#मेट्रोच्या | Explore Tumblr posts and blogs

airnews-arngbad · 2 months ago

Text

Regional Marathi Text Bulletin, Chhatrapati Sambhajinagar

Date – 06 October 2024

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०६ऑक्टोबर २०२४ सकाळी ७.१० मि.

****

मराठी भाषेमुळे देशाचं सांस्कृतिक वैविध्य अधिक समृद्ध होत असल्याचं पंतप्रधानांचं प्रतिपादन, ठाणे तसंच वाशिम इथं विविध विकास कामांचं लोकार्पण

संविधान रक्षणासाठी आरक्षणाची मर्यादा काढण्याचं खासदार राहुल गांधी यांचं आश्वासन

छत्रपती संभाजीनगर इथं आज मुख्यमंत्री माझी लाडकी बहीण योजनेच्या लाभार्थ्यांचा सन्मान आणि राज्यस्तरीय विविध योजनांचा लोकार्पण सोहळा

एनआयए तसंच एटीएसची छत्रपती संभाजीनगरसह जालन्यात कारवाई-तीन जण ताब्यात

मोसमी पावसाचा राज्यातून परतीचा प्रवास सुरू

आणि

महिला टी ट्वेंटी क्रिकेट विश्वचषक स्पर्धेत आज भारत - पाकिस्तान सामना, तर भारत - बांगलादेश पुरुष संघांमध्ये आज पहिला टी ट्वेंटी सामना

****

मराठी भाषेमुळे देशाचं सांस्कृतिक वैविध्य अधिक समृद्ध होत असल्याचं प्रतिपादन, पंतप्रधान नरेंद्र मोदी यांनी केलं आहे. मराठी भाषेला अभिजात दर्जा दिल्याबद्दल काल मुंबईत राज्य सरकारच्या वतीनं पंतप्रधानांचा सत्कार करण्यात आला, त्यावेळी ते बोलत होते. पैठणीचा शेला, मराठी भाषेचं बोधचिन्ह, संत ज्ञानेश्वरांची प्रतिमा आणि कवीवर्य कुसुमाग्रजांचा काव्यसंग्रह देऊन पंतप्रधानांचा सत्कार करण्यात आला. या सत्काराला उत्तर देतांना, मराठी भाषेला हा सन्मान म्हणजे छत्रपती शिवाजी महाराजांना राज्याभिषेकाच्या साडे तीनशेव्या वर्षात संपूर्ण देशाने केलेला मानाचा मुजरा असल्याची भावना पंतप्रधानांनी व्यक्त केली. ते म्हणाले...

मराठी भाषेला हा दर्जा संपूर्ण देशाने छत्रपती शिवाजी महाराज यांना त्यांच्या राज्यभिषेकाच्या तीनशे पन्नासव्या वर्षात केलेला मानाचा मुजरा आहे. मराठी भाषा का इतिहास बहोत समृद्ध रहा है। इस भाषा से ज्ञान की जो धारायें निकली उन्होंने कई पिढीयों का मार्गदर्शन किया है। और वो आज भी हमें रास्ता दिखाती है।

मराठी भाषेला हा दर्जा मिळाल्यानंतर या भाषेत संशोधन आणि शिक्षणाचं प्रमाण वाढेल, असं सांगत, जगभरात मराठी भाषा पोहोचली पाहिजे, अशी अपेक्षा पंतप्रधानांनी व्यक्त केली. या कार्यक्रमात ज्येष्ठ पार्श्वगायिका आशा भोसले, ज्येष्ठ साहित्यिक स��ानंद मोरे, ज्येष्ठ अभिनेते सचिन पिळगांवकर, आदी मान्यवरांनी आपल्या भावना व्यक्त केल्या.

दरम्यान, काल ठाणे इथं, ठाणे आणि मुंबईतल्या ३२ हजार ८०० कोटी रुपयांच्या विविध नागरी विकास प्रकल्पांचं उद्घाटन आणि पायाभरणी पंतप्रधानांच्या हस्ते यावेळी करण्यात आली, यामध्ये मुंबई मेट्रोच्या आरे ते वांद्रे कुर्ला संकुल या भूमिगत मेट्रो टप्प्याचं उद्घाटन, ठाणे मेट्रो रेल्वे प्रकल्पाची पायाभरणी, तसंच नवी मुंबई विमानतळ प्रभाव क्षेत्र विकासासाठी नैना प्रकल्पाच्या पायाभरणीचा समावेश आहे.

दरम्यान, वाशिम जिल्ह्यात पोहरादेवी इथं विविध विकास कामांचं उद्घाटन तसंच पायाभरणी पंतप्रधानांच्या हस्ते करण्यात आली. या कार्यक्रमाला केंद्रीय कृषीमंत्री शिवराजसिंह चौहान, केंद्रीय पशूसंवर्धन आणि दुग्धविकास मंत्री राजीवरंजन सिंह, केंद्रीय आयुष राज्यमंत्री प्रता��राव जाधव, राज्यपाल सी पी राधाकृष्णन, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार, यांच्यासह अनेक मान्यवर उपस्थित होते.

