#சோயா | Explore Tumblr posts and blogs

venkatesharumugam · 7 months ago

Text

#அசைவமெனும்_அமுதம்

எனது தம்பி மீன் சமைக்கும் போது மீன் குழம்பு வாசத்திலேயே அதில் பூண்டு போட்டுருக்கா இல்ல மாங்காய் போட்டு இருக்கான்னு அதன் மணத்திலேயே அறிந்து கொள்வேன்! அதிலும் விரால் மீன் கருவேப்பிலை ரோஸ்ட் எனது ஃபேவரைட்! மட்டன் ஈரல் குழம்போ அல்லது சுரைக்காய் & சோயா போட்ட மட்டன் குழம்போ கொதிக்கும் போதே அல்சேஷன் போல என்னால் நுகர முடியும்!

சிலசமயம் கத்திரிக்காய் & முருங்கைக்காய் போட்டு வைக்கும் மட்டன் குழம்பில் இருவகை! 1. இளசான முருங்கையை அப்படியே வெட்டிப்போட்டு செய்யும் முருங்கை மட்டன் குழம்பு! 2. முருங்கையை வெட்டிப்போட்டு அதைத் தனியாக நன்கு வேகவைத்து முருங்கைக்கு நடுவில் உள்ள ஜெல்லியை மட்டும் தனியாக வழித்து எடுத்து பெப்பர் தூவிய மட்டன் சுக்கா வருவலுடன் செய்யும் கூட்டு.!

சில நேரங்களில் கண்மாய் கத்திரிக்காயுடன் கோழி சாஃப்ட் ஈரலுடன் தேங்காய் எண்ணெய்யில் வதக்கிய கோழி ஈரல் குழம்பு வைப்பார்.! அது அதகளம்! தோசை இட்லி எல்லாம் தொட்டுக் கொண்டால் பல ஈடு இட்லிகளை ஒருவரே சாப்பிடும் ஈடு இணையில்லாத குழம்பு அது! மதியம் கொஞ்சம் தளர்வாகவும் இரவில் அது கெட்டியாகவும் இரட்டை வேடத்தில் பின்னியெடுக்கும்! சுவையும் ஜோர்!

மீன்குழம்பில் பூண்டுகளை போட்டு பூண்டையே மீனாக்கி செக்கில் ஆட்டிய நல்லெண்ணெய்யை ஊற்றி வைக்கும் விரால் மீன் & அயிரை மீன் குழம்புகளுக்கு ஆயிரம் ஏ��்கர்களை அவர் பெயரில் எழுதி வைக்கலாம்.! அது சாதத்திற்கும் சரி இட்லிக்கும் சரி செம காம்போவாக இருக்கும்! தேங்காய், சீரகம், மிளகு, மஞ்சள் சேர்த்து அம்மியில் அரைத்து அவர் வைக்கும் பிச்சுபோட்ட சிக்கன் பிரட்டலுக்கு எல்லாம் சாதமே அதைத் தேடி ஓடிவரும்!

உருளைக்கிழங்கு, வெள்ளை சோயாபீன்ஸ், நுக்கோல் போட்டு செய்யும் மட்டன் நெஞ்செலும்பு சாப்ஸை சாதத்துடனோ, இட்லியுடனோ, இடியாப்பத்துடனோ, சப்பாத்தியுடனோ எதில் வைத்து சாப்பிட்டாலும் சுவை அள்ளும். சில நேரங்களில் அதில் அவித்த முட்டையும் போடுவார்! நான் பெரும்பாலும் மதியம் சமைத்த அந்த முட்டையை இரவில் தான் சாப்பிடுவேன்! அதுவே அக்குழம்பின் சாறுகளில் ஊறி செமையாக இருக்கும்!

கறிவேப்பிலை & புதினாவை மை போல அரைத்து அதில் ஊறவைத்த மட்டன் அல்லது சிக்கனை சமைத்துச் சாப்பிடுவது இன்னொரு இன்பம்! மட்டன் கைமாவில் கோலா உருண்டை உருட்டி பொட்டுக்கடலையை மாவு போல் இடித்து பிரட்டி நுணுக்கிய முந்திரிகள் சேர்த்து வாழை நார் சுற்றி கடலை எண்ணெயில் பொரித்து எடுக்கும் மட்டன் கோலா உருண்டைகள் எல்லாம் வேற லெவலில் இருக்கும்!

வாவல் எனும் போஃம்ப்ரிட் மீனை ப்ளேட் கட்டிங்கில் அறுத்து எலுமிச்சை பிழிந்து ஊறவைத்து பிறகு மசாலா சேர்த்து அதை ஃபிரிட்ஜில் டிப்ரோஸ்ட் செய்து செய்யும் லெமன் தவா ஃபிஷ் அல்லது தந்தூரி ஃபிஷ் அதுவும் குடைமிளகாய் வெங்காயம் ச்செடா சீஸ் சேர்த்து சாப்பிடுவது இன்னும் சிறப்பாகும்! சிக்கன் லாலிபாப்புடன் மைனீஸ், சாஸ் ஏதும் இன்றி புதினா சட்னியுடன் சாப்பிட்டுப் பார்த்தால் சுவர்க்கம் அருகில்!

