vincaros

[vincaros]

What are you so afraid to lose?

What is it you're thinking that will happen if you do?

What are you so afraid to lose? (You wrote me to tell me you're nervous and you're sorry)

What is it you're thinking that will happen if you do? (Crying like a baby saying "this thing is killing me")

[vincaros]

(Crying like a baby saying "this thing is killing me")

It takes a lot to give, to ask for help

To be yourself, to know and love what you live with

It takes a lot to breathe, to touch, to feel

The slow reveal of what another body needs

بتسمعها وتعيط

[vincaros]

It takes a lot to give, to ask for help

To be yourself, to know and love what you live with

It takes a lot to breathe, to touch, to feel

The slow reveal of what another body needs

بتسمعها وتعيط

[vincaros]

امبارح في المترو وسط الزحمة واللانسانية والانانية وتحديدا في عربية السيدات.. كان فيه أم سودانية معاها بيبي صغيرة رضيعة عمرها حوالي من شهر لشهرين .. البنت من وقت ماركبوا وهي بتصرخ حبيبتي عاوزة ترضع والأم محتاسة وبتحاول تهديها بكل الطرق ومش عارفه "الاطفال في السن ده بيحتاجوا ��رضعوا باستمرار جدا لان معدتهم صغيرة جدا "

كلهن سيدات وانسات وامهات وجدات باصين لصوت البنت وبيدوروا عليه بس محدش قرر يقوم للأم دي عشان تقدر تسد جوع البيبي الصغيرة

لحد بعد فترة حوالي ٣ محطات طوال من الانتظار بنت قررت تساعدها وتقوم للام وتقعدها مكانها

وسكتت البنت وهديت وارتاحت في حضن امها

معرفش دي عنصرية والا اصلا احنا كبلد مبقاش حد عنده انسانية بشكل عام حتى بيننا وبين بعض .. كل مرة بخرج الشارع واركب مواصلات بكره البلد والعالم وكل الظروف الوسخة اللي وصلت الناس لكل البؤس والكراهية والقرف ده

لكن لو لقوا اتنين بيحبوا بعض والا بنت لابسة حاجة مش عاجباهم هيهجموا عليها ويرموها بالنصايح والمثالية والدين والانسانية والبتنجانية

[vincaros]

Masahiko Kuroki.

[vincaros]

امبارح كان اول امتحان ليا واصعب مادة وخلصته على خير الحمدلله رغم التوتر والخوف اللي بحاول مخليهمش يستحوذوا عليا لاني اوريدي مستنزفة ومش عاوزة الجزء الصغير الباقي مني ومن عقلي يروح في نوبات هلع

مروة ونسمة والاء كلموني بعد الامتحان يتطمنوا عليا وممتنة لوجودهم جدا ودعاءهم ليا وانهم افتكروني وافت��روا يوم الامتحان ويعني حقيقي انا محظوظة بيهم جدا

امبارح رايحة اختم ورق البطاقة من الكلية عشان اجددها واللي شغال في الشئون قالي: "بقالك ٤ سنين في سنة تالتة؟ ناوية تكملي معانا اكتر من كده والا ايه؟" معرفتش ارد غير بابتسامة باردة وقولتله ان شاء الله اخر سنة في تالتة .. كنت عاوزة اعيط لانه رجعلي افكاري اللي بحاول اتجاهلها .. بحاول اخرج صوت اهلي من دماغي اللي كلمتهم قبل الامتحان بيوم وكانوا بيلوموني اني اتأخرت في الكلية "كالعادة يعني" .. بحاول اتجاهل الصوت اللي بيقولي انتي فاشلة .. فضلت اسأل حالي طول الطريق بعد الامتحان ليه الانسان يقول لانسان تاني شيء سلبي ومحبط زي ده؟ ليه يقوله كلام مؤذي وهو ميعرفش وضعه وحاله وممكن جملته دي تعمل ايه؟ فضلت احمد ربنا اني مش زي الناس دي وده كفاية جدا .. بقولي ارجوكي مش وقت تكوني حساسة فيه