यावेळी केलेल्या भाषणात पंतप्रधानांनी, देशाचं आर्थिक पातळीवर नेतृत्व करण्याची महाराष्ट्रात असीम क्षमता असून, सर्वांनी एकत्र येऊन विकसित भारत आणि विकसित महाराष्ट्रासाठी काम करण्याचं आवाहन केलं. ते म्हणाले...

साथीयों हमारे महाराष्‍ट्र मे देश के आर्थिक प्रगती का नेतृत्व करने की असीम क्षमता है। ये तभी होगा जब गांव, गरीब, किसान, मजदूर, दलित, वंचित सबको आगे बढाने का अभियान मजबुती से चलता रहेगा। मुझे विश्वास है, आप सब अपना आशीर्वाद बनाये रखेंगे। हम सब साथ मिलकर विकसित महाराष्‍ट्र, विकसित भारत के सपने को पुरा करेंगे।

प्रधानमंत्री किसान सन्मान निधीच्या १८ व्या, आणि प्रधानमंत्री नमो शेतकरी महासन्मान निधी योजनेच्या ५ व्या हप्त्याचं वितरण मोदी यांच्या हस्ते यावेळी करण्यात आलं. कृषी पायाभूत सुविधा निधी अंतर्गत १ हजार ९२० कोटी रुपयांचे साडे सात हजाराहून अधिक प्रकल्प त्यांनी राष्ट्राला समर्पित केले. मुख्यमंत्री माझी लाडकी बहीण योजनेअंतर्गत प्रातिनिधिक स्वरुपात लाभार्थी महिलांना पंतप्रधानांच्या हस्ते धनादेश प्रदान करण्यात आले.

शेतीला दिवसा वीज पुरवठा करणासाठी १६ हजार मेगावॅट क्षमतेच्या जगातील सर्वात मोठ्या विकेंद्रित सौर ऊर्जा निर्मिती प्रकल्पाच्या पहिल्या पाच सौर ऊर्जा प्रकल्पांचं लोकार्पण पंतप्रधानांनी केलं. छत्रपती संभाजीनगर, नांदेड, अकोला, बुलडाणा आणि कोल्हापूर जिल्ह्यात हे सौर प्रकल्प आहेत. हे प्रकल्प उभारायला मदत करणाऱ्या ४११ ग्राम ��ंचायतींना २० कोटी ५५ लाख रुपये विकासनिधी त्यांच्या हस्ते प्रदान करण्यात आला.

पोहरादेवी इथल्या बंजारा विरासत संग्रहालयाचं उद्घाटन पंतप्रधानांच्या हस्ते करण्यात आलं. या चार मजली संग्रहालयात बंजारा समाजाची माहिती देणारी १३ प्रदर्शनं आहेत. जगदंबा देवी आणि सेवालाल महाराजांचं दर्शन घेऊन, पंतप्रधानांनी बंजारा समाजातल्या मान्यवरांची भेट घेतली.

****

संविधानाचं रक्षण करायचं असेल तर आरक्षणाची ५० टक्क्यांची मर्यादा काढावी लागेल, असं मत, लोकसभेतले विरोधी पक्षनेते खासदार राहुल गांधी यांनी व्यक्त केलं आहे. काल कोल्हापूर इथं संविधान सन्मान संमेलनात ते बोलत होते. आरक्षणाची ही मर्यादा इंडिया आघाडी हटवेल आणि संसदेत जातनिहाय जनगणनाही मंजूर करण्यात येईल, असं आश्वासन त्यांनी दिलं. कोल्हापूर जिल्ह्यातल्या कसबा बावडा इथं छत्रपती शिवाजी महाराजांच्या पूर्णाकृती पुतळ्याचं राहुल गांधी यांच्या हस्ते अनावरण करण्यात आलं.

दरम्यान, स्वातंत्र्यवीर सावरकर यांच्याविषयी लंडनमध्ये कथित वादग्रस्त वक्तव्य केल्याप्रकरणी राहुल गांधी यांना पुण्याच्या विशेष न्यायालयानं समन्स बजावलं आहे. येत्या २३ ऑक्टोबर रोजी न्यायालयात हजर राहून बाजू मांडण्याचे आदेश त्यांना देण्यात आले आहेत.

****

मुख्यमंत्री महिला सशक्तीकरण अभियानाअंतर्गत मुख्यमंत्री माझी लाडकी बहीण योजनेच्या लाभार्थ्यांचा सन्मान आणि राज्यस्तरीय विविध योजनांचा लोकार्पण सोहळा, आज छत्रपती संभाजीनगर इथं मुख्यमंत्री एकनाथ शिंदे यांच्या उपस्थितीत होणार आहे. शहरातल्या खडकेश्वर परिसरातल्या मराठवाडा सांस्कृतिक मंडळ मैदानावर दुपारी दीड वाजता होणाऱ्या या कार्यक्रमाला जिल्ह्यातल्या लाभार्थी महिलांनी हजर राहण्याचं आवाहन जिल्हाधिकारी दिलीप स्वामी यांनी केलं आहे.