எலும்பில்லாத கறியை குக்கரில் அரைத்து எடுக்கும் ஸ்மாஷ்டு மீட் எனப்படும் அரைத்த கறி.. ஃபிஷ், சிக்கன் அல்லது மட்டன் இப்படி எதுவானாலும் இதோடு தக்காளி, புதினா, ஆனியன், ஆலிவ் ஆயில், ஸ்பானிஷ் மிளகாய், பாப்ரிக்கா (குடை மிளகாய்தூள்) துருவிய ச்செடா சீஸ், கார்லிக் பேஸ்ட், ஒயிட் பெப்பர், முட்டைகோஸ் தழைகள், துருவிய சின்ன வெங்காயம் எல்லாம் சேர்த்து வதக்கலாக சமைத்தால் ஆஹா அதுவல்லவோ ருசி! டிரை பண்ணிப்பாருங்க!

டிஸ்கி : இப்போது நான் அதிதீவிர டயட்டில் உள்ளேன்!

0 notes

venkatesharumugam · 8 months ago

Text

#அக்கா_கடை

நான் எத்தனையோ உணவகங்களுக்கு ரிவ்யூ எழுதி இருந்தாலும் இந்த அக்கா கடை போன்ற கடைகளைப் பற்றி இங்கு எழுதுவதில் தான் ஆத்மார்த்தமான திருப்தியடைகிறேன்! ஏன்னா ஹீரோ ஒரே பாடலில் கோடீஸ்வரனாக மாறுவதை பல படங்களில் பார்த்து இருப்போம்! நிஜத்தில் அதுபோல ஒரு பிரமிப்பான வளர்ச்சியை தன் கடும் உழைப்பால் அடைந்தது தான் இந்த அக்கா கடை!

கோவை சாய்பாபா காலனியில் அக்கா கடை தெரியாதுன்னு சொன்னா அவங்க சாய்பாபா காலனிக்கு புதுசா இருக்கணும் இல்ல அன்னிக்கு தான் பிறந்து இருக்கணும்! முதன் முதலில் இங்கே 2012 இல் சாப்பிட நண்பர் சுரேஷ் அழைத்துப் போனார்! ஃபேஸ்புக்கில் உப்புமா பத்தி இவ்வளவு கிண்டல் பண்றிங்களே இங்க சாப்பிட்டு பாருங்கன்னு என்னை கூட்டிட்டு போனார்!

சாய்பாபா காலனியில் இரவு 8 மணிக்கு ரேஷனில் தரும் 1000 ரூபாய்க்கு நிற்பது போல ஒரு கூட்டம் தெரிந்தது! ஒரு சாலையோர தள்ளுவண்டிக் கடையின் அனைத்து சாமுத்ரிகா லட்சணங்களும் கொண்ட ஒரு வண்டியைச் சுற்றித்தான் அந்த கூட்டம்! பட்டிமன்ற நடுவர் போல நடுவில் அந்த அக்கா வைகோ சின்னமாகச் சுழன்று கொண்டிருந்தார்! அவர் கண்களில்..

வரவேற்பும், கைகளில் சுறுசுறுப்பும் பிரியாது தெரிந்தன. வரும் ரெகுலர் வாடிக்கையாளர்களை வாய் சொற்களாலும் வரவேற்றார்! நம் நண்பரையும் வரவேற்றார்! அந்த வண்டியை நோட்டமிட்டேன் ஆவி மூச்சு விடும் இட்லிப் பானை, நீள் சதுர தோசைக்கல்லில் கீபோர்டு ப்ளேயர் போல தோசை மாஸ்டர், வரவேற்பாளர் என 2 வேடங்களில் அக்கா, அவருக்கு உதவியாக வெறும் ரெண்டே பேர்!

சட்னி, சாம்பார், மசால் தனித்தனி பாத்திரங்கள், தக்காளி, பட்டர், சேவை வகைகள், கிச்சடி என தனித்தனியே வைத்திருந்தனர்! முட்டை க்ரேடுகள் ஓரமாகத் தெரிந்தன! முதலில் எனக்கு ஒரு தட்டில் சூடு பறக்க கிச்சடி வந்தது! அற்புதமான குழைவில் அவர்கள் தந்த தேங்காய் சட்னி & சாம்பாருடன் குழைத்து முதல் வாய் வைத்ததும் ருசியில் மெய் சி��ிர்த்துப் போனேன்!

நிச்சயம் ஒரு அன்னப்பூர்ணா, சரவணபவன், ஆரியபவன் இவர்களுக்கு இணையான தரமான தயாரிப்பு அதற்கு சவால்விடும் ருசி! பிறகு 1 இட்லி சாப்பிட வாங்கினால் அது பஞ்சாய் வாயில் கரைந்து இன்னும் 2 சாப்பிட வைத்தது! பட்டர் சேவையை நண்பர் வாங்கி ஷேரிட அது மேலும் தேவை என்றது! பிறகு மசால் தோசை ஒன்று தந்தார் அது நிச்சயம் நாவில் மேஜிக் நடத்தியது!

முதல் அனுபவமே அக்கா கடையில் ருசிகரமாக அமைய பின்பு வாய்ப்பு கிடைக்கும் போதெல்லாம் அக்கா கடையில் ருசிக்க மறப்பதில்லை! அடுத்த முறை போன போது அக்கா கடை வண்டிக்கு பின்னால் ஒரு கட்டிடம் தோன்றி கடை விரிவாகி இருந்தது 4 பணியாளர்கள் இருந்த இடத்தில் இப்போது 8 பேர்! இட்லி பானை 500 இட்லி எடுக்கும் ஸ்டீமர் பாக்ஸாகியிருந்தது!

