#mga letra

[definitely-not-so-pogi]

Ako si Hudas at ako'y isang makasalanang nilalang, isa akong sinungaling at mapagtungayaw. Ngunit ako'y tao lamang at mapusok sa buhay at sa aking pag-ibig. Handa akong hamakin ang lahat para lamang siya ay mapasakin— hindi siya para sa Diyos. Siya ay akin at ako'y handang pumatay. Kibit-balikat at walang pagsisisi kong ipagkakanulo ang sakaniya'y magtatangkang magligtas.

Ako si Hudas, ang panganay na anak ni Divina, na apo ni Lolita, na anak ni Alejandra at isa akong sinungaling, mapagtungayaw, at mapagkanulo. Hindi ako papatay ngunit handa akong sambahin ka at linisan ang mga paa mo sa pamamagitan ng mga labi ko.

[annexca]

#162 Hindi makapaniwala Naubusan ng salita Dagat ng mga letra Natuyot nang bigla Hindi ito posible 'Di pa 'to nangyayari O baka nga posible Ayaw ko na mangyari

- NANG NATUYOT ANG DAGAT

[kwentoniblack]

Sir/Maam, una sa lahat. Gusto kong sabihin na lubos akong humahanga sa iyong mga akda. Pero hindi ko alam kung bakit yung iba ay hindi maintindihan, tipong kahit katiting na ideya ay wala akong makuha. Pero kahit na ganun, ang sarap basahin ng mga sinulat mo. Para akong sanggol na nakikinig sa aking Tatay na kumakarga sa akin. Tuwang sa tunog at huni na nililikha ng kanyang bunganga, samantalang ako ay tuwang-tuwa.

Kung maari lang sana maipaliwanag mo ang ilan sa mga mahirap unawain pero ang sarap basahin. Tulad ng sa tulang "Kaklase" Salamat po.

Uy, mapakatindi nun ah.

Halatang may pinagmanahan.

Bago pa man maligaw ang mga salita sa tunay na paksa. IIlawan ko na ang mga letra para lubos mong mabasa ang tunay nitong patama. Dun sa tulang "Kaklase", dun sa huling bahagi. Ang ibig sabihin nun ay tapos na ang maliligayang araw. Huli na e. Nasa huling bahagi yun kasi nga nahuli na yung nakaranas nun. Hinuli na ng alagad ng batas. Sa mga kamay sasabit Mabilis na lalapit Walang ingat mapipiit Mundo mo ay liliit Yan yun. "Sa mga kamay sasabit" ibig sabihin nun ay napusasan. " Mabilis na lalapit " diba kapag may operasyon ang mga alagad ng batas lalo na kapag Raid ng mga Drug Den. Mabilis ang mga pagkilos nila. Tipong ikakagulat ng nalang ng mga tulak e. CHECK MATE! Kapag ilegal ang gawain, lalo na kung kumikita ng pera. Yun ang madalas na hinahanap at hinuhuli. Kaya naman "Walang ingat mapipiit". Kapag hindi nila ginalingan at kulang ang pag-iingat sureball, huli na, kulong talaga. Syempre kapag himas rehas na, ipagkakait na nila sayo ang kalayaan na ilusyon lamang. Hindi ko alam kung may kulungan na maluwang, malaki ang espasyo. Pero kasi hanggang dun nalang sila e. Tanging yun nalang ang mundo na pwedeng nilang lakaran. Kaya "Mundo mo ay liliit".hh

Nga pala, ang kahulugan ko sa pamagat na "Kaklase". Medyo baduy siguro, pero parang "Kauri" lang yan e, pareho kayo ng uri. "Kaklase" kasi iisa ang inyong klase, as in classification. Kapwa-adik pinakamagandang halimbawa.

O kaya kabaduyan, kapareho natin na baduy. Hahahaha Ayan, kaibigan, sana ay iyong naibigan, at ikaw ay naliwanagan. Huling bahagi lang talaga ang hinimay ko ang kahulugan. Para naman sa mga gustong humagad at maghangad Ang kahihinatnan ay alam na nila agad kahit hindi sumagad *** *** *** *** Isisiwalat ko sana ang sekreto ko e. Kapag ibinahagi ko yung sekreto na yun, mawawalan ako ng sekreto. Sayang naman, diba. Sekreto na ang tagal mong tinago, madalas kapag sinabi mo na, sobrang dami ng makakaalam. kahit na ang totoo ay isang tao lang naman ang iyong pinagsabihan. Mababaw man o malalim. Ang sekreto para sa akin ay kayamanan.

