#رقمه

[eshragcom]

برشلونة يسعى لكسر رقمه القياسي في عدد الأهداف بموسم واحد

اشراق العالم 24 متابعات عالمية عاجلة: نقدم لكم في اشراق العالم24 خبر “برشلونة يسعى لكسر رقمه القياسي في عدد الأهداف بموسم واحد” يسعى نادي برشلونة الإسباني إلى استثمار أرقامه التهديفية الرائعة هذا الموسم من أجل تحطيم الرقم القياسي في عدد الأهداف المسجلة بموسم واحد. وحقق برشلونة أول أمس الأحد فوزا كاسحا على فالنسيا (7-1) ضمن مباريات الجولة الـ21 من الدوري الإسباني لكرة القدم، ليرفع الفريق…

[nonooos-blog]

طب دلوقتي احنا كنا بنعمل كل حاجة مع بعض مباكلش مبشربش مبنامش مبصحاش مبلعبش مبتفرجش ع التليفزيون غير معاك حتي الشغل كنت لازم تكون موجود معايا حتي كارت الشحن انت اللي بتمليني رقمه !!! وحشني اوي اني أكلك ف بؤك وانت تأكلني

وحشني حضنك وبوستك ليا اول ما تشوفني وحشني لمسة ايدك ع وشي وانت بتدعيلي او بتقولي مااالك ! رغم اني بداري زعلي عشان انت متزعلش بس بردو كنت بتحس ونقعد تسألني وأول ما تعرف تقعد تعيط عشاني ..واحشني تنام جنبي وعلي كتفي واحشني كلامك وفرحتك بأقل حاجه نعملها ليك .. كنت بتوحشني وانا جنبك .. ودلوقتي واحشني اووي اووي

مكنتش أخويا .. كنت ابني .. مكنتش ابني دانت كنت روحي ونفسي اللي بتنفسه

أحلي كلمه سمعتها ف حياتي " حبيب أخوهااا " ادفع عمري كله والله بس اسمعها تاني

طب انا دلوقتي هعمل ايه من غيرك !! قلبي مخلووع من مكانه

بدعي كل شويه ربنا اني اشوفك تاني في الحلم حتي ..واااحشني واااحشني

ممكن اللي مصبرني اني كنت معاك م الاول للآخر كنت معاك ف تعبك لحد آخر نفس كنت معاك ف غُسلك وتكفينك حتي انا اللي استلمتك م المطار

سيبتني رغم انك طول عمرك بتقولي رجلي ع رجلك وايدي ع ايدك .. انا عارفة انك ف مكان احسن بكتير وارتاحت كتييير احسن م العذاب والتعب اللي شوفته بس انا أنانية وكنت عوزاك معايااا

انا مش عارفة مين ساب مين! انا اللي سيبتك !! ولا انت اللي سيبتني !!

��لاك ف الجنة يا نور عيني 🤍🕊��

متنساش توفي بوعدك وتاخدني الجنة معاك ❤️

[quotesart]

صاحبتي فسخت خطوبتها من يومين سيبتها تهدي على اعتبار إنه خبر حزين وبعدين أكلمها بسألها السبب؟ قالتلي كنت بخلص ورق في مصلحة حكومية والجو مش ألطف حاجه حسيت بتعب ودوخه وطلعت رقمه ورقم بابا عشان حد يلحقني لو تعبت ووقعت زي كل مره أتعب فيها

بابا قالي : أستنى مكانك ربع ساعة وأكون عندك

هو قالي : روحي وارتاحي كده وكلميني ف ماحسيتش إني ممكن أسيب الحنية والجمال دول كلهم وأروح أعيش مع حد تاني عارف تعبي وبيهمشه عادي، وقتها بس أفتكرت فقرة عمرو حسن وهو بيقول : "أنا برضو علشان بعرف أنقي، أخترت اللي أبوها حبيبها، دلعها كأن مافيش في الدنيا بنات، وراها أمان صعب تعيش يوم في غيابه، أنا برضو عشان بعرف أنقي أخترت اللي أتربت تتصان" وحقيقي مش خسارة في اي بنت شويه أمان وطبطبة في مقابل أنها تسيب بيت أهلها وتديك عمرها وصحتها وشبابها عن طيب خاطر❤️

[reem-abdullah3]

أقصر قصة حزينة 💔

كان عندنا طير اسمه بيلي، وطار بيلي للسماء وضاع عنا 💔 وأمي رافضه رفضًا باتًّا وقاطعًا نجيب طير!!

