#लाखापेक्षा

[airnews-arngbad]

Regional Marathi Text Bulletin, Chhatrapati Sambhajinagar Date – 23 December 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २३ डिसेंबर २०२४ सकाळी ७.१० मि.

• शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधानांच्या हस्ते आज नियुक्तीपत्रं • देशाच्या वनं आणि वृक्षाच्छादनात एक हजार ४४५ चौरस किलोमीटरनं वृद्धी • मतदार संघातल्या महत्त्वपूर्ण योजना आणि कामं मार्गी लावण्याची नवनियुक्त मंत्र्यांची मतदारांना ग्वाही • बीड जिल्ह्यात कायदा सुव्यवस्थेचे प्रश्न सोडवण्याला प्राधान्य-पोलिस अधीक्षक नवनीत काँवत आणि • १९ वर्षांखालील मुलींच्या आशिया चषक क्रिकेट स्पर्धेत बांग्लादेशला पराभूत करत भारत अजिंक्य

शासकीय कार्यालयं आणि विभागांमध्ये निवड झालेल्या ७१ हजारांहून अधिक उमेदवारांना पंतप्रधान नरेंद्र मोदी आज दूरदृश्य प्रणालीद्वारे नियुक्तीपत्र प्रदान करणार आहेत. यावेळी ते उमेदवारांना संबोधितही करणार आहेत. रोजगार मेळावा हा पंतप्रधानांच्या रोजगार निर्मितीला सर्वोच्च प्राधान्य देण्याच्या वचनाची पूर्तता करण्याच्या दिशेनं एक पाऊल आहे. हा उपक्रम युवकांना राष्ट्रनिर्माणाबरोबरच आत्मनिर्भर होण्याची संधी उपलब्ध करून देईल, असं सरकारतर्फे कळवण्यात आलं आहे. हा रोजगार मेळावा देशभरात ४५ ठिकाणी आयोजित केला जाणार असून, यामाध्यमातून केंद्र सरकारच्या विविध मंत्रालये आणि विभागांमध्ये भरती केली जात आहे. देशभरातून निवडलेले नवे उमेदवार गृह मंत्रालय, टपाल कार्यालय, उच्च शिक्षण विभाग, आरोग्य आणि कुटुंब कल्याण मंत्रालय, वित्तीय सेवा विभाग यांसारखी विविध मंत्रालयं तसंच विभागांमध्ये नियुक्त होतील.

देशाच्या वनं आणि वृक्षाच्छादनात, एक हजार ४४५ चौरस किलोमीटरनं वृद्धी झाली आहे. वनं सर्वेक्षण विभागानं २०२३ मधे केलेल्या वन स्थिती पाहणीचा अहवाल, केंद्रीय पर्यावरण, वन आणि हवामान बदल मंत्री भूपेंद्र यादव यांनी प्रसिद्ध केल��. सध्या एकूण आठ लाख २७ हजार ३५७ चौरस किलोमीटर क्षेत्र, वन आणि वृक्षाच्छादित असून, ते देशाच्या एकूण भूभागाच्या, २५ पूर्णाक एक दशांश टक्के इतकं असल्याचं या अहवालात म्हटलं आहे. छत्तीसगड, उत्तरप्रदेश, ओडीशा आणि राजस्थानात, वनक्षेत्र वेगानं वाढलं असून, मध्यप्रदेश, अरुणाचल प्रदेश आणि महाराष्ट्रात, अद्याप मोठी जंगलं टिकून आहेत. या आधीच्या पाहणीच्या तुलनेत, झाडा झुडुपांच्या स्वरूपातला कार्बन साठा देखील, आठ कोटी १५ लाख टनांनी वाढला असून, तो ७२८ कोटी ५५ लाख टनांच्या आसपास पोहोचला आहे.

राज्य विधानसभा निवडणुकीत झालेला पराभव महाविकास आघाडीला पचला नाही, म्हणून त्यांनी ईव्हीएमवर प्रश्नचिन्ह उपस्थित केलं, अशी टीका राष्ट्रवादी काँग्रेसचे अध्यक्ष अजित पवार यांनी केली आहे. बारामती इथं काल त्यांचा सत्कार करण्यात आला, त्यावेळी ते बोलत होते. लोकसभेतल्या निकालाबद्दल महायुतीनं ईव्हीएमला दोष दिला नाही, अशी आठवण त्यांनी करून दिली. बारामतीच्या मतदारांनी एक लाखापेक्षा जास्त मतांच्या फरकानं आपल्याला निवडून दिलं, त्यामुळे आपल्यावरची जबाबदारी वाढली आहे, असं सांगून बारामतीच्या विकासासाठी आपण वचनबद्ध असल्याची ग्वाही अजित पवार यांनी दिली.

नागपूर इथं झालेल्या विधिमंडळाच्या हिवाळी अधिवेशनानंतर आपापल्या जिल्ह्यात पोहोचलेल्या नवनियुक्त मंत्र्यांनी आपल्या मतदार संघातल्या महत्त्वपूर्ण योजना आणि कामं मार्गी लावण्याची ग्वाही मतदारांना दिली. सर्व समाजात सलोखा निर्माण होण्यासाठी सदैव प्रयत्नशील राहणार असल्याचं, औरंगाबाद पश्चिमचे आमदार, सामाजिक न्याय मंत्री संजय शिरसाट यांनी म्हटलं आहे. ते काल छत्रपती संभाजीनगर इथं वार्ताहरांशी बोलत होते. बीड आणि परभणी इथं आपण जाणार असून, तिथं घडलेल्या दोन्ही घटनांचा बारकाईने अभ्यास करुन, सत्य परिस्थितीचा अहवाल मुख्यमंत्र्यांकडे सादर करणार असल्याचं शिरसाट यांनी सांगितलं. दरम्यान, औरंगाबाद पूर्व चे आमदार, बहुजन विकास, नवीकरणीय ऊर्जा आणि दुग्धविकास मंत्री अतुल सावे यांचं मंत्रिपदाची शपथ घेतल्यानंतर काल प्रथमच छत्रपती संभाजीनगर शहरात आगमन झालं. यावेळी पक्षाच्या वतीने त्यांचं जल्लोषात स्वागत करुन मिरवणूक काढण्यात आली. शहरातल्या क्रांती चौक इथं मिरवणुकीची सांगता होऊन, सावे यांची मिठाईने तुला करण्यात आली.

