#بتدافع

[eshragcom]

إسرائيل تعدّ لغارات جديدة وجرحى بتدافع قرب ملاجئ حيفا

اشراق العالم 24 متابعات عالمية عاجلة: نقدم لكم في اشراق العالم24 خبر “إسرائيل تعدّ لغارات جديدة وجرحى بتدافع قرب ملاجئ حيفا” 22/11/2024–|آخر تحديث: 22/11/202408:38 ص (بتوقيت مكة المكرمة) أصدر الجيش الإسرائيلي فجر اليوم الجمعة أوامر بإخلاء مناطق في لبنان، حيث واصل طيرانه الحربي غاراته المكثفة بعد يوم شهد سقوط عشرات القتلى والجرحى، في حين أصيب إسرائيليون جراء تدافع أمام ملاجئ كبرى مدن شمال…

[white-tulip323]

لسه ماخلصنا من الحشرات اصحاب المدونات الوسخة الغير لائقة والغير محترمة بلاقي حشرات جديدة طلعت بتدافع بكل وقاحة عن الاحتلال وبني صهيون .....احب ابشركم انت لسه ماتعرف العراقية قديش راسها يابس ،،لو كنت مفكر انك راح تستفزني والله انا المخيخ تبعي في البراد اكتبو براحتكم وعلقو براحتكم هالشي مايزيدني الا عناد وانشر اكتر عن فلسطين وغزة الحبيبة 😉

اما بالنسبة لبعض المدونات الي كنت بحترمها جدا ولقيتها بتعملي بلوك من جديد مابعرف السبب؟؟؟هلي لاني بنشر كتير ؟؟او غيرت نوعية المنشورات ومضمونها؟؟؟ في كل الاحوال ماعاد يفرق معي اهلا وسهلا بلي باقي ومعي وعلى راسي والله معه الي يروح ✋🏻

[yooo-gehn]

يا إما تغلط كتير، جدا، جدا. يا إما تبقى حساس جدا، جدا، ضد انتقاد غلطاتك. اختار لك واحدة من الاتنين، عشان لو بتعملهم مع بعض بتبقى إنسان لا يطاق.

ولو كان أي انتقاد ليك بيحسسك إن اللي بينتقدك أكيد بيكرهك، فبتدافع عن نفسك دفاع أعمى، لأنك مش بتدافع عن مجرد غلطة، أنت بتدافع عن إحساسك كله بنفسك، وأنك مش بكل هذا السوء اللي أنت حاسه، تبقى مش بس بتغلط في حق الناس، ورافض تعترف بغلطك وتتعلم منه، أنت بتحمّل الناس مسؤولية الحاجة اللي أنت عاجز عنها، أنهم يحبوك بعيوبك. وبتعمل كده بأنك تقرفهم وتخنقهم لحد ما يكرهوك زي ما بتكره نفسك.

[waelahmedsblog]

العلاقات ارزاق !!

حلوة قوي العلاقات الحلوة ..علاقات رزقها ما بعدها رزق

علاقات فيها الناس حلوة بجد .. لا فيها نداله ولا قلة اصل ولا تزييف ولا خبث ولئم ..و لما يحصل زعل بيجروا علي بعض و اول الكلام ما بينهم " الدنيا كلها تزعل إلا انت "

علاقات منورة و واضحة ، الكلام فيها من غير حساب ، تقول اللي جواك و انت مرتاح و متأكد انك مفهوم و مقبول زي ما انت..

مش بتزوق كلامك علشان تتفهم و لا بتدافع عن نفسك لأنك متأمن بحب اللي معاك..

علاقات فيها سند ، و خدمة بجد من غير معايرة و لا غدر ولا خيانه ولا قلة أصل ولا نداله و لا قلبة وش !!

علاقات كل واحد فيها علي طبيعته، بيلاقي نفسه و اكتر من نفسه ، العهد و المحبة شاهد عليها قلب صافي نضيف و كلام حلو عفيف..

رزق احلي من الفلوس ، جمال العلاقات و النفوس !!

[sheeree]

اسئلة مهمة حول الصراع،،،

١- ليه حماس ضربت إسرائيل؟! هي السبب في كل اللي بيحصل!

