#धावांनी

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक: २५ डिसेंबर २०२४ सकाळी ७.१० मि.

Regional Marathi Text Bulletin, Chhatrapati Sambhajinagar Date: 25 December 2024 Time: 7.10 to 7.20 AM Language Marathi

आकाशवाणी छत्रपती संभाजीनगर प्रादेशिक बातम्या दिनांक: २५ डिसेंबर २०२४ सकाळी ७.१० मि.

• देशातल्या पहिल्या नदी जोड प्रकल्पाची आज पंतप्रधान नरेंद्र मोदी यांच्या हस्ते पायाभरणी • हरित उर्जेच्या माध्यमातून शेतकरी दुसरी हरित क्रांती घडवतील-सौर कृषी वाहिनी लोकार्पण सोहळ्यात मुख्यमंत्र्यांकडून विश्वास व्यक्त • मराठवाडा विकासाच्या विविध निर्णयांवर अद्याप अंमलबजावणी नाही-अंबादास दानवे यांची टीका • येशू ख्रिस्ताचा जन्मदिवस नाताळच्या पार्श्वभूमीवर सर्वत्र उत्साहाचं वातावरण आणि • वेस्ट इंडीजचा ११५ धावांनी पराभव करत भारतीय महिला क्रिकेट संघाची मालिकेत दोन शून्य अशी विजयी आघाडी

देशातल्या पहिल्या नदी जोड प्रकल्पाची आज पंतप्रधान नरेंद्र मोदी यांच्या हस्ते पायाभरणी होत आहे. मध्यप्रदेशात खजुराहो इथं होणाऱ्या कार्यक्रमात पंतप्रधानांच्या हस्ते केन बेतवा नदी जोड प्रकल्पासह विविध विकास कामांचं भूमिपूजन होणार आहे. माजी पंतप्रधान भारतरत्न अटलबिहारी वाजपेयी यांच्या जन्मशताब्दी वर्षाला आज प्रारंभ होत आहे. या निमित्तानं देशभरात एक हजार १५३ अटल ग्राम सुशासन भवनांची पायाभरणी पंतप्रधान आज करतील. एका टपाल तिकिटाचं तसंच विशेष नाण्याचं अनावरणही पंतप्रधानांच्या हस्ते होणार आहे.

हरित उर्जेच्या माध्यमातून राज्यातील शेतकरी दुसरी हरित क्रांती घडवतील, असा विश्वास मुख्यमंत्री देवेंद्र फडणवीस यांनी व्यक्त केला आहे. मुख्यमंत्री सौर कृषी वाहिनी प्रकल्प दोन अंतर्गत वाशिम जिल्ह्यातील उंबरडा बाजार आणि धाराशिव जिल्ह्यातल्��ा नारंगवाडी इथल्या प्रकल्पांचं मुख्यमंत्र्यांच्या हस्ते काल दूरदृश्य प्रणालीद्वारे लोकार्पण करण्यात आलं, त्यावेळी ते बोलत होते. मुख्यमंत्री सौर कृषी वाहिनी योजनेमुळे शेतकऱ्यांना दिवसा शाश्वत आणि मोफत वीज उपलब्ध होईल, असं फडणवीस यांनी सांगितलं. ते म्हणाले… शेतकऱ्यांना एकूण १६ हजार मेगावॅट एवढी वीज आपल्याला द्यावी लागते, ती आपल्याला सात रुपये, आठ रुपये पडायची आणि शेतकऱ्यांकडून आपण सव्वा रुपये, दीड रुपये वसूल करायचो. पण आता ही आठ रुपयाची वीज सौरऊर्जेमुळे तीन रुपयांमध्ये आपल्याला मिळणार आहे आणि म्हणून भविष्यात शेतकऱ्यांना मोफत वीजेची योजना सरकारवर बोजा बनणार नाही. आणि दिवसा वीज शेतकऱ्यांना सस्टेनेबली आपल्याला देता येईल आणि भविष्यामध्ये या हरित ऊर्जेच्या माध्यमातून आपल्या गावामध्ये हरितक्रांती आणाल अशा प्रकारचा विश्वास व्यक्त करून पुन्हा एकदा आपल्या सर्वांना मनःपूर्वक शुभेच्छा देतो.

राज्य मंत्रिमंडळानं छत्रपती संभाजीनगर इथं बैठक घेऊन मराठवाड्याच्या विकासाचे विविध निर्णय घेतले होते, त्यावर अद्याप अंमलबजावणी केली नसल्याची टीका विधान परिषदेतले विरोधी पक्षनेते अंबादास दानवे यांनी केली आहे. ते काल छत्रपती संभाजीनगर इथं पत्रकार परिषदेत बोलत होते. नुकत्याच पार पडलेल्या विधीमंडळाच्या हिवाळी अधिवेशनात हे मुद्दे सभागृहात मांडल्याचं दानवे यांनी सांगितलं. ते म्हणाले… १६ नोव्हेंबर २०२३ ला राज्य मंत्रीमंडळ बैठक झाली होती. त्याच्यात मराठवाड्याच्या विकासाचे मुद्दे या मंत्रीमंडळाच्या बैठकीत मंजूर झाले होते. या विषयावर मी सातत्यानं या अधिवेशनात आवाज उठवलेला आहे. याच्यावर फक्त घोषणा सरकारच्या झालेल्या आहेत. आणि सरकार तसं नवीन जरी असलं तरी मागचं सरकार आणि हे सरकार काय वेगवेगळं अशातला काही भाग नाही.

राष्ट्रीय मानवाधिकार आयोगाच्या अध्यक्षपदी सर्वोच्च न्यायालयातले निवृत्त न्यायमूर्ती व्ही. रामसुब्रमण्यम यांची नियुक्ती करण्यात आली आहे. राष्ट्रपती द्रौपदी मुर्मू यांनी काल या नियुक्तीवर शिक्कामोर्तब केलं. विविध राज्यांच्या राज्यपालांची नियुक्तीही काल करण्यात आली. माजी केंद्रीय मंत्री व्ही के सिंह आता मिझोरामचे राज्यपाल असतील.

राष्ट्रीय ग्राहक दिन काल पाळण्यात आला. ग्राहक व्यवहार विभागानं आज सार्वजनिक वापरासाठी 'जागो ग्राहक जागो ॲप', 'जागृती ॲप' आणि 'जागृती डॅशबोर्ड' ला प्रारंभ केला. केंद्रीय मंत्री प्रल्हाद जोशी यांच्या हस्ते या ॲप तसंच डॅशबोर्डचं अनावरण करण्यात आलं. ऑनलाईन व्यवहारात कोणतीही लिंक असुरक्षित असेल तर जागो ग्राहक जागो ॲप ग्राहकांना सतर्क करतं. बेकायदेशीर असल���ल्या अनेक लिंक संबधीची तक्रार करण्यास जागृती ॲप ग्राहकांना सक्षम करतं तसंच केंद्रीय ग्राहक संरक्षण प्राधिकरणाकडे तक्रार म्हणून नोंद घेतं, असं या बाबतच्या वृत्तात म्हटलं आहे.

