#للـ

[onlinetechegypt]

[imazikaty]

أوقات كتير باقول لنفسي لأ يا محمد أكيد ما وصلتش للـ 28 ولا حاجة، تلاقيك حاسبها غلط بس.. احسبها تاني كده وسمي الله وعد على صوابعك هتظبط معاك.

[white-tulip323]

‏الأمة الفاسدة 《المغضوب عليهم》 (➊) شق الله لهم البحر.. ورأوا المعجزة بأعينهم.. وأنجاهم الله من فرعون 《فعبدوا العجل》.. (➋) أنزل عليهم المن والسلوى 《فطلبوا البصل والثوم》.. (➌) أمرهم بذبح بقرة 《فجادلوا في تنفيذ الأمر》.. (➍) أمرهم ألّا يعتدوا بالسبت 《فاحتالوا على الأمر الإلهي》.. (➎) أمرهم بدخول القرية وقول حطّة فقالوا حنطة وقالوا لنبيهم "فَاذْهَبْ أَنتَ وَرَبُّكَ فَقَاتِلَا إِنَّا هَاهُنَا قَاعِدُونَ" (➏) قتلوا الأنبياء وكذبوهم وخانوهم وسجنوهم "فَفَرِيقٗا كَذَّبۡتُمۡ وَفَرِيقٗا تَقۡتُلُونَ" (➐) لم يتركو�� ذنبا ولا دنيئة الا وفعلوها.. فـ مسخهم الله قردة وخنازير وسلط عليهم الجبابرة.. (➑) خانوا العهود ونقضوها مع النصارى والمسلمين.. أمة ترتعت بالفواحش وفعلت كل ما حرم الله.. (❾) نهوا عن المعروف وأمرت بالمنكر وأشاعت الفواحش ودافعت عنها.. وجادلت في تنفيذ أمر الله واحتالت عليه.. (❿) سلط الله عليهم أنواعا وأنواعا من عذابه.. عقابا لهم لعلهم يرجعون.. ولكن كانوا.. ومازالوا.. وسيظلوا مفسدين..

ولم أجد لفظا ولا وصفا.. أشد ولا أعظم.. في الوصف الدقيق للـ ـيـ ـهـ ـود من وصف الله ﷻ.......... المغضوب عليهم..✋🏻

[lightsformyfriend]

بينما أنت تظن يا عزيزي إنها 100 جنية عادية، فأحب أقولك إنها لأ مش عادية؛ دي بيتجلَّى فيها بركة و رزق وخير المولى سبحانه وتعالي عن نيّة طيّبة.

يعني حتى مش عمل طيّب؟ تؤ تؤ نيّة فقط.

النهاردة كنت حاسة إن الدنيا مكركبة معايا أوي وصدري ضيّق، فقولت بس هو الموضوع محتاج صدقة، ونويت إني بعد ما أخلص اللي في إيدي على طول هشوف باقي قد إيه من مصروف امبارح وهحط منه اكبر جزء اقدر عليه في حصالة الصدقة بتاعتي -بدون أصلاً ما اعرف فاضل كام- واخلصت النيّة للكريم جلّ وعلا، وحاولت على قد ما اقدر اعدد النوايا.

بعدها بشوية لاقيت والدي جاي وبيسألني إذا كان معايا فكة للـ 100 جنية دي ولا لأ، ولما جيت اشوفه‍م لاقيتهم قُليلين ومش هيكملوا، فقالي خلاص هاتيهم وخدي الـ 100 جنيه كلها ليكِ.

أنا فضلت شوية مبتسمة ومذهولة من الكرم الرباني الفيّاض بعد ما تذكرت إني من دقايق بس كنت نويت إني أتصدق بجزء منهم، دلوقتي رُد إليا المبلغ وأضعاف أضعاف ما كنت ناوية أتصدق بيه!

بس كده؟ لأ.

الحمد لله رُزقت بركة في الوقت، وفي حفظ الوِرد، وانشرح صدري وتجلّى همّي وأصبح الجبل اللي كان على صدري في خفة الريشة بل منها أخفّ.