حماس بتدافع عن دولة مُحتلة، ارضهم مستولي عليها منذ عام ١٩٤٨ كل الطرق السياسية والمفاوضات والكلام الفاضي ده مجبش نتيجة ومش هيجيب مع الصهاينة ومن وراهم امريكا، العالم لا يعترف إلا بالقوة، كسينجر نفسه قالها مرة لمدير مكتب السادات قبل الحرب، مقدرش اعملكم حاجة لان إسرائيل متفوقة!

٢- ليه بنحاول نصدر عنوان الحرب الدينية؟! هل ده مُضر للقضية؟!

لا، ليه مطلوب مننا احنا بس اللي نتكسف ونحط اعتبارات سياسية لمًا يكون الموضوع مرتبط بالدين!! بايدن اول حاجة قالها في زيارته للكيان الصهيوني، لقد جئت اليكم اليوم بصفتي ي��ودي!! ومن بعده وزير خارجيته بلينكن لما قال (لقد هرب جدي من المحرقة وانا اليوم ادافع عن الصهيونية اليهودية) ومن قبلهم نتانياهو لما اعلن الحرب والانتقام استشهد بآيات من التوراة على اعتبار انها حقيقة مطلقة مسلطة علينا (النبوءات) ليه مطلوب من المسلمين المواراة والتخفي وراء السياسة والمهادنة! على آمل استقطاب اطراف تانية للصراع! ده مش هيحصل بالعكس محدش هيقف معاك ولا هيعجب بيك وانت ضعيف على العكس غزة الان بتعمل معجزة حقيقية وفي فيديوهات كتير لشباب في الغرب معجبين بثبات المقاومة وجسارتها حتى ان في بنت طلعت قالت انا عرفت القرآن بسبب اهل غزة، حاولت تعرف ايه يخلي الناس دي عندها الثبات والقوة دي، وبعدين مع البحث عرفت ان السبب هو الدين!

الشباب من سن ١٨ لسن ٣٥ في امريكا حاليا ٥١ ف المية منهم رافض مساعدة إسرائيل مش لانهم مسلمين لانهم ملحدين في اغلبهم ودول سهل جدا تستقطبهم إلى ارضك بالثبات والدفاع عن حقوقك بقوة، عكس الجيل الأكبر الاصولي الذي تربى على الأصولية الدينية الإيفينجيلية!

٣- مصر هتستفيد ايه من الدفاع عن فلسطين احنا فينا اللي مكفينا؟

على مدار التاريخ كله مفيش اي خطر هاجم مصر الا عن طريق حدودها الشرقية، من اول الهكسوس لحد الصهاينة نفسهم، الوقوف مع المقاومة قبل ما يكون واجب شرعي وديني هو واجب استراتيجي كل الخطر اللي كان على مصر جالنا من حدودنا الشرقية، تقوية المقاومة ومساعدتها هو نوع من انواع الدفاع عن مصر..

٤- هل ممكن الفلسطينيين ياخدوا ارضنا؟!

اهل غزة اصلا مش عاوزين ده والمقاومة رفضت ده، اهل غزة اذا عاوزين يعملوا كده كانوا عملوا ده من اول ٢٠٠٥ بمجرد ما حماس نجحت في الانتخابات، لكن لمًا محمد دحلان دخل سينا هو والعملاء اللي معاه اهل غزة والمقاومة فضلوا مرابطين في ارضهم، كل المؤشرات بتقول ان الصهيوني اللي بيحكم مصر بيساعد على كده، مش اهل غزة خالص.

٥- نعمل ايه عشان اهل غزة والقضية؟

جاوبت ع ده وقولت اي حاجة تقدر عليها اعملها بدون تردد، مهما كانت بسيطة مش مهم حتى اذا هتمسك طفل صغير تفهمه، اذا كنت حمار ومش عارف الحق من الباطل يبقى تقعد ساكت لحد ما نبقى نفهمك احنا.

٦- هل الحرب دي مرتبطة باحداث يوم القيامة واحداث النَثرِ والملح؟!

