#garuda puranam in telugu | Explore Tumblr posts and blogs

solutionzoom · 8 years ago

Text

New Post has been published on SolutionZoom

New Post has been published on http://www.solutionzoom.com/universal-factors/real-truths-and-secrets-about-garuda-puranam/

Real Truths and Secrets about Garuda Puranam

గరుడ పురాణంలో శిక్షలు ఇలా ఉంటాయి

గరుడ పురాణం అంటే మనకు గుర్తు వచ్చేది మనిషి పాప కర్మలకు నరకంలో వేసే శిక్షలే. ఇందులో ఇంకా ఎన్నో విషయాలు చెప్పబడినా అందరికీ ఇది ఈ విధంగానే గుర్తు ఉంటుంది. ఎందుకంటే భాయం ఆకర్షిoచినంతగా మరేదీ ఆకర్షించలేదు కనుక. సరే, ఇది గరుడునికి విష్ణువే స్వయంగా ఇది బోధించాడు. ఇందులో నరక లోక శిక్షల గురించి విస్తారంగా చెప్పబడింది. ఎందుకంటే ఇవి ప్రాచుర్యంలో ఉన్నంత కాలం భగవoతుని మీద భక్తి ఉన్న వారు పాపం చేయడానికి జంకుతారని ఆ విధంగా కాంత మీరైనా సమాజం సురక్షితంగా ఉంటుంది అనే సామాజిక స్పృహ కూడా ఒకటి.

సరే ఇప్పుడు విషయానికి వస్తే చనిపోయిన వ్యక్తి ఆత్మకు ఒక శరీరం ఇచ్చి యమ భటులు నరక లోకానికి లాక్కుపోతారు. చనిపోయిన ప్రతీ జీవుడు ముందు నరకంలో యమును ముందు హాజరు కావాల్సిందే. అటు పైనే వారి వారి కర్మలను బట్టి పుణ్యాత్ములు స్వర్గానికి వెళ్తారు, అదే పాపులు నరకంలో ఉంటారు. చనిపోయిన 11 వ రోజు నుంచి యమ లోకానికి జీవుడు ప్రయాణం అవుతాడు. ఈ మార్గంలో పుణ్యాత్ములు స్వర్గ లోక వాహనాలతో సిఖంగా వెళ్తే, పాపులు దారంతా ఆకలి దప్పులతో తీవ్రమైన ఎండ, చలి, రాళ్ళ వాన, ముళ్ళ దారిన యమ భటుల చేత ఈడ్వబడుతుంటారు.

https://www.youtube.com/watch?v=6XUj6-9KA70&t=34s

అలా యముని నగరమైన సంయమినీపురానికి చేరుతారు. అక్కడ పాపులు దక్షిణ ద్వారం గుండా నరకంలో అడుగు పెడతారు. అక్కడ చిత్ర గుప్తుడు, యముని ముందు ప్రవేశపెట్టబడతారు. అక్కడ యముడు నల్లని ఆకారంలో ఎత్తుగా దున్నపోతు మీద కూర్చుని కనిపిస్తాడు. అది పాపులకు చూడడానికి ఎంతో భయంకరంగా ఉంటుంది. ఇక ఆ పాపి చేసిన పనులను శ్రవణులు అనే పేరు గల దేవతలు యమునికి ఏకరవు పెడతారు. వీటికి తోడుగా సాక్షి దేవతలు అయిన సూర్యుడు, చంద్రుడు, పంచ భూతాలు, అంతరాత్మ మొదలైనవి సాక్ష్యాలు చెబుతాయి. దానితో ఒక్కసారిగా ఉగ్రుడైన యముడు కోపంతో కళ్ళెర్ర చేసేసరికే జీవుడుకి మళ్ళీ చచ్చినంత పని అవుతుంది. అప్పుడు ఆయా పాపాలకు తగ్గట్టు శిక్షలను ఖరారు చేస్తాడు.