लातूर जिल्ह्यातल्या अहमदपूरचे आमदार सहकार मंत्री बाबासाहेब पाटील यांचं काल अहमदपूर तालुक्यातल्या सांगवी फाटा इथं जिल्हा प्रशासनाच्या��तीने स्वागत करण्यात आलं. पाटील यांनी अहमदपूर तालुक्यातल्या भक्तिस्थळ इथं राष्ट्रसंत शिवलिंग शिव��चार्य महाराज यांच्या समाधीचं दर्शन घेतलं, तसंच शहरातल्या महापुरुषांच्या पुतळ्याला अभिवादन केलं. राज्य मंत्रिमंडळामध्ये मिळालेली सहकार मंत्री पदाची जबाबदारी महत्त्वाची असून, या माध्यमातून सहकार चळवळीला गती देण्यासाठी प्रयत्न करणार असल्याचं पाटील यांनी सांगितलं.

नाशिक जिल्ह्यातल्या सिन्नरचे आमदार कृषी मंत्री माणिकराव कोकाटे यांचं काल नाशिकमध्ये भव्य स्वागत झालं. कांद्यासंदर्भात कायमस्वरूपी धोरण आखण्यासाठी प्रयत्न करणार असल्याचं आश्वासन त्यांनी यावेळी दिलं. मालेगाव बाह्यचे आमदार शालेय शिक्षण मंत्री दादा भुसे यांचं काल मालेगाव इथं स्वागत झालं. गरीबातल्या गरीब मुलांना चांगलं आणि उत्तम शिक्षण देणं, हेचं आपलं ध्येय असल्याचं मनोगत भुसे यांनी यावेळी व्यक्त केलं.

ज्येष्‍ठ सामाजिक कार्यकर्ते पद्मभूषण अण्‍णा हजारे आणि पद्मश्री पोपटराव पवार यांच्यासारखे प्रेरणापुरुष आणि समाजपुरुष यांची उपस्थिती प्रेरणादायी असल्याचं, मुख्यमंत्री देवेंद्र फडणवीस यांनी म्हटलं आहे. काल अहिल्यानगर इथं एका खासगी समारंभात ते बोलत होते. यावेळी हिवरे बाजार ग्रामस्थांकडून फडणवीस यांना मानपत्र देण्यात आलं. ** जलसंपदा मंत्री राधाकृष्‍ण विखे पाटील यांनी काल अहिल्‍यानगर इथं अण्‍णा हजारे यांना भेटून त्यांचे आशीर्वाद घेतले. मुख्यमंत्र्यांनी जलसंपदा विभागाच्‍या अतिशय महत्त्वाच्‍या खात्‍याची जबाबदारी सोपवल्यामुळे कोकणात वाहून जाणारं पाणी गोदावरीच्‍या तुटीच्‍या खोऱ्यात आणण्‍याचं स्‍वप्‍न पूर्ण करण्‍याची संधी मिळाली असल्‍याचं, विखे पाटील यांनी सांगितलं. कृ‍ष्‍णा खोऱ्यातल्या पाणी प्रश्‍नाबाबतही निश्चित असं धोरण ठरवावं लागेल, असं त्यांनी नमूद केलं, बिगर सिंचनाचं वाढतं प्रमाण, शेतीच्‍या पाण्‍याचे निर्माण होणारे प्रश्‍न, पाण्‍याची उधळपट्टी आणि पाणी वितरण व्‍यवस्‍थेत सुधारणा, या कामांवर आता लक्ष केंद्रीत करावं लागेल, असं विखे पाटील म्हणाले.

बीड जिल्ह्यातले कायदा सुव्यवस्थेचे प्रश्न सोडवण्याला आपण प्राधान्य देणार असल्याचं, जिल्ह्यात नव्याने रुजू झालेले पोलिस अधिक्षक नवनित काँवत यांनी म्हटलं आहे. ते काल बीड इथं वार्ताहरांशी बोलत होते. मस्साजोग इथल्या हत्या प्रकरण��त गुन्हा दाखल झालेला असून, यासंदर्भातला तपास पूर्ण करणार असल्याचं त्यांनी सांगितलं. पोलिसांना सर्व तपासांमध्ये पूर्ण यश मिळावं, तसंच जिल्ह्यातली कायदा आणि सुव्यवस्थेची परिस्थिती अबाधित रहावी, यासाठी नागरिकांनी सहकार्य करावं, असं आवाहन काँवत यांनी यावेळी केलं.

अहिल्यानगर जिल्ह्यात नेवासा तालुक्यातल्या तरवडी इथं सत्यशोधक दीनमित्रकार मुकुंदराव पाटील यांच्या १३९ व्या ज��ंती निमित्त राज्यस्तरीय पत्रकारिता-साहित्य पुरस्कार काल समारंभपूर्वक प्रदान करण्यात आले. यावेळी पुणे इथल्या पत्रकार राधेशाम जाधव यांना राज्यस्तरीय पत्रकारिता पुरस्काराने सन्मानित करण्यात आलं.

१९ वर्षांखालच्या मुलींच्या आशिया चषक क्रिकेट टी- ट्वेंटी स्पर्धेच्या अंतिम सामन्यात भारतानं बांग्लादेशला ४१ धावांनी पराभूत करत विजेतेपद पटकवलं. मलेशियातल्या क्वालालंपूर इथं काल झालेल्या या सामन्यात, भारतानं प्रथम फलंदाजी करत २० षटकांत सात बाद ११७ धावा केल्या. विजेतेपदासाठी ११८ धावांच्या लक्ष्याचा पाठलाग करताना, बांगलादेशचा संघ १८ षटकांत ७६ धावांवर सर्वबाद झाला.

