#ورايا

[maiiiiie]

[sarrah]

صحيت الحمدلله 🥺

[ahmedhalemsblog]

[heartsuin]

انتظروني لما تجيلي فرصة اروح السعودية و هعرفلكم سر جمال البنت السعودية 😠

[sarrah]

الأجازة خلصت 🥲🥲🥲🥲🥲🥲🥲🥲🥲🥲🥲🥲🥲🥲

[smallbutkindcouch]

امبارح قبل ما أنام قريت قصة ريم حامد.. وقريت البوستات اللي كانت بتكتبها، جالي بانيك أتاك.. الكلام دا أنا عارفاه، الكلام دا أنا كنت بقوله في مرحلة ما من حياتي، وكنت مقتنعة بيه.. نفس الكلام عن "هم" اللي عايزين يئذوني.. أنا قعدت ٣ شهور مش عارفة أنام، مش عارفة آكل، وكل اللي في دماغي أفكار عن ناس بتراقبني، وبتمشي ورايا.. وعايزين يخطفوني.

صحابي القريبين اما سمعوني، فيه منهم قالي إنه مصدقني، وكان شايف كلامي منطقي جدًا.. وفيه منهم اللي بعد عني عشان كلامي مش منطقي خالص.. مثلت ضغط على كل اللي حواليا، صديقة واحدة كانت عايشة بره، هي أكتر انسانة استحملتني، وهي اللي حجزتلي عند دكتور نفساني.. قالتلي أنا مصدقاكي، بس انتي لازم تروحي للدكتور عشان تعرفي تاكلي وتنامي.. ساعتها روحت وعرفت إن اللي عندي دي psychosis .. وطبعًا مش محتاجة أقول إني كنت شاكة في الدكتور عادي، وشاكة في الدوا.. لكن هيظل جميل صاحبتي دا دين شايلاه في رقبتي العمر كله.. هي فعلًا أنقذتني..

فترة تعبي دي كانت أسوأ فترة مريت بيها في حياتي، وعندي شجاعة الإعتراف إني من ساعتها مش نفس الشخص اللي كنته قبلها.. الفترة دي اللي أكدتلي قناعة تامة إني مينفعش أخلف، لإن احتمالية إن دا يبقى في جيناتي كبيرة جدًا.. حتى الآن معرفش سبب اللي حصلي دا إيه تحديدًا.. الاحتمالات مرعبة، أرحمها اكتئاب حاد.. وأسوأها شيزوفرينيا.. وبعدين فيه دكتور قالي إن ١٪؜ من سكان العالم بيختبروا نوبات زي دي في مرحلة ما في حياتهم.. مش لازم تعرفي السبب.. المهم تعرفي هتتعاملي معاه إزاي.. وإزاي يبقى عندي عقل فوق عقلي هو اللي بيقول كلام عقلي دا حقيقي ولا لا��.. واني لو رجعت لي أفكار مش منطقية تاني واتصرفت على أساسها، لازم أطلب المساعدة..

رعبي في الحياة إني أمر بالتجربة دي تاني.. عشان كدا اما قريت كلام ريم، خفت حقيقي.. عشان تخيلت للحظة اللي كان بيحصلها، وكإني بستعيد الشعور دا.. شعور بالخوف والقلق.. والأصوات اللي مبتسكتش.. احساس بالوحدة لإن الناس يا إما متآمرين عليا، يا إما مش مصدقني.. والمحصلة إني لوحدي.. افتكرت لحظات الارتباك اللي كانت بتجيلي.. ولما كنت بمسك دماغي في نص الشارع وأعيط عشان الصوت مبيسكتش.. وافتكرت خناقاتي مع الناس عشان بيبصولي.. وانا عارفة كويس هما بيعملوا كدا ليه.. افتكرت الساعات اللي كنت يقف فيها في البلكونة متحفزة.. مستنياهم ياخدوني.. ونهاية كل الأفكار دي إني أرمي نفسي م البلكونة.. كحل نهائي ..

انا عيطت امبارح كتير اوي عليها.. كنت أتمنى انها تلاقي حد يساعدها زي ما أنا لقيت.. كنت أتمنى إنها تطلع من كل دا، بدل ما تبقى دي النهاية.. ربنا يرحمها، ويجازيها عن الألم والعذاب اللي شافته في الدنيا.. ويصبر أهلها وكل حبايبها.. اللي يشوف الكلام دا يدعيلها.. واللي في دماغه أي أفكار مشابهة.. أرجوك أطلب المساعدة.. صدقني.. فيه حل .

