#एकाच

[happilyevr]

देवळाकडे सायकल ठेवली आणि दुर्बिण गळ्यात अडकवून चालायला सुरुवात केली. डोंगराच्या पायथ्याशी जाई पर्यंत अर्धा तास लागला. अंतर जेमतेम 100 ते 150 मीटर असेल पण तितक्यात खूप पक्षी दिसले. एका पिंपळाच्या झाडावर भरपूर वेगवेगळ्या प्रकारचे पक्षी होते. त्या खाली अजून एक झाड होत त्याला फळ आली होती. त्यावरही starling, bulbul, barbet असे सगळे होते. आजुबाजुला भातशेती होती. थोडी कापलेली, थोडी अजून कापायची बाकी होती.

थोडं पुढे गेल्यावर एका माडावर बाया सुगरणी च्या घरट्यांचे झोके होते. पंधरा दिवसांपूर्वी गेले होते तेव्हा त्यांचं घरटी बनवण्याच काम चालू होतं. आज त्यामानानं जरा कमी बाया पक्षी दिसले.

डोंगर चढायला सुरवात केली तेव्हा कुणगे (भातशेती) संपून जंगल सुरू झालं. पक्षी दिसायचे कमी झाले पण call येत होतेच. ते call पण थोडे बदलले. Beat you, Malabar whistling thrush chi शीळ असे आवाज यायला लागले. 

जंगलातले साग वाऱ्यावर आपली पानं झटकत होते. वाऱ्याबरोबर ती तरंगत खाली येत होती. संपूर्ण वाटेवर जाळीच्या सागपानांची चादर घातल्यासारखी दिसत होती.

या डोंगरात वर एक वाडी (वस्ती) आहे. आज तिथे जायचं ठरवून निघालेले. वाटेत त्याच वाडीतून सकाळी कामाला जाणारी किंवा dairy वर दूध नेणारी माणसं cross होत होती. डोंगरावर पूर्ण चढतीचा रस्ता आहे. वर थोड्या अंतरावर two wheeler जाते आणि तिथून पुढे पुन्हा पायवाट. मोठ्या गाडीचा रस्ता नाही.

वर वाडीत पोचले तेव्हा एक माणूस भेटला, त्याने सांगितलं की या वाडीला डोंगरवाडी म्हणतात आणि इथे 20 22 घरं आहेत. प्रत्येक घराच्या सभोवती आपापली भात शेती आहे त्यामुळे घरं एकमेकांच्या फार जवळ नाहीत.

थोडं पुढे एक पत्र्याची शेड दिसली. आधी वाटल स्मशान भूमी असेल. अजून जवळ गेल्यावर शेडच्या आत घंटा दिसल्या. मग वाटल की मंदिरच असेल, स्मशानात कुठे घंटा असतात. तरी मी तिकडे न वळता सरळ गेले पुढे. पुढे आणखी थोडी घरं दिसली. मग वाटलं की असं घरांच्या मधोमध स्मशान नसावं. परत येताना तिथे जाऊन पाहिलं. ते मंदिर नाही पण छोट देवस्थान होत. मग तिथेच थोडा वेळ बसले. आत दोन पाषाण आहेत. एकावर भरपूर जास्वंदीची फुलं आणि दुसऱ्यावर फक्त 2 3 गुलाब वाहिलेले. पाषाणामागून छोटंसं हिरवं गवत डोकावत होत. तो अजूनही निसर्��ातला देव आहे याची साक्ष जणू! निसर्गातला देव आणि देवातला निसर्ग! आजूबाजूला लावलेल्या टाइल्स पेक्षा डोळ्यांना हे जास्त सुखावणारं होत.

देवस्थानासमोर तुळस होती आणि त्यापुढे एक चाफ्याच झाड. तुळस सुकलेली पण जिवंत होती. तिच्या सुकलेल्या फांदीवर पण एक जास्वंदीच फुल वाहिलं होतं. हे कोकणातल्या तुळशी पूजेचं typical दृश्य आहे. काही फुलं तुळशी वृंदावनावर आणि एक तुळशीला.  

हे सगळं बघता बघता मी सोबत आणलेली उकडलेली रताळी खाल्ली. 

तितक्यात वरून एक घार उडत येऊन शेजारच्या झाडावर बसली. तसे 2 3 कावळे मोठ्याने ओरडू लागले आणि 2 pond heron पण ओरडत उडाले.

त्याच झाडाखाली देवाच्या बाजूने एक पाण्याचा छोटा झरा वाहतो. तो cross करून एक आजी वर आल्या. कमरेवर एक घमेले - त्यात डोक्याला आणि कमरेला काम करताना बांधायचे टॉवेल आणि एक कोयती (छोटा गोलाकार कोयता). माझी चौकशी करून ती पुढच्या कुणग्यात (शेतजमीन) गेली. डोक्याला, कमरेला बांधून तिनं भात कापायला सुरुवात केली. तिच्या मागोमाग 5 मिनिटांनी एक आजोबा आले. हातात एक पंचा आणि कोयती. त्यांनीही तिच्या सोबत जाऊन भात कापायला सुरुवात केली. थोड्या वेळाने ते दोघं एकाच लयीत काम करतायत अस वाटायला लागलं. थोडं कापून झालं तस आजोबांनी त्याच्या पेंढ्या बांधल्या. एक पेंढी डोक्यावर घेऊन ते तो झरा पुन्हा क्रॉस करून पलीकडे गेले. जाताना  झऱ्याकडच्या झाडाच्या फांदीला त्यांचा डोक्यावरचा भात थोडा अडकला. परत येताना ते ती तेवढी अडकलेली फांदी कोयत्याने तोडून आले. 

आणि मग एक एक पेंढी घेऊन जात राहिले. नंतर परत ��ोक्यावरचा भात झाडात अडकला नाही. आजी कापत होतीच. अशा माझ्या समोर जवळ जवळ 10 फेऱ्या त्यांनी मारल्या आणि एक कोपरा भात कापून झालं. आजींच्या सोबतीला एक दोन बगळे आणि drongo होते. तितक्यात मागच्या मोठ्या आंब्याच्या झाडावरून दोन मलबार pied hornbill उडत आले त्यांना थोडा वेळ बघून मी परत निघाले. येताना उतार असल्याने फार वेळ लागला नाही. वाटेत रस्त्यावरच एक खार दिसली. पटकन हातात घेता आली असती इतकी जवळ होती. 

वाटेत जंगलात पडलेली 2 3 सागाची पानं मी मला घेतली, त्यावर चित्र काढायच्या ambitious project सोबत. 

अशा प्रकारे आजची सुट्टीची सकाळ सफळ संपूर्ण!

[bharatlivenewsmedia]

Chhattisgarh Road Accident: बालोद येथे ट्रक-बोलेरोची धडक, एकाच कुटुंबातील 11 जणांचा मृत्यू

https://bharatlive.news/?p=97405 Chhattisgarh Road Accident: बालोद येथे ट्रक-बोलेरोची धडक, एकाच कुटुंबातील 11 जणांचा ...

[starfriday]

मुख्यमंत्री देवेंद्र फडणवीसांच्या उपस्थितीत जिओ स्टुडिओज् प्रस्तुत ‘संगीत मानापमान‘ चित्रपटाचा भव्य दिव्य ट्रेलर प्रदर्शित !

कथा शौर्याची, प्रेमाची, ईर्षेची, मानापमानाची, जिओ स्टुडिओज् सादर करत आहे ‘संगीत मानापमान‘ चा भव्य दिव्य ट्रेलर

नववर्ष मराठी चित्रपटसृष्टीसाठी खूप खास ठरणार आहे. कारण ज्या चित्रपटाची प्रेक्षक आतुरतेने वाट बघताय तो संगीतमय चित्रपट संगीत मानापमान नववर्षाच्या सुरवातीला प्रदर्शित होणार आहे. जिओ स्टुडिओज् प्रस्तुत आणि सुबोध भावे दिग्दर्शित "संगीत मानापमान" चा ट्रेलर प्रेक्षकांच्या भेटीस आलाय. विशेष म्हणजे महाराष्ट्राचे लाडके मुख्यमंत्री माननीय देवेंद्र फडणविस ह्यांच्या उपस्थितीत हा भव्य दिव्य सोहळा पार पडला.

शौर्याला, धैर्याला, पराक्रमाला आणि त्यागाला वंदन करून एका संगीतमय प्रेमकथेचा हा संपूर्ण प्रवास चित्रपटात आपण अनुभवायला मिळतो.

शौर्याची, प्रेमाची, ईर्षेची, मानापमानाची कथा त्यात दिग्गज कलाकारांची तगडी टीम असा अनोखा संगम अनुभवायाची उत्सुकता वाटते. खाडीलकरांच्या मूळ संगीत मानापमान कलाकृतीने प्रेक्षकांच्या मनावर राज्य केलय त्यामुळे 'संगीत मानापमान' ट्रेलरला त्या चाहत्या वर्गाकडूनही लक्षवेधी प्रतिसाद मिळतोय.

