#गरपछ

[nepal123]

यौनकर्मी महिला सडकमा निस्किएर प्रदर्शन गरेपछि… ‘सेक्स वर्क पनि पेशा हो’ भन्दै फ्रान्सको राजधानी पेरिसको सडक यौनकर्मी महिलाहरु सडकमा निस्किएका छन् । करिब १ सय ५० को संख्यामा यौनकर्मी महिलाहरु सडकमा निस्किएका थिए । उनीहरु ‘सेक्स वर्क पनि एक पेशा हो,’ भन्ने लेखिएका प्लेकार्ड र ब्यानरसहित उनीहरु सडकमा थिए । सँगै नारा पनि लगाइरहेका थिए । एक वर्षअघि फ्रान्स सरकारले कानुन […] The post यौनकर्मी महिला सडकमा निस्किएर प्रदर्शन गरेपछि… appeared first on नेपाल आज.

[nepal123]

एउटै संस्थाले मुसहर बस्तीलाई दुई करोड सहयोग गरेपछि खुशीले फुरुगं बने धुर्मुस सुन्तली बर्दिवास, २२ चैत । महोत्तरीको बर्दिवासमा एकीकृत मुसहर बस्ती निर्माण कार्य सम्पन्न गर्न अब रकम अभावको स्थिति अन्त्य भएको छ । पछिल्लो पटक सोमबार अमेरिकाको मिनेसोटामा रहेका नेपालीको ‘एसोसिएसन अफ नेपाली इन मिनेसोटा’ ��ामक संस्थाले बस्ती निर्माणार्थ रु दुई करोड १० लाख सहयोग गरेपछि आर्थिक अभावको स्थिति अन्त्य भएको धुर्मुस सुन्तली फाउन्डेसनले जनाएको हो । यसअघि बस्ती हस्तान्तरणसम्म पुग्दा करिब रु एक करोड २५ हजार रकम अपुग हुने बताउँदै आउनुभएको फाउन्डेसनका अध्यक्ष हाँस्यकलाकार धुर्मुस (सीताराम कट्टेल) ले अब आर्थिक पाटोबाट ढुक्क भएको जानकारी दिनुभयो । “अब हामीलाई आर्थिक अभाव हुँदैन” धुर्मुसले भन्नुभयो–, “सात समुन्द्र पारी बसेर पनि नेपाल र नेपालीप्रति स्नेह राख्ने मनकारी नेपालीको सहयोगले एकीकृत नमुना मुसहर बस्ती निर्माणमा रहेको अभाव मेटिदियो ।” बस्ती हस्तान्तरण गर्न ११ दिनमात्र बाँकी रहँदा सोमबार फाउन्डेसनलाई एसोसिएसन अफ नेपालिज इन मिनेसोटाका प्रतिनिधिद्वय अनिल रायमाझी र स्वीटी सिंह श्रेष्ठले रु दुई करोड १० लाख रकमको चेक परियोजनास्थलमै पुगेर हस्तान्तरण गर्नुभएको थियो । सहयोग रकम हस्तान्तरण गरेसँगै एसोसिएसनका प्रतिनिधि रायमाझीले अमेरिकामै रहँदा बस्ती निर्माणमा रकम अपुग भएको समाचार सुनेपछि यो मानवीय कार्यमा आफ्नो सानो हिस्सा लगाउन रकम सहयोग गर्न आएको बताउनुभयो । एसोसिएसनले आफूले गरेको सहयोगभित्रबाटै गोर्खाको कसुण्डे गाउँका भूकम्प प्रभावितको घरमा छाना लगाउन एक हजार ९०० थान जस्तापाता समेत व्यवस्थापन गरिदिन धुर्मुससुन्तली फाउन्डेसनसँग अनुरोध गरेको छ । गत पुस २५ गते रु चार करोड ३८ लाखको लागतमा मुसहरका ५० घर निर्माण थालिएको बस्तीमा पछि भ्यू–टावर र मुसहरबाहेकका तीन परिवारलाई व्यवस्थापन गर्न थप घर बनाउन पर्दा लागतसमेत बढेको फाउन्डेसनले जनाएको छ । अहिले निर्माण कार्य ९५ प्रतिशत सकिएर हस्तान्तरण चरणका अन्तिम काम भइरहेको फाउन्डेसनका अध्यक्ष धुर्मुसले बताउनुभयो । बस्ती अब ठीक १० दिनपछि नयाँ वर्ष २०७४ को पहिलो दिन हस्तान्तरण गरिने छ । यसैबीच सोमबारै धुर्मुससुन्तली फाउन्डेसनलाई अमेरिकामा बस्दै आएका बर्दिवासका सुमन चालिसे र तारा पौडेलले पठाउनुभएको रु ५० हजार १५१ उहाँहरुका परिवारजनले धुर्मुसलाई हस्तान्तरण गर्नुभएको छ । त्यसैगरी बर्दिवासको स्वास्थ्य सरोकार मञ्चले पनि सोमबारै फाउन्डेसनलाई रु ५३ हजार नगद हस्तान्तरण गरेको छ । The post एउटै संस्थाले मुसहर बस्तीलाई दुई करोड सहयोग गरेपछि खुशीले फुरुगं बने धुर्मुस सुन्तली appeared first on Etajakhabar.