கடையின் வெரைட்டிகளும் தோசை &புரோட்டா வகைகளில் அப்டேட் ஆகியிருந்தது அக்கா கடை! கிச்சடி இப்போது மிஸ்ஸிங்! புரோட்டா, முட்டை கொத்து, வீச்சு என்று புரோட்டாவும் அதற்கு தந்த சோயா குருமாவும் பிரமாதமாக இருந்தன! பட்டர் தோசை, பட்டர் பொடி, பட்டர் கொத்து , பட்டர் ஆனியன் என அக்கா கடை பட்டரில் பெட்டர் என்ற பேரோடு வளர்ந்திருந்தது!

இப்போ அக்கா கடை அதே சாய்பாபா காலனியில் தனித்த கட்டிடத்திற்கு இடம் மாறியிருக்கிறது! கையேந்தி பவன் போல நின்று சாப்பிட்ட கஸ்டமர்ஸ் அமர்ந்து சாப்பிட டேபிள் சேர்கள் போடப்பட்டுள்ளது! கடை மட்டும் தான் மாறியிருக்கிறது அக்கா கடையின் தரமும், ருசியும், அர்ப்பணிப்பும், கடின உழைப்பும் மாறவேயில்லை! கோவை போன்ற பெருநகரில் அதுவும் ஓட்டல்..

தொழிலில் பெரு முதலாளிகளுக்கு இடையிலேயே கடும் போட்டி இருக்கும் சூழலில் ஒரு நம்பிக்கை பெண்மணி வண்டிக்கடை போட்டு அதை ஒரு தனிக்கடையாக்கி இருக்கிறார் என்பது பெருமிதமான செய்தி அல்லவா! இவர்களைப் பற்றி எழுதுவதில் எனக்கு தான் பெருமை! அக்காவின் அடுத்த அப்டேட் அக்கா மல்டி கஸின் ரெஸ்ட்டாரெண்டட் ஆகிட என் மனமார்ந்த வாழ்த்துகள்!

{ முட்டை வெரைட்டியை மட்டும் அக்கா எடுத்துவிட்டால் அயோத்தியிலும் ஒரு பிராஞ்ச் துவக்கலாம்! அதற்காக ஜெய் ஶ்ரீராம் அவர்களிடம் நான் மனதார வேண்டுகிறேன் }

1 note · View note

divyaperiyasamy · 5 years ago

Text

பல்வேறு வகைப்பட்ட உணவுமுறைகள்!

இப்புவியில் உள்ள ஒவ்வொரு உயிரினமும் உயிர்வாழ அடிப்படைத் தேவைகளில் ஒன்றாக இருப்பது உணவு. மனிதனின் வாழ்வியல் சூழல் , பருவநிலை மாற்றம், இருப்பிடத்திற்கு ஏற்ப அவன் உட்கொள்ளும் உணவுமுறைகளும் வேறுபடுகின்றன. ஆதிமனிதன் நெருப்பைக் கட்டுப்படுத்திப் பயன்படுத்தக் கற்றுக்கொண்ட காலம் முதல் சமையல் என்பது பண்பாட்டின் ஒரு முக்கிய அம்சமாக வளர்ச்சி பெற்றுள்ளது.

தீமை விளைவிக்கக் கூடிய கோலுரு நுண்ணுயிர்களைக் கொல்வதும் வெப்பமூட்டுவதன் முக்கிய நோக்கங்களில் ஒன்றாகும்.

உணவு எப்போது முதன்முதலில் சமைக்கப்பட்டது என்பது தொல்லியல் ரீதியாக இன்றும் மிகத்துல்லியமாக அறியப்படவில்லை. 2,50,000 ஆண்டுகளுக்கு முன்னரே மனிதன், அடுப்புகள் தோன்றியதும் சமைக்கத் தொடங்கிவிட்டான் என்பது மானிடவியலாலர்களின் கருத்தாகும்.

உணவு மற்றும் சமையற்கலை கலாசாரத்தின் ஒரு பகுதியாக மாறிவிட்டது. பதினெட்டு மற்றும் பத்தொன்பதாம் நூற்றாண்டுகளில் ஐரோப்பியாவில் உணவு ஒரு உன்னதமான அடையாளமாக மாறியது.

தற்பொழுதிய ஆராய்ச்சியின் முடிவாக வல்லுனர்கள் பழையக் கற்கால மனிதனின் உணவு முறையே சிறந்ததென கூறுகின்றனர்.

ஆசிய சமையல்

ஆசிய கண்டத்தில் மக்கள் பெரும்பாலும் பல நூற்றாண்டுகளாக தங்கள் பாரம்பரிய உணவு முறையையே பின்பற்றுகின்றனர். அவை அனைத்து ஊட்டச்சத்துக்களும் நிறைந்திருப்பதாக அவர்கள் நம்புகின்றனர்.

ஆசியாவின் மூன்று உணவுப் பகுதிகள்!

· தென் மேற்கு - இந்தியா, பாகிஸ்தான், இலங்கை, பர்மா

· வட கிழக்கு - சீனா, கொரியா, ஜப்பான்

· தென்கிழக்கு - தாய்லாந்து, லாவோஸ், கம்போடியா, வியட்நாம், இந்தோனேசியா, மலேஷியா, சிங்கப்பூர், புரூனே தென் கிழக்கு மற்றும் தென்மேற்கு உணவு வகைகளை வடகிழக்கின் உணவுப் பொருட்களில் குறைவாகக் கையாளுவது மிகவும் முக்கியமானது.