“मुख्यमंत्री लाडकी बहिण योजनेच्या लार्भार्थीचा सन्मान मेळावा आणि त्याच बरोबर शासकीय योजनेचा सुभारंभ माननीय मुख्यमंत्री महाराष्ट्र शासन यांच्या शुभ हस्ते संपन्न होणार आहे. जिल्हाभरातील सर्व महिला भगिनीला विनम्र आहवान आहे की आपण या कार्यक्रमला उपस्थिती लावावी”

दरम्यान, मुख्यमंत्री तीर्थदर्शन योजनेअंतर्गत छत्रपती संभाजीनगर इथल्या ८०० लाभार्थी भाविकांचा पहिला जत्था आज रेल्वेने अयोध्येला रवाना होणार आहे. याच योजनेअंतर्गत नांदेड इथून ज्येष्ठ नागरिकांना घेऊन पहिली रेल्वे येत्या १२ ऑक्टोबरला अयोध्येसाठी निघणार आहे.

राष्ट्रीय तपास यंत्रणा - एनआयए आणि दहशतवाद विरोधी पथक - एटीएसनं काल छत्रपती संभाजीनगर, जालना आणि मालेगाव इथं छापे टाकून चौघांना ताब्यात घेतलं. दहशतवादी संघटनांशी असलेले लागेबांधे आणि विघातक कृत्यातल्या सहभागाप्रकरणी ही कारवाई करण्यात आली. छत्रपती संभाजीनगर इथं किराडपुरा भागातून एक ��णि एन-6 परिसरातून एक अशा दोन जणांना तर जालना इथल्या चमडा बाजार भागातून एका तरुणाला ताब्यात घेतल्याचं वृत्त आहे.

****

मोसमी पावसाचा राज्यातून परतीचा प्रवास कालपासून सुरू झाला. नंदुरबार जिल्ह्यातून काल मोसमी पाऊस परतल्याचं हवामान विभागानं कळवलं आहे. उर्वरीत महाराष्ट्रातूनही पुढच्या आठवड्यात मोसमी पाऊस पूर्णपणे परतून जाईल, असा अंदाज हवामान विभागानं वर्तवला आहे.

****

श्रीक्षेत्र माहूर इथल्या स्कायवॉक आणि लिफ्टच्या कामाला गती देण्यात आली असून, लवकरच हे काम पूर्ण होईल, असा विश्वास, नांदेडचे जिल्हाधिकारी अभिजीत राऊत यांनी व्यक्त केला आहे. या कामासाठी ५१ कोटी रुपये खर्च केले जाणार आहेत. मंदिर परिसरातील रस्ते तसंच इतर सुविधांचाही विकास केला जात असल्याचं राऊत यांनी सांगितलं.

****

नवरात्रादरम्यान तुळजापूर इथं येणाऱ्या भाविकांना आरोग्य सुविधा देण्यासाठी आरोग्य मंत्री डॉ तानाजी सावंत यांच्या संकल्पनेतून तीन ठिकाणी आरोग्य शिबीरं भरवण्यात आली आहेत. येत्या १८ तारखेपर्यंत ही शिबीरं चालणार आहेत. शहराकडे येणाऱ्या रस्त्यांवर १९ आरोग्य पथकं तैनात करण्यात आली असून, १३ रुग्णवाहिका तसंच आरोग्य दूतांची १५ पथकं तैनात आहेत.

****

संयुक्त अरब अमिराती इथं सुरु असलेल्या महिला टी ट्वेंटी क्रिकेट विश्वचषक स्पर्धेत आज भारत आणि पाकिस्तान संघात सामना होणार आहे. हा सामना भारतीय वेळेनुसार दुपारी साडेतीन वाजता सुरू होईल. काल या स्पर्धेत ऑस्ट्रेलिया - श्रीलंका, तसंच इंग्लंड - बांग्लादेश यांच्यात सामने झाले.

दरम्यान, भारत आणि बांगलादेश पुरुष संघांमध्ये तीन टी ट्वेंटी क्रिकेट सामन्यांची मालिका आजपासून सुरु होत आहे. मध्य प्रदेशात ग्वाल्हेर इथं खेळवला जाणारा हा सामना सायंकाळी सात वाजता सुरू होईल.

****

कृष्णा खोऱ्यातून धाराशिव जिल्ह्याला मिळणारं हक्काचं सात टीएमसी पाणी डिसेंबर अखेरपर्यंत जिल्ह्यात येईल , अशी माहिती, आमदार राणा जगजितसिंह पाटील यांनी दिली. तुळजापूर तालुक्यातल्या सिंदफळ इथं पंपग्रह पाहणी दरम्यान ते वार्ताहरांशी बोलत होते.

****

परभणी जिल्ह्यात सफाई कर्मचाऱ्यांची नि:शुल्क आरोग्य तपासणी करण्याची सूचना राष्ट्रीय सफाई कर्मचारी आयोगाचे सदस्य डॉक्टर पी पी वावा यांनी केली आहे. काल जिल्हाधिकारी कार्यालयात झालेल्या बैठकीत ते बोलत होते. आगामी तीन महिन्यात ही तपासणी पूर्ण करण्याची सूचना त्यांनी केली.

