#الاستوديو

[eshragcom]

Whatsapp يسهل مشاركة الصور من الاستوديو

يعتمد ملايين الأشخاص على تطبيق WhatsApp ثم على الاتصال بأصدقائهم وعائلاتهم وعائلاتهم. تعد مشاركة الصور ومقاطع الفيديو جزئية بشكل جزئي من تجربة تطبيق المراسلة الخاص، وفي حين يوفر التطبيق وصولاً فوريًا إلى الكاميرا لديك صورة أو مقطع فيديو أو مقطع فيديو، فإن إرسال صورة/فيديو من معرض الصور الخاص بك يتطلب بضع دقائق. والكشف عن الإصدار الجديد من تطبيق WhatsApp لنظام Android لتحليل الأمور في الأمور…

[alestudio]

تنفيذ #الاستوديو من إبداع الخط الى صلابة المعدن ونعومة ورق الذهب تم إنتاج هذا العمل من نسختين متعاكستين لصالح مقتني من الخطاط (at alestudio الاستوديو) https://www.instagram.com/p/CpYzJA0IhYG/?igshid=NGJjMDIxMWI=

[ezmel]

غبت طويلاً عن التصاميم الفنيّة والسبب هو أنني وجّهت كُل تركيزي وجهُدي في تصاميم الهويّات التجارية لدى الاستوديو الخاص بي مَثَل، طبعاً لم أتخلّى عن الفنّ فتصميمي للهويّات يعتمد على نظرتي الفنيّة وهذا شعار الاستوديو الخاص بي ، فكّرت أن أعمل على مشروع فنّي بصيغة بطاقة بريديّة مُصغّرة طوال شهر أغسطس ، سوف أخصّص ساعة في اليوم على الأقل لتصميم بسيط يعبّر عن شيئاً ماً ، قد يفيدني هذا في العودة كما كنت في السابق .

كونوا بالقُرب

[shersh-5]

في تحول إعلامي كبير وهام جداً قامت قناة CNN بوضع علامة لكل طفل استشهد في غزه على حائط الاستوديو على الهواء مباشرة .

وقامت بتقديم رواية غير مسبوقة من قبل في تحول مفاجيء وغير مسبوق وحتى غير مفهوم من محطة معروف عنها المساندة غير المشروطة لكل أفعال إسرائيل!!!

[abdulaziz2023]

كيف تُرتِّب شقة من غرفة واحدة بمساحة 25 متر مربع؟

أجاب عليها أوريليان دوني، مؤسس وكالة الاستوديو الباريسية دوني Agency Duny.

"الشقة على زاوية في الطابق الأعلى، لذا في الواقع تبلغ المساحة المتاحة للسكن 19 مترًا مربعًا فقط 😥

أثرت التغييرات الرئيسية على الحمام، الذي كان يحتل قبل إعادة التطوير ثلث الشقة (اللوح الثاني).

جدران بيضاء، توفر الكثير من الضوء والكرسي من توغو Togo من تصميم ميشيل دوكروي" 🤎

[lordsfavourite4]

عشانك انا قادر أكمل

عشانك قادر أتحمل

وكل مره بشوفك

بحبك تاني من الاول

[thedosky]

حلقة جديدة من بودكاست لَفَت نظري.

في ضوء نظرية النسبية ونظرية الأوتارالفائقة ونظرية الإنتروبيا والجاذبية؛ يحاول صديقي العزيزمحمد ال��صري طرح ورقته البحثية (قاعد التزمن) التي تقترح تفسيرًا فيزيائيًا للزمن.

الحلقة دي مكانش فيه نية إنها تكون حلقة. إحنا كنا قاعدين بنتكلم عادي وانا فتحت مايك التليفون فجأة عشان حسيت إن ممكن الكلام ينتج عنه حاجة لذيذة؛ لذلك بعتذرعن جودة صوت التسجيل لأننا مسجلناش في الاستوديو.

استماع ممتع للأصدقاء المهتمين بالاستماع، ومرحب دائمًا بالتعليقات والأسئلة والاقتراحات.

