#قیادت

[googlynewstv]

عمران خان کی پی ٹی آئی قیادت کو سول نافرمانی کی تحریک جاری رکھنے کی ہدایت

بانی پی ٹی آئی عمران خان نے سول نافرنی کی تحریک جاری رکھنےجبکہ پارٹی چیئرمین بیرسٹر گوہر،سیکرٹری جنرل سلمان اکرم راجا او سیکرٹری اطلاعات شیخ وقاص اکرم کوعالمی امور پر بات کرنےکی ہدایات دےدی ہیں۔ ٹیلیفونک گفتگو کرتے ہوئےمرکزی سیکرٹری اطلاعات پی ٹی آئی شیخ وقاص اکرم نےکہا کہ بانی پی ٹی آئی نے سول نافرمانی کی کال جاری رکھنےکا حکم دیا ہے۔ شیخ وقاص اکرم کا کہنا ہےکہ عمران خان نے بیرسٹر گوہر، سلمان…

[topurdunews]

فائنل کال کی ناکامی، پی ٹی آئی قیادت پشاور میں سر جوڑ کر بیٹھے گی

(طیب سیف)فائنل کال کی ناکامی اور سلمان اکرم راجہ کا استعفیٰ  پاکستان تحریک انصاف  نے  آئندہ کا لائحہ عمل مرتب کر لیا،پی ٹی آئی کی مرکزی قیادت پشاور میں سر جوڑ کر بیٹھے گی ۔ پی ٹی آئی کا اجلاس وزیر اعلیٰ ہاوس میں ہو گا ،اجلاس میں بیرسٹر گوہر ، عمر ایوب ،اسد قیصر ،علی امین گنڈا پور شرکت کریں گے۔ بشری بی بی بھی آج مانسہرہ سے پشاور پہنچ گئی ہیں،اجلاس میں آئندہ کا سیاسی لائحہ عمل ، ورکرز کو چارج کرنے…

[pinoytvlivenews]

آسٹریلیا کا پاکستان کیخلاف ون ڈے سیریز کیلئے سکواڈ کا اعلان،ٹیم کی قیادت کون کریگا؟ جانیے

لاہور(ڈیلی پاکستان آن لائن) پاکستان کے خلاف ون ڈے سیریز کیلئے آسٹریلوی کرکٹ ٹیم کا اعلان کر دیا گیا ہے۔  کرکٹ آسٹریلیا کے مطابق پیٹ کمنز ٹیم کی قیادت کریں گے، مچل مارش اور ٹریوس ہیڈ پیٹرنٹی چھٹیوں پر ہیں اس لیے ان کو زیر غور نہیں لایا گیا۔ پاکستان اور آسٹریلیا کے مابین ون ڈے میچز 4، 8 اور 10 نومبر کو کھیلے جائیں گے۔ تین ٹی20 میچز کے لیے ٹیم کا اعلان بعد میں کیا جائے گا۔   منتخب سکواڈ میں شین…

[emergingpakistan]

وہ امریکہ اب نہیں رہا

امریکہ میں ڈونلڈ ٹرمپ اور کملا ہیرس کے درمیان صدارتی انتخاب ایک حقیقت کے سامنے بے بس تھا اور وہ ہے اکیسویں صدی میں امریکہ کی مسلسل تنزلی۔ امریکہ نے اپنی قیادت، اعتماد، اخلاقی ساکھ اور اقتصادی برتری کھو دی ہے۔ 20 جنوری 2025 کو صدر ٹرمپ ایک ہی وقت میں امریکی گھمنڈ کے تازہ ترین علمبردار اور امریکی تنزلی کے جنازہ بردار کا حلف اٹھائیں گے۔ 1987 میں پال کینیڈی کی کتاب ’دی رائز اینڈ فال آف دی گریٹ پاورز‘ نے اس وقت تنازعہ کھڑا کیا جب اس نے ’امپیریل اوور سٹریچ‘ یعنی طاقت سے زیادہ غیر معمولی پھیلاؤ کو امریکی زوال کی ممکنہ وجہ قرار دیا۔ اس وقت امریکہ کی سب سے بڑی پریشانی کا باعث جاپان تھا، جو اپنی نمایاں دولت، جدید ٹیکنالوجی اورمعاشی انتظام کے نئے طریقوں کے ساتھ امریکہ کو چیلنج کر رہا تھا۔ 1989 کا اہم سال افغانستان سے سوویت یونین کی واپسی کے ساتھ شروع ہوا۔ فرانسیس فوکویا��ا نے اپنے مضمون ’دی اینڈ آف ہسٹری‘ میں لبرل جمہوریت اور سرمایہ داری کی تاریخ میں حتمی فتح کا اعلان کیا۔  دیوارِ برلن نومبر 1989 میں گری اور اس کے ساتھ ہی سوویت استبداد کا پردہ بھی گر گیا۔ امریکی فاتحین نے دعویٰ کیا کہ سوویت یونین نے ’اوور سٹریچ‘ کا شکار ہو کر شکست کھائی۔

سوویت یونین کی جانب سے 1990 میں جرمنی کے دوبارہ اتحاد پر اتفاق اور صدام حسین کے کویت پر حملے نے ’نیو ورلڈ آرڈر‘ کو جنم دیا۔ 1991 کا سال عراق میں امریکہ کی فتح سے شروع ہوا اور سوویت یونین کی تحلیل پر ختم ہوا۔ 1991 سے 2001 کا عشرہ امریکہ کے ہائپر پاور ہونے کا دور تھا۔ سوویت یونین کے بکھرنے، چین کی کمزوری اور انٹرنیٹ کے کمرشل استعمال میں آنے سے امریکہ نے ’غیر معمولی عظمت‘ کا لطف اٹھایا جیسا کہ ایڈورڈ گِبن نے اپنی کتاب ’دی ڈیکلائن اینڈ فال آف دی رومن ایمپائر‘ میں بیان کیا۔ امریکہ کے سامنے کوئی حریف نہیں تھا یوں لگتا تھا کہ 20ویں صدی کی طرح 21ویں صدی میں بھی امریکہ ہی مستقبل کی طاقت ہو گا۔ ستمبر 2001 کی ایک صبح، کئی سو سالوں سے موجود امریکی رجائیت اور اعتماد دہشت گردی کے سامنے ڈھیر ہو گئے اور ان کی جگہ تکبر اور تنگ نظر قومیت پرستی نے لے لی، جس کا اظہار امریکی ووٹروں نے ایک مرتبہ پھر ڈونلڈ ٹرمپ کو منتخب کر کے کیا ہے۔ 21ویں صدی کے پہلے عشرے میں دو جنگوں اور دو اقتصادی واقعات نے امریکی زوال کوتیز تر کیا۔

اس وقت کی واحد سُپر پاور نے افغانستان پرغیظ وغضب کے ساتھ اور عراق پر تکبر کے ساتھ حملہ کیا۔ امریکہ کو دونوں جنگوں میں شکست ہوئی۔ 2003 میں عراق پرامریکی حملہ دوسری جنگ عظیم میں ہٹلر کے سوویت یونین پر حملے کے بعد جنگی حکمت عملی کی سب سے بڑی غلطی تھی۔ افغانستان میں امریکہ کی شکست دہائیوں پر محیط، کئی کھرب ڈالر کی فوجی، تکنیکی، سٹریٹیجک اور سیاسی تباہی تھی۔ عراق اور افغانستان نے پروفیسر کینیڈی کے نظریے ’امپیریل اوور سٹریچ‘ کی تصدیق کر دی۔ 2000 میں چین کی ورلڈ ٹریڈ آرگنائزیشن (ڈبلیو ٹی او) میں شمولیت اور 2008 کے مالیاتی بحران نے امریکہ کو 9/11  سے زیادہ کمزور کیا۔ چین کی ڈبلیو ٹی او میں شمولیت نے امریکی صنعت کو کھوکھلا کر دیا۔ 2010 تک چین دنیا کی دوسری سب سے بڑی معیشت بن چکا تھا۔ 2024 میں چینی معیشت جاپان، بھارت اور جرمنی کی مشترکہ معیشت سے بڑی ہو چکی ہے۔ 2008 کے مالیاتی بحران نے مغربی اقتصادی ترقی کو تقریباً دو دہائیوں کے لیے سست کر دیا اور نیولبرل جمہوریت اور اس کی اقتصادی شاخ، گلوبلائزیشن میں مغربی عوام کے اعتماد کو ہلا کر رکھ دیا۔

