#صعبان عليا اوي

[egsoon]

عسليه قفشت بنتها في العشه (في العشه يا مني😂😂) #كلم_ ماما

عسليه قفشت بنتها في العشه (في العشه يا مني😂😂) #كلم_ ماما حصرياً فيلم | كلم ماما | بطولة عبلة كامل وحسن حسني ومنه شلبي ومي عزالدين واحمد زاهر #السعودية #الامارات منى طالبة جامعية، ابنة الست عسلية بائعة الطرشي، تحب جارها سيد ابن ضبش بائع البسبوسة الذي يحاول أن يستكمل تعليمه الجامعي؛ ولكن عسلية تشترط لزواج منى من سيد أن ينجح ويحصل على شهادته الجامعية، تتفق منى مع سيد على تدبير المال اللازم لإتمام…

[hebabutterfly]

انا حقيقي جوايا احساس مش بالكره بس باحساس كنت فين لما ضاقت الحيطان دي عليا، كل الناس بلا استثناء محدش معفي عشان انا واقفه لوحدي ضد كل حاجه محدش له فضل عليا بربع جنيه لا قريب ولا حبيب ولاصديق

[5005-2]

الراجل ده صعبان عليا اوي 🥺

[mohammed-hussien]

- تفتكر الإنسان لما بيخاف من حاجة بيهرب منها ولا بيواجهها!

= يعني على حسب ايه هي الحاجة، بس فيه اللي بيواجه وفيه اللي بيهرب

- طب ليه معظمنا بيهرب من الموت؟

= يعني ايه نهرب من الموت محدش هيهرب كله هيموت

- لا بنهرب، لما بنتناساه، بنتعامل وكإنه مش هيزورنا مع اننا عارفين انه هيطولنا كلنا! مش ده اسمه هروب!

= يمكن عشان هو النهاية لكل حاجة!

- بمعنى!

= يعني نهاية لكل حلم، لكل قصة، لحبك لشريك حياتك، نهاية احساسك بالدفء وسط عيلتك، نهاية لشغفك تجاه اهداف حياتك، فعشان كدا بنهرب.. عشان هو النهاية

- كلامك صح، احنا فعلا بننسى

= بس انا مقصدش كدا..

- احنا بننسى احنا جايين الدنيا ليه في وسط ده كله، وفعلا هو كل ده ينسي، احنا جايين الدنيا عشان نحجز مكان في الجنة، مش عشان نتوه ف وسط كل ده

= ايوة ده حقيقي وكلنا عاوزين كدا

- ما دي مشكلة! اننا عايزين كدا ومؤمنين بكدا، بس تصرفاتنا مش بتكون عالأساس ده، بنتوه في صراع الحياة ونفضل عايزين لحد ما وقتنا بيخلص! ونندم في وقت مينفعش فيه الندم

= طب يعني نعتزل الحياة ونفضل مستنيين الموت ونجهزله؟

- لا طبعاً، هو ينفع حياة بلا عمل! الإنسان اتخلق عشان يعمر الدنيا دي مش عشان يهرب من مسؤولياته فيها، كل ما في الأمر انه نتصالح مع الموت ونعرف انه بداية لحياة تانية عشان الحياة متخطفناش

= يعني انت عايز ايه بالظبط! لا عاوز الناس ينشغلوا في دنيتهم ولا عاوزهم يسيبوها ويركزوا في اخرتهم!

- تسمع عن التوازن! يعني زي مانتا بتحلم انك تنجح ف شغلك عشان تترقى وكل ما تترقى بتحصل على مميزات اكتر وزيادة في الدخل وبالتالي مكانة اكبر، وطول مانت بتجتهد وقتها هتبقى في مأمن من الفقر او الفشل، اهو الآخرة شبه كدا، طول ما ربنا قدامك دايما وطول ما بتحافظ على فرائضك ومبتتعداش حدود ربك وقتها هتنجح في الظفر بمكان في الجنة وكل ما اجتهادك يزيد مكانتك هتزيد، وقتها بس مش هتسمح للموت يخوفك فتهرب وتتناساه وتسيب الحياة تلفك في دوامتها وكأن ملكش سلطان عليها! ويبقى جمعت بين دنيا ودين

= تفتكر ينفع تجمع بين الاتنين بنفس القدر؟

- تفتكر انت ينفع تحب نعمة زائلة بنفس حبك لنعمة أبدية!