****

लातूर जिल्हा परिषदेच्या ११८ शाळांमधल्या क्रीडांगण विकासासाठी ‘खेलो लातूर’ उपक्रम राबव��ा जात आहे. औसा तालुक्यात चलबुर्गा इथल्या मैदानाचं उद्घाटन नुकतंच मुख्य कार्यकारी अधिकारी अनमोल सागर यांच्या हस्ते झाला.

****

0 notes

6nikhilum6 · 2 months ago

Text

Good News: Pune Metro Extends Service Hours on 15th & 16th September 2024

Important Announcement for Pune Metro Passengers पुणे मेट्रोच्या प्रवाशांसाठी आनंद वार्ता प्रवाशांच्या उत्स्फूर्त प्रतिसादामुळे आज दिनांक १५ सप्टेंबर २०२४ व उद्या दिनांक १६ सप्टेंबर २०२४ रोजी पुणे मेट्रोची प्रवासी सेवा सकाळी ६:०० ते मध्यरात्री २:०० वाजेपर्यंत सुरू राहील.… pic.twitter.com/t2pf4x2Ieq — Pune Metro Rail (@metrorailpune) September 15, 2024 With this extended service, Pune Metro…

0 notes

nandedlive · 2 years ago

Text

Cabinet Decision| खुशखबर! सरकारचा शेतकरी हिताचा मोठ्ठा निर्णय, 'इतके' दिवस पाऊस पडल्यास समजली जाणार नैसर्गिक आपत्ती; शेतकऱ्यांना होणार फायदा

Cabinet Decision| अतिवृष्टीमुळं शेतकऱ्यांचं प्रचंड नुकसान होत असतं. अशावेळी सरकार शेतकऱ्यांना मदत करून दिलासा देण्याचं काम करतं. मात्र ही मदत देण्यासाठी काही गोष्टी ठरवाव्या लागतात. त्यापैकीच एक म्हणजे अतिवृष्टी म्हणजे काय? हे ठरवताना मदतीला येतं ते हवामान खातं. मात्र याबाबतीत हवामान खात्यातच संभ्रम आहे. राज्य सरकारने मात्र आता एक निर्णय घेतला आहे यामुळे हा संभ्रम दूर होईल. राज्य मंत्रिमंडळाच्या बैठकीत नैसर्गिक आपत्तीची व्याख्या बदलण्याचा मोठा निर्णय सरकारनं घेतलेला आहे. या निर्णयामुळे शेतकऱ्यांना आपत्तीवेळी मदत मिळणं सुलभ होणार आहे. हा घेतला निर्णय राज्य मंत्रिमंडळाची नुकतीच एक बैठक पार पडली. या.बैठकीत नैसर्गिक आपत्तीची (Natural Calamity) व्याख्या बदलण्याचा निर्णय घेण्यात आला. यानुसार आता सततचा पाऊस ही नैसर्गिक आपत्ती समजली जाणार आहे. सलग पाच दिवस दहा मिलिमीटर पेक्षा जास्त पाऊस पडल्यास ही नैसर्गिक आपत्ती समजण्यात येईल. शेतकऱ्यांच्या हिताच्या या निर्णयाचं शेतकऱ्यांनीही स्वागत केलं आहे. या निर्णयामुळे शेतकऱ्यांना तातडीची मदत मिळण्यात येणारे अडथळे दूर होण्याची आशा आहे. मुख्यमंत्री उपमुख्यमंत्री जाहीर करणार निर्णय या बैठकीनंतर कृषिमंत्री अब्दुल सत्तार पत्रकारांशी बोलले. ते म्हणाले, पाऊस पडून शेतकऱ्यांचं जे नुकसान होतं त्यावर या बैठकीत चर्चा झाली. यानुसार सलग पाच दिवस पाऊस पडून नुकसान झालं तर मदतीची तरतूद करणारा प्रस्ताव कॅबिनेटच्या मीटिंगमध्ये मांडण्यात आला. त्यावर चर्चा झाली असून काही बदलानंतर हा निर्णय घेतला जाणार आहे. यानंतर होणारा अंतिम निर्णय मुख्यमंत्री आणि उपमुख्यमंत्री जाहीर करणार आहेत. सुधीर मुनगंटीवार म्हणाले, हा महत्त्वपूर्ण निर्णय झाला आहे. पाच दिवस पाऊस पडल्यास त्या ठिकाणी शेतकऱ्यांना मदत दिली जाणार आहे. ज्या पिकांचं नुकसान झाल्यानंतर नुकसान भरपाई मिळत नव्हती, त्या पिकांचाही समावेश करण्याचा निर्णय या बैठकीत घेण्यात आला आहे. बैठकीतील इतर निर्णय - सुधारित रेती धोरणास या बैठकीत मान्यता देण्यात आली आहे. यापुढे रेतीचे ��िलाव बंद होणार आहेत. - नागपूर मेट्रोच्या (Metro) दुसऱ्या टप्प्याच्या प्रकल्पास सुधारित मान्यता देण्यात आली आहे. त्यानुसार 43.80 किलोमीटरचा मेट्रोमार्ग उभारण्यात येणार आहे. - देवनार डम्पिंग मैदानावर कचऱ्यापासून ऊर्जा निर्मितीचा प्रकल्प साकार होणार आहे. त्यासाठीच्या आरक्षणात फेरबदल केले आहेत. - महावितरण कंपनीस कर्ज घेण्यास शासनाने हमी दिली ��हे. - नँक (NAC) आणि एनबीए (NBA) मूल्यांकनाच्या मार्गदर्शनासाठी ‘परिस स्पर्श योजना’ सुरू करण्यात येणार आहे. Read the full article