సరే, గరుడ పురాణం మొత్తం 84 లక్షల నరకాలను చెప్పింది. అంటే అన్ని నరకాలని కాదు విష్ణువు ప్రకారం ప్రతీ ఉపాధీ ఒక నరకంతో సమానమే. అందువల్ల సృష్టిలోని 84 లక్షల ��ీవరాసులూ నరకంలో ఉన్నట్టే లెక్క.

ఇప్పుడు ముందు నరకంలో వేసే అనేక రకాల శిక్షలలో అతి భయంకరమైన శిక్షలు, అవి ఎందుకు వేస్తారో చూద్దాం.

తమిశ్రం:

శిక్ష: ఇక్కడ ఒక భటుడు ఒక గదతో పాపులను కొడుతూనే ఉంటాడు. అతని దెబ్బలు తట్టుకోలేక ఏడుస్తుంటారు, ఆకలికి దాహానికి వారికి ఏమీ ఇవ్వరు. అందువల్ల అక్కడే చస్తుంటారు, మళ్ళీ పుట్టి అదే శిక్షను వారి సమయం అయిపోయే వరకు అనుభవిస్తారు.

కారణం: ఇతరుల పిల్లలను, భార్యలను, పర స్త్రీలను ఇతరుల భూమిని లాక్కునే వారికి కూడా ఇదే శిక్ష

అంధతమిస్ర:

శిక్ష: ఇది ఒక చెట్టును మొదలు నుంచి నరకడం వంటిది. ఈ శిక్ష తీవ్రతకు పాపులు మతినీ, చూపునూ కోల్పోతారు అంత తీవ్రంగా ఇక్కడ బాధిస్తారు.

కారణం: ఎవరైతే తమ భర్త/భార్యకు ద్రోహం చేసి అక్రమ సంబంధాలు పెట్టుకుంటారో వారికి ఈ శిక్ష వేస్తారు

రౌరవం:

శిక్ష: ఇక్కడ పాపి ఎవరినైతే బాధించాడో వారందరూ “రురు” అనే భయంకరమైన ఒక పాము రూపం ధరించి ఆ పాపిని చచ్చేదాకా కాటు వేస్తారు. ఈ పాము చాలా భయంకరమైందని చెప్పాలి.

కారణం: ఎవరైతే కుటుంబాలను చెడగొడతారో, కుటుంబాలను విడదీస్తారో వారికి ఈ శిక్ష వేస్తారు

మహా రౌరవం:

శిక్ష: సంపదల కోసం పక్క వారి కుటుంబాలను, పక్క వారి ఇళ్ళను నాశనం చేస్తారో వారికి ఈ శిక్ష

కారణం: ఎవరైతే తమ హక్కును, కర్తవ్యాన్ని కాదని వెళ్లిపోతారో, తమ వారసులను/బిడ్డలను వదిలేస్తారో వారికి ఈ శిక్ష వేస్తారు.

కుంభీపాకం:

శిక్ష: సల సల మరిగే నూనెలో వేసి పాపులను వేయిస్తారు.

కారణం: తిండి కోసం అమాయక జంతువులను హింసిస్తారో, చంపుతారో వారికి ఈ శిక్ష

కాలసూత్ర:

శిక్ష: ఎనభై వేల మైళ్ళ చుట్టుకొలతతో విశాలమైన ఒక రాగి పాత్రలో పాపులను పడేసి కింద మంట పెట్టి పైన భగ భగ మండే సూర్యునితో కాలుస్తారు.

కారణం: బ్రాహ్మణ హత్య చేసిన వారికి ఈ శిక్ష.

అసిపాత్ర వనం:

శిక్ష: ఒక యమ భటుని చేత కోరడా తో కొట్టబడి పారిపోయినప్పుడు చుట్టూ కత్తుల కంటే సూదిగా ఉండే ముళ్ళు కలిగిన చెట్ల చేత ఒళ్ళు కోసుకుపోతుంది

కారణం: వేదవిరుద్ధంగా ప్రవర్తించిన వారికి ఈ శిక్ష.