جب مغربی جمہوریتوں کے ووٹر جمہوریت پر سوال اٹھا رہے تھے، چین ہر سال نہیں بلکہ ہر دہائی میں معاشی ترقی کے جھنڈے گاڑ رہا تھا۔ امریکہ اور مغرب نے اشتراکیت کے خلاف سرد جنگ اس لیے نہیں جیتی کہ ان کے نظریات بہتر تھے، بلکہ اس لیے جیتی کہ وہ دہائیوں تک کمیونسٹ بلاک کے مقابلے میں زیادہ دولت مند اور تکنیکی طور پر جدیدیت کے حامل تھے۔ چینی معاشی کارکردگی نے لبرل جمہوریت، اقتصادی ترقی اور تکنیکی جدت کے درمیان مغرب کا رشتہ کاٹ کر رکھ دیا ہے، کوئی تعجب نہیں کہ دنیا بھر میں ووٹر استبدادی عوامی قیادت کی طرف رجوع کر رہے ہیں، چاہے وہ انڈونیشیا ہو، بھارت ہو، ہنگری ہو، یا اب امریکہ ہو۔ امریکہ کی تنزلی کا آخری پہلو اخلاقی ہے جسے مورخ ایڈورڈ گِبن نے ’معاشرتی فضائل‘ کی کمی لکھا تھا۔ سیاہ فاموں کی غلامی سے لے کرعراق کی ابو غریب جیل میں انسانی حقوق کی پامالی تک، امریکی طرز عمل میں منافقت ہمیشہ موجود رہی ہے۔ تاہم سرد جنگ کے دوران، جب تک سوویت یونین اور اس کے اتحادی اپنے شہریوں کی آزادیوں کو دباتے، ان کے اقتصادی حقوق چھینتے اور ان کی غریبی میں اضافہ کرتے رہے اور اس کے برعکس امریکہ ضرورت مند ممالک کی مدد کرتا رہا، ہیروشیما اور ناگاساکی پر ایٹمی حملوں کی اخلاقی ہولناکی کو نظرا نداز کیا جاتا رہا۔

دوسری جنگ عظیم کے بعد امریکہ نے نئے بین الاقوامی اداروں کی تخلیق اور قیادت کی جو جنگ کو روکنے اور غریب ممالک کی مدد کے لیے بنائے گئے تھے۔ اقوام متحدہ، آئی ایم ایف، نیٹو اور ورلڈ بینک اس کی اہم مثالیں ہیں۔ ان اداروں کے فوائد پر بحث ہو سکتی ہے۔ جو چیز بحث سے بالاتر ہے وہ یہ ہے کہ یہ ادارے امریکی اولیت کو مضبوط کرتے ہیں اور ساتھ ہی امریکہ کو دوسرے ملکوں کو اخلاقی بھاشن دینے کا جواز فراہم کرتے ہیں۔ امریکہ اپنے حواری ملکوں کو کئی دہائیوں سے تحفظ فراہم کر رہا ہے، بین الاقوامی معاشی معاملات میں امریکہ نے ’قواعد پر مبنی بین الاقوامی نظام‘ کی تخلیق کی اور اس کا دفاع کیا۔ سوویت یونین کے خلاف سرد جنگ کو ایک اخلاقی جنگ میں تبدیل کیا، جس میں انسانی حقوق اور جمہوریت کے لیے بیانیے کو ہتھیار کے طور پر استعمال کیا۔ امریکہ کی تنزلی صرف افغانستان اور عراق میں ہی نظر نہیں آتی بلکہ کئی دہائیوں سے جاری ہے۔ اس کی ابتدا 1971 میں سونے کے معیار کو زبردستی ترک کرنے سے ہوئی۔ 1973 میں اوپیک تیل کے بائیکاٹ سے اس تنزلی میں تیزی پیدا ہوئی جوکہ 1974 میں صدر نکسن کے استعفے اور 1975 میں ویت نام سے شرمناک انخلا سے تیز تر ہوئی۔

1970 کی دہائی میں امریکی تنزلی کا اثر امریکی شہر��ں میں واضح طور پر نظر آیا۔ معاشرتی طور پر 1995 میں اوکلاہوما پر بمباری، 2005 میں قطرینا طوفان اور کووڈ 19 کے دوران 12 لاکھ سے زیادہ امریکیوں کی ہلاکت نے اس تنزلی کو دنیا پر واضح کر دیا۔ آج دنیا کے مستقبل کا استعارہ امریکی شہر نہیں بلکہ مشرق وسطیٰ اور مشرقی ایشیا کے شہر ہیں۔ امریکہ آج بھی دنیا میں فوجی اخراجات اور پوری دنیا میں فوجی طاقت کی موجودگی میں سب سے آگے ہے۔ امریکہ اپنے دفاع پر اگلے آٹھ ممالک سے زیادہ خرچ کرتا ہے۔ دفاعی اعتبار سے امریکہ اب بھی واحد سپر پاور ہے۔ امریکی معیشت آج بھی دنیا کی سب سے بڑی معیشت ہے، جس کی موجودہ سب سے بڑی طاقت انٹرنیٹ پر مبنی ہے۔ ہالی وڈ اور مقبول ثقافت کی نرم طاقت ابھی تک پُراثر ہے۔ امریکی ڈالر دنیا کی غالب کرنسی ہے اور امریکی استعمار کو قائم رکھنے میں طاقتور ہتھیار ہے۔ امریکہ زوال پذیر ہو رہا ہے، لیکن روم کی سلطنت کی طرح اس کا انہدام ابھی نظر نہیں آ رہا لیکن امریکی قوم کی سخاوت، کشادگی اور روح کے وسیع پن کا انہدام ہو گیا ہے۔

امریکی سیاسی قیادت کا معیاراتنی تیزی سے گرا ہے جتنا کہ اس کی جمہوریت کا معیار، جس کی واضح مثال 6 جنوری 2021 کو امریکی کانگرس پر ہونے والا مسلح حملہ ہے۔ اکتوبر 2023 کے بعد امریکہ نے اپنی اخلاقی حیثیت کے آخری چیتھڑے بھی کھو دیے ہیں، جب اس نے وہ ہتھیار فراہم کیے جو غزہ میں 42 ہزار سے زائد بے گناہ، نہتے انسانوں اور بچوں کی جان لے چکے ہیں اور جب امریکہ نے انسانی حقوق کو ملیامیٹ کرنے والی نسل کشی، ظالمانہ بمباری، جبری بے دخلی اور سفاک قتل عام پر آنکھیں بند کر لیں۔ یہ دلیل دی جاسکتی ہے کہ امریکہ دوسری جنگ عظیم سے پہلے کی صورت حال میں واپس جا رہا ہے، یعنی دنیا کی دوسری بڑی طاقتوں کے درمیان ایک طاقت، لیکن ہم نے پچھلی دہائیوں میں ایک کھلا، سخاوت سے بھرا اور خوش آمدید کہنے والا امریکہ بھی دیکھا ہے جو اپنی تمام خامیوں کے باوجود اپنے بنیادی جمہوری تصورات اور انسانی اصولوں پر عمل کرنے کی کوشش کرتا تھا۔ وہ امریکہ اب نہیں رہا۔

خرم دستگیر خان  خرم دستگیر ��سلم لیگ ن کے رہنما اور سابق وفاقی وزیر برائے خارجہ امور اور سابق وزیرِ دفاع رہ چکے ہیں۔

بشکریہ انڈپینڈنٹ اردو

[my-urdu-soul]

کسی سے کوئی شکوہ ہے نہ دل میں کوئی نفرت ہے

ملے ہو تم مجھے جب سے یہ دنیا خوبصورت ہے

ہماری بن نہیں سکتی کبھی شیخ و برہمن سے

گنہ وہ جس کو کہتے ہیں وہی اپنی عبادت ہے

کہاں موقع ملا مجھ کو تمہارے ساتھ رہنے کا

سفر میں مل گئے طرزی تو یہ سمجھا سعادت ہے

گلوں کو خار کہتے ہیں خلش کو شبنمی ٹھنڈک

اشارہ اور ہی ک��ھ ہے غزل کی یہ نزاکت ہے

تمہاری ہر ادا کو جانتا پہچانتا ہوں میں

خموشی ہے اگر لب پر تو یہ میری شرافت ہے

ہمارا کچھ نہیں دل تھا وہ کب کا دے دیا تجھ کو

ذہانت تھی بس اک دولت وہ بھی تیری امانت ہے

تمہارے حسن روز افزوں میں میرا بھی تو حصہ ہے

میرا حصہ مجھے دے دو، نہ دوگے تو خیانت ہے

یہ کیسی دوستی ہے دوستوں کو تشنہ رکھتے ہو

بڑھی جو تشنگی حد سے تو اعلانِ بغاوت ہے

جگر کا خون ہوتا ہے تو پھر اشعار بنتے ہیں

جگر سوزی و خوں ریزی میں ہی سچی حلاوت ہے

تمہارے مکر و سازش نے دکھایا ہے مجھے رستہ

ترے جور و ستم سے ہی میری دنیا سلامت ہے

جو نکلے خون کے قطرے چھلک کر میری آنکھوں سے

یہ خود کردہ گناہوں پر بہے اشکِ ندامت ہے

تو اپنی قدر کر ناداں تجھے نائب بنایا ہے

تری قسمت میں دنیا کی قیادت اور امامت ہے

سناتے ہیں میاں محمودؔ اب تو آپ بیتی ہی

بظاہر داستانِ غم بباطن اک حکایت ہے

- محمود عالم

[risingpakistan]