विविधांगी विषयांचा सुंदर मिलाप आणि कलाकारांचा रंगतदार सोहळा यावेळी या चित्रपटाच्या निमित्ताने पडद्यावर पाहायला मिळ��ार आहे. चित्रपटात सूबोध भावे, सुमित राघवन, वैदेही परशुरामी, उपेंद्र लिमये, नीना कुलकर्णी, निवेदिता सराफ, शैलेश दातार, अर्चना निपाणकर आदी कलाकार प्रमुख भूमिकेत आहेत. बुद्धिमत्ता, स्वाभिमान आणि मनमोहक सौंदर्य यांच्या अलौकिक संगमाने चमकणारा तेजस्वी तारा म्हणजेच "भामिनी" चं पात्र अभिनेत्री वैदेहीने चित्रपटात सुरेखपणे साकारलय, वैदेहीची एक नवीन झलक आपल्याला पहायला मिळते. तसच कुटील, चाणाक्ष, धूर्त भावी सेनापती चंद्रविलास म्हणजेच सुमित राघवन ह्यांनी देखील आपली भूमिका चोख पार पाडली आहे. दिग्दर्शक आणि अभिनेते सुबोध भावे ह्यांचा ॲक्शन अवतार सगळ्यांनाच भावला आहे. इतकच नव्हे तर अभिनेत्री अमृता खानविलकर हिची देखील छोटीशी झलक एका गाण्यात पाहायला मिळते आणि इतर दिग्गज आणि नामवंत कलाकार एकाच सिनेमात असल्यामुळे प्रेक्षकांना जणू उत्सवाचं निमित्तच मिळतं.

हा सिनेमा प्रेक्षकांना एका ऐतिहासिक कालखंडांत घेऊन जाणार असून यात असणारे राजवाडे, महाल, वेशभूषा प्रेक्षकांना त्या काळाची अनुभूती देतात. दिग्गज कलाकारांच्या सुरेल आवाजाची अनुभूती,संगीताची जादू आणि मान-प्रतिष्ठेचा संघर्ष उलगडणारा ‘संगीत मानापमान’ चित्रपटाची भव्यता पाहायला मिळतेय. 'संगीत मानापमान' साठी दिग्गज संगीतकार शंकर-एहसान-लॉय यांनी मंत्रमुग्ध करणारी एकूण १४ गाणी कंपोज केली आहेत. तर या गाण्यांना १८ नामवंत गायकांनी गायलं आहे. यातले सात गायक हे राष्ट्रीय पुरस्कार विजेते गायक आहेत. शंकर महादेवन, सोनू निगम, राहुल देशपांडे, महेश का��े, अवधूत गुप्ते, बेला शेंडे, प्रियांका बर्वे, आर्या आंबेकर, प्रतिभा सिंग बाघेल, जसराज जोशी, आनंद भाटे, शौनक अभिषेकी, सावनी रवींद्र, हृषीकेश बडवे, अस्मिता चिंचाळकर, कृष्णा बोंगाणे, शिवम महादेवन आणि श्रीनिधी घटाटे अशा नामवंत गायकांनी आपला आवाज दिलाय.

*संगीत मानापमान सर्व रेकाॅर्ड तोडेल असा विश्वास कार्यक्रमाला उपस्थित असलेले माननीय मुख्यमंत्री देवेंद्रजी फडणवीस ह्यांनी दाखवला, लाँचच्या कार्यक्रमावेळी ते म्हणाले*

*"सुबोध भावे दिग्दर्शित ‘संगीत मानापमान’ चित्रपटाच्या मुंबई येथे आयोजित ट्रेलर लाँच कार्यक्रमाला उपस्थित राहिलो. गेल्या दोन दिवसांमध्ये मंत्रिमंडळाचा विस्तार करुन, खातेवाटप आदी कामे करुन ‘संगीत मानापमान’ला पोहोचलो. आमच्याकडे मान-अपमान मनात होतो, त्याचे संगीत मीडियात वाजते. ११३ वर्षांपासून सातत्याने मराठी मनाला भुरळ घालण्याची क्षमता असलेले नाटक ‘संगीत मानापमान’ आता रुपेरी पडद्यावर नव्या रुपात पाहायला मिळणार आहे. ‘संगीत मानापमान’ विषयी इतिहासात वेगवेगळ्या दंतकथा सांगितल्या जातात. एक काळ असा होता की, सोन्याचा जो दर होता, त्यापेक्षाही अधिक दराने या नाटकाची तिकीटे विकली गेली होती. अगदी स्वातंत्र्यलढ्यातही टिळक स्वराज्य ट्रस्टसाठी निधी उभारण्यासाठी ‘संगीत मानापमान’चे प्रयोग करण्यात आले होते.*

*मराठी भाषेला संगीत नाटकाची परंपरा लाभलेली आहे. आता आपली मराठी, संगीत, नाट्यसंगीतही अभिजात आहे. ‘संगीत मानापमान’ नाटकातील मूळ पदांचे सौंदर्य या चित्रपटाच्या १४ पदांच्या माध्यमातून आपल्यापर्यंत पोहोचेल. नव्या पिढीत हा चित्रपट पाहण्याची उत्कंठा तयार होईल, हा चित्रपट सर्वांनीच चित्रपटगृहात पाहायला हवा. आपली संस्कृती, कला, संगीत, या सगळ्याला रिइन्व्हेंट करणे, अशाप्रकारे हा चित्रपट आपल्यासमोर येत आहे. चित्रपटाचा ट्रेलर अतिशय सुंदर असून यावरुनच चित्रपट किती सुंदर असेल याची कल्पना करता येते. सुबोध भावे व त्यांच्या टीमचे यासाठी अभिनंदन. संगीताशिवाय ‘संगीत मानापमान’ पूर्ण होऊ शकत नाही आणि यासाठी शंकर एहसान लाॅय यांचे अभिनंदन.*

*आमच्या कार्यकाळामध्ये मराठी चित्रपट, नाटक, विविध कलांच्या आविष्काराला योग्य व्यासपीठ मिळायला हवे, यासाठी आम्ही निश्चित प्रयत्न करु. ‘संगीत मानापमान’ चित्रपटाचा ट्रेलर पाहून विश्वास व्यक्त करतो की, हा चित्रपट सर्व रेकाॅर्ड तोडेल आणि प्रेक्षकांनाही भावेल. मी देखील हा चित्रपट नक्कीच पाहणार आहे."*

इतकच नव्हे तर दिग्दर्शक आणि अभिनेते सुबोध भावे आपलं मत व्यक्त करत म्हणाले “संगीत मानापमान मधील दिग्दर्शन आणि अभिनय हा एक माझ्यासाठी एक अविश्वसनीय प्रवास होता. हा चित्रपट महाराष्ट्राच्या सांस्कृतिक समृद्धीला मनापासून आदरांजली आहे आणि अशी कथा प्रेक्षकांपर्यंत पोचवण्यासाठी मी उत्सुक आहे.”

मीडिया आणि कन्टेन्ट बिझनेस, RIL च्या अध्यक्षा ज्योती देशपांडे सुद्धा यावेळी म्हणाल्या “जिओ स्टुडिओजमध्ये, आम्ही आकर्षक कथाकथनाद्वारे भारतातील वैविध्यपूर्ण संस्कृती समोर आणण्याचा प्रयत्न करत आहोत. संगीत मानापमान हा चित्रपट प्रेम संस्कृती कला परिश्रम याच प्रतीक आहे आणि कला आणि संस्कृतीचे खरे जाणकार श्री देवेंद्र फडणवीस यांनी या विलक्षण प्रवासाचा शुभारंभ केल्याबद्दल आम्हाला खूप आनंद होत आहे. त्यांची उपस्थिती या चित्रपटाचे महत्त्व अधोरेखित करते, जे महाराष्ट्राचा वारसा साजरा करते.

जिओ स्टुडिओज प्रस्तुत, ज्योती देशपांडे आणि श्री गणेश मार्केटिंग निर्मित, सुबोध भावे दिग्दर्शित "संगीत मानापमान" चे म्युझिक लेबल सारेगामा आहे. पटकथा आणि कथाविस्तार शिरीष गोपाळ देशपांडे आणि ऊर्जा देशपांडे यांचे आहे तर अतिरिक्त पटकथा आणि संवाद पटकथा प्राजक्त देशमुख यांनी केले आहे.

एकंदरच नव्या वर्षाची सुरुवात धमाकेदार होणार असल्याचं दिसतंय. "संगीत मानापमान!" एक भव्य दिव्य संगीतमय चित्रपट १० जानेवारी पासून तुमच्या जवळच्या चित्रपटगृहात!

[svagrosolutions]

'सेंद्रिय शेती' कशी करावी?

सेंद्रिय शेती कशी करावी? – एक संपूर्ण मार्गदर्शक सेंद्रिय शेती ही आधुनिक काळातील एक शाश्वत व निसर्गस्नेही शेती पद्धत आहे. रासायनिक खतांपासून मुक्त, नैसर्गिक घटकांचा उपयोग करून पीक उत्पादन करणारी सेंद्रिय शेती आरोग्यासाठी आणि पर्यावरणासाठी अत्यंत फायदेशीर ठरते.