حاسة باحباط وخمول شديد بقالي كام يوم بحاول احاربهم ومش عاوزة ارجع اشرب كافيين كتير رغم اني دخلت كوباية قهوة تانية وسط اليوم .. وكده بقوا كوبايتين قهوة

الشمس مبقتش كتير وحاسة اني عاوزة اختفي او اقعد اعيط بس مش عندي حتى رفاهية العياط

كريم بيساعدني جدا الفترة دي وممتنة لوجوده هو وباسل في حياتي لاني منغيرهم مكنتش قدرت اصمد كل ده لحد دلوقتي

بحاول اخرج كل الاصوات .. السنة اللي فاتت قدرت اتصالح مع تأخري في التخرج وتقبلت الموضوع.. بس ليه الناس مش بيتقبلوه؟ ليه لازم يرموا تعليقات؟ انا تعبت بحاول اصمد والله وكل مااقنع نفسي ان رأي الناس مش مهم وكلامهم مش مهم بتيجي كلمة لو جملة ما تحطم الايجو بتاعي .. بس مش مشكلة بحس ان الحياة لازم تهينني شوية عشان اكون اكتر رأفة وانسانية! "يخربيت المازوخية اللي بقيت فيها"

بس لا مش هرد ع الاسئلة دي ومش هسألها تاني عشان دول بشر والبشر مش شرط يكونوا ملايكة وطيبين وطبيعي تحصل منهم السلوكيات دي .. فمتهتميش ارجوكي

[vincaros]

"لو كان الفقر رجلا لقتلته".

[vincaros]

"كثرة الاختلاط تفقد المرء هيبته، وتجعله مألوفا مستهلكا، احتفظ دائما بالكثير من نفسك لنفسك."🫂🖤

[vincaros]

بقالي يومين مسحولة في قناة يوتيوب بتتكلم عن الدول وخصوصا الدول الاوروبية زي السويد والدنمارك وبلجيكا وسويسرا والنمسا...

الواحد حاسس انه عايش في جحيم ومستنقع .. معرفش الناس دي عملوا ايه في حياتهم السابقة عشان يتولدوا في الدول دي

حياة عادلة ومتوازنة بين الشغل والحياة الطبيعية والاجتماعية واهتمام بحقوق الانسان .. اي نعم فيه مشاكل زي ان الحياة غالية ولو اتنين متجوزين لازم يشتغلوا سوا .. بس في المقابل فيه اهتمام بالآباء والامهات والاطفال .. وده مش عيب عموما مقارنة بالسحلة النفسية والجسدية اللي هنا ومفيش مقابل اصلا

اتمنى لو فيه عود ابدي وهيجي وقت والحياة تتعاد تاني .. فأعيش في دولة منهم بقى عشان خلاص مش هقدر اعيش هنا تاني

[vincaros]

جيبت ورد لنفسي بمناسبة السنة الجديدة وبمناسبة اني لسه عايشة وبحاول وبحاول وبحاول

[vincaros]

by fluorite-flow

[vincaros]

احنا مش عايشين🙂

[vincaros]

بعد مابعدت عن الفيسبوك الحمدلله فيه سؤال بسأله من اول لما صحيت على لايف واحدة صاحبتي باعتاه .. لايف لصاحبة براند كوزماتكس :مع احترامي وتقديري للمهنة" الناس بيسألوها عن العلاقات وحاجات مظنش انها تقدر تحكم عليها من جانبها هي لوحدها

مقدرتش اكمله الصراحة لاني مش فاضية والاولى اروح اسمع حد مختص او لو عندي فضول لحاجة اروح اقرأ عنها او حتى اسأل تشات جي بي تي