= امال ليه قولت تجمع بين دنيا ودين

- يعني لا تسيب الدنيا تسحبك ولا تعتزلها وتهرب من مسؤولياتك فيها، يعني تعرف حدودك كويس

= بس الكلام سهل

- ماهو فعلا الكلام سهل عشان كدا كتير يوم القيامة هيقولوا رب ارجعون، مع انه ربنا اداله الوقت يعمل كل حاجة

= عندك حق، بس ايه اللي خلاك تتكلم فـ ده دلوقتي يعني!

- صعبان عليا اوي اللي سبقونا والموت غفلهم في لحظة ومكانوش جاهزين، وخايف احنا كمان منلحقش ونتوه زي ما غيرنا تاه.

[asmaaaa97]

مكونتش ناوية ارد بس صعبان عليا والله ي انون

عموما انا بدات اقتنع مؤخرا ان حتي لو احنا كويسين ف عين نفسنا ف فيه حد هيطلعلنا كدا بدون مقدمات يأكدلنا اننا وحشين ومنتحبش، او ممكن نكون حلوين فعلا بس منشبهش بعض ف بيبعد عادي

فكرة الرفض ذات نفسها محتاجه وقت طويل اوي علي ما تقدر تستوعبها بصدر رحب بس فالاول والاخر لازم تتقبلها و متقساش ع نفسك و يغور اي حد مش عايزك ، انا مش قادره انزل الاسك علشان آخر كلامك ف حساني هفضح سرك وانا اصلا معرفكش

بس عموما كلنا حلوين بطريقة او باخري، بكره ييجي الشخص ال يحب فيك حاجات مكونتش تتوقع ان ممكن حد يشوفها ف يوم م الايام اصلًا

متحملش نفسك فوق طاقتها عشان هتتعب اوي بعدين ومحدش يستاهل

#ask

[2asma]

من اللاشيء حاسه ان صعبان عليا نفسي اوي

[snakeven0m]

كلما فكرت في الدين أجدني استخرج عدد هائل من الاشياء الغير منطقية والتي تتناقض مع بعضها البعض وصراحة مللت البحث لأني أعرف الردود كيف ستكون ولا احتاج اصلا ردود من أحد لكن احيانا بالصدفة أجدني ابحث كدا لعل أحد يكون عنده عقل وبيفكر زيي اجد بالصدفة شخص ولا اتنين يسالوا نفس الاسئلة والاقي حجج المفسرين معتوهة زيهم عمال يجمعله في اي حاجة ويلصم ومش عارف يرد بالمنطق حتى كسم دي شغلانة بنت قحبة كل شوية بتأكد اني صح ، وعموماً يعني انا مش محتاجة من حد حجج ولا خرا لأنه مفيش فا معرفش تاعبة دماغي ليه انا المفروض ابطل اتضايق على اني ببص من منظور تاني عشان شايفة منه كم غباء تحت وعايزة كل الناس تبص من زاويتي بردو وبتعصب اوي كدا واتحمق دا ايه البضان دا يارب

أنا يمكن مضايقة عشان اول مره احس بخنقة كدا والموضوع أصبح ضاغط يعني افتح تويتر بالصدفة الاقي واحد بدقن عاجبه فكرة مطعم غير مختلط وبيروج ليه عشان ميشوفش واحد في حضن واحدة ويحصن ��فسه وأهل بيته من رؤية هذه المناظر ! ( بغض النظر اني معرفش دا ايه المطعم دا اللي بيسمح لواحد يقعد في حضن واحدة بس ما علينا ) .. معنديش مشكلة براحته خالص بس الفكرة في الردود بقى من الباقيين اللي مابيصدقوا فرصة زي دي عشان بس ينظروا على غيرهم وتلاقي دقون وجلاليب طافحة في التعليقات، يعني تلاقي واحد داخل يكتب عادي ايه المشكلة في واحد وخطيبته خارجين مع بعض تلاقي مليون واحد يرد عليه بأحاديث لحرمانية الاختلاط وغيره ، يا اخي كسمك مش موضوعنا بس داخل تنظر وخلاص ببقى داخلة ومتوقعة الردود بالظبط واحد اتنين تلاتة متبرمجين ( بس ماهو حقه ما دينه بيقوله كدا )

بقعد اقرا الهبل كل دا دمي يفور، والله يا جدعان اي حد غير المنظر دا احسن منهم انشالله يكون بيعبد رجل الكنبة حتى، ساعات الملحدين بيصعبوا عليا والله وبتفهم غضبهم دا .