भारत आणि वेस्ट इंडिजच्या महिला क्रिकेट संघादरम्यान तीन एकदिवसीय क्रिकेट सामन्यांच्या मालिकेतल्या काल वडोदरा इथं झालेल्या पहिल्या सामन्यात भारताने २११ धावांनी विजय मिळवला. भारतीय महिलांनी प्रथम फलंदाजी करत निर्धारित षटकात ३१४ धावा केल्या. प्रत्यूत्तरादाखल वेस्ट इंडिजचा संघ १०३ धावांवर सर्वबाद झाला. या मालिकेतला दुसरा सामना उद्या वडोदरा इथं खेळला जाणार आहे.

भारत पुढल्या वर्षी कनिष्ठ गट नेमबाजी विश्वचषक स्पर्धेचं यजमानपद भूषवणार आहे. यात रायफल, पिस्तूल आणि शॉटगन प्रकारात स्पर्धा होतील. गेल्या दशकभरात भारतात आयोजित ही नववी मोठी नेमबाजी अजिंक्यपद स्पर्धा आहे. यापूर्वी भारतानं आंतरराष्ट्रीय नेमबाजी क्रीडा महासंघाच्या सहा स्पर्धा आयोजित केल्या आहेत.

पुण्यात ७० व्या सवाई गंधर्व भीमसेन संगीत महोत्सवाची काल सांगता झाली. काल अखेरच्या दिवशी पंडित संजीव अभ्यंकर यांचं गायन, तर प्रतिभावंत ज्येष्ठ गायिका स्वरयोगिनी प्रभा अत्रे यांना श्रद्धांजली देण्यासाठी त्यांच्या शिष्यवृंदाचं सहगायन सादर झालं. दिवंगत गायक भारतरत्न पंडित भीमसेन जोशी यांना गेल्या अनेक दशकांपासून साथसंगत करणारे ९७ वर्षांचे माऊली टाकळकर यांचं टाळवादन हा या महोत्सवात कौतुकाचा विषय ठरला.

राष्ट्रीय पुस्तक न्यासातर्फे पुण्याच्या फर्ग्युसन महाविद्यालयात पुणे पुस्तक महोत्सवाचाही काल समारोप झाला. या महोत्सवाच्या अनुषंगानं अनेक परिसंवाद, चर्चा आणि सांस्कृतिक कार्यक्रमही घेण्यात आले. अनेक विक्रमांचीही नोंद या महोत्सवाच्या पार्श्वभूमीवर झाली. भारतीय संविधानाच्या अमृत महोत्सवानिमित्त ९७ हजारांहून अधिक पुस्तकांचा वापर करून संविधानाची पुस्तकरूपी प्रतिकृती उभारण्यात आली होती. गेले आठ दिवस सुरू असल��ल्या या महोत्सवाला रासिकांचा भरभरून प्रतिसाद मिळाला.

पालघर जिल्ह्यात वाडा तालुक्यामधल्या खानिवली ग्रामपंचायतीनं प्लास्टिक घनकचरा व्यवस्थापनासाठी एक नाविन्यपूर्ण उपक्रम सुरु केला आहे. त्यात, गावात कचरा स्वरुपात पडलेल्या, दुकानांमध्ये पडलेल्या प्लास्टिकच्या बाटल्या गोळा करून बॉटल श्रेडर मशीनमधे त्या क्रश केल्या जातात. त्यापासून तयार झालेले फ्लेक्स बाजारात विकून आर्थिक उत्पन्न मिळू शकणार आहे.

[adbanaoapp-india]

छत्रपती शिवाजी महाराज — एक अद्वितीय योद्धा

जयंती आपल्या राजाची

प्रजेच्या प्रखर सूर्याची!

छत्रपती शिवाजी महाराज म्हणजे तेज

छत्रपती शिवाजी महाराज म्हणजे स्वाभिमान

छत्रपती शिवाजी महाराज म्हणजे राष्ट्रवाद

जगातील एक उत्तम अशा राजाच्या जयंतीनिमित्त सर्वांना मनःपूर्वक शुभेच्छा!

आज ही जेंव्हा महाराष्ट्रामध्ये दिवाळी साजरी केली जाते, तेव्हा पहिला दिवा हा महाराजांना असतो,

ते देवाचे अवतार होते म्हणून नाही तर यासाठी की महाराष्ट्रातील मंदिर आणि देवाचं रक्षण माझ्या राजानं केलं.

१९ फेब्रुवारी १६३० रोजी शिवनेरी किल्ल्यावर सूर्य जन्मला. शिवनेरीच्या नगारखान्यात सनई, चौघडा, वाजत होता. ‘शिवाजी’ हे नाव त्यांना शिवाई देवीच्या नावावरून देण्यात आले.

छत्रपती शिवाजी महाराज हे एक अनन्य साधारण व्यक्तिमत्व, ते शौर्यमय आणि धर्माचे पालक होते. त्यांचे सामर्थ्य, वीरत्व, आणि राष्ट्रीय भावना आजही आपल्य��ला स्फुरण देतात. तसेच त्यांचा संघर्ष आणि साहस ह्या दिवशी शिवाजी महाराजांना स्मरणीय बनवतात.

शिवजयंतीच्या दिवशी राज्यातील विविध शाळांमध्ये विशेष कार्यक्रम होतात. छत्रपती शिवाजी महाराजांची माहिती नाटक, कथा या द्वारे शाळांमध्ये, सार्वजनिक ठिकाणी सांगितली जाते. एवढेच काय असंख्य कार्यक्रम संपूर्ण देशभर राबवले जातात.

शिवाजी महाराज हे प्रजाहित जाणणारे राजे होते. त्यांनी सर्व धर्मांसाठी समान आणि न्यायप्रिय शासन स्थापनेचा प्रयत्न केला. अठरा पगड जातींना एकत्र घेऊन ज्यांनी स्वराज्याच स्वप्न पूर्ण केले. यामुळे हा दिवस सर्वांसाठीच आपुलकीचा गर्वाचा आणि जिव्हाळ्याचा दिवस आहे.

छत्रपती शिवाजी महाराज हे निश्चयाचे महामेरू आहेत, त्यांची दूरदृष्टी, नीतीमत्ता कमालीची आहे, मुठभर मावळ्यांना सोबत घेऊन त्यांनी हिंदवी स्वराज्य उभ केलं.

