

****

विधान परिषदेचे सभापती म्हणून राम शिंदे यांची बिनविरोध निवड झाली. उपसभापती नीलम गोऱ्हे यांनी याबाबतची घोषणा केली. त्यानंतर मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार तसंच विरोधी पक्षनेते अंबादास दानवे यांनी राम शिंदे यांचं स्वागत करून त्यांना शुभेच्छा दिल्या.

****

वर्ष २०२४-२५ च्या पुरवणी मागण्यांना विधानसभेत मंजूरी देण्यात आली. यामध्ये सार्वजनिक बांधकाम विभागाच्या सात हजार ४९० कोटी २४ लाख रुपयांच्या पुरवणी मागण्यांचा समावेश आहे. पुरवणी मागण्यांवरील मुद्यांना मंत्र्यांच्या माध्यमातून लेखी उत्तर देणार असल्याचं, उपमुख्यमंत्री अजित पवार यांची सांगितलं. फुलंब्रीच्या ��मदार अनुराधा चव्हाण यांनी या चर्चेत सहभागी होत, आपल्या मतदार संघातल्या विविध रस्त्यांच्या कामाचे कार्यारंभ आदेश निघून पाच महिने उलटून गेल्यावरही कामाला प्रत्यक्ष सुरुवात झाली नसल्याकडे लक्ष वेधलं. विहित मुदतीत काम सुरू न करणाऱ्या कंत्राटदाराचं कंत्राट रद्द करण्याची मागणी त्यांनी केली. 

****

केंद्र सरकारनं कांदा निर्यातीवर लावलेलं २० टक्के शुल्क तातडीनं रद्द करण्याची मागणी उपमुख्यमंत्री अजित पवार यांनी केली आहे. त्यांनी केंद्रीय व्यापार आणि उद्योगमंत्री पियुष गोयल यांना पत्र लिहून ही मागणी केली आहे.

****

पाकिस्तानात होणाऱ्या आगामी चॅम्पियन्स ट्रॉफी क्रिकेट स्पर्धेत भारत पाकिस्तान सामने, तटस्थ ठिकाणी होणार असल्याचं, आंतरराष्ट्रीय क्रिकेट परिषदेनं काल स्पष्ट केलं. फेब्रुवारी आणि मार्च महिन्यात होणाऱ्या चॅम्पियन्स ट्रॉफीत यजमान पाकिस्तानसह भारत, अफगाणिस्तान, ऑस्ट्रेलिया, बांग्लादेश, इंग्लंड, न्यूझीलंड आणि दक्षिण आफ्रिका क्रिकेट संघांचा समावेश आहे. स्पर्धेचं वेळापत्रक लवकरच जाहीर करण्यात येणार असल्याचं आयसीसीच्या प्रसिद्धीपत्रकात म्हटलं आहे.

पुढच्या वर्षी भारतात होणारी महिला क्रिकेट विश्वचषक स्पर्धा, तसंच २०२६ मध्ये भारत-श्रीलंकेत होणाऱ्या टी ट्वेंटी विश्वचषकातल्या भारत पाक सामन्यांसाठी हाच नियम लागू राहणार आहे.  

****

छत्रपती संभाजीनगर जिल्ह्यातल्या सर्व शासकीय कार्यालयात येत्या मंगळवारपर्यंत सुशासन सप्ताह राबवण्यात येत आहे. या सुशासन सप्ताहात जनतेने सहभागी व्हावं असं आवाहन उपजिल्हाधिकारी संगीता राठोड यांनी केलं आहे.

हा जो सप्ताह आहे तो केंद्र सरकारने साजरा करण्याच्या सूचना दिल्या आहेत या सप्ताह मध्ये ज्या काही सर्व सामान्य जनतेच्या -गोरगरिबांच्या ऑन लाईन आणि ऑफ लाईन दोन्ही प्रकारच्या तक्रारींचा निपटाला करायचा आहे मी आपल्या जिल्ह्यातील सर्व जनतेला आवाहन करते की आपण या सप्ताह मध्ये जास्तीत जास्त प्रमाणामध्ये आपल्या ज्या काही अडचणी असतील ज्या विभागाशी बंधित असतील त्या विभागाशी आपण संपर्क करावा.

****

हिंगोली जिल्ह्यात २४ डिसेंबरदरम्यान सुशासन सप्ताह पाळला जात आहे. काल पहिल्याच दिवशी जिल्ह्यात विविध कार्यालयातर्फे नागरिकांची सनद वाचनाने या सप्ताहास प्रारंभ झाला. आज याअंतर्गत जिल्ह्यातल्या सर्व तहसील कार्यालयामार्फत सामाजिक सहाय्य योजनेचे प्रलंबित अर्ज निकाली काढण्यासाठी शिबिराचं आयोजन करण्यात येणार आहे.