فو ربّ العزة أنا ‏ما رأيت في الدنيا بابًا أوسع في الرزق، وأزكى في العيش، وأكثر في البركة، وأضمن في الربح، من باب صدقة نضعها في يد الله.

صدق ابن القيم لما قال إن في الصدقة فوائد ومنافع لا يحصيها إلا اللَّه، ومن الفوائد دي أنها تقي مصارع السوء، وتدفع البلاء حتى إنها لتدفع عن الظالم!

وتطفئ الخطيئة، وتحفظ المال، وتجلب الرزق، وتفرح القلب، وتوجب الثقة باللَّه وحسن الظن به -لإن البخل هو سوء الظن باللَّه- وترغم الشيطان وتزكى النفس وتنميها، وتُحبّبُ العبد إلى اللَّه وإلى خلقه، وتَستُر عليه كل عيب -والبخل يغطي عليه كل حسنة- وتزيد في العمر، وتستجلب أدعية الناس ومحبتهم.

وتدفعُ عن صاحبها عذاب القبر، وتكون عليه ظلًّا يوم القيامة، وتشفع له عند اللَّه، وتهونُ عليه شدائد الدنيا والآخرة، وتدعوه إلى سائر أعمال البر فلا تستعصي عليه.

وفوائدها ومنافعها أضعاف ذلك، رزقنا الله وإياكم."))

[my-ensan]

- طيب والسنين والوقت الكتير اللي ضيعته من عمري في معصية ربنا أو في اللاشيء عامةً ده هعمل فيه أيه !...

مهما كنت قضيت وقت كبير من عمرك بعيد عن ربنا فأنت عندك ميزة كمسلم الكل يحسدك عليها ..

‏المسلم هو الكائن الوحيد اللي يقدر يعمل delete history بالتوبة ، يعني مهما بعدت بالسلب تقدر تمحي كل ده وتبدأ من تاني مهما كنت بعيد .

-‏‏ طيب بس أنا كدا ضيّعت وقت كتير وناس كتير سبقتني وبدأت بدري! أنا مش هلحق أحصلهم ومش هلحق أوصل.!

=المسلم في أي وقت إذا استدرك فهو يستدرك عند كريم..

والله عز وجل كريم.. (لو رأى منك خيرًا أعانك) ..

إذا أريته من قلبك صدق النيّة يسّر لك أسباب الاستقامة ويسّرها عليك..

في أي وقت إذا تمّ سحب منك ورقة الإجابة ف أنت هتُحاسب على "النية" ،

يعني لو رجل مُسن تاب ونوى حفظ القرآن كله مثلاً وتوفاه الله بعد أول صفحة حفظها فله أجر حفظه كاملاً..

فأنت كمسلم تقدر تسخدم ميزة الرجوع للصفر مهما كنت بعيد بالتوبة..

وتقدر تستخدم ميزة الإستدراك والوصول للقمة وانت عند الصفر مهما كنت بادئ متأخر عن طريق النية .. المهم تبدأ!

-مُقتطف من افكار للـ م. أيمن عبدالرحيم.

[marmarika-world]

في فترة ما في حياتي كنت بدور على أعذار ومبررات كتير للناس اللي بحبها لأجل اني باقية عليهم وحقيقي بحبهم بكل يقين ومؤمنه بيهم والموضوع دة اتكرر مرة واتنين وسبعتلاف..يؤسفني انهم مقدروش اني كنت بعمل كدة من منطلق حبي واحترامي وافتكروا اني بديهم green card عشان يستمروا في أذيتي وتدمير بقايا النفس المشتته جوايا كل مرة بقساوة عن اللي قبلها..... فالنهاية كانت لازم ان الناس دي لو جت واعتذرت بأكبر عذر مش هعذرهم لان خلاص وصلنا للـ حد من الآلام اللي مفيش تجاوز بعده وصلونا للوحش خلاص

[marwa-el-zeiny]

مروه عاملة اية

محتاجة اخد رأيك فى حاجة ..