[nepal123]

जब ९५ वर्षीय वृद्धले आफु समलिंगी भएको खुलासा गरेपछि… एजेन्सी । अमेरिकी ९५ वर्षीय एक विवाहित वृद्धले अन्तिम अवस्थामा आएर आफु समलिङ्गी भएको घोषणा गरेका छन् । रोमान नामका ति वृद्धले युट्युवका् लागी डेवि वेविसंग दिएको तीन मिनेट लामो अन्र्तवार्तामा उनले कुरा खुलाएका हुन् । वर्षौ पहिले देखि नै आफ्नो परिवारसंग समेत लुकाउदै आएको सो कुरा उनले अन्र्तवार्तामा खुलाएका थिए । ९५ वर्षमा आफु समलिङ्गी रहेको घोषणा गरेका ति बृद्ध अहिले ९६ वर्ष पुगेका छन् । रोमान एक घरवार बसालिसकेका व्यक्ति हुन् । उनका दुई सन्तान र एक नातिसमेत छन् । त्यसैले उनको लागी यतिका वर्षपछि आफ्नो वा��्तविकता बताउन त्यति सजिलो पनि थिएन । अन्र्तवार्तामा उनले भनेका छन्, ‘जब उनले आफुलाई समलिङ्गी भएको स्विकारेका थिए, त्यतिबेला उनले विहे गरेको ६७ वर्ष पुरा भइसेकेको थियो ।’ त्यसैले ति बृद्धलाई देखेर लाग्छ कि साचो कुरा बोल्न कुनै खास उमेर हद हुदैन । ती बृद्धाको कथाप्रति चासो दिएर अन्र्तवार्ताकार डेवि वेवी ती बृद्धालाई भेट्न चाहे र नाति ब्य्राडन ग्रासको सहायताले उनी रोमानलाई भेट्न उनको घर पुगेका थिए । रोमानले आफ्नो वास्तविकता कसैलाई नभन्नुको रहस्य के हुन सक्छ ? किन उनले यत्रो समयपछि मात्र उनले आफु समलिङ्गी भएको खुलासा गरे भन्ने विषयमा डेवीले उनीसंग चासो व्यक्त गर्दै प्रश्न राखे । त्यसपछि ति बृद्धले उनलाई आफ्नोबारे बताए ‘कि, म ५ वर्षको उमेर देखि आफुमा रहेको यौन इच्छाबारे सबै सामु आफ्नो वास्तविकता बताउन चाहन्थे ।’ त्यसपछि उनले यो कुरा आफ्ना परिवारका व्यक्तिलाई भनेका थिए ,’म जन्मेदेखि नै समलिङ्गी हो । अहिले पनि समलिङ्गी नै छु लगायतका कुरासहित भविष्यमा हुने त्रासदिको बारेमा बताएको थिए । त्यपपछि परिवारका व्यक्तिले उनीबारे प्रतिक्रिया जनाएका थिए । ‘ डेविले उनलाई के अझैपनि प्रेमी पाउने आशामा हुनुहन्छ ? अथवा कस्तोखालको प्रेमी चाहनुहुन्छ ? भनि सोधेको प्रश्नमा ति बृद्धले भने, ‘मलाई यसबारे केहि समस्या छैन । मलाई उसको अनुहार भन्दापनि मन सफा र सुन्दर भएको हेर्न चाहन्छु । मेरोे प्रेमी मेरो बुढेसकालको सहारा बन्न सकोस् । साथै म चाहन्छु कि, उसले मप्रति झुकाव राखोस्, म सुत्दा मसंगै होस् । तर उसंग सुत्नुको मतलब अरु नभई उसले मेरो हेरचाह गरोस् । डेवि भन्छन्, उनको कथा जतिको भावुक छ, त्यति नै जटिल छ ।’ यस सन्दर्भमा रोमानको श्रीमतीको बारेमा पनि सोच्न सकिन्छ कि समलिङ्गी भएपछि पनि उनले कसरि आफ्नो जिवन चलाए होलान् । रोमानका नाति ब्य्राडनले आफ्नो हजुरबाको कथामा आधारित एक फिल्म बनाउदै छन् । फिल्मको नाम ‘अन माई वे आउट‘ रहेको छ । The post जब ९५ वर्षीय वृद्धले आफु समलिंगी भएको खुलासा गरेपछि… appeared first on Nepali Headlines,Nepal News, Nepali News, News Nepal.

[nepal123]

भारतको गोवाका महिलाले सन्नीको कण्डमको विज्ञापनको एकाएक बिरोध विरोध गरेपछि एजेन्सी – पूर्व पोर्न स्टार सन्नी लियोनीले प्रायोजित गरेको कण्डमको विज्ञापन हटाउन माग राख्दै भारतको गोवा राज्यका महिला समूहले विरोध गरेका छन् । उनीहरुले सन्नीले प्रचार गर्न कण्डमका अलावा महिला मोडल राखेर विज्ञापन गरिएका परिवार नियोजनका चक्की औषधिको प्रचार रोक्ने माग समेत गरेको बताइएको छ । उनीहरुले यस्ता विज्ञापनमा महिलाको प्रयोग गर्नु राम्रो नभएको तर्क राख्दै हिन्दु जनजागृति समितिको भंगिनि संस्था निकट महिला समूहले गोवा महिला आयोगमा विरोधपत्र समेत दायर गरेको बताइएको छ ।

[nepal123]

जापानमा दजर्नौं तालुखुइले भेला भएर यस्तो गरेपछि … फागुन १५ गते- जापानमा तालुखुइलेहरुको गज्जबको भेला भएको छ । निकै बर्षअघि खुलेको तालुखुइले संगठन खासै सक्रिय नभएपनि अहिले त्यहाँका तालुखुइलेहरु संगठीत हुन थालेका हुन् । पछिल्लो समय मात्रै ३० भन्दा धेरै तालुखुइले पुरुषहरु भेला भए । सन् १९८९ मै खुलेको यो संगठनमा अहिले भने ६५ जना सदस्य बनिसकेका छन् । यो संगठनले तालुखुइलेप्रति मानिसहरुमा सकारात्मक सोच विकसित गर्ने जनाएको छ । – एजेन्सी

[nepal123]