في مره شوفت التويتة دي ،

قولت احا المسلمين عايشين في غيبوبة شايفين ان أصحاب الديانات التانية بيتآمروا عليهم وعايزين يدخلوهم دينهم عشان بيحقدوا عليهم .. ( عارفة دا من زمان ما كنت بشوفه وبيظهر في اراء اللي حواليا عادي ، بس مكنتش مستوعبة المشكلة ساعتها )

المهم هو مش هيجيبه من برا فعلا !

[ وَلَنْ تَرْضَىٰ عَنْكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ ۙ مَا لَكَ مِنَ اللَّهِ مِنْ وَلِيٍّ وَلَا نَصِيرٍ ]

[ وَدَّ كَثِيرٌ مِنْ أَهْلِ الْكِتَابِ لَوْ يَرُدُّونَكُمْ مِنْ بَعْدِ إِيمَانِكُمْ كُفَّارًا حَسَدًا مِنْ عِنْدِ أَنْفُسِهِمْ مِنْ بَعْدِ مَا تَبَيَّنَ لَهُمُ الْحَقُّ ۖ فَاعْفُوا وَاصْفَحُوا حَتَّىٰ يَأْتِيَ اللَّهُ بِأَمْرِهِ ۗ إِنَّ اللَّهَ عَلَىٰ كُلِّ شَيْءٍ قَدِيرٌ ]

دا حتى الايه دي لوحدها كمان بتثبت أن أهل الكتاب كفار !

بغض النظر ، فا اللي قاعد بقى يحارب عشان يخلي اي حد مسلم كيوت لأنه شايف انها مشكلة تفكير اشخاص مش الدين نفسه صعبان عليا والله لأنه يا اما مش متعمق في الدين ' الكتاب ' بشكل كافي وقاريه عشان يعرف ان المشكلة مش من الأشخاص نفسهم ولا طرق التفسير فا محتاج ربنا يهديه ويفتح المصحف كدا ويقراه حتة حتة ويتعمق، يا اما عارف كل دا ومختار يبيع دماغه والمنطق في سبيل حباية مخدرة عشان يحمي نفسه من الصدمة، عموما بالتوفيق

[lsd-l]

محتاجة ماما جداً، أنا بكره إحتياجي ليها اكتر من كرهي لأي حاجة تانية في الدنيا، وبكره أعترف إني محتاجاها وبكره التفكير فيها بالشكل ده،

و بجد مفيش يوم بنام وبحلم كذا حلم الا وعلى الأقل في حلم لازم تبقى هي طرف فيه، وطرف مش مريح، آخر حاجة النهاردة كنت مخنوقة جداً وصاحية عيني بتدمع بسبب بس إنها كانت بتتعامل معايا في الحلم بقسوة فا أنا إتخنقت وعيطت فا صحيت معيطة،

بس لازم أعترف بإن الفترة دي في حياتي بالذات وآخر 3 سنين كانو أكتر 3 سنين محتاجاها جنبي فيهم و��حتاجة بس وجودها وطبطبتها وحنيتها، بس هي بكل بساطة قدمتلي العكس وبعدت جداً وسايبالي فجوة مستحيل حد يعوضها مهما حاول، ومش هيتسد مكانها أبداً، والوقت راح وعدى كتير لدرجة ان حتى هي مش هتقدر تسدها مهما حاولت مع ان هي اللي مسبباها،

أنا حقيقي محتاجالها اوي ..

وبقيت دايماً حاسة بالنقص، ولما بشوف حد بيتعامل مع مامته كويس أو بيتكلم عنها كويس خصوصاً لو بنت في سني بزعل على نفسي ومبقدرش أمسك دموعي وضعفي وقتها،

ولما بشوف بنت بتعامل مامتها "الطيبة" وحش، ممكن مقدرش أمسك لساني بإني ألومها واقولها حافظي عليها!

صعبان عليا اني بحس إحساس اللي معندهوش أم رغم ان أمي عايشة ..

ورغم ده كله مبقدرش أواجهها وأقولها كل ده عشان مكسرهاش قدام نفسها وعشان لو جرالي حاجة في يوم ماتعيش هي حاسة بالذنب بسببي ..