يمكنكم الاستماع إلى الحلقة على المنصات المختلفة(أنغامي-أبل بودكاست-سبوتيفاي)

[romanticpapers]

بزمن لاحق: مستقبل قريب أم بعيد. التقيا ولربما لأول مرة وشهد لقائهما مئات بأستوديو وٱلاف عبر شاشات. كان اللقاء برنامجا تليفزيونيا جمعهما بمناسبة حصولهما على جائزة أفضل عملين روائيين عربيين في ذلك العام. يصافحها كبروتوكول ثابت وطقس لطيف قبل بدء اللقاء. تتعثر يدها بكفه. ترتبك. هي أول مرة تراه فيها ولا تدرك ما هو احساسها بالضبط وماذا ستفعل وكيف ستتعامل مع مذيعة البرنامج. ويا لها من ورطة كون مقدم البرنامج انثى فأكيد ان اي كلمة او خلجة تظهر على الوجه او نظرة عادية لن تمر مرور الكرام وستستنبط منها اشياء اخرى غير ظاهرها. وستدرك بان ثمة رابط بينهما رغم وجود كل منهما ببقعة بعيدة عن الأخرى مع جوارهما الجغرافي. ابتسم لها فردت بابتسامة مرتبكة وكأنها سؤال وامر بأن يتوقف عن إرسال ابتساماته واطلاق نظراته حتى تتمكن من التركيز في الأسئلة التي ستوجه لها ومن ثم الاجابة الوافية عليها. امتثل لأمرها الصامت وشغل عينيه بمتابعة ديكور الاستوديو والمذيعة ولكفيه وإدعاء بانه لا يشعر بوجودها ولا يهتم لأمرها. كان أول سؤال من المذيعة الماكرة: لاحظت كما لاحظ الكثير من القراءة ان ثمة تشابه وتلاقي بأفكار الروايتين وربما هذا أيضا أثار حيرة وارتباك النقاد والقائمين على منح الجوائز حد انهم لأول مرة يعلنون عن فوز عملين بجائزة واحدة. ابتسمت هي واطلق هو ضحكة ساخرة ردا على المذيعة: لو كنت ألتقيت تلك الكتابة الرائعة من قبل لقلت أننا كتبنا سويا متجاورين روايتنا بقلم واحد كنا نتبادله معا ولكن لحظي العثر لم أتشرف بلقائها إلا الٱن. ربما كان الامر مجرد توارد خواطر وتشابه في الفكر والشعور لا يد لنا فيه. انهال التصفيق وشاركت فيه المذيعة كتعبير عن الاعجاب بينما هي تنظر إل��ه منبهرة وكأنه فارسها الذي برز فجأة في غابة البرنامج لينقذها من براثن اسئلة المذيعة. بعد ذلك توالت أسئلة تقليدية جاوبا عليها بكل اريحية حتى انتهى البرنامج وغادرا الاستوديو متجاورين. وعندما خرجا بعيدا بعدة امتار مال نحوها هامسا: لا تذهبي أريد التحدث معك هل تقبلين ان تشاركيني تناول قهوة؟ أم ترافقيني لمنزلي لنتحدث براحتنا؟ هنا نظرت إليه وزعقت بوجهه: من تظن نفسك ايها الوقح الحقير وماذا تظن بي؟ هل حسبتني احد بطلات رواياتك الساقطات؟ هل تفكر في تحقيق احلامي كتاباتك على حسابي؟ تبا لك ولبنات افكارك الوقحات العاهرات.... سكتت برهة ثم أردفت: هل منزلك بعيد عن هنا؟ ساقبل فقط منك ارتشاف فنجان قهوة بشقتك!

[ghadouzaaa]

-تفتكر الواحد ممكن يقعد يحوش كام سنة علشان يجيب مركب زي ديه ؟

=زي ديه ! يعني ٢٠ أو ٢٥ سنة ده بالتقريب يعني

-ده إيه الإحباط ده !

=بس ده لو لوحدك إنما لو معاكي شريك الموضوع هيبقي أسرع بكتير

-أنا ماعنديش شركا أنا لوحدي كائن سعيد

=لا ده كلام فاضي ، كلام بنقوله علشان نضحك بيه علي نفسنا

-يا سيدي أنا مبسوطة لوحدي اللاه!