[lihimlihamtinta]

Pilit kong tinatapos ang mga naiwang tula

Noong mga panahon na ang puso'y akin pa

Nagbabakasakaling matapos ang nararamdaman

Kasabay ng isa-isang pagkaubos ng mga letra

Kaya pasensya ka na kung ikaw pa rin ang laman

Ng bawat kataga sa ibabaw ng linya

Hinahapo man ang hininga ay nagpupumiglas

Sa isang nakaraang hindi na mababalikan

At kung sakaling nauna ka na sa bagong aklat

Kung saan ang ako ay hindi mo na kita

Sana'y hindi mo limutan na tunay kitang minahal

Kahit ang ating kinahantungan ay hindi altar

[anglfscrt]

Isang daang araw ng mga tula para sa kanya. Ika-apat na araw: Langit ang sukatan Sa pagsapit ng dilim.

Langit at luhang lihim.

Papatak sa payapang tubig ng damdamin.  

Nakahit isang letra dimasulat ng pag-amin.

Kung langit ang sukatan nitong pagtingin.

Bakit tuluyan paring na huhulog sa lalim ng bangin.

Kung langit ang sukatan nitong agwat natin.

Hindi ako mapapagod na ika’y tanawin. Dahil sa bawat layo ng pagitan natin. Langit lang ang sukatan ng pusong sana'y palarin

[mentalhealthsuckssssss]

Ang REYNA

Last saturday (February 25,2023)

Exactly 8:17pm narinig ko ang boses ng reyna ng live una kong narinig ang boses nya tumayo ang balahibo ko at iba't-ibang reaction ang nadama ko. Kinilig , nastarstruct , na-mesmerized ako sakanya. Sa bawat kanta nya salita nya hininga nya galaw nya hindi ko mapigilan ang saya nararamdaman ng puso ko.

Isa sya sa iniidolo ko , isa sya sa nakakatanggal ng stress ko sa buhay pag stress ako nanunuod ako ng mga videos nya sa youtube at ang aking stress ay napapawi. Nakakapag bigay sya ng inspirasyon sa akin. Nakakapag bigay sya ng saya sa buhay ko.

Sa loob ng entablado ng gabing yun lahat ay masaya, masayang nakikinig sa mga kanta nya , masaya sa pag kekwento nya. At sa bawat bigkas nya ng letra ng kanta lahat ay humihiyaw. Sa bawat kembot ng bewang nya lahat ay kinilikilig. Minsan nga hindi ko na din alam ang aking kasarian dahil sakanya sa sobrang dyosa nya naiinlove ako sa kanya (Pero babae po ako) hahahaha.

Nagbigay sya ng concert na napaka ganda. May saya may lungkot at sa bawat kanta damang-dama mo kung paano nya ekwento ang kanta sa pamamagitan ng kanta yung emosyon nya madadala ka maiiyak ka. Damang-dama mo bawat lyrico ng kanta dahil napakalinis nya magbigkas.

Ang saya ko lang kasi totoo pala ang sinasabi nila noh? Na Dreams really do come true. (I think in the right time) and that night was the right time for me na makita ang nag-iisang reyna ang reyna ng lahat ng reyna. Sa sobrang excited ko na makita sya hindi ko sya matitigan nung sa meet and greet na. Nakita ko sya ng malapitan wala akong sinabi sa sarili ko kundi ANG DYOSA NYA TALAGA sya yung tao na hindi tumatanda ang bata nya tignan Vampire ka ate? At ang bango bango nya pa at eto pa everytime na tinataas nya kamay nya ang kinis ng kili-kili nya I would like to say na Mas maliwanag pa ang kili-kili ng Reyna kaysa sa kinabukasan ko. Sobrang bait nya dahil alam ko na pagod na ang reyna pero ang haba ng pila ng M&G pero tinapos nya yun lahat , lahat ng taong nakapila dun nakipag picture sya nakipag kwentuhan sya nakikinig sya sa mga kwento ng bawat fans nya. Niyayakap nya ng mahigpit ang bawat isa game na game sya sa lahat ng erequest ng fans nya. Makikita mo sa ngiti nya na napaka genuine totoong totoo ang ngiti nya (tinatanong ko sa sarili ko hindi ba napapagod si reyna sa pag ngiti?)