సుకరముఖ:

శిక్ష: ఇక్కడ ఆ పాపి శరీరాన్ని చెరుకు మాదిరి నుగ్గు నుగ్గు చేస్తారు.

కారణం: ఎవరైనా ఒక ప్రభుత్వ అధికారి చేయని శిక్షకు ఒక అమాయకునికి తీవ్రంగా శిక్ష విధించినా లేదా అన్యాయంగా ఒక పేద బ్రాహ్మణుని శిక్షించడం.

అంధకూపం:

శిక్ష: ఇక్కడ పాపిని ఒక చీకటి గుహలో పడేసి పాపి తాను భూలోకంలో ఏ జంతువులనైతే హింసిoచాడో అవన్నీ అక్కడ అతన్ని బాధిస్తాయి.

క్రిమిభోజనం:

శిక్ష: ఇక్కడ పాపిని రకరకాల క్రిములు, ప��రుగులకు ఆహారంగా వేస్తారు.

కారణం: అతిధిని సరిగ్గా ఆదరించకపోవడం, అతిధికి అన్నం పెట్టకుండా ఇంట్లో ఉన్నవన్నీ ఒక్కరే తినడం.

సండంస:

శిక్ష: ఇక్కడ పాపి చర్మాన్ని ఎర్రగా కాల్తున్న ఇనుప చువ్వలతో వేరు చేస్తారు. అలా ఒక్కో భాగాన్ని నరికి చర్మాన్ని ఇలా వేరు చేస్తారు

కారణం: ఎవరైనా రాజు లేదా ప్రభుత్వఅధికారి అయ్యి ఉండి కూడా ఒక బ్రాహ్మణుని వద్ద కానీ మరే ఇతరుల ఆభరణాలను దోచుకుంటే ఈ శిక్ష వేస్తారు.

తప్తసుర్మి:

శిక్ష: పాపులు కొరడా దెబ్బలు తిని, స్త్రీలు పురుష రూపం కలిగిన ఒక కాల్చి ఎర్రగా వేడిగా కాలిపోతున్న ఇనుప రాడ్ను ఒంటికి అంటిస్తారు. అలాగే పురుషులకు స్త్రీ రూపం తో చేయబడిన ఎర్రగా కాల్చిన ఒక ఇనుప రాడ్ను ఒంటికి అంటిస్తారు.

కారణం: స్త్రీ పురుషుల అక్రమ సంబంధాలకు ఇది శిక్ష

వజ్రకంటక – శాల్మలి:

శిక్ష: ఒక సూదుల కంటే పదునైన కత్తుల కలిగిన ఒక చెట్టుకు వేలాడదీసి ఆ కత్తులు ఒంటిని చీల్చుకు పోయేలా చేస్తాయి

కారణం: ఎవరైతే జంతువులతో కూడా లైంగిక కోరికలు తీర్చుకుంటారో వారికి ఈ శిక్ష

వైతరణి నది:

శిక్ష: అన్నీ హేయమైన పదార్ధాలతో కూడినడి ఈ నది. ఇందులో మలం, మూత్రం, జుట్టు, గోళ్ళు, ఎముకలు, చీము, రక్తంతో కూడిన నదిలో పడేస్తారు

కారణం: ఒక బాధ్యత కలిగిన కులంలో పుట్టి ఆ విధంగా జీవించకపోవడం, ఏదైనా ఒక ప్రభుత్వంలో ఉంటూ దానికి తగ్గట్టు పని ��ేయకపోవడం

పుయోద:

శిక్ష: వైతరణి మాదిరిగానే ఈ శిక్ష ఉంటుంది. పుయోద నేది ఒక సముద్రం. దీని నిండా ఉమ్మి, మలం, మూత్రం వంటి హేయమైన పదార్ధాలతో నిండి పాపులు అందులో ఈదాల్సిందే

కారణం: సూద్రునిగా పుట్టి కూడా ఉత్తమoగా జీవించవచ్చు. కానీ అలా జీవితంలో ఏ మాత్రం ధర్మం పాటించకుండా ఒక జంతువులా బ్రతికినవారికి ఈ శిక్ష.