’مغربی میڈیا غزہ میں اپنے صحافی ساتھیوں کو بھی کم تر سمجھ رہا ہے‘

عالمی میڈیا جیسے بی بی سی، سی این این، اسکائے نیوز اور یہاں تک کہ ترقی پسند اخبارات جیسے کہ برطانیہ کے گارجیئن کو دیکھ کر ایسا لگتا ہے کہ ان کی ساکھ خراب ہوتی جارہی ہے۔ گزشتہ ماہ حماس کے اسرائیل پر حملے کے نتیجے میں تقریباً 400 فوجیوں سمیت 1200 اسرائیلی ہلاک ہوئے تھے۔ اس کے بعد اسرائیل کی جانب سے آنے والے غیر متناسب ردعمل کے حوالے سے ان صحافتی اداروں کی ادارتی پالیسی بہت ناقص پائی گئی۔ حماس کے عسکریت پسند اسرائیل سے 250 کے قریب افراد کو یرغمالی بنا کر اپنے ساتھ غزہ لے گئے کیونکہ ان کا کہنا تھا کہ انہیں اسرائیلی جیلوں میں قید 8 ہزار فلسطینیوں میں سے کچھ کی رہائی کے لیے ان یرغمالیوں کی ضرورت ہے۔ اسرائیلی جیلوں میں قید ان فلسطینیوں جن میں زیادہ تر خواتین اور بچے ہیں، ان میں ایک ہزار سے زائد قیدیوں پر کبھی کوئی الزام عائد نہیں کیا گیا۔ انہیں صرف ’انتظامی احکامات‘ کی بنیاد پر حراست میں لیا گیا بلکہ یہ کہنا چاہیے کہ انہیں یرغمال بنا کر رکھا گیا ہے۔ غزہ شہر اور غزہ کی پٹی کے دیگر شمالی حصوں پر اسرائیل کی مشتعل اور اندھی کارپٹ بمباری میں 14 ہزار فلسطینی مارے گئے ہیں جن میں سے 60 فیصد سے زیادہ خواتین اور بچے تھے جبکہ امریکی قیادت میں مغربی طاقتوں نے اسرائیل کی جانب سے کیے گئے قتل عام، یہاں تک کہ نسل کشی کی یہ کہہ کر حمایت کی ہے کہ وہ اپنے دفاع کے حق کا استعمال کررہا ہے۔

افسوسناک طور پر ان صحافتی اداروں میں سے بہت سی تنظیموں نے اپنی حکومتوں کے اس نظریے کی عکاسی کی جس سے یہ تاثر دیا گیا کہ مشرق وسطیٰ کے تنازع کی ابتدا 7 اکتوبر 2023ء سے ہوئی نہ کہ 1948ء میں نکبہ سے کہ جب فلسطینیوں کو ان کی آبائی سرزمین سے بڑے پیمانے پر بے دخل کیا گیا۔ چونکہ ان کی اپنی حکومتیں قابض اسرائیل کے نقطہ نظر کی تائید کر رہی تھیں، اس لیے میڈیا اداروں نے بھی اسرائیلی پروپیگنڈے کو آگے بڑھایا۔ مثال کے طور پر غزہ میں ہلاک ہونے والوں کی تعداد کو لے لیجیے، ان اعداد و شمار کو ہمیشہ ’حماس کے زیرِ کنٹرول‘ محکمہ صحت سے منسوب کیا جاتا ہے تاکہ اس حوالے سے شکوک پیدا ہوں۔ جبکہ ایمنسٹی انٹرنیشنل سے لے کر ہیومن رائٹس واچ اور غزہ میں کام کرنے والی چھوٹی تنظیموں تک سب ہی نے کہا کہ حماس کے اعداد و شمار ہمیشہ درست ہوتے ہیں۔ ستم ظریفی یہ ہے کہ جن اعداد و شمار میں تبدیلی تو اسرائیل کی جانب سے کی گئی جس نے حماس کے ہاتھوں مارے جانے والے اسرائیلیوں کی ابتدائی تعداد کو 1400 سے کم کر کے 1200 کر دیا۔ تاہم میڈیا کی جانب سے ابتدائی اور نظر ثانی شدہ اعداد وشمار کو کسی سے منسوب کیے بغیر چلائے گئے اور صرف اس دن کا حوالہ دیا گیا جس دن یہ تبدیلی کی گئی۔

یہ تبدیلی اس لیے کی گئی کیونکہ اسرائیلیوں کا کہنا تھا کہ حماس نے جن کیبوتز پر حملہ کیا تھا ان میں سے کچھ جلی ہوئی لاشیں ملی تھیں جن کے بارے میں گمان تھا کہ یہ اسرائیلیوں کی تھیں لیکن بعد میں فرانزک ٹیسٹ اور تجزیوں سے یہ واضح ہوگیا کہ یہ لاشیں حماس کے جنگجوؤں کی ہیں۔ اس اعتراف کے باوجود عالمی میڈیا نے معتبر ویب سائٹس پر خبریں شائع کرنے کے لیے بہت کم کام کیا، حتیٰ کہ اسرائیلی ریڈیو پر ایک عینی شاہد کی گواہی کو بھی نظرانداز کیا گیا کہ اسرائیلی ٹینکوں نے ان گھروں کو بھی نشانہ بنایا جہاں حماس نے اسرائیلیوں کو یرغمال بنا رکھا تھا یوں دھماکوں اور اس کے نتیجے میں بھڑک اٹھنے والی آگ میں کئی لوگ ہلاک ہو گئے۔ اسرائیلی اپاچی (گن شپ) ہیلی کاپٹر پائلٹس کے بیانات کے حوالے سے بھی یہی رویہ برتا گیا۔ ان بیانات میں ایک ریزرو لیفٹیننٹ کرنل نے کہا تھا کہ وہ ’ہنیبل ڈائیریکٹوز‘ کی پیروی کررہے تھے جس کے ��حت انہوں نے ہر اس گاڑی پر گولی چلائی جس پر انہیں یرغمالیوں کو لے جانے کا شبہ تھا۔ اس بارے میں مزید جاننے کے لیے آپ کو صرف ان میں سے کچھ مثالوں کو گوگل کرنا ہو گا لیکن یقین کیجیے کہ مغرب کے مین اسٹریم ذرائع ابلاغ میں اس کا ذکر بہت کم ہوا ہو گا۔ اس کا یہ مطلب نہیں ہے کہ حماس کے عسکریت پسندوں نے اسرائیلی فوجیوں، عام شہریوں، بزرگ خواتین اور بچوں پر حملہ نہیں کیا، انہیں مارا نہیں یا یرغمال نہیں بنایا، حماس نے ایسا کیا ہے۔

آپ غزہ میں صحافیوں اور ان کے خاندانوں کو اسرائیل کی جانب سے نشانہ بنانے کی کوریج کو بھی دیکھیں۔ نیویارک ٹائمز کے صحافی ڈیکلن والش نے ایک ٹویٹ میں ہمارے غزہ کے ساتھیوں کو صحافت کے ’ٹائٹن‘ کہا ہے۔ انہوں نے اپنی جانوں کو درپیش خطرے کو نظر انداز کیا اور غزہ میں جاری نسل کشی کی خبریں پہنچائیں۔ آپ نے الجزیرہ کے نامہ نگار کے خاندان کی ہلاکت کے بارے میں سنا یا پڑھا ہی ہو گا۔ لیکن میری طرح آپ کو بھی سوشل میڈیا کے ذریعے اسرائیلی فضائیہ کی جانب سے کم از کم 60 صحافیوں اور ان کے خاندانوں میں سے کچھ کی ٹارگٹ کلنگ کا بھی علم ہو گا۔ یعنی کہ کچھ مغربی میڈیا ہاؤسز نے غزہ میں مارے جانے والے اپنے ہم پیشہ ساتھیوں کو بھی کم تر درجے کے انسان کے طور پر دیکھا۔ بہادر صحافیوں کی بے لوث رپورٹنگ کی وجہ سے اسرائیل کی جانب سے غزہ میں شہری آبادی کو بے دریغ نشانہ بنانے اور خون میں لت پت بچوں کی تصاویر دنیا کے سامنے پہنچ رہی ہیں، نسل کشی کرنے والے انتہائی دائیں بازو کے نیتن یاہو کو حاصل مغربی ممالک کی اندھی حمایت بھی اب آہستہ آہستہ کم ہورہی ہے۔

اسپین اور بیلجیئم کے وزرائےاعظم نے واضح طور پر کہا ہے کہ اب بہت ہو چکا۔ اسپین کے پیڈرو سانچیز نے ویلنسیا میں پیدا ہونے والی فلسطینی نژاد سیرت عابد ریگو کو اپنی کابینہ میں شامل کیا۔ سیرت عابد ریگو نے 7 اکتوبر کے حملے کے بعد کہا تھا کہ فلسطینیوں کو قبضے کے خلاف اپنے دفاع کا حق حاصل ہے۔ پیڈرو سانچیز نے اسرائیل کے ردعمل کو ضرورت سے زیادہ قرار دیا ہے اور فلسطین کو تسلیم کرنے کے عزم کا اظہار کرتے ہوئے دو ریاستی حل پر زور دیا ہے۔ امریکا اور برطانیہ میں رائے عامہ کے جائزوں سے پتا چلتا ہے کہ جن جماعتوں اور امیدواروں نے اسرائیل کو غزہ میں بڑے پیمانے پر قتل عام کرنے کی کھلی چھوٹ دی ہے وہ اپنے ووٹرز کو گنوا رہے ہیں۔ گزشتہ صدارتی انتخابات میں ڈونلڈ ٹرمپ کے مقابلے میں جو بائیڈن کی فتح کا فرق معمولی ہی تھا۔ اسے دیکھتے ہوئے اگر وہ اپنے ’جنگ بندی کے حامی‘ ووٹرز کے خدشات کو دور نہیں کرتے اور اگلے سال اس وقت تک ان ووٹرز کی حمایت واپس حاصل نہیں لیتے تو وہ شدید پریشانی میں پڑ جائیں گے۔