=يا ستي هو حد يكره يارب دايماً

-طب إنت مبسوط لوحدك !؟

= أنا ! لأ أنا خلاص إتعودت علي كده عارفة ، أنا ببقي مبسوط أكتر لما بشوف صحابي والناس اللي حواليا مبسوطين وبيضحكوا .. تعرفي مره فاجئوني وعملولي عيد ميلادي في الاستوديو وكنا كلنا موجودين وإتصورنا صور كتير قوي بس هي صورة جماعية كلنا فيها كنا مبسوطين يعني الصوره ديه إعتبرتها أهم هدية جاتلي في حياتي

-طب أقف يلا أصورك مع المركب اللي عمرنا ما هنشتريها ديه

_إذاعة حب ٢٠١١♥️

[kelebek-gibi]

بما أن فية حاجه تقيله اوي ع قلبي انهاردة وافكار مش لطيفة قاعده معايا ف الاوضة فبنلجأ دايما للاغنيه دي..

[eshragcom]

واتساب يجعل تطبيق مشاركة الصور من الاستوديو أسهل

اشراق العالم24 متابعات متفرقة: شكرا لمتابعة واتساب يجعل تطبيق مشاركة الصور من الاستوديو أسهل والان مع نوافيكم بالتفاصيل يعتمد ملايين الأشخاص على تطبيق WhatsApp للبقاء على اتصال بأصدقائهم وعائلاتهم وشركاتهم. يعد مشاركة الصور ومقاطع الفيديو جزءًا كبيرًا من تجربة تطبيق المراسلة، وفي حين يوفر التطبيق وصولاً فوريًا إلى كاميرا هاتفك لالتقاط صورة أو مقطع فيديو أو ملاحظة فيديو، فإن إرسال صورة/فيديو من…

[prince-bakar]

مهما كان ليلك طويل

كل حاجة بتعدي

مهما كان حملك تقيل

كل حاجة بتعدي

لو عينك غفلت

كل حاجة بتعدي

لو الدنيا قفلت

كل حاجة بتعدي

لو حبيبك سابك

والزمن ساقك

وإتلخبطت أسبابك

لو آمالك اتعطلت

وأحلامك فرملت

وجواك شايل هتعدي

مهما إن كان قلبك ندمان

كل حاجة بتعدي

مهما كنت في غلطك سارح

كل حاجة بتعدي

سيبك من الناس ربنا بيسامح

كل حاجة بتعدي

كلم نفسك وعليها اتصالح

كل حاجة بتعدي

[bonboony]

‏لما بتسحب من لساني و أتكلم مع جوزي في الكورة بينتهي بينا المطاف إنه يفرجني على اجوال بيحبها وانا بعمل نفسي مهتمة،، امبارح قعدني عافية يفرجني علي تسع فيديوهات لجول توتنام القاتل في اياكس في دوري الأبطال من كل الزوايا و بالسلو موشن ،، ناقص يدخلني جروب الشله اتناقش معاهم ف تكنيك اللعب و انزل القهوة اتفرج معاهم علي الاستوديو التحليلي ،، مش عارفه ماتش الريال ممكن نتكلم عنه كام يوم استر يا رب ..

[zooomfayed]

مصرى بسيط من السكان الأصليين 😂😂😂لمصر،

كان عائدا من عمله بالمعادى ماشيا إلى مقر إقامته ببولاق أبو العلا،

توفيرا لنصف جنيه ثمن الأتوبيس، وحين مر من أمام التليفزيون لفحه هواء التكييف،

فوقف قليلا، حتى يجفف عرقه، وكان يفتح فمه للهواء البارد حتى يروى عطشه.

خرج أحد معدى البرامج فاصطاده،

وقال له: «اتفضل جوه»،

فتفضل جوه وهو غير مصدق أن يدخل التليفزيون الذى لا يراه إلا فى التليفزيون.

دخل الاستوديو، وانهار تماما حين لمح ساقى المذيعة من الجيبة القصيرة،

ركبوا له الميكرفون، وأجلسوه على الكرسى أمام المذيعة.

ثم بدأ البرنامج.

المذيعة أمام الكاميرا: من آلاف الاتصالات اللى جت للبرنامج، اخترنا المواطن بلال فضل عشان يشترك معانا.

قاطعها، قائلا: ممكن أعفر سيجارة؟

المذيعة من غير الكاميرا: ستوب، ممنوع التدخين يا أخ بلال، إنت هنا فى استوديو، لو سمحت إحنا هنبدأ، وإنت هتطلع فى التليفزيون، لازم تطلع بشكل كويس، وكمان شيل عينك من على رجلى وإحنا بنسجل، بلاش فضايح، لما نخلص إبقى بص براحتك.