ప్రాణరోదన:

శిక్ష: ఇక్కడ బాణాల చేత నిరంతరాయంగా శరీరాన్ని గుచ్చి గుచ్చి రక్తం కారి స్పృహ తప్పి పడేట్టు గుచ్చుతూనే ఉంటారు.

కారణం: అడవిలో జంతువులను జాలి దయ లేకుండా వేటాడిన వారికి, అందునా వేటకు అర్హులు కాని వారి అయిన బ్రాహ్మణ, వైశ్య, క్షత్రియులు చేస్తే వారికి ఈ శిక్ష విధిస్తారు. అయితే ఇక్కడ కృత, త్రేతా, ద్వాపర కాలంలో రాజులు అంటే క్షత్రియులకు మాత్రమే వేట అధికారం ఉంది. అది కూడా మనుషులను చంపి తినే క్రూర మృగాలను తప్ప ఇతర జంతువులను వేటాడటం నిషిద్ధం. ఇది తప్పిన వారికి పై శిక్ష విధింపబడుతుంది.

https://www.youtube.com/watch?v=4yHMYyYD3GE

విసాసన:

శిక్ష: యమ భటుల చేత చిత్ర విచిత్రమైన నరక శిక్షలు విధింపబడతాయి

కారణం: మతం పేరుతో వారి మాట చెల్లేందుకు ఎవరైతే జంతువులను బలి ఇస్తారో వారికి ఈ శిక్ష

లాలాభక్షణ:

శిక్ష: ఇక్కడ చాలా హేయమైన నదిలో పడవేసి ఆ పదార్ధాన్ని తాగిస్తారు

కారణం: ఏ భర్త అయినా భార్యను గౌరవించక తన స్వార్ధం కోసం ఆమె ఇష్టానికి వ్యతిరేకంగా ప్రవర్తిస్తారో అలాగే ఆమెను వ��రి స్వార్ధానికి వాడుకుంటారో వారికి ఈ శిక్ష

శరమేయాదన:

శిక్ష: ఒక ప్రత్యేకమైన గ్రహoలో వారిని పడేసి వారి మీద 720 కుక్కలను ఉసిగొల్పుతారు. అవి ఈ పాపులను కరిచి మింగేస్తాయి.

కారణం: ఇతరులను హత్య చేసిన వారు, ఇతరుల ఇళ్ళకు నిప్పు పెట్టిన వారు అలాగే సామన్య ప్రజల మీద అధిక పన్ను మోపి, ధనికులను వదిలివేసే వారికి ఈ శిక్ష.

అవిచి:

శిక్ష: ఇక్కడ ఎక్కడా నీడ అనేది ఉండదు. ఇక్కడ చాలా బలంగా ఉన్నటువంటి బండరాళ్ళు చూడడానికి సముద్రపు అలలలాగ ఉంటాయి. పాపులను ఒక ఎత్తైన ప్రదేశం మీద నుంచి ఈ బండరాళ్ల మెడకు వారి శరీరం ముక్కలు అయ్యేంత వరకు పడేస్తూనే ఉంటారు.

కారణం: కోర్టులో అబద్ధపు సాక్ష్యాలు చెప్పి అదే వృత్తిగా బ్రతిక్రే వారికి ఈ శిక్ష

అయఃపాన:

శిక్ష: యమభటులు పాపుల గుండెల మీద నుంచుని వారి నోట్లోకి వేడి వేడి నీళ్ళు వారి నోట్లో పోస్తారు.

కారణం: మద్యపానానికి బానిసలైన వారికి ఈ శిక్ష. అంతే కాదు బ్రాహ్మణుడు కానీ బ్రాహ్మణుని భార్య కానీ ఈ పని చేస్తే వారికి ఈ గతే పడుతుంది. కలియిగంలో పురుషులే కాదు స్త్రీలు కూడా మద్యపానానికి బానిసలవుతారని ఆ యమునికి ముందే తెలిసి ఈ శిక్ష వేసారన్నమాట.