ग्राहकांनी वस्तू किंवा सेवा खरेदी करतांना खबरदारी बाळगावी आणि खरेदीची पावती आवर्जून घेण्याचं आवाहन छत्रपती संभाजीनगर जिल्हा ग्राहक तक्रार निवारण आयोगाच्या अध्यक्ष शिल्पा डोलारकर यांनी केलं आहे. तुम्ही जेव्हा पण कुठे वस्तू खरेदी करताल, कोणतीही सेवा घेताल, तेव्हा प्रत्येक गोष्टीची पावती घेणं, प्रत्येक गोष्टीचे प्रॉपर दस्त- डॉक्युमेंट जमा करणे हे जरूर यायला याबाबत तुमचे जर कुठे फसवणूक झाली तर तुम्ही ग्राहक आयोगात येऊन तुमची तक्रार दाखल करू शकतात.

या बातम्या आकाशवाणीच्या छत्रपती संभाजीनगर केंद्रावरून देत आहोत

भगवान येशू ख्रिस्ताचा जन्मदिवस नाताळ आज साजरा होत आहे. या पार्श्वभूमीवर सर्वत्र उत्साहाचं वातावरण असून, ठिकठिकाणच्या चर्चमध्ये विविध कार्यक्रमांचं आयोजन करण्यात आलं आहे. चर्चच्या प्रांगणात येशू जन्माचे देखावे साकारण्यात आले असून, चर्च परिसरात विद्युत रोषणाई करण्यात आली आहे. कॅरोल गायनासह अनेक कार्यक्रमांमध्ये ख्रिस्ती बांधव मोठ्या उत्साहाने सहभागी होत आहेत. अहल्यानगर शहर आणि जिल्ह्यात अनेक घरं तसंच चर्च, विद्युत रोषणाईने उजळले आहेत. जागोजागी दिसणारा सांताक्लॉज आणि नाताळ वृक्ष सर्वाचं लक्ष वेधून घेत आहेत.

मुंबईतल्या स्पंदन आर्ट संस्थेचे १९ वे मोहम्मद रफी पुरस्कार काल राज्यपाल सी. पी. राधाकृष्णन यांच्या हस्ते प्रदान करण्यात आले. दिवंगत गीतकार मजरूह सुलतानपुरी यांना जाहीर झालेला मोहम्मद रफी जीवनगौरव पुरस्कार, त्यांचे पुत्र अंदलिब सुलतानपुरी यांनी स्वीकारला. गायक जावेद अली यांना मोहम्मद रफी पुरस्कार देऊन गौरवण्यात आलं. अनुक्रमे एक लाख रुपये तसंच ५१ हजार रुपये तसंच सन्मानचिन्ह असं या दोन्ही पुरस्कारांचं स्वरूप आहे.

आंतरराष्ट्रीय क्रिकेट परिषद-आयसीसीने चॅम्पियन्स करंडक क्रिकेट स्पर्धेचं वेळापत्रक जाहीर केलं आहे. १९ फेब्रुवारीला कराचीत न्यूझीलंड विरुद्ध पाकिस्तान सामन्यानं या स्पर्धेला सुरुवात होईल. भारताचा पहिला सामना २० फेब्रुवारीला बांगलाद���शसोबत तर २३ फेब्रुवारीला पारंपरिक प्रतिस्पर्धी पाकिस्तानसोबत होणार आहे. भारताचे सर्व सामने दुबईत होणार आहेत. उपांत्य फेरीचा पहिला सामना चार मार्चला दुबईत तर पाच मार्चला लाहोर इथं होणार आहे. अंतिम सामना नऊ मार्चला लाहोर इथं होणार आहे. मात्र उपांत्य तसंच अंतिम फेरीत भारत दाखल झाल्यास, हे सामने दुबईत होतील, असं आयसीसीचे अध्यक्ष जय शहा यांनी सांगितल�� आहे.

महिला क्रिकेटमध्ये भारतानं काल वेस्ट इंडीजचा ११५ धावांनी पराभव करत मालिकेत दोन शून्य अशी विजयी आघाडी घेतली आहे. काल वडोदरा इथं ��ालेल्या या सामन्यात भारतानं दिलेलं ३५९ धावाचं लक्ष्य गाठतांना, वेस्ट इंडीजचा संघ ४७ व्या षटकांत २४३ धावांवर सर्वबाद झाला. या मालिकेतला अखरेचा तिसरा सामना परवा खेळवला जाणार आहे.

माती आणि पाणी यांचा विकास झाला तरच शेतकऱ्यांचं जीवन खऱ्या अर्थाने समृद्ध होईल, असं प्रतिपादन राजस्थानातले पाणी आंदोलनातले ज्येष्ठ कार्यकर्ते राजेंद्रसिंह राणा यांनी केलं आहे. काल अंबाजोगाई इथं डॉ.द्वारकादास लोहिया लोकसहभाग पुरस्कार वितरण कार्यक्रमात ते बोलत होते. कृषिभूषण तथा जलतज्ज्ञ विजय अण्णा बोराडे यांना डॉ.द्वारकादास लोहिया लोकसहभाग पुरस्कार प्रदान करण्यात आला, स्मृती चिन्ह, सन्मानपत्र आणि ५१ हजार रूपये असं या पुरस्काराचं स्वरूप आहे. सत्काराच्या उत्तरात बोराडे यांनी, सेंद्रीय शेती वाढवण्याचं आवाहन केलं.

राष्ट्रीय क्षयरोग निर्मुलन कार्यक्रमांतर्गत हिंगोली जिल्ह्यात तीन जानेवारी पर्यंत सक्रिय क्षयरुग्ण शोध मोहिम राबवण्यात येत आहे. हिंगोली जिल्हा क्षयरोग अधिकारी डॉक्टर देवेंद्र जायभाये यांनी या मोहिमेबाबत अधिक माहिती दिली.. या मोहिमेअंतर्गत आपल्या जिल्ह्यामध्ये ९९ पथक तयार करण्यात आलेली आहेत. हे पथक अति जोखीमग्रस्त भागांमध्ये टीबी सदृश्य रुग्णांचा सर्वे करत आहे, की ज्यांना टीबी सदृश्य लक्षणे आहेत, जसा दोन आठवड्यापेक्षा जास्त खोकला, संध्याकाळच्या वेळी ताप येणे, भूक मंदावणे किंवा थुकीमध्ये रक्त येणे.

