#جوڑ

[topurdunews]

فائنل کال کی ناکامی، پی ٹی آئی قیادت پشاور میں سر جوڑ کر بیٹھے گی

(طیب سیف)فائنل کال کی ناکامی اور سلمان اکرم راجہ کا استعفیٰ  پاکستان تحریک انصاف  نے  آئندہ کا لائحہ عمل مرتب کر لیا،پی ٹی آئی کی مرکزی قیادت پشاور میں سر جوڑ کر بیٹھے گی ۔ پی ٹی آئی کا اجلاس وزیر اعلیٰ ہاوس میں ہو گا ،اجلاس میں بیرسٹر گوہر ، عمر ایوب ،اسد قیصر ،علی امین گنڈا پور شرکت کریں گے۔ بشری بی بی بھی آج مانسہرہ سے پشاور پہنچ گئی ہیں،اجلاس میں آئندہ کا سیاسی لائحہ عمل ، ورکرز کو چارج کرنے…

[googlynewstv]

دہشت گرد قوتوں کے گٹھ جوڑ کو شکست دیں گے،آرمی چیف

آرمی چیف جنرل سید عاصم منیر کاکہنا ہے کہ تمام دہشت گرد قوتوں کے گٹھ جوڑ کو مکمل شکست دی جائے گی۔قوم کی عظیم قربانیوں کی بدولت حاصل ہونے والا امن ہر حال میں برقرار رکھا جائے گا آئی ایس پی آر کے مطاب�� آرمی چیف نے وادی تیراہ میں انسداد دہشت گردی آپریشنز میں حصہ لینے والے فوجی جوانوں سے ملاقات کی۔  آرمی چیف کو سیکیورٹی کی مجموعی صورتحال پر تفصیلی بریفنگ دی گئی۔ آرمی چیف کو ضم شدہ اضلاع میں سیکیورٹی…

[urduchronicle]

آزاد امیدواروں کی شمولیت، جماعت اسلامی اور تحریک انصاف نے رابطوں کے لیے کمیٹیاں بنا دیں

تحریک انصاف کے حمایت یافتہ آزاد امیدوار کس جماعت میں شامل ہونگے ؟ جماعت اسلامی اور تحریک انصاف نے رابطے کے لیے تین تین نمائندوں پر مشتمل کمیٹی بنا دی۔ آزاد امیدواروں کو جماعت اسلامی میں شامل کرنے کے حوالے سے جماعت اسلامی اور تحریک انصاف کے رہنماوں کے درمیان دوسری بار رابطہ ہوا ہے۔ اس رابطے کے بعد دونوں جماعتوں کی جانب سے تین تین رکنی کمیٹی بنادی گئی،، تحریک انصاف  کی جانب سے بیرسٹر گوہر،اعظم…

[umairaayyy]

وہ رسوا نہیں کرتا زمانے کی طرح

وہ اپنے در پر آنے والوں کو تھام لیتا ہے

وہ دلو کے راز سنبھال لیتا ہے

وہ ٹوٹے ے دلو کو جوڑ دیتا ہے

بِکھری روح کو سنوار دیتا ہے

وہ اللّٰہ ہے و ہر کسی کو نواز دیتا ہے~

[my-urdu-soul]

تُم اپنی یاد سے کہہ دو نہ جائے چھوڑ کے دل

کہ دردِ ہجر نہ رکھ دے کہیں مروڑ کے دل

اب آپ کے مرے گھر تک قدم نہیں آتے

یہ وہ سزا ہے دیا تھا جو ہاتھ جوڑ کے دل

خُدا رکھے ابھی کمسن ہو قدر کیا جانو

ذرا سی دیر میں رکھ دو گے توڑ پھوڑ کے دل

لیا تھا جیسے اُسی طرح پھیر بھی دیتے

یہ کیا کہ پھینک دیا تُم نے منہ سکوڑ کے دل

ہمارے ساتھ نہ دیکھی بہار تاروں کی

قمرؔ چلے گئے وہ چاندنی میں توڑ کے دل

- قمرؔ جلالوی

[urdu-poetry-lover]

