#घसरण

[airnews-arngbad]

Regional Marathi Text Bulletin, Chhatrapati Sambhajinagar

Date – 02 February 2025

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०२ फेब्रुवारी २०२५ सायंकाळी ६.१०

****

यंदाचा अर्थसंकल्प तयार करताना प्रामाणिक करदात्यांना करामध्ये सवलत देण्याचं उद्दिष्ट होतं - अर्थमंत्री निर्मला सीतारामन यांची माहिती

राज्यातल्या महानुभाव पंथाच्या सर्व प्रमुख श्रद्धास्थळांचा विकास करणार असल्याची मुख्यमंत्र्यांची घोषणा

देशभरात आज वसंत पंचमी उत्साहात साजरी, पंढरपुरात विठ्ठल-रुख्मीणीचा विवाह सोहळा

आणि

१९ वर्षांखालील महिलांचा टी - ट्वेंटी क्रिकेट विश्वचषक भारताने जिंकला, अंतिम सामन्यात दक्षिण आफ्रिकेवर नऊ खेळाडू राखून दणदणीत विजय

****

देशातल्या प्रामाणिक करदात्यांमुळे अर्थव्यवस्थेला मोलाचं योगदान मिळत असून, त्यांच्याकरता करांमध्ये सवलत देण्याचं उद्दिष्ट यंदाचा अर्थसंकल्प तयार करताना होतं, असं, केंद्रीय अर्थमंत्री निर्मला सीतारामन यांनी म्हटलं आहे. २०२५-२६ या वर्षाचा अर्थसंकल्प काल संसदेत सादर झाल्याच्या पार्श्वभूमीवर वृत्तसंस्थेला दिलेल्या मुलाखतीत त्या बोलत होत्या. करआकारणी सुलभ आणि सोपी असावी, त्यामुळे करभरणा प्रामाणिकपणे करण्याला प्रोत्साहन मिळतं, भारतीय अर्थव्यवस्थेचा पाया मजबूत असून अमेरिकन डॉलर वगळता इतर परदेशी चलनांच्या तुलनेत भारतीय रुपयाची घसरण होत नाहीये, असं त्यांनी या मुलाखतीत स्पष्ट केलं.

****

राज्यातल्या महानुभाव पंथाच्या सर्व प्रमुख श्रद्धास्थळांचा विकास करणार असल्याची घोषणा मुख्यमंत्री देवेंद्र फडणवीस यांनी केली आहे. नांदेड जिल्ह्यात हदगाव इथं महानुभाव पंथीयांचं श्रद्धास्थान असणाऱ्या श्री गुरुवर्य बापूनगर परिसरातल्या श्रीकृष्ण देव उखळाई मंदिराचा नवपर्व आणि कलशारोहण सोहळा आज मुख्यमंत्र्यांच्या हस्ते पार पडला, त्यावेळी ते बोलत होते. रिद्धपुरचा पांचाळेश्वर, जाळीचा देव, गोविंद प्रभू देवस्थान या अनेक ठिकाणी संवर्धनाचं काम सुरु असून, यापुढेही हे कार्य सुरू राहील, असं आश्वासन मुख्यमंत्र्यांनी यावेळी दिलं. या स्थळांच्या ठिकाणी असलेली अतिक्रमणं हटवण्यासाठी चर्चेतून मार्ग काढून विकास कामं केली जातील, चांगल्या कामांसाठी राज्य सरकार ताकदीने पाठिशी उभं राहील, असं ते म्हणाले. मराठवाडा, विदर्भासह ठिकठिकाणच्या महानुभाव पंथाच्या मठाधिपतींसह हजारोच्या संख्येने महानुभवपंथीय या सोहळ्याला उपस्थित होते.

****

जानेवारी २०२५ या महिन्यात एक लाख ९५ हजार कोटी रुपये वस्तू आणि सेवा कर महसूल जमा झाला आहे. जानेवारी २०२४ च्या तुलनेत या महिन्यात कर महसूलात १२ पूर्णांक तीन दशांश टक्के वाढ झाली आहे. या महिन्यात केंद्राचं वस्तू आणि सेवा कर संकलन ३६ हजार ७७ कोटी रुपये आणि राज्याचं वस्तू आणि सेवा कर संकलन ४४ हजार ९४२ कोटी रुपये इतकं आहे. एकात्मिक वस्तू आणि सेवा कर संकलन १ लाख कोटी रुपये तर उपकर संकलन १३ हजार ४१२ इतकं आहे.

****

दिल्ली विधानसभा निवडणुकीचा प्रचार उद्या संध्याकाळी संपणार आहे. भारतीय जनता पक्ष, आम आदमी पार्टी आणि काँग्रेस हे तीन प्रमुख पक्ष रिंगणात असून, मतदारांना आकर्षित करण्यासाठी जोमाने प्रचार करत आहेत. ७० सदस्यांच्या दिल्ली विधानसभेसाठी येत्या बुधवारी पाच तारखेला मतदान होणार आहे; तर आठ फेब्रुवारी रोजी मतमोजणी होईल.