بس بجد ليه الناس بيقدسوا اصحاب البراندات؟ يعني هل عشان نجحوا وعملوا كارير شيفت مثلا وخرجوا عن المألوف؟ والا عشان يحسوا انهم قريبين من شخص ناجح مهنيا وعاوزين يبقوا زيه؟ حتى لو بيسألوه في جوانب مش مهنية ولا حاجة! بس ليه اسأله ع علاقات وحاجات هو مهما كان وضعه المهني فهو عقله قاصر انه يدي نصيحة شخصية جدا

ورغم ان شخصيتها اجريسف وهجومية وجادجيمنتال اصلا وفاكرة الدنيا والناس ماشيين بالمسطرة وعلى مزاجها وحرفيا ممكن تدي نصيحة لو حد سمعها وطبقها هتخرب حياته

يعني كإني بروح اسأل بياع في محل رايح اشتري منه حاجة عن مشاكلي الاسرية وعلاقاتي! "مع احترامي جدا جدا للمهنة برضو ياريتني كنت بياعة عشان محسش بالذنب وانا بقول كده"

اومال الاستشاريين النفسيين واخصائيين العلاقات دول فين

[vincaros]

٢٠٢٤ كانت سنة قاسية عليا جدا فقدت ناس كانوا مهمين في حياتي بشكل كبير بس كان لازم افقدهم لان رصيدهم انتهى عندي واحترامي لذاتي كان أهم

وفقدت سارة اللي كانت افضل داعم وأكتر شخص فاهم أمومتي واقدر اتكلم معاها في اي حاجة منغير ماتحكم عليا واخرج مبسوطة وحاسة بامتنان ورضا وكل المشاعر الحلوة اللي خلقها ربنا.. سارة علمتني أعظم دروس الأمومة وهي "الحنية" واه الأمومة مش شيء غريزي .. بس أنا معرفش الحنية في حياتي الصراحة .. فسارة علمتني ازاي اكون حنونة .. وكل مرة بحس ان عاوزة اكون قاسية .. بفتكر سارة وهي بتقولي "الأطفال كائنات ضعيفة" .. "الاطفال لازم يكونوا مبسوطين ومرتاحين".. والله يا سارة مفيش حد عرفته أحن وألطف منك ومش هلاقي ابدا.. اااه يا سارة فيه حاجات كتير اوي عاوزة اخد رأيك واناقشك فيها لإن رأيك أهم رأي بالنسبالي

اتعلمت كمان ان سعادة الانسان باختياره "مش بتكلم عن الناس اللي بيمروا بأزمات وظروف صعبة أو مشاكل نفسية لان دول محاربين وأبطال بجد"

الانسان قادر يكون مبسوط وراضي لو قرر يعمل ده هيشوف انعاكسه على الناس اللي حواليه اللي بيحبوه فعلا وهيلاقي اثره في ردود فعلهم معاه .. وطبعا بينتج عنها احترام اكبر وتقدير لذاته

سوء الظن من ابشع الحاجات اللي كان ممكن تبلع كل حاجة حلوة جوايا .. لأن الاسوأ من سوء الظن هو انه بيتبعه تصرفات دفاعية مؤذية جدا جدا جدا

الكلمة الطيبة والابتسامة دول أهم وأجمل وأعظم الحاجات اللي لما بقدمها لحد بكون مبسوطة وهو مبسوط

قعدت فترة سنة مثلا بعد ماولدت باسل مكنتش بركب غير اوبر عشان مش بعرف اتحرك بيه لوحدي .. بس لما بخرج لوحدي واركب مواصلات واشوف البؤس والقرف والفقر اللي منتشر في البلد برجع مخنوقة ومتضايقة .. ادركت ان لازم لما باسل يكبر شوية معودوش ع العزلة والمواصلات السهلة .. ولازم يتعلم يشوف العالم ويشفق على الناس وحالهم ويتعاطف معاهم ويقدم دعم ومواساة عشان يحافظ على انسانيته

الحب فن زي أي فن .. لازم الانسان يتعلم ازاي يحب وازاي يقدم دعم وازاي يبسط اللي بيحبهم ودي مهارة صعبة جدا على شخص مكانش متصل بمشاعره زيي .. بس مش مستحيلة