انو عمرى يقارب للـ ٣٠ وطبعاً خناقات ان أتاخرت ف الجواز واي عريس بيجي بيبقا لقطة بالنسبة لأهلى غير أن عندى رهبه من الجواز وديماً بخاف وبقعد اعيط

اخر حد جيه هو اكبر منى ب ٩ سنين ووظيفته كويسه هيئته وشكله مش وحشين بس لما قعدت معاه منجذبتش له طريقه كلامه مجذبتنيش وكان عندى خوف ان طب ما اجرب لان هو سنه كبير ف خايفه ف الاخر ميحصلش توافق وانجذاب ف اكون اخرته

ورغم ذلك مع ضغط اهلى وخناقات ان الشخص مفهوش حاجه غلط ف ايه سبب الرفض اضطريت ادي فرصه

بس هو غريب جدا من اول يوم اخد رقمي وتعامله معايا كأننا مرتبطين بقالنا سنتين لسه واخد رقمي بقوله خارجه مع صحابي يقولى مقولتليش ليه يا هانم واما اقوله مانا بقولك اهو يقولى لا انا اول واحد يعرف ده غير ان لو اتصل ومرديتش ع التليفون يعمل حوارات ويقولى مبترديش ليه ف مره بنتكلم وبقوله تمام يقولى اسمها حاضر

ف علقت ع الموضوع ده وقولتله فرقت ايه ولما لقاني قفشت قام قالى انا كنت بهزر بعدها بنتكلم ف حاجه تاني فبقوله باءذن الله قالي مش قولتلك اسمها حاضرر

ده غير مواقف كتير جدا هو كان خاطب قبل كدا ف تقريبا مش عاوز يخش العلاقة من اولها عاوز يختصر ويدخل ع التحكمات ع طول

الفكره ان اهلى لما بحكلهم الحاجات دي يقولولي لازم تتنازلي وانتى عاوزه كل حاجه وانتي عشان مش قبلاه مسكاله ع الواحده وده اهتمام ايه المشكله

محدش عاوز يفهم ان تمام مش متقبلاه دي متعبنيش وان بحاول ادي فرصه ف لو ال قدامي فضل مش عجبني بتصرفاته ف ده مش غلطي

مانا تمام مش متقبلاه معروفه وبلغتهم بكدا ! بس يمكن من قاعده اخطأت ف احساسي ف بدي فرصه بحيث ان الشخص ممكن يكون كويس بس هو طريقتة مازالت مش عجباني وطول الوقت حاسه بجو تلزيق واوفر

واحدة صحبتى قالتلى احنا لازم نبطل نشوف الجواز انه اهم حدث ف حياتنا وتعالى نخوض تجربه الجواز حتى لو فاشله ونجيب بيبي وبعدها نتطلق ونعيش حياتنا

انا مش قادره اتقبل الشخص وانا بكلمه فالتليفون ف هتقبل اتجوزه ؟!!واعيش معاه

الحمد لله انا تمام ويارب انتي كمان تبقي حلوة ...

عمرك يقارب للتلاتين يعني بقيتي خبرة واكتسبتي مناعه مش بسيطه ف ازاي تتعاملي مع ضغط الاهل ف اي حاجه مش العرسان بس دي نقطه مفروض تبقي لصالحك

فأنتي يوم ما تاخدي قرارك غالبا محدش هيقدر يفرض عليكي حاجه انتي مش عايزاها

فرق السن كبير بس مبشوفوش مشكله اوي المشكله انو انتي دماغ وهوا دماغ تانيه

اسمها حاضر مش تمام دي لوحدها بتقول كتيييير 😃

لو كان سنك وسنه أصغر كنت قولتلك حاولي الراجل ف العادي بيهدي بعد الجواز وبيبقي اكتر لين بسسس من تجربتي الشخصيه انا اتجوزت وانا كبيرة تلاتين برده طاقتي ف التحمل وبلع الزلط للي ادامي بتقل كل ما بنكبر انا مش هستني اما تهدي ومش هقدر اصلا اني اعمل دا لغايه ما اشوف ممكن هيتغير ولا لاء فأنتي هنا ادري بنفسك وادري بقوة تحملك للأمور ،إنما أنا شايفه تفاصيل غير مبشرة