प्रधानाध्यापकले छ वर्षको २१ लाख ४१ हजार हिनामिना गरेपछि कार्वाही कालीकोट, २७ माघ- जिल्लाको पञ्चकोट आधारभूत विद्यालय फुकोटका प्रधानाध्यापकले छ वर्षको रु २१ लाख ४१ हजार ६१४ हिनामिना गरेको रहस्य खुलेको छ । स्थानीय अभिभावकले विद्यालयका बारेमा पटकपटक हिसाब किताब माग गरेपछि अटेर गरेका निवर्तमान प्रधानाध्यापक चन्दाखर सञ्ज्यालले विगत २०६६ सालदेखि ०७२ सम्मको विद्यालयको छात्रवृत्ति, दिवा खाजा, निजी स्रोतका शिक्षकको तलब, महिला तथा दलित छात्रवृत्तिलगाएतको रकम हिनामिना गरेको विद्यालयका व्यवस्थापन ��मितिका अध्यक्ष जसी रोकायाले बताउनुभयो । स्थानीय अभिभावकले विद्यालयका तत्कालीन प्रअ चन्दाखर सञ्ज्यालको छ महिनासम्मको तलब रोक्का गरेपछि जिल्ला शिक्षा कार्यालय कालीकोटमा दिएको निवेदनअनुसार जिल्ला शिक्षा कार्यालय कालीकोटका स्रोत व्यक्ति इन्द्रप्रसाद न्यौपाने संयोजक रहेको छानबिन समितिको टोलीले गरेको ��ेखा परीक्षणबाट सो रकम हिनामिना भएको पुष्टि गरेको हो । लामो प्रयासपछि विद्यालयका बारेमा चासो राख्ने अभिभावकको पहलमा हिसाब किताब गरिएको शिक्षक अभिभावक सङ्घका अध्यक्ष कालीबहादुर महताराले बताउनुभयो । सञ्ज्यालले बेरुजु आएको रकम आफूले तलबबाट क्रमशः तिर्दै जाने सहमति भएको विद्यालयका प्रधानाध्यापक जयराज न्यौपानेले बताउनुभयो । सो विद्यालयका निजी स्रोतका तीन जना शिक्षकले चार वर्षसम्म पाउनु पर्ने तलब नपाए र चाहिएको बेला समस्या टार्नका लागि मात्र रकम पाउने गरेको बताएका छन् । यसअघि अख्तिायार अनुसन्धान आयोगले जिल्लाका सामुदायिक विद्यालयको आम्दानी र खर्चको विवरण जिल्ला प्रहरी कार्यालयबाट सङ्कलन गरेको भए पनि हालसम्म सो नतिजा आउन नसकेको बताइएको छ । कालीकोट जिल्लामा शिक्षा क्षेत्रमा व्यापक लापर्बाही बढेकोप्रति अभिभावक जुर्मुराउन थालेको अखिल नेपाल शिक्षक सङ्गठनका जिल्ला अध्यक्ष देवराज चौलागाईंले बताउनुभयो ।

[nepal123]

बुबाले खुकुरी प्रहार गरेपछि छोराको मृत्यु, जग्गाको विषयमा विवाद कैलाली, २६ माघ- कैलालीको घोडाघोडी नगरपालिकामा ७२ वर्षीय बुबाले खुकुरी प्रहार गरेपछि छोराको मृत्यु भएको छ । गएराति ११.३० बजे घोडाघोडी नगरपालिका–१ रामपुरका बाबु राजमली रोकायको खुकुरी प्रहारबाट उहाँका ४३ वर्षीय छोरा कर्ण रोकायको मृत्यु भएको जिल्ला प्रहरी कार्यालय कैलालीले जनाएको छ । बाबु छोराबीच जग्गाको विषयमा विवाद हँुदा बाउले प्रहार गरेको खुकुरीबाट छोरा घाइते भएका थिए । घाइते छोरालाई उपचारको लागि घोडाघोडी अस्पताल पु¥याइएको थियो भने घोडाघोडी अस्पतालले थप उपचारका लागि कोहलपुर मेडिकल कलेजमा पठाउँदा उपचारकै क्रममै मृत्यु भएको जिल्ला प्रहरी कार्यालयले जनाएको छ । बाबु रोकायलाई इलाका प्रहरी कार्यालय सुखडले नियन्त्रणमा लिएको प्रहरीले जानकारी दिएको छ ।

[nepal123]