****

उत्तर प्रदेशात प्रयागराज इथं सुरु असलेल्या महाकुंभमेळ्यात येणाऱ्या भाविकांच्या सुरक्षिततेसाठी विशिष्ट मार्गदर्शक तत्त्वे आणि नियमांची अंमलबजावणी करण्याची मागणी करणाऱ्या याचिकेवर सर्वोच्च न्यायालयात उद्या सोमवारी सुनावणी होणार आहे. गेल्या बुधवारी झालेल्या चेंगराचेंगरीत किमान ३० जणांचा मृत्यू झाला आणि ६० जण जखमी झाल्याच्या पार्श्वभूमीवर ही याचिका दाखल करण्यात आली आहे. सरन्यायाधीश संजीव खन्ना आणि न्यायमूर्ती संजय कुमार यांच्या खंडपीठासमोर ही सुनावणी होणार आहे. सर्व राज्यांना प्रयागराज इथल्या सुरक्षिततेची माहिती देण्यासाठी आणि आपत्कालिन परिस्थितीत त्या-त्या राज्यातल्या रहीवाशांना मदत करण्यासाठी सुविधा केंद्र स्थापन करण्याची मागणी या याचिकेत करण्यात आली आहे.

****

देशभरात आज वसंत पंचमी साजरी होत आहे. या दिवशी विद्येची देवता सरस्वतीची पूजा केली जाते, तसंच वसंत ऋतूचं स्वागत करून निसर्गातील नवनिर्मितीचा उत्सव साजरा केला जातो.

शिक्षण आणि ज्��ानाचं महत्व सांगणारा तसंच समृद्धी आणि आनंदाचा उत्सव साजरा करणारा हा दिवस असून, सर्व देशवासियांना शुभेच्छा देत असल्याचं राष्ट्रपती द्रौपदी मुर्मू यांनी म्हटलं आहे. लवकरच भारत जागतिक स्तरावर ज्ञानाचं केंद्र म्हणून उदयाला येवो, अशी प्रार्थना त्यांनी समाज माध्यमावरच्या संदेशात केली.

पंतप्रधान नरेंद्र मोदी यांनीही देशवासियांना वसंतपंचमीच्या शुभेच्छा दिल्या आहेत.

****

पंढरपुरात आज वसंत पंचमीच्या मुहूर्तावर विठ्ठल-रुख्मीणीचा विवाह सोहळा झाला. यावेळी रुख्मिणीला शुभ्र वस्त्र, मोत्याचे दागिने, अलंकार परिधान करण्यात आले होते. विविध अलंकारांनी नटलेल्या मूर्ती विठ्ठल आणि रखुमाईच्या शाही मंडपात आणण्यात आल्या, तिथं भाविकांच्या उपस्थितीत मंगलाष्टकांच्या घोषात दोन्ही देवतांचं लग्न लागलं. सोहळ्यानंतर सर्व भाविकांनी महाप्रसादाचा लाभ घेतला.

****

सांस्कृतिक मंत्रालयानं आकाशवाणीच्या सहकार्यानं आज नवी दिल्लीतल्या आकाशवाणी भवन इथं ‘हर कंठ में भारत’ हा संगीताचा विशेष कार्यक्रम सुरू केला. हा कार्यक्रम आजपासून १६ फेब्रुवारीपर्यंत दररोज २१ आकाशवाणी केंद्रांवरून सकाळी साडेनऊ ते साडेदहा पर्यंत थेट प्रक्षेपित केला जाईल. सांस्कृतिक मंत्रालयाचे सचिव अरुणिश चावला आणि प्रसार भारतीचे मुख्य कार्यकारी अधिकारी गौरव द्विवेदी यांनी या कार्यक्रमाचं उद्घाटन केलं. आकाशवाणीच्या महासंचालक डॉ. प्रज्ञा पालीवाल गौर याही यावेळी उपस्थित होत्या.

****

१९ वर्षांखालील महिलांचा टी - ट्वेंटी क्रिकेट विश्वचषक भारताने जिंकला आहे. आज झालेल्या अंतिम सामन्यात भारताने दक्षिण आफ्रिकेवर नऊ खेळाडू राखून दणदणीत विजय मिळवला. दक्षिण आफ्रिकेचं ८३ धावांचं आव्हान भारतानं एका बळीच्या बदल्यात बाराव्या षटकात पूर्ण केलं. भारताची फलंदाज गोंगदी त्रिशा हिने नाबाद ४४ तर सानिका चाळकेनं नाबाद २६ धावांची खेळी करत विजयावर शिक्कामोर्तब केलं. त्याआधी प्रथम फलंदाजीसाठी आलेला दक्ष���ण आफ्रिकेचा संघ अवघ्या ८२ धावाच करु शकला. भारताच्या गोंगदी त्रिशानं तीन, पारुनिका सिसोदिया, आयुषी शुक्ला आणि वैष्णवी शर्मा यांनी प्रत्येकी दोन, तर शबनम शकिल हिनं एक खेळाडू बाद केला. गोंगदी त्रिशा हिला सामना वीर आणि मालिका वीर म्हणून गौरवण्यात आलं.

****

पुरुष क्रिकेटमध्ये, भारत आणि इंग्लंड यांच्यातल्या टी-20 क्रिकेट मालिकेतला पाचवा आणि शेवटचा सामना आज मुंबईत खेळला जाणार आहे. संध्याकाळी सात वाजता या सामन्याला सुरुवात होईल. या मालिकेत भारताने तीन - एक अशी विजयी आघाडी घेतली आहे. टी-20 मालिकेनंतर दोन्ही संघांमध्ये तीन एकदिवसीय सामने होणार आहेत.

****

उत्तराखंडमधे सुरु असलेल्या ३��व्या राष्ट्रीय क्रीडा स्पर्धांमध्ये महाराष्ट्र १२ सुवर्ण पदकांस��� तिसऱ्या स्थानावर आहे. भारोत्तोलन स्पर्धेत पुरुषांच्या १०२ किलो वजनी गटात आज महाराष्ट्राच्या वैशव शहाजी ठाकूर याने सुवर्ण पदक पटकावलं. या स्पर्धेत आज महिलांच्या ५० मीटर रायफल थ्री पोझिशन प्रकारात मध्य प्रदेशच्या आशी चौकसी ने सुवर्ण पदक जिंकलं. या विजयासोबतच तीने राष्ट्रीय विक्रम देखील केला आहे.