सेंद्रिय शेती म्हणजे काय? सेंद्रिय शेती म्हणजे रासायनिक खते, कीटकनाशके किंवा कोणतेही कृत्रिम घटक न वापरता केली जाणारी नैसर्गिक शेती. यात प्रामुख्याने कंपोस्ट, गोमूत्र, गांडूळ खत, शेणखत, तसेच जैविक कीटकनाशके यांचा उपयोग केला जातो.

सेंद्रिय शेती करण्याचे महत्त्व आरोग्यासाठी फायदेशीर: सेंद्रिय पिकांमध्ये पोषणमूल्ये अधिक असतात. मातीचे आरोग्य राखते: सेंद्रिय घटकांमुळे मातीतील सजीव घटक जिवंत राहतात. पर्यावरणपूरक: जलप्रदूषण आणि मातीचे नुकसान टाळते. कमी खर्च: रासायनिक खतांपेक्षा नैसर्गिक पर्याय स्वस्त व सहज उपलब्ध होतात.

सेंद्रिय शेती करण्याच्या पद्धती

जमिनीची निवड आणि तयारी सेंद्रिय शेतीसाठी भुसभुशीत, सेंद्रिय घटकांनी समृद्ध जमीन आवश्यक आहे. कंपोस्ट किंवा शेणखत जमिनीत मिसळून मातीची सुपीकता वाढवावी. जमीन नांगरून योग्य प्रकारे सजीव अन्नद्रव्ये तयार करावीत.

सेंद्रिय खतांचा वापर शेणखत: नैसर्गिकरित्या कुजवलेले शेणखत जमिनीत टाकल्याने पीक निरोगी राहते. गांडूळ खत: गांडुळांद्वारे तयार होणारे खत मातीला पोषक बनवते. कंपोस्ट खत: घरातील व शेतीतील जैविक कचऱ्यापासून बनवलेले खत पीकवाढीस उपयुक्त आहे.

जैविक कीटक नियंत्रण कीड व रोग ��ियंत्रणासाठी रासायनिक कीटकनाशकांऐवजी गोमूत्र, दशपर्णी अर्क, निम तेल, हळद आणि सेंद्रिय मिश्रणे वापरावीत. पीक संरक्षणासाठी झाडांवर नैसर्गिक फवारणी करावी.

आंतरपीक पद्धती एकाच शेतात दोन किंवा अधिक प्रकारची पिके एकत्र लावून मातीतील पोषणमूल्ये टिकवून ठेवता येतात. उदा. भाजीपाला व कडधान्ये एकत्र लावणे.

पाण्याचा काटकसरीने वापर ठिबक सिंचन व सेंद्रिय मलमूळ पद्धती वापरून पाण्याची बचत करावी. मातीला ओलावा टिकवण्यासाठी झाडांच्या मुळाशी सेंद्रिय कचरा टाकावा. सेंद्रिय शेतीचे फायदे मातीतील पोषणमूल्ये वाढतात. पिकांना नैसर्गिक प्रतिकारशक्ती मिळते. पाण्याचा वापर कमी होतो. ग्राहकांना रसायनमुक्त व उच्च पोषणमूल्य असलेले अन्न मिळते. पर्यावरणाचा समतोल राखला जातो. उत्कृष्ट सेंद्रिय शेतीसाठी काही टिप्स जैविक खते वेळच्या वेळी वापरा. आंतरपीक पद्धतीने मातीचे आरोग्य जपा. नैसर्गिक कीटकनाशकांचा वापर करून पिकांचे संरक्षण करा. गादीवाफा तंत्राचा उपयोग करून उत्पादन वाढवा. शेवटची महत्त्वाची गोष्ट सेंद्रिय शेती ही केवळ उत्पादनाची पद्धत नाही, तर एक जीवनशैली आहे. आरोग्यदायी अन्न, मातीचे संरक्षण आणि पर्यावरण संवर्धन यासाठी सेंद्रिय शेतीचा अवलंब करणे अत्यावश्यक आहे.

सेंद्रिय शेतीचा स्वीकार करा आणि निसर्गासोबत सुसंवाद साधत शाश्वत विकासाकडे वाटचाल करा!

[ashokjagharkar]

ll वानप्रस्थ ll : ३५

रविवारची आळसावलेली सकाळ! चहामागोमाग भरपेट नाश्ताही झाल्याने सुस्ती जरा अधिकच वाढली होती! 'रविवार असल्यामुळे आज अनंतची आंघोळ करण्याची घाई असणार नाहीं' हे ओळखून शुभदा आपली आंघोळ आटपून घेण्यासाठी अनंतला तसं सांगून बाथरूममधे गेली होती आणि अनंत सोफ्यावर निवांत आडवरून 'आज दिवसभरात काय-काय करायचं?' याचा विचार करीत होता, तेवढ्यांत डोअरबेल वाजली. विचारांच्या तंद्रीतच अनंतने दार उघडलं आणि दाराबाहेर पुष्पगुच्छ घेऊन उभ्या असलेल्या केदार आणि एकनाथना बघून चकीतच झाला! "रविवारी भल्या सकाळी तुम्हांला डिस्टर्ब केल्याबद्दल माफ करा, काका!" नजरानजर होतांच मान किंचित झुकवून अभिवादन करीत केदार म्हणाला, "पण आम्ही तुमचा फार वेळ घेणार नाही!" "आधी आंत तर या!" दिलखुलास हंसून अनंतने त्यांचं स्वागत केलं आणि भिंतीवरील घड्याळाकडे कटाक्ष टाकीत म्हणाला,"आतां दहा वाजायला आलेत;-- म्हणजे सकाळ संपली रे बाबांनो! तरी कसलाही संकोच नको!" आंत आल्यावर दार लोटून घेत एकनाथ म्हणाला "सबनीसकाका घरी असल्यास त्यांना इथेच बोलावता येईल कां? म्हणजे तुम्हां दोघांशी एकत्रच बोलतां येईल!" संभाषणाचे आवाज ऐकून कोण आलं आहे ते बघण्यासाठी शुभदा बाहेर आली तशी चटकन उठून तिला अभिवादन करीत केदार म्हणाला, " गुड मॉर्निंग, काकु! खरं तर काम तुम्हां दोन्ही काकुंकडेच आहे!" "वा रे वा! म्हणजे हे पुष्पगुच्छ खास दोन्ही काकुंसाठी आहेत तर!" शुभदा कांही बोलण्याआधीच अनंत मिस्किलपणे म्हणाला! "नाही, नाहीं!" केदारने घाईघाईने खुलासा केला, "पुष्पगुच्छ तुम्ही आणि सबनीसकाकांसाठी आहेत;-- पण काम मात्र काकुंकडे आहे!" ते ऐकून "मी रजनीला फोन करून ��ोघांनाही इथे बोलावून घेते" म्हणत शुभदाने लगेच मोबाईलवरून रजनीशी संपर्क साधला!

दहा-बारा मिनिटांत रजनी आणि दिनकर सबनीस हजर झाले! केदार आणि एकनाथना पाहून थोडे चकरावलेले सबनीस म्हणाले, " तुम्ही दोघं आल्याचं वहिनी बोलल्या नाहीत! 'महत्वाचं काम आहे, ताबडतोब या' एवढंच म्हणाल्या!!" "दिनकरराव, या दोघांचं खरं काम दोन्ही काकुंकडेच आहे! 'देखल्या देवा दंडवत' म्हणून त्यांनी आपल्यासाठी पुष्पगुच्छ मात्र आणले आहेत!" अतिशय गंभीर चेहर्‍याने अनंत करीत असलेली थट्टा ऐकून चहाचा ट्रे घेऊन बाहेर येणारी शुभदा म्हणाली, "अहो, किती चेष्टा कराल त्या बिचाऱ्यांची!" केदार आणि एकनाथच्या हातांत चहाचे कप देत तिने पुस्ती जोडली, " तुम्ही लक्ष देऊं नका रे यांच्याकडे;-- दोन्ही काकुंकडे काम काढलंत ना याचा मत्सर वाटतोय बरं तुुमच्या काकाला!" चहा पिऊन झाल्यावर केदार अनंत आणि सबनीसांना उद्देशून म्हणाला, " काका, मागच्या आठवड्यात तुम्ही आमच्या स्टाॅलचा धंदा वाढावा यासाठी ज्या काही नव्या कल्पना सुचवल्या, त्यावर विचार करून आम्ही 'केदारनाथ स्टाॅल'वर स्त्री ग्राहकांसाठी विशेष सोयी देण्याचं ठरवलं आहे!" त्याचं बोलणं ऐकून एकाच वेळी खुष आणि चकीत झालेले सबनीस म्हणाले , "भले शाब्बास! अवघ्या ८-१० दिवसांत एवढा मोठा निर्णय घेतलांत याचं कौतुक करावं तेवढं थोडंच!" "वा,वा! एवढ्या झटपट असा धाडसी निर्णय घेण्याची तुमची धडाडी नक्कीच कौतुकास्पद आहे" चक्क टाळ्या वाजवीत अनंतने आपला आनंद व्यक्त केला, "कधीपासून स्त्री ग्राहकांना खास सोयी देणार आहांत?" "तेच तर सांगायला आलोत, काका!" एकनाथ उत्साहाने म्हणाला,"पण त्याआधी तुमचे आभार मानण्यासाठी आम्ही आणल���ले पुष्पगुच्छ स्वीकारा आणि आशिर्वाद द्या!" पुष्पगुच्छ देऊन पायां पडायला वाकलेल्या केदार-एकनाथला अर्ध्यावर थांबवीत अनंत म्हणाला, "खरं तर याची गरज नव्हती,- पण तुमच्या भावनांचा प्रामाणिकपणा आम्हांला कळतो आहे!" दोघांचे हात प्रेमभराने दाबीत सबनीस म्हणाले, "आम्हां सर्वांच्या शुभेच्छा तुमच्यासोबत हमेशा असतील याची खात्री बाळगा!"