اخيرا بقي هتجوز واخوض التجربه ظبطت ماشي مظبطتش نجري مفيش كدا مبيحصلش ف الواقع😃وانتي ع البر التفكير دا سهل اوي اوي بس بمجرد ما تدخلي ف الماتش تؤ الدنيا بتتغير ميثاق غليظ ومسؤوليه وسبحان الله بتحسي بيها لا إرادي فلأ مش سهلة زي ما بتتقال كدا

اقعدي مع نفسك خدي قرارك وانتي شايله اهلك م الحسبه محدش بينفع حد ولا حد هيعيش مكانك ،شيلي من دماغك او حاولي قدر الإمكان مش قطر وهيفوت الجواز دا نصيب وحياة ومكتوب منحدفش نفسنا ونرمي نفسنا فيه من باب انه خايفين يفوتنا حاجه

[ahhmeedd]

من الحاجات اللي بكون حذر فيها جدًا هي إني مهما كنت صريح و واضح وقادر أتكلم عن حاجه جوايا او اعبر عنها مش هروح أرميها كلها ف مكان واحد.. الفيس بالنسبالي مجرد "رفاهيه" تشارك حاجات بتحبها او موقف حصل ف يومك وهتتناقش عنه بيخليك قادر تختصر تفاصيل يومك وتتغاضي عن اللي جواك بشكل مؤقت، أو تُظهر مهاراتك للمجتمع، لكن الواتس بتقدر عليه ترمي جزء من اللي جواك بس مش لدرجة أنك تتعمق في أعماق قلبك، يدوبك هترمي مشاعرك السطحيه لناس أنت ع��رفهم وعارف أنهم يا أما هيفهموك ويكون بينكم تواصل يا أما هيراودهم نفس مشاعرك، الجزء العميق السوداوي اللي جواك ده بقي مستحيل تظهره للعلن، دايما بيكون فيه مكان كدا للـ Deep Feeling بتبقي قادر تعبر فيه عن كل اللي ف أعماق قلبك، وهتشوف مجتمع تايه ومدبوح وطير جريح وجراحه بتنزف مع كل كلمه بيكتبها، بتحس بالارواح اللي بتعاني زيك بالظبط وأنك مش لوحدك.

[gannaadel]

عن الأنا ودفا الجماعة والحس الأليف

العالم بيحتفي بالفردانية، يمكن بشكل غير مسبوق في تاريخ البشرية. مقريتش تاريخ البشرية فممكن تكون دي مبالغة مالهاش معنى، لكن خلينا نتفق طيب على إن فيه اتجاه قوي للاحتفاء بالفرد، وبالفردانية. انت ومشاعرك الفاليد وتجربتك الذاتية الوجيهة الفريدة ورحلتك الشخصية، وذوقك واختياراتك واكتفاءك بنفسك، وعالمك الصغير اللي ممكن تشيل منه أو تضيف ليه كيفما شئت، وقتما شئت، أو تنزع نفسك منه بالكامل وتزرع نفسك في عالم جديد إذا حبيت.

يمكن ماحناش في ذروة الاحتفاء بالفردانية، بعد الذروة بخطوتين مثلًا. أصداء الاحتفاء لسّه عالية ومدوّية، بس في الخلفية ظهرت أصوات تانية خافتة، بتتنحنح وعلى استحياء شديد جدًا، بتقرّ بالحقيقة الشاعرية المخجلة: احم شباب، مافيش حياة إلا عند غيرك. عشيرتك. في علم النفس العشيرة اتغير اسمها وخد مسحة براجماتية وقحة واتحول لـ "شبكة الدعم الاجتماعي" الخاصة بيك، واللي طيب حالك، في قرارة نفسك، في صميم فردانيتك، معتمد على وجودها. أوووبس!