पदक तालिकेत सेनादलांचा संघ सर्वाधिक १४ सुवर्णपदकं मिळवून अव्व्ल स्थानावर, तर कर्नाटक १३ सुवर्णपदकांसह दुसऱ्या स्थानावर आहे.

****

आजच्या जागतिक पाणथळ दिनानिमित्त नवी मुंबई महानगरपालिका आणि इन्व्हायरमेंट लाईफ आणि सेव्ह नवी मुंबई या दोन पर्यावरण क्षेत्रात कार्यरत सेवाभावी संस्थांच्या सहयोगाने बेलापूर विभागात सागरी किनारा तसंच सीवूड्स इथं विशेष स्वच्छता मोहीम राबवण्यात आली. यावेळी प्लास्टिक बंदी आणि माझी वसुंधरा अभियानाअंतर्गत सामुहिक शपथ घेण्यात आली, तसंच कापडी पिशव्यांचं वाटप करण्यात आलं. या मोहिमेअंतर्गत पाणथळ जागांमधून मोठ्या प्रमाणात कचरा काढून टाकण्यात आला.

****

नाशिकजवळ सिन्नर इथं झालेल्या इनोव्हा आणि डंपर च्या अपघातात इनोव्हातल्या तीन प्रवाशांचा मृत्यू झाला असून, एक जण गंभीर जखमी आहे. रत्नागिरीचे रहिवासी असलेले हे प्रवासी कुंभमेळ्यात अमृतस्नान करून परत येत असताना सिन्नरजवळ त्यांच्या गाडीला समोरून येणाऱ्या डंपरने धडक दिली. महामार्गावर प्रवास करणाऱ्या इतर वाहनचालकांनी थांबून त्यांना मदत केल्याचं आमच्या वार्ताहरानं कळवलं आहे.

****

रेल्वे प्रवाशांच्या सुरक्षेसाठी आणि सुविधांसाठी आवश्यक उपाययोजना करण्याच्या दृष्टीने रेल्वे सुरक्षा आयुक्त मनोज अरोरा हे उद्यापासून तीन दिवस पुणे विभागातल्या विविध रेल्वे स्थानकांची तपासणी करणार आहेत. यात ते बीड रेल्वे स्थानक आणि तिथल्या सुविधांची देखील पाहणी करणार आहेत. यामध्ये विगनवाडी ते राजुरी, राजुरी ते बीड स्थानकांदरम्यानची तपासणी होणार आहे.

****

नांदेड जिल्हा विधी सेवा प्राधिकरण, जिल्हा प्रशासन, यांच्या संयुक्त विद्यमाने किनवट इथं येत्या आठ फेब्रुवारीला शासकीय सेवा आणि योजनांचं महाशिबीर आयोजित करण्यात आलं आहे. शासनाच्या विविध कल्याणकारी योजनांची माहिती आणि योजनांचा प्रत्यक्ष लाभ गरजुंना मिळावा, तसंच तळागाळातील व्यक्ती सुध्दा या योजनांपासून वंचित राहू नये यासाठी जनजाग���ती होण्यासाठी हे महाशिबीर होत आहे.

****

मुंबईच्या छत्रपती शिवाजी महाराज आंतरराष्ट्रीय विमानतळावर सीमाशुल्क विभागाच्या अधिकाऱ्यांनी एका प्रवाशाकडून काल एक किलो ६४९ ग्रॅम वजनाचे अंमली पदार्थ जप्त केले. त्याचं आंतरराष्‍ट्रीय बाजार पेठेतलं मूल्य अंदाजे १६ कोटी ४९ लाख रुपये इतकं आहे. पॅरिसमार्गे मुंबईला आलेल्या प्रवाशाकडून पांढऱ्या रंगाच्या १७० कॅप्सूल जप्त करण्यात आल्या, असं याबाबतच्या वृत्तात म्हटलं आहे.

****

[sattakaran]

Gold Silver Rate Today : सोन्याची लगीनघाई, चांदी माघारी फिरली, किंमती काय

[bharatlivenewsmedia]

कांदा दरात ७२५ रुपयांची घसरण, शेतकऱ्यांना ३६ कोटींचा तोटा

https://bharatlive.news/?p=185110 कांदा दरात ७२५ रुपयांची घसरण, शेतकऱ्यांना ३६ कोटींचा तोटा

गेल्या दोन ...

[kokaniudyojak]

Share Market update: अरे बापरे हे काय ! Adani Group च्या Shareholder चे वाढले टेन्शन पहा अदानी ग्रुप चे पूर्ण 10 शेअर घसरले.