தென்மேற்கு பகுதிகளில் தயாரிக்கப்படும் கறி வகைகளில் தயிர் அதிகமாக பயன்படுத்தி இருப்பார்கள், மாறாக தென் கிழக்கு மற்றும் வடகிழக்கு பகுதிகளில் வாழும் மக்களின் கறி வகைகளில் தேங்காய்ப் பால் அடிப்படையாகும்.

அரிசி மூன்று உணவு வகைகளில் ஒரு பிரதானமான ஸ்டார்ச் ஆகும். அரிசிக்கு கூடுதலாக தென்னிந்திய உணவு வகைகளில் புளிப்பு மற்றும் அவிழ்ப்பு ரொட்டிகளையும் , தென்கிழக்கு மற்றும் வடகிழக்கு உணவு வகைகளில் அரிசி மற்றும் முட்டையையும் அதிகமாகப் பயன்படுத்துகிறார்கள்.

தென்மேற்கு பகுதிகளில் வாழும் மக்கள் வெண்ணெய் மற்றும் நெய்யும், தென்கிழக்கு மற்றும் வடகிழக்குப் பகுதிகளில் வாழும் மக்கள் தாவர எண்ணையையும் அதிகமாக உணவு தயாரிக்க உபயோகிக்கின்றனர்.

பூண்டு மற்றும் இஞ்சி மூன்று உணவு பகுதிகளிலும் பயன்படுத்தப்படுகிறது. வட கிழக்கு உணவுகள் கிட்டத்தட்ட எல்லாவற்றிலும் சோயா சாஸ் பயன்படுத்துகின்றன; தென் கிழக்கை மீன் சாஸ் மாற்றுகிறது; தென் மேற்கு சமையலறையில் குறிப்பிடுவதற்கு ஏதுமில்லை . தென் கிழக்கில், மற்ற உணவுகளில் பயன்படுத்தப்படாத இரண்டு கூடுதல் சுவையுணர்வுகள் உள்ளன - கலங்கல் (தாய் இஞ்சி அல்லது சியாமீஸ் இஞ்சி) மற்றும் எலுமிச்சை புல்.

இந்திய சமையல்

நாம் இப்பொழுது இந்தியாவின் உணவு பகுதிகளைப் பார்ப்போம்.

இந்தியாவின் மூன்று உணவு பகுதிகள் !

· தென்னிந்தியா - கர்நாடகா, கேரளா, தமிழ்நாடு மற்றும் தெலுங்கானா , லக்ஷதீப், அந்தமான் மற்றும் நிக்கோபார் தீவுகள் மற்றும் புதுச்சேரி.

· வட இந்தியா - ஜம்மு, காஷ்மீர், இமாச்சல பிரதேசம், பஞ்சாப், சண்டிகர், உத்தரகண்ட், ஹரியானா, தில்லி, ராஜஸ்தான், உத்தர பிரதேசம்.

· வடகிழக்கு பகுதிகள் - அருணாச்சல பிரதேசம், அசாம், மணிப்பூர், மேகாலயா, மிசோரம், நாகாலாந்து மற்றும் திரிபுரா.

வட இந்தியா:

கோதுமை இந்தியாவின் வடக்குப் பகுதியில் வாழும் மக்களின் முக்கிய உணவு ஆகும்.

வட இந்திய உணவு வகைகள் பெரும்பாழும் மத்திய ஆசியா, குறிப்பாக மொகலாய் சமையல் உத்திகளை பின்பற்றுகின்றன.வட இந்திய உணவு ரொட்டி, சப்பாத்தி , நாண் , பூரி , கச்சோரி, பராதா மற்றும் பாதுரா போன்ற கோதுமை சார்ந்த ரொட்டிகளைக் கொண்டுள்ளது.

வடக்கில் அதிக வறட்சி மற்றும் நல்ல குளிர்காலம் உள்ளது, கோதுமை இங்கே கிரீடம் எடுக்கிறது. ஒவ்வொரு உணவு பழக்கமும் புவியியல் மற்றும் காலநிலைக்கு மீண்டும் கண்டுபிடிக்கப்படலாம். மதம் உணவை பாதிக்காது.

மத்திய ஆசியா படையெடுப்பாளர்கள் வட இந்தியாவில் அரிசி சமையல் அறிமுகப்படுத்திய போதிலும், ஒரு பெரிய வேறுபாடு தென்னிந்திய உணவு வகை பெரும்பாலும் பரந்த அரிசியினைப் பயன்படுத்துகிறது, அதேசமயத்தில் வடக்கில் நீளமான பாஸ்மதி அரிசி பயன்படுத்தப்படுகிறது.

கடுகு, வேர்க்கடலை மற்றும் சோயா எண்ணெய்கள் வடக்கில் சமையலறையை ஆளுகின்றன.

வடகிழக்கு பகுதிகள்:

வட கிழக்கு இந்திய உணவு பிராந்திய வேறுபாடுகள் மற்றும் வெளிநாட்டு செல்வாக்குடன் உணவுகள் ஒரு கவர்ச்சியான கலவை பிரதிபலிக்கிறது. வடகிழக்கு இந்தியாவின் அனைத்து மாநிலங்களிலும் உள்ள உணவு கிட்டத்தட்ட ஒரே மாதிரியானது, இது சைவ உணவு அல்ல. மக்கள் சைவ உணவு இல்லாததால், சைவ உணவு தயாரித்திருந்தாலும், அவற்றுடன் அசைவம் சேர்க்கப்படுகிறது. சில மசாலாக்கள் சில சமயங்களில் ஆடம்பரமானவை. வடகிழக்கு இந்தியாவின் பல்வேறு மாநிலங்கள் அவற்றின் சொந்த உணவுப் பண்பாட்டை கொண்டிருக்கின்றன.

