#الارهاق

[jojou2]

رغم سهولة الصمت إلا انه اشد ثقلاً من الكلام ورغم انه لا يبذل فيه اي مجهود إلا انه اكثر إرهاق وتعب من الحديث

[dr-alifathi]

[semnatv2]

الصيام ودهون الكبد / دهون الكبد | أفضل تمرين للتخلص من الدهون المتراكمة على الكبد/ تليفزيون السمنة

#الصيام #ودهون #الكبد #دهون #الكبد #أفضل #تمرين #للتخلص #من #الدهون #المتراكمة #��لى #الكبد #تليفزيون #السمنة #shorts #دعاء #ادعيه #رمضان2022 لا تنسوا الاشتراك في القناه ومشاركه الفيديو وتفعيل زر الجرس #تحويلالمسار #تكميم #السمنه #امراض #مخاطر #shorts #امراضالقلب #امراض #shorts #مضاعفات #غذاء #دايت #shorts #السمنه #تكميمالمعده #دايت #رجيم #تكميم #تكميمالمعده #تكميمالمعدهتحويلالمسار #تكميمالمعدة…

[zahraa17]

اسوأ انواع الارهاق هو الارهاق الذهني.. ال ١٠٠ موضوع مفتوح في دماغك وكل يوم يتضاف عليه موضوع جديد.. تصحى الصبح تفتح الموبايل تلاقي ٥ تاسكات جداد زادو.. دا غير الدوشة اللي دماغك طول النوم عشان عمال تفكر في كل دا ونايم بنص عقل صاحي!

اللهم اصرف عنا شتات العقل والتفكير. اللهم انا نسألك من الخير كله عاجله وآجله

-لقائلها

[un-known97]

فمعرفتش ترتاح .. تبدأ مرحلة التلذذ بالتعب .. معرفش ازاي بس تحاول تلاقي شي يهون عليك وسط كل الارهاق والتعب ..

[haleskii]

الارهاق اللي انا فيه دا مابيتعالجش بالنوم، انا شكلي محتاجة اشد بودرة

[imazikaty]

انا في فتره عصيبه بخسر فيها ناس كتير بسبب اني مرهق من كتر الحروب الي الواحد بيخوضها في اليوم،

شخصي الي بتشوفه انه جميل وانه طيب وخَير ومبتسم هو في الحقيقه شخص سيء الى اقصى درجه، ومش جو التواضع والحاجات دي ، لا انا ادرى بالنفس وبالايجو الي جوه، الي بتدفع الواحد لارتكاب السوء

لا ادعي الفضيله، ولا ادعي اني اكون من الصالحين وبمثل اني مش منهم واقول جمله احب الصالحين ولست منهم

بل انا بنفس درجه سوء المنافقين والمدعين والمتحرشين والافاقين

وكل محاولاتي وفعل الشيء الطيب وان الواحد يكون شخص جيد هي محاوله تخبيه السوء الي جواه ومحاربته بالحاجه الكويسه

والحرب دي طويله، وده حتى مش جلد ذات، لا ده تنفيس عن ارهاق

لان فتره الارهاق الي بتحارب فيها دي، بتتحكم في كل حاجه بتفكر في الكلمه قبل ما تقولها، فالعلاقات الي بتبقى متعبه بتكتر

ولما توصل لمرحله الارهاق بتخسر علاقات كتير، كتير جدا، لانك لو انطلقت بنفسك الحقيقيه محدش هيحبها، ومحدش هيقعدلها

والحقيقه لو خسرتك في فتره الارهاق دي مش هرجعك، انا هحاول اتخلص منك ومن كل الناس الي متعبه الي بتتعبني في حروبي لاني مش محتاج احارب كل نفس اتنفسه

بس انا فعلا مش قصدي اكون سيء ولا قصدي اخسرك

انا بس شخص سيء في دنيا سيئه بيحاول يكون كويس والمحاوله دي مرهقه جدا جدا

واتمنى انتهاء المعاناه قريبا بعمل صالح يتختم بيه

فانا بعتذر عن فتره الارهاق دي، ومش هعتذر عنها بالعدول عنها، بكتفي بالاعتذار ده وتقليل الحروب فيها

[mosttafaa7md]

أشعر بالخسارة

أقف في الشباك. أدخن سيجارة. الهواء بارد. يذكرني بالعام السابق. تغير كل شىء. أنظر للشباك وأتذكر حلم أمس.