‘कुष्ठमुक्त सुरक्षित महाराष्ट्र’-कुसुम मोहिमेअंतर्गत छत्रपती संभाजीनगर जिल्ह्यात ९५२ संशयितांची तपासणी करण्यात आली, त्यात ५५ नवे रुग्ण आढळले. जिल्हा आरोग्य अधिकारी डॉ. अभय धानोरकर यांनी ही माहिती दिली. यापैकी २१ जण सांसर्गिक तर ३४ जण असांसर्गिक असून, या सर्व रुग्णांवर उपचार सुरु करण्यात आले असल्याची माहिती धानोरकर यांनी दिली.

डॉ. बाबासाहेब आंबेडकर यांच्याविषयी गृहमंत्री अमित शहा यांनी केलेल्या वक्तव्याच्या निषेधार्थ काँग्रेस पक्षाच्या वतीने काल छत्रपती संभाजीनगर, नांदेड तसेच लातूरसह अनेक ठिकाणी मोर्चे काढण्यात आले. परभणी, बीड प्रकरणातील आरोपींना कठोर शिक्षा करावी अशी मागणी यावेळी करण्यात आली.

नाशिक जिल्ह्याच्या त्र्यंबकेश्वर तालुक्यात काल भूकंपसदृष्य धक्के जाणवले. हरसूल परिसरासह पेठ तालुक्यातील अनेक गावांना काल रात्री साडे आठ ते साडे नऊ वाजण्याच्या सुमारास जमिनीतून मोठा आवाज होऊन दोन धक्के जाणवल्याचं, आमच्या वार्ताहरानं क��वलं आहे.

नागपूर मुंबई समृद्धी महामार्गावर भरधाव कार दुभाजकावर आदळून झालेल्या अपघातात तीन जणांचा मृत्यू झाला, तर तीन जण जखमी झाले. काल दुपारी इगतपुरी नजिक हा अपघात घडला.

हवामान राज्यात छत्रपती संभाजीनगर, अनेक जिल्ह्यात उद्यापासून तीन दिवस विजांच्या कडकडाटासह पावसाचा इशारा हवामान विभागानं दिला आहे.

[cinenama]

टीम इंडियाने दिली देशाला भाऊबीजेची भेट; वर्ल्ड कप फायनलमध्ये धडक

indvsnz World Cup 2023: एकदिवसीय विश्वचषक 2023 चा पहिला उपांत्य सामना भारत आणि न्यूझीलंड (ind vs nz) यांच्यात खेळला गेला. भारतीय संघाने विश्वचषक 2023 च्या उपांत्य फेरीत न्यूझीलंडचा 70 धावांनी पराभव केला आहे. या विजयासह भारतीय संघाने तब्बल 12 वर्षांनंतर अंतिम फेरीत धडक मारली आहे. मुंबईच्या वानखेडे स्टेडियमवर बुधवारी झालेल्या सामन्यात भारताने प्रथम फलंदाजी करताना विराट कोहली आणि श्रेयस अय्यरच्या…

[bharatlivenewsmedia]

IND vs SL : श्रीलंकेला 55 धावांवर गुंडाळत भारताचा 302 धावांनी विजय

https://bharatlive.news/?p=185878 IND vs SL : श्रीलंकेला 55 धावांवर गुंडाळत भारताचा 302 धावांनी विजय

टीम इंडियानं ...

[darshaknews]

रोहित-धवन करणार ओपनिंग, तिसर्‍या वनडेत टीम इंडियाची प्लेइंग 11 अशी असू शकते

रोहित-धवन करणार ओपनिंग, तिसर्‍या वनडेत टीम इंडियाची प्लेइंग 11 अशी असू शकते

भारत विरुद्ध वेस्ट इंडिज तिसरा वनडे, टीम इंडिया खेळत आहे 11: भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील अंतिम सामना उद्या, 11 फेब्रुवारी रोजी होणार आहे. रोहित ब्रिगेडने पहिले दोन वनडे जिंकून मालिका आधीच जिंकली आहे. अशा स्थितीत तिसरी वनडे जिंकून टीम इंडियाला वेस्ट इंडिजचा सफाया करायला आवडेल. जाणून घ्या या सामन्यात टीम इंडियाची प्लेइंग इलेव्हन कशी असेल. शिखर धवन आणि रोहित…

[rebel-bulletin]

भारत 151 धावांनी विजयी | 49 बॉल शिल्लक असताना  इंग्लंडचा दुसरा डाव 120 धावांवर गुंडाळला; सिराजने 4 घेतले बळी

भारत 151 धावांनी विजयी | 49 बॉल शिल्लक असताना  इंग्लंडचा दुसरा डाव 120 धावांवर गुंडाळला; सिराजने 4 घेतले बळी

 लंडन : भारताने इंग्लंडला दुसऱ्या कसोटीत हरवून 5 कसोटी सामन्यांच्या मालिकेत 1-0 अशी आघाडी घेतली. लॉर्ड्स कसोटीत टीम इंडियाने इंग्लंडवर 151 धावांनी विजय मिळवला. जसप्रीत बुमराह आणि मोहम्मद शमीच्या नाबाद 89 धावांच्या भागीदारीमुळे भारताने 272 धावांचे लक्ष्य ठेवले होते. प्रत्युत्तरादाखल इंग्लिश संघ 120 धावांवर सर्वबाद (ऑलआउट) झाला. मोहम्मद सिराजने दुसऱ्या डावात 4 बळी घेतले. त्याने जोस बटलर, मोईन अली,…

[marathinewslive]

भारत वि. इंग्लंड: डाव्यांचा पराभव करण्यासाठी पाहणारे पाहुणे | टीम इंडियाने हा शानदार विक्रम एका शानदार विजयासह तयार केला, आयसीसी कसोटी स्पर्धेत विराट सेनेचा सामना न्यूझीलंडशी होईल

भारत वि. इंग्लंड: डाव्यांचा पराभव करण्यासाठी पाहणारे पाहुणे | टीम इंडियाने हा शानदार विक्रम एका शानदार विजयासह तयार केला, आयसीसी कसोटी स्पर्धेत विराट सेनेचा सामना न्यूझीलंडशी होईल

डिजिटल डेस्क (भोपाळ). डावखुरा फिरकीपटू अक्षर पटेल (//4848) आणि ऑफस्पिनर रविचंद्रन अश्विन (//47)) यांनी केलेल्या शानदार कामगिरीमुळे नरेंद्र मोदी स्टेडियमवर इंग्लंडविरुद्धच्या चौथ्या कसोटीच्या तिसर्‍या दिवशी शनिवारी भारताने शानदार विजय नोंदविला. आहे. यासह, भारत आयसीसी कसोटी चँपियनशिपच्या अंतिम सामन्यात पोहोचला, तेथे त्यांचा सामना 18 जून रोजी लॉर्ड्सच्या मैदानावर न्यूझीलंडशी होईल. 4 सामन्यांच्या…

[crime-chovis-tass]

Ind vs Aus Women T20 :हरमनचा 'तो माईंड 'गेम' अन् टीम इंडियाचा विजय, कोणाच्याच लक्षात आला नाही!