[llmuhamedll]

يعني انا ولا عايز اشتغل اليومين دول عشان مش طايق حد

ولا انا عايز انزل اجازه عشان المشاوير والحوارات الي ورايا

يعني اعمل ايه

[rooh-elhaya]

إحضري أيتها الروح النشيطة علشان ورايا بلاوي🤦🏻‍♀️

[lolaa-253]

ف واحدة معايا ف السكن دايما وهي خارجة مع خطيبهاا أنا إللي بعملهم الأكل ( ف الاوللل كنت بعملها ده بكلل الحب الل ف الدنيا والله) لحد ما بدأت تاخد الحوار باستحقاقية رهيبة لدرجة لما أقولها إني مش قادرة النهاردة اعملل حاجة أو ورايا امتحانات تتقمص مني بتاع اسبوعين لحد منا اجي اصالحها واراضيها؟🤨

[mohamed-refaat]

النهارده كنت في برج العرب بالاخص في المنطقة الرابعة بعمل انترفيو في شركة

ف انا نازل بمبلغ ما علي قد المشوار و الباقي محطوط في فودافون كاش علي أساس لو حصل اي ظرف

و نزلت و عملت الانترفيو و الوقت اتأخر هناك معايا في المقابله

بالمصادفة جالي مكالمه أن عندي تاني انترفيو في شركه تانيه بس دي يعتبر لي اخر الرابعه و انا كنت في أول الرابعه

المهم الفلوس اللي كانت معايا توصلني بس للبيت متخلنيش اعرف اخد راحتي في الحركة

ف قولت لو لقيت حد احوله الفلوس و اخدها نقدي يبقي تمام عشان اركب توكتوك أو اي مواصله توصلني للشركه التانيه

فرق المسافه بين المكان اللي انا في و الشركه التانيه حوالي ٦ كيلو

ف فضلت اتمشي عشان الاقي توكتوك أو اي حاجه توصلني مفيش

طب ادور علي حد احوله الفلوس مفيش

اي محل او كشك مفيش لأن احنا مش في سبورتنج هنا احنا في برج العرب منطقة صناعية يعني صحراء

المهم بعد ما مشيت كتير اوي لقيت عربية فول كدا فيها شيخ

ف قولتله حضرلي طبق فول و هموت و اشرب مياه

المهم وانا باكل سألني ( انت شغال في انهي شركه .. قولتله والله يا شيخ لسه جاي بقدم علي كام حاجه وربنا يسهل الامور .... رد و قالي سيبها علي ربنا انت منين كدا ... قولتله انا من العجمي ... قالي ياااااااه دا انت مشوارك بعيد ربنا يرزقك يابني بالشغل اللي يناسبك )

ف و انا باكل لقيت عصافير جات جنبي بتاكل اي حاجه وقعه في الأرض استغربت لأن مكنش في شجر كتير حوالينا

المهم رحت ماسك العيش و مقطعه قطع اصغر من حبة العدس كدا عشان العصافير تعرف تبلعه رغيف في التاني خلصت العيش ع العصافير

ف الشيخ بيقولي أكلوا منك العيش و ضحك كدا ضحكه جميله ف قولتله انا بحب كل مخلوقات ربنا من حيوانات و طيور شغفي قالي برافوا عليك انك مهشتهمش مثلا ولا حاجه

قولتله يا شيخ الراحمون يرحمهم الرحمن، ارحموا من في الأرض يرحمكم من في السماء

و دول ياعيني موجودين في صحراء و كدا

المهم بعد ما اكلت و خلصت الحمد لله ف بساله معاك فودافون كاش احولك فلوس و تدهاني نقدي

قالي معندناش الحاجات دي احنا

المهم طلعتله الفلوس من جيبي و حقيقي دي كانت اخر فلوس بس هو اكيد ميعرفش ولا انا قولتله ولا حسسته وكدا و بهزر معاه عشان الهي في الكلام و ميقولش حاجه

و سبتهم ع العربيه و بدير لقيته بيجري ورايا و بيديني فلوسي تاني ف لسه بقوله والله ابدا قالي عليا الطلاق من مراتي منا واخد فلوس قولتله عيب عليك دا حقك وانا معايا فلوس و مش من حقي الخير دا خلي الخير دا لحد فعلا يكون محتاج لكن أنا تمام

قالي حلفت طلاق تلاته

ف قولتله ليه عملت كدا رد و قالي نفس الجمله اللي قولتها من شويه الراحمون يرحمهم الرحمن، ارحموا من في الأرض يرحمكم من في السماء