المذيعة أمام الكاميرا: زى ما انتوا عارفين فكرة برنامجنا قايمة على إننا بنسأل أحد ا��مواطنين فى المعلومات العامة، وبنختلف عن كل البرامج فى إن الضيف، سواء جاوب صح أو غلط بيكسب جايزتنا، والمرة دى الجايزة عبارة عن موسوعة: ما تقلش إيه إدتنا مصر، اللى بتلخص إنجازات الحزب الوطنى فى مصر، فى طباعة فاخرة، وغ لاف سميك، وهى مكونة من 75 مجلدا، والبرنامج بيوصلها للفايز لحد البيت.

جاهز يا أخ ممكن تعرف المشاهدين بنفسك؟

محسوبك ده الاسم اللى فى «البوتاءه»، بس فى «المنتئة» بيقولوا لى يا أشرف،

عشان كان ليا أخ اسمه أشرف بيلعب فى الشارع وهو عيل زبلة كده، ولا مؤاخذة،

مسكت فيه الكهربا بتاعة عمود النور مات طوّالى،

ومن ساعتها بقى الناس بيقولوا لى يا أشرف،

عشان أمى ما تعرفش إنه مات، ومش عايزين نزعلها عشان عيانة.

بتشتغل إيه ؟ اتكلم بصراحة.

بصراحة أنا باشتغل فى مصنع لبن، فى ستة أكتوبر، عارفاها سيادتك، اللى هى زى العاشر من رمضان بس ورا الجيزة، وديكهه ورا المطار.

بتشتغل إيه فى مصنع الألبان وياريت تتكلم بصراحة؟

طالما قلتى نتكلم بصراحة، هاقول لسعادتك، لما بيكون فى لبن شاكين إنه باظ، بيديهونى أشربه عشان يتأكدوا ينزلوه السوق ولا لأ، هى شغلانة تموع النفس، بس مكسبها حلو، باخد 280 جنيه.

بس؟

ماتنسيش إن اللبن اللى باشربه ببلاش، دى فى ناس فى الحتة بتاعتنا بتحلم بالشغلانة دى.

معقولة بتعيش بـ280 جنيه بس فى الشهر؟

إنتى مش شايفانى باتنفس قدامك أهوه أبقى عايش ولا مش عايش، وبعدين طالما قلتى بصراحة، أنا باشتغل بالليل فى قهوة جنب البيت..

بتشتغل إيه فى القهوة؟

صاحبها بيبعتنى طريق السويس أجيب له مخدرات عشان ينزلها فى الشي َش.

المذيعة من غير الكاميرا: إنت بتقول إيه يا أخ انت، ستوب، إيه الكلام ده، وقلت لك 100 مرة ما تبصش على رجلى، إنت بتهزر فى الكلام ده طبعا؟

هههه، طبعا ياست هانم، هو أنا غبى عشان أعترف، ده الراجل فاتح بيتى.

المذيعة أمام الكاميرا: بتشتغل إيه فى القهوة؟

باعرق فى الشاى عشان يبقى شاى بلبن، ما أنا بابقى شارب لبن طول النهار، إيه رأيك فى الإجابة دى؟ صايعة مش كده؟

إنت متجوز يا أشرف، قصدى ؟

هو أنا كنت عايز أتجوز، بس أمى قالت لى مايصحش لازم أخوك أشرف يتجوز الأول، فجوزتنى على أساس إنى أشرف، وأنا وافقت عشان ما أزعلهاش، مش أنا قلت لك إنها عيانة؟

قلت لى، ألف سلامة عليها، عندك أولاد؟.

لحد مانزلت النهارده من البيت كان عندى أربع عيال خلفتهم لأشرف الله يرحمه، بس ما أعرفش هالاقيهم لما أروح ولا لأ، عشان العيال عندنا فى «المنتئة» مابتعيشّى كتير.