****

धाराशिव जिल्ह्यात ��ळदुर्ग परिसरातल्या कुरनूर पाणी वितरण व्यवस्थेच्या दुरुस्तीसाठी मंजूर निधीपैकी, १३ कोटी ९७ लाख रुपये निधी उपलब्ध झाला आहे. १० गावांतल्या तीन हजार ६४३ हेक्टर क्षेत्राला याचा लाभ होणार असल्याची माहिती तुळजापूरचे आमदार राणाजगजितसिंह पाटील यांनी दिली.

दरम्यान, टेंभुर्णी- लातूर महामार्गाच्या चौपदरीकरणासाठी केंद्र सरकारने ५७४ कोटी रुपये मंजूर केले आहेत. खासदार ओमप्रकाश राजे निंबाळकर यांनी ही माहिती दिली.

****

मस्साजोगचे सरपंच संतोष देशमुख हत्या प्रकरणी परभणी जिल्ह्यातल्या जिंतूर इथं काल आसूड मोर्चा काढण्यात आला. यावेळी तहसीलदारांना निवेदन सादर करण्यात आलं.

****

केंद्रीय आयुष मंत्रालयाकडून संपूर्ण देशभर २६ नोव्हेंबर ते २५ डिसेंबर या कालावधीमध्ये "देश का प्रकृती परीक्षण" अभियानाचा पहिला टप्पा राबवण्यात येत आहे. धाराशिवच्या शासकीय आयुर्वेद महाविद्यालयाकडूनही शहराच्या विविध भागात जाऊन नागरिकांची आरोग्य तपासणी केली जात आहे. जिल्हा परिषदेचे मुख्य कार्यकारी अधिकारी डॉ.मैनक घोष यांनी, नागरिकांना या अभियानात आरोग्य तपासणी करून घेण्याचं आवाहन केलं आहे.

****

जालना तालुक्यात इंदेवाडी इथं जमिनीच्या फेर दुरुस्तीसाठी २० हजार रुपये लाच घेणाऱ्या तलाठ्यास जालना लाचलुचपत प्रतिबंधक विभागाने रंगेहाथ पकडलं. शिवदास प्रेमसिंग पवार असं या तलाठ्याचं नाव आहे.

****

[nagarchaufer]

‘ ठाण्याच्या दाढीला हलक्यात घेऊ नका ‘ , शिंदे गटाकडून सूचक इशारा 

महाराष्ट्राचा मुख्यमंत्री कोण होणार ? याची संपूर्ण देशभरात चर्चा असून मुख्यमंत्री एकनाथ शिंदे यांनी यासंदर्भात मौन बाळगल्याने राज्यात पडद्याआड प्रचंड मोठ्या घडामोडी सुरू असल्याची चर्चा आहे. अचानकपणे एकनाथ शिंदे सातारा जिल्ह्यातील त्यांच्या दरे गाव इथे निघून गेले त्यामुळे शिंदे नाराज आहेत या चर्चेला आणखीनच बळ मिळालेले आहे. शपथविधीची तारीख जाहीर करण्यात आलेली असली तरी मुख्यमंत्री कोण हे अद्यापही…

[ashokjagharkar]