لا، واغلب احاديث النثر والملح، مشكوك في صحتها،

الدعاء للمقاومة مش كفاية، الدعاء بيخليك تحس انك عملت اللي عليك، اذا تقدر تقاطع منتجات الغرب قاطع اعمل اي حاجة ممكنة وربنا يتقبل،،

[groupfazza]

محمد بن راشد يتوّج السوري حاتم التركاوي والسعودية كادي الخثعمي والفلسطينية سلسبيل صوالحة أبطالا لتحدي القراءة العربي 2024

سجل صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي “رعاه الله” في آخر تدوين لسموه عبر حسابه في «إكس» 🔻

‏اختتمنا اليوم الدورة الثامنة لتحدي القراءة العربي .. أكبر مشروع للقراءة في العالم .. بمشاركة 28 مليون طالب من 50 دولة ..

‏فرحتنا بتدافع الشباب العربي بالملايين نحو القراءة تدفعنا للتفاؤل رغم جميع الظروف ..

‏واستثمارنا في القراءة هو استثمار في العقل العربي وفي الوعي العربي وفي مستقبل الشباب العربي .. مبروك للطلاب الناجحين وأبطال الدول من الأوائل .. سلسبيل حسن من فلسطين الحبيبة.. وحاتم التركاوي من سوريا الشقيقة .. وكادي بنت مسفر من المملكة العربية السعودية الشقيقة .. ونبارك لمدرسة الإبداع من دولة الإمارات أيضاً ..

‏ونقول لجميع المشاركين .. استمرار شغفكم بالمعرفة .. هو استمرار لشغفكم بالحياة وبالمستقبل .. وقادمكم ��ميعاً أفضل وأعظم بإذن الله.

______________

توّج صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي “رعاه الله” اليوم الأربعاء، السوري حاتم التركاوي والسعودية كادي الخثعمي والفلسطينية سلسبيل صوالحة أبطالاً لتحدي القراءة العربي 2024.

His Highness Sheikh Mohammed bin Rashid Al Maktoum, Vice President, Prime Minister and Ruler of Dubai, crowned Hatem Tarkawi from Syria, Kadi Khathaami from Saudi Arabia and Salsabil Sawalha from Palestine as Arab Reading Champions in 2024.

Wednesday, 23 October 2024 الأربعاء

[omarabdelaziiz]

حقيقي مفيش اقذر من الخنازير اللي بتدافع عن الكيان او تبرر اي موقف ليه ، انا مش مسامح الناس دي ولا عمرهم هيصعبوا عليا حتي لو شايفهم بيتحرقوا قدامي .

[7osamfayed75]

العلاقات ارزاق..

حلوة العلاقات الحلوة ، رزقها ما بعدها رزق ..

علاقات فيها الناس حلوة بجد .. لا فيها نداله ولا قلة اصل ولا تزييف .. لما يحصل زعل يجروا علي بعض واول الكلام " الدنيا كلها تزعل إلا انت "

علاقات منورة واضحة ، الكلام فيها من غير حساب ، تقول اللي جواك وانت مرتاح ومتأكد انك مفهوم ومقبول زي ما انت ..

مش بتزوق كلامك علشان تتفهم ولا بتدافع عن نفسك لأنك متأمن بحب اللي معاك ..

علاقات فيها سند ، وخدمة بجد من غير معايرة ولا غدر ولا خيانه ولا قلة أصل ولا نداله ولا قلبة وش !!

علاقات كل واحد فيها علي طبيعته، بيلاقي نفسه واكتر من نفسه ، العهد والمحبة شاهد عليها قلب صافي نضيف وكلام حلو عفيف..

