#مش ابص ورايا تانى

[ahmedhalemsblog]

[fozdoaa]

انهارده كنت بعدى الطريق هو كان مفرق طرق يعنى الأربع اتجاهات بتاعته شغاله فى نفس الوقت مخى عمل ايرور ابص فين يمين ولاشمال قدامى ولا ورايا !ءءءءاعمل ايه ؟ عملت خطتى وقررت انى اعدى من النص ويحصل الى يحصل هو حقيقه انا لما قررت كده كان بناء على دراسه وتخطيط قولت انا لو عديت من النص كله هيبقى شايفنى ومحدش هيحاول يكسر ع التانى مهو اكيد كله هيستنى الموڤ بتاعتى قبل ميغكر يشد حيله !خطه فى منتهى الذكاء والدهاء ومبنيه على اساس اهو ولا مش اساس يامتعلمين يابتوع المدارس؟ عرفتوا انى بفكر قبل متغابى ؟

المهم ان مش ده اللى حصل اللى حصل ان حرفيا الدنيا وقفت واللى يكلكس واللى بيزعق واللى بيشاور ومتعصب واللى استغلها فرصه يرفع مقاسات ماعلينا انا كنت اشبه بالفأر اللى فى المصيده بس طلعلى واحد عمو قالى تعالى هنعدى سوا مشيت وراه لبر الأمان لقيته بيقولى لما تعدى تانى عدى من جنب لجنب متعديش من نص المفرق ،حقيقه كان نفسى اقوله انى كنت دارسه الموقف وعامله خطه بس لميت نفسي .

برضه حاسه ان فى عظه او حاجه فى القصه دى بس برضه مش عارفه اصيغها

[free0spirit]

‏- انا مش هضعف تانى قصادك انا مش هرجع ابص ورايا

=حنفى

خلاص ادينى رجعتلك ادينى بين ايديكى 😂😂