اسرائیل اور اس کے مغربی حامی چاہے وہ حکومت کے اندر ہوں یا باہر، میڈیا پر بہت زیادہ دباؤ ڈالتے ہیں۔ ایسے میں ایک معروضی ادارتی پالیسی چلانے کے بہت ہی ثابت قدم ایڈیٹرز کی ضرورت ہوتی ہے۔ اس انتہائی مسابقتی دور میں میڈیا کی ساکھ بچانے کے لیے غیرجانبداری انتہائی ضروری ہے۔ سوشل میڈیا اب روایتی میڈیا کی جگہ لے رہا ہے اور اگرچہ ہم میں سے ہر ایک نے اکثر سوشل میڈیا پلیٹ فارمز پر موجود منفی مواد کے بارے میں شکایت کی ہے لیکن دنیا بھر میں بہت سے لوگ ایسے ہیں جو ان پلیٹ فارمز کے شکر گزار ہیں۔ اس کی وجہ یہ ہے کہ شاید غزہ میں جاری نسل کشی کی پوری ہولناکی ان کے بغیر ابھر کر سامنے نہیں آسکتی تھی۔ بڑے صحافتی اداروں کی جانب سے اپنے فرائض سے غفلت برتی گئی سوائے چند مواقع کے جہاں باضمیر صحافیوں نے پابندیوں کو توڑ کر حقائق کی رپورٹنگ کی۔ اس کے باوجود یہ سوشل میڈیا پلیٹ فارمز تھے جنہوں نے اس رجحان کو بدلنے میں مدد کی۔ اگر ہم خوش قسمت ہوئے تو ہم روایتی میڈیا کو بھی خود کو بچانے کے لیے اسی راہ پر چلتے ہوئے دیکھیں گے۔

عباس ناصر   یہ مضمون 26 نومبر 2023ء کو ڈان اخبار میں شائع ہوا۔

بشکریہ ڈان نیوز

[dpr-lahore-division]

پریس ریلیز

جنوری 11

*شہباز شریف نے پاکستان کو نئی پہچان دی، بانی فتنہ پارٹی کا کوئی فون تک نہیں سنتا تھا: عظمٰی بخاری*

*سول نافرمانی کی کال کے باوجود ترسیلات زر میں اضافہ ہوا، اوورسیز پاکستانیوں نے تین ارب دس کروڑ ڈالر پاکستان بھیجے: عظمٰی بخاری*

*گنڈا پور سمیت کے پی گورنمنٹ کی پوری کابینہ کرپشن میں لت پت ہے: عظمٰی بخاری*

*بارہ سال سے نالائق شخص کی حکومت نے لوگوں کی تکلیف میں اضافہ کر دیا ہے: عظمٰی بخاری*

*بانی پی ٹی آئی جیل میں برانڈڈ چاکلیٹس اور بادام انجوائے کر رہا ہے: عظمٰی بخاری*

*قوم کو بانی پی ٹی آئی کی خراب حالت دکھا کر جذباتی کیا جاتا ہے: عظمٰی بخاری*

لاہور () وزیر اطلاعات پنجاب عظمٰی بخاری نے کہا ہے کہ شہباز شریف نے پاکستان کو نئی پہچان دی، بانی فتنہ پارٹی کا کوئی فون تک نہیں سنتا تھا۔ اڈیالہ جیل سے فتنہ خان نے فائنل کال دی وہ مس کال ثابت ہوئی۔ سول نافرمانی کی کال کے باوجود ترسیلات میں ریکارڈ اضافہ ہوا، اوورسیز پاکستانیوں نے تین ارب دس کروڑ ڈالر پاکستان بھیجے۔ سول نافرمانی کی تحریک سے پاکستان کو نقصان پہنچانے کی کوشش کی گئی مگر فتنہ کی پالیسی کو کسی دوست ملک نے توجہ نہیں۔ اسلام آباد میں خواتین پرکانفرنس چل رہی ہے جہاں پچاس ملکوں سے زائد مندوبین موجود ہیں۔ فتنہ خان نے ملک کو تنہا کرنے کی کوئی کسر نہیں چھوڑی۔ اگر پاکستان میں کوئی دوست ملک کا سربراہ آیا ہو تو یہ لوگ مہم جوئی شروع کر دیتے ہیں تاکہ پاکستان کے تعلقات خراب ہوں۔ انہوں نے کہا کہ گنڈا پور سمیت کے پی گورنمنٹ کی پوری کابینہ کرپشن میں لت پت ہے۔ بارہ سال سے نالائق شخص کی حکومت نے ہر شخص کی تکلیف میں اضافہ کر دیا ہے۔ ہمیں بتایا جائے کہ گنڈا پور صاحب میں ایسی کون سی قابلیت ہے کہ اسے سی ایم بنا دیا ہے۔ کے پی میں مساجد کے نام پر دو ارب روپے بانٹے گئے۔ بانی پی ٹی آئی جیل میں برانڈڈ چاکلیٹس اور بادام انجوائے کر رہا ہے۔ قوم کو بانی پی ٹی آئی کی خراب حالت دکھا کر جذباتی کیا جاتا ہے۔ ان خیالات کا اظہار انہوں نے شاہدرہ میں سمیع اللہ خان کے ہمراہ پریس کانفرنس کرتے ہوئے کیا۔ انہوں نے کہا کہ شاہدرہ کا علاقہ ن لیگ کبھی نہیں بھلا سکتی۔ شاہدرہ میں سیوریج کے بہت مسائل تھے جو کہ اب حل ہو رہے ہیں۔ یہاں کے لوگوں کی زندگیوں میں اب آسانی آئے گی۔ وزیر اعلٰی پنجاب مریم نواز کی قیادت میں پنجاب ترقی کی نئی بلندیوں کو چھو رہا ہے۔ یہاں صرف اعلانات نہیں ہوتےبلکہ کام کر کے دکھایا جاتا ہے۔ دھی رانی پروگرام میں مریم نواز ایک بڑے پروگرام کا آغاز کرنے جا رہی ہیں۔ سکالر شپ پروگرام سے تیس ہزار مستحق بچوں کو تعلیم ملے گی مگر فتنہ پارٹی کے اس پر بھی شرانگیزی کرنے کی کوشش کی ۔ وزیر اطلاعات نے کہا کہ مریم نواز نے لائیو سٹاک کارڈ پروگرام پاکپتن سے شروع کیا ہے جس سے مویشی پال لوگ اپنے لئے مویشی خریدیں گے اور روزگار کمائیں گے۔ بہت سارے دوست ممالک پاکستان سے مویشی خریدنا چاہتے ہیں۔ اس پروگرام سے پنجاب سے دوسرے ممالک کو جانور بیچیں جائیں گے۔ انتشار گروپ نے شہباز شریف کے بغض میں لیپ ٹاپ پروگرام کوبند کر دیا۔اب لیپ ٹاپ کی کھیپ پاکستان پہنچ چکی ہے، کوئی ایم این اے یا ایم پی اے لیپ ٹاپ پر سفارش نہیں کرسکتا۔ مریم نواز کی حکومت میں کسی کی سفارش کا کوئی نظریہ نہیں، جب لیڈر شپ ��حنتی ہو تو اللہ کا فضل ہوتاہے۔ ان کے دور میں انڈے، کٹے لنگر خانے، پناہ گاہیں اور بھنگ کی فیکٹریاں شروع کی گئیں۔ ادھر تو پھونکوں اور تعویزوں کی حکومت تھی۔ انتشار گروپ کے جلاؤ گھیراؤ کے باوجود پاکستان آگے بڑھ رہا ہے۔ جو کہتا تھا کہ این آر او نہیں لونگا وہ اب این آر او کیلئے ترلے کر رہا ہے۔اب تو خان کو اس کے گھر والے ملنے بھی نہیں جارہے، اگر کوئی ملنے جائے تو اس سےکہتا ہے مجھ سے جیل میں نہ ملو بلکہ مجھے کسی طرح این آر او دلواکر باہر نکالو۔ اس کے اپنے بچے لندن میں عیاشیاں کررہے ہیں اور قوم کے بچوں کے ہاتھ میں غلیلیں،اسلحہ اور پٹرول بمب تھمایا ہوا ہے۔ انہوں نے کہا کہ کے پی حکومت کئی ہزار ارب روپے کی مقروض ہے وہاں نہ تو سکول ہیں اور نہ ہسپتال۔ وہاں لوگ ڈولیوں میں بیٹھ کر سفر کرتے ہیں۔ عوام پر توجہ دینے کی بجائے ان کے لوگوں کو صرف ایک ہی فکر ہے کہ خان کی اڈیالہ جیل میں بھنا ہوامرغا مل رہا ہے یا نہیں۔

[dr-jan-baloch]

بلوچ قومی آزادی کی تحریک کے دو عظیم فکری سنگت: شہید بالاچ مری اور سنگت حیربیار مری ایک یاد گار عکس میں ایک ساتھ..