சீனாவை ஒட்டியுள்ள மாநிலங்களில் சீன உணவின் தாக்கமும் உள்ளது. மீன், மாட்டிறை��்சி மற்றும் ஆட்டிறைச்சி பெரும்பாலும் உட்கொள்ளப்படுகிறது. அசாம் மாநிலத்தில் மீனும் அரிசி உணவும் பிரதான உணவாகும்.

தென்னிந்தியா:

அரிசி தென்னிந்திய மக்களின் பிரதான உணவாகும்.

தெற்கு இந்திய உணவுகளில் எண்ணற்ற அரிசி சார்ந்த உணவு வகைகளான தோசை , இட்லி, அப்பம், ஊத்தப்பம், புட்டு போன்றவை உள்ளன. அரிசி உணவுகளில் தக்காளி சாதம், புளி சாதம் , எலுமிச்சை சாதம் மற்றும் இன்னும் பல வகைகள் உள்ளன.

கடலை எண்ணெய் , எள் எண்ணெய், தேங்காய் எண்ணெய் பெரும்பாலும் தென்னிந்தியாவின் சமையலறையை உயிர்ப்பிக்கிறது.

வடக்கிலும், தெற்கிலும் நெய் அல்லது தெளித்த வெண்ணெய் பயன்படுத்தப்படுகிறது.

தென்னிந்தியா மசாலாக்களுக்கு பெயர்போன பகுதியாகும். அவை பல நூற்றாண்டுகளாக பல்வேறு நாடுகளுக்கு ஏற்றுமதி செய்யப்படுகின்றன.

தென் இந்தியாவில் தயாரிக்கப்படும் மிக முக்கியமான மசாலா, இலவங்கப்பட்டை, ஏலக்காய், ஜாதிக்காய், கிராம்பு மற்றும் மிளகு ஆகும்.

இப்பகுதியில் பரவலாக மசாலா உணவுகள் பிரபலமாக உள்ளன. ஒவ்வொரு மாநிலமும் உணவில் சேர்க்கும் மசாலாக்களின் அளவு முறை , பல்வேறு வகையான உணவு வகைகள் , மற்றும் சமையல் முறை ஆகியவற்றில் இருந்து பரவலாக வேறுபடுகின்றன.

அனைத்து வகையானத் தென்னிந்திய உணவுகளிலும் கடுகு , சிவப்பு மிளகாய் , எண்ணெய் மற்றும் கறிவேப்பிலை அடிப்படை பொருளாக உள்ளது.

பல்வேறு வேர்க்கிழங்குகளும், தேங்காயும் மற்றும் பலவிதமான மீன்களும் இங்கு அதிகமாக கிடைக்கின்றன.

சுண்டல், உளுந்து மற்றும் பல பயறு வகைகள், வாழை, புளி, இஞ்சி, பூண்டு, தேங்காய், புடலங்காய், பாகற்காய், பீர்க்கங்காய், சுரைக்காய் போன்றவையும் பச்சை மிளகாய் மற்றும் உலர்ந்த சிவப்பு மிளகாய் போன்ற பொருட்களும் தென்னிந்திய உணவு வகைகளை தயாரிப்பதில் பரவலாக பயன்படுத்தப்படுகின்றன.

கேரள சமையல்:

கேரளாவின் உணவு வேறுபட்டது, ஆனால் வெவ்வேறு உள்ளூர் சமூகங்களின்படி சிறந்த வகைப்படுத்தப்படுகிறது.

தேங்காயின் கிடைக்கும் தன்மை, மாநிலத்தின் பிரதான ஏற்றுமதிப் பொருட்களாகும், இது கேரளாவின் ஒரு அடிப்படை கூறுபாடு ஆகும், இது ஒரு மூலப்பொருளாக அல்லது எண்ணெயில் இருந்து எடுக்கப்பட்ட எண்ணெய் வடிவில் பயன்படுத்தப்படுகிறது. மாநிலத்தின் கடலோரப் பகுதியில் கடல் உணவு கிடைப்பதால் கிட்டத்தட்ட தினசரி உணவில் அது பயன்பாட்டில் உள்ளது.

சாதாரண காலை உணவில் தோசை , இட்லி , பரோட்டா உடன் கோழி , வாத்து, ஆட்டிறைச்சியும் மற்றும் காய்கறிகள் கலந்த மசாலாவும் உட்கொள்ளப்படுகிறது. பல்வேறு சைவ உணவு உணவுகள் அவியல் , சாம்பார், ரசம் , கிச்சடி மற்றும் பச்சடி ஆகியவை அடங்கும். பிரபலமான மாமிச உணவு வகைகள் மலபார் மீன் கறி, பன்றி இறைச்சி, மலபார் பிரியாணி, மீன் தோரன் (தேங்காயில் சமைக்கப்பட்ட மீன்), வாத்து கறி , மீன் வறுவல் மற்றும் மீன் குழம்பு. பல சிற்றுண்டி பொருட்கள் வாழைப்பழ சில்லுகள், கட்லட் , ரொட்டி , அல்வா , பாயசம் இன்னும் பல.