رزق احلي من الفلوس ، جمال العلاقات والنفوس👌♥️🦋

د. مجدي إسحق

[thespeakingout]

Dear future husband.. مبدئيا كده إنت موجود ؟alive يعني؟ في أمل نتجوز ؟ ولا هكمل حياتي لوحدي ؟.. بس إن شاء الله إنت موجود و متأخر بس.. إنت متأخر عليا ليه يسطا ؟ الأول كده برضو إنت عارف إن عيد ميلادي يوم التلات بعد بكره و هكمل ٣٠ سنه ؟.. ينفع كده متبقاش معايا ؟ عارف ؟أنا الصراحه عمري ما كنت أتوقع إنك متبقاش معايا لحد دلوقتي.. ماما من وأنا صغيره كانت بتقولي الجمال ده مينفعش يتساب و كده و أصحابي لما كبرنا و دخلنا الكليه و بدأنا نتكلم ف الجواز كانوا بيقولولي يابخت إللي هيتجوزك و هياخد القمر بتاعنا و هيشوف آحلى دلع و رومانسيه و كلام من ده و زمايلي ف الشغل برضو بيقولولي يابخته بيكي و اتقالي أنا لو مكنتش متجوز مكنتش هسيبك و بيحسدوك عليا يا سيدي وكان بيجي عليا وقت كنت بخاف عليك من كلامهم فعلا 😅..

عارف ؟ بيقولوا عني شخصيه حالمه و بيلوموني على كده.. ده لأني بس بحلم أعيش fairytale معاك ويابنتي الاحلام إللي ف خيالك دي مش موجوده.. مع إن أحلامي عاديه و عادي تتحقق و تتعاش..

عارف ؟أنا مختارتش الناس إللي هعيش معاهم لما اتولدت ف حياتي الأولى.. بس كنت بحلم بالشخص إللي هعيش معاه حياتي الجايه.. إنه يبقى شبهي و يبقى فاهمني.. ف أنا عاوزاك تفهمني و تقراني صح.. ملكش دعوه بنظرة الناس ليا.. عاوزاك تبقى دايما معايا على طول الخط.. دايما ف ضهري و شايف إني صح و بتدافع عني قدام أي حد حتى لو أنا غلط.. إللي هوا ساره براحتها تعمل إللي هي عاوزاه.. عاوزه ليفل الدلع و الدعم ده.. عاوزه أبقا واثقه و متأكده إنك ف صفي لأخر العمر.. اجري عليك احكيلك واقولك أي حاجه من غير خوف ولا أي اعتبارات..

عارف ؟أنا ناس كتير من إللي كنت بعتبرهم أقرب ناس ليا على مدار مراحل عمري خذلوني و قلبي اتوجع لأني بواجه الحياه ب قلبي.. ف أنا عاوزاك متبقاش زيهم.. عاوزاك تبقى حنين عليا و تبقى باقي عليا ومتسبنيش زيهم.. عاوزه أقول زي دوللي شاهين * وإنت حنين عليا حتى ف لمسة ايديا.. لو تطلب عمري كله يا حبيبي عليك شويه * 🤭

عارف ؟ إن تأخيرك ده يا بيه بيقلل من السنين إللي هنعيشها مع بعض ف بيت واحد ؟.. ف الخلفيه انغام بتقول *يااااه لو أعيش معاك باقي الحياه و ف حضنك عمري أكمله *.. عاوزه اقولك إن أكيد فايتك كتير 😌 أو فايتنا كتير.. مانا أكيد محتاجه وجودك زي مانت محتاجني.. أكيد حياتنا هتبقى آحلى و أمتع و ألذ لو إحنا سوا.. زي ما انغام بتقول برضو * و ليه مانعنا نعيش حياتنا و حبنا *..

عاوزه اقولك برضو إن ساعات بديلك مبرر لتأخيرك واصبر نفسي وأقول على ما أقرب أخلص الشهاده إللي بعملها عشان أتفرغ و أبقا فاضيالك و أعرف أخد بالي منك ومبقاش مشغوله عنك ب حاجه بحكم طبيعة الشغل.. بس دلوقتي أنا قدامي سنه بحالها فاضيه أهي يا عم من غير مذاكره؛ مش المفروض تستغلها بقا و تجيلي نقضيها خطوبه و تجهيزات جواز ؟..هو ده وقتك يا بييييه.. عاوزه اقولك إن دلوقتي أي حد بيكلمني بيكلموني عن السفر بقا و فلوس وبتاع و أنا اتجرأت و بقيت اقولهم لا أنا هتجوز الأول و بعدين نسافر سوا أو نشوف الكلام على إيه.. مع العلم يعني إني بتكسف أتكلم عن الحاجات دي مع أي حد..