अामाले दाेश्राे बिहे गरेपछि डोल्पाका चार बालबालिका बिचल्लीमा जाजरकोट, १६ माघ– जाजरकोट ढिमे– २ मालुबेलामा डोल्पाका चार बालबालिका बिचल्लीमा परेका छन् । डोल्पा फुलचिङ खदाङका बाबु बुद्धिबहादुर बुढाको हत्या भएको र आमा रतनकली कामीले दोस्रो विहे गरेर गएपछि उनीहरु बिचल्लीमा परेका हुन् । अज्ञात व्यक्तिले छ वर्षअघि बाबुको हत्या गरेको र एक वर्षअघि आमा रतनकलीले डाँडागाउँ ७ चाउलेचौरमा विहे गरेर गएपछि चार वर्षीय अनिल, छ वर्षीय रेखा, आठ वर्षीय चन्द्रा र १० वर्षीय पार्वती बिचल्लीमा परेका हुन् । द्वन्द्वकालमा (माओवादी) पार्टीका कार्यकर्ता हुँदा अन्तरजातीय विवाह गरेका उनीहरू– ९ वर्षदेखि ढिमेको मालुबेलामा बस्दै आएका थिए । बाबुको हत्या भएको पाँच वर्षसम्म आमा रतनकलीले मजदुरी गरेरै छोराछोरीको लानपालन गरेको स्थानीय जगत मल्लले बताउनुभयो । जग्गा–जमिन, घरबास केही नहुँदा ३० वर्षीय रतनकलीले छोराछारीको लालनपालन गर्न नसक्ने अवस्था आएपछि दोस्रो विहे गर्न बाध्य भएको मल्लले बताउनुभयो । ‘ती बालबालिकाको आफन्त छन् वा छैनन्, कसैले वास्ता गरेका छैनन,’ उहाँले भन्नुभयो, ‘चारै भाइबहिनीलाई डोल्पा घर छ, छैन भन्ने पनि थाहा छैन ।’ उनीहरुका लागि प्रमुख समस्या भनेको नै गाँस, बास र कपासको हो, उहाँले भन्नुभयो– गाउँमा अर्काको गोठाला गरेर उनीहरू पेट पाल्न बाध्य भएका छन् । गरिबीका कारण नाबालक नातिनातिनाको लालनपालन गर्न नसकेको ७० वर्षीय हजुरआमा देवी कामीले बताइन् । ‘मागेर कसरी लालनपालन गर्ने ?’ उहाँले भन्नुभयो, ‘कमाइ गर्ने कोही नहँुदा समस्या भएको छ । ��ोठाला गरेर गाँसबास र लत्ताकपडा जुटाउनुपरेको छ । पठनपाठनको व्यवस्था मिलाउन सकिएको छैन ।’ घरको आर्थिक अवस्था कमजोर रहेकाले समस्या भएको उनको भनाइ छ ।

[nepal123]

दक्षिण कोरियामा एक व्यक्तिले आफैंलाई आगो लगाई आत्मदहको प्रयास गरेपछि … दक्षिण कोरिया, २४ पुस- दक्षिण कोरियाली एक बौद्धभिक्षुले महायिभोग लगाइएका राष्ट्रपति पार्क ग्यून हे विरुद्धको सडक आन्दोलनक��� क्रममा आइतबार आत्मदाह गर्ने प्रयास गरेका छन् । आत्मदाहप्रयासपछि बेहोस बनेका भिक्षुलाई स्थानीय एक अस्पतालमा उपचार सुरु गरिएको छ । उनको शरिरको केही भाग जलेको अवस्थामा सुरक्षाकर्मीले उद्धार गरेका थिए । आत्मदाह गर्न खोज्ने करिव ६० वर्षे भिक्षुको नाम सार्वजनिक भने गरिएको छैन । एघाराँै हप्ताको पार्क विरोधी प्रदर्शनका क्रममा लाखौँ मानिसका बीचमा आत्मदाह प्रयास गर्ने भिक्षुले एक पत्र लेखी महाभियोग लगाइएका राष्ट्रपति पार्कलाई राष्ट्रघात गरेकोले उहाँलाई पक्राउ गर्न आग्रह गर्नुभएको योनह्याप न्यूज एजेन्सीले बताएको छ । पार्कमाथि पदीय मर्यादा विपरित कामगरेको भन्दै गत महिना संसद्ले महाभियोग लगाइएको थियो ।

[nepal123]

