annexca

[annexca]

#183

Sun-kissed painted fields

Faint sense of warmth and comfort

Home for those who seek

SANCTUARY | HAIKU

[annexca]

#182

Minsan sa isang taon, sa gitna ng tag-araw

Isang imbitasyon ang dumarating

Nakabalot, walang pangalan

'Di alam kung saan nanggaling

Ako ay hinila, walang pasintabi

Dinala sa lugar na 'di ko masabing akin

Sinuong mga panganib, magkahawak sa dilim

Paglubog ng araw ay naglahong parang hangin

Tulirong umuwi kahit 'di alam ang daan

Sinundan ang ilog, bituin ay binantayan

Tuwing imbitasyon ay dumarating sa gitna ng tag-araw

Minsan sa isang taon, malugod akong nagpapatangay

- MINSAN SA ISANG TAON

[annexca]

:0 <33

Thanks everyone especially to @moonfox-mumbles who translated some of my poems!

#171

Kailangan ba maging tula upang maalala mo?

Matalinghaga, may tugma, may sukat bawat sulok

Saan ang lugar ng mga karaniwang gaya ko?

Direkta, malaya, at sa langit ay tuldok

Kakayahan sa pagkalimot, tuluyang ginamot

Anong espesyal at mga tula'y 'di mo malimot?

Damdami'y ibunyag, gaano man kakomplikado

Kailangan ba maging tula upang maalala mo?

- SI TULA, ANG MAKATA

[annexca]

#181

Sa pakislap-kislap na ilaw

Kahit malayo ay tanaw

Pula, puti, at bughaw

Nandiyan man o wala ang araw

Sa tahanan ako ay ihatid

Maging gabay sa paglalakbay

Susuungin kahit pa ang dilim

Sa gitna man ng kawalan

- ILAW SA KAWALAN

[annexca]

#180

Sa lumipas na panahon

Marami ulit ang niluma

Mistulang naninilaw na dahon

Nakatakdang mahulog sa lupa

Ilang araw pa at gabi

'Pag naglao'y mapapalitan

Dahan-dahan, mapababayaan

Itatago't malilimutan

Mga niluma ng panahon

Dala'y alaala ng kahapon

Buklod ng halo-halong emosyon

Nagkukubli sa patapon nang kahon

- KAHON NG KAHAPON

Hi, everyone! 👋

[annexca]

#179 Mga tao, 'pag nabahiran ng dumi Nahihiya at nandidiri sa sarili Ang iba, pagkahugas ng kamay Taas ang noo pati na rin mga kilay Bawat lakad papalapit Siyang hakbang ko papalayo Puno ng pag-iingat at hinhin Tahimik hanggang makalayo

- HUGAS-KAMAY

[annexca]

#178

Sa tuwing kamataya'y iniisip

May kung ano sa aking nabubuhay

Tila kabute na biglaang sumibol

At kaibigang matagal nang 'di nakita

Ang pasko ay mahalagang selebrasyon

Kada taon kung ipagdiwang

Ngayong araw, kung 'di niyo natatanong

Ang pasko ng aking pagkabuhay

Sa paglisan ay may katanungan

"Anong maiiwan ko sa mundo?"

Init ng araw, lamig ng hangin

"Hindi ko pa ata oras sa ngayon"

- PASKO NG PAGKABUHAY

[annexca]

#177

Piraso ng papel

Patak ng tinta

Talas ng isipan

Mulat na mata

Saan nagkulang,

Ano ang mali?

Bakit natatakot

Sa panulat na bali?

- PANULAT NA BALI

🖼️: TomasinoWeb

Nakakatawang makita kung paano maapektuhan ang mga nasa kapangyarihan sa simpleng litrato o artikulo.

Lagi't lagi, para sa malaya at mapagpalayang pagbabalita. ✒️

[annexca]

#176 Simbagal ng pag-unlad ang daloy ng trapiko Matinding sikat ng araw pati init ng mga ulo Likod ng usok ay silipin, habang nakatengga Baka mamataan, pakupas nang pag-asa Mga pusong nag-aapoy sa pag-aaklas Siniguro ang unang payapang rebolusyon Patunay na masa ang mas malakas Sandaling pinahanga ang buong mundo Diwa ng nakaraan ay ating buhayin Aral ay baunin, kamalia'y 'wag ulitin Mga taksil ay huwag nang sasambahin pa Yakapin kapangyarihan na 'di mananakaw - EDSA

[annexca]

#175

Lahat inalay

Kaluluwa at puso

Pawis at dugo

ALAY | HAIKU

[annexca]

#174

Kung ang kaluluwa't puso'y nagsasalita

Walang sikreto ang 'di mabubunyag

Pagtatago ay hindi opsyon

Sa katotohanan ay magsasaya

Mundo'y sa damdamin ay mapupuno

Pagmamahal ay unti-unting sasabog

Sakit at galit ay mananaig

Sabay wawasakin ang mundo

Kung ang kaluluwa't puso'y nagsasalita

Kailangang mamili sa dalawa

Kalayaan o kaguluhan,

Ano nga bang mas lamang?

- KUNG ANG KALULUWA'T PUSO'Y NAGSASALITA

[annexca]

#173

Sa'king pag-usbong

Sa mas magandang bersyon

Ikaw ang gabay

GABAY | HAIKU

[annexca]

#172

Siliping mabuti at iyong makikita Mga agilang ngayo'y nagkukubli sa hawla Malaking pagbabago na walang katiyakan Utang na eksklusibo sa mga 'di mayayaman Tatay, anak, kapatid, at kaibigan Sari-saring papel sa labas ng kalsada Dala ang kulturang mula pa sa nakaraan Pag-asang naglalaho at mga pusong nag-aalab Kung hinaharap ay malabo't hindi na matanaw Wala nang daan ang magsisilbi pang tanglaw Tungo sa sigurado at magandang bukas Kung saan mga agila'y lumilipad nang mataas - AGILA SA KALYE

🖼️: (Richard A. Reyes/Inquirer)

[annexca]

#171

Kailangan ba maging tula upang maalala mo?

Matalinghaga, may tugma, may sukat bawat sulok

Saan ang lugar ng mga karaniwang gaya ko?

Direkta, malaya, at sa langit ay tuldok

Kakayahan sa pagkalimot, tuluyang ginamot

Anong espesyal at mga tula'y 'di mo malimot?

Damdami'y ibunyag, gaano man kakomplikado

Kailangan ba maging tula upang maalala mo?

- SI TULA, ANG MAKATA

[annexca]

#170

Hindi ako naniniwalang

Hindi mo ako lilisanin

Pustahan, balang araw

Mawawala kang parang hangin

- HANGIN

[annexca]

#169

Pag-ibig sa tag-araw

Inosente't komportable

Malaya at banayad

Hindi permanente

- TAG-ARAW

[annexca]

#168

Paralisado, tensionado,

Hindi makagalaw

Kabado, masyado,

Gusto nang bumitaw

- TENSIONADO