نسهر في المكتب، نعمل لليوم التالي. أكره الشغل والمكان. في الصباح الكل يبدأ يومه ويدخل المكتب ونحن لم نخرج. يدخل المدير العام يسأل متى سنجتمع. يجيبه مديري. وأنا هموت من الارهاق. أتركهم وأمشي. أحاول فتح الباب. لا يفتح. يحبسوني في المكتب. كان هذا آخر يوم تكون علاقاتي بالشغل في المكان طيبة.

أحلم ببومة تقف أعلى الشباك. والشباك مفتوح. أحاول غلقه حتى لا تدخل. وكل مرة أغلقه أجدها في الداخل، أفتحه مرة ثانية وأحاول. ولا فائدة.

تدخل أمي، أتمنى ألا تكلمني عن نفس الموضوع مرة أخرى. عندما يشغلها شىء لا تتوقف عن القلق أبدا. تجر شنطة سفر، هذه هدية لك. جبت لأخوك وأختك وماجبتلكش. أشكرها وأجدها غريب��. شىء خارج السياق. لا أفكر كثيرا. اضعها خلف الباب.

تتغير الساعة. نراقبها، يراهن صاحبي أنها ستصل ١٢ وترجع ل١١ ويراهن آخر أنها ستصل ١ وترجع ل١٢. تصل ١٢ وترجع ساعة وترجع أنت معها خطوة للخلف.

خطوة أم أكثر؟

البومة دخلت

أحاول الخروج من المكان

لكن أحدهم قفل الباب

[azizyahiaa]

عارف احساس انك تعبان وتتعب أكتر من كتر ما انت حزين ؟ وفاهم انت حزين ليه بس مش فاهم ليه حزين قوي كدة؟

وتحس نَفَسك مقطوع كأنك بتجري طول الوقت وبتجاهد عشان تاخد نَفَس ومرهق ومش قادر تجري تاني بس جسمك بيجري لوحده؟

حاسس بالزعل ��لى نفسك وبالحسرة ان ماكانش مفروض دي تبقى حياتك .

وبتحاول تغيّب نفسك على قد ما تقدر عشان أول لحظة بتبتدي تفكر فيها في كل دة بتبتدي تترعب وكل دروع مقاومتك بتنهار وتدخل في panic مش عارف تخرج منه غير انك تغيّب نفسك تاني .

وهروبك من الفكرة الحتمية انك لازم ترجع تتعالج عشان تعرف تتعامل مع حياتك وتعرف تبتديها .

زهقان من الكلام رغم اني مابتكلمش .

ومليان بالغضب ، مش مستحمل حقيقي أي حد يغضب أو يتعصب عليا بأي شكل ، وبلاقي خلقي ضاق في نفس اللحظة والدم ضرب في دماغي واتعصبت وابتديت أزعق.

مؤخرا حصل شوية مواقف خليتني حاسس احاسيس متضاربة ومخنوق من اغلب الناس ومش عايز اتعامل معاهم خاصة جزء من اصحابي اللي كنت فاكر انهم فاهميني وعارفيني ، بس اكتشفت الحقيقة اللي كنت بهرب منها .. ان الدنيا كانت ماشية عشان انا اللي كنت ممشيها وبطنش وأعدي وأستحمل لكن لما اعترضت على حاجات بتضايقني وغضبت .. اكتشفت حاجات ماكنتش عايز اشوفها .

حقيقي ماعرفش الحياة مُعقدة وصعبة كدة ليه رغم انها في الأساس سهلة .

وليه الناس بيصعّبوا كل شيء .

كتير من الوقت كنت بحس اني ماكنتش أنفع للحياة ، الحياة أبشع من انها تستوعب نيّتي الكويسة اللي بحاول أثبتها طول الوقت ومابيكونش كفاية، ومن قلبي اللي بيظهر رحمة وتعاطف مع كل الناس وبيتفشخ أغلب الوقت .

وحتى من نفسي اللي بقوّمها وألومها طول الوقت عشان اكون أحسن وان أذايا يقف عند نفسي ومايطولش حد .

وكل دة في الأخر بيبقى مش كفاية ومطلوب مني أكتر .. حد متخيل الارهاق ؟

اقسم بالله انا نفسي مرة ابقى أناني زي باقي الناس وأفكر في نفسي وسعادتي وأحط نفسي أولوية

لكن مابعرفش أعمل كدة .. ودة ليه ؟

عشان قلبي الغبي اللي بيصدق في الناس وبيقول لسه عنده اكتر وبيدي أكتر .