Nung gabi na yun, Yun ang pinaka Masayang nangyari sa buhay ko yun ang pinaka masayang event na pinuntahan ko yun ang gabi na wala akong inisip kundi masaya ako kinilig ako buong pagkatao ko nung gabi na yun sobrang saya walang mapaglagyan ng saya ko. (Eto ang kauna-unahang concert na napuntahan ko) Thank you Reyna.

To our Queen,

Maraming salamat sa naibibigay mong saya sa akin

Maraming salamat dahil ikaw ang inspiration sa akin

Maraming salamat sa boses mo

Maraming salamat dahil totoo kang tao sa mga humahanga sayo.

Maraming salamat dahil ikaw ang nagpapawi ng depression ko.

Maraming salamat dahil pinag patuloy mo pa din na kumanta ka kahit nasa point ka before ng buhay mo na ayaw mo na.

Maraming salamat kay Mang Gerry at Mommy V dahil kong hindi dahil sa kanila walang REGINA ENCARNACION ANSONG VELASQUEZ sa buhay namin.

PS: Pasensya na Reyna hindi ako makakapanuod ng repeat concert mo sa april kasi lilipad ako papuntang HK gusto ko sana ecancel yung flight ko kaso para makapanuod ng concert mo ulit. Kaso hindi pwede talaga. Bawi ako sa 35th m, Reyna. (Sana makaduet kita reyna kahit hindi maganda boses ko)

Maraming salamat Reyna. ❤️

[walaumalistulog]

Naranasan niyo na rin ba 'yung mag-open up kayo tungkol sa problema ninyo, kahit kanino---nanay mo, best friend mo, o kaya sa random stranger na naka-connect mo sa Omegle, sa hinaba-haba ng litanya mo---pagsasaad ng hinagpis, lungkot, at pagkapoot mo, tapos sasabihin lang sa'yo na "manalangin ka..."?

What the heck, 'di ba?

Sa aking experience, maaaring oo. Hindi ko matandaan exactly kung may nagsabi na sa akin ng ganyang linya noong nag-open up ako tungkol sa problema ko sa lovelife, o 'di kaya sa pera. Malamang, pati sa academics.

Malamang, meron nga.

Ewan, dahil siguro likas na relihoyoso ang mga Pilipino. Lahat tayo ay tinuruan paano magdasal ng rosaryo, paano magdasal ng "Angel of God" nung mga bata pa tayo (tinanong ko noon sa nanay ko bakit walang pakpak si Angel Locsin eh angel din naman siya), at makakalimutan ba natin 'yung pagkakataong sobrang curious tayo sa lasa ng ostiya?

Relihoyoso tayo. Hindi man laging mabuti, alam natin na may Diyos na alam ang lahat ng ating ginagawa. Relihoyoso tayo, ngunit hindi maka-Diyos.

Marahil, sa panahon ngayon, inutil na advice ito. Aminin man natin o hindi, malayo na tayo sa Diyos. Hindi na tayo pala-simba gaya noon, hindi na rin tayo required um-attend ng misa dahil hindi na tayo sa Catholic school nag-aaral.

---

Hindi maiiwasan na may dumating na dagok sa buhay. Natural lang iyan, ginusto mo man o hindi. May pagkakataong dini-dissociate ko ang sarili ko sa mundo, dahil hindi ko alam kung paano i-figure out ang mga nangyayaring mga bagay. Binabagabag ako ng mga bagay ng hindi ko naman kontrolado, at hinahayaan kong ako'y maging dehado kahit wala namang rason para matalo.

Baduy mang isipin, gaano ka man ka-walanghiya o ka-demonyo, alam nating iba ang pakiramdam ng manalangin. Bilang agnostic, parang tropa lang ako kung mag-sabi ako sa Diyos.