كنت بفكر في قصيدة فؤاد حداد البديعة، تحديدًا مقطع "كلمة أنا ما تحلاش إلا بدفا الجماعة"، إذ ممكن نستشف من ٥-٦ كلمات إن الإنسان محتاج يقول "أنا"، في وسط جماعة، عشان يبقى للـ أنا معنى بالأساس. أنا في الفراغ بلا قيمة. أنا ما تحلاش إلا لما تتقال في جماعة. للدقة، جماعة عارفاك زي ما بيوضح في المقطع اللي بعده: زي لما تخبط على باب الحبايب، ويسألوا مين، تقول أنا، ويعرفوك من حسّك. لقطة شديدة الحميمية والألفة، ومحتاجة رهافة استثنائية عشان تلاقي العين اللي تلقطها وتبروزها. واحدة من لقطاتي المفضلة في التواصل الإنساني بشكل عام. حد الكفاف من التواصل الإنساني هو جماعة تعرفك من حسّك، أو لو هنبهوأ المسائل، جماعة عندها القدر الأدنى من الاطلاع على تجربتك الذاتية الفريدة الرائعة دي بحيث ما تلاقيش نفسك مضطر لإعادة سرد تاريخ الشخصي مع كل معاملة أو موقف. جماعة تألفك، عندها فكرة انت مين، ووصلت هنا ازاي.

[omqo]

-

(( لقد نحجت استراتيجيتي ))

قصة حقيقية وعِبرة عظيمة :

يقول أحد الأخوة : كلما اقترب شهر #رمضان أتذكر قصة سباستيان !!!

فمن هو سباستيان ؟ وما علاقة رمضان بقصته ؟

يقول :

سباستيان شاب ألماني ، وفي أكتوبر سنة (2012) كان هناك سلسلة محلات ألمانية شهيرة إسمها ساتورن (Saturn) ، هذه الشركة أجرت مسابقة كبيرة جداً لجمهور صفحتها على الفيسبوك إحتفالاً بافتتاح فرعها رقم 150 في ألمانيا ..

الفائز بالمسابقة هذه سيسمحوا له بدخول المحل لمدة 150 ثانية يأخذ فيها كل الذي يريده مجاناً بدون أن يدفع شيئاً .

وفعلاً إنتهت المسابقة وتم الإعلان عن الفائزين ، وكان منهم شاب عمره 27 سنة إسمه : سباستيان .

يوم المسابقة كان هناك تغطية إعلامية رهيبة ، وبدأ العد التنازلي للـ 150 ثانية ، وبدأ الفائزون يدخلون واحداً تلو الآخر يأخذوا ما يريدون ويخرجوا ..

هناك من كان يركض ويقع ، وهناك من يأخد حاجات لا يحتاجها ثم يرميها ويأخذ حاجات أخرى ، وآخرون يأخذون أي شيء يجدونه أمامهم ، وأكثرهم خرج بحاجات غير قيّمة ، أو لا يحتاجها أصلاً .

لكن العجيب أن (سباستيان) هذا دخل بمنتهى السرعة والنظام والتركيز ، وكأنه يعرف تماماً ماذا يفعل !

أخذ شاشات كبيرة وسحبها إلى الخارج ، موبايلات ، وتابلتس ، ولاب توبس ، وأجهزة من كل الأشكال والألوان ، ومن أفخم الماركات وأغلى الأسعار ، يضعها فوق بعض بترتيب عجيب ويخرج بها ، يضعها على الأرض ، ثم يدخل مرة أخرى !!!

الناس كانت مستغربة جداً من أداءه واختياراته ، لدرجة أنه في الآخر استطاع أن يسحب ثلاجة بحالها ويخرجها !!!

وبالفعل إنتهت الـ 150 ثانية وخرج سباستيان هذا وسط تهليل فظيع من الجمهور، وسقط على الأرض من شدة تعبه .