Ind vs Aus Women T20 :हरमनचा ‘तो माईंड ‘गेम’ अन् टीम इंडियाचा विजय, कोणाच्याच लक्षात आला नाही!

Ind vs Aus Women T20 : भारत आणि ऑस्ट्रेलियामध्ये (INDvsAUS) झालेल्या दुसऱ्या सामन्यात भारताच्या महिला संघाने थरारक विजय मिळवला. सुपर ओव्हरपर्यंत (Ind vs Aus Super Over) गेलेल्या सामन्यात भारताने 4 धावांनी विजय मिळवला. भारताकडून ऋचा घोष (Richa Ghosh) आणि स्मृती मानधनाने (Smriti Mandhana) केलेल्या फटकेबाजीच्या जोरावर 21 धांवांचं आव्हान ठेवल��� होतं. याचा पाठलाग करण्यासाठी उतरलेल्या ऑस्ट्रेलियाचा संघ…

[batmaharashtratodaynews]

विदर्भाने लागोपाठ दुसऱ्यांदा रणजी चषक जिंकला.  . . विदर्भाने रणजी करंडकच्या अंतिम सामन्यात सौराष्ट्रला ८७ धावांनी पराभूत करून लागोपाठ दुसऱ्या वर्षी रणजी करंडक जिंकला.  . . अधिक माहितीसाठी वाचा पूर्ण बातमी : http://bit.ly/2ByXIBN . . #Vidharbha #Defeat #Saurashtra #Ranji #Trophy #Win #JamthaStadium #Nagpur #Crickets #Sports #Updates #MaharashtraToday https://www.instagram.com/p/Btk8CffhEi-/?utm_source=ig_tumblr_share&igshid=12mdne1jc4dfy

[loksutra]

अफेअरमध्ये कोणीच का नाही, सुपर-4मध्ये टक्कर देत टीम इंडियाचा दबदबा

अफेअरमध्ये कोणीच का नाही, सुपर-4मध्ये टक्कर देत टीम इंडियाचा दबदबा

टीम इंडियाने आशिया चषक विजेतेपदावरचा कब्जा कायम ठेवण्याच्या दिशेने दुसरे पाऊल टाकले आहे. भारतीय संघाने स्पर्धेच्या गट टप्प्यातील त्यांच्या दुसऱ्या सामन्यात हाँगकाँगचा 40 धावांनी पराभव केला. टीम इंडियाने हाँगकाँगचा पराभव केला प्रतिमा क्रेडिट स्रोत: Twitter आशिया कप 2022 च्या चौथ्या सामन्यात टीम इंडियाने हाँगकाँगला हरवून सुपर-4 मध्ये आपला प्रवेश पक्का केला आहे. या स्पर्धेतील भारताचा हा सलग दुसरा…

[nandedlive]

पहिल्या एक दिवशीय सामन्यात भारताचा विजय

पोर्ट ऑफ स्पेन : भारताने वेस्ट इंडीज विरूद्धचा पहिल�� वनडे सामना अवघ्या ३ धावांनी जिंकला. या विजयाबरोबरच भारताने तीन सामन्यांच्या मालिकेत १ -० अशी आघाडी घेतली. भारताकडून कर्णधार शिखर धवनने दमदार फलंदाजी करत ९७ धावांची खेळी केली. त्याचे शतक अवघ्या तीन धावांनी हुकले. मात्र या विजयानंतर देखील शिखर धवन निराश आहे. भारताने वेस्ट इंडीजसमोर विजयासाठी ३०९ धावांचे आव्हान ठवले होते. या आव्हानाचा पाठलाग करताना विंडीजकडून कायल मायेर्स आणि ब्रँडन किंग यांनी अर्धशतकी खेळी केली. मात्र मोक्याच्या क्षणी भारतीय गोलंदाजांनी सामन्यावर पुन्हा वर्चस्व मिळवले. अखेर भारताने पहिला सामना ३ धावांनी जिंकला. या सामन्याचा सामनावीर म्हणून९७ धावांची खेळी करणाऱ्या शिखर धवनची निवड करण्यात आली. दरम्यान, सामन्यानंतर झालेल्या कार्यक्रमात शिखर धवन म्हणाला की, शतक साजरे करता आले नाही यामुळे मी निराश आहे. मात्र एकूण हा एक सांघिक प्रयत्न होता. आम्ही एक चांगली धावसंख्या उभारली होती. सामना शेवटच्या चेंडूपर्यंत रोमहर्षक झाला. Read the full article

[nashikfast]

राज्यस्तरीय आमंत्रितांच्या क्रिकेट स्पर्धा : नाशिकचा सातारा विरुद्ध  विजय

राज्यस्तरीय आमंत्रितांच्या क्रिकेट स्पर्धा : नाशिकचा सातारा विरुद्ध विजय

साई राठोड ,समकीत सुराणा प्रभावीपूना क्लब  व परभणी चे ही  विजय नाशिक मध्ये चालू असलेल्या, महाराष्ट्र क्रिकेट असोसिएशनच्या राज्यस्तरीय १६ वर्षांखालील वयोगटातील आमंत्रितांच्या क्रिकेट स्पर्धेच्या ( इन्विटेशन लीग ), दोन दिवसीय कसोटी सामन्यात , हुतात्मा अनंत कान्हेरे मैदान, गोल्फ क्लबव�� नाशिकने सातारा विरुद्ध एक डाव व २३ धावांनी मोठा विजय मिळवला. नाशिक तर्फे साई राठोड ८७, वेद सोनवणे ६२, सिध्हार्थ…

[airnews-arngbad]

आकाशवाणी छत्रपती संभाजीनगर प्रादेशिक बातम्या दिनांक: २२ डिसेंबर २०२४ सकाळी ११.०० वाजता.

Regional Marathi Text Bulletin, Chhatrapati Sambhajinagar Date 22 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: २२ डिसेंबर २०२४ सकाळी ११.०० वाजता.