وروحي اللي ماتنفعش مع الحياة .

أنا انسان فاشل بيحاول يكدّب انه فاشل في التعامل مع الحياة ولسه بيعافر .

لكن العفو عند الله .

[thabet0]

مساء الخير ، مطبق من امبارح الصبح وحرفيا مش شايف قدامي من كتر الارهاق والتعب

[bluer-than-the-atlaaantiiiic]

بقالي فتره طويله حاسه اني ديسكونكتد عن الحياه وعن الناس ومركزه بس مع الموبايل ويومي بيكون فاضي ، ده حسسني اني مش كويسه ومش عارفه افوق من سايكل اني باكل وبنام وبلعب على الموبايل بس وانا في العادي مبحبش ابعد عن الشارع وعن الناس والخروج فتره طويله لأن دي اكتر حاجه بتبسطني

لحد ما خدت قرار اقلل وقتي على السوشيال ميديا شويه واركز في الشغل، وامبارح خرجت من بدري وقعدت تقريبا ١٢ ساعه بره اليوم، كنت راجعه تعبانه بس كنت مبسوطه، قعدت بعد ما رجعت خلصت الشغل المتأخر عليا، وخلصته متأخر بعدها قومت جهزت الاكل بتاع غدا انهارده

بغض النظر عن الارهاق وان على اخر اليوم مكنتش قادره ادوس على رجلي وعايزه السرير هو اللي يجيلي، بس انهارده صاحيه حاسه طاقتي مشحونه واني عارفه اتنفس وقادره اتعامل مع الناس والمواقف بشكل كويس

السما والهوا والمشيّ والضحك والكلام في مواضيع مش مهمه والناس البسيطه اللي بشوفهم في الشارع ومناغشة عمو صاحب المطعم والصور الحلوه وتجربة حاجات جديده لأول مره "والُبعد عن الموبايل".

[dr-alifathi]

🔥معلومة اليوم : كاروشي🔥 كاروشي (باليابانية: 過労死) مصطلح ياباني يعني «الموت من الإرهاق»، يعبر عن الموت الفجائي بسكتة قلبية للموظفين الذين يعانون من ضغط العمل، أو من القلق الكبير،منذ سنة 1970 اعتبر الكاروشي مرض مهني في اليابان. FB Page #edaraworld #dralifathi #كاروشي #الموت #الارهاق #الاجهاد #العمل #الموظف #ضغط #القلق #مرض https://www.instagram.com/p/Cp92iTAso8O/?igshid=NGJjMDIxMWI=

[badr-world]