(مندهشة) غريبة قوى، يعنى إنت عايش مع مامتك ومرات أخوك اللى هى مراتك وعياله اللى هم عيالك؟

(يقاطعها) ده غير أبويا اللى مشلول من عشر سنين

عشان الماكنة كلت رجليه فى المصنع اللى كان شغال فيه ومارضيوش يدوا له تعويض،

لإن المفروض إننا صعايدة وعيب نقبل العوض،

ده غير أم مرات أشرف،

وأبو مرات أشرف بس هو تايه بقى له فترة

ومارضيناش ندور عليه عشان أكلته جامدة وبيعمل حاجات وحشة بعد الأكل.

فهمت فه مت، بس اللى مش فاهماه إزاى بتقدر تصرف الـ280 جنيه على الأسرة دى كلها ط ول الشهر؟

يعنى إيه أسرة؟

العيلة بتاعتك، بتصرف إزاى عليهم كلهم 280 جنيه فى الشهر؟

يعنى إيه شهر؟

(تبدو ملامح الغضب على وجه المذيعة). إيه قفشتى ليه يا آنسة؟ باهزر معاكى، «ما تتعسبيش»، والله أهو ربنا ساترها معانا، أصلنا مابندفعش إيجار عشان صاحب البيت مات، جت له أنفلونزا بتاعة الفراخ، عشان كانت أمى مربية فراخ فى السطوح، بس الفراخ لسه عايشة.

الحمد لله، طب تنصح الشباب اللى فى سنك بإيه؟

لو ليك أخ اسمه أشرف ومات قول لأمك، حتى لو كانت عيانة وزعلت، وإن كان على أمك اطمن، مش هتموت إلا لما يخلص أجلها.

المذيعة أمام الكاميرا: دلوقتى بعد ما اتعرفنا ع لى أشرف، قصدى بلال، قصدى أشرف وبلال، هندخل على فقرة أسئلة المعلومات العامة.

هل تعرف ماركة القبقاب الذى استخدمته شجرة الدر لقتل زوجها؟

أنا الشجرة الوحيدة اللى أعرفها ولا مؤاخذة،

هى شجرة البانجو، شجرة الدر دى عمرى ماسمعت عنها،

بس لو كانت قتلت جوزها فعلا بالقبقاب تبقى ست واطية وتستاهل الحرق،

لإن دى موتة «عينيفة»، مافيش أحسن من إن الست تقتل جوزها بسم الفيران عشان يموت على فرشته.

ما هى عجائب الدنيا السبع؟

هه؟، أيوه أنا عارفه السبع اللى هو بتاع «جونينة الحيوانات».

ياحضرة المواطن، أنا قصدى الدنيا؟

أيوه فاهمك، الدنيا اللى إحنا عايشين فيها دى.

أيوه، الدنيا دى بقى فيها سبع عجايب، إيه هم؟

والله ياآنسة، جايز الدنيا بتاعتكو فيها سبع عجايب بس،

أنا الدنيا اللى أنا عايش فيها كلها عجايب،

المطرح اللى أنا قاعد فيه عجيبة مثلا، طالع له «كرار إزالة» من ييجى عشرين سنة،

ولسه واقف على حيله، الميه اللى بنشربها برضه عجيبة فى مخلوقات ساكنه فيها،

سبحان الله، العيش اللى بناكله عجيبة من عجايب الدنيا،

لو لقيتيه فى الفرن من غير ما تتخانقى وتقلى أدبك وتتغابى على البشرية،

وجيتى تفرديه على الكنبة ولا مؤاخذة زى أى عيش فى الدنيا، تلاقيه إزرقّ،

لازم تاكليه أول ماتجيبيه من غير فرد على الكنبة، حتى لو ماكانش الغدا خلص،

ماحدش ضامن اللى ممكن يحصل، مرات أشرف دى ذات نفسيها من عجايب الدنيا،

لو شفتيها من ورا لا مؤاخذة كإنك شفتيها من قدام أو من الجناب، زى مابقول لحضرتك،

استخدامها عملى زى ما بيقولوا ، أمها برضك عجيبة، لما بتستحمى ريحتها بتبقى أوحش من قبل الحموم،

الموضوع ده كان عامل مشاكل جامدة عشان هى قاعدة معانا فى المطرح،

وأنا خفت العيال يلقطوا الريحة وحد يقولهم يامعفنين فيتعقدوا زيى ومستقبلهم يبوظ، رحنا حللنا لها،

طلع عندها البتاع اللى ماشى فى البلد اليومين دول، اللى اسمه التيفول.