भारत आणि कुवेत हे देश एकमेकांच्या पाठीशी नेहमीच उभे राहिले असल्याचं प्रतिपादन पंतप्रधान नरेंद्र मोदी यांनी केलं आहे. मोदी यांच्या दोन दिवसीय कुवेत दौऱ्यात, काल पहिल्या दिवशी कुवेत शहरातील शेख साद अल-अब्दुल्ला क्रीडा संकुलात आयोजित 'हाला मोदी' कार्यक्रमात भारतीय प्रवासी नागरिकांना संबोधित करतांना ते बोलत होते. 'नवीन कुवेत'साठी आवश्यक कौशल्य, तंत्रज्ञान, नवकल्पना - मनुष्यबळ आपल्याकडे असून , भारताला विश्व��ंधू म्हणून सादर करतांना आर्थिक समावेशन, महिलांच्या नेतृत्वाखालील विकास आणि डिजिटल संपर्क व्यवस्थेमधील देशाच्या प्रगतीवर मोदी यांनी यावेळी लक्ष वेधलं. गेल्या ४३ वर्षात भारताच्या पंतप्रधानांची कुवेतला झालेली ही पहिलीच भेट असून याद्वारे विविध क्षेत्रात उभय देशात मैत्री आणखी भक्कम होईल असंही मोदी यांनी या संदर्भातल्या आपल्या समाजमाध्यमांवरील संदेशात म्हटलं आहे. त्यांच्या दौऱ्याच्या आजच्या दुस-या दिवशी, कुवेतचे अमीर आणि युवराज यांच्यासोबतच्या स्वतंत्र उच्चस्तरीय बैठकांपूर्वी पंतप्रधानांना बायन पॅलेस इथं औपचारिक मानवंदना देण्यात येईल. त्यानंतर दोन्ही देशांमध्ये शिष्टमंडळ स्तरावर चर्चा होईल.

जणुकं उपचार- जीन थेरपीला जीएसटीतून सूट देण्यासह दंड आकारणी, बँका आणि गैर-बँकींग वित्त संस्थांच्या विलंबित भरणा शुल्कावर जीएसटी लावला जाणार नसल्याचं केंद्रीय अर्थमंत्री सीतारामन यांनी म्हटलं आहे. त्यांनी राजस्थानमधील जैसलमेर इथं वार्ताहरांशी बोलताना ही माहिती दिली.

भारत पाच ट्रिलियन-डॉलर अर्थव्यवस्थेचं उद्दिष्ट साध्य करताना महाराष्ट्रही देशात अग्रेसर राहील, असं राज्याच्या मंत्री आदिती तटकरे यांनी म्हटलं आहे. केंद्रीय अर्थमंत्री सीतारामन यांच्या अध्यक्षतेखाली काल जैसलमेर इथं केंद्रीय अर्थसंकल्पपूर्व बैठक झाली त्यावेळी तटकरे बोलत होत्या. यात २०२५-२६ च्या प्रस्तावित केंद्रीय अर्थसंकल्पातील निधी वाटप, दृष्टिक्षेपासह विविध मागण्यांवर राज्यांच्या अर्थमंत्र्यांमध्ये चर्चा झाली. तटकरे यांनी महाराष्ट्रातील कृषी, आरोग्य, पायाभूत सुविधांससह विविध विकास धोरणांबाबत शासनाच्या प्रस्तावांची रूपरेषाही यावेळी सादर केली.

द्राक्षापासून तयार होणाऱ्या मनुक्याला कृषी उत्पादनाचा दर्जा देत वस्तू आणि सेवा कर- जी.एस.टी.तून वगळण्याच्या महाराष्ट्राच्या मागणीला यश आलं आहे. राजस्थानातील जैसलमेर इथं काल झालेल्या जी.एस.टी. परिषदेच्या ५५व्या बैठकीत हळद-गूळासह मनुकाही करमुक्त करण्यास मान्यता देण्यात आली असल्याची माहिती मंत्री आदिती तटकरे यांनी दिली आहे. जीएसटी परिषदेनं पोषणयुक्त तांदळावरील कर दरात कपात करून पाच टक्के करण्याचा निर्णय घेतला असून पाकिटबंद-उत्पादन माहिती दर्शवलेल्या वस्तूंच्या व्याख्येत सुधारणा करण्याची शिफारसही केली आहे.

क्षयमुक्त भारत अभियान यशस्वी होण्यासाठी क्षयरोगींच्या समुपदेशनासह जनजागृतीही महत्वाची असल्याचं मत मंत्री गिरीश महाजन यांनी व्यक्त केलं. या अभियानाबाबत केंद्रीय आरोग्य मंत्री जगत प्रकाश नड्डा यांच्या अध्यक्षतेखाली काल दूरस्थ पद्धतीनं देशातील सर्व मुख्यमंत्री आणि आरोग्यमंत्र्यांची बैठक झाली. त्यावेळी महाजन बोलत होते.

भारतानं १९ वर्षांखालील मुलिंच्या आशिया चषक क्रिकेट टी-ट्वेंटी स्पर्धेच्या अंतिम लढतीत बांग्लादेशला ४१ धावांनी पराभूत करत विजेतेपद पटकवलं आहे. मलेशियातल्या क्वालालंपूर इथं आज सकाळी झालेल्या या सामन्यात, बांग्लादेशनं नाणेफेक जिंकत प्रथम गोलंदाजी केली.भारतानं वीस षटकांत सात बाद ११७ धावा केल्या.प्रत्युत्तरात बांग्लादेशचा डाव एकोणीसाव्या षटकाचे तीन चेंडु शिल्लक असतांना सर्वबाद ७६ धावांवरच आटोपला.

डॉ. पंजाबराव देशमुख कृषी विद्यापीठ अकोला इथं भारतीय कृषी अभियांत्रिकी संस्थेतर्फे कृषी अभियांत्रिकी विध्यार्थ्यांसाठी एक दिवसीय कार्यशाळा घेण्यात आली. प्रख्यात शास्त्रज्ञ डॉ. सरबजीत सिंग सूच यांनी यावेळी 'बायोगॅस तंत्रज्ञान: डिझाइन, विकास, अंमलबजावणी आणि स्थापनेसाठी सरकारी धोरणं' या विषयावर व्याख्यान दिलं. कार्यक्रमाच्या अध्यक्षस्थानी डॉ. सुरेंद्र काळबांडे, अधिष्ठाता, कृषी अभियांत्रिकी विद्धयाशाखा हे होते. त्यांनी उपस्थित विध्यार्थ्यांना नवीकरणीय ऊर्जा अभियांत्रिकी या क्षेत्रामध्ये असणा-या संधी, नवीकरणीय ऊर्जेच्या वापराची गरज या संदर्भात मार्गदर्शन केलं.