ll वानप्रस्थ ll : ४०

'स्वयंसिद्ध अनाथाश्रम' चालविणाऱ्या ट्रस्टींची तांतडीने बोलावलेली बैठक अपेक्षेप्रमाणे वादळी झाली. ट्रस्टच्या अध्यक्षांनी घडलेल्या घटनाक्रमाला वर्तमानपत्रांत प्रसिद्धी मिळूं नये याची शिताफीने काळजी घेतली असली तरी दबत्या आवाजांत चर्चा सुरु होती. त्यामुळे ट्रस्टशी संबधित बहुसंख्य सभासद बैठकीला आवर्जून उपस्थित होते. बैठकीच्या प्रारंभी अध्यक्ष विश्वनाथ वैद्य यांनी आदल्या दिवशी घडलेल्या दुर्दैवी घटनाक्रमाबद्दल माहिती देत दिलगिरी व्यक्त करुन चर्चेला सुरुवात केली. तिघीं परिचारिकांविरुद्ध झालेल्या पोलीसी कारवाईचा निषेध करण्यासारखं कांहीच नसल्याने, दैनंदिन कारभार सांभाळणाऱ्या ट्रस्टींना इतर ट्रस्टींनी केलेल्या प्रश्नांच्या भडीमाराला पटतील अशी उत्तरं देणं कठीण झालं होतं! विशेषत: मनोहर भोसलेसारख्या ट्रस्टच्या हितचिंतकाने विचारलेले प्रश्न संबंधितांना घायाळ करणारे होते! वातावरणातला तणाव वाढत जातांना पाहून, आपल्या अधिकारामधे कामकाजांत हस्तक्षेप करीत अध्यक्ष विश्वनाथ वैद्य यांनी बैठक बरखास्त झाल्याचं जाहीर करीत समारोप केला, "चर्चेदरम्यान उपस्थित झालेल्या अनेक गुंतागुंतीच्या प्रश्नांची उत्तरं ताबडतोब मिळणं शक्य नाहीं हे उघडच आहे! पण ट्रस्टचा अध्यक्ष या नात्याने मी सर्वांना आश्वासन देतो की घडल्या प्रकाराचा सखोल तपास करून, आजपासून बरोबर सात दिवसांनी याच वेळी, इथेच आयोजित केलेल्या बैठकीत संपूर्ण अहवाल सादर केला जाईल! त्यामधे आपल्या 'स्वयंसिद्ध अनाथाश्रमा'चं नांव कलंकित करणारे असे प्रकार पुन: घडूं नयेत यासाठी नियोजित उपायांचाही समावेश असेल!"

बैठकीच्या समारोपानंतर थोड्याच वेळांत जमलेल्या संबंधितांची गर्दी कांहीशा अस्वस्थ शांततेमधेच पांगली. बैठकीपूर्वी अध्यक्षांनी केलेल्या विनंतीनुसार मनोहर भोसले आपल्या सहकाऱ्यांसह त्यांची वाट पहात थांबले होते त्या खोलीत येऊन अध्यक्ष विश्वनाथ वैद्य यांनी भोसलेंचे दोन्ही हात आपल्या हातांत घेऊन प्रेमभराने दाबले आणि भारावलेल्या स्वरांत ते म्हणाले, "मनोहरपंत, तुम्ही विचारलेल्या टोकदार प्रश्नांनी नियामक मंडळाच्या सदस्यांची उडालेली भंबेरी पुरेशी बोलकी आहे! त्यांच्या अब्रूची लक्तरे चव्हाट्यावर येऊं नयेत म्हणूनच मी बैठक ताबडतोब स्थगित करण्याचा निर्णय घेतला!" अनंत आणि इतरांकडे वळून ते पुढे म्हणाले, "तुम्ही सर्वांनी मनोहरपंतांना ऐनवेळी साथ देऊन अनाथाश्रमाचा कारभार कालपासून सांभाळला त्याचं मोल शब्दांनी करण्यासारखं नाहीं. तथापि तुम्हां सर्वांना अधिक त्रास होऊं नये यासाठी मी अन्य कांही हितचिंतकांच्या मदतीने स्त्री-पुरुष स्वयंसेवकांची व्यवस्था केली आहे! काम समजावून दिल्यावर ते सगळी जबाबदारी अंगावर घेतील!" "वैद्यसाहेब, तुमची बैठक सुरु असतानाच आज काम करणाऱ्या स्वयंसेवकांची टीम आम्हांला आंत येऊन भेटली!" अनंत पुढे होत नमस्कार करून म्हणाला, "त्यांना काम समजावण्याला सुरवात झाली आहे! सगळी घडी सुरळीत बसेपर्यंत आमच्यापैकी एक-दोघं ऐनवेळी लागेल त्या मदतीसाठी इथे दिवसभर आळी-पाळीने हजर असतील! तुमच्या मागे कामांचा मोठा व्याप आहे;-- तरी तुम्ही इथली काळजी अजिबात करूं नका!" त्याला दुजोरा देत भोसले म्हणाले, "वैद्यसाहेब, स्वयंसेवकांची टीम दाखल झाली आहे. त्यामुळे आतां इथल्या कारभाराची काळजी सोडा आणि झाल्या घटनांच्या सखोल तपासाचा पाठपुरावा करा! कारण त्याच्या तपशीलावर माझ्याप्रमाणे इतर अनेकांचीही नजर असणार आहे!"