ربنا يوفقك يابني و لما تمسك مكان في اي شركه متنسانيش و عدي عليا

و حقيقي معرفش انا ليه مشيت و انا زعلان و فرحان في نفس الوقت

فرحان أن ربنا حقيقي سترها معايا و محطنيش في موقف بايخ رغم اني بذنب كتير و بقع كتير و ببعد كتير بس مازال ربنا عز وجل بيبعد عني كل شر و بييسرلي حاجات كتير حتى لو مكنش نصيبي لحد دلوقتي جه في المكان المناسب في وظيفه

و زعلان أن حسيت اني تعبت و وصلت لمرحله اني بيصعب عليا نفسي

لأن كنت في حال و منصب و الخ و الخ و بقيت في حال و مكان تاني خالص

بس اخير و ليس اخرا و الحمد لله أن ربنا هو ربنا بجد 🤍

و بجد فعلا الراحمون يرحمهم الرحمن، ارحموا من في الأرض يرحمكم من في السماء

[sarrah]

المفروض أقف أغسل المواعين بضهري دا؟ تمام، هعمل نفسي مش واخدة بالي من ضهري، وأهو اسمعلي محاضرة من الأكوام اللي ورايا 🥷🏻

[thedosky]

قعدت سنين طويلة من عمري بدرب نفسي على اني اكون لطيف لما اشوف سوء التفاهم بيحصل حتى لو سوء التفاهم ده سببه عقد نفسية عند الطرف الآخر. دايمًا اقول معلش ميجراش حاجة احنا كده كده الدنيا دايسة على وشنا كلنا وسع صدرك يا بني واشرح واتكلم وأكد على إنك متقصدش كذا وانك تقصد كذا. ودايمًا دايمًا بواجه غباء ودفاعية وناس مبتحاولش تمشي خطوة واحدة في طريق الفهم رغم اني بمشي أميال، وبرضو كنت بقول تمام مفيش مشكلة أنا مش أذكى إنسان في العالم يعني وربما أنا السبب، استحمل يا بني معلش ومشي الدنيا. بس دلوقتي خلاص مبقتش قادر استحمل فعلا وعارف اني هنفجر في مرة ومحدش هيقدر يلم ورايا، عشان الغضب اللي الدنيا بتربيه فيا بقالها سنين انا عارف إنه هيفرقع في وشي ووش ناس تانيين قريب.

[dary98-d99]

ورايا كمية كتب متراكمة محسساني بضغط نفسي 🚶‍♀️

[horyyaa]

النهارده حصل اكتر موقف عبثى ف الدنيا كلها ف بنتين جريوا ورايا انا وصاحبتى اول م شوفتهم قعدت اجرى انا كمان عموماً المهم طلعوا كانوا بيجروا ورانا عشان يقولولنا شكلكم حلو اوى

[es-r-aa7]

بقالي كتير مريحة ف الشغل.. الأسبوع دا كان نينجا بس اشطا انا بحب كدة

زميلتي فالشغل كانت بتزعق لي ع الخاتم اللي بلبسه ف ايدي اليمين .. بتقولي شبه الدبلة مينفعش كدة اقلعيه :))

النهاردة افتكرت اني لبسته ف الشمال واتفاجئت ان خاتم غير اللي ف اليمين وبردو مصرة انه شبه الدبلة 🥹

بما اني سينيور الداخلي بقيت ملطوطة ف كمية حاجات .. عايزة اقولهم اني مش باجي full timeيا جماعة براحة عليا مش كدة

الحمدلله رب العالمين اني شكلي صغير عشان دا بيشفع لي ف حاجات كتير وبيخلي سكك كتير تمشي من غير كلاكيع

اتمنى متعبش لحد ما كتب الكتاب اللي ورايا يعدي بسلام عشان لو اضطريت مروحش هتقوم حرب اهلية بجد :'))

وكالعادة لسة بانجو من غير بانجو الحمدلله رب العالمين 😌😊🧡

[mentally-damaged]

نقاش حاد داير في الطاولة اللي ورايا بين اتنين ، هي مستغربه ازاي مصطفى يعرف عنه اللي هي متعرفوش و هو بيحاول يقنعها انها كانت عارفه و متجاهلة عمدًا بسبب انه مجاش حكى من نفسه ، و للاسف كان نفسي اكون ظالمها بس هو فعلا كلامه مقنع و بيأكد انها كانت عارفه و ساكته لمجرد بس انه مجاش يحكيلها من نفسه

هنا نقدر نأكد على محدودية التفكير الانثوي ، وان الامور لو مخدتش مجرى معين من وجهة نظر الانثى فا هيكون الطرف التاني هو الغلطان مهما كانت اسبابه او ظروفه ، و مش بس الطرف التاني لا ، مصطفى نفسه اللي زمانه قاعد ف بيتهم او عالقهوة بيشد حجرين معسل و برا عنه الليله كلها طلع غلطان في النهاية