عارف ؟ أنا يمكن مبقعدش أقول كلام ملزق إللي هوا بيبي و قلبي و كبدي و أمعائي و كده بس إنت هتبقى عارف و متأكد من حبي ليك لأن هتشوف ده ف أفعالي زي ما بعمل مع بابا وماما.. هتشوف ده ف خوفي عليك و ف غيرتي عليك و ف اهتمامي بيك..

عارف ؟ عاوزاك تبقى عارف إني شخص حقيقي مبعرفش اتلون و ملييش ف اللف والدوران ومبحبوش بحب الدوغري كده و تعبت من games.. عاوزاك تبقى حقيقي معايا ف كل حاجه..

عارف ؟ أنا حياتي دلوقتي بقت فاضيه ومعدش ليا أصحاب ف إنت هتبقى كل حياتي *أغنية عمرو دياب إللي كنت عاوزه ارقص عليها سلو ف فرحي لما نزلت *.. ف محدش هيشغلني عنك.. وااه متخافش مش هخنقك لأني عارفه إن الرجاله مبتحبش الخنقه و لأني متعوده إني لوحدي عادي..

عارف ؟ أنا وعيت ع الدنيا لقيتني بجري و شايله مسئولية نفسي و لحد دلوقتي الحياه فارضه عليا إني أبقا متماسكه و قويه ظاهريا.. قبل كده الناس كانوا شايفين إني كيوت و كده و بعد ما إشتغلت شايفين إني جامده و مش محتاجه حد و الرجاله بيخافوا... بس الاكيد إني محتاجالك معايا.. وأني من جوايا شخصيه needy جدا.. مش لأني مبعرفش اواجه الحياه أو عشان حد يصرف عليا ولا الكلام ده.. ده هيحصل كده كده 😂.. بس الوجود المعنوي إن إنت موجود علشاني أنا و بس always & forever .. إللي هوا أنا معاك عشان أنا عاوزه أبقا معاك.. وأنا معاك بقا عاوزه أحس بكوني أنثي ف ضل و حماية راجل.. عاوزه أعرفك إني بحترم جدا و مؤمنه ب إن " للرجال عليهن درجه" ومش competitive أبدا.. إللي هوا يسطا شيل مسئولية البيت ده و شيلني معاهم 😂..

عارف ؟ إنت المفروض متتأخرش آكتر من كده عشان محدش يلعب ف دماغي و يقنعني ادخل ف حوار MD ده لمصلحتك قبل مصلحتي والله 😂.. وأنا أصلا والله طموحي واقف عند إني أخلص الماستر و الزماله و الشغل هيقتصر على إني أروح المستشفى ك اخصائي أمر ع الحالات و أروح البيت وافوق ل جوزي و بيتي و عيالي و ادخل المطبخ و ده يبقى مكاني إللي بخترع فيه الاكل اللذيذ بتاع اسرتي إللي بحبها.. لحد ما العيال يكبروا و أموت وأنا كده أبقا قضيت رسالتي ف الحياه ك زوجه وام و دكتوره..

عارف ؟ بشوف الكابلز و بيتحكالي عن الحاجات إللي بيعملوها سوا و أنا بتمنى إن يجي اليوم إللي أعيش فيه المشاعر الحلوه دي زيهم..

عارف ؟ بالرغم من احتياجي و تطلعاتي إلا إني ملجأتش للعلاقات العابره إللي أعيش فيها إللي عاوزاه وخلاص إللي بعده لأني مكنتش عاوزه أبقا مستنزفه.. وبرضو لأن مشاعري مش م السهل تتحرك لأي حد..

عارف ؟ قلة الحيله لما تبقى أحلامك وامنياتك عاديه و الناس بتعيشها عادي وإنت مش عارف.. عارف لما تسأل نفسك بكل الألم والحزن طيب وأنا ؟

أنا طولت ف الكلام.. بس أنا بقالي ساعات بفكر ف الكلام ده وسط دموع أمنيات و رجاء و ألم و حزن وقلة حيله .. ف ياريت متتأخرش عليا آكتر من كده..