فحدث ما حدث.. وجا يوشي من السماء! صدقًا من السماء 😂 طاح بحوشنا وصخ وريشه منتف ووكلناه وعالجناه واعطيناه فيتامينات (وهذا ما لم افعله لنفسي) واتصلنا على الرقم الموجود بحلقة قدمِه، فكان المحل اللي اشتراه منه صاحبه، ووصى أخوي صاحب المحل لو أحد سأل عنه يعطيه رقمه..

ومرت الأيام ومحد اتصل وقررنا أن نجتمع ونختار له اسم (وأخواني الدلوخ مصرين يسمونه بيلي فرفضت! بيلي طير لن يتكرر خلاص 💔)

واخترنا اسم يوشي لأن لونه أخضر زي يوشي، ويا ليتنا لم نفعل 😭 بعد الاجتماع بلحظات قليله جا اتصال لأخوي وأثناء الاتصال أعطانا نظرة ال(مساكين مدري شلون أقولهم) .. طلع صاحبه 💔

وتذكرت أني ما صورته وطلعت بهالصور الحزينة حتى يوشي كان زعلان وصاد 💔 مرفقه بفيديو وأنا أحاول أدلعه باللحظات الأخيرة 😔

[aliabualqasim]

انا وصلت لمرحلة أن اي حد بييجي على بالي بخش امسح رقمه

[thedosky]

مرة وانا صغير كنت راكب المترو، صغير اللي هو حاجة زي 12 سنة مثلا، وكان فيه راجل في التلاتينات تقريبًا قاعد جنبي وسألني هي المحطة دي محطة إيه؟ فبصيت على اليافطة وقلت له محطة كذا قال لي واللي جاية؟ فبصيت على اللوحة اللي فيها المحطات وجاوبته، قال لي فاضل كام محطة على محطة كذا؟ فبصيت تاني على المحطات وحسبتها وقلته فاضل كذا.

عدى زي دقيقتين كده وبعدين الراجل من غير مقدمات لقيته بيقول لي: العلام حلو أوي. فـ أنا مفهمتش وبصيت له وسكت، فابتسم لي وقال على الأقل يعني لما تكون في المترو متبقاش محتاج حد يعرفك انت فين وهتنزل امتى! أنا معرفتش اقول إيه وبقيت زي اللي واخد دش ساقع في عز الشتا، وفاكر اني ساعتها اتأثرت جدًا وحسيت إن يا ريت ينفع ادي للراجل ده ولو حتى شوية علام على حد تعبيره يمشي بيهم نفسه في المترو.

فضل الموضوع شاغلني سنين طويلة وكل شوية افتكر الراجل ده واحس بمجموعة مشاعر متداخلة، أهمهم شعور إنه ازاي حاجة انا شايفها بسيطة وواخدها بمنتهى الاستحقاقية حولتني انا العيل الصغير لشخص مفتح ومش شايل هم الطريق، وحولت الراجل الكبير ده لشخص أعمى متوتر بيتحسس خطاه وبيشعر إنه ممكن يضيع محطته في أي لحظة وينزل غلط ويتوه!

عدت سنين طويلة ونسيت الموضوع تمامًا لحد النهاردة في الشغل جالي اني اترجم لواحدة عربية عايشة برة، الست الموظفة اللي كلمتني قالت لي عايزين نشرح لها ازاي تروح مكان معين.

الست العربية دي أم، قصدي يعني انها مش عيلة صغيرة، وبرغم كده عدم معرفتها باللغة حولتها لطفلة حيرانة خايفة. الترجمة كلها كانت عبارة عن هتركبي الباص الساعة كذا، هاتي معاكي كارت الباص، اركبي الباص اللي رقمه كذا، خليكي باصة من الشباك عشان انتي مشوارك قصير وأول ما تشوفي الكنيسة استعدي عشان تنزلي، فيه حبل اصفر جنب شباك الباص ابقي شديه لما تعوزي تطلبي من السواق إنه يقف!

وفي الآخر الست الانجليزية قالت لها متقلقيش خالص، الموضوع بسيط وانا واثقة إنك هتبقي تمام. ساعتها افتكرت الراجل بتاع المترو، ظهر في ذاكرتي كده بلا أي مقدمات ولولا قواعد الشغل كنت هقول  للموظفة الانجليزية إن الموضوع مش بسيط والله، مش بسيط على الإطلاق.