"काका, येत्या गुरुवारी रामनवमीच्या शुभमुहूर्तावर स्त्री ग्राहकांसाठी विशेष सोयींचा उपक्रम सुरु करायची आमची इच्छा आहे!" केदार सांगू लागला, "---त्यासाठी आमच्या पहिल्या दोन सन्माननीय ग्राहक या दोन्ही काकु असतील असं आम्हीं ठरवलं आहे!" "काकु, तुम्ही प्लीज नाहीं म्हणूं नका!" एकनाथने विनम्रपणे दोन्ही हात जोडून शुभदा आणि रजनीला विनंती केली. त्यांचा हा अनपेक्षित प्रस्ताव ऐकून आश्चर्यचकित झालेल्या दोघींनाही काय बोलावं ते सुचेना! पण कांही क्षणांनी त्या धक्क्यातून स्वत:ला सावरीत शुभदा म्हणाली, " केदार आणि एकनाथ, तुम्ही दिलेला हा बहुमान कुणालाही आवडेल! पण तरीही हा बहुमान तुम्ही तुमच्या कुटुंबातील वडीलधा-या महिलेला देणं अधिक योग्य ठरेल असं मला मनापासून वाटतं!"

३० मार्च २०२३

[airnews-arngbad]

Regional Marathi Text Bulletin, Chhatrapati Sambhajinagar Date - 14 December 2024 Time 01.00 to 01.05 PM Language Marathi आकाशवाणी छत्रपती संभाजीनगर प्रादेशिक बातम्या दिनांक १४ डिसेंबर २०२४ दुपारी १.०० व���.

राज्य मंत्रिमंडळाचा उद्या विस्तार होणार आहे. उद्या नागपूर इथं मंत्र्यांचा शपथविधी होईल, अशी माहिती सुत्रांकडून मिळाली आहे.

लोकसभेत आज भारतीय संविधानाच्या पंच्याहत्तर वर्षांनिमित्त आयोजित विशेष चर्चासत्रात पंतप्रधान नरेंद्र मोदी हे सहभागी होणार आहेत. आज चर्चासत्राची सुरुवात संसदीय कामकाज मंत्री किरेन रिजेजू यांनी केली. डॉ. बाबासाहेब आंबेडकर यांच्या संविधान निर्मितीतील योगदानाचं त्यांनी यावेळी कौतूक केलं. देशाने स्वातंत्र्यानंतर प्रत्येक नागरिकाला समान अधिकार दिले आहेत. अल्पसंख्याकांसोबत कोणताही भेदभाव केला जात नाही आणि त्यांना कायदेशीर संरक्षण असल्याचं रिजिजू म्हणाले. देशातील सहा अल्पसंख्याक समुदायांच्या कल्याणासाठी अनेक योजना राबविल्या जात असल्याचंही त्यांनी म्हटलं आहे. काल या चर्चासत्रात केंद्रीय गृहमंत्री राजनाथ सिंह यांच्यासह विविध पक्षांच्या लोकप्रतिनिधींनी आपापले विचार मांडले.

वन नेशन, वन इलेक्शन म्हणजेच एक राष्ट्र एक निवडणूक संबंधित दोन विधेयके येत्या सोमवारी लोकसभेत मांडली जाणार आहेत. केंद्रीय कायदा मंत्री अर्जुन राम मेघवाल हे सुधारणा विधेयक आणि केंद्रशासित प्रदेश कायदे दुरुस्ती विधेयक कनिष्ठ सभागृहात सादर करतील. यापुर्वी केंद्र सरकारने एक राष्ट्र, एक निवडणूक यासंदर्भात स्थापन केलेल्या उच्चस्तरीय समितीच्या शिफारशी स्वीकारल्या आहेत, त्यामुळे देशभरात एकाचवेळी निवडणुका घेण्याचा मार्ग मोकळा झाला आहे. माजी राष्ट्रपती रामनाथ कोविंद यांच्या अध्यक्षतेखाली स्थापन केलेल्या उच्चस्तरीय समितीने राजकीय पक्ष आणि तज्ज्ञांसह संबंधितांशी विस्तृत चर्चा केली. या विधेयकांची अंमलबजावणी दोन टप्प्यात केली जाणार आहे. पहिल्या टप्प्यात लोकसभा आणि विधानसभा निवडणुका एकाच वेळी घेतल्या जातील, तर पंचायत आणि नगरपालिकांसारख्या स्थानिक स्वराज्य संस्थांच्या निवडणुका सार्वत्रिक निवडणुकांच्या शंभर दिवसांच्या आत घेतल्या जातील, असं याबाबतच्या वृत्तात म्हटलं आहे.

भारतीय रिझर्व्ह बँकेनं तारणमुक्त कृषी कर्जाची मर्यादा एक लाख साठ हजारांवरून दोन लाख रुपयांपर्यंत वाढवण्याची घोषणा केली आहे. या निर्णयाची अंमलबजावणी येत्या एक जानेवारीपासून होणार आहे. शेतकऱ्यांना अधिक चांगली वित्तीय सुविधा पुरवणं हा यामागील उद्देश आहे, असं कृषी आणि शेतकरी कल्याण मंत्रालयानं दिलेल्या एका निवेद��ात सांगितलं आहे.

दिल्लीत सुरु असलेल्या मुख्य सचिवांच्या चौथ्या राष्ट्रीय परिषदेचं अध्यक्षस्थान पंतप्रधान नरेंद्र मोदी हे भूषवत आहेत. कालपासून सुरू झालेल्या तीन दिवसीय परिषदेत राज्यांच्या भागीदारीत एकत्रित कृतीसाठी समान विकास धोरण आणि सुसंगत कार्यक्रमांची आखणीसह अंमलबजावणीवर भर दिला जाईल. केंद्र आणि राज्य सरकारांमधील भागीदारी अधिक मजबूत करणं हे या परिषदेचं उद्दीष्ट आहे. केंद्र आणि राज्यांमध्ये दृढ सहकार्य वाढवण्याच्या उद्देशानं मुख्य सचिवांची परिषद हा एक महत्त्वाचा उपक्रम आहे. या परिषदेदरम्यान, विकसित भारतासाठी तंत्रज्ञान, आर्थिक विकास केंद्र म्हणून विकसित शहरं, गुंतवणुकीसाठी राज्यांमध्ये आर्थिक सुधारणा आणि कर्मयोगी मोहिमेद्वारे क्षमता निर्माण करणं यावर चार विशेष सत्रं देखील आयोजित केली जाणार आहेत.

निवडणूक आयोगानं दिल्लीच्या मुख्य निवडणूक अधिकाऱ्यांना मतदार याद्यांची योग्य पडताळणी करूनच त्यात बदल आणि मतदारांचं नाव काढण्याची प्रक्रिया करण्याच्या सूचना दिल्या आहेत. मतदार यादीतील नाव हटवण्याच्या कोणत्याही प्रक्रियेमध्ये राजकीय पक्षांचा पूर्ण सहभाग असणं आवश्यक आहे, असं दिल्लीच्या मुख्य निवडणूक अधिकाऱ्यांना दिलेल्या लेखी पत्रात निवडणूक आयोगानं सांगितलं आहे. त्यात बेकायदेशीर आणि तात्पुरत्या स्थलांतरितांची नावं आणि मतदार यादीतून पूर्वीच्या मतदारांची नावे वगळण्याची मागणी करण्याबाबत भाजपच्या प्रतिनिधींनी उपस्थित केलेल्या मुद्द्यांचा उल्लेख आहे. अर्जासह दावे आणि हरकतींची यादी नियमितपणे सर्व राजकीय पक्षांना दिली जावी, तसंच मुख्य कार्यकारी अधिकारी या दिल्लीच्या संकेतस्थळावर देखील उपलब्ध करुन दिली जावी, असे निर्देशही आयोगाने दिले आहेत.

राज्यात आज सर्वत्र दत्तजयंतीनिमित्त ठिकठिकाणी वविविध कार्यक्रम होत आहेत. औदुंबर, गाणगापूर, माहूर, नृसिंहवाडी, कुरवपूर, कर्दळीवन या दत्ताच्या प्रमुख स्थानांसह विविध दत्त मंदिरात पहाटेपासून भाविकांची रीघ लागली आहे. यासह काकड आरती, मंगलआरती, अभिषेक, महापूजा, नैवेद्य, महाआरती,महाप्रसादासह विविध धार्मिक कार्यक्रम होत आहेत. सायंकाळी दत्तजयंती उत्सव, पालकी मिरवणूक आणि दत्तगुरू जन्माचा कीर्तनाचा कार्यक्रमही होणार आहे.