"Ikaw na bahala sa akin, God."

"Sana tulungan mo ako, God."

"God, pilitin mo akong kayanin ko."

Iba ang dasal sa panalangin, iba ang panalangin sa kahilingan, at iba ang kahilingan sa pagsusumamo.

Walang dasal ang iminime-memorya. Walang panalangin ang isinasalita. Walang kahilingan na lahat ay natutupad. At walang pagsusumamo ang hindi nabibigyang-kasagutan.

Totoo nga, iba ang luwag sa dibdib na tila pasan ay daigdig kapag tumalima ka sa Diyos. Minsan, hindi man alam ng dila mo ang mga tamang salita, higit na malinaw kung nanggagaling ito mula sa puso. Alam ng Diyos na pagod ka, alam ng Diyos na malaki ang problema mo, at alam ng Diyos na kailangan mo ng kapayapaan.

Nawa'y sa ating dalangin, hindi lamang ito galing sa isip. Nawa'y sa ating dasal, hindi lamang ito simpleng salita na ating sinasambit.

Nawa'y sa ating pagsusumamo, hindi man perpekto ang mga letra, ay makamit nawa natin ang kapayapaan at kapanatagan ng ating mga puso.

[presillasresse]

"TULA PARA KAY LOLA"

Naalalan mo paba ang nakaraan lola?

Lubos na pagmamahal ang iyong nilaan

hatid sundo sa paaralan,

Kulang na saya na iyong pinunan,

Masayang magkukwentuhan,

Hanggang maka uwi sa tahanan.

Luto moy aking hinahanap-hanap,

Simple man pero ngunit para sakin ay ito na'y masarap.

Ako iyo'y pinagpupuyatan,

Lagnat ay gumaling lang,

Ikaw ay laging nandiyan.

Iola

Apat na letra,

Isang salita,

pero sa buhay ko Siya ay mahalaga.

Oh! Aking mahal na lola

Salamat sa pag-aaruga,

Salamat sa pag ganap mo bilang aking Ina,

Salamat sa lahat mo'ng ginawa.

Sa aking paglalakbay,

Isa Ka narin sa aking gabay.

Pasensiya minsan matigas ulo ko, at hindi nakikinig sa iyo.

Mga problemang nagdaraan,

nandiyan Ka para Ito ay lutasan.

Sa lahat ng aking pangangailangan, narito Ka para ako'y tulungan.

Salamat sa lahat mo'ng paghihirap para sa akin, Hindi Ka tumitigil sa pag- alaga sa akin.

Ako'y babawi sayo, lahat ng sakripisyo mo"y susuklian ko.

Salamat sa lahat lola, at mahal na mahal kita.

[keikei10]

TULA PARA KAY MAPA

Keisha Mae F. Dejamo

Empower Technology

12- Sagittarius

Ma, Pa ang ibig sabihin ay Mama at Papa. apat-apat na mga letra, paulit-ulit binibigkas ng mga anak sa tuwing sila'y nangangailangan. Ma, Pa mga dakilang bayani ng aking puso, nagbigay karangalan sa munti kung buhay. Kayo'y dahilay upang ako'y mag pursigi sa aking kinabukasan.

Ma, Pa hindi man kayo perpekto sa tingin ng ibang tao, pero kayo'y perpekto sa aking mga mata. Dugo't pawis inalay niyo upang kami'y mapasabuti. Kayo ang buhay ko, mismo aking dugo ay nagsasabi kayo ang aking mga magulang. Ma, Pa wag kayo'y mag-aalala sakin dahil kayo ang ginawa kong inspirasyon sa araw-araw ng aking paglalakbay.

Kayo'y nagbigay daan sa aking tatahakin kasama ang diyos na may kapal. Salamat sa panginoon dahil kayo ang binigay sakin ng diyos bilang isang magulang. Pangako sainyo hinding-hindi ko kayo susukuan, dahil hindi rin ninyo ako sinukuan pagpakailan man.

Mahal na mahal ko kayo Ma, Pa.

[definitely-not-so-pogi]

At kung sa aking huling hininga'y ikaw ay sisilay. Payapa akong hihimlay.