सामुद्रिक बन्दरगाह चीनको स्वामीत्वमा सुम्पने निर्णय गरेपछि श्रीलङ्कामा सरकारविरुद्द व्यापक प्रदर्शन कोलम्बो, २३ पुस– श्रीलङ्काको प्रमुख ब्यापारिक महत्वको एउटा सामुद्रिक बन्दरगाह चीनको स्वामीत्वमा रहेको एक कम्पनीलाई सुम्पने श्रीलङ्काली सरकारको निर्णयको विरोधमा हजार���ं बौद्ध भिक्षु तथा विपक्षी दलका समर्थक जनताहरु शनिबार सडकमा उत्रँदै छन् । हम्बानटोटा द्वीपमा अवस्थित उक्त बन्दरगाह र औद्योगिक क्षेत्र समेत चीनको ८० प्रतिशत लगानी रहेको एक कम्पनीलाई ९९ वर्षसम्म भाडा (लिज) मा दिने सम्बन्धि करारपत्रमा श्रीलङ्काली सरकारले आजै हस्ताक्षर गर्दैछ । प्रधानमन्त्री रणिल बिक्रमसिङ्घेले सो हस्ताक्षर समारोहको उद्घाटन गर्नुहुने कार्यक्रम रहेको छ । आज हस्ताक्षर गरिन लागेको करारपत्रका थुप्रै शर्तहरुमध्ये एउटा शर्त – प्रथम चरणको ९९ बर्षे अवधि समाप्त भएपश्चात् पुनः अर्को ९९ वर्षका लागि म्याद थप गर्न सकिने उल्लेखनीय छ । साथै, सरकारले हम्बानटोटा द्वीप भित्रको र द्वीप निकट रहेको मोनेरागला जिल्ला समेतका थप पन्ध्र हजार एकड जग्गामा औद्योगिक क्षेत्र बिकाश र बिस्तार गर्नका लागि भन्दै चीनलाइ नै लिजमा दिने प्रस्ताव गर्दैछ । हम्बानटोटा द्वीप राजधानी कोलम्बोबाट दक्षिणपूर्व करिब दुइसय चालिस किलोमिटर टाढा पर्दछ । हम्बानटोटा बन्दरगाह र त्यसको निकट रहेको औद्योगिक क्षेत्र बिकाश आयोजनामा चीनले हालसम्म एक अरब बीस करोड अमेरिकी डलरभन्दा बढी रकम लगानी गरिसकेको छ । श्रीलङ्काका आर्थिक तथा राजनीतिक विश्लेषकहरुले चीनको यो लगानीलाई आफ्नो प्रतिद्वन्दी र श्रीलङ्कालाई घेर्ने मुलुक भारतका गतिबिधिहरु नियाल्ने र त्यसबाट राष्ट्रिय लाभ उठाउने ूमोती सूत्रीय रणनीति (स्ट्रिङ्ग अफ पर्ल स्ट्राटेजी)ू को रुपमा हेरेका छन् । चीनले यत्रो धनराशी खर्च गरिसकेको आयोजना सन् २०१० देखि नोक्सानमा गएको बताइन्छ । श्रीलङ्काली सरकारले सुरुसुरुमा उक्त बन्दरगाह र औद्योगिक क्षेत्र बिकाश आयोजनामा चिनियाँ संलग्नताबारे सकारात्मक सोच नराखे ता पनि अन्तमा यस्ता ठूला आयोजना सम्पन्न गरी राष्ट्रिय लाभ हा��ील गर्ने प्रयोजनले चिनियाँ सहयोगको आवश्यकता परेको वकालत गरेको छ । यता, विरोध प्रदर्शनको एकजना आयोजक सांसद डि.भि. चाणक्य भने एक शताव्दिसम्म उक्त बन्दरगाहको भोगाधिकार चीनलाई सुम्पेमा त्यो क्षेत्र पूरै ूचिनियाँ उपनिबेशू बन्ने भय रहने मत व्यक्त गर्छन् । उनले आजको विरोध प्रदर्शनमा तीन हजार बौद्ध भिक्षुसहित कम्तीमा दश हजार जनता सहभागी हुने दावी गरे । सम्भावित विरोध प्रदर्शनलाई लक्ष गरी हस्ताक्षर समारोह र जनसुरक्षाका लागि भन्दै हम्बानटोटा नगरका प्रमुख केन्द्रहरुमा बिहानैदेखि बाक्लो सङ्ख्यामा सुरक्षाकर्मीहरु तैनाथ गरिएका छन् । सो बन्दरगाह र औद्योगिक क्षेत्र चीनलाइ नै लिजमा दिनु पर्ने बाध्यताबारे प्रधानमन्त्री बिक्रमसिङ्घे पूर्वप्रधानमन्त्री महिन्द्रा राजापाक्षेलाई दोषारोपण गर्नु हुन्छ । महिन्द्रा राजापाक्षेको सरकारले सो बन्दरगाह निर्माण र औद्योगिक क्षेत्र बिकास र बिस्तारको नाममा मुलुकले थेग्नै नसक्ने ऋण काढेकाले पुरानो कुडा कर्कट सफा गरी देशलाई ऋणमुक्त बनाउन चीनको सहयोग चाहिएको बिचार प्रधानमन्त्री बिक्रमसिङ्घेले ब्यक्त गर्नु भयो । चीनको मित्र र बेइजिङगको साह«ै नजिक मानिएको राजापाक्षेको सरकारले काढेको ऋणका कारण आज यो बाध्यता आइपरेको भनाइ वर्तमान प्रधानमन्त्रीको भनाइ छ । ूबन्दरगाह र औद्योगिक क्षेत्र त कसैले बोकेर बाहिर लगिने बस्तु त हैनन् नि । श्रीलङ्का पहिला बेलायती उपनिबेश छँदाको अवस्था तिर एक पटक हेरौं त । बेलायती शासकहरुले ट्रिङ्कोमाली र कोलम्बोमा विशाल बन्दरगाह र बिमानस्थल निर्माण गरेका थिए । उनीहरुले यी सबै बोकेर लगे त रुू विरोध प्रदर्शनीका आयोजकहरु प्रति प्रधानमन्त्रीको प्रश्न थियो । – एपी

[nepal123]