لكن الأكيد .. ان أنا حقيقي تعبانة .

[obay-sayed]

بسال نفسي السؤال ده من ساعه اما نزلت شغل المغسله بتاعه اخويا

ايه انا صعبان عليا نفسي وليه حاسس اني قليل بسبب الشغل ده؟

بفكر بيها ببساطه كده اني كبير واني معنديش كرير ولا شهاده ولا اي حاجه تخلي عندي وضع شغل كويس وان الدنيا مش عادله ده الطييعي ان ربنا بيرضى بالظلم عادي مفهاش مشكله خالص وان الوضع الي انازفيه ده احسن وضع تصلا ممكن احلم بيه في حالتي دي

بس يمكن من حقي ازعل؟ مش عارف الصراحه حاسس انه طبيعس انك ترعل كده ا لما توصل للمرحله دي في حياتك وفي السن ده وانت انت كنت بتحلم تكون فنان ورسام حتى مش مصمم جرافيك وكنت شايفها مرحله وحشه

يمكن طبيعي انك تزعل بما تحس انك بذات محهود كبير في تعليم نفسك وفي السعي للمعرفه عشان تعرف تعيش كويس وانك صدقت ان في حاجه اسمه اتعب دلوقتي عشان ترتاح بعدين مكنتش تعرف انها اتعب دلوقتي وبعدين هتاخد على التعب ده

مش عاوز افكر كتير ومش عاوزافضل ابص على الحجات الي يتحصل حوليا والناس الحياه عاوز اسكت وافضل قاعد في حالي لحد اما ايامي تخلص ببساطه والمضحك اني عارف انه لو في اله بالشكل ايامي فاكيد هخش النار تكمله للي بعمله مهو اكيد مش هتتعب في الدنيا وترتاح في الاخر ايه المبرر لده

انا مبقتش حزين خلاص من فتره كبيره بطلت اكون حزين عشان عرفت اني يمكن مش هيكون ليا في الفرحه والسعاده واني بس اتمنى مش اكتر من اني مكنش تعيس

عادي الحياه هتعدي وهتدوس عليا ومش هعرف اعمل حاجه غير اني انصاع ليها الحق شعرك عشان تعرف تدفع المصالحه وخبي تاتوهاتك عشان تعرف تاخد رقم قليل ومستفزوش فتاخذ كتير

تعبت دي مضحكه اوي

بس يلا الحياه بسيطه ومش هتاهد منها كتير اسكت احسنلك لان الاعتراض ملوش لازمه فعلا ومش بيوصل غير انك بتعرف ايه الي مدايقك وتشوفه لاكن السكوت بيعميك عن الحقيقه

[escapzarzory]

‏صعبان عليا اوي اي راجل بيخاف يروح يترمي على الست اللي معاه ويشاركها همومه ومشاكله ومصاعب الحياة عشان خايف انها تشوفه ضعيف او لا يُعتمد عليه، لو مش هترمي على اللي بحبه من قرف الدنيا وتبقى دي مساحة آمنة اني اعمل ده، هترمي على مين؟

‏مش عارفة شايفة ان الحب ارحب من الضيق والتفكير والمخاوف ديه والعلاقات المفروض تكون ابسط من كده وتبقى حاسس فيها بالقبول وانك تقدر تكون اي حاجة مع الشخص اللي بتحبه وانه مايشوفش أوقات ضعفك وتعبك ديه حاجة بتقلل منك بل يشوفها انها بتقوي علاقتكم وبتقربكم اكتر من بعض، ده مهم اوي بالنسبالي

[dontkeepitinyourmind]