[nagarchaufer]

स्थानिक गुन्हे शाखेचा कारवाईचा धडाका ,  एकाच दिवसात पाच ठिकाणी..

स्थानिक गुन्हे शाखेचा कारवाईचा धडाका ,  एकाच दिवसात पाच ठिकाणी..

विधानसभा निवडणुका आता उरकल्या असल्याने पोलिसांच्या कारवाईला पुन्हा एकदा वेग आलेला आहे. भिंगार कॅम्प पोलीस ठाण्याच्या हद्दीत सुरू असलेल्या जुगार अड्ड्यांवर स्थानिक गुन्हे शाखेच्या पथकाने छापे टाकलेले असून जुगाराच्या साहित्यासह रोख रक्कम जप्त करण्यात आली आहे.  स्थानिक गुन्हे शाखेचे पोलीस निरीक्षक दिनेश आहेर यांना गोपनीय सूत्रांकडून बुऱ्हाणनगर, वडारवाडी , बाराबाभळी या तीन ठिकाणी मटका जुगार सुरू…

[punerichalval]

राज्य माहिती आयोगाच्या एकाच महितीसाठीच्या दोन आदेशाला माध्यमिक शिक्षण विभाग, पुणे यांची केराची टोपली तर धर्मदाय आयुक्तालय ,पुणे यांचा माहिती अधिकार अर्जाकडे दुर्लक्ष

 सुखदेव डावरे – पुणे प्रतिनिधी पुणे –  जन माहिती अधिकारी, माध्यमिक शिक्षण विभाग, जिल्हा परिषद पुणे यांच्याकडे दि. 31/8/2017 रोजी भोसरी येथील एका माध्यमिक शाळेतील सर्व कर्मचाऱ्यांना सन 2000 ते 2017 या वर्षापर्यंत वैयक्तिक मान्यता दिल्या आहेत त्यांच्या टिपणी व अहवालाच्या टिपणी व अहवालाच्या प्रमाणित प्रतींची मागणी त्यांच्याकडे केली असतानाही सदर माहिती अधिकार अर्जं जाणून बुजून, दुष्ट हेतूने शाळे कडे…

[digiyogi]

Hand Core Cutter✨कामाचा दर्जा वाढवा! जबरदस्त हँड कोअर कटरसह तुमचं काम सोपं करा. ...... 1️⃣ सुशितो मॉल: आपल्या सर्व टूल्सचे एकच ठिकाण! 🛠️🔧🔨 हँड टूल्स 🔨, पॉवर टूल्स ⚡, सेफ्टी टूल्स 🦺 आणि कृषी उपकरणे 🚜 आम्ही सर्व काही एकाच छताखाली आणले आहे. चेन सॉ ⛓️, ड्रिल मशीन,Core cutter, चेन पुली 🏗️, गार्डनिंग टूल्स 🌱, मंकी क्रेन 🐒🏗️ आणि बरेच काही! कमी बजेटमध्ये उत्तम गुणवत्तेची साधने शोधत आहात? 💰✨ चिंता करू नका, सुशितो मॉलमध्ये या आणि आपल्या गरजा पूर्ण करा. 😊👍

सुशितो मॉल 😊👍 📱9423258000 📱8484963040

#handcorecutter#corecutter#SushitoMall#ToolsForAll#QualityTools#AffordableTools#powertools#handtools#Maharashtra

View this post on Instagram

A post shared by sushitoenterprises (@sushitomall)

[trendskite]

सौर चूल कशी कार्य करते

प्रेषित होणाऱ्या विद्युत चुंबकीय तरंगाच्या रूपातील ऊर्जेला सौर ऊर्जा असे म्हणतात. हे तरंग जेव्हा एखाद्या वस्तूवर, घन किंवा द्रव ��दार्थावर आदळतात तेव्हा त्या तरंगामध्ये असलेल्या ऊर्जेमुळे पदार्थातील रेणू कंप पावू लागतात. या कंपनांमुळे उद्दीपित होऊन रेणू आपापल्या जागा सोडू लागतात. ह्या चलनवलना मूळे उष्णता निर्माण होते. सौर ऊर्जेमधील या उष्णतेच वापर औद्योगिक व घरगुती वापरांकरिता मोठ्या प्रमाणावर केला जातो.

*सविस्तर वृत्त खालील लिंकवर क्लिक करून वाचा*

https://drinspired.blogspot.com/2024/11/blog-post_17.html

============

*महाराष्ट्रातील प्रत्येक बातमी*

*आता एकाच WhatsUp ग्रुपमध्ये वाचा*

*प्रत्येक अपडेट मिळविण्यासाठी ग्रुप जॉईन करा*

https://chat.whatsapp.com/LcOHrdvfGv2BkexPYmMiKj

[darshanpolicetime1]

२० नोव्हेंबरला होणाऱ्या मतदानासाठी यंत्रणा सज्ज – मुख्य निवडणूक अधिकारी एस. चोक्कलिंगम - महासंवाद

मुंबई, दि. 18 : राज्यातील विधानसभा सार्वत्रिक निवडणूक 2024 आणि नांदेड लोकसभा पोटनिवडणुकीसाठी 20 नोव्हेंबर 2024 रोजी मतदान होणार आहे. एकूण 288 विधानसभा मतदारसंघांमध्ये आणि नांदेड लोकसभा पोटनिवडणुकीसाठी एकाच टप्प्यात मतदान होणार आहे. राज्यातील 9 कोटी 70 लाख 25 हजार 119 मतदारांसाठी 1,00,427 मतदान केंद्रांवर मतदानाची व्यवस्था करण्यात आली आहे. मतदानाची वेळ ही सकाळी 7:00 ते संध्याकाळी 6:00 वाजेपर्यंत…

[yntstore]

Best Custom T-Shirt Service for Personal and Business

आजकालच्या व्यावसायिक जगात, प्रत्येक व्यवसायाला त्यांची ओळख आणि ब्रँड मूल्य वाढवण्याची आवश्यकता असते.त्या व्यवसायासाठी सानुकूल टी-शर्ट्स ( customise T-shirts ) हे एक उत्तम साधन ठरू शकतात. ठाणे आणि मुंबईतील विविध व्यवसायांसाठी कस्टम टी-शर्ट्स कसे उपयुक्त ठरू शकतात, हे  आपण या लेखात पाहूया.

1. व्यवसायांसाठी सानुकूल टी-शर्ट्सची गरज : 

संस्थेची ओळख:

टी-शर्ट्स तुमच्या व्यवसायाचा प्रचार करण्याचे एक प्रभावी साधन ठरतात. तुमच्या ब्रँडचा लोगो, अथवा संदेश असलेले टी-शर्ट्स सहजपणे डोळ्यात भरतात किंवा एखाद्याचे लक्ष वेधून घेतात . त्यामुळे ग्राहकांच्या मनात ��ुमची तुमच्या कंपनीची वेगळी ओळख निर्माण होऊ शकते.

ब्रँडिंग:

टी-शर्ट्सद्वारे तुम्ही तुमच्या टीमची एकसंधता दर्शवू शकता. एकाच डिझाइनमध्ये टीम सदस्य एकत्र दिसल्याने, ते एक सकारात्मक आणि व्यावसायिक संदेश प्रसारित करतात. हे एक प्रकारे तुमच्या ब्रँडची विश्वासार्हता आणि व्यावसायिक मूल्य (Brand value) देखील वाढवते.

बजेट-फ्रेंडली मार्केटिंग:

कस्टम टी-शर्ट्स हे बजेट-फ्रेंडली मार्केटिंग साधन आहेत. पारंपारिक विज्ञापन आणि प्रमोशनच्या तुलनेत, एकदाच टी-शर्ट बनवून तुम्ही दीर्घकाळचा प्रचार करू शकता. टी-शर्ट्स एक सोपे , किफायतशीर, आणि दीर्घकालीन प्रचाराचे साधन आहेत.

2. आमच्या टी-शर्ट्सचे प्रकार आणि वैशिष्ट्ये

कॉटन टी-शर्ट्स: 

210 GSM आणि 260 GSM पोलो टी-शर्ट्स उच्च दर्जाचे आणि टिकाऊ. तुमच्या व्यवसायासाठी सुसंगत, आरामदायक आणि प्रीमियम टी-शर्ट्स.

ड्रायफिट टी-शर्ट्स: 

हलके आणि घाम शोषून घेणारे.

राऊंड ने�� टी-शर्ट्स:

3. रंगांमधील निवड

ब्रँडच्या रंगाला प्राधान्य: 

तुमच्या ब्रँडच्या रंगाशी जुळणारे टी-शर्ट्स निवडणे अत्यंत महत्त्वाचे आहे. रंग तुमच्या ब्रँडच्या थीमला प्रकट करतात आणि तुम्हाला ग्राहकांच्या मनावर चांगली छाप सोडण्यास मदत करतात.