आज याच स्वराज्याचा डंका जगभर गाजताना आपल्याला पाहायला मिळतो.

आपल्या या तेजसूर्याला, प्रजाहितदक्ष राजाला द्या डिजिटल सलाम…

कसे?

तर आपल्या महाराष्ट्राचा अभिमान वाढवणारे आपले AdBanao App हे आहे ३५ लाखापेक्षा जास्त बिझिनेसची पहिली पसंद.

आपल्या लाडक्या छत्रपती शिवाजी महाराजच्या जयंतीचा उत्साह वाढवा फक्त आमच्या सोबत.

Read the full blog on our website

[rebel-bulletin]

कारंज्यात शनिवारपासून बैलजोडी ईनामी पटाचा महासंग्राम; 2 लाखांची विविध बक्षिसे

गोंदिया, दि.23 : भारतीय जनता पार्टी शेतकरी आघाडीतर्फे जवळील कारंजा येथील सिद्धांत बाबा पटांगण येथे दोन दिवशीय बैलजोडी पटस्पर्धेचे आयोजन करण्यात आले आहे. स्पर्धेत विविध प्रकारचे 2 लाखापेक्षा अधिकचे पुरस्कार, वैयक्तिक व प्रोत्साहनपर बक्षीसे देऊन शेतकरी, बैलजोडी व कातकरास गौरवण्यात येणार आहे. स्पर्धेचे उद्घाटन शनिवार 25 फेब्रुवारी रोजी सकाळी 10 वाजता खा. सुनील मेंढे यांच्या हस्ते होईल. अध्यक्षस्थानी…

[bharatlivenewsmedia]

आयपीएलाचा फायदा ‘एनएमएमटी’ला: वाहनतळ ते मैदान विशेष बससेवा; दहा लाखांपेक्षा अधिक उत्पन्न

आयपीएलाचा फायदा ‘एनएमएमटी’ला: वाहनतळ ते मैदान विशेष बससेवा; दहा लाखांपेक्षा अधिक उत्पन्न

आयपीएलाचा फायदा ‘एनएमएमटी’ला: वाहनतळ ते मैदान विशेष बससेवा; दहा लाखांपेक्षा अधिक उत्पन्न नवी मुंबई : नेरुळ येथील डॉ. डी. वाय. पाटील मैदानात आयपीएल सामान्यांसाठी नवी मुंबई परिवहन उपक्रमाने वाहनतळ ते मैदान अशा विशेष बसची सुविधा दिली होती. या सेवेला चांगला प्रतिसाद मिळाला आहे. आतापर्यंत १३ सामने या मैदानात झाले असून यातून एनएमएमटीला दहा लाखांपेक्षा अधिकचे उत्पन्न मिळाले आहे.नवी मुंबई शहरातील नेरुळ…

[marathinewslive]

"बारामतीत सूर्य एखाद्यावेळी पश्चिमेकडे उगवेल, पण...," जयंत पाटील यांचं भाजपा नेत्यांना प्रत्युत्तर; म्हणाले "तुम्हाला शोभत नाही" | NCP Jayant Patil on BJP over Baramati Sharad Pawar sgy 87

“बारामतीत सूर्य एखाद्यावेळी पश्चिमेकडे उगवेल, पण…,” जयंत पाटील यांचं भाजपा नेत्यांना प्रत्युत्तर; म्हणाले “तुम्हाला शोभत नाही” | NCP Jayant Patil on BJP over Baramati Sharad Pawar sgy 87

एखाद्याचा अश्वमेध रोखल्यावर जो त्रास होतो, तो त्रास शरद पवारांच्या बारामतीत भाजपाला होत आहे असा टोला राष्ट्रवादी काँग्रेसचे प्रदेशाध्यक्ष आणि माजी जलसंपदा मंत्री जयंत पाटील यांनी लगावला आहे. जयंत पाटील यांनी बी जे पी नेत्यांच्या वक्तव्याचा खरपूस समाचार घेतला आहे. “बारामतीमधील जनता कशी आहे याची माहिती आहे, त्यामुळे कोणीही ब���रामतीत आले तरी एक लाखापेक्षा जास्त मताधिक्य सुप्रिया सुळे आणि अजित पवार…

[darshanpolicetime1]

राष्ट्रीय लोक अदालतीचा पुणे पॅटर्न

राष्ट्रीय लोक अदालतीचा पुणे पॅटर्न

पुणे जिल्हा विधी सेवा प्राधिकरणाकडून घेण्यात आलेल्या सहा राष्ट्रीय लोक अदालतीमध्ये ७ लाखापेक्षा अधीक दाखल प्रकरणे निकाली काढत पुणे जिल्ह्याने राज्यात आपले प्रथम स्थान कायम ठेवले आहे. लोकन्यायालयात प्रकरण मिटल्याने दोन्ही पक्षकारांमध्ये जिंकल्याची भावना निर्माण होते तसेच दोन्ही पक्षकारांचा पैसा, वेळ व श्रमाची बचत होते. लोक अदालतीचा हा यशस्वी पुणे पॅटर्न राज्यासाठी पथदर्शी असाच…

[loksutra]

रामपूर पोटनिवडणूक: भाजपचे उमेदवार घनश्याम लोधी सर्वात श्रीमंत उमेदवार, सपा उमेदवाराच्या बँक खात्यात फक्त 81 हजार

रामपूर पोटनिवडणूक: भाजपचे उमेदवार घनश्याम लोधी सर्वात श्रीमंत उमेदवार, सपा उमेदवाराच्या बँक खात्यात फक्त 81 हजार

रामपूर पोटनिवडणूक १ प्रतिमा क्रेडिट स्त्रोत: टीव्ही 9 रामपूर पोटनिवडणुकीत सपाकडून असीम रझा, तर भाजपकडून घनश्याम लोधी हे उमेदवार आहेत. त्यांच्या नामांकनात प्रतिज्ञापत्रात दिलेल्या तपशिलानुसार, असीम रझा यांच्या बँक खात्यांमध्ये एक लाखापेक्षा कमी रक्कम आहे, तर भाजपचे उमेदवार घनश्याम लोधी हे सर्वात श्रीमंत उमेदवार आहेत. उत्तर प्रदेशात लोकसभेच्या दोन जागांसाठी २३ जून रोजी पोटनिवडणूक होत आहे (पोल वर)…

[airnews-arngbad]

Text - आकाशवाणी छत्रपती संभाजीनगर, दिनांक : 21.10.2024 रोजीचे सकाळी : 11.00 वाजताचे मराठी बातमीपत्र

पोलिस स्मृतिदिवस आज पाळला जात आहे. केंद्रीय गृहमंत्री अमित शहा यांनी आज नवी दिल्लीत राष्ट्रीय पोलिस स्मारकावर पुष्पचक्र अर्पण करून अभिवादन केलं.