النهاردة وفي ليلة بائسة خلصت رحلة من 6 شهور مع مسلسل "ذا اوفيس" محدش فاهم شعوري قد ايه وحش وانا بشوف آخر حلقة من حاجة كنت معتبرها جزء في يومك وأنه شئ مُريح وجميل انك تروح تستخبى في عالم فيه ناس تانية، ناس مش عرفاك، ناس مش شيفاك اصلًا بس انت شايفهم وبتتفاعل معاهم وبتضحك معاهم وبتزعل معاهم وحافظ شخصياتهم.. حاسه بأفورة وانا بتكلم عن ست كوم بس هو أخد مني شهور وانا قاعدة معاه ف حاسه ان التخلي صعب،زي حاجات كتير في حياتي، بس هو كان شاهد معايا على اوقات وحشة وهو كان الوحيد اللي بيهوّن عليا.. شخصية مايكل سكوت كانت شخصية محورية بالنسبالي في الأول كان بني آدم مُحرج متقدرش تشوف مشهد إلا وانت بتنتقده على الغباوة لكن مع الوقت جوانب كتير بتطلع منه بتعرف انه بني آدم نفسه يتحب بالطريقة اللي هو بيحب بيها الناس وأنه بيحب كل اللي حواليه بس هما مش مقدّرين حجم حبه ليهم بتبدأ تريليت لكل حاجة في حياته الشخصية وبتعرف ان في تصرفات بتطلع منه عشان هو نفسه في حب حقيقي وأسرة بعد اما اختفى كذا سيزون انا حسيت بزعل مش طبيعي وكنت متعلقة بالشخصية دي جدًا وقولت مش مكملة مادام هو مش فيه بس كملت عادي عشان طلعت بحبهم كلهم مش هو بس اللي محليّه.. شخصية جيم وبام، معليّين معاييري في اختيار الحبيب ازاي حد مكانش شايفك خالص بقى شايفك وانت في حياته اخيرًا وبيحبك كل يوم بنفس شغف اول يوم ووجودك بالنسباله كفاية..عجبني انهم مخلوش حياتهم الزوجية وردية بس وانها فيها مشاكل بس لازم نضحي عشان المركب تمشي ودوايت مهما يبين انه متخلف ومش طايق حد فيهم بس هو بيحبهم كلهم ودي طريقته في التعبير وحبه للأنجيلا الصامت اللي فضل 9 مواسم ده غريب بالنسبالي بس المهم انهم اتجوزوا وكيلي وراين دي علاقة زي شيرين وحسام حبيب كدا بالنسبالي وكيفن ده دايما صعبان عليا.. انا كتبت بس عن اللي علّقوا معايا اوي، بجد هفتقد الوقت ده اوي وهفتقد الشخصيات دي كلها عشان كانوا جزء من يومي..

[loliaziz]

قلت، صعبان عليًا أنام ف هقعد بصالك، بكل تلقائية. ف ضحكنا اوي. و صحيت الصبح اقول ما ام كلثوم عملتها قبلنا كلنا و قالت "وانت معايا يصعب عليا، رمشة عنيا ولا حتي ثانية."

[hayia1012]

صعبان عليا اوي إني أكون الشخص اللي بيحايل ويصالح وهو أصلا خلقه يدوب

[alaa-sayed]

لأول مره اكون محتارة ياالاء مش عارفه اساعد صاحبتي ومحتاجه دماغك الجميله تساعدني هي مخطوبه مش قادره تحب خاطبها بتقولي انها عمرها ما سألت عنه ولا فارقلها ولا اي حاجه بقولها لو تعبان او حاجه مش بتطمني بتقولي لا بدأت تحكيلي وانا مش قادره اساعدها هي فرحها كمان شهر بعد رمضان بتقولي مش هو ده مش حساه رغم انه بيحبها بتقولي انا مكمله عشان صعبان عليا وهي فعلا مكنتش عيزاه واهلها قالولها كويس هي شايفه انه كويس بس مش ليها فاهمه يعني هي مش بتنكر انا مش عارفه أساعدها خصوصا ان دي قرارات محبش ادخل فيها بس قلبي واجعني عليها عشان شيفاها منطفيه

مساء الفل ، اولا بعتذر على التأخير انا بس بحب ارد وانا في احسن حالة ذهنية ونفسية

ثانيا الله يكرمك عشان شايفة دماغي جميلة 😂😘

ثالثا انتي جميلة جدا عشان شاغلة بالك وقلقانة على صاحبتك كدة ❤️

هقولك رأيي اللي انا مقتنعة انه ممكن مايبقاش احسن او اصح حاجة، يعني لو انا مكانها هيكون ايه تصرفي

هو بس اللي مصعب الموضوع ان دا مش قرار هتاخده خاص بحياتها لوحدها، في طرف تاني، حياة شخص تاني كلها هتتلغبط. والي فاضل قليل جدا. بس برضو لو فكرنا ان قضا اخف من قضا، ولو من دلوقتي انقذت ما يمكن انقاذه هيكون احسن من بعدين

انا مقتنعة ان مش الحب هو اللي هيفتح بيت! خالص، بس المهم تكون قبلاه، قلبها قابله، في الحالة دي اقدر اقولك اه جايز بعد الجواز مع الوقت والعشرة الوضع يختلف ويكون احسن، بس لو مش متقبلاه ف دا وحش وصعب اوي، لو قلبها مقفول ونافراه دا مش هينفع خالص وفي الحالة دي لا لازم تقعد معاه قاعدة مصارحة وتقوله مشاعرها، بكل وضوح وصراحة، لأنها كدة بتغشه! اعتقد لو هو عرف مشاعرها الحقيقية ناحيته هو اللي هيرفض الموضوع يكمل.