[jaunerevee]

لسة شايفة فيديو لست بتتكلم على انها بتلاقي نفسها الام الوحيدة وسط النانيز في تمرينات السباحة وفي البلاي جراوند وفي كل حتة .. غرقت للاسف في وسط الكومنتات اللي بتدافع عن الكونسبت عشان هم اللي بيقوموا بدور الاب، انا بجد ماعنديش اي مشاكل مع اي ست اضطرت لاستبدال دورها في حياة ولادها بناني عشان هي مضطرة تشتغل وتعوض غياب الاب .. بس حقيقي ماحدش غير الطفل يقدر يفهم غياب الام عشان هي بتشتغل قد ايه بيأثر على نفسية الانسان وبيخلق انسان عنده طفولة اتبنت على مفهوم مشوه ومش واضح عن الام، وقد ايه الاطفال اللي امهاتهم مش موجودة ومشغولة ايا كان السبب بيفضلوا طول الوقت حاسين انهم مش كويسين ومش كفاية وعرضة انهم يلزقوا في اي حد عشان يعوضوا الغياب ده وقد ايه بيحسوا شعور سيء فشخ لما يشوفوا امهات اصحابهم موجودين وامهم لاء.. ويعني ٢٨ سنة حقيقي ماكانوش كفاية عشان يحسسوني اني عادي متقبلة غياب ماما بسبب انشغالها بشغلها وانا صغيرة .. ومافيش احزن مني لما بتكلم مع اصحابي والاقيهم فاكرين حاجات كانوا بيعملوها وبيروحوها مع مامتهم وانا مش لاقية حاجة افتكرها.. والاسوأ ان علاقتنا بقت كويسة جدا لما انا كبرت فا تقريبًا مابفتكرش لماما اي شكل غير ملامحها بعد ال ٥٠ عشان ده الوقت اللي ابتدينا نتكلم فيه مع بعض ونقعد سوى.

[ebrahimx]

الناس لازم تفهم ان المختلف عنهم من حقه ما يتظلمش وزي ما بتدافع عن حقك في انك ما تتظلمش واجب تدافع عن حق غيرك لانك بتدافع عن مبدأ العدل ربنا اسمه العدل وصفه من صفاته سبحانه

[yooo-gehn]

عدائي مع سارة إنها شتمتنا كتير كمسلمين وأهانتنا، لو خلت معتقدها لنفسها واتعاملت باحترام فاشطا يعني براحتها

على حد علمي هي عمرها ما شتمت أفراد أو مؤمنين بعينهم، لكنها ممكن عادي تكون انتقدت الإسلام وتعرضت له بالسخرية، هل معنى الكلام ده إن أي شخص غير مؤمن بالإسلام في عداء معاه، لأن الإسلام يسب ويهين غير المؤمن به، خصوصا بعد ما وصلت له النصوص، ولا أنت ماتعرفش؟

القرآن وصف أي شخص "أوتى" الكتب اللي بتبشر بمحمد ولم يؤمن به بأنه "مثل الحمار يحمل أسفارًا" و"إن هم كالأنعام بل هم أضل سبيلاً". ماذا عن آية “يا أيها الذين آمنوا إنما المشركون نجس” اللي كانت تحث المسلمين على تجنب التجارة مع المشركين؟ ماذا عن آية “فمثله كمثل الكلب إن تحمل عليه يلهث أو تتركه يلهث"؟

إيه معنى مطالبة شخص غير مؤمن بدينك، بأنه لا يتعرض لدينك بالإهانة، ونصوص دينك في حد ذاتها بتهينه هو؟ ليه بتدي نفسك الحق ده وتاخده منه هو؟

الحقيقة الضمنية اللي معظم المسلمين بيتصرفوا على أساسها بمنتهى العنجهية، أنهم شايفين نفسهم الحق المطلق والمعيار الأوحد، مفيش حاجة اسمها تعايش وتقبل مع حد مختلف معايا في أحكامي، لأن أنا بس اللي صح، أنا بس أنا بس. الإسلام عندنا دين "أنا بس". واللي مش هايسمع الكلام بأدب هايتفشخ، وقولي أنت، هل ده سلوك أو منهج يستدعي الاحترام؟