देख्नेले पनि दृष्टि विहीनको अनुभूति गरेपछि….. पोखरा, २० पुस- झट्ट सुन्दा अचम्म पनि लाग्न सक्दछ, विभिन्न कारणले दृष्टि गुमाएकाको दिनचर्या र भोगाइलाई आज पोखराका विभिन्न कार्यालय प्रमुख, प्रतिनिधि एवम् सर्वसाधारणले केही समय भए पनि अनुभूति गरेका छन् । विश्व ‘ब्रेल दिवस तथा २०८ औँं लुइब्रेल’ जयन्तीका अवसरमा सामाजिक जागरणका लागि नारी अभियानद्वारा यहाँ आयोजित अँध्यारो यात्राका सहभागीले आँखा छोपेर सेतो छडीको सहारामा हिँडदा त्यस्तो अनुभूति गरेका हुन । पोखराको मानवअधिकार चोकबाट सुरु भएको अँध्यारो यात्रा चिप्लेढुङ्गस्थित बीपी चोक परिक्रमा गरेर पुनः सोही चोकमा आइपुग्न लगभग एक घन्टा लागेको थियो भने यात्राका सहभागीले निक्कै अप्ठेरो अनुभूति गरेको दृश्य देखिन्थ्यो । सडकमा देखिने सेतो छडी बोकेका दृष्टिविहीनको व्यथालाई आँखा देख्नेको अन्तरआत्माबाट बुभ्mन र सहयोगी भावनाको विकास गर्ने लक्ष्यका साथ कार्यक्रमको आयोजना गरिएको नेपाल पत्रकार महासङ्घका केन्द्रीय सदस्य एवम् कार्यक्रम संयोजक सुष्मा पौडेलले बताउनुभयो । उहाँका अनुसार पोखराका सडक, सरकारी तथा गैरसरकारी कार्यालय, यातायातका साधनलगायतका विभिन्न भौतिक संरचना र व्यवहारसमेत अपाङ्गमैत्री हुननसक्दा समाजका शारीरिक एवम् मानसिक अपाङ्ग��े कष्टकर जीवन जीउन बाध्य रहेका छन् । कार्यक्रमका सहभागीले एक हजार रुपैयाँ सहयोग गरेपछि सेतो छडी र आँखा छोप्नेपट्टी प्राप्त गर्ने व्यवस्था गरिएको बताउँदै उ��ाँ भन्नुहुन्छ–“ कार्यक्रमबाट बचेको ६२ हजार रुपैयाँ नेत्रहीन सङ्घ कास्कीलाई अक्षयकोष स्थापना गर्नका लागि सोही कार्यक्रममा हस्तान्तरण गरिएको छ ।” सरकारी कार्यालयमा आउँदा दृष्टिविहीनको भोगाई कस्तो हुन्छ भन्ने आफूले पहिलो पटक अनुभूति गर्ने मौका पाएको पश्चिमाञ्चल क्षेत्रीय प्रशासक खगराज बरालले बताउनुभयो । “प्रत्येक सरकारी कार्यालयका कर्मचारीलाई समेत यस्ता कार्यक्रममा सहभागी गराउनु आवश्यक छ,” उहाँले भन्नुभयो । सोही कार्यक्रममा कास्की जिल्लाबाट पहिलो प्रवेशिका परीक्षा उत्तीर्ण गर्ने दृष्टिविहीन विद्यार्थी विष्णुमाया विकलाई सम्मान गरिएको थियो । उहाँलाई पाँच हजार नगदसहित दोसल्ला र सम्मानपत्रले सम्मान गरिएको हो । दृष्टिविहीनको वास्तविकतालाई समाजमा छर्लङ्ग पार्ने सन्देशमूलक कार्यक्रमलाई मुलुक र संसद समक्ष पु¥याउन पहल गरिने राष्ट्रिय अपाङ्ग महासङ्घका केन्द्रीय सचिवालय सदस्य शिशिर खनालले बताउनुभयो । फ्रान्सका लुइब्रेलले प्रतिपादन गरेको ब्रेनलिपी विश्वका दृष्टिविहीनको एउटै भाषा बनेको भए पनि नेपालमा एकदशक अगाडि मात्र भित्रिएको दृष्टिविहीन श्रीकान्त सापकोटाको भनाइ छ । नेत्रहीन सङ्घ कास्कीका अध्यक्ष लक्ष्मण सुवेदीका अनुसार सोही कार्यक्रममा बर–पिपल प्लास्टिक स्टोर्सका सञ्चालक हरिप्रसाद सिलवालले सङ्घलाई रु १० हजार नगद आर्थिक सहयोग गर्नुभएको थियो । विश्व ब्रेन दिवसको अवसरमा नेत्रविहीन सङ्घ कास्कीद्वारा आयोजित दृष्टिविहीन अन्तर्गत भएको निबन्ध प्रतियोगितामा अमरसिंह उच्च माविका अञ्जन बस्ताकोटी र सङ्गीता कुँवर तथा जनप्रकाश उच्च माविका सुष्मा तामाङ क्रमश प्रथम, द्धितीय र तृतीय भएका थिए । रासस

[nepal123]

आयल स्टोर्समा चोर्न आएका चोरले चिर्पटले हानेर हत्या गरेपछि … इटहरी, १८ पुस- मोरङ जिल्लाको सुन्दरदुलारी–६ निवासी ५७ वर्षीय धनबहादुर गुरुङलाई कृष्ण आयल ट्रेडर्समा डकैती गर्न आएका डाँका समूहलाई खेदाउने क्रममा डकैती समूहका मानिसले टाउकोमा प्रहार गरेको चिर्पटका कारण मृत्यु भएको इलाका प्रहरी कार्यालय, बेलबारीले जानकारी दिएको छ । गएराति १२ बजे शरीर र अनुहारमा मोबिल दलेर सखुवाको आग्लो बोकेर रिक्सामा पेट्रोल पम्प पुगेका ती डाँकाले पम्पमा रहेका पुष्पप्रसाद सिग्देललाई ढोका खोल्न दबाब दिएपछि उनी अब मरिने भइयो भनेर छतमा चढी हामफालेर चोर चोर भन्दै भागेपछि गाउँले पम्पतिर आउँदा ती चोरले गुरुङलाई प्रहार गरेका थिए । डकैत समूहले प्रहार गरेर गम्भीर घाइते भएका गुरुङलाई तत्काल उपचारका लागि नोबेल मेडिकल कलेज पु¥याई सघन उपचार कक्षमा उपचार गरिएको भए पनि उनलाई बचाउन सम्भव नभएको बताइएको छ । यसैगरी डकैती गर्न आएकामध्ये आफूलाई झापा जलथल निवासी भूपेन्द्र गिरी नाम बताउनेको पनि बिपी कोइराला स्वास्थ्य विज्ञान प्रतिष्ठान धरानमा उपचार भइरहेको छ । ��्थानीय गाउँलेले चारैतिर घेरेर कुटपिट गरिएका ती डकैती समूहका गिरी थर बताउनेको अवस्था पनि चिन्ताजनक रहेको प्रहरी निरीक्षक, मेघराज थापाले जानकारी दिनुभयो । पम्पमा भएको त्यो घटनामा प्रहरी ढिलो आएको र प्रहरीले स्थानीयवासीसँग रुखो व्यवहार गरेको भन्दै स्थानीयवासीले दुलारी सडकखण्डमा चक्काजामसमेत गरेका छन् ।

[nepal123]

