#عيالي

[littlekittycat]

انا دايما بقعد اقول للاهالي ان ضرب عيالهم ده traumatizing ومش حاجة صح ولا بتعلم حاجة اصلا وكفاية بقى معتقدات خاطئة

انا اول ما حد يدايقني بكلمة او بفعل ايا كان مين حتى قطتي

[ehab-elmasry]

لما كنت برا مصر كنت مبحبش الأعياد والأجازات الطويلة عشان فعلا لمه العيلة وفرحة الزيارات والحاجات دي واشكال البهجة في الشوارع .. الغربة فعلا بتموتك في الأوقات دي .. مشاعر اللمه

في الغربة بتفتقد حتي خناقات الناس علي شوية ترمس وحبه كحك!

واديني رجعت مصر وهتصاب برضو بإكتئاب الاعياد .. لاني جوه مصر اهو بس بقيت لوحدي ت��اما 🤷‍♂️

كل اكتئاب أعياد وانت طيب يابوب 🤝

[sarrah]

أحبك الرحمن، محبة قريش لعثمان ✨

[lloouucchhee30ss]

...

[quiietness]

أعشق مقاطع أنس وهالة ، أحب علاقتهم، أحب حبها لعيالها وأحب احترامه وتقديره لها 🩷

[es-r-aa7]

مساء الخير

حابة احكي عن تجربتي ف قلب الترابيزة بما اني قدامي ساعة انتظار بلا هدف

من كتر زن ماما إني أتجوز، قررت في يوم ربنا هاديني فيه زيادة عن الطبيعي، إني مناضلش كتير معاها وأقولها إني مش عايزة أتجوز، بل قلتلها: ماما، أنا فعلًا نفسي أتجوز، ف ادعيلي. (على غرار أحمد حلمي لما قال للولد روح قول لباباك: بابا، أنا عندي كلب)

المهم إنها فرحت جدًا، وقلتلها ياللا يا ماما متدعيليش بأي حاجة غير إني أتجوز، قالتلي أسهل حاجة.

كل يوم، فعلًا كل يوم بلا استثناء، بصحى الصبح أقولها هاه يا ماما عملتيلي ايه في الموضوع اللي قولتلك عليه؟ مشوفناش منك حاجة يعني؟ انجزي أنا عايزة ألحق أتجوز وأخلف عشان تربي عيالي وتبقي جدة ولسه بصحتك، وهي تقولي بدعيلك.

يوم ورا يوم على نفس المنوال، لحد ما النبرة اتغيرت وبدأت تشد معايا، ف بقت تقولي هو في ايه مستعجلة على ايه؟/هو الموضوع بايدي؟، أنا بدعيلك بس هي حاجة بتاعت ربنا/ما تسكتي شوية بقى الموضوع دا بياخد وقت متضغطنيش.

ويوم تاني تبتنزني عاطفيًا ف تقولي لا مقدرش أجوزك انتي بالذات وتسيبني. (عشان مقولهاش إنها مبقتش تعرف تدعي كويس زي زمان)

ويوم تاني تقولي على الصيف إن شاء الله، ف أقولها لا بقولك ايه، أخرك معايا شهر أكون متجوزة، عايزة أتجوز في الشتا. شدي حيلك.

لحد ما النهاردة قالتلي على فكرة الجواز دا مش أحسن حاجة، هم اللي اتجوزوا أخدوا ايه؟ اقعدي انتي واخواتك سوا أحسن.

المهم، طريقة هايلة وناجحة في قلب الترابيزة أعطيها ١٠/١٠. :DDD

[marwa-el-zeiny]

ف آخر السنه دي وع غير العادة انا مش ممتنه لنفسي ولا حاجه انا ممتنه لعيالي ،امبارح لقيت نفسي بفكر ف السنه اللي عدت دي وقولت دي كانت اخف سنه ومفيهاش تُقل وبلاوي كتير بشوية تفكير واسترجاع للأحداث لقيتها سنة كارثيه بكل المقاييس وان الواحد طلع منها معافي بدنيا ونفسيا قدر الإمكان دا كدا بطل 😃،فجيت اركز بقي امال ليه كنت مفكراها سنه خفيفة وكانت الإجابة انه عيالي الله يباركلهم مكانوش سايبنلي فرصه أفكر ف أي حاجه 😂 يعني من وانا عيلة وانا لازم لازم أول ما اصحي افضل نص ساعه صاحيه ف السرير مبعملش حاجه غير اني بفصص كل التصرفات اللي بدرت مني ومن اللي حواليا والنتيجه كانت اني بقوم ع يوم جديد بس متلغم بمشاعر سلبيه وتدقيق ف تفاصيل ملهاش عازة والله السنه دي بدون ما اخد بالي انا بصحي ع ميما قومي الشمس طلعت ،مامي احنا هنتغدي ايه النهاردة اه انا ابني بيصحي دا السؤال اللي بيسألهولي اول ما افتح عيني لانه بيصحي قبلي 😃فمكنش عندي رفاهية النص ساعه ف السرير اول ما اصحي واللي مطلعتش رفاهية ولا حاجه بالعكس دي كانت من اقوي اسباب استمرار علاقتي بكل اللي حواليا سنه اضافيه مش فاكرالهم اي حاجه غير ايه يا ولاد الحلاوة دي انتو صمدتوا معايا سنة كامله 😃