Share Market update : अदानी एंटरप्रायझेस, अदानी पॉवर, अदानी ग्रीन आणि इतर अदानी समभागांमध्ये यूएसमधील नियामक छाननी दरम्यान घसरण दिसून आली अदानी समूहाचे शेअर्स शुक्रवारी नकारात्मक क्षेत्रात संपले , Adani Enterprises सुमारे 7 टक्क्यांनी घसरले, व्यापक बाजारपेठेतील कमकुवत प्रवृत्तीच्या अनुषंगाने, युनायटेड स्टेट्सचे अधिकारी आपल्या समुहाच्या अमेरिकन समभागाकडे केलेल्या निवेदनांचा शोध घेत…

[marathinewslive]

झोमॅटो स्टॉकची किंमत विक्रमी घसरल्याने, ट्विटरवर मीम्स वाढले

झोमॅटो स्टॉकची किंमत विक्रमी घसरल्याने, ट्विटरवर मीम्स वाढले

झोमॅटोच्या शेअरने लिस्ट झाल्यापासून 60% पेक्षा जास्त मूल्य गमावले आहे. नवी दिल्ली: प्रवर्तक, कर्मचारी आणि इतर गुंतवणूकदारांसाठी एक वर्षाचा शेअर लॉक-इन कालावधी संपल्याने झोमॅटो, भारतीय खाद्य वितरण क्षेत्रातील दिग्गज कंपनीचे शेअर्स सोमवारी 14% पेक्षा जास्त विक्रमी नीचांकी पातळीवर आले. गेल्या वर्षी 23 जुलै रोजी तारकीय शेअर बाजारात पदार्पण करणाऱ्या Zomato ने तेव्हापासून 60% पेक्षा जास्त मूल्य गमावले…

[darshaknews]

इलेक्ट्रिक सायकलची किंमत: दिल्ली सरकारच्या निर्णयानंतर आता स्वस्तात ई-सायकल खरेदी, किंमत 15000 रुपयांनी कमी होणार

इलेक्ट्रिक सायकलची किंमत: दिल्ली सरकारच्या निर्णयानंतर आता स्वस्तात ई-सायकल खरेदी, किंमत 15000 रुपयांनी कमी होणार

नवी दिल्ली. दिल्लीत नवीन ईव्ही पॉलिसी लागू झाल्यानंतर आता इलेक्ट्रिक सायकलच्या किमतीत मोठी घट होणार आहे. जर तुम्ही इलेक्ट्रिक सायकल घेण्याचा विचार करत असाल तर आणखी काही दिवस वाट पहा. कारण, जी ई-सायकल तुम्हाला आता 31 हजार रुपयांमध्ये मिळत आहे, काही दिवसांनी तीच ई-सायकल तुम्हाला 16 हजार रुपयांमध्ये मिळू लागेल. ई-सायकल बनवणाऱ्या Hero Lectro ने पुढील काही दिवसात त्यांच्या पाच उत्पादनांच्या किमती…

[goldwingsartsinstitute]

पेट्रोल-डिझेलच्या दरात घसरण | Petrol and Diesel Price down today |

पेट्रोल-डिझेलच्या दरात घसरण | Petrol and Diesel Price down today |

[ad_1]

मुंबई : पेट्रोल-डिझेलच्या किंमतीत एक दिवस स्थिरता आल्यानंतर गुरूवारी सकाळी घसरण पाहायला मिळाली. या अगोदर सतत सहा दिवस पेट्रोल-डिझेलच्या दरात बदल पाहायला मिळाले. गेल्या महिन्यात दरांमध्ये मोठी वाढ पाहायला मिळाली. 

सप्टेंबर महिन्यात रेकॉर्ड ब्रेक वाढ झाली होती. पण ऑक्टोबर महिन्याच्या अगदी सुरूवातीपासूनच दरात घसरण पाहायला मिळाली. 3 ऑक्टोबर ते 8 ऑक्टोबर पर्यंत पेट्रोल-डिझेलच्या दरात कपात…

[airnews-arngbad]

Regional Marathi Text Bulletin, Chhatrapati Sambhajinagar Date 14 January 2025 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: १४ जानेवारी २०२५ सकाळी ११.०० वाजता.

भारतीय हवामान विभागाच्या दिडशेव्या स्थापना दिनानिमित्त पंतप्रधान नरेंद्र मोदी आज दिल्लीत भारत मंडपम इथं मिशन मौसमचं उद्घाटन करत आहेत. हवामानाबाबत माहिती देणारी अत्याधुनिक यंत्रणा निर्माण करण्याच्या उद्देशानं ही योजना तयार करण्यात आली आहे. अत्याधुनिक रडार यंत्रणा, उपग्रह यांच्या माध्यमातून हवामानाबाबतची अचूक निरीक्षणं याद्वारे मिळू शकतील. हवामान बदलाच्या आव्हानांना सामोरे जाण्याच्या उद्देशानं तयार करण्यात आलेल्या आयएमडी व्हिजन - २०४७ चं प्रकाशनही पंतप्रधानांच्या हस्ते यावेळी होणार आहे. त्यात हवामानाचा अंदाज, हवामान व्यवस्थापन आणि हवामान बदल कमी करण्याच्या योजनांचा समावेश आहे.

सूर्याचा मकर राशीत प्रवेश तसंच दक्षिणायनातून उत्तरायणात संक्रमणाचं पर्व, मकरसंक्रांतीचा सण आज साजरा होत आहे. या दिवशी परस्परांना तीळगुळ वाटपाचा तसंच महिलावर्गात सौभाग���यदानासह मातीच्या सुगड्यांमधून विविध वस्तूंचं वाण देण्याचा प्रघात आहे. या पार्श्वभूमीवर बाजारपेठा विविध पूजा साहित्यासह ऊस, बोरं, हरभरा आणि इतर साहित्यानं फुलून गेल्या आहेत. दक्षिण भारतात पोंगल आणि ईशान्य आणि पूर्वेकडच्या राज्यांमधे माघ बिहू म्हणून हा दिवस साजरा केला जातो.