जवळजवळ २४ तासांच्या तणावानंतर फुरसतीचा मोकळा वेळ मिळाला तेव्हां शुभदाला घरांतली खोळंबलेली कामं आठवली. चहा झाल्यानंतर 'दमायला झालंय्' या सबबीखाली ती अनंत बरोबर रोजच्यासारखी फिरायला गेली नाही! अनंत एकटाच बाहेर पडल्यावर लगेच तिने फ्रिजमधून मेथीची जुडी बाहेर काढली आणि डायनिंग टेबलापाशी बसून निवडायला सुरुवात केली! हात आणि डोळे यांत्रिकपणे मेथीची पानं पारखून निवडत असले तरी तिच्या मनांत मात्र अनाथाश्रमातील आठवणींनी फेर धरला होता! त्यामधे ती एवढी गुंगून गेली की तासाभराने अनंत बंद दाराचं लॅच उघडून घरांत आल्याचं तिला समजलंही नाहीं. अनंतने तिची हरवल्यागत झालेल�� अवस्था उमजून कसलाही आवाज न करतां कीचनमधे येत हलक्या हाताने दोन छोट्या प्लेट डायनिंग टेबलवर मांडल्या आणि ट्यूूबलाइट लावली. त्यासरशी शुभदा एकदम भानावर आली आणि आपल्याकडे बघत, मिस्कील हंसत उभ्या असलेल्या अनंतकडे डोळे मोठे करुन पहात म्हणाली, "असे काय चोरासारखे घरांत शिरलात आवाज न करतां? आणि या दोन प्लेट कशासाठी मांडल्या आहेत?" "बायको दमली आहे, म्हणून तिच्या श्रमपरिहारासाठी बदाम-पिस्ता कुल्फी आणली आहे!" तिच्यासमोर खुर्ची ओढून घेऊन बसत अनंतने हातातलं पार्सल उघडलं आणि कुल्फी बाहेर काढीत विचारलं, "एक पुरेल? की माझीसुद्धां देऊं?" "काय वात्रटपणा हा! जसे कांही हो म्हटलं तर तुमची कुल्फीसुद्धां देणारच आहांत!!" शुभदा कृतक् कोपाने म्हणाली, "एवढी दानत होती, तर माझ्यासाठी दोन कां नाहीं आणल्या?" "नाहीं बुवा सुचलं आपल्याला!" कानाच्या पाळ्या पकडल्याचा नाटकी आविर्भाव करीत अनंत म्हणाला, "त्यासाठी बंद्याला माफी असावी!" त्यावर हंसत शुभदा कुल्फी खाऊं लागल्याचं पाहून अनंतने विचारलं, "शुभदा, खरं सांग! शरीराने घरी आली असलीस तरी मनाने तूं अजूनही अनाथाश्रमांतच रेंगाळते आहेस कां?"

२५ मे २०२३

[digiyogi]

Hand Core Cutter✨कामाचा दर्जा वाढवा! जबरदस्त हँड कोअर कटरसह तुमचं काम सोपं करा. ...... 1️⃣ सुशितो मॉल: आपल्या सर्व टूल्सचे एकच ठिकाण! 🛠️🔧🔨 हँड टूल्स 🔨, पॉवर टूल्स ⚡, सेफ्टी टूल्स 🦺 आणि कृषी उपकरणे 🚜 आम्ही सर्व काही एकाच छताखाली आणले आहे. चेन सॉ ⛓️, ड्रिल मशीन,Core cutter, चेन पुली 🏗️, गार्डनिंग टूल्स 🌱, मंकी क्रेन 🐒🏗️ आणि बरेच काही! कमी बजेटमध्ये उत्तम गुणवत्तेची साधने शोधत आहात? 💰✨ चिंता करू नका, सुशितो मॉलमध्ये या आणि आपल्या गरजा पूर्ण करा. 😊👍

सुशितो मॉल 😊👍 📱9423258000 📱8484963040

#handcorecutter#corecutter#SushitoMall#ToolsForAll#QualityTools#AffordableTools#powertools#handtools#Maharashtra

View this post on Instagram

A post shared by sushitoenterprises (@sushitomall)

[sadguruswamisamarth]

अशा वेळी शारीरिक संबंध कधीही करू नका. असे केल्याने जीवनात गंडांतराचे योग जुळून येतात.

Live Video ! अतिदुर्लभ आध्यात्मिक प्रश्नोत्तरे वर्ग...

Link : https://youtube.com/live/OW7sDN66PBI

Follow the DATTAPRABODHINEE NYAS channel on WhatsApp: https://whatsapp.com/channel/0029VaaSq9oK5cDE7kwVvZ2o

सर्व प्रश्न शंकानिरसन अर्ज : https://forms.gle/4kXGqHxzdMjKk5t77