ஆந்திர சமையல்:

ஆந்திர மாநிலத்தின் அழகிய மற்றும் இனிமையான உணவு வகைகளில் பல இந்த இடத்தில் உள்ள உணவுப்பகுதிகளில் முகலாயர்களின் சமையல் பாணியின் ஆழ்ந்த செல்வாக்கைக் காட்டுகிறது.

��ிரியாணி, கபாப்ஸ் மற்றும் குர்மாஸ் போன்ற ஆந்திய உணவுகள் பொதுவாக கனமான, மசாலா மற்றும் சூடாக இருக்கும் மற்றவற்றுடன் சேர்ந்து சாப்பிடுபவர்களின் ஆர்வத்தை தூண்டுகிறது. ஆந்திராவில் பல்வேறு வகை உணவு வகைகளும் கிடைக்கின்றன, இவை பெரும்பாலும் வெவ்வேறு பகுதிகளிலிருந்து வேறுபடுகின்றன. ராயலசீமா மாவட்டத்தின் உணவு இந்த பகுதிகளோடு நெருக்கமாக இருப்பதால், தமிழ்நாடு மற்றும் கிழக்கு கர்நாடகாவின் உணவோடு மிகவும் ஒத்ததாக இருக்கிறது , புதிய மாநிலமாக உருவான தெலுங்கானா பகுதியின் பிரதான உணவு கம்பு மற்றும் சோளத்தால் தயாரிக்கப்பட்ட ரொட்டியாகும். ஆந்திர கரையோரப் பகுதியானது தனித்துவமான சுவை கொண்ட பல்வேறு உணவு வகைகளை வழங்குகிறது மேலும் பல்வேறு கடல் உணவு வகைகளும் கிடைக்கின்றன.

ஹைதராபாத் நகரிலிருந்து ஒரு முகலாயத் தொடர்பைக் கொண்ட பல்வேறு சுவையான உணவைக் குறிப்பிடாமல், ஆந்திராவின் உணவு ஒருபோதும் முடிவதில்லை.

நிஜாம்ஸால் பராமரிக்கப்பட்டு, ஹைதராபாதி உணவுகள் உலகளாவிய புகழ் பெற்றுள்ள இந்தியாவின் மிருதுவான மற்றும் இனிமையான உணவு வகைகளில் ஒன்றாக உருவானது.

ஹைதராபாதி பிரியாணி பாசுமதி அரிசி, இறைச்சி மற்றும் தேர்வு செய்யப்பட்ட மசாலாக்களால் மிகவும் நேர்த்தியாக , சுவையாக தயாரிக்கப்படுகிறது. ஹைதராபாதி தம் பிரியாணி மிகவும் பிரபலமான உணவு. கத்தரிக்காய் கறி , மிளகாய் மற்றும் வேர்க்கடலை குழம்பு எப்பொழுதும் பிரியாணியின் இணைபிரியா சகோதரிகளாகவே உள்ளன.

கர்நாடக சமையல்:

கர்நாடகா மாநிலத்தில் பரந்த அளவிலான பசியைத் தூண்டுபவை உடுப்பி நகரத்தின் தெருக்களில் வீற்றிருக்கும் மசாலா தோஸா, இட்லி மற்றும் வடா போன்ற சில சுவையான உணவுகளாகும். தென்னிந்திய மாநிலங்களுடன் ஒப்பிடும்போது இந்த பிராந்தியத்தின் உணவுகள் குறைவாகவே காரமானவை. வட கர்நாடகா சமையல் தவிர்த்து, பனை சர்க்கரை மற்றும் வெல்லம் போன்றவை தாராளமான பயன்படுத்தப்படுகின்றன.

மாநிலத்தின் உணவு வகைகள் பல்வேறு பகுதிகளின்படி வேறுபடுகின்றன.

சோளம் மற்றும் அரிசி ஆகியவற்றால் தயாரிக்கப்படும் ரொட்டி வட கர்நாடகா உணவு வகைகளில் வழக்கமாக உள்ளது, இது பொதுவாக பருப்பு, மசாலா காய்கறி சாலட் மற்றும் கத்தரிக்காய் சாப்பாடுகளுடன் எடுத்துக் கொள்ளப்படுகிறது. ஊறுகாய் மற்றும் சட்னி போன்றவை பொதுவாக அனைத்து உணவுடனும் உட்கொள்ளப்படுகிறது.கடல் உணவு, தேங்காய் மற்றும் தேங்காய் எண்ணெய் ஆகியவை கடலோர கர்நாடக உணவு வகைகளில் ஒன்றாகும்.கோழி, இறைச்சி மற்றும் மீன் ஆகியவற்றால் தயாரிக்கப்பட்ட உணவுகள் அல்லது கறி பொருட்கள், அரிசி (இப்பகுதியின் பிரதான தானியம்) உடன் எடுத்துக் கொள்ளப்படுகின்றன.தென்னிந்திய கர்நாடக பகுதிகளில் ராகி பிரதான உணவாகும்.

பால் பொருட்கள் பல்வேறு வடிவங்களில் பயன்படுத்தப்படுகின்றன. தயிர் ஒவ்வொரு அத்தியாவசியப் பகுதியையும் இறுதிக் கட்டமாக அரிசி கொண்டு எடுத்துக் கொல்லப்படும்போது , மசாலாப் பொடியுடன் சேர்ந்த பால் பொதுவாக சூடான கோடைகளில் வழங்கப்படுகிறது. நெய் மற்றும் வெண்ணெய் பல்வேறு இனிப்புகள் தயாரிக்க பயன்படுகிறது, குறிப்பாக திருவிழாக்கள் மற்றும் விசேச சந்தர்ப்பங்களில்.