قصدك التيفود؟

طالما مرض مش هيفرق الاسم، أكمل لك بقى العجايب بتاعة الدنيا بتاعتي.

لا بلاش، أنا آسفة أنا كنت أقصد عجايب الدنيا السبعة بتاعتنا، زى الأهرامات وحدائق بابل وبرج بيزا المايل.

أموت وآكلها البيزا دى، أنا كنت فاكرها فى الأول كلمة قبيحة، اللى هى لا مؤاخذة بتتقال على الـ...، ولا بلاش أفسر، طول اليوم أسمع الناس تقول جبت بيزا، عايز بيزا، تاخد بيزا، طلعت فى الآخر فط ير.

خلاص، خلاص، السؤال التانى، ما الفرق بين سور الصين العظيم وسور مجرى العيون؟

سور مجرى العيون فى تحتيه لجنة بيقف عليها أمين شرطة مايعرفش أمه، لو عديت عليه بالليل من غير بطاقة، فيها خمساية على الأقل عشان تعرف تروح. بس ما أعرفش إذا كان فى لجنة تحت سور الصين ولا لأ.

كم تبلغ نسبة أطفال الشوارع الذين يشدون الكُلّة مقارنة بالذين لا يشدونها؟

وهو فى حد لاقى الكُلّة دلوقتى يا آنسة،

فين أيام ما الكلة دى كانت برخص التراب،

دلوقتى من ساعة المدن اللى بيبنوها للجماعة الأغنياء فى «السحرا»،

والحديد غلى والأسمنت غلى والكلة غليت، ده حتى اللى بيبيعوا الكلة دلوقتى بيغشوها،

عشان كده عيال الشوارع بقت بلطجية وقتالين قتله، مش عشان الكلة زى ما الناس فاهمة،

عشان الكلة بقت مغشوشة، ماعادش فى ضمير ياست هانم،

مع إن الكلة دى ممكن تحل مشاكل البلد كلها.

خلاص خلاص، السؤال اللى بعده، لماذا سمى مينا بموحد القطرين؟

هو بصراحة ربنا الجماعة المسيحيين دول شاطرين ولو حطوا فى دماغهم أى حاجة يعملوها.

مسيحيين مين، مينا موحد القطرين؟

أيوه مينا ساويرس، عارفه،

أصل أنا عندى صاحبى اسمه مينا واد كفاءة،

كان شقيقى وأكتر من شقيقى، بس ربنا تاب عليه وسافر حتة اسمها أسترانيا،

وبقى من أقباط المهجر،

بس وعدنى هيبعت لى عشان أبقى من مسلمين المهجر، كده،

وربنا يكرمنا زى ما كرمك يا مينا.

أنا مش مصدقة إنك مش عارف الملك مينا الفرعونى العظيم؟

آه، فرعونى؟ مش تق ولى كده يا آنسة، أصل أنا بصراحة الجماعة الفراعنة دول ما باقبلهمش، كنت باحبهم وكده يعنى، بس الشيخ اللى فى الزاوية قال إن التماثيل بتاعتهم دى هى اللى فاقرة البلد دى عشان كفر والعياذ بالله، بس الظاهر إن الجدع مينا ده راجل كويس، مش بتقولى موحد، يعنى أسلم والحمد لله، ربنا يبارك له.

فى أى عصر من العصور ظهرت أغنية: لا هيدينى ولا يرقينى ولا فيه مصلحة بينه وبينى؟

أيوه أنا عارفها الغنوة دى مش دى بتاعة، كنا فى زنقة وعوزة وخنقة وديوننا تكتيفة وشنقة،

رسم الخطة محطة محطة، خد نصها والباقى وراه، بس الصراحة أنا ما أعرفش طلعت فى أى عصر،

عشان أنا العصر باقيل شوية عشان أنزل أشتغل فى القهوة بالليل.

لماذا يطلق على مترو الأنفاق اسم الهرم الرابع؟

والله أنا باسمع عن موضوع المترو ده بس عمرى ماركبته عشان باسمع إن التذكرة بتاعته بجنيه،

وأنا أمى حلفت عل يا لو ركبت مواصلة بأكتر من نص جنيه هتدعى عليا ساعة السحور

إن ربنا يفقرنى ويغور النعمة من وشى، بس يعنى يمكن سموه الهرم الرابع عشان فيه سلالم كتير زى الهرم.