[thesleepingnini]

I know what I want, I know EXACTLY what I want kaya sobrang frustrating kapag sinasabihan ako na sana di na ko nagshift. KASI ALAM KO, ALAM NA ALAM KONG MAS GUSTO KO MAGPROGRAM kesa gumawa ng pelikula. Mas naiintindihan ko ang mga linya ng karakter sa VSCode kesa sa mga letra ng salita sa isang script. Alam kong para ako sa STEM. Oo siguro maaari ako maging creative paminsan, pero mas gusto ko magsolve ng math problems. putangina.

Siguro kung nakakuha ako ng sapat na suporta nung first year, siguro kung nagkwento ako sa isang kaibigan at humagulhol nang sobrang lakas, baka kinaya ko. Baka after non, kaya ko na ulit. :)

Kaso hindi ko kaya non eh. Di pa ko ganun kavulnerable para umiyak sa ibang tao, para magmukhang mahina, at para aminin na hirap na ko, pero gusto ko to eh.

Pwede ko pa rin naman tuloy yon, pwedeng pwede pa. Kaya ko to, kaya ko to :)

[annexca]

#155

Pandinig ko'y hinagod

Sirang plaka, sirang plaka

Kaluluwa'y napagod

'Di mahanap ang musika

Salita, nakikita, sa bawat pagbuka

Mga letra, lumilipad, tila ibong malaya

Paulit-ulit, nakakapagod, nawalan ng halaga

Sabihin, paano, makinig sa sirang plaka?

Humihina, lumalakas, madalas ay tahimik

Minamasdan ang pagkawala ng bawat salita

Mga nota, lumilipad, tila ibong malaya

Sa kalagitnaan ng kawalan, tumigil lang bigla

Binalot ng katahimikan ang inakalang musika

Minamasdan ang pagkawala ng liriko sa paningin

Tila ibong mga nota, nilipad na ng hangin

Nang marating ang kawalan, bigla kong narinig

Estrangherong komposisyon, mga luha sa sahig

Bakit bumabalik matagal nang kinalimutan

Hirap intindihin, sirang plaka, sirang plaka

- SIRANG PLAKA

Isang tula, iba't ibang bersiyon.

[lihimlihamtinta]

Paalam na, muling mamaalam

Sa lahat ng pagdududa halina’t ating simulan

Ang pagtayo ng ating bagong simula

Na ang lahat ng pangamba’y bibitawan na

Iyon ang huling mga katagang naisulat

Bago tuluyang nagwakas ang lahat

Hindi na nahabol ang inanod na pag asa

Hindi na nailathala ang huling mga letra

Siguro'y hindi itinadhanang maipinta

Ang kulay pula ay nauwi sa puting bandera

Pagsuko na nga lang ata ang huling baraha

Bago maubos ang natitirang tinta ng atin dusa

[phgamezone]

Maglaro ng Tongits Go ng Ligtas: Mga Tips para Maiwasan ang Fraud at Phishing

Ang Tongits Go, isang digital na bersyon ng tradisyonal na Filipino card game na Tongits, ay naging popular sa mga manlalaro sa buong mundo. Dahil sa nakakatuwang gameplay, social features, at mga rewards, ito ay naging paborito ng mga card game enthusiasts. Ngunit ang paglago ng popularidad nito ay nagdudulot din ng mga panganib tulad ng phishing, fraudulent websites, at hindi awtorisadong transaksyon. Narito ang mga tips para matiyak ang iyong kaligtasan habang naglalaro ng Tongits Go online.

1. Paano Makikilala ang mga Fraudulent Websites

Isang malaking panganib sa mga online gamers ay ang mga pekeng websites na naglalayong magnakaw ng sensitibong impormasyon tulad ng personal na detalye, payment credentials, at login ng game account. Narito ang mga paraan para matukoy at iwasan ang mga ito.

Mga Senyales ng Fraudulent Website

Walang HTTPS Connection: Siguraduhin na may "https://" at icon ng padlock sa URL. Iwasan ang mga sites na walang "https://" o walang secure connection.