في الاول والاخر دي حياتها، لو هي مكملة ومتقبلة تكمل دا راجع ليها، بس لو هتقرأ رسالتي ف الكلمتين دول ليها؛ انتي في ايدك دلوقتي كل الحلول، كلها صدقيني، انا مقدرة جدا ان القرار صعب وتقيل وعواقبه ممكن هي اللي مسكتاكي، بس عواقب دلوقتي اخف كتير اوي اوي من عواقب بعدين، لو شايفة انك مش قابلة ان الشخص دا تفتحي عينك كل يوم وهو جنبك على نفس المخدة، لو مش متقبلة فكرة انك تتعري قدامه حرفيا بكل ما تحملة الكلمة من معاني، في كل شيء، ومع ذلك مستمرة في دا ف انتي كدة هتأذيي نفسك وهتأذيه جامد، ارجوكي بلاش تعملي كدة، انهي كل دا دلوقتي، حتى لو ماحدش فهم موقفك، حتى لو دا هيسبب مشكلة، بس صدقيني دي حياتك، وحياة شخص تاني برضو، مالكوش اي ذنب تعيشوا حياة تعيسة ممكن تنتهي بالطلاق في اي وقت عشان خوفك دلوقتي من انك تبقي واضحة وصريحة في مشاعرك معاه. انما لو انتي حاسة انك متقبلة دا، وانه مش شرط تكوني بتحبيه دلوقتي وهو شخص فعلا كويس وعنده او مابينكوا مقومات تخلي حياتكوا الجاية سعيدة، فمجرد قبلوك لدا ممكن يفتح ابواب كتير في قلبك بعد الجواز . فكري كويس وبلاش ترمي نفسك بلامبالاة.

[weirdnoury]

موضوع الخوف على كل جنيه معايا و إني ازاي هصرفه في مكانه الصحيح مأرقني أوي، الوضع الاقتصادي صعب وبخاف اوي اوي اتزنق واطلب طلبات أنا مش هعرف اوفي مصاريفها، الحياة طلعت صعبة بجد يلعن ابو المسؤوليات، بقعد اقول لا بلاش طقم جديد مثلاً رغم اني بموت في شراء الهدوم مكانش بيعدي شهر او اتنين إلا ولازم اجيب حاجة جديدة ودلوقتي بالعافية بمسك نفسي ولو جبت حاجة بحس بتأنيب ضمير وبقعد اقول مش كان فلان أولى بالفلوس دي انا معايا وهو معاهوش وبعيش في دوامة من جلد الذات على حاجات متستحقش لمجرد إني بشوفها رفاهية في الوقت الحالي وشوف ياعم العالم حواليك مش لاقيه تاكل ازاي انت عاوز تعيش جو الرفاهية، صعبان عليا اني مش عارفه اوازن ولا عارفه ارجع محسبش الحاجة و اخليها على الله لأن ببساطة في دوماً أولويات وكل مدى الأولويات دي بتزيد

[shehaabjr]

كويس ان محدش يعرفني هنا عشان أصيح براحتي ، تويتر كله ناس بشوفها فال real life و بتحرج لما حد بيقرأ كلامي بس tbh انا مصدوم اوي والله و الايام دي كل حاجة متلخبطة و أفكاري مشوشة بس اول فكرة في بالي انا زعلان من أني اتحطيت في موقف كنت اتحطيت فيه قبل كدا و الفكرة أن اللي حطني فيه تاني مرة حكيتله و قرأ كلامي اللي كنت بكتبه قبل كدا و كنت صعبان عليه و زعل عليا و هو بنفسه حطني فيه تاني و هونت عليه عادي ، انا كنت بدأت اصالح الدنيا بيك بقيت انت و الدنيا عليا بمساعدتك ...