��ரு பிரபல கர்நாடகா உணவு பிஸி பெல்லா பாத் ஆகும், இது சூடான பருப்பு மற்றும் அரிசியால் செய்த உணவு என்று பொருள். பாரம்பரிய உணவுகளில் இரண்டாவது பாத்திரமாகப் பணியாற்றும் இந்த நம்பகமான உணவு, அரிசி, காய்கறிகள், பட்டாணி, புளி, கறிவேப்பிலை , மசாலா பொருட்கள் கொண்டு சமைக்கப்படுகிறது. இது பெரும்பாலும் உருளைக்கிழங்கு சில்லுகள், அப்பளம் , சாலட் மற்றும் சட்னி போன்ற உருப்படிகளுடன் வழங்கப்படுகிறது.

உடுப்பி உணவகம்:

உடுப்பி உணவகம் பெரும்பாலும் கர்நாடக உணவை பரிமாறிகிறது மற்றும் தென்னிந்திய உணவுக்கு ஒத்ததாக இருக்கிறது. அவர்கள் இந்தியா முழுவதும் இந்த உணவு வகைகளை பிரபலப்படுத்தியுள்ளனர். கர்நாடகாவின் கனரா பகுதியின் உள்ளூர் மக்களால் இயங்கும் இந்த உணவகம் பொதுவாக தோசை , இட்லி, ஊத்தப்பம் மற்றும் வடா போன்ற சைவ வகை உணவுகள் வழங்கப்படுகின்றன.

தமிழ்நாட்டு சமையல்:

தமிழ்நாட்டின் பிர��ான உணவு அரிசியாகும். இது பல்வேறு வகையான மசாலாக்கள் நிறைந்த காய்கறிகள் மற்றும் மாமிச கறிகளுடன் உட்கொள்ளப்படுகிறது. தமிழ்நாட்டின் அனைத்து உணவுகளிலும் மஞ்சள் முதலிடம் வகிக்கிறது. இது மிகவும் அதிக நோய்எதிர்ப்பு சக்தி கொண்டது. தமிழ்நாட்டின் ஒவ்வொரு பகுதிக்கேற்பவும் சமைக்கும் முறையம், உணவு வகைகளும் வேறுபடுகின்றன.

உணவு பரிமாறுவது என்பது சக மனிதர்களுக்கு செய்யும் சேவை என்பது தமிழக மக்களின் ஆழ்ந்த நம்பிக்கையாகும். இது பாரம்பரியமாக இங்கு வாழும் அனைத்து மக்களாலும் பின்பற்றப்படுகிறது. இங்கு விருந்தினர்களுக்கு உணவு பெரும்பாலும் வாழை இலையிலேயே பரிமாறப்படுகிறது, இவ்வாறு பரிமாறினால் அந்த உறவு வாழையடி வாழையாக தொடரும் என்பது இம்மக்களின் நம்பிக்கை.

செட்டிநாடு, காரைக்குடி உணவுகள் மற்றும் திண்டுக்கல் தலப்பாக்கட்டி பிரியாணி உலகளவில் பிரபலமானவை. இவை அவைகளுக்கே உரித்தான சமையல் ரகசியத்தைக் கொண்டுள்ளன. இவர்களது உணவுகளில் பயன்படுத்தப்படும் மசாலாக்கள் மிகவும் தனித்தன்மை கொண்டு விளங்குகின்றன மற்றும் இவை பெரும்பாலும் அவர்களாலேயே தயாரிக்கப்படுகிறது.

பலவிதமான குழம்பு வகைகள்:

சாம்பார்: பருப்பு, காய்கறி மற்றும் புளியுடன் தயாரிக்கப்பட்ட மிகவும் பிரபலமான தென்னிந்திய காய்கறி குழம்பு.

ரசம்: தக்காளி, சீரகம், மிளகு, மிளகாய், பூண்டு, கறிவேப்பிலை சேர்த்து தயாரிக்கப்பட்ட ஒரு புளிப்பு சார்ந்த தளர்ச்சியான குழம்பு வகை மற்றும் பருப்புகளை சேர்த்து காய்கறி கலவையுடன் சேர்த்துக் கொள்ளலாம். இஞ்சி ரசம் , பூண்டு ரசம், தக்காளி ரசம் , மிளகு ரசம், கொள்ளு ரசம் இவற்றுள் சில.

குழம்பு: துவரம்பருப்பு, பாசிப்பயறு, தட்டைப்பயறு மற்றும் பலவகை பயிர்களுடன் பல வகையான காய்கறிகளும் சேர்த்து சமைக்கப்படுகிறது. மோர் குழம்பு , புளி குழம்பு , மிளகு குழம்பு இவற்று சில.

சிற்றுண்டி வகைகள்:

ஊத்தப்பம், தோசை(பல வகைகள்), உளுந்து வடா , பணியாரம், இட்லி, சேமியா சேவை, பூரி, உப்மா , வெண் பொங்கல், வேகவைத்தது தாளித்த அவல், புட்டு ,அடை தோசை (பல வகையான பயறுகள் சேர்த்து ச��ய்யப்படும் ஒன்று ), பரோட்டா , கொத்து பரோட்டா , இடியாப்பம் மற்றும் பல. ச��்பாத்தி மிகவும் குறைவாகவே எடுத்துக்கொள்ளப்படுகிறது.