0 notes

mhlivenews · 2 years ago

Text

नागपूर मेट्रोचे प्रधानमंत्री नरेंद्र मोदी यांच्या हस्ते लोकार्पण

नागपूर, दि.११ : नागपूर शहरातील सार्वजनिक वाहतूक व्यवस्था मजबूत करणाऱ्या नागपूर मेट्रोच्या पहिल्या टप्प्यातील दोन मार्गाचे लोकार्पण तसेच दुसऱ्या टप्प्यातील मेट्रो विस्तारीकरण प्रकल्पाची पायाभरणी आज प्रधानमंत्री नरेंद्र मोदी यांच्या हस्ते खापरी मेट्रो स्थानकावर करण्यात आली. याप्रसंगी राज्यपाल भगत सिंह कोश्यारी, मुख्यमंत्री एकनाथ शिंदे, केंद्रीय रस्ते वाहतूक व महामार्ग मंत्री नितीन गडकरी, केंद्रीय…

View On WordPress

0 notes

darshanpolicetime1 · 2 years ago

Text

नागपूर मेट्रोचे प्रधानमंत्री नरेंद्र मोदी यांच्या हस्ते लोकार्पण

View On WordPress

0 notes

nashikfast · 2 years ago

Text

मेट्रोच्या भुर्दंडाचे दहा हजार कोटी ठाकरेंकडून वसूल करा : केशव उपाध्ये

उद्धव ठाकरे आणि त्यांचे पुत्र आदित्य ठाकरे यांच्या बालिश हट्टामुळेच मेट्रो कारशेडचे काम रखडल्यामुळे मुंबईकरांवर दहा हजार कोटींचा वाढीव बोजा पडल्याचे स्पष्ट झाले आहे. हा मुंबईद्रोह असून राज्याबद्दल उद्योगक्षेत्रात संशयाचे वातावरण तयार करून आता महाराष्ट्र द्रोह केला जात आहे, असा थेट आरोप प्रदेश भाजपाचे मुख्य प्रवक्ते केशव उपाध्ये यांनी बुंधवारी केला. मेट्रोचे काम रखडवल्याबद्दल उद्धव व आदित्य या…

View On WordPress

0 notes

vicharbhaskar · 5 years ago

Text

आदित्य ठाकरे ...... नवीन महाराष्ट्राचे भवितव्य

ना.आदित्य ठाकरे

स.न.वि.वि.