रंग उपलब्धता:

टी-शर्ट्स विविध रंगांमध्ये उपलब्ध आहेत: लाल, निळा, पांढरा, काळा आणि इतर विविध शेड्स. तुम्ही तुमच्या ब्रँडच्या अनुरूप योग्य रंग निवडू शकता. या मध्ये २० पेक्षा जास्त रंगसंगती उपलब्ध आहेत. 

4. प्रिंटिंग व एम्ब्रॉयडरी सेवा

प्रिंटिंगचे प्रकार:

स्क्रीन प्रिंटिंग:

मोठ्या ऑर्डरसाठी उत्तम, स्वस्त आणि टिकाऊ. मोठ्या प्रमाणात ब्रँडेड टी-शर्ट्स तयार करणे शक्य आहे.

2. डिटीफ प्रिंटिंग : 

विविध रंगसंगती तसेच मोठया व छोट्या कमी संख्येच्या ऑर्डरसाठी उपयुक्त आहे . स्वस्त आणि टिकाऊ असल्याने ह्या पद्धतीचा वापर सर्वत्र मोठ्या प्रमाणात केला जातो. 

3. व्हिनाइल प्रिंटिंग:

4. एम्ब्रॉयडरी:

कॉर्पोरेट टी-शर्ट्ससाठी आकर्षक आणि टिकाऊ लोगो डिझाइन. या तंत्रा मध्ये ( Technology ) एम्ब्रॉयडरी  (भरतकाम किंवा धाग्यांची डिझाईन) वापर केल्याने लोगो (Subject) खुप मोठ्या कालावधी पर्यंत टिकुन राहतो .

5. ग्राहकांसाठी खास ऑफर्स आणि फायदे

मोठ्या ऑर्डरवर सवलत:

मोठ्या ऑर्डर्ससाठी खास ऑफर्स आणि सवलती. व्यवसायांच्या मोठ्या प्रमाणावर ऑर्डर घेण्यास आम्ही उत्सुक आहोत.

वेळेवर डिलिव्हरी:

ठाणे आणि मुंबईतील व्यवसायांसाठी जलद आणि विश्वासार्ह डिलिव्हरी सेवा. आम्ही वेळेवर तुमची ऑर्डर डिलिव्हर करू.

6. टी-शर्ट्स कसे वापरता येतील?

कर्मचाऱ्यांसाठी युनिफॉर्म:

टी-शर्ट्स आपल्या कर्मचार्‍यांसाठी एक आदर्श युनिफॉर्म ठरू शकतात. यामुळे व्यावसायिक ओळख निर्माण होईल.

इव्हेंट आणि प्रमोशन्स:

प्रदर्शन, रोड शो, किंवा फेस्टिव्हल्ससाठी कस्टम टी-शर्ट्स उत्तम पर्याय आहेत. हे तुमच्या ब्रँडला लोकांच्या नजरेत आणण्यास मदत करतात.

कस्टम गिफ्ट्स:

कर्मचारी किंवा ग्राहकांसाठी ब्रँडेड गिफ्ट्स म्हणून तुम्ही कस्टम टी-शर्ट्स देऊ शकता. यामुळे तुमचा व्यवसाय त्यांना लक्षात राहील आणि व्यवसाय वृद्धी मध्ये मदत होईल.

7. आमची विश्वासार्हता आणि अनुभव

कामाचा दांडगा अनुभव : 

आम्हाला कस्टम टी-शर्ट्सच्या क्षेत्रात चार वर्षांचा अनुभव आहे. हे आम्ही अनेक व्यवसायांना उत्कृष्ट सेवा देऊन सिद्ध केले आहे.

समाधानी ग्राहक:

आमच्याकडे अनेक समाधानी ग्राहक आहेत आणि ते पुन्हा आमच्याकडे येत  (Repeat orders) आहेत. आम्ही त्यांना उच्च दर्जाचे फॅब्रिक्स आणि तंत्रज्ञान प्रदान केले आहे.

8. थेट संपर्क करा

ठिकाण:

तुम्ही आमच्या सेवांचा लाभ घेण्यासाठी ठाणे आणि मुंबईतील कोणत्याही ठिकाणाहून आपण आम्हाला संपर्क करू शकता. 

गुगल मॅप पुढील प्रमाणे: https://maps.app.goo.gl/BrM1k6SLkX87GTsV9

ऑनलाइन सेवा:

तुम्ही आमच्या वेबसाइटवरून किंवा फोनद्वारे ऑर्डर देण्यासाठी पुढील नावावर क्लिक करु शकता YNT STORE

फोन नंबर: 7738180909

इमेल आयडी: Sales@yntstore.com

कस्टम टी-शर्ट्स वापरून तुमच्या व्यवसायाची ओळख निर्माण करा आणि तुमच्या ब्रँडला एक नवा आयाम द्या. आजच आमच्याशी संपर्क साधा! YNT STORE 

[dhanu-j-92]

. 🍁 *ज्ञान गंगा* 🍁 .

➖ *विवाहातील प्रचलित वर्तमान परंपरांचा त्याग :-* ➖

विवाहात व्यर्थ खर्च बंद करावा लागेल. उदाहरणार्थ मुलीच्या विवाहात मोठी वरात घेऊन येणे, हुंडा देणे, ह्या व्यर्थ परंपरा आहेत. ज्यामुळे मुलगी ही कुटुंबावरील भार समजली जाते आणि तिला गर्भातच खुडण्याचे उद्योग सुरु आहेत. माता-पित्यांसाठी तर हे महापाप आहे. मुलगी देवीचे स्वरूप आहे. आमच्या विकृत परम्परानी मुलीला शत्रू बनविले आहे. श्री देवीपुराणाच्या तीसर्याे स्कंदात याचे प्रमाण आहे कीह्या ब्रह्माण्डाच्या प्रारम्भी तिन्ही देवतांचा (म्हणजेच श्री ब्रह्मदेवजी, श्री विष्णुजी आणि श्री शिवजी) यांचा त्यांची श्री दुर्गादेवीजींनी विवाह केला त्यावेळी कोणी वरात काढली नव्हती किंवा भोजनावळ सुद्धा घातल्या नव्हत्या. ना नाचगाणी होती किंवा बँडबाजा होता. श्री दुर्गादेवीने आपल्या ज्येष्ठ पुत्रास श्री ब्रह्मदेवाला म्हटले की हे ब्रह्मा! ही सावित्री नामक मुलगी तुला पत्नीच्या रूपात देत आहोत. हिला घेऊन जा आणि आपले घर प्रपंच थाट. त्याचप्रमाणे आपल्या मधल्या पुत्राला म्हणजेच श्री विष्णु यांना लक्ष्मीजी आणि कनिष्ठ पुत्र श्री शंकरजींना पार्वतीजी देऊन सांगितले, ह्या तुमच्या पत्नी आहेत. ह्यांना घेऊन जा आणि आपले घर प्रपंच थाटा. तिघेही आपल्या पत्नी बरोबर घेऊन आपल्या लोकात गेले आणि मग जगाचा विस्तार झाला.