नाशिक शहरातील थंडी कमी झाली असली तरी आज पहाटे सर्व शहरावर धुकं दाटलं होतं. धुक्यातलं नाशिक विशेषतः गोदाघाट पाहण्यासाठी सकाळी नागरिकांनी रामकुंड परिसरात गर्दी केली होती. आज सकाळी १४ अंश सेल्सिअस अशी किमान तापमानाची नोंद झाली असल्याचं आमच्या वार्ताहरानं कळवलं आहे.

थेट गावातील लोकांपर्यंत योजना पोहचाव्यात यासाठी अहिल्यानगरचे जिल्हाधिकारी सिद्धाराम सालीमठ यांनी अकोले तालुक्यातील मवेसी या आदिवासी गावात मुक्काम करून ग्रामस्थांशी संवाद साधत त्यांच्या समस्या जाणून घेतल्या. सध्या प्रशासनातर्फे सुशासन सप्ताहांतर्गत 'प्रशासन गांव की ओर' हे अभियान राबवलं जात आहे. कार्यक्रमस्थळी कृषी, पशुसंवर्धन, महसूल, आरोग्य, आदिवासी वि��ास, वन विभाग, पंचायत समिती, महिला व बालविकास, समाजकल्याण, दिव्यांग कल्याण, विशेष सहाय्य, संजय गांधी निराधार अनुदान योजना आदी विभागांच्या योजनांची दालनं लावण्यात आली होती‌.

[granddreamerkingdom]

umran malik fastest ball ipl history: IPLमध्ये फायर; स्पर्धेच्या इतिहासातील दुसऱ्या क्रमांकाचा वेगवान चेंडू - umran malik bowls second fastest ball of ipl history and fastest of ipl 2022 clocks 157 kmph vs delhi capitals

umran malik fastest ball ipl history: IPLमध्ये फायर; स्पर्धेच्या इतिहासातील दुसऱ्या क्रमांकाचा वेगवान चेंडू – umran malik bowls second fastest ball of ipl history and fastest of ipl 2022 clocks 157 kmph vs delhi capitals

मुंबई: आयपीएल २०२२मध्ये गुरुवारी दिल्ली कॅपिटल्स आणि सनरायझर्स हैदराबाद यांच्यात लढत झाली. दिल्लीचा सलामीवीर डेव्हिड वॉर्नरने केलेल्या गोलंदाजांच्या धुलाईमुळे ही लढत चर्च��त आली असली तरी या सामन्यात एक इतिहास घडला आहे. दिल्लीने प्रथम फलंदाजी करत २०७ धावा केल्या होत्या. उत्तरादाखल हैदराबादला १८६ धावाच करता आल्या. दिल्लीने ही लढत २१ धावांनी जिंकली. या लढतीत हैदराबादचा पराभव झाला असला तरी संघातील जलद…

[bharatlivenewsmedia]

NZ vs SA : डी कॉक, ड्युसेनने धुतले, केशव महाराजच्या फिरकीने नाचवले; न्यूझीलंड १९० धावांनी पराभूत

https://bharatlive.news/?p=184950 NZ vs SA : डी कॉक, ड्युसेनने धुतले, केशव महाराजच्या फिरकीने नाचवले; न्यूझीलंड ...

[darshaknews]

पहिल्या T20 मध्ये भारताने इंग्लंडला हरवले, हार्दिकने बॅटिंगनंतर बॉलने केले चमत्कार

पहिल्या T20 मध्ये भारताने इंग्लंडला हरवले, हार्दिकने बॅटिंगनंतर बॉलने केले चमत्कार

इंग्लंड विरुद्ध भारत 1ली T20, द रोझ बाउल साउथम्प्टन: द रोझ बाउल, साउथॅम्प्टन येथे खेळल्या गेलेल्या पहिल्या T20 मध्ये भारताने इंग्लंडचा 50 धावांनी पराभव केला. यासह टीम इंडियाने तीन सामन्यांच्या मालिकेत 1-0 अशी आघाडी घेतली आहे. टीम इंडियाच्या या शानदार विजयाचा हिरो होता हार्दिक पांड्या. त्याने चेंडू आणि बॅट या दोन्ही बाजूंनी चमकदार कामगिरी केली. प्रथम हार्दिकने अवघ्या 33 चेंडूत 51 धावांची तुफानी…

[airnews-arngbad]

Regional Marathi Text Bulletin, Chhatrapati Sambhajinagar Date – 26 November 2024 Time 7.10 AM to 7.20 AM Language Marathi आकाशवाणी छत्रपती संभाजीनगर प्रादेशिक बातम्या दिनांक २६ नोव्हेंबर २०२४ सकाळी ७.१० मि.

• संविधान दिन आज देशभर होणार साजरा, राष्ट्रपतींच्या उपस्थितीत संसदेत मुख्य कार्यक्रमाचं आयोजन. • केंद्रीय मंत्रिमंडळाची रेल्वेच्या तीन ‘मल्टीट्रॅकिंग’ प्रकल्पांना मंजुरी, अजिंठा-वेरुळ पर्यटनस्थळाला होणार लाभ. • मुख्यमंत्रिपदाबाबत महायुतीतील तिन्ही पक्ष एकत्रित निर्णय घेऊ, अजित पवार यांचं प्रतिपादन तर शिवसेना उद्धव बाळासाहेब ठाकरे पक्षाच्या विधिमंडळ गटनेतेपदी आदित्य ठाकरे यांची निवड. आणि • बॉर्डर- गावस्कर कसोटी क्रिकेट मालिकेत भारताची विजयी सलामी, पर्थ कसोटीत ऑस्ट्रेलियावर २९५ धावांनी विजय.

भारतीय संविधानाच्या अमृतमहोत्सवी वर्षाला आजपासून प्रारंभ होत आहे. या निमित्तानं आजपासून २५ नोव्हेंबर २०२५ पर्यंत वर्षभर विविध कार्यक्रम होणार आहेत. संसदीय कामकाज मंत्री किरेन रिजिजू यांनी काल नवी दिल्ली इथं ही माहिती दिली. हा उत्सव देशाचा असून नागरिकांनी त्यात उत्साहानं सहभागी व्हावं, असं आवाहन रिजिजू यांनी केलं. दिल्लीत संविधान सदनाच्या मध्यवर्ती सभागृहात आज एक भव्य कार्यक्रम आयोजित करण्यात आला असून, राष्ट्रपती द्रौपदी मुर्मू या कार्यक्रमात संसदेच्या दोन्ही सभागृहांच्या संयुक्त बैठकीला संबोधित करणार आहेत. पंतप्रधान नरेंद्र मोदी सर्वोच्च न्यायालयानं आयोजित केलेल्या कार्यक्रमात सहभागी होणार आहेत. याच कार्यक्रमात पंतप्रधानांच्या हस्ते भारतीय न्यायपालिकेच्या वार्षिक अहवालाचे प्रकाशन करण्यात येणार आहे.