[5005-2]

النهارده عيد ميلاد ماما ال 56 فا بتقولي أنا كملت كام سنة؟ قولتلها 56 يا ماما تقولي يا ولاد الجزمة انا لسة صغيرة أنا هروح أتجوز🙂😂

مع العلم أبويا ميت و هي عندها 37 سنة و كل الناس تقولها أتجوزي تقول لأ عيالي😂

فا لو حد عنده عريس أمي موجودة😂

[vincaros]

أول لما ولدت باسل كنت فاكرة ان الناس كلهم وخصوصا العيلة هيفهموا الاسلوب اللي عاوزة اربيه بيه .. كنت بقعد اتكلم معاهم عن حاجات هما اصلا مش عاوزين يسمعوها ومش هيقتنعوا بيها .. وكان بيجيلي ضيق وزعل وخصوصا ان فيه ناس بتتعمد تعمل اللي رافضاه .. وبالتالي بندخل في صراع وببدأ اناقشهم بس هو محدش عاوز يسمع اصلا ومحدش مهتم كله شايف ان انا اتربي�� ع كده وربيت عيالي ع كده وجيراننا ربوا عيالهم ع كده ومحصلهمش حاجة!

بالتالي كنت محتارة اللي هو انا فعلا مقدرش امشي حد ع مزاجي وكل واحد وقناعاته .. وفي نفس الوقت مقدرش امنع باسل عن اهله والناس والا كده هبقى بأذيه

كنت بقعد دايما مراقبة بقى وعيني في وسط راسي .. وده شيء تقيل عليا .. يعني المفروض لما بنروح لحد هو بيشيله عني ويسيبني ارتاح .. بس بيحصل العكس تماما وبكون تعبانة اكتر بسبب الصراعات والخوف والضغط .. مش عاوزة اكون بحميه زيادة عن اللزوم برضو .. بس للاسف نادر جدا لما اكون واثقة في حد وان لو سيبته معاه هو فعلا مش هيعمل حاجة من اللي مانعاها سواء بقصد او بدون قصد

بس حاليا ادركت ان باسل هيكبر وهيتعرض لحاجات مؤذية كتير في حياته .. هيتعرض لاطفال هتعامله وحش وهتضربه .. هيتعرض لناس سمجة ومتنمرة .. هيتعرض لبشاعة العالم كلها .. فمعنديش مشكلة اقعد احميه الفترة دي وهو قدامي ومعايا وامنع عنه اي شيء يسببله أذى طالما في ايدي اعمل ده .. لان هيجي وقت ويبعد عني ومش هشوف حاجة .. فبقيت متقبلة ومقتنعة ان محدش هيمشي ع مزاجي بس طالما في ايدي امنعه ليه لا؟ ومبقاش عندي مشكلة اتكلم مرة ومليون مرة .. ومبقاش عندي مشكلة لو لغيت الفعل منغير مااشرح لاني زهقت من الشرح .. المهم ان مش هيأس طالما في ايدي امنع حاجة عنه سواء بكلام أو منغير كلام .. مش هيأس

واللي مش مقتنع ان الموبايل هيإذيه براحته بس همنعه يفرجه ع موبايل .. واللي مش مقتنع ان السكريات بتدمر جسمه ودماغه براحته بس همنعه يقدمله سكريات .. واللي مقتنع انه لما يتخبط في حاجة يضربها ويعنفها .. همنعه عشان ابني مش مؤذي

[marmarika-world]

ان شاء الله اول ما عيالي يخلصوا تعليم واطمن عليهم هشتري كلب ومعزتين وخيمة وهطفش ومحدش هيعرفلي طريق جرة

[ohmennaitsyou]

اتذكر السيدة الرغاية التي جاءت لتنظيف بيت أمي جاءت مرة واحدة فقط و لم أرها بعدها قط، سيدة أربعينية لا تتوقف عن الكلام تعتز بأولادها الذكور الثلاثة و لا تتوقف عن الحديث عنهم و كأن لم يُخلق مثلهم في البلاد، سألتني السيدة بفضول

-بقالك قد إيه متجوزة؟

-سنتين.