إحنا عندنا حوار الأديان أصلا عبارة عن:

تعلن عن إلحادك، وفجأة النور اللي في وش المؤمن ينطفي، وعلامة الصلاة تطير، والأخلاق والتقوى تختفي، وتلاقي نفسك بتتعامل مع ميليشيا بتدافع عن دينها زي ما عصابات المافيا بتدافع عن زعيمها. وده عيب في حقهم هما وفي فهمهم لدينهم هما. عيب أوي كمان. دينهم حمال أوجه وقابل لأكثر من تأويل على فكرة ومش نسخة واحدة زي ما بيتربوا على نظرة أحادية كريهة من صغرهم.

ثم أنت مستوعب بتقول إيه؟ وهي ليه تخلي معتقدها لنفسها ما تتكلم عنه براحتها، بدون حرية التعبير لا تقوم ولا تتطور المجتمعات، بدون حرية التعبير ماكنش الإسلام وصلك أنت، وحرية التعبير معناها إن كل شخص من حقه يقول رأيه في "الأفكار" حتى لو بشكل ضايق شخص تاني. أنا عندي تاج في البلوج ده ��خصصه لحرية التعبير بس. وأهم مبدأ في حرية التعبير، بيغيب عن الناس، هو إن أي فكرة يقوم عليها المجتمع وتؤثر على أفراده، يجب أن تتعرض للنقد، وبدون حدود كمان، لأن أي فكرة محصنة من النقد تتجمد في الزمن ولا تتطور أبدا. حتى الدين؟ أيوة، حتى الدين، لأن النصوص مابتتغيرش لكن الفهم بيتغير، الفقه بيتغير.

والنقد غير الحر، واللي ليه جهة بتحدد شكله، هو مش نقد أصلا، هو مجرد فرض أفكار الجهة دي على الجميع، عافية.

وتاني، عيب نتحول لأمة "اللي يقدر ع التاني يابا"، لما نقدر نحاول نكون ناس بتقدر تتعرض للنقد وتتأمل فيه بدون تشنج وشخصنة. بالظبط زي ما الإسلام بيشتم غير المؤمنين بيه، وشاورلي كده، كام ملحد بيشمت ويضحك لما مسلم ينتحر؟

[marmarika-world]

الست اللي بتدافع عن معتقدات الذكور المريضة على حساب ست زيها هي نفسها الست اللي بتدافع عن المتحرش وتبرر فعلته وتقف ضد الضحية ولبسها وشكلها، وهي الأم اللي بتقف مع ابنها لما بيبهدل مراته ويرمي اولاده، وهي الام اللي بتفهمه ان ألف واحدة تتمناه معرفش على إيه؟، وهي الأم اللي بتفضله عن أخته البنت حتى لو خيبة أمل وهي أجدع منه، وهي الست اللي عايزة كل الستات يعيشوا ضحايا زيها لمجرد إنها مش قادر تكون هي زيهم.. استقيموا يرحمكم الله.

اكتر عدو للست هى الست 😏

[adolay]

الحاجة الوحيدة الي فعلا متستاهلش تجامل فيها حد هو الدين

وقتها لو جاملت هتبقى ضيعت نفسك عشان شخص تاني وهتيجي يوم القيامة تقول ياليتني كنت ترابا

لذلك من أجمل المواقف وأصعبها في القرآن لما يتكلم عن ناس مؤمنين واجهوا آبائهم وأهاليهم الكفرة وماخضعوش لهم مش بس كده بل قاتلوهم كمان في سبيل الحق ! ودي أعلى نقطة ممكن الواحد يوصلها في الإيمان بالله عز وجل وبرسالته ، ف ما بالكم بقوم مايقربوش ليك لا دم ولا دين ازاي مفروض تتصرف معاهم؟

دفاعك عن رئيس دولة أو حكومة عشان خاطر بس تطلعهم بمنظر شريف أو كويس أو دفاعك بشكل أعمى بس لإنك عايز تدافع عنهم وعن بلدك ده ماهو إلا جهل وإجرام في حق نفسك أولا وفي حق غيرك ثانيا .