*शंका समाधान* :- काही व्यक्ति असे म्हणतात की पार्वतीजीचा मृत्यु झाला. त्या देवीचा पुनर्जन्म राजा दक्षाच्या घरात झाला होता. यौवनात पदार्पण केल्यावर देवी सतीजींनी (पार्वती) नारदाने सांगितल्यानंतर श्री शंकरांना पति म्हणून स्वीकारण्याचा दृढ़ संकल्प करून आपल्या मातेकरवी आपली इच्छा पिता दक्ष याला सांगितली. तेव्हा राजा दक्ष यांनी म्हटले की हे शंकरजी माझे जावई बनण्यायोग्य नाहीत कारण ते नागडे राहतात. एकाच मृगजीन बांधून राहतात आणि शरीरावर राख फासून भांगेच्या नशेत असतात. सर्पांना सोबत ठेवतात. अशा व्यक्तिशी माझ्या मुलीचा विवाह करून जगात मी आपले हसू नाही करून घेणार. परंतु देवी पार्वती सुद्धा जिद्दीला पक्कया होत्या. त्यांनी स्वतःची इच्छा श्रीशंकरजींना कळवली आणि त्यांना सांगितले मी आपल्याशी विवाह करू इच्छीत आहे. राजा दक्षाने पार्वतीजीचा विवाह अन्य कोणासोबत ठरविला होता. त्याच दिवशी श्री शंकरजी आपल्या हजारोंच्या सँख्येतील भूत-प्रेत, भैरव आणि आपल्या गणां सह विवाह मंडपात पोहोचले. राजा दक्षाच्या सैनिकांनी विरोध केला. शंकारांची सेना आणि दक्षाच्या सेनेत युद्ध झाले. पार्वतीजींनी शंकरजींना वरमाला घातली. श्री शंकरजी पार्वतीजींना बलपूर्वक कैलाश पर्वतावर आपल्या घरी घेऊन गेले. काही व्यक्ति असे म्हणतात की बघा! श्री शंकरजी सुद्धा भव्य अशी वरात घेऊन पार्वतीशी विवाह करण्यास आले होते. त्यामुळे वरातीची परंपरा पुरातन आहे. त्यामुळे वरातीशिवाय विवाहात शोभा येत नाही. त्याचे उत्तर असे आहे की हा विवाह नव्हता तर प्रेम प्रसंग होता. पार्वतीजींना बलपूर्वक इचलून घेऊन जाण्यासाठी श्री शंकरजी वरात नाही तर सेना घेऊन आले होते. विवाहाची पुरातन परम्परा श्री देवी महापुराणाच्या तीसर्यार स्कंदात आहे व ती वर सांगितली आहे. मुले आणि मुलींनी आपल्या माता-पित्याच्या इच्छेनुसार विवाह केला पाहिजे. प्रेम विवाह हे महाक्लेशाचे कारण होऊ शकते. पुढे भगवान शंकरजी आणि पार्वतीजी यांच्यामध्ये काही गोष्टींवरून तंटा झाला. शंकरजींनी पार्वतीजीशी पत्नीचे नाते समाप्त केले व बोलाचाली सुद्धा बंद केली. पार्वतीजींनी विचार केला आता हे घर माझ्यासाठी एक नरकच बनले आहे.त्यामुळे काही दिवस मी आईकडे जाऊन राहते. पार्वतीजी आपल्या पिता दक्षाच्या घरी माहेरी गेल्या. त्या दिवशी राजा दक्ष यांनी एका हवन यज्ञाचे आयोजन केले होते. राजा दक्षाने आपल्या मुलीला सन्मानाने न वागवता म्हटले की आज काय घ्यायला आली आहेस? बघितलेस त्याचे प्रेम, निघून जा माझ्या घरातून. पार्वतीजींनी आपल्या आईस श्री शंकरजी नाराज झाल्याची गोष्ट सांगितली. मातेने आपल्या पतिला सगळे सांगितले होते. पार्वतीजींना ना माहेरी काही स्थान होते ना सासरी. प्रेमविवाहाने अशी गंभीर परिस्थिति उत्पन्न निर्माण केली की दक्ष पुत्रीला आत्महत्या करण्याशिवाय अन्य कोणताही पर्याय उरला नाही आणि राजा दक्षाच्या विशाल हवनकुण्डात जाळून मृत्यू पावल्या. धार्मिक अनुष्ठानाचा नाश केला. आपले अमोल मानवी जीवन गमावून बसल्या. पित्याचाही नाश करवला कारण जेव्हा श्री शंकरजींना हे सर्व माहिती झाल्यावर ते आपली सेना घेऊन तिथे गेले आणि आपले सासरे दक्षजीचे मुंडके छाटून टाकली. नंतर बकर्याऊचे मुंडके लावून जीवित केले. त्या प्रेम विवाहाने कसे घमासान केले. श्री शंकरांच्या सैन्याला वरात असल्याची बतावणी सांगून ह्या कुप्रथेला जन्म दिला आहे. आणि हा प्रसंग प्रेमविवाह रूपी कुप्रथेचा जनक आहे आणि हे समाजाच्या विनाशाचे कारण बनले आहे.

जे विवाह सुप्रथेनुसार झाले, ते आजपर्यंत सुखी जीवन जगत आहेत. जसे श्री ब्रह्मदेवजी आणि श्री विष्णुजी.

*विवाह करण्याचा उद्देश* :- संततीची उत्पाती हाच विवाहाचा उद्देश आहे. मग पति-पत्नी मिळून परिश्रम करून मुलांचे पालन करतात. त्यांचा विवाह करून देतात. मग ते आपले घर थाटतात. त्याशिवाय प्रेमविवाह हे समाजात अशांतिचे बीज पेरत आहेत. समाज बिघडवणारे हे अस्तनीतले निखारे आहेत.

[ashokjagharkar]

ll वानप्रस्थ ll : ३२

चहा पिऊन झाल्यावर विशाल आणि विवेक लगेच निघाले. अनंत आणि सबनीसांना उद्देशून विशाल म्हणाला, "काका, आम्ही येऊं आतां? दुकानांत एक मदतनीस आहे कामांत मदत करायला;-- पण त्याच्यावर जास्त वेळ सगळं काम टाकणं बरोबर नाहीं!" "अनंतराव, आपणही आतां चलायचं कां?" त्यांच्या पाठोपाठ सबनीसांनी सूतोवाच केलं,"या दोघांचीही धंद्याच्या टायमाला आपण आणखी किती खोटी करायची?" "काका, बसा हो जरा निवांत!आतां या टायमाला गिऱ्हाईकांची वर्दळ नसल्याचं तुम्ही बघतांय् की! रोज सकाळी १० ��ंतर दुपारी जेवायच्या वेळेपर्यंत आम्हांलाही थोडी फुरसत भेटते" ऊठूं पाहणाऱ्या सबनीसांना खाली बसायचा आग्रह करीत केदार म्हणाला. त्याला दुजोरा देत एकनाथ सांगू लागला," मग मात्र साधारणतः ३ वाजेपर्यंत गिऱ्हाईक भरपूर येतं! त्यानंतर एकदां ५ वाजले की पुन्हा गर्दी होऊं लागते ती अगदी रात्री ८-८.३० वाजतां आम्ही स्टाॅल बंद करीपर्यंत!" " म्हणजे तुम्ही स्टाॅल बंद करतां रात्री ८-८.३० वाजतां?" सबनीसांनी कांहीशा आश्चर्याने विचारलं, " मी तर ऐकून आहे की खवय्यांची गर्दी रात्री अगदी १०-१०.३० पर्यंत असते!" "अहो काका, मी रात्री १० पर्यंत स्टाॅल चालवायचा ठरवलं तर माझी बायको मला घरांत तरी घेईल का?" केदार चेष्टेच्या सूरांत म्हणाला, 'झोपण्यापुरता तरी कशाला घरी येतोस? स्टाॅलवरच झोप' म्हणत घराचं दार माझ्या थोबाडावर बंद करील ती!" "चेष्टा राहूं दे!", एकनाथ म्हणाला, " पण काका, आम्ही सकाळी ७ वाजतां स्टाॅल उघडतो तो दिवसभर चालुं असतो! त्यामुळे रात्री ८ /८.३० पर्यंत इतकं थकायला होतं की पुढे आणखी उशिरापर्यंत स्टाॅल सुरु ठेवणं शक्यच नाहीं!"

आतांपर्यंत सगळं संभाषण शांतपणे ऐकत असलेला अनंत म्हणाला, "माफ करा, पण तुमच्या खाजगी आयुष्यात मी नाक खूपसतोय असं वाटत नसेल तर माझ्या कांही प्रश्नांची उत्तरं द्याल?" केदार आणि एकनाथने एकमेकांकडे बघत होकारार्थी मान हलवली तेव्हां अनंतने विचारलं, " एकुण परिस्थिती बघतां हा स्टाॅलच तुम्हां दोघांच्या उपजीविकेचं साधन असावं! म्हणजे यातून मिळणाऱ्या उत्पन्नावरच तुमची दोघांचीही कुटुंबं अवलंबून असतील ना?" दोघांनीही पुन्हा होकारार्थी मान हलवली;-- तथापि अनंतचा रोख कशाकडे आहे याचा अंदाज न आल्याचा गोंधळ त्यांच्या चेहऱ्यांवर स्पष्ट दिसत होता. तो दूर करण्यासाठी अनंत म्हणाला, "म्हणजे थोडक्यात, यातून जास्तीत जास्त नफा कसा होईल याचा विचार तुम्ही करीत असाल ना?" "नक्कीच!" अनंतचा रोख लक्षांत आल्याने कांहीसा हुरूप येऊन केदार म्हणाला," सुरुवातीला ६ महिने जेमतेम स्टाॅलच्या भाड्यापुरते पैसे सुटत होते;-- पण मग हळुहळू धंदा वाढत चालला, तसा नफाही चांगला होऊं लागला!" "खोटं कशाला बोलूं, काका?" एकनाथ म्हणाला, "देवाच्या दयेनं गेलं वर्षभर आम्हांला केलेल्या कष्टांचं चांगलं फळ मिळत आहे! त्यामुळे आतां पूर्वीचं कर्जही थोडं थोडं करून फेडतां येतंय्!" "म्हणजे?" सबनीसांनी आश्चर्याने विचारलं, "अरे, कुुठल्या कर्जाच्या गोष्टी करताय् तुम्ही?"