विषय :एबीपी माझा वरील आपली मुलाखत

महोदय,

काल दिनांक 22. 2. 20 रोजी आपली एबीपी माझा वरील प्रकट मुलाखत ऐकली पाहिली. आपण अनेक गोष्टी आत्मसात करण्याचा जो प्रयत्न करत आहात तो अभिनंदनीय आहे. प्रश्न कोणीही मांडू शकतात. व महाराष्ट्रात बरेचसे नेतृत्व प्रश्‍नांच्या पार्श्वभूमीवर जन्माला आलेले आहेत .तथापि गेल्या साठ वर्षांत महाराष्ट्राचे अनेक प्रश्न सुटलेले नाहीत. ग्रामीण गरिबी आणि शहरी श्रीमंती यामध्ये जमीन-अस्मानाचा फरक आहे. लोकसंख्या ,ग्लोबल वॉर्मिंग ,जंगलाची वाढ, कृषी क्षेत्राची परवड ,पाण्याचे किमान समान वाटपाचे सूत्र, दीर्घकालीन मेट्रोच्या योजनांमुळे निर्माण झालेली वाहतूक कोंडी ,शहरातील हवेतील प्रदूषण, ग्रामीण शहरी तरुण मंडळींचा बेरोजगारीमुळे निर्माण झालेला असंतोष ,स्त्रियांवरील अत्याचार ,धार्मिक जातीय तणाव ,साठ वर्षे होऊनही दोन कोटी ग्रामीण महिलांना तासंतास, दिवसेंदिवस, पाण्यासाठी खर्च करावे लागतात त्यामुळे होणारा मनुष्यबळाचा ऱ्हास, कोर्टातील अक्षम्य दिरंगाई ,आपत्ती संरक्षणाची अपुरी साधने व पथके, भिजत पडलेला सीमावाद ,असे अनेक प्रश्न अनुत्तरीत आहेत .आता महाराष्ट्राला खऱ्या अर्थाने अभ्यासू उत्तरदायी सकारात्मक विचार करणाऱ्या परंतु संयमी उत्तरदायी नेतृत्वाची गरज आहे. म्हणून आपण पर्यावरण आणि पर्यटन ही दोन्ही खाती अवघड आहेत व महत्त्वाची आहेत ती यशस्वीरीत्या हाताळू शकाल अशी आपल्या मुलाखाती वरून माझी समजूत झाली आहे. मी 82 वर्षीय स्थापत्य अभियंता असून पाणी शेती सहकार सामाजिक आर्थिक राजकीय परिस्थिती याबाबत गेली 60 वर्ष जागरूकपणे लिहीत आलेलो आहे. व उपरोक्त विषयावर मी गेले पन्नास वर्ष बरेच लिखाण केले आहे व कृषी क्षेत्रामध्ये स्ट्रॉबेरी व स्वीटकॉर्न ही पिके महाराष्ट्रात चालू केली आहेत . तीस वर्ष त्यात भरपूर प्रगती केली आहे व आणखी प्रगती होणे शक्य आहे. सदर विषयांमध्ये मी वेळोवेळी केलेल्या बहुमूल्य सूचना या फडणीस सरकारने अजिबात विचारात घेतल्या ना��ीत. त्यामुळे महाराष्ट्रात मोठी पिछेहाट झाली. मी आपल्याशी संपर्कात राहील व एकावेळी एक विषयाची मांडणी आपल्यासमोर करीन. आपण त्यावर जरूर ॲक्शन घ्याल अशी आशा आहे. कै. यशवंतराव चव्हाण यांनी 25.12. 1960 रोजी मी वालचंद इंजिनिअरिंग कॉलेजचा विद्यार्थी संघटनेचा अध्यक्ष असताना वार्षिक स्नेहसंमेलनानिमित्त त्यांना निमंत्रण दिले असताना त्यांनी मला आग्रहाने राजकारणात येण्याची आज्ञा केली होती .तथापि एका प्राथमिक शिक्षकांचा मुलगा सहा भावंडांचे कुटुंब त्यामुळे घरची नाजूक आर्थिक परिस्थिती म्हणून मला तात्काळ नोकरी पत्करावी लागली व मी नगर शहराचे शहर अभियंता म्हणून काम स्वीकारले .हे फक्त आपल्या माहितीकरता कळवत आहे माझी दहा प्रकाशित पुस्तके आपल्याला मार्गदर्शक ठरतील त्यापैकी काही पुस्तके मी मुख्यमंत्र्यांना पाठवीत आहे व ती तुम्ही जरूर वाचून पहावीत.

कळावे आपला,

भास्करराव म्हस्के

#architecture #advertising #politics #sale #affiliate marketing

1 note · View note

automaticthinghoagiezine · 2 years ago

Video

youtube

जे एल एल आणि क्रीडाई नाशिक मेट्रोच्या वतीने भव्य भव्य प्रदर्शनामध्ये ललि...

#youtube

0 notes

bharatlivenewsmedia · 1 year ago

Text

महत्वाची बातमी: पुणे मेट्रोच्या वेळापत्रकात बदल

https://bharatlive.news/?p=121099 महत्वाची बातमी: पुणे मेट्रोच्या वेळापत्रकात बदल

पुणे: मेट्रो आता ...

0 notes

airnews-arngbad · 2 months ago

Text

Regional Marathi Text Bulletin, Chhatrapati Sambhajinagar

Date – 05 October 2024

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०५ ऑक्टोबर २०२४ सायंकाळी ६.१०

****

मराठी भाषेला अभिजात दर्जा हा ज्ञान, आध्यात्म आणि साहित्याच्या समृद्ध परंपरेचा सन्मान असल्याचं पंतप्रधानांचं प्रतिपादन-ठाणे तसंच वाशिम इथं विविध विकास कामांचं लोकार्पण

एनआयए तसंच एटीएसची छत्रपती संभाजीनगरासह जालन्यात कारवाई-तीन जण ताब्यात

आणि

मोसमी पावसाचा राज्यातून परतीचा प्रवास सुरू

****

मराठी भाषेला अभिजात दर्जा हा ज्ञान, आध्यात्म आणि साहित्याच्या समृद्ध परंपरेचा सन्मान असल्याचं प्रतिपादन पंतप्रधान नरेंद्र मोदी यांनी केलं आहे. आज ठाणे इथं, ठाणे आणि मुंबईतल्या विविध विकास प्रकल्पांचं लोकार्पण आणि पायाभरणी पंतप्रधानांच्या हस्ते करण्यात आली, त्यावेळी ते बोलत होते. आपल्या भाषणाची सुरुवात पंतप्रधानांनी मराठीतून केली. ते म्हण��ले –

आमच्या मराठी भाषेला अभिजात भाषेचा दर्जा दिला आहे. ये उस परंपरा का सम्मान है, जिसने देश को ज्ञान, दर्शन, अध्यात्म, और साहित्य की समृध्द संस्कृती दी है। मै इसके लिये मराठी बोलने वाले सभी लोगों को बधाई देता हूं।