-عندك أولاد؟

-لأ.

أظهرت السيدة بوضوح و تعمد علامات الشفقة على وجهها و ابتسمت أنا ابتسامة تفهم و لطف مصطنع، تركتها تشعر بانتصار محبب أن ربنا رزقها بالعيال بينما بنت الست المقتدرة محرومة من النعمة، تركتها تتأمل حكمة الله في توزيع ال٢٤ قيراط بالتساوي على البشر، تركتها تشعر بالزهو بأولادها الثلاث اللي بتشقى عشان تربيهم بعد ما طلقها جوزها و رماها. لم أقول لها إني استخدم موانع الحمل بالتزام شديد و لا استهتر بهم أبدا مهما كانت الظروف، و لم أقل لها أني اخشى الإنجاب و اشعر بمائة شعور مختلف تجاهه، تركتها تشعر بالامتنان لله و تُركت أنا للأوڤرثينكينج و التوتر و التساؤلات و محاربة مخاوفي.

اشعر بالواجب تجاه الإنجاب، أخشى الوحدة إلى حد الفزع فاشعر بضرورة الإنجاب، و سرعان ما ادرك كم هو أناني هذا الأبروتش، هل أنا قادرة على تحمل آلام المخاض الذي سيستمر على أحسن تقدير ل١٠ ساعات و ربما سيزيد عن ال٢٤ ساعة؟ هل مستعدة لتقبل تهدل كرشي و ثديياي و انتشار علامات التمدد التي ستضرب بأفرعها كل أنحاء جسدي، هل سأتحمل اضطرابات النوم؟ و اكتئاب ما بعد الولادة؟ هل أؤمن بشيء؟ أي شيء؟ هل مستعدة لحب ابني/ابنتي حب غير مشروط و أوهبهم حبي و وقتي و حياتي مهما غلّبوني و طلعوا ميتيني! كنت بزن على جوزي أنه يوافق نخلف ليس لرغبتي الصريحة في الخلفة و لكن لأطمئن نفسي أنه ممكن يكونسيدر و أ�� كل الاوبشنز متاحة بس أنا اللي مش عايزة بمزاجي، بزن و أنا متأكدة أنه مش هيوافق إلى أن توقفت عن الزن تماما، ليس لأني غيرت رأيي أنا كده كده رأيي واحد من البداية و لكن لأني تخيلته يوافق و أدركت إني هجيب ورا و هقول مش عايزة لأ.

اتخيل حياتي في ال٥٠ أو حتى ال٤٠ بعد أن اشتغلت (اكيد هيجي يوم و كسم الابليكشن بنت العرص تتقبل ما أصل مش ممكن يعني ديه بقالها سنتين) و سافرت شوية و قبل كل شيء معي الباسبورت الإنجليزي (مسألة وقت) ثم ماذا؟ وحيدة، و بلا هدف، يتربص بي الاكتئاب و تحيط بي الوحدة. الإنجاب ليس ضمان للونس، و لو خلفت و أنا بفكر بالطريقة ديه يبقى هظلم عيالي من قبل ما اخلفهم.

[greennnnns-blog]

لما ييجي طفل يضرب قطة من قططي و ازعق له أمه تزعل ليه لامؤاخده ماهما دول عيالي برضه

[ehab-elmasry]

الدنيا قاسية منغير قلب أمي و عقل ابويا وحضن عيالي 💔

[sarrah]

+المجاهدين اللي أعمارهم بتبدء من ١٧ سنة!

لا أغبط أحدًا أكثر من غبطتي لأولئك الذين يجدون متسعًا من الوقت لقراءة كتب الشيخ أولًا بأولٍ!

[sarahtarek]

انا مش عايزه حد يصبرني على الحياة ولا حتي لو خلفت اقول على عيالي كده انا عاوزه اكون مصدري في كل حاجه عاوزه اعيش حياتي طبيعي من غير اي تعجيز في حاجه مش عاوزه يكون ليا نقطة ضعف