غيرتك الوطنية أو القومية دي غيرها وخليها غيرة دينية أحسن ، بدل ما بتدافع عن بلد وأرض هي ملك لأي حد يجي يسكن فيها وتقول مصر للمصريين أو السعودية للسعوديين أو فلسطين للفلسطينيين ماهو إلا وساخة فكر وعقيدة والله ، وإنت نفسك لو مشيت بالفكر ده وربنا قدر إنك تنفى من بلدك مش هتلاقي بلد تستقبلك وتقعد فيها والمفروض بقى على كده تقتل نفسك ( بمنطق إن كل بلد لأهلها ) ، ربنا عز وجل بيقول ( إن الأرض لله يورثها من يشاء من عباده ) ، الأرض مكان سكن لكل البشر بمختلف ألوانهم وجنسيتهم ولغاتهم ، الي بيعمل عكس كده ف هو ضد كلام ربنا وضد القرآن ومجرم .

المستفاد مما سبق إن الحروب الحالية وتدهور الأوضاع والفساد الي بنشوفه متغلغل في كل حاجة تخص حياة الواحد يرجع أصلها للدين ببساطة ، سواء سياسة أو اقتصاد أو ثقافة فاسدة ، كلها يرجع أصلها للحرب على الدين ( الإسلام ) ، تعريصك لشخص أو فئة أو حكومة مش هيغنيك عن ربنا ف حاجة بل بالعكس هتيجي يوم القيامة تبقى من الناس الي بتقول ( وَبَرَزُوا لِلَّهِ جَمِيعًا فَقَالَ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا مِنْ عَذَابِ اللَّهِ مِنْ شَيْءٍ قَالُوا لَوْ هَدَانَا اللَّهُ لَهَدَيْنَاكُمْ سَوَاءٌ عَلَيْنَا أَجَزِعْنَا أَمْ صَبَرْنَا مَا لَنَا مِنْ مَحِيصٍ)

( وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا نَصِيبًا مِنَ النَّارِ ، قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ)

( قَالَ ادْخُلُوا فِي أُمَمٍ قَدْ خَلَتْ مِنْ قَبْلِكُمْ مِنَ الْجِنِّ وَالْإِنْسِ فِي النَّارِ كُلَّمَا دَخَلَتْ أُمَّةٌ لَعَنَتْ أُخْتَهَا حَتَّى إِذَا ادَّارَكُوا فِيهَا جَمِيعًا قَالَتْ أُخْرَاهُمْ لِأُولَاهُمْ رَبَّنَا هَؤُلَاءِ أَضَلُّونَا فَآتِهِمْ عَذَابًا ضِعْفًا مِنَ النَّارِ قَالَ لِكُلٍّ ضِعْفٌ وَلَكِنْ لَا تَعْلَمُونَ )

[ahmad-ojaimi]

بحس تويتر الو ريحة نتنه ومقرف !

لو حدا بدو ينزل تويته عن الشيطان الرجيم بتلاقي ناس بتدافع عنه وبتهبد !!

حديقة حيوانات عنصرية ومجتمع امراض نفسيه !

الحمد لله اني حذفت حسابي زمااااان

وبدخل بحساب وهمي كل فترة عشان احمّل فيديوهات بس ..

[mayo-15]

أكتر من 8 شهور قتل وقصف ودمار وتهجير ونزوح وجوع ومشاهد تبكي الحجر والشجر دا غير خذلان كل العرب وقياداتهم وفوق كل دا ممكن حد يخون وطنه وأهله والناس اللي بتدافع عنه بكل ما آتاهم الله من قوة علشان شوية وعود كدابة بشوية فلوس ولا حاجة قصاد معلومة حقيرة من إنسان مريض، عادي!!

الله يلعن كل الجواسيس وكل اللي يبدي الدنيا على الأخرة وعلى وطنه..

ويلعن كل حكام العرب واحد واحد بدون أي أستثناء، ويلعن كل المتخاذلين اللي مش فارق معاهم دم وأرواح اخواتنا..

الله المنتقم، حسبنا الله ونعم الوكيل.