२१ ऑक्टोबर १९५९ रोजी लडाख इथं चिनी सैन्याचा हल्ला मोडून काढताना, पोलिस विभागाचे दहा कॉन्स्टेबल हुतात्मा झाले होते. त्यांच्यासह देशभरात विविध मोहिमांमध्ये आपल्या प्राणांची आहुती देणाऱ्या पोलिसांच्या स्मृतीला अभिवादन करण्यासाठी हा दिवस पाळला जातो.

महाराष्ट्र पोलिस दलानेही एका ट्विट संदेशातून हुतात्मा पोलिसांना अभिवादन केलं आहे 'सद्रक्षणाय खलनिग्रहणाय' या ब्रीदवाक्याचा मान राखत जीवाची पर्वा न करता देशसेवा करणाऱ्या सर्व हुतात्मा पोलिसांना सलाम, असं या संदेशात म्हटलं आहे.

****

जम्मू-काश्मीरमधील गांदरबल जिल्ह्यातील गगनगीर भागात दहशतवाद्यांनी एका काश्मिरी डॉक्टर आणि ६ बांधकाम कामगारांची हत्या केली. सोनमर्गच्या झेड-मोड बो��दा परिसरात बांधकामाच्या ठिकाणी ही घटना घडली. दोन दहशतवाद्यांनी एका खासगी कंपनीच्या खानावळीमध्ये घुसून गोळीबार केला. यावेळी मारले गेलेले डॉ.शहनवाज हे बडगाम जिल्ह्यातील नैदगाम इथले रहिवासी होते. गेल्या तीन दिवसांतील मजुरांना लक्ष्य करण्यात आलेला हा दुसरा दहशतवादी हल्ला आहे.

दरम्यान, केंद्रीय गृहमंत्री अमित शहा यांनी हा भ्याड हल्ला असल्याचं म्हटलं आहे, या घृणास्पद हाल्ल्याचे चोख उत्तर दिले जाईल असा इशाराही त्यांनी दिला आहे. मुख्यमंत्री उमर अब्दुल्ला यांनीही या घटनेचा तीव्र शब्दात निषेध केला आहे.

****

कर्मचारी भविष्य निर्वाह निधी संघटनेअंतर्गत यावर्षीच्या ऑगस्ट महिन्यात १८ लाख ५३ हजार निव्वळ सदस्य जोडले गेले आहेत. कामगार आणि रोजगार मंत्रालयाकडून ही माहिती देण्यात आली. या महिनाभराच्या काळात सुमारे नऊ लाख ३० हजार नवीन सदस्यांनी नोंदणी केली असून, नव्या सदस्यांपैकी अडीच लाखापेक्षा जास्त महिला सदस्य असल्याचं. याबाबतच्या वृत्तात म्हटलं आहे. ही आकडेवारी म्हणजे देशभरात रोजगाराच्या संधी वाढल्या अस���्याचेच स्पष्ट संकेत आहेत, असंही मंत्रालयानं म्हटलं आहे.

****

राज्यात विधानसभा निवडणुकीची आचारसंहिता लागू झाल्यापासून आतापर्यंत सी व्हिजिल या ऍपवर ६६७ तक्रारी आल्या असून त्यातल्या ६६० तक्रारी निकाली काढण्यात आल्या आहेत. राज्याचे अतिरिक्त मुख्य निवडणूक अधिकारी डॉक्टर किरण कुलकर्णी यांनी ही माहिती दिली. आचारसंहिता लागू झाल्यानंतर शासकीय, सार्वजनिक, खासगी जागेतल्या विनापरवानगी लावलेल्या जवळपास सात लाख जाहिराती काढण्यात आल्या, तसंच बेकायदेशीर रोकड, मद्य, अंमली पदार्थ इत्यादी मिळून १४ कोटी ९० लाख रुपयांचा मुद्देमाल जप्त करण्यात आल्याची माहितीही कुलकर्णी यांनी दिली.

****

माजी मंत्री आणि राष्ट्रवादी काँग्रेसचे नेते बाबा सिद्दीकी हत्या प्रकरणात पोलिसांच्या गुन्हे शाखेनं दहाव्या आरोपीला अटक केली आहे. हा आरोपी नवी मुंबईतील एक भंगार व्यापारी असून मुख्य आरोपींना शस्त्र पुरवल्याच्या आरोपाखाली त्याला अटक करण्यात आली आहे. त्याला २६ ऑक्टोबरपर्यंत पोलीस कोठडी सुनावण्यात आली आहे.

****

नांदेड पोलीस परिक्षेत्रात अवैध मद्य विक्री करणाऱ्यांविरुद्ध विशेष मोहीम राबवण्यात आली. या मोहिमेत साडे ��ठ लाख रुपयांहून अधिक किमतीचा मुद्देमाल जप्त करण्यात आला तर २१२ गुन्हे दाखल करण्यात आले. नांदेड पोलीस परिक्षेत्राचे उपमहानिरीक्षक शहाजी यांच्या नेतृत्वाखाली राबवण्यात आलेल्या या मोहिमेत नांदेड, परभणी, हिंगोली आणि लातूर या चारही जिल्ह्यातील पाच अप्पर पोलीस अधीक्षक सहभागी झाले होते.