قدّروا قيمة الحاجات التي أخدها سباستيان في الـ 150 ثانية

بـ ( 29 ألف يورو )

تصوروا .. في دقيقتين ونصف 29 ألف يورو !!!

كانت أول كلمة قالها (سباستيان) بعد ما خرج :

(( لقد نجحت استراتيجيتي ))

أجروا معه لقاءً وسألوه عن معنى قوله ؟

فقال : إني من اليوم الذي سمعت به عن المسابقة وأنا أذهب لهذا المحل يومياً ، أخطط وأحفظ أماكن الحاجات الغالية التي أريد أن أخذها ، وأرتب مساري وأولوياتي وطريقي داخل المحل الكبير لأعرف كيف أخرج بأكبر قدر من المكاسب خلال الـ 150 ثانية هذه، وبالتالي أول ما وقع عليَّ الإختيار كنت جاهزاً .

فكانت أول كلمة لي بعد الإنتصار : (( لقد نجحت استراتيجيتي ))

يقول الأخ الذي يروي هذه القصة :

العبرة التي أخذتها من هذه القصة، أنه كلما اقترب رمضان واقتربت ليلة القدر ، تذكرت سباستيان هذا وقلت لنفسي :

أنا كمسلم أولى في الفوز من هذا الرجل في التخطيط لشهر عظيم كهذا الشهر المبارك !

سباستيان خرج بحاجات قيمتها 29 ألف يورو في دقيقتين ..

يا تُرى بماذا سأخرج أنا من هذا الشهر وفيه ليلة القدر وهي خيرٌ من ألف شهر ؟!

العبرة :

كيف تعلم قيمة وفضل هذا الشهر العظيم ، وفيه ليلة القدر التي عبادتها تعادل 83 سنة ، ولا يكون لديك خطة لاستثمار تلك الأيام ؟!

قال نبينا محمد عليه افضل الصلاة والسلام : جاءني جبريل فقال لي : رغم أنف عبدٍ ( أي خاب وخسر ) من أدرك رمضان فلم يغفر له، إن لم يغفر له فمتى ؟

للصائم دعوة لا تُرد عند فطاره، مصداقاً لقول النبي صلى الله عليه واله وسلم: «إن للصائم عند فطاره لدعوة ما تُرد».

والله هناك أُناس كثيرون حصلت لهم معجزات بسبب دعاء شهر رمضان

جهّز قائمة لكل حاجاتك وكل ما تتمناه في دنياك وآخرتك من الآن ،

وادعوا الله بها وأنت صائم ، وعند الإفطار ، وفي وقت السحور في ثلث الليل ، وفي العشر الأواخر ، وفي ليلة القدر .

فقير ، مديون ، تأخر زواجك ، محروم من الإنجاب ، مريض ، ليس لديك عمل ، تائه ، مهموم ، حزين ، ذنوبك كبيرة ، مسجون ، مظلوم ؟

ماذا تنتظر ؟ جهز قائمة دعواتك من الآن .

أمامك شهر عظيم خير شهور السنة ، وفيه ليلة عظيمة خير من ألف شهر

اللهم اغفر لنا ذنوبنا ، وأعتق رقابنا من النار ، وأجب دعواتنا وتقبّل صيامنا وصلاتنا وطاعاتنا ، واغمرنا من فيض عفوك ورحماتك يا كريم يا كريم يا كريم ببركة الصلاة على محمد وال بيته الطيبين الطاهرين

[mariam-3aref]

لما بيبقى الأنسان اللي قدامك بيتعرض لظلم ببقى حرفياً بتشال واتهبد من الأنفعال خصوصاً لما تكون أذيته جياله من أقرب الأقربين بستشعر انه ان خذلان طعم مرارته واصل لحلقي وببقى مش عارفة استوعب لاي حاجة بتدور حواليا ولكن لما بسترجع بتطابق الأحداث ما بين اللي بتحصل واللي حصلت معايا ببدء اتفهم اعتياديه ان مافيش اي بشري على وجه الحياة مضمون بقدر انمله مهما كانت مكانة قربة او درجة القرابة وان الضامن الوحيد والحقيقة المطلقة هي للـ الله وحده لا شريك له له الملك وله الحمد وهو على شيء قدير