दरम्यान, मकर संक्रांतीच्या पुण्य पर्व काळात प्रयागराज इथं महाकुंभमेळ्यात आज अमृत स्नान होत आहे. आज पहाटेपासून विविध साधू आखाड्याच्या संत महंतांनी शाही स्नान करुन या पर्वणीला सुरुवात केली. एकंदर १३ आखड्यांचे प्रमुख संत- महंत आणि त्यांच्या परिवारातल्या साधुंनी त्रिवेणी संगमावर हे स्नान केलं. सर्वप्रथम स्नान करण्याचा मान महानिर्वाणी पंचायतनी आखाड्याला मिळाला, तर शेटवचं शाही स्नान पंचायतनी निर्मल आखाड्याने केलं.

राष्ट्रीय चाचणी संस्था - एनटीएनं उद्या १५ जानेवारीला नियोजित युजीसी नेट परिक्षा पुढे ढकलली आहे. पोंगल, मकरसंक्रांत आणि इतर सणांच्या पार्श्वभूमीवर ही परिक्षा लांबणीवर टाकण्याची मागणी करण्यात येत होती, त्यामुळे हा निर्णय घेण्यात आल्याचं एनटीएनं निवेदनाद्वारे कळवलं आहे.

केंद्र सरकारनं आतापर्यंत १३ लाख ६८ हजार क्विंटल सोयाबीनची किमान आधारभूत दरानं खरेदी केली आहे. केंद्रीय कृषी मंत्री शिवराज सिंग चौहान यांनी काल नवी दिल्लीत ही माहिती दिली. महाराष्ट्रात ३१ जानेवारी आणि राजस्थानमध्ये ४ फेब्रुवारीपर्यंत ही खरेदी सुरू राहणार आहे. शेतकऱ्यांना परवडणाऱ्या दरात किटकनाशक मिळतील, याची खबरदारी घेण्याचं आवाहन त्यांनी राज्यांना केलं आहे.

ग्राहक किंमत निर्देशांकावर आधारित चलनफुगवट्याचा दर गेल्या महिन्यात पाच पूर्णांक २२ शतांश टक्क्यांवर पोहोचला. गेल्या चार महिन्यातला हा नीचांक असल्याचं केंद्रीय सांख्यिकी आणि कार्यक्रम अंमलबजावणी मंत्रालयाने म्हटलं आहे. नोव्हेंबरमधे हा दर ५ पूर्णाक ४८ शतांश टक्क्यांवर होता. अन्नपदार्थांच्या किमतीत घसरण झाल्यामुळे महागाई कमी झाल्याचं यासंदर्भातल्या पत्रकात म्हटलं आहे.

यंदाच्या हज यात्रेकरता भारतातून पावणे दोनलाख जणांना जाता येईल. केंद्रीय अल्पसंख्याक कल्याण मंत्री किरेन रिजिजू यांनी समाजमाध्यमावर ही माहिती दिली. हज यात्रेसाठी भारतीयांचा कोटा एक लाख ७५ हजार २५ असा निश्चित करणाऱ्या करारावर रिजिजू आणि सौदी अरेबियाचे हज आणि उमरा विभागाचे मंत्री, एच ई तौफ��क़ बिन फौझान अल- राबिया यांच्या उपस्थितीत काल स्वाक्षऱ्या झाल्या. पंतप्रधान नरेंद्र मोदी यांनी या कराराचं स्वागत केलं आहे. हज यात्रा सुखकर व्हावी याकरता शक्य त्या सर्व सेवा सुविधा द्यायला सरकार वचनबद्ध असल्याचं त्यांनी म्हटलं आहे.

आरोग्यविषयक कार्यक्रमाच्या अंमलबजावणी निर्देशांकात गडचिरोली जिल्हा राज्यात तिसऱ्या क्रमांकावर असल्याची माहिती आरोग्य सेवा संचालनालयानं दिली आहे. गडचिरोली जिल्ह्यानं गरोदर माता नोंदणी, माता - बाल संगोपन, मुलांचं लसीकरण, हिवताप आणि क्षयरोग निर्मूलन अशा वेवेगवेगळ्या ६४ आरोग्य निर्देशांकांत केलेल्या कामगिरीवरून आरोग्य सेवा आयुक्त कार्यालयानं हे गुणांकन केलं आहे.

नाशिक शहरातल्या उड्डाणपुलावर रविवारी रात्री झालेल्या अपघातात जखमी आणखी दोन जणांचा काल मृत्यू झाला. त्यामुळे या अपघातातल्या मृतांची संख्या सात झाली आहे. आयशर टेम्पोने आपल्या पुढे सळई घेऊन जाणाऱ्या मालट्रकला धडक दिल्याने हा अपघात झाला होता. याप्रकरणी आयशर चालक, त्याचा मालक आणि स्टील पुरवठादार कंपनीच्या विरोधात गुन्हा दाखल करण्यात आला आहे.

केंद्र सरकारने कांद्यावरील लागू केलेलं २० टक्के निर्यात शुल्क तत्काळ रद्द करावं, या मुद्द्यासह बाजारभाव कमी झाल्यामुळे काल लासलगावला कांदा उत्पादकांनी काही काळ लिलाव बंद पाडले होते. बाजार समितीच्या आवारात राज्य कांदा उत्पादक शेतकरी संघटनेचे संस्थापक भारत दिघोळे यांनी आंदोलनाचं नेतृत्व केलं.

मस्साजोगचे सरपंच संतोष देशमुख हत्या प्रकरणात स्थापन विशेष तपास पथकात बदल करण्यात आला आहे. जुनं पथक बरखास्त करुन आता या पथकात बीड चे पोलिस उपअधिक्षक अनिल गुजर, छत्रपती संभाजीनगर इथल्या गुन्हे अन्वेषण विभागाच्या अपर पोलिस अधिक्षक किरण पाटील यांच्यासह पुणे इथल्या अधिकार्यांचा समावेश आहे.