Kakaibang Domain Names: Ang mga pekeng websites ay gumagamit ng domain names na kahawig ng mga official na website, pero may mga maliit na pagbabago tulad ng pagpapalit ng letra o pagdagdag ng extra na salita.

Mahinang Disenyo at Mali: Karaniwan, ang mga legitimate websites ay may propesyonal na disenyo. Mag-ingat sa mga site na may maraming typo, hindi kumpletong nilalaman, o hindi maayos ang layout.

Paano Tiyakin ang Pagkakakilanlan

Mag-download mula sa Verified Sources: I-download ang Tongits Go lamang mula sa mga pinagkakatiwalaang app stores tulad ng Google Play o Apple App Store. Gumamit ng mga opisyal na link mula sa mga developer ng laro.

Tingnan ang mga Review ng Komunidad: Maghanap ng feedback, ratings, at discussions sa mga kilalang forums o social media.

Makipag-ugnayan sa Support: Kung may duda, kontakin ang opisyal na support team ng Tongits Go para tiyakin ang isang website.

Ano ang Gagawin Kung Makakita ng Fraudulent Site

Huwag Mag-share ng Impormasyon: Iwasang maglagay ng personal o financial na detalye sa mga kahina-hinalang platforms.

I-report ang Website: I-report ang site sa official support ng Tongits Go o mga kaukulang awtoridad.

Magbigay-abis sa Iba: I-share ang iyong karanasan upang matulungan ang iba na makaiwas sa parehong panganib.

2. Ligtas na Paglalaro gamit ang GameZone sa GLife sa GCash

Para sa isang ligtas na gaming experience, inirerekomenda ang paggamit ng GameZone sa GLife sa GCash.

Ang Kahalagahan ng GLife sa GCash Ang GLife ay isang integrated feature ng GCash na nagbibigay ng ligtas na daan upang ma-access ang iba’t ibang digital services, kasama na ang mga gaming platforms. Ang mga benepisyo nito ay:

Secure na Transaksyon: GCash ay gumagamit ng advanced encryption upang protektahan ang mga transaksyong pinansyal.

Pinagkakatiwalaang Serbisyo: Maingat na nire-review ng GLife ang mga partner services, kabilang ang GameZone, para sa seguridad at pagiging maaasahan.

Mga Benepisyo ng Paggamit ng GameZone sa GLife

Direktang Access: Ang paggamit ng GameZone sa GLife ay nagpapababa ng panganib na mapunta sa mga pekeng platform.

Madaling Pagbabayad: Ang integrasyon ng GCash ay nagpapadali ng mga transaksyon at nagbibigay ng hassle-free na proseso.

Pinahusay na Seguridad: Ang GCash ay nagpro-protektang nagbibigay sa mga manlalaro ng kapanatagan sa paglalaro.

Paano Mag-access ng GameZone sa GLife

Buksan ang GCash app sa iyong device.

Pumunta sa GLife section mula sa main menu.

Hanapin ang GameZone sa listahan ng mga available services.

Piliin ang GameZone upang ligtas na ma-access ang Tongits Go at iba pang laro.

3. Ang GameZone Philippines

Ang GameZone, na binuo ng Digiplus, ay isang premium platform para sa mga Filipino card game enthusiasts. Ang mga tampok nito ay:

Iba’t ibang Laro: Nag-aalok ang GameZone ng iba't ibang Filipino card games kabilang ang Tongits.

Engaging na Karanasan: Kasama ang mga tournaments, rewards, at interactive features para sa mas masayang paglalaro.

Pagkonekta ng Komunidad: Ang multiplayer modes ay tumutulong sa pagbibigay ng camaraderie sa mga manlalaro.

4. Pangunahing Safety Tips para sa Paglalaro ng Tongits Go Online

Bukod sa mga nabanggit na hakbang, narito ang ilang mga karagdagang tips:

Iwasang Mag-share ng Sensitive Information: Huwag ibahagi ang iyong address, phone number, o bank details sa mga strangers o public chats.

Gumamit ng Malalakas na Passwords: Gumawa ng mga unique at complex passwords para sa iyong mga gaming account at i-enable ang two-factor authentication kung maaari.

I-monitor ang In-Game Spending: Siguraduhing hindi mo lalabisan ang iyong budget at maiwasan ang mga hindi awtorisadong transaksyon.