[lightsformyfriend]

رحمة الله على مستر هاشم

كان مدرس علوم أيام ما كنت في إعدادي، أخدت رقمه من صاحباتي علشان أحجز وآخد عنده درس أيام ما كنت لسه بدور على حد يديني درس علوم

بعد ما كانوا شكرولي فيه كتير وقالولي قد إيه هو مدرس متمكن ومحترم وشاطر وبيتعامل معهم كأب مش بغلظة أو تهزيق زي بعض المدرسين

وقبل ما أروحله كنت رحت للمس اللي كملت معها للآخر وعجبني شرحها وفضل رقمه موجود عندي ومتصلتش حتى حجزت عنده

بعدها بكم سنة أتفاجئ بسماعي لخبر وفاته، أترحم عليه كتير وأزعل جدًا، رغم إني عمري ما شفته

وكل ما بعدي على الأرقام اللي متسجلة عندي ع الفون سواء عشان بمسح الأرقام اللي مبقاش فيه بينهم وبيني تواصل أو لأي سبب آخر مرضاش أمسح رقمه وأقول علشان أترحم عليه كل ما أعدي وأشوف اسمه

رحمة الله على مستر هاشم، وعلى كل شخص أجبرنا نحترمه من سيرته الطيبة وذِكره العَطِر وأثره النَّدي!

مؤمنة محمود

[fatti97]

[2asma]

من الحاجات اللي نفسي اعالجها الوسواس اللي ملازمني في حياتي كلها

اهو انا المفروض مستنيه رساله من حد مش معايا رقمه وشاكه اني مليته رقمي غلط 😑

[twilightsworldsblog]

لطالما شعرت بالملل، وبالمعاناة الدائمة كلما تأملت نفسي.

أشعر بالمرارة من نفسي وشكلي وطريقتي ومن قلبي وحياتي قاطبة.

مثل سجين يشعر بالمرارة من جلده المخطط جراء تسليط السوط، ومن قدميه المتآكلتين جراء جزمته المثقوبة، ومن حكه الدائم لجلده المدمى بعد نومه على فراش القنب ووسادة الصوف المكررة..

يشعر بالاختناق من رائحة زنزانته التي يعيش في داخلها، ومن رقمه الفارغ داخل لوحته المعدنية ذلك الرقم الذي لا يشكل ناتج عند شطبه من السجلات.

من يأخذ حياتي عوضاً عني؟ إني أهبها طواعية لمن يريدها.

[yooo-gehn]

واحدة قابلت شاب في عزا أمها وأُعجبت بيه أول ما شافته، كان فيه كل اللي الحاجات اللي بتحبها ومش بتلاقيها بسهولة في الرجالة، ورغم أنها مش من النوع الرومانسي على الإطلاق، لكنها حست إن الدنيا بتعوضها عن أمها، وحاولت تتقرب منه وتتودد ليه، أبوها ناداها وانشغلت شوية في العزا، ورجعت تدور عليه في كل حتة، مالوش أي أثر. حتى مالحقتش تاخد رقمه. ركبها الهم، وتاني يوم، قتلت أختها! دلوقتي فكر في السبب لخمس ثواني قبل ما تكمل قراية. فكرت؟ أصل لو أنت شخص متعود على التعاطف مع الناس، هاتتعاطف معاها لأن أمها ماتت، هاتنبسط عشانها لأنها قابلت حد عجبها، ومش هاتفهم ليه ممكن في الآخر تقتل أختها! لكن لو أنت شخص بارد عاطفيًا، غالبًا هاتفهم بكل سهولة إن هي قابلت الشاب في عزا أسري، وكان نفسها تشوفه تاني، فتسببت في عزا تاني عشان تشوفه!

الفرق بين الشخص السايكوباتي (عديم المشاعر المختل عقليًا) والسوشيوباتي (المعتل إجتماعيًا المعادي للمجتمع)، ورغم إن هما الاتنين يقدروا يأذوا الناس ويعذبوهم ويقتلوهم كمان بدون ذرة تعاطف، ومش بيحسوا بأي ذنب أو ندم على جرايمهم، إلا إن السايكوباتي اتولد بمرض عضوي عبارة عن خلل في المخ، لعنة اتولد بيها زي المولود أعمى. أما الم��تل إجتماعيا بيتحول لشخص عديم المشاعر والتعاطف والذنب بسبب تأثير المجتمع عليه. فرق مرعب. معنى كده إن السوشيوباتي كان الضحية قبل ما يبقى المجرم. كان الشخص اللي اتعرض للإساءة والأذى لسنين قبل ما يتسبب فيهم.