[inshortsmarathi]

जीडीपीच्या जागतिक क्रमवारीत भारतीय अर्थव्यवस्थेची घसरण

जीडीपीच्या जागतिक क्रमवारीत भारतीय अर्थव्यवस्थेची घसरण

जागतिक बँकेनं जाहीर केलेल्या आर्थिक वर्ष २०१८ मधील आकडेवारीनुसार जीडीपीच्या जागतिक क्रमवारीत भारतीय अर्थव्यवस्थेची घसरण होऊन ती सातव्या क्रमांकावर आली आहे. याआधी भारत पाचव्या क्रमांकावर होता. आता भारतीय अर्थव्यस्थेची दोन स्थानांनी घसरण झाली आहे.

२०१७ मध्ये भारतीय अर्थव्यवस्थेचा जीडीपी २.६५ इतका होता. जगातील सर्वात मोठी पाचवी अर्थव्यवस्था होण्याचा मान भारतानं मिळवला होता. त्यावेळी ब्रिटनचा जीडीपी…

[bharatlivenewsmedia]

कोल्‍हापूर : चांदी दरात आठ दिवसात 7 हजारांची घसरण

https://bharatlive.news/?p=160068 कोल्‍हापूर : चांदी दरात आठ दिवसात 7 हजारांची घसरण

हुपरी : अमजद नदाफ ...

[acharyaniti]

२०२३-२४ चा अर्थसंकल्प केंद्रीय अर्थमंत्री निर्मला सीतारमण यांनी नुकताच सादर केला. हा अर्थसंकल्प २०२४ च्या लोकसभा आणि २०२३ मधील विधानसभा निवडणूकीच्या दृष्टीकोनातून महत्त्वाचा ठरणारा आहे. कारण, मोदी सरकारचं भवितव्यचं हा अर्थसंकल्प ठरवणार आहे. एकीकडे देश आर्थिक मंदीच्या उंबरठ्यावर उभा असताना तसंच डॉलरच्या तुलनेत रुपयाची घसरण होत असताना, देशाच्या अर्थव्यवस्थेला उभारी देण्याचं काम हा अर्थसंकल्प करत असतो, त्यामुळेच हा अर्थसंकल्प मोदी सरकारचं भवितव्य ठरवणारा आहे,असं बोललं जातंय.पण हा अर्थसंकल्प का खास आहे यावर आज आपण चर्चा करणार आहोत.

[newsyaari]

तेजीला विराम ; सेन्सेक्स-निफ्टी विक्रमी स्तरावरुन माघारी

तेजीला विराम ; सेन्सेक्स-निफ्टी विक्रमी स्तरावरुन माघारी

[ad_1]

मुंबई : तेजीच्या लाटेवर स्वार झालेल्या सेन्सेक्स आणि निफ्टीतील घोडदौडीला आज ब्रेक लागला आहे. सकाळच्या सत्रात २०० अंकांची झेप घेऊन नव्या विक्रमी स्तरावर गेलेल्या सेन्सेक्समध्ये सध्या १७० अंकांची घसरण झाली आहे. तो ४४३६० अंकांवर ट्रेड करत आहे. ४० अंकांच्या घसरणीसह १३०१४ अंकांवर ट्रेड करत आहे.

आज बाजार सुरु होताच दोन्ही निर्देशांकांनी तेजीने सुरुवात केली. सेन्सेक्स २७८ अंकांनी वधारला होता.…

[nashikfast]

कापसाच्या दरात घसरण झाल्यानं शेतकरी चिंतेत

कापसाच्या दरात घसरण झाल्यानं शेतकरी चिंतेत

कापसाच्या दरात घसरण झाल्यानं शेतकरी चिंतेत आहेत. 10 हजारांपेक्षा अधिकचा दर मिळावा अशी शेतकऱ्यांची मागणी शेतकऱ्यांनी केली आहे. सध्या कापूस उत्पादक शेतकरी चिंतेत आहेत. कारण कापसाच्या दरात घसरण झाली आहे.जळगाव जिल्ह्यातील पाचोरा तालुक्यातील शेतकरी विक्रीसाठी कापूस बाजारात आणत आहेत. मात्र, अचानक कापसाचे दर गडगडल्यानं शेतकऱ्यांमध्ये चिंतेचं वातावरण आहे. सध्या कापसाला सरासरी आठ ते साडेआठ हजार…

[automaticthinghoagiezine]

लासलगाव कांद्याच्या भावात घसरण झाल्याने कांदा लिलाव पाडला बंद..

[airnews-arngbad]

Regional Marathi Text Bulletin, Chhatrapati Sambhajinagar Date 19 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: १९ डिसेंबर २०२४ सकाळी ११.०० वाजता.

एक देश एक निवडणूक संदर्भातल्या दोन विधेयकांवर विचारविनिमय करण्यासाठी ३१ सदस्यांच्या संयुक्त संसदीय समिती नेमण्यात आली आहे. या समितीत लोकसभेचे २१ आणि राज्यसभेचे दहा खासदार असतील. भाजप नेते पी पी चौधरी, अनुराग सिंग ठाकूर, पुरुषोत्तम रुपाला यांच्यासह काँग्रेस नेते प्रियांका गांधी, मनिष तिवारी, तृणमूल काँग्रेसचे कल्याण बॅनर्जी, राष्ट्रवादी काँग्रेस शरदचंद्र पवार पक्षाच्या सुप्रिया सुळे यांचा या समितीमध्ये समावेश आहे.