Mag-participate sa Official na Events: Sumali lamang sa mga tournaments at events na inorganisa o inendorso ng Tongits Go.

Panatilihing Updated ang App: Palaging i-update ang iyong Tongits Go APK para sa mga pinakabagong security patches.

Conclusion

Ang paglalaro ng Tongits Go online ay isang masaya at rewarding na karanasan, ngunit mahalaga na magbigay-priyoridad sa seguridad. Sa pamamagitan ng pagkilala sa mga fraudulent websites, paggamit ng mga ligtas na platform tulad ng GameZone sa GLife sa GCash, at pagsunod sa mga basic safety tips, makakaiwas ka sa mga online threats. Mag-enjoy ng ligtas na paglalaro sa GameZone at i-explore ang iba pang Filipino card games nang may kumpiyansa at kasiyahan!

[lithegrace]

baka nga i’m asking for too much. mali bang humangad ng mga magagandang bagay sa sarili ko? is it too wrong for me to fly beyond you can reach? hindi ko na rin alam bakit mas pipiliin mong putulin mga pakpak ko patungo sa pangarap ko kaysa bigyan ako ng kapasidad na mahulog at matuto. natatakot ako baka dito lang ako. na baka mga kakayahan kong taglay ay di malinang at mapakinabangan. takot na takot ako maiwan, masabihan na ang sayang ng mga potensyal na taglay kong tunay. papaano nga ba ako makakalipad sa dapit na puno ng kalayaan kung dito pa lang ay wala na akong mga pakpak para makamit ito? mga boses sa utak ko gustong ipalabas pero inuunahan ng mga luha ang mga gustong iparating. mga hikbing tahimik ang nagsisilbing letra ng aking mga hinaing. papaano ba sasabihin kung puno ng galit ang mga salitang binibigkas kung tuwing nababanggit ang aking hangarin? kaya naghahangad nalang na baka bukas ay di na kasingbigat ng mga gabing iniyak para sa mga kung pwede sana at baka pwede pa. baka bukas, magaan na at tanggap ko na— dito na lang ako at baka makita ko sa mga kasulok sulukan ang pagmamahal ko na sining at pag-aaral na nawala.

i’m so full of ache, it burns / parang si icarus na naghahangad na hawakan ang araw / i will let it consume me in my most mundane days / at gaya ni icarus ay pakpak koy nalusaw sa silaw ng aking hangad na hindi abot

lesson learned: matulog na when it strikes ten para di biglang napapasulat 🤕

[rampatotie]

2025 Prologue: Panata(g)

Simula nung napagbigyan iyong kalokohan ko sa musika, medyo napalayo sa nakagawian kong malayang estilo ng pagsusulat; ng mga saloobin, kalokohan, at kung anu-anong makakalat na tumatakbo sa isip. Nais kong bumalik,at muli itong gawing panglunas. Na sa tuwing may mamumutawing pakiramdam na maaring sa pangit na desisyon ako dal'hin, isusulat ko na lang. Isusulat nang umaasang sa tuwid at wasto ako tangayin ng mga letra, salita, at pangungusap.

Kung kaya't:

Sabay ng pagod sa paglinlang ng iba ay ang pagod sa paglinlang ng sarili. Ngayon ay aking aaminin na isa lamang akong karakter. Huwad na katauhan. Isang aninong nagtatanghal gamit ang samu't saring maskara upang lunasan ang malubha kong karamdaman. Ang karamdaman ng kawalan ng kamalayan.

Hindi ko kilala ang aking sarili.