பாரம்பரிய உணவுகளான கம்மங்கூழ், ராகிக்கூழ், ராகி ரொட்டி, கேழ்வரகு கூழ் இவற்றுடன் இணை உணவாக மிளகாய் வத்தல், சின்ன வெங்காயம், எலுமிச்சை ஊறுகாய் , பூண்டு ஊறுகாய் மற்றும் மாங்காய் ஊறுகாய் போன்றவையும் பருவநிலை மாற்றங்களுக்கு ஏற்ப கோடை வெயிலின் தாக்கத்தைக் குறைக்க உணவாக உட்கொள்ளப்படுகிறது.

இட்லி உடன் பரிமாறப்படும் நாட்டு கோழி குழம்பு, ஆட்டுக்கறி குழம்பு மிகவும் சுவையானதாகும். இது பல்வேறு மாநிலங்கள் மற்றும் நாட்டை சேர்ந்த மக்களால் விரும்பி உண்ணப்படுகிறது.

சட்னி வகைகள்:

தேங்காய், கடலை, வேர்க்கடலை, இஞ்சி, தக்காளி, வெங்காயம், பிரண்டை , புதினா, கொள்ளு, கொத்தமல்லி என பல விதமான சட்னி வகைகள் இங்கு பரிமாற படுகின்றன.

கீரை வகைகள்:

புளிச்ச கீரை, வெந்தய கீரை, சிறு கீரை, மணித்தக்காளி, பசலை கீரை (பருப்புடன் சேர்த்து சமைக்கப்படுகிறது), பொன்னாங்கண்ணி, அகத்திக்கீரை, கற்பூரவள்ளி கீரை, முருங்கைக்கீரை என பலவைகயான கீரை வகைகள் இங்கு அன்றாட வாழ்வில் எடுத்துக்கொள்ளப் படுகின்றன.

மாமிச உணவுகள்:

நாட்டு கோழி, ஆட்டிறைச்சி பரவலாக உட்கொள்ளப்படுகிறது. இவற்றுடன் மீன் உணவுகளும் எடுத்துக்கொள்ளப்படுகின்றன. பெரும்பாலும் கடற்கரையோர பகுதிகளில் அதிகப்படியான கடல் உணவுகள் (இறால், நண்டு, கெளுத்தி, வஞ்சரம் மற்றும் பல) உட்கொள்ளப்படுகின்றன. பலவிதமான முட்டை உணவுகளும் உட்கொள்ளப்படுகின்றன.

நாட்டுக்கோழி, ஆட்டுக்கல் எலும்பு வடிசாறு மிகவும் பிரதானமாகும். மாமிச கறி குழம்புடன் அரிசி சாதம் பரவலாக உட்கொள்ளப்படுகிறது. இவற்றுடன் இட்லி, தோசை போன்றவையும் இங்கு வாழும் மக்களால் விரும்பி உண்ணப்படுகிறது.

காய்கறிகள்:

பீர்க்கங்காய், அவரைக்காய், சுண்டைக்காய், பாகற்காய், புடலங்காய், பூசணிக்காய், வெண்டைக்காய், கேரட், பீன்ஸ், காலிஃளார், கத்தரிக்காய், சுரைக்காய், முருங்கைக்காய், முள்ளங்கி,கொத்தவரங்காய், வாழைக்காய் , வாழைத்தண்டு மற்றும் வாழைப்பூ என அனைத்து வகையான காய்கறிகளும் இங்கு சமைக்கப்படுகின்றன. இவை பாரம்பரியமாகவே இப்பகுதியில் வாழும் மக்களால் உண்ணப்படுகின்றன.

இனிப்பு மற்றும் தின்பண்ட வகைகள்:

அதிரசம், லட்டு, அல்வா ,பொங்கல், பாயாசம் (பருப்பு, பால், சேமியா மற்றும் பல), தேங்காய் மிட்டாய், ரவா லட்டு, இனிப்பு சமோசா,பால் கோவா, கொழுக்கட்டை ரசகுல்லா, ஜாமுன், அடை, சீடை, காரை சேவ், முறுக்கு, போண்டா, வடா, பஜ்ஜி மற்றும் பல.

தமிழ்நாட்டு உணவின் தனி சுவைக்குக் காரணம் இங்கு தயாரிக்கப்படும் மசாலாக்களும் உணவைத் தயாரிக்கும் முறைகளுமேயாகும்.

இவ்வாறு உணவும், அவற்றைத் தயாரிக்கும் முறைகளும் இடத்திற்கேற்ப மாறுபடுகின்றன. உணவு வகைகளும் மக்கள் வாழும் பகுதிக்கேற்ப வேறுபடுகிறது. இந்த வேறுபாடே நமது தேடலுக்கு ஓர் தொடக்கப்புள்ளியாகும்.

நாடும், மொழியும், மதமும் வேறானாலும் உணவும், கலாச்சாரமும், பாரம்பரியமும் இவ்வுலக மக்கள் அனைவரையும் இணைக்கும் ஓர் பாலமாக உள்ளது.

உணவை அன்போடு சமைப்போம்! அன்போடு பரிமாறுவோம்!

அளவோடு உண்போம், ��ிறிதளவும் வீணாக்காமல்!

நன்றி!

#cook #cooking #indiancooking #food #life #taste #tastyfood #india

1 note · View note