आजच्या संविधानदिनानिमित्त काल नवी दिल्लीत हमारा संविधान हमारा स्वाभिमान पदयात्रा काढण्यात आली. डॉ. मनसुख मांडवीय, पीयुष गोयल, किरेन रिजिजू, रक्षा खडसे या केंद्रीय मंत्र्यांसह अनेक खासदार आणि ऑलिम्पिकपटू, राष्ट्रीय छात्रसेना तसंच सेवायोजनेचे विद्यार्थी आणि इतर स्वयंसेवी संघटनांचे सदस्य मोठ्या संख्येने या पदयात्रेत सहभागी झाले होते.

संविधान दिनानिमित्त आज धाराशिव इथं मतदार जनजाग��ण समिती आणि संविधान अमृतमहोत्सवी समितीच्या वतीने संविधान जनजागरण रॅलीचं आयोजन करण्यात आलं आहे, जिल्हाधिकारी सचिन ओम्बासे यांच्या हस्ते सकाळी साडे दहा वाजता हिरवा झेंडा दाखवून या रॅलीला सुरुवात होईल. डॉ. बी. आर. आंबेडकर प्रतिष्ठानच्यावतीने सायंकाळी भीमगीत गायनाचा कार्यक्रम आयोजित करण्यात आला आहे.

जालना महापालिकेच्यावतीने शहरातल्या नागरीकांसह सर्व शासकीय कार्यालय, सामाजिक, राजकीय पक्षाच�� कार्यालय यांना संविधान उद्देशिका भेट म्हणून देण्यात येत आहे. जिल्हाधिकारी ��ॉ.श्रीकृष्ण पांचाळ यांना संविधान उद्देशिकाची फोटो फ्रेम भेट देऊन या उपक्रमाला प्रारंभ करण्यात आला. यासाठी महापालिकेने ६० हजार संविधान उद्देशिका छापल्या आहेत. छत्रपती संभाजीनगर इथं आज भारतीय संविधान, सन्मान, सुरक्षा, संवर्धन समितीतर्फे रॅली काढण्यात येणार आहे. क्रांती चौक इथून सकाळी ११ वाजता ही रॅली निघेल.

केंद्रीय मंत्रिमंडळानं रेल्वे मंत्रालयाच्या एकूण अंदाजे सात हजार ९२७ कोटी रूपयांच्या प्रकल्पांना काल झालेल्या बैठकीत मंजूरी दिली. यात जळगाव-मनमाड चौथी मार्गिका, भुसावळ-खांडवा तिसरी आणि चौथी मार्गिका, आणि प्रयागराज-माणिकपूर तिसरी मार्गिका यांचा समावेश आहे. महाराष्ट्र, मध्य प्रदेश आणि उत्तर प्रदेश या तीन राज्यांमधल्या सात जिल्ह्यांचा समावेश असलेल्या तीन प्रकल्पांमुळे, भारतीय रेल्वेच्या विद्यमान संपर्क जाळ्याचा विस्‍तार सुमारे ६३९ किलोमीटरने वाढणार आहे. याचा लाभ अजिंठा आणि वेरूळ लेणी, देवगिरी किल्ला या पर्यटनस्थळांना होणार आहे. तसंच ज्योतिर्लिंग आणि धार्मिक स्थळांना हा रेल्वेमार्ग जोडला जाणार आहे. कृषी उत्पादने, खते, कोळसा, पोलाद, सिमेंट, मालवाहक कंटेनर इत्यादींच्‍या वाहतुकीसाठी हा आवश्यक मार्ग आहे. त्‍यावरील वाहतुकीची क्षमता वाढवण्याच्या कामांमुळे प्रतीवर्ष ५१ दशलक्ष टनाची अतिरिक्त मालवाहतूक होवू शकणार आहे.

संसदेचं हिवाळी अधिवेशन कालपासून सुरु झालं. लोकसभेत कामकाज सुरु होताच दिवंगत खासदार वसंत चव्हाण, हरिश्चंद्र चव्हाण यांच्यासह सदनाच्या दिवंगत सदस्यांना आदरांजली अर्पण करण्यात आली. राज्यसभेतही कामकाज सुरु झाल्यावर दिवंगत सदस्यांना आदरांजली अर्पण करण्यात आली. अदानी उद्योग समूहाविरोधातल्या कथित लाचखोरी प्रकरणावरून विरोधकांनी गदारोळ केल्यानंतर संसदेच्या दोन्ही सभागृहाचं कामकाज दिवसभरासाठी तहकूब करण्यात आलं. दरम्यान, संविधानदिनानिमित्त आज संसदेच्या दोन्ही सभागृहांची बैठक होणार नाही.

पंतप्रधान नरेंद्र मोदी यांच्या हस्ते काल आयसीए जागतिक सहकार परिषदेचं दिल्ली इथं उद्घाटन करण्यात आलं. यावेळी पंतप्रधानांनी संयुक्त राष्ट्रांच्या आंतरराष्ट्रीय सहकार वर्ष २०२५ चा प्रारंभ केला. जगासाठी सहकार हे एक मॉडेल असेल पण भारतासाठी ती एक संस्कृती आहे, असं प्रतिपादन पंतप्रधानांनी केलं. महात्मा गांधी यांच्या ग्रामस्वराज्य अभियानामुळे सहकार क्षेत्राला नवी ऊर्जा मिळाल्याचं, पंतप्रधान नरेंद्र मोदी म्हणाले. महात्मा गांधीजी के ग्राम स्वराज ने सामुदायिक भागीदारी को .फिर से नई उर्जा दी। उन्होंने खादी और ग्रामोद्योग जैसे क्षेत्र मे सहकारी��ा के माध्यम से एक नया आंदोलन खडा किया और आज खादी और ग्रामोद्योग को हमारी को ऑपरेटीव्हज्‌ ने बडे बडे ब्रांच से भी आगे पहोंचा दिया है। ही परिषद सर्वांसाठी एकसंध, शांततापूर्ण आणि समृद्ध भविष्य घडवण्यासाठी सहकारी संस्थांची भूमिका जाणून घेणार आहे. या सहा दिवसीय परिषदेत भूतानचे पंतप्रधान दाशो शेरिंग तोबगे आणि फिजीचे उपपंतप्रधान मनोआ कामिकामिका यांच्यासह जवळपास तीन हजार विदेशी आणि भारतीय प्रतिनिधी सहभागी होत आहेत. केंद्रीय गृह तथा सहकार मंत्री अमित शहा यांनी या परिषदेत केलेल्या भाषणात, यंदा साजरं होत असलेलं सहकार वर्ष हे महिला, शेतकरी आणि गरीबांच्या सक्षमीकरणासाठी सहायक ठरेल, असा विश्वास व्यक्त केला.