کارل مارکس نے کہا تھا کہ

لیڈر انقلابی تحریکوں کو جنم نہیں دیتے بلکہ تحریکیں لیڈروں کو منظر عام پر لاکر نکھارتی ہیں، انہیں اتنا باشعور اور جرات مند بنا دیتی ہیں کہ وہ انقلاب کی قیادت کے اہل بن سکیں

[shiningpakistan]

عمران خان کا آخری کارڈ

تحریک انصاف کی تقریباً پوری قیادت حیران ہے کہ جیل میں قید اُن کے رہنما اور بانی چیئرمین نے اب یہ کیا اعلان کر دیا ہے۔ بغیر کسی سے مشاورت کیے عمران خان نے سول نافرمانی کا اعلان سوشل میٖڈیا کے ذریعے کر دیا اور پہلے مرحلے میں اگر اُن کے مطالبات نہ مانے گئے تو وہ بیرون ملک پاکستانیوں سے اپیل کریں گے کہ وہ پاکستان پیسے بھیجنا یعنی ترسیلات زر کو محدود کر دیں اور بائیکاٹ مہم چلائیں۔ اُنہوں نے یہ بھی اعلان کیا کہ دوسرے مرحلے میں اس سے بھی آگے جائیں گے۔ دو مطالبات جو عمران خان نے حکومت کے سامنے رکھے، اُن میں ایک مطالبہ یہ ہے کہ انڈر ٹرائل سیاسی قیدیوں کو رہا کیا جائے جبکہ دوسرا مطالبہ ہے کہ 9 مئی اور 26 نومبر کے واقعات کی شفاف تحقیقات کیلئے جوڈیشل کمیشن بنایا جائے۔ ان مطالبات کے ماننے کیلئے عمران خان نے 14 دسمبر تک کا وقت بھی دے دیا۔ تحریک انصاف کے کسی رہنما سے مشاورت کیے بغیر اس اعلان پر پارٹی رہنما پریشان ہیں کہ خان صاحب نے یہ پھر کیا کر دیا۔ ایک تو گلہ ��ہ تھا کہ اتنا اہم اعلان کیا گیا اور بغیر کسی کی مشاورت اور بغیر کسی کو بتائے اور دوسرا ان رہنمائوں کا تقریباً اس بات پر اتفاق تھا کہ سول نافرمانی کی جس تحریک کا عمران خان نے اعلان کر دیا اُس پر عمل درآمد نہیں ہو سکتا اور ماضی کی طرح سول نافرمانی کی یہ تحریک بھی ناکام ہی ہو گی۔ 

عمران خان نے سوچا ہو گا کہ اُن کے اعلان کے بعد بیرون ملک بسنے والے پاکستانی پیسہ بھیجنا کم کر دیں گے جس سے پاکستان کی ترسیلات زر میں کمی ہو گی اور یوں ملک معاشی مشکلات کا شکار ہو گا جس سے حکومت اور اسٹیبلشمنٹ عمران خان کے مطالبات ماننے پر مجبور ہو جائیں گی۔ ترسیلات زر کا تعلق اُن اوورسیز پاکستانیوں کے ساتھ ہے جو ہر ماہ یا کچھ عرصہ کے بعد پاکستان میں بسنے والے اپنے بیوی بچوں، ماں باپ یا خاندان کے دوسرے افراد اور رشتہ داروں کو خرچہ بھیجتے ہیں۔ اب اگر عمران خان یہ چاہتے ہیں کہ باہر کام کیلئے جانے والوں کی بڑی تعداد یا بیرون ملک بسنے والے پاکستانی اپنے بیوی بچوں، ماں باپ اور دوسرے رشتہ داروں کو بھیجا جانے والا خرچہ کم کر دیں تو ایسا تو ممکن نہیں ۔ نہ ہی کوئی اور اوورسیز پاکستانی جو یہاں اپنے لیے زمین اور گھر بنانا چاہ رہا ہے یا کوئی کاروبار کرنا چاہ رہا ہے وہ عمران خان کی بات سنے گا۔ ویسے جن اوورسیز پاکستانیوں خصوصاً امریکا، برطانیہ اور یورپ میں بسنے والے، جن کے پاس بہت پیسہ ہے وہ زیادہ تر اپنا پیسہ ملک سے باہر ہی رکھتے ہیں۔ 

عمران خان نے اپنی حکومت کے دوران ایسے پاکستانیوں سے توقع لگائی تھی کہ وہ اپنا پیسہ پاکستان لے کر آئیں گے۔ مراد سعید نے تو کہا تھا کہ بیرون ملک رہنے والے عمران خان کی حکومت میں اتنا پیسہ لائیں گے کہ سو ارب ڈالر کا بیرونی قرضہ اُن کے منہ پر ماریں گے۔ یہ بھی توقع تھی کہ جب عمران خان کی حکومت کا خاتمہ ہو گا تو بیرون ملک سے ترسیلات زر میں کمی ہو گی لیکن اس کے برعکس ترسیلات زر میں ریکارڈ اضافہ ہو رہا ہے۔ تحریک انصاف کے رہنمائوں کا بھی یہی خیال ہے کہ نہ تو اوورسیز پاکستانی پاکستان پیسہ بھیجنا بند کریں گے اور نہ ہی یہاں رہنے والے اپنے بجلی اور گیس کے بل جلائیں گے کیوں کہ ایسا نہ 2014 میں ہوا نہ اب ممکن ہے۔ ذرائع کے مطابق پارٹی رہنمائوں نے اپنی مشاورت کے دوران یہ بھی کہا کہ بجلی و گیس کے بل نہ دینا تو پارٹی رہنما ئوں کیلئے بھی ممکن نہیں ہو گا۔ 2014 کے دھرنے کے دوران عمران خان نے سول نافرمانی کی تحریک کا اعلان کیا، بجلی گیس کے بل جلائے اور عوام سے مطالبہ کیا کہ اس تحریک میں بھرپور حصہ ڈالیں لیکن بنی گالہ کے اپنے گھر کے بل جمع کرا دیے۔ وہ تحریک بھی ناکام ہوئی اور اب بھی ایسی کسی تحریک کا نتیجہ مختلف نہیں ہو گا۔ اب پارٹی رہنما عمران خان کو سمجھانے اور اس اعلان کو واپس لینے کیلئے جیل میں اُن سے ملاقات کریں گے۔ خان صاحب مانتے ہیں کہ نہیں اس کا کسی کو کوئی اندازہ نہیں۔ کہا جا رہا ہے کہ عمران خان نے یہ اپنا آخری کارڈ کھیلا ہے۔ یہ جو بھی ہے عمران خان اپنا نقصان کرنے کا سلسلہ جاری رکھے ہوئے ہیں۔

انصار عباسی

بشکریہ روزنامہ جنگ

[6332033]

جمادی الثانیہ 3ھ/ نومبر 624ء میں نبی ﷺ نے حضرت زید بن حارثہ رضی اﷲ عنہ کی زیر قیادت 100افراد پر مشتمل ایک سریہ روانہ کیا جس کا ہدف قریش کا تجارتی قافلہ تھا۔

[airnews-arngbad]

آکاشوانی چھتر پتی سنبھا جی نگر علاقائی خبریں تاریخ : 15 ؍نومبر 2024ء وقت : صبح 09.00 سے 09.10 بجے

 پہلے خاص خبروں کی سر خیاں  ... 

٭  آدی واسی گورو دِن کی منا سبت سے ملک بھر میں متعدد تقاریب کا اہتمام 

٭  ریاست کی تر قی کے لیے مہا یوتی کو چُن کر دیں  ‘  وزیر اعظم نریندر مودی کی اپیل 

٭ مہا وِکاس آ گھاڑی کو اقتدار ملتا ہے تو سویابین کی فصل  7؍ ہزار روپئے فی کوئنٹل کے بھائو سے  خریدیں گے  ‘  کانگریس پارٹی کا تیقن 

٭ رائے دہندگان کی حوصلہ افزائی کےلیے انتظامیہ کی جانب سے مختلف سر گر میوں کا اہتمام  ‘  کئی علاقوں میں  گھر میں ووٹ دینے کا  عمل جاری 

اور

٭ لڑ کیوں کے ایشین ہاکی کپ میں بھارت کی متواتر  تیسری فتح

اب خبریں تفصیل سے...