पंतप्रधानांच्या हस्ते ३२ हजार ८०० कोटी रुपयांच्या विविध नागरी विकास प्रकल्पांचं उद्घाटन आणि पायाभरणी करण्यात आली, यामध्ये मुंबई मेट्रोच्या आरे ते वांद्रे कुर्ला संकुल या भूमिगत मेट्रो टप्प्याचं उद्‌घाटन, ठाणे इंटिग्रल रिंग मेट्रो रेल्वे प्रकल्प आणि उन्नत पूर्व मुक्त मार्ग विस्तार प्रकल्पांची यावेळी पायाभरणी, ठाणे महानगरपालिकेच्या प्रस्तावित इमारतीचं भूमिपूजन, तसंच नवी मुंबई विमानतळ प्रभाव क्षेत्राच्या विकासासाठी नैना प्रकल्पाची पायाभरणीचा समावेश आहे.

दरम्यान, वाशिम जिल्ह्यात पोहरादेवी इथं विविध विकास कामांचं उद्‌घाटन तसंच पायाभरणी पंतप्रधानांच्या हस्ते करण्यात आली. या कार्यक्रमाला केंद्रीय कृषीमंत्री शिवराजसिंह चौहान, केंद्रीय पशूसंवर्धन आणि दुग्धविकास मंत्री राजीवरंजन सिंह, केंद्रीय आयुष राज्यमंत्री प्रतापराव जाधव, राज्यपाल सी पी राधाकृष्णन, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार, यांच्यासह अनेक मान्यवर उपस्थित होते.

प्रधानमंत्री किसान सन्मान निधीच्या १८ व्या, आणि प्रधानमंत्री नमो शेतकरी महासन्मान निधी योजनेच्या ५ व्या हप्त्याचं वितरण पंतप्रधानांच्या हस्ते यावेळी करण्यात आलं. कृषी पायाभूत सुविधा निधी अंतर्गत १ हजार ९२० कोटी रुपयांचे साडे सात हजाराहून अधिक प्रकल्प त्यांनी राष्ट्राला समर्पित केले. मुख्यमंत्री माझी लाडकी बहीण योजनेअंतर्गत प्रातिनिधिक स्वरुपात लाभार्थी महिलांना पंतप्रधानांच्या हस्ते धनादेश प्रदान करण्यात आले.

शेतीला दिवसा वीज पुरवठा करण्यासाठी १९ मेगावॅट क्षमतेच्या ५ सौर ऊर्जा प्रकल्पांचं लोकार्पण पंतप्रधानांनी केलं. छत्रपती संभाजीनगर, नांदेड, अकोला, बुलडाणा आणि कोल्हापूर जिल्ह्यात हे सौर प्रकल्प आहेत. हे प्रकल्प उभारायला मदत करणाऱ्या ४११ ग्राम पंचायतींना २० कोटी ५५ लाख रुपये विकासनिधी पंतप्रधानांच्या हस्ते प्रदान करण्यात आला. पोहरादेवी इथल्या बंजारा विरासत संग्रहालयाचं उद्‌घाटन पंतप्रधानांच्या हस्ते करण्यात आलं. या चार मजली संग्रहालयात बंजारा समाजाची माहिती देणारी १३ प्रदर्शनं आहेत. जगदंबा देवी आणि सेवालाल महाराजांचं दर्शन घेऊन, पंतप्रधानांनी बंजारा समाजातल्या मान्यवरांची भेट घेतली.

वाशिमचे पालकमंत्री संजय राठोड यांनी संपूर्ण देशातील बंजारा समाजातील जातींना एका सूचित समाविष्ट करणं तसंच बंजारा भाषेचा संविधानाच्या आठव्या सूचित समावेश करण्यात यावा अशी मा��णी केली.

दरम्यान, या दौऱ्यासाठी पंतप्रधान आज सकाळी नांदेड मार्गे पोहरादेवीकडे रवाना झाले, यावेळी नांदेड विमानतळावर खासदार अशोक चव्हाण, खासदार अजित गोपछडे, जिल्हाधिकारी अभिजीत राऊत आदी मान्यवरांनी पंतप्रधानांचं स्वागत केलं. पोहरादेवी इथला कार्यक्रम आटोपून दुपारच्या सुमारास पंतप्रधान नांदेडमार्गे ठाण्याला रवाना झाले.

****

नाशिक- मुंबई ‘नमो भारत रॅपिड रेल्वे’ ही उपनगरी रेल्वे सेवा लवकरच सुरु होणार आहे. रेल्वेमंत्री अश्विनी वैष्णव यांनी ही माहिती दिली. भाजप पदाधिकाऱ्यांनी रेल्वमंत्री अश्विनी वैष्णव यांची भेट घेत, या रेल्वे सेवेची मागणी केली होती.

****

नागपूर इथं उभारलेल्या दुमजली उड्डाणपुलाचं आज केंद्रीय रस्ते वाहतूक आणि महामार्ग मंत्री नितीन गडकरी यांच्या उपस्थितीत लोकार्पण झालं. हा पूल आशियातील चारस्तरीय वाहतूक असणारा पहिला दुमजली उड्डाणपूल ठरला असल्याचं प्रतिपादन गडकरी यांनी केलं.