स्थानीयवासीले मुआब्जाको कारण देखाई अवरोध गरेपछि अरुण तेस्रो प्रवेश मार्गको काम ठप्प काठमाडौँ, १५ पुस- अरुण तेस्रो जलविद्युत् आयोजनाको प्रवेश मार्गको निर्माण ठेक्का पाएको लुम्बिनी–एमके–सिंह एन्ड ब्रदर्स कम्पनीले स्थानीयवासीले मुआब्जाको कारण देखाई अवरोध गरेपछि सडक निर्माण कार्य अगाडि बढ्न सकेको छैन । विसं २०४५ मा सर्भे भई २०४६ सालमा सरकारले दिएको क्षतिपूर्ति अप्रयाप्त भएको, कतिपयले नपाएको र सडक निर्माण गर्दा आफूहरुको घर जग्गा, रुखपात, सिँचाइ एवम् खानेपानीमा बाधा पुगेको, मठ मन्दिरसमेत पर्ने भएकाले त्यसको उचित मुआब्जा नदिएसम्म सडक निर्माण गर्न अवरोध गर्ने बताएपछि कम्पनीले सम्बन्धित निकायमा समस्या समाधानका लागि अनुरोध गरेको छ । पन्ध्र महिनाभित्र सङ्खुवासभाको छ्याकुटीदेखि विद्युत्गृहसम्मको ठेक्का नं १ र २ गरी जम्मा २८ किमी सडक निर्माण सम्पन्न गर्ने गरी ठेक्का लिएकामा स्थानीयवासीको अवरोधका कारण निर्धारित समयमा सम्पन्न गर्न नसकिने भएकाले त्यसबापतको क्षतिपूर्ति आयोजनाले दिनुपर्ने पनि कम्पनीको दाबी छ । कम्पनीले सो सडक छ्याङ्कुटीदेखि लप्सेसम्म एक खण्ड र लप्सेदेखि विद्युत् गृहसम्म अर्को खण्ड गरी निर्माण सुरु गर्न लाग्दा स्थानीयवासीले अवरोध गरेका हुन् । खण्ड–एकअन्तर्गत छ्याङ्कुटीबाट छ किमी सडक निर्माण भइसकेको छ, लप्सेदेखि छ्याङ्कुटीतर्फ बढ्न खोज्दा स्थानीयवासीले अवरोध गरेपछि निर्माण कार्य स्थगित गर्नुपरेको कम्पनीका प्रतिनिधि माधव खनाल बताउनुहुन्छ – “खण्ड ‘ख’ को त निर्माणको काम सुरु गर्न दिइएको छैन् ।” सडक निर्माणका लागि लप्सेमा क्याम्प खडा गरी स्काभेटर, डोजरलगायत उपकरण लगेर राखिएको छ भने प्राविधिक र मजदुर गरी करिब २०० जना काम गर्न नपाएर अलपत्र रहनुपरेको उहाँले बताउनुभयो । आफूहरुले उचित मुआब्जा र क्षतिपूर्ति नपाएसम्म सडक निर्माण गर्न नदिने भन्दै स्थानीयवासी प्रभावित सङ्घर्ष समिति र अरुण सरोकार मञ्चले गत मङ्सिर १ गते स्थानीय प्रशासनमा जानकारी गराएका थिए । सडक निर्माणमा अवरोध भएको डेढ महिना बितिसक्दा पनि समाधानको ठोस पहल नहुँदा आफूहरुले दैनिक रु पाँच÷छ लाख नोक्सानी व्यहोरिरहनु परेको खनालले गुनासो गर्नुभयो । अरुण तेस्रो प्रवेश मार्ग आयोजनाका डिभिजनल इन्जिनियर जीवेन्द्र मिश्रले समस्या समाधानका लागि स्थानीयवासी, लगानी बोर्ड, विद्युत् आयोजनासँग वार्ता भइरहेकाले केही दिनभित्रै निकास निस्किनेमा आफू विश्वस्त रहेको बताउनुभयो । सो विद्युत् आयोजनाअन्तर्गत तीन भागमा सडक निर्माणका लागि ठेक्का भई काम सुरु भएको छ । फासिन्दादेखि सुन्तलेसम्म अर्थात् बाँधस्थलदेखि विद्युत् गृहसम्मको १६ किमी तथा फासिन्दादेखि बाँधको माथिल्लो भे��सम्म जाने २.३८ किमीको सडकको निर्माण कार्य भने सञ्चालन छ ।

[nepal123]

अनलाइनबाट फर्म भर्न सकिने व्यवस्था गरेपछि यातायात कार्यालयमा सेवाग्राहीको भीड कम ललितपुर, १२ पुस- एकान्तकुनास्थित यातायात व्यवस्था कार्यालयमा सवारी चालक अनुमतिपत्र शाखामा सेवाग्राहीको भीड कम भएको छ । आइतबारदेखि भौतिक पूर्वाधार तथा यातायात व्यवस्था मन्त्रालयले अनलाइनबाट सवारी चालक अनुमतिपत्रको फाराम सङ्कलन गर्न थालेपछि सेवाग्राहीको भीड कम भएको हो । सेवाग्राहीले आधारातदेखि ला��मा बस्नुपर्ने बाध्यताबाट समेत छुट पाएका छन् । आइतबारदेखि सेवा सुरु भएपछि सोमबार बिहानैदेखि लाम नभएको कार्यालयका प्रमुख तेजनारायण यादवले बताउनुभयो । कार्यालयले ५०० जना सेवाग्राहीलाई समय दिएर थप कामका लागि कार्यालय बोलाएर सेवा दिन थालेको छ । उहाँले भन्नुभयो – “आज कार्यालय समय सुरु भएपछि मात्रै सेवाग्राही आउन थालेका हुन् ।” यसअघि सेवाग्राही बिहान २÷३ बजेदेखि नै लाम बस्ने गरेका थिए । बिहान सबेरै लाम बस्ने सेवाग्राहीको समेत अपराह्न मात्रै पालो आउने गर्दथ्यो । अनलाइनबाट फाराम भरेपछि सेवाग्राहीले स्वास्थ्य जाँच र राजस्व बुझाउन मात्रै कार्यालय आइपुगेका हुन् । यी कामका लागि लाम भए पनि फाराम भर्न दिनभरको समय नलाग्ने कार्यालयको दाबी छ । अनलाइनबाट फाराम भरेर समय पाएका सेवाग्राही मात्रै सोम��ार कार्यालय पुगेका थिए । उहाँले भन्नुभयो – “सेवाग्राही र कार्यालय दुवैलाई सजिलो भएको छ ।” सेवाग्राहीले हैरानी पाएपछि भौतिक पूर्वाधार तथा यातायात व्यवस्था मन्त्री रमेश लेखकको निर्देशनमा अनलाइनबाट फाराम भर्ने प्रवन्ध मिलाइएको हो ।