मुख्यमंत्रिपदासंदर्भात महायुतीतले तीनही पक्ष मिळून निर्णय घेऊ आणि राज्याला स्थिर सरकार देऊ, असा विश्वास राष्ट्रवादी काँग्रेसचे अध्यक्ष अजित पवार यांनी व्यक्त केला आहे. आधुनिक महाराष्ट्राचे शिल्पकार, राज्याचे पहिले मुख्यमंत्री यशवंतराव चव्हाण यांच्या पुण्यतिथीनिमित्त काल कराड इथं प्रितीसंगम या त्यांच्या समाधीस्थळी अभिवादन केल्यानंतर अजित पवार बोलत होते. ज्यांच्या विचारधारा आणि आदर्शांवर आम्ही लोकसेवेचा वारसा पुढे नेत आहोत, चव्हाण यांच्या दूरदृष्टीतील समृद्ध महाराष्ट्राच्या प्रगतीसाठी लोकसेवेच्या माध्यमातून योगदान देण्याचा दृढ संकल्प आपण केला असल्याचं, पवार यांनी म्हटलं आहे.

शिवसेना उद्धव बाळासाहेब ठाकरे पक्षाच्या विधिमंडळ गटनेतेपदी आमदार आदित्य ठाकरे यांची एकमताने निवड करण्यात आली. विधानसभेच्या गटनेतेपदी आमदार भास्कर जाधव यांची तर प्रतोदपदी आमदार सुनील प्रभू यांची निवड झाल्याची माहिती विधान परिषदेचे विरोधी पक्षनेते अंबादास दानवे यांनी दिली. पक्षप्रमुख उद्धव ठाकरे यांच्या प्रमुख उपस्थितीत काल मातोश्री निवासस्थानी झालेल्या बैठकीत हा निर्णय घेण्यात आला.

क्रिकेट बॉर्डर - गावस्कर कसोटी क्रिकेट मालिकेतला पहिला सामना भारतानं २९५ धावांनी जिंकला आहे. भारतानं विजयासाठी दिलेलं ५३४ धावांचं लक्ष्य गाठतांना यजमान संघ काल सामन्याच्या चौथ्या दिवशी दुसऱ्या डावात अवघ्या २३८ धावांवर सर्वबाद झाला. दुसऱ्या डावात कर्णधार जसप्रीत बुमराह आणि मोहम्मद सिराजने तीन-तीन, वॉशिंग्टन सुंदरने दोन तर हर्षित राणा आणि निशित रेड्डीने एक एक बळी घेतला. दोन्ही डावात मिळून आठ बळी घेणारा बुमराह, सामनावीर ठरला. मालिकेत पुढचा सामना सहा डिसेंबरपासून ॲडलेड इथं खेळवला जाणार आहे.

अलिगड इथं महाराणी अहिल्याबाई होळकर क्रीडा मैदानावर सुरु असल��ल्या राष्ट्रीय अजिंक्यपद खो - खो स्पर्धेत काल सलामीच्या सामन्यात महाराष्ट्राच्या मुलांच्या संघाने विदर्भावर ३७-२६ अशा फरकाने विजय मिळवला. तर मुलींच्या संघाने मध्यप्रदेशवर ४०-१२ फरकाने मात केली. या स्पर्धेत कुमार आणि मुली गटातून प्रत्येकी ३० संघ सहभागी झाले आहेत.

छत्रपती संभाजीनगर विभागात जल प्रकल्पातल्या पाण्याचं सूक्ष्म नियोजन करण्याची सूचना, विभागीय आयुक्त दिलीप गावडे यांनी केली आहे. कालवा सल्लागार समितीच्या बैठकीत ते काल बोलत होते. यंदा पाऊस चांगला झाल्याने बहुतांश प्रकल्पात चांगला पाणीसाठा आहे. या पाण्याचं पिण्यासाठी, शेतीसाठी तसंच उद्योगासाठी सूक्ष्म नियोजन करण्याची सूचना त्यांनी दिली. दरम्यान, काही तांत्रिक कारणामुळे जायकवाडी प्रकल्पाच्या डाव्या कालव्यातून पाणी सोडण्यात येणार आहे. त्यामुळे कोणीही कालव्यात उतरू नये, आपापली लहान मुले तसंच पशुधनाची काळजी घेण्याचं आवाहन जलसंपदा विभागानं केलं आहे.

सांस्कृतिक कार्य संचालनालयातर्फे घेतल्या जाणाऱ्या ६३ व्या राज्य हौशी मराठी नाट्य स्पर्धेची प्राथमिक फेरी कालपासून जिल्हास्तरावरील विविध २४ केंद्रांवर सुरू झाली. नांदेड केंद्रावर १३ संघ सहभागी होणार आहेत. नांदेड शहरासह परभणी जिल्ह्यातल्या विविध संघांचे प्रयोग या केंद्रावर सादर होतील. ही स्पर्धा ६ डिसेंबरपर्यंत चालणार आहे.

अंबाजोगाई इथल्या यशवंतराव चव्हाण स्मृती समितीच्या तीन दिवसीय यशवंतराव चव्हाण स्मृती समारोहाचं उद्घाटन काल गांधीवादी विचारवंत तुषार गां���ी यांच्या हस्ते झालं. विचार आणि आचार संकुचित होणा-या काळात यशवंतराव चव्हाण यांच्या विचारांची गरज आहे असे मत गांधी यांनी यावेळी व्यक्त केलं. यावेळी अध्यक्षस्थानी प्रख्यात सिनेअभिनेते तथा चित्रपट आणि मालिकांचे दिग्दर्शक किरण माने होते. या महोत्सवात कवी संमेलन, शालेय चित्रकला स्पर्धा, बाल आनंद मेळावा, गझल गायन महफिल, शेतकरी परिषद आदी कार्यक्रमाचं आयोजन करण्यात आलं आहे.

छत्रपती संभाजीनगर, परभणी जिल्ह्यात कालपासून एकविसाव्या पशुगणनेस प्रारंभ झाला. २८ नोव्हेंबरपर्यंत चालणाऱ्या पशुगणना कालावधीत पशुगणनेसाठी येणाऱ्या प्रगणकास वस्तुनिष्ठ माहिती द्यावी, असं आवाहन पशुसंवर्धन विभागातर्फे करण्यात आलं आहे.