اللهم يامالك الملك تؤتي الملك من تشاء وتنزع الملك ممن تشاء تعز من تشاء وتذل من تشاء بيدك الخير انك على كل شي قدير

[onlinetechegypt]

[cairoman]

من المشاكل اللي بقت موجوده في مجتمعنا دلوقتي و تحديدا في الشغل إن المجتمع بقي غير متقبل للشخص العادي ، الشخص صاحب القدرات و المواهب العادية المحدودة و عدم التقبل ده مش بس في الشغل ، لأ ده انعكس علي نظرة المجتمع و طريقة التعامل . دلوقتي عشان تلاقي شغلانة محترمة و كويسة وفي حدود المعقول محتاج يكون معاك لغة و كمبيوتر و طقم كورسات و شهادة محترمة و مظهر كويس و طبعاً الأولوية كمان للـ معاه واسطة ، و مش بس كده لأ لازم تفضل تشتغل طول الوقت علي نفسك عشان متنطردش و يقولك مع السلامة ، و لازم تخلي بالك انهم ممكن في اي وقت يقوللك امشي حتي لو انت ممتاز بس بقيت overqualified و بردو تمشي و يجيبوا واحد اقل منك في السن و الخبرة يقوم بشغلك عشان مرتبة اقل ، يعني فوق كل الجهد الانت بتبزلة و حجم الإستنذاف من صحتك و جهدك و حياتك ، انت بقيت تحت ضغط عصبي و نفسي رهيب . تخيل بقي واحد عادي جداً محدود القدرات و المؤهلات و معدوم الواسطة حالته بتكون عاملة اذاي في المجتمع بتاعنا ، تخيل بقي واحد عادي حجم مايمتلكه من العلم و اللغة و الشهادات هو ما حصل عليه من التعليم المصري، ده هيعمل ايه في الواقع بتاعنا هيشتغل ازاي و يعيش ازاي… و متقوليش لازم يشتغل علي نفسه و تتحول انت كمان ضده و تتبني نظرية المجتمع الهجومية ، لان الناس مش كلها زي بعضها و قدرتها مختلفة و الانت تقدر تعمله غيرك ميقدرش عليه لا زهنيا و لا ماديا . زمان من حوالي اربعين او خمسين سنة كانت فيه فرص اكتر للشغل و الحياة كانت ابسط ، ده كان بيدي فرصة للشخص العادي انه يمارس وظيفة تواكب قدراته ، و كان الشخص المتميز بيكون في اماكن و مراكز متناسبة مع موهبته و قدرته ، لكن حاليا بسبب قلة الفرص و صعوبة الظروف ، تقريبا الوظائف العادية اختفت و اندمجت عشان يقوم شخص واحد مميز عنده القدرة انه يقوم بشغل 5 من العاديين يقوم بشغل 10 اشخاص عاديين ، فيبقي انت كده ظلمت الاتنين العادي و المميز . اكتر مشكلة ان فعليا احنا بقينا عايشين بنظرية الغابة ، و ده مش منطق بشري اصلا . سوء الوضع ده مش بس في استمراريته و صعوبة الحياة في مصر ، لأ سوء الوضع ده انه بقي بيخلق اشخاص محطمة نفسيا إما بسبب الفراغ و الشعور بعدم القيمة و العذاب من نظرة إحتقار المجتمع له و ده للشخص العادي ، او من التعب و الجهد و الضغط النفسي و الإحساس بالعجز عن إحداث اي تغيير في الواقع و انه اشبه بالثور و ده المميز ، الوضع ده بيحول الناس الي هياكل مشوهة ، حاجة كده اشبه بالزومبي ،انصاف بشر …. الحياة في مصر وصلت لمرحلة من السوء لايمكن تخيلها …

[chixchim]

أحبائي،

كلماتكم دائمًا كانت نبضًا في قلبي، واليوم أرغب في قربكم أكثر.