****

संविधानाचं रक्षण करायचं असेल तर आरक्षणाची ५० टक्क्यांची मर्यादा काढावी लागेल, असं मत, लोकसभेतील विरोधी पक्षनेते खासदार राहुल गांधी यांनी व्यक्त केलं आहे. आज कोल्हापूर इथं संविधान सन्मान संमेलनात ते बोलत होते. आरक्षणाची ही मर्यादा इंडिया आघाडी हटवेल आणि संसदेत जातनिहाय जनगणनाही मंजूर करण्यात येईल, असं आश्वासन गांधी यांनी दिलं.

खासदार शाहू महाराज, महाराष्ट्र प्रभारी रमेश चेन्निथला, प्रदेशाध्यक्ष नाना पटोले, विरोधी पक्षनेते विजय वडेट्टीवार यांच्यासह काँग्रेसचे अनेक पदाधिकारी यावेळी उपस्थित होते. दरम्यान, कोल्हापूर जिल्ह्यातील कसबा बावडा इथं छत्रपती शिवाजी महाराजांच्या पूर्णाकृती पुतळ्याचं राहुल गांधी यांच्याहस्ते अनावरण करण्यात आलं.

****

मुख्यमंत्री महिला सशक्तीकरण अभियानाअंतर्गत मुख्यमंत्री माझी लाडकी बहीण योजनेच्या लाभार्थ्यांचा सन्मान आणि राज्यस्तरीय विविध योजनांचा लोकार्पण सोहळा उद्या रविवारी छत्रपती संभाजीनगर इथं होणार आहे. शहरातल्या खडकेश्वर परिसरातील मराठवाडा सांस्कृतिक मंडळ मैदानावर दुपारी दीड वाजता हा कार्यक्रम होणार आहे. या कार्यक्रमाला मुख्यमंत्री एकनाथ शिंदे, यांच्यासह अनेक मान्यवर उपस्थित राहणार आहेत.

****

राष्ट्रीय तपास यंत्रणा एनआयए आणि दहशतवाद विरोधी पथक एटीएसनं आज पहाटेच्या सुमारास छत्रपती संभाजीनगर, जालना आणि मालेगाव इथं छापे टाकून चौघांना ताब्यात घेतलं. दहशतवादी संघटनांशी असलेले लागेबांधे आणि विघातक कृत्यातल्या सहभागाप्रकरणी ही कारवाई करण्यात आली. छत्रपती संभाजीनगर इथं किराडपुरा भागातून एक आणि एन-6 परिसरातून एक अशा दोन जणांना तर जालना इथल्या चमडा बाजार भागातून एका तरुणाला ताब्यात घेतल्याचं वृत्त आहे.

****

मोसमी पावसाचा राज्यातून परतीचा प्रवास आजपासून सुरू झाला. नंदुरबार जिल्ह्यातून आज मोसमी पाऊस परतल्याचं हवामान विभागानं कळवलं आहे. उर्वरीत महाराष्ट्रातूनही पुढच्या आठवड्यात मोसमी पाऊस पूर्णपणे परतून जाईल, असा अंदाज हवामान विभागानं वर्तवला आहे.

****

मुंबईतील अधेरी विधानसभा मतदार संघाचे माजी आमदार सिताराम दळवी यांचं आज दुपारी वृद्धापकाळानं निधन झालं. ते ८२ वर्षांचे होते. मनसे नेते संदिप दळवी यांचे ते वडिल होत. अंधेरी विधानसभा मतदार संघातून १९९५ साली ते शिवसेनेचे आमदार म्हणून निवडून आले होते.

****

केंद्रीय मंत्री रामदास आठवल�� यांनी आज बीड इथं दिवंगत विनायक मेटे यांच्या समाधीचं दर्शन घेतलं. विनायक मेटे यांचं मराठा आरक्षण चळवळीत खूप मोठे योगदान असून, त्यांच्या अकाली जाण्यानं समाजाची खूप मोठी हानी झाल्याची भावना आठवले यांनी व्यक्त केली. यावेळी शिवसंग्रामच्या प्रमुख ज्योती मेटे आणि कार्यकर्ते उपस्थित होते.

****

मुख्यमंत्री तीर्��दर्शन योजने अंतर्गत छत्रपती संभाजीनगर इथल्या ८०० लाभार्थी भाविकांचा पहिला जत्था उद्या रेल्वेने अयोध्येला रवाना होणार आहे. मुख्यमंत्री एकनाथ शिंदे तसंच उपमुख्यमंत्री देवेंद्र फडणवीस आणि अजित पवार हे दूरदृष्यप्रणालीद्वारे यात्रेकरुंना शुभेच्छा देणार आहेत. पालकमंत्री अब्दुल सत्तार हे रेल्वे स्थानकावर उपस्थित राहून हिरवा झेंडा दाखवणार आहेत.

****

0 notes