قبائیلی برادری کےقائد رہ چکے آنجہا نی بھگوان بِر سا منڈا کا یومِ پیدائش آج  آدیواسی گورو دن کے طور پر منا یا جا رہا ہے ۔ اِسی منا سبت سے کل شام قوم سے خطاب کر تے ہوئے صدر جمہوریہ محتر مہ درو پدی مُر مو نے کہا کہ قومی روایات میں قبائیلی برا دری کا تعاون بھی خاصہ اہمیت کا حامل ہے ۔ انھوں نے کہا کہ قبائیلی برا دری کی تر قی سے ملک کی تر قی ہو گی ۔ انھوں نے بتا یا کہ قبائلی برا دری کی فلاح  و  بہبود کے لیے مختلف اسکیمات چلائی جا رہی  ہیں۔صدر جمہوریہ نے مزید کہا کہ ملک کی جدو جہد آزادی میں قبائیلی برادری کا تعاون بھی قابل ستائش ہے ۔ انھوں نے کہا آزادی کے لیے بھگوان بِر سا مُنڈا کی قیادت میںکی گئی جدو جہد آنے والے دور میں بھی حوصلہ افزائی کا باعث ہو گی ۔ 

 آدیواسی گورو دن کی منا سبت سے آج بہار میں خصوصی تقریب کا اہتمام کیاگیاہے۔ وزیر اعظم نریندر مودی بھی  اِس میں شرکت کریں گے۔

***** ***** ***** 

سِکھ مت کے بانی  ‘  پہلے گرو  گرو  نا نک کی  555؍ ویں جینتی آج منا ئی جا رہی ہے ۔ اِس خصوص میں ناندیڑ کے شری سچ کھنڈ گرو دوارا سمیت متعدد گرو دواروں میں بھجن  کیرتین تقاریب کا اہتمام کیاگیا ہے ۔

***** ***** ***** 

وزیر اعظم نریندر مودی نے کہا ہے کہ جل یُکت شیوار منصوبے کے سبب مراٹھواڑے میں پانی کی قلت دور ہوئی ہے ۔ وہ کل چکل تھانہ میں منعقدہ جلسہ عام میں اظہار خیال کر رہے تھے ۔  یہ جلسہ چھتر پتی سنبھا جی نگر  اور  جالنہ ضلعے سے مہا یوتی کے امید واروں کی تشہیر کے لیے منعقد کیاگیاتھا ۔ اِس موقعے انھوں نے بتا یا کہ مراٹھواڑے میں پانی کی قلت دور کرنے کے لیے مہا یوتی حکو مت ٹھوس منصوبے بنا رہی ہے ۔

  انھوں نے کہا ...

مراٹھواڑہ میں لمبے سمئے سے پانی کا سنکٹ رہا ہے ۔ لیکن کانگریس  اور  آ گھاڑی والے ہمیشہ ہاتھ پر ہاتھ دھرے بیٹھے رہے ۔ ہماری سر کار نے پہلی بار سو کھے کے خلاف ٹھوس پر یاس شروع کیے ۔ مہا یو تی کی سر کار نے وئے تار نا  اور  اُلہاس  سب بیسِن سے پانی مراٹھواڑا تک پہنچا نے کا فیصلہ لیا ہے۔

وزیر اعظم نےمزید کہا کہ اگر مہا یوتی کی حکو مت قائم ہو تی ہے تو اگلے  5؍ برسوں میں مہاراشٹر کی تر قی کو نئی جہت عطا کرے گی ۔ اپنی تقریر میں انھوں نے مہا یو تی حکو مت کی جانب سےچلائی جا رہی متعدد اسکیمات کا جائزہ پیش کیا ۔ 

اِس جلسے میں شیو سینا کے سر کر دہ رہنما  وزیر اعلیٰ ایکناتھ شندے  ‘  ریپبلیکن پارٹی کے سر براہ  رام داس آ ٹھولے  اور  مہا یوتی میں شامل دیگر جماعتوں کے رہنما  اور  امید وار بھی موجود تھے ۔

***** ***** ***** 

 اگر مہا وِکاس آ گھاڑی کی حکو مت قائم ہو تی ہے تو سویا بین کی فصل  7؍ ہزار  روپئے فی کوئنٹل کے بھائو سے خریدے گی ۔ کانگریس پارٹی کے سر براہ  ملک ارجُن کھر گے نے یہ اعلان کیا ہے ۔ وہ کل پونا میں صحا فیوں سے اظہار خیال کر رہے تھے ۔ اِس موقعے پر انھوں نے مزید بتایا کہ پیاز  کی قیمتوں سے متعلق بھی ایک کمیٹی تشکیل دی جائے گی ۔ 

***** ***** ***** 

کانگریس پارٹی کے رہنما  راہل گاندھی نے کل نا ندیڑ  اور  نندور بار میں جلسہ عام سے ��طاب کیا ۔ اپنی تقا ریر میں انھوں نے کہا کہ ریاست میں اگر مہا وِکاس آ گھاڑی کی حکو مت قائم ہو تی ہے تو خواتین  اور  کاشتکاروں کے مفاد کو تر جیح دی جائے گی ۔اِس کے علا وہ  انھوں نےکاشتکاروں کے

  3؍ لاکھ روپئے تک کے قرض معاف کرنے سمیت کئی اعلانات کیے ۔ 

 انھوں نے کہا ...

’’  جب آپ دھان ‘  سو یا بین ‘  کپاس  بیجیں گے  تو  آپ کو صحیح دام منی مم سپورٹ پرائز کانگریس پارٹی کی اِنڈیا گٹھ بندھن کی سر کار دے گی۔‘‘

***** ***** ***** 

سامعین ‘  ریاستی اسمبلی انتخاب کے خصوص میں آکاشوانی سے ہر شام 7؍ بج کر  10؍ منٹ پر نشر کیےجا رہے پروگرام  ’’  آڈھا وا  وِدھان سبھا متدار  سنگھا چا  ‘‘  میں آج  ساتار ضلعے کے اسمبلی حلقوں کا جائزہ پیش کیا جائےگا ۔ 

***** ***** ***** 

رائے دہندگان کی حوصلہ افزائی کے مقصد سے مراٹھواڑے کے کئی حصوں میں کل ریلیوں سمیت کئی سر گر میوں  کا اہتمام کیاگیا تھا ۔  اِسی سلسلے میںچھتر پتی سنبھا جی نگر کے اورنگ آباد- مغرب حلقہ انتخاب میں میرا تھان ریلی کا اہتمام کیاگیا تھا ۔ اِس میں ضلع کلکٹر   نیز  ضلع چُنائو افسر  دلیپ سوامی بھی شریک ہوئے تھے ۔  اِس ریلی کے شر کاء  نے   ’’  رائے دہندگان بیدار ہو  جمہوریت کا دھا گا ہو  ‘‘ 

   ’’میرا  ووٹ  میرا فخر  ‘‘   اور   ’’  آپ کا انمول ووٹ  کرے جمہوریت کو مضبوط  ‘‘   کےنعرے لگائے ۔

***** ***** ***** 

دھا را شیو ضلعے میں رائے دہندگان کی حوصلہ افزائی کے لیے انتظامیہ کی جانب سے  ’’  رن  فار  ووٹ  ‘‘  کا اہتمام کیاگیا تھا ۔ اِس میں دھا راشیو شہر کے سبھی اسکولوں کے طلباء  و  طالبات  نےکثیر تعداد میں حصہ لیا ۔

***** ***** ***** 

ہنگولی ضلعے میں بھی ووٹروس کی حوصلہ افزائی کے مقصد سے کل   دو  پہیہ گاڑیوں کی ریلی نکالی گئی تھی ۔ اِس موقعے پر ضلع کلکٹر  نیز  ضلع چُنائو افسر ابھینئو گوئل نے ضلعے میں رائے دہی کاتناسب  75؍ فیصد  سے بھی زیادہ  بڑھانے کی اپیل کی ۔

***** ***** ***** 

 پر بھنی شہر میں کل شنی وار بازار  سے  راج گوپال چاری گارڈن تک  ’’  رن  فار  ووٹ  ‘‘  دوڑ کا اہتمام کیاگیا تھا ۔ ضلع کلکٹر  رگھو ناتھ گائوڈے‘  پولس افسران  اور  چُناوی افسران  نے اِس دوڑ کو ہری جھنڈی دکھائی تھی ۔ اِس سے قبل ضلع کلکٹر نے حاضرین کو رائے دہی کا حلف بھی دلایا ۔

***** ***** ***** 

جالنہ ضلع کلکٹر  نیز  ضلع چُنائو افسر  ڈاکٹر شری کرشن پانچاڑ  اور  پولس  سپرنٹنڈنٹ  اجئے کمار بنسل نے کل بھو کر دن اسمبلی حلقے میں  رائے دہی مراکز  اور  رائے شماری مراکز کا دورہ کیا ۔ اِس دوران جناب پانچاڑ نے بھو کر دن نگر پریشد کے ہال میں قائم کیے گئے رائے شماری مرکز پہنچ کر ووٹنگ مشینوں کی تیاری کے دوران  امید وار کے نام کی جانچ کرنے کے لیے ایک مشین پر   ’’  ماک پول  ‘‘   کرکے  وی   وی  پیٹ کے ذریعے ظاہر کی جا رہی پر چی کی بھی تسلی کی ۔