كنت قاعد اتكلم مع واحد صاحبي و بيكلمني عن طموحاته في الحياة الهادئة و كوباية شاي العصاري في البلكونة اللي فيها زرع و كتاب يقرأه قبل النوم و زيارة حد من الأهل كل اسبوع .. و أنه مبيعملش اي حاجة من دي لانه مستحيل لانه اصلا بيخلص شغل بالليل و يروح يادوبك يتلقح علي السرير و ينام و مفيش وقت يشوف أهله في نفس البيت و يقعد معاهم … صديقي بيقولى أنه هيعمل الكلام ده كله إن شاء الله لما يطلع معاش بقى.. فكرت شوية و قولت له معاش ايه ..قولت له احنا مش هنطلع معاش احنا جيل هيكمل حياة شغال لحد ما يقع من طوله من الارهاق و التعب و يموت .. الصورة قد تكون قاتمة إلي حد كبير ..لكنها بالضبط تكمله للواقع اللي احنا عايشين فيه و كل يوم بيختلف عن تجربة الجيل اللي قبلنا .. تطلع معاش ليه ..هو أنت كنت بتشتغل بطريقة آدمية زي ما كان هو بيشتغل ؟! كنت بتشتغل نفس ساعات عمل الجيل السابق ؟! بتأخد تأمين اجتماعي و طبي و دعم مباشر و غير مباشر زي ما كان هو بياخد؟! ما كل ده بيتسحب منك يوم بعد يوم … اسمعني هتحافظ علي اخر حته اللي هي المعاش التقاعدي المحترم اللي يكفيك .. ده إذا كنت محظوظ و شغال في مكان بيدفع تأميناتك ..و اذا كان ده حاصل .. التضخم الحالي و المستقبلي و رفع كل أنواع الدعم .. كل ده كفيل يخلي معاشك التقاعدي جوزين جنيهات !؟! غير الواقع الاجتماعي العالمي قرر أنه مفيش داعي الناس ترتاح اصلا .. خليهم شغالين .. فرنسا رفعت سن التقاعد السنة دي من 62 ل 64 و اليابان رفعت سن التقاعد من 61 ل 65 مصر رفعت سن المعاش بردو من 60 ل 65 ايطاليا سن المعاش فيها بقي 68 سنة و سويسرا 67 .. الخ انت بقيت مطالب تشتغل و تدفع تأمينات اكتر و تستمتع بمعاشك التقاعدي فترة أقل .. خليك شغال زي الطور في ساقية … كل امتيازات اللي الناس اخدتها و حاربت عليها علي مدار قرن من الزمان بتتبخر تماما .. و أن المعاش الجميل و حق الناس في الحصول علي راتب تقاعدي و راحة من الشغل اللى حصلت الشعوب لاول مره علي ايد أوتو فون بسمارك في المانيا في نهاية القرن التاسع عشر.. أصبح من الماضي .. المانيا نفسها بقي سن التقاعد فيها علي 67 و في منادة لان يكون السن 70.. قصدي ايه من الكلام المحبط ده … إن احلام الحياة الهادئة و الرغدة دي هتفضل احلام و أن احنا هنفضل طول عمرنا خيل حكومة بنشتغل بنشتغل بنشتغل .. فلو نفسك في يوم تقعد في البلكونة مع شريك حياتك .. زوغ من الشغل و اقعد دلوقتي و متأجلهاش لحد ال 65 أو ممكن تبقي 70 مع الوقت .. و لو عايز تزور حد ..زوره من دلوقتي ..إذا عرفت تضبط مواعيدك و مواعيده اصلا

[yousef312]

الانسان مرهق وغير قادر ع ايجاد حلول للهرب من الارهاق

واقع فريسة للحزن

[badboofellings]

الارهاق يقتلني والاحباط يستنزف روحي ،اتمنى الالم يختفي مرهقه

[mr-wolfenstein]

Act VII

Day 5 is a Mark Up. Our Royalty is Back.. Only Through Actions, We Can Improve ourselves.

My first Little Project is Done...

النهاردة و بنوم بالظبط 3 ساعات . و معاد الشغل بقي في معاد النوم. و معاد النوم بقي غير مستقر. واني حرفيا عيني بتؤلمني من قلة النوم. الا اني قررت ا Move Forward.

محدش هيوصل لشيء كويس غير لما يمر باقسي التجارب عشان يكون شيء مميز. وانا لو مميز في شيء. فانا اكتر شيء مميز فيه اني Disciplined و Committed.

النهاردة عملت اول Project صغنن كدا ودي البداية ان شاء الله. we'll move forward. ولسا الرحلة النهاردة اليوم الخامس. ولسا قدامنا سنة كاملة نوصل لل Target بتاعنا.

حاجة بسيطة بس انا راضي الحمد لله عن الاداء ده في 5 ايام بتعلم برمجة

مفيش راحة يا جماعة رغم التعب الجسدي ده كل اللي بمر فيه وحرفيا مفيش جزء من جسمي مش بيؤلمني من الارهاق. بس مفيش راحة غير ف القرب من ربنا. وانا مبسوط اني تخطيت كل المشاعر السيئة اللي كانت جوايا بسبب شخص ما بفضل الله.

لما تشتغل بنفسية كويسه غير كتير لما تشتغل بنفسية مش كويسة. الفكرة انك لازم تدور علي مصدر دوبامين لجسمك وانا حقيقي عندي المصدر الثابت اللي عمره ما هيتغير عليا ولا هيخذلني هو ربنا.

تاني شيء انك تاخد خطوة ده الشيء اللي هيديك Value قدام نفسك وهتعرف انك قادر تغير مصيرك مهما حصل عشان U can.

Who Knows, I'm just a Petroleum Engineer who's Expert in Data analysis and Quality Assurance and Building His way To Deutsch and Web Development.

My only Power source is Allah. and I need no one Else.

كان نفسي اجري النهاردة بس حقيقي My Battery Is About To Die...

Another Day Then.

To Be Continued

Mr. V