التحضير والتجهيز لأي شيء وانتظار الجو المناسب قبل مانبدأ ماهو الا مضعية للوقت.. اكتشفت ده وانا قعدت فترة بسوف ان اقرأ حاجة وبتلكك بالمود والهدوء اللي مبقوش موجودين في حياتي مؤخرا .. لقيتني فجأة بمسك الموبايل في اي فرصة افتح أبجد وانغمس في اي كتاب موضوعه يهمني بكل سهولة منغير تحضير كإني بتناقش مع حد ومنتظره رده مثلا

العالم بشع وسيئ ولعين وابتلاء كبير وكل حاجة فيه سيئة بس لازم نعيش ونكون مبسوطين ونقتنص الفرص ونتجاهل الحاجات اللي بتإذينا ونبعدها عننا .. ونتنفس ونرقص ونحب ❤️

[vincaros]

Day 2 of getting the right education.

[vincaros]

بقالي كام يوم ببعد باسل عشان اذاكر شوية وده شيء كان صعب عليا وكل مرة بيبقى نازل رايح لجدته بفضل احضنه وزعلانة وحاسة بالذنب

بس بفكر نفسي ان باسل هيكبر والساعتين او ال٣ ساعات دول مش هيفتكرهم .. هيفتكر مامته اللي كانت بتحاول تنجح ومتستسلمش رغم كل المسؤوليات دي .. وهو اصلا بيكون مبسوط وبيروح يلعب ويخرج طاقته وبيغير جو بدل الملل في البيت

تقريبا انا اللي بعاني من قلق الانفصال مش هو

وكمان بناخد مساحة من بعض وبيرجع واحشني "قبل ماينزل حتى" وانا واحشاه اكيد وكمان بكون انجزت حاجة ومش حاسة اني مبعملش حاجة .. بكون مبسوطة اني قدرت اذاكر واركز اخيرا .. وده بيعود عليه هو كمان "Happy mum, happy baby"

الحقيقة لولا باسل كنت مش هقدر الساعتين دول .. بحاول استغلهم اسوأ استغلال ومشتتش نفسي .. وأنا كسارة من زمان مش عارفه اقعد نص ساعة بس اركز في حاجة .. فباسل حقق المعجزات والله

ادركت اهمية الوقت جدا .. وأهمية الأمومة وأهمية باسل والمعجزات اللي بيعملها في حياتي

[vincaros]

❤️❤️

ب شو بتنصحي حدا مقبل على تغيير جذري بحياته؟

شكرًا على السؤال الحلو 💗

كنت بحاجة هيك سؤال يشبكني مع ذاتي من جديد بما إنه بمر بهيك تغييرات جذرية ..

أهم شي بحكيه لحالي وممكن أحكيه كجواب للسؤال هو إنه شو ما كان التغيير خليه مرحلة من مراحل حياتك، وبحس حياتي عبارة عن كثير محطات ومراحل، وإنه كل محطة بتاخدني للي بعدها، فمش مشكلة لو أقبلتي على هاد التغيير طالما بخليّكِ تسيري بالرحلة دون ما تفقدي ذاتك وتضلي تلفي بدوائر، معلش تسامحي مع حالك، بالنهاية نيتك توصلي للشي الأنسب والأصح، مدامك منفتحة على نيتك ورغبتك وعارفة صدقها فأقبلي على التغيير طالما حاسة إنه كلشي بدفعك نحوه .. ما تخافي صار قبل هيك خضتِ هيك تجارب؛ فكوني أشجع من هيك .. وفعليًا ما ندمت ولا على تغيير جذري بحياتي كله فتح لي بوابة نحو طرق لم أعلم عنها لكن ممتنة للسير بها لكن أهم شي الفهم والوعي قبل كل خطوة خلص كبرنا على التهور الزايد عن حده