***** ***** ***** 

چھتر پتی سنبھا جی نگر ضلعے کے کنڑ اسمبلی حلقہ میں گھر میں ووٹ دینے کی سہولت پر عمل در آمد جا ری ہے ۔ کل کنڑ شہر کے شانتی نگر علاقے میں رہنے والی  86؍ سالہ ضعیفہ  شکُنتلا  انوڈے نے گھر پر ہی اپنا حق رائے دہی استعمال کیا ۔ اِس موقعے پر ضلع کلکٹر دلیپ سوامی بھی اُن کے گھر میں موجود تھے ۔ 

***** ***** ***** 

پر بھنی میں بھی معذور  اور  بزرگ رائے دہندگان کے لیے گھر میں ووٹ دینے کا عمل جاری ہے ۔کل اِس عمل میں ضلع کلکٹر رگھو ناتھ گائوڈے بھی متعلقہ عملے کے ساتھ تھے ۔  

***** ***** ***** 

بہار میں کھیلے جارہے  لڑ کیوں کے ایشین ہاکی کپ میں کل بھارت نے تھائی لینڈ کو  0 -13 ؍  سے شکست دی ۔ بھارتی کھلاڑی دپیکا نے بہترین کار کر دگی کا مظاہرہ کرتے ہوئے  5؍ گول کیے ۔ اِسی طرح  پریتی دوبے  ‘   لال ریم سیامی  اور  منیشا چوہان نے  فی کس  2 - 2؍  گول کیے ۔ اِس ٹور نا منٹ میں یہ بھارت کی متواترتیسری جیت ہے ۔ 

***** ***** *****

لاتور ضلعے کے نلنگا اسمبلی حلقہ میں بھی کل سے گھر میں ووٹ دینے کی عمل شروع ہوا  ۔ اِس موقعے پر عام انتخابات کے نگراں افسر لکشمی کانت  پر دھان نے  موقعے پر پہنچ کر کام کاج کا جائزہ لیا ۔اِس کے علا وہ انھوں نے  ضلعے کے  آئی  ٹی   آئی  میں قائم کیے گئے محفوظ کمرے کا بھی جائزہ لیا ۔

***** ***** ***** 

پیٹھن کے جائیکواڑی ڈیم سےپانی کا اخراج  روک دیاگیا ہے ۔  خیال رہے کہ گزشتہ  24؍ ستمبر سے ڈیم سے گودا وری ندی میں پانی چھوڑا جا رہا تھا ۔ ڈیم انتظامیہ سے موصولہ تفصیلات کے مطا بق اِس موسم باراں میں ڈیم میں  3؍ہزار  145؍ میلین مکعب میٹر پانی ذخیرہ ہوا ہے ۔ جبکہ ڈیم سے 863؍ میلین مکعب میٹر پانی گودا وری ندی میں چھوڑا گیا ۔ 

***** ***** *****

آخر میں اہم خبروں کی سر خیاں ایک مرتبہ پھر سن لیجیے  ...

٭  آدی واسی گورو دِن کی منا سبت سے ملک بھر میں متعدد تقاریب کا اہتمام 

٭  ریاست کی تر قی کے لیے مہا یوتی کو چُن کر دیں  ‘  وزیر اعظم نریندر مودی کی اپیل 

٭ مہا وِکاس آ گھاڑی کو اقتدار ملتا ہے تو سویابین کی فصل  7؍ ہزار روپئے فی کوئنٹل کے بھائو سے  خریدیں گے  ‘  کانگریس پارٹی کا تیقن 

٭ رائے دہندگان کی حوصلہ افزائی کےلیے انتظامیہ کی جانب سے مختلف سر گر میوں کا اہتمام  ‘  کئی علاقوں میں  گھر میں ووٹ دینے کا  عمل جاری 

اور

٭ لڑ کیوں کے ایشین ہاکی کپ میں بھارت کی متواتر  تیسری فتح

علاقائی خبریں ختم ہوئیں

آپ یہ خبر نامہ ہمارے یو ٹیوب چینل AIR چھتر پتی سنبھا جی نگر پر دوبارہ کسی بھی وقت سن سکتے ہیں۔

٭٭٭

[googlynewstv]

پی ٹی آئی قیادت نے عمران کی ڈو آر ڈائی کال کی مخالفت کیوں کی؟

تحریک انصاف کی مرکزی قیادت نے بانی چیئرمین عمران خان کی اس خواہش کو سختی سے رد کر دیا ہے کہ انکی رہائی کے لیے اسلام اباد میں ایک ڈو اور ڈائی، یعنی مارو یا مر جاو طرز کی احتجاج کی کال دی جائے جسے دھرنے میں تبدیل کر دیا جائے۔ تاہم پی ٹی آئی کے سینئر رہنماؤں کی جانب سے ایسے کسی منصوبے کی سختی سے مخالفت کی جا رہی ہے اور کپتان کو سمجھانے کی کوشش کی جا رہی ہے کہ پچھلے دو ماہ میں پی ٹی آئی کی چار…

[topurdunews]

پی ٹی آئی کور کمیٹی ارکان نے احتجاج سے فرار قیادت کیخلاف بڑا اعلان کردیا

(طیب سیف) پاکستان تحریک انصاف(پی ٹی آئی) کے احتجاج کے بعد پارٹی کے کور کمیٹی کا اہم اجلاس جاری ہے، اجلاس میں ارکان کور کمیٹی نے سیاسی و احتجاجی کمیٹیوں کے خلاف وائٹ پیپر لانے کا مطالبہ کر دیا۔  ذرائع پی ٹی آئی کے مطابق اجلاس میں احتجاجی کمیٹی کی ناقص حکمت عملی پر ارکان کور کمیٹی پھٹ پڑے،ورکرز کو بے یارو مددگار چھوڑنے پر ارکان کور کمیٹی نے سیاسی و احتجاجی کمیٹیوں کے خلاف وائٹ پیپر لانے کا مطالبہ…

[pinoytvlivenews]

ایس سی او سمٹ پر پی ٹی آئی کا خود کش حملہ اور اس کی قیمت؟

جو لوگ یہ دعویٰ کرتے ہیں کہ پی ٹی آئی اور بانی پی ٹی آئی امریکہ اسرائیل بھارت گٹھ جوڑ کی پراکسی ہے تو ان کے اس دعوے کی بہت سی ٹھوس وجوہات ہیں، 2014ء میں چین کے صدر کے پاکستان کے دورے اور سی پیک کی زوردار لانچنگ کے منصوبے کو پی ٹی آئی نے اپنے مشہور زمانہ طویل دھرنے کے ذریعے ناکام بنا دیا تھا، اس دھرنے میں شامل پی ٹی آئی کی سیاسی کزن یا سسٹر آرگنائزیشن پاکستان عوامی تحریک کی قیادت نے  دھرنا ختم…

[emergingpakistan]

آرمی چیف کی توجہ کے لیے

آرمی چیف جنرل عاصم منیر کا اپنی تقریروں میں اسلامی حوالے دینا بہت اچھا لگتا ہے۔ اسلام کے نام پر قائم ہونے والے پاکستان کا صدر ہو، وزیراعظم ہو، جرنیل ہوں، وزیر، مشیر، گورنر، وزرائے اعلی، ممبران پارلیمنٹ یا اعلی عہدوں پر فائز سرکاری افسران، ان سب کیلئے لازم ہونا چاہئے کہ اُن کا اسلام سے متعلق علم عام پاکستانیوں سے زیادہ ہو۔ یہ اس لیے ضروری ہے کہ ہمارے فیصلے، ہمارے قوانین ، ہماری پالیسیاں سب اسلام کی تعلیمات کے مطابق ہوں۔ ہماری موجودہ صورتحال بہت خراب ہے۔ پاکستان اسلام کے نام پر قائم تو ہو گیا، اسلامی آئین بھی دے دیا گیا، بار بار اسلام کا نام بھی لیا گیا لیکن ہمارے قوانین، ہماری پالیسیاں دیکھیں، ہمارا ماحول، ہمارا میڈیا، ہماری معیشت، ہماری پارلیمنٹ، ہماری یونیورسٹیوں اور کالجو�� پر نظر ڈالیں تو پتا چلے گا کہ اسلامی نظام کے نفاذ کیلئے کوئی سنجیدہ کوشش آج تک نہیں ہوئی، جس کے نتیجے میں ہم ایک Confused قوم بن چکے ہیں۔ نام اسلام کا لیتے ہیں جبکہ نقالی مغربی کلچر کی کر رہے ہیں۔ ہمارے آئین کی تو منشاء ہے کہ پارلیمنٹ کے مسلمان ممبران باعمل مسلمان ہوں، اسلامی تعلیمات کے بارے میں کافی علم رکھتے ہوں اور کسی بڑے گناہ کی وجہ سے نہ جانے جاتے ہوں۔

یہ بھی تمام ممبران کیلئے لازم ہے کہ وہ پاکستان کے اسلامی نظریے کا دفاع کرتے ہوں۔ حقیقت میں کیسے کیسے لوگ پارلیمنٹ میں آتے ہیں یہ کسی سے ڈھکا چھپا نہیں۔ آئین کی اسلامی شقوں کی کھلے عام خلاف ورزی ہوتی ہے لیکن کوئی بولتا نہیں۔ ہمارے کئی اراکینِ پارلیمنٹ پاکستان کے اسلامی نظریےکی مخالفت کرتے ہیں، کئی سیکولر پاکستان کی بات کرتے ہیں لیکن آئین کی منشاء کے خلاف جانے کے باوجود اُن کے خلاف کوئی کارروائی نہیں ہوتی۔ اس ماحول میں ایک حافظ قرآن جنرل کا آرمی چیف بننا اور اُن کی طرف سے اپنی ہر تقریر میں اسلامی تعلیمات کا بڑے فخر سے حوالہ دینا بہت خوش آئند ہے، جس کی ہم سب کو حوصلہ افزائی کرنی چاہئے۔ میری آرمی چیف جنرل عاصم منیر سے گزارش ہے کہ وہ پاک فوج میں اسلامی تعلیمات کے فروغ کیلئے اقدامات کریں۔ اس سلسلے میں، میں سابق نیول چیف ایڈمرل ظفر محمود عباسی کی مثال دوں گا جنہوں نے اپنے تین سالہ دور میں پاکستان نیوی میں ایسا انقلاب برپا کیا جو نہ صرف قابلِ تحسین بلکہ قابلِ تقلید بھی ہے۔ 

ایڈمرل عباسی کی ہدایت پر پاک بحریہ اور بحریہ فائونڈیشن کے تحت چلنے والے تمام اسکولوں میں قرآن حکیم کو فہم کے ساتھ لازمی طور پر پڑھایا جا نے لگا، جس کیلئے پرانے اساتذہ کی تربیت کی گئی اور نئے استاد بھی بھرتی کئے گئے۔ اس کے ساتھ ساتھ بحریہ کے رہائشی علاقوں میں قرآن سینٹرز کھولے گئے جہاں بچوں، بڑوں اور بوڑھوں، سب کو قرآن حکیم کی فہم کے ساتھ تعلیم ، اسلامی اقدار کے فروغ اور مغرب کی ذہنی غلامی سے چھٹکارے پر زور اور تربیت دینے کے اقدامات کیے گئے۔ اسلامی لباس اور اسلامی شعائر کو اپنانے پر زور دیا گیا اور طلبہ کو بالخصوص علامہ اقبال کے فکری انقلاب سے روشناس کروانے کیلئے بھی کام کیا گیا۔ پاک بحریہ کی تاریخ میں پہلی مرتبہ Religious Motivation Officers بھرتی کئے گئے۔ اِن افسران نے بہترین دینی اور دنیاوی تعلیم حاصل کی ہوئی ہے اور نیول اکیڈمی کے تربیت یافتہ ہیں۔ اِن Religious Motivation Officers کو ذمہ داری دی گئی کہ وہ نیول افسران اور ماتحت اہلکاروں کی اسلامی تعلیمات کے مطابق زندگی گزارنے کے حوالے سے حوصلہ افزائی کریں۔ 

اِن افسران کو نیوی کے جہازوں میں بھی افسران اور ماتحت اہلکاروں کی اسلامی اصولوں کے مطابق تعلیم و تربیت کیلئے بھیجا گیا۔ اِن افسران کی یہ بھی ذمہ داری لگائی گئی کہ خطبہ جمعہ دیں اور دورِ حاضر کے ایشوز پر دسترس رکھتے ہوئے عوام کی اسلامی تعلیمات کی روشنی میں رہنمائی کریں۔ سابق نیول چیف کے دور میں بحریہ کے تحت چلنے والی تمام مساجد کی بہترین انداز میں تزین و آرائش بھی کی گئی جبکہ خطیبوں اور ائمہ مساجد کی تعداد ماضی کے مقابلے میں دگنا کر دی گئی۔ اس کے ساتھ ساتھ پاکستان نیول اکیڈمی کے کیڈٹس کیلئے عربی زبان کی تعلیم کو لازم کر دیا گیا ہے۔ خواتین کو پردہ کرنے کی ترغیب دینے، اُن کیلئے خصوصاً پڑھاتے وقت اعضائے ستر کو چھپا کر رکھنے، جبکہ مردوں کو نگاہوں کی حفاظت کرنے اور شائستگی اپنانے کی بھی ہدایات جاری کی گئیں۔ پروموشن کیلئے پاک بحریہ کے افسران کے کردار کو اہمیت دی جانے لگی یعنی اگر کوئی افسر چاہے کتنا ہی قابل اور لائق کیوں نہ ہو اگر باکردار نہ ہو تو اُسے ترقی نہیں دی جاتی۔ امید ہے کہ موجودہ نیول چیف کے دور میں بھی یہ پالیسیاں پاکستان نیوی میں جاری و ساری رہیں گی۔ میں ماضی میں اپنے کالمز کے ذریعے یہ گزارش پاک فوج اور ائیرفورس کی اعلیٰ قیادت سے بھی کر چکا ہوں کہ پاکستان نیوی کی طرح اُنہیں بھی یہ اقدامات اپنی اپنی فورس میں کرنے چاہئیں۔ اس سلسلے میں آرمی چیف سے امید اس لیے زیادہ ہے کیوں کہ وہ خود اسلامی تعلیمات کی اہمیت کو کسی عام فرد سے بہت زیادہ سمجھتے ہیں۔

انصار عباسی

بشکریہ روزنامہ جنگ

[jawadhaider]

آج کے مشہور جلسہ کے مشہور عوامی فقرے

#8ستمبر

گنڈاپور

فیض حمید کو فوجی تم نے بنایا، جنرل تم نے بنایا، ڈی جی تم نے بنایا، اب اگر وہ غلط کرے تو اپنا ادارہ صہیح کرو ہمیں کیوں کہتے ہو۔

عمران خان کا ملٹری ٹرائل نہ خواجہ آصف کا باپ کرسکتا ہے نہ خواجہ آصف کے باپ کرسکتے ہیں ، علی امین

اگلا جلسہ لاہور میں ہوگا، مریم میں آرہا ہوں، پنگا مت لینا وہ حال کریں گے کہ بنگلہ دیش بھول جاؤ گے، ہمارے پٹھانوں کا اصول ہے ڈھول بھی لاتے ہیں اور بارات بھی، علی امین گنڈا پور۔۔۔!!!

عمران خان تم جیت گئے یہ سارے بے غیرت ہار گئے ، علی امین

اگر تم نےفوج نہ ٹھیک کی تو فوج کو ہم ٹھیک کردیں گے ، لو یو علی امین

علی امین نے ڈیڈ لائن دے دی 🚨

ایک سے دو ہفتوں میں عمران خان رہا نا ہوا تو ہم خود عمران خان کو رہا کروائیں گے لیڈ میں کروں گا پہلی گولی بھی میں کھاؤں گا۔

علی امین گنڈا پور کی وارننگ

علامہ راجہ ناصر عباس

دوستو یہ جدوجہد بہت طویل ہے آپ نے مایوس نہیں ہونا،میدان میں ڈٹے رہنا ہے،دنیا کی کوئی طاقت آپ کے جذبوں اور حوصلوں کو شکست نہیں دے سکتے۔جلسے سے خطاب

اب جو ہمیں مارے گا،ہم اسے ماریں گے،اگر آئین تم نہیں مانتے تو آئین پھر ہم بھی نہیں مانتے،علی امین گنڈا پور

‏فیض حمید ہمیں کوئی جہیز میں نہیں ملا تھا وہ تمہارا جنرل تھا وہ تمہارا باپ تھا

علی امین گنڈا پور کی للکار🔥🔥🔥

محمود خان اچکزئی

میں تحریک انصاف کے رہنماؤں کے ذریعے عمران خان کو پیغام دینا چاہتا ہوں کہ دنیا میں جتنے انقلابات ہوئے انہیں اتنی بڑی عوامی حمایت حاصل نہیں تھی جتنی آپ کو حاصل ہے۔ پھر کیوں انقلاب نہیں ہورہا؟

انقلاب ��یلئے بنیادی شرط تنظیم ہے۔ یہاں تنظیم کی کمی ہے۔

مجھے تحریک انصاف کی اس قیادت سے ایک گلہ ہے کہ لاکھوں لوگوں کے سمندر کے باوجود عمران خان جیل میں ہے یہ افسوس کی بات ہے۔

کیوں نہ اڈیالہ کی طرف مارچ شروع کیا جائے؟ ہمارا راستہ نا اسٹیبلشمنٹ روک ‏سکتی ہے نا یہ سرکار۔

خالد خورشید کا یہ جملہ پاکستان کی 77 سالہ تاریخ کا نچوڑ ہے:

ایوب نے آئین پہ پیشاب کیا: بھٹو نے جنم لیا

ضیاء نے آئین پہ پیشاب کیا: شریف خاندان نے جنم لیا

منیرے مستری نے آئین پہ پیشاب کیا: محسن نقوی نے جنم لیا