[nepal123]

निरन्तर ओरालो लागेको सेयरमा आज यस्तो सुत्रले काम गरेपछि सुध्रियो काठमाडौँ, ७ पुस । लगातार घट्दै आएको सेयर बजारमा आज भने सामान्य सुधार आएको छ । नेपाल स्टक एक्सचेन्जका अनुसार आज नेप्से परिसूचक ४.७८ बिन्दुले बढेर एक हजार ४७५.४१ बिन्दुमा पुगेको छ । लगातार ओरालो लागेको बजारमा सामान्य वृद्धिको पछाडि नेपाल टेलिकममा रणनीतिक साझेदार भित्र्याउने विषयमा भएको सहमतिले काम गरेको बताइएको छ । नेपाल टेलिकमको सेयर मूल्यमा आएको वृद्धिले नेप्सेलाई उकास्न आधार दिएको बताइन्छ । दोहोरो अङ्कले झरेको बजार आज भने करिब पाँच अङ्कले उकालो लागेको हो । आज कुल १३८ कम्पनीको सात लाख ६९ हजार कित्ता सेयर रु ५० करोड २२ लाख किनबेच भएका छन् । बैंकिङ ०.२१, विकास बैंक ०.३८, उत्पादन १.६२ र अन्य समूह २.७४ प्रतिशतले बढेको छ भने होटल १.२५, जलविद्युत् ०.८७, फाइनान्स ०.५ र बिमा समूह ०.१४ प्रतिशतले घटेको छ ।

[nepal123]

१६ हजार सुरक्षाकर्मी परिचालन गरेपछि मात्रै मुखर्जीको नेपाल भ्रमण ढुक्क काठमाडौँ, २१ कात्तिक । रक्षामन्त्री बालकृष्ण खाँणले भारतका राष्ट्रपति प्रणव मुखर्जीको भ्रमणसँगै संसारभर नेपाल सुरक्षित गन्तव्यस्थल रहेको सन्देश प्रवाह भएको बताउनुभएको छ । रिपोर्टर्स क्लब नेपालद्वारा आज यहाँ आयोजित साक्षात्कारमा उहाँले भन्नुभयो – “नेपाल भ्रमणमा आउन चाहने पर्यटकका लागि नेपालमा शान्ति छ, सुरक्षाको राम्रो प्रबन्ध छ, असुरक्षा छैन भन्ने सन्देश संसारभर गएको छ ।” नेपाल सरकार जुनसुकैस्तरको भ्रमणको शान्ति सुरक्षाको प्रबन्ध गर्न सक्षम रहेको भ्रमणबाट पुष्टि भएको बताउँदै मन्त्री खाँणले भन्नुभयो – “भारतीय राष्ट्रपतिको उच्चस्तरको भ्रमण अत्यन्तै सौहार्दपूर्ण ढङ्गबाट सम्पन्न हुनु भनेको हाम्रा लागि ठूलो महत्वको विषय हो, यसले दुई देशबीचको सम्बन्ध विस्तारलाई उचाइमा पु¥याउन ठूलो योगदान दिएको छ ।” उहाँका अनुसार राष्ट्रपतिको सुरक्षाका लागि १६ हजार सुरक्षाकर्मी परिचालन गरिएको थियो । उहाँले भ्रमण सफल तुल्याउन सुरक्षाकर्मीको गतिशीलता, क्षमता र कडा मेहनत रहेको बताउँदै राष्ट्रपति मुखर्जीको सवारी मार्गमा सर्वसाधारणलाई हिँडडुलमा परेको असुविधाप्रति क्षमा माग्नुभयो । एक प्रश्नको जवाफमा रक्षमन्त्री खाँणले संविधानसभाबाट जारी भएको नेपालको संविधानलाई सहजताका साथ लिँदै नेपाली सेनाले सङ्घीयतालाई आत्मसात् गरेको बताउँदै भन्नुभयो– “पछिल्लो समय सेना र सुरक्षाफौजका भूमिका समेत बदलिएको छ, विपद् व्यवस्थापन र विकास निर्माणमा पनि सेनाको भूमिका महत्वपूर्ण साबित भएको छ, द्वन्द्वरत मुलुकमा ��ान्ति स्थापना कार्यमा नेपाली सेनाले देखाएको अनुशासन, व्यावसायिकता र भूमिकाको सर्वत्र प्रशंसा हुँदै आएको छ ।” नेपाली काँग्रेसका केन्द्रीय सदस्य खाँणले आफ्नो पार्टी उदारवादमा विश्वास गर्ने भएकाले सबैको भावना र चाहनालाई समेटेर अघि बढिरहेको छ भन्नुभयो । उहाँले भन्नुभयो – “थप राजनीतिक सहमतिका साथ संविधान कार्यान्वयन गर्न आवश्यक परिमार्जन र संशोधनका लागि अघि बढाइएको हो । नेपालको संविधानको स्वरुपले नै मिलीजुली सहमतिका आधारमा अघि बढ्नुपर्छ भनेको छ ।