عبر هذا الرابط، يمكننا أن نتواصل بشكل أعمق ونتشارك اللحظات. الجميلة معاً.

أنتظركم في قناتي المخصصة للـ جيكوك على التليغرام بفارغ الصبر.

مع كل الود،

اوليفيا.

[3apqr]

من فترة لأخرى، أقوم بتعديل سيرتي الذاتية (لا لسبب محدد الحقيقة ولكنها أشياء يتسلى فيها العاطل اليائس يعني كما قد تعلمين) وكل مرة أقف عند بند الـ skills، وأفكر..

يحلو لي أن أكتب فيه عن مهاراتي الحياتية الصادقة، مهما كانت بسيطة أو تافهة، والتي أحب أن أفاخر بها فعلاً، بعيدا عن الصيغ المُنمّقة المُختلقة..

فا، مثلاً:

-مهارتي الحكيمة في غلق باب الميكروباص بمُعدل القوة الذي يجعلني عند السواق في المنطقة الآمنة بين:

"م براحة يا بااا" و "م تنشف يا كابتن مفطرتش ولا إيه".

-رغم أني أنسى أن أطفئ على العين الصغيرة، إلا أني ماهر جدا في رفع كنكة القهوة في الفيمتو الثانية السابقة للحظة الغليان كي أضمن لها (وش) عبقري.

-في أقل من خمس ثواني، ومن دون النظر، أستطيع أن أفك حمّالة الصدر بأصبعين. *غمزة*

-من بين كل مئة صفحة من كتب هيغل، أنجح في فهم صفحتين كاملتين.

-كلما كانت يداي مشغولتين على آخرهما بأطباقٍ عديدة، أنجح في إغلاق مفتاح النور بركلة كاراتيه بارعة من دون أن يسقط من يدي طبق واحد.

-أحيانا أنجح في إغلاقه بطرف لساني. *غمزة*

-أستطيع أن أتحمّل قراءة كتاب بأكمله لإميل سيوران من دون أن أقطع شراييني أكثر من ثلاث مرات فقط.

أما مهارتي الأبرع والأروع، هي أني أستطيع أن أقع في غرامكِ كل يوم، بذات الدهشة والانفعال والنشوة، رغم التكرار والاعتياد والإعادة.

تُرى، هل يمكن للـ HR أن يُعجب بذلك؟ لا يهم، سأكتبها في السي ڤي على أي حال وليكفي كونها صادقة وحقـ...هاهاها بهزر. أنا محتاج للوظيفة وأكل العيش. بالطبع سأكتب ما يكتبه كل شاب طموح يتمنى ويتوسل لأن يكون كوربوريت سليڤ مرموق وسط مفرمة الرأسمالية الجميلة.

-Work under pressure.

And above pressure. And beside pressure.

I can get the pressure pregnant.

[cr-ack]

عمرنا م بنعاتب غريب ، علشان العتاب د حاجه كبيره ، انك تفتح قلبك وتقول اللـ مخليك واخد ع خاطرك ، انك تدي اللـ قدامك فرصه يعتذرلك عشان تصفاله ويفضل مقامه عندك غالي ، مش كل الناس بتفهم ان العتاب محبه واهتمام ، فكره انك تتنازل للـ قدامك عن بعض كبريائك بإعتراف صريح بالغلاوه ، افتكر كد اللـ عاتبتهم وعاتبوك ، عمرناا م عاتبناا غير اللـ بنحبهم ومش عايزين نخسرهم ، ب العكس لو بطلناا نعاتب بعض الفجوه بيناا هتزيد لحد م يبق العتاب ملوش معني ، طول م احناا بنتعاتب طول م احناا قلبناا ع بعض ، تخاف بس لو بطلناا نتعاتب ، ساعتها بس تعرف اننا بطلناا نفرق مع بعض