"काका, ती चित्तरकथा खुप मोठी आहे! थोडक्यात सांगायचं तर एकाच मोटारसायकल दुरुस्तीच्या गराजमधे काम करीत असतांना माझी आणि एकनाथची दोस्ती झाली. राहायलाही आम्ही एकाच वस्तीमधे होतो. घरी समजावून सांगणारं वा धाक दाखवणारं कुणी नसल्याने शाळेत जाण्याच्या वयांत आम्ही उंडारक्याच केल्या! शिक्षण नाही, मग चांगली नोकरी तरी कोण देणार होतं?" गत दिवसांच्या वाईट आठवणींनी केदारचा घसा दाटून आला! "पण असंच चोरून-मारून कुणाच्या तरी बाईक्स चालवायच्या छंदापायीं आम्हांला सगळ्या गाड्यांची माहिती झाली होती, दुरुस्तीची छोटी-मोठी कांमंही शिकलो होतो! त्यांतूनच मग पुढे गराजमधे काम लागलं, हात सरावले आणि पोटापुरते पैसेही मिळायला लागले! पण सगळं सुरळीत चाललं असतांना अचानक करोनाची साथ आली ;-- आणि हळुहळू गराजमधे येणारं काम कमी-कमी होत शेवटी गराज बंदच झालं!" "अचानक नोकरी गेल्याने घरांत सगळ्यांची उपासमार होऊं लागली! खुप वणवण केली, पण कांही काम भेटेना! भाजी विकण्यापासून ते हमालीपर्यंत काय-काय नाहीं केलं, पण पोटापुरतेही पैसे मिळत नव्हते! जे मिळेल ते घरीं देऊन कधी कधी नुसत्या चहा-पावावर दिवस काढले आहेत!" आवंढा गिळत केदार म्हणाला,"असेच एकदां कुठल्याशा स्टाॅलवर एक चहा दोघांत पीत असतांना माझ्या आणि एकनाथच्या मनांत विचार आला की सतराशे साठ ठिकाणी कामधंदा शोधीत फिरण्याऐवजी असाच स्टाॅल आपण टाकला तर?"

१६ फेेब्रुवारी २०२३

[airnews-arngbad]

Regional Marathi Text Bulletin, Chhatrapati Sambhajinagar Date 14 December 2024 Time 11.00 to 11.05 AM Language Marathi आकाशवाणी छत्रपती संभाजीनगर प्रादेशिक बातम्या दिनांक: १४ डिसेंबर २०२४ सकाळी ११.०० वाजता.

राष्ट्रीय शैक्षणिक धोरण २०२० आणि विद्यापीठ अनुदान आयोगाच्या मार्गदर्शक सूचनांनुसार बहुविद्याशाखीय शिक्षणाला चालना देण्यात येत आहे. उच्च शिक्षण क्षेत्रातल्या विविध संधी विद्यार्थ्यांना मिळाव्यात यासाठी मुंबई विद्यापीठात आता दुहेरी पदवी शिक्षणाला विद्या परिषदेनं मंजुरी दिली आहे. यानुसार, आता विद्यार्थ्यांना विविध विद्याशाखेतील आणि ज्ञानक्षेत्रातल्या ज्ञानार्जनाच्या संधी उपलब्ध होतील. दुहेरी पदवीच्या शिक्षणाअंतर्गत आता विद्यार्थ्यांला दोन महाविद्यालये किंवा दोन उच्च शिक्षण संस्थामध्ये एकत्र प्रवेश घेता येणार असून त्यांना शिक्षणक्रम पूर्ण केल्यावर दोन पदव्या मिळणार आहेत. दुहेरी पदवीच्या शिक्षणक्रमाअंतर्गत दोन्ही पदव्या दुरस्थ शिक्षण पद्धतीनं किंवा एक प्रत्यक्ष आणि दुसरी दुरस्थ शिक्षण पद्धतीनं मिळवता येणार आहे. याव्यतिरिक्त, या तरतुदीअंतर्गत दोन्ही पदव्या प्रत्यक्ष शिक्षण पद्धतीद्वारे एकाच वेळी विद्यार्थ्यांना मिळवता येणार आहे. पण यासाठी सहभागी महाविद्यालयांनी विद्यापीठाची रितसर मंजुरी घेऊन शैक्षणिक सामंजस्य करार करणं गरजेचं राहणार असल्याचं याबाबतच्या वृत्तात म्हटलं आहे.

चित्रपट अभिनेता अल्लू अर्जून याची आज हैद्राबादमधील चंचलगुडा इथल्या कारागृहातून सुटका झाली. त्याला त्याचा सिनेमा पुष्पा २ च्या प्रिमियरदरम्यान झालेल्या चेंगराचेंगरीत एका महिलेच्या मृत्यूप्रकरणी अटक करण्यात आली होती. दरम्यान, सूचना आणि प्रसारण मंत्री अश्विनी वैष्णव यांनी राज्य आणि स्थानिक प्रशासनाच्या गैरकारभारामुळे ही घटना घडल्याचं सांगितलं आहे. तेलंगणा सरकारनं सिने कलाकारांवर कारवाई करण्याऐवजी दुर्घटना प्रभावित लोकांना मदत करुन दोषींवर कारवाई करावी, असंही ��्यांनी म्हटलं आहे.

दत्तजयंतीनिमित्त छत्रपती संभाजीनगरसह राज्यात आज ठिकठिकाणी विविध कार्यक्रमांचं आयोजन करण्यात आलं आहे. काकड आरती आणि मंगलआरती, अभिषेक, महापूजा, नैवेद्य, महाआरती, महाप्रसाद तसंच कीर्तनाचा कार्यक्रमही आयोजित करण्यात आला आहे. दरम्यान सांगली जिल्ह्यात पलूस तालुक्यातील औदुंबर इथं कालपासून विविध कार्यक्रम होत आहेत.

बीडच्या जिल्हाधिकारीपदाचा अतिरिक्त पदभार जिल्हा परिषदेचे मुख्यकार्यकारी अधिकारी आदित्य जिवने यांच्याकडे सोपविण्यात येणार आहे. बीडचे जिल्हाधिकारी अविनाश पाठक एक महिना प्रशिक्षणासाठी गेले आहेत. या काळात बीडचा अतिरिक्त पदभार जालन्याचे जिल्हाधिकारी श्रीकृष्ण पांचाळ यांच्याकडे सोपवण्यात आला पण पांचाळ हेही १६ ते १८ डिसेंबरदरम्यान प्रशिक्षणासाठी केरळला जात आहेत.

नुकत्याच झालेल्या विधानसभा निवडणुकीच्या निकालानंतर फेरमतमोजणी व्हावी, यासह आगामी सर्व निवडणुका बॅलेट पेपरवर घ्याव्यात, या मागणीसाठी महानुभाव पंथ आणि वारकरी परिषदेच्या वतीनं काल नाशिकच्या जिल्हाधिकारी कार्यालयावर मोर्चा काढण्यात आला. या मोर्चात प्रमुख विरोधी पक्षासह पराभूत झालेल्या सर्वच उमेदवारांनी सहभाग घेतला. दरम्यान, यावेळी ‘इव्हीएम’ची प्रतिकात्मक अंत्ययात्रा काढण्यात आली. लोकशाही वाचविण्यासाठी मतदान यंत्र हटवून कागदी मतपत्रिकेवर निवडणूक घ्यावी, अशा मागणीचे निवेदन यावेळी जिल्हाधिकाऱ्यांना देण्यात आले. या मोर्चात मनसेचे पराभूत उमेदवार दिनकर पाटील, प्रसाद सानप, माकपचे जे. पी. गावित, शिवसेना उद्धव बाळासाहेब ठाकरे पक्षाचे नेते अनिल कदम आदी सहभागी झाले होते.

राष्ट्रीय आरोग्य अभियानाअंतर्गत हिंगोली जिल्ह्यातल्या जिल्हा सामान्य रुग्णालयात नुकतंच आरोग्य शिबीर घेण्यात आलं. यामध्ये नवजात बालकांपासून १८ वर्ष वयोगटातील १३० संदर्भित ह्रदयरुग्णांची टुडी इको तपासणी करण्यात आली. यापैकी २० विद्यार्थ्यांवर शस्त्रक्रिया करणं आवश्यक असून महात्मा ज्योतिबा फुले जीवनदायी आरोग्य योजना आणि आरबीएसके कार्यक्रमाअंतर्गत या शस्त्रक्रिया मोफत होणार आहेत.

राज्यात पुन्हा थंडीचा कडाका जाणवत असून विदर्भात काही ठिकाणी किमान तापमानात सरासरीच्या तुलनेत घट झाली आहे. काल सर्वात कमी किमान तापमान आठ पूर्णांक नऊ दशांश सेल्सिअस जळगांव इथं नोंदवलं गेलं. आज सर्वत्र हवामान कोरडं राहील असा हवामान विभागाचा अंदाज आहे.

भारत आणि ऑस्ट्रेलिया संघांदरम्यान, बॉर्डर गावस्कर करंडक क्रिकेट कसोटी मा��िकेत ब्रिस्बेन इथं आज सुरु झालेल्या तिसऱ्या सामन्यात भारतानं नाणेफेक जिंकून प्रथम क्षेत्ररक्षणाचा निर्णय घेतला. पावसाच्या व्यत्ययानंतर आतापर्यंत ऑस्ट्रेलियाच्या २८ धावा झाल्या आहेत. दोन्ही संघांनी पाच सामन्यांच्या या मालिकेतला एकेक सामना जिंकला आहे.२०२१ मध्ये याच मैदानावर ऑस्ट्रेलियावर तीन गडी राखून मिळवलेल्या विजयाची भारत पुनरावृत्ती करण्याच्या प्रयत्नात आहे.

हाँगकाँग इथं सुरू असलेल्या जागतिक स्‍क्‍वॉश सांघिक स्पर्धेत पाचव्या स्थानासाठी भारतीय पुरुष संघ आज यजमान हाँगकाँगशी भिडणार आहे.