EXORZISMOA ERREKALDEKO ZUBIAREN AZPIAN
Omenaldia Mark Leckey-ri
Hirigintza ez da neutroa, ezta errugabea ere. Hirigintza ideologiaren ondorioa da eta hirien trazadurei pentsamendu bakarraren kiratsa darie.
Zubiak eraiki dira lotzeko, batzeko eta elkartzeko, baita bereizteko ere. Deustuko zubia zamaontzientzat irekitzen zen, itsasadarreko kaiek industria-aurrerapena besarka zezaten. Zubizuriak distira egiten du turismoaren loriaren izenean. Errekalde gaineko zubia, aldiz, 1973an inauguratu zen trafikoa Bilboko erdigunetik ateratzeko asmoz. Baina muga bilakatu zen, aduana. Hormigoizko totem baten antzera eraiki zen Errekalde auzoa eta bertako bizilagunak hiriko gainerako tokietatik isolatzeko.
Zubia auzoko eraikinen artetik igarotzen den suge bat da, bizilagunen etxeetara itsatsita hedatzen dena. Trafikoaren zaratak, kalapitak, derrapeak, balaztadak eta kolpeak izan dira duela ia 50 urtetik hiriko inguru honetako soinu-banda. Zalaparta etengabea, gogaikarria eta bortitza, auzotarren eguneroko bizimoduan iragazi dena. Gaur egun Damoklesen ezpata bat bezala mantentzen da mehatxuka plazaren gainean, batzuetan erortzen da eta erail egiten du. 1977ko urriko goiz hartan bezala, zeinean kamioi bat auzora jausi, etxerik gabeko familia baten behin-behineko egoitzaren gainera erori eta zubiaren azpian bizi ziren bost haur hil zituen.
T.C. Lethbridge-ren arabera zenbait materialek, hala nola harriak edo hormigoiak, kapitalismoaren eraikuntza-arma masibo horrek, oroitzapenak bildu ditzakete memoria izango balute bezala. Horrela, trafikoak eragindako zarata guztiaz gain, zubi honek Errekalden ia mende erdiz izandako bizipenak eta gatazkak gordeko lituzke bere baitan. Norbaitek auzoaren historia ezagutzen badu, jakingo du ez direla gutxi izan, ez direla urriak lokatzaren azpian bizimodu duina bilatzeko aurkitu ditzakegun erresistentzia istorio kolektiboak. Historia ezagutzen ez duena gonbidatzen dugu paseatzera eta galdetzera. Kuxkuxeatzera eta irakurtzera.
Horregatik guztiagatik, Rekaldeberriren Liburu Beltza eskuan dugula
Laguntza eske inbokazioa deituko dugu
Rekaldeberriko Familien Elkartearen izenean.
Maketoen eta koreanoen izenean, goldearen desertoreen izenean. Galiziarren eta mantxurrianoen izenean
Uretamendi, Betolaza eta Peñascaleko txaboleroen izenean.
Errekaldeberriko Herri Unibertsitatearen eta auzoko liburutegiaren izenean.
Belaunaldi madarikatuaren eta heroinaren genozidioaren gazteen izenean.
Josu Muguruzaren eta estatuko indarkeriaren biktimen izenean.
Kukutzaren eta eraitsitako utopien izenean.
Laguntza eske inbokazioa deituko dugu
Hormigoizko metafora honetan bizi diren deabru guztiei, desagertu eta auzotik alde egin dezatela. Euren kalapita eta kutsadurarekin, kirats eta heriotza-zaporearekin alde egin dezatela.
Hiri-muga hau eraisteko.
Madarikazioari amaiera emateko.
Iñigo Basaguren-Duarte
1 note
·
View note
20230830. Oiartzun. Aiako Harriak.
0 notes
HARRIAK 2018: “HIRE MAITALE TRAKETSA” (Igartza monumento multzoa, Beasain). Artistak: Andere Etxegarai, Izaskun Araluzea eta Mikel Ruiz Pejenaute. Bitartekaritza: Okela Sormen Lantegia.
0 notes
#itsasoa #sea #harriak #rocks #koloreak #Kontxa #Donostia #EuskalHerria #FototekaBizileku https://www.instagram.com/p/CYOWmN3Nile/?utm_medium=tumblr
0 notes
#ILARDIG se siente entusiasmada por la iniciativa de #HarriakBarakaldo Un proyecto cultural, para toda la familia!! ¡Despierta al artista! 🎨 ¡Despierta al detective! 🕵️♂️ ¡Descúbrelas! 🥰Están por el parque de las esculturas, por Urban... Píntalas, colócalas, fotografíalas dando pistas... Rebotalas! ℹ️Infórmate en el grupo Harriak en Facebook ¡Descúbrelas! 🔎 ¡Dibujalas! ✏️ #Harriak #barakaldocreativity #barakaldokoharriak #barakaldokoartistak #barakaldo_con_k (en Baracaldo) https://www.instagram.com/p/CJoc_GfABU2/?igshid=tj95xhf89dy3
0 notes
20221029. Egunsentia. Aiako Harriak.
0 notes