****

परभणी महानगरपालिकेच्या धर्मापुरी जलशुद्धीकरण केंद्रावर अमृत पाणी पुरवठा योजनेच्या पहिल्या टप्प्यांअंतर्गत करण्यात येत असलेल्या कामामुळे शहराचा पाणीपुरवठा आजपासून तीन दिवस बंद राहणार आहे. या पार्श्वभूमीवर नागरिकांनी पाण्याचा काळजीपूर्वक वापर करावा, असं आवाहन परभणी शहर महानगरपालिकेच्या वतीनं करण्यात आलं आहे.

****

छत्रपती संभाजीनगर जिल्ह्यात पैठण इथल्या जायकवाडी धरणातून विसर्ग वाढवण्यात आला आहे. अहिल्यानगर तसंच नाशिक जिल्ह्यातून होणारी पाण्याची आवक १२ हजार घनफूट प्रतिसेकंद पेक्षा अधिक झाली असल्यानं, धरणाचे १८ दरवाजे उघडून सुमारे १९ हजार घनफूट प्रतिसेकंद वेगानं गोदावरी नदीपात्रात पाणी सोडलं जात आहे. धरणाचा पाणीसाठा शंभर टक्के झाला आहे.

****

जालना जिल्ह्यातल्या परतूर तालुक्यातल्या निम्न दुधना प्रकल्पाच्या दहा दरवाजाद्वारे नदीपात्रात १६ हजार ७०० घनफूट प्रतिसेकंद वेगाने पाण्याचा विसर्ग करण्यात येत आहे. प्रकल्पात सध्या ७५ टक्के जिवंत पाणीसाठा आहे. नदीकाठच्या गावांना प्रशासनानं सतर्कतेचा इशारा दिला आहे.

****

नाशिक जिल्ह्यात परतीच्या पावसामुळे जवळपास  ३८ हजार हेक्टरहून अधिक क्षेत्रावरील पिकं जमीनदोस्त झाल्याचा प्राथमिक अंदाज कृषी विभागानं वर्तवला आहे. चांदवड, देवळा, कळवण, त्रंबक आणि बागलाणमध्ये मका, कांदा भातपिक तसंच द्राक्षांचं मोठ्या प्रमाणात नुकसान झाल्याचं जिल्हा कृषी अधीक्षक कैलास शिरसाट यांनी सांगितलं.

****

हाँगकाँग इथं झालेल्या आशियायी क्रॉस कंट्री धावण्याच्या स्पर्धेत भारतीय धावपटूंनी सात सुवर्णपदकांची कमाई केली आहे. यात तीन वैयक्तिक सुवर्णपदकांचा समावेश आहे. धावपटू गुलवीर सिंह आणि सीमा यांनी या स्पर्धेत सुवर्णपदक पटकावलं.

****

[samarthnews]

कळंब मध्ये चोरट्यांनी दोन एटीएम वर चोरट्यांचा डल्ला : दहा लाखापेक्षा आधिकची रक्कम केली लंपास.

कळंब मध्ये चोरट्यांनी दोन एटीएम वर चोरट्यांचा डल्ला : दहा लाखापेक्षा आधिकची रक्कम केली लंपास.

  कळंब  : शहरातील प्रमूख अशा ढोकी रोडवरील दोन वेगवेगळ्या बँकेच्या एटीएएमवर चोरट्यांनी डल्ला मारला आहे. यात दहा लाखापेक्षा अधिकची रक्कम चोरट्यांनी लंपास केल्याची प्राथमीक माहिती समोर येत आहे .   मागच्या काही दिवसांपासून जिल्ह्यात चोरट्यांचा हैदोस सुरू आहे. याचे लोण आता कळंब शहरात पोहचले असून शहरातील ढोकी रोड अर्थात लक्ष्मी रोडवर कार्यान्वित करण्यात आलेल्या बँक ऑफ इंडिया या राष्ट्रीयकृत बँकेच्या…

[rebel-bulletin]

धारणीत भीषण अग्नीतांडव; आग लागून 70 लाखाचे नुकसान

धारणीत भीषण अग्नीतांडव; आग लागून 70 लाखाचे नुकसान

अमरावती : जिल्ह्यातील धारणी शहरातील जुन्या वस्तीतील वार्ड क्रमांक 10 मधील महेश व जगदीश मालवीय यांच्या घराच्या वरच्या मजल्यावर आग लागल्याची घटना काल सायंकाळी घडली. आगीत 70 लाखापेक्षा जास्तीचे नुकसान झाले आहे. धरणी शहरातील महेश व जगदीश मालवीय यांच्या पुरातन मोठ्या घरात अचानक गुरुवारी रात्री साठे आठ वाजता आग लागली. काही क्षणातच आगीने रौद्र रूप धारण केले. घरातील फर्निचर, धनधान्य, किराणा साहित्य…

[bharatlivenewsmedia]

‘गुरुपौर्णिमा’ गाण्याला प्रेक्षकांचा उदंड प्रतिसाद! अवघ्या काही तासांत २० लाखांपेक्षा जास्त लोकांनी पाहिला व्हिडीओ

‘गुरुपौर्णिमा’ गाण्याला प्रेक्षकांचा उदंड प्रतिसाद! अवघ्या काही तासांत २० लाखांपेक्षा जास्त लोकांनी पाहिला व्हिडीओ

‘गुरुपौर्णिमा’ गाण्याला प्रेक्षकांचा उदंड प्रतिसाद! अवघ्या काही तासांत २० लाखांपेक्षा जास्त लोकांनी पाहिला व्हिडीओ एखाद्या व्यक्तीचं आयुष्य सफल झालं याचं परिमाण सांगताना आपण नेहमी ‘मरावे परंतु कीर्ती रुपी उरावे’ या उक्तीचा वापर करतो. आपण हयात नसतानाही कीर्तीरूपांत लोकांच्या स्मरणात राहणे, त्यांच्या आठवणीत जिवंत राहणे यापेक्षा सुंदर गोष्ट काय असू शकते. असं जगणं फार कमी लोकांच्या वाट्याला येतं.अशा…

[darshaknews]