أحد أفكار الأفلام اللي نفسي أعملها هي استكشاف النقطة اللي بيتحول فيها المُغتصَب للمُغتصِب، وإمتى اللي بنتنمر عليه بيشيل الراية من بعدنا ويتحول هو نفسه لمتنمر، وإمتى بنتحول من أبناء بيعانوا من قمع الآباء، لآباء بتعيد إنتاج القمع مع ولادهم. تجسيد المثل الإنجليزي الشهير (الجرحى يجرحون)، والوحش اللي حارب الوحوش لحد ما بقى واحد منهم. والمرعب أكتر إن لو المجتمع نجح أنه يكسرك ويخليك أنتي سوشيال، هاتعيش عمرك كله مكسور، لأن الاعتلال الاجتماعي مالوش علاج شافي.

لو التعاطف هو إن معاناتك تصعب عليا، فالإمباثي درجة أعلى بتخليني حاسس بمعاناتك نفسها، وقادر أحط نفسي مكانك. وعايزك تتخيل التعامل مع شخص ماعندوش تعاطف. شخص أناني تمامًا، مش فاهم يعني إيه تضحية ودعم نفسي، عاجز عن تقديم المساعدة، مش بيقدر يتعاون مع حد، والرادع الوحيد لأذاه هو الخوف من العقاب. ببساطة مفيش مجتمع متحضر من غير تعاطف، وهو صفة بيولوجية متجذرة في خلايا مخك يوم ما بتتولد، لحد ما المجتمع ياخدك لفة ويلعب في السوفتوير بتاعك، وتتحول لأحد الناس اللي بتجري في الشارع تشوط القطط وتضحك.

بدون إمباثي، لو شوفت راجل عجوز معدي الشارع وشايل حاجة تقيلة مش هاتهتم. لو سمعت استغاثة حد بيغرق هاتعمل نفسك مش سامعه. لو مراتك بتشتكي من أذاك كل يوم مش هاتفرق معاك. لو دمرت زميل ليك في الشغل عشان تاخد ترقية هاتقتنع أنها شطارة. ويمكن أحد أساسيات الرأسمالية هي أنها تخليك شخص أكثر أنانية وأقل تعاطفا، ولو ما أخدتش بالك من كل الأفكار والسلوكيات اللي بتثبّت نفسها في حياتك، بأنها تخليك أقل تعاطفا، فأنت بتخاطر بأكتر حاجة مخلياك إنسان مش مؤذي وقادر يحس بالناس.

[lucid-dreamer-0]

وانا راجع ركبت مع سواق تاكسي عايز يوديني بعيد عن الحتة اللي انا عايزها او ياخد فلوس زيادة، قولته طب اركب ونتفاهم، ركبت وحكيت معاه شوية لحد ما حكالي ازاي خد اعفاء من الجيش عشان هو مواليد يوم 15 وكل اللي قبله واللي بعده لبسوا، بس هو كان نفسه يدخل الجيش عشان ياخد رخصة سواقة، أيامها عشان ياخد رخصة لازم ياخد محو امية عشان مش متعلم، وهو سقط كذا مرةومعرفش ينجح، فخطته انه يدخل الجيش وياخد رخصة ولما يطلع يشتغل بيها وجبرت كده.

بس شاءت الاقدار انه يطلع من الجيش بمعجزه، وتلف الايام ويقابل واحد شبهه بالظبط واتصاحب عليه، اشتغل بالرخصة بتاعة صاحبه وربنا كرم، لحد ما صاحبه قاله هات بطاقتك اعمل بيها مصلحة، قلق وخاف، بس اتكسف يقوله لأ، هو برضه بقاله فترة ماشي برخصة الرا��ل ازاي يقوله لأ لما يقوله هات بطاقتك، اداله البطاقة وسلمها لله.

بعدها بشهر ونص لاقى صاحبه اللي شبهه بيكلمه وبيقوله روح استلم رخصتك، انا عملت محو امية ببطاقتك وطلعت رخصة سواقة، ودي كانت خدمة العمر اللي عاش علي قفاها من ايام ما كان عنده 18 سنة لحد دلوقتي وهو حاجة وخمسين.

وصلنا للحتة اللي أنا عايزها بالظبط وقالي مش هقدر ادخل اكتر من كده، قولتله كل اللي يجي منك حلو على أساس إني مسامح (مع إن دي الحتة اللي أنا عايزها بس سوري لازم الحبكة)، قالي طب عليا الطلاق ما واخد منك فلوس .. أديته الفلوس اللي مكنتش عاجباه في الأول، وصلني الحتة اللي كنت عايزها، أداني رقمه عشان لو احتاجت سواق في أي وقت، وهي دي الsmooth interactions اللي أحب أملأ بيها أيامي وربنا يديم الاونطة.

