vincaros

[vincaros]

البني آدم "أو يمكن أنا" بيبقى فاكر نفسه كويس لحد مايخلف

مش لحد مايخلف بس لا لحد مايشوف ابنه بيكبر قدامه .. وهو لسه بيحاول في كل خطوة يختار ازاي يتعامل .. ازاي يكون اهدا .. ازاي ميلومش الطفل ولا يحسسه انه سبب معاناته .. ازاي يخليه طفل سوي نفسيا على الاقل حاسس بأمان في وسط أهله مش حاسس بنفور ومستني يكبر عشان يبعد عنهم ويحط حدود كبيرة .. ازاي يدعمه ويشجعه ويبطل ينتقده .. ازاي يحافظ على صورته قدام الناس وميخليهاش صورة سلبية .. ازاي ميهينوش ويعامله كإنسان حقيقي مش أداة ولا امتداد ولا شيء جاي يلبيلي رغباتي .. ازاي يحترمه ويخليه انسان محترم عارف حقوقه ومسؤولياته

كل ده كل ده وسط كل لحظة بيفتكر فيها طفولته وسط أول فعل تلقائي بيجي في باله وضغط النفس .. كل دي محاولات يومية مستمرة يتبعها عثرات ويتبعها جلد ذات ويتبعها نجاحات وانبساط ويتبعها لوم وخوف وهلع

[vincaros]

أنا مش طايقة نفسي والله كل مااتخيل اني تشبعت حاجات من المكان ده وأثرت على كل حاجة فيا وأكيد أكيد فيه حاجات مش مدركاها في نفسي وهي غلط وزي الزفت

[vincaros]

صياح كل زيارة معلش يا تمبلر

بس ليه بجد؟ ليه طاقة الغضب بتكون عالية في المكان ده؟ ليه العصبية والتوتر وضيق النفس والخناق والمشاكل؟

أنا مش متخيلة اني عيشت ٢٢ سنة من حياتي في المكان ده .. مش قادرة استوعب ازاي تحملت كل ده؟ زعيق وعصبية ونرفزة وتحكم في أبسط أبسط الأمور وناداءات مستمرة طول اليوم على حاجات تافهة استنزاف كبير للطاقة

مش عارفه اعذر مهما حاولت أعذر بس مبقتش عارفه أعذر خلاص

الأول كنت بتعاطف بس بعد مابدأت محاولات التخلص من غضبي مبقتش عارفه اتعاطف رغم اني مدركة ان الغضب شيء صعب التخلص منه .. بس مش قادرة اتعاطف تاني

بحتقر فكرة معاملة الأبناء تكون عشان هما ملكي أنا فمن حقي أقعد كل شوية احرك فيهم زي العرايس اللعبة بمزاجي

[vincaros]

كل ماببعد بشوف مستوى القبح بوضوح

[vincaros]

رزان وروح رزان 🩷🩷🩷✨️

انا مبسوطة بوعي النساء مؤخرا إن اكتر حد بيفهم الست هي ست زيها .. وأكتر حد قادر يتعاطف مع الست هي ست زيها

بدل جو المنافسة اللي كان طاغي ده .. لازالت المنافسة موجودة ولازال وجود ست في مكان فيه ست ممكن يمثل لواحدة فيهم تهديد بشكل من الأشكال

بس مع ذلك بقيت بشوف بنات ونساء أسوياء

[vincaros]

انا مبسوطة بوعي النساء مؤخرا إن اكتر حد بيفهم الست هي ست زيها .. وأكتر حد قادر يتعاطف مع الست هي ست زيها

بدل جو المنافسة اللي كان طاغي ده .. لازالت المنافسة موجودة ولازال وجود ست في مكان فيه ست ممكن يمثل لواحدة فيهم تهديد بشكل من الأشكال

بس مع ذلك بقيت بشوف بنات ونساء أسوياء

[vincaros]

والله مفيش أحلى من الوضوح والمباشرة ولا عزاء للمتلاعبين والكدابين وبتوع الحوارات

[vincaros]

لسه فيه ناس معانا وسطينا عايشين بيتنفسوا وبياكلوا وليهم بيوتهم

لسه فيه ناس زي دول عايشين وباصين للغزاويين والسودانيين اللي بيجوا مصر

لسه شايفينهم عايشين واغنيا ومستغلين حروبهم عشان يغتنوا وياخدوا فلوس وتبرعات ويهاجروا ويسافروا وينهبوا اقتصاد الدول وياخدوا فرص الشغل لنفسهم بس وهما السبب الوحيد في ارتقاع الايجارات

لسه مش بيتعاطفوا مع الضحايا وشايفينهم مستمتعين باللي هما فيه ومرتاحين

لسه فيه ناس دول وسطنا وحوالينا ولسه عايشين مماتوش

ولسه بيربوا عيالهم على ان مالناش دعوة والمشكلة في الكبار بس لكن احنا مالناش دعوة ومتقاطعش ومتتعاطفش ومتتكلمش

والحقيقة مش شوية الحثالة دول اللي رأيهم مهم أو تعاطفهم مهم ولا ليهم دور

بس معرفش ازاي طايقين نفسهم؟

[vincaros]