Property tax : खुशखबर !! नवीन वर्षाच्या पहिल्याच दिवशी मुंबईकरांसाठी एक गोड बातमी 500 चौरस फुटांपर्यंतच्या मालमत्ता कर माफ : मुख्यमंत्री उद्धव ठाकरे

#Property tax : खुशखबर !! नवीन वर्षाच्या पहिल्याच दिवशी मुंबईकरांसाठी एक गोड बातमी 500 चौरस फुटांपर्यंतच्या मालमत्ता कर माफ : मुख्यमंत्री उद्धव ठाकरे #Mumbai #Maharashtra

Property tax : मुंबईत 16 लाखापेक्षा जास्त घरे 500 चौ फुटापेक्षा कमी ; लाखो कुटुंबांना या निर्णयाचा फायदा मिळणार Property tax : मुंबई दिनांक १ जानेवारी २०२२ नवीन वर्षाच्या पहिल्याच दिवशी मुंबईकरांसाठी एक गोड बातमी देत आहोत, मुंबईतील 500 चौरस फुटांपर्यंतच्या घरांचा मालमत्ता कर माफ करण्याचा निर्णय घेऊन आम्ही कष्टकरी मुंबईकरांच्या ऋणातून उतराई होण्याचा प्रयत्न केला आहे, असे मुख्यमंत्री उद्धव…

[darshanpolicetime1]

राष्ट्रीय लोक अदालतच्या माध्यमातून साडे पंधरा लाखापेक्षा अधिक प्रकरणे निकाली - महासंवाद

राष्ट्रीय लोक अदालतच्या माध्यमातून साडे पंधरा लाखापेक्षा अधिक प्रकरणे निकाली – महासंवाद

मुंबई,दि. १२: महाराष्ट्रात आयोजित करण्यात आलेल्या राष्ट्रीय लोक अदालतीमध्ये निकाली निघालेल्या प्रकरणांची संख्या मोठ्या प्रमाणात असून या वर्षातील पहिल्या राष्ट्रीय लोक अदालतीच्या माध्यमातून एका दिवसात १५.५० लाखापेक्षा जास्त प्रकरणे निकाली काढण्यात आली आहेत. या माध्यमातून वाहतूक विभागाला ६९ कोटी पेक्षा जास्त रुपयांचा महसूल मिळाला आहे. राष्ट्रीय विधी सेवा प्राधिकरणाच्या निर्देशानुसार आज…

[amhikastkar]

सरकारी नोकर भरती सुरू करा

सरकारी नोकर भरती सुरू करा

मुंबई : राज्यातील सुशिक्षित बेरोजगार तरुणांची मोठी संख्या लक्षात घेता सरकारने २०२१ या नव्या वर्षात शासकीय सेवेत सध्या रिक्त असलेल्या एक  लाखापेक्षा जास्त पदांसाठी सुधारित महापोर्टल तयार करून भरती प्रक्रिया सुरू करावी, अशी शिफारस विधानसभा अध्यक्ष नाना पटोले यांनी मुख्यमंत्री उद्धव ठाकरे यांना पत्र लिहून केली आहे.  मागील सरकारने मेगाभरतीचा फुगा फुगवून सुशिक्षित बेरोजगारांची दिशाभूल केल्याने…

[airnews-arngbad]

आकाशवाणी छत्रपती संभाजीनगर, दिनांक: 23.09.2024 रोजीचे सकाळी: 11.00 वाजताचे मराठी बातमीपत्र

आयुष्मान भारत प्रधानमंत्री जन आरोग्य योजनेला आज सहा वर्ष पूर्ण झाली. पाच लाखांपर्यंतच्या मोफत आरोग्य विम्यासह, कौटुंबिक काळजी, महिलांची प्रतिष्ठा, मोठ्यांचा आदर, निरोगी आणि सुरक्षित भारताच्या दिशेनं हे एक महत्वाचं पाऊल मानलं जातं. आतापर्यंत जवळपास ४९ टक्के आयुष्मान कार्ड महिलांना वितरीत करण्यात आल्याचं सरकारने सांगितलं आहे. आयुष्मान कार्ड वितरीत करण्यात महाराष्ट्रासह उत्तर प्रदेश, मध्य प्रदेश आणि बिहार या राज्यांनी उल्लेखनीय कामगिरी केल्याचं आरोग्य मंत्रालयानं म्हटलं आहे.

****

परदेशस्थ भारतीय राष्ट्रदूत असून, ते नेहमीच देशाला बळ देत असल्याचे गौरवोद्गार पंतप्रधान नरेंद्र मोदी यांनी काढले. काल न्यूयॉर्कमधील लाँग आयलंड इथं भारतीय समुदायाला संबोधित करताना ते बोलत होते. भारत-अमेरिका द्विपक्षीय संबंधांमध्ये भारतीय नागरिकांच्या भूमिकेचं कौतुक करताना मोदी यांनी, जगासाठी, AI म्हणजे कृत्रिम बुद्धिमत्ता असा अर्थ होतो, तर भारतासाठी AI म्हणजे अमेरिकन-भारतीय ��शी भावना असल्याचं सांगितलं. भारतीय नागरिक उभय देशांना जोडण्याचं काम करतात आणि त्यांचं कौशल्य आणि प्रतिभा अतुलनीय असल्याचं मोदी यांनी म्हटलं आहे.

****

भारतीय रेल्वे खानपान आणि पर्यटन महामंडळ - आयआरसीटीसी आणि उत्तराखंड पर्यटन विकास महामंडळ यांच्या संयुक्त विद्यमाने यात्रेकरुंसाठी भारत गौरव रेल्वे सुरु करण्यात येणार आहे. या रेल्वेच्या माध्यमातून बद्रीनाथ, केदारनाथ, कार्तिक स्वामी अशी यात्रा करता येईल. ११ दिवसांच्या यात्रेची सुरुवात दोन ऑक्टोबरला मुंबईतून होणार आहे.

****

माहेश्वरी समाजाला लाभलेला सेवेचा वारसा नवी पिढी कायम ठेवेल, असा विश्वास लोकसभेचे अध्यक्ष ओम बिर्ला यांनी व्यक्त केला आहे. ते काल नाशिक जिल्हा माहेश्वरी सभेच्या कार्यक्रमात बोलत होते. यावेळी मान्यवरांच्या हस्ते विविध पुरस्कारांचं वितरण करण्यात आलं.