पुणे आणि नाशिक दरम्यान रेल्वे संपर्क वाढवण्याच्या दृष्टीनं २४८ किलोमीटर लांबीच्या दौंड-मनमाड मार्गाच्या दुहेरीकरणाच्या कामाला मंजुरी देण्यात आली आहे. यातील १७८ किलोमीटरचं काम यापूर्वीच सुरू करण्यात आलं असल्याची माहिती केंद्रीय रेल्वे मंत्री अश्विनी वैष्णव यांनी काल लोकसभेत एका प्रश्नाच्या उत्तरात दिली. याशिवाय नाशिक-साईनगर शिर्डी, पुणे-अहमदनगर दरम्यान नवीन दुहेरी मार्ग आणि साईनगर शिर्डी-पुणतांबा दरम्यान नवीन दुहेरी मार्गासाठी सर्वेक्षणाला मंजुरी देण्यात आल्याचं ते म्हणाले.

राष्ट्रीय न्यायवैद्यक पायाभूत सुविधा विकास उपक्रमांतर्गत पुण्यासह आणखी सहा ठिकाणी केंद्रीय न्यायवैद्यक विज्ञान प्रयोगशाळा उभारण्यास सरकारनं मंजुरी दिली आहे, अशी माहिती केंद्रीय गृहराज्य मंत्री बंदी संजय कुमार यांनी काल राज्यसभेत एका प्रश्नाच्या लेखी उत्तरात दिली.

मुंबईत गेट वे ऑफ इंडियावरून एलिफंटाला निघालेल्या बोटीला उरण इथं झालेल्या अपघातात १३ जणांचा मृत्यू झाला. मृतांमधे १० नागरिक आणि नौदलाच्या तीन कर्मचाऱ्यांचा समावेश आहे. पंतप्रधान नरेंद्र मोदी यांनी या घटनेबद्दल दु:ख व्यक्त केलं असून, मृतांच्या कुटुंबियांना पंतप्रधान मदत निधीतून प्रत्येकी दोन लाख रुपये मदत जाहीर केली आहे. मुख्यमंत्री देवेंद्र फडणवीस यांनी देखील मृतांच्या वारसांना मुख्यमंत्री सहाय्यता निधीतून ५ लाख रुपयांची मदत त्यांनी जाहीर केली असून, या घटनेची नौदल आणि राज्य सरकारमार्फत चौकशी केली जाईल, असं सांगितलं आहे.

अकोला पूर्व विधानसभा मतदारसंघाचे आमदार आणि भाजपाचे प्रदेश सरचिटणीस रणधीर सावरकर यांची महाराष्ट्र विधानसभेत भाजप मुख्य प्रतोदपदी निवड करण्यात आली आहे. विधीमंडळ सचिवालयाने यासंदर्भातलं पत्र जारी केलं.

आगामी नव्या वर्षामध्ये एसटीच्या ताफ्यात साडे तीन हजार साध्या "लालपरी" बसेसचा समावेश होणार आहे. एसटी महामंडळाचे अध्यक्ष आणि मंत्री भरत गोगावले यांनी काल नागपूर इथं पत्रकार परिषदेत ही माहिती दिली. सध्या एसटीच्या ताफ्यात ���४ हजार बसेस आहेत, मात्र जुन्या बस नादुरुस्त होण्याचं वाढतं प्रमाण आणि बसेसची कमतरता, या पार्श्वभूमीवर एसटीने सुमारे २२०० बसेस खरेदी करण्याचा तसंच १३०० बसेस भाडेतत्त्वावर घेण्याचा निर्णय घेतल्याची माहिती गोगावले यांनी दिली. एसटी प्रवास भाड्यात साडेचौदा टक्के वाढ प्रस्तावित असून, बसस्थानकाची सुधारणा बीओटी तत्त्वावर केली जाणार असल्याचं त्यांनी सांगितलं.

केंद्रीय अन्वेषण विभाग - सीबीआयनं सामुहिक भ्रष्टाचार प्रकरणी काल मुंबईतून सात सरकारी अधिकाऱ्यांना अटक केली. त्यांच्या कार्यालयांमध्ये आणि निवासस्थानी घातलेल्या छाप्यात २७ स्थावर मालमत्तांच्या कागदपत्रांसह एक कोटींपेक्षा जास्त रोख रक्कम ताब्यात घेण्यात आल्याचं सीबीआयनं सांगितलं. सीप्झमधलं जागा आरक्षण, आयात मालाचं वितरण आणि अन्य गैरव्यवहारांसाठी मध्यस्थांमार्फत लाच घेतल्याचा आरोप या अधिकाऱ्यांवर ठेवण्यात आला आहे. सह विकास आयुक्त, उप विकास आयुक्त आणि दोन सहायक विकास आयुक्तांचा यामध्ये समावेश आहे.

राष्ट्रीय तपास यंत्रणा - एनआयएनं काल आंतरराज्य शस्त्रास्त्र तस्करी प्रकरणी चार राज्यांत छापे घातले. बिहारमध्ये १२, नागालँडमध्ये तीन तर हरियाणा आणि जम्मू काश्मीर राज्यात प्रत्येकी एका ठिकाणी छापा घालून एनआयनं प्रतिबंधित शस्त्रास्त्रं, मोबाइल, मेमरी कार्ड्स आणि पेन ड्राइव्ह जप्त केले. यासह एक मोटार, सुमारे १४ लाख रुपये आणि काही कागदपत्रं ताब्यात घेण्यात आली आहेत.