[marmarika-world]

العلاقات الانسانيه كلها بتعتمد علي طرفين في العلاقه دي. ونبي نركز بس هل الطرف ال قدامك دا عوز ينقل العلاقه دي لمراحل اخري ؟؟ يعني من صديق عادي علي السوشيال ميديا لصديق في الحياه الحقيقيه هل حابب انه يديك رقمه !؟ هل حابب ينقل الصداقه لشيء اخر ؟!

هل انت لو عندك مشاعر مفترض ان الطرف الثاني يبادلك نفس المشاعر

في علامات كثيره لازم تلاحظها قبل ما تقرر مع نفسك تنقل العلاقه دي في اتجاه اخر عشان ماتخسرش العلاقه دي اساسا😊

[3-zooooooz]

في اليوم اللي قعدته عند خالاتي دا كنا قاعدين فا ابن خالتي قالي عارفه يا عزه افتكرتلك موقف وانتي صغيره، فابقوله خير !

قالي مره توهتي وانتي صغيره وانتي هنا عند بيت جدك قولتله انا اصلا كل ما كانوا بيبعتوني اجيب حاجه هنا يا اما كنت بتوه او في عجله تخبطني او يجري ورايا كلب او أقع واتعور حاجه من دول لازم يعني، قالي لأ مره توهتي ونزلت انا وجدك ندور عليكي وجدي قاله بص عليها في المحلات قال المهم انا برمي عيني كدا لقيتك قاعده عند عربيه حواوشي والراجل كان مديكي رغيف وانتي عماله تاكلي فيه وناسيه الدنيا، انا هنا بقى موت من الضحك

انا بجد كنت بتوه كتير قوي عند بيت جدي وانا صغيره انا اصلا وانا كبيره اهو وبتوه، في كل مره كنا بنسافر مع امي انا واحمد اخويا عند بيت جدنا، ابويا كان بيحفظنا رقمه ويقولنا لو توهتوا من امكم وقفوا اي حد وقولوله رن على الرقم دا وخليكم في مكانكم وحد هييجي ياخدكم يعني، بس احنا لما كنا بنتوه كنا بنخاف نعمل الحركه دي احسن ابويا ميرضاش يودينا مع امي تاني واحنا كنا بنحب قوي نروح هناك .

انا عن نفسي فاكره لما كنت بتوه كنت بقعد ابكي وأفضل ماشيه في الطريق برضو لحد ما ربنا يكرم وحد ياخدني من ايدي ويرجعني، والله كنت هبله قوي وكنت بقع كتير قوي قوي وانا صغيره كل خطوتين كنت بقع كانوا بيقولولي اني باكل عيش سلف وبيني وبينكم لحد دلوقتي يعني بس ربنا بيسترها

[newerame]

انضممت للويفرس بيوم 7 شهر 6

و احس ماكانت صدفه ابداً ان اول يوم لي معهم كان رقمه سبعة ، كل اللحظات و الابتسامات الجميلة و الذكريات المشعه اللي حظيت فيها معاهم و بسببهم تنير و تحتضنّ قلبي تارةً و تارةً، مهما بعدت و اختلفت طرقنا و اختلطت أموري و مشاعري و تبدلت أحوالي يبقوا هم الجزء الثابت اللي أثق فيه دائماً و مهما بعدت و ذهبت بعيداً ارجع و اجده كما كان كملاذٍ آمن من وحشة الحياة

فقدت أشخاص و كسبت أشخاص كبرت بالعمر تعلمت أشياء جديده و فقدت شغفي بأشياء آخرى و مع ذلك هم الشيء الوحيد الثابت في حياتي المتقلبه و ممتنه جداً انهم علموني على قدرتي على الثبات و التمسك بكل ما احب ، على قد الصعوبات اللي واجهناها مع بعض و التحديات و المشاعر و المخاوف التي كانت ترعبنا إلا اننا لازلنا معاً و هذا أجمل مافي علاقتنا انه مايحبها و لا يأثر فيها شيء ، حُب صادق و نقي لذلك هو مستمر لأنه غير مربوط بشيء بحد ذاته مهما تغيرنا حنبقى نحب بعض بطرق مختلفه تواكب كل تغيراتنا و ممتنين لبعض دائم مهما مرّ الزمن 💜

[kharbashetkalam]

من ألطف وأعمق ما قرأت:

"قبل خمس سنوات توفي صديقي، واليوم تفاجأت باتصال من رقمه وإذا بابنه صاحب العشر سنوات يطلب مني دراجة، فقلت له: ابشر ولكن تعرفني؟

قال: لا، ولكن وجدت صورة لأبي ومعه شخص، مسجل على ظهر الصورة هذا الرقم ومكتوب: "إن احتجتم لشيء ولم أكن موجودًا فاطلبوه منه".