క్షారకర్దమ:

శిక్ష: పాపులను తలకిందులుగా వేలాడదీసి శూలాలతో గుచ్చడం ఇంకా ఎన్నో విధాలుగా బాధిస్తారు.

కారణం: ఒక నీచ జాతిలో పుట్టిన వారు, నీచ వృత్తిలో ఉండే వారు తమని తాము అధికులమని భావిస్తూ తమ కంటే విద్యలో, వయసులో, సంస్కారంలో ఎక్కువైన వారిని కించపరిస్తే వారికి ఈ శిక్ష వేస్తారు.

రక్సోగన భోజన:

శిక్ష: పాపులను కొంత మంది నరభక్షకులు చంపి వారి మాంసాన్ని రక్తాన్ని తాగి ఆనందంతో చిందులు వేస్తారు

కారణం: భూలోకంలో ఎవరైతే మనుషులను చంపి కాలభైరవునికి కానీ భద్రకాళి కి కానీ బలి ఇచ్చి వారి మాంసాన్ని రక్తాన్ని తాగేవారికి ఈ శిక్ష

శూలప్రోత:

శిక్ష: పాపుల శరీరాల్ని పదునైన కత్తులతో గుచ్చి వారిని ఆకలితో, దాహంతో బాధ పెట్టి అటు పైన గద్దలు, రాబందులు వారి శరీరాల్ని పీక్కుతింటాయి.

కారణం: తమ అండ కోరి వచ్చిన జంతువులను చేర దీసి అటు పైన వాటిని బాధించి వాటి చేత అనేక రకాలైన పనులు చేయించి పొట్ట పోసుకునే వారికి ఈ శిక్ష.

దండసుక:

శిక్ష: ఒక చీకటి నూతిలో పాపులను పడేస్తారు. అక్కడ 5 లేదా 7 తలల పాములు ఆ పాపులను కాటు వేసి పాము ఎలుకలను తిన్న మాదిరి ఈ పాపులను తినేస్తాయి.

కారణం: ఎవరైతే బ్రతుకి ఉన్నంత కాలం ఇతరులను బాదిస్తారో, కోపంతో, అసూయతో పక్క వారిని గాయపరుస్తారో వారికి ఈ శిక్ష

అవత-నిరోధన:

శిక్ష: పాపులను ఒక చీకటి గుహలో పడేసి పొగను, విష వాయువులను పీల్చే లాగ చేస్తారు

కారణం: ఎవరైతే బ్రతికి ఉన్న వారిని చీకటి గుహలలో పెట్టి బంధిస్తారో వారికి ఈ శిక్ష వేస్తారు.

పర్యావర్తన:

శిక్ష: ఇక్కడ పాపి చుట్టూ పెద్ద గద్దలు, రాబందులు కోపంగా చూస్తూ ఒక్కసారిగా కనుగుడ్లను పీక్కు పోతారు

కారణం: అతిధి పట్ల అనవసర కోప��న్ని ప్రదర్శించడం, అలాగే అతిధి పట్ల క్రూరంగా చూడటం.

శుచీముఖ:

శిక్ష: ఇక్కడ యమ భటులు పాపుల శరీరాన్ని దారంతో బట్ట కుట్టినట్టు కుట్టేస్తారు.

కారణం: తనకున్న ధనంతో పిచ్చి వాడై ఇంకా ధనాన్ని పోగు చేయాలను ఆలోచించే వాడు, తన కున్న డబ్బు మదంతో ఇంట్లోని వారిని పెద్ద వారిని కూడా అనుమానించే వారికి ఈ శిక్ష.

#garuda purana full #garuda purana in telugu video #garuda purana punishments list #garuda puranam facts #garuda puranam in telugu

0 notes