النهاردة جيبت أخري وقررت اواجه .. مواجهة من بني آدمة ثابتة بتحط حدود لنفسها .. كفاية لعب وهبل وسخافة وكدب وقلة أدب بقى

بس ده ريحني؟ حسيت بتوتر شوية بس حاولت أكون ثابتة بقدر الامكان ..مش عارفه بس المهم اني اظهرت وشي الحقيقي سارة الصادقة المباشرة اللي ملهاش في اللعب والهبل وشغل النسوان ده .. مالهاش في العك والكيد والمرض

مبسوطة اني كنت أنا حتى لو ده معجبش حد بس للاسف ده الشيء الوحيد اللي بعرف أعمله بعد السكوت والتحمل والصبر لوقت طويل جدا واعطاء فرص كتيرة جدا جدا

وده شيء هعتمد عليه مستقبلا عشان خلقي ضاق والله

[vincaros]

أنا كرهت المرض النفسي كرهته بسبب استغلاله بأشكال وسخة بنت وسخة

انا مكتئب فهأذي اللي حواليا عشان "انا مكتئب" مضطر يا جماعة ابص لاكتئابي واكون أناني وأرضي نفسي واستغل اللي حواليا بأقذر الطرق عشان "أنا" مكتئب وهما مطالبين يعذروني ويسمعوا كلامي

[vincaros]

هفضل أقول حسبي الله لحد ماربنا ياخدني

[vincaros]

أكتر ناس كانوا بيقولولي اني شخص سيئ هما أهلي "وزي كل الاهل مش بهدف وحش اد ماهو هدفهم انهم يخلوني احسن طبعا" كان بيقولي محدش هيحبك انتي فاكرة حد هيحبك؟ من وانا طفلة وطبعا ده خلق جوايا هروب دايم من فكرة ان ممكن حد يحبني أصلا .. ومازلت مش بعرف اصدق ان ممكن حد يحبني .. ومازلت منتظرة اسمع جملة انا بحبك وحاسة اني مش عندي تشبع منها نهائي .. مازلت كل فعل بعمله عندي نظرة تساؤل انا كده اتحب فعلا؟ وأي حد يقولي بحبك بقعد انخرب وراه عشان اثبت انه مش بيحبني أو ممكن اعمل تصرفات وحشة تقوله اني فعلا شخص متحبش.. عيشت طفولتي دايما بتخيل ان الشخص اللي هيتجوزني ده هيخونني أو هيسيبني مثلا وعلاقتنا هتنتهي بمأساة

وده للأسف اثر عليا في جوازي قعدت فترة كبيرة جدا بنخرب على اي مشاكل تافهة تثبت ان جوزي ممكن يكون مش بيحبني! "افتكرت الميم بتاع انه اتجوزها وهي فاكرة انه لسه مش بيحبها😅💔" وده شيء مرهق جدا طبعا للشريك انه يتحمله بس الحمدلله يعني كريم عنده سعة صدر جبارة الحقيقة

كبرت الصراحة وبطلت افكر كده وسلمت أمري لربنا وان مش شرط افضل ادور ورا حد مش شرط اخاف ان ممكن حد يضحك عليا ويفهمني انه بيحبني وهو مش بيحبني دي حاجة ترجعله هو .. الخيانة والندالة دي مش عشان انا شخص متحبش .. ومش شرط اتوقعها واسيب الناس تحبني عادي منغير مااقعد ادور وراهم

بس مازلت كل مااشوفهم واروحلهم بحس اني شخص متحبش وشخص وحش .. طاقة غضبي بتبقى عالية واللي بتثبت اكتر اني شخص سيئ .. دوامة كل مااهدا منها ارجعلها تاني

الطفلة الداخلية اللي جوايا لسه مصدقة للأسف الكلام ده مهما حاولت اقنعها بغيره بيجي وقت وتطفو وتعترف انها شخص ميتحبش

[vincaros]

"A woman who feeds her ego by humiliating another woman is an ugly woman."

[vincaros]

بجد اكتر حاجة نفسي فيها هي ان الناس تألف كتب عن ازاي نتعامل مع الناس اللي بيحاولوا يتدخلوا في طرق تربيتنا بكل الطرق المقرفة

مش ازاي نربي بس

مدركة تماما ان عادي الطفل هيتعرض لاشخاص مختلفين طبيعي جدا وبعدها نرجع نوجهه بشكل أحسن من خلال علاقتنا الكويسة بس من البداية

بس بجد فيه ناس مريضة كتير بتحاول تتدخل بطرق غير سوية و"متعمدة" وفيها نوع من التكرار والتحفيظ والاصرار على تعليمه حاجات الاهل شايفينها مش في صالحه

بس هو فرض رأي وخلاص

[vincaros]

مبقتش عاوزة اعرف اي حد حاجة عني

[vincaros]

مفتقدة النسخة بتاعتي اللي بتعرف تعمل ghosting بكل سهولة

[vincaros]

يارب مبقتش عارفه اعمل ايه والله.. حسبي الله