من صاحب كتاب الموتى؟ ولماذا أسماه بهذا الاسم؟

أيوه عارفه عم بسيونى اللى ماسك مكتب الصحة عشان هو اللى مطلع شهادة الوفاة بتاعت أشرف وقيده فى الكتاب بتاع الموتى، هو بيسميه دفتر، بس زى بعضه، أنا ماشى بشهادة الوفاة فى البطاقة عشان لو أشرف طلع عليه نصيبة ما ألبسهاش أنا..

ما هو ارتفاع برج القاهرة؟

مش عارف بس لو قلنا إن الداكتور أحمد نزيف يقطع بتاع مترين،

فالبرج ممكن يبقى طوله زى تمانين أحمد نزيف بالصلاة ع النبى.

كم عدد أحجار الهرم الأكبر؟

مع لهش أنا عمرى مارحته، باتفرج عليه فى الغنوة بتاعة الست وردة والحاج محمود ياسين،

عارفه الغنوة دى، اللى الست وردة بتغنى ويطلع الحاج محمود يقول لها كلام بالنحوى،

بس عهد مين ده، لو خدتينى أنا والولية والعيال وظبطتونا، يعنى غدا ومشاريب،

وركبتونا التوك توك اللى هو بتاع السياحة ده اللى بيوقفوه تحت الهرم،

علىّ الطلاق ما أروحهم إلا لما يعدوه لسيادتك حجر حجر. طالما الموضوع ده فارق معاكى يعنى.

أذكر أسماء أصابع الإنسان؟

الصباع اللى بتعمل بيه أوكيه بعد مابتكسب جنيه دهب فى البرنامج بتاع طارق باشا علام،

والصباع اللى بتلعب بيه فى مناخيرك لما المواصلات بتبقى واقفة،

والصباع الطويل ده بس مش هينفع أقول اسمه دلوقتى،

والصباع اللى بنلقح فيه الدبلة،

والصباع الصغير اللى بتنضف بيه ودانك.

المذيعة من غير الكاميرا: إيه القرف ده؟ (تخبط على صدرها بيديها متغاظة) شيل لى كل ده فى المونتاج ياعزت؟

هو عزت هيشيل إيه بالضبط؟ مش حرام؟، ده إنتى كده زى القمر.

إنت بتتكلم عن إيه؟

أصل أنا أسمع إن الستات الأغنياء اللى زى سعادتك يعنى، ربنا يزيدك، بيشيلوا حاجات وكده يعنى، فباقول إنتى كده تمام، ده إنتى لو دخلتى عندنا المنطقة مش هتطلعى منها، بس إنتى هتدخليها إزاى، إذا كانت المية مادخلتهاش هتدخليها إنتى؟

السؤال اللى بعده، ما هو الفرق بين محور أكتوبر ومحور الشر؟

محور الشر ممكن تلاقيه رايق، إنما محور أكتوبر لا يمكن تلاقيه رايق أبدا.

برافو عليك، إنت طلعت عارف محور الشر؟

أمال، مش قصدك الدائرى؟ أصل بتوع الميكروباصات بيطلعوا منه لما بيب قى فى كمين ع المحور.

وهم إزاى بيعرفوا إن فى كمين، وهو كمين؟

ما هو الكمين عندنا لازم يفضل فى المكان بتاعه على طول،

عشان فيه رزق للناس اللى واقفة عليه.

أنا مش فاهمه حاجة، المهم قول لى، لو لم تكن مصريا لوددت أن تكون إيه بالظبط؟

بصراحة طول عمرى نفسى آخد شقة فى العمرانية الغربية، قريبة من كل حتة،

وممكن تروحيها مشى من ميدان الجيزة، وبيقولوا إن المجارى دخلتها، بس مش متأكد خرجت منها ولا لسه فيها.

أنا أقصد ممكن تسيب مصر وتروح بلد تانية؟

ليه يعنى، وهىّ مصر أذتنى فى حاجة، أنا الحمد لله ماشفتش منها حاجة لا وحشة ولا حلوة.

طب تقدر ت قول لى فى جملة واحدة مصر بتمثلك إيه؟

مصر معزتها من معزّة أشرف الله يرحمه