****

राष्ट्रीय कर्करोग प्रतिबंध दिनानिमित्त राज्यपाल सी.पी. राधाकृष्णन यांनी काल बाल कर्करुग्णांशी संवाद साधला. राज्यपालांच्या हस्ते या बालकांना गुलाब पुष्प आणि भेटवस्तू देण्यात आल्या. यावेळी मुलांना राजभवन दाखवण्यात आलं.

दरम्यान, राज्यपालांनी काल विविध जैन संघांनी आयोजित केलेल्या रथयात्रेला मुंबईतल्या प्रार्थना समाज इथून हिरवा झेंडा दाखवून रवाना केलं. रथयात्रेत सहभागी झालेल्या जैन संघाचं अभिनंदन करुन ही परंपरा यापुढेही कायम ठेवावी, असं आवाहन राज्यपालांनी यावेळी केलं.

****

रयत शिक्षण संस्थेच्या शाळांना आधुनिक तंत्रज्ञानाच्या सुविधा देऊ असं प्रतिपादन माजी केंद्रीय मंत्री शरद पवार यांनी काल सातारा इथं केलं. कर्मवीर भाऊराव पाटील यांच्या १३७ व्या जयंतीनिमित्त त्यांच्या समाधीला अभिवादन केल्यानंतर पवार बोलत होते.

****

बृहन्मुंबई महानगरपालिकेच्या वतीनं राबवल्या जात असलेल्या हिंदुहृदयसम्राट बाळासाहेब ठाकरे आपला दवाखाना या योजनेअंतर्गत वैद्यकीय सेवा घेतलेल्या लाभार्थ्यांची संख्या ७६ लाखापेक्षा जास्त झाली आहे. पालिकेच्या कार्यकारी आरोग्य अधिकारी दक्षा शाह यांनी ही माहिती दिली. या उपक्रमाअंतर्गत सध्या मुंबईत २४३ दवाखाने सुरु असून, १ हजार १४० कर्मचारी कार्यरत असल्याचं त्यांनी सांगितलं. या योजनेअंतर्गत लवकरच आणखी ३७ नवे दवाखाने सुरु केले जाणार आहेत अशी माहितीही त्यांनी दिली. 

****

अकोला जिल्ह्याचे पालकमंत्री राधाकृष्ण विखे पाटील यांनी काल जिल्ह्यातल्या शिवपूरमध्ये प्रत���यक्ष शेतात जाऊन सोयाबीन पिकाच्या नुकसानीची पाहणी केली.  त्यांनी शेतकऱ्यांशी संवाद साधून  त्यांच्या समस्या जाणून घेतल्या. सरकार सदैव शेतकऱ्यांच्या पाठीशी असून नुकसानग्रस्त शेतकऱ्यांना सर्वतोपरी मदत केली जाईल, अशी ग्वाही त्यांनी दिली. 

****

सिडकोतर्फे बेलापूर ते खारघर दरम्यान बांधण्यात येणाऱ्या कोस्टल रोडला बेलापूरमधल्या नागरिकांनी तीव्र विरोध दर्शवला आहे. बेलापूर जेट्टीजवळ नागरिकांनी काल मानवी साखळी करत आंदोलन केलं. वन टाईम प्लॅनिंग अंतर्गत नवी मुंबई महापालिकेनं बेलापूरचा विकास केला, असं असताना सिडकोतर्फे कोस्टल रोडसाठी या भागात आखणी केल्याच्या विरोधात नागरिकांनी तीव्र नापसंती व्यक्त केली आहे.

****

अंबाजोगाई - लातूर रस्त्यावर नांदगाव पाटीजवळ कार आणि कंटेनरच्या भीषण अपघातात चार जणांचा मृत्यू झाला. काल सकाळच्या सुमारास हा अपघात झाला. मृत सर्व जण लातूर जिल्ह्यातले रहीवाशी होते.

****

भारतीय संविधानाच्या अमृतमहोत्सवी वर्षानिमित्त विवेक विचार मंच आणि सहयोगी संघटनांच्या वतीनं धाराशिव इथं काल ‘सामाजिक संवाद मेळावा’ घेण्यात आला. संविधान अभ्यासक वाल्मीक निकाळजे, विवेक विचार मंचचे प्रांत समन्वयक अरुण कराड यांनी यावेळी मार्गदर्शन केलं.

****

परभणीमध्ये काल लायन्स क्लबच्या वतीने भव्य रक्तदान शिबिर घेण्यात आलं. या शिबिरात ३४० जणांनी रक्तदान केलं.

****

कोल्हापूर शहरात काल रात्री उशिरा मुसळधार पाऊस झाला. परतीच्या या पावसाने पिकांना जीवदान मिळाले असून शेती कामालाही गती आल्याचं आमच्या वार्ताहरानं कळवलं आहे.

****

मिक्स्ड मार्शल आर्ट्स कुस्ती स्पर्धेत विजय मिळवणारा संग्राम सिंह हा पहिला भारतीय कुस्तीपटू ठरला आहे. जॉर्जियाच्या तब्लिसी इथं सुरू असलेल्या गामा आंतरराष्ट्रीय कुस्ती स्पर्धेत संग्रामनं पाकिस्तानच्या अली रझा नसीर याच्यावर अवघ्या ९० सेकंदात मात केली. संग्राम हा या स्पर्धेच्या ९३ किलो वजनी गटात सर्वात वेगवान विजय नोंदवणारा भारतीय कुस्तीपटू ठरला आहे.

****

[nasiknews]

‘108 रुग्णवाहिका’ रुग्णांसाठी आधार, राज्यात एक लाखापेक्षा अधिक रुग्णांची वाहतूक '108 रुग्णवाहिका' रुग्णांसाठी आधार, राज्यात एक लाखापेक्षा अधिक रुग्णांची वाहतूक#ambulans #coronavirus pic.twitter.com/VnTIbFjLlc — DISTRICT INFORMATION OFFICE, NASHIK (@InfoNashik) …