Nagtatanghal ako nang pasuray-suray suot ang patong-patong na mga maskara habang lasing sa patnubay at suporta ng mga naniniwala sa aking palabas. Mga patron na nag-aabang sa isang magandang katuparan ng aking istorya, ngunit paulit-ulit lamang na nagtatapos sa hinayang, sawa, pagsisisi, at kung minsa'y galit. Marahil dahil ito sa hindi pagkakilanlan. Hindi ko kilala ang taong nasa likod ng mga maskara at hindi ko alam kung ano ang pagtatanghal sa totoo kung kaya't inakap na lamang kung ano ang nakasanayan. Ako ang mga maskara, at ang mga maskara ay ako. Bawat isa ay nakapagtala ng kani-kaniyang pitak at nagpamalas ng katauhang akma sa kung anong hinahanap ng episodyo. Ginawang sandatang pangganti laban sa mga away na nakakapanakit, koritas na panapal sa mga salitang nakakapanugat, halakhak na panakip sa mga trahedyang nakasisira ng ulo, at tugon na panlinlang sa kawalan ng kasiguradahan. Iba't ibang mukha na may samu't saring sadya ngunit iisang layunin na makapandaraya ng ginhawa.

"Ikaw ba, Ram, ang mga maskara? At ang mga maskara ba ay ikaw?"

Hindi ko alam. Sana'y hindi. Ito ang ngayon ko tinutukoy. Nahuli man, paumanhin.

Ngunit tiyak ako sa isang bagay. Hindi ka nanatili para sa palabas. Pinili mong tunghayan ang aking pagganap hindi para sa mga maskarang suot at karakter na ginagampanan, bagkus para sa kung ano at sino ang nasa likod ng mga ito. Ang pananampalatayang binuno ng iyong pagsubaybay ay tungo sa kaliwanagan na hindi ako ang mga maskara at marapat ko na silang hubarin. Batid ng iyong pagtitimpi ang leksyong kailangan kong matutunan na hindi ako espesyal. Hindi lang ako ang may ginagampanang karakter. Na gaya ko, may ibang taong gumigising bawat umaga na siyang gumaganap rin ng sarili niyang papel sa sarsuwela ng buhay. Tinatapangan ang entablado ng mundo. Hinaharap ang mga palakpak, singhal, iyak, mangha at suklam ng madlang nakasubabay gamit ang napiling mga maskara, ngunit nananatiling mabuti. Ang kaibihan ay alam nila kung kailan ito huhubarin. Kilala at hindi limot ang sarili magtago man sa likod ng napakaraming pagganap, at alam ang pagtatanghal lamang sa hindi. Malinaw ang paningin ng puso. Arok ang tunay na ibig sabihin ng katotohanan at pagmamahal. Sa sarili. Sa iba.

Ngayon ko tunay na nararamdaman ang bigat ng mga maskarang nais ko nang hubarin. Dahil ngayon ay pinili mo nang titigan ang bawat isa nang mata sa mata at tukuyin, kutkutin ang mga peke at nakasusukang detalye. Ikaw ang kasukdulan. Ang aking hinatnan matapos ang napakapangit na pagganap.

Malugod kitang tinatanggap.

Sabay ng aking maliliit na hakbang tungo sa katapusan at pagtuklas at pagkilala sa sarili, ay ang pagpataw mo ng karampatang parusa. Ang marahas na pagpilas sa bawat huwad na katauhan na pinilit mong mahalin sa minsan nating naging istorya.

Ako ay panatag.

Pahabol Sulat:

Sa iyo, na maliligaw dito sa maliit kong espasyo ng saloobin, pakiusap, maging mabuti ka. Mahirap ang mundo, alam mo naman na siguro 'yon. Maraming mga bagay ang susubok sa kabutihan mong taglay at mahalagang malaman mo na hindi lahat ng katangian mo ay kagiliw-giliw. Higit sa lahat, ano mang pilit mong iwasan, tanggapin mong sa maraming pagkakataon ika'y masasaktan at ika'y makakapanakit.

Kung ika'y makakapanakit, 'wag na 'wag mong gagamitin ang iyong mga kamay. Gamitin mo ang salita at katotohanan nang marahan at malumanay. Hindi laging nakagiginhawa ang pagiging tapat, lalo na sa sarili, ngunit palagi mo pa ring piliin ang pagsabi ng totoo at pagiging totoo. May kalayaan at paglago ng pagkatao sa ganitong klaseng sakit, pero sa karahasan at kasinungalingan, wala.

At sa'yo, aking oksihina. Aking panata ang pagpapatuloy ng kuwento nang wala nang pagpapanggap.

At sakaling maisipan mo ulit bumisita, alalahaning hindi mo kailanman kakailanganin ng imbitasyon.