गेल्या १५ दिवसांत कांद्याच्या दरात तब्बल १५०० ते २ हजार रुपयांची घसरण झाल्याने संतप्त शेतकऱ्यांनी काल नाशिक जिल्ह्यातल्या उमराणे बाजार समितीत लिलाव बंद पाडले. यामुळे काही काळ गोंधळाची स्थिती निर्माण झाली होती, शेतकऱ्यांची समजूत काढल्यानंतर लिलाव पूर्ववत झाले.

केंद्रीय सार्वजनिक तक्रार निवारण तसंच निवृत्तीवेतन विभागामार्फत आजपासून सुशासन सप्ताहाचं आयोजन करण्यात आलं आहे. या आठवड्यात आयोजित विविध शिबिरांमध्ये नागरिकांनी मोठ्यासंख्येने सहभागी होण्याचं आवाहन नांदेडचे जिल्हाधिकारी अभिजीत राऊत यांनी केलं आहे.

लातूर इथं दोन दिवसीय शॉर्ट फिल्म फेस्टिवलचं आयोजन करण्यात आलं आहे. २३ आणि २४ डिसेंबर रोजी होणाऱ्या या स्पर्धात्मक फेस्टिवलमध्ये शॉर्ट फिल्म, डॉक्युमेंटरी, ॲनिमेशन आणि व्हिडिओ सॉंग आदी प्रकारांचा समावेश आहे. अभिजात फिल्म सोसायटी आणि दयानंद एज्युकेशन सोसायटी यांच्या संयुक्त विद्यमाने आयोजित हा महोत्सव सर्वां��ाठी नि:शुल्क आहे.

[nandedlive]

आता फेसबुकही करणार कर्मचारी कपात

नवी दिल्ली : ट्विटरनंतर आता दिग्गज सोशल मीडिया कंपनी फेसबुकनेही मोठ्या प्रमाणात कपातीची तयारी केली आहे. मीडिया रिपोर्ट्सनुसार फेसबुकची मूळ कंपनी मेटा प्लॅटफॉर्म हजारो कर्मचा-यांना बुधवारपासून कामावरून काढण्यास सुरुवात करणार आहे. मेटा कंपनी जगभरातील १२ हजार कर्मचा-यांना कामावरून काढून टाकण्याची शक्यता आहे. मेटामध्ये सध्या साधारण ८७ हजार कर्मचारी कार्यरत आहेत. याआधी शुक्रवारी ट्विटरने जगभरातील ३ हजार ७०० कर्मचा-यांना काढून टाकले होते. यानंतर कंपनीतील कर्मचा-यांची संख्या निम्म्यावर आली आहे. जगातील सर्वात श्रीमंत व्यक्ती इलॉन मस्क यांनी ऑक्टोबरच्या अखेरीस ट्विटर खरेदी करण्याचा करार पूर्ण केला. त्यानंतर कंपनीने अर्ध्या कर्मचा-यांना कामावरून काढून टाकले. मस्कनंतर, मेटा प्लॅटफॉर्मचे सीईओ मार्क झुकरबर्गदेखील मोठ्या प्रमाणात कर्मचारी कपातीची तयारी करत आहेत. मेटा कंपनीचे शेअर्स यंदा ७३ टक्क्यांनी घसरले आहेत. फेसबुक (आता मेटा प्लॅटफॉर्म) टिकटॉक आणि यूट्यूबसारख्या प्लॅटफॉर्मसोबत कठीण स्पर्धा करत आहे. या १८ वर्ष जुन्या कंपनीतून युजर्स टिकटॉक आणि यूट्यूबकडे वळत आहेत. त्यामुळे कंपनीच्या महसुलावर मोठा परिणाम झाला आहे. यावर्षी कंपनीच्या शेअर्समध्ये मोठी घसरण झाली आहे. कंपनीने आधीच नवीन भरतीवर बंदी घातली होती आणि आता येथे मोठ्या प्रमाणात कपात केली जाणार आहे. कंपनीने मे महिन्यातच इंजिनीअर्स आणि डेटा सायंटिस्टची नियुक्ती थांबवली होती. पुढील १८ ते २४ महिने आव्हानात्मक असू शकतात, असे जुलैमध्ये झुकरबर्गने कर्मचा-यांना सांगितले होते. त्यानंतर त्यांनी व्यवस्थापकांना चांगली कामगिरी न करणा-या कर्मचा-यांची यादी बनविण्यास सांगितले. फेसबुकमध्ये प्रथमच कपात केली जाणार आहे. झुकरबर्ग यांची एकूण संपत्ती मेटा प्लॅटफॉर्ममधील सुमारे १६.०८ टक्के शेअर्स झुकरबर्गकडे आहेत. फेसबुकच्या कमाईपैकी ९७ टक्क्यांहून अधिक महसूल जाहिरातींमधून येतो. कंपनीच्या शेअर्सच्या घसरणीमुळे झुकेरबर्गच्या एकूण संपत्तीतही मोठी घसरण झाली आहे. एकेकाळी झुकरबर्ग जगातील श्रीमंतांच्या यादीत तिस-या क्रमांकावर होता. पण आता त्यांची २९ व्या क्रमांकावर घसरण झाली आहे. त्यांची एकूण संपत्ती या वर्षी ९०.३ अब्ज डॉलरने घसरून ३५.२ अब्ज डॉलर झाली आहे. शेअर्सच्या घसरणीमुळे फेसबुकच्या मार्केट कॅपमध्येही मोठी घसरण झाली आहे. या वर्षात कंपनीचे बाजारमूल्य ५०० अब्ज डॉलर्सनी घसरले आहे. Read the full article