چوٹیں چلیں گی خوب برابر کی جوڑ ہے

تو ہے ادا شناس تو میں ہوں ادا پسند

میں خود سکھا رہا ہوں ستم کی ادا انہیں

دنیا میں کب ہوا کوئی مجھ سا جفا پسند

بیخود دہلوی

[zokoshok]

گلزار کی نظمیں

1

اکیلے

کس قدر سیدھا، سہل، صاف ہے رستہ دیکھو

نہ کسی شاخ کا سایہ ہے، نہ دیوار کی ٹیک

نہ کسی آنکھ کی آہٹ، نہ کسی چہرے کا شور

دور تک کوئی نہیں، کوئی نہیں، کوئی نہیں

چند قدموں کے نشاں ہاں کبھی ملتے ہیں کہیں

ساتھ چلتے ہیں جو کچھ دور فقط چند قدم

اور پھر ٹوٹ کے گر جاتے ہیں یہ کہتے ہوئے

اپنی تنہائی لیے آپ چلو، تنہا اکیلے

ساتھ آئے جو یہاں کوئی نہیں، کوئی نہیں

کس قدر سیدھا، سہل، صاف ہے رستہ دیکھو

2

نظم

نظم الجھی ہوئی ہے سینے میں

مصرعے اٹکے ہوئے ہیں ہونٹوں پر

لفظ کاغذ پہ بیٹھتے ہی نہیں

اڑتے پھرتے ہیں تتلیوں کی طرح

کب سے بیٹھا ہوا ہوں میں جانم

سادہ کاغذ پہ لکھ کے نام ترا

بس ترا نام ہی مکمل ہے

اس سے بہتر بھی نظم کیا ہوگی!

3

گرہیں

مجھ کو بھی ترکیب سکھا کوئی یار جلاہے

اکثر تجھ کو دیکھا ہے کہ تانا بنتے

جب کوئی تاگا ٹوٹ گیا یا ختم ہوا

پھر سے باندھ کے

اور سرا کوئی جوڑ کے اس میں

آگے بننے لگتے ہو

تیرے اس تانے میں لیکن

اک بھی گانٹھ گرہ بنتر کی

دیکھ نہیں سکتا ہے کوئی

میں نے تو اک بار بنا تھا ایک ہی رشتہ

لیکن اس کی ساری گرہیں

صاف نظر آتی ہیں میرے یار جلاہے!

4

بےخودی

دو سوندھے سوندھے سے جسم جس وقت

ایک مٹھی میں سو رہے تھے

لبوں کی مدھم طویل سرگوشیوں میں سانسیں الجھ گئی تھیں

مندے ہوئے ساحلوں پہ جیسے کہیں بہت دور

ٹھنڈا ساون برس رہا تھا

بس ایک روح ہی جاگتی تھی

بتا تو اس وقت میں کہاں تھا؟

بتا تو اس وقت تو کہاں تھی؟

5

دیکھو آہستہ چلو

دیکھو آہستہ چلو اور بھی آہستہ ذرا

دیکھنا سوچ سنبھل کر ذرا پاؤں رکھنا

زور سے بج نہ اٹھے پیروں کی آواز کہیں

کانچ کے خواب ہیں بکھرے ہوئے تنہائی میں

خواب ٹوٹے نہ کوئی جاگ نہ جائے دیکھو

جاگ جائے گا کوئی خواب تو مر جائے گا

6

اخبار

سارا دن میں خون میں لت پت رہتا ہوں

سارے دن میں سوکھ سوکھ کے کالا پڑ جاتا ہے خون

پپڑی سی جم جاتی ہے

کھرچ کھرچ کے ناخونوں سے

چمڑی چھلنے لگتی ہے

ناک میں خون کی کچی بو

اور کپڑوں پر کچھ کالے کالے چکتے سے رہ جاتے ہیں

روز صبح اخبار مرے گھر

خون میں لت پت آتا ہے

7

اسکیچ

یاد ہے اک دن

میری میز پہ بیٹھے بیٹھے

سگریٹ کی ڈبیہ پر تم نے

ایک اسکیچ بنایا تھا

آ کر دیکھو

اس پودے پر پھول آیا ہے!

8

لباس

میرے کپڑوں میں ٹنگا ہے

تیرا خوش رنگ لباس!

گھر پہ دھوتا ہوں ہر بار اسے اور سکھا کے پھر سے

اپنے ہاتھوں سے اسے استری کرتا ہوں مگر

استری کرنے سے جاتی نہیں شکنیں اس کی

اور دھونے سے گلے شکوؤں کے چکتے نہیں مٹتے!

زندگی کس قدر آساں ہوتی

رشتے گر ہوتے لباس

اور بدل لیتے قمیضوں کی طرح!

9

برف پگھلے گی

برف پگھلے گی جب پہاڑوں سے

اور وادی سے کہرا سمٹے گا

بیج انگڑائی لے کے جاگیں گے

اپنی السائی آنکھیں کھولیں گے

سبزہ بہہ نکلے گا ڈھلانوں پر

غور سے دیکھنا بہاروں میں

پچھلے موسم کے بھی نشاں ہوں گے

کونپلوں کی اداس آنکھوں میں

آنسوؤں کی نمی بچی ہوگی

10

دیر آمد

آٹھ ہی بلین عمر زمیں کی ہوگی شاید

ایسا ہی اندازہ ہے کچھ سائنس کا

چار اعشاریہ بلین سالوں کی عمر تو بیت چکی ہے

کتنی دیر لگا دی تم نے آنے میں

اور اب مل کر

کس دنیا کی دنیا داری سوچ رہی ہو

کس مذہب اور ذات اور پات کی فکر لگی ہے

آؤ چلیں اب

تین ہی بلین سال بچے ہیں

[ariesvibe]

میں جتنی بھی کوشش کر لوں آگے بڑھنے کی، حالات کو یا پھر خود کو بدلنے کی، نا چاہتے ہوئے بھی ہمیشہ وہیں آ کھڑا ہوتا ہوں جہاں سے میں نکلا تھا۔ شاید میں مائل ہی ایسی عارضی اور ناپائیدار چیزوں کی طرف ہوتا ہوں جو کچھ وقت گزرنے کے بعد پہلے جیسی نہیں رہتی۔ اور میں حسبِ معمول ان چیزوں سے بہت امیدیں جوڑ لیتا ہوں۔ پھر جب وہ امیدیں ٹوٹتی ہیں تو ان کے ساتھ میں خود بھی ٹوٹ کر رہ جاتا ہوں۔ سچ کہوں تو میں اکتا گیا ہوں اس عمل سے اور اس کی وجہ سے مجھ میں اک احساس پیدا ہو گیا ہے کہ شاید میں ناکافی ہوں دوسرے لوگوں کے لیے یا شاید میں اس قابل ہی نہیں کہ کوئی مجھ سے جڑ سکے

[hasnain-90]

‏وصال و ہجر کے لمحوں کو جوڑ کر دیکھا

مرا حساب تمہاری طرف نکلتا ہے 🥀

[thepoetistguy]

”ادھوری نظم“

اپنے پُر تنہا کمرے کی آدھے

کھلی ہوئی کھڑکی سےجب

سرد ہوا اندر آنے کے لئے

زور لگاتی ہے،

تیری یاد، ، تیری زلف،

میرے خیال کا پلو پکڑ کر

میرے سینہ چاک کرنے

لگ جاتی ہے.

میں بھی ذرا سہم کر دروازے

پر پیٹھ دیے دُور رستے کو تکنے

لگ جاتا ہوں،

کئے انجانے لوگ ہیں اس پر

آتے جاتے ہیں بہت ہیں اس پر

کوئی راہی گھر کو ہے جائے،

کوئی لوٹ پردیس کو جائے،

میں گھر کی دھلیز پہ بیٹھے

تکتی نگاہ کے پر پھیلائے جیسے

آنگن میں ہے کوئی آئے، جیسے

ویران بگیا میں رنگ کھل آئے.

سوچ سمجھ کا بھید نہیں ہے

یہ الجھے دل کا دوش نہیں ہے

اُن بلکتی آنکھوں سے کئی خواب

ٹوٹے ہیں. جیسے نوبہار دوشیزۂ

کے مہندی سے چھلکتے ہوئے پاؤن

کی جھانجھر ٹوٹ جائے.

پر بھی اے غم یار تم اس ٹوٹی

پایل کو جوڑ کر، ہر موتی موتی

سنگ لیے، اس رنگ، دھنک، اور

جھنجھار اپنے کو ساتھ لیے،

اُس رستے پر چل آؤ جس راستے

پر میں آنکھیں ٹکائے ہوں بیٹھا.

پھر سے سرد ہوا کے جھونکے نے

کھڑکی کو زور سے ہے کھولا.

جیسے شام کے دھندلکے نے

سندیسہ ہے بیجھا راہی اپنی

راہ پر ہے،

ہے سفر کٹھن ان سپنوں کا،

خیال تو پھر بھی اپنے ہیں،

سارے خواب بھی تو اپنے ہیں

پھر یوں تم بھی تو اپنے ہو،

اب دیر بہت ہے ہو چکی اک

روشن چراغ بھے اپنے ساتھ

لیے تم بھی گھر کو آجاؤ،

سنا ہے بلائیں شام ہوتے ہی

راستوں پر رقص کرتی ہیں

تم بھی گھر کو آجاؤ اب رات

بہت ہے ہو چکی،

اب مجھ کو ڈر سا لگتا ہے

اب چپ سہما سا رہتا ہوں

راتیں آسیب سی لگتی ہیں

شامیں آزار سی لگتی ہیں

آنکھیں موند لیں ہے میں نے

سانسیں روک دی ہیں میں نے

آنسو تھم سے گئے ہیں اب تو،

سنا ہے بلائیں رات ہوتے ہی

راستوں پر رقص کرتی ہیں

تم بھی گھر کو آجاؤ اب رات

بہت ہے ہو چکی،

” دانش دھرمانی “

[nerd-on-edge]

Oh Almighty!

Enlight whats dark in us.

ہم میں جو اندھیرا ہے اسے روشن کر دیں۔

Strengthen what's weak in us.

ہم میں جو کمزوری ہے اسے مضبوط کر دیں.

Mend what's broken in us.

ہم میں جو ٹوٹا ہے اسے جوڑ دیں۔

Heal what's sick in us.

ہم میں جو بیمار ہے اُس میں شفا کر دے.

Relieve whatever love and peace died in us.

ہم میں جو بھی محبت اور سکون مر گیا

اسے دوبارہ پیدا کر دے۔

Ameen

[topurdunews]

بلوچستان کے شیطانی گٹھ جوڑ کیخلاف فیصلہ کن آپریشن 

اقوام متحدہ ، یورپی یونین ، امریکہ، چین، روس، سعودی عرب اور ایران  نے   بلوچستان میں دہشت گردی کے حالیہ واقعات کی شدید مذمت کی ہے اور اس شیطانی گٹھ جوڑ سے نمٹنے میں ہر ممکن تعاون کی پیشکش بھی کر دی ہے، عالمی برادری کی طرف سے دہشت گردوں کی سخت مذمت کا یہ سلسلہ جاری ہے، جو اس بات کا ثبوت ہے کہ بھارتی اشارے پر کئی عشروں سے جاری اس دہشت گردی کے ناسور کو اب جڑ سے اکھاڑ پھینکنے کے حوالے سے قومی اور…

[fatimawrites]

عورت ڈرتی ہے اونچی آواز سے، عورت ڈرتی ہے غصہ کرنے سے، عورت ڈرتی ہے اپنے پسندیدہ مرد کے دور ہونے سے، عورت ڈرتی ہے مرد کی توجہ بٹنے سے، عورت ڈرتی ہے عزت پہ حرف آنے سے۔ لیکن کبھی تم نے سوچا کہ جب عورت اتنی ڈرپوک ہوتی ہے تو بعض عورتیں ظالمانہ حد تک مضبوط کیسے ہوتی ہیں؟ کیسے وہ اتنی بہادری سے د��یا کا مقابلہ کرتی ہیں؟

اس کی وجہ صرف ایک ہے—جب عورت کا اعتبار توڑا جائے، تب وہ خود کو خاموشی سے سمیٹ کر، خود کو جوڑ کر، توڑنے والوں کو تنہا ہی توڑ دیتی ہے۔ جب عورت کی محبت میں کسی اور کو شریک کیا جائے، تب وہ اپنے دل میں موجود اپنے پسندیدہ شخص کو نکالنے میں ایک لمحہ بھی نہیں لگاتی۔ جب عورت کی اولاد کی خوداعتمادی پر نفسیاتی حملہ کیا جائے، تب وہ کسی سے بھی نہیں ڈرتی، بلکہ اپنی اولاد کی سب سے مضبوط ڈھال بن جاتی ہے۔

یہ وہی عورت ہے جسے دنیا کمزور سمجھتی ہے، مگر جب وقت آتا ہے تو وہ اپنی ہی راکھ سے دوبارہ جنم لیتی ہے۔ وہ اپنی ہمت، صبر اور قربانی سے نہ صرف خود کو بلکہ اپنی نسلوں کو بھی سنوارتی ہے۔

سوچو، جب یہ کمزور عورت ایک طاقتور مرد کو پیدا کرتی ہے، اسے پال پوس کر جوان کرتی ہے، تو کیا سے کمزور سمجھا جا سکتا ہے ؟

✍🏻 تحریر : فاطمہ رائیٹس

📆 تاریخ : 1 مارچ 2025

© 2025 فاطمہ رائیٹس. تمام حقوق محفوظ ہیں۔

[urduchronicle]

مضبوط اتحادی حکومت بنے تو ٹھیک ورنہ اپوزیشن میں بیٹھا جائے، پیپلز پارٹی سنٹرل ایگزیکٹو کمیٹی کے اہم فیصلے

پاکستان پیپلزپارٹی کی سنٹرل ایگزیکٹو کمیٹی نے بلاول کو وزیراعظم کی بجائے اپوزیشن لیڈر بنانے کی تجویزدے دی، سینئر لیڈر شپ کا کہا ہے کہ مضبوط اتحادی حکومت بنتی ہے تو بلاول بھٹو کو وزیراعظم بنایا جائے، کمزور اتحادی حکومت کے بجائے اپوزیشن لیڈر  بہتر ہے۔ پاکستان پیپلزپارٹی پارلیمنٹرینز کے صدر آصف علی زرداری اور چیئرمین پی پی پی بلاول بھٹو زرداری کی سربراہی میں سینٹرل ایگزیکٹو کمیٹی کا اجلاس ہوا۔پارٹی…

[haiqatalk]

نصیب اور حقیقت

ہمارے معاشرے میں لڑکی کے نصیب کو صرف اس کی شادی سے جوڑ دیا جاتا ہے۔ اگر کسی لڑکی کی شادی ایک ایسے شخص سے ہو جائے جو عالی شان گھر، گاڑی، دولت اور ایک کامیاب کاروبار کا مالک ہو، تو لوگ فوراً اسے "خوش نصیب" قرار دے دیتے ہیں۔ مائیں دعائیں دیتی ہیں کہ ان کی بیٹی بھی ایسا ہی نصیب پائے، اور ہر کوئی یہی تمنا کرتا ہے کہ اس کے گھر کی بیٹیاں بھی اسی طرح کی آسائشوں میں زندگی گزاریں۔لیکن سوال یہ ہے کہ کیا حقیقت میں یہی خوش نصیبی ہے؟کوئی یہ نہیں دیکھتا کہ:کیا وہ شخص اپنی بیوی کی عزت کرتا ہے یا اسے کمتر سمجھ کر ہمیشہ نیچا دکھانے کی کوشش کرتا ہے؟کیا وہ اپنی بیوی کے لیے ذہنی سکون کا ذریعہ ہے یا ہر وقت اسے اذیت میں مبتلا رکھتا ہے؟کیا وہ ہر مشکل میں اپنی بیوی کے ساتھ کھڑا ہوتا ہے، یا ضرورت کے وقت اسے تنہا چھوڑ دیتا ہے؟کیا وہ اپنی بیوی کی عزت کو اپنی عزت سمجھتا ہے، یا دوسروں کو اس پر حاوی ہونے دیتا ہے؟کیا وہ بیوی کی ضروریات کو اپنا فرض سمجھ کر پورا کرتا ہے، یا ایسا ظاہر کرتا ہے جیسے وہ احسان کر رہا ہو؟یہ سب چیزیں بہت ضروری ہیں، لیکن سب سے زیادہ اہم عزت اور ذہنی سکون ہے۔ اگر ایک لڑکی کو یہ دونوں چیزیں نہیں ملتیں، تو دولت، گاڑی اور عالی شان گھر بھی اس کے لیے بےمعنی ہو جاتے ہیں۔ ایسی زندگی کیسا نصیب، جہاں نہ عزت ہو، نہ محبت، نہ سکون؟اپنی بیٹی کے لیے دعا کریں کہ وہ صرف آسائشوں میں نہیں، بلکہ سکون اور عزت کے ساتھ زندگی گزارے۔ ایسا شخص اس کا نصیب بنے جو اسے سمجھے، اس کی قدر کرے اور ہر حال میں اس کے ساتھ کھڑا ہو۔اور ہاں، اپنی بیٹی کو بھی یہ سکھائیں کہ احترام اور محبت ہمیشہ دوطرفہ ہوتے ہیں۔ جیسے ایک عورت اپنے شوہر سے عزت اور محبت کی امید رکھتی ہے، ویسے ہی اسے بھی چاہیے کہ وہ اپنے شوہر کی عزت کرے، اس کی مشکلات کو سمجھے، اور بلاوجہ کی خواہشات سے اسے بوجھل نہ کرے۔ وہ اپنے شوہر کے لیے سکون اور راحت کا ذریعہ بنے، تاکہ جب وہ اپنی بیوی کو دیکھے، تو اسے حقیقی خوشی محسوس ہو

جو جیتے ہیں دنیا میں شان و شوکت سے وہ اکثر ہی تنہائیوں میں روتے ہیں۔

[my-urdu-soul]

یہ کس نے باغ سے اس شخص کو بلا لیا ہے

پرند اڑ گئے پیڑوں نے منہ بنا لیا ہے

اسے پتا تھا میں چھونے میں وقت لیتا ہوں

سو اس نے وصل کا دورانیہ بڑھا لیا ہے

یہ رات نام نہیں لے رہی تھی کٹنے کا

چراغ جوڑ کے لوگوں نے دن بنا لیا ہے

درخت چھاؤں سے ہٹ کر بھی اور بہت کچھ ہے

یہ کیسی چیز تھی اور ہم نے کام کیا لیا ہے

کھرچ رہا ہوں میں دیوار پر لکھے ہوئے نام

عجیب طرح کی اک بے